Көксу ауданы бойынша Мемлекеттік кірістер басқармасында 2026 жылғы 1 қаңтардан бастап күшіне енетін жаңа Салық кодексінің негізгі ережелерін түсіндіруге арналған «Ашық есік күні» ұйымдастырылды.Іс-шара барысында азаматтар мен кәсіпкерлер үшін ақпараттық кездесу өткізіліп, басқарма мамандары салық заңнамасындағы өзгерістердің басты бағыттары мен жаңашыл тұстарын кеңінен түсіндірді.Кездесу кезінде қосылған құн салығы, корпоративтік және жеке табыс салығы бойынша енгізілетін негізгі жаңалықтарға ерекше көңіл бөлінді. Сондай-ақ, кәсіпкерлерге салықтық әкімшілендіруді жеңілдету, шағын және орта бизнес субъектілеріне арналған жаңа мүмкіндіктер, әкімшілік жүктемені азайту және салықтық рәсімдердің ашықтығын арттыру бағытындағы шаралар туралы ақпарат берілді.Ақпарат көзі : https://www.gov.kz/memleket/entities/kgd-zhetysu/press/news/details/1092042?lang=kk

Республика күні қарсаңында 16–25 қазан аралығында еліміздің барлық өңірлерінде «Жанашыр жүрек» атты ауқымды акция өтіп жатыр. Игі бастама азаматтық белсенділікті дамытуға, көмекке мұқтаж жандарды қолдауға, мейірімділік пен көмек көрсету мәдениетін нығайтуға бағытталған.Алматы қаласында бастама аясында 20-дан астам қайырымдылық іс-шара жүзеге асты. Соның бірі – «Qamqor bol» акциясы. Волонтерлер баспанасы жоқ адамдарға ыстық тағам мен сусын таратты. Ұйымдастырушылар қарттар үйінде шығармашылық кеш өткізіп, қарияларға ерекше көңіл-күй сыйлады.Жетісу облысында волонтерлер түрлі қайырымдылық іс-шараларға қатысып, ардагерлерге қамқорлық жасап, тұрмыстық және әлеуметтік көмек көрсетті.Қарағанды облысында волонтерлер «Луч» нейрореабилитация орталығына, ауыр науқастарға арналған клиникаға және облыстық балалар психиатриялық орталығына барып, мәдени және тәрбиелік мәні бар бағдарламалр ұсынды.«Жанашыр жүрек» акциясына волонтерлік ұйымдар, жастар бірлестіктері мен белсенді азаматтар белсенді қатысып, атсалысуда. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/1091978?lang=kk

«Таза Қазақстан» экологиялық акциясы аясында Кеген ауданында ағаш егу шарасы өткізілді.Аудан жұртшылығы қызу қолдаған айтулы шараға Кеген аудандық мәслихатының төрағасы А. Нұғман, аппарат басшысы У. Ақжігіт және аппарат қызметкерлері қатысты. Орталық алаңдағы сахна маңайына және З. Нұрқаділов атындағы өнер мектебінің ауласына шырша және балқарағай көшеттері отырғызылды.Ақпарат көзі : https://www.gov.kz/memleket/entities/maslihat-kegen/press/news/details/1091986?lang=kk

Тирана, 2025 жылғы 21 қазан – Албания астанасында Қазақстан Елшілігінің салтанатты ашылу рәсімі өтті. Іс-шараға Қазақстанның Албаниядағы Елшісі Искандер Айсариев, Албанияның Еуропа және сыртқы істер жөніндегі министрінің орынбасары Меги Фино, Тирана қаласының әкімі, Қазақстанның Құрметті консулы, сондай-ақ Албания үкіметі мен Сыртқы істер министрлігінің өкілдері, дипломатиялық корпус, бизнес топтар, БАҚ өкілдері мен қоғам қайраткерлері қатысты. Дәстүрлі түрде символикалық лентаның қиылу сәті, Қазақстан мен Албания арасындағы екіжақты қатынастардың жаңа кезеңінің басталуын жарқын көрінісі болды.Өз сөзінде И.Айсариев Елшіліктің ашылуы тарихи маңыздылығын атап өтіп, бұл қадам екі мемлекет арасындағы жан-жақты ынтымақтастықты одан әрі тереңдеуіне жол ашатынын жеткізді. Ол аса жоғары және жоғары деңгейдегі тұрақты саяси диалогтың жолға қойылғанын, парламенттер мен үкіметтер арасындағы байланыстардың белсенді дамып жатқанын, сондай-ақ мәдени-гуманитарлық алмасулардың біртіндеп кеңейіп жатқанын атап өтті.Албания Сыртқы істер министрінің орынбасары Меги Фино Тирана қаласында ҚР Елшілігін ашу туралы Қазақстан Президенті Қасым-Жомарт Тоқаевтың шешімін жоғары бағалап, бұл қадамды өзара сенім мен ортақ құндылықтарға негізделген серіктестікті нығайтуға деген ұмтылыстың дәлелі екенін айтты. Сонымен бірге ол елдеріміз арасындағы саяси және сауда-экономикалық ынтымақтастықты дамытуға деген өзара қызығушылық, сондай-ақ халықаралық аренада өзара қолдау бар екенін айтты.Ақпарат көзі : https://www.gov.kz/memleket/entities/mfa-albania/press/news/details/1091987?lang=kk

