Алматы облысында мектеп оқушыларына арналған ауқымды кәсіби бағдар беру іс-шарасы басталды. Бұл бастама – республика бойынша алғаш рет қолға алынған пилоттық жоба. Жоба аясында травматолог дәрігерлер болашақ түлектерге медицина саласының қыр-сырын таныстырып, олардың жүрегінде ұмытылмас әсер қалдырды.Кездесуде дәрігерлер өз тәжірибелерімен ашық бөлісіп, оқушылардың сан түрлі сұрақтарына шынайы жауап берді. Жас буынды медицина саласының қиындығы, жоғары оқу орнында білім алу ерекшеліктері, жас мамандарды күтіп тұрған сынақтар мен кәсіби шаршаумен күресу жолдары ерекше қызықтырды.Дәрігерлер өз мамандығына деген сүйіспеншілігін жасырмай, дәрігер болу – үлкен жауапкершілік пен өмірлік миссия екенін атап өтті. Олар алғашқы операцияны жасау сәттерін еске алып, маңызды кезеңдермен бөлісті. Сонымен қатар, медицинадағы командалық жұмыстың маңыздылығына ерекше тоқталды.Кездесуден кейін оқушылар аурухана бөлімшелеріне экскурсия жасап, медицинаның шынайы өмірдегі көрінісімен танысты. Олар дәрігерлердің ғана емес, орта және кіші медициналық қызметкерлердің де маңызды рөл атқаратынын өз көздерімен көрді.Сонымен қатар, жоба аясында мектеп оқушыларына алғашқы медициналық көмек көрсету бойынша арнайы оқыту жүргізілуде. Дәрігерлер оқушыларға төтенше жағдайларда дұрыс әрекет ету, жарақат алған кезде алғашқы көмек көрсету, қан кетуді тоқтату, есінен танған адамға көмектесу сияқты маңызды дағдыларды тәжірибелік түрде үйретуде. Бұл сабақтар оқушылардың тек теориялық білімін ғана емес, өмірде қажет болатын нақты дағдыларын қалыптастыруға бағытталған.Іс-шара соңында көптеген оқушылар медицинаға деген көзқарастары өзгергенін айтып, болашақта осы саланы таңдауға ниет білдірді.Бұл маңызды бастама туралы Алматы облысы Денсаулық сақтау басқармасының басшысы Ержан Сүлейменов өз сөзінде:«Бұл – республика көлемінде алғаш рет жүзеге асырылып отырған пилоттық жоба. Оның басты мақсаты – оқушыларды ерте жастан медицина саласына бағыттап қана қоймай, оларға өмірлік маңызды дағдыларды үйрету. Алғашқы көмек көрсету – әрбір азамат білуі тиіс қабілет, ал мұндай жобалар сол мәдениетті қалыптастыруға негіз болады», – деп атап өтті.Облыста қолға алған бұл жоба көптеген оқушылар үшін жай ғана экскурсия емес, болашақ мамандығын таңдауға ықпал еткен маңызды кезеңге айналды.Ақпарат көзі : https://www.gov.kz/memleket/entities/almobl-densaulyk/press/news/details/1212867?lang=kk

Тайтөбе ауылында аты аңызға айналған батыр Халық қаһарманы Рақымжан Қошқарбаевтың ерлігін ұлықтауға арналған салтанатты гүл шоқтарын қою рәсімі өтті. 1945 жылдың дәл осы 30 сәуірі күні Рақымжан Қошқарбаев сұрапыл шабуыл кезінде Рейхстаг ғимаратына алғашқылардың бірі болып Жеңіс туын тіккен болатын.Осындай маңызды іс-шараға ҚР Қорғаныс министрлігі мен Қосшы қалалық ішкі саясат бөлімінің өкілдері, еңбек және соғыс ардагерлері мен мектеп оқушылары қатысты. Ал, 102 жастағы Ұлы Отан соғысының ардагері Нұрқасым Әжітаевтың келуі ұрпақтар сабақтастығы мен Отан қорғаушылардың ерлігіне деген шексіз құрметтің айқын көрінісі болды.– Абырой мен міндетті, парыз бен әскери антты, сондай-ақ әділдікті мансап пен атақтан биік қойған тұлғалармен бір сапта тұру біз үшін үлкен мәртебе. Өнегелі өмір жолы мен майдандағы ерлігі жастарға үлгі болған жерлесіміз Рақымжан Қошқарбаевтың батырлығына басымызды иеміз, – деді Тәрбие және идеологиялық жұмыс департаментінің ардагерлермен жұмыс басқармасының бастығы полковник Қайрат Ыдырышев.Жинға қатысушылар батырдың есімін бір минуттық үнсіздікпен еске алды. Көпті көрген ақсақалдар жас буынға ақ батасын беріп, өсиет айтса, мектеп оқушылары соғыс тақырыбы мен патриоттық рухтағы жыр шумақтарын оқып берді. Елордадағы Рақымжан Қошқарбаев ескерткішінен басталып, Тайтөбе ауылына дейін жалғасқан 30 шақырымдық велошеру шараның маңызын арттыра түсті. Төрт ардагер вело-шабандоз бұл бастамаларын даңқты батырдың ерен ерлігіне арнады.Осыдан екі жыл бұрын ашылған бұл ескерткіш бүгінде әскери-патриоттық шаралардың орталығына айналғанын айта кеткен жөн. Мұндай іс-шара батыр баба ерлігінің ұрпақтар сабақтастығы арқылы мәңгі жасай беретінін тағы бір мәрте дәлелдеді.Ақпарат көзі : https://www.gov.kz/memleket/entities/mod/press/news/details/1212855?lang=kk

