2025 жылғы 19 және 20 тамызда «Саран қаласының жұмыспен қамту және әлеуметтік бағдарламалар бөлімі» ММ және «Саран қаласының орталықтандырылған кітапхана жүйесі» КММ-де Қазақстан Республикасында әлеуметтік көмектің скорингтік моделін енгізуді түсіндіру бойынша тұрғындармен кездесулер өтті. Скоринг моделі-бұл отбасының қалай өмір сүретінін және болашақта өзін қалай ұстай алатынын бағалау әдісі. Бұл бағалау кімге көмек пен қолдау қажет екенін түсінуге көмектеседі. Скорингтік модельді енгізу жергілікті бюджеттен мұқтаждарға атаулы түрде қосымша қолдау шараларын көрсетуге бағытталған, сонымен қатар ол республикалық бюджеттен төленетін әлеуметтік төлемдерге әсер етпейді.Ақпарат көзі : https://www.gov.kz/memleket/entities/social-saran/press/news/details/1053938?lang=kk

Ата-аналарға 20 млрд теңге аударылды-балалардың 87% - ы мектепке көмек алды"Жалпыға бірдей оқыту" қоры аясында ата-аналар мен заңды өкілдердің шоттарына мектеп формасын, аяқ киім мен керек-жарақтарды сатып алу үшін 20 млрд теңге аударылды. 430 мыңнан астам бала қолдау алды — бұл алушылардың жалпы санының шамамен 87% - ы, деп хабарлайды ҚР Білім министрлігі.2025 жылы көмек 500 мыңнан астам жетім балаларды, ата-анасының қамқорлығынсыз қалған балаларды, аз қамтылған отбасылардан шыққан балаларды, атаулы әлеуметтік көмек алушыларды, сондай-ақ өмірлік қиын жағдайға тап болған балаларды қамтиды.Бүгінгі таңда Астана мен Шымкентте қаражат толық көлемде төленді-отбасылардың 100% - ы көмек алды.2025 жылы қаржыландырудың жалпы көлемі 23,1 млрд теңгені құрайды. Төлем мөлшері мәслихат шешімі негізінде өңірлік бюджетке сәйкес айқындалады, бірақ бір балаға 46 228 теңгеден кем болмауы тиіс.2023 жылдан бастап материалдық көмек көлемі 2,5 есеге — 17 мыңнан 46 мың теңгеге дейін ұлғайды.Ақпарат көзі : https://www.gov.kz/memleket/entities/kostanai-kamysty-druzhba/press/news/details/1053942?lang=kk

Гонконг, 2025 жылғы 16 тамыз –  Қазақстан Республикасының ҚХР Гонконг және Макао АӘА-дағы Бас консулдығының қолдауымен Қазақстан жыл сайынғы АСЕАН кинофестиваліне алғаш рет қатысып, «Томирис» тарихи фильмінің көрсетілімін өткізді. Бұл шараға консулдық корпус өкілдері, қазақ диаспорасы мен Гонконгтың кино әуесқойлары қатысты. Бұл көрсетілім Орталық Азия мен Оңтүстік-Шығыс Азия арасындағы мәдени байланыстарды нығайтты.Қазақстан Бас консулы Бауыржан Досманбетов алғы сөздерінде осы дебюттің маңыздылығын атап, «Томирис»-тің көрсетілімін Қазақстан кино өнеріндегі тарихи оқиғаларының бірі ретінде бағалады. Ол фильмнің құндылығы тек оның көркемдік шебершілігінде ғана емес, Қазақ халқының рухын, тарихын және Ұлы Даланың мәдени мұрасының бейнелеуінде де екенін белгіледі. Сондай-ақ Бас консул Қазақстанның АСЕАН кинофестивалінде қатысуы кино өнер арқылы Қазақстан мен Оңтүстік-Шығыс Азия елдері арасындағы мәдени дипломатияны дамытуға септігін тигізетіндігін айтты.Режиссер Ақан Сатаевтың фильмі Орталық Азия тарихының аңызға айналған тұлғасы, Томирис ханшайымның өмірінен баяндайтын көркем көріністерге бай тарихи драма. Фильм оның массагет (сақ) тайпасының көшбасшысы ретіндегі өмірін суреттеп, Парсы патшасы Ұлы Кирге қарсы шайқасымен аяқталады.«Томирис» көрсетілімі фестиваль қонақтары арасында көп қызығушылық тудырды. Оның тереңдігінен зор әсер алған көрермендер Қазақстанның кинематографиялық шеберлігін және Ұлы Дала мұрасын жоғары бағалап, АСЕАН фестиваліндегі қазақ киносының дебюті жарқын болғанын белгіледі.Ақпарат көзі : https://www.gov.kz/memleket/entities/mfa-hongkong/press/news/details/1053921?lang=kk

