Сеул, 2025 жылғы 8 желтоқсан – Қазақстан Елшісі Нұрғали Арыстанов «Жасыл климат қорының» (GCF) Атқарушы директоры Мафальда Дуарте ханыммен GCF Достары тобының кезекті отырысы аясында кездесті.Жүздесу барысында тараптар экология саласындағы ынтымақтастық перспективалары жөнінде пікір алмасты. Сондай-ақ, ү.ж мамырда Мафальда Дуартенің Қазақстанға жасаған сапарының нәтижелері талқыланды. Сапар аясында GCF басшысы Президент Қасым-Жомарт Тоқаевтың қабылдауында болып, Саран қаласындағы күн электр станциясына барған болатын.Осы ретте қазақ дипломаты көпжақты климаттық қор басшысына Мемлекет басшысының 2026 жылғы сәуірде Астанада БҰҰ агенттіктерінің қолдауымен өтетін Аймақтық климаттық саммитке ресми шақыруын табыстады.Мафальда Дуарте Қазақстанмен экология және климат өзгерісі саласындағы ортақ мақсаттарға қол жеткізу үшін ынтымақтастықты дамыту маңызды екенін атап өтті.Тараптар одан әрі ықпалдастықты нығайту мақсатында диалогты жалғастыруға келісті. Қазақстанның GCF-пен өзара іс-қимыл тәжірибесі құны 216,5 млн АҚШ долларын құрайтын 5 жобаны қамтитынын атап өткен жөн.«Жасыл климат қоры» (GCF) 2010 жылы Канкун келісімдері аясында климаттың өзгеруіне бейімделу және парниктік газдар шығарындыларын азайту бойынша дамушы елдерді қолдау үшін құрылған. Қор БҰҰ-ның Климаттың өзгеруі жөніндегі негіздемелік конвенциясының (UNFCCC) және Париж келісімінің қаржылық тетігі болып табылады. 2015 жылы алғашқы жобаны қаржыландыру мақұлданған сәттен бастап, GCF бүгінде 100-ден астам жобаны қамтитын ауқымды портфель қалыптастырды. Ақпарат көзі : https://www.gov.kz/memleket/entities/mfa-seoul/press/news/details/1122800?lang=kk

Отырыс жұмысына Алтай ауданының мәслихат төрағасы Л. А. Гречушникова қатысты.Өңірлік өзін-өзі басқаруды дамытудың, өкілді органдардың жұмысын жетілдірудің және мәслихаттар мен биліктің орталық құрылымдары арасындағы өзара іс-қимылды нығайтудың негізгі мәселелері талқылануда.Кеңестің жұмысы өңірлерді одан әрі дамытуға және өкілді органдардың жұмысының сапасын арттыруға ықпал ететін тәжірибелік ұсынымдар мен шешімдерді әзірлеуге бағытталған.Ақпарат көзі : https://www.gov.kz/memleket/entities/altay-maslihat/press/news/details/1122806?lang=kk

Анкара, 2025 жылғы 9 желтоқсан – Конья провинциясына жасаған жұмыс сапары аясында Елші Е.Сапиев Қазақстанның инвестициялық ынтымақтастығын кеңейтуге бағытталған бірқатар кездесулер өткізді.Сапар барысында Елші Конья Өнеркәсіп палатасының төрағасы Mustafa Büyükeğen мырзамен кездесіп, тараптар екіжақты экономикалық қатынастардың қазіргі жағдайын, өзара инвестицияларды арттыру әлеуетін, сондай-ақ Қазақстан өңірлері мен Конья арасындағы өнеркәсіптік кооперация перспективаларын талқылады. Әсіресе ауыл-шаруашылық өнімдерін қайта өңдеу, тамақ және химиялық өндіріс, машина жасау және тоқыма салаларындағы ынтымақтастық мүмкіндіктеріне баса назар аударылды.Сонымен қатар, делегация Коньяның бірқатар ірі кәсіпорындарын аралап, компания басшылығымен өндірісті Қазақстанда орналастыру, индустриялық аймақтардың артықшылықтарын пайдалану, сондай-ақ инвесторларды қолдау тетіктері – салықтық жеңілдіктер, экспортқа бағытталған өндірістерді дамыту бағдарламалары және «Астана» халықаралық қаржы орталығының мүмкіндіктері бойынша келіссөздер жүргізді.Қазақстан тарапы елдің қолайлы инвестициялық ахуалы, көлік-логистикалық мүмкіндіктері туралы ақпарат ұсынып, бірлескен өндірістер ашу ықтималдығын қарастыруды ұсынды.Ақпарат көзі : https://www.gov.kz/memleket/entities/mfa-ankara/press/news/details/1122787?lang=kk

