Бүгін Қостанайда Сити-орталық алаңында, облыстың 14 ауданынан және Қостанай мен Рудный қалаларынан келген шаруаларды біріктірген ауыл шаруашылығы жәрмеңкесі өтті. 90-нан астам шаруашылық субъектісі 332 тоннадан асатын жаңа әрі сапалы өнім ұсынып, қала тұрғындарына кең ассортиментті қолжетімді бағада сатып алуға мүмкіндік жасады. Жалпы 38 тонна ет өнімі сатылды. Оның ішінде 14,7 тонна сиыр еті келісі 3000–3200 теңгеден, 6,7 тонна жылқы еті 3000 теңгеден, 4 тонна шошқа еті 2200–2500 теңгеден, 1,5 тонна қой еті 2700–3000 теңгеден, сондай-ақ 11,4 тонна құс еті келі 900 теңгеден ұсынылды. Тұрғындар арасында ұнға деген сұраныс жоғары болды. Мәселен барлығы 39 тонна, соның ішінде бірінші сұрыпты ұн келісі 160 теңгеден, жоғары сұрыпты ұн 200 теңгеден сатылды. Макарон өнімдері 13 тонна көлемінде, келісі 260 теңгеден ұсынылды. Сонымен қатар 144 мың дана тауық жұмыртқасы ондығы 450 теңгеден сатылды. Картоп 55 тонна көлемінде келісі 150 теңгеден ұсынылды. Көкөніс пен жеміс-жидек 84 тонна, оның ішінде сәбіз 150 теңгеден, қырыққабат 90 теңгеден сатылды. Күнбағыс майы 6,5 тонна көлемінде литрі 660 теңгеден сатылды. Бұдан бөлек, тұрақтандыру қоры әлеуметтік маңызы бар 9 түрлі өнімді 25,3 тонна көлемінде ұсынып, тұрғындарға қажетті азық-түлікті тиімді бағада саудалады.Ақпарат көзі : https://www.gov.kz/memleket/entities/mti/press/news/details/1115701?lang=kk

Бүгін Қарағанды қаласындағы «Global City» сауда-ойын-сауық орталығының аумағында Қарағанды облысының шаруаларының қатысуымен ауылшаруашылығы жәрмеңкесі өтті. Жәрмеңкеде өз өнімдерін орташа нарықтық бағадан 10-15% төмен бағада 7 ауылдық ауданның 90-нан астам ауыл шаруашылығы өндірушілері, облыс қалаларының қайта өңдеу кәсіпорындары ұсынды. Жәрмеңкеге барлығы 156 тоннадан астам ауыл шаруашылығы өнімі жеткізілді. Оның ішінде 56 тонна ет, 48 тонна картоп, 18 тонна көкөніс, 16 тонна сүт өнімі, 6 тонна балық және балық өнімі, 180 мың дана тауық жұмыртқасы және 12 тонна өзге де өнім. Облыстың ауыл шаруашылығы тауарын өндірушілері жәрмеңкеге жеткізген өнімдер қала тұрғындары мен қонақтарына жаңа өнімдерді қолжетімді бағада сатып алуға, сондай-ақ қысқы қорларын толықтыруға мүмкіндік береді.Ақпарат көзі : https://www.gov.kz/memleket/entities/mti/press/news/details/1115702?lang=kk

Батыс Қазақстан облысында қала тұрғындары үшін ауыл шаруашылығы тауар өндірушілерінің қатысуымен жәрмеңкелерді ұйымдастыру жақсы дәстүрге айналды. Бүгін жергілікті атқарушы органдардың ұйымдастыруымен кезекті жәрмеңке М. Ихсанов көшесінде өтті. Жәрмеңкеге қала мен аудан тауар өндірушілері қатысты. Шаруалар қала тұрғындары үшін кең ассортиментте ет өнімдерін (сиыр еті, жылқы еті, шошқа еті, қой еті) ұсынды. Мысалы, сиыр және жылқы еті 2700 теңгеден сатылды. Фермерлік шаруашылықтар құс етін, яғни тауық, үйрек, күрке тауық өнімдерін ұсынды. Жәрмеңкеде жоғары сапалы кең ассортиментте шұжық және сүт өнімдері, кондитерлік өнімдер мен балық өнімдері де болды. Қала тұрғындары қысқа қажетті көкөніс қорын қолжетімді бағамен сатып алу мүмкіндігіне ие болды. Жәрмеңкелер жергілікті атқарушы органдар бекіткен кестеге сәйкес 2025 жылдың соңына дейін екі локацияда өтеді: М. Ихсанов көшесінде және Зачаганск кентінде.Ақпарат көзі : https://www.gov.kz/memleket/entities/mti/press/news/details/1115703?lang=kk

