Астана, 2026 жылғы 3 наурыз – Қазақстан Республикасы Сыртқы істер министрінің орынбасары Арман Исетов Босния және Герцеговинаның Қазақстанға жаңадан тағайындалған Елшісі қызметін қоса атқарушысы Иван Орличтен сенім грамотасының көшірмесін қабылдады.А.Исетов Босния және Герцоговина дипломатын тағайындалуымен құттықтап, оның қызметі екі ел арасындағы достық қарым-қатынастарды дамытуға ықпал ететініне сенім білдірді.Кездесу барысында тараптар саяси, экономикалық және мәдени-гуманитарлық салалардағы екіжақты ынтымақтастықтың қазіргі жағдайы мен даму келешегін талқылады.Елші И.Орлич жылы қабылдау үшін алғысын білдіріп, Астана мен Сараево арасындағы қарым-қатынастарды дамыту үшін күш-жігерін жұмсауға әзірлігін растады.Тараптар өзара қызығушылық тудыратын барлық салалар бойынша байланыстарды жалғастыруға келісті.Ақпарат көзі : https://www.gov.kz/memleket/entities/mfa/press/news/details/1174314?lang=kk

№28 мекемесінде сотталғандар арасында дойбыдан турнир өттіБатыс Қазақстан облысы бойынша ҚАЖ департаментіне қарасты №28 мекемеде тәрбие бөлімі Батыс Қазақстан облысының Дене шынықтыру және спорт басқармасымен және «Жайық Арена» спорт клубымен бірлесіп сотталғандар арасында дойбыдан турнир ұйымдастырып, өткізді.Турнирге «Жайық Арена» спорт клубының жаттықтырушысы Данияр Жұмағалдиев төрешілік жасап, қатысушыларға әдістемелік қолдау көрсетті.Жарыс тартысты әрі жоғары деңгейде өтті. Қорытындысында I, II, III орын иегерлеріне дипломдар мен медальдар табысталды, сондай-ақ арнайы номинациялар бойынша марапаттар берілді.Тәрбие бөлімінің бастығы, әділет майоры Миржан Мендиғалиевтің айтуынша, мұндай іс-шаралар сотталғандардың логикалық ойлау қабілетін дамытып, тәртіпті нығайтуға және оң мотивация қалыптастыруға ықпал етеді.Ақпарат көзі : https://www.gov.kz/memleket/entities/ps/press/news/details/1175354?lang=kk

Кедендік операцияларды жасау үшін қажетті құжаттар және мәліметтер бойынша2017 жылғы 26 желтоқсандағы «Қазақстан Республикасындағы Кедендік реттеу туралы» Қазақстан Республикасының Кодексінің 146 бабы бойынша Кедендік операцияларды жасау үшін кеден органдарына қазақ, орыс немесе шет тілдерінде жасалған құжаттар ұсынылуы мүмкін.Кеден органы қазақ немесе орыс тілі болып табылмайтын тілде жасалған кедендік операцияларды жасау үшін қажетті құжаттарда қамтылған мәліметтердің аудармасын талап етуге құқылы.Ақпарат көзі : https://www.gov.kz/memleket/entities/kgd-vko/press/news/details/1174334?lang=kk

Бас прокуратураның Құқықтық статистика және арнайы есепке алу жөніндегі комитетінің Қылмыстық қауіп-қатерлердің және қоғамдық қауіпсіздіктің тәуекелдерін болжау орталығы азаматтарды жалған инвестициялық платформаларда, deepfake  ехнологияларын, сондай-ақ бұрын жоғалған инвестицияларды қайтару бойынша жалған қызметтерді пайдалана отырып, азаматтарды қаржылық алаяқтыққа тарту бойынша интернет-алаяқтардың күшейе түсуі туралы ескертеді.Егер бұрын шабуылдаушылар «Қазатомөнеркәсіптің» фишингтік сайттарын пайдаланса, бүгінгі таңда киберқылмысшылар екінші деңгейлі банктердің, ірі құрылыс фирмаларының жалған инвестициялық платформаларын жасап, deepfake технологиясының көмегімен танымал тұлғалардың суретін, бейнесін немесе дауысын пайдаланып, азаматтардың ақшасын иелену үшін алаяқтық платформаларды ілгерілетуде.Сонымен бірге, әлеуметтік желілерде адал емес брокерлерден зардап шеккендерге ақша қаражатын қайтару бойынша қызметтер белсенді түрде жарнамалануда.Алайда, бұл инвестиция салу нәтижесінде қаражатынан айырылған азаматтарға бағытталған қайталама алаяқтық схема.Сақ болыңыз!Ақша қаражатын сақтау үшін мыналар ұсынылады:- күмәнді сілтемелер бойынша өтпеу;- дербес және банктік деректерді үшінші тұлғаларға бермеу;- әлеуметтік желілер, мессенджерлер және жарнамалар арқылы таратылатын инвестициялық ұсыныстар туралы ақпаратты, әсіресе жоғары әрі кепілдендірілген табыс уәде етілген жағдайларда, мұқият тексеру;- алаяқтық белгілері анықталған жағдайда құқық қорғау органдарына дереу хабарласу және банкті хабардар ету ұсынылады.Алаяқтар сеніммен ойнайды. Өзіңізді алдауға жол бермеңіз.Ақпарат көзі : https://www.gov.kz/memleket/entities/tourism-vko/press/news/details/1175688?lang=kk

