Түркістан облысында жоспардан тыс тексерулер барысында өңір аумағында сатылатын импорттық цемент техникалық регламент талаптарына сәйкес келмейтіні және міндетті сәйкестік сертификаты жалған екендігі анықталды. «Техникалық реттеу туралы» ҚР Заңының 35-бабына сәйкес техникалық регламенттер қолданысқа енгізілген өнім нарығында айналыстың қажетті шарты оның белгіленген тәртіппен расталған техникалық регламенттерде белгіленген талаптарға сәйкестігі болып табылады. Сәйкестікті бағалаудан өтпеген, сондай-ақ сәйкестікті бағалау туралы құжаттардың болмауынсыз өнімді айналысқа шығаруға тыйым салынады. «Цемент - бұл ғимараттар мен құрылыстардың қауіпсіздігі сапасына тікелей байланысты негізгі құрылыс материалы. Қауіпсіз пайдалануды қамтамасыз ету үшін бұл материал пайдалану жөніндегі нұсқаулықты, сапа паспортын, сәйкестік сертификатын және тәуекелдерді талдау үшін қажетті өзге де материалдарды қоса алғанда, барлық қажетті құжаттамамен сүйемелденуі тиіс», - екендігі туралы Техникалық реттеу және метрология Комитеті төрағасының орынбасары Бауыржан Қасымов атап өтті. Тексерулер нәтижелері бойынша екі кәсіпкер ҚР ӘҚБтК-нің 415-бабының 1-бөлігі бойынша 920 088 теңге сомасына айыппұл түрінде әкімшілік жауапкершілікке тартылды, сондай-ақ бұзушылықты жою туралы нұсқама берілді және партиясы 3577 қап «CONCH» маркалы цемент өнімін сатуға тыйым салу туралы жедел ден қою шаралары қолданылды. Бұдан басқа, мемлекеттік бақылау және қадағалау органдарының лауазымды тұлғаларына олардың қызметтік міндеттерін орындауына кедергі келтіргені үшін аталған кәсіпкерлер ҚР ӘҚБтК-нің 462-бабының 1-бөлігінің 668 440 теңге сомасына айыппұл түрінде әкімшілік жауапкершілікке тартылды.Ақпарат көзі : https://www.gov.kz/memleket/entities/mti-ktrm/press/news/details/1078389?lang=kk

Рейтинг, Үкімет қарызының төмен деңгейін, оған қызмет көрсетудің жоғары болуын және сыртқы күйзелістерден қорғауды қамтамасыз ететін елеулі фискалдық резервтерді қоса алғанда, елдің мықты фискалдық позициясымен сақталып қалды. Орнықты экономикалық өсу мен экономиканың дағдарыстарға төтеп беру мүмкіндігі қосымша факторлар болып табылады.Moody's елдегі фискалдық реформалардың іске асырылуының жалғасып жатқанын, оның ішінде корпоративтік және табыс салығын салуды түзетуді және ҚҚС мөлшерлемесін артыруды көздейтін Салық кодексіне түзетулерді атап өтеді.Талдаушылардың пікірінше, 2025 жылы бюджет тапшылығы қалыпты деңгейде қалады, ал мемлекеттік қарыз рейтингі Ваa санатындағы елдер арасында қарыз көрсеткіштері ең төмендердің бірі болып қала береді.Moody's жалғасып жатқан институционалдық және экономикалық реформалар Қазақстанның инвестициялық тартымдылығын арттырып, экономиканы әртараптандыру процесін ағымдағы күтіліп отырғандағыдан артық жеделдете алатынын атап өтті.https://www.gov.kz/memleket/entities/economy/press/news/details/1078435?lang=kkАқпарат көзі : https://www.gov.kz/memleket/entities/kostanai-ekonomika-zhosparlau/press/news/details/1078537?lang=kk