Бүгін Қызылорда қаласында Қармақшы және Шиелі аудандарының ауыл шаруашылығы өнімдерінің жәрмеңкесі өтті. Таңғы сағат 08:00-де басталған жәрмеңкеде аудан еңбеккерлері өндірген табиғи әрі сапалы өнімдер қала тұрғындарына базар бағасынан 15-30 % төмен бағада ұсынылды. Жәрмеңкеде тұрғындар үшін Шиелі ауданынан 88 тоннадан астам өнім әкелінген. Атап айтқанда, 20 тоннадан астам күріш, 10 тонна бақша өнімі, 25 тонна көкөніс, 30 тонна картоп, 2 тоннадан астам ет, сүт өнімдері, 2 тонна бакалея өнімдері жеткізілді. Ал Қармақшы ауданынан 150 тоннаға жуық өнім тиелген 45 автокөлік жеткізілді. 25 тонна күріш, 80 тонна бақша өнімдері, 2 тонна жеміс-жидек, 1 тонна ет сатылымға шығарылды. Шаруалар өз өнімдерін тұрғындарға тиімді бағамен ұсынды. Мәселен күріш 370 тг/кг, сиыр еті 2300/2900 тг/кг, жылқы еті 2300тг/кг, картоп 180 тг/кг, сәбіз 200 тг/кг, пияз 110 тг/кг, қырыққабат 150 тг/кг, қызанақ 350 тг/кг,   балық 1300 тг/кг, ірімшік 2500/кг, қауын қарбыз 150 тг/кг сатылды.Ақпарат көзі : https://www.gov.kz/memleket/entities/mti/press/news/details/1115700?lang=kk