Республика күніне орай Жетісу облысының мемлекеттік архивінде «Байрағымыз желбіреп, биік етсін сенімді» атты дөңгелек үстел ұйымдастырылды. Іс-шараның мақсаты — жастардың патриоттық рухын көтеру, мемлекеттік рәміздердің маңызын насихаттау және архив құжаттары арқылы ел тарихына терең үңілу. Шараға архив қызметкерлері мен Талдықорған инновациялық колледжінің орыс тілі мен әдебиеті мамандығының 3 курс студенттері және кураторлары Р.Т. Габдуллина  қатысты. Құжаттарды пайдалану және ғылыми-анықтамалық аппарат бөлімінің басшысы Л.А. Ануарханова қатысушыларға тәуелсіз Қазақстанның қалыптасу жолы, мемлекеттік рәміздердің тарихы мен мәні туралы баяндап, тарихи құжаттармен таныстырды. Дөңгелек үстел барысында студенттерге сұрақтар қойылды, пікір алмасты. Ұлттық мерекеге орай өткен шара жастардың тарихи санасын қалыптастыруға және елжандылықты арттыруға бағытталған маңызды алаңға айналды. Ақпарат көзі : https://www.gov.kz/memleket/entities/zhetysu-archive/press/news/details/1091950?lang=kk

2025 жылғы 22 казан күні Осакаров ауданының білім бөліміне қарасты «№11 жалпы білім беретін мектеп» КММ командасы Қарағанды қаласында өткен 7-8 сынып ұлдары арасындағы асық ату бойынша областық жарысқа қатысты.Облыстың 11 ең мықты командасы арасында біздің оқушылар жоғары дайындық деңгейі мен командалық рухты көрсетіп, 1-орынды иеленді.Біз өз спортшыларымызды мақтан тұтамыз және бапкерлеріміз – Аульбеков К.И. пен Дюсенбаев Д.А.-ға кәсіби шеберліктері мен өз ісіне адалдығы үшін алғыс айтамыз.Бұл жеңіс жаңа табыстар мен жетістіктерге жетелеуші ынта болсын!Ақпарат көзі : https://www.gov.kz/memleket/entities/edu-osakarovka/press/news/details/1091918?lang=kk

Республика күні мен Қазақстан Республикасының мемлекеттік егемендігі туралы Декларацияның қабылданғанына 35 жыл толуына орай Солтүстік Қазақстан облысы бойынша ҚАЖ департаментінде салтанатты іс-шара ұйымдастырылды.Іс-шараға департамент қызметкерлері мен олардың отбасылары, ҚАЖ ардагерлері, сондай-ақ мемлекеттік органдар мен күштік құрылымдардың өкілдері қатысты. Патриоттық сезім мен азаматтық жауапкершілікті қалыптастыру мақсатында шараға қаладағы жоғары оқу орындары мен колледждердің студенттері де шақырылды.Салтанатты жиында 50-ден астам адам марапатталды. Министрдің, ішкі істер Министрінің орынбасары – ҚАЖ комитеті төрағасының және департамент бастығының бұйрықтарымен қызметкерлерге грамоталар, төсбелгілер және алғыс хаттар табыс етілді. Үздік қызметкерлердің ата-аналарына балаларының абыройлы тәрбиесі үшін алғыс білдірілді, ал ҚАЖ ардагерлеріне естелік медальдар табысталды.Сөз сөйлеген департамент бастығы, әділет полковнигі Мұрат Нәкенов қылмыстық-атқару жүйесі қызметкерлерінің құқықтық тәртіпті, заңдылық пен қоғам қауіпсіздігін қамтамасыз етудегі маңызды рөлін атап өтті. Сондай-ақ ол Республика күні – ел бірлігі мен тәуелсіздіктің, Қазақстан халқының даму мен өркендеуге деген ұмтылысының нышаны екенін ерекше айтты.Іс-шара соңында Солтүстік Қазақстан облыстық филармониясының әртістері мерекелік концерт қойып, көрермендерге көтеріңкі көңіл-күй мен Отанға деген мақтаныш сезімін сыйлады.Ақпарат көзі : https://www.gov.kz/memleket/entities/duissko/press/news/details/1091919?lang=kk