Мемлекет басшысы Қасым-Жомарт Тоқаевтың бастамасымен «Таза Қазақстан» республикалық бағдарламасы аясында Шымкентте ауқымды экологиялық акция өтті. Шара қаланың барлық бес ауданын қамтыды. Қатысушылар көшелерді, аулаларды және қоғамдық орындарды қоқыс пен тұрмыстық қалдықтардан тазартты. Әл-Фараби ауданындағы «Теріскей» шағын ауданында No33, 35, 37 тұрғын үйлердің аулалары ретке келтірілді. Тұрғындар мен мемлекеттік қызметтердің бірлескен күшімен балалар ойын алаңдары мен жасыл аумақтар тазартылды. "Әр ауланың, көшенің, саябақтың тазалығы – ұрпаққа аманат. Бүгінгі сенбілік – экологиялық мәдениетті қалыптастыру жолындағы маңызды қадам. Сондықтан мұндай бастамаларға барша тұрғындардың атсалысуы өте маңызды", - деп акцияға қатысушылар өз пікірлерімен бөлісті. Абай ауданында «Ақжайық» шағын ауданындағы Асфендияров көшесі қоқыстан тазартылса, Еңбекші ауданында No30 мектептің айналасы ретке келтірілді. Қаратау ауданында, Нұртас шағын ауданындағы Кенжарық және Құлагер көшелері тазартылды. Тұран ауданының тұрғындары Темірлан тас жолы бойындағы көпқабатты үйлердің ауласын абаттандырды. Қалалық жастар ресурстық орталығы ұйымдастырған шараға қала жастары да белсене қосылды. Шара экологиялық жағдайды жақсартуға және қала аумағын абаттандыруға бағытталған. Қала тұрғындары жоғары әлеуметтік жауапкершілік пен тазалық пен тәртіпті сақтау бастамаларына белсенділік танытты. Акцияға қатысушылар мұндай шаралар экологиялық ахуалды жақсартып қана қоймай, қоғамдағы бірлік пен келісімді нығайтуға септігін тигізетінін атап өтті.

ШЫМКЕНТТЕ «ТАЗА ҚАЗАҚСТАН» БАҒДАРЛАМАСЫ АЯСЫНДА АУҚЫМДЫ ТАЗАЛЫҚ ЖҰМЫСТАРЫ ӨТТІШымкент қаласында Мемлекет басшысы Қасым-Жомарт Тоқаевтың бастамасымен қолға алынған «Таза Қазақстан» экологиялық бағдарламасы аясында кезекті тазалық акциясы ұйымдастырылды. Өткізілген тазалық шаралары қала тұрғындарының табиғатқа жанашырлықпен қарап, туған жерді көркейтуге деген жоғары белсенділігін көрсетті. Шымкент қаласының мемлекеттік сатып алу басқармасының ұжымы Республика даңғылы 46,48 үйлер ауласына тазарту жұмыстарын жүргізді. Жалпы бүгінде Шымкент қаласының тұрғындары «Таза Қазақстан» мемлекеттік бағдарламасының нақты нәтижесін көріп отыр. Қалада тазалық мәдениеті қалыптасып келеді, ал бұл бастамаға халықтың ықыласы күн санап артуда. Қала тұрғындарының пікірінше, мұндай бастамалар тек экологиялық ахуалды жақсартуға ғана емес, көршілер арасындағы сыйластық пен өзара ынтымақты нығайтуға ықпал етеді.«Тазалық – иманның жартысы» деп бекер айтылмаған. Бүгінгі өткізілген тазалық шарасы Шымкент қаласының жасыл келбетін сақтап қана қоймай, қоғам мүшелерін ортақ жауапкершілікке, табиғатты аялауға және туған жерді көркейтуге шақырып отыр.Ақпарат көзі : https://www.gov.kz/memleket/entities/shymkent-memlekettik-satyp-alu/press/news/details/1056972?lang=kk

Әділет департаменті еске салады: зейнеткерлер, мүгедектер, көпбалалы аналар, сондай-ақ заңнамада көзделген өзге де азаматтар санаттары адвокаттан тегін білікті заң көмегін алуға құқылы.Толығырақ ақпарат алу үшін Солтүстік Қазақстан облыстық адвокаттар алқасына мына мекенжай бойынша хабарласуға болады: Петропавл қаласы, Астана көшесі, 24-үй. Анықтама телефоны: 33-25-78. Ақпарат көзі : https://www.gov.kz/memleket/entities/adilet-sko/press/news/details/1053832?lang=kk

Алматы облысы өңірлік коммуникациялар қызметінің ақпараттық алаңында «Алатау» өңірлік ипотекалық бағдарламасының жүзеге асырылуы туралы ресми мәлімдеме жасалды. Бағдарламаның негізгі бағыттары туралы облыстың тұрғын үй-коммуналдық шаруашылық және абаттандыру басқармасының басшысы Димаш Қожабеков, «Отбасы банк» АҚ Алматы облыстық филиалы директорының орынбасары Ерболат Едіге мәлімдеді.Бағдарламаның басты мақсаты — мемлекеттік қызметкерлер мен спортшыларға, сондай-ақ бюджеттік сала мамандарына қолжетімді баспана беру. Бұл — өңірдің әлеуметтік тұрақтылығын қамтамасыз етудің маңызды қадамы.Бағдарлама аясында ипотекалық несиенің максималды сомасы 30 миллион теңгеге дейін, пайыздық мөлшерлемесі 5%-ды құрайды. Ал бастапқы жарна мөлшері — 10%. Алматы облысында кемінде соңғы 24 ай ресми жұмыс өтілі талап етіледі және өтініш берген кезде меншігінде тұрғын үйдің болмауы міндетті.«Отбасы банк» акционерлік қоғамының Алматы облыстық филиалы директорының орынбасары Ерболат Едіге бағдарламаның тиімділігі мен әлеуметтік маңыздылығын атап өтті. Ол азаматтарды берілген мүмкіндікті пайдалануға шақырды.Бағдарлама облыстық бюджеттен 3,146 миллиард теңге, ал «Отбасы банк» тарапынан қосымша 629 миллион теңге қаржы бөлінді. Бұл қаржы 120-дан астам азаматты баспанамен қамтамасыз етуге мүмкіндік береді.Өтінім қабылдау басталуы: 2025 жылғы 25 тамыз• Қабылдау орны: Қонаев қаласы, Қонаев көшесі, 7/1, «Отбасы банк» ғимараты, 1-қабат• Жұмыс уақыты:• Дүйсенбі – жұма: 09:00 – 18:00• Сенбі: 09:00 – 13:00• Жексенбі — демалыс.Ақпарат көзі : https://www.gov.kz/memleket/entities/almobl/press/news/details/1053835?lang=kk