Ү.ж. 6 қыркүйек Дубай – Ақтау бағыты бойынша FlyArystan әуе компаниясының жаңа рейсінің ашылу рәсімі өтті.Бұл екі ел арасындағы әуе қатынасының дамуына маңызды қадам.Әуе компаниясын сәтті басталуымен құттықтап, қауіпсіз әрі тұрақты сапарлар тілейміз!Ақпарат көзі : https://www.gov.kz/memleket/entities/mfa-dubai/press/news/details/1122788?lang=kk

«Жас сарбаз» балалар студиясының тәрбиеленушісі Жасмина Тузелова Мәскеуде өткен «Голос. Дети» шоуының он екінші маусымында үшінші орынға ие болды.Астанаға оралған соң Қорғаныс ведомствосының басшысы авиация генерал-лейтенанты Дәурен Қосанов он екі жастағы Жасмина Тузеловамен кездесіп, маңызды жетістігімен құттықтады.Кездесу басында «Жас сарбаз» балалар мен жасөспірімдердің әскери-патриоттық қозғалысының тәрбиеленушісі туралы бейнеролик көрсетілді. Онда «Голос. Дети» шоуының кезеңдері, Жасминаның сұхбаттары және қызының жетістігіне қуаныштарын білдірген ата-аналарының пікірлері қамтылған.Авиация генерал-лейтенанты Дәурен Қосанов ата-аналарға ерекше алғыс білдірді. Жасминаның әкесі – Ауған соғысының ардагері, анасы – кәсіби музыкант.– Кез келген байқау – ата-аналар үшін үлкен сынақ. Жасминаның батылдығы мен патриоттық сезімі – талай қиындықты еңсеріп, жігерін сақтай білген әкесінің мінезінің көрінісі. Ал вокалдық шеберлігі – анасының еңбегі. Оның кәсіби білімі мен қолдауы бұл жетістікке жетуде шешуші рөл атқарды, – деп атап өтті қорғаныс министрі.Авиация генерал-лейтенанты Дәурен Қосанов сондай-ақ Жасминаның жетістігі «Жас сарбаз» әскери-патриоттық қозғалысының барлық тәрбиеленушілері үшін шабыт беретін үлгі болғанын айтты.– Жасмина сияқты дарынды, еңбекқор балалардың өсіп келе жатқаны – еліміздің жарқын болашағының айғағы. Шығармашылық жолың жаңа шыңдарға жетелеп, талантыңның барлық қырын ашуға мүмкіндігің болсын, – деп тіледі министр.Жас дарынның жетістігін мойындау белгісі ретінде Дәурен Қосанов Жасмина Тузеловаға алғыс хат пен бағалы сыйлық табыс етті. Өз кезегінде «Жас сарбаз» студиясының тәрбиеленушісі аңызға айналған «Әлия» әнін орындап, жиналғандарды ерекше толқытты.Салтанатқа қатысқан Жасминаның ата-аналары Мұратбек және Гүлзия Өтеевтер де сөз сөйлеп, қызына көрсетілген назар мен қолдау үшін қорғаныс министріне ризашылықтарын білдірді.Ақпарат көзі : https://www.gov.kz/memleket/entities/mod/press/news/details/1122713?lang=kk

