Жаңаөзен қаласында мемлекеттік қызметшілердің ант қабылдау рәсімі өттіЖаңаөзен қаласының әкімдігінде қала әкімі аппаратының басшысы Мекен Уйсеновтің төрағалығымен мемлекеттік қызметке алғаш қабылданған қызметшілердің ант қабылдау рәсімі өтті.Салтанатты жиынға Жаңаөзен қаласы әкімі аппаратының қызметкерлері, қалалық кәсіпкерлік және ауыл шаруашылығы, тұрғын үй-коммуналдық шаруашылық бөлімдерінің мемлекеттік қызметшілері қатысты.Рәсім барысында Мекен Уйсенов мемлекеттік қызметтің маңыздылығына тоқталып, ант қабылдау – мемлекеттік қызметшінің халық пен мемлекет алдындағы жауапкершілігін ресми түрде бекітетін маңызды қадам екенін атап өтті. Сондай-ақ ол жас қызметшілерге адалдық, әділдік, кәсібилік және заң талаптарын қатаң сақтау мемлекеттік қызметтің басты қағидаттары екенін жеткізді.Ант қабылдау рәсімінде Қазақстан Республикасының Мемлекеттік Әнұраны орындалып, мемлекеттік қызметке жаңадан қабылданған қызметшілер салтанатты түрде ант берді.Ақпарат көзі : https://www.gov.kz/memleket/entities/akimat-goroda-zhanaozen/press/news/details/1142950?lang=kk

Құрметті тұрғындар! Мектептерде жоспарланатын қылмыстар туралы жалған ақпарат жедел хабар алмасу қосымшалары арқылы таратылуда. Бұл қауесеттерге сенбеңіздер және расталмаған хабарламаларды жібермеңіздер. Полиция тергеу жүргізіп жатыр, барлық қауіпсіздік шаралары күшейтілді. Жағдай бақылауда. ❗ Алдағы қылмыстар туралы жалған ақпарат тарату 5 жылға дейін бас бостандығынан айырумен жазаланады. Сабыр сақтаңыз - тек ресми ақпаратқа сеніңіз.

Құрметті тұрғындар!Мессенджерлерде мектептерде қылмыс жасалуы мүмкін деген жалған ақпарат таралуда. Аталған хабарламалар шындыққа сәйкес келмейді. Мұндай қауесеттерге сенбеуді және тексерілмеген ақпаратты таратпауды сұраймыз.Қазіргі уақытта полиция тексеру жұмыстарын жүргізуде, барлық қауіпсіздік шаралары күшейтілді. Жағдай толық бақылауда.❗ Қылмыс жасауға дайындық туралы жалған ақпарат таратқаны үшін заңнамаға сәйкес 5 жылға дейін бас бостандығынан айыру жазасы көзделген.Сабыр сақтаңыздар және тек ресми ақпарат көздеріне ғана сеніңіздер.

Құқық саласындағы жаңашылдықтар тек азаматтардың күнделікті мәселелерін шешумен шектелмей, авторлар мен кәсіпкерлердің, тіпті борышкерлер мен өндіріп алушылардың да мүддесін қорғауға бағытталып отыр. Соның айқын дәлелі – авторлық құқық пен атқарушылық өндіріс салаларында іске асырылып жатқан жаңа цифрлық тетіктер.Авторлық құқықты қорғау бағытында ортақ цифрлық платформа іске қосылуда. Бұл жүйе арқылы шығармалардың қайда, қалай және қандай көлемде пайдаланылғаны, сондай-ақ авторларға төленген сыйақының нақты есебі жүргізіледі. Ең бастысы – төлемдердің әділ әрі ашық бөлінуі қамтамасыз етіледі. Егер автор немесе құқық иесі өз еңбегінің заңсыз пайдаланылғанын анықтаса, әділет органдарына шағымданып, тексеру жүргізілуіне бастама көтере алады.Зияткерлік меншік саласында Әділет департаменті өз құзыреті шегінде нақты жұмыстар атқаруда. 2025 жылы тауар таңбаларын заңсыз пайдалануға қатысты құқық иелерінің арыздары негізінде тексерулер жүргізіліп, 50 әкімшілік іс қозғалды. Сот шешімімен кінәлі тұлғаларға 5 669 944 теңге көлемінде айыппұл салынды. Сонымен қатар, заңсыз айналымнан жалпы құны 35 943 862 теңгені құрайтын 58 062 дана контрафактілік өнім алынып тасталды. Бұл көрсеткіш алдыңғы жылдармен салыстырғанда едәуір артқан. Алаңдатарлығы – жалған тауарлардың басым бөлігі тұрмыстық химия мен тағам өнімдері санатына жатады. Мамандар осыған байланысты тұтынушыларды күнделікті қолданатын тауарларды сатып алу кезінде аса мұқият болуға шақырады.Заңды күшіне енген сот актілерін орындау да – әділет саласындағы маңызды бағыттардың бірі. Қазіргі таңда Шымкент қаласында 7 мемлекеттік және 162 жеке сот орындаушы қызмет атқарады. Мыңдаған атқарушылық өндіріс орындалу сатысында тұрғандықтан, бұл салада да халық тарапынан сұрақтар мен шағымдар аз емес.Осы мәселелерді оңтайлы шешу үшін атқарушылық өндіріс саласына да цифрлық технологиялар кеңінен енгізілуде. Соның бірі – көпшілікке бұрыннан таныс «робот-сот орындаушы». Мемлекет пайдасына 20 АЕК-тен аз соманы өндіру бойынша істер автоматты түрде орындалады. Жүйе борышкерге хабарлама жолдап, есепшоттарына тыйым салады, ал қаражат болған жағдайда өндіріп алу автоматты түрде жүзеге асады. Бұл тетік борышкер үшін де тиімді, себебі жеке сот орындаушыға төленетін қосымша шығын үнемделеді.2025 жылы осы жүйе арқылы 31 225 іс аяқталып, 650 млн теңге автоматты түрде өндірілген. Бұдан бөлек, атқарушылық өндіріс тараптары үшін сот орындаушыға онлайн түрде жүгіну мүмкіндігі іске қосылды.Енді өндіріп алушы немесе борышкер aisoip.adilet.gov.kz сайтында тіркеліп, «Кабинет сторон» сервисі арқылы өз ісінің барысын толық бақылай алады. Сот орындаушының атқарған шаралары жасыл, ал орындалмаған әрекеттер қызыл түспен белгіленеді. Заң бойынша сот орындаушы өтінішке 5 күн ішінде жауап беруі тиіс. Жауап болмаған жағдайда арыз автоматты түрде жеке сот орындаушыларының өңірлік палатасына жолданады. Ал палата шешімімен келіспеген азамат шағымды республикалық палатаға немесе Әділет департаментіне жолдай алады.Бұл туралы бүгін, Шымкент Әділет департаментінің басшысы - Исабекова Айнұр Ақжігітқызы төмендегідей мәлімдеді. Толығырақ: https://www.youtube.com/live/jCazbGRG6pc?si=Qi4fFECRpVyjXoTm #РСКШЫМКЕНТ #БРИФИНГ

