Кездесуге Ұлттық кәсіпкерлер палатасы, кәсiпкерлiк субъектiлер қауымдастығы, Республикалық нотариаттық палата, Республикалық адвокаттар алқасы, заңгерлерінің одағы, Адам құқықтары жөнiндегі ұлттық орталық, салық төлеушілер қауымдастығы және де басқа үкіметтік емес ұйымдар өкілдері қатысты.Кездесу барысында іс-шараға қатысушылар аталған заң жобасын одан әрi жетiлдiру жөнiнде ұсыныстар енгізді. Заң жобасын қазіргі уақытта Әділет министрлігі Жоғары Сотпен бірлесіп әзірлеуде.Аталған заң жобасы әкімшілік орган мен азамат арасында туындайтын мемлекеттік басқару саласындағы жариялы-құқықтық қарым-қатынастарды реттеуге бағытталған. Ақпарат көзі : https://www.gov.kz/memleket/entities/adilet/press/news/details/19334?lang=kk

19 жасар Әмір Сүлейменов – ISIT ақпараттық технологиялар халықаралық мектебінің негізін қалаушы. Жоба авторы жол-көлік апатынан соң, төсекке таңылып жатпай, өз ісін ашып, тағдыр тәлкегіне түскен жандарға көмектесуге бел буды.  Ол бағдарламалау мамандығын таңдады. Себебі бұл жұмыс әлемнің кез-келген жерінде отырып қашықтықта жұмыс істеуге мүмкіндік береді. «Мен мүгедектігі бар адамдардың күйзеліске түсетініне  куә болдым. Өзім де осы кезеңнен өттім. Себебі, кезінде жоғары білім алып, жұмыс тәжірибесі болған адам, кейін тағдырдың тәлкегіне түсіп, жұмыс істеу мүмкіндігінен айырылды. Емделу, ота жасату, қайта аяқтан тұру көп уақытты алады», - деді ол, қаңтардың 26 күні ҚР еңбек және халықты әлеуметтік қорғау министрі Мәдина Әбілқасымовамен өткен кездесуде. 2018 жылы  XXI ғасырдың цифрлы біліктілігіне оқыту жобасы бастау алып, өз тиімділігін көрсетті. Басты мақсат мүгедектігі бар адамдарды, көпбалалы аналарды, жұмыссыздарды, мүгедектігі бар бала тәрбиелеп отырған аналарды қамту болды. Оқыту 15 сабақтан тұратын  SMM  арқылы жүргізілді. Осы орайда білім алған мектеп түлектері ендігі өздерін табысы бар жұмыспен қамтып отыр.  «Ағымдағы жылдағы басты міндет - мүгедектігі бар адамдарды жұмыспен қамту. Науқасына, біліміне қарай мақсатты санаттағы қолдаулар шарасын тіркеу қажет. Біреулер интеллектуалды мамандықта, енді біреуі   hand made өнімдері яғни қолдан өнім жасаумен айналыса алады »-деп, атап өтті министр.Ақпараттық технологиялар мектебінде SMM-менеджерлері, SEO-мамандығы, контексті жарнама, JAVA-әзірлеушілер, бағдарламалау және мобильді қосымшаларды әзірлеу  мамандықтарына оқыту жүріп жатыр. Бұл мамандықтарға әлемнің кез-келген жерінде қашықтықта отырып-ақ оқуға болады. Статистика бойынша, SMM- маркетингі мамандығы Америкада 10 жылдан бері, Еуропада 7 жылдан бері бар. АҚШ-та мұндай мамандар орташа алғанда 3 мың доллар көлемінде, Еуропада 1500 еуро, Ресейде 150 мың рубль айлық алады.  «Біз интернет-дүкендер құра аламыз, әлеуметтік желілерде клиент табу, google-ң бірінші парақшаларында болуға оқытамыз. Сонымен қатар, шағын және орта бизнеске көмектесе аламыз, өзін-өзі жұмыспен қамтығандарға клиент табуға, цифрландыруға көмектесеміз. Бізде бизнес ашуға қолдау жасайтын «Бастау» бағдарламасы бар, мүгедектігі бар адамдар бизнес ашқысы келмейді, олар біреуге көмектескісі келеді. Себебі, олар өзіне әлі сенімді емес »-деді, Әмір Сүлейменов.2018 жылдың 28 желтоқсанында ҚР Еңбек және халықты әлеуметтік қорғау министрлігінің қолдауымен  БҰҰ Даму Бағдарламасы мен Әмір Сүлейменовтің ISIT мектебі  арасында келісімге қол қойылды. Осы келісімге сәйкес, мүмкіндігі шектеулі  жандардың білім алуына гранттар беру қарастырылған. Келісім шартта пилотты жобаны аймақтар деңгейінде енгізу қадамы жазылған. Бүгінгі күні 25 адам грантқа оқуға қол жеткізді. Биылғы жылы 1000 адамды оқыту  жоспары бар. Статистика бойынша, оқытылған 10 адамның 8-і өз бетінше ақша табуды бастады немесе жұмысқа тұрды.Жобаға қатысушылардың оқу оқуы және одан әрі жұмысқа тұруы үшін бар болғаны смартфондары болуы керек.«Бізде Жамбыл облысының ауылынан бір әйел оқып жатыр. Оның ауылында бар-жоғы үш үй ғана қалған. Ол нысаналы жарнаманы оқыды. Қазір сондай бақытты, фейсбукті, инстаграммды өзіне бағындырып алды, қазір Мәскеуде бірге оқығандарды іздеп жатыр. Тоқымамен айналысатын зейнеткер бәскелестерге қалай зерттеу жүргізуді, инстаграмм немесе фейсбуктегі жазбаларында жарнама бергенде негізгі сөзді таңдауды, клиент базасын құруды және өз өнімін сатуды үйреніп алды.  Қазір ол өзіне көмекші жалдап алған. Тағы бір зейнеткер кәмпиттерден гүл шоқтарын жасайды», -деп жалғастырды сөзін Әмір Сүлейменов.  Кездесу соңында министр ISIT интернет технологиялар мектебінің негізін қалаушы Әмір Сүлейменовке атқарған жұмысына  ризашылығын білдіріп, бұл жобаның еліміздің барлық аймағында жүзеге асуы маңызды екенін айтты. ISIT Интернет технологиялардың инновациялық мектебі  – ТМД елдері ішінде ашылып отырған алғашқы әлеуметтік мектеп болып табылады. Ол халықтың осал топтарын қамтитын мектеп. Бүгінгі күні мектепте Қазақстанның әр аймағынан 50 адам оқып жатыр. Оның ішінде ауылдар мен шағын қалалардың да тұрғындары бар. Ақпарат көзі : https://www.gov.kz/memleket/entities/enbek/press/news/details/19255?lang=kk