25 қазан - Республика күні қарсаңында Қостанай облысы Әділет департаментінің басшысы Алия Аманжулова Департаменттің қаржы және материалдық-техникалық қамтамасыз ету бөлімінің бас маманы Бибигүл Мухитқызы Есекееваның ұлы, 3-сынып оқушысы Әділет Рүстемұлы Берікпен кездесті.Кездесу барысында Департамент басшысы Абай Құнанбайұлының 180 жылдық мерейтойына орай Департаментте өткізілген іс-шараға белсене қатысып, Абай шығармашылығына арналған танымдық бейнеролик дайындағаны үшін Әділетке алғысын білдіріп, естелік сыйлық табыстады.Айта кетерлігі, баланың аты - Әділет, бұл өз кезегінде Әділет департаменті қызметімен үндес, әділдік пен парасаттылықтың нышаны іспеттес болды. Қостанай облысыӘділет департаментініңБаспасөз қызметі Ақпарат көзі : https://www.gov.kz/memleket/entities/adilet-kst/press/news/details/1091920?lang=kk

22 қазан күні Шығыс Қазақстан облыстық балалар және  жасөспірімдер кітапханасында «Таза Қазақстан» республикалық экологиялық акциясы аясында ауқымды «Книгологично-2025» фестивалі өтті. Бұл ерекше шара - оқуға деген сүйіспеншілік пен табиғатты аялау идеясын біріктіретін шара.Фестиваль шығармашылыққа, білімге және экологиялық ағартуға арналған үлкен алаңға айналып, әр қатысушыға табиғатты қорғауға өз үлесін қосуға мүмкіндік алды.Бағдарламада экологиялық мәдениетті қалыптастыру мен табиғатқа ұқыпты көзқарасты дамытуға бағытталған түрлі іс-шараларға толы болды:пластикалық қақпақтарды жинау және оларды қайта өңдеуге тапсыруға арналған кең көлемді экологиялық акция;қайта өңделген материалдардан арт-нысандар жасау бойынша шығармашылық шеберлік сабағы;көркем инсталляциялар көрмесі;пластикалық ластану мәселелері мен қалдықтарды қайта өңдеудің маңыздылығына арналған ақпараттық таныстырылым.Фестиваль аясында Күршім өңірінің тумасы Оралбек Рәбилович Булжановтың қолдан жасалған туындылары қойылып, онлайн таныстырылды. Ол 10 жылдан астам уақыт бойы пластикалық бөтелкелерден керемет декоративтік мүсіндер жасап, айналасындағы адамдарды экологиялық өнерге шабыттандырып келеді.Шараға арнайы шақырылған Өскемен қаласындағы қайта өңдеу зауытының өкілі Тұраров Нұрлан Асқарұлы  қатысып, балалар бойында экологиялық мәдениетті қалыптастыру маңыздылығын атап өтті. Фестивальдің қорытындысы ретінде жиналған пластикалық қақпақтардан үлкен композиция жасалды.«Книгологично-2025» фестивалі оқу, шығармашылық және экологияны ұштастыру — ғаламшарды келешек ұрпақ үшін сақтау ісінде қуатты құрал бола алатынын дәлелдеді.Ақпарат көзі : https://www.gov.kz/memleket/entities/vko-cultura-arhiv/press/news/details/1091921?lang=kk

2025 жылғы 20 казан күні Осакаров ауданының білім бөліміне қарасты «Тірек мектеп (ресурстық орталық) №12» КММ командасы Қарағанды қаласында өткен 5-6 сынып қыздар арасындағы областық бес асық жарысына қатысты.Облыстың 10 үздік командасы қатысқан сайыста біздің спортшылар жоғары дайындық деңгейі пен командалық рух көрсетіп, 3-орынды иеленді.Біз өз оқушыларымызбен мақтанамыз және кәсібіне адалдығы мен шеберлігі үшін бапкеріміз – Ельшманов Ерталапқа алғыс білдіреміз.Бұл жеңіс жаңа жетістіктер мен табыстарға ынталандыратын бастама болсын!Ақпарат көзі : https://www.gov.kz/memleket/entities/edu-osakarovka/press/news/details/1091926?lang=kk