Страсбург, 2026 жылғы 16 қаңтар – ҚР Бас консулы Анель Бақытбекқызы Страсбург университеті Саяси зерттеулер институтының (Sciences Po) магистранттарына Қазақстан Президентінің жүргізіп отырған сыртқы саясаты мен халықаралық бастамалары жөнінде дәріс оқыды.Болашақ мемлекеттік қызметшілер мен құқық, экономика, тарих, теория және әлеуметтану салаларындағы халықаралық қатынастар мамандардан тұратын аудиторияға, Президент Қ.Тоқаев жүргізіп жатқан саяси реформалар мен жаңа экономикалық бағыт, Қазақстанның өңірлік және жаһандық саясаттағы қазіргі жағдайын жан-жақты талдау арқылы түсіндірілді.А.Бақытбекқызы жүргізіліп жатқан институционалды реформалар, мемлекеттік басқару жүйесін жаңғырту және бірпалаталы парламентке өтуге бағытталған жоспарланған парламенттік реформа жөнінде, сондай-ақ оның кең қоғамдық диалог пен өткізілетін референдум негізінде жүзеге асырылатынын баяндады.Дәріс барысында Қазақстанның «орта держава» ретінде көпвекторлы бағыты, халықаралық қауіпсіздікке қосқан үлесі, ядролық қарудан бас тарту және таратпау бастамалары, БҰҰ аясындағы бітімгершілігі, халықаралық қақтығыстарды шешуге бағытталған тәртіптеу күш-жігері және халықаралық әрі өңірлік ұйымдардағы белсенді қатысуы аталып өтті. Сонымен қатар, Қазақстанның Қытай, Ресей, АҚШ және ЕО елдерімен екіжақты және көпжақты өзара іс-қимылы туралы жан-жақты ақпарат берілді.Дәрістің жеке бөлімі Қазақстан Республикасының әлеуметтік-экономикалық дамуына арналды. Онда макроэкономикалық өсім, экономиканы әртараптандыру, инвестициялық жағдай және цифрлық технологияларды дамыту жөніндегі қазіргі деректері ұсынылды. Қазақстанның шикізат экспортына тәуелділікті азайту, логистика, өнеркәсіп, агроөнеркәсіптік кешен және «жасыл» экономиканы дамытуға бағытталған күш-жігері ерекше атап өтілді.А.Бақытбекқызы дәріске қатысушыларды Мемлекет басшысының 5 қаңтардағы «Түркістан» газетіне берген сұхбатындағы негізгі тезистерімен, сондай-ақ 2026 жылды Қазақстанда «Цифрландыру және жасанды интеллект жылы» деп жариялауымен таныстырып, жасанды интеллектті дамытудағы стратегиялық басымдықтар туралы толыққанды ақпарат берді.Дәріс барысында Қазақстанның Франция және ЕО елдерімен қатынастарына шолу жасалды. Қазақстан-Франция стратегиялық серіктестігінің маңыздылығы, саяси диалогтың динамикасы, сауда және инвестициялық ынтымақтастықтың өсуі, гуманитарлық, мәдени және білім беру саласындағы байланыстар дамуы аталып өтті. Қазақстан-ЕО кеңейтілген серіктестік және ынтымақтастық келісімінің маңызы және ЕО-Орталық Азия алғашқы саммитінің нәтижелері ерекше белгіленді.Тәуелсіздіктің 35-жылдығында Бас консул Қазақстанның ұлттық бейнесін, соның ішінде географиялық орналасуын, әкімшілік-аумақтық құрылымын, демографиялық ерекшеліктерін, этноконфессиялық әртүрлілігін және әлеуметтік төзімділік қағидаттарын атап өтті. Әлемдегі ең ірі теңізге шығуы жоқ мемлекет ретінде Қазақстан, Еуразия көлік, энергетика және цифрлық байланысты қамтамасыз етуде елеулі үлес қосатыны айтылды.Жалпылай, дәріс тыңдаушылар арасында қызығушылық тудырып, белсенді сұрақ-жауап сессиясымен жалғасты.Sciences Po – Франциядағы ең ежелгі саяси зерттеулер институты, оның түлектері мемлекеттік қызметшілер, саясаткерлер, дипломаттар, әскери және банкирлер болып табылады. Институт Франциядағы ірі мемлекеттік қызмет мектептері және мемлекеттік серіктестермен (Франция Банкі, Әскери комиссариат және т.б.) серіктестік қарым-қатынастардың бастамашы болып келеді.Ақпарат көзі : https://www.gov.kz/memleket/entities/mfa-strasbourg/press/news/details/1142943?lang=kk

 Қызметтік әдеп мәселелері бойынша семинарӘдеп жөніндегі уәкіл аумақтық мемлекеттік кірістер басқармалары мен Департамент қызметкерлеріне арналған семинар өткізді.Семинар барысында мемлекеттік қызметшілердің қызметтік әдеп нормалары, мінез-құлқына қойылатын талаптар және күнделікті қызметте кездесетін практикалық жағдайлар жан-жақты түсіндірілді. Семинар аясында келесі мәселелер қаралды: Мемлекеттік қызметшілердің Әдеп кодексінің талаптарын сақтау Қызметтік мінез-құлық пен іскерлік әдеп қағидалары Мүдделер қақтығысының алдын алу және оны реттеу тәртібі Сыбайлас жемқорлыққа қарсы шектеулер мен тыйымдар Әдеп нормаларын бұзғаны үшін жауапкершілік Салық төлеушілермен дұрыс әрі сыпайы қарым-қатынас жасау Қызметтік тәртіпті сақтау және заңдылық қағидаттарын орындау Қызметтік және қызметтен тыс уақыттағы мінез-құлық мәдениеті, сыртқы келбет Қызметтік ақпаратты пайдалану және оны жария етпеу талаптары Әдеп жөніндегі уәкілдің рөлі және кеңес алу тәртібі Семинарға қатысушылар өздерін қызықтырған сұрақтарға жауап алып, қызметтік әдеп талаптарын сақтау бойынша нақты түсіндірмелер алды.Мұндай іс-шаралар ашықтықты, адалдықты және кәсібилікті нығайтуға, азаматтардың мемлекеттік қызметке деген сенімін арттыруға ықпал етеді.#ҚызметтікӘдеп #ӘдепЖөніндегіУәкіл #МемлекеттікҚызмет #СыбайласЖемқорлыққаҚарсы #УГД #ДГДАқпарат көзі : https://www.gov.kz/memleket/entities/kgd-kostanay/press/news/details/1142916?lang=kk

2026 жылғы 16 қаңтарда Елшіліктің бастамасымен Қазақстан Республикасының Қасиетті Тақ жанындағы Төтенше және Өкілетті Елшісі Тимур Пірімбетовтің Қасиетті Тақтың Дінаралық диалог жөніндегі Дикастериясының Префектісі кардинал Джордж Джейкоб Кувакадпен кездесуі өтті.Достық әрі сенімді сұхбат барысында тараптар екіжақты ынтымақтастықтың өзекті тақырыптарын, сондай-ақ халықаралық алаңдардағы өзара іс-қимылды талқылады.Бұл тұрғыда дінаралық және конфессияаралық диалогты ілгерілету бағытындағы бірлескен күш-жігерді үйлестіру мәселелеріне ерекше назар аударылды.Осы орайда Т.Пірімбетов сұхбаттасушыны 2026 жылға жоспарланған Әлемдік және дәстүрлі діндер лидерлері Съезі шеңберіндегі іс-шаралар туралы хабардар етті.Тараптар ағымдағы жылы Қазақстан астанасында екінші қазақстан-ватикандық Коллоквиумды өткізуге жоғары қызығушылық танытып, ұйымдастырушылық мәселелерді жақын арада пысықтауға келісті.Кездесу соңында тараптар екіжақты өзара әрекеттестіктің барлық бағыттары бойынша тұрақты байланыстар мен пікір алмасуды жалғастыруға уағдаласты.Ақпарат көзі : https://www.gov.kz/memleket/entities/mfa-vatican/press/news/details/1142919?lang=kk

