Еліміздің жетекші аграрлық өңірлерінің бірі – Ақмола облысы егін жинауға кірісті. Жұмыстарға 7 мыңнан астам астық жинайтын комбайн тартылды, оның 4,8 мыңы – қазіргі заманғы жоғары өнімді модельдер, 2,7 мыңға жуық орғыш және 4,8 мың жүк көлігі. Күздік дақылдарды жинау бүгінде Зеренді және Сандықтау аудандарында аяқталды: 604 гектардан 1,7 мың тонна астық жиналды, орташа өнімділігі 27,4 ц/га, одан бөлек өнімділігі 10,7 ц/га болатын 47,8 мың га дәнді және бұршақты дақылдар тазартылды, 51,1 мың тонна астық орылды.Өңірде жалпы сыйымдылығы 4,3 млн тонна болатын 66 лицензияланған нан қабылдау кәсіпорны және сыйымдылығы 2,9 млн тонна болатын 1,5 мыңнан астам астық қоймасы жұмыс істейді. Астықты кептіру үшін жалпы өнімділігі тәулігіне 235 мың тоннаға жуық 264 бидай кептіргішті іске қосу жоспарлануда.Мал шаруашылығына жемшөп дайындау мақсатында 1,275 млн тонна шөп (жоспардың 96,5%-ы) және 99,3 мың тонна сүрлем (жоспардың 38,2%-ы) жиналды. Жемшөп дайындаудың жалпы жоспарына 3,171 миллион тонна жем – шөп, сүрлем, пішен, сабан және құрама жем кіреді.Жалпы 2025 жылы облыстың агроөнеркәсіптік кешенін қолдауға шамамен 233,5 млрд теңге бөлінді, оның 63,3 млрд-ы қайтарылмайтын субсидияларға, ал 170 млрд-ы «Кең Дала» және «Кең Дала-2», «Ауыл аманаты» бағдарламаларын және техниканың жеңілдетілген лизингін қоса алғанда, жеңілдетілген несиелер мен форвардтық сатып алуларға бағытталды. Биылғы 7 айда өңірде шаруалар 39,8 млрд теңгеден астам сомаға 1 115 бірлік ауыл шаруашылығы техникасын сатып алды, бұл өткен жылғы көрсеткіштен 1,4 есе артық.Ақпарат көзі : https://www.gov.kz/memleket/entities/aqmola-ush/press/news/details/1054373?lang=kk

Ақмола облысының диқандары Эстония портының инфрақұрылымын пайдалана отырып, бидайды Италия мен Бельгияға  экспорттап жатыр.Биылғы жылдың 7 айындағы деректерге сәйкес, Эстония порты арқылы 145 мың тонна астық жөнелтілді. Оның ішінде Бельгияға – 28 мың тоннадан астам, Италияға – 110 мың тонна, Эстонияға – 6,5 мың тонна экспортталды.Еске сала кетейік, ағымдағы жылдың ақпан айында облыс әкімі Эстония Республикасына жасаған жұмыс сапары аясында Ақмола облысы мен Muuga Grain Terminal астық терминалы арасында ынтымақтастық туралы меморандумға қол қойылған болатын. Бұл келісім өңір өнімдерінің еуропалық нарыққа шығуына жаңа мүмкіндіктер ашты.Жеткен уағдаластықтардың арқасында өңірдің ауыл шаруашылығы тауар өндірушілері эстондық терминал арқылы экспорттық жеткізілімдерді тікелей жүзеге асыру мүмкіндігіне ие болып, бұл жеткізу географиясын кеңейтуге және қазақстандық астықтың Еуропадағы позициясын нығайтуға жол ашты.Ақпарат көзі : https://www.gov.kz/memleket/entities/aqmola-ush/press/news/details/1054378?lang=kk