Мобильді аударымдарды бақылау өлшемшарттарыБір жеке тұлғаның кәсіпкерлік қызметті жүзеге асыруға арналмаған банктік шотына (шоттарына) қатарынан күнтізбелік әрбір үш ай ішінде 100 және одан да көп әр түрлі тұлғалардан ақша қаражатын алуы, сондай-ақ көрсетілген кезеңдегі түсімдердің жалпы сомасы ең төменгі жалақының 12 еселенген мөлшерінен асқан жағдайда бақылауға жатады (бұдан әрі – өлшемшарт).Екінші деңгейдегі банктердің мәліметтерді ұсынуыЕкінші деңгейдегі банктер мәліметтерді салық органдарына есепті кезеңнен кейінгі айдың 15-інен кешіктірмей тоқсан сайын ұсынады (2026 жылғы 15 сәуірге дейін 2026 жылғы қаңтар–наурыз айлары бойынша алғашқы мәліметтер алынатын болады), және тек жоғарыда көрсетілген өлшемшарттар қатар орындалған жағдайда ғана.Қазіргі уақытта кейбір банктермен ақпарат әлі ұсынылған жоқ. Екінші деңгейдегі банктерден мәліметтерді жинау аяқталғаннан кейін (алдын ала ағымдағы жылдың мамыр айында) салық органдары тарапынан тиісті бақылау шаралары жүргізіледі.Мәліметтерді алғаннан кейін салық органының әрекеттеріКөрсетілген мәліметтерді алғаннан кейін мемлекеттік кірістер органдары келесі бақылау шараларын жүргізеді:жеке тұлғаларды жеке кәсіпкер немесе өзін-өзі жұмыспен қамтыған тұлға ретінде тіркелу қажеттілігі туралы хабардар ету;салық кезеңі үшін салық есептілігін тапсыру мерзімі өткеннен кейін камеральдық бақылау нәтижелері бойынша анықталған сәйкессіздіктер туралы хабарлама жіберу:- арнайы салық режимдегі ЖК үшін – жартыжылдық қорытындысы бойынша (15.08.2026 ж. және 15.02.2027 ж. -кейін);- жалпыға бірдей белгіленген режимдегі ЖК үшін – 31.03.2027 ж. кейін.Жеке тұлғаларды хабардар ету жауап беруді талап етпейді. 2027 жылғы 15 қыркүйектен кейін (270.00 нысаны бойынша кірістер мен мүлік туралы декларацияны тапсыру мерзімі) жеке тұлға дербес салық салуға жататын табыстар бойынша салыстыру жүргізіліп, камеральдық бақылау нәтижелері бойынша сәйкессіздіктер туралы хабарлама жіберіледі.Шығыс операцияларын тоқтата тұруЖеке тұлғаның белгіленген өлшемшартқа сәйкес келуі банктік шоттар бойынша шығыс операцияларын тоқтату үшін дербес негіз болып табылмайды.Шығыс операцияларын тоқтату тек камеральдық бақылау нәтижелері бойынша жіберілген хабарламаны орындамаған жағдайда, Қазақстан Республикасының Салық кодексінде көзделген тәртіппен және негіздер бойынша ғана жол беріледі.Ақпарат көзі : https://www.gov.kz/memleket/entities/kgd-astana/press/news/details/1212667?lang=kk

Жетісу облысының Текелі қаласында «Жас сарбаз барысы» республикалық турнирі өтіп, оған еліміздің әр өңірінен 40 жас спортшы қатысты.Жарысқа қатысушыларды құттықтап, Жетісу облысы білім басқармасы басшысының орынбасары Қайрат Қасымов сөз сөйледі.– Бұл турнир талай көрнекті тұлғалар мен талантты спортшылар шыққан қасиетті Жетісу жерінде өтіп жатыр. Біз балалардың жетістіктеріне шын жүректен қуанамыз. Оларды қашанда мақтан тұтамыз, – деп атап өтті ол.«Жас сарбаз» республикалық балалар-жасөспірімдер әскери-патриоттық қозғалысының төрағасы майор Мейірбек Меңдіғалиев турнирге халықаралық мәртебе берудің маңыздылығы, оның тарихы мен келешегі жайына тоқталды.– Текеліде біз турнирді төртінші рет өткізіп жатырмыз. Қазақ күресі бойынша жарыстар экскурсиялар, мұражайға бару және қаланың көрікті жерлерімен танысу сияқты бай бағдарламамен толықтырылады. Алдағы уақытта турнирді халықаралық деңгейге шығаруды жоспарлап отырмыз, – деді майор М. Меңдіғалиев.Татамидегі жекпе-жек барысында жас балуандар шеберліктерін, қайсарлықтары мен жеңіске деген ерік-жігерлерін көрсетті. Жарыс қорытындысына келсек, «Жас сарбаз барысы» атағын Павлодар облысының өкілі Әли Төлеген жеңіп алды. Екінші орынды Жетісу облысынан Мүслім Саятұлы, үшінші орынды Алматы қаласынан Сұлтан Тұрдыәлі иеленді. Жеңімпаздар мен жүлдегерлер тиісінше 300, 200 және 100 мың теңге көлемінде ақшалай сыйлықтармен марапатталды.Турнир номинанттары да ақшалай сыйақы алды. «Үздік техника» номинациясын Әлияр Түсіпов (Қарағанды облысы), «Жеңіске ұмтылыс» – Бақдәулет Оразалы (Ақтөбе облысы), «Шапшаңдық шебері» – Айсұлтан Әділмұрат (Абай облысы) еншіледі. «Көрермен ықыласы» сыйлығына Әбілмансұр Қасым (Ақмола облысы), «Жігерлі жас сарбаз» номинациясына Дидар Құлмахан (Түркістан облысы), «Тастай төзім» – Нұрахмет Ермұратов (Астана қаласы), «Үздік әдіс» Әсет Айдынұлы (Алматы облысы) лайық деп танылды.Шара соңында сайысқа қатысушыларға естелік сыйлықтар мен сертификаттар табысталды.Ақпарат көзі : https://www.gov.kz/memleket/entities/mod/press/news/details/1212684?lang=kk