Қазақстанда балалы отбасыларын қолдаудың кешенді моделі құрылған. Оның ішінде мемлекеттік жәрдемақылар, әлеуметтік төлемдер, жұмыспен қамту шаралары, салық салу жеңілдіктері бар. Бүгінгі күні әлеуметтік көмек отбасылардың 5 санаты бойынша беріледі:1. 1 жасқа дейінгі баласы бар аналар мен отбасыларға;  2. көпбалалы отбасыларға;3.мүгедек баласы бар отбасыларға;4.аз қамтылған отбасыларға;5.асыраушысынан айырылған және бала асырап алған немесе қамқорына алған отбасыларға.Қазақстандық жүйе азаматтың өмірінің барлық кезеңінде қолдау көрсетуді қарастырған. Жүйе әртүрлі әлеуметтік дәрежені және өмірлік жағдайда нақты қамтыған. Барлық әлеуметтік төлемдер жыл сайын инфляция деңгейінде белгіленеді. Бала туған кезде бір реттік жәрдемақы қарастырылған. Оның көлемі бала туу санына қарай бекітілген. 2019 жылы бірінші, екінші, үшінші баланы туғанда берілетін жәрдемақы көлемі – 95 мың 950 теңгені құрайды, ал төртінші және одан көп бала туғанда – 159 мың 75 теңге беріледі. Соңғы үш жылда жәрдемақының көлемі 38 пайызға өсті. 2018 жылдың қортындысы бойынша, осы санаттағы отбасыларын қолдауға берілетін жәрдемақыға 40,7 млрд теңге бөлінді. Осы жәрдемақыны барлығы 395 мың адам алды.Онымен қоса, біздің елде 1 жасқа дейінгі бала күтімі бойынша әлеуметтік қолдау қарастырылған. Мұндай қолдауға жұмыс істейтін де, жұмыс істемейтін де аналар ие.Егер баланың анасы жұмыс істемейтін болса, бала туғаннан кейін оған 1 жасқа дейінгі бала күтімі бойынша жәрдемақы беріледі. Ол бір жыл бойы ай сайын беріледі. Ай сайын алатын жәрдемақы көлемі 14 544 теңгеден 22 473 теңгеге дейін жетеді.2018 жылы бұл жәрдемақыны 125 мыңға жуық адам алды. Жалпы сомасы 30 млрд теңге.  Соңғы 3 жылда аталған жәрдемақының көлемі 19 пайызға артты. Егер баланың анасы жұмыс істеген болса, оған да әлеуметтік төлемдер беріліп тұрады. Оған Мемлекеттік әлеуметтік сақтандыру қорынан әлеуметтік жәрдемақы беріледі.Біріншіден, жүктілік және бала туу кезінде берілетін төлем. Оның көлемі әйелдің соңғы 12 айдағы орташа айлық табысына қарай белгіленеді. Өткен жылдың қортындысы бойынша осындай төлемнің орташа көлемі  391 170 теңгені құрады;Екіншіден, 1 жасқа дейінгі бала күтімі бойынша берілетін жәрдемақы соңғы 2 жылдағы орташа айлық табысының 40 пайызын құрайды. 2018 жылы аталған жәрдемақының орташа көлемі  32  мың 361 теңгені құрады.2018 жылы барлығы 400 мың ата-ана Мемлекеттік әлеуметтік сақтандыру қорынан жалпы сомасы 165 млрд. Теңге болатын жәрдемақы алды. Одан бөлек, мемлекет жүкті әйелдердің декреттік демалысында орташа айлық табысынан 10 пайыз көлемінде міндетті зейнетақы жарнасын субсидиялайды.  Бұл бала күтімімен демалыста отырған әйелдердің зейнетақы жинағы тоқтап қалмау үшін жасалып отыр. Жұмыс істейтін әйелдердің құқығы мен кепілі еңбек заңнамасымен қорғалған. Мысалы, экономикалық себептермен штатты қысқарту негізінде, жұмыс көлемін төмендетуде еңбек келісім-шарты бұзылмайды:- жүктілігі туралы анықтамасы бар жүкті әйелдермен;- 3 жасқа дейінгі балалары бар әйелдермен;- 14 жасқа дейінгі бала тәрбиелеп отырған (18 жас дейінгі мүгедек-баласы бар) жалғыз басты аналармен.Өз кәсібін ашықысы келетін әйелдер үшін, біздің елде әйелдер кәсіпкерлігін қолдайтын әртүрлі  бағдарламалар жүзеге асырылып жатыр.  2018 жылы  нәтижелі жұмыспен қамту және жаппай кәсіпкерлікті дамыту бағдарламасы бойынша   3033 әйел микрокредит және  1243 әйел жаңа бизнес идеяларын дамытуға 100 АЕК көлемінде грант алды.Мемлекет көпбалалы аналарға ерекше көңіл бөледі,онда бірқатар жеңілдіктер қарастырылған.Әрбір көпбалалы анаға,  «Алтын алқа» және «Күміс алқа» алғандарға немесе бұрын «Батыр Ана», 1 және 2 дәрежелі «Ана даңқы» орденімен наградталғандарға ай сайынғы мемлекеттік жәрдемақы беріледі.  Бұл жәрдемақы өмірбақи беріледі және ана зейнеткерлікке шыққан күнде де тоқтатылмайды, сондай-ақ ол оның табысынан тыс беріледі.Жәрдемақының көлемі 16 160 теңгені (6,4 АЕК)  құрайды және жыл сайын инфляция деңгейінде белгіленеді.  Бұл жәрдемақы құрметті  атаққа ие болған аналарға беріледі. Сондықтан ол төменгі күн көріс деңгейіне байланыстырылмайды. Бүгінде Қазақстанда мұндай құрметті  атақ 237 мың анаға берілді. Жыл сайын осы төлемге бюджеттен 45 млрд теңге бөлінеді. «Алтын алқа» және «Күміс алқа» атағын алған көпбалалы аналар жекелеген салық түрлерінен және мемлекеттік баждан босатылған:-көлік құрадары салығынан және жер салығынан;-тұрғылықты жерін тіркеу барысында, төлқұжат және жеке куәлік алуда нотариалдық және заңгерлік маңызы бар  қызмет түрлері үшін мемлекеттік баждан;4 және одан көп кәмелет жасқа толмаған баласы бар көпбалалы отбасыларына арнайы мемлекеттік жәрдемақы беріледі. Өткен жылы 271 мың отбасы осындай жәрдемақы алды. Жалпы сомасы 32,8 млрд теңгені құрайды. Зейнетақымен қамтамасыз ету  мәселесінде 5 және одан да көп бала туған аналар 53 жасында зейнеткерлікке шығуға құқылы.Табысы төмен отбасыларын мемлекеттік қолдаудың жекелеген шаралары қарастырылған. 2018 жылдың 1 қаңтарынан бастап аз қамтылған отбасыларына атаулы әлеуметтік көмек көрсетудің жаңа тәртібі енгізілді. Оны тағайындау үшін кедейлік шегінің мөлшері күн көріс деңгейінен 40 пайыздан 50 пайызға дейін ұлғайтылды. Осылайша 2017 жылмен салыстырғанда Атаулы әлеуметтік көмектің орташа көлемін 2 есеге арттыруға мүмкіндік туды. АӘК жаңа форматта  беріліп жатыр  және тек ақшалай төлеммен ғана емес, сондай-ақ әлеуметтік қызмет түрлері ұсынылуда. Соның ішінде жұмысқа тұруға қолдау көрсету, оқыту, микрокредит беру және т.б.Сондай-ақ, біздің елде мүмкіндігі шектеулі бала тәрбиелеп отырған отбасыларын, асыраушысынан айырылған отбасыларын  және тағы басқаларды қолдау үшін  жекелеген әлеуметтік шаралар  қарастырылған.16 жасқа дейінгі мүмкіндігі шектеулі балаға берілетін ай сайынғы әлеуметтік көмектің көлемі 41 578 теңгені құрайды. 16 жастан 18 жасқа дейінгілерге мүгедектік тобына қарай беріледі: бірінші топтағы мүгедек балаға – 57 021 теңге, екінші топтағыға- 47 220 теңге, үшінші топтағы балаға – 35 638 теңге.Осы төлемге қоса, кәмелет жасқа толғанға дейінгі мүгедек-бала тәрбиелеп отырған тұлғаларға жәрдемақы беріледі. 2018 жылдың қортындысы бойынша 80,6 мың адам осындай жәрдемақы алды. 2019 жылы жәрдемақы көлемі 31 183 теңгені құрап отыр.2018 жылдың 1 шілдесінен бастап Мемлекет басшысының тапсырмасы бойынша,  18 жастан асқан бала күнінен бірінші топтағы мүгедек жанға күтімі бойынша жәрдемақы беру енгізілді. Өткен жылы оны 11,5 мың адам алды. 2019 жылы жәрдемақы көлемі 31 183 теңгені құрады.  Сондай-ақ, техникалық құрал-жабдықпен қамтамасыз етуді қажет ететін балалар (жасанды–ортопедиялық көмек, сурдо, тифло-құрал), жүріп-тұруы үшін қажетті құралмен (арба), шипажайда емделу және міндетті гигиеналық құралдармен қамтамасыз етіледі.Асыраушысынан айырылған отбасыларына, бюджеттен 25 541 теңге көлеміндегі мемлекеттік жәрдемақы қарастырылған,бұл  асырауындағы бір бала үшін, ал асырауында  алты және одан да көп бала  болса 62 663 теңге беріледі.Халық үшін мемлекеттік қызметтердің қолжетімділігін қамту мақсатында, өткен жылдан бері қызметтің 4 түрі бойынша проактивті режим енгізілді. Бұл дегеніміз – азаматтар мемлекеттік органдарға барып жатпай-ақ, қызмет түрін ала алады. Жаңа туған баланы тіркеу,  балабақшаға кезекке қою, бала туғанда берілетін жәрдемақыны және 1 жасқа дейінгі бала күтімі бойынша берілетін төлемді рәсімдеу бір проактивті режимде беріледі.                                                                          ***Жалпы ана мен баланы қорғау аясында қабылданған шаралар оң нәтижесін көрсетіп,  демографиялық ахуалды жақсартты. Соңғы 10 жылда бала туу  10 пайызға артты (2008 жылы 356,6 бала туса,  2018 жылы – 391 мың бала өмірге келді).Ақпарат көзі : https://www.gov.kz/memleket/entities/enbek/press/news/details/19222?lang=kk

ҚР Инвестициялар және даму министрлігі Көлік оқиғалары және оқыс оқиғаларды тексеру департаментінің дерегі бойынша Комиссия Алматы облысындағы Як-12М ұшағының авиациялық апатына байланысты алдын-ала болжамды айтты.Жүгері алаңын улы химикатпен дәрілеп болғаннан кейін әуе кемесі Шолақай елді мекенінің үстімен ұшып өткен. Солға қарай бұрылу кезінде ұшақты басқару қиындап, бірден ұшу жоғарылығы мен жылдамдығын жоғалта бастаған. Соның салдарынан ұшақ жерге құлаған. Оң жақ жанармай багы  жарылып, ұшақтың қызып тұрған қозғалтқышына тигендіктен от тұтанып, ұшақтың алдыңғы бөлігі өртенген. Өрттен ұшақтың алдыңғы бөлігі мен ұшқыш кабинасы толық жанып кетті. Тек фюзеляждың кил мен стабилизаторы бар артқы бөлігі ғана қалды.Ұшқыш пен қызметтік жолушы қайтыс болды.Еске сала кетейік, 2017 жылдың 27 шілдесі күні жергілікті уақытпен 09 сағат 05 минутта Алматы облысының Панфилов ауданына қарасты Шолақай елді мекенінде авиациялық-химиялық жұмыс жүргізіп болғаннан кейін солға қарай бұруды орындау кезінде тіркеу нөмірі UP-LA127 Як-12М ұшағы апатқа ұшыраған болатын.«Ұсақ көбелектерге қарсы авиациялық-химиялық дәрі себу қызметі» шаруа қожалығымен жасалған келісімге сәйкес атқарылған.Ұшу тапсырыс бойынша орындалған және жергілікті ішкі істер органымен келісілген.Ұшақты басқарушы ұшқыштың аталмыш әуе кемесін басқаруғы және авиациялық-химиялық жұмыстарды жүргізуге құқығы бар.Бұл ауданда қауіпті желдің соғуы байқалмаған және болжанбаған. Әуе кемесінде параметрлік және дыбыстық жазғыштар жоқ.2017 жылдың 21 тамызынан бері Халықаралық авиация Комитетінің сарапшыларымен және «Шахтинск авиациялық – жөндеу зауыты» (Ростов облысы) ЖАҚ өкілдерімен Як-12М ұшағының қозғалтқышына зерттеу жүргізіп, апаттың себебін анықтау жөнінде кездесулер өткізілуде.Анықтам үшін: ұшақтың қозғалтқышы 2012 жылы жоғарыда көрсетілген зауытта жөндеуден өткен. Соңғы жөндеуден өткеннен кейін ұшақ 397 сағат 55 минут ұшқан.Ақпарат көзі : https://www.gov.kz/memleket/entities/mti-ktrm/press/news/details/19195?lang=kk