Қорғаныс министрлігінің Армия орталық спорт клубында Қазақстан әскери қызметшілері мен күштік құрылым өкілдері арасында «Әскер барысы» турнирі өтті.Бұл жарыстар елдің ең мықты балуандарын жинайтын республикалық турнирге дайындықтың маңызды кезеңіне айналды.Бозкілемге шыққан 90 келіден жоғары салмақ дәрежесіндегі балуандар өздерінің күшін, төзімділігі мен техникалық шеберлігін паш етті. Тартысты белдесулердің нәтижесінде Қорғаныс министрлігінің Армия орталық спорт клубының балуаны аға лейтенант Марат Байқамұров чемпион атанды. Оның әріптесі сержант Әділ Оразбаев екінші орынды иеленді. Ал жүлделі үшінші орынды Ұлттық ұланның қатардағы жауынгері Жандос Сейтенов жеңіп алды.«Әскер барысы» турнирі күштік құрылымдар қатарындағы ең мықты балуандарды анықтап қана қоймай, әскери қызметшілер арасында ұлттық спорт түрлерін дамытуға бағытталған маңызды кезеңге айналды.– Әскери адамдар үшін күрес жай ғана спорт емес, бұл – мінез мектебі. Кілемге әр шыққанымыыз – ерік-жігерді сынау. «Әскер барысы» турнирінде жеңіске жету – үлкен абырой. Мен «Қазақстан барысында» Қорғаныс министрлігінің намысын қорғауға тырысамын, – деді аға лейтенант Марат Байқамұров.Турнир армия спортшыларына тән дене дайындығы мен спорттық рухтың жарқын көрінісі болды. Алтын, күміс медаль иеленген спортшылар «Қазақстан барысы» турнирінің финалдық кезеңінде Қорғаныс министрлігінің намысын қорғайтын болады.Ақпарат көзі : https://www.gov.kz/memleket/entities/mod/press/news/details/1078213?lang=kk

Қазақстан Тәжікстанға KazAID желісі бойынша 5000 тонна мазут жеткізді2025 жылғы 30 қыркүйекте Душанбеде тәжік тарапына гуманитарлық көмекті тапсыру рәсімі өтті.Қазақстан Республикасының Тәжікстан Республикасындағы Елшісі У.Төреханов Тәжікстан Республикасы Үкіметі жанындағы Мемлекеттік материалдық резервтер жөніндегі агенттіктің басшылығына 5 мың тонна мазутқа сертификат табыс етті.Қазақстандық дипломат өз сөзінде екі елдің стратегиялық қатынастары аясында Қазақстан басшылығы Тәжікстан Республикасына 893,7 млн. теңгеге (шамамен 1,65 млн.) гуманитарлық көмек көрсету туралы шешім қабылдағанын атап өтті.Гуманитарлық көмек «KazAID» Қазақстандық халықаралық даму агенттігінің ықпалдасуымен көрсетілді және энергетикалық қауіпсіздікті қамтамасыз етуге, тату көршілік пен қазақ-тәжік ынтымақтастығына тән өзара табыстың көрінісіне үлес болып табылады.Соңғы 5 жылда қазақ тарапы Тәжікстанға жеткізген гуманитарлық көмегінің көлемі 21 млн. АҚШ доллардан асты. Ақпарат көзі : https://www.gov.kz/memleket/entities/kazaid/press/news/details/1078271?lang=kk

Халықаралық қарттар күні қарсаңында Сағадат Нұрмағамбетов атындағы әскери колледждің тәрбиеленушілері «Шарапат» әлеуметтік қызмет көрсету орталығына барды.Көп жылдан бері Қарулы күштердің әскери қызметшілері игі дәстүрді сақтай отырып, соғыс және еңбек ардагерлерін, зейнеткерлер мен қарт адамдарға қолдау көрсетіп келеді.– Бұл мереке – жасты еске салу емес, аға буынның даналығы, борышқа адалдығы мен өмірлік төзімділігі үшін шынайы құрмет пен ризашылық білдіру мүмкіндігі, – деп атап өтті колледждің тәрбиеші офицері майор Азамат Үсенбаев.Колледж тәрбиеленушілері орталық қызметкерлеріне аумақты тазалауға көмектесіп, шағын мерекелік концерт ұйымдастырып, тәтті тағамдар алып келді. Ең бастысы – мекеме тұрғындарына шынайы көңіл мен жылы қарым-қатынас сыйлады.Қарттар қонақтарды қуана қарсы алып, жастық шағындағы естеліктерімен бөлісіп, өмірлік оқиғаларын айтып, жастармен жылы лебіздер алмасты.– Жастық жүректе өмір сүреді. Бүгінгі балалардың келуі бізге нағыз мерекелік көңіл-күй сыйлады, – деп бөлісті бұл жерде сегіз жылдан астам уақыт тұрып жатқан Игорь Толкачев. – Курсанттарға мейірімділігі мен құрметі үшін алғысымды білдіремін. Барша қарттарға денсаулық пен жан тыныштығын тілеймін.Орталық басшылығы Қорғаныс министрлігіне және колледж тәрбиеленушілеріне көрсеткен қамқорлықтары мен қолдаулары үшін алғыс білдірді.Айта кетейік, «Шарапат» әлеуметтік қызмет көрсету орталығы 1989 жылы Астана қаласы әкімдігінің бастамасымен құрылған және көп жылдан бері қарттар мен мүмкіндігі шектеулі жандарға толыққанды күтім көрсету қызметін ұсынып келеді.Ақпарат көзі : https://www.gov.kz/memleket/entities/mod/press/news/details/1078280?lang=kk