Ақмола облыстық Өңірлік коммуникациялар қызметінде «Соттан тыс банкроттық рәсімі»   тақырыбы бойынша брифинг өтті.Шара барысында Ақмола облысы бойынша  Мемлекеттік кірістер департаментінің  дәрменсіз борышкерлермен жұмыс басқармасының  басшысы Тобыл Демесинов келесі ақпарат  жеткізді. Бүгінгі таңда азаматтар банкроттық арқылы берешектерін есептен шығара алады.Ең алдымен атап өткім келеді, банкроттық – бұл қаржылық қиындықтарды шешудің соңғы шарасы. Азаматтар алдымен қарызды реттеудің барлық мүмкін жолдарын қарастыруы қажет.Қазақстан Республикасы азаматтарының төлем қабілеттілігін қалпына келтіру және банкроттығы туралы Заңының қолданысқа енгізілгеніне үш жылдан асты.Осы заңда көзделген рәсімдердің бірі – соттан тыс банкроттық.Қазіргі таңда соттан тыс банкроттық рәсімі тек банктер, микроқаржы ұйымдары және коллекторлық агенттіктер алдындағы берешектер бойынша ғана қолданылады. Берешек мөлшері айлық есептік көрсеткіштің 1600 еселенген мөлшерінен аспауы тиіс, бұл биыл 6 920 000 теңгені құрайды.Соттан тыс банкроттық рәсімін қолдану үшін келесі шарттарға бір мезгілде сәйкес келу қажет:Меншік құқығында мүліктің, оның ішінде ортақ меншіктегі мүліктің болмауы;Өтініш берілген күнге дейін 12 ай ішінде қарызды өтеудің болмауы.Өтеу деп төлем жасалған күнге қолданыстағы айлық есептік көрсеткіштің бір еселенген мөлшерінен асатын төлем саналады;Борышкерге қатысты берешекті реттеу рәсімінің жүргізілуі.Бұл ретте берешекті реттеу және (немесе) өндіріп алу шаралары мерзімі өткен берешек туындаған сәттен бастап 12 айдан аспайтын мерзімде жүргізілуі тиіс.Берешекті реттеу талаптары 2025 жылғы 1 қаңтарға дейін жасалған банк қарызы және (немесе) микрокредит шарттарына қолданылмайды;Өтініш берілген күнге дейін соңғы 7 жыл ішінде соттан тыс немесе сот арқылы банкроттық рәсімінің қолданылмауы.Заңда сондай-ақ ерекше шарттар көзделген:егер азамат соңғы 6 ай ішінде атаулы әлеуметтік көмек алған болса, 12 ай бойы төлемнің болмауы туралы талап қолданылмайды;егер міндеттемелердің орындалмау мерзімі 5 жылдан асса, жоғарыда көрсетілген шарттар қолданылмайды.Өтінішті келесі тәсілдер арқылы беруге болады:Халыққа қызмет көрсету орталықтары (ХҚКО) арқылы;электрондық үкімет порталы (eGov.kz) арқылы;eGov Mobile мобильді қосымшасы арқылы.Заңнамаға сәйкес, өтініштен басқа қандай да бір құжаттарды ұсыну талап етілмейді.Барлық өтініштер «Tazalau» ақпараттық жүйесіне келіп түседі және белгіленген критерийлерге сәйкестігі автоматты түрде тексеріледі.Бүгінгі күні облыстың мемлекеттік кірістер органдарына соттан тыс банкроттық рәсімін қолдану бойынша 16 834 өтініш келіп түсті, оның ішінде:1126 өтініш бойынша банкроттық рәсімі жүргізілуде (мерзімі – 6 ай);2496 борышкердің жалпы кредиторлық берешегі 4 258,2 млн теңгеден астам сомада банкрот деп танылып, рәсімдері аяқталды;12 085 өтініш бойынша (71%) банкроттық рәсімін қолданудан бас тартылды.Бас тартудың негізгі себептері – соңғы 12 ай ішінде төлемдердің болуы және мүліктің болуы.Соттан тыс банкроттық бойынша ең көп өтініш түскен өңірлер:Көкшетау қаласы бойынша МКБ – 4255 (25%);Целиноград ауданы бойынша МКБ – 1864 (11%);Ақкөл ауданы бойынша МКБ – 1763 (10%).Айта кету қажет, банкрот деп танылу белгілі бір салдарға әкеледі:5 жыл мерзімге банктер мен микроқаржы ұйымдарынан қарыз алуға тыйым салынады;қайта банкроттық рәсімін қолдану тек 7 жылдан кейін мүмкін;3 жыл бойы банкроттың мүлік сатып алуы бақылауда болады.Енді 2026 жылғы 19 наурыздан бастап күшіне енген өзгерістерге тоқталайын.Біріншіден, соттан тыс банкроттық рәсімін қолдану кезінде ломбардтар кредиторлар қатарынан алынып тасталды. Тиісінше, ломбардтар алдындағы берешектер есепке алынбайды.Екіншіден, егер берешек сомасы 1600 АЕК-тен аспаса және міндеттемелердің орындалмау мерзімі 5 жылдан асса, рәсім қысқартылған тәртіппен – 1 ай ішінде жүргізіледі.Аталған өзгерістер рәсімді жеңілдетуге және азаматтар үшін қолжетімділігін арттыруға бағытталған.Құрметті азаматтар, банкроттық рәсіміне өтініш бермес бұрын барлық құқықтық салдарын мұқият бағалауға шақырамыз.Сұрақтар туындаған жағдайда Мемлекеттік кірістер департаментіне 72-12-42 телефоны арқылы хабарласа аласыздар.Кәсіпкерлерді қолдау және бухгалтерлік пен салықтық есепті жүргізу сапасын арттыру мақсатында Қазақстан Республикасы Қаржы министрлігі «Халық бухгалтері» акциясын өткізуде.      «Халық бухгалтері» — жеке кәсіпкерлер мен шағын бизнес субъектілеріне арналған тегін консультациялық көмек.Ақмола облысы бойынша іс-шара Көкшетау қаласы бойынша Мемлекеттік кірістер басқармасында аптасына 2 рет (сейсенбі, бейсенбі) сағат 10:00-ден 13:00-ге дейін өткізіледі. Жыл басынан бері  700 астам  консультациялық көмек көрсетілді.Бұл кәсіпкерлердің акцияға қызығушылықпен жауап бергенін көрсетеді.Сонымен қатар  қабылдау уақытында аудандық және қалалық басқармалар арасында бейнебайланыс пен телефон арқылы кеңес беру мүмкіндігі көзделген«Халық бухгалтері» акциясы салық төлеушілермен жұмыс істеуде бақылау моделінен сервистік сүйемелдеуге көшу жолындағы алғашқы қадам болып табылады. Шара барысында қойылған сұрақтарға толық жауаптар берілді.Ақпарат көзі : https://www.gov.kz/memleket/entities/kgd-akmola/press/news/details/1212694?lang=kk