2011 жылдың 24 ақпандағы «Биодизель қауіпсіздігіне қойылатын талаптар» туралы ҚР ТР Техникалық регламенті күшіне енді.     Осы Техникалық регламент Кеден одағының сыртқы экономикалық қызметінің бірыңғай тауар номенклатурасына (КО СЭҚ БТН) сәйкес «80 (көл.) % немесе одан көп болатын денатуратталмаған этил спирті; денатуратталмаған кез келген концентрациядағы этил спирті және өзге де спирттер» 22-тобының 2207-кіші тобына кіретін өндірілетін (әзірленетін) және әкелінетін (импортталатын) биоэтанол қауіпсіздігіне қойылатын талаптарды белгілейді. 2. Биоэтанол өндірісі және айналымы кезінде: 1) химиялық препараттарды және реактивтерді абайсыз қолдану; 2) биоэтанолды өндіру, қолдану, тасымалдау, буып-түю және сақтау кезінде отты абайсыз қолдану; 3) орамның герметикалық еместігі және төгілуі; 4) қоршаған ортаның, жабдықтардың үстіңгі бетінің жоғары немесе төмен температурасы; 5) жылудың артық мөлшері бөлінетін, қауіпті пайдалану процестері; 6) отынды басқа сұйықтықтармен араластыру; 7) биоэтанолдың ауыз суға түсуі; 8) көзге, ішек-қарын жолына, шырышты қабыршаққа және адам терісіне түсуі қауіпті факторлар болып табылады.   Егер кәдеге жаратылуы жоғары экологиялық тәуекелмен ұштасқан қалдықтардың пайда болуына немесе экономикалық жөнсіздікке әкелетін болса, биоэтанолды әкелуге шектеу қойылады немесе толық тыйым салынады. Дайындаушы беретін биоэтанол паспортына кәсіпорынның басшысы немесе ол уәкілеттік берген адам қол қояды және мөрмен куәландырылады. Биоэтанолдың пайдалану сапасын жақсарту үшін зиянды жанама әсерін тигізбейтін бүлінуге қарсы, жуғыш және көп функционалды телімдерді қолдануға рұқсат етіледі. Сақтау үшін осы Техникалық регламент талаптарына сәйкес келетін және тауар тізбегінің қадағалануын қамтамасыз ететін құжаттары бар биоэтанол қабылданады. Биоэтанолды сақтауға арналған үй-жайларды, ғимараттарды және құрылыстарды «Өрт қауіпсіздігіне қойылатын жалпы талаптар» техникалық регламентін бекіту туралы» Қазақстан Республикасы Үкіметінің 2009 жылғы 16 қаңтардағы № 14 қаулысына және «Ғимараттарды, үй-жайларды және құрылыстарды автоматты түрде өрт сөндіру және автоматты өрт дабылымен, өрт кезінде адамдарға хабарлау және оларды эвакуациялауды басқару жүйелерімен жабдықтау жөніндегі талаптар» техникалық регламентін бекіту туралы» Қазақстан Республикасы Үкіметінің 2008 жылғы 29 қаңтардағы № 796 қаулысына сәйкес жарамды бастапқы өрт сөндіру құралдарымен, сондай-ақ автоматты өрт дабылдарымен және автоматты өрт сөндіру қондырғыларымен қамтамасыз ету қажет. Биоэтанолды тасымалдау арнайы жабдықталған және тиісті көлік түрін қолданылатын қауіпті жүктерді тасымалдауға қойылатын талаптарға сәйкес тасымалдауға рұқсат етілген көлік арқылы жүзеге асырылады. Отыны бар көліктік ыдыс пломбаланған болуы тиіс. Биоэтанол міндетті сертификаттау объектісі болып табылады. Биоэтанол сәйкестігін растау тәртібі және схемасы «Сәйкестікті растау рәсімдері» техникалық регламентін бекіту туралы» Қазақстан Республикасы Үкіметінің 2008 жылғы 4 ақпандағы № 90 қаулысымен белгіленген. Техникалық регламентпен толық Техникалық реттеу және метрология комитетінің сайтында https://www.memst.kz/ танысуға болады. Техникалық регламентке сұрақтар туындаған жағдайда Техникалық реттеу және метрология комитетіне немесе Техникалық реттеу және метрология комитетінің аумақтық Департаменттеріне сәйкес хат жолдауға болады.       Біздің мекен-жайымыз: Астана қаласы, Мәңгілік ел даңғылы, 11.  Телефон: 75-05-44. Е-mail: gosnadzor_astana@mail.ru. Қазақстан Республикасы Инвестиция және даму министрлігі Техникалық реттеу және метрология комитетінің Астана қаласы бойынша департаментінің мемлекеттік инспекторы – Амантайқызы Айнұр.Ақпарат көзі : https://www.gov.kz/memleket/entities/mti-ktrm/press/news/details/19190?lang=kk

Азаматтарға мемлекеттік атаулы көмек ұсыну үрдісін тездету мақсатында Министрліктің ат салысуымен Қазақстан Республикасы Білім және ғылым министрлігі және Қазақстан Республикасының ақпарат және коммуникациялар министрліктері бір реттік құпия сөздер және «Электрондық Үкімет» веб-порталында үшінші тұлғалармен анықтама алу сервисі арқылы өтініш берушінің (отбасының) атаулы әлеуметтік көмек алушыларға тиесілігін растайтын анықтама алу бөлігінде мемлекеттік қызметтің оңтайландырылған бизнес-үрдісін жіберу іске асырылды.  Бұрын атаулы әлеуметтік көмек алу үшін азаматтарға ХҚКО-на, жергілікті атқарушы органдарға немесе оқу мекемелеріне мемлекеттік атаулы әлеуметтік көмек алуға құқық беретін мәртебесін растайтын анықтама ұсынуы қажет еді. Қызметтерді оңтайландыру қызмет көрсететін мекемелерге Министрліктің деректер базасына автоматты сұраныс жіберу арқылы жоғарыда аталған мәртебені растауға мүмкіндік береді.Ақпарат көзі : https://www.gov.kz/memleket/entities/enbek/press/news/details/19188?lang=kk

