Исламабад, 2026 жылғы 15 наурыз - Исламабад қаласында орналасқан №424 учаскелік референдум комиссиясы Қазақстан Республикасының жаңа Конституциясы мәселесі бойынша өткізілген республикалық референдум аясындағы жұмысын аяқтады.Дауыс беру Қазақстан Республикасының заңнамасына толық сәйкес, ұйымдасқан түрде өтті.Ақпарат көзі : https://www.gov.kz/memleket/entities/mfa-islamabad/press/news/details/1181523?lang=kk

Қонаев қаласы бойынша референдум учаскелерінің жалпы саны – 31, оның 5 –уі жабық учаскелер.​Рефендумға қатысуға құқығы бар азаматтар саны – 44200 адам. 144 мүгедектігі бар референдумға қатысушылар бар, оның ішінде 26- нашар көретіндер, 36- нашар естушілер, 82-арба қолданушылар. 1158 азамат- алғашқы дауыс берушілер.Барлық участоктерде мүгедектігі бар азаматтарға толық жағдай жасалған. Референдумның өту барысын бақылауға Қонаев қаласы бойынша аккредитациядан өткен қоғамдық бірлестіктер, саяси партиядан 118, БАҚ өкілдерінен 7 байқаушылар тіркеліп қатысуда.Жалпы референдумға қатысуға құқығы бар азаматтардың белсенділігі жақсы. Үй жайдан тыс дауыс беруге өтініштер 101 азамат өтініш білдірді.Учаскелік референдум комиссиялары заңға сәйкес жұмыстарын атқаруда.Рефендум учаскелерінде заң бұзушылықтар орын алған жоқ.Ақпарат көзі : https://www.gov.kz/memleket/entities/almobl/press/news/details/1181519?lang=kk

Еңбекшіқазақ ауданында республикалық референдум аясында дауыс беру жалғасуда. Осы ретте жергілікті тұрғындар тарихи маңызы зор оқиғаның қасиетті Рамазан айымен және «Наурызнама-2026» жалпыұлттық онкүндігінің екінші күні – Қайырымдылық күнімен тұспа-тұс келуін ерекше символдық мәнге ие деп атап өтті.Өзара көмек пен қайырымдылық күніне орай жанашыр тұрғындар мұқтаж отбасыларға барып, қолдау көрсетуде. Қайырымдылық акциясына мемлекеттік мекемелер, жеке кәсіпорындар, этномәдени бірлестіктер, депутаттар мен кәсіпкерлер белсенді қатысуда.Аудан жастары да шет қалмай, «Марафон добрых дел» акциясы аясында ауызашар уақытына бірнеше минут қалғанда референдум учаскелерінде жүрген ораза ұстаған тұрғындарға құрма мен су таратуды ұйымдастырды. Адамдарға ауыз ашуға арналған шағын жиынтықтар ұсынылып, дер кезінде қолдау көрсетілді. Қарапайым көрінгенімен, бұл игі іс әлеуметтік көмек пен рухани бірліктің маңызды көрінісіне айналды. Ораза ұстаған сайлаушылар мұндай қамқорлықты ерекше жылы қабылдап, ортақ іске деген бірлік пен жанашырлықты сезінді.Айта кету керек, бұл қайырымдылық акциясы еріктілер мен жастардың бастамашылдығы мен әлеуметтік жауапкершілігінің жарқын үлгісі болды. Олар өздерінің белсенді азаматтық ұстанымын айқын көрсетті. Жобаға қатысқан жастардың айтуынша, елдің дамуына қатысты маңызды үдерістерге қатысу олар үшін аса маңызды. Өздері де игі іске үлес қосқандарына қуанышты екенін жеткізді. Ал жергілікті тұрғындар олардың назар аударып, қолдау көрсеткеніне алғыс білдіріп, мұндай қамқорлықтың ораза ұстаған жандар үшін ерекше маңызды екенін атап өтті.Еңбекшіқазақ ауданында өткен Қайырымдылық күні өзара көмек пен ізгілікке негізделген нақты іс-шараға айналып, референдумды шынайы халықтық мерекеге ұластырды.Ақпарат көзі : https://www.gov.kz/memleket/entities/almobl/press/news/details/1181512?lang=kk