  Ақмола облысы бойынша Мемлекеттік кірістер департаментінде орыстар, украиндар, қазақтар, немістер, балқарлар, татарлар, ингуштар және басқа ұлт өкілдері жұмыс істейді.Біз әр түрлі ұлтпыз және салт-дәстүріміз бен дініміз әртүрлі болғанына қарамастан, біз бір үлкен іспен – Отанымыз - Қазақстан Республикасына қызмет етіп келеміз.Тек бірлікте ғана елімізде бейбіт өмір мен өзара түсіністікті сақтаймыз.Бірлігіміз жарасып, еліміз тыныш болып, ұлт демей, басқа демей татулықта, бейбіт өмірде күн кешейік!1 мамыр – Қазақстан халқының бірлігі күні құтты болсын!Ақпарат көзі : https://www.gov.kz/memleket/entities/kgd-akmola/press/news/details/1212701?lang=kk

🔰 облыс кәсіпкерлері арасында кассалық тәртіпті жақсарту бойынша акция жалғасуда. 2026ж. 28 сәуірінде Департаменті, Тараз қаласы бойынша МКБ бірлесіп көтерме азық-түлік базарларында тәртіп орнату тапсырмасы шеңберінде, өз құзыры аясында Тараз қаласындағы: «Қайқармет» және «Ауыл Береке» ірі сауда базарларында салық тәртібін нығайтуға бағытталған және бизнесті көленкеден шығару бойынша «Кәсіпкердің абыройы – адалдықта, тұтынушының сенімі –фискалдық чекте» атауындағы серпінді жоба туралы кең ауқымды түсіндіру жұмыстары жалғасын тапты.📑 Іс-шара барысында кәсіпкерлерге бақылау-касса машиналарын пайдалану, фискалдық чек беру міндеттемесі, төлем карталарын қабылдау жөніндегі, сондай-ақ басқа да сұрақтар бойынша толық ақпараттар және жадынамалар беріліп, салық заңдылығын қатаң сақтау қажеттілігі туралы ескертілді.@mkdzhambyl #САЛЫҚТАР #НАЛОГИ #кеден #таможняЖамбыл облысы бойынша МКДТүсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-zhambyl/press/news/details/1212720?lang=kk

Сіздерді 1 мамыр – Қазақстан халқының бірлігі күнімен шын жүректен құттықтаймыз!Бұл мереке – еліміздегі татулық пен тұрақтылықтың, достық пен өзара құрметтің жарқын көрінісі.Бірлік пен келісім – біздің басты құндылығымыз, ел дамуының берік негізі.Әр шаңыраққа амандық, зор денсаулық, бақ-береке және толағай табыс тілейміз!Еліміз тыныш, жұртымыз аман болсын!Ақпарат көзі : https://www.gov.kz/memleket/entities/almobl-bilim/press/news/details/1212731?lang=kk

🔰 2026ж. 29 сәуірінде Жамбыл облысы бойынша Мемлекеттік кірістер департаментінде жоғары оқу орындарының студенттеріне, оқушыларға, мемлекеттік қызметшілердің ата-аналарына арналған «Сыбайлас жемқорлыққа мүлдем төзбеушілік» тақырыбында Ашық есік күні және Мемлекеттік кірістер органдарының қызметімен таныстыру жұмыстары өткізілді.Іс-шара барысында департамент басшысының орынбасары Қ.Б. Шайдуев мен басқарма басшысы Е.Нурмаханбетов баяндама жасап, слайдтар мен бейнероликтер көрсетілді. Қатысушыларға сыбайлас жемқорлыққа қарсы мәдениетті қалыптастыру, әр азаматтың жеке жауапкершілігі және «өзінен бастау» қағидаты түсіндірілді.Кездесуден кейін студенттерге департамент ғимараты бойынша экскурсия ұйымдастырылып, құрылымдық бөлімшелердің қызметі таныстырылды. Әр басқарманың атқаратын жұмысы мен негізгі бағыттары туралы нақты ақпарат берілді.Іс-шараның мақсаты – жастардың құқықтық сауаттылығын арттыру және мемлекеттік кірістер органдарының ашықтығын көрсету.@mkdzhambyl #САЛЫҚТАР #НАЛОГИ #кеден #таможняЖамбыл облысы бойынша МКДТүсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-zhambyl/press/news/details/1212745?lang=kk