2023–2024 жылдары Тарих ғылымдарының докторы Д.С.Байғұнақовтың  жетекшілігімен Қаратал ауданы аумағындағы Дауылбай қорымына дадалық зерттеу жұмыстар жүргізілген еді. Нәтижесінде алтын бұйым бөліктері, алтын моншақ, алтын сырғалар, сүйек түйме, қоладан жасалған шаш түйрегіш, қола тоға, қоладан жасалған бұйымдар және қыш құмыралар табылды. Бүгінде табылған заттар Мұхамеджан Тынышбайұлы атындағы облыстық тарихи-өлкетану музейінің қорында сақтаулы.7-11 қазан аралығында «Ғылыми-эксперименттік тәжірибелік археология» ЖШС-нің кәсіби мамандары жәдігерлерге қайта қалпына келтіру жұмыстарын жүргізді. Қайта қалпына келтіру жұмыстары кезінде металл бұйымдардағы коррозиялық қабаттар мен тотығу іздері мұқият тазартылып,  Керамикалық және сүйек бұйымдардың сынықтары қайта құрастырылды.Бұл жәдігерлер – ежелгі дәуірдің өмір салты, наным-сенімі, өнері мен мәдениетінен сыр шертетін аса құнды мұра.  Жәдігерлер – өткен күннің бір бөлшегі ғана емес, бүгінгі ұрпаққа аманат етілген рухани шежіре. Алдағы уақытта бұл құнды артефактілер музей экспозициясынан лайықты орын алып, қонақтар назарына ұсынылатын болады.Ақпарат көзі : https://www.gov.kz/memleket/entities/zhetysu-archive/press/news/details/1091933?lang=kk

Мұхамеджан Тынышбайұлы атындағы тарихи-өлкетану музейінде 25 қазан – Республика күніне орай «Айналайын» балалар үйінің оқушыларымен «Елдікке бастаған күн» атты қайырымдылық шара ұйымдастырылды. Шара барысында Қазақстан Республикасының Мемлекеттік Гимні орындалды. Сондай-ақ, оқушылармен викториналық ойындар ойнатылды. Шара соңында әрбір оқушыға тарихи, тұлғатану, көркем әдеби кітаптар сыйға берілді.  Ақпарат көзі : https://www.gov.kz/memleket/entities/zhetysu-archive/press/news/details/1091939?lang=kk

