Аудан әкімі Жандос Еркінбек күзгі егін жинау жұмыстарының барысымен танысу мақсатында бірқатар ауыл шаруашылығы құрылымдарының күріш алқаптарын аралап, науқанның ұйымдастырылу деңгейіне назар аударды.Аудан көлемінде бүгінгі күні 30 шаруашылық бойынша егін жинау жұмыстары жүйелі түрде жүргізілуде. Жалпы 12 993 гектар жерге егілген күріштің бүгінгі күнге дейін 3 957 гектары орылып, 2 301 гектары бастырылған. Орташа өнімділік 44,0 центнерді құрап, 10 124 тонна өнім алынды. Бір күнде орта есеппен 1 257 гектар күріш орылып, 354 гектар бастырылуда.Аудан бойынша егін жинау жұмыстарына қажетті 1 710 тонна жеңілдетілген дизель отынының бүгінгі күнге дейін 664,5 тоннасы жеткізілді. Қалған 832,8 тонна отын егін жинау науқаны толық аяқталғанға дейін жеткізілуі жоспарланып отыр.Егістік алқаптарды аралау барысында аудан әкімі шаруашылық басшылары мен сала мамандарына науқанды бекітілген кестеге сәйкес жүргізуді тапсырды. Сонымен қатар, дизель отынының уақтылы жеткізілу жұмыстарын қамтамасыз ету мәселелеріне ерекше назар аударуды жүктеді.Ақпарат көзі : https://www.gov.kz/memleket/entities/kyzylorda-karmakshy/press/news/details/1072471?lang=kk

Джакарта, 2025 жылғы 22 қыркүйек – 2025 жылғы 19-21 қыркүйекте Джакартада Индонезияның Сыртқы істер министрлігі ұйымдастырған «Arts lumiere Indonesia Festival: Muslim World Movie Screening» Ислам ынтымақтастығы ұйымы елдерінің кинофестивалі өтті.ИЫҰ-ның 16 елінен ислам құндылықтарын, бейбітшілікті, адамгершілікті және мәдениетаралық диалогты насихаттайтын 45 фильмнің ішінде режиссер Ақан Сатаевтың «Ұлы дала таңы» қазақстандық тарихи драмасы көрермендер мен сарапшылардың ерекше ықыласына бөленді.ҚР Мәдениет және ақпарат министрлігі мен «Қазақфильм» студиясының қолдауымен түсірілген фильм Қазақ хандығының негізін салушылардың бірі Жәнібек ханның ұлы Қасым ханның билік құрған кезеңін баяндайды. Оқиға XV-XVI ғасырларда, мемлекеттің гүлденген кезеңінде, хан Қасым шашыраңқы тайпалардың басын қосып, Ертістен Каспийге, Алтайдан Тянь-Шаньға дейінгі аумақтарды кеңейтіп, дала халқының сыртқы қауіп-қатерлерге қарсы күрестегі тәуелсіздігін қорғаған кезде өтеді.ҚР Елшісі Сержан Әбдікәрімов өз сөзінде фестивальді ұйымдастырғаны үшін Индонезия Сыртқы істер министрлігіне алғысын білдіріп, кинематография мәдени дипломатияны дамытуда және екіжақты қатынастарды нығайтуда аса маңызды рөл атқаратынын атап өтті. Ол бұл фильм Индонезия қоғамындағы Қазақстанның бай мәдени-тарихи мұрасын тереңірек түсінуге мүмкіндік беретініне сенім білдірді.Джакартада қазақстандық фильмнің премьералық көрсетілімі «Jakarta Arts Building» ғимаратында өтіп, индонезиялық көрермендердің үлкен қызығушылығын тудырды. Көрермендер көшпенділер мәдениетінің шынайы суреттелуін, актерлік шеберлігін және қойылымның эпикалық ауқымын атап өтті. Фестиваль қазақстандық кинематографтың тарихи жадыны сақтаудағы және ИЫҰ елдері арасындағы байланыстарды нығайтудағы маңызды рөлін атап өтті.Индонезия журналистер қауымдастығының төрайымы Телли Наталия «Ұлы Дала Таңы» міндетті түрде көруге болатын фильм екенін атап өтті. Ол режиссер Ақан Сатаевтың көрермендерді Еуразия тарихы жасалып жатқан дәуірге жеткізгенін айтты. «Осы фильмнің арқасында мен ұлы хан Қасымның тарихымен таныстым, ол өзінің даналығымен тайпалар арасындағы бейбітшілікті қолдап, гүлденген Қазақ хандығын құрды. Осы фильмнің арқасында мен өз даналығымен тайпалар арасындағы бейбітшілікті қолдап, гүлденген Қазақ хандығын құрған ұлы хан Қасымның тарихымен таныстым. Фильм сахналары көрермендерді қазақ жерінің керемет сұлулығымен таныстырады. Фильмде көшпенділердің өмірі, атқа міну, аспаздық, музыкалық аспаптар, балалар ойындары және тағы басқалар бар» - деп атап өтті ол.Ақпарат көзі : https://www.gov.kz/memleket/entities/mfa-jakarta/press/news/details/1072474?lang=kk