 Кәсіпкерлерді қолдау және бухгалтерлік пен салықтық есепті жүргізу сапасын арттыру мақсатында Қазақстан Республикасы Қаржы министрлігі «Халық бухгалтері» акциясын өткізуде.      Акция 2026 жылғы 5 қаңтарда басталып, 2026 жылғы 30 маусымға дейін жалғасады.      «Халық бухгалтері» — жеке кәсіпкерлер мен шағын бизнес субъектілеріне арналған тегін консультациялық көмек.       Кәсіпкерлер бухгалтерлік есеп, салықтық есептілік және ақпараттық жүйелермен жұмыс істеу мәселелері бойынша түсінікті әрі практикалық түсіндірмелер ала алады.       Ақмола облысы бойынша іс-шара Көкшетау қаласы, Назарбаев даңғылы, 21А мекенжайында орналасқан Көкшетау қаласы бойынша Мемлекеттік кірістер басқармасында өтеді.       2026 жылғы наурыздан бастап консультациялар аптасына 2 рет  (сейсенбі, бейсенбі күндері) сағат 10:00-ден 13:00-ге дейін жүргізіледі, Сондай-ақ қабылдау уақытында аудандық және қалалық басқармалар арасында бейнебайланыс пен телефон арқылы кеңес беру мүмкіндігі көзделген.     Бетпе-бет консультациялардан бөлек, кәсіпкерлер үшін келесі мүмкіндіктер қолжетімді болады:ресми ресурстар арқылы онлайн-консультациялар;вебинарлар (онлайн және офлайн форматта);есепті кезеңдерде тақырыптық консультациялық сессиялар.                «Халық бухгалтері» акциясы салық төлеушілермен жұмыс істеуде бақылау моделінен сервистік сүйемелдеуге көшу жолындағы алғашқы қадам болып табылады. Алдағы уақытта құқық бұзушылықтардың алдын алуға және консультациялық қолдаудың сапасын арттыруға бағытталған қосымша шараларды іске асыру жоспарлануда.Ақпарат көзі : https://www.gov.kz/memleket/entities/kgd-akmola/press/news/details/1174526?lang=kk

Шонжы ауылдық мәдениет үйінде жалпыұлттық бірлік пен тарихи жадының символына айналған Алғыс айту күніне арналған «Алғысқа толы әлем» атты салтанатты мерекелік шара өтті. Көктемнің алғашқы күндерімен тұспа-тұс келген бұл мереке аудан тұрғындары үшін достықтың, өзара құрмет пен мейірімнің жарқын көрінісіне айналды.Мерекелік кештің шымылдығы ардақты ақсақалдың ақ батасымен ашылды. Ол өз сөзінде қазақ даласы түрлі кезеңдерде тағдыр тәлкегімен жер аударылған халықтарға пана болғанын еске алып, бүгінгі таңда ел ішіндегі татулық пен келісімнің маңыздылығын атап өтті.Салтанатты іс-шараға аудан әкімі Бота Елеусізова қатысты. Құттықтау сөзінде ол мемлекетіміздің берік іргетасы мейірімділік пен өзара қолдау екенін, өңір тұрғындары бұл құндылықтарды күнделікті өмірде айқын көрсетіп жүргенін айтты.– Бүгінгі күн – мейірім мен жанашырлық ұлттық кодымыздың өзегіне айналған ортақ үйімізге арналған тағзым. Біз ата-бабаларымыздың ерлігіне бас иіп, ауданның әрбір тұрғынына ел бірлігін нығайту жолындағы күнделікті еңбегі үшін алғыс айтамыз. Дәл осы ынтымақ пен бірлікте өлкеміздің табысты дамуының кепілі жатыр, – деді Бота Серікқызы.Мерекенің ерекше мәртебесін еңбегі мен қоғамдық қызметі арқылы ұлтаралық келісімді нығайтуға үлес қосып жүрген азаматтарды марапаттау рәсімі айқындай түсті.Сондай-ақ аудандық «AMANAT» партиясы филиалының төрағасы Нұрсұлтан Болатұлы мен ұйғыр этномәдени орталығының белсендісі Халидам Сайдуллаева құттықтау сөз сөйлеп, айтулы күннің татулық пен келісімді нығайтудағы маңызын атап өтті.Мерекелік бағдарлама халықтық «Жазерке» ансамблінің, «Арзу» шығармашылық ұжымының патриоттық және лирикалық туындыларымен әрленді. Көрермендер «Сәннәтчиләр» және «Тағ мәшриви» қойылымдарын зор ықыласпен қабылдады. Сонымен қатар Нұрғиса Тілендиевтің «Әлқисса» күйі мен «Елім» әні орындалып, жиналған қауымның рухын көтерді. И. Молутов атындағы орта мектеп оқушыларының «Чаббаят мұқамы» шығармасын орындауы көпұлтты Қазақстанның мәдени байлығын айқын көрсетті.Патриоттық әндердің асқақ әуенімен түйінделген кеш пен бір-біріне жолданған ақ тілектер адамгершілік пен өзара құрметтің қоғам дамуының басты бағдары болып қала беретінін тағы бір мәрте дәлелдеді. Көктемнің алғашқы күні осылайша рухани жаңару мен бірліктің шынайы мерекесіне айналып, жас ұрпақ үшін тағылымы мол тәрбиелік мәнге ие болды. Ақпарат көзі : https://www.gov.kz/memleket/entities/digital-nauryz/press/news/details/1174528?lang=kk