Исламабад, 2025 жылғы 19 тамыз - Қазақстанның Пәкістандағы Елшісі Е.Қыстафин Пәкістанның жетекші жоғары оқу орны – Қайд-и-Азам университетіне барып, доктор Нияз Ахмад Ахтар бастаған ЖОО басшылығымен кездесу өткізді.Әңгімелесу барысында тараптар Қазақстан мен Пәкістанның жетекші оқу орындары арасындағы ынтымақтастықты одан әрі дамыту перспективаларын, сондай-ақ алдағы жоспарлар мен іс-шараларды талқылады.Келіссөздер қорытындысы бойынша екі елдің жоғары оқу орындары арасындағы өзара іс-қимылды одан әрі дамыту және нығайту туралы уағдаластыққа қол жеткізілді.Ақпарат көзі : https://www.gov.kz/memleket/entities/mfa-islamabad/press/news/details/1053841?lang=kk

«Toyota» және «Lexus» әуе, май және салон сүзгілері және басқа да бөлшектер сияқты сауда белгісімен заңсыз таңбаланған автомобиль бөлшектерін тарату, сақтау, сатуға ұсыну және сату фактісі тоқтатылды.Toyota Jidosha Кabushiki Кaisha компаниясының (сондай-ақ Тойота Мотор Корпорейшн ретінде сауда жасайтын) өтініші негізінде СҚО Әділет департаменті тауар белгісін заңсыз пайдалану фактісі бойынша Петропавл қаласының ЖК қатысты жоспардан тыс тексеру жүргізді. Тексеру нәтижелері бойынша жалпы құны 270 000 теңге болатын 34 бірлік мөлшерінде контрафактілік өнім партиясы анықталды.18 тамызда сот әкімшілік жауапкершілікке тарту туралы қаулы шығарды, 30 АЕК мөлшерінде айыппұл салды. Қаулы заңды күшіне енді.Ақпарат көзі : https://www.gov.kz/memleket/entities/adilet-sko/press/news/details/1053822?lang=kk

Өнеркәсіп өнімінің көлемі 8 260,2 млрд теңгені құрады, нақты көлем индексі – 115,5%.Тау-кен өндіру өнеркәсiбiнде 7 612,6 млрд теңгенің өнімі өндiрiлді, нақты көлем индексі – 117,1%.Өңдеу өнеркәсiбiнде өнiм көлемi 519,8 млрд теңгені құрады, нақты көлем индексі – 101,0%.Ауыл, орман және балық шаруашылығы өнімдерінің (қызметтерінің) жалпы шығарылымы 51,2 млрд теңгені құрады, өсім – 8,7%.Негізгі капиталға 796,8 млрд теңге инвестиция салынды, нақты көлем индексі – 69,9%.Құрылыс жұмыстарының көлемі 282,0 млрд теңгені құрады, нақты көлем индексі – 63,4%.Облыста 303,3 мың шаршы метр тұрғын үй пайдалануға берілді немесе 2024 жылдың қаңтар-шілдесімен салыстырғанда 88,4%.Сауда қызметінің көлемі 4 071,4 млрд теңгені құрады, нақты көлем индексі – 106,2%.Көлік және қоймалау қызметінің көлемі 20,4% артып, 460,8 млрд теңгені құрады. Ақпарат көзі : https://www.gov.kz/memleket/entities/atyrau-economy/press/news/details/1053829?lang=kk

Алматыдағы Қорғаныс министрлігінің әскери-клиникалық госпиталіне инновациялық диагностикалық кешендер келіп түсті. Олардың қатарында ANATOM 128 компьютерлік томографы, «Артдиагност-8» рентгендік диагностикалық кешені және «Флюарком» 12ФК1 цифрлық флюорографиясы бар. Жаңа жабдықтардың арқасында әскери дәрігерлер жоғары дәлдіктегі тексерулер жүргізуге, патологияларды қысқа мерзімде анықтауға және алғашқы белгілер пайда болғанға дейін пациент жағдайының объективті бейнесін қалыптастыруға мүмкіндік алады.Әскери-клиникалық госпиталь бастығы медицина қызметінің полковнигі Болатбек Саховтың айтуынша, жаңа жабдықты орнату материалдық базаны жетілдіруге жасалған қадам ғана емес, әскери қызметшілер мен бейбіт тұрғындардың денсаулығына стратегиялық инвестиция болмақ. – Бұл диагностикалық құрылғылар дәрігердің толыққанды сандық көмекшілері болып табылады. Біз анық суреттерді, нақты деректерді және барынша дәл диагноз қою мүмкіндігін аламыз, – деп атап өтті ол.ANATOM 128 – жүздеген нәзік суреттер негізінде дененің үш өлшемді модельдерін жасауға мүмкіндік беретін заманауи компьютерлік томограф. Бұл қауіпті ауруларды бастапқы кезеңде анықтауға мүмкіндік беретін ерте диагностиканың қуатты құралы.«Артдиагност-8» – сүйек құрылымдарын да, ішкі ағзаларды да жоғары дәлдікпен визуализациялауға қабілетті әмбебап рентгендік диагностикалық кешен. Барлық суреттер дереу цифрландырылып, мұрағатқа сақталады, диагноз қоюды және емдеуді тездетеді. 12ФК1 «Флюарком» – жаппай тексеруге және өкпе ауруларын ерте анықтауға арналған цифрлық флюорография. Суреттердің анықтығы мен егжей-тегжейі патологиялық өзгерістерді ерте кезеңдерде анықтауға мүмкіндік береді.Сондай-ақ, жаңа жабдықты орнатқан сәттен бастап оның қажеттілігі мен тиімділігін дәлелдейтін 2000-нан астам зерттеу жүргізілгенін атап өту керек.Жабдық Мемлекеттік сатып алу порталы арқылы ашық конкурс шеңберінде мемлекеттік бюджет қаражаты есебінен сатып алынды. Бұл медициналық көмектің сапасы мен қолжетімділігін арттыруға бағытталған әскери медициналық мекемелердің техникалық жарақтандырылуын жаңарту жөніндегі кешенді мемлекеттік бағдарламаның бөлігі.Ақпарат көзі : https://www.gov.kz/memleket/entities/mod/press/news/details/1053794?lang=kk