2025 жылғы 10 желтоқсанда Қазақстан Республикасы Сыртқы істер министрлігінің Ерекше тапсырмалар жөніндегі елшісі – Алматы қаласындағы ҚР СІМ Өкілдік басшысы, Жәнібек Әбдрашов, Қазақстандағы БҰҰ-ның АИТВ/ЖИТС жөніндегі Бірлескен бағдарламасы (UNAIDS) агенттігі ұйымдастырған «Қазақстан Республикасында 2030+ кезеңіне арналған АИТВ инфекциясына қарсы іс-қимылдың тұрақтылығын қамтамасыз ету жөніндегі стратегиялық көзқарасты» атты презентацияға қатысып, сөз сөйледі. Іс-шара барысында қатысушылар АИТВ-ға уақтылы ден қою шараларын, заманауи алдын алу бағдарламаларын енгізуді, сондай-ақ халықаралық ғылыми қауымдастықпен әріптестікте сапалы медициналық-әлеуметтік көмекке қолжетімділікті қамтамасыз ету мәселелерін талқылады. Өз сөзінде Ж. Әбдрашов Қазақстанның халық денсаулығын қорғауға және азаматтардың әл-ауқатын арттыруға бағытталған қауіпсіз, инклюзивті және орнықты болашақ құру жөніндегі ұстанымын растады.Ақпарат көзі : https://www.gov.kz/memleket/entities/mfa-almaty/press/news/details/1122743?lang=kk

Басқұдық ауылдық округі әкімінің міндетін атқарушы А. Жангелдин көпбалалы аналарға Қазақстан Республикасы Президентінің Жарлығына сәйкес берілген «Күміс алқа» мемлекеттік наградасын табыстады.Награда табыстау рәсімі барысында А. Жангелдин аналарды шын жүректен құттықтап, олардың елдің демографиялық дамуына қосып отырған өлшеусіз үлесін, отбасылық құндылықтарды нығайту мен жас ұрпақты тәрбиелеудегі аналар рөлінің маңыздылығын ерекше атап өтті.Ақпарат көзі : https://www.gov.kz/memleket/entities/mangystau-munaily-basqudyq/press/news/details/1122685?lang=kk

Бастаушы ауылдық кітапханасында кітапханашы мен клуб меңгерушінің ұйымдастыруымен 5 желтоқсан күні Абай атындағы орта мектебінің 11 сынып оқушылары мен Самар АПБҚҚБ УПИ полиция аға лейтенанты О.К. Токушевпен кездесу барысында жастар арасында құқықтық сауаттылықты арттыру және қоғамдағы құқық бұзушылықтың алдын алу мақсатында «Заң мен тәртіп» атты дөңгелек үстел өтті. Кездесу барысында құқық бұзушылықтың алдын алу, кәмелетке толмағандармен жұмыс істеу, жастар арасында құқықтық мәдениетті қалыптастыру мәселелері талқыланды.Ақпарат көзі : https://www.gov.kz/memleket/entities/vko-samar-bastaushy/press/news/details/1122649?lang=kk