№Қала /аудан атауыреферендум учаскесі №орталықтың атауымекен жайы1Қонаев қаласы№ 947Орта мектеп-гимназияҚонаев қаласы,4 ш/а, № 64/2 2Еңбекшіқазақ ауданы№123Т.Молдағалиев атындағы аудандық мәдениет үйі Есік қаласы,Абай көшесі, 318А3Іле ауданы№ 358№ 24 лицейӨтеген батыр ауылы,Қ.Рысқұлбеков көшесі, 38Г 4Қарасай ауданы№ 424Қарасай аудандық кітапханаҚаскелен қаласы, Абылайхан көшесі, 211А 5Талғар ауданы№ 832Талғар ауданының мәнсап орталығыТалғар қаласы,Қонаев көшесі, 97/1 Ақпарат көзі : https://www.gov.kz/memleket/entities/almobl/press/news/details/1174542?lang=kk

2026 жылдан бастап ел ішінде салықтық резиденттікті растау талап етілмейді: жұмыс берушілер мен азаматтар нені білуі тиіс 2026 жылғы 1 қаңтардан бастап жаңа Салық кодексімен бірге жеке тұлғалардың салықтық резидент мәртебесін растауға тікелей қатысты өзгерістер күшіне енді.Негізгі жаңалық: салықтық резиденттік сертификатын беру жөніндегі мемлекеттік қызмет енді тек Қазақстан Республикасынан тыс жерде пайдалану үшін ғана көрсетіледі.Резидент мәртебесін енді кім айқындайды?Осы жылдан бастап салықтық резидент мәртебесін айқындау міндеті салық агентіне — жұмыс берушіге немесе табыс төлейтін өзге тұлғаға жүктелді. Негіз ретінде Салық кодексінің 222-бабы қолданылады.Жеке тұлға Қазақстанның салықтық резиденті болып танылады, егер мына екі шарттың кемінде бірі орындалса:Қазақстан Республикасында тұрақты түрде болуы;өмірлік мүдделерінің орталығы Қазақстанда орналасуы.Тұрақты болу деп кез келген қатарынан 12 айлық кезең ішінде (келу және кету күндерін қоса алғанда) ел аумағында кемінде 183 күн болу есептеледі.Өмірлік мүдделер орталығы Қазақстанда орналасқан деп келесі үш шарт бір мезгілде орындалған жағдайда танылады:Қазақстан Республикасының азаматтығының, ықтиярхаттың немесе тұруға рұқсаттың болуы;жұбайының және (немесе) жақын туыстарының Қазақстанда тұруы;Қазақстан аумағында тұруға қолжетімді жылжымайтын мүліктің болуы.Егер тұлға аталған талаптарға сәйкес келсе, ол салықтық резидент болып танылады және салық агенті бұл мәртебені уәкілетті органдардан сертификат сұратпай-ақ дербес айқындайды.Салықтық шегерімдер қалай қолданылады?Салық кодексі жеке тұлғалардың салық салынатын табысты айқындау кезінде шегерімдерді қолдану құқығын сақтайды.2026 жылғы 1 қаңтардан бастап әрбір күнтізбелік ай үшін 30 айлық есептік көрсеткіш (АЕК) мөлшерінде, бірақ жылына 360 АЕК-тен аспайтын базалық салықтық шегерім енгізілді. Бұл шегерім салықтық резиденттің жеке табыс салығын есептеу кезінде қолданылады.Шегерімдерді салық агентінің қолдану тәртібі Салық кодексінің 343-бабында белгіленген.Анықтама үшін: 2025 жылы Қостанай облысы бойынша Мемлекеттік кірістер департаментіне салықтық резиденттікті растау үшін 477 салық төлеуші жүгінген. 2026 жылдан бастап ел ішінде қолдану мақсатында бұл құжатты алу қажеттілігі жойылды.Қостанай облысы бойынша МКД Ақпарат көзі : https://www.gov.kz/memleket/entities/kgd-kostanay/press/news/details/1174569?lang=kk

Қазақстан Республикасы Сыртқы істер министрінің орынбасары Арман Исетов Астанаға 2026 жылғы 15 наурызда өтетін республикалық референдумды дайындау және өткізу процесін байқау мақсатында Дуглас Уэйктің жетекшілігімен келген ЕҚЫҰ Демократиялық институттар және адам құқықтары жөніндегі бюросы (ДИАҚБ) делегациясымен кездесу өткізді.Тараптар Қазақстан мен ЕҚЫҰ ДИАҚБ арасындағы ынтымақтастықты талқылаумен қатар, электоралдық процестің ашықтығы мен айқындығын қамтамасыз ету мақсатында референдумға халықаралық байқаушылардың қатысуы маңыздылығын растады. Сындарлы диалог пен ынтымақтастық халықтың өз еркін білдіру рәсімдеріне деген сенімділіктің нығаюына ықпал ететіні аталып өтті.Кездесу барысында Байқау миссиясының мандатына ерекше назар аударылды. Электоралдық процеске объективті баға берудің ерекше маңыздылығы аталып өтті, сондай-ақ халықаралық міндеттемелер мен ұлттық заңнама шеңберінде одан әрі өзара іс-қимылға дайындық расталды.Кездесу қорытындысы бойынша тұрақты жұмыс байланыстарын қолдауға және Миссияның қызметін қамтамасыз ету үшін қажетті қолдау көрсетуге өзара мүдделілік білдірді.Ақпарат көзі : https://www.gov.kz/memleket/entities/mfa/press/news/details/1174611?lang=kk

