Жаңаөзен қаласында ҚР ІІМ Ұлттық ұланының «Батыс» өңірлік қолбасшылығына қарасты 5548 әскери бөлімінің әскери қызметшілері нөсер жауын салдарынан болған су басу зардаптарын жою жұмыстарына қатысты.50-ден астам мерзімді әскери қызметші мен 3 техника бірлігі ауа райының қолайсыздығы салдарын жоюға жедел кірісті. Су жиналған 25 учаскеде жұмыс жүргізіліп, әскери қызметшілер суды сорып шығару және қорғаныс бөгеттерін тұрғызу жұмыстарын атқарды.Үйлесімді әрі кәсіби іс-қимылдың нәтижесінде жағдай тұрақтандырылып, қала тұрғындарының қауіпсіздігі қамтамасыз етілді, сондай-ақ зардап шеккендерге қажетті көмек көрсетілді.Жаңаөзен тұрғындары әскери қызметшілерге жеделдігі, батылдығы және жанашырлығы үшін шынайы алғыстарын білдірді.Айта кетейік, Ұлттық ұлан төтенше жағдайлардың салдарын жоюға белсенді қатысып, қиын сәттерде азаматтарға әрдайым көмек көрсетіп келеді. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1210034?lang=kk

Ұлттық ұланда енгізілген жаңа бастаманың басты ерекшелігі – үздік сарбаздардың әскери қызмет барысында-ақ кіші сержант шенін иелену мүмкіндігі.Кіші сержант Нұркелді Жайылхан – осы мүмкіндікті пайдаланған сарбаздардың бірі. Ол ҚР ІІМ Ұлттық ұланының оқу орталығында арнайы дайындықтан өтіп, әскери шенге ие болды. Қазіргі уақытта Астана қаласындағы 5573 әскери бөлімінде Отан алдындағы борышын өтеп жүр.Айта кетейік, оқу орталығында алғаш рет білімі мен біліктілігін дәлелдеген үздік сарбаздарға кіші сержант шені табысталды. Іріктелген жауынгерлер оқу-жаттығу жиындарынан өтіп, тағылымдамадан кейін жас сарбаздарды үйретуге тартылды.Бүгінде олар дабыл кезінде бөлімшені ұйымдастырып, жауынгерлік тапсырмаларды орындауға жетекшілік етеді. Сонымен қатар патрульдік топ бастығы ретінде қоғамдық тәртіпті қамтамасыз етуге қатысады.Жалпы, бұл мүмкіндік 30 сарбазға берілді. Бастаманың тиімділігі – сарбаздар әскери қызметтен кейін уақыт жоғалтпай, күштік құрылымдарда қызметті бірден кіші сержант шенінен бастай алады.Бұл жоба жас әскери қызметшілердің кәсіби деңгейін арттырып қана қоймай, олардың қызметке деген ынтасын едәуір күшейтіп отыр. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1210035?lang=kk

7 мамыр – Отан қорғаушылар күні қарсаңында елімізде патриоттық рухты көтеретін, әскери қызметтің заманауи келбетін танытатын идеялар ерекше маңызға ие. Осындай тың бастамалардың бірі – ҚР ІІМ Ұлттық ұланы жүзеге асырып жатқан National Guard Next Generation жобасы. Ал Guard Next аталған ауқымды жобаның музыкалық бағыты.Guard Next аясында Ұлттық ұланның үлгілі-көрсетілімді оркестрі Астана қаласындағы жоғары оқу орындарында өнер көрсетіп, студенттерге ерекше музыкалық кеш сыйлауда. Бұл концерттер тек мәдени шара ғана емес, сонымен қатар жастарды Отан қорғау ісіне баулитын, олардың әскери қызметке деген қызығушылығын арттыратын маңызды алаңға айналып отыр.Әскерилерден құралған үрмелі аспаптар оркестрі әлемдік хиттер мен отандық әндерді жаңа форматта ұсынып, тыңдарманға ерекше әсер қалдыруда. Заманауи поп-попуррилер мен ретро әуендердің үйлесімі жастарға жақын атмосфера қалыптастырып, әскердің тек қатаң тәртіп қана емес, рухани-мәдени әлеуеті жоғары орта екенін көрсетеді.Сонымен қатар, концерттік бағдарламадағы әскери дефиле элементтері мен Құрмет қарауылы ротасының көрсетілімдері кештің әсерін күшейтіп, көрерменге ұмытылмас эмоция сыйлайды.Осы ретте мұндай бастамаларда «Заң мен тәртіпті» насихаттаудың маңызы ерекше, өйткені құқықтық мәдениеті жоғары қоғам ғана тұрақты дамып, қауіпсіз әрі әділетті орта қалыптастыра алады.Әскери қызметтің негізінде жатқан тәртіп, жауапкершілік және заңға құрмет секілді құндылықтар концерттік бағдарламалар арқылы көрініс тауып, жастарға нақты үлгі болады.Айта кетейік, жуырда дәл осы National Guard Next Generation мега жобасы аясында "BOOKGUARD" әдеби челленджі бастау алған болатын. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1210038?lang=kk

Елордада ASTANA SWIM CHALLENGE халықаралық форматтағы жүзу додасы өтті. Open Water Pool (OPW) форматында ұйымдастырылған беделді жарыста ҚР ІІМ Ұлттық ұланының әскери қызметшісі Нұртас Әлібеков үздік нәтиже көрсетті.Жарыс барысында қатысушылар бассейн периметрі бойынша арнайы белгіленген бағытпен жүзіп, өзара мықтыны анықтаған. Бұл формат ашық суда жүзу жағдайын имитациялаумен ерекшеленеді.Нәтижесінде қатардағы Нұртас Әлібеков 18 жастан жоғары санаттағы қарсыластарынан оқ бойы озып, І орынды иеленді.Сондай-ақ ұландық спортшы абсолюттік есепте үздіктер қатарынан табылып, ІІІ орынға тұрақтады.Әскери қызметшінің бұл жетістігі – Ұлттық ұлан жауынгерлерінің тек қызметте ғана емес, спортта да биік белестерді бағындыра алатынын дәлелдейді. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1210041?lang=kk