Аудан әкімінің орынбасары Шыңғыс Әбділәмитұлы Жосалы кентіндегі теміржол вокзалының күрделі жөндеу және аумақты абаттандыру жұмыстарының барысын бақылады.“Р и А Сервис ЛТД” ЖШС бас мердігер болып табылған құрылыс-монтаж жұмыстары ағымдағы жылдың 14 шілдесінде басталса, нысан толықтай желтоқсан айында пайдалануға беріледі деп жоспарлануда.1904 жылы салынған ғимараттың жалпы көлемі – 624,6 шаршы метр, жолаушы қабылдау мүмкіндігі 200 адамға есептелген.Қазіргі таңда құрылыс алаңы қоршалып, бекітілген эскиздік жоба негізінде сыртқы қасбетін әрлеу, оның ішінде жылу сақтағыш материалдармен қаптау, травертин тасын орнату, сондай-ақ шатыр құрылымын жаңарту жұмыстары атқарылуда.Шыңғыс Әбділәмитұлы нысан басында мердігер мекеме өкілдері мен сала басшыларына құрылыс сапасы мен жобалық-сметалық құжаттамаға сәйкестікті қамтамасыз етіп, белгіленген мерзімде аяқтау жөнінде нақты тапсырмалар жүктеді. Сондай-ақ тиісті сала басшысымен теміржол вокзалының маңын абаттандыру мақсатында темір бетон және теміржол электр торабына қарасты бағаналарды көшіру жөнінде келіссөздер жүргізді.Аталған құрылыс – аудан халқы үшін маңызды әлеуметтік нысан ретінде, жолаушыларға қолайлы жағдай жасау сапасын арттыруға бағытталған.Ақпарат көзі : https://www.gov.kz/memleket/entities/kyzylorda-karmakshy/press/news/details/1072476?lang=kk

Телеграмм КС - t.me/consot_kzАзамат кассациялық сотқа үкімдер мен қаулыларды өзгеріссіз қалдыруға және қайта қарау туралы өтініштерді қабылдамауға мүмкіндік беретін Қылмыстық-процестік кодекстің нормасын тексеру туралы өтінішпен Конституциялық Сотқа жүгінді. Өтініш берушінің пікірінше, Қылмыстық-процестік кодекстің 494-бабы жетінші бөлігінің 1) тармақшасы оның сот арқылы қорғалу құқығын шектейді.Конституциялық Сот кассациялық қайта қарау тәртібі заңмен белгіленетінін және ол заң шығарушының құзыретіне жататынын атап өтті. Конституциялық Сот тек нормалардың Конституцияға сәйкестігін тексереді және нақты істердің мән-жайларын бағаламайды. Өтініш беруші өз құқығын пайдаланған және оның өтініші сот қарауына алынған. Нәтижесінде дауланып отырған норманың Конституцияға сәйкестігін тексеруге негіздер жоқ екені анықталып, өтінішті қабылдаудан бас тартылды.Ақпарат көзі : https://www.gov.kz/memleket/entities/ksrk/press/news/details/1072308?lang=kk

Әлемдік біріншілік кезеңі Германияның Котбус қаласында өтті. Синхронды секіру жарыстарында Данил Мұсабаев пен Никита Тумаков 52,200 ұпай жинап, бірінші орынға ие болды. Жарыс нәтижелері бойынша Германия (әлем чемпионы Кайо Лаукстерман және екі дүркін әлем чемпионы Фабиан Фогель) 52,050 ұпаймен екінші орынға ие болды, ал Ұлыбритания (әлем чемпионы Зак Перцаманос және Еуропа чемпионы Кори Уолкс) 51,530 ұпаймен қола алды.Айта кету керек, қарағандылық дуэт бұған дейін Әзірбайжанда өткен Әлем Кубогы кезеңінде күміс жеңіп алған болатын.Халықаралық біріншілік Бакуде 20-23 ақпан аралығында өтті. Іріктеу кезінде біздің жігіттеріміз оннан төртінші болды, олар екі жапондық дуэт пен американдық дуэттен озып кетті. Финалда қазақстандық батуттистер екінші орынға ие болды. Бірінші орынды күншығыс елінің өкілдері, үшінші орынды мексикалық спортшылар иеленді.Егер Данил Мұсабаев қазақстандық спорт жұлдызы, 2022 жылғы Азия ойындарының күміс жүлдегері және 2024 жылғы Париждегі Олимпиада ойындарының қатысушысы болса, 18 жасар Никита Тумаков үшін Әлем кубогының күмісі- осындай жоғары деңгейдегі жарыстардағы алғашқы медалі. Бұл жолы алтын!Біз гимнасттар мен олардың жаттықтырушысы Сергей Владимирович Вертянкинді жеңісімен құттықтаймыз! Біз осындай атақты  қарсыластарды жеңгенін баса айтамыз.- Германиядан  бірден Болгарияға ұшамыз, онда 22-29 қыркүйек аралығында Әлем Кубогы өтеді. Содан кейін Әзірбайжанда халықаралық турнир өтеді, - деп жазды бізге Сергей Владимирович.Спортшыларымызға сәттілік пен медаль тілейміз!@mussabayev13@vertiankin_s@zhsshm_karagandyАқпарат көзі : https://www.gov.kz/memleket/entities/karaganda-sport/press/news/details/1072328?lang=kk

Жетісу облысының мемлекеттік архивінде «Архив және болашақ ұрпақ» жобасы бойынша Ашық есік күні өтті. Шара архив құжаттарын пайдалана отырып, архив құжаттарын насихаттау, архивист мамандығының маңыздылығы мен қызығушылығын арттыру, өскелең ұрпақты ғылыми-зерттеу жұмыстарына тартып, Отанға деген патриоттық сезімдерін қалыптастыру мақсатында өткізілді.Ашық есік күніне жалпы білім беретін мектептердің оқушылары, орта арнаулы және жоғары оқу орындарының студенттері қатысты.Ақпарат көзі : https://www.gov.kz/memleket/entities/zhetysu-archive/press/news/details/1072276?lang=kk

 19.09.2025 ж. Сарқан ауданы бойынша Мемлекеттік кірістер басқармасында салық төлеушілер үшін Ашық есік күні өтті, оның шеңберінде 2026 жылдан бастап күшіне енетін Салық кодексіндегі негізгі өзгерістер талқыланды.Іс-шараға қатысушылар – жеке кәсіпкерлер, шаруа қожалықтарының басшылары, есепшілер – салық заңнамасындағы алдағы жаңалықтар туралы біліп, өз сұрақтарын қоя алды.Ақпарат көзі : https://www.gov.kz/memleket/entities/kgd-zhetysu/press/news/details/1072298?lang=kk