Самар ауданында бақылау күні өтті20 тамыз күні Самар ауылындағы мәдениет үйінің акт залында аудан әкімі аппаратының басшысы Рауан Жәмпеисов бақылау күнін өткізді.Жиында 2025 жылдың алғашқы жартыжылдығындағы жұмыстардың қорытындысы шығарылды. Мемлекеттік қызмет көрсету, протоколдық тапсырмалардың орындалуы, азаматтардың өтініштерімен жұмыс, нормативтік-құқықтық базаны жетілдіру және мемлекеттік қызметшілердің әдеп нормаларын сақтау мәселелері қаралды.– «Басты міндет – мемлекеттік органдардың ашық жұмысын қамтамасыз етіп, тұрғындардың сұрақтарына дер кезінде жауап беру», – деп атап өтті Рауан Жәмпеисов.Кеңес қорытындысында жауапты мамандарға нақты тапсырмалар берілді. Сондай-ақ мемлекеттік қызметтердің сапасын арттыруға және азаматтардың мемлекеттік органдарға деген сенімін нығайтуға ерекше назар аударылды.Ақпарат көзі : https://www.gov.kz/memleket/entities/vko-samar/press/news/details/1054332?lang=kk

Кездесу соңында К.А. Пилалов азаматтардың жеке қабылдауын жүргізді, онда әділет органдарының қызметіне байланысты толық жауап берілді.Ақпарат көзі : https://www.gov.kz/memleket/entities/adilet-sko/press/news/details/1054334?lang=kk

Братислава, 2025 жылғы 19 тамыз – Қазақстанның Словакиядағы Елшісі Жанна Сағынова Еуропадағы Діни бостандықтар форумының (FOREF) президенті, Еуропалық одақтың ЕО аумағынан тыс жерлерде дін және наным бостандығын ілгерілету жөніндегі бұрынғы арнайы өкілі Ян Фигельмен кездесті.Тараптар Қазақстанның мультимәдениеттілікті дамыту, қоғамдық келісім мен конфессияаралық диалогты нығайтуға бағытталған саясатын талқылады.Әңгіме барысында Я.Фигельге 2025 жылғы 17–18 қыркүйекте Астанада өтетін «Діндер диалогы: болашақ жолындағы синергия» атты Әлемдік және дәстүрлі діндер лидерлерінің VIII съезіне ресми шақыру табысталды.FOREF президенті шақыруды ризашылықпен қабыл алып, Қазақстанның рухани дипломатияны ілгерілету жөніндегі бастамасының өзектілігін атап өтіп, оны қазіргі сын-қатерлер жағдайында халықтар арасындағы бейбітшілік пен келісімді нығайтудың тиімді құралы ретінде бағалады.   Ақпарат көзі : https://www.gov.kz/memleket/entities/mfa-bratislava/press/news/details/1054297?lang=kk

Брюссель, 2025 жылғы 20 тамыз – Қазақстан Республикасының Бельгия Корольдігіндегі, Еуропалық Одақтағы және Солтүстік Атлантикалық Шарт Ұйымындағы (НАТО) Төтенше және Өкілетті Елшісі Роман Василенко НАТО Бас хатшысы Марк Рюттеге сенім грамоталарын тапсырды.Сенім грамоталарын тапсырудың ресми рәсімінен кейін өткен кездесуде тараптар Қазақстан мен НАТО арасындағы ынтымақтастықтың жай-күйін, сондай-ақ халықаралық күн тәртібіндегі мәселелерді талқылады.Роман Василенко Қазақстан үшін НАТО-мен ынтымақтастықтың басты мақсаты БҰҰ қамқорлығымен өтетін бітімгершілік миссияларына қатысу үшін Қазақстан Республикасының Қарулы Күштерінің бітімгершілік бөлімшелерін даярлау болып табылатынын атап өтті.Кездесу қорытындысы бойынша тараптар Қазақстан Республикасы Қарулы Күштерінің бітімгершілік әлеуетін нығайту саласындағы ынтымақтастықты дамытуды жалғастыруға уағдаласты.Ақпарат көзі : https://www.gov.kz/memleket/entities/mfa-brussels/press/news/details/1054304?lang=kk