ҚР ІІМ Ұлттық ұланы Бас қолбасшылығының әскери қызметшілері, сондай-ақ 6636 және 5573 әскери бөлімдерінің жеке құрамы республикалық «Таза Қазақстан» бастамасы аясында елордада өткен ауқымды экологиялық акцияға қатысты.Іс-шара барысында ұландықтар аулалар мен қоғамдық жерлерді санитарлық тазалау, аула аумақтарын, балалар және спорт алаңдарын абаттандыру жұмыстарына атсалысты.Әскери қызметшілер қоршаған ортаға жанашырлықпен қарау мәдениетін қалыптастыруға, тазалыққа жауапкершілікті арттыруға бағытталған экологиялық айлықты қолдап, қала тазалығына өз үлестерін қосты.Акция Мемлекет басшысының бастамасын қолдау мақсатында өтіп, ұландықтардың қоғамдық маңызы бар істерге белсенді қатысатынын тағы бір мәрте көрсетті.Айта кетейік, «Таза Қазақстан» акциясы құқықтық тәртіп әскерлерінің барлық бөлімшелерінде өткізіліп, әскери қызметшілерді ортақ мақсат - тазалық пен қоршаған ортаны сақтауға жұмылдыруда. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1210045?lang=kk

КЕГЕННІҢ "ЖАСЫЛ ҚАҚПАСЫ " АУҚЫМДЫ ЭКОЛОГИЯЛЫҚ АКЦИЯhttps://www.instagram.com/p/DXoaLZFDS3_/?igsh=MTY1Mm5pZzd5NjJnaA==Ақпарат көзі : https://www.gov.kz/memleket/entities/kegen-kegen/press/news/details/1210047?lang=kk

Егер осы тармақта өзгеше белгіленбесе, бірлескен кəсіпкерлік жүзеге асырылған жағдайда салық салу объектілері жəне (немесе) салық салуға байланысты объектілер осы бапта айқындалған тəртіппен есепке алынады жəне оларға салықтар салынады.Бірлескен қызмет туралы шарт (жай серіктестік нысанында) негізінде бірлескен кəсіпкерлік жүзеге асырылған жағдайда салық салу объектілері жəне (немесе) салық салуға байланысты объектілер осы Кодекстің 215-бабында айқындалған тəртіппен есепке алынады жəне оларға салықтар салынады.Осы Кодекстің ерекше бөлігінде салық салу объектілерін жəне (немесе) салық салуға байланысты объектілерді есепке алудың жəне оларға салықтар салудың өзгеше тəртібін көздейтін шаруа немесе фермер қожалықтарына қатысты арнаулы салық режимдері белгіленуі мүмкін.Ақпарат көзі : https://www.gov.kz/memleket/entities/kgd-astana/press/news/details/1210071?lang=kk

Шымкент қаласында сыбайлас жемқорлыққа қарсы саясаттың жаңа бағдарламалық құжатын талқылауға арналған дөңгелек үстел өтті. Іс-шараға мемлекеттік органдардың өкілдері, квазимемлекеттік сектор субъектілері, қоғамдық ұйымдар, саяси партиялар, жоғары оқу орындарының ғалымдары мен сарапшылары қатысты.Жиынның негізгі мақсаты мемлекеттік органдар мен азаматтық қоғам институттары өкілдерінің қатысуымен сыбайлас жемқорлыққа қарсы жаңа бағдарламалық құжаттың мазмұнын жан-жақты талқылау, ұсыныс-пікірлерді жинақтау және тиімді шешімдер қабылдауға негіз қалыптастыру.Кездесу барысында 2022–2026 жылдарға арналған Сыбайлас жемқорлыққа қарсы саясат тұжырымдамасының іске асырылу барысы қорытындыланды. Қатысушылар қол жеткізілген нәтижелерді саралап, алдағы кезеңге арналған жаңа саясаттың басым бағыттарын айқындауға қатысты өз ұсыныстарын ортаға салды.Талқылау барысында бірқатар маңызды мәселелер көтерілді. Атап айтқанда, сыбайлас жемқорлыққа қарсы мәдениетті қалыптастыру тәсілдерін жаңғырту, қоғамда заң бұзушылыққа «нөлдік төзімділік» қағидатын орнықтыру, сыбайлас жемқорлықтың алдын алуда жасанды интеллект пен цифрлық технологияларды кеңінен пайдалану қажеттігі айтылды. Сонымен қатар, «тұрмыстық жемқорлық» ұғымын заңнамалық деңгейде нақтылау, квазимемлекеттік сектордағы комплаенс-қызметтердің тиімділігін арттыру, қолданыстағы заңнамадағы құқықтық нормаларға ревизия жүргізу мәселелері де күн тәртібінде болды.Жиында сөз сөйлеген ҚР Мемлекеттік қызмет істері агенттігінің Шымкент қаласы бойынша департаментінің басшысы Қанат Қадырбековтің айтуынша, биыл 2022–2026 жылдарға арналған тұжырымдаманы іске асырудың қорытынды кезеңі болып табылады. Осыған байланысты алдағы кезеңге арналған жаңа стратегиялық құжат әзірленіп жатыр.Оның сөзінше, жаңа құжатта бес негізгі бағыт айқын. Біріншіден, сыбайлас жемқорлыққа қарсы мәдениетті трансформациялау арқылы қоғамда заң бұзушылыққа мүлдем төзбеушілік қалыптастыру көзделуде. Бұл бағыт тәрбиеден, қоғамдық сана мен құндылықтар жүйесінен бастау алады. Екіншіден, салаға жасанды интеллект пен цифрландыру мүмкіндіктерін кеңінен енгізу жоспарланып отыр. Үшіншіден, комплаенс институтын дамыту, комплаенс-офицерлердің қызметін жетілдіру және олардың құқықтық негіздерін нығайту бағытында жұмыстар жүргізілуде. Төртіншіден, сыбайлас жемқорлық тәуекелдерін азайту мақсатында құқықтық актілерге кешенді талдау жасап, қажет болған жағдайда қайта қарау көзделген. Бесіншіден, алдын алу шараларын күшейту арқылы жүйелі әрі тиімді тетіктер қалыптастыру ұсынылды.— Биыл қолданыстағы тұжырымдаманы іске асырудың қорытынды жылы. Сондықтан келесі кезеңге арналған сыбайлас жемқорлыққа қарсы саясаттың жаңа бағытын айқындау мақсатында осындай кездесу ұйымдастырып отырмыз. Қоғам белсенділері, депутаттар, құқық қорғау органдарының қызметкерлері, бизнес өкілдері мен заңгер ғалымдардың ұсыныстары жаңа құжатты әзірлеуде маңызды рөл атқарады, — деді Қанат Қадырбеков.Дөңгелек үстел қорытындысы бойынша қатысушылар тарапынан айтылған ұсыныстар мен пікірлер жинақталып, жаңа бағдарламалық құжатты жетілдіру барысында ескерілетін болды.Жалпы, мұндай ашық форматтағы талқылаулар мемлекеттік саясаттың тиімділігін арттыруға, қоғам мен билік арасындағы өзара сенімді нығайтуға және сыбайлас жемқорлықтың алдын алуға бағытталған нақты қадамдарды айқындауға мүмкіндік береді.