Республика күні қарсаңында Сауда және интеграция министрлігі жергілікті атқарушы органдармен бірлесіп, ішкі нарықты қолдауға және халық үшін тауарлардың қолжетімділігін арттыруға бағытталған кең ауқымды «Republic Day» акциясын іске қосты.24–27 қазан аралығында еліміздің барлық өңірінде ірі жеңілдіктер ұйымдастырылып, қазақстандықтар тұрмыстық және басқа да кең сұранысқа ие тауарларды 10%-дан 70%-ға дейінгі жеңілдікпен сатып ала алады. Акцияға елде 220-дан астам сауда-ойын-сауық орталықтары, сауда үйлері, супермаркеттер, ірі дүкен желілері мен онлайн-маркетплейстер сияқты сауда нысаны қатысуда.Астанада акцияға MEGA Silk Way, «Хан Шатыр», «Abu Dhabi Plaza», «Сарыарқа», «Koktal» сауда орталықтары, «Сауран» сауда үйі және Magnum, Small, АНВАР супермаркеттері қатысуда.Алматыда жеңілдіктерді «Forum», «Mega Alma-Ata», «Mega Park», Mart және Mart Village, «Maxima», «Aport Mall East», «MOSKVA metropolitan», «Grand Park», «Asia Park» және «Sputnik» сияқты танымал сауда орталықтарынан табуға болады.Шымкент қаласында «Mega Planet», «Hyper House», «Фиркан Сити», «Shymkent Plaza», «Shymkent City Mall», «RAHIMA PLAZA», «Dur Plaza», «Бекжан», «Diamond Plaza», «Royal Plaza» және «Баян сұлу» сауда үйлері жеңілдіктер ұсынады.Ақмола облысында акция «ЦУМ», «РИО», «Арбат» сауда үйлерінде өтуде.Актөбе облысында – «Алия», «Мир», «Keruen City», «Aqtobe Mall», «City Shopping Centre», «Мега Шығыс» және «Нурдаулет» орталықтарында.Алматы облысында – «Сити Плюс» сауда орталығы, «Магнум», «Биг Маркет», «Чильсон», «Таң-Шолпан» супермаркеттері мен «Ярлин» дүкені.Атырау облысында – «Насиха», «Тамаша», «Атырау», «Baizaar», «Бақдәулет», «Мұрагер» сауда үйлері, «Infinity Mall» орталығы және Sulpak, Technodom, «Мечта» дүкендері.Шығыс Қазақстан облысында – «Волна», «Колос», «Самал», «Керуен» супермаркеттері, "ТНП", "Фараон", «Император», «Гостиный двор», "Технодом" сауда орталықтары.Жамбыл облысында – «Алатау» (ЦУМ), «Grand Bazar», «Mart», «Дос-Нар», «Диана», «Дамдес», «Mart-Magnat» сауда орталықтары.Батыс Қазақстан облысында – «City Center», «Атриум», «Alem Plaza», «Орал», «Азиза», «Московский», «Галактика», «Asia Mall», «Жәңгір-Хан», «Квант», сондай-ақ Sulpak, «Технодом», «Мечта» дүкендері.Қарағанды облысында – «Абзал», «Таир», «Умай», «Global City», «City Mall», «БУМ», «Каскад», «Проспект», «Гранд Стор», «12 ай» және басқа да сауда нысандары.Қостанай облысында – «ЦУМ», «Mart», «Емшан», «Астыкжан», «Kostanay Plaza», «Солнечный», «Апельсин» және «БУМ».Қызылорда облысында – «Aray City Mall», «Жібек жолы», «Жайна», «Отырар», «Baiuzaq Plaza», «Ажар сити», Magnum, Small & Skif, «Эврика», Sulpak, Technodom және басқа да дүкендер.Маңғыстау облысында – «Актау», «AK KALA Mall», «Байтерек», «Shum», «Маңғыстау» ТРК мен Saya Park.Павлодар облысында – «Артур», «Квазар», «Тұлпар», «Мирас», «Атриум», «City Centre», «Batyr Mall», «Старый город», «Арман», «Баянмолл», «AsiaMall», «Гулливер» және басқа да орталықтар.Солтүстік Қазақстан облысында – «City Mall», «Rakhmet», «Сокол», «Айсберг», «Пирамида», «Аймер», «Семейный», «Солтүстік» супермаркеттері.Түркістан облысында – «Turan Mall», «Khanshaiym Plaza» және «Керуен Сарай».Абай облысында – «Park City», «Арғымақ», «Аркада», «Мереке», «Ақшың», «Қазына» сауда орталықтары.Ұлытау облысында – «Самаз», «Акцент», «Самади» супермаркеттері мен «Мечта», «Гармония», «Сымбат» дүкендері.Жетісу облысында – «Даулет», «Евразия», «Шаған» сауда орталықтары және Sulpak дүкені.Жеңілдіктер негізінен тұтынушылық және тұрмыстық тауарларға: киім, аяқ киім, электроника, тұрмыстық техника, үйге арналған заттар мен күнделікті сұранысқа ие басқа да өнімдерге беріледі. Акция офлайн және онлайн сауда нүктелерін де қамтиды.Онлайн форматта да бірқатар танымал платформалар қосылды: Wildberries-те жеңілдіктер 90%-ға дейін, Fortemarket-те FMFEST промокоды арқылы 10 000 теңгелік бонус, Kaspi Магазин түрлі тауарлар санатына 58% дейін жеңілдік ұсынады.