Жамбыл ауданының орталығы Ұзынағаш ауылында референдум күні ерекше ұсыныс жасалды. Осы елдімекен тұрғыны Елжан Ерболұлы республикалық референдумға қатысып, өз таңдауын жасағаннан кейін болашақ қалыңдығы Жанеркеге үйленуге ұсыныс жасады.Жастар бүгінгі күнді еліміздегі тарихи күндердің бірі ретінде бағалайды. Елжан Алтыбақан көшесіндегі №1 мектеп-гимназиясының ғимаратында орналасқан №262 референдум учаскесінде дауыс бергеннен кейін іле-шала сол жерде сүйіктісіне сақина ұсынып, өмірлік серігі болуға шақырды.Бұл күн өміріндегі және ел тарихындағы ерекше сәттердің бірі екенін Елжан былайша білдірді: «Бүгінгі күн мен үшін ғана емес, тұтас қазақ елі үшін ерекше мәнге ие күндердің бірі. Себебі мемлекетіміздің жаңа кезеңге қадам басуына негіз болатын маңызды шешім қабылданып жатыр деп есептеймін. Сондықтан мен бұл күнді әдейі таңдадым. Өйткені болашақ жарыма жасаған ұсынысым ешқашан ұмытылмайтын күндердің бірі болып қаларына сенемін», – деді ол.Осылайша, ел болашағына қатысты маңызды таңдау жасалған күні екі жастың өміріндегі қуанышты оқиға да қатар өріліп, бұл сәт көпшілікке ерекше әсер сыйлады.Ақпарат көзі : https://www.gov.kz/memleket/entities/almobl/press/news/details/1181511?lang=kk

Референдум күні елдегі қоғамдық келісім мен мәдени әртүрліліктің жарқын көріністерінің бірі — түрлі этнос өкілдерінің белсенді қатысуы болды. Солардың қатарында түрік және күрд этностарының 892 референдум учаскесіне барып, ұлттық киіммен өз таңдауларын жасау арқылы ел болашағына бейжай қарамайтынын көрсетті.Ұлттық нақыштағы киім киген азаматтардың дауыс беруі көпшіліктің назарын аударып, учаскелерде ерекше әрі көтеріңкі атмосфера қалыптастырды. Бұл қадам этносаралық татулық пен өзара құрметтің, сондай-ақ көпұлтты қоғамдағы бірлік пен келісімнің айқын белгісі ретінде бағаланды.Қатысушылардың айтуынша, ұлттық киіммен дауыс беру — ата-баба дәстүріне деген құрметтің және Қазақстандағы мәдени алуандықты сақтай отырып, ортақ құндылықтарды дәріптеудің бір жолы. Олар референдумға қатысу арқылы ел дамуына өз үлестерін қосып, ортақ болашақ үшін жауапкершілік танытатынын жеткізді.Түрік және күрд этностары өкілдерінің ұлттық киіммен келуі референдумның тек саяси шара ғана емес, сонымен қатар қоғамдағы бірлік пен өзара түсіністікті нығайтатын маңызды оқиға екенін көрсетті. Осындай бастамалар еліміздегі татулық пен қоғамдық келісімді одан әрі нығайтып, «бір ел — бір тағдыр» қағидатының нақты көрінісіне айналуда.Бірлік пен мәдени әртүрлілік — Қазақстанның басты құндылықтарының бірі.Ақпарат көзі : https://www.gov.kz/memleket/entities/almobl/press/news/details/1181510?lang=kk

Өмірқұл Айниязов халқымыздың дәстүрлі ән өнерін эстрада бағытымен шебер үйлестіріп жүрген белгілі әнші. Сонымен бірге қоғамдық-саяси өмірде де белсенді, ешқашан сайлаудан, басқа да саяси науқандардан шет қалған емес. Бүгін де ол Талғар ауданындағы №833 референдум учачкесіне келіп, дауыс берді.– "Өнер адамдары қоғамдық өмірде де белсенді болуы керек деп ойлаймын. Өйткені, көп адамдар, әсіресе жастар сондай жандарға еліктейді, соларға қарап бой түзейді. Сондықтан, конституциялық құқымызды пайдаланып, еліміздің ертеңі үшін дауыс беріп жатсақ, бұл да жастарға, айналамыздағы басқа да қоғам мүшелеріне үлгі болатыны сөзсіз", – деді ол.Ақпарат көзі : https://www.gov.kz/memleket/entities/almobl/press/news/details/1181331?lang=kk