Салық сауаттылығын арттыру және 01.01.2026 жылдан бастап қолданысқа енетін Қазақстан Республикасының жаңа Салық кодексіне енгізілген өзгерістерді түсіндіру аясында Қарағанды ​​облысы бойынша Мемлекеттік кірістер департаментінің барлық 14 аумақтық мемлекеттік кірістер департаментінде 25.09.2025 жылы салық төлеушілер үшін тағы да ашық есік күндері өткізілді.Кездесу барысында мемлекеттік кірістер органдарының аумақтық бөлімшелерінің лауазымды тұлғалары салық саласындағы алдағы өзгерістер туралы түсіндірмелер береді, сондай-ақ жеке кәсіпкерлердің, жеке, заңды тұлғалардың және т.б. сұрақтарына жауап береді.Қалалар мен облыстардың тұрғындары пайдалы ақпараттар мен практикалық ұсыныстар алып, бұл өз кезегінде салықтық сауаттылықты арттыруға, халық пен мемлекеттік органдар арасындағы ынтымақтастықты нығайтуға ықпал етеді.Ақпарат көзі : https://www.gov.kz/memleket/entities/kgd-karaganda/press/news/details/1078285?lang=kk

Теміртау қаласы бойынша Мемлекеттік кірістер басқармасы 29.09.2025 жылы Теміртау қаласы әкімдігінің ғимаратында келесі тақырыптар бойынша баспасөз конференциясын өткізді:1. Мүлік салығы және жер салығы;2. 2026 жылдан бастап Салық кодексіндегі өзгерістер.Баспасөз мәслихаты барысында қатысушылар мен бұқаралық ақпарат құралдарының өкілдері қосылған құн салығы бойынша ставкалар, жеке табыс салығының прогрессивті шкаласы, сән-салтанат салығы және т. б. бойынша сұрақтар қойды.Кездесу барысында басқарма басшысының орынбасары Е. Сартаев қолданыстағы салық заңнамасы, сондай-ақ жаңа Салық кодексі бойынша инновациялар бойынша түсініктемелер берді.Сонымен қатар, ақпараттық материал таратылды, сондай-ақ сыбайлас жемқорлыққа қарсы іс-қимыл бойынша әңгіме жүргізілді.Ақпарат көзі : https://www.gov.kz/memleket/entities/kgd-karaganda/press/news/details/1078290?lang=kk

07.08.2025 жылы барлық 14 мемлекеттік кірістер басқармаларында кәсіпкерлер мен салық төлеушілер үшін Қазақстан Республикасының жаңа Салық кодексінің нормаларын түсіндіру бойынша, оның ішінде ЖТС прогрессивті ставкалары, ҚҚС реформалау, арнаулы салық режимдерін өзгерту, Салық есептілігі нысандарын 30% - ға қысқарту және т. б. мәселелер бойынша "Ашық есік күндері" өткізілді.Бұдан басқа, аталған іс-шараны өткізу барысында салық төлеушілер жалпыға бірдей декларациялау және жергілікті салықтар мәселелері, ҚР ҚМ МКК мобильді өнімдерінің функциялары мен артықшылықтары, Amian акциялары, кассалық тәртіп және т.б. туралы толық ақпарат алады.Сонымен қатар, ақпараттық материал таратылады, сыбайлас жемқорлыққа қарсы іс-қимыл бойынша әңгіме жүргізіледі.Ақпарат көзі : https://www.gov.kz/memleket/entities/kgd-karaganda/press/news/details/1078301?lang=kk

Бүгін аудан әкімі Жандос Еркінбек Жосалы кентіндегі бірқатар әлеуметтік нысандарды аралап, жүргізіліп жатқан жұмыстардың барысына назар аударды.Аудан басшысы алдымен Т.Рысқұлов көшесінде жүргізіліп жатқан жаяу жүргіншілер жолының салыну жұмыстарын бақылады. Қазіргі таңда бұл аумақта жалпы көлемі 1400 м² жаяу жүргінші жолы төселген. Қалған бөлігіне қажетті құрылыс материалдары толық жеткізіліп отыр. Жоба ЖК «Димаш» мердігер мекемесі тарапынан жүзеге асырылуда.Аталған абаттандыру жұмыстары Жосалы кентінің сәулеттік келбетін жақсартуға, тұрғындардың қауіпсіз әрі қолайлы өмір сүруіне мүмкіндік жасауға бағытталған. Алайда, мал жайылымы, сондай-ақ, жаяу жүргіншілер жолдарына зақым келтіру жағдайлары әлі де орын алып отыр. Осыған байланысты Жандос Еркінбек тиісті сала басшыларына инфрақұрылым сапасына мән беріп, көшенің көріктілігін сақтау жұмыстарын күшейтуді тапсырды.Бұдан кейін аудан әкімі Жастар ресурстық орталығының көне ғимаратына барып, ондағы атқарылған жұмыстардың барысын көрді. ЖК «Ай-Дан» мердігер мекемесі жүргізіп жатқан ағымдағы жөндеу жұмыстары биыл қыркүйек айында басталған. Қазіргі таңда құрылыстың 60%-ы аяқталып отыр. Жоспар бойынша ғимарат қазан айында толық қорытындыланып, тиімді мақсатта пайдалануға берілетін болады.Сапар барысында аудан әкімі мердігер мекемелерге жұмыстарды сапалы әрі уақытылы аяқтауды тапсырып, тиісті сала басшыларына бақылауды күшейтуді тапсырды.Ақпарат көзі : https://www.gov.kz/memleket/entities/kyzylorda-karmakshy/press/news/details/1078342?lang=kk