Бразилиа, 2025 жылғы 20 тамыз – Бразилия Федералдық округінің Халықаралық байланыстар хатшылығы бастама еткен «Елшіліктердің ашық есіктері» бағдарламасы аясында Қазақстан Елшілігінде дипломаттар бразилиялық оқушылармен кездесті.Жоғары сынып оқушыларынан құралған топқа Бразилия Федералдық округінің Халықаралық байланыстар жөніндегі хатшысының орынбасары Пауло Сезар Чавес және оларды ертіп жүрген мұғалімдер жетекшілік етті.Оқушылар үшін Қазақстан тарихы мен мәдениеті, қазақ тілі, ұлттық тағамдар мен табиғаты туралы арнайы таныстырылым жасалды. Сондай-ақ дәстүр бойынша бразилиялық оқушылар елшіліктің қызметі және дипломаттардың жұмысымен танысты. Қонақтарға елшілік аумағында экскурсия ұйымдастырылып, ұлттық қазақ тағамдары ұсынылды және естелік кәдесыйлар табыс етілді.Шара барысында бразилиялық оқушылар Қазақстанға және қазақ халқының мәдениетіне ерекше қызығушылық танытып, бірқатар тақырыптық сұрақтар қойды.«Елшіліктердің ашық есіктері» бағдарламасы Бразилиядағы мемлекеттік мектептердің жоғары сынып оқушыларына шетелдік дипломатиялық өкілдіктердің қызметімен тәжірибе жүзінде танысуға мүмкіндік береді. Бағдарлама оқушыларға халықаралық байланыстар мен мәдени алмасу әлеміне жол ашады.Ақпарат көзі : https://www.gov.kz/memleket/entities/mfa-brazil/press/news/details/1054322?lang=kk

30 тамызда аталып өтілетін Конституция күнінде Шымкентте әлеуметтік осал санаттағы балаларға біржолғы әлеуметтік көмек көрсетілуде. • Мүмкіндігі шектеулі балаларға 5 АЕК (19 660 теңге) көлемінде төлем төленеді. «Азаматтарға арналған үкімет» мемлекеттік корпорациясының қалалық филиалының мәліметінше, тізімге 8 323 бала енгізілген. • Жетім балалар мен ата-анасының қамқорлығынсыз қалған балаларға 20 АЕК (78 640 теңге) көлемінде жәрдемақы беріледі. Тізімге білім бөлімі ұсынған 673 бала кіреді. Шымкентте мұндай қолдау түрлі мерекелер қарсаңында көрсетілуде. Өткен жылы біржолғы төлемдер Наурыз мерекесіне, биыл Конституция күніне орайластырылды. Жәрдемақы алу үшін мемлекеттік органдарға хабарласудың қажеті жоқ. Аударым автоматты түрде жүзеге асырылады: • мүгедек балаларға – аналарының әлеуметтік шоттарына; • жетім балалар үшін – заңды өкілдерінің есепшотына. Айта кету керек, біржолғы көмек Шымкент қаласында мемлекеттік зейнетақы төлемдері базасында тіркелген жағдайда ғана төленеді. Егер отбасы басқа аймаққа көшкен немесе уақытша тіркеуді өзгерткен болса, есептеу жүргізілмейді. Сондықтан ерекше қажеттіліктері бар балалардың ата-аналарына тіркеудің өзектілігін тексеру ұсынылады.