Торайғыров университетінде Павлодар облысы бойынша Мемлекеттік кірістер департаментінің ынтымақтастық туралы меморандум аясында оқу кабинеті базасында профессор-оқытушылар құрамы үшін семинар өтті.Іс-шараның негізгі мақсаты 2026 жылғы 1 қаңтардан бастап күшіне енген жаңа Салық кодексінің негізгі ережелерін түсіндіру болды.Семинар барысында Департамент мамандары қатысушыларды Салық кодексінің негізгі өзгерістерімен, оларды қолдану тәртібімен, сондай-ақ жеке және заңды тұлғаларға салық салудың өзекті мәселелерімен егжей-тегжейлі таныстырды."Жаңа" арнайы салық режимідеріне көшуге ерекше назар аударылды.Өндірістік емес төлемдер басқармасының басшысы Арман Уәлиев атап өткендей, 2025 жылғы 18 шілдеде бекітілген жаңа Салық кодексінің 840-бабына сәйкес қазіргі уақытта арнайы салық режимдерін пайдаланатын және жеңілдетілген декларацияның "жаңа" режиміне көшуді жоспарлап отырған салық төлеушілер салық режиміне ауысу туралы хабарламаны 2026 жылғы 28 ақпаннан кешіктірмей беруі тиіс, әйтпесе олар жалпы белгіленген салық салу режиміне ауыстырылатын болады.Кездесу ашық диалог форматында өтті. Қатысушылардың барлық сұрақтарына түсініктемелер берілді, семинар қорытындысы бойынша қатысушыларға сертификаттар табысталды.Павлодар облысы бойынша МКД түсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-pavlodar/press/news/details/1142928?lang=kk

Облыстыққұрылыс,сәулетжәне қала құрылысы,мемлекеттіксәулет-құрылысбақылауы басқармаларында "АДАЛДОСПревенция"ҚБбасшысыА.БайлинменӘдепжөніндегі уәкіл Қ. Сюндиковтың қатысуыменсеминар-кеңесөтті.ҚазақстанРеспубликасыныңзаңнамасынжәнеҚазақстанРеспубликасымемлекеттікқызметшілерініңӘдепкодексініңнормаларын сақтау, құқық бұзушылықтардың,тәртіптік теріс қылықтардыңалдын алу, "Адалазамат"тұжырымдамасын іске асыру,заңсызойынбизнесіменлудоманияға қарсы іс-қимыл, "Заңжәнетәртіп"тұжырымдамасы, зайырлымемлекетқағидаттарынсақтаумәселелеріқаралды.Әдепжөніндегі уәкіл қызметшілердіңназарынкәсібилікпен клиентке бағдарланудыарттыруға аударды.Облыстыққұрылыспрактикасыныңкейстеріқаралды:«БЕРЕКЕ шағын ауданындағымектепқұрылысы»,НазарбаевдаңғылыменТолстой көшесі бойындағы облысорталығыныңнысандары. 2025жылыБейімбетМайлинаудандықмәслихатдепутаттарықатысуымен сыбайлас жемқорлық құқық бұзушылықжөніндегісоттыңшешімі шықты.А.Байлинқоғамдықмониторингжүргізуарқылымемлекеттікоргандарменквазимемлекеттіксекторда, мемлекеттік сатып алу саласындасыбайласжемқорлықтың алдын алу бойынша қоғамдықбірлестіктіңжүргізіп жатқан жұмысытуралыхабардар етті.Олсондай-ақ қызметкерлердіңқылмыстықжауапкершіліккеәкелетінқателікжібермеуіненазараударды.Қазақстан сыбайлас жемқорлықтықабылдауиндексіндегіөзпозициясынжақсартты, әлемнің180еліарасында88-орынғажетті.Осыған "Қоғамдықбақылаутуралы"Заңныңқабылдануыдаықпал етті.Мемлекеттік секторда сыбайлас жемқорлыққа қарсы іс-қимыл бойынша шаралар қабылдануда. 2025 жылы Қостанай облысында сыбайлас жемқорлық фактісі бойынша жергілікті атқарушы органның бір лауазымды адамы, 2 полиция қызметкері, Рудный қаласының прокуроры, 2 аудандық мәслихаттың депутаты, орталық мемлекеттік органдардың аумақтық бөлімшелерінің 5 қызметкері (ҚР АШМ шекаралық фитосанитариялық және ветеринариялық бақылау және қадағалау), квазимемлекеттік сектор – 6 адам ("Қарабалық ауыл шаруашылығы станциясы " ЖШС – 4 адам,, орман шаруашылығы – 2 адам).Семинар қорытындысы бойынша қызметшілерге ұсыныстар беріліп, ақпараттық буклеттер таратылды. Әдеп жөніндегі уәкіл Қ. Сюндиков "Қостанай облысы әкімінің аппараты"ММ.Ақпарат көзі : https://www.gov.kz/memleket/entities/kostanay/press/news/details/1142934?lang=kk

2026 жылғы 19 қаңтардан бастап жеке сектор мен тұрғын аудандардағы тұтынушыларға жоспарлы электр қуатын ажырату жұмыстары жүргізіледі. Өзіңізге қажетті сақтық шараларын алдын ала қабылдауды сұраймыз.Ажырату кестесі2026 жылғы 19 қаңтар10:00–17:00 (КТП-Кенжигулов): ИП Кенжигулов, Қарбышев көшесі 210:00–13:00 (КТП-ЖД №1): «Гелиос» ЖҚС, Дощанов көшесі10:00–13:00 (ТП-696): «Гелиос №2» ЖҚС, СТО, ТТС, «Инструмент» дүкені, «Таир» дәмханасы, №14 ЖҚС2026 жылғы 20 қаңтар10:00–17:00 (КТП-Дуйсебаева): ИП Дуйсебаева, Лермонтов көшесі 28/214:00–17:00 (Амангельды кенті): «Колокольчик», «Жанар», «Феникс», «Новинка» дүкендері, ТТС базасы, ИП УмирбаевЖеке сектор: К. Маркс, Дружба, Рудненская, Мира, Тепличная, Парковая, Ленина, Набережная, Гоголь, Целинная көшелері2026 жылғы 20–21 қаңтар10:00–18:00 (ТП-141): «Эталон №6», «Майами» саунасы, агрохимлаборатория, «Промбаза 7»Тұрғын сектор: Хакимжанова көшесі 118Жеке сектор: Рудненская, Хакимжанова, Соколовская, Комарова, Джангильдина, Панфилова, Беды, Садовая, Сералина, Летунова көшелері2026 жылғы 21 қаңтар10:00–17:00 (ТП-131): «Бахыт» дүкені, Маяковского көшесі 120 (тұрғын сектор)10:00–18:00 (ТП-604): «Элитный бочонок», 5 мкр. дәмхана, «Агроэкспорт КЗ», ИП Казбекова, ЖҚС «Жастар»Тұрғын сектор: 5 мкр. үйлері 7, 7а, 7б, 8, 9, 102026 жылғы 22 қаңтар10:00–18:00 (КТП-Мальков): жеке сектор: Абай даңғылы 1/57–1/93, 3/53–3/6310:00–18:00 (ТП-044): жеке сектор: Совхозная, 2-Совхозная, Каирбекова көшесі 370/3–370/510:00–18:00 (РП-1): ИП Сапбеков, ИП Сейтенов, ИП Ахчин Г, ИП Ахметова, «Лента» дүкені, «Сара КЗ» құрылысы2026 жылғы 23 қаңтар10:00–19:00 (РП-23): ИП Савченко, Узкоколейная көшесі10:00–14:00 (ТП-Пионерлюкс): ИП Гареев, «Анай», «ВАН» дүкендері, ИП Пупырева, ИП Галисултанова, ИП Банников, «Компани ДОСТ», «Рыбная лавка»Ескерту: Ажырату уақыттары шамалы түрде көрсетілген. Жұмыстың барысына байланысты өзгерістер болуы мүмкін.Ақпарат көзі : https://www.gov.kz/memleket/entities/kostanai-kalasy-akimat/press/news/details/1142863?lang=kk