Таңғы сағат тоғызда Іле ауданы, Өтеген батыр ауылындағы Нұрғиса Тлендиев атындағы Мәдениет үйінде орналасқан №1062 сайлау учаскесіне еңбек ардагері Төрткен Кененова келіп, дауыс берді. Ол учаскеге туыстарымен бірге келді, құрметті жасына қарамастан, ел үшін маңызды оқиғаға өз қолымен қатысуды шешті.Төрткен Кененованың есімі өңірде жақсы таныс. Ол халық ақыны, композитор және күйші Кенен Азербаевтың қызы. Өмір бойы еңбек етіп, қоғамның құрметіне ие болды. Іле ауданының Құрметті азаматы, Қазақстан Республикасының Құрметті өнер қайраткері, еңбек ардагері және қоғам белсендісі.Жуырда Төрткен Кененоваға 90 жас толды. Ол 1936 жылы Жамбыл облысы, Красногор ауданындағы Отар теміржол станциясында дүниеге келген (қазіргі Қордай ауданы). Бала кезінен оның өмірінде музыка мен халық шығармашылығы ерекше орын алған. Өнерге деген сүйіспеншілікті әкесінен, танымал ақын Кенен Азербаевтан алған. Кейін Төрткен Кененова әкесінің мұрасын сақтау үшін үлкен еңбек атқарды. Ол әкесінің әндерін «Қосылған қоңыр қазға ән мен үнім» және «Әнім қалсын» атты компакт-дискілерге жазып, жарыққа шығарды. Осы жазбалар арқылы халық композиторының көптеген шығармалары жаңа өмірге ие болып, кең аудиторияға қолжетімді болды.Өмірінің елеулі бөлігін педагогикаға арнаған. Отыз жыл бойы Төрткен Кененова халық білім беру жүйесінде қызмет етті. Оның еңбегі мемлекет тарапынан жоғары бағаланды: 1981 жылы «КСРО Халық білімінің үздігі» төсбелгісімен, 1985 жылы Қазақстан Республикасының «Халық білімінің үздігі» төсбелгісімен марапатталды.Құрметті жасына қарамастан, Төрткен Кененова белсенді өмір сүруде. Учаскеге келіп, қоғамдық өмірге қатысу мен азаматтық ұстанымды көрсету әр адамның маңызды ісі екенін атап өтті. Еңбек ардагері қарт адамдарға деген құрмет пен қамқорлық үшін алғыс айтты.Дауыс бергеннен кейін Төрткен Кененова қатысушыларға жылы лебізін білдіріп, бата-благословение берді. Ол тұрғындарға бірлік, келісім және амандық тіледі. Учаскеге келген азаматтар ардагердің сөздерін құрметпен қабылдады.Ақпарат көзі : https://www.gov.kz/memleket/entities/almobl/press/news/details/1181336?lang=kk

Өңіріміздегі барлық референдум учаскелерінде әрбір азаматтың өз таңдауын еркін әрі кедергісіз жасауына бар жағдай жасалған. Әсіресе учаскеге келіп, дауыс беруге мүмкіндігі болмаған жандарға ерекше көңіл бөлінуде.Бұл туралы облыстық жұмыспен қамтуды үйлестіру және әлеуметтік бағдарламалар басқарма басшысының орынбасары Ержан Ділдәнұлы мәлімдеді. Оның айтуынша, референдум учаскелерінде мүмкіндігі шектеулі азаматтарға, егде жастағы адамдарға және денсаулық жағдайына байланысты өздігінен дауыс бере алмайтын азаматтарға заң аясында көмек көрсетіледі. «Кейбір азаматтар денсаулығына немесе жасына байланысты бюллетеньді өздігінен толтыра алмай жатады.Мұндай жағдайда олар өздері сенім білдірген адамның көмегіне жүгіне алады. Бұл үрдіс заң талаптарына сай ашық түрде жүзеге асырылады», – дейді Ержан Ділданұлы. Басқарма өкілінің айтуынша, әрбір учаскеде дауыс беруге қолайлы жағдай жасауға ерекше мән берілген.Атап айтқанда, пандустар орнатылып, егде жастағы азаматтардың ғимаратқа кедергісіз кіріп-шығуына бар мүмкіндік қарастырылған. Сонымен қатар комиссия мүшелері дауыс беру тәртібін түсіндіру жұмыстарын жүргізеді. Жалпы референдум учаскелерінде әрбір азаматтың дауыс беру құқығын толық жүзеге асыруы үшін ұйымдастыру шаралары ойдағыдай жүзеге асырылып, көмекке мұқтаж адамдарға заң талаптарына сәйкес қолдау көрсетілуде.Ақпарат көзі : https://www.gov.kz/memleket/entities/almobl/press/news/details/1181360?lang=kk