Аудан әкімі Жандос Еркінбек Жосалы кентіндегі бірқатар әлеуметтік маңыздағы нысандарда жүргізіліп жатқан құрылыс жұмыстарының барысын бақылады.Алдымен аудан басшысы Жосалы кентіндегі теміржол вокзалы ғимаратын күрделі жөндеу жұмыстарының барысын көрді.Аталған жоба бойынша бас мердігер – “РиА Сервис ЛТД” ЖШС. Қазіргі таңда, құрылыс алаңы қоршалып, эскиздік жоба негізінде сыртқы қасбетті әрлеу, оның ішінде жылу сақтайтын материалдармен және травертинмен қаптау жұмыстарының 80 пайызы орындалған. Сондай-ақ шатырды толық ашу және демонтаж жұмыстары жүргізілді. Ішкі бөлмелерде де жұмыс қатар жүріп жатыр. Гипсокартон мен кафель төсемелерін алу жұмыстары қолға алынған. Бүгінгі күні құрылыс алаңында 9 жұмысшы қызмет атқаруда.Келесі нысан – Дене шынықтыру-сауықтыру кешені. Мұнда қазіргі таңда сыртқы және ішкі әрлеу жұмыстары қарқынды жүргізілуде. Сыртқы жұмыстары бойынша бетон жолақ құйылып, тас төсегіш (брусчатка) жұмыстары толық аяқталды. Кешенді толық қоршап, қауіпсіздік талаптарына сәйкестендіру жұмыстары жүргізілуде. Қазіргі таңда ішкі есіктер орнатылып жатыр. Бұдан бөлек электр желілерін тарту жұмыстарының басым бөлігі аяқталып, үлкен спорт залына қатысты желі тарту жалғасуда.Айта кету керек, бұл аталған спорт кешенінде жыл сайын облыстық және республикалық деңгейде жастар арасында дзюдо, самбо, бокс секілді спорт түрлерінен жарыстар дәстүрлі түрде өткізіліп келеді.Ақпарат көзі : https://www.gov.kz/memleket/entities/kyzylorda-karmakshy/press/news/details/1078354?lang=kk

2025 жылғы 30 қыркүйек, Нью-Йорк - Қазақстан Республикасының БҰҰ жанындағы Тұрақты өкілі Қайрат Умаров Мьянмадағы рохинджа және басқа да азшылықтардың жағдайына арналған БҰҰ Бас Ассамблеясының Жоғары деңгейлі конференциясында сөз сөйледі.Қазақстан дағдарыстың орнықты әрі инклюзивті шешімін табуға бағытталған халықаралық күш-жігерді қолдайтынын білдірді. Өз сөзінде қазақстандық өкіл қазіргі пікір алмасуды азшылықтардың құқықтарын құрметтейтін, диалогты ілгерілететін және барлық қауымдастықтардың экономикалық әрі әлеуметтік прогресіне жағдай жасайтын ұжымдық шешімдерге қол жеткізудегі маңызды қадам ретінде қарастыратынын атап өтті.Сонымен қатар ол « «Бірлігіміз – әралуандықта»» қағидатына негізделген ұлтаралық және конфессияаралық келісімді нығайтудағы Қазақстан тәжірибесінің маңыздылығын, соның ішінде Астанада Әлемдік және дәстүрлі діндер лидерлерінің съезін өткізуді атап өтті.Қазақстан БҰҰ-ға мүше мемлекеттермен, өңірлік ұйымдармен және БҰҰ құрылымдарымен азшылықтардың құқықтарын қорғау мен өңірде тұрақты бейбітшілікті қамтамасыз етуге бағытталған ұжымдық тәсілдерді ілгерілету үшін сындарлы ынтымақтастыққа әзір екенін растады.Ақпарат көзі : https://www.gov.kz/memleket/entities/mfa-kazakhstanun/press/news/details/1078085?lang=kk