Президент Қасым-Жомарт Тоқаев Қазақстан халқына Жолдауында елдің инвестициялық саясатын жаңа деңгейге көтеру қажеттігін атап өтті. Мемлекеттік инвестициялар мен жеке бизнестің бастамаларына бірдей назар аудару – экономикалық өсудің басты шарты.Мемлекет басшысы ірі инвесторлармен қатар, орта және шағын бизнес өкілдерімен де тығыз байланыс орнату қажеттігін айтты. Бұл – нақты мақсаттар мен экономикалық қажеттіліктерді айқындауға, өндіріс саласындағы сұранысты нақтылауға мүмкіндік береді. «Инвестицияға тапсырыс» ұғымы нақты өндірістік қажеттілікке сай қалыптасуы тиіс. Президенттің айтуынша, ел экономикасын дамыту үшін инвестициялық саясат нақты, мақсатты және теңгерімді болуы қажет. Бұл бағытта мемлекет пен бизнес арасындағы серіктестік маңызды рөл атқарады.Сонымен қатар, Мемлекет басшысы банк секторы мен қаржы жүйесінің тиімділігін арттыру мәселесіне де тоқталды. Ұлттық банк пен Үкімет банктердің қаржысын нақты экономиканы дамытуға бағыттаудың тиімді жолдарын табуы тиіс. Бұл мәселені кейінге қалдыруға болмайды – шұғыл шешім қабылдау қажет.Президент банктер туралы жаңа заң қабылдау керектігін айтты. Ол заң экономиканың қазіргі сұранысына, технологиялық өзгерістерге сай болуы тиіс. Құжатта бәсекені күшейту, жаңа қаржы ұйымдарының нарыққа енуі, қаржы жүйесінің цифрлануы мен жаңғыруы, сондай-ақ цифрлық активтерді реттеу мәселелері ескерілуі қажет. Мемлекет басшысының бұл бастамалары Қазақстанның экономикалық тұрақтылығын нығайтып, жаңа инвестициялық мүмкіндіктерге жол ашады.#ПрезидентЖолдауы #ЭкономикалықДаму #Жолдау2025 #ҚаржыЖүйесі

Жидда, 2025 жылғы 22 қазан – Қазақстан Республикасының Сауд Арабиясы Корольдігіндегі Төтенше және Өкілетті Елшісі, Қазақстан Республикасының Ислам Ынтымақтастық Ұйымы жанындағы Тұрақты Өкілі Мадияр Меңілбеков «Көріністен нәтижеге» тақырыбымен өткен Су ресурстарына жауапты министрлердің Ислам конференциясының бесінші сессиясының жұмысына қатысты.Конференция барысында су ресурстарын ұтымды пайдалану, су және азық-түлік қауіпсіздігін қамтамасыз ету, сондай-ақ тұрақты даму және климаттың өзгеруіне бейімделу салаларында ИЫҰ елдері арасындағы ынтымақтастықты нығайту мәселелері талқыланды.Аталған іс-шара аясында мүше мемлекеттердің қазіргі және болашақ ұрпақ үшін қауіпсіз әрі тұрақты суға қол жеткізу құқығын қамтамасыз ету мақсатында ынтымақты нығайтуға, инновациялық тәсілдерге және бірлескен іс-қимылдарға ерекше назар аударылды.Конференция ислам әлемі халықтарының игілігі үшін су және азық-түлік қауіпсіздігін арттыруға, инновацияларды ілгерілетуге және ортақ шешімдерді табуға бағытталған практикалық шараларды қабылдауға жәрдемдесуге арналды.Қазақстан Ислам ынтымақтастығы ұйымының белсенді мүшесі ретінде су дипломатиясын дамытуға және су технологиясы мен экология салаларындағы бірлескен жобаларды іске асыруға бағытталған бастамаларды қолдайды.Ақпарат көзі : https://www.gov.kz/memleket/entities/mfa-riyadh/press/news/details/1092106?lang=kk

Қазақстанда алғаш рет жасанды интеллект (ЖИ) саласындағы ұлттық стандарттар бекітілді. Бұл - Үкімет бекіткен 2024-2029 жылдарға арналған жасанды интеллектіні дамытудың тұжырымдамасын іске асырудағы маңызды қадам. Бизнестен бастап мемлекеттік құрылымдарға дейін ЖИ технологияларымен жұмыс істеушілердің бірыңғай қағидаларын белгілейтін жеті стандарт әзірленді. Олар жасанды интеллектінің өмірлік циклінің жалпы ұғымдар мен жүйелер архитектурасынан бастап тәуекелдерді басқаруға және үлкен деректерді талдауға дейін барлық негізгі кезеңдерді қамтиды. Негізгі құжаттардың бірі - ҚР СТ ISO/IEC 5339. Ол ЖИ-қолданбаларының ChatGpt сияқты сөйлесу жүйелерінен бастап өнеркәсіптік және медициналық шешімдерге дейін барлық түрлеріне арналған жалпы қағидаттарды сипаттайды. Стандарттардың бірінде пайдаланушылардың құпиялылығын қорғау қажеттілігі бөлек атап көрсетілген. Бұл жүйенің оқуы мен жұмыс істеу кезінде пайдаланылатын деректердің қауіпсіздігін ғана емес, сонымен қатар рұқсатсыз қолжетімділіктің алдын алуды, сондай-ақ ЖИ жеке ақпаратты кездейсоқ ашпауын бақылауды білдіреді. Жаңа стандарттар жасанды интеллектімен жұмыс істейтін ұйымдарды сертификаттау үшін негіз болу мүмкін. Бұл қазақстандық компанияларға халықаралық талаптарға сәйкестігін растауға мүмкіндік береді және серіктестер мен тұтынушылар тарапынан ел ішінде де, сыртқы нарықтарда да сенімді арттырады. Осылайша стандарттар технологияны реттеп қана қоймайды, олар жасанды интеллектті жауапкершілікпен және саналы түрде қолдану мәдениетін қалыптастырады. Бұл Қазақстанның сәтті цифрлық трансформациялануының негізгі шарты болып табылады. Сонымен қатар құрылымында AI Standards Hub - зертхана, сертификаттау және сынау орталығы жұмыс істейтін жасанды интеллект бойынша сынақ-эталон орталығын құру пысықталып жатыр. Орталық ISO, ITU, ЭЫДҰ және жасанды интеллектіні жауапты пайдаланудың болашағын айқындайтын басқа да халықаралық ұйымдармен ынтымақтастыққа арналған алаңға айналады. Стандарттарды әзірлеуге Ұлттық қауіпсіздік комитетін, «Ұлттық ақпараттық технологиялар» АҚ, «Қазақстанның Интернет Қауымдастығы» АҚ қоса алғанда, бейінді мемлекеттік органдар, АТ-қауымдастықтар мен ғылыми ұйымдар белсенді қатысты.Ақпарат көзі : https://www.gov.kz/memleket/entities/mti-ktrm/press/news/details/1091791?lang=kk