Жедел экологиялық және климаттық өзгерістер кезінде Қазақстан табиғатты қорғау шараларын күшейтіп, экология саласындағы реттеу жүйесін жаңғыртуда. Қоршаған ортаның сапасын жақсарту және халық үшін тәуекелдерді азайту үшін ҚР Сауда және интеграция министрлігінің Техникалық реттеу және метрология комитеті 2060 жылға дейін көміртекті бейтараптыққа қол жеткізу Стратегиясын жүзеге асыруды қолдауға бағытталған бірқатар жаңа стандартты бекітті. Қабылданған құжаттар қалдықтарды басқаруға, климаттық өзгерістерге бейімделуге, шығарындыларды азайтуға және айналмалы экономикаға көшуге, ресурстарды ұтымды пайдалануға қойылатын заманауи талаптарды қалыптастырады. Бекітілген негізгі стандарттар:1. ҚР СТ 4022-2025 «Қалдықтар. Қалдықтарды басқару. Қалдықтары аз технологияларға қойылатын талаптар». Стандарт қалдықсыз және шартты түрде «қалдықсыз» деп аталатын, өндіріс және тұтыну қалдықтарын басқару технологияларына, қалдықсыз технологияларды құру бағыттары мен принциптеріне қойылатын талаптарды белгілейді. Бұл стандарт тұрақты даму мен қоршаған ортаны қорғауды қамтамасыз ете отырып, қалдықсыз және қалдықсыз технологияларға көшудің маңызды құралы болады. 2. ҚР СТ ISO/TS 14092-2025 «Климаттың өзгеруіне бейімделу. Жергілікті өзін-өзі басқару органдары мен қауымдастықтарға арналған бейімделуді жоспарлау бойынша талаптар мен нұсқаулық», бұл қадамдық процесті сипаттайды, әр жағдайда климаттық, экологиялық және әлеуметтік жағдайларды ескере отырып, жергілікті бейімделу жоспарын құруға мүмкіндік береді. 3. ҚР СТ ISO 14068-1 «Климаттың өзгеруін басқару. Таза нөлге көшу. 1 бөлім. Көміртекті бейтараптық» және ҚР СТ Iwa 42 «көміртекті бейтараптық жөніндегі нұсқаулық». Олар шығарындыларды жауапкершілікпен басқаруға және ғылыми негізделген Климаттық шешімдерді енгізуге негіз жасайды. Жаңа стандарттар барлық қатысушылар үшін - экологиялық және аналитикалық ұйымдар, қоршаған ортаны бақылаудың ұлттық және өңірлік орталықтары, экологиялық ұйымдар үшін бірыңғай тәсілдер мен қағидаттарды белгілейді. 4. ҚР СТ 4013-2025 «Церкулярлы экономика. Церкулярлы экономиканың тиімділігін өлшеу және бағалау». 5. ҚР СТ 4012-2025 «Церкулярлы экономика. Сөздік, принциптер және енгізу бойынша ұсыныстар». 6. ҚР СТ ISO 4789-2025 «Жылу электр станцияларында сарқынды суларды тазарту және қайта пайдалану жөніндегі нұсқаулық». Бұл құжат ЖЭС су тұтынуды азайтуға және қоршаған ортаға теріс әсерді азайтуға бағытталған. Стандарт заманауи тазарту технологияларын - мембраналық, биологиялық және химиялық технологияларды енгізуді көздейді. Жаңа экологиялық стандарттарды бекіту Қазақстанның жаһандық климаттық саясаттағы ұстанымын күшейтеді және экологиялық тәуекелдерді азайтып, төмен көміртекті экономикаға көшуді қолдай отырып, орнықты даму үшін негіз жасайдыАқпарат көзі : https://www.gov.kz/memleket/entities/mti/press/news/details/1115699?lang=kk

Әл-Кувейт, 2025 жылғы 30 қараша – Қазақстан Республикасының Кувейт Мемлекетіндегі Елшісі Ержан Елекеев Kuwaiti Danish Dairy Company (KDD) төрағасының орынбасары Бахия Еззат Джаафармен кездесу өткізді.Кездесу барысында тараптар агроөнеркәсіптік кешен және азық-түлік қауіпсіздігі саласындағы екіжақты ынтымақтастықтың перспективалық бағыттарын талқылады. Қазақстандық өнімді Кувейт нарығына жеткізу мүмкіндігіне басты назар аударылды.Кувейт тарапы еліміздің жоғары аграрлық әлеуетін атап өтіп, Қазақстанды азық-түлік өнімдерінің перспективалы және сенімді ірі жеткізушісі ретінде қарастыра отырып, Қазақстанмен әріптестік қатынастарды дамытуға қызығушылық білдірді.Өз тарапынан Елші Қазақстан экономиканың мұнайға тәуелді моделінен дәйекті түрде алыстап бара жатқанын және агроөнеркәсіптік кешенді дамытуға басымдық беретінін атап өтті. Ол бүгінгі таңда азық-түлік қауіпсіздігіне, экспортты кеңейтуге және Qazaq Organic Food брендін шетелдік нарықтарда ілгерілетуге ерекше назар аударылатынын атап өтті.Тараптар сауда-экономикалық ынтымақтастықты тереңдетуге өзара мүдделілікті атап өтті, диалогты жалғастыруға және өзара іс-қимылдың нақты бағыттарын пысықтауға дайындығын растады.Kuwait Danish Dairy Company 1963 жылы құрылған және Кувейт пен Таяу Шығыс аймағындағы жетекші азық-түлік компанияларының бірі болып табылады. Компания сүт өнімдерінің шамамен 24 түрін, балмұздақтың шамамен 75 түрін және табиғи шырындар мен сусындардың шамамен 27 түрін шығарады. Компанияның Сауд Арабиясы мен Біріккен Араб Әмірліктерінде филиалдары бар. Ішкі нарықтан басқа, оның өнімдері ондаған елдерге экспортталады, олардың құрамына Шығанақ, Таяу Шығыс, Азия және Солтүстік Америка елдерінің бөлігі кіреді.Ақпарат көзі : https://www.gov.kz/memleket/entities/mfa-kuveyt/press/news/details/1115691?lang=kk