Отырыс барысында Өскемен қаласының тұрғын үй-коммуналдық шаруашылығы, жолаушылар көлігі және автомобиль жолдары бөлімінде Сыбайлас жемқорлық тәуекелдеріне ішкі талдау жүргізу қорытындылары туралы ақпарат тыңдалды. Анықталған тәуекелдер талқыланды және оларды азайту бойынша ұсыныстар берілді.Сондай-ақ, депутаттар инфрақұрылымды және тұрғын үй-коммуналдық шаруашылықты дамыту мәселелері жөніндегі тұрақты комиссияның есебін тыңдап, онда есепті кезеңдегі жұмыстың қорытындылары шығарылып, болашаққа арналған басым бағыттар белгіленді.Бұдан басқа, комиссия мүшелері Ново-Явленка ауылының шекараларын белгілеу туралы бірлескен Өскемен қаласы әкімдігінің қаулысының және Өскемен қалалық мәслихатының шешімінің жобасын, сондай-ақ Өскемен қаласының шет аймақтарының жай-күйі мен даму перспективаларын қарады.Күн тәртібіндегі барлық мәселелер бойынша түпкілікті шешімдер кезекті сессияда қабылданатын болады.Ақпарат көзі : https://www.gov.kz/memleket/entities/ukmaslihat/press/news/details/1053796?lang=kk