Өткен демалыс күндері Алматыда ауқымды шара өтті – қала тұрғындары дәстүр бойынша Қала күнін демалыс күнгі жәрмеңкелерге барып атап өтті. Сенбі-жексенбі күндері мегаполистің 6 ауданында 12 жәрмеңке ұйымдастырылып, 300 тоннадан астам өнім сатылды.Сөрелерге жаңа ет, көкөніс, жеміс-жидек, шұжық, бал және басқа да 1 000-нан астам тауар түрлері қойылды. Оларды Алматы қаласы мен Алматы облысының 270 ауыл шаруашылығы өндірушісі мен фермері ұсынды. Әсіресе әлеуметтік маңызы бар азық-түліктердің бағасы нарықтағыдан 15–20% төмен болғаны қала тұрғындарына үлкен қолдау көрсетті.«Мен 2013 жылдан бері осы жәрмеңкеге келемін. Мамыр ықшамауданынан арнайы осында келемін. Маған бәрі ұнайды, бағасы да қолжетімді», – дейді қала тұрғындарының бірі. Көптеген алматылықтар үшін мұндай жәрмеңкелер мерекелік дәстүрге айналып, сапалы азық-түлікті тиімді бағамен алудың мүмкіндігіне жол ашып отыр.Сатылған 300 тонна өнімнің ішінде шамамен 45 тоннасы – ет (соның ішінде сиыр еті), ал 210 тоннасы – көкөніс пен жеміс-жидек. Бұл жәрмеңкелердің алматылықтарға ұсынатын өнімдерінің мол әрі әртүрлі екенін көрсетеді.Жәрмеңкелер әр сенбі-жексенбі күндері сағат 09:00-ден 18:00-ге дейін мына мекенжайларда өтеді:Алмалы ауданы – Масанчи көшесі (Айтеке би мен Гоголь көшелерінің арасы);Әуезов ауданы – Өтеген батыр көшесі (Абай даңғылынан төмен);Бостандық ауданы – Қазақфильм ықшамауданы (Әл-Фараби даңғылынан жоғары);Жетісу ауданы – Құлагер ықшамауданы, «Гүлдер» саябағының алдында;Медеу ауданы – Мендіқұлов бульвары – Бектұров көшесі;Алатау ауданы – Мәдениет ықшамауданы.Демалыс күнгі жәрмеңкелер қала өмірінің маңызды бөлігіне айналды. Оларды апта сайын 40 мыңнан астам адам аралап, жергілікті өндірушілерді қолдап, жаңа өнім сатып алады.Жәрмеңкенің басты мақсаты – фермерлерге өз өнімдерін, соның ішінде әлеуметтік маңызы бар тауарларды тікелей сату мүмкіндігін беру, ал қала тұрғындарына оларды қолжетімді бағамен ұсыну. Бұл нарықтағы бағаның тұрақтылығын сақтауға және халықтың барлық тобы үшін азық-түліктің қолжетімді болуына ықпал етеді.Ақпарат көзі : https://www.gov.kz/memleket/entities/mti/press/news/details/1072230?lang=kk

Қазақстан, Бразилия, Иордания, Қытай, Франция және Оңтүстік Африка Республикасының басшылары Халықаралық Қызыл Крест Комитетімен (ХҚКК) бірлесіп, мәлімдеме жасады, деп хабарлайды Қазақстан Сыртқы істер министрлігіне сілтеме жасаған KAZ.NUR.KZ.Министрлік сайтында хабарланғандай, өз мәлімдемесінде мемлекет басшылары бүкіл әлемдегі қақтығыстарда халықаралық гуманитарлық құқықтың (ХГҚ) кең ауқымда бұзылуына және оның салдарынан болып жатқан адамзаттық қасіретке алаңдаушылық білдірді.Олар барлық мемлекет пен қарулы қақтығыстардың тараптарын ХГҚ-ны, атап айтқанда, бейбіт тұрғындарды, азаматтық нысандарды, сондай-ақ медицина және гуманитарлық сала қызметкерлерін қорғауға қатысты нормаларды сақтауға шақырды. Сондай-ақ мемлекет басшылары 2026 жылы соғыс кезінде ізгілікті сақтауға арналған жоғары деңгейдегі жаһандық кездесу ұйымдастырылатынын жариялады.Бұл мәлімдеме халықаралық гуманитарлық құқыққа саяси бейілділікті күшейту жөніндегі Жаһандық бастаманы ілгерілету аясында жасалды. Бастама ХГҚ-ның неғұрлым қатаң сақталуын қамтамасыз ету бойынша практикалық ұсынымдар әзірлеуге бағытталған және 2024 жылғы 27 қыркүйекте Нью-Йоркте БҰҰ Бас Ассамблеясының 79-сессиясы аясында бастамашы алты елдің СІМ басшылығы мен ХҚКК кездесуі барысында жарияланды.Қазіргі уақытта бастамаға 89 мемлекет ресми түрде қосылды, ал 130-дан астамы жеті тақырыптық бағыт бойынша жаһандық және өңірлік консультацияларға қатысты.Бірлескен мәлімдеме әлем жұртшылығын кеңінен хабардар ету мақсатында БҰҰ-ның алты ресми тілінде, сондай-ақ қазақ және португал тілдерінде жарияланды.Ақпарат көзі : https://www.gov.kz/memleket/entities/abay-aksuat-satbaev/press/news/details/1072249?lang=kk