ҚР Ұлттық қорғаныс университетінің әскери қызметшілері арасында белтемірге тартылудан дәстүрлі Tartyl Fest сайысы ұйымдастырылды.Спорттық шараны әскери жоғары оқу орнының бастығы генерал-майор Асқар Мұстабеков салтанатты түрде ашты. Ол әскери қызметшілердің оқу-жаттығу тапсырмаларын орындауы және кез келген қиындықты еңсеруі үшін дене дайындығының маңыздылығын атап өтті.– Tartyl Fest – ерекше сайыс. Бұндай байқау әскери қызметшінің ерік-жігерін дамытып, төзімділікті нығайтады және салауатты дағдылар қалыптастырады, – деді ҚР Ұлттық қорғаныс университетінің бастығы.Биыл сайысқа 9 команда құрамында 18 қатысушы шықты. Спортшылардың белтемірге тартылуы жеке және командалық есепте бағаланды.Командалар арасынан үздік нәтиже көрсеткен барлау кафедрасының өкілдері болды. Екінші орын Құрлық әскерлері факультетіне, үшінші орын Әуе қорғанысы күштері факультетіне бұйырды.Жеке біріншілікте бірінші орынды майор Әсет Үсенов олжалады. Екінші орынды полковник Айдос Шаймерденов, үшінші орынды подполковник Мақсат Жұмағазин еншіледі.Спорт алаңында қатысушыларға оқытушылар мен Қырғызстан, Тәжікстан және Өзбекстаннан келген магистранттар белсенді қолдау көрсетті.Жыл сайын өтетін сайыс әскери қызметшілердің дене дайындығын арттыруға және салауатты өмір салтын насихаттауға бағытталған.Ақпарат көзі : https://www.gov.kz/memleket/entities/mod/press/news/details/1115690?lang=kk

1996 жылғы 30 қарашада қорғаныс ведомствосы басшысының құқықтық қызмет құру туралы директивасы шығарылып, кейін ол Қорғаныс министрлігінің Заң департаменті болып қайта құрылды.Бұл сала мамандары қорғанысты ұйымдастыру, әскери қызметті өткеру тәртібі, әскери қызметшілерді, олардың отбасы мүшелерін, азаматтық персонал және әскери зейнеткерлерді әлеуметтік қамтамасыз ету мәселелері бойынша нормативтік-құқықтық актілерді әзірлейді. Олар заңнаманы тұрақты түрде мониторингтен өткізіп, тиімді емес, қайталанатын нормалар мен заңдағы олқылықтарды анықтайды.Осы жылы Мемлекет басшысы Қарулы күштердің мүдделеріне қатысты бірқатар заң актілеріне қол қойды. Бұлардың әзірленуінде, құқықтық сараптамасында, толықтырулар мен өзгерістер енгізуде әскери заңгерлердің еңбегі зор. Заң актілері резервтегі әскери қызмет тәртібі, әскери-патриоттық тәрбие, аумақтық қорғаныс, мемлекеттік қызмет, бюджет, азаматтық қорғау, тұрғын үй қатынастары және қылмыстық заңнаманы оңтайландыру сияқты маңызды мәселелерді қамтиды.Аумақтық қорғанысқа қатысты азаматтарды дайындау және өз аумағын сыртқы қауіптерден қорғау мақсатындағы құқықтық институтты қалыптастыруда жасалған маңызды қадам – Қазақстан Республикасының «Аумақтық қорғаныс туралы» Заңын қабылдау болды. Онда аумақтық қорғаныс құқықтық реттеудің жеке саласы ретінде анықталып, Президент, Үкімет, орталық мемлекеттік органдар мен ұйымдардың құзыреттері бекітілді. Одан бөлек Қорғаныс министрлігінің аталмыш салада мемлекеттік органдар мен ұйымдарды бақылау механизміне жауапты болуы да заңмен белгіленді.Әскери заңгерлер әскери-патриоттық тәрбие мәселелері бойынша және резервтегі әскери қызмет пен кейбір орталық мемлекеттік органдардың функцияларын қайта бөлу жөніндегі заңдарға өзгерістер мен толықтырулар енгізу жұмысында айтарлықтай еңбек атқарды.Аталған нормативтік-құқықтық актілердің қабылдануы ел басшылығының тапсырмаларын және Қорғаныс министрлігінің заңнамалық бастамаларын жүзеге асыруға мүмкіндік берді. Сол сияқты бір жыл ішінде Қорғаныс министрлігінің мүдделерін қорғау барысында әскери заңгерлер 1200-ден астам талап арыз түсіріп, шамамен 4 млрд теңге өндіріп алды және бюджетте 11 млрд теңгеден көп қаржыны сақтап қалды.Әскери заңгер қызметінің ерекшелігі халықаралық және ұлттық заңнаманы, әскери саланы терең білуге, түрлі құқық салаларында кешенді және жүйелі тәсілдермен әрекет етуге қабілеттілікті талап етеді. Әскери заңгерлердің жан-жақты құзыреті, талдау жасау қабілеті, мейлінше мұқият болуы, принциптілік пен жауапкершілік сынды қасиеттері елдің қорғаныс қабілетін нығайту және әскери қызметшілердің әлеуметтік қорғалуын қамтамасыз ететін міндеттерді лайықты орындауға мүмкіндік береді.Ақпарат көзі : https://www.gov.kz/memleket/entities/mod/press/news/details/1115688?lang=kk