Абу Даби, 2026 жылғы 16 қаңтар – Қазақстанның Біріккен Араб Әмірліктеріндегі Елшісі Р.Жұмабек БАӘ Ұлттық кітапханасы және архивтерінің Бас директоры Абдалла Мажид Әл Алимен кездесті.Әңгімелесу барысында Қазақстан дипломаты екі мемлекеттің кітапханалары мен архивтері арасындағы ынтымақтастықты жандандыру мәселелеріне назар аударып, бұған дейін қол жеткізілген уағдаластықтарды сапалы іске асырудың маңыздылығын айтты.Бұдан бөлек, мәдени-гуманитарлық саладағы ынтымақтастықты дамыту мақсатында бірлескен іс-шаралар өткізу мүмкіндігі талқыланды. Осы ретте, Әмірліктер тарапы ҚР мен БАӘ кітапханалары арасында елдердің мәдени, әдеби бұрыштарын ашу, екі мемлекеттің архивтерінде сақталған Ислам дініне қатысты көне қолжазбалар мен кітаптарды цифрландыру, сондай-ақ, саясат, экономика, әдебиет және салт-дәстүр жөніндегі таңдамалы кітаптарды араб және қазақ тілдеріне аудару бағытында бірлескен жобаларды жүзеге асыруға дайындығын мәлімдеді.Кездесу соңында Қазақстан Елшісі 2026 жылғы 8-12 маусымда Астана қаласында «Digital Archive EXPO» тақырыбында өтетін архившілердің III халықаралық конгресіне шақыруды табыс етті. Өз кезегінде Бас директор Абдалла Мажид Әл Али аталған іс-шараға қатысатынын растады.Ақпарат көзі : https://www.gov.kz/memleket/entities/mfa-abudhabi/press/news/details/1142803?lang=kk

Қазақ халқының батыр ұлдары 13 қаңтар күні Федоров аудандық орталық кітапханасының кітапханашысы Ы.Алтынсарин атындағы ЖББМ-тің оқушылары үшін «Қазақ халқының батыр ұлдары» атты тарих сағатын өткізді.Іс-шара жоңғар шапқыншыларына  қарсы күресте ерлік көрсеткен Наурызбай батырдың туғанына 320 жыл толуына арналды.Оқушылар батырдың өмірі мен ерліктері туралы мағлұмат алып, «Қазақ батырлары» тақырыптық сөре материалдарымен танысты және «Батыр  жолы» атты викторинаға қатысты. Тарих сағаты тақырыптық презентациямен сүйемелденді.Ақпарат көзі : https://www.gov.kz/memleket/entities/kostanay-fedorov/press/news/details/1142795?lang=kk

      2026 жылғы 5 қаңтарда, Инчхон қ. (Корея Республикасы) – ҚР Қаржы министрлігі Мемлекеттік кірістер комитетінің Корея Республикасындағы өкілі Бибарыс Шапетов Инчхон әуежайы кеденінің директоры Пак Хон мырзамен жұмыс кездесуіне қатысты.     Инчхон халықаралық әуежайы Корея Республикасының ең ірі әуе қақпасы әрі Азиядағы негізгі авиациялық тораптардың бірі болып табылады. 2025 жылы жолаушылар ағыны 74 071 475 адамды (тәулігіне орта есеппен 202 935 адам) құрады, бұл өткен жылмен салыстырғанда 4%-ға көп.      Кездесу барысында тараптар жолаушылар ағыны жоғары жағдайында кедендік бақылаудың өзекті мәселелерін, оның ішінде рәсімдердің тиімділігін арттыру, тәуекелге негізделген бақылауды қолдану, сондай-ақ кедендік операцияларды жеделдету және жеңілдету үшін цифрлық шешімдер мен заманауи технологияларды пайдалану мәселелерін талқылады.      Есірткі құралдарының заңсыз айналымына қарсы іс-қимыл тақырыбына ерекше назар аударылды. Пак мырза әуежай кеденінің негізгі басымдықтарының бірі – есірткі заттарын елге кіргізу әрекеттерінің жолын кесу екенін атап өтті. Осы орайда ол 2025 жылғы қаңтар–қыркүйек айлары аралығында Инчхон әуежайында есірткі әкелуге әрекет жасауға байланысты 303 жағдай анықталғанын айтты.      Сапар аясында ҚР ҚМ МКК өкілі жолаушылар терминалындағы кеден бөлімшелерінің жұмысын, соның ішінде халықаралық келу және кету аймақтарындағы бақылаудың жалпы логикасын, сондай-ақ адал жолаушылар үшін қолайлылық пен қауіпсіздік талаптары арасындағы теңгерімді қамтамасыз етуге бағытталған тәжірибелерді танысып шықты.Ақпарат көзі : https://www.gov.kz/memleket/entities/kgd/press/news/details/1142726?lang=kk

Астана, 2026 жылғы 16 қаңтар – Қазақстан Республикасының Сыртқы істер министрі Ермек Көшербаев пен Таиланд Корольдігінің Сыртқы істер министрі Сихасак Пуангкеткео арасында телефон арқылы сөйлесу өтті.Сұхбат барысында сыртқы саяси ведомстволардың басшылары Қазақстан-Таиланд қатынастарының үдемелі даму қарқынын жоғары бағалап, екіжақты ынтымақтастықтың қазіргі ахуалы мен саяси, сауда-экономикалық және мәдени-гуманитарлық салалардағы перспективаларын талқылады.Тараптар саяси диалогты кеңейтуге, сауда және инвестициялар, өңдеу өнеркәсібі, көлік және логистика, цифрлық даму, туризм салаларындағы және өзге де басым бағыттардағы өзара әрекеттестікті тереңдетуге одан әрі қолдау көрсетуге дайындықтарын білдірді.Сонымен қатар министрлер өңірлік және халықаралық күн тәртібіндегі өзекті мәселелер бойынша пікір алмасып, өзара қызығушылық тудыратын мәселелер бойынша ұстанымдарды одан әрі үйлестіру мақсатында тұрақты жұмыс байланыстарын қолдауға уағдаласты.Ақпарат көзі : https://www.gov.kz/memleket/entities/mfa/press/news/details/1142739?lang=kk