Республикалық референдум күні, жаңа Конституцияны қабылдау мәселесі бойынша, Қонаев қаласындағы бір сайлау учаскесінде тұрғындардың назарын ерекше дауыс беруші аударды. Аймақ тұрғыны қар барысының бейнесінде дауыс беруге келді. Бұл бейне түркі халықтарының мәдениетінде күш пен асылдықпен байланысты.Бұл оқиға учаске қонақтарында ерекше қызығушылық тудырды. Қалалықтар оның жанында суретке түсіп, мұндай бастама азаматтық белсенділіктің маңызын еске салғанын атап өтті.Өзі дауыс берген азаматтың айтуынша, бұл арқылы ол ел үшін маңызды оқиғаға қатысудың мерекелік атмосферасын қолдауды мақсат етті.- «Референдум - еліміз үшін шешуші қадам. Мен осы бейнеде учаскеге келдім, қатысуды еске салу және назар аударту үшін», - деді ол.Қар барысы Қазақстанның символикасында ерекше орын алады және батылдық пен тәуелсіздікпен байланысты. Сондықтан қатысушының айтуынша, таңдалған бейне халықтың құндылықтары мен бірегей мәдениетін сақтауға деген ұмтылысты бейнелейді. Алматылық облыстың табиғатын осы әдемі жыртқышсыз елестету мүмкін емес.Бақылаушылардың айтуынша, мұндай бастамалар учаскелерде ашықтық пен жақсы көңіл-күй атмосферасын қалыптастырып, дауыс беруге қатысудың ел өміріндегі маңызын еске салады.Ақпарат көзі : https://www.gov.kz/memleket/entities/almobl/press/news/details/1181368?lang=kk

Қонаев қаласындағы ASP Arena-да көктемгі маусымның ашылуына арналған дрифт-шоу өтті. Жарысқа өңірдің және көршілес аймақтардың автоспорт әуесқойлары жиналып, көрермендерге әсерлі әрі тартысты бәсеке сыйлады. Көктемнің алғашқы жарысына 40 автокөлік қатысып, жүргізушілер кәсіби шеберліктерін, жылдамдық пен дәлдікке негізделген дрифт техникасын көрсетті. Жарыс барысында қатысушылар бірнеше кезең бойынша бақ сынап, ең мықты жүргізушілер анықталды.Жүлделі орындар келесідей бөлінді:1 орын –Петр Бородин,2 орын –Евгений Васькин.Жарыс жеңімпаздары азаматтық белсенділік танытып, референдумға қатысты.«Дрифт-шоу Қонаевтағы ең әсерлі көріністердің біріне айналды. АСП аренада түрлі мәдени-бұқаралық шаралар ұйымдастырылып жүр. Оған алыс-жақын шетелдерден келетін спортсүйер қауымды қоса есептегенде, мыңдаған көрермен жиналуда. Қаламыздың спорт саласы дамып жатқанына өте қуаныштымыз. Биылғы дрифт-шоу референдумға тұспа-тұс келді. Біз өз еліміздің азаматтары ретінде дауыс беріп, таңдауымызды жасадық», − деді Петр Бородин.Аталған жарыс Қонаев қаласында автоспорт мәдениетін дамытуға, жастар арасында техникалық спорт түрлерін насихаттауға және өңірдің спорттық-туристік әлеуетін арттыруға бағытталған маңызды шаралардың бірі болды. Ақпарат көзі : https://www.gov.kz/memleket/entities/almobl/press/news/details/1181369?lang=kk

Іле ауданындағы сайлау учаскелерінің бірінде өз азаматтық міндетін Демеу Жадраев орындады — ол грек-рим күресінен қазақстандық балуан, Жазғы Олимпиада ойындары 2024 күміс жүлдегері және ұлттық құраманың көшбасшыларының бірі.2024 жылғы Олимпиадада Жадраев қазақстандық күрес тарихында айрықша із қалдырды: ол іріктеу кезеңдерін сенімді түрде өтіп, мықты қарсыластарын, соның ішінде Қырғызстанның екі дүркін әлем чемпионын жеңді. Финалда жапониялық балуан Нао Кусакемен кездесіп, 5:2 есебімен күміс жүлдеге ие болды. Бұл жетістік Париж Олимпиадасындағы Қазақстанның ең ірі табыстарының бірі саналады.- «Күрес үлкен күшті, төзімділікті және мінезді талап етеді. Бүгін әр азамат елдің болашағы үшін өз таңдауын жасайды - мен де солардың бірімін», - деді Жадраев дауыс бергеннен кейін, тұрғындарды белсенді азаматтық ұстанымға шақырып.Спорттық мансабы барысында Демеу Жадраев Олимпиада жүлдесінен бөлек, әлем және Азия чемпионаттарының медальдарын жеңіп алып, өз салмағында әлемдегі ең мықты балуандардың бірі екенін дәлелдеді. Оның Олимпиада тұғырына апарар жолы әлемнің үздік спортшыларымен өткен тартысты белдесулерге толы болды және жас қазақстандық спортшыларға үлгі болып келеді.Республикалық референдум әр азамат мемлекеттің болашағына қатысты өз пікірін білдіретін маңызды алаң. Мұндай шараға спорт қауымдастығының көшбасшыларының, соның ішінде Демеу Жадраевтың қатысуы тәртіп, мақсатқа ұмтылу және жауапкершілік секілді қасиеттердің тек спортта ғана емес, қоғам өмірінде де маңызды екенін көрсетеді.Ақпарат көзі : https://www.gov.kz/memleket/entities/almobl/press/news/details/1181378?lang=kk