Бүгін 30 қыркүйек - Әділет органдары қызметкерлерінің күні.Еңбектеріңіз әрқашан әділдікке, сенім мен құрметке толы болсын! Сіздерге мықты денсаулық, кәсіби жетістіктер және бақыт тілейміз! Қостанай облысыӘділет департаментініңБаспасөз қызметіАқпарат көзі : https://www.gov.kz/memleket/entities/adilet-kst/press/news/details/1078088?lang=kk

"Заң және тәртіп" идеологиясын іске асыру аясында 2025 жылдың 25 қыркүйегінде ҚР ІІМ ҚАЖК-нің РММ «38-мекеме» базасында «Жаңа өмірге жол» атты іс-шара өтті.Сотталғандармен тәрбие және қайта әлеуметтендіру жұмысы шеңберінде ҚР ІІМ ҚАЖК«38-мекеме» РММ-де моральдық және рухани құндылықтарды қолдауға, позитивті ойлауды қалыптастыруға, құқықтық мойынсұнушылық мінез-құлыққа уәждемені арттыруға, сондай-ақ сотталғандарды жазасын өтегеннен кейін қоғамға оралуға дайындауға бағытталған іс-шара ұйымдастырылды.Іс-шараға нотариустар мен сот орындаушылары қатысты.Қостанай облысыӘділет ДепартаментініңБаспасөз қызметіАқпарат көзі : https://www.gov.kz/memleket/entities/adilet-kst/press/news/details/1078094?lang=kk

Астана қаласы аумақтық қорғаныс бригадасының бөлімше командирі 3-сыныпты сержант Рауан Әбілханов Астана – Көкшетау – Астана бағыты бойынша жаңа рекорд орнатып, кезекті 600 шақырымдық супермарафондық қашықтықты бағындырды.5 күн бұрын елорданың «Көктал» саябағынан марафонды бастаған әскери қызметші Қорғаныс министрлігінің ғимараты алдында мәреге жетті. Мұнда оны салтанатты жағдайда қарсы алды. Әскери оркестр өнер көрсетіп, марафоншымен және онымен күн сайын бірге еріп жүрген команданы бауырсақпен сыйлап, сап алаңында қуаныш пен мақтаныш сезімге толы ерекше атмосфера орнады.Жеңімпазды Қорғаныс министрлігінің басшылығы мен жеке құрамы, қызметтестері мен туған-туыстары қарсы алды. Қорғаныс министрінің орынбасары генерал-лейтенант Қаныш Әбубәкіров 3-сыныпты сержант Рауан Әбілхановтың бұл жетістігі әскери қызметшілердің рухын көтеріп, табандылығы мен патриотизмінің жарқын үлгісі болғанын атап өтті.– Спорт пен армия – егіз ұғым, – деді ол. – 3-сыныпты сержант Рауан Әбілхановтың жеңістері спортты насихаттап, Қарулы күштердің әскери қызметшілерін жаңа жетістіктерге жетелейді.Марафоншының өзі бұл рекордқа жету оңай болмағанын мойындады. Дегенмен, Қорғаныс министрлігі басшылығының, командирлерінің, жақындары мен жерлестерінің, сондай-ақ көптеген қазақстандықтардың қолдауы оған үлкен күш берген. Ауа райының күрт нашарлауына қарамастан, ол күніне 120 шақырым жүгіріп, өте ауыр қашықтықты еңсере алды. Мақсатына жетуге деген табандылығы мен тұрақты жаттығулары 3-сыныпты сержант Рауан Әбілхановқа қажетті қарқынды сақтап, жүгіруді жалғастыруға мүмкіндік берді.Әскери марафоншының айтуынша, бөлім басшылығы оған дайындық үшін екі ай уақыт берген. Ол күн сайын 40 шақырымнан астам қашықтықты жүгіріп отырған. Бұл рекорд Қазақстан Республикасының ұлттық мерекесі – Республика күні қарсаңында бұрынғы қазақстандық ультрамарафон рекордтарын жаңартты.9 баланың әкесі армияда 20 жылдан астам уақыт қызмет етіп келеді. 2022 жылы ол Алматы облысындағы «Әли» оқу орталығы мен Шелек ауылы арасындағы 350 шақырымдық қашықтықты 48 сағатта жүгіріп өтіп, Қазақстан рекордтар кітабына енген болатын. 42 жастағы Рауан Әбілхановтың отбасында 8 қыз бен бір ұл тәрбиеленуде. Ол 15 жылдан астам уақыттан бері жеңіл атлетикамен айналысып келеді және Алматы қаласы мен Қарулы күштер ұйымдастырған марафондардың бірнеше дүркін жеңімпазы.Ақпарат көзі : https://www.gov.kz/memleket/entities/mod/press/news/details/1078095?lang=kk