Астана қаласының қоғамдық тәртібі мен тыныштығын күзеткен ҚР ІІМ Ұлттық ұланының 5573 әскери бөліміне Мәжіліс депутаттары арнайы келді. Делегация құрамында Мәжілістің Халықаралық істер, қорғаныс және қауіпсіздік комитетінің мүшелері депутаттар Дәулет Тұрлыханов, Болат Керімбек және Ардақ Назаров болды. Іс-шараға АМANAT партиясының Астана қалалық филиалының қызметкерлері мен жергілікті атқарушы орган өкілдері де қатысты. Әскери бөлімнің командирі полковник Жандар Әшірбеков құрметті қонақтарды бригаданың атқаратын қызметі, міндеттері және инфрақұрылымдық жағдайымен таныстырды. Депутаттар назарына қолданыстағы әскери техникалар мен қару-жарақ көрмелері көрсетілді. Сондай-ақ командир сарбаздардың 2025 жылы жауынгерлік қызмет барысында қол жеткізген нәтижелері жайында баяндады.Халық қалаулылары сарбаздардың әскери киіммен қамтылу деңгейіне және сапасына баса назар аударды. Жеке құраммен кездесуде депутаттар Парламент қабырғасында қолға алған заң жобалары жайлы айтты.- Былтыр әскери қызметшілерге қатысты бірнеше заң жобасын қарастырдық. Мысалы, мектептегі Алғашқы әскери дайындық пәнін күшейтуге ден қойылды. Бұл әскерге баратын жастардың қызығушылығын арттыруды көздейді. Сондай-ақ екі жылдан бері жауынгерлер арасында өзін көрсете білген сарбаздарға Білім министрлігі арқылы жылына 3 мыңға жуық оқу гранты беріліп келеді. Бұдан бөлек банк алдында берешегі бар әскерге шақырылушылар қызметі аяқталғанша несие төлеуді тоқтата алады, - деді депутат Болат Керімбек.Сонымен қатар депутаттар әскери қызметшілердің талап-тілектеріне құлақ асып, алдағы жоспарларымен бөлісті.Кездесуге Алматыдан әнші Медеу Арынбаев арнайы келді. Ол депутаттардың ұсынысымен әскери қызметшілерге патриоттық тақырыптағы әндерін орындап берді.Айта кетейік, өткен жылы 5573 әскери бөлімінің сарбаздары жауынгерлік қызмет барысында елорда көшелерінен есірткіге қатысы бар 56 адамды, денсаулыққа қасақана зиян тигізген 1 азаматты ұстады және 3 ұрлық фактісін анықтады. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1142643?lang=kk