Ер азаматтарға қарағанда, әйелдердің зейнетақымен қамтамасыз ету деңгейі әлдеқайда төмен. Олардың еңбек қызметінің ерекшелігін ескерген жөн. Бұл жұмысының жалғаспай қалған кезеңіне, жалақы көлемінің төмендеу болуына қатысты.   Зейнеткерлік жасты бірегейлендіру – әйелдерді зейнетақымен қамтамасыз ету деңгейін көтеруге бағытталған шаралардың бірі. Қазақстанда 2015 жылы  зейнетақы заңнамасы өзгертілгеннен кейін, 2018 жылдан бастап кезең-кезеңмен әр 6 ай сайын әйелдердің зейнеткерлік жасы көтеріліп жатыр.  2027 қарай олардың зейнтекерлікке шығу жасы ерлердің зейнеткерлік жасымен теңесіп, 63 жасты құрайтын болады.2018 жылы бірінші кезеңде әйелдердің зейнеткерлікке шығу жасы 2017 жылмен салыстырғанда 6 айға ұзартылып, 58,5 жсты құрады. Ерлер үшін зейнеткерлікке шығу жасы бұрынғысынша 63 жас болып қалды. Сәйкесінше, 1960 жылдың бірінші жартысында туған әйелдер, 2018 жылдың екінші жартысында зейнеткерлікке шықты.2019 жылдың 1 қаңтарынан бастап әйел азаматтардың зейнеткерлікке шығу жасы тағы 6 айға ұзарып, 59 жасты құрады.  Ағымдағы жылы 1960 жылдың екінші жартысында туған әйелдер зейнеткерлікке шығады.Мұнымен қатар  2018 жылдың 1 шілдесінен бастап базалық зейнетақы  белгілеудің жаңа әдістемесі енгізіліп отыр. Базалық  зейнетақыны есептеу жүйесі өзгеріп, оған сәйкес базалық зейнетақы көлемі артты. Жаңа жүйе бойынша оның мөлшері еңбек өтіліне қарай өзгеретін болады. Жұмыс тәжірибесі 1998 жылдың 1 қаңтарына дейін және одан кейін де жинақталған өтілі  есепке алынады.Сондай-ақ, зейнетақы жүйесіндегі өтілі, базалық зейнетақыны есептеуде есепке алынады. Оған 3 жасқа дейін бала күтімімен отырған кезең,  (жалпы алғанда 12 жылға дейін), мүгедек-баланы бағып-қағу, әскери қызметтегі жұбайлардың бірге тұруы (мерзімді әскери қызметтегілерден басқа), олардың жұмысқа тұру мүмкіндігі болмаған, жергілікті жердегі арнайы мемлекеттік қызметкерлердің (жалпы алғанда 10 жылдан аспауы керек) және т.б.Сондай-ақ, 2014 жылдан бастап жұмыс істеп жүрген 1 жасқа дейін бала күтімімен демалыста отырған әйелдерге    республикалық бюджеттен 10 пайыз міндетті зейнетақы жарнасын субсидиялау енігізілді. 2020 жылдан бастап шартты-жинақтаушы  компонент енгізіледі. Ол зейнетақы жинағының көлемін 5 пайыздық міндетті зейнетақы жарнасы есебінен өсіруге бағытталған. Оны жұмыс беруші жұмысшыларының пайдасына өз қаражатынан төлейді. Мұның бәрі әйел азаматтарға зейнетақы жинағының көлемін және еңбек өтілімін арттыруға мүмкіндік береді. Бұл базалық зейнетақыны белгілеуде есепке алынады.Осылайша әйелдердің ерте зейнеткерлікке шығуы барысында барлық қолданыстағы жеңілдіктер сақталады:Біріншіден, бес бала туған және 20 жыл еңбек өтілі бар әйелдер 53 жасында зейнеткерлікке шығуға құқылы;Екіншіден, төтенше және радиациялық тәуекелі бар аймақтарда және Семей ядролық сынақ полигонында  5 жылдан аз емес уақыт тұрғандар 45 жасында зейнеткерлікке (20 жыл еңбек өтілі болуы керек)шығады; Үшіншіден, жинақтаушы зейнетақы жүйесіне қатысушылар үшін зейнетақы ануитетін иеленуі жағдайында зейнетақы жинақтары  жеткіліктілер 2019 жылы 51 жастан  зейнеркерлікке ерте шыға алады; Әйелдердің зейнеткерлікке шығу жасының кестесі201858 жас 6 ай 01.01.1960 -30.06.1960 ж.201959 жас 01.07.1960 - 31.12.1960 ж.202059 жас 6 ай 01.01.1961 -30.06.1961 ж.202160 жас 01.07.1961 -31.12.1961 ж.202260 жас 6ай 01.01.1962 - 30.06.1962 ж.202361 жас 01.07.1962 - 31.12.1962 ж.202461 жас 6 ай 01.01.1963 - 30.06.1963 ж.202562 лет 01.07.1963 - 31.12.1963ж.202662 жас 6 ай 01.01.1964 - 30.06.1964ж.202763 жас 01.07.1964 - 31.12.1964 ж.2018 жылдың 11 айының қортындысы бойынша бюджеттен бөлінген жиынтық зейнетақының орташа көлемі  81 159 теңге, 2017 жылдың оыс кезеңімен салыстырғанда зейнетақының орташа көлемінен 23 пайызға артық. (2017 жылдың 1 желтоқсанында бюджеттен жиынтық зейнетақының орташа көлемі– 65 935 теңге).2018 жылдың 1 желтоқсанында  жасы бойынша  зейнетақы алатындардың жалпы саны  – 2 172,9 мың адамды құрады.Ақпарат көзі : https://www.gov.kz/memleket/entities/enbek/press/news/details/19152?lang=kk

Для оптимизации процесса оказания государственных услуг, Министерством труда и социальной защиты населения РК (далее – Министерство) в 2018 году реализуется Дорожная карта по проактивному оказанию государственных услуг, связанных с установлением инвалидности. Дорожная карта предусматривает оказание в проактивном формате 8 государственных услуг:Назначение государственного социального пособия по инвалидности;Назначение социальной выплаты на случай утраты трудоспособности;Назначение пособия матери или отцу, усыновителю (удочерителю), опекуну (попечителю), воспитывающему ребенка-инвалида;Оформление документов на инвалидов для предоставления им протезно-ортопедической помощи;Обеспечение инвалидов сурдо-тифлотехническими средствами и обязательными гигиеническими средствами;Оформление документов на инвалидов для предоставления им услуги индивидуального помощника для инвалидов первой группы, имеющих затруднение в передвижении и специалиста жестового языка для инвалидов по слуху;Предоставление инвалидам кресел-колясок;Обеспечение инвалидов санаторно-курортным лечением.По результатам проведения медико-социальной экспертизы, услугополучателю проактивно, то есть без заявления, будут оформлены документы на назначение государственного пособия по инвалидности, социальной выплаты по утрате трудоспособности, пособия воспитывающему ребенка-инвалида, а также предоставление средств и услуг реабилитации в соответствии с индивидуальной программой реабилитации, что позволит значительно сократить маршрут инвалида, исключить необходимость посещения им услугодателей для получения соответствующих услуг, снизить бумажный документооборот.В рамках реализации Дорожной карты проведено обучение сотрудников территориальных департаментов Комитета труда, социальной защиты и миграции Министерства, Управлений координации занятости и социальных программ областей, городских/районных отделов занятости и социальных программ работе в информационных системах с функционалом процесса оказания проактивных государственных услуг, связанных с установлением инвалидности.Ақпарат көзі : https://www.gov.kz/memleket/entities/enbek/press/news/details/19125?lang=kk