Ұлыстың ұлы күні – Наурыз мерекесіне орай 2026 жылғы 13–20 наурыз аралығында сауда саласын цифрландыру мен жасанды интеллектіні қолдануға арналған «Sauda in Digital Nauryz» байқауы өтеді.Қатысушылар инновациялық шешімдерін, сауда кеңістігін креативті цифрлық безендіру үлгілерін және жасанды интеллектіні қолдана отырып жүзеге асырылған жобаларын ұсынуы тиіс. Байқаудың мақсаты – сауда саласына заманауи технологияларды енгізуді ынталандыру және үздік тәжірибелерді қолдау.Байқауға Қазақстан Республикасының барлық сауда субъектілері қатыса алады.Қалай қатысуға болады?қысқа бейнеролик түсіріңіз;Instagram желісіндегі өз парақшаңызға жариялап, Министрліктің ресми парақшасын (@saudagovkz) белгілеңіз;#saudadigitalnauryz хэштегін көрсетіңіз.Қорытынды шығару20 наурыз күні келесі номинациялар бойынша жеңімпаздар анықталады:Үздік цифрлық безендіру;Үздік цифрлық құттықтау;Жасанды интеллектіні үздік қолдану;Ең креативті Digital-жоба.Бағалау критерийлері (KPI)Байқау жұмыстары келесі негізгі көрсеткіштер бойынша бағаланады (ең жоғары ұпай – 100):жасанды интеллектіні қолдану – 40 ұпай;креативтілік – 20 ұпай;ұлттық нақыш – 20 ұпай;аудиторияның белсенділігі – 20 ұпай;орындалу сапасы – 20 ұпай.23 наурыз күні жеңімпаздарды марапаттау рәсімі өтеді.Байқауға қатысып, цифрлық технологиялар мен жасанды интеллектінің сауда саласын қалайша тиімді әрі қызықты ете алатынын көрсетіңіз!Ақпарат көзі : https://www.gov.kz/memleket/entities/mti/press/news/details/1174703?lang=kk

Жамбыл облысының Төтенше жағдайлар департаментінде биыл 1 қаңтар күні Тараз қаласында болған өрт кезінде батылдық мен жанқиярлық көрсеткен қазақстандықтарды марапаттау рәсімі өтті.Оңтүстік өңірлік қолбасшылығы тау қорықшылары полкінің жауынгері 3-ші сыныпты сержант Ерғали Кенжебаев «Өртте көрсеткен қайсарлығы үшін» медалімен марапатталды. Бұдан өзге адамдарды эвакуациялауға қатысқан Тараз қаласының тұрғыны Таймырза Сейітхан да алғыс хат алды.Жанармай бекетінде болған Ерғали Кенжебаев Жамбыл даңғылы бойындағы «Dr. Watson» мекемесінен шыққан қою түтінді байқайды. Оқиға орнына лезде жеткен әскери қызметші мекеменің жазғы жапсарлас жайынан шыққан өртті көрді. Өрт ғимараттың кіреберісін қалың түтінмен жауып, жағдайды қиындатқан.Төтенше жағдай қызметкерлерін күтпестен және өз өміріне төнген қауіпке қарамастан Ерғали Кенжебаев түтінге оранған жертөледен баланы таза ауаға алып шықты. Қайта оралып қалған адамдарды қауіпсіз жерге шығаруға жәрдемдесті.– Мұндай істер азаматтық жауапкершілік, жанашырлық пен қиын сәтте қол ұшын созуға әзір тұрудың айқын үлгісі, – деді Жамбыл облысы Төтенше жағдайлар департаментінің басшысы полковник Арман Тоқанов. – Марапатталғандардың батылдығы мен жанқиярлығы шынайы құрмет пен бағалауға тұрарлық.Нақты қауіпті жағдайда жастар «Dr. Watson» мекемесіне келгендерді шығарып, орын алуы мүмкін зауалдың алдын алды.Ақпарат көзі : https://www.gov.kz/memleket/entities/mod/press/news/details/1174795?lang=kk