Копенгагенде Қазақстан Республикасының Швециядағы Елшілігі (Данияда қоса атқарушы) Дания өнеркәсібі конфедерациясымен (DI) бірлесе ұйымдастырған  қазақ-дат іскерлік дөңгелек үстелі өтті.Қазақстандық делегацияны ҚР Сыртқы істер министрінің орынбасары Ә.Қуантыров басқарды. Делегация құрамына Қазақстан Республикасы Ауыл шаруашылығы министрлігі мен Өнеркәсіп және құрылыс министрлігінің өкілдері, сондай-ақ «Бәйтерек» ҰБХ» АҚ, Samruk-Kazyna Invest, Kazakhstan Investment Development Fund және Kazakh Invest сияқты квазимемлекеттік құрылымдардың басшылығы кірді.Дат тарапынан Орталық Азия елдеріндегі арнайы өкілі Ларс Туесен, сондай-ақ Carlsberg Group, ALPI Danmark, Blue Water Shipping, Topsoe, Welltec, Caspian Advisory, Citibank, ByteAll және басқаларын қоса алғанда, дат жетекші компанияларының басшылары қатысты. DI Жаһандық нарықтарды дамыту жөніндегі директоры Йенс Хольст-Нильсен модератор қызметін атқарды. «Қазақстан ұзақ мерзімді серіктестік орнатуға бағытталған, оның аясында дат технологиялар, капитал және құзыреттер қазақ нарығының ауқымымен, ресурстық базасымен және елдің өңірлік әлеуетімен табиғи түрде ұштасады. Біз дат компанияларды Қазақстанды инвестиция салу және бизнесті кеңейту үшін стратегиялық бағыт ретінде қарастыруға шақырамыз», – деп атап өтті Ә.Қуантыров.Министрдің орынбасары Қазақстанда жүргізіліп жатқан мемлекеттік басқарудың ашықтығын арттыруға, институционалдық базаны нығайтуға және инвестициялық ахуалды одан әрі жақсартуға бағытталған саяси және экономикалық реформалар туралы да хабардар етті.Талқылау барысында қатысушылар дат бизнесінің Қазақстанға және жалпы Орталық Азия аймағына деген қызығушылығының артып келе жатқанын атап өтті. Дат бірқатар жетекші компаниялары көптеген жылдар бойы Қазақстанда табысты жұмыс істеп, жаңа инвесторлар үшін бағдар болып табылатын табыстың сенімді тарихын қалыптастырып келе жатқаны ерекше аталып өтті.Іс-шара аясында Қазақстан шетелдік серіктестердің қатысуына ашық нақты инвестициялық жобалар мен бастамаларды ұсынды.Сапар аясында Ә.Қуантыров жетекші дат компаниялары мен институттарының басшылығымен бірқатар екіжақты кездесулер өткізді.Данияның экспорттық-инвестициялық қорының (EIFO) басшылығымен кездесуде тараптар Қазақстанда Қордың қаржы құралдарын қолдануды кеңейту перспективаларын, сондай-ақ инвестициялық жобаларды қолдау мақсатында «Бәйтерек «ҰБХ» АҚ-мен ынтымақтастықты тереңдету мүмкіндіктерін қарастырды.«Carlsberg Group» Бас директоры Якоб Ааруп-Андерсенмен 344 млн АҚШ долларын құрайтын инвестиция көлемі Алматы облысында алкогольсіз сусындар өндіретін жаңа зауыт салу жобасын іске асыруды қоса алғанда, компанияның Қазақстандағы өндірістік қуаттарын дамыту жөніндегі жоспарлар талқыланды.Қазақ-дат іскерлік дөңгелек үстелі Қазақстанның инвестициялық әлеуетін ілгерілету, екі елдің бизнес өкілдері арасында тікелей іскерлік байланыстар орнату және екіжақты сауда-экономикалық ынтымақтастықты одан әрі тереңдету бойынша практикалық қадамдар жасау үшін маңызды алаңға айналды.Ақпарат көзі : https://www.gov.kz/memleket/entities/invest/press/news/details/1212837?lang=kk

Астана қаласы бойынша Мемлекеттік кірістер департаменті Қазақстан халқының бірлігі күнімен құттықтайды!Жыл сайын 1 мамырда атап өтілетін бұл жарқын мереке – еліміздің барлық азаматтарын біріктіретін келісімнің, өзара құрмет пен достықтың символы.Қазақстан – көпұлтты мемлекет. Мұнда бірлік пен келісім тұрақтылық пен дамудың берік негізі болып табылады. Дәл осы өзара түсіністік, дәстүрлерге құрмет және мәдени әралуандық қоғамымызды нығайтып, елдің өркендеуі үшін жағдай жасайды.Осы айтулы күні барша қазақстандықтарға зор денсаулық, амандық және жарқын болашаққа сенім тілейміз. Әр шаңырақта тыныштық пен татулық орнасын, ал бірлігіміз жыл сайын нығая берсін. Ортақ үйіміз – Қазақстан Республикасы гүлдене берсін!Ақпарат көзі : https://www.gov.kz/memleket/entities/kgd-astana/press/news/details/1212749?lang=kk