      «Азаматтарға арналған үкімет» мемлекеттік корпорациясы халыққа қызмет көрсету орталықтарында дайын құжаттарды қажетті мекенжайға дейін жеткізу қызметін енгізді.Жаңа қызмет «Халыққа қызмет көрсету бөлімінің менеджері» пилоттық жобасы аясында іске қосылып, қазір Мемлекеттік корпорация фронт-офистерінде қолжетімді.Енді халыққа қызмет көрсету орталығында мемлекеттік қызметке өтініш берген азаматқа құжат дайын болған соң оны қажетті мекенжайға дейін жеткізу қызметі ұсынылады. Ол үшін бөлімшеде жеткізуге қажет деректерді көрсетіп, төлемді банк қосымшасы арқылы QR-кодпен жасау жеткілікті. Қызмет құны: Астана, Алматы және Шымкент қалаларында – 1990 теңге, ал облыстарда – 1000 теңге.Құжаттарды жеткізу 15 түрлі мемлекеттік қызмет бойынша жүргізіледі. Олардың қатарына туу туралы куәлікті, некені бұзу куәлігін алу, туу, некеге тұру, ажырасу, қайтыс болу туралы қайталама куәліктер мен архивтік анықтамаларды алу, білім туралы құжаттардың дубликаттары, азаматтық хал актілерінің жазбаларын қалпына келтіру және ресми құжаттарды апостильдеу кіреді.Бұл сервисті қызмет көрсету орталығында құжатқа өтініш бергеннен кейін ғана рәсімдеуге болады.  Сонымен қатар, құжат дайын болған кезде қызмет алушыға 1414 нөмірінен бірегей коды бар SMS-хабарлама жіберіледі. Осылайша, курьер құжат алушыға хабарласып, жеткізудің нақты уақытын бекітеді. Құжатты жеткізу кезінде сәйкестендіру жеке куәлік пен кодты тексеру арқылы жүргізіледі.Жеткізудің мәртебесін «ЦОН» мобильді қосымшасынан (App Store/Google Play) «Құжаттарды жеткізу» бөлімінде бақылауға болады. Қосымшаға тіркелу ЖСН мен телефон нөмірі арқылы жүзеге асады.Ең бастысы, жаңа сервис азаматтарға құжаттарын ХҚКО-ға қайта бармай-ақ алу мүмкіндігін беріп, қызметтің қолайлылығын күшейтеді әрі деректердің құпия сақталуын қамтамасыз етеді.Ақпарат көзі : https://www.gov.kz/memleket/entities/abay-kurchatov/press/news/details/1080393?lang=kk

25–30 қыркүйек аралығында Өзбекстан Республикасының Хорезм облысы, Үргеніш қаласында әмбебап жекпе-жектен (UNIFIGHT) әлем чемпионаты өтті.Ауқымды додаға 12 елдің мықты спортшылары қатысты. Турнирдің атмосферасы нағыз ерлік пен күштің, спорт рухының көрінісіне айналды.Қазақстан халықаралық аренада тағы да өз көшбасшылығын дәлелдеді. «Burkit Team» құрамасының өкілі, ҚР ІІМ Ұлттық ұланы 6655 әскери бөлімінің әскери қызметшісі Әзімжон Курбонбоев 75 келіге дейінгі салмақ дәрежесінде өнер көрсетіп, әлем чемпионы атағы мен алтын медальді жеңіп алды!Осылайша спортшымыз әлем чемпионы атағын үшінші рет иеленіп отыр. Бұл оның кәсіби деңгейінің жоғары екенін және қазақстандық әмбебап жекпе-жек мектебінің әлеуетін тағы бір мәрте айғақтайды.Әзімжон Курбонбоевтың бұл жеңісі – ел спортының өркендеуіне серпін беріп, Қазақстанның әлемдік аренадағы абыройын асқақтатқан айтулы оқиғаға айналды. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1078109?lang=kk

1 қазан - Қарттар күні қарсаңында Әділет департаментінің қызметкерлері ардагерлер мен аға буын өкілдерін құттықтады.Көп жылғы еңбектері үшін құрмет пен алғыс ретінде оларға ақшалай сыйлықтар табысталды.Мұндай кездесулер - қолдау көрсетудің ғана емес, өмірін еңбекке және жақындарына қамқорлыққа арнаған адамдарға шынайы құрмет білдірудің де мүмкіндігі.Ізгі тілектер, күлкі мен ықылас мерекелік көңіл-күй сыйлап, қарттар әрдайым қасымызда екенін және олардың тәжірибесі мен даналығының баға жетпес екенін еске салады. Қостанай облысыӘділет департаментініңБаспасөз қызметіАқпарат көзі : https://www.gov.kz/memleket/entities/adilet-kst/press/news/details/1078123?lang=kk