Қолданушылар үшін ашықтық пен қолайлылықты арттыру мақсатында көлік құралдарының электрондық паспорттары (ҚКЭП) жүйесінің сыртқы сайты жаңартылды. Енді сайтта ҚКЭП мәртебесін тексеруге арналған жаңа онлайн-сервис қолжетімді.Бұл сервис арқылы көлік иелері электронды төлқұжатының жарамды-жарамсыз екенін жедел біле алады. Егер қателер салдарынан «жарамды» мәртебесі берілмесе, жүйе себебін автоматты түрде көрсетіп, оны түзету бойынша ұсыныс береді. Қызмет Қазақстанда, сондай-ақ Беларусь Республикасы мен Ресей Федерациясында рәсімделген төлқұжаттарды қамтиды.Сонымен қатар, сайттың жаңартылған нұсқасы ақпараттық тұрғыдан толықтырылып, навигациясы жеңілдетілді. Мұнда жеке тұлғаларға арналған ҚКЭП рәсімдеу жөніндегі қадамдық нұсқаулықтар орналастырылған: Қазақстанда автокөлік сатып алу кезінде, Еуразиялық экономикалық одақ елдерінен көлік әкелгенде немесе ЕАЭО-ға кірмейтін үшінші елдерден импорттаған жағдайда.Жүйемен тікелей жұмыс істейтін заңды тұлғалар үшін ЭПЖ-ге қосылу тәртібі туралы толық ақпарат берілген. Онда келісімшарт жасасу рәсімі, қажетті құжаттар тізімі және өзара әрекеттесуге қойылатын талаптар көрсетілген. Жеке бөлімде ҚКЭП рәсімдеу мен қолдануды реттейтін барлық қолданыстағы нормативтік-құқықтық актілер жинақталған. Сонымен бірге, жиі қойылатын сұрақтарға жауап берілетін бөлім бар, онда ҚКЭП-мен жұмыс істеудің негізгі қырлары түсіндірілген. Сондай-ақ пайдаланушылар толық байланыс деректерін, оның ішінде техникалық қолдау қызметімен байланыс арналарының барлығын таба алады.ҚКЭП дегеніміз не?Электрондық көлік паспорты – автомобиль туралы толық ақпаратты қамтитын цифрлық құжат: техникалық сипаттамалары, әкеліну және тіркелу тарихы, кәдеге жарату деректері жиналған. 2025 жылғы 1 қаңтардан бастап Қазақстанға әкелінген барлық көлік құралдарын алғашқы тіркеу үшін ҚКЭП болуы міндетті. Бұл талап көлік құралдарын тіркеу қағидаларында бекітілген. ҚКЭП тек Қазақстанда ғана емес, Еуразиялық экономикалық одаққа мүше елдерде – Ресей мен Беларусьта да қолданылады. Оның енгізілуі тіркеу рәсімін жеңілдетіп, жалған құжат жасау мен қателікке жол бермей, елдер арасындағы ақпарат алмасуды сенімді етті.  Жүйе қалай жұмыс істейді?Қазақстанда ҚКЭП-ның ұлттық операторы – «Ұлттық ақпараттық технологиялар» АҚ. Компания ақпараттық жүйенің жұмысын қолдайды, функционалын дамытады және мемлекеттік деректер базаларымен тұрақты интеграцияны қамтамасыз етеді.ҚКЭП-ға арналған деректер түрлі мемлекеттік органдардан түседі: Техникалық реттеу және метрология комитеті, Мемлекеттік кірістер комитеті, «Жасыл даму» АҚ, ІІМ және басқа ұйымдардан. Бұл көлік құралының толық цифрлық профилін қалыптастыруға мүмкіндік береді.Егер паспортта қандай да бір мәлімет көрсетілмесе, пайдаланушы тікелей тиісті ұйымға жүгінуі қажет. Мысалы, кедендік рәсімдеу туралы ақпарат жоқ болса – Мемлекеттік кірістер комитетіне, көлік құралының құрылымдық қауіпсіздігі жөніндегі мәліметтер үшін – Техникалық реттеу және метрология комитетіне, ал утилизациялық алым бойынша деректер болмаған жағдайда – «Жасыл даму» АҚ-на хабарласу керек.«Ұлттық ақпараттық технологиялар» АҚ бүкіл платформаның тұрақты жұмысын қамтамасыз етіп, қызметтерді жетілдіруде. Мақсат – ҚКЭП рәсімдеу мен пайдалану процесін мүмкіндігінше ыңғайлы әрі түсінікті ету.Қосымша сұрақтар бойынша 701 999 нөмірі арқылы байланыс орталығына хабарласуға немесе ҚКЭП жүйесінің ресми сайтындағы жаңа тексеру сервисін пайдалануға болады.Ақпарат көзі : https://www.gov.kz/memleket/entities/aqmola-selinograd/press/news/details/1054280?lang=kk