Абу Даби, 2026 жылғы 27 сәуір – Қазақстан Респубикасының Сыртқы істер министрі Ермек Көшербаев Абу Даби Әмірлігін билеуші әулеттің аға өкілі шейх Сурур бен Мұхаммед Әл Наһаянмен кездесті.Сұхбат барысында министр Біріккен Араб Әмірліктері Қазақстан үшін ислам әлеміндегі сенімді әрі басты стратегиялық серіктес ел екенін атап өтті.Келіссөздер барысында тараптар екі ел халықтарының игілігі үшін қолға алынған уағдаластықтар мен жобаларды табысты жүзеге асыру, сауда-экономика, инвестиция салаларындағы ынтымақтастықты одан әрі нығайту мәселелерін талқылады.Өз кезегінде шейх Сурур бен Мұхаммед Әл Наһаян Қазақстан мен Әмірліктер арасындағы берік бауырластық қатынастардың қарқынды дамуына назар аударды.Кездесу соңында Қазақстан СІМ басшысы шейх Сурурдың екі ел арасындағы ынтымақтастықты нығайтуға қосқан елеулі үлесін атап өтіп, Әмірліктер халқына тыныштық пен бақ-береке тіледі.Ақпарат көзі : https://www.gov.kz/memleket/entities/mfa/press/news/details/1209965?lang=kk

Майндағы Франкфурт, 2026 жылғы 25 сәуір – Көктемнің жаңаруымен қатар жүретін Көрісу дәстүрінің жылылығы Майндағы Франкфурт төрінде ерекше сезілді. Шетелде жүрген отандастар бір-бірімен қауышып, амандық-саулық сұрасып, Наурыз мерекесін бірге қарсы алды. Осы рухани үндестік аясында Қазақстан Республикасының Майндағы Франкфурт қаласындағы Бас консулдығы мен «Отандас» қауымдастығының ұйымдастыруымен Франкфурттің көркем табиғатты Lohr паркінде көктемнің жаңаруын бейнелейтін ауқымды мерекелік іс-шара өтті. Табиғатпен үйлескен қазақы думан қонақтарға ерекше әсер сыйлап, мерекенің мәнін тереңдетіп, көңілдерін көтере түсті.Іс-шараға Германия Федеративтік Республикасында тұратын қазақстандық диаспора өкілдері, отандастар, сондай-ақ жергілікті тұрғындар мен қала қонақтары қатысты (шамамен 250 адам).Іс-шара барысында Қазақстан Республикасының Майндағы Франкфурт қаласындағы Бас консулы Тауболды Умбетбаев құттықтау сөз сөйлеп, Наурыз мерекесінің ұлттар арасындағы татулық пен келісімді, сондай-ақ дәстүр сабақтастығын айқындайтын маңыздылығын атап өтіп, елімізде жүзеге асырылып жатқан жаңа реформалар, жаңа Конституция және «Таза Қазақстан»науқаны  туралы ақпарат берді.Мәдени бағдарлама аясында вокалдық және хореографиялық қойылымдар ұсынылды. Іс-шараның негізгі көрнекі бөліктерінің бірі әртүрлі жас санатындағы қатысушыларды біріктірген «Қара жорға» жаппай флешмобы болды.Сонымен қатар, ұлттық ойындар мен спорттық жарыстар ұйымдастырылып, қатысушылардың белсенді қатысуына мүмкіндік жасалды. Жүлдегерлерге Қазақстан туралы кітаптар, сыйлықтар, кубоктар мен медальдар табысталды. Іс-шара барысында Қазақстанның мәдениеті, дәстүрлері және ұлттық тағамдары таныстырылған тақырыптық алаңдар жұмыс істеді.Көктемнің шаттығы мен ұлттық рухы тоғысқан бұл мереке Франкфурт қаласында ұмытылмас жылы әсер қалдырды. Бас консулдық «Отандас» қауымдастығына іс-шараны ұйымдастырғаны үшін, сондай-ақ барлық қатысушылар мен қонақтарға белсенді қатысқандары үшін алғыс білдіреді.Ақпарат көзі : https://www.gov.kz/memleket/entities/mfa-frankfurt/press/news/details/1209973?lang=kk

22 сәуір, Романсхорн, Хербругг – Қазақстан Республикасының Елшісі Қайрат Саржанов екіжақты экономикалық ынтымақтастықты дамыту және нығайту мақсатында инженерлік шешімдер мен геокеңістіктік технологиялар саласындағы жетекші швейцариялық ұйымдар  - «Brugg Group» холдингінің кәсіпорындарына және «Hexagon AB» құрамына кіретін «Leica Geosystems» компаниясына барды. Сапар аясында Geobrugg бас директоры Андреа Ротпен кездесу өтті. Тараптар компания қызметін Қазақстанда кеңейту перспективаларын, сондай-ақ инженерлік қорғаныс шешімдері саласында өндірісті жергіліктендіру мүмкіндіктерін талқылады. Табиғи-геологиялық жағдайлар мен заманауи инженерлік шешімдерге өсіп келе жатқан сұранысты ескере отырып, Қазақстан аталған бағытты дамыту үшін перспективалы алаң ретінде қарастырылуда.«Leica Geosystems» компаниясында елші Қазақстанда жүзеге асырылып жатқан жобалармен, соның ішінде картография және цифрландыру салаларындағы мемлекеттік органдармен ынтымақтастықпен танысты. «Hexagon AB» компаниясының «Scanning & Mapping» бөлімшесінің президенті Таня Бирнермен қазақ тарапымен өзара іс-қимылды кеңейту мәселелері талқыланды. Сонымен қатар, елші «Leica Geosystems» компаниясына Астана қаласында өткен Өңірлік экологиялық саммитіндегі Швейцария павильонын ұйымдастыруға және форумның іскерлік бағдарламасына қосқан үлесі үшін алғысын білдірді.Ақпарат көзі : https://www.gov.kz/memleket/entities/mfa-bern/press/news/details/1209978?lang=kk