Президент Қасым-Жомарт Тоқаев «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауында ұлт денсаулығын нығайтуға және азаматтарды әлеуметтік қолдау жүйесін қайта жандандыруға бағытталған кешенді шараларды жүзеге асыру міндетін қойды.Мемлекет басшысының тапсырмаларын жүзеге асыру аясында елімізде денсаулық сақтау саласын сапалы түрде жаңғыртуға бағытталған жүйелі шаралар кешені жүзеге асырылуда. Бұл жұмыс әрбір азамат үшін медициналық көмектің қолжетімділігі мен сапасын арттыруға бағытталған. Басты мақсат – халықтың өмір сүру жасын ұзарта түсу. 2025 жылы 14 шілдеде міндетті медициналық сақтандыру мәселелері жөніндегі жаңа Заңға қол қойылуы маңызды қадамдардың бірі болды.«Мемлекетіміздің ерекше басымдықтарының бірі – халықтың денсаулығын қорғау. Біздің мақсатымыз 2029 жылға қарай халықтың орташа өмір сүру ұзақтығын 77 жасқа дейін жеткізу. Жалпы бұл мақсат қолжетімді. Жыл сайынғы динамикада халықтың денсаулығының оң көрсеткіштері байқалады. 2024 жылдың қорытындысы бойынша халықтың орташа күтілетін өмір сүру ұзақтығы алғаш рет 75 жастан асты. Мемлекет басшысы мен Үкіметтің қолдауы арқасында халық денсаулығының негізгі көрсеткіштерін жақсартуға мүмкіндік туып отыр», – деп атап өтті денсаулық сақтау министрі Ақмарал Әлназарова.Профилактикалық скринингтер мемлекет кепілдік беретін медициналық қызметтер пакетіне енгізілдіМӘМС жүйесі енгізілгеннен бері денсаулық сақтау саласын қаржыландыру көлемі үш есеге артты. Бұл халықтың жоғары технологиялық және қымбат қызметтерге қолжетімділігін кеңейтуге мүмкіндік берді. Енді барлық медициналық көмек нақты екі бөлікке бөлінеді: ел тұрғындарының барлығына мемлекет толық кепілдік беретін базалық пакет және сақтандырылған азаматтарға арналған кеңейтілген сақтандыру пакеті.«14 шілдеде тиісті Заңға қол қойылды. Осы Заң бойынша міндетті әлеуметтік медициналық сақтандыру мен тегін медициналық кепілдендірілген көмек көлемі пакеттерінің ара-жігі нақты бөлінетін болады. Сақтандыру мәртебесіне қарамастан барлық азаматтарға ең көп таралған және әлеуметтік мәні бар аурулар бойынша скринигтер қолжетімді болады. Онкологиялық, жүрек қан тамырлары ауруларын ерте анықтауға арналған скринигтердің жаңа түрлері енгізілуде. Сондай-ақ мидағы қан айналымы бұзылуын ерте анықтау үшін 50 жастан асқан ер азаматтарымызға жаңа скриниг түрі енгізіледі. Әлеуметтік мәні бар ауруларға күдік туған жағдайда тексерулер барлығына тегін болады», – деп атап өтті Ақмарал Әлназарова.  2026 жылға қарай МӘМС жүйесімен қосымша 1 млн-нан астам адам қамтылады«Міндетті әлеуметтік медициналық сақтандыру туралы» Заңда денсаулық сақтау жүйесінің қаржылық тұрақтылығын нығайтуға бағытталған бірқатар шараны жүзеге асыру көзделген.Әлеуметтік осал топтарды МӘМС-пен қамтуды кеңейту: Халықты барынша жүйеге тарту мақсатында әлеуметтік осал топтағы азаматтар үшін жарналарды жергілікті атқарушы органдардың төлеу тетігі енгізіледі. Бұл норманы жүзеге асыру 2026 жылға қарай қосымша 1 млн-нан астам адамды МӘМС жүйесімен қамтуға мүмкіндік береді.Әділ жарна жүйесін енгізу: Әлеуметтік әділеттілік қағидатын сақтау үшін Әлеуметтік медициналық сақтандыру қорына аударым жасалатын кірістің жоғарғы шегі алынып тасталады. Бұл тәсіл азаматтардың жүйеге үлесін олардың табысына сай етіп, сала бюджетіне жыл сайын қосымша 200 млрд теңгеге дейін қаржы әкеледі.Мемлекеттік қаржыландыруды арттыру: Жеңілдікті санаттағы 11 млн азамат үшін мемлекет жарнасының мөлшерлемесін кезең-кезеңімен арттыру көзделген. Бұл шара 2030 жылға қарай қаржыландыру көлемін 289 млрд теңгеге дейін ұлғайтуға мүмкіндік береді.Бірыңғай медициналық қызметтер пакетін қалыптастыру: 2027 жылдан бастап мемлекет кепілдік беретін тегін медициналық көмек көлемі (ТМККК) мен МӘМС пакеті арасындағы нақты айырмашылықты белгілейтін бірыңғай пакет енгізіледі. Осылайша әрбір азамат мемлекет кепілдік беретін қызметтерді және сақтандыру есебінен көрсетілетін қызметтерді нақты біле алады. Ана мен бала денсаулығын сақтау2024 жылдың қорытындысы бойынша елімізде өмір сүру ұзақтығы алғаш рет 75,4 жасқа жетті. Ана өлімі көрсеткіші 12%-ға төмендеп, тарихи минимумға жетті. Сондай-ақ неонаталдық өлім 20%-ға, сәби өлімі 11%-ға, ал бала өлімі 8%-ға азайды.2024 жылы елімізде алғаш рет «Феталды медицина» инновациялық технологиясы енгізілді: 71 жатырішілік (ұрыққа) операция жасалып, нәтижесінде 96 нәрестенің өмірі сақталып қалды. Жаңа туған сәбилер хирургиясы да қарқынды дамуда – 2025 жылдың алғашқы жартыжылдығында туа біткен даму ақаулары бар 600 нәрестеге ота жасалды.Ауытқуларды ерте анықтау үшін елде тиімді инфрақұрылым қалыптастырылды – Бір күндік клиникалар, Ұрықты қорғау орталықтары ашылды. Балаларға туғаннан бастап төрт түрлі скрининг жүргізіледі: неонаталдық, аудиологиялық, психофизикалық және офтальмологиялық. Бұл жұмыс нәтижесін берді – туа біткен ақаулары бар балалар арасындағы бастапқы мүгедектік 7,5%-ға төмендеді, ал жаңа туғандардың өмір сүру деңгейі 88%-дан 93%-ға дейін артты. Балаларға көрсетілетін көмекті жақсарту үшін әрбір АМСК ұйымында педиатриялық бөлімдер ұйымдастырылуда. ЮНИСЕФ қолдауымен емханаларда Балаларды дамыту және ерте араласу орталықтары ашылып жатыр. Бүгінде осындай 100 орталық жұмыс істейді, онда дамуында қиындықтары бар балалар кешенді көмек алады. Балалар арасында аутизм диагнозы қойылғандар санының көбеюіне байланысты олардың реабилитациясына арналған төсек-орын саны 4 есеге артты.Аналарды қолдау үшін алғаш рет әйелдердің репродуктивтік денсаулығын нығайтуға бағытталған «Аналар саулығы» бағдарламасы іске қосылды. Сонымен қатар шалғай ауылдардағы әйелдер үшін жоғары қауіп тобындағы жүкті әйелдерді алдын ала госпитализациялауға арналған «Салауатты ана» пансионаттары ашылып жатыр. Ауылда денсаулық сақтауды жаңғырту: 655 медициналық нысанның 538-і іске қосылдыЕлімізде әлемнің жетекші медициналық орталықтарымен қатар қоятын бірегей операциялар жасалуда. Жүрек пен өкпені трансплантациялау, сондай-ақ бүйректің үшжақты айқаспалы трансплантациясы сияқты аса күрделі операциялар жасалады. Қазақстан осындай операциялар орындалатын әлемдегі алты елдің қатарына кіреді.Ми ауруларын емдеуде «Гамма-пышақ» технологиясы қолданылса, онкологиялық дерттерге қарсы заманауи протондық терапия енгізілуде.Инфрақұрылымды жаңарту бағытында ауқымды жұмыс жүргізілуде. «Ауылда денсаулық сақтауды жаңғырту» ұлттық жобасы аясында жоспарланған 655 нысанның 538-і салынды. «Бұл нысандар бұрын медицина нысандары болмаған ауылдарда, сондай-ақ ескірген және бейімделмеген ғимараттардың орнына салынуда. Нәтижесінде шамамен 1 миллион ауыл тұрғыны медициналық қызметпен қамтылады», – деп атап өтті денсаулық сақтау министрі Ақмарал Әлназарова. 36 облыстық аурухана мен 17 перинаталдық орталыққа жаңғырту жұмыстары жүргізілуде. Балалар бөлімшелеріндегі төсек-орын қоры 38%-ға ұлғайды. Шамамен 2,1 мың бірлік медициналық жабдық сатып алынып, соның нәтижесінде жарақтандыру деңгейі 86%-ға (62%-дан) дейін өсті. Денсаулық сақтау жүйесінде кадр даярлауды күшейту, дәрі-дәрмек бағасын төмендету және цифрлық трансформацияны дамыту шаралары қабылданудаДенсаулық сақтау жүйесінде кадрлық мәселелер де шешілуде. «Педиатрия» мамандығы қайта енгізіліп, өте тапшы 14 балаларды емдеу мамандығы бойынша резидентура ашылды. «Адами капиталды дамыту бағытында медициналық білім беруді күшейтіп, науқастарды дербес қабылдауға басымдық бере отырып, мейірбикелік тәжірибені дамытамыз. Үздіксіз кәсіби даму симуляциялық орталықтары мен қашықтан оқыту плаформалары арқылы енгіземіз. Жыл сайын медициналық оқу орындарына қабылданатын талапкерлер санының көбеюі дәрігер кәсібінің мәртебесін арттырудың белгісі. 2025 жылы медициналық жоғары оқу орындарының түлектері 11 600 маманды құрады. Олардың үштен екісі өңірлік бөлу бойынша медициналық ұйымдарға жұмысқа орналасты. Мамандарды өңірлерге тарту үшін мемлекеттен қолдау шаралары жүзеге асырылуда. Мемлекет басшысының тапсырмасы бойынша қосымша әлеуметтік қаржылай көмек қарастырылған. Кадр тапшылығын азайту мақсатында ауылдық елді мекендерге жұмысқа келген аса тапшы мамандықтар дәрігерлерге 8,5 миллион теңге көлемінде төлем қарастырылған», – деп атап өтті Ақмарал Әлназарова.  Фармацевтика саласында 2029 жылға дейін отандық дәрі-дәрмек өндірісі үлесін 50%-ға жеткізу жөніндегі тапсырманы орындау бойынша шаралар қабылдануда. Баға қалыптастырудың ашықтығын арттыру мақсатында шекті бағаларды айқындау тетігі қайта қаралды: артық шығындар алынып тасталды және дженериктердің бағасы түпнұсқа препараттар құнының 30%-ына дейін төмендетілді. Тек «СҚ-Фармация» сатып алатын ең қымбат 20 дәрілік препарат бойынша ғана шамамен 18 млрд теңге үнемделуі көзделуде. Жалпы алғанда, ТМККК және МӘМС жүйесі аясында шекті бағалар 19%-ға төмендейді, ал көтерме және бөлшек сауда сегменттерінде 30%-ға дейін төмендейді деп күтілуде.Референттік баға белгілеудің жаңа моделін енгізу дәрі-дәрмек құнын 12%-ға төмендетуге мүмкіндік беріп отыр, ал жалпы экономикалық тиімділік шамамен 50 млрд теңгені құрады.Бұл қаражат терапияның қолжетімділігін кеңейтуге және сапасын арттыруға бағытталады. Сонымен қатар амбулаториялық дәрілік қамтамасыз ету тізімі оңтайландырылып, бұл өз кезегінде инновациялық препараттарды енгізу үшін қосымша ресурстар босатуға мүмкіндік береді. Сонымен қатар саланың цифрлық трансформациясы жүргізіліп жатыр. Бірыңғай мемлекеттік медициналық ақпараттық жүйе құрылуда. Қабылдаулар туралы жалған жазбалармен күресу мақсатында 2024 жылдың тамызынан бастап пациенттерді цифрлық сәйкестендіру жобасы («Цифрлық құжат» және Face ID арқылы) іске қосылды. Нәтижесінде негізсіз көрсетілген медициналық қызметтер көлемі 6%-ға (4,7 млрд теңгеге) азайды.Сұранысы ең жоғары 8 медициналық анықтама түрі цифрландырылды:· 073/у «Көлік құралын басқаруға рұқсат беру»,· 075/у «Медициналық анықтама»,· 052-2/у «Баланың денсаулық паспорты»,· 026/у «ДКК қорытындысы»,· 069/у «Санаторий-курорттық карта»,· 076/у «Қару ұстауға рұқсат алу»,· 038/у «Уақытша еңбекке жарамсыздық туралы анықтама».Жыл басынан бері ақпараттық жүйелерде 4,7 млн-нан астам осындай құжат тіркелді. Қазіргі уақытта «еңбекке жарамсыздық парақтарын» қағаз түрінде қолдануды толықтай алып тастау жұмыстары жүргізілуде. Медициналық ақпараттық жүйелердің функционалы оңтайландырылып, медицина қызметкерлеріне түсетін жүктеме 40%-ға дейін азайды. Маңызды қадамдардың бірі – биылғы жылдың қыркүйегінен бастап жасанды интеллект негізіндегі «дәрігер көмекшісін» енгізу, бұл диагностика үдерісін оңтайландыруға және қателіктерді барынша азайтуға мүмкіндік береді.#Денсаулық сақтау #Президенттің тапсырмасы #Цифрландыруды енгізу мәселелері жөніндегі комиссияАқпарат көзі : https://www.gov.kz/memleket/entities/aktobe-shalkar/press/news/details/1053768?lang=kk