Жаңа Салық кодексінде бизнес пен азаматтардың өміріне оң әсер ететін бірқатар маңызды өзгеріс қамтылған. Бұл ретте аталған реформадағы жаңашылдықтарды дұрыс түсіндіріп, қолдану тәртібін қоғамға тиімді жеткізудің маңызы зрр. Осы мақсатта ҚР Қаржы министрлігі маңызды құжаттың негізгі ережелерін түсіндіруге арналған ауқымды ақпарат жұмысын (1 тамыздан бастап 24 қыркүйекке дейін жалғасатын) жүргізіп келеді.Бұл жұмыс әкімдіктер мен «Атамекен» ҰКП қолдауымен өткізіліп жатқанын айта кетейік. Кезекті семинар Ақтөбе облысында болды.Аталған өңірде минералды-шикізат ресурстарының айтарлықтай қоры шоғырланған. Облыста индустриялық-өнеркәсіп саласы жолға қойылған. Мұнда хром, никель, титан, фосфорит, калий және басқа да пайдалы қазбалар көп кездеседі.Салық жеңілдіктерін қолдану өңірдегі кәсіпорындарға кен орындарын игерудің кейінгі кезеңдерінде де өндірістік қызметін жалғастыруға мүмкіндік береді. Бұл өз кезегінде жұмыс орындарын сақтап қалуға, халықтың тұрақты табысын қамтамасыз етуге жол ашады. Осы шаралар өндіріс орындары шоғырланған кенттердегі өмір сапасына ықпал етіп, әлеуметтік инфрақұрылымның дамуына және жұмыс орындарын ашуға серпін береді.ҚМ МКК төрағасының орынбасары Жәнібек Нұржанов жаңа ұғымдар мен терминологиядағы тәсілдерді, КТС пен ҚҚС бойынша сараланған мөлшерлемелерді енгізу жайлы, ЖТС бойынша прогрессивті шкаланы, ҚҚС реформасы мен тиісті процестердің цифрландырылуы туралы, есеп түрлерінің азаюы мен АСР өзгерістерді қамтитын тұжырымдамалық жаңашылдықтар туралы кеңінен тоқталды.Сондай-ақ ведомство өкілі салық органдарының қызметін сервистік модельге көшіру туралы айтып берді, мұнда басты назар салық төлеушілермен өзара әрекеттесудің сапасына аударылмақ. Бұған қоса хабарламалар мен ықпал ету шаралары қарыз сомасына байланысты кезең-кезеңімен қолданылатыны айтылды.Қатысушылар жаңа нормаларды іс жүзінде қолдану, жаңа мөлшерлемелер бойынша салықтарды есептеу, цифрлы сервистерді пайдалану тәртібі және бұрын өткізілген декларацияларды түзету мәселелері бойынша көкейдегі сұрақтарын қойды. Спикерлер барлық сауалға жауап беріп, жыл соңына дейін әдістемелік ұсынымдар әзірленіп, МКК қосымшаларында оқыту модульдері іске қосылатынын түсіндірді. «Жаңа заңның негізгі мақсаттарының бірі — шағын және орта бизнесті қолдау, сондай-ақ салық жеңілдіктері жүйесі арқылы экономиканың басымдыққа ие салаларын ынталандыру», деді Ж.Нұржанов.Салық кодексінің нормаларын түсіндіру аясындағы келесі 10 семинар 25 тамызда Қызылорда қаласында өтеді.Ақпарат көзі : https://www.gov.kz/memleket/entities/minfin/press/news/details/1054283?lang=kk

KazAID пен ЮНИСЕФ кездесуі2025 жылғы 20 тамыз, Астана қ. – «KazAID» Қазақстандық халықаралық даму агенттігі басқарма төрағасы Аркен Арыстанов ЮНИСЕФ-тің Қазақстандағы өкілі Рашед Мустафа Сарвармен кездесті.Кездесу барысында тараптар Қазақстандағы ЮНИСЕФ-тің ағымдағы жобаларын, сондай-ақ жасанды интеллект дәуіріндегі балаларды қорғау саласындағы ықтимал ынтымақтастықтың перспективаларын талқылады.KazAID мен ЮНИСЕФ арасындағы серіктестік тұрақты даму мен халықтың әл-ауқатын арттыруға бағытталған бірлескен бағдарламаларды жүзеге асыру үшін күш-жігерді біріктіруге мүмкіндік береді.Ақпарат көзі : https://www.gov.kz/memleket/entities/kazaid/press/news/details/1054268?lang=kk

2025 жылғы 15 тамызда Қазақстан Республикасы Сыртқы істер министрлігінің Ерекше тапсырмалар жөніндегі елшісі – Алматы қаласындағы ҚР СІМ Өкілдік басшысы Жәнібек Әбдрашов Қазақстан Ұлттық ЮНЕСКО клубтарының Федерациясы ұйымдастырылған Turaqty Jol 6.0 ұлттық әлеуметтік экокампаниясы аясындағы жастар ECO FEST-тің қорытынды рәсіміне қатысты. Ақпарат көзі : https://www.gov.kz/memleket/entities/mfa-almaty/press/news/details/1054224?lang=kk