Мәжіліс депутаттары Палата спикері Ерлан Қошановтың төрағалығымен өткізілген жалпы отырыста бірқатар халықаралық құжаттарды, оның ішінде Дүниежүзілік банк тобындағы ұйымдармен ынтымақтастық туралы келісімді ратификациялады.Мәжіліс бір тараптан Қазақстан Республикасының Үкіметі мен Халықаралық Қайта Құру және Даму банкі, Халықаралық Қаржы Корпорациясы және екінші тараптан Көпжақты Инвестициялар Кепілдігі агенттігі арасындағы Қазақстанның орнықты дамуы мен өсуіне жәрдемдесу мақсатында ынтымақтастықты кеңейту жөніндегі әріптестік туралы негіздемелік келісімді ратификациялап, одан әрі қарау үшін Сенатқа жіберді.Премьер-Министрдің орынбасары – ұлттық экономика министрі Серік Жұманғариннің хабарлауынша, құжат қарыз беру кезінде мемлекеттік кепілдік пен гранттық жобалар арқылы қарыз беру кезінде ұлттық заңнамадан өзгеше нормаларды қолдануды көздейді. Атап айтқанда, тауарларды, жұмыстар мен қызметтерді сатып алу ережелерін, сыбайлас жемқорлыққа қарсы, экологиялық, әлеуметтік, еңбек, гендерлік стандарттарды және Дүниежүзілік банк тобының ақпаратты ашу нормаларын пайдалану ұсынылады.Келісім жобаларды қаржыландыру құралын кеңейтуге және оларды іске асыру кезінде рәсімді оңтайландыруға, сондай-ақ мемлекет шығыстарын басым жобаларға қайта бөлу есебінен бюджетке түсетін жүктемені азайтуға мүмкіндік береді.—Келісім күшіне енгеннен кейін бірқатар инфрақұрылымдық жобаларды қаржыландыру жұмысы басталады. Олардың қатарында "Жезқазған-Қарағанды" және "Бейнеу-Сексеуіл" автомобиль жолдарын қайта жаңарту мен салу, Қазақстандағы теміржол қатынасы мен көлік байланысын трансформациялау жобасы, Қамбар ата 1-ГЭС құрылысы мен басқалары бар, - деді Серік Жұманғарин.Қосымша баяндамада жұмыс тобының жетекшісі, Мәжіліс депутаты Ерлан Стамбеков атап өткендей, ұзақмерзімдік перспективада Дүниежүзілік банкпен жобаларды бірлесіп іске асыру Қазақстанға жаңа жұмыс орындарын құруға, инновацияларды ынталандыруға, жеке сектор мен ШОБ-ты дамытуға, үздік халықаралық тәжірибелерді енгізуге және инвестициялық ахуалды жақсартуға әкеледі.Ақпарат көзі : https://www.gov.kz/memleket/entities/economy/press/news/details/1174817?lang=kk

Қазақстан Республикасының мемлекеттік қызметшілерінің Әдеп кодексі мемлекеттік қызметті атқару – қоғам мен мемлекеттің ерекше сенімінің көрінісі екенін айқындайды. Мемлекеттік қызметшілер жұмысының сапасына әлеуметтік тұрақтылық, өңірлердің экономикалық дамуы және азаматтардың билікке деген сенім деңгейі тікелей байланысты. Сондықтан олардың құқықтары мен заңды мүдделерін қорғау – кәсіби әрі тұрақты мемлекеттік аппарат қалыптастырудың маңызды шарттарының бірі.2025 жылы Департамент жүргізген талдау және бақылау іс-шараларының қорытындысы бойынша 350 мемлекеттік қызметшінің құқықтары қалпына келтірілді, атап айтқанда:82 қызметшіге 1 млн теңгеден астам сомаға іссапар шығындары өтелді;5 қызметшіге олардың қызметіне тиісті бағалау жүргізіліп, нәтижесінде әділ түрде бонус алуына мүмкіндік берілді;10 қызметшіге өзге мемлекеттік лауазымның міндеттерін қоса атқарғаны үшін шамамен 300 000 теңге көлемінде төлем жасалды;13 қызметшінің лауазымдық жалақы белгілеуге құқық беретін еңбек өтілі қайта есептелді;218 қызметшіге негізсіз үстеме жұмысқа тартылғаны үшін демалыс күндері (өтемақы демалыс) берілді және т.б.Бұл көрсеткіштер – жай ғана статистика емес, әрбір мемлекеттік қызметшіні қорғауға бағытталған нақты ұстанымның көрінісі. Қабылданған шаралар өңірлердегі мемлекеттік қызметшілердің құқықтарын қалпына келтіруге мүмкіндік берді.Атап айтқанда, Науырзым ауданында басшылық тарапынан жыл сайынғы еңбек демалысының бір бөлігін беруден бас тартылған екі қызметшінің құқығы қорғалды. Облыстық басқармалардың бірінің бас маманына еңбек демалысынан нақты кері шақырылмағанына қарамастан жұмысқа тартылғаны үшін тиісті төлем жүргізілді. Арқалық қаласының 11 қызметшісіне 400 мың теңгеден астам сомаға іссапар шығындарының жетіспейтін бөлігі өтелді.Тәжірибе көрсеткендей, еңбек және қызметтік құқықтардың бұзылуына уақтылы әрекет ету мемлекеттік қызметшілердің жүйеге деген сенімін нығайтып, олардың уәждемесі мен жауапкершілігін арттырады.Түптеп келгенде, бұл мемлекеттік басқару сапасына және халыққа көрсетілетін қызметтердің деңгейіне тікелей әсер етеді.  Ақпарат көзі : https://www.gov.kz/memleket/entities/kostanai-mendykarin-audany-akimat/press/news/details/1174826?lang=kk