Еңбекшіқазақ ауданының тұрғындары республикалық референдумға қатысу барысында ұлттық символдар мен бейнелерден шабыт алып, креативті көзқарас танытуда.Есік қаласындағы №123 сайлау учаскесінде дауыс беру барысында тұрғындардың назарын ерекше қатысушы аударды - Қазақстан тарихы мен мәдениетінің маңызды символдарының бірі саналатын Алтын адам бейнесіндегі азамат. Қала тұрғыны сайлау учаскесіне «Алтын адам» бейнесінде сәнделген костюммен келіп, мерекелік көңіл-күй сыйлап, жиналғандардың қызығушылығын тудырды.Акцияға қатысушының айтуынша, оның таңдауы елдің болашағына өз үлесін қосуға деген ұмтылыстан туындаған.- «Мен ең дұрыс жолды таңдадым - өз елімнің болашағына бейжай қарамай, оның дамуына белсенді қатысу. Менің ата-бабаларым да кезінде маңызды шешімдер қабылдаған, мен олардың аманатына адал болуға тырысамын. Бүгін дәл “Алтын адам” бейнесін таңдағаным да кездейсоқ емес. Бұл бейне халқымыздың тарихын айшықтап, жерлестерімнің бойында мақтаныш сезімін оятып, ұлттық рухты нығайтады», — деді ол.Осындай бастамалар дауыс беру үдерісіне ерекше атмосфера сыйлап, өңір тұрғындарының азаматтық жауапкершілігінің жоғары екенін көрсетеді. Көпшілік үшін референдумға қатысу тек маңызды қоғамдық-саяси оқиға ғана емес, сонымен қатар ұлттық дәстүрлер мен мәдени мұраға деген құрметті білдірудің бір көрінісі болды.Ақпарат көзі : https://www.gov.kz/memleket/entities/almobl/press/news/details/1181387?lang=kk

Жамбыл ауылының тұрғындары референдумды ел болашағы үшін аса маңызды әрі жауапты қадам деп қабылдады.Таңсәріден бастап дауыс берушілер сайлау учаскесіне келіп, өз таңдауын жасады. Жамбыл ауылы – тарихы терең, киелі мекендердің бірі. Бұл қасиетті топырақтан елге танымал көптеген тұлға түлеп ұшқан.Ауылдың рухани мәртебесін арттырып тұрған орындардың бірі – жыр алыбы Жамбыл Жабаевтың әдеби-мемориалдық мұражайы. Мұнда жыл сайын мыңдаған адам арнайы келіп, тағылымды тарихқа үңіледі. Сондықтан Жамбыл ауылында өткенге тағзым, дәстүрге құрмет ерекше сезіледі.Алғашқылардың бірі болып дауыс беруге келгендердің қатарында Жамбыл Жабаевтың шөбересі, Халық ақыны Әлімқұл Жамбыловтың ұлы Мұратхан Жамбылов та болды. Ол сайлау учаскесіне ұлттық нақыштағы дәстүрлі киіммен келіп, көпшілік назарын аударды.– "Мен референдумға мерекеге келгендей әсер алдым. Бұл күн еліміздің тарихындағы маңызды беттердің бірі болып қалатынына сенемін. Менің жерлестеріміз әрдайым белсенділігімен ерекшеленеді", – деді ол. Жамбыл ауылының тұрғындары ел тағдырына бейжай қарамайтынын тағы бір мәрте дәлелдеп, референдум күні бірлік пен азаматтық жауапкершіліктің жарқын үлгісін көрсетті.Ақпарат көзі : https://www.gov.kz/memleket/entities/almobl/press/news/details/1181396?lang=kk