ҚР Ұлттық экономика министрлігінің сатистика комитетінің мәліметі бойынша, 2018 жылдың үшінші тоқсанында атаулы жалақының индексі өткен жылдың осы тоқсанымен салыстырғанда 109,3%,  нақты – 103,1%  құрады.Жалақының индексі тауарлар мен қызмет түрлеріне тұтынушының бағасының индексіне қарай атаулы жалақының индексімен анықталады. Екі индекс те бір уақыттың кезеңіне байланысты.2018 жылдың үшінші тоқсанында кәсіпорындар мен ұйымдардың жұмысшылар тізім саны (кәсіпкерлікпен айналысып жүрген шағын кәсіпорындарды есепке алмағанда)   3755,5 мың адамды құрады, нақтырақ айтқанда  -3543 мың адам.Жұмысшылардың тізім саны  –қол қойылған мерзіміне қарамастан, еңбек келісім-шарты бойынша қабылданған тұлғалардың, сондай-ақ қоғамдық бастамаларда жұмыс істеп жүргенде саны.Жұмысшылардың нақтырақ саны (орташа жалақыны есептеуді қабылдағанда) – жұмысқа формалды тіркелген жұмысшылардың жекелеген санатын шегеріп тастағанда тізім құрамындағы жұмысшылар саны  (жүктілік және бала туу, бала күтімі және тағы басқа бойынша демалыстағы тұлғалар).2018 жылдың үшінші тоқсанында бір жұмысшының орташа айлық атаулы жалақысы  161 783 теңгені (өткен тоқсандыққа 99,4%, өткен жылдың тоқсанына сәйкес  109,3 ) құрады.Аймақтар бойынша қарастыратын болсақ, көбірек жалақы алатын облыстар қатарында Атырау – 310 568 теңге, Маңғыстау - 273 160 теңге, Астана қаласы –  240 683 теңге.  Алматыда орташа жалақы көлемі 197 736 теңгені, БҚО -155 796 тг, Қарағанды облысы-146 324, Павлодар -139 015,  Ақтөбе облысы - 137 526, ШҚО  -135 841, Қызылорда облысы -132 829,  Қостанай өңірінде - 125 522, Ақмола облысы- 121 358, Шымкент қаласында - 113 716, Алматы облысы -113 660, Жамбыл облысы -110 988, СҚО - 110 853, Түркістан облысы -  98 834 теңгені құрайды.Бір жұмысшының орташа айлық атаулы жалақысы жұмысшылардың нақты санына және  есеп беру кезеңіндегі айлардың санына жалақы қоры есептеген соманы бөлу арқылы анықталады.   Ең жоғарғы жалақы алатын саланың бірінші ондығына кіретіндер: теңіз және жағалау жүк көлігі  683 234 теңге (100,8% өткен тоқсанда,  99% өткен жылдың сәйкес тоқсанында), еңбекпен қамту  563 449   (109,4%-113,1%), су көлігі 560 818 (101,4% – 97,2%), басты компаниялардағы қызмет; басқару мәселелері бойынша кеңес беру  505 020 (108,2%-95,2%), міндетті әлеуметтік сақтандыру саласындағы қызмет  499 228 (112,4%-116,2%),  құбыр желісі бойынша тасымалдау 472 658 (121,7% – 115,8%), әуе жолаушылар көлігі  417 865 (96,8% – 114,8%), әуе көлігі 414 931 (97,1% – 114,5%), сақтандыру, қайта сақтандыру және зейнетақы қорларының қызметі, міндетті әлеуметтік сақтандыруды санамағанда - 378 930 (128,9%-160%), сақтандыру және қосымша қаржылық қызмет көрсету 374 188 (86,9-136%).Әлдеқайда төмен жалақы алатын саланың ондығына кіретіндер: жылжымайтын мүлікті сатып алу және сату  51 438 тенге (79,3% өткен тоқсандықта) және аквамәдениет  58 378 (өткен тоқсанда 104,6%, өткен жылдың сәйкес тоқсанында   – 150%), мектептке дейінгі білім беру  62 373 (92,1%-101,1%), бірге тұрып әлеуметтік қызмет көрсету  78 314 (97,6%-103,9%), бастауыш білім  (бірінші сатысы) 80 381 (85,7%-113,2%), бірге тұрмай әлеуметтік қызмет көрсету 80 899 (99,7%-101,3%), тергеу және қауіпсіздік қызметін көрсету  87 734 (105,2% -107,8%), білім беру  97 482   (84,6%-107,9%),  жоғары білім  149 784 (90,6%-117,7%), ветеринарлық қызмет  98 236 (108,8%-101,4%).2018 жылдың үшінші тоқсанында өткен жылдың осы тоқсанымен салыстырғанда мына салаларда жалақы өсті:  туроператорлар қызметінде, турагенттіктер мен  туризм саласында қызмет ететін ұйымдарда– 162 838 теңге (99,2%-138,3%), сақтандыру және қосымша қаржылық қызмет көрсету 374 188 (86,9%-136%), жеке қолданудағы компьютерлерді, тұрмыстық тауарларды жөндеу 237 840 (105,8% - 128%), жүкті сақтау және қаттау 130 530 (102,4%-125,2%), әкімшілік салада және қосымша қызмет көрсету 193 234 (107,8%-123,2%), өзен жүк көлігі 149 737 (115,3% – 122,8%), жоғары білім 149 784 (90,6%-117,7%), қаржылық және сақтандыру қызметі 317 413 (94,7%-116,4%), міндетті әлеуметтік сақтандыру қызметі 499 228 (112,4%-116,2%), қоғамға жалпы мемлекеттік қызмет көрсету 135 898 (99,8%-115,9%).Үшінші тоқсанда өткен жылдың осы тоқсанымен салыстырғанда мына салаларда жалақы төмендеді: қосымша білім беру қызметі 143 576 тенге (114,9%-78,6%), жарнамалық қызмет және нарық жағдаятын зерттеу  156 364 (95,6%-83%), әкімшілік –басқару, шаруашылық және өзге де қосымша қызмет көрсету салаларында 172 149 (116,9%-87,7%), кино өндірісі, бейнефильмдер, телевизиялық бағдарламалар, фонограмма және музыкалық жазбалар  149 444 (90,6% – 87,8%), автокөлікпен жүк тасымалдау және тасымалдау бойынша қызмет  226 959 (97,9% – 90,1%), басты компаниялардың қызметі; басқару мәселелері бойынша кеңес беру 505 020(108,2%-95,2%), компьютерлік бағдарламалау, кеңес беру және басқа да тиісті қызмет түрлері 304 281 (102,2%-96%), су көлігі 560 818 (101,4% – 97,2%), жылжымайтын мүлікке қатысты жүргізілген жұмыстарға келісім негізінде  сыйақы беру 144 229 (116,3%-98%), теңіз және жағалау жүк көлігі 683 234 (100,8%– 99%).Аймақтар бойынша есептегенде жұмысшылардың нақты саны Алматы қаласында (467,2 мың адам), Қарағанды облысында (321 мың), ШҚО (283,5 мың), Астана қаласында (265,7 мың),  Алматы облысы (225,1 мың), Түркістан облысы (207 мың), Атырау облысы (201,8 мың),  Шымкент қаласында (183,8 мың адам).Әлдеқайда аз – СҚО (114,9 мың), БҚО (133,4 мың), Қызылорда облысы (145,7 тыс), Ақмола облысы (149,9 мың), Маңғыстау (150 мың), Жамбыл облысы (158,9 мың), Қостанай облысы (178,2 мың), Актөбе облысы (181,7 мың), Павлодар облысында (190 мың адам).Экономикалық қызмет түрі бойынша жұмысшылардың басым бөлігі білім саласында  (952,7 мың адам, оның  710,4 мыңы әйелдер), 620,1 мыңы – өнеркәсіпте (оның ішінде 161,2 мыңы әйелдер), 408,5 мың адам мемлекеттік басқару, қорғаныс, міндетті әлеуметтік қамтамасыз ету (139,2 мың әйел), 407,2 мыңы денсаулық сақтау және әлеуметтік қызмет көрсету  (319,2 мың әйел ), 220,9 мыңы көлік және қаттау саласында (57,2 мыңы әйел), 165,9 мыңы – құрылыста (18,8 мың әйел), 135 мыңы әкімшілік және қосымша қызмет көрсету саласында  (26,3 мың әйел) еңбек етуде.Ақпарат көзі : https://www.gov.kz/memleket/entities/enbek/press/news/details/19086?lang=kk

«Қазақстан Республикасының 2020 жылға дейінгі Стратегиялық даму жоспарында және Қазақстан Республикасының «жасыл экономикаға» көшу тұжырымдамасында Қазақстанның ішкі жалпы өнімінің энергия сыйымдылығын 2020 жылға қарай кемінде 25%-ға төмендету және 2050 жылға қарай кемінде екі есе төмендету бойынша міндет қойылды.2015 жылдың қорытындысы бойынша, еліміздегі ІЖӨ-нің энергия сыйымдылығы 2008 жылдың деңгейінен 28,2%-ға төмендеді»,- деп мәлім етті ҚР Инвестициялар және даму министрі Жеңіс Қасымбек энергия үнемдеу мен энергия тиімділік мәселелеріне арналған Қазақстан Республикасы Үкіметінің отырысындағы баяндамасында.Қазіргі уақытта Мемлекеттік энергетикалық реестрге 5 мыңнан астам ұйым енгізілген. Анықтама:оның ішінде 2737 мемлекеттік мекеме, ол МЭТ жалпытұтынуының жалпы 2% құрайды;Квазимемлекеттік сектордың 1617 субъектілері - 37% және тұтынудың 61% үлесімен 779 бизнес кәсіпорындары.2015 жылдан 2016 жылға дейінгі кезеңде осы МЭТ субъектілері энергияны үнемдеуге 178 млрд. теңгеден астам инвестиция салды. 2020 жылдың соңына дейін шамамен 200 млрд. теңге инвестиция салу жоспарлануда.«Министрлік жыл сайын өңірлерге, олардың энергия үнемдеу мен энергия тиімділігін арттыру саласындағы қызметіне бағалау жүргізеді.Өкінішке орай, өңірлерде энергия үнемдеу жұмысы төмен деңгейде жүргізілуде. 2016 жылдың қорытындысы бойынша тек 8 өңір орташа, қалған өңірлер «төмен» нәтиже көрсетті»,-деді министр.Министрлік жергілікті атқарушы органдардың Энергия үнемдеу саясатын іске асырудағы жауапкершілігін арттыру мақсатында орталық мемлекеттік және жергілікті атқарушы органдар қызметінің тиімділігін жыл сайынғы бағалау жүйесіне энергия үнемдеу саясатын іске асыру тиімділігі бойынша өлшем шарттар енгізуді ұсынады.Сондай-ақ, министрлік бизнес субъектілерге мемлекеттік қолдау шараларын көрсеткенде тиісті критерилерінің бірі ретінде энергия аудиті мен энергияны үнемдеу жөніндегі шараларды айқындауды ұсынады.«Егер, кәсіпорын электр энергиясының құны үшін уақытша төмендету коэффициентін ұсыну туралы өтінішпен жүгінсе, онда олар энергия тұтынуды төмендету жөнінде қандай  шаралар қабылданғанынкөрсетулері тиіс. Егер бұл қолдау тапса, онда біз мемлекеттік қолдау шараларын ұсыну тәртібіне тиісті өзгерістер әзірлейміз»,-деп атап өтті Жеңіс Қасымбек. Ведомство басшысы айтқандай, энергия үнемдеуге ынталандырудың жалғыз шарасы ҚР ИДМ-нің, әкімдік пен МЭТ субъектілері арасындағы ерікті келісім ғана.Анықтама: Бүгінгі күні Министрлік пен Оңтүстік Қазақстан облысы әкімдігінің және «Шымкентцемент» АҚ арасында энергия үнемдеу  саласындағы үш жақты келісім жасалды. Энергия үнемдеу әлеуеті 15 %-дан асатын, тағы бес кәсіпорын бар. Алдын ала болжам бойынша, тек осы кәсіпорындардың міндеттемелерді қабылдауы және үш жақты келісім жасасуы 2020 жылға қарай еліміздің жалпы ішкі өнімінің энергия сыйымдылығын 2%-ға дейін төмендетуді қамтамасыз ете алады.Ақпарат көзі : https://www.gov.kz/memleket/entities/mti-ktrm/press/news/details/19084?lang=kk