2026 жылғы 1 наурызда салық төлеушілер қолданылатын салық салу режимін таңдаудың өтпелі кезеңі аяқталды.Өтпелі  кезеңнің қорытындысы бойынша бизнес субъектілерінің көпшілігі қызметін жүргізудің жеңілдетілген шарттарына бағытталған арнаулы салық режимдерін сақтап қалды немесе таңдады.1,2 миллионнан астам кәсіпкер жеңілдетілген декларациямен арнаулы салық режимін таңдады. Жеңілдетілген декларация шағын және орта бизнес арасында ең танымал режим болып қала береді, себебі ол олар үшін сақталды және жаңартылды.Бұл режим жылдық кірісі 600 000 АЕК-ке дейінгі шамамен 2,6 миллиард теңге) салық төлеушілерге қолжетімді.Режимнің артықшылықтары:Жалдамалы жұмыскерлер санына шектеулер жоқ, бұл еңбек қатынастарын заңдастыруға ықпал етеді;бірыңғай КТС/ЖТС мөлшерлемесі 4%, бұл ретте маслихаттарға мөлшерлемені 50%-ға дейін төмендету немесе жоғарылату құқығы берілген;Қосылған құн салығынан босату.Декларацияларды жыл сайын екі рет тапсыру және салықты төлеу.Бұл шарттар бизнесті жүргізуді қарапайым, ашық және болжамды етеді. Өзін өзі жұмыспен қамтығандар үшін арнаулы салық режимін 346 мың жеке  адам, оның 265 мың жаңадан тіркелгендер қолданады. Осылайша, салық реформасы 265 мың жеке адамды «көлеңкелі» экономикадан шығарып, ресми түрде жұмыс істеуге мүмкіндік берді.Бұл режим платформалық сервис арқылы жұмысты қоса алғанда, айына 300 АЕК-ке дейінгі (шамамен 1,3 миллион теңге) төмен табысы бар азаматтарға, сондай-ақ жалдамалы қызметкерсіз, эпизодтық қызметті жүзеге асыратын тұлғаларға арналған.Өзін-өзі жұмыспен қамтығандарға арналған режимді ҚР азаматтары және бұрын патент негізінде немесе арнаулы мобильді қосымша арқылы АСР-ді пайдаланған, дара кәсіпкер ретінде тіркелмеген, жалдамалы қызметкерлерді жұмысқа алмайтын және рұқсат етілген қызмет түрлерімен (40 қызмет түрі) айналысатын қандастар қолдануға құқылы екенін атап өтеміз.Режимнің негізгі артықшылықтары – өзін-өзі жұмыспен қамтығандар үшін міндеттемелерді орындау барынша оңайлатылды: Дара кәсіпкер ретінде тіркелу талап етілмейді;Жеке табыс салығынан босатылады;Бір ғана міндеттеме –зейнетақы, әлеуметтік және медициналық жарналарды қоса алғанда, кірістен 4% мөлшерінде әлеуметтік төлемдерді төлеу.Өзін-өзі жұмыспен қамтығандарға арналған режим азаматтарға ресми түрде жұмыс істеуге, зейнетақы жинақтарын қалыптастыруға және әлеуметтік қорғау алуға мүмкіндік береді.Өтпелі кезеңнің аяқталуы қолданыстағы салық режимдері бойынша салық төлеушілердің өзекті және ашық құрылымын қалыптастыруға мүмкіндік берді. Ақпарат көзі : https://www.gov.kz/memleket/entities/kgd-zhetysu/press/news/details/1174772?lang=kk

Қазақстан Республикасы Сыртқы істер министрінің орынбасары Әлібек Қуантыров Қазақстан Республикасындағы Мали Республикасының Елшісі Сейду Камиссоко, Гана Республикасының Елшісі Кома Стим Джеху Аппьях, Гамбия Республикасының Елшісі Алкали Фанка Конте, Шри-Ланка Демократиялық Социалистік Республикасының Елшісі қызметін қоса атқарушы Шобини Гунасекераның және Бангладеш Халық Республикасының Елшісі Мохаммад Назрул Исламның грамоталарының көшірмелерін қабылдады.Сұхбат барысында тараптар саяси, сауда-экономикалық және инвестициялық салалардағы ынтымақтастықты жандандыру мәселелері жөнінде пікір алмасты.Қазақстан аталған мемлекеттермен Біріккен Ұлттар Ұйымы, Әлемдік және дәстүрлі діндер лидерлерінің съезі және басқа да халықаралық ұйымдар мен алаңдар аясында белсенді өзара іс-қимыл жасап келеді. Бұл байланыстар өзара мүдделерге негізделген орнықты қарым-қатынастарды қалыптастыруға ықпал етуде.Осы тұрғыда екіжақты және көпжақты форматтарда ауыл шаруашылығы, жеңіл өнеркәсіп, білім беру және медицина салаларындағы ынтымақтастық өзара қызығушылық тудырады. Сауданы әртараптандыру, көлік-логистикалық байланыстылықты дамыту, сондай-ақ энергетика, азық-түлік қауіпсіздігі және цифрландыру бағыттарындағы ықпалдастықты кеңейту шаралары талқыланды.Кездесу қорытындысы бойынша тараптар саяси диалогты одан әрі дамыту, сауда-экономикалық ынтымақтастықты кеңейту және көпжақты форматтағы өзара іс-қимылды нығайту жөніндегі жұмысты жалғастыруға уағдаласты.Ақпарат көзі : https://www.gov.kz/memleket/entities/mfa/press/news/details/1174838?lang=kk