Өтетін күні: 2 мамыр, 2026 жылӨтетін орны: Сарқан ауданы, Тополевка ауылы,«Жоңғар-Алатау» Мемлекеттік ұлттық табиғи парк2026 жылғы 2 мамырда Жетісу облысында көктемнің ең әсерлі табиғи оқиғаларының бірі – «Сиверс алма ағашының гүлденуі» фестивалі өтеді. Бұл – сирек кездесетін ерекше табиғи құбылысқа арналған маңызды шара.Іс-шара «Жоңғар-Алатау» мемлекеттік ұлттық табиғи паркінің аумағында, Сарқан ауданы Тополевка ауылының көркем маңында ұйымдастырылады. Бұл орын кездейсоқ таңдалған жоқ: дәл осы жерде жер шарындағы Сиверс жабайы алмасының ең ірі тоғайлары орналасқан. Ол – жер бетіндегі барлық мәдени алма сорттарының арғы тегі. Ғалымдардың бағалауынша, осы бірегей алманың әлемдік табиғи қорының шамамен 48%-ы Жетісу өңірінде шоғырланған.Жылына бір-ақ рет, көктемнің бірнеше аптасы ішінде тау беткейлері нәзік ақ және қызғылт гүлге оранып, алқаптарды нағыз көркем табиғи көрініске айналдырады. Осы кезеңде мыңдаған туристер, фотографтар мен саяхатшылар өңірге келіп, сирек табиғи құбылысты тамашалап, оның тарихымен танысып, фестиваль атмосферасын сезінеді.Фестиваль туризм саласының өкілдерін, экологтарды, ғалымдарды, БАҚ өкілдерін, тревел-блогерлерді, қолөнершілерді, мәдениет қайраткерлерін, сондай-ақ студенттер мен табиғат сүйер қауымды біріктіреді. Бұл шара экотуризмді дамытуға, табиғи мұраны сақтауға және өңірді халықаралық деңгейде танытуға арналған алаң болмақ.Іс-шара Қазақстанның республикалық іс-шаралар күнтізбесіне енгізілген, бұл оның маңыздылығы мен туристік тартымдылығын айқындайды.Биылғы фестиваль қонақтары үшін ерекше атмосфера ұсынылады. Хедлайнерлер «Bayansulu» және «Қуандық Рахым» сахнаға шығып, гүлдеген таулар аясында жарқын концерттік бағдарлама ұсынады.Фестиваль бағдарламасы:Сиверс алмасының гүлдеген бау-бақшаларының панорамалық көріністері;«Plein air» форматындағы суретшілер байқауы;Мәдени іс-шаралар;Ұлттық спорт ойындары;Қолөнер көрмелері және шеберлік сабақтары;Концерттік және ойын-сауық бағдарламалар.«Сиверс алмасының гүлденуі» фестивалі – Қазақстанның ең әсем табиғи құбылыстарының бірін тамашалап, таулар мен таза ауа аясында өткізуге, ұлттық мәдениетпен жақынырақ танысуға және ұмытылмас әсер алуға мүмкіндік береді.Жетісу сіздерді табиғаттың аңызына шақырады!Ақпарат көзі : https://www.gov.kz/memleket/entities/mfa-brazil/press/news/details/1210018?lang=kk

Қазақстанда жасанды интеллектті пайдалана отырып түсірілген фильмдерге арналған алғашқы халықаралық «Astana AI Film Festival» (AAIFF 2026) байқауыны өтеді. Елордада өткен баспасөз конференциясында жобаның тұжырымдамасы мен өтінім қабылдау тәртібі таныстырылды.Ұйымдастырушылардың айтуынша, фестивальдің негізгі оқиғасы жасанды интеллектпен әзірленген қысқаметражды фильмдердің халықаралық байқауы болмақ. Оған әлем елдерінің креаторлары тәжірибесіне де, кәсіби студиясының бар-жоғына да қарамастан қатыса алады.«Astana AI Film Festival» креативті индустриядағы жыл сайынғы маңызды оқиғаға әрі жаңа форматтар мен жаңа есімдерге арналған тұрақты халықаралық алаңға айналады деп күтілуде. Бұл ретте қатысу барлық ниет білдірушілер үшін ашық: өтінімдер командалардан да, жеке креаторлардан да қабылданады», - деді фестиваль ұйымдастырушыларының бірі, «Ozen» компаниясының негізін қалаушы Айзатулла Хуссейн.Өтінім қабылдау 2026 жылдың мамыр айында басталады. Туындыны фестивальдің ресми сайты арқылы жолдауға болады.«Байқау шарттарына сәйкес, қатысушылар ұзақтығы 10 минутқа дейінгі қысқаметражды AI-фильм әзірлеп, оны жобаның сипаттамасымен бірге фестивальдің лендинг-платформасына жүктеуі тиіс. Өтінімдер мамыр айынан тамыз айының соңына дейін қабылданады», - деп атап өтті фестиваль ұйымдастырушысы, «Brave Talents» компаниясының жетекшісі Алмас Жали.Еске сала кетейік, «Astana AI Film Festival» 2026 жылдың күзінде өтеді. Фестиваль киноиндустрия мен AI-технологиялардың тоғысындағы жобаларға арналған алаңға айналып, авторлардың, digital-креаторлардың, технологиялық компания өкілдерінің, сарапшылар мен инвесторлардың басын қосады.Өз сегментіндегі ең ірі фестивальдердің біріне айналуды көздейтін жобаның жалпы жүлде қоры 1 млн. АҚШ долл. құрайды. Жоба демеушілік және серіктестік қаражат есебінен жүзеге асырылмақ.Фестиваль аясында көрсетілімдер, AI-контентке арналған конференция, сондай-ақ авторлар мен продюсерлерге арналған питч-сессиялар өткізу жоспарланған. Ақпарат көзі : https://www.gov.kz/memleket/entities/mfa-brazil/press/news/details/1210019?lang=kk