Қазақстан Республикасы Президентінің тапсырмаларына сәйкес және Үкіметтің жоспарлы жұмысы шеңберінде 2025 жылы Алматы облысын дамыту халықтың әл-ауқатын арттыруға және өңірдің экономикалық әлеуетін нығайтуға бағытталды. Жұмыс орындарын құруға және инфрақұрылымды кешенді жаңғыртуға, ең алдымен облыс тұрғындарының 80%-дан астамы тұратын ауылдық жерлерде баса назар аударылды.Жыл қорытындысы бойынша өңір экономикасының нақты көлем индексі 110,6%-ды құрады, бұл барлық негізгі салалар бойынша тұрақты өсім барын көрсетеді.Алатау қаласы және индустрия саласындағы көшбасшылықМемлекет басшысы белгілеп берген стратегиялық міндеттердің бірі – жаңа Алатау қаласын халықаралық индустриялық және іскерлік хаб ретінде дамыту. Бұл жобаны жүзеге асыру бүкіл облыстың өнеркәсіптік әлеуетін дамытуға қуатты серпін береді.2025 жылдың қорытындысы бойынша өңірде өнеркәсіп өндірісінің көлемі 10,1%-ға өсіп, 2,6 трлн теңгеге жетті. Алматы облысы азық-түлік өндірісі бойынша елімізде бірінші орынға берік орныққан. Экономиканың шикізаттық емес секторы да қатар дамып келеді.Жылдың маңызды жобаларының қатарында Galanz Bottlers компаниясының өндіріс ауқымын кеңейту, сондай-ақ Қарасай ауданында алюминий радиаторларын шығаратын «SL Group» ЖШС зауытын іске қосу оқиғалары бар. Жобаға салынған инвестициялар 7,3 млрд теңгені құрады, 100 тұрақты жұмыс орны құрылып, өнімнің импортын алмастыруға қол жеткізілді.Алматы облысы әкімінің орынбасары Рустам Исатаев атап өткендей, Алатау қаласында 32 негізгі инвестициялық жобадан тұратын пул құрылған.Бекітілген даму тұжырымдамасына сәйкес олардың 25-і төрт кластерге бөлінген: өндірістік-тамақ, логистикалық, туристік, сондай-ақ академиялық және фармацевтикалық. Ауқымды фармацевтикалық кластер құру үшін Hanteng BioPharma халықаралық конгломератына жер телімін бөлу стратегиялық маңызды қадам болды.Агроөнеркәсіп кешені – экономиканың іргетасыАгроөнеркәсіп кешені экономиканың негізгі секторы және облыстың ірі жұмыс берушісі болып қалып отыр. Оның тиімділігі рекордтық көрсеткіштерге жетті: бюджеттік субсидиялардың әрбір теңгесіне 17 теңге жалпы өнім өндірілді.Ауыл шаруашылығының жалпы өнім көлемі 798,4 млрд теңгені құрады. Өңір елімізде балмұздақ өндірісі бойынша көш бастап тұр (республикалық көлемнің 63%-ы), сондай-ақ сусындар, жүгері және алма шығару бойынша жетекші орындарға ие.2025 жылы агроөнеркәсіп кешеніне 148 млрд теңге инвестиция тартылды. Қазіргі заманғы агротехнологиялар қарқынды енгізілуде: суды үнемдейтін суармалы жер көлемі 3,3 есеге ұлғайып, 66 мың гектардан асты. Бұл аймақтың жүгері, алма және соя өсірудегі көшбасшы орынын сақтап қалуға мүмкіндік беріп отыр.Алматы облысы еліміздегі құс еті өндірісінің жалпы көлемінің 28,7%-ын қамтамасыз етеді және ет өндіру бойынша республикада екінші орында тұр – 133,9 мың тонна.Қосылған құны жоғары және өсу әлеуеті зор жобаларАлматы облысында жүзеге асырылып жатқан жобалар кешені өңір экономикасын дамытудың тұтас тетігі ретінде қалыптасқан: бұл аймақты шикізатқа тәуелді модельден өңдеуші экономикаға көшіруге, экспортты ұлғайтуға, импортқа тәуелділікті азайтуға және қала мен ауылдық жерлерде жаңа жұмыс орындарын ашуға бағытталған.Облыста 9 сүт өңдеу кәсіпорны жұмыс істейді. Онда дайын өнім өндіру көлемі 9,3%-ға өсіп, 241 мың тоннаға жетті, сауылған сүт көлемі – 313 мың тонна (+7,9%),  ал экспорт – 31,8 мың тонна (+15,7%).Қосылған құны жоғары тауарлар сегменті қарқынды дамып келеді. Бұл бағытта «Дәулет-Бекет» ЖШС (түйе сүтінен жасалатын өнімдер) және «NEO Milk» ЖШС (балаларға арналған және арнайы тағам өнімдері) сияқты кәсіпорындар табысты жұмыс істеп отыр. Аталған өндірістер фермерлерге тұрақты өткізу нарығын қамтамасыз етсе, халыққа сапалы өнім ұсынады, ал ел үшін экспорт көлемін арттырып, валюталық түсім әкеледі.Өңір еліміздегі жүгері егіс алқаптарының 28%-ын қамтиды (49 мың гектар). Жалпы өнім көлемі – 347 мың тонна. Қазіргі таңда оның 20%-ы өңделеді, алайда «Азия Агро Фуд» ЖШС, «Көк Теңіз» ЖШС, «Qaz Eco Dan» ЖШС және Harvest Agro Holding жобаларының іске асырылуы нәтижесінде бұл көрсеткіш 67%-ға дейін өсіп келеді. Бұл крахмал, сироптар, сондай-ақ тамақ және фармацевтика өнеркәсібіне арналған ингредиенттердің экспорттық әлеуетін айтарлықтай күшейтеді. Крахмал экспорты қазірдің өзінде 34,1%-ға артып, 27,3 мың тоннаға жетті.Жеміс өндіру көлемі бойынша облыс елде 2-орында тұр — 97 мың тонна. Өңдеумен «Fruit Art» ЖШС (сублимация) және «Агрофирма «Керуен» ЖШС (алма, шырындар, консервілеу) айналысады. Қуаттылығы 80 мың тонна болатын «QAZAQ Global Food JV» ЖШС зауыты салынуда. 2028 жылға қарай өңдеу көлемі 37 мың тоннадан 54 мың тоннаға дейін артады. Бұл өнім шығынын азайтып, бағаны тұрақтандыруға және өнімді жыл бойы экспорттауға мүмкіндік береді.Облыс елдегі құс еті өндірісінің 28%-ын қамтамасыз етеді. Жалпы өндіріс көлемі 133,8 мың тонна, экспорт – 11,9 мың тонна ($16,6 млн). «Прима Құс» ЖШС өндіріс қуатын 105 мың тоннаға дейін ұлғайтып, импортқа тәуелділікті азайтуға және жаңа жұмыс орындарын құруға ықпал етеді.«Балық мектебі» орталығы жұмыс істеп тұр, жалпы құны 2,3 млрд теңге болатын 6 жоба іске қосылды. Тауарлы балық өндірісі 16%-ға, экспорт көлемі 27%-ға артты. Балық өнімі Дания, Нидерланд және Польшаға экспортталады.«Айдарбаев» ШҚ және «Asia Pets» ЖШС балыққа және үй жануарларына арналған жем өндіреді. Жалпы облыс бойынша 423,8 мың тонна жем өндіріліп, соның 187 мың тоннасы экспортталды ($39,9 млн).Жалпы құны 12 млрд теңге «Қапшағай Бидай Өнімдері» ЖШС жобасының іске қосылуы 150-ден астам жұмыс орнын құрып, өсімдік майы, ұн және құрама жем өнімдерін экспорттауға мүмкіндік берді.Бұл жобалардың барлығы өзара тығыз байланысты: егіс алқаптары мен фермалар өңдеумен қамтылады, зауыттарға  – шикізат, халыққа – жұмыс орындары мен сапалы өнім, ал мемлекетке  – экспорт пен салық түсімі.Осылайша, Алматы облысы ауыл шаруашылығының азық-түлік қауіпсіздігін қамтамасыз етуге, экономикалық өсімді жеделдетуге және Қазақстанның әлемдік нарықтағы позициясын нығайтуға бағытталған заманауи индустрияға айналып жатқанын көрсетіп отыр.Өнімді қайта өңдеу саласындағы жетекші позицияларЖалпы облыстың тамақ өнеркәсібінде 504 млрд теңгеге дайын өнім өндірілді. 2025 жылы аймақ өз көрсеткіштерін дәйекті түрде жақсарта отырып, жетекші орынға шықты. 2023 жылы облыс 11% үлесіпен екінші орынды, 2024 жылы да 12,7% үлеспен екінші орынды, ал 2025 жылдың қорытындысы бойынша 13% үлеспен бірінші орынды иеленді.Бұдан басқа, Алматы облысы Қазақстанда балмұздақ жасау бойынша көш бастап тұр – 63%: ел бойынша жалпы көлемі 61 мың тонна болса, оның 38 мың тоннасы осы өңірден шығады. Бұл ретте таяу және алыс шет елдермен сыртқы сауда айналымында оң сальдо қалыптасып отыр. Мәселен, республика бойынша балмұздақ экспорты 11,5 мың тонна болса, импорт 13,2 мың тонна құрайды, ал Алматы облысы бойынша экспорт 12,9 мың тонна, импорт – 167 тонна.Өңір сонымен қатар көкөніс шырындарын өндіру бойынша да жетекші орынға ие, бұл – ел бойынша көрсеткіш: 3,8 мың тоннаның 55%-ы немесе 2,1 мың тоннасы.Тамақ өнеркәсібі үшін маңызды оқиға: 2026 жылғы наурызда PepsiCo компаниясы зауытының іске қосылуы, сол кезде Lay's чипстерінің бірінші партиясы шығарылатын болады. Жоба бойынша Алматы, Павлодар және солтүстік облыстардың фермерлерімен терең кооперация жасау қарастырылған. Үш жыл ішінде арнайы картопты жеткізуді толықтай оқшаулау жоспарлануда, бұл бүкіл аграрлық сектор үшін елеулі мультипликативті әсер бермек.Инфрақұрылым мен тұрғын үй құрылысына инвестиция тарту Өнеркәсіптің қарқынды дамуы ауқымды құрылыс жұмыстарымен қатар жүріп жатыр. Өңірдің негізгі капиталына салынған инвестиция көлемі 29,4%-ға артып, 1,3 трлн теңгеден асты. Қаражаттың едәуір бөлігі тұрғын үй құрылысы мен жол инфрақұрылымын дамытуға бағытталды.Жыл ішінде 1 млн шаршы метрден астам тұрғын үй пайдалануға берілді, бұл алдыңғы кезеңмен салыстырғанда 10,2%-ға көп. Құрылыс жұмыстарының көлемі 18,4%-ға артты.Алматы агломерациясын дамыту аясында ҮАААЖ-ға дейін тартылатын алты радиалды автомобиль жолының құрылысы жүргізілуде, олар кейіннен Алматы қаласының қарамағына беріледі.«Алматы – Бішкек» автожолын сегіз жолаққа, ал «Алматы – Талғар» автожолын төрт жолаққа дейін кеңейтуге бағытталған стратегиялық жобалар жүзеге асырылуда. Бұл көлік дәліздерінің өткізу қабілетін едәуір арттырады.Логистика саласында құрылыс қарқыны айқын байқалады: 2025 жылы «А» санатындағы 159 мың шаршы метр қойма пайдалануға берілді. Бұл ҮАААЖ іске қосылғанға дейінгі орташа жылдық көрсеткіштерден 16-17 есе жоғары. Қазіргі таңда еліміздегі «А» санатындағы барлық қойма алаңдарының 70%-дан астамы Алматы агломерациясының үлесіне тиесілі.Бизнестің қажеттіліктерін қамтамасыз ету мақсатында Үкімет Алатау қаласында 46 инфрақұрылымдық нысан салуды көздейтін Жол картасын бекітті. Индустриялық аймақтар мен жаңа өндірістерді іске қосу үшін қажет үш қосалқы станция салу және «Ынтымақ» су тарту нысанын қайта жаңғырту жобалары басымдықпен жүзеге асырылуда.Әлеуметтік басымдықтар: білім беру, медицина және өмір сүру сапасы Әлеуметтік саясаттың негізгі бағыты жастардың дамуына жағдай жасау және халық денсаулығын нығайту болып қала береді. Облыста үш ауысымды оқытуды жою мақсатында 25 білім беру нысаны, соның ішінде 17 «Жайлы мектеп» салынуда.Сонымен қатар ауылдық денсаулық сақтауды жаңғырту жөніндегі ұлттық жоба аясында 37 медициналық пункт салынуда. Әлеуметтік шаралар кәсіпкерлікті қолдаумен толықтырылып отыр: өз ісін дамытуға мемлекет тарапынан 27,5 млрд теңге бағытталып, соның нәтижесінде жүздеген сервистік кәсіпорындар мен фермерлік шаруашылықтар ашылды.2025 жылы экономиканың барлық салаларында 72,5 мыңнан астам жұмыс орны құрылды, оның 58,5 мыңы – тұрақты жұмыс орындары.Президент тапсырмасы бойынша өңірде сумен жабдықтау жобаларын жүзеге асыруға 30,5 млрд теңге бөлінді. Нәтижесінде ауыл халқының таза ауыз суға қолжетімділігі 99,4%-ға жеткізілді, ал газдандыру деңгейі 80%-ға жетті.Жалпы алғанда, жергілікті бюджет қаражатының 60%-дан астамы әлеуметтік салаға бағытталады. Қауіпсіздік мәселелеріне де ерекше назар аударылуда: «Заң және тәртіп» қағидатын іске асыру нәтижесінде облыста қылмыс деңгейі 10,7%-ға төмендеп, бұл халықтың өмір сүру сапасына тікелей оң әсерін тигізді. primeminister.kzАқпарат көзі : https://www.gov.kz/memleket/entities/almobl/press/news/details/1142563?lang=kk