Қарағанды облысында инвестиция тарту жұмыстары белсенді жүргізілуде. Биылғы сегіз айда өңірге 644 млрд теңге қаржы құйылды. Бұл өткен жылдың осы кезеңімен салыстырғанда 11 пайызға артық.Бұл туралы аппараттық кеңесте облыстық кәсіпкерлік және өнеркәсіп басқармасының басшысы Асқар Газалиев мәлімдеді.2025 жылы жалпы саны 29 инвестициялық жобаны жүзеге асыру жоспарланған. Оның жартысына жуығы өңдеу өнеркәсібі саласына тиесілі. Жыл қорытындысымен 1,5 трлн теңге инвестиция тарту көзделген.Инвесторларға өңірде қолайлы жағдай жасалған. Мемлекеттік бағдарламалар мен даму институттарымен қатар, өңірлік «Кәсіпкер» және «Өрлеу» бағдарламалары жұмыс істейді. Дайын инфрақұрылыммен және салықтық жеңілдіктермен қамтамасыз етілген екі ірі алаң бар – «Сарыарқа» АЭА мен Саран индустриялық аймағы. Сондай-ақ «Сарыарқа» ӘКК базасында Инвесторларға қызмет көрсету орталығы жұмыс істейді.Қолдау тетіктері жеңілдетілген несиелер, инфрақұрылым тарту, жер телімдерін бөлу және жер қойнауын пайдалану лицензияларын ұсынуды қамтиды.– Облыста іскерлік белсенділік артып келеді. Шағын және орта бизнес субъектілерінің саны 101 мыңнан асты. Биыл 3,8 мың кәсіпкерге субсидия, кепілдік, грант және жеңілдетілген несие арқылы қаржылай қолдау көрсету жоспарланған, – деді Асқар Ғазалиев.Қазірдің өзінде бірнеше ірі жоба іске қосылды. Атап айтқанда, ыстық мырыштау зауыты, Samsung маркалы теледидарлар мен кір жуғыш машиналар шығаратын өндіріс орындары пайдалануға берілді. Металлургиялық кремний өндірісі қайта қалпына келтірілуде.Осакаров ауданында қуаттылығы 150 МВт болатын жел электр станциясының құрылысы аяқталуға жақын. Жақын уақытта өңірде болаттан тік дәнекерлі құбырлар, алюминий радиаторлары мен кремнийлі қорытпалар өндірісі жолға қойылады.Аграрлық салада да ірі жобалар бар. Осакаров ауданында ең ірі тауарлы-сүт фермасының құрылысы басталды. Жыл соңына дейін сыйымдылығы 1200 басқа арналған алғашқы кезең іске қосылмақ.Облыс әкімі Ермағанбет Бөлекпаев инвестициялық жобалардың жүзеге асырылуы үнемі бақылауда екенін атап өтті.– Қазақстан халқына Жолдауында Мемлекет басшысы инвестицияларды қай салаға және қандай көлемде бағыттау қажеттігін нақтылап айтты. Жобаларды дайындау мен іске асыруға әкімдер жеке жауапты. Инвесторларда мәселе туындаған жағдайда, заң аясында жедел шаралар қабылдануы тиіс, – деді өңір басшысы.Ақпарат көзі : https://www.gov.kz/memleket/entities/karaganda/press/news/details/1072257?lang=kk

Семей қаласында Абайдың 180 жылдығына арналған «Сұлу Сырдан - ұлы Абай еліне» атты Қызылорда облысының өнер күндері өтті. Облыс әкімі Нұрлыбек Нәлібаев бастаған делегация құрамында Парламент Сенаты мен Мәжілісінің депутаттары Н.Байқадамов, Р.Рүстемов, М.Ергешбаев, облыстық ардагерлер кеңесінің төрағасы С.Дүйсенбаев, аймақ ардагерлері, зиялы қауым өкілдері, Тұрмағамбет атындағы халық аспаптар, симфония оркестрлері, «Сыр самалы» вокалды-аспапты, «Томирис» би ансамбльдері, хор ұжымы, басқа да өнерпаздар бар.Семейдегі Абай атындағы театрда Абай елінің көрермендеріне сұлу Сырдың жыр сәлемі жеткізіліп, аймақ басшысы концертке келушілерге ізгі тілегін білдірді.«Еліміздің ұлттық руханияты мен мәдениетінің, әдебиеті мен өнерінің ордасы – киелі Семей өлкесінде Өздеріңізбен жүздескенімізге қуаныштымыз! Президентіміз Қасым-Жомарт Кемелұлы: «Семей – ұлы даланың ұлағатты өлкесі. Бұл – Алаш арыстарының ізі қалған, зиялыларымыз елдің болашағы үшін күрескен қастерлі өңір. Семей – ұлттық ғылым мен білімнің, өнер мен мәдениеттің тарихи орталығы» деп лайықты бағасын берді.Абайдың есімін иеленген қасиетті өлкеде ұлы тұлғаның 180 жылдығы биыл аса жоғары деңгейде аталып өтті. Мемлекет басшысы «Ұлы Абай – біздің еліміздің мақтанышы ғана емес, әлемдік деңгейдегі кемеңгер. Оның өлеңдері мен қара сөздері – ұлттық болмысымыздың айнасы» деген болатын. Ақын өсиеттері – бүгінгі ұрпақтың айнымас қазығы. Баршаңызды қазақтың ұлы ақыны, «адамзаттың Абайы» атанған ағартушы, рухани реформатор Абай Құнанбайұлының жалпыхалықтық тойымен Сыр жұртшылығының, Өзімнің атымнан шын жүректен құттықтаймын!Семей және Қызылорда қалалары ұлтымыздың тағдыршешті мәселелері қаралып, маңызды шешімдер қабылданған саяси орталық ретінде тарихқа таңбаланған.Бүгінде Президентіміздің қолдауымен дербес облыс болып құрылған Абай елінде серпінді жобалар қарқын алғанына қуаныштымыз. Мәдениет пен руханиятты дамыту – еліміздің тұтастығын, ұлттық сана мен қоғамдық келісімді нығайтудың берік негізі.Бүгінгі шара екі өңірдің мәдениет, өнер саласы қызметкерлерінің тәжірибе алмасуына, іскерлік байланыстарды арттыруға ықпал етеді. Тәуелсіз еліміздің тұғыры берік, болашағы жарқын болғай!», – деді Н.Нәлібаев.Мерекелік басқосуда Абай облысының әкімі Берік Уәли сөз сөйлеп, өнер күндерін өткізуге қолдау білдірген облыс әкімі Нұрлыбек Нәлібаевқа, атсалысқан өнерпаздарға алғысын жеткізді.Концертте Қорқыттың күйі, халық әндері, Сыр сүлейлерінің термелері, «Ұлы дала поэмасы» хореографиялық қойылымы, күй тартыс, «Махамбет» поэмасы және басқа да туындылар көрерменге ұсынылды.Еске салайық, бұған дейін Қызылорда облысының мәдениет және өнер күндері Елордамыз Астанада, одан кейін Алматы қаласында жоғары деңгейде ұйымдастырылған еді.Өңірдің өнер майталмандары Наурыз мерекесін, еліміздің салт-дәстүрлерін халықаралық деңгейде насихаттап, Испания, Финляндия, Эстонияда маңызды шаралар өткізді. Алдағы қазан айында ұлттық мерекеміз – Республика күніне орай Швейцарияның бірқатар қаласында Қызылорданың мәдениет және өнер күндерін өткізу жоспарланған.Ақпарат көзі : https://www.gov.kz/memleket/entities/kyzylorda/press/news/details/1072268?lang=kk