Бразилиа, 2025 жылғы 22 қазан – Қазақстан Республикасының Бразилиядағы Елшісі Болат Нүсіпов Бразилияның халықаралық ынтымақтастық агенттігі (ABC) директорының орынбасары, елші Луиза Лопес да Силвамен кездесті.Тараптар келіссөздер барысында 2024 жылы Бразилиа қаласында Қазақстан Республикасы Сыртқы істер министрінің Бірінші орынбасары Қайрат Омаровтың агенттік басшылығымен өткен кездесуінде даму мақсатындағы ресми көмек көрсету саласында ABC пен Қазақстанның KazAID халықаралық даму агенттігі арасындағы екіжақты ынтымақтастық орнату жөнінде қол жеткізілген уағдаластықтарды талқылады.Бұл ретте, дамуға ресми көмек саласында екіжақты, үшжақты және көпжақты жобаларды іске асыруға негіз бола алатын агенттіктер арасындағы ынтымақтастық туралы екіжақты меморандумға қол қою жөніндегі уағдаластыққа қол жеткізілді. Осы мақсатта KazAID агенттігінің шақыруымен ABC агенттігінің бас директоры, елші Руи Карлос Перейраның осы жылғы желтоқсанда Астана қаласына сапары жоспарлануда.Аңықтама: Бразилияның халықаралық ынтымақтастық агенттігі (ABC) 1987 жылы құрылған. Ол – Бразилияның Сыртқы істер министрлігі жанындағы мемлекеттік мекеме болып табылады және дамуға көмек бағдарламаларын іске асырады. Агенттіктің миссиясы – Бразилияның мемлекеттік және жеке сектор ұйымдарымен, сондай-ақ халықаралық және шетелдік ұқсас ұйымдармен серіктестікте жүзеге асырылатын ұлттық және халықаралық ынтымақтастық жобаларына қолдау көрсетуді басқару. Ақпарат көзі : https://www.gov.kz/memleket/entities/mfa-brazil/press/news/details/1091759?lang=kk

2025 жылғы 20 қазанда Батыс Қазақстан облысының мәдениет, тілдерді дамыту және архив ісі басқармасының ұйымдастыруымен әскери қызметшілер мен құқық қорғау органдары қызметкерлері арасында «Ана тілім – АЙБЫНЫМ!» атты облыстық байқау өткізілді. Байқауға 9 үміткер жолдама алғанымен, денсаулық жағдайына байланысты 2 қатысушы қатыса алмады. Дегенмен, қалған 7 үміткер үш кезең бойынша сынға түсіп, жоғары дайындық деңгейін көрсетті. Кезеңдер: «Таныстыру»«Елтаным» (сұрақ-жауап)«Өнерліге – өріс кең» Аталған шарада №74 мекеме атынан қатысқан режим және күзет бөлімінің бақылаушысы, әділет кіші сержант Серік Асхат Сағынбайұлы жүлделі III орын иеленіп, ұжым абыройын асқақтатты. Мұндай байқаулар – күштік құрылым қызметкерлері арасында мемлекеттік тілді насихаттап, ұлттық құндылықтарды дәріптеудің маңызды құралы болып табылады.  Ақпарат көзі : https://www.gov.kz/memleket/entities/duis-uralsk/press/news/details/1091748?lang=kk