Будапешт, 2026 жылғы 9 және 14 қаңтар - Қазақстан Республикасының Мажарстандағы Төтенше және Өкілетті Елшісі Абзал Сапарбекұлы Будапешт қаласында тұратын қазақ диаспорасының жетекшілерімен дәстүрлі жұмыс кездесулерін өткізді.Кездесулер барысында Қазақстан-Мажар қоры «Барс» ұйымының Президенті Гал Андрашпен, қазақ диаспорасының жетекшісі Мандоки Онгайшамен, сондай-ақ «Мажар-қазақ этноспорт және мәдениет қауымдастығының» жетекшісі Жанаргүл Феньвешимен Қазақстаннан тысқары өмір сүріп жатқан отандастар арасында қазақ тілін, тарихын және мәдени мұрасын сақтау мен насихаттау мәселелері талқыланды. Сонымен қатар диаспораның тарихи Отанымен байланысын нығайтуға және Елшілікпен өзара іс-қимылды кеңейтуге ерекше назар аударылды.Кездесулер аясында 2025 жылы қазақ диаспорасы ұйымдастырған мәдени және қоғамдық іс-шаралардың қорытындылары шығарылып, олардың Қазақстан мен Мажарстан арасындағы гуманитарлық байланыстарды дамытуға қосқан үлесіне оң баға берілді. Бұдан бөлек, тараптар бірлескен жобаларды іске асыру перспективаларын, сондай-ақ 2026 жылы қазақ мәдениетін, дәстүрлері мен ұлттық спорт түрлерін кеңінен насихаттауға бағытталған мәдени-ағартушылық іс-шараларды өткізу жоспарларын, оның ішінде жастар мен мажар жұртшылығын кеңінен тарту мәселелерін қарастырды.Кездесулер жылы әрі достық жағдайда өтті, бұл Қазақстан Республикасы мен шетелде тұратын отандастар арасындағы өзара түсіністік деңгейінің жоғары екенін және берік байланыстардың қалыптасқанын айқындайды.Ақпарат көзі : https://www.gov.kz/memleket/entities/mfa-budapest/press/news/details/1142557?lang=kk