Қазақстан Республикасы Қаржы министрлігінің Мемлекеттік кірістер комитеті (бұдан әрі - Комитет) 2025 жылғы 18 шілдедегі Қазақстан Республикасы Салық кодексіннң 169-бабы 2-тармағына сәйкес жаңа бұйрық әзірледі. Құжат Салық кодексінің нормаларын іске асыруға бағытталған және салықтық тексерулер жүргізу кезінде мемлекеттік кірістер органдары мен салық төлеушілер арасындағы өзара іс-қимыл тәртібін анықтайды.     Жаңа ережелер 2026 жылдың 1 қаңтарынан бастап күшіне енеді және салықтық тексеру рәсімдерін бизнес үшін ашық әрі ыңғайлы етеді. Салықтық тексерудің алдын ала актін табыс ету шарттары, жазбаша қарсылықтарды беру және оларды қарау тәртібі айқындалды.     Салықтық тексерулер бойынша негізгі өзгерістер:Салық және бюджетке немесе әлеуметтік қорларға төленетін басқа да міндетті төлемдерді есептеуге, сондай-ақ шығындарды азайтуға әкелетін барлық тексерулер бойынша алдын ала акт табыс етілетін болады. Бұрын алдын ала акт 20 000 АЕК-тен жоғары есептелген кезде ғана табыс етілді.Салық төлеушінің қарсылықтарын тексеруді Мемлекеттік кірістер департаменттерінің қай құрылымдық бөлімшесі – департамент немесе мемлекеттік кірістер басқармасы жүргізгеніне қарамастан Департаментер қарайды. Бұл шағымдарды қарау сапасын бақылау мен тәсілдің біркелкілігін арттырады.Салық кодексі 144-бабының 3-тармағына сәйкес ірі салық төлеушілер мониторингіне жататын және инвестициялық және (немесе) арнайы инвестициялық келісімшарттарды жасасқан салық төлеушілердің қарсылықтарын Мемлекеттік кірістер комитет қарайды.Алдын ала акт табыс ету үшін «кемінде 5 жұмыс күні ішінде» белгіленген мерзімі жойылды. Табыс ету мерзімін енді мемлекеттік кірістер органы тексеру ұзақтығының шектеулеріне негізделе отырып белгілейді.      Естеріңізге сала кетейік, Салық кодексіне сәйкес салық төлеушілердің жекелеген санаттары үшін тексеру ұзақтығы күнтізбелік 180 күннен аспауы керек.Жазбаша қарсылықтар жеке немесе электронды түрде берілуі мүмкін. Бұл процесті жылдамдатады және оны ыңғайлы етеді.Салық төлеуші қарсылығы болмаса, алдын ала акт нәтижелерімен жазбаша келісімін де ұсына алады.     Өзгерістердің түпкі мақсаты – аудит процедурасын түсінікті, икемді ету және мемлекет пен салық төлеушілер арасындағы ашық диалогқа бағытталған.Ақпарат көзі : https://www.gov.kz/memleket/entities/kgd-akmola/press/news/details/1122650?lang=kk

Самар ауданында қарлы бораннан кейін көшелерді тазалау жұмыстары қызу жүргізілуде. Коммуналдық қызметтердің арнайы техникасы орталық және ауылішілік көшелерде тоқтаусыз еңбек етіп, әлеуметтік нысандарға апаратын жолдардың ашық болуына айрықша мән беріп отыр.Қар тазалау шаралары тәулік бойы жалғасуда. Жолшылар автожолдарды, тротуарларды және аялдама алаңдарын қардан тазартып, тұрғындардың қауіпсіз әрі қолайлы түрде жүріп-тұруына жағдай жасап келеді.Ақпарат көзі : https://www.gov.kz/memleket/entities/vko-samar/press/news/details/1122658?lang=kk

Павлодар облысы бойынша Мемлекеттік кірістер департаментінде "Кәсіби және эмоционалдық шаршау" тақырыбында семинар-тренинг өтті. Іс-шара МКД адами ресурстар басқармасының бастамасымен өткізілді. Тренингті жоғары санатты дәрігер-психолог Ләззат Бақтыбаева өткізді.МКД мамандары кәсіби шаршаудың не екенін, оның неліктен пайда болатынын, кімде жиі дамитынын және оның алғашқы белгілерін қалай анықтау керектігін талқылады. Қалпына келтіру әдістеріне, стрессті азайту әдістеріне, сондай-ақ ұжымда салауатты және өнімді қарым-қатынас құру принциптеріне ерекше назар аударылды.Талдау және тәуекелдер басқармасының бас маманы Жанар Улукбекова тренинг әсіресе пайдалы болғанын атап өтті: "Ләззат Байназарқызы кездесудің алғашқы минуттарынан бастап біздің назарымызды аударды. Ол ұжымдағы қарым-қатынастың маңыздылығы туралы өте қызықты айтты. Шынында да, жұмыста біз көп уақытты өткіземіз және көбінесе туыстарымызға қарағанда әріптестерімізбен көбірек сөйлесеміз. Мұндай іс-шаралар жиі өткізілгенін қалаймын".Тренинг жылы және достық атмосферада өтті. Қатысушылар жағымды эмоциялармен бөлісті және құнды білімдері үшін алғыс айтты. Сұрақтар көп болды және ешқайсысы жауапсыз қалмады.Павлодар облысы бойынша МКДтүсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-pavlodar/press/news/details/1122629?lang=kk