ТҰРАҚТЫ КОМИССИЯ ОТЫРЫСЫ ӨТТІАғымдағы жылдың 19 тамыз күні Бөрлі аудандық мәслихатының тұрақты комиссия отырысы депутат М.Дияровтың төрағалығымен өтті.Комиссия отырысында келесі мәселелер сессияның күн тәртібіне шығарылды:«Аудан әкіміне жүктелген функциялар мен міндеттердің орындалуы туралы» есебі туралыБөрлі аудандық санитариялық-эпидемиологиялық бақылау басқармасының жұмыс барысы мен аудан бойынша санитариялық-эпидемиологиялық тұрақтылықты қамтамасыз ету туралы2025-2026 жылдардың күзгі-қысқы жылыту маусымына дайындығы туралыБөрлі аудандық мәслихатының 2024 жылғы 19 желтоқсандағы №22-2 «2025-2027 жылдарға арналған Бөрлі ауданының бюджеті туралы» шешіміне өзгерістер енгізу туралыБөрлі аудандық мәслихатының 2024 жылғы 20 желтоқсандағы «2025-2027 жылдарға арналған Ақсай қаласы және ауылдық округтердің бюджет туралы» шешіміне өзгерістер енгізу туралыБөрлі ауданының әкімдігі жанындағы терроризмге қарсы комиссиясының құрамын бекіту туралыБөрлі аудандық мәслихатының 2025 жылғы 27 ақпандағы №24-5 «Бөрлі ауданы бойынша 2025-2029 жылдарға арналған жайылымдарды басқару және оларды пайдалану жөніндегі жоспарын бекіту туралы» шешімін жою туралы. Сонымен қатар, аудан, Ақсай қаласы және ауылдық округтер бюджеттерінің нақтылауы бойынша мәселелермен аудандық экономика және қаржы бөлімінің басшысы Г.Шамгонова баяндады. Мәслихат депутаттары К.Ермекбаев, С.Мурзашев, Б.Гадельшиев, С.Дуйсенов, А.Елеусинова бюджетке байланысты сұрақтар қойып, өз ұсыныстарын білдірді.  Ақпарат көзі : https://www.gov.kz/memleket/entities/burlin-maslihat/press/news/details/1054229?lang=kk

2025 жылғы 20 тамызда Қазақстан Республикасы Сыртқы істер министрлігінің Ерекше тапсырмалар жөніндегі елшісі – Алматы қаласындағы ҚР СІМ Өкілдік басшысы Жәнібек Әбдрашов Алматы индустриялық аймағының офисіне барып, оның барысында жүзеге асырылып жатқан инвестициялық жобалардың қызметімен танысты, олардың қатарында полиэтилен құбырлары мен тамшылатып суару желілерін өндіретін «Ирригатор Казахстан» Metzer Group зауыты, сондай-ақ кабель-өткізгіш өнімдерін шығаратын «Harmony Cable» зауыты бар. Ақпарат көзі : https://www.gov.kz/memleket/entities/mfa-almaty/press/news/details/1054239?lang=kk

«Қостанай қ. Қайырбеков-Курганская көшелерінің қиылысынан Совхозная көшесі 27, жылыжай комбинатына дейін д-300 мм су құбырын реконструкциялау» объектісі бойынша жаңа су құбыры желілерін қайта қосуға байланысты2025 жылғы 6 қазанда09:00-ден 22:00-ге дейінкелесі мекенжайлар бойынша ауыз су беру тоқтатылады:Жеке тұрғын үйлер:Қайырбеков көшесі: 360/1, 360/3, 360/5, 360/7, 362, 362А, 362/1, 362/2, 362/3, 362/4, 362/5, 362/6, 364, 364/1, 364/3, 364/5, 366, 366/2, 366/4, 366/6, 368, 368/1, 368/3, 368/5, 370, 372, 370/7, 370/5, 372/3, 372/1, 372/2, 372А, 370/4, 370/2, 370/6.Совхозная көшесі: 1–60 (барлық үйлер).Жылыжай комбинаты: 1, 4, 5, 8, 9, 10, 13А, 17, 14, 14А, 13, 15–28, 28А.«Қостанай-Су» МКК келтірілген қолайсыздықтар үшін кешірім сұрайды.Ақпарат көзі : https://www.gov.kz/memleket/entities/kostanai-kalasy-akimat/press/news/details/1079726?lang=kk