ЦОН енді дайын құжаттарды көрсетілген мекенжайға ақылы түрде жеткізетін болады. Мемлекеттік корпорация «Азаматтарға арналған үкімет» ЦОН-дарда дайын құжаттарды көрсетілген мекенжайға курьерлік жеткізу қызметін іске қосты. Бұл сервис «Халыққа қызмет көрсету бөлімі менеджері» пилоты аясында жүзеге асырылып, госкорпорацияның фронт-офистерінде қолжетімді. Қалай жұмыс істейді:Өтініш берген кезде ЦОН қызметкері жеткізуді рәсімдеуді ұсынады. Өтініш беруші мекенжайды көрсетіп, қызмет ақысын банк мобильді қосымшасы арқылы QR-кодпен төлейді. Өңірлерде – 1 000 тг. Жеткізуге тек ЦОН-да өтініш берген кезде тапсырыс беруге болады. Қандай құжаттар жеткізіледі (15 қызмет):баланың туу туралы куәлігі;некені бұзу туралы куәлік;туу, неке қию және бұзу, қайтыс болу туралы қайталама куәліктер мен мұрағаттық анықтамалар;білім туралы құжаттардың дубликаттары;азаматтық хал актілерін қалпына келтіру;ресми құжаттарды апостильдеу және т.б. Хабарландыру және қауіпсіздік:Құжат дайын болғанда 1414-тен бірегей кодпен SMS-хабарлама келеді. Курьер алдын ала хабарласып, тапсыру кезінде жеке куәлік пен растау коды арқылы сәйкестендіру жүргізеді. Жеткізу мәртебесін «ЦОН» мобильді қосымшасында (App Store/Google Play) «Құжаттарды жеткізу» бөлімінен көруге болады. Авторизация – ЖСН және телефон нөмірі арқылы жүзеге асады.Жаңа сервис уақытты үнемдеп, қолайлылық пен құпиялықты арттырады – азаматтарға дайын құжаттарды алу үшін ЦОН-ға қайта барудың қажеті жоқ.Ақпарат көзі : https://www.gov.kz/memleket/entities/kostanai-mendykarin-audany-akimat/press/news/details/1078124?lang=kk