Мемлекеттік кірістер комитеті шетелдік компаниялардың ҚР шегінен тыс жерлерде қызмет көрсетуден түскен табыстарына салық салу тәртібін түсіндіреді.Салық кодексіне сәйкес, бейрезидент, егер ҚР көздерінен кірістер алынса, Қазақстанда салық төлеуге міндетті.Мұндай кірістердің тізбесі Салық кодексінің 644-бабында айқындалған.Қазақстандағы көздерден алынатын табыстарға мыналар жатады:Қазақстан Республикасының аумағында орындалған жұмыстар мен қызметтер (644-баптың 1-тармағы 2-тармақшасы);Бейрезиденттің Қазақстан шегінен тыс жерде көрсеткен басқарушылық, қаржылық, консультациялық, инжинирингтік, маркетингтік, аудиторлық және заңгерлік қызметтер (644-баптың 1-тармағы 3-тармақшасы).Егер бейрезиденттің қызметі ҚР-да тұрақты мекеме құруға алып келмесе, онда мұндай кірістер:төлем көзінен корпоративтік табыс салығы салынады(ТК КТС),шегерімдер жоқ,20% мөлшерлеме бойынша.Cалықты cалық агенті болып табылатын, Қазақстандағы тапсырыс беруші компания ұстайды.Салық кодексінің 644-бабы 1-тармағының 3), 4) және 5) тармақшаларында көрсетілген кірістерді қоспағанда, Қазақстан шегінен тыс жерде жұмыстарды орындаудан, қызметтерді көрсетуден түсетін кірістер, Салық кодексінің 645-бабы 9-тармағының 11-тармақшасына сәйкес салық салынбайды.Яғни:✔ егер бейрезидент тек шетелде қызмет көрсетсе;✔ және бұл қызметтер Кодексте белгіленген арнайы санаттарға кірмейді;→ Қазақстанда мұндай табыстарға салық салынбайды.Бұл бизнес үшін нені білдіреді?Қазақстанда жұмыс істейтін немесе қазақстандық тапсырыс берушілер үшін қызмет көрсететін шетелдік компаниялар қызметтердің нақты қай жерде орындалатынын ескеруі тиіс.Егер қызметтер Қазақстанда орындалса, тапсырыс беруші салықты төлем көзінен ұстайды.Егер қызметтер толығымен шетелде көрсетілсе және мұндай қызметтерден түсетін кірістер Салық кодексінің 644 — бабы 1-тармағының 3), 4) және 5) тармақшаларында көрсетілген кірістердің арнайы түрлеріне жатпаса-салық қолданылмайды.Мұндай ережелер айқындықты қамтамасыз етеді, қосарланған салық салуды болдырмайды және адал іскерлік тәжірибеге ықпал етеді. Ақпарат көзі : https://www.gov.kz/memleket/entities/kgd-akmola/press/news/details/1122637?lang=kk