      Курчатов қаласында «Абай облысы, Курчатов қаласының жол инфрақұрылымын қайта құру» ауқымды жобаны жүзеге асыру басталды, нәтижесінде қала жолдарының 100 % жаңа жол төсемімен қамтылады. Жобаның жалпы құны 1,3 млрд теңгені құрайды, ағымдағы 2025 жылға 700 миллион теңге көлемінде қаржыландыру қарастырылған.Жұмыс қаланың негізгі және қосалқы көшелерінің жол жамылғысын ауыстыруды қамтиды.Мердігер «ПАВЛОДАРЖОЛДАРЫ» ЖШС ескі асфальт бетін алып тастау жұмыстарын бастап кетті.Бұл ұйым сонымен қатар облыстың көлік байланысын одан әрі нығайта түсетін маңызды жол нысаны — Курчатов-Павлодар тас жолының учаскесінің құрылысын аяқтауда.Ақпарат көзі : https://www.gov.kz/memleket/entities/abay-kurchatov/press/news/details/1054138?lang=kk

Күн тәртібінде келесі мәселелер қаралды:Алтай ауданы мәслихатының 2024 жылғы 25 желтоқсандағы № 24/2-VIII "2025-2027 жылдарға арналған Алтай ауданының аудандық бюджетін бекіту туралы" шешіміне өзгерістер енгізу туралы.Алтай қаласындағы қатты тұрмыстық қалдықтарды жинау, тасымалдау және қайта өңдеу.Қарау қорытындылары бойынша депутаттар Алтай ауданының бюджеті және Алтай қаласындағы қатты тұрмыстық қалдықтарды қайта өңдеу мәселелері бойынша сұрақтар қойып, ұсыныстар берді.Ақпарат көзі : https://www.gov.kz/memleket/entities/altay-maslihat/press/news/details/1054151?lang=kk

Шығыс Қазақстан облысы бойынша Мемлекеттік кірістер департаменті 2025 жылғы 15 наурызда басталған, микро және шағын бизнес субъектілері берген бақылау-кассалық машиналардың фискалдық чектері бойынша сыйақылар төлеуге бағытталған "salyq кэшбэк" пилоттық жобасының жалғасы туралы хабарлайды."Salyq кэшбэк" жобасына кез келген адам қатыса алады. Ол үшін тауарлар мен қызметтерге ақы төлеу кезінде фискалдық чек алу, "Amian" арнайы мобильді қосымшасындағы чектен штрих-кодты сканерлеу және сатып алу сомасының 2% мөлшерінде сыйақы алу қажет.Сыйақылар "it Analytics" ЖШС операторы арқылы "Amian"мобильді қосымшасын пайдалана отырып есептеледі."Amian" қосымшасын App Store және Google Play дүкендерінен тегін жүктеуге болады.Ақпарат көзі : https://www.gov.kz/memleket/entities/kgd-vko/press/news/details/1054152?lang=kk

KazAID пен  «KazAID» Қазақстандық халықаралық даму агенттігі АҚ кездесуі2025 жылғы 19 тамыз, Астана қ. – «KazAID» Қазақстандық халықаралық даму агенттігі басқарма төрағасы Аркен Арыстанов «Халықаралық бағдарламалар орталығы» АҚ басқарма төрағасы Әділ Құсмановпен кездесті.Кездесу барысында білім беру гранттарын ілгерілету және олардың танымалдылығын арттыру бойынша бірлескен жұмыс мәселелері қаралды, сондай-ақ ынтымақтастықты ресмилендіру тақырыбы да қозғалды.KazAID пен «Халықаралық бағдарламалар орталығы» АҚ арасындағы серіктестік білім беру және халықаралық ынтымақтастық саласында жаңа мүмкіндіктер ашып, академиялық мобильділік бағдарламаларына кеңірек қолжетімділікті және адами капиталды дамытуды қамтамасыз етеді.Ақпарат көзі : https://www.gov.kz/memleket/entities/kazaid/press/news/details/1054161?lang=kk