Ұйғыр ауданындағы Ұлы Отан соғысы ардагерлерінен қалған жалғыз қария – 103 жасқа қараған Алим ата Кебиров бүгінгі референдумда өз таңдауын жасады.Ұлы Отан соғысына қатысып, елге аман-есен оралып, зейнет жасына жеткенше еңбек етіп, ел экономикасының өркендеуіне үлес қосқан қария осы уақытқа дейін ешбір саяси науқаннан қалыс қалған емес.Ұйғыр ауданы Бахар ауылында орналасқан №921 дауыс беру учаскесіне Алим атамыз өзі келіп, таңдауын жасады. Көзі қарақты, күнделікті жаңалықтан хабардар атамыз Мемлекет басшысының әрбір бастамасына қолдау білдіретінін айтты. «Конституция – еліміздің басты құжаты ғой. Біздің бейбіт заманда өмір сүруіміздің де кепілі. Біз сол құжат арқылы дамимыз, өсеміз. Заман дамыған сайын бір орында тұрақтап қалуға болмайды емес пе? Сондықтан өзгеріс қажет. Жасым келсе де әлі күнге дейін елімізде болып жатқан әр өзгеріске, әр жаңалыққа ден қоямын. Біздің жастығымыз соғыстың өртіне шырмалды. Талай достарымыз, бауырларымыз соғыс даласынан қайтпады.Қазір де әлемдегі жағдайға алаңдап, еліміздің аман, жұртымыздың тыныш болуын тілеп отырамын. Өйткені соғыс ешкімді де аямайды. Жаспысың, кәрімісің, баламысың демейді. Ал біздің бейбіт заманда, бірлігі мен татулығы жарасқан мемлекетте өмір сүруімізге Мемлекет басшысының үлесі зор. Сол себепті де мен ол кісінің бастамасына қолдау көрсетемін. «Бөлінгенді бөрі жейді» дейді. Ел ішінде ауызбіршілік болмаса, ұрыс-керіс болса, дамымаймыз. Бізге ұрыс емес, бірлік керек. Тыныш заманымыздың, бейбіт күніміздің қадірін білейік, балаларым.Болашағымызға немқұрайлы қарамайық. Бұл елдің дамуына, алдыңғы қатарлы мемлекет болуына еңбектеген баладан, еңкейген қарияға дейін үлес қосуы керек. Сол себепті де мен өзім келіп, дауыс беріп, таңдауымды жасадым. Еліміз аман, бейбіт заман болсын» – деп ғасыр жасаған қария ақ батасын берді. Елімізде болып жатқан оң өзгерістерге көңілінің толатынын айтты. Сонымен қатар бүгінгі тарихи күннің сәтті өтуін тіледі.Ақпарат көзі : https://www.gov.kz/memleket/entities/almobl/press/news/details/1181401?lang=kk

Каир қ., 2026 жылғы 15 наурыз - Қазақстан Республикасының жаңа Конституциясын қабылдау мәселесі бойынша өткізілетін республикалық референдум аясында Каир қаласында орналасқан №415 учаскелік референдум комиссиясы өз жұмысын бастады.Ақпарат көзі : https://www.gov.kz/memleket/entities/mfa-cairo/press/news/details/1181402?lang=kk

Референдум күні тұрғындардың денсаулығына ерекше көңіл бөлу мақсатында Іле ауданындағы бірнеше дауыс беру учаскесінің маңында «Денсаулық – зор байлық» атты медициналық акция ұйымдастырылды. Шара аясында арнайы жабдықталған көшпелі медициналық автобус қызмет көрсетіп, учаскеге келген азаматтарға тегін алғашқы медициналық тексерулер жүргізілді.Акция барысында медицина қызметкерлері тұрғындардың қан қысымын өлшеп, жалпы денсаулық жағдайына қатысты алғашқы тексерулер жасады. Сонымен қатар азаматтарға скринингтік тексерулердің маңыздылығы, түрлі аурулардың алдын алу жолдары және салауатты өмір салтын ұстанудың пайдасы жөнінде кеңестер берілді.Медицина мамандарының айтуынша, мұндай профилактикалық шаралар тұрғындардың денсаулық мәдениетін қалыптастыруға, аурудың алдын алуға және азаматтардың өз денсаулығына деген жауапкершілігін арттыруға мүмкіндік береді.Акцияға қатысқан тұрғындар да бастаманы оң бағалады.«Бүгін еліміз үшін маңызды күн. Мен де өз дауысымды бердім. Президентіміз аман болсын, тыныш заман болсын. Сонымен қатар референдум аясында бүгін денсаулығымызды да тексертіп жатырмыз, пайдалы кеңес алдым. Мұндай шаралар халыққа өте қажет», – дейді Өтеген батыр ауылының тұрғыны, зейнеткер Гүлмира Сауданова.Осылайша, референдум күні тек саяси маңызды оқиға ғана емес, сонымен қатар тұрғындардың денсаулығына көңіл бөлінген, қоғам игілігіне бағытталған пайдалы бастамалармен де есте қалды.Ақпарат көзі : https://www.gov.kz/memleket/entities/almobl/press/news/details/1181413?lang=kk