Қарағанды, 27 сәуір – Қазақстан Республикасының Қарағанды облысына Гори, Каспи, Карели және Хашури муниципалитеттеріндегі мемлекеттік өкілі (губернатор) Симон Гуледани бастаған грузин делегациясы жұмыс сапарымен келді.Сапар аясында Қарағанды облысының әкімі Ермағанбет Бөлекпаевпен кездесу өтті. Тараптар сауда-экономикалық және инвестициялық салалардағы ынтымақтастықты кеңейту перспективаларын талқылады. Келіссөздер қорытындысы бойынша Қарағанды мен Гори қалалары арасында бауырлас байланыс орнату туралы меморандумға қол қойылды. Бұл құжат Қазақстан мен Грузия арасындағы өңіраралық ынтымақтастықты нығайтудың маңызды қадамы болды.Аймақ басшысы өңірдің өзара тиімді серіктестік үшін ашық екенін айтып, өнімі әлемнің 50-ден астам еліне, соның ішінде Грузияға жеткізілетін облыстың экспорттық әлеуетінің зор екенін атап өтті. Сонымен қатар, тауар айналымын арттыру және іскерлік байланыстарды жандандыру қажеттігі айтылды. Туризм саласындағы ынтымақтастықты дамытуға, сондай-ақ инвестициялар тартуға қолайлы жағдайлар жасауға ерекше назар аударылды.Грузия тарапы өзара іс-қимылды одан әрі тереңдетуге қызығушылық білдірді. Симон Гуледанидің айтуынша, туризммен қатар ауыл шаруашылығы, тамақ өнеркәсібі және құрылыс материалдарын өндіру салаларында да ынтымақтастықтың әлеуеті зор.Гори қаласының мэрі Константин Бузаладзе Қарағандының Қазақстандағы Гори қаласының алғашқы бауырлас қаласы болатынын атап өтіп, жылы қабылдау үшін алғыс білдірді және экономикалық, туристік және басқа да бағыттардағы ынтымақтастықты дамытуға дайын екенін жеткізді.Меморандумға қол қою Қазақстан мен Грузия арасындағы өңіраралық байланыстарды кеңейтуге, экономикалық ынтымақтастықты нығайтуға және гуманитарлық қатынастарды тереңдетуге жаңа мүмкіндіктер ашады.Ақпарат көзі : https://www.gov.kz/memleket/entities/mfa-tbilisi/press/news/details/1209955?lang=kk

              Мемлекеттік кірістер комитеті сыртқы экономикалық қызметке қатысушылардың назарына жаңа KEDEN ақпараттық жүйесінің енгізілуіне байланысты және кедендік декларацияларды шығару кезінде тәсілдерді ортақ тәртіпке келтіру мақсатында, 2026 жылғы 4 мамырдан бастап транзиттік декларацияны пайдалана отырып кедендік декларациялау үшін алынатын алым мен кедендік алып жүру үшін алынатын алым «Мемлекеттік кірістер органдары өндіріп алатын кедендік алымдардың мөлшерлемелерін бекіту туралы» Қазақстан Республикасы Үкіметінің 2018 жылғы 5 сәуірдегі № 171 қаулысымен бекітілген «Қазақстан Республикасының кеден заңнамасына сәйкес төленетін кедендік алымдар» 106201 БСК-да жүргізілуі тиіс екенін жеткізеді.          Осы уақытқа дейін транзиттік декларацияны пайдалана отырып, кедендік декларациялау үшін алым төлеу «Еуразиялық экономикалық одақтың және Қазақстан Республикасының кеден заңнамасына сәйкес алдағы кедендік төлемдерді, салықтарды, арнайы, демпингке қарсы, өтемақы баждарын төлеу есебіне, сондай-ақ кедендік баждарды, салықтарды, арнайы, демпингке қарсы, өтемақы баждарын төлеу жөніндегі міндеттердің орындалуын қамтамасыз ету ретінде енгізілетін аванстық төлемдер» 106119 БСК-да жүргізілгенін ескере отырып, төлеушілерге 106119 БСК-да бұрын төленген сомаларды есепке жатқызуды немесе есеп айырысу шотына қайтаруды жүзеге асыруға мүмкіндік беріледі.           106119 БСК-да төленген сомаларды есепке жатқызу немесе қайтару үшін тіркелген орны бойынша Мемлекеттік кірістер басқармасына «Салық төлеушінің кабинеті» веб-қосымшасы (https://knp.kgd.gov.kz) арқылы немесе «Азаматтарға арналған үкімет» мемлекеттік корпорациясы» КЕАҚ арқылы қағаз тасымалдағышта Салықтарды, бюджетке төленетін төлемдерді, кедендік төлемдерді, өсімпұлдарды, пайыздар мен айыппұлдарды есепке жатқызуды және (немесе) қайтаруды жүргізуге арналған салықтық өтінішті беру қажет.Ақпарат көзі : https://www.gov.kz/memleket/entities/kgd/press/news/details/1209920?lang=kk

Астана, 2026 жылғы 27 сәуір – Қазақстан Республикасының Сыртқы істер министрлігінде Қазақстан Республикасы Сыртқы істер министрінің орынбасары Әлібек Бақаев пен Сингапур Республикасы Сыртқы істер министрлігінің Тұрақты хатшысының орынбасары Кевин Чеоктың қатысуымен Қазақстан-Сингапур саяси консультацияларының бесінші раунды өтті.Консультациялар барысында Қазақстан мен Сингапур арасындағы өзара іс-қимылдың қазіргі жай-күйі мен даму перспективалары жөнінде мазмұнды пікір алмасу өткізілді. Саяси диалогты одан әрі нығайтуға, шарттық-құқықтық базаны кеңейтуге және жоғары әрі биік деңгейдегі байланыстарды жандандыруға өзара ұмтылыс расталды.Сауда-экономикалық және инвестициялық ынтымақтастықты кеңейтуге басым назар аударылды. 2025 жылдың қорытындысы бойынша өзара сауда көлемі 954,4 млн АҚШ долл. жетіп, орнықты оң серпін көрсеткені атап өтілді. Қаржы саласында, цифрландыруда, «ақылды» қалаларды дамытуда, жасыл экономикада, көлік-логистикалық инфрақұрылымда, сондай-ақ білім беру мен инновациялар саласында серіктестікті тереңдетудің айтарлықтай әлеуеті бар екені атап өтілді.Ә.Бақаев сингапурлық бизнеске еуропалық және жаһандық нарықтарға шығу үшін қауіпсіз, тиімді әрі коммерциялық тұрғыдан тартымды бағыттарды қамтамасыз ете алатын Қазақстанның транзиттік-логистикалық әлеуетінің ерекше маңыздылығын атап өтті.Сонымен қатар халықаралық және өңірлік күн тәртібінің өзекті мәселелері, сондай-ақ БҰҰ мен Оңтүстік-Шығыс Азия мемлекеттері қауымдастығы (АСЕАН) аясындағы өзара іс-қимыл бойынша пікір алмасу өтті.Келіссөздер қорытындысы бойынша тұрақты саяси диалогты жалғастыруға және екіжақты ынтымақтастықты одан әрі серпінді дамытуға өзара дайындық расталды.Ақпарат көзі : https://www.gov.kz/memleket/entities/mfa/press/news/details/1209878?lang=kk