ҚР ІІМ Ұлттық ұланының Бас қолбасшылығында Ішкі істер министрінің орынбасары – Ұлттық ұланның  Бас қолбасшысы Аңсаған Балтабеков пен «Аналар жүрегі» сарбаздар аналары комитеті» Республикалық қоғамдық бірлестігінің жетекшісі Лилия Хайруллина арасында кездесу өтті.Іс-шараға Ұлттық ұлан Бас қолбасшысының тәрбие және әлеуметтік-құқықтық жұмыстар жөніндегі орынбасары генерал-майор Қайрат Үмбетов, сондай-ақ Бас басқарма басшылары да қатысты.Кездесу барысында әскери бөлімдердің материалдық-техникалық қамтамасыз етілуі, мерзімді әскери қызметтегі сарбаздардың медициналық қызметпен қамтылуы және жеке құрамның тамақтануын ұйымдастыру мәселелері жан-жақты қаралды.Генерал-майор Аңсаған Балтабеков Лилия Хайруллинаға белсенді ынтымақтастығы мен сарбаздардың қызмет жағдайларын жақсартуға қосқан үлесі үшін алғысын білдірді:«Сіздің пікірлеріңіз бен көзқарастарыңыз біз үшін әрқашан маңызды. Жас сарбаздардың және олардың ата-аналарының моральдық-психологиялық жағдайына көңіл бөле отырып, сіздер әскери бөлімдердің материалдық-техникалық қамтамасыз етілуіне және сарбаздардың мерзімді қызметтерінің жайлы болуына елеулі үлес қосып келесіздер», — деді Бас қолбасшы.Кездесу барысында ата-аналарға сарбаздардың тамақтануы үшін алаңдамауға болатындығы атап өтілді. Себебі басшылыққа алатын құжаттар қайта қаралып, тамақтану шарттарының бұзылуына жауапкершілік күшейтілген, сондай-ақ сенімсіз мердігерлермен келісімшарттарды бұзу көзделген.Сарбаздар аналары комитетінің жетекшісі Лилия Хайруллина әскери бөлімдерде ашық есік күндерін жиі ұйымдастыруды, бұдан бөлек сарбаздар үшін демалыс күндері кинофильм клубын құруды ұсынды.Бірлестік атынан ол Ұлттық ұлан Бас қолбасшылығына ынтымақтастық үшін алғыс айтты:«Біз әрдайым белсенді жұмыс жүргізетін әскери бөлім командирлеріне ризамыз. Біздің өтініштерімізге мән беріп, ата-аналарды толғандырған сұрақтарға жауап беретіндеріңізге қуаныштымыз. Біз әлі де көп жұмыс істеуіміз керек», — деді Лилия Хайруллина.Кездесудің нәтижесінде әскери қызметшілерді қолдауға бағытталған жүйелі жұмысты жалғастыру қажеттігі туралы өзара түсіністік орнады. ҚР ІІМ Ұлттық ұланының және Сарбаздар аналар комитетінің өкілдері жас Отан қорғаушылардың қауіпсіздігі, денсаулығы және әл-ауқатын қамтамасыз етуге бағытталған әріптестікті әрі қарай дамытуға келісті. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1122618?lang=kk

Абаттандыру есебінен ауылішілік жолдарға көше шамдары орнатылды.Ақпарат көзі : https://www.gov.kz/memleket/entities/mangystau-munaily-batyr/press/news/details/1122547?lang=kk

Шымкент қаласы әкімі «Vostok Trade LLP» компаниясының басшылығымен кездесіп, «Жұлдыз» индустриялық аймағында салынып жатқан қара қорғасын мен мыс өндіретін зауыттың құрылыс барысын талқылады.Құны 5 млрд теңгені құрайтын инвестициялық жобаны іске қосу келесі жылға жоспарланған. Жоба аясында 200 жаңа жұмыс орны ашылып, болашақ кәсіпорынның жылдық өндірістік қуаты 30 мың тонна өнімді құрайтын болады.Кездесу барысында қажетті құжаттарды рәсімдеу, өндірістік инфрақұрылымды қамтамасыз ету және қосымша шешімді қажет ететін бірқатар мәселелер қаралды. Талқылау қорытындысында барлық талаптардың орындалуы мен рәсімдердің уақытылы аяқталуының маңыздылығы атап өтілді.Қала әкімі жауапты тұлғаларға заң аясында тиісті қолдау көрсетуді тапсырды. Аталған жоба өнеркәсіп саласының дамуына, қаланың экономикалық әлеуетін арттыруға және жаңа жұмыс орындарын ашуға елеулі үлес қосады деп күтілуде.

Жетісу облысының Сәкен Сейфуллин атындағы орталық кітапханасының зағип және нашар көретін азаматтарға арналған бөлімінде үйге қызмет көрсету жұмыстары жүргізілді. Тұрақты оқырманымыз, 1-топ көз мүгедегі Қасейнова Кульшари ханымның тапсырысы бойынша Брайль қарпімен басылған кітаптар және аудиокітаптар үйіне жеткізілді.Қызмет көрсету барысында оқырманның кітапқа деген сұраныстары тыңдалып, алдағы уақытта қажетті әдебиеттерді жеткізу мәселелері келісілді.Ақпарат көзі : https://www.gov.kz/memleket/entities/zhetysu-archive/press/news/details/1122524?lang=kk