2017 жылы 5 қыркүйекте Дүниежүзілік экономикалық форумның Жаһандық бәсекеге қабілеттілік индекс көрсеткіштерін жақсарту шараларының жоспары бойынша, ақпараттық-түсіндірме жұмыстарын жүргізу және «Ішкі нарықтағы жергілікті жеткізушілердің сапасы» индикатор дәрежесін кеңейту мақсатында, Техникалық реттеу және метрология комитетінің Маңғыстау облысы бойынша департаменті және «Қазақстан стандарттау және сертификаттау институты» РМК Маңғыстау филиалының өкілдерімен «ЕР САЙ Каспиан Контрактор» ЖШС кәсіпорнына барып қайтты.«ЕР САЙ Каспиан Контрактор» ЖШС кәсіпорынның негізгі бағыттары  өндірістік және азаматтық құрылыстар, соның ішінде теңіз опрецияларына арналған үлкен өлшемді құрылымы металдық құрылыстар болып табылады.«ЕР САЙ Каспиан Контрактор» ЖШС теңіз жобаларын инжинирингтен бастап  салынған объектілерді пайдалануға беруге дейінгі  басқаруды жүзеге асыратын Қазақстандағы санаулы компаниялардың бірі.  Сонымен қатар, «ЕР САЙ Каспиан Контрактор» ЖШС соның ішінде теңізден мұнай, газ өндіру және бағдарлау  кезінде, құрылыс кезінде пайда болатын мұнай шламдарын, қатты және сұйық қалдықтарды жою, сұрыптау, қайта өңдеуді жүзеге асырады.Кәсіпорынға бару барысында келесі бөлімдер бойынша материалдар ұсынылды:-  ЕАЭО, техникалық реттеу шеңберінде өткізілетін жұмыстар;- стандарттау облысындағы заңжобалық жұмыстар;- техникалық реттеу және метрология сұрақтары.«ЕР САЙ Каспиан Контрактор» ЖШС «Қазақстан стандарттау және сертификаттау институты» РМК Маңғыстау филиалымен стандарттау бойынша нормативті техникалық құжаттарды өзектендіру сұрақтары бойынша тұрақты негізде жұмыс жасайды.Кәсіпорынға бару нәтижесінде кәсіпорын өкілдеріне ҚР ИДМ Техникалық реттеу және метрология комитетіне бекітілген «Ішкі нарықта жергілікті жеткізушілердің сапасы» индикаторы бойынша жүргізілетін сауалнамаға қатысуға белсенді ат салысу ұсынылды. Ақпарат көзі : https://www.gov.kz/memleket/entities/mti-ktrm/press/news/details/19039?lang=kk

Теміржол көлігі - Қазақстан экономикасының маңызды салаларының бірі болып саналады, оның ішкі және сыртқы көліктік-экономикалық байланыстарын және халықты тасымалдау қажеттілігін қамтамасыз етеді. Бірыңғай көлік жүйесінің құрамында теміржол көлігінің қызметі әлеуметтік өндірістің барлық салаларының қалыпты жұмысына, әлеуметтік-экономикалық даму және мемлекеттің қорғаныс қабілетін нығайтуға, Қазақстанның халықаралық ынтымақтастығына ықпал етеді. 2017 жылдың  қыркүйек айының 7 жұлдызында,«Техникалық реттеу және метрология Комитеті Департаменті» ШҚО бойынша Семей бөлімінде «Қазақстан стандарттау және сертификаттау институты» Семей қаласы бойынша өкілдігінің  мамандарымен бірігіп, Семей қаласының кәсіпорындарымен темiр жол саласы үшiн өнiм өндiру мәселелерi бойынша мәжіліс өткiзiлдi. «Казэлектромаш» ЖШС, ПК «Ибраев», «КА Адмет» ЖШС өкілдері қатысты. Мәжілісте теміржол саласындағы Кеден одағының техникалық регламенттерінің негізгі талаптары талқыланды: «Темір жол жылжымалы құрамының қауіпсіздігі туралы» (КО ТР  001/2011), «Жоғары жылдамдықты теміржол көлігінің қауіпсіздігі туралы» (КО TР 002/2011), «Теміржол көлігі инфрақұрылымының қауіпсіздігі туралы» (КО TР 003/2011). Олардың ішінен біріншінің таралуы (КО ТР  001/2011)-  құрастырылған (жаңартылған), дайындалған темір жол жылжымалы құрамы және оның құрамдас бөлшектері, жалпы және жалпы  емес темір жолдарда кедендік одақ аумағында айналымға шығарылған  200 км / сағ жылдамдықпен 1520 мм жолдың ені. Оларға локомотивтер, автокөліктер және вагондар, локомотивтердің жүк вагондары, жүк вагондары, арнайы темір жол жылжымалы құрамдары жатады.Теміржол саласына арналған өнімдер бойынша «Казэлектромаш» ЖШС-нің стандарттау және сертификаттау жөніндегі маманы Рогальская Анастасия сөз сөйледі. Темір жол өнеркәсібі үшін 0,66, 1,3 және 4 кВ кернеулеріне термопластикалық эластомерлермен оқшауланған сымдар мен кабельдер шығарылады. Кәсіпорын кабель және сым өнімдерін шығаруға және сымдарды эмальдауды жүзеге асыруға жаңа итальяндық технологиялық желіні сатып алып, құрастырды.  Жабдық «Даму» қоры арқылы «Өндіріс»  бағдарламасы бойынша сатып алынды. Кәсіпорында аттестацияланған электрлік өлшеу зертханасы бар. А.Рогальская кәсіпорынның сынақ базасын кеңейту бойынша жоспарымен бөлісті, ал болашақта зертхананы аккредитациялау ойлары бар екенін айтты.Өнімді сынау және сәйкестікті растау мәселелері талқыланды.«Техникалық реттеу және метрологияКомитеті Департаменті» ШҚО бойыншаСемей бөлімінің басшысы                                               Шумаев Р.Р.Ақпарат көзі : https://www.gov.kz/memleket/entities/mti-ktrm/press/news/details/19002?lang=kk

АСТАНА, 9 сентября 2017 год – ЭТАЛОННЫЙ ЦЕНТР. Сегодня в рамках визита в  Казахстан делегации Турецкой Республики во главе с Президентом Турецкой Республики Р. Эрдонганом Комитет технического регулирования и метрологии МИР РК (КТРМ) во главе с Председателем Галымжаном Дугаловым подписал с Турецким Институтом Стандартов (TSE) Меморандум о сотрудничестве.В рамках данного визита уполномоченные органы обоих сторон Комитет технического регулирования и метрологии Министерства по инвестициям и развитию Республики Казахстан (КАЗМЕМСТ) и Турецкий Институт Стандартов (TSE) подписали Меморандум о взаимосотрудничестве.Целью заключения данного Меморандума явилось укрепление взаимовыгодного сотрудничества между Сторонами, оказание содействия развитию совместных перспективных проектов, обмену опытом и прохождению стажировок, а также привлечению лекторов обоих Сторон для обучения в приоритетных областях стандартизации и оценки соответсвия.Вместе с тем, на сегодня сотрудничество в области метрологии осуществляется с Национальным институтом метрологии Турецкой Республики (TÜBITAK UME) в рамках Меморандума о взаимопонимании от 08 октября 2009 года, в области аккредитации в рамках Меморандума о взаимопонимании между Национальным центром аккредитации Республики Казахстан (НЦА) и Национальным агентством по аккредитации Республики Турция (TURKAK).Также одной из площадок для сотрудничества является Межрегиональная Ассоциация по стандартизации (далее – МАС), созданная в сентябре 1991 года в результате решения международной Конференции, состоявшейся в Анкаре.В свою очередь, заключение данного Меморандума укрепит взаимовыгодное сотрудничество на более тесном уровне в перспективных направлениях стандартизации и оценки соответсвия.Ақпарат көзі : https://www.gov.kz/memleket/entities/mti-ktrm/press/news/details/18989?lang=kk

Жергілікті қамтуды дамытудың ұлттық агенттігі «NADLoC» АҚ Қазақстан Республикасы Инвестициялар және даму министрінің 2017 жылғы 7 қыркүйектегі №617 бұйрығына сәйкес 55 индустриялық-инновациялық қызмет субъектілерінің отандық өңделген тауарларды, жумыстарды, керсетілетін кызметтерді ішкі нарықта ілгерілету шығындары 120 млн. теңге сомасында өтелгенін хабарлайды: "RG Brands Kazakhstan" ЖШС, "РауанНалко" ЖШС, "Казэлектромаш" ЖШС, "Саранская швейно-трикотажная фабрика "Galex Plus" ЖШС, "SONIK" Компаниясы" ЖШС, "Astana Solar" ЖШС, "Лидер 2010" ЖШС, "Казахойл Актобе" ЖШС, "Daewoo Bus Kazakhstan" ЖШС, "Уральскагрореммаш" АҚ, "Қазақстан электролиз зауыты " АҚ, "Ақтобе мұнай жабдығы зауыты " АҚ, "ERG Service" АҚ филиалы Павлодар машинажасау зауыты, "KSP Steel" ЖШС, "Евразиан Фудс Корпорэйшн" АҚ, "АтырауНефтемаш" ЖШС, "Азия Авто" АҚ, "Казтехресурс" ЖШС, "Шығыс Қазақстан Ұн-құрама жем комбинаты" АҚ, "Орал сауда-өнеркәсіптік компаниясы" ЖШС, "Петропавл ауыр машинақұрастыру зауыты " АҚ, "НПО Дефектоскопия" ЖШС, "Фирма Родник" ЖШС, "Жаңа-Есил Феникс" ЖШС, "Format Mach Company" ЖШС, "ТНК "Казхром" АҚ, "КазСПО-New" ЖШС, "Алюминий Казахстана" АҚ, "Проммашкомплект" ЖШС, "Алматы ашытқы зауыты" АҚ, "Карагулина Л.А." ЖМ, "Концерн "Цесна-Астык" ЖШС, "Цесна-Мак" ЖШС, "Акнар ПФ" ЖШС, "Өскемен арматуралық зауыты " АҚ, "Almix" ЖШС, "AlPaint" ЖШС, "Қазақтың мамандырылған жөндеу-реттеу кәсіпорны" ЖШС, "Өскемен конденсаторлық зауыты " ЖШС, "Kazcentrelectroprovod" ЖШС, "Рамазан" ЖШС, "ADM Investment" ЖШС, "Топан" ЖШС, "Hyundai Trans Auto" ЖШС, "ИСИ Гипс Индер" ЖШС, "Аксайгазпроект" ЖШС, "Алтын Омир" ЖШС, "Инжиниринг компаниясы "Казгипронефтетранс" ЖШС, "Казэнергокабель" АҚ, "Өскемен өнеркәсіптік арматура зауыты " АҚ, "Алматы ауыр машинақұрастыру зауыты" АҚ, "Аксель и А" ЖШС, "ТЭБ" ЖШС, "Кублей" ЖШС, "R.W.S. Binding" ЖШС. ҚР ИДМ Жергілікті қамтуды дамытудыңұлттық агенттігі «NADLoC» АҚ  Ақпарат көзі : https://www.gov.kz/memleket/entities/mti-ktrm/press/news/details/18983?lang=kk