Премьер-министр Олжас Бектенов Мемлекет басшысының «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына Жолдауында берген арнайы экономикалық аймақтарды, индустриялық аймақтарды дамыту және олардың қызметінің тиімділігін арттыру есебінен өңірлердің өнеркәсіптік әлеуетін арттыру жөніндегі тапсырмаларының орындалу барысын тексерді.Алматыда «Алатау» инновациялық технологиялар паркі» арнайы экономикалық аймағын аралау барысында Үкімет басшысы жоғары технологиялық өндірістерді дамыту, локализацияларды тереңдету және АЭА инфрақұрылымын кеңейту мақсатында жүргізіліп жатқан инфрақұрылым құру жұмыстарымен танысты.Арнайы экономикалық аймақты инфрақұрылым жағынан қамтамасыз ету жөніндегі жоспарлар туралы Алматы қаласы әкімінің орынбасары Олжас Смағұлов баяндады. «Алатау» инновациялық технологиялар паркі» АЭА жоғары технологиялық өндірістерге және R&D-ге арналған алаң ретінде дамуда. Оның қатысушыларының саны – 203 компания. Жұмыс істеп бастаған уақыттан бері резиденттер шамамен 399 млрд теңге инвестиция салған, 7,2 мың тұрақты жұмыс орны құрылып, 1 трлн теңге сомасында өнім өндірілген және қызметтер көрсетілген. Бүгінгі таңда АЭА аумағында құны 265 млрд теңге болатын 1000 жұмыс орны бар 24 жоба жүзеге асырылуда, соның ішінде 2025 жылы 355 жұмыс орны құрылған 19 млрд теңгелік 6 жоба іске қосылды.Алматы қаласы әкімдігінің деректері бойынша АЭА аумағы іс жүзінде 94% толған, бос учаскелер 7,7 га құрайды, бірақ жұмыс істеу мерзімі 2027 жылдың аяғымен шектеліп отыр, бұл капиталды көп қажет ететін және ұзақ мерзімді жобаларды жүзеге асыруды қиындатады және инвесторлар үшін тартымдылықты төмендетеді. Осыған байланысты, өсу қарқынын сақтау және жоспарланған бастамаларды жүзеге асыру үшін Премьер-министр АЭА-ның пайдалану мерзімін ұзартуды және оның аумағын кеңейтуді, сондай-ақ жаңа жоғары технологиялық өндірістерді әртараптандыру және іске қосу жөніндегі міндеттерді ескере отырып, рұқсат етілген қызмет түрлерінің тізбесін толықтыруды тапсырды.Премьер-министр Олжас Бектенов инвестициялық тартымдылықтың негізгі факторы ретінде АЭА мен инфрақұрылымдық дайындықты одан әрі дамытудың маңыздылығын атап өтті. Бұл жұмысты еліміздің барлық өңірлерінде жүзеге асыру қажет. Бұл мақсатта Үкімет болашақ инвестициялық жобалар үшін инфрақұрылымдарды жаңа сапада жақсарту жөнінде шаралар қабылдауда. Әкімдіктер осы бағытқа жекеменшік инвестицияларды тарту бойынша жұмысты жандандыруы тиіс.«Президент жариялаған Цифрландыру және жасанды интеллект жылында жоғары технологиялық жобаларды іске қосу үшін жағдай жасау қажет. Бұған қосалқы станциялар мен көлік желілерін қоса алғанда, қосымша инфрақұрылым құру кіреді.“Алатау” инновациялық технологиялар паркі" АЭА бүгінде технологиялық алаң ретінде жұмыс істеп тұр. Бірақ инвестициялық сұраныстың жоғары екенін ескере отырып, аймақты одан әрі дамыту қажет. Әкімдік Арнайы экономикалық аймақтың әкімшілігімен бірлесіп республикалық бюджетке тәуелділікті азайту үшін, бюджеттен тыс қаражаттар тартып, халықаралық қаржы ұйымдарымен ынтымақтастық орнатуы тиіс», – деп атап өтті Премьер-министр.«Алатау» инновациялық технологиялар паркі» АЭА аумағында орналасқан NERO Group өндірістік алаңының базасында Премьер-министрге есептегіш құралдарының отандық өндірісін дамыту туралы баяндалды.Бүгінгі таңда кәсіпорынның өндірістік желісіне жылу, су, электр энергиясы мен газды есепке алу жүйелері мен құралдары кіреді. Жобаның құны – 1,5 млрд теңге, қуаттылығы – жылына 10 мың бірліктен асады. 65 жұмыс орны ашылды, қызметкерлердің жалпы саны – 150 адам. Компания өндірістік және инженерлік құзыреттерді, соның ішінде бухгалтерлік есеп пен мониторинг жүйелеріне арналған бағдарламалық жасақтаманы біріктіреді.NERO Group құрылтайшысы Ерлан Нәбиев жалпы құны шамамен 44,8 млрд теңгені құрайтын 2025-2027 жылдарға арналған жоғары технологиялық өндірістерді локализациялаудың кешенді жобасын ұсынды. Бастама 650-ден астам жұмыс орнын ашуды, өндірістік алаңдарды 21 068 шаршы метрге дейін кеңейтуді және кабельдік өнімдер мен компоненттер өндірісін, газ есептеу құрылғыларын шығаруды кеңейтуді, сондай-ақ пилотсыз жүйелер мен робототехника шығаруды қоса алғанда, жаңа бағыттарды іске қосуды көздейді. Жоба инженер кадрларды даярлауды көздейді: бакалавриат бағдарламалары бойынша жылына 60 адам және біліктілікті арттыру бағдарламалары бойынша 200 адамға дейін.Сондай-ақ білім беруді, ғылым мен өндірісті интеграциялауды, дуальды білім беруді енгізуді және инженер мамандарды даярлауды көздейтін АЭжБУ мен ТКШ Қазорталығының қатысуымен Smart Energy ғылыми-білім беру кластерінің жобасы таныстырылды.UBTECH Robotics (Қытай) компаниясымен бірлесіп ЖИ базасында білім беру және сервистік роботтар өндірісін локализациялау жобасын жүзеге асыру жоспарлануда. Осы бағыт бойынша сұраныс қалыптасып, AI-зертханаларды енгізуге офтейк-келісімшарттар жасалды. Қуаты – жылына шамамен 25 мың жиынтық. Кейіннен ұлғайта отырып, 80 жұмыс орнын ашу көзделіп отыр.Бұдан бөлек, Премьер-министрге жылумен жабдықтауды бақылау үшін компанияның цифрлық шешімі ұсынылды. Жүйе автоматты түрде үйдегі есеп тораптарынан көрсеткіштерді жинайды және оларды «бағдаршам» аналитикасы бар веб-картада көрсетеді: жылынбау немесе қызып кету, жылуды тұтыну және ыстық су шығыны бойынша ауытқулар бар жерде. Бұл диспетчерлік қызметтер мен табиғи монополиялар субъектілеріне проблемалық мекен жайларды тезірек анықтауға және жедел әрекет етуге мүмкіндік береді. Шешім Қарағанды, Сәтбаев және Жезқазғанда енгізілді. Ерлан Нәбиев бастаманы кеңейтудің және оны табиғи монополиялар субъектілері үшін жылумен жабдықтау сапасын бақылаудың міндетті цифрлық контуры ретінде бекітудің маңыздылығын атап өтті.    Ақпарат көзі : https://www.gov.kz/memleket/entities/almobl/press/news/details/1142560?lang=kk

Құрметті салық төлеушілер!Таңдалған салық салу режиміне уақтылы көшуді қамтамасыз ету мақсатында Комитет салық есептілігін кері қайтарып алуға салықтық өтініш берудің уақытша мүмкіндігін беру туралы шешім қабылдады.Бұл өтініш ескі және жаңа СТК-де 2026 жылғы 01 наурызға дейін, яғни өтпелі кезең ішінде қолжетімді болады.Бұл ретте, салық есептілігінің нысандары олар берілген ақпараттық жүйеде кері қайтарып алынуға жататынына назар аударамыз (жаңа СТК–де СЕН ұсынылған жағдайда – салық өтінішті кері қайтарып алуға толтыру және ұсыну да жаңа СТК-де жүзеге асырылуы тиіс. Егер СЕН ескі СТК-де ұсынылған жағдайда, кері қайтарып алуға өтініш ескі СТК-де берілуі керек).Сондай-ақ, СЕН қайтарып алу мүмкіндігіне қатысты норма жаңа Салық кодексіне сәйкес алынып тасталғанын ескере отырып, бұл функцияны салық салу режимін уақтылы таңдау, сондай-ақ дара кәсіпкердің қызметін тоқтату мақсатында ғана пайдалану қажет.Ақпарат көзі : https://www.gov.kz/memleket/entities/kgd-almaty/press/news/details/1142534?lang=kk

2025 жылғы 8 желтоқсанда академик Е. А. Бөкетов атындағы Қарағанды ұлттық зерттеу университетінде ауыл мектептерінің білім алушыларына арналған жалпы білім беретін пәндер бойынша Республикалық олимпиаданың облыстық кезеңі жеңімпаздарын марапаттау рәсімі өтті.Марапаттау рәсіміне Осакаров ауданының мектептерінен 31 білім алушы қатысты. Олимпиада қорытындысы бойынша аудан оқушылары 6 бірінші орын, 11 екінші орын және 14 үшінші орын иеленді.Командалық есеп нәтижесі бойынша Осакаров ауданы қоғамдық-гуманитарлық бағыттағы пәндер (ОГН) бойынша III орынға ие болды.Білім алушылар мен педагогтерді лайықты нәтижелерімен құттықтай отырып, алдағы уақытта зор табыстар мен жаңа жеңістер тілейміз!Ақпарат көзі : https://www.gov.kz/memleket/entities/edu-osakarovka/press/news/details/1142499?lang=kk