Қазақстандық азамат бостандыққа шыққаннан кейін 10 күн өткен соң ұсталды.Шығыс Қазақстан облысында колонияға ірі көлемдегі есірткі жеткізу әрекетінің жолы кесілді. Істің басты фигуранты - жақында ғана шартты түрде мерзімінен бұрын босап шыққан 26 жастағы рецидивист. Ер адам ШҚО-ға көрші облыстан келген.Ол Шемонаиха ауданындағы түзеу мекемесінің қоршауынан пакеттерді лақтырып жібермек болған. Колония қызметкерлері мен Ұлттық ұлан сарбаздары жедел жұмыс істеп, оны ұстады. Кинологиялық ит бірден пакеттер болуы мүмкін жерді көрсетіп, қылмыс орнынан қашпақ болған «курьердің» ізіне түсті.Ерекше назар аударған жайт: есірткі салынған пакеттер скотчпен және электродтармен оралған. Ұсталған азаматтың айтуынша, «электродтар «жіберілген сәлемдеменің» қай жерге түсетінін көруге көмектесуі керек болған, сонда ол шөп пен бұталардың арасында жоғалып кетпейді». Алайда, оның тапқырлығына қарамастан, жоспары іске аспады. Сараптама алынған заттың салмағы 600 грамнан асатын кептірілген марихуана есірткісі екенін растады.«Мекеме периметріне тыйым салынған заттарды тасымалдау әрекеттері қатаң түрде тоқтатылады, колония қызметкерлері мен қосымша күштер үздіксіз қызмет атқарады. Біз бір апта ішінде ірі көлемдегі есірткіні жеткізудің екінші әрекетінің жолын кестік», – деді ҚР ІІМ ҚАЖК № 18 мекемесінің бастығы Қуаныш Қонжанов.Енді рецидивист үшін жаңа өмір бастаудың орнына, оны жаңа мерзім күтіп тұр. Оған қатысты аса ірі мөлшерде есірткіні заңсыз өткізу туралы бап бойынша сотқа дейінгі тергеу басталды, «курьер» Шемонаиха ауданының уақытша ұстау изоляторында отыр.Заң мен тәртіп – жай сөз емес, біз күн сайын ұстанатын қағидалар. Біз қоғамның қауіпсіздігіне кепілдік беру және сотталғандардың қылмыстық ортаға одан әрі енуіне жол бермеу үшін белгіленген режимді бұзуға бағытталған кез келген әрекеттердің жолын қатаң кесе беретін боламыз.Ақпарат көзі : https://www.gov.kz/memleket/entities/duis-vko/press/news/details/1053713?lang=kk