Астанада қорғаныс ведомствосының басшысы авиация генерал-лейтенанты Дәурен Қосанов Шыршық қаласында өткен «Ватанпарварлар» әскери-спорттық жарысына қатысушылармен кездесті.Авиация генерал-лейтенанты Дәурен Қосанов Семей қаласынан елордаға келген «Абай қырандары» әскери-патриоттық клубының тәрбиеленушілерін құттықтады.– Сіздердің жетістіктеріңіз тек спорттық нәтиже емес, ол – жауапкершілік пен табандылықтың, ерік-жігер мен патриотизмнің айғағы. Сол арқылы ел беделін көтеріп, жас ұрпаққа үлгі болдыңыздар. Абай туған қасиетті жерден шыққан жастардың рухы мықты, Отанға адал әрі бәсекеде жеңіске жете алатынын дәлелдедіңіздер, – деді ол.Өз кезегінде «Жас сарбаз» әскери-патриоттық қозғалысы филиалының төрағасы, Шәкәрім атындағы № 5 көпбейінді гимназияның оқытушысы Серік Түсіпов пен «Абай қырандары» командасының капитаны Олжас Қалижаров сөз алып, Қорғаныс министрлігінің басшылығына ризашылығын жеткізді.Әскери-патриоттық клуб тәрбиеленушісі Қорғаныс министріне көрсеткен сенімі мен жарысқа дайындық барысында жан-жақты қолдауы үшін алғыс білдірді.«Ватанпарварлар» әскери-спорттық жарысына Әзербайжан, Беларусь, Қазақстан, Қырғызстан, Тәжікстан, Ресей және Өзбекстан елдерінің өкілдері қатысты.«Абай қырандары» клубының тәрбиеленушілері әскери-қолданбалы эстафета, арқан тарту және шығармашылық сайыста үздік нәтиже көрсетті. Сонымен қатар олар мылтықтан ату, белтемірде тартылу, АК-74 автоматын бөлшектеп-жинау сайыстарында екінші орын иеленді. Ал алғашқы медициналық көмек көрсету кезеңінде үшінші орынға тұрақтады.Өңірдегі әскери-патриоттық жұмысты жоғары деңгейде ұйымдастырғаны үшін Қорғаныс министрі «Абай қырандары» командасының жетекшісі Серік Түсіповті ведомстволық «Ел қорғаны» медалімен марапаттады.Сонымен қатар Абай облысының Қорғаныс істері жөніндегі департаменті бағалы сыйлықтармен марапатталды. Ал «Абай қырандары» командасының капитаны Олжас Қалижаровқа естелік қол сағат табысталды. Жарысқа қатысушылардың бәріне алғыс хаттар табыс етілді.Халықаралық жарыста қол жеткізген нәтижелер «Жас сарбаз» қозғалысы тәрбиеленушілерінің жоғары дайындық деңгейін және елде жүргізіліп жатқан әскери-патриоттық жұмыстың тиімділігін айқын көрсетті.Ақпарат көзі : https://www.gov.kz/memleket/entities/mod/press/news/details/1212768?lang=kk

«KazAID» Қазақстандық Халықаралық даму агенттігі  Қазақ Республикасының Экология және табиғи ресурстар министрлігінің өкілдері үшін ведомствоаралық ынтымақтастықты нығайту және халықаралық ынтымақтастық механизмдері туралы хабардарлықты арттыру мақсатында кіріспе лекция өткізді.Іс-шара барысында KazAID сарапшылары даму ресми көмегінің (ДРК) негізгі тәсілдері мен қағидаларын таныстырып, оның тұрақты дамуды ілгерілетудегі рөлін егжей-тегжейлі баяндады. Атап айтқанда, ДРК құралдарын экологиялық күн тәртібіне және қоршаған ортаны қорғауға бағытталған жобаларға қалай қолдануға болатынына ерекше назар аударылды.Сонымен қатар, қатысушылар KazAID-тің қызметі, оның басым бағыттары, жүзеге асырылып жатқан жобалары және агенттіктің стратегиялық мақсаттары туралы ақпарат алды. Министрлік өкілдері экологиялық бағдарламалар мен халықаралық серіктестік аясында агенттіктің ағымдағы бастамалары мен әлеуетімен танысу мүмкіндігіне ие болды.Кездесу барысында тараптар өзара іс-қимылдың ықтимал механизмдері мен әрі қарайғы ынтымақтастықтың перспективаларын талқылады. Диалог конструктивті атмосферада өтті және өзекті экологиялық мәселелерді шешуге және тұрақты даму мақсаттарына жетуге бағытталған бірлескен бастамаларды дамытудың негізін қалады.KazAID үкіметтік органдармен серіктестікті кеңейту және халықаралық ынтымақтастық үшін тиімді құралдарды ілгерілету жұмыстарын жалғастырады.Ақпарат көзі : https://www.gov.kz/memleket/entities/kazaid/press/news/details/1212771?lang=kk

2026 жылдың 30 сәуірінде аудандық Жастар балалар-жасөспірімдер орталығының (БЖО) базасында ұлы ойшыл, ақын Абай Құнанбайұлының шығармашылығына арналған «Халықаралық шығармашылық Абай оқуларының» аудандық кезеңі жоғары деңгейде өтті.Бұл рухани доданың басты мақсаты – өскелең ұрпақтың бойына ақынның мол мұрасын сіңіру, қазақ тілі мен әдебиетіне деген сүйіспеншілігін арттыру және жас таланттардың бағын ашу. Байқау барысында ауданымыздың түкпір-түкпірінен жиналған білімді де өнерлі оқушылар бақ сынап, өздерінің шеберліктерін паш етті.Байқау 5 негізгі номинация бойынша ұйымдастырылды.Сөз қадірін түсінген өрендер арасындағы тартысты доданың қорытындысы бойынша ең үздік деп танылған, 1-орын иеленген 4 оқушымыз облыстық кезеңге жолдама алды.Жас дарындарымызға облыс деңгейінде де ауданымыздың намысын абыроймен қорғап, жеңіс биігінен көрінулеріне тілектеспіз!Ақпарат көзі : https://www.gov.kz/memleket/entities/edu-osakarovka/press/news/details/1212799?lang=kk