Шығыс Қазақстан облысы бойынша Мемлекеттік кірістер департаменті Қазақстан Республикасы Өнеркәсіп және құрылыс министірінің  2025 жылғы 2 қыркүйектегі №342 бұйрығымен Қазақстан Республикасының Әділет министрлігінде 2025 жылғы 8 қыркүйек №36809 болып тіркелген Қазақстан Республикасының аумағына үшінші елдердің аумағынан  тас өнімдерінң жекелеген түрлері СЭҚ ТН 6802939000- салмағы 10 келі немесе одан көп көлемдегі гранит ескерткіштерге немесе құрлысқа арналған тас өнімдерінен басқа СЭҚ ТН 6801000000 – төселген тастар, жиек тас табиғи тастан төселуге арналған тастар мен плиталар, СЭҚ ТН 6802230000 – ескерткіштерге немесе құрлысқа арналған гранит және олардан жасалған бұйымдар, кесілген немесе кесілмеген, тегіс немесе тегіс беті бар, СЭҚ ТН 6802931000 – жылтыратылған безендірілген немесе өзге де өңдеуден өткен гранит тастардың көліктің кез келген түрімен Қазақстан Республикасының аумағына әкелуге үш (3) ай мерзімге тыйым салынғандығын хабарлайды.Сурет. № 1СЭҚ ТН коды: 68 02 939 00 0Төселген тастар, жиек тас табиғи тастан төселуге арналған тастар мен плиталарСурет. №2СЭҚ ТН коды: 68 02 939 00 0Ескерткіштерге немесе құрлысқа арналған тас өнімдері.Сурет. №3СЭҚ ТН коды: 68 02 931 00 0Жылтыратылған безендірілген немесе өзге де өңдеуден өткен гранит тастарАқпарат көзі : https://www.gov.kz/memleket/entities/kgd-vko/press/news/details/1072054?lang=kk

Маңғыстау облысы бойынша Мемлекеттік кірістер департаменті Қазақстан Республикасының Қаржы министрлігі Қазақстан Республикасының жаңа Салық кодексінің (14-тарауының 2-параграфы) ережелерін іске асыру мақсатында «Деңгейлес мониторингтің кейбір мәселелері туралы» бұйрық жобасын әзірлегенін хабарлайды. Деңгейлес мониторинг дегеніміз не? Деңгейлес мониторинг – салық органдары мен салық төлеушілер арасындағы ашықтық, сенім мен әріптестік қағидаттарына негізделген өзара іс-қимылдың жаңа нысаны. Негізгі мақсаты – салықтық тәуекелдерді азайту және салықтық бақылау рәсімдерін компанияның кәсіпкерлік қызметіне араласпай оңайлату. Бұйрық жобасының негізгі ережелері: - деректер витринасына, ішкі бақылау жүйесіне және есептілікті ашуға қойылатын талаптар белгіленген;- деңгейлес мониторинг жүргізу туралы өтініштерді беру, келісімдер жасасу және бұзу тәртібі белгіленген;- мониторинг жүргізу рәсімі регламенттелген. Мониторинг қалай жүргізіледі? - Жүйеге қатысу ерікті болып табылады. Өлшемшарттарға сәйкес келетін компаниялар уәкілетті органмен деңгейлес мониторинг жүргізу туралы келісім жасай алады.- Өзара іс-қимыл электрондық форматта, салықтық есептілікке, бухгалтерлік есепке алу тіркелімдеріне және бастапқы құжаттарға қол жеткізуді қамтамасыз ететін ақпараттық жүйе – «деректер витринасы» арқылы жүзеге асырылады.- Мұндай тәсіл салық төлеушілердің қызметін жедел талдауға, рәсімдерді оңайлатуға және салықтық бақылау мерзімдерін айтарлықтай қысқартуға мүмкіндік береді. Бизнес үшін артықшылықтары: - әкімшілік жүктемені азайту;- салықтық әкімшілендірудің болжамдылығы мен ашықтығы;- дәстүрлі тексерулер санының азаюы;- бизнес пен мемлекет арасындағы әріптестік қатынастарды нығайту. Деңгейлес мониторинг — бизнес пен мемлекет арасындағы ашық диалог пен әріптестікке жасалған қадам.Ақпарат көзі : https://www.gov.kz/memleket/entities/kgd-mangistau/press/news/details/1072075?lang=kk