84 + кг салмақ дәрежесінде Қазақстанның атынан халықаралық аренада өнер көрсеткен Батыс Қазақстан облысы бойынша Қылмыстық-атқару жүйесі департаментінің пробация қызметінің бас маманы әділет майоры Ольга Владимировна Джумашева лайықты жеңіске жеттіп жүлделі 1 орын алды. Отанына оралғаннан кейін спортшыны қылмыстық-атқару жүйесі департаментінің әріптестері мен қызметкерлері, сондай-ақ Батыс Қазақстан облысы спорт басқармасының өкілдері салтанатты түрде қарсы алды. Ольга осы спорт түрімен бес жылдай айналысып келеді және осы уақыт ішінде халықаралық жарыстарда аймақ пен елді дәріптей отырып, бірнеше рет жоғары нәтижелер көрсетті.   Ақпарат көзі : https://www.gov.kz/memleket/entities/duis-uralsk/press/news/details/1091751?lang=kk

Биылғы «Үздік педагог – 2025» республикалық байқауы өз мәресіне жетті. Жыл сайын өткізілетін бұл беделді конкурс еліміздің ең үздік ұстаздарын анықтап, олардың кәсіби шеберлігін бағалауға бағытталған.Байқаудың облыстық кезеңінде 18 педагог іріктеуден өтіп, олардың ішінен 10 мұғалім республикалық кезеңге жолдама алды. Қазан айының 8-і күні Астана қаласында өткен республикалық додада қатысушылар елорданың түрлі мектептерінде ашық сабақ өткізіп, өздерінің үздік тәжірибелерімен бөлісті.Олар 24 қазан күні Астана қаласында өтетін марапаттау рәсіміне қатысып, «Үздік педагог» төсбелгісімен және 1000 айлық есептік көрсеткішпен (МРП) көлемінде ақшалай сыйақымен марапатталады.Байқау қорытындысы бойынша Алматы облысының екі педагогі жеңімпаз атанды:Әбеу Нұргелді – Әл-Фараби атындағы мамандандырылған лицейдің химия пәні мұғалімі;Бухарбаева Динара Ермырзақызы – Жамбыл ауданы Қарасу орта мектебінің физика пәні мұғалімі.Сонымен қатар, республикалық кезеңге қатысып, өз кәсіби деңгейін жоғары деңгейде көрсеткен облыстың басқа да ұстаздары атап өтілді. Олар:Даулешяр Бақытәлі Даулетярұлы – Жамбыл ауданы Ә.Бейсеуов атындағы орта мектептің физика пәні мұғалімі;Баймолданова Мейрамбала Байтановна – Еңбекшіқазақ ауданы Рахат №1 орта мектебінің математика пәні мұғалімі;Алимбаева Жайдары Даупасовна – Балқаш ауданы Б.Бейсекбаев атындағы мектеп-гимназиясының физика пәні мұғалімі;Сонабаева Феризат Бековна – Балқаш ауданы Б.Бейсекбаев атындағы мектеп-гимназиясының бастауыш сынып мұғалімі;Аманжолова Назым Сергалиевна – Алатау қаласы №5 орта мектебінің биология пәні мұғалімі;Байжарикова Шарипа Абдешовна – Алатау қаласы №10 орта мектебінің бастауыш сынып мұғалімі;Амреева Алия Хамиевна – Қонаев қаласы №2 орта мектебінің қазақ әдебиеті пәні мұғалімі;Смағұлова Алфия Болатовна – Қарғалы №2 мамандандырылған лицейінің информатика пәні мұғалімі.Алматы облысының әкімдігі мұғалімдердің еңбегін жоғары бағалап, облыстық деңгейдегі «Үздік педагог» атағын иеленген ұстаздарға 300 МРП көлемінде ақшалай сыйлық 2026 жылдың бюджеті есебінен берілетінін мәлімдеді.Бұл байқау — педагог мәртебесін көтеріп, білім беру саласының беделін арттыруға бағытталған маңызды бастама. Жеңімпаздар мен қатысушылардың табысы – облыстың білім жүйесіндегі сапалы еңбектің және үздік тәжірибенің айғағы болып отыр.Ақпарат көзі : https://www.gov.kz/memleket/entities/almobl/press/news/details/1091744?lang=kk