Қазақстан құрылып жатқан Шанхай ынтымақтастық ұйымының Даму банкі аясында болашақ технологияларды қаржыландырудың басым бағыттарын ілгерілетуде. ШЫҰ-ға мүше мемлекеттер мен серіктес елдердің экономикалары мен инфрақұрылымдық жобалары үшін қосымша қаржыландыру көздері 2026 жылғы 29–30 сәуірде Сиань қаласында (ҚХР) өткен кездесуде талқыланды. Іс-шараға ШЫҰ-ға мүше мемлекеттер мен серіктес елдердің қаржы министрлерінің орынбасарлары, сондай-ақ ШЫҰ Хатшылығының өкілдері қатысты. Қазақстан атынан ҚР Қаржы вице-министрі Дәурен Кеңбеил қатысып, ШЫҰ Даму банкін құру жөніндегі екінші консультативтік кездесуге қатысты. Кездесу барысында болашақ қаржы ұйымының негізгі параметрлері, соның ішінде қаржыландырудың басым бағыттары мен капиталдандыру тетіктері талқыланды. Өз сөзінде Дәурен Кеңбеил ШЫҰ Даму банкі жаңа буын технологияларын қолдауға бағытталған институт болуы тиіс екенін атап өтті. Басым бағыттар қатарында жасанды интеллект, биотехнология салаларындағы жобалар, сондай-ақ өнеркәсіптік және «жасыл» технологияларды, оның ішінде Қытай Халық Республикасынан трансферттеуді дамыту атап өтілді. Сондай-ақ егемен емес қаржыландыру мәселелеріне, жергілікті валюталарды және баламалы қаржы құралдарын пайдалана отырып жарғылық капиталды қалыптастыруға ерекше назар аударылды. Кездесу қорытындысы бойынша тараптар жоғары деңгейде консультацияларды жалғастыруға келісті. Келесі кездесу 2026 жылғы 28–29 мамырда Бішкек қаласында (Қырғыз Республикасы) өтеді деп жоспарланған. Іс-шара аясында ҚХР Қаржы министрінің орынбасары Ляо Миньмен кездесу өтті. Онда Қытай нарығында панда-облигацияларды шығару бойынша соңғы рәсімдер, сондай-ақ Астана қаласында сорғы-сүзгілеу станциясын салу жобасын қаржыландыру мәселелері талқыланды. Аталған бастамаларды іске асыру:• Қазақстанның жаңа қаржыландыру көздеріне, соның ішінде ҚХР-дың ірі нарығына және болашақ ШЫҰ Даму банкіне қолжетімділігін кеңейтуге;• өнеркәсіп, инновациялар және «жасыл» технологиялар салаларындағы жобаларға бизнес үшін қосымша мүмкіндіктер жасауға;• капитал көздерін әртараптандыруға және экономиканың технологиялық дамуын жеделдетуге мүмкіндік береді.Ақпарат көзі : https://www.gov.kz/memleket/entities/minfin/press/news/details/1212831?lang=kk

Бангкок, 2026 жылғы 29 сәуір – Қазақстанның Таиландтағы Елшісі Марғұлан Баймұхан Чулалонгкорн университеті базасында Орталық Азияны зерттеу орталығының ресми ашылу рәсіміне қатысты.Ашылу аясында Таиланд Сыртқы істер министрлігі Чулалонгкорн университетімен бірлесіп «Таиланд және Орталық Азия: тұрақты байланыстар мен жаңа технологияларды қалыптастыру. Қарқынды дамып келе жатқан Еуразиядағы әріптестік» атты халықаралық симпозиум ұйымдастырды.Іс-шара барысында Елші М. Баймұхан «Дипломатиялық перспективалар: өзгермелі Еуразия жағдайындағы Таиланд – Орталық Азия қатынастары» атты панельдік сессияда сөз сөйлеп, екіжақты және өңірлік ынтымақтастықтың тұрақты дамуын атап өтті. Оның айтуынша, 2025 жылдың қорытындысы бойынша Қазақстан мен Таиланд арасындағы тауар айналымы шамамен 260 млн. АҚШ долларына жетіп, Таиландтың Орталық Азия елдерімен жалпы саудасының 70 пайыздан астамын құрады. Бұл Қазақстанның өңірдегі негізгі экономикалық серіктес ретіндегі рөлін айқындайды.Сонымен қатар, дипломат Қазақстанның жоғары инвестициялық әлеуетін атап өтіп, соңғы 30 жылда ел экономикасына 400 млрд АҚШ долларынан астам тікелей шетелдік инвестиция тартылғанын жеткізді. Ол тай бизнесі үшін ауыл шаруашылығы, азық-түлік өңдеу, энергетика, логистика, туризм және жоғары технологиялар салаларын перспективалы бағыттар ретінде белгіледі.Сондай-ақ, 22 сәуірде Қазақстан Президенті Қасым-Жомарт Тоқаев Астанада өткен Өңірлік экологиялық саммитте сөз сөйлеп, көпжақты өзара іс-қимылды және тұрақты әріптестікті нығайтудың маңыздылығын атап өткендігі айтылды. Осы тұрғыда ол БҰҰ аясында су қауіпсіздігі саласындағы жаһандық күш-жігерді біріктіруге бағытталған Халықаралық су ұйымын құру жөніндегі Қазақстан бастамасын растады, сондай-ақ Аралды құтқару халықаралық қорының Орталық Азия елдерінің су және экологиялық мәселелерін шешудегі маңызды өңірлік алаң ретіндегі рөлін атап өтті.Сонымен қатар, іс-шара аясында Орталық Азия елдерінің көрмесі ұйымдастырылып, Қазақстан өз павильонында елдің және өңірдің бай тарихи-мәдени мұрасын таныстырды.Симпозиум Таиланд пен Орталық Азия мемлекеттері арасындағы ынтымақтастықты одан әрі тереңдетуге, оның ішінде білім беру, технологиялық және экономикалық байланыстарды дамытуға өзара қызығушылықтың жоғары екенін растады.Ақпарат көзі : https://www.gov.kz/memleket/entities/mfa-thailand/press/news/details/1212490?lang=kk