Жоғары Сот Кеңесінде судьяларды конкурстық іріктеуҚазақстанда судьялық лауазымдарға тағайындау тек қана конкурс арқылы жүзеге асырылады.Жоғары Сот Кеңесі конкурстық рәсімдерді қамтамасыз ететін уәкілетті орган болып табылады.Жоғары Сот Кеңесі конкурстық іріктеу рәсімін кезең-кезеңімен жаңғыртып, бүгінгі күні ол үміткерлерді бағалаудың көпсатылы және жүйелі тетігіне айналды.Конкурсқа қатыса алады:Кеңес жанындағы біліктілік емтиханын сәтті тапсырған тұлғалар;Сот төрелігі академиясының түлектері;жүйе ішінде ауысқысы келетін жұмыс істеп жүрген судьялар;бұрын судьялық лауазым атқарған тұлғалар.Конкурстық іріктеу рәсімі мынадай кезеңдерден тұрады:хабарландыруды жариялау және құжаттарды қабылдау;талаптарға сәйкестігін тексеру;цифрландыруға жатпайтын мәліметтер бойынша кешенді бағалау;цифрлық критерийлер бойынша автоматтандырылған бағалау;қоғам пікірін зерделеу;құзыреттілік бойынша сұхбат (жұмыс жасап жүрген судьялардан басқа үміткерлер үшін);Конкурстық іріктеу комиссиясының отырысы;Жоғары Сот Кеңесінің қорытынды отырысы.Конкурстың барысы, оның кезеңдері мен нәтижелері туралы барлық ақпарат Кеңестің ресми интернет-ресурсында және әлеуметтік желілердегі парақшаларында жарияланады.Жоғары Сот Кеңесі Төраға Дмитрий Малаховтың басшылығымен ішкі үдерістерді оңтайландыру есебінен өткізілетін конкурстар санын арттырды. Бұл ретте іріктеу сапасы төмендеген жоқ, керісінше үміткерлерге қойылатын талаптар күшейтілді. Мұндай жұмыс бос лауазымдарды уақтылы толтыруға және жұмыс жасап жүрген судьялардың жүктемесін азайтуға бағытталған.Ақпарат көзі : https://www.gov.kz/memleket/entities/vss/press/news/details/1072100?lang=kk

Абай облысында өтетін Қызылорда облысының өнер күндеріне барған Қызылорда облысының әкімі Нұрлыбек Нәлібаев бастаған делегация Семейдегі «Абай ұлдарымен» ескерткішіне гүл шоқтарын қойды. Делегация құрамында Парламент Сенаты мен Мәжілісінің депутаттары Н.Байқадамов, Р.Рүстемов, М.Ергешбаев, облыстық ардагерлер кеңесінің төрағасы С.Дүйсенбаев, аймақ ардагерлері, зиялы қауым өкілдері, Тұрмағамбет атындағы халық аспаптар, симфония оркестрлері, «Сыр самалы» вокалды-аспапты, «Томирис» би ансамбльдері, хор ұжымы, басқа да өнерпаздар бар.Сыр елі делегациясының мүшелері Абайдың «Жидебай-Бөрілі» мемлекеттік тарихи-мәдени және әдеби-мемориалдық музей-қорығын аралап, құнды жәдігерлермен танысты. Абай облысының әкімі Берік Уәли қонақтарға «Semey Smart City» шағын ауданының құрылыс жобасын таныстырды. Қаланың солтүстік бөлігінде орналасқан жаңа ауданда 75 мың тұрғынға арналған тұрғын үй кешендері, 40-тан астам әкімшілік, коммерциялық және әлеуметтік нысандар, саябақтар бой көтермек.Мемлекет басшысының қолдауымен басталған «Абайға құрмет» акциясы аясында еліміздің 11 өңірі Семей қаласына бір нысан салып беруге өз ұсыныстарын берді. Маңғыстау облысы Достық үйінің іргетасын қалады. Шымкент қаласы шығармашылық орталығын, Түркістан облысы көрме орталығын, Астана қаласы Келешек мектебін, Ақтөбе облысы жекпе жек орталығын, Павлодар облысы үстел теннисі орталығын, Солтүстік Қазақстан облысы Рәміздер алаңын, Батыс Қазақстан облысы желілік саябақ салуды, Шығыс Қазақстан облысы Ертіс жағажайын абаттандыруды жоспарлаған.Қызылорда облысының әкімі Нұрлыбек Нәлібаев Мемлекет басшысының бастамасын қолдайтынын жеткізді. «Барлық бастамаларыңызға сәттілік тілейміз. Мемлекет басшысының, Үкіметтің қолдауымен үлкен жобаны қолға алған екенсіздер. Біз де бұл игілікті іске өз үлесімізді қосамыз. Қызылорда қаласында «Анаға тағзым» орталығы бар. Сондай ғимараттың бірін жоспарлаймыз» деді.Делегация Семей қаласында орналасқан еліміздегі автобус құрастыратын жетекші кәсіпорындардың бірі «Daewoo Bus Kazakhstan», жүк көліктерін, арнайы техника құрастырумен айналысатын «СемАЗ» және түрлі баспа өнімдерін шығарумен шұғылданатын «Казполиграф» серіктестіктерін аралады. Кәсіпорындардың өнімдеріне қызығушылық танытып, алдағы уақытта бірлесе жұмыс істеуге дайын екендерін жеткізді.Ақпарат көзі : https://www.gov.kz/memleket/entities/kyzylorda/press/news/details/1072119?lang=kk

АҢДАТПА!  «Жеке тұлғалардың банкроттығы туралы» тақырыбында тікелей эфир өтеді2025 жылғы 23 қырқүйекте сағат 16:00-де mkd_aqmol  Instagram парақшасында «Жеке тұлғалардың банкроттығы туралы» тақырыбында тікелей эфир өтеді.Спикер - Тобыл Демесинов  дәрменсіз борышкерлермен жұмыс басқармасының  басшысыМодератор – Айнұр Елікбаева түсіндіру жұмыстар және байланыс орталығы басқармасының басшысы Ақпарат көзі : https://www.gov.kz/memleket/entities/kgd-akmola/press/news/details/1072161?lang=kk