Астанада Орталық Азиядағы экология және тұрақты даму мәселелерін талқылау үшін мемлекет басшыларын, қоғам қайраткерлерін, саясаткерлер мен зерттеушілердің басын қосқан Өңірлік экологиялық саммит өз жұмысын аяқтады.22-24 сәуір аралығында Саммит аясында 58 негізгі сессия ұйымдастырылды, оның ішінде 21 жоғары деңгейдегі сессия және Орталық Азия мемлекеттерінің 4 елдік сессиясы бар. Үш күн ішінде іс-шараларға 8 000-нан астам адам келгені тіркелді.Саммиттің пленарлық отырысында Орталық Азия елдерінің, Армения, Грузия, Моңғолияның Президенттері және Әзірбайжан Республикасының Премьер-министрі сөз сөйледі.БҰҰ тарапынан Бас хатшының экономикалық және әлеуметтік мәселелер жөніндегі орынбасары Ли Цзюньхуа, Бас хатшының орынбасары, ЮНЕП атқарушы директоры – Ингер Андерсен, Бас хатшының орынбасары және БҰҰ ЕЭК атқарушы хатшысы – Татьяна Молчан қатысты.Саммитке Орталық Азия елдерінен, Армения, Әзірбайжан, Грузия, Германия, Беларусь, Түркия, Италия, Қытай, Камбоджа, Сербия, Моңғолия, Хорватиядан, Жапония, Ауғанстан, Ресей Федерациясынан және басқа да елдерден экология ведомстволарының басшылары, сондай-ақ Орталық Азия мен өзге елдердің су шаруашылығы, денсаулық сақтау, ауыл шаруашылығы, энергетика, ағарту, қаржы салаларының басшылары қатысты.Талқылаулар мен сессияларға ЕҚЫҰ, ЕО, ЭЫҰ, ИСЕСКО, ШЫҰ, ТМҰ, АӨСШК, ИӘБҒМҰ, АДБ, ЕҚДБ, ДБ, ЖКҚ, ИДБ сияқты халықаралық ұйымдардың өкілдері, шөлейттену, биоалуандылық,  химиялық заттар мен қалдықтар бойынша халықаралық конвенциялар мен келісімдердің хатшылықтары қатысты.ӨЭС-2026-ның басты қорытындысы — Орталық Азия мемлекеттері басшыларының«Орталық Азияның экологиялық ынтымақтастығы» декларациясының қабылдануы. Мемлекет басшылары биоалуандылық,  химиялық заттарды, қалдықтарды басқару және пластикпен ластануға қарсы күрес, атмосфералық ауаның сапасын жақсарту, жердің тозуы мен шөлейттенуіне қарсы іс-қимыл бойынша келіссөздерді қоса алғанда, көпжақты экологиялық процестер аясында бірлескен өңірлік ұстанымдар мен шешімдерді әзірлеу бойынша күш-жігерді жандандыру ниетін растады, сондай-ақ негізгі халықаралық платформаларда Орталық Азия елдерінің шоғырландырылған ұстанымын ілгерілетуге уағдаласты.Декларацияда Қазақстан Президенті Қасым-Жомарт Тоқаевтың БҰҰ құрылымында Халықаралық су ұйымын құру туралы бастамасы көрініс тапты.Бұдан бөлек, Декларация аясында Қазақстанның сирек кездесетін түрлерді және биоалуантүрлілікті қорғау халықаралық қорын құру, Каспий теңізінің су ресурстарын сақтау бойынша мемлекетаралық бағдарлама әзірлеу, Халықаралық планетаны көгалдандыру күнін жариялау және Орталық Азияға арналған климаттың өзгеруі мен жасыл энергетика жөніндегі жобалық кеңсе платформасында ынтымақтастықты іске асыру бастамалары қолдау тапты.БҰҰ-мен серіктестікте өңірлік экологиялық бастамаларды іске асыру бойынша 2026-2030 жылдарға арналған іс-қимыл бағдарламасы қолдау тапты. Іс-қимыл бағдарламасына Экология және климат бойынша өңірлік инвестициялық портфель, Экологиялық қызмет нәтижелілігіне өңірлік шолу, Табиғатқа негізделген шешімдер бойынша негіздемелік құжат, Циркулярлық экономика бойынша серіктестіктің негіздемелік бағдарламасы, «Жасыл мектеп» өңірлік платформасы енгізілді. Бұл бастамалар стратегиялық серіктестердің қатысуымен ӨЭС сессияларында таныстырылды және сол арқылы алдағы бес жылға Қазақстан мен өңір елдерінің БҰҰ жүйесімен бірлескен нақты практикалық іс-қимыл жоспары қалыптасты. Осылайша, Саммит күн тәртібінің ұзақ мерзімді институционалдық және практикалық жалғасын растайтынқол жеткізілген уағдаластықтарды дәйекті түрде іске асыру үшін тұрақты негіз қаланды.Саммитте бірқатар инвестициялық келісімдер мен стратегиялық серіктестік туралы меморандумдар қабылданды.Қазақстан Республикасының Үкіметі мен БҰҰ Қоршаған орта жөніндегі бағдарламасы арасында стратегиялық ынтымақтастық туралы негіздемелік келісім жасалды, оған сәйкес Алматы қаласында ЮНЕП-тің Орталық Азия бойынша субрегионалдық кеңсесі базасында Өңірлік экологиялық хаб құрылады.ҚР Энергетика министрлігі, ҚР Экология және табиғи ресурстар министрлігі мен Еуропалық қайта құру және даму банкі арасында Қазақстанның энергетикалық ауысуының «QaJET» елдік инвестициялық платформасын құру бойынша өзара түсіністік туралы меморандумға қол қойылды. 2035 жылға дейін кемінде 10 ГВт жаңартылатын энергия көздері қуаттарын іске қосу, шамамен 20 млрд доллар инвестиция тарту және шығарындыларды жыл сайын 20 млн тоннадан астамға азайту жоспарланып отыр. Сондай-ақ, «RES 2026 EXPO» жасыл технологиялар көрмесінің алғашқы күндерінде сомасы 2,3 млрд АҚШ долларынан асатын 17 құжатқа қол қойылды. Инвестициялардың негізгі көлемі ЖЭК-ті дамытуға, қалдықтарды басқаруға, өнеркәсіпті декарбонизациялау жобаларына және тыңайтқыштар өндірісіне бағытталған.Қазақстанның бастамасымен Саммит аясында Халықаралық су ұйымын құру бойынша консультациялар процесі іске қосылды,  оның қорытындысы бойынша жиынтық есеп дайындалады. Бұл есеп 2026 жылғы желтоқсанда Абу-Дабиде өтетін БҰҰ-ның су ресурстары жөніндегі конференциясында нақты нәтижелерге қол жеткізу мақсатында келіссөздердің келесі кезеңдері үшін нұсқаулық болады.Су күн тәртібін нығайтуға жоғары деңгейдегі парламентаралық диалог елеулі үлес қосты. ЕҚЫҰ Парламенттік ассамблеясының қатысуымен Орталық Азия елдерінің парламенттері мен ЕҚЫҰ Парламенттік ассамблеясы арасында су ресурстарын басқару бойынша өзара іс-қимылды дамытуға, заңнаманы жақындатуға және трансшекаралық ынтымақтастықтың тиімді тетіктерін ілгерілетуге бағытталған бірлескен іс-шаралар жоспарын дайындауға бастамашылық жасалды.Саммит сессиялары 8 негізгі бағытты ескере отырып өтті.Бейіндік сессиялардың қорытындысы бойынша бірқатар практикалық уағдаластықтарға қол жеткізілді. Орталық Азия өңірінің елдері Биоалуантүрлілікті сақтау жөніндегі өңірлік декларацияға қол қойып, Орталық Азиядағы экожүйелерді, сирек кездесетін түрлерді бірлесіп қорғауға, табиғи аумақтарды қалпына келтіруге және экологиялық дәліздерді дамытуға дайын екендіктерін растады.Қазақстанның бастамасымен жердің тозуына және шаңды дауылдарға қарсы қорғаныс орман белдеулері мен жасыл тосқауылдардың өңірлік жүйесі ретінде «Орталық Азияның жасыл қалқаны» резолюциясына қол қойылды, орман екпелерін құруға арналған учаскелер анықталды.Базель, Роттердам және Стокгольм конвенциялары хатшылығының жоғары деңгейде қатысуы химиялық заттарды реттеу және қауіпті қалдықтармен жұмыс істеу мәселелеріне ерекше мән берді. Сонымен қатар, Қазақстанда Стокгольм конвенциясы бойынша Өңірлік орталық құру туралы ұсыныс айтылды, бұл Орталық Азияның химиялық қауіпсіздікті басқару саласындағы институционалдық әлеуетін нығайтуға, тиісті зертханалар құруға және халықаралық міндеттемелерді орындауға жасалған маңызды қадам болмақ.Сондай-ақ, тараптар ФАО, IOFS және халықаралық серіктестердің қатысуымен ауыл шаруашылығының тұрақтылығын арттыруды жеделдету және Рио-конвенцияларының синергиясын практикалық қолдану бойынша Жол картасын дайындау туралы келісті. Бастама агросекторды климаттың өзгеруіне бейімдеуге, жердің тозуымен, шөлейттенуімен және биоәртүрліліктің жоғалуымен күресуге бағытталған.Қазақстанның бастамасымен БҰҰ Бас Ассамблеясы 2026 жылды тұрақты даму мақсатындағы Халықаралық еріктілер жылы деп жариялау туралы резолюция қабылдады.ӨЭС тақырыптық сессиясының қорытындысы бойынша азаматтардың экологиялық волонтерлікке тартылуын арттыруға және Каспий маңы мен Арал өңірлерінің өзекті мәселелерін шешу бойынша бірлескен іс-қимылдарды жүзеге асыруға қосымша серпін беру мақсатында «Caspian Sea Action Week 2026», «Green Aral: Volunteers for Life» келісімдеріне қол қойылды. Сондай-ақ, Орталық Азияның барлық елдерінен келген жастардың диалогы өтіп, олар Саммит қатысушыларына оның тақырыптық бағыттары бойынша Бірлескен мәлімдеме дайындады.Әлеуметтік саладағы маңызды нәтиже — Орталық Азия елдері мен ДДСҰ Еуропалық өңірлік бюросының «Арал теңізі өңірінің сау болашағы» Жол картасын іске асыру бойынша бірлескен декларацияға, сондай-ақ экология, халық денсаулығы және тұрақты даму мәселелерін біріктіретін «Біртұтас денсаулық» тәсілін енгізу, мониторинг және бірлескен зерттеулерді дамыту бойынша бірқатар меморандумдарға қол қоюы болды.«RES 2026 EXPO» халықаралық жасыл технологиялар көрмесі саяси декларациялардан нақты іс-қимылдарға тиімді көшуді қамтамасыз ету үшін өңір елдері мен серіктестердің басын қосты.120 павильонда әлемнің 30елінен 247 компания өз жетістіктерін ұсынып, 20 000-ға жуық қонақ үшін тікелей G2B-нетворкингін қамтамасыз етті.Қорытындылап айтқанда, қол жеткізілген уағдаластықтар Астанадағы 2026 жылғы Өңірлік экологиялық саммиттің тек диалог алаңы ғана емес, сонымен қатар күш-жігерді шоғырландыру, практикалық бастамаларды іске қосу және Орталық Азияның болашаққа бағдарланған бірыңғай экологиялық күн тәртібін қалыптастыру нүктесіне айналғанын растайды.Ақпарат көзі : https://www.gov.kz/memleket/entities/mfa-pretoria/press/news/details/1209886?lang=kk