«Адал Азамат» біртұтас тәрбие бағдарламасы аясында 2026 жылғы 30 сәуірде «Қазақстан Республикасы Ұлттық ұланының 5518 әскери бөлімі» Республикалық мемлекеттік мекемесінде колледж студенттері арасында Ұлы Жеңістің 81-жылдығына  арналған «Жас Сарбаз» клубтарының саптық және ән байқауы өтті.Ұйымдастырушылар: Шығыс Қазақстан облысының білім басқармасы және «Өскемен көпсалалы технология колледжі» КММ.                                           Байқаудың мақсаты - студенттерде жоғары әлеуметтік белсенділік пен патриотизмді, өз Отанына деген азаматтық пен адалдық сезімін, Отанға деген сүйіспеншілікті, Отанды қорғауға дайындықтарын қалыптастыру.Байқауға ШҚО-ның 13 колледжінен 195  студент қатысты.                      Сап және ән байқауын өткізу барысында жас патриоттар саптық дайындық шеберлігін, командалық рухты, саптық тәртіпті көрсетті, саптық әндерді орындады. Қазылар алқасы взводтардың өнерін келесі критерийлер бойынша бағалады: взводтың жеке құрамының сыртқы түрі, взводтың салтанатты шеруі, взвод құрамындағы саптық әннің орындалуы, саптық қабылдаулардың орындалуы, взвод командирлерінің байқауы.1 орын - Абай атындағы Шығыс Қазақстан жоғары педагогикалық колледжі;2 орын - Шығыс Қазақстан көпсалалы колледжі;3 орын - Д. Серікбаев атындағы ШҚТУ жоғары ІТ колледжі.«Үздік капитан» номинациясын иеленген - Өскемен экономика және техника колледжі.«Үздік салтанатты марш» номинациясын иеленген - Өскемен жоғары политехникалық колледжі.«Үздік саптық ән» номинациясын иеленген - Өскемен құрылыс және техника колледжі.«Үздік саптық әдістер» номинациясын иеленген - Көлік және тіршілік қауіпсіздігі колледжі.Ақпарат көзі : https://www.gov.kz/memleket/entities/vko-bilim/press/news/details/1212536?lang=kk

         2026 жылы 30 сәуірде қаржылық қамтамасыз ету бөлімінің басшысы Камалиева Д.К. «Бюджет қаражаты есебінен қызметтік іссапар шығындарын өтеу қағидалары» тақырыбында құқықтық жалпы оқыту өткізді.Ақпарат көзі : https://www.gov.kz/memleket/entities/gosreestr/press/news/details/1212559?lang=kk

       Мемлекеттік қызметшілер мемлекеттік қызметте болған кезде педагогтік,ғылыми және өзге де шығармашылық қызметті қоспағанда,басқа да ақы төлентін қызметпен айналысуға құқығы жоқ. Бұл шектеу “Қазақстан Республикасының мемлекеттік қызметті туралы” Заңның 13 бабының және “Сыбайлас жемқорлыққа қарсы іс-қимыл туралы” Заңның 12 бабының талаптарын сақтау мақсатында негізделген. Көретілген шектеулерді қабылдамау не сақтамау мемлекеттік қызметке қабылдаудан бас тартуға не заңнамада белгіленген тәртіппін жұмыстан шығаруға әкеп соғады.      Осыған байланысты Шымкент қаласы мемлекеттік мүлік және жекешелендіру департаментінің Әдеп уәкілі К.Сарыпбеков мемлекеттік қызметшілерге заңнамада белгіленген шектеулер мен тыйымдарды қатаң сақтау,сондай ақ мемлекеттік қызмет және сыбайлас жемқорлыққа қарсы іс-қимыл туралы заңнаманың талаптарына қайшы келетін қызметті жүзеге асыруға жол бермеу қажеттігі туралы түсіндірме жұмыстарын жүргізді.Ақпарат көзі : https://www.gov.kz/memleket/entities/gosreestr/press/news/details/1212567?lang=kk

Өңірде Қазақстан Республикасының Қорғаныс министрлігінің ақпараттық-түсіндіру тобы әскери қызметтің беделін арттыруға, азаматтық жауапкершілікті қалыптастыруға және жастарды Отан қорғауға даярлауға бағытталған әскери-патриоттық іс-шаралар өткізді.Қорғаныс министрлігінің тәрбие және идеологиялық жұмыс департаментінің өкілдері облыстық қорғаныс істері департаментімен және білім басқармасымен бірлесіп, жоғары сынып оқушылары мен олардың ата-аналарына әскерге шақыру тәртібі, мерзімді әскери қызметті атқару және елдегі әскери оқу орындарына түсу шарттары туралы жан-жақты мәлімет берді.– Біз «Біртұтас ел – біртұтас жер» акциясын Ақтөбе, Хромтау қалаларында және Мәртөк ауданында өткізіп, 1300-ден астам оқушыны қамтыдық. Жоғары сынып оқушылары әскери қызметті атқару, жауынгерлік даярлықта үздік нәтиже көрсеткендерге арналған білім алу мүмкіндіктері, әскери оқу орындарына түсу талаптары және әскери қызметшілерге көрсетілетін әлеуметтік қолдау шаралары туралы ақпарат алды, – деп нақтылады ақпараттық-түсіндіру тобының жетекшісі полковник Талғат Құлманов.Облыс орталығында ұйымдастырушылар Шығармашылық академиясында ауқымды іс-шара өткізіп, жалпы білім беретін мектептерде оқушылармен кездесулер ұйымдастырды.– Әскери қызметшілермен әңгімелесу барысында көптеген пайдалы мәлімет алдым. Енді еліміздегі әскери оқу орындарын және оған қалай түсу керектігін білемін, – деді Ақтөбе қаласындағы №10 мектеп-гимназиясының 10-сынып оқушысы Мұнай Нұрқасым.Іс-шаралар барысында ақтөбеліктерге Қарулы Күштер туралы бейнеролик көрсетіліп, әскери тақырыптағы көрмелер мен атыс қаруларының үлгілері таныстырылды.Сондай-ақ акция қатысушылары үшін әскери-патриоттық бағыттағы концерттік бағдарлама ұйымдастырылды. Елге деген мақтаныш сезіміне толы өнерпаздардың өнері кештің жарқын қорытындысына айналып, жастардың Отан алдындағы қызметке және әскери мамандыққа деген қызығушылығын арттырды. Ақпарат көзі : https://www.gov.kz/memleket/entities/mod/press/news/details/1212446?lang=kk