Талғар аудандық орталық ауруханасының қабылдау бөліміне жедел жәрдем көлігімен 1980 жылы туған ер адам ауыр хәлде түскен. Анықталғандай науқастың жалыннан денесінің үштен бір бөлігін күйік шалған. Беті, мойны, кеудесі, қолдары мен аяқтары күйіп, ауыр тыныстап, жоғарғы тыныс жолдары да зақымданған еді.Әр минут қымбат болды, аз ғана кідіріс өмірге қауіп төндіретін еді. Дәрігерлер науқасты қабылдап, бір секунд та жоғалтпай күресті бастап кетті. Мұндай сәтте адам тағдыры таразыға түседі, ал нәтижені тек кәсібилік, тәжірибе және команданың бірлігі өзгерте алады.Кәдімгі тұрмыстық күн ер адам үшін үлкен апатқа айналды: газ баллоны жарылып, оның өмірін бір сәтте «бұрын» және «кейін» деп екіге бөлді. Салдарынан беті, мойны, кеудесі, екі қолы мен аяғы күйіп, денесінің 35%-ы зақымданды. Бұған қоса, пациентке барожарақат және жоғарғы тыныс жолдарының күйігі диагнозы қойылды.Жағдайдың ауырлығын түсінген дәрігерлер оны бірден жансақтау бөліміне жатқызды. Мұнда шұғыл шаралар жасалып, тынысы тұрақтандырылды, ауырсынуы басылды, қарқынды инфузиялық және уытсыздандыру терапиясы басталды. Дәл осы жерде уақыт ұтып, дәрігерлер ағзаның өмірлік маңызды функцияларын тұрақтандыра алды.Жағдайы жақсарған соң ол травматология бөліміне ауыстырылды. Мұнда емді бөлім меңгерушісі Талғат Аманбекұлының басшылығымен, травматолог Нұрлыбай Самат Қалдарбекұлы мен комбустиолог Бекмұратов Әлішер Яхяұлы жалғастырды. Сондай-ақ реаниматологтар да, бөлім меңгерушісі Ербол Әбілғазиевичтің жетекшілігімен, белсенді атсалысты.Емдеу хаттамаға сай жүргізілді:• ауырсынуды басу және инфузиялық уытсыздандыру терапиясы,• күйік беттерін реттеу,• антибиотиктер мен анальгетиктер тағайындау,• тұрақты бақылау және күтім,• тыныс алу функциясын қолдау және өмірлік көрсеткіштерді қадағалау,• қозғалыс белсенділігін қалпына келтіруге көмек.Талғар ауруханасының медициналық персоналының бірлескен еңбегінің және міндетті әлеуметтік медициналық сақтандыру (МӘМС) жүйесі аясындағы қамқорлықтың арқасында науқас үш аптадан кейін қанағаттанарлық жағдайда үйіне шығарылды.Бұл оқиға тағы бір рет өмірдің бір сәтте өзгеріп кетуі мүмкін екенін көрсетті. Қайғы-қасірет уақытты да, орынды да таңдамайды. Бірақ дәл осындай сәттерде жаныңда тез, анық әрі жүрекпен әрекет ете білетін адамдардың болуы аса маңызды.Талғар ауруханасының дәрігерлері медицинаның тек ғылым ғана емес, батылдық, жауапкершілік және кәсібіне адалдық екенін дәлелдеді. Олардың білімдері мен адамгершілік қамқорлығының арқасында ауыр күйік алған ер адам қалыпты өмірге қайта оралып, бүгінде отбасымен бірге. Мұның барлығы дәрігерлер командасының мүмкіндіктің шегінен де асқан еңбегінің нәтижесі.Бұл – медицинаның, кәсібиліктің және адам жүрегінің жеңісі.Ақпарат көзі : https://www.gov.kz/memleket/entities/almobl-densaulyk/press/news/details/1072168?lang=kk

Алматы облысында шетелде біліктілігін арттырған жоғары санатты дәрігерлерден құралған арнайы мобильді топ шалғай аудандарды аралап, тұрғындарға кешенді медициналық көмек көрсетті. Негізгі мақсат – мамандандырылған медициналық көмекті шалғай елді мекен тұрғындарына қолжетімді ету, созылмалы және алғаш рет анықталған ауруларды ерте кезеңде диагностикалау, сондай-ақ жергілікті медициналық кадрлардың біліктілігін арттыру.Бұл туралы Алматы облысы Өңірлік коммуникациялар қызметінің алаңында өткен баспасөз мәслихатында облыстық Денсаулық сақтау басқармасының басшысы Ержан Сүлейменов мәлімдеді.Мобильді топтың жұмысы – сапалы медициналық көмекті әрбір тұрғынға жақындатудың нақты жолы. Бұл бастама шалғай ауыл тұрғындары үшін маңызды және әлеуметтік маңызы зор, – деді Ержан Сүлейменов.Мобильді топ Балқаш, Райымбек, Кеген және Ұйғыр аудандарында жұмыс жүргізіп, жалпы саны 1337 адамды тексеруден өткізді. Медициналық қызметтердің ауқымы кең болды: созылмалы аурулар бойынша бақылау, алғаш рет анықталған диагноздар бойынша кеңес беру, сондай-ақ күрделі оталарды орындау сияқты жоғары білікті көмектер көрсетілді.29 күрделі ота сәтті жүзеге асырылып, көптеген тұрғынға дер кезінде медициналық жәрдем көрсетілді. Сонымен қатар, ауруларды ерте сатыда анықтау арқылы диспансерлік бақылауға алу жұмыстары жүргізілді. Бұл шалғай өңірлерде денсаулық сақтау қызметтерінің қолжетімділігін арттыруға айтарлықтай әсер етті, - деді Алматы аймақтық көпсалалы клиниканың онкохирург-дәрігері Рашид-ага Мамедов.Мобильді топ құрамында хирург, травматолог, акушер-гинеколог, невропатолог және онкохирург сияқты білікті мамандар жұмыс істеді. Айта кетейік, бұл бастама денсаулық сақтау қызметтерінің қолжетімділігін арттырудың және медициналық көмектің сапасын көтерудің тиімді жолы ретінде бағаланып отыр. Мұндай форматтағы жұмыс алдағы уақытта да жоспарлы түрде жалғасады.Ақпарат көзі : https://www.gov.kz/memleket/entities/almobl-densaulyk/press/news/details/1072174?lang=kk