Қазақстан Республикасының салық заңнамасына сәйкес, қосылған құн салығын (ҚҚС) төлеушілерге Қазақстан Республикасының аумағына тауарлар импорттайтын тіркелген заңды және жеке тұлғалар жатады. Сонымен қатар, салық салынатын айналымы белгіленген шектен асқан тұлғалар ҚҚС бойынша есепке тұруға міндетті.ҚҚС бойынша тіркеу үшін айналым шегі тиісті қаржы жылының 1 қаңтарындағы жағдай бойынша қолданыстағы айлық есептік көрсеткіштің (АЕК) 10 000 еселенген мөлшерін құрайды. Белгіленген шектен асқан жағдайда салық төлеуші міндетті түрде ҚҚС төлеуші ретінде тіркелуі тиіс.Қосылған құн салығы салық салынатын айналым және салық салынатын импорт бойынша есептеледі. Яғни, Қазақстан аумағында тауарларды, жұмыстарды және көрсетілетін қызметтерді өткізу кезінде, сондай-ақ тауарларды импорттау барысында ҚҚС есепке алынады.Жалпы белгіленген ҚҚС мөлшерлемесі 16 пайызды құрайды. Бұл мөлшерлеме салық салынатын айналымға да, салық салынатын импортқа да қолданылады.Сонымен қатар, жекелеген тауарлар мен қызметтерге қатысты төмендетілген мөлшерлемелер қарастырылған. Атап айтқанда, медициналық қызметтерге, дәрілік заттарға және медициналық мақсаттағы бұйымдарға ҚҚС мөлшерлемесі 2026 жылғы 1 қаңтардан бастап 5 пайызды, ал 2027 жылғы 1 қаңтардан бастап 10 пайызды құрайды. Отандық мерзімді басылымдарды сату кезінде ҚҚС мөлшерлемесі 10 пайыз деңгейінде белгіленген.Тегін медициналық көмектің кепілдік берілген көлемі аясында және міндетті әлеуметтік медициналық сақтандыру жүйесі шеңберінде көрсетілетін медициналық қызметтер мен берілетін дәрілік заттар ҚҚС-тан босатылады.Қосылған құн салығы бойынша салық кезеңі күнтізбелік тоқсан болып табылады. Салық төлеушілер әр тоқсан сайын есептілікті тапсырып, тиісті соманы бюджетке аударуға міндетті.Осылайша, ҚҚС – мемлекеттік бюджет кірістерінің маңызды көзі болып табылатын жанама салық түрі және оны есептеу мен төлеу тәртібі заңнамада нақты регламенттелген. Ақпарат көзі : https://www.gov.kz/memleket/entities/kgd-zhetysu/press/news/details/1174926?lang=kk

Шымкент қаласындағы №12 мектепте жаңа Конституция жобасын түсіндіруге арналған Еңбекші ауданы тұрғындарымен кездесу өтті. Іс-шара барысында арнайы спикердің құжаттың негізгі бағыттары мен оның қоғам дамуына ықпалы жөнінде кеңінен ақпарат берді.Жиында қалалық Қазақстан халқы Ассамблеясы жанындағы Ақсақалдар кеңесінің мүшесі Досыбай Шерімқұлов сөз сөйлеп, Конституцияның қалыптасу кезеңдеріне тоқталды. Ол қолданыстағы Ата заң елдің қалыптасуы мен дамуының маңызды кезеңінде тарихи миссиясын абыроймен атқарғанын атап өтті. Сонымен қатар жаңа кезеңде заман талабына сай жаңартылған құқықтық негіздің қажеттілігі туындап отырғанын жеткізді.– Жаңа трансформациялық қоғамда бізге жаңа мазмұндағы Конституция қажет. Ғылым мен білім беру жүйесіне цифрландыру тетіктері енгізіліп жатқан кезеңде азаматтардың құқықтарын, жеке деректерін цифрлық кеңістікте қорғау айрықша маңызға ие. Жаңа Конституция жобасында адам құқығы ең басты құндылық ретінде айқындалған. Сондықтан жастар білім мен ғылымға ұмтылып, құқықтық сауаттылығын арттыруы тиіс. Адал еңбек етіп, қоғамнан өз орнын табуы маңызды, – деді спикер.Кездесу барысында білім мен ғылымды дамыту елдің бәсекеге қабілеттілігін арттырудың басты шарты екені атап өтілді. Мектеп директорының орынбасары Әйгерім Аманжолова да сөз алып, жаңа Конституция жобасында тәуелсіздік құндылықтарының, ұлттық бірлік пен қоғамдық келісім идеяларының көрініс табуы маңызды екенін айтты. Оның пікірінше, азаматтарды цифрлық тұрғыда қорғауға бағытталған нормалар қоғамдағы татулық пен тұрақтылықты нығайтуға ықпал етеді.Кездесу соңында қатысушылар жаңа Конституцияға қатысты жан-жақты ақпарат алып, оны қолдайтындарын жеткізді.