Жаз маусымы кезеңінде су көлігінде жүргізілген тексерулер барысында қауіпсіздік талаптарына сай келмейтін бірқатар заң бұзушылықтар анықталды.ҚР Инвестициялар және даму министрлігі Көлік комитетінің ақпараты бойынша, 2017 жылдың 1 маусымы мен 31 тамызы аралығында Қазақстанда «Скутер» жыл сайынғы республикалық акциясы өтті. Аталған іс-шараның мақсаты шағын көлемді су көлігін қауіпсіз пайдалануды, еліміздің су қоймаларындағы көпшілік демалатын аймақтар мен орындарда адамдардың өмірі мен денсаулығын сақтауды қамтамасыз ету болып табылады.Тексеру барысында шамамен 5,6 мың шағын көлемді кеме тексерілді (гидроциклдар, катерлер, моторлы кемелер т.б.), сондай-ақ 744әкімшілік заң бұзушылық анықталды. Бұл ретте, әкімшілік құқық бұзушылықтардың басым көпшілігі Шығыс Қазақстан, Алматы, Қызылорда, Атырау және Қостанай облыстарында тіркелген.Анықталған заң бұзушылықтардың негізгі түрлері:- кемелерді жеке құтқару жабдықтарынсыз пайдалану – 471 оқиға;- кемені құжатсыз пайдалану – 117 оқиға;- кеме басқару құқығын беретін құжатсыз пайдалану – 86 оқиға;- белгiленген тәртiппен тiркелмеген немесе техникалық тексеруден өтпеген және борт нөмiрлерi жоқ кемелерді басқару – 35 оқиға.Сонымен қатар, Көлік комитетінің аумақтық органдары шағын көлемді флоттың қауіпсіз пайдалануын реттейтін заңнаманың талаптарын түсіндіру бойынша шағын көлемді кемелердің иелерімен, база-тұрақтарының және демалыс аймақтарының иелерімен профилактикалық жұмыстар өткізген.Анықтама ретінде: Көлік комитеті іске асыратын «Скутер» республикалық акциясы су көлігін қауіпсіз пайдалануды қамтамасыз ету мақсатында 2017 жылғы флоттағы апаттың алдын алу жөніндегі іс-шаралар жоспарының бөлігі.Ақпарат көзі : https://www.gov.kz/memleket/entities/mti-ktrm/press/news/details/18967?lang=kk

Форумды Қазақстан Республикасындағы «Шетелдік кеңесшілердің қазақстандық кеңесі» қауымдастығымен бірлесе отырып Қазақстан Республикасы Үкіметі, ҚР Еңбек және халықты әлеуметтік қорғау министрлігі ұйымдастырды.Форум жұмысына Парламент депутаттары, Үкімет мүшелері, халықаралық ұйымдар мен консалтингтік компаниялардың өкілдері, халықаралық және қазақстандық сарапшылар, ірі қазақстандық жұмыс берушілер және шетелдік инвесторлар қатысты.Форум делегаттары әлемдік еңбек нарығындағы сын-тегеуріндердің ұлттық нарықтарға, жаңа жұмысбастылық түрлеріне және әлеуметтік қорғау жүйесін бейімдеуге ықпал ету сценариін бағалады. Төртінші өнеркәсіптік төңкеріс жағдайында еңбек нарығының инфрақұрылымын цифрге көшіру және кадрларды даярлау жүйесінің түбегейлі өзгерістен өту мәселелері де кеңінен талқыланды.  Сондай-ақ, еңбек қорларының мобильділігі және шетелдік таланттардың келіп қосылуы, инклюзивтілікке бағытталған белсенді жұмысбастылық саясатын дамыту, нысаналы топтарды қолдауға арналған жаңа құралдар әңгімеге арқау болды.Форум барысында халықаралық ұйымдардың өкілдері еңбек нарығына өзгерістер әкеліп жатқан жаһандық беталыстар жайлы ақпарат берді. Әлемдік тәжірибесі мол сарапшылар әлемдік трендтердің дамыған және дамушы экономикаларға ықпал етуіндегі айырмашылық жайлы әңгімеледі. Дамыған және дамушы елдердің тәжірибесі негізінде жұмысбастылық, білім беру және дұрыс әлеуметтік қорғауды қамтамасыз ету саласындағы өзгерістерді басқару бойынша жоспарлар мен тәжірибелер таныстырылды.Форум аясында Еңбек және халықты әлеуметтік қорғау министрлігінің Дүниежүзілік банктің техникалық және қаржылай қолдауымен жүзеге асырып жатқан «Еңбек дағдыларын дамыту және жұмыс орындарын ынталандыру» жобасы бірінші кезеңінің қорытындысы шығарылды. Секцияға қатысуышлар заманауи технологиялардың халықаралық және жергілікті контекстіде әртүрлі еңбек дағдыларына деген сұранысқа әсерін, 21 ғасырда қажетті дағдылар мен біліктіліктерді қалыптастырудағы білім берудің рөлін талқылап, Қазақстан еңбек нарығында тепе-теңдікті қалыптастырып жетілдіру үшін Ұлттық біліктіліктер жүйесін дамыту қаншалықты маңызды екендігін атап өтті.Ақпарат көзі : https://www.gov.kz/memleket/entities/enbek/press/news/details/18958?lang=kk

Дін істері және азаматтық қоғам министрлігінің кеңейтілген Алқа мәжілісінің отырысында министр Нұрлан Ермекбаев ақпараттық-түсіндіру жұмыстарын дамыту үшін арнайы Жол картасын әзірлеп,   дәріс берушілерді қайта даярлауды жүзеге асыратын дайындау орталығын құруды ұсынды.  Министрдің айтуынша, ақпараттық топтардың мүшелері азаматтармен тығыз әрі түрлі аудиторияда адресті түрде жұмыс жасайды. Ал, жұмыс ескі қағидамен жүргізілуде. Барлық қатысушылар үшін бір ғана дәріс, формальді кездесулер, өңірдің ерекшелігі ескерілмейді, одан арғы байланыстар жетіспейді. Нұрлан Ермекбаев ақпараттық топтардың мүшелері, оқытушылар ақпараттық және коммуникациялық технологиялардың толық жиынтығын меңгеріп, сондай-ақ, психологиялық дайындықтан да  өтулері керек екенін баса айтты. «Бұл үшін біз ақпараттық-түсіндіру жұмыстарын дамыту үшін арнайы жол картасын әзірлеуіміз керек. Бұл картаның басты бағыттарының бірі лекторларды даярлау және қайта даярлау орталығын құру болып табылады. Ол оқытушыларға ғана емес, олардың жұмысына бақылау жасап қана қоймай, сертификаттауды жүргізеді және рейтингтерді қалыптастырады. Рейтингке сәйкес, оқытушыға төлем жасалады. Орталық жергілікті ерекшеліктерді ескере отырып, профилактикалық жұмыстың алгоритмін әзірлеуі керек»- деп өз жоспарымен бөлісті Нұрлан Ермекбаев. Естеріңізге сала кетейік, қазіргі уақытта Қазақстанда дін мәселелері бойынша 249 өңірлік және 1 республикалық  ақпараттық-түсіндіру топтары жұмыс істейді.  Олардың қатысуымен 35 мыңнан  астам түрлі іс-шаралар өткізіліп,  аталған іс-шаралаға 2 млн.  500 мың адам қатысты.  Ақпараттық-түсіндіру топтарының мүшелері үшін 50-ден астам әдістемелік материал дайындалып, 3 мың лектор оқытылды.Ақпарат көзі : https://www.gov.kz/memleket/entities/din/press/news/details/18871?lang=kk