2025 жылғы 19 тамызда Самарқандта Ш. Рашидов атындағы Самарқанд мемлекеттік университетінде орналасқан Абай атындағы ғылыми-мәдени орталықта қазақтың ұлы ойшылы, ақыны және ағартушысы Абай Құнанбаевтың 180 жылдық мерейтойына арналған дөңгелек үстел өтті.Іс-шараны Қазақстан Республикасының Самарқанд қаласындағы Бас консулдығы Ш.Рашидов атындағы Самарқанд мемлекеттік университетімен бірлесіп ұйымдастырды.Қатысушылар қатарында - Ш. Рашидов атындағы Самарқанд мемлекеттік университетінің ректоры, техника ғылымдарының докторы, профессор Рустам Халмурадов, Халықаралық Орталық Азия зерттеулер институтының (МИЦАИ) директоры Эврен Рутбиль, Түркология институтының, өзбек тілі мен әдебиеті кафедрасының, классикалық әдебиет тарихы кафедрасының, орыс және шетел әдебиеті кафедрасының, Тәуелсіздік кезеңіндегі әдебиет және әдебиет теориясы кафедрасының, тәжік философиясы және шығыс тілдері кафедрасының профессорлары мен зерттеушілері болды.Дөңгелек үстелге қатысушылар Абай Құнанбаевтың рухани мұрасы – гуманизм, білімге деген ұмтылыс, толеранттылық пен бейбітшілік құндылықтары екенін атап өтті. Абай аударма шебері және әлемдік әдебиеттің терең аудармашысы болғандығы ерекше атап өтілді. Ол Пушкин, Лермонтов, Гете, Байрон, Шиллер, сондай-ақ Ұлы шығыс ақындары – Әлішер Навои, Фирдоуси, Низами, Саади, Хафиздің шығармаларын қазақ тіліне аударды. Абай Құнанбаев Ислам-Шығыс және орыс-еуропалық философияны біртұтас гуманистік тұжырымдамаға біріктіре алды. Сонымен қатар, Абай Құнанбаев Орталық Азиядағы лириканың жаңа формасының негізін қалап, қазақ мәдениетіне романс жанрын алғаш енгізгені атап өтілді. "Көзімнің қарасы", "Желсіз түнде жарық ай" және басқа да шығармалар бүгінде әлемнің жетекші сахналарында танымал эстрада және опера әншілерінің орындауында шырқалады.Дөңгелек үстел ғылыми көзқарастармен және мәдени түсіндірмелермен алмасу, қазақ-өзбек тілдік және әдеби байланыстарын талқылау, сондай-ақ Жастар, зерттеу қоғамдастықтары мен кең аудитория арасында Абай идеяларын насихаттауға бағытталған практикалық бастамаларды әзірлеу алаңы болды.Сонымен қатар, шара барысында Абай Құнанбаев шығармашылығын зерттеуші өзбекстандық ғалым, А.Науаи атындағы Ташкент мемлекеттік өзбек тілі және әдебиеті университетінің кафедра профессоры Баходир Каримов, Қазақстанның Өзбекстандағы Елшілігінің қолдауымен жарық көрген «Абай Маарифаты» («Абайдың ағартушылығы») атты өзбек тіліндегі кітабының тұсаукесері өтті.Дөңгелек үстел барысында Қазақстан Республикасының Самарқанд қаласындағы Бас консулы Талғат Шәріпов құттықтау сөз сөйлеп, Шараф Рашидов атындағы Самарқанд мемлекеттік университетіне және университет ректоры Рустам Ибрагимович Халмурадовқа осы іс-шараны тамаша ұйымдастырғаны және қазақ-өзбек мәдениетаралық байланыстарын нығайтуға жан-жақты жәрдемдескені үшін шын жүректен алғысын білдірді.Бас консул сондай-ақ Абайдың еңбектері өлмес екенін, уақыт өте келе олар өзекті болып, қоғамдық және мәдени-рухани өмір үшін бағдарларды айқындайтынын атап өтті.Іс-шара бауырлас халықтарымыздың арасындағы мәдени-гуманитарлық байланыстарды нығайтуға, мәдениетаралық диалогтың көкжиегін кеңейтуге және Орталық Азия елдерінің өткені мен болашағы арасындағы берік көпірге айналатын Абайдың ұлы тұлғасының мұрасын көрсетуге қызмет етті. Бүгінгі өзара іс-қимыл халықтар арасындағы гуманитарлық байланыстарды нығайтуда жаңа көкжиектер ашады.  Ақпарат көзі : https://www.gov.kz/memleket/entities/mfa-samarkand/press/news/details/1054162?lang=kk