Су ресурстары және ирригация министрлігі құрылған сәттен бастап су шаруашылығы саласында 1 805 маман тұрақты жұмыспен қамтамасыз етілді.2023 жылы бассейн инспекцияларының штаты 98-ден 281 адамға дейін өсті. Сондай-ақ еліміздің 10 өңірінде коммуналдық гидротехникалық құрылысжайларды пайдалану және басқару жөніндегі мамандандырылған мекемелер құрылды. Бүгінгі таңда онда 1 197 маман еңбек етіп жатыр.2025 жылдың басынан бері «Қазсушар» РМК-ның 425 маусымдық қызметкері тұрақты жұмысқа орналастырылды. Сонымен қатар еліміздің әртүрлі өңірлерінде гидротехникалық нысандарды қалпына келтіру және салу жобаларын жүзеге асыру барысында 892 тұрақты жұмыс орнын құру жоспарланып отыр.«Мемлекет басшысының тапсырмаларын орындау мақсатында министрлік су саласына жаңа білікті кадрларды тарту бағытында белсенді жұмыс жүргізіп келеді. Сондай-ақ мамандардың еңбек жағдайын жақсарту шаралары қолға алынып жатыр. Мәселен, су саласы қызметкерлерінің біліктілігін арттыру және қайта даярлау, сонымен қатар олардың жалақысын энергетика саласындағы мамандар деңгейіне жеткізу мәселесі шешімін тапты»,– деді Су ресурстары және ирригация министрі Нұржан Нұржігітов. Қазақстан Республикасы Су ресурстары және ирригация МинистрлігіАқпарат көзі : https://www.gov.kz/memleket/entities/almobl-vod-irrigation/press/news/details/1053683?lang=kk

Ертіс ауданы бойынша Мемлекеттік кірістер басқармасында салық төлеушілер үшін Ашық есік күні өтті, оның шеңберінде 2026 жылдан бастап күшіне енетін Салық кодексіндегі негізгі өзгерістер талқыланды. Кездесу барысында келесі сұрақтар талқыланды: жалпыға бірдей декларациялау, арнайы салық режимдерінің өзгеруі, ҚҚС реформалануы, кәсіпкерлік қызметті ашу және тоқтату тәртібі, салықтар мен міндетті төлемдерді төлеу мерзімдері. Іс-шараға қатысушылар салық заңнамасындағы алдағы жаңалықтар туралы біліп, өз сұрақтарын қоя алды. Павлодар облысы бойынша МКДтүсіндіру жұмысы және Байланыс-орталығы басқармасы Ақпарат көзі : https://www.gov.kz/memleket/entities/kgd-pavlodar/press/news/details/1056817?lang=kk