Шымкент қаласында Бадминтоннан Еуразиялық лиганың халықаралық турнирінің бірінші кезеңінің ашылу рәсімі өтті. Үшінші мегаполиске Қазақстанның өңірлерінен, сондай-ақ Ресей, Қырғызстан, Өзбекстан және Тәжікстан елдерінен келген спортшылар жиналды. Олар жүлделі орындар үшін бақ сынауда.Ауқымды спорттық дода достық пен әділ бәсеке рухында өтуде. Турнир бір алаңда тәжірибелі спортшылар мен болашағынан үміт күттіретін жас ойыншыларды тоғыстырды.Жарыстар заманауи спорт кешенінің базасында ұйымдастырылып, қаланың спорттық өміріндегі маңызды оқиғалардың біріне айналды. Бірінші тур барысында көрермендер жекелей және жұптық разрядтардағы тартысты кездесулерге куә болды. Қатысушылар жоғары дайындық деңгейін және тартымды ойын өрнегін көрсетті.Алаң иелері де лайықты өнер көрсетіп, Шымкенттегі бадминтон мектебінің әлеуеті артып келе жатқанын дәлелдеді.– Шымкентте өтіп жатқан Еуразиялық лиганың бірінші туры тәжірибе алмасуға және спорттық шеберлікті арттыруға үлкен мүмкіндік береді, – деді Шымкент қаласының бадминтоннан аға жаттықтырушысы Артур Ниязов.Ұйымдастырушылар жанкүйерлер тарапынан қызығушылықтың жоғары екенін атап өтіп, Еуразиялық лига турнирі бадминтон спортын кеңінен насихаттауға және елдер арасындағы спорттық байланысты нығайтуға ықпал ететінін жеткізді.Шымкент қаласы халықаралық деңгейдегі жарыстарды өткізуге қабілетті қала екенін тағы бір мәрте дәлелдеді. Алдағы күндері спортшыларды тартысты ойындар мен жүлделі орындар үшін қызу бәсеке күтіп тұр. Жанкүйерлер үшін бұл – ұмытылмас әсер мен жаңа спорттық жаңалықтарға толы күндер болмақ.

Шымкент қаласында мектеп оқушылары арасында дәстүрлі «Анаға хат – 2026» қалалық шығармашылық байқауы өтті.Байқаудың негізгі мақсаты – жас ұрпақтың анаға деген сүйіспеншілігі мен құрметін арттыру, ананың қоғамдағы айрықша рөлін терең сезіндіру және оқушылардың шығармашылық қабілеттерін дамыту.Биыл байқауға қаладағы 200-ге жуық мектептен оқушылар қатысып, өз шығармаларында аналарға деген шексіз махаббаттарын, ризашылық сезімдерін және жүрекжарды лебіздерін әсерлі жеткізді. Қатысушылардың хаттарында отбасы құндылықтары, ананың мейірімі мен қамқорлығы кеңінен көрініс тапты.Ұсынылған жұмыстарды арнайы комиссия саралап, үздік деп танылған авторларды анықтады. Нәтижесінде Бас жүлдені №57 жалпы орта білім беретін мектептің 9 «В» сынып оқушысы Ихсанова Ирода Исламовна иеленді. І орын №131 жалпы орта білім беретін мектептің оқушысы Сәбит Айаруға бұйырды. ІІ орынды Кенесары Қасымұлы атындағы №33 жалпы орта білім беретін мектептің оқушысы Оралбаева Әсемай Мерханқызы жеңіп алды. ІІІ орын №62 Н.Төреқұлов атындағы жалпы орта білім беретін мектептің оқушысы Күмісбек Сабина Серікқызы мен IT лицейдің оқушысы Нурабдин Аминаға табысталды. Сонымен қатар, бес қатысушы ынталандыру сыйлықтарымен марапатталды.Жеңімпаздарды марапаттау рәсімі салтанатты жағдайда өтіп, қатысушыларға дипломдар мен алғыс хаттар тапсырылды.Ұйымдастырушылардың айтуынша, «Анаға хат – 2026» байқауы – жас буынның жүрегіне ізгілік дәнін сеуіп, анаға деген құрметті арттыруға және отбасы құндылықтарын насихаттауға бағытталған маңызды рухани жоба.

Жаңа Конституция жобасы еліміздегі саяси жаңғыру үдерісінің өзегіне айналып, азаматтық қоғам институттарын дамытуға бағытталған маңызды қадам ретінде бағалануда. Құжатта мемлекет пен қоғам арасындағы өзара іс-қимылды жаңа деңгейге көтеру, қоғамдық бақылау тетіктерін күшейту және азаматтардың шешім қабылдау процесіне қатысу мүмкіндіктерін кеңейту көзделген.Конституциялық нормалар азаматтардың бірлесу бостандығын, пікір білдіру және қоғамдық бастамаларды іске асыру құқықтарын нақтылай түседі. Бұл азаматтық белсенділікті арттыруға, үкіметтік емес ұйымдардың, қоғамдық бірлестіктердің және өзге де институттардың қызметін жандандыруға құқықтық негіз қалыптастырады.Саяси жаңғырудың маңызды бағыты – мемлекеттік органдардың ашықтығы мен есептілігін қамтамасыз ету. Конституцияда бекітілген қағидаттар билік пен қоғам арасындағы сенімді нығайтып, азаматтардың мемлекеттік басқару ісіне қатысуына нақты мүмкіндіктер береді. Бұл қоғамдық бақылаудың тиімділігін арттырып, жауапкершілік мәдениетін қалыптастыруға ықпал етеді.Сонымен қатар, Конституцияда көзделген өзгерістер саяси жүйенің теңгерімді дамуына, билік тармақтарының өзара іс-қимылын жетілдіруге және құқық үстемдігін нығайтуға бағытталған. Мұндай тетіктер азаматтық қоғам институттарының тұрақты әрі жүйелі дамуына қолайлы орта қалыптастырады.Осылайша, Жаңа Конституция саяси жаңғырудың мазмұнды негізін айқындап, азаматтық қоғам институттарын дамытуға бағытталған ұзақ мерзімді стратегиялық мақсаттарды жүзеге асыруға берік құқықтық тірек болып табылады.