Семей қаласында Абайдың 180 жылдығына арналған «Сұлу Сырдан - ұлы Абай еліне» атты Қызылорда облысының өнер күндері өтті. Облыс әкімі Нұрлыбек Нәлібаев бастаған делегация құрамында Парламент Сенаты мен Мәжілісінің депутаттары Н.Байқадамов, Р.Рүстемов, М.Ергешбаев, облыстық ардагерлер кеңесінің төрағасы С.Дүйсенбаев, аймақ ардагерлері, зиялы қауым өкілдері, Тұрмағамбет атындағы халық аспаптар, симфония оркестрлері, «Сыр самалы» вокалды-аспапты, «Томирис» би ансамбльдері, хор ұжымы, басқа да өнерпаздар бар.Алдымен Семейдегі Абай атындағы театрда «Сыр өңірі – түркі өркениетінің алтын бесігі» атты көрме ашылды. Оны Қызылорда облысының әкімі Нұрлыбек Нәлібаев, Абай облысының әкімі Берік Уәли аралап көрді.Қызылорда облыстық тарихи-өлкетану музейі қорындағы құнды жәдігерлерден жасақталған көрме 3 бөлімнен тұрады.Ондағы «Шірік Рабат сақ жауынгері», «Сығанақ ханшайымы», «Түгіскен көсемі», «Жетіасар ақсүйек әйелі» археологиялық реконструкциялары археологиялық-этнографиялық экспедициялар кезінде табылған жәдігерлерді негізге алып жасалған. Келушілер назарына археологиялық алтындар коллекциясы, атап айтқанда Шірік Рабат және Бәбіш мола қалашықтарынан табылған алтын жапсырмалар, Сығанақ қалашығынан табылған алтын сырғалар, тұмар, түймелер және маржан моншақтардың түпнұсқа коллекциясы ұсынылды. Жанкент, Асанас, Қышқала, Сығанақтан т.б. табылған терракоталар, глазурлі қаптамалар, қыш ыдыстар және Бидайықасар қалашығынан табылған қоссаз домбыра көшірмесі де Абай елі тұрғындарының қызығушылығын туғызды. Көрмеге қойылған зергерлік бұйымдар коллекциясының тарихы бай. Сыр бойының қазақ әйелдері тағынған күміс әшекейлердің, яғни өңіржиек, жырға, алқаның, тұтынған ағаш жиһаздарының, ыдыстардың, тері бұйымдарының, ер қаруы болған қылыш, айбалта, семсер, шоқпар, найза, қалқан, жебенің құндылығы жайында білгісі келетіндер қатары көп болды. Сондай-ақ, түркі дүниесінің ұлы абызы Қорқыт атаның «Деде Қорқыт» кітабының Дрезден нұсқасы, нар қобыз, ЮНЕСКО сертификаты, кәдесыйлар, үш жүздің пірі болған Марал ишаннан жеткен көк аса, Марал бабаның оққағары болған Тәжіге тиесілі Керей ерінің түпнұсқасы, Қалқай ишан, Сердалы Бекшорин, Ер Сейтпенбет, Бұқарбай батыр пайдаланған мөрлердің көшірмелері де көрме төрінен орын алған. Семейліктер Абайдың 1922 жылы жарық көрген өлеңдер жинағының, Қызылорданың Қазақ АКСР-інің астанасы болғанына 100 жыл толуына орай фото және архивтік құжаттардың қыр-сырына қанықты.Ақпарат көзі : https://www.gov.kz/memleket/entities/kyzylorda/press/news/details/1072216?lang=kk

Қорғаныс министрлігінде армия спортшысы, бокстан екі дүркін әлем чемпионы қатардағы жауынгер Алуа Балқыбекованың құрметіне арналған салтанатты іс-шара өтті. Ол Ливерпульде өткен әлем чемпионатында алтын медаль жеңіп алды.Қорғаныс министрі авиация генерал-лейтенанты Дәурен Қосанов спортшыны жеңісімен құттықтап, оның ерлігі мен табандылығын атап өтті. Министрдің айтуынша, Балқыбекованың жетістіктері жастарға үлгі болып, жеңіске деген сенім мен жігердің маңызын көрсетеді.Сонымен қатар қорғаныс министрі Армия орталық спорт клубы бокс командасының басшысы аға лейтенант Әлішер Омаркұловқа кәсіби еңбегі мен чемпионды дайындаудағы үлесі үшін алғыс айтты.Елеулі жетістіктері үшін Алуа Балқыбекова «Ел қорғаны» ведомстволық медалімен марапатталды. Ал Әлішер Омаркұловқа мерзімінен бұрын «капитан» әскери атағы берілді.Өз кезегінде Алуа Балқыбекова қолдау білдіргені үшін ризашылығын білдіріп, Қорғаныс министрлігіне әйелдер құрамасының әлем чемпиондары қол қойған бокс қолғаптарын сыйға тартты.«Мен армия спортының бір бөлігі болғаныма мақтанамын. Әріптестеріме, жаттықтырушыма және Қорғаныс министрлігіне қолдауы үшін алғыс айтамын. Жеңістерім жастарды спортқа баулиды деп сенемін», – деді чемпион.Іс-шара соңында спортшылар мен жаттықтырушыларға алғыс хаттар мен естелік сыйлықтар табыс етілді. Бұл салтанат армия спортын дамыту – жоғары жетістіктерге жететін мамандарды дайындаудың маңызды бөлігі екенін көрсетті.Ақпарат көзі : https://www.gov.kz/memleket/entities/mod/press/news/details/1072217?lang=kk