Любляна, 2025 жылғы 6 тамыз – Қазақстанның Словениядағы Елшілігінде Шерхан Мұртаза атындағы Халықаралық Тараз университетінің Қазақстан Республикасы Парламенті Мәжілісінің депутаты, университеттің негізін қалаушы Ерболат Саурықов және Словения Alma Mater Europaea University Бас хатшысы доктор Барбара Топлак Перович кездесті.Кездесу барысында сұхбаттасушылар екі университеттің білім сапасын арттыру және ғылыми әлеуетін дамытуға бағытталған ынтымақтастықтың негізгі бағыттарын талқылады. Академиялық ұтқырлыққа, ғылыми зерттеулер мен білім берудегі инновацияларға ерекше көңіл бөлінді.Кездесу қорытындысы бойынша тараптар ұзақ мерзімді серіктестіктің құқықтық негізін қалап, еуропалық білім кеңістігіне интеграциялану жолындағы маңызды қадамға айналған ынтымақтастық туралы меморандумға қол қойды.Бұл кездесу жоғары білім саласындағы халықаралық ынтымақтастықтың стратегиялық маңыздылығын көрсетті және Қазақстан мен Словения арасындағы академиялық байланысты нығайта түсетін бірлескен жобаларды жүзеге асырудың бастау нүктесі болды. Alma Mater Europaea University (AMEU) – Еуропалық ғылым және өнер академиясы негізін қалаған және бизнес, технология, денсаулық сақтау және мәдениет салаларында болашақ көшбасшыларды дайындауға бағытталған халықаралық жеке университет. Ол практикалық оқуға және жұмысқа орналасудың жоғары көрсеткіштеріне баса назар аудара отырып, бакалавриат, магистратура және докторантура бағдарламаларын ұсынады. Негізгі кампус Мариборда, Словенияда орналасқан, филиалдары Словения мен Австрияның басқа қалаларында орналасқан.Ақпарат көзі : https://www.gov.kz/memleket/entities/mfa-ljubljana/press/news/details/1053665?lang=kk

Любляна, 2025 жылғы 19 тамыз - Словения астанасында Қазақстанның Елшісі Данияр Сарекенов Словенияның цифрлық трансформация министрі Ксения Клампфермен кездесті. Елші соңғы жылдары цифрлық трансформация көшбасшыларының біріне айналған Қазақстанның жетістіктері туралы айтып берді. Қазақстанның Мемлекеттік қызметтер мен қаржы секторын цифрландырудағы жетістіктеріне ерекше назар аударылды, мұнда заманауи веб-платформалар мен мобильді қосымшалар азаматтарға тиісті сервистерге ыңғайлы қолжетімділікті қамтамасыз етеді.Кездесу аясында сондай-ақ Astana Hub қызметі және қуатты суперкомпьютер негізінде Alem ai халықаралық жасанды интеллект орталығын құру жоспарлары таныстырылды. Бірыңғай орта шеңберінде орталықта оқушылар мен студенттерге арналған білім беру бағдарламалары, "стартаптар фабрикасы" және кәсіпкерлерді қолдауға, инновациялық өнімдерді құруға және технологиялық командаларды дамытуға бағытталған акселерациялық тректер іске асырылатын болады, big Tech әлемге әйгілі өкілдерінің зертханаларында жас компаниялар жаһандық технологиялық компанияларда қолданылатын нақты кейстер мен құралдарға қол жеткізе алады.Министр Клампфер азаматтардың мемлекеттік қызметтерге қолжетімділігін жеңілдету бойынша Қазақстанның тәжірибесіне қызығушылық білдіріп, ғылыми ынтымақтастық, киберқауіпсіздік, жасанды интеллект және цифрлық платформалар саласындағы бірлескен жобалардың перспективаларын атап өтті.Кездесу соңында қазақстандық дипломат Министрге Астанада өтетін Digital Bridge 2025 халықаралық форумына қатысуға ресми шақыруды беріп, Қазақстан мен Словения арасындағы цифрлық экономиканы, инновациялық әріптестікті және білім беру бастамаларын дамытудағы ынтымақтастықтың жоғары әлеуетін атап өтті. Ақпарат көзі : https://www.gov.kz/memleket/entities/mfa-ljubljana/press/news/details/1053666?lang=kk

Құрметті Қосшы қаласы, Қорғалжын және Егіндікөл аудандарының салық төлеушілері!Қосшы қаласында 2025 жылғы 20 тамызда сағат 10:00-де Қазақстан Республикасының жаңа Салық кодексінің нормаларын түсіндіруге арналған аймақтық семинар өтеді.Шараға Ақмола облысы бойынша Мемлекеттік кірістер департаментінің өкілдері қатысып, салық заңнамасындағы негізгі өзгерістер туралы айтып, сұрақтарыңызға жауап береді.Өтетін орны: Қосшы қаласы, Республика қ.11 Мәдени-спорт кешеніАқпарат көзі : https://www.gov.kz/memleket/entities/kgd-akmola/press/news/details/1053616?lang=kk

Қазақстан Республикасының Еңбек кодексіне сәйкес жұмыс берушілер мен қызметкерлер арасында ұжымдық шарттар жасасу тұрақты және сындарлы әлеуметтік диалогты орнатуға ықпал ететін еңбек қатынастарын реттеудің негізгі құралдарының бірі болып табылады.Қолданыстағы ұжымдық шарттарды белгіленген тәртіппен цифрландыруды және оларды тиісті мемлекеттік ақпараттық жүйелерде (hr.enbek.kz ақпараттық жүйесінде) орналастыруды ұсынамыз.Ұжымдық шарттың цифрлық форматы мүмкіндік береді:құжаттарды сенімді және ұзақ мерзімді сақтауды қамтамасыз етуге;мүдделі тұлғалар үшін ақпараттың қолжетімділігін арттыруға;шарт ережелерінің сақталуын бақылау процестерін жеңілдетуге;өзгертулер енгізілген кезде деректерді жедел жаңартуға;жұмыс беруші мен қызметкерлер арасындағы сенім деңгейін арттыруға.Бұл хат еңбек заңнамасы аясында өзара іс-қимылдың тиімділігін арттыруға, әлеуметтік серіктестік тетіктерін нығайтуға және заманауи, ашық және цифрлық еңбек ортасын қалыптастыруға бағытталған.Ақпарат көзі : https://www.gov.kz/memleket/entities/kostanai-kalasy-akimat/press/news/details/1053601?lang=kk