🔹Бүгін Шымкентте Қазақстан Республикасының 16 желтоқсан – Тәуелсіздік күні мерекесі мен Қазақстан халқы Ассамблеясының 30 жылдығына орай қалалық Достық үйінде «Қара шаңырақ» қолөнер және халықтық өнер көрмесі өтті.🔹Алғаш рет ассамблея алаңында ұйымдастырылған іс-шараға 20-дан астам астам қолөнер шебері қатысып, өз туындыларын көпшілік назарына ұсынды.🔹Қазақ халқының дәстүрлі қолөнерін насихаттау, ұлттық мәдени мұраны сақтап,  дамыту арқылы оны жас буын арасында дәріптеуді мақсат тұтқан іс-шараға қалалық ҚХА хатшылығының меңгерушісі Айгүл Амзеева, қалалық ҚХА жанындағы Ақсақалдар кеңесінің мүшесі Досыбай Шерімқұлов, қалалық этномәдени бірлестіктердің төрағалары мен белсенділері және қала тұрғындары қатысты.🔹Көрмені тамашалауға келген қонақтар алдында сөз сөйлеген қалалық ҚХА хатшылығының меңгерушісі іс-шараның маңыздылығына тоқталып, қазақ халқының қолөнерін дәріптеу, таныту бағытында жергілікті этнос өкілдері де атсалысып келе жатқанын айтты.– Мемлекет басшысы Қасым-Жомарт Тоқаев Ұлттық құрылтайда «Ұлттық мәдениетімізді, салт-дәстүрімізді, соның ішінде қолөнерді жаңғырту – ұлттың өзіндік болмысын сақтаудың басты жолы», – деді. Бүгінде ұлттық қолөнеріміз қайта жаңғырып, сән индустриясы, туризм, интерьер дизайны сынды түрлі салаларда кең қолданылып келеді. Жас шеберлер дәстүрлі тәсілдерді заманауи технологиялармен ұштастырып, жаңа бағыттарды қалыптастыруда. Қазақ қолөнері халықаралық көрмелерде жоғары бағаланып жүр, – Айгүл Тұрсынбекқызы.🔹Ұлттық қолөнерді дәріптеген игі іс-шараға атсалысқан қолөнер шеберлеріне арнайы алғыс хаттар мен естелік кәдесыйлар табысталып, көрме соңы шара концерттік бағдарламамен жалғасты.Қоғамдық келісім баспасөз қызметі#ҚХА30жыл #30летАНК #Шымкент #Shymkent

Алматы әкімі Дархан Сатыбалды қалада коммуналдық жәрмеңкелер құру жобасын қарастырған кеңес өткізді.Қазіргі уақытта бірнеше сәулеттік және функционалдық шешім пысықталып жатыр. Әр ауданда жаңа жәрмеңкелерді орналастыруға арналған алдын ала орындар белгіленді. Сонымен қатар «Алматы» әлеуметтік-кәсіпкерлік корпорациясының қолданыстағы павильондары заманауи талаптарға сәйкес жаңғырту жоспары қатар қарастырылуда.Бастаманың мақсаты – делдалдардан бас тартып, фермерлер үшін қолайлы жағдай жасау.Жоба сарапшылармен және тиісті қызметтермен бірлесіп пысықталатын болады. Талдау нәтижелері бойынша жәрмеңкелердің оңтайлы форматы, оның ішінде инфрақұрылымы, орналастыру тәртібі және баға белгілеу тетіктері ұсынылады.Әкімнің айтуынша, қаланың міндеті – ашық сауда жүйесін қалыптастыру, жергілікті өндірушілерді қолдау және сатып алушылар үшін қолайлы жағдай жасау.Ақпарат көзі : https://www.gov.kz/memleket/entities/almaty/press/news/details/1122472?lang=kk