Бүгін ҚР Еңбек және халықты әлеуметтік қорғау министрлігінде адам ресурстарын дамыту, сондай-ақ қазақстандық әлеуметтік жұмыс жүйесін жетілдіру мақсатында БҰҰ (ЮНИСЕФ) Балалар қорының қолдауымен құрылған Әлеуметтік жұмыс бойынша Ұлттық ресурстық орталықтың тұсаукесері өтті.Кездесуді ашқан ҚР Еңбек және халықты әлеуметтік қорғау министрі Мәдина Әбілқасымова Мемлекет басшысының Қазақстан халқына арнаған жаңа Жолдауында көрсетілген тапсырмаларын ескере отырып, әлеуметтік мәселелерді және әлеуметтік қызметтерді шешу Ел саясатының маңызды бағытының бірі екенін атап өтті.«Қазақстан халқының өмір сүру сапасын жақсарту үшін халықаралық стандарттарға сәйкес, бүгінгі күні біздің елімізде әлеуметтік қызметтердің жаңа түрлерін енгізу және әлеуметтік қызметтерді жаңғырту арқылы оның  сапасын арттыру міндеті тұр. Осыған байланысты әлеуметтік қызмет көрсету мен көмек көрсетудің кешенді үлгісін енгізу басталды, ол әлеуметтік қызметкерлердің білім беру, денсаулық сақтау, әлеуметтік қорғау және басқа да салалардағы жұмысын үйлестіру тетігін жетілдіруді көздейді, бұл мұқтаж азаматтарға «бір терезе» қағидаты бойынша әлеуметтік қызмет көрсетуді қамтамасыз етеді.»-деді Мәдина Әбілқасымова.Әлеуметтік қызметтердің сапасын жақсарту мақсатында осы  сала мамандарының білім деңгейі мен практикалық дағдыларын арттыру  маңызды мәселе болып отыр. «Бүгінгі күні Қазақстан Республикасының халықты әлеуметтік қорғау саласында 10 мыңнан астам әлеуметтік жұмысшы еңбек етіп келеді, олар арнаулы әлеуметтік қызметтерге мұқтаж 116,8 мың адамға қызмет көрсетеді. Бұл ретте, аталған  орталықтың алдында барлық деңгейдегі әлеуметтік жұмыскерлерді жоғары, орта және жоғары оқу орнына дейінгі оқу орындарында кәсіптік даярлау стандарттарын жүйелендіру, сондай-ақ  орталық және аумақтық деңгейде әлеуметтік жұмыскерлерді даярлау,  қайта даярлау бойынша үлкен міндеттер қойылған.» -деп атап өтті ведомства басшысы.Сондай-ақ, Қазақстан Республикасы Парламентінің депутаттары, мемлекеттік орган өкілдері, қоғамдық бірлестік басшылары Әлеуметтік жұмыс бойынша Ұлттық ресурстық орталығының тұсаукесеріне қатысып, осы бағыттағы жұмыстарды жандандырудың маңыздылығы мен қажеттілігін атап өтті.Ақпарат көзі : https://www.gov.kz/memleket/entities/enbek/press/news/details/18706?lang=kk

Биыл аталған байқаудың ұйымдастырушылары Еңбек және халықты әлеуметтік қорғау министрлігі мен «Нұр Отан» партиясы болды.Іс-шара барысында байқауға қатысқан барлық жобалардың көрмесі және жеңімпаздарды марапаттау рәсімі өтті.Конкурс тең мүмкіндіктерді қамтамасыз ету, өмірлік қиын жағдайларды жеңуге көмектесу, әлеуметтік салада еріктілерді дамыту секілді басқа да бағыттарға арналды.  Конкурс елдегі проблемалық жағдайларға тап болған жандарды  қолдауды қажет ететін қөзқарас қалыптастыруға мүмкіндік берді. Ел бойынша 318 жоба авторы қатысып, бұл өткен жылмен салыстырғанда екі есеге артық болды.«Үздік әлеуметтік жобалар көрмесінің өткізілуі жыл сайынғы дәстүрге айналды, биыл ол республикалық деңгейге жетті және жобалардың саны айтарлықтай өсті. Тұрмыс жағдайында адамдардың өмір сүру сапасын жақсарту үшін өздерінің үлестерін қосатын көптеген адамдар бар. Жаңа жоспар шеңберінде біз қызметтерді көрсетудің халықаралық сапа стандарттарына көшуге тырысамыз, әлеуметтік қолдау шаралары кеңейтілетін болады. Алайда жалпы қоғам, қоғамдық ұйымдар және әрбір қазақстандық мұндай белсенді болмаса, біз табысқа жете алмаймыз.» - деді Мәдина Әбілқасымова.Конкурс қорытындысы бойынша бір жеңімпаз анықталды, екінші орынды екі жоба авторы алса, үшінші орын үш адамға берілді.    Одан бөлек, комиссияның шешімімен 5 арнайы сыйлық пен онлайн-дауыс беру кезінде ең көп «лайк» жинаған 3 жоба авторына да жүлде тағайындалды.Атап айтқанда, «Зейнеткерлерге тегін түскі ас» жобасымен қатысқан Рәсима Темірбаева – 1-орын, «Арбадағы кедергісіз өмір» жобасымен қатысқан Нұрболат Қарабасов пен «Ел назы» арт-терапиямен дамыту орталығы жобасымен қатысқан белгілі әнші Кенжебек Жанәбілов – 2-орын және «Үміт сәулесі», «Мейкатон «TOM: Kazakhstan» жобаларымен қатысқан Маржан Мәдиева мен Сәния Арапова 3-орын алды.Ақпарат көзі : https://www.gov.kz/memleket/entities/enbek/press/news/details/18689?lang=kk

- Біз үшін барлық гастроль маңызды, жақында балет труппасы бір ай көлемінде Еуропа қалаларында орасан зор жетістікпен өнер көрсетті, барлық жерде аншлаг болды. Бүгінде Мәскеудегі ең беделді концерттік зал сахнасында «Шехеразада» бір бөлімді балетін орындау туралы Андрис Лиепадан шақырту келіп түсті. Бұл біз үшін жауапты әрі айтулы өнер көрсету болмақ, себебі гала-бағдарламаның тұтастай бір бөлімі «Астана Опера» театрына берілген. Кремль Сарайы сахнасын көздің жауын алар декорациялар сәндейтін болады, біз оларды Қазақстаннан алып барамыз. Әртістеріміз спектакльді керемет деңгейде көрсетеді деген үміттеміз. Бізге деген ықыласы мен сенімі үшін Андрис Марисовичке алғыс білдіремін. Наурыз айында қазақстандық көрермендер осынау балетті «Астана Опера» сахнасынан тамашалай алады, - деп атап өтті Алтынай Асылмұратова.Дәстүр бойынша Ресейдің Халық әртісі Андрис Лиепаның «Қолтаңбалар және бедел» жобасы жыл сайын өтеді. Гала-концерт бағдарламасына «Қасиетті көктем», «Петрушка», «Ұйқыдағы ару», «Жизель», «Талисман» және т.б. балеттердің үзінділері енген. Дегенмен де, кештің басты оқиғасы Лев Баксттың қайта жаңғыртқан декорациялары мен костюмдері бар «Шехеразада» шығыс ертегісінің көрсетілімі болмақ.Алтын құл партиясын жас дарын, «Астана Опера» жетекші солисі, Қазақстанның еңбек сіңірген қайраткері Бақтияр Адамжан орындайды. Барша әлемнің балет сыншылары мен көрермендері «Астана Опера» премьерінің ғаламат секірулеріндегі үлгілі академиялық форманы сақтай алатын тамаша самғауларына» толық көлемде бағасын берді. Жетекші солист керемет орындау техникасына, сирек кездесетін жеке-дара харизмаға ие, әртіс көрермен назарын өзіне аударып, оларды соңынан ілестіре алады. Нәзік шығыс аруы Зобеиданың партиясында – театрдың жас әрі болашағы жарқын солисі Анастасия Заклинская. Шахриар мен Шахезманды тамаша актерлік шеберлік иелері Жәнібек Иманқұлов пен Ильдар Шакирзянов ұсынбақ. Бас белсіз рөлінде – харизмалық биші Олжас Маханбетәлиев. Күңдер – Мөлдір Шәкімова, Аделина Төлепова, Еркежан Жүнісова, Марико Китамура, Сэйка Тоносаки, Назира Заетова.Қазақстандық әртістермен қатар, гала-концертке «Ковент-Гарден» Корольдік театрының премьері Вадим Мунтагиров пен Дарья Климентова, сондай-ақ әлемдік балеттің ең жарық жұлдыздары: Юлия Махалина («Мариин театры»), Татьяна Мельник («Мемлекеттік Венгр опера театры»), Элеонора Севенард («Ресей Үлкен театры»), Бруклин Мак («Вашингтон балеті»), Ксандер Париш («Мариин театры»), Денис Родькин («Ресей Үлкен театры») және т.б. қатысады.Еске салар болсақ, 2019 жылдың 12 наурызында ХХ ғасырдың басындағы ұлы биші әрі хореограф, Сергей Дягилевтің «Орыс маусымдары» жұлдызы Вацлав Фомич Нижинскийдің туғанына 130 жыл толады. Ол өзінің балет партияларымен сол дәуірдегі көптеген балериналардың атақ-даңқын басып-озған әлемдегі алғашқы ер бишілердің бірі болған. Оның икемділігі мен әртістік харизмасы оған әлемдік танымалдылық әкелді.Кеш жүргізушісі әрі режиссері –  Ресейдің Халық әртісі Андрис Лиепа.Концерт бір үзіліспен 2 бөлімде өтеді.Ақпарат көзі : https://www.gov.kz/memleket/entities/tsm/press/news/details/18668?lang=kk