1 қазан – Халықаралық қарттар күніне орай облыс ардагерлері өндірістік және инфрақұрылымдық жобалармен, іске қосылған нысандар жұмысымен танысты.Алдымен «Сыр жұлдыздары» шығармашылық-инновациялық академиясына барды. Заманауи орталық бір мезетте 500, тәулігіне 3 мыңға дейін оқушы қабылдай алады. Мұнда бассейн, фитнес және гимнастика залдары, үстел теннисі, жекпе-жек және үстел ойындарына арналған бөлмелер бар. Сонымен қатар, кескіндеме, сурет, сәндік-қолданбалы өнер, робототехника, жасанды интеллект, биотехнология, 3D модельдеу, киберспорт және математика кабинеттері жұмыс істейді.Келесі нысан – «Қызылорда-Нан» ЖШС-ның нан-тоқаш, кондитерлік және макарон өнімдерін өндіру кешені. Қазіргі таңда үш өндірістік цех іске қосылған, алдағы уақытта печенье цехы жұмысын бастайды. Өнімнің 30%-ы кәсіпорынның жеке сауда желісі арқылы сатылады, қалғаны қала мен ауылдарға жеткізіледі. Жобаға 5 гектар жер беріліп, инфрақұрылым тартылды. «Қазақстан Халық банкінен» алынған 1,2 млрд теңге жеңілдетілген несиенің пайыздық мөлшерлемесі мемлекет тарапынан субсидиялануда. Бүгінде мұнда 120 адам еңбек етсе, болашақта олардың саны 150-ге жетпек.Одан кейін ардагерлер жаңа жылу-электр орталығының құрылыс барысымен танысты. «Aksa Energy» түрік компаниясымен бірлескен жоба аясында қуаттылығы 240 МВт болатын нысан салынуда. Орталыққа General Electric (АҚШ), Doosan Skoda (Чехия), AC BOILERS (Италия), Mimsan (Түркия) компанияларының қондырғылары жеткізілген. Құрылыс жұмыстарының 80%-ы аяқталып, газ тарату станциясы мен 45 шақырым газ құбыры салынды. Биыл алғашқы газ турбиналық қондырғы мен екі жылу қазандығы іске қосылса, қалғаны 2026 жылы пайдалануға беріледі.Ардагерлер қалалық мәдениет және демалыс паркін, Президент саябағын қайта жаңғырту жұмыстарында көрді. Жаңа коммуналдық базарды, «Қызылорда САЗ-М» кірпіш зауытын, музыкалық колледждің жаңа ғимаратын, физика-математика мектеп-интернатын және 11 мың орындық жаңа стадионды аралап шықты.Мерекеге орай қала мен аудандардан келген ардагерлердің басын қосқан салтанатты шара ұйымдастырылды. Аймақ басшысы Нұрлыбек Нәлібаев ел ағалары мен ақ жаулықты аналарды мерейлі мерекемен құттықтап, ізгі лебізін білдірді.«Мемлекет басшымыз Қасым-Жомарт Кемелұлы «Азаматтардың әл-ауқатын арттырудың басым міндеті – зейнетақы жүйесін жетілдіру. Қажырлы ардагерлердің қоғамға үлесін ынталандыру маңызды. Халықтың орташа өмір сүру жасы 75-тен асты, бұл – әлеуметтік саясаттың жетістігі» – деген болатын.Өңірімізде қазыналы қарияларды жан-жақты әлеуметтік қолдау, медициналық қызмет көрсету сапасын арттыру бағытында ауқымды жұмыс атқарылуда. Соңғы үш жылда жылына бір рет төленетін әлеуметтік көмектің көлемі Ұлы Отан соғысының ардагерлеріне 1,5 млн. теңгеден 5 млн. теңгеге, оларға теңестірілгендер мен тыл ардагерлеріне 90 мыңнан 196 мың теңгеге ұлғайды. Биыл 1 700-ге жуық ардагерге 322 млн. теңге көлемінде бір реттік әлеуметтік көмек көрсетілді. Облыста бірнеше жылдан бері «Сыр мейірімі» жобасы жүзеге асуда. Жоба аясында көмекке мұқтаж 225 жалғызбасты қарт мен мүгедектер, аз қамтылған отбасылар түскі аспен қамтамасыз етіліп келеді.Қазақ халқы «Қарты бар үйдің – қазынасы бар» деген. Бұл – халықтың ғасырлар бойғы құрметінің айқын көрінісі. Сіздердің даналықтарыңыз, өмірлік тәжірибелеріңіз бізге – кейінгі буынға жол көрсетер бағдаршам. Ел ішінің татулығы мен бірлігін сақтауда, ұлттың рухын биік ұстауда ардақты ардагерлеріміздің рөлі ерекше.Мерейлі мерекеде баршаңыздың дендеріңізге саулық, отбасыларыңызға амандық, бақ-береке тілеймін», – деді Нұрлыбек Машбекұлы.Ақпарат көзі : https://www.gov.kz/memleket/entities/kyzylorda/press/news/details/1078158?lang=kk

ЦОН енді дайын құжаттарды көрсетілген мекенжайға ақылы түрде жеткізетін болады. Мемлекеттік корпорация «Азаматтарға арналған үкімет» ЦОН-дарда дайын құжаттарды көрсетілген мекенжайға курьерлік жеткізу қызметін іске қосты. Бұл сервис «Халыққа қызмет көрсету бөлімі менеджері» пилоты аясында жүзеге асырылып, госкорпорацияның фронт-офистерінде қолжетімді. Қалай жұмыс істейді:Өтініш берген кезде ЦОН қызметкері жеткізуді рәсімдеуді ұсынады. Өтініш беруші мекенжайды көрсетіп, қызмет ақысын банк мобильді қосымшасы арқылы QR-кодпен төлейді. Өңірлерде – 1 000 тг. Жеткізуге тек ЦОН-да өтініш берген кезде тапсырыс беруге болады. Қандай құжаттар жеткізіледі (15 қызмет):баланың туу туралы куәлігі;некені бұзу туралы куәлік;туу, неке қию және бұзу, қайтыс болу туралы қайталама куәліктер мен мұрағаттық анықтамалар;білім туралы құжаттардың дубликаттары;азаматтық хал актілерін қалпына келтіру;ресми құжаттарды апостильдеу және т.б. Хабарландыру және қауіпсіздік:Құжат дайын болғанда 1414-тен бірегей кодпен SMS-хабарлама келеді. Курьер алдын ала хабарласып, тапсыру кезінде жеке куәлік пен растау коды арқылы сәйкестендіру жүргізеді. Жеткізу мәртебесін «ЦОН» мобильді қосымшасында (App Store/Google Play) «Құжаттарды жеткізу» бөлімінен көруге болады. Авторизация – ЖСН және телефон нөмірі арқылы жүзеге асады.Жаңа сервис уақытты үнемдеп, қолайлылық пен құпиялықты арттырады – азаматтарға дайын құжаттарды алу үшін ЦОН-ға қайта барудың қажеті жоқ.Ақпарат көзі : https://www.gov.kz/memleket/entities/kostanai-kamysty-klochkov/press/news/details/1077942?lang=kk