Қала орталығында өткен жәрмеңкеде жергілікті тауар өндірушілер мен шаруа қожалықтары өз өнімдерін қолжетімді бағамен ұсынды.Жәрмеңкеге қала тұрғындары белсенді қатысып, жаңа әрі сапалы азық-түлік өнімдерін сатып алуға мүмкіндік алды. Сауда сөрелерінде ет және сүт өнімдері, көкөніс пен жеміс-жидек, ұн-нан өнімдері, бал және басқа да табиғи тағамдар кеңінен ұсынылды.Іс-шараның басты мақсаты - халықты сапалы отандық өнімдермен қамтамасыз ету, жергілікті ауыл шаруашылығы өндірушілерін қолдау және референдум күні қала тұрғындары үшін қолайлы әлеуметтік орта қалыптастыру болды. Тұрғындардың айтуынша, мұндай жәрмеңкелер халыққа тиімді бағада өнім алуға мүмкіндік беріп қана қоймай, мерекелік көңіл-күй сыйлады.Ақпарат көзі : https://www.gov.kz/memleket/entities/almobl/press/news/details/1181426?lang=kk

Қазақстан Республикасы Қарулы күштерінің әскери қызметшілері елдің жаңа Конституциясын қабылдау бойынша өткен республикалық референдумда дауыс беруге қатысты.Әскери бөлімдер мен мекемелердің аумағында 24 сайлау учаскесі ұйымдастырылып, жеке құрамның маңызды мемлекеттік оқиғаға толыққанды қатысуын қамтамасыз етті.Мерзімді әскери қызметтің сарбаздары мен Қорғаныс министрлігіне қарасты әскери оқу орындарының курсанттары, сондай-ақ әскери госпитальдарда ем алып жатқан әскери қызметшілер тұрақты орналасқан орындарында дауыс берді.Ал офицерлер мен келісімшарт бойынша қызмет ететін әскери қызметшілер тұрғылықты жері бойынша орналасқан сайлау учаскелерінде дауыс берді.Референдумға Қарулы күштердің барлық әскери қызметшілері, олардың отбасы мүшелері және азаматтық персонал қатысты.– Биыл 18 жасқа толып, алғаш рет дауыс беріп отырмын. Бұл – үлкен жауапкершілік. Еліміз үшін осындай іс-шараларға қатысып, өз азаматтық ұстанымымды білдіру маңызды деп санаймын, – деді Астанадан Өскемен гарнизонына шақырылған 27943 әскери бөлімінің мерзімді қызметтегі қатардағы жауынгері Аязбай Бекнұр.Сонымен қатар, әскери оқу орындарының курсанттары, әскери академия тыңдаушылары және іссапармен шетелде жүрген әскери қызметшілер қатарынан 2000-нан астам адам өз сайлау құқықтарын елден тыс жерде жүзеге асырып, шетелдік сайлау учаскелерінде дауыс берді.Қорғаныс министрінің тәрбие және идеологиялық жұмыс жөніндегі орынбасары генерал-майор Асқар Мұстабеков әскери қызметшілердің референдумға қатысуы азаматтық жауапкершілік пен мемлекеттік институттарға деген құрметтің көрінісі екенін атап өтті.– Қарулы күштердің әскери қызметшілері, еліміздің барлық азаматтары сияқты, қабылданатын шешімдердің мемлекет болашағы үшін маңыздылығын түсінеді. Референдумға қатысу – бұл тек конституциялық құқықты жүзеге асыру ғана емес, сонымен бірге белсенді азаматтық ұстанымды білдіру. Әскердің жеке құрамы жалпыұлттық маңызы бар мәселелерде әрдайым жоғары жауапкершілік пен саналы шешім қабылдап келеді, – деді ол.Әскери қызметшілердің дауыс беруге қатысуы ұйымдасқан түрде және Қазақстан Республикасы сайлау заңнамасының барлық талаптарына толықтай сәйкес өтті.Ақпарат көзі : https://www.gov.kz/memleket/entities/mod/press/news/details/1181428?lang=kk