Хельсинки, 2026 жылғы 27 сәуір - Қазақстанның Финляндиядағы Елшісі Азамат Әбдіраимов Финляндияның Сыртқы сауда және даму министрі Вилле Тавиомен кездесті.Кездесу барысында қазақстандық дипломат елімізде жүргізіліп жатқан экономиканы жаңғыртуға және инвестициялық ахуалды жақсартуға бағытталған реформалар туралы фин тарабына жан-жақты ақпарат берді.Тараптар Қазақстан мен Финляндия арасындағы қатынастардың қазіргі жағдайы мен даму перспективаларын талқылай отырып, екі ел арасындағы сауда-экономикалық ынтымақтастықты кеңейтуге және іскерлік байланыстарды тереңдетуге айрықша назар аударды. Уәкілетті органдар деңгейінде де практикалық өзара іс-қимылды одан әрі нығайтуға өзара қызығушылық бар екені атап өтілді.Алдағы уақытта өтетін Сауда-экономикалық ынтымақтастық жөніндегі Үкіметаралық комиссия отырысына дайындық мәселесіне ерекше көңіл бөлінді. Бұл отырыс практикалық өзара іс-қимылды дамытуға және бірлескен бастамаларды іске асыруға қосымша серпін беруге тиіс.Кездесу қорытындысы бойынша тараптар конструктивті диалогты жалғастыруға әрі өзара тиімді ынтымақтастықты одан әрі нығайтуға дайын екендерін растады.Ақпарат көзі : https://www.gov.kz/memleket/entities/mfa-helsinki/press/news/details/1209893?lang=kk