Будапешт, 2025 жылғы 9 желтоқсан – Қазақстанның Мажарстандағы Елшісі Абзал Сапарбекұлы Мажарстан Премьер-министрі Канцеляриясының Ұлттық саясат мәселелері жөніндегі мемлекеттік хатшысы, Мемлекеттік Жиналыс (Парламент) депутаты мырза Лөринц Начамен кездесті.Кездесу барысында Елші 2025 жылғы 2 желтоқсанда Будапештте өткен Түркі мемлекеттері ұйымы (ТМҰ) министрлері мен диаспоралық институт басшыларының 7-отырысын жоғары деңгейде ұйымдастырғаны үшін венгр тарапына алғыс білдірді.Абзал Сапарбекұлы Мажарстандағы шағын қазақ диаспорасының белсенді қызметі туралы, соның ішінде мәдени іс-шаралар өткізуі және қазақ тілі курстары туралы егжей-тегжейлі ақпарат беріп, оны әрі қарай қолдау бағыттарын мажар тараппен талқылады.Өз кезегінде Лөринц Нача көршілес елдерде және алыс шетелдерде тұратын этникалық мажарлардың этномәдени бірегейлігін сақтау мен күшейтуге бағытталған мемлекеттік шаралар туралы айтты.Кездесу қорытындысы бойынша тараптар гуманитарлық және мәдениетаралық ынтымақтастықты тереңдетуге деген берік ұстанымдарын растады және шетелдегі этникалық қауымдарды қолдау, сондай-ақ осы саладағы мемлекетаралық ынтымақтастық тетіктерін дамыту мәселелері бойынша өзара іс-қимылды жалғастыруға уағдаласты.Ақпарат көзі : https://www.gov.kz/memleket/entities/mfa-budapest/press/news/details/1122401?lang=kk

Вашингтон, 2025 жылғы 8 желтоқсан – «Atlantic Council» ой-талқы орталығының алаңында Қазақстанның аса маңызды минералдар саласындағы әлеуетіне арналған дөңгелек үстел өтті.Іс-шараға Қазақстанның АҚШ-тағы Елшісі Мағжан Ілиясов, «Atlantic Council» Еуразия орталығының аға директоры Джон Хербст, АҚШ Үкіметінің өкілдері, америкалық даму қаржы институттары, бизнес және сарапшылық қауымдастық қатысты.Елші өз сөзінде Мемлекет басшысының Вашингтонға сапары мен «С5+1» Саммитінің негізгі нәтижелерін, соның ішінде 17 млрд. долл. астам сомаға коммерциялық келісімдерге қол қойылғаны, Қазақстан мен АҚШ арасында өңірдегі алғашқы аса маңызды минералдар жөніндегі ынтымақтастық туралы Меморандум бекітілгенін атап өтті.М.Ілиясов Меморандум кеңейтілген серіктестік форматын қалыптастыратынын, оның аясында Қазақстанда қайта өңдеу қуаттарын құру, технологиялар трансфері және отандық өнімнің АҚШ нарығына қол жеткізуі көзделетініне тоқталды.Меморандумның практикалық орындалуына мысал ретінде Елші америкалық «Cove Capital» компаниясымен жасалған келісімді келтірді. Жоба аясында АҚШ-тың даму қаржы институттарының қатысуымен Қазақстанда жоғары қосылған құны бар өнім өндіру үшін 1,1 млрд. долл. көлемінде инвестиция тарту жоспарлануда.Іс-шара барысында қатысушыларға Қазақстандағы қолайлы инвестициялық ахуал туралы, соның ішінде лицензиялау рәсімдерінің ашықтығы мен айқындығын арттыруға бағытталған жер қойнауын пайдалану саласындағы заңнамаға енгізілген соңғы өзгерістер жөнінде толық ақпарат берілді.«Kazakh Invest» ҰК өкілі аса маңызды минералдардың расталған қорларына негізделген, жоғары инвестициялық тартымдылығы бар шамамен 50 дайын инвестициялық жобаны таныстырды.Дөңгелек үстел сұрақ-жауап сессиясымен аяқталды. Қатысушылар Қазақстанмен аса маңызды минералдар саласындағы ынтымақтастықты нығайтуға жоғары қызығушылық білдіріп, екіжақты өзара іс-қимылдың айтарлықтай әлеуетін атап өтті және әрі қарайғы бірлескен жұмысты жалғастыруға дайындығын растады.Ақпарат көзі : https://www.gov.kz/memleket/entities/mfa-washington/press/news/details/1122348?lang=kk