Алатау қаласында «Референдум аллеясы – 2026» атты экологиялық акция өтті. Іс-шара тұрғындарды, қалалық мәслихат депутаттарын, қоғамдық ұйымдар өкілдерін, жастар мен еріктілерді болашақ үшін ортақ символдық іске — ағаш отырғызуға біріктірді. Іс-шараның ұраны: «Біз таңдау жасадық — енді бірге болашақты құрамыз». Іс-шараға Алатау қаласының әкімі Аркен Өтенов қатысып, тұрғындармен, жастармен, қоғамдық ұйым өкілдерімен және еріктілермен әңгімелесті. Ұйымдастырушылардың айтуынша, бұл күні қала тұрғындары референдумда өз азаматтық ұстанымдарын білдіріп қана қоймай, болашақтың символы ретінде жаңа аллеяның негізін қалады.«Бүгін мемлекетіміз үшін маңызды күн. Референдум — азаматтардың таңдауы. Ал ағаш отырғызу әрбір таңдау болашақ ұрпаққа даму, өсім және игілік әкелуі тиіс екенін білдіреді», — деді қала әкімі.«Референдум аллеясының» алғашқы ағашын қала әкімі ардагер және мектеп оқушысымен бірге отырғызды. Бұл ұрпақтар сабақтастығы мен болашақ алдындағы ортақ жауапкершіліктің символына айналды.Әрбір ағашқа символдық атаулар берілді: Бірлік, Даму, Болашақ, Келісім, Жауапкершілік, Жастар, Жасампаздық, Халықтар достығы, Еңбек, Өркендеу.Акция соңында барлық қатысушылар жаңа аллея жанында естелікке ортақ суретке түсті. Қала әкімі бұл шара қала тұрғындарының бірлігінің символына айналғанын атап өтті. Мұндай бастамалар экологиялық мәдениетті қалыптастыруға, қоғамдық келісімді нығайтуға және қолайлы қалалық орта құруға ықпал етеді.Ақпарат көзі : https://www.gov.kz/memleket/entities/almobl/press/news/details/1181429?lang=kk

Наурызнама онкүндігі барысында Қарулы күштердің әскери қызметшілері бірқатар қайырымдылық шараларына белсенді қатысып, мұқтаж жандарға қолдау көрсетті.Алматы облысында Бітімгерлік операциялар орталығының жеке құрамы мен тілдік дайындық курстарының тыңдаушылары арнайы қайырымдылық акциясын ұйымдастырды.Акция барысында бітімгерлер Қараой, Н. Тілендиев және Қосөзен ауылдарындағы 15 отбасының шаңырағына барып, оларға азық-түлік себеттері мен күнделікті қажетті заттарды табыстады.Бітімгерлік операциялар орталығы бастығының орынбасары – штаб бастығы полковник Бақытжан Жетпісовтің айтуынша, халқымыздың қайырымдылық, өзара көмек және жақынға жанашыр болу дәстүрлері ежелден ерекше маңызға ие. Әскери қызметшілер үшін елге қызмет ету мен қиын жағдайда қол ұшын созу – патриотизм мен Отанға деген адалдықтың айқын көрінісі.Сонымен қатар Шымкент гарнизонындағы 35748 әскери бөлімінің әскери қызметшілері әскери қызметшілердің отбасы мүшелерімен жұмыс қызметімен бірлесіп «Жақсылық жасап жарысайық» атты қайырымдылық акциясын өткізді.Ұлттық киім киген механикаландырылған құраманың өкілдері Шымкент қаласындағы Сәуле шағын ауданында тұратын бірнеше отбасының үйіне барып, азық-түлік себеттерін табыстап, қолдау көрсетті.Бөлім командирі подполковник Сергей Биболатовтың айтуынша, мұндай игі бастамалар әскери ұжым үшін жақсы дәстүрге айналған.Жалпы, Наурызнама аясында ұйымдастырылған қайырымдылық шаралары қазақ халқының ізгілік пен өзара көмекке негізделген дәстүрлерін дәріптеп, қоғамдағы бірлік пен жанашырлықты нығайта түсті. Қарулы күштердің жеке құрамы алдағы уақытта да өмірлік қиын жағдайға тап болған азаматтарға, ерекше білім беру қажеттіліктері бар балаларға, көпбалалы отбасыларға және қамқорлыққа алынған ұйымдарға қолдау көрсетуді жалғастыра бермек.Ақпарат көзі : https://www.gov.kz/memleket/entities/mod/press/news/details/1181437?lang=kk