2026 жылғы 24 сәуірде Астанада өткен Өңірлік экологиялық саммиттің үшінші күні аясында экология саласында заманауи цифрлық шешімдер мен жасанды интеллект технологияларын қолдануға арналған тақырыптық панельдік сессия өтті.Іс-шараны ҚР Экология және табиғи ресурстар министрлігінің «Қоршаған ортаны қорғаудың ақпараттық-талдау орталығы» ШЖҚ РМК ұйымдастырып, ҚР Жасанды интеллект және цифрлық даму министрлігінің қолдауымен өткізілді. Талқылауға халықаралық сарапшылар, оның ішінде Olena Bura мен Nicholas Smith қатысты.Сессия модераторы, IDC вице-президенті Андрей Беклемишев диалог пен ынтымақтастықтың негізгі бағыттарын белгіледі. ҚОҚ АТО бас директоры Асхат Кожумов KazDevLab IT-компаниясымен бірлесіп экологияда ЖИ-аналитиканы енгізу тәжірибесін ұсынды. ҚР ЖИЦДМ өңірлердің цифрлық даму департаментінің директоры Назгуль Бажаева ЖИ негізіндегі G2C жобалары туралы мәлімдеді, ал Орталық Азия климаттық ақпараттық платформасының үйлестірушісі Азамат Кауазов Орталық Азия климаттық порталының мүмкіндіктерін таныстырды.Сессия тәжірибе алмасу, салааралық өзара іс-қимылды дамыту және өңірде тұрақты күн тәртібін ілгерілету бағыттарын қалыптастыру үшін тиімді алаңға айналды.Ақпарат көзі : https://www.gov.kz/memleket/entities/mfa-pretoria/press/news/details/1209856?lang=kk

Орталық Азия елдерінің жас өкілдері 2026 жылғы Аймақтық экологиялық саммитке арналған Конгресс орталығында бас қосып, ортақ хабарламаны жеткізді: аймақтың болашағы жастардың тең құқылы серіктестер ретінде белсенді қатысуымен қалыптасуы керек.Баспасөз брифингінде Қазақстан, Қырғызстан, Тәжікстан, Түрікменстан және Өзбекстаннан келген делегаттар қоршаған ортаны қорғау мәселелеріне қатысты өздерінің үйлестірілген аймақтық көзқарастарын ұсынды және ынтымақтастыққа, білім беруге және практикалық іс-әрекетке негізделген тәсілді ұсынды. Іс-шара жастар көшбасшылары, халықаралық ұйымдар және БАҚ өкілдері арасында Орталық Азияның экологиялық күн тәртібіндегі негізгі мәселелер бойынша тікелей диалог алаңы ретінде қызмет етті.Іс-шараны аша отырып, ЮНИСЕФ өкілі Самман Дж. Тапа экологиялық тәуекелдер жастардың өміріне тікелей әсер ететінін атап өтті: «Жастар үшін бұл абстрактілі күн тәртібі емес - бұл олардың күнделікті шындығының және біздің ортақ болашағымыз».Ол сондай-ақ жастардың жүйелі түрде қатысу қажеттілігін атап өтті: «Жастардың климаттық күн тәртібіне қатысуы символикалық қимыл емес, тиімді және инклюзивті саясаттың қажетті шарты».Делегаттар өз баяндамалары барысында ұлттық тәжірибелермен қатар, аймақтық басымдықтармен бөлісті.Қырғызстан өкілі Аяна Уланова білім беру мен климаттық саясатты байланыстырудың маңыздылығын атап өтті: «Климаттық саясат, білім беру және жастардың қатысуы арасындағы тығыз байланыссыз тұрақты даму мүмкін емес».Тәжікстаннан келген делегат Рукния Ниозбекова жастардың практикалық шешімдердегі рөлін атап өтті: «Жастар тек мәселелерді көтеріп қана қоймай, сонымен қатар оларды шешуге қатыса алады — қоғамдастық деңгейінен бастап ұлттық процестерге дейін». Түрікменстан өкілі Чынар Гарлыева қолданбалы білім беру тәсілдерінің маңыздылығын атап өтті: ««Жасыл мектептер» бастамасы білім беру мен тәжірибені біріктіреді, жастарда экологиялық жауапкершілікті тәрбиелейді».Өзбекстаннан келген делегат Шахноза Рахманова жастар рөлінің өзгеруіне баса назар аударды: «Біз тек өзгерістердің пайдасын көрушілер ғана емеспіз; біз қазір оны жүзеге асыруда тең құқылы серіктеспіз».Қазақстан өкілі Әлімхан Абулхан ЮНИСЕФ қолдауымен дайындалған және ұлттық және аймақтық жастар климаттық конференцияларының нәтижелеріне негізделген Орталық Азия жастарының мәлімдемесін ұсынды. Ол Мәлімдемені әзірлеу процесінің ауқымдылығы мен инклюзивтілігін атап өтіп, құжат аймақ жастарының біріктірілген ұстанымын көрсететінін және саммитте қалыптасқан ұзақ мерзімді шешімдерге әсер етуді мақсат ететінін атап өтті.«Құжат Орталық Азия аймағындағы 1200-ден астам жастың пікірлерін көрсетеді және климатқа бейімделу, су қауіпсіздігі, ауа сапасы, экологиялық білім беру, жасыл дағдыларды дамыту және жастардың шешім қабылдауға қатысуын кеңейту салаларындағы басымдықтарды біріктіреді», - деді Әлімхан Әбілхан.Баяндамаларда ортақ тақырып Орталық Азия жастарының тек проблемаларды анықтап қана қоймай, сонымен қатар климаттық білім беру мен жасыл дағдыларды дамытудан бастап аймақтық ынтымақтастықты нығайтуға және жастардың қатысуын институционализациялауға дейінгі нақты шешімдерді ұсынуы болды.Талқылауда судың тапшылығы, мұздықтардың еруі, ауаның ластануы және мемлекетаралық ынтымақтастықты нығайту қажеттілігі сияқты негізгі аймақтық қиындықтар да қозғалды. Қатысушылар бұл мәселелердің бірлескен шешімдерді қажет ететінін, онда жастар бастамалары маңызды рөл атқара алатынын атап өтті.Соңында, спикерлер үкіметтерді, халықаралық ұйымдарды және серіктестерді жастардың қатысу мүмкіндіктерін кеңейтуге және қоршаған ортаны қорғау саясатын әзірлеу және енгізу кезінде олардың ұсыныстарын ескеруге шақырды.Баспасөз брифингінің соңында Орталық Азия жастарының аймақтың тұрақты және берік болашағын ілгерілетуде белсенді серіктес болуға деген міндеттемесі қайта расталды.Ақпарат көзі : https://www.gov.kz/memleket/entities/mfa-pretoria/press/news/details/1209864?lang=kk