Киев, 2025 жылғы 30 қараша – Қазақстан Республикасының Сыртқы істер министрлігі Новороссийск теңіз порты акваториясында халықаралық Каспий құбыр консорциумының аса маңызды инфрақұрылымына бағытталған кезекті мақсатты шабуылға байланысты наразылық білдіреді.Бұл оқиға халықаралық құқық нормаларымен қорғалатын азаматтық нысанға қарсы жасалған үшінші агрессиялық акті болып отыр.Жаһандық энергетикалық нарықтың жауапты қатысушысы ретінде Қазақстан энергия ресурстарын тұрақты әрі үздіксіз жеткізуді қамтамасыз етуге ерекше мән береді. Каспий құбыр консорциумы әлемдік энергетикалық жүйенің тұрақтылығын сақтауда айрықша орын алатынын атап өтеміз.Осы оқиғаны Қазақстан Республикасы мен Украинаның екіжақты қатынастарына залал келтіретін әрекет ретінде бағалаймыз және украин тарапы мұндай жағдайлардың қайталануына жол бермеу бойынша нақты шаралар қабылдайтынын күтеміз.Ақпарат көзі : https://www.gov.kz/memleket/entities/mfa-kiev/press/news/details/1115707?lang=kk

Биыл 1 қаңтардан бастап күшіне енген «Мемлекеттік сатып алу туралы» ҚР Заңы аясында елімізде Бірыңғай сатып алу платформасы іске қосылды. Аталған платформа мемлекеттік әрі квазимемлекеттік сектордың сатыпалымдарын біріктіреді. Енді қызмет көрсетушілер бірыңғай порталдың көмегімен тендерлерге қатыса алады. Бұл бизнес процесті едәуір жеңілдетеді. Бұған дейін авторизациялау әр жүйеде бөлек жүргізіліп келген еді.Жаңа платформада мемлекеттің үлесі 50% асатын барлық мемлекеттік органның, ұлттық компаниялардың, холдингтердің, кәсіпорындар мен ұйымдардың, сондай-ақ «Самұрық-Қазына» ұлттық әл-ауқат қоры мен оның еншілес ұйымдарының сатыпалымдары қамтылған. Бұл сатыпалым процесінің барлық қатысушысына (реттелетін сатып алуларға қатысуға) тең мүмкіндік береді.Тың жүйенің артықшылығы: реттелетін сатыпалымның барлық түріне біртұтас портал арқылы кіру, рәсімдердің толықтай ашық болуы, бір жүйеде сатыпалымның барлық түрін мониторингтеу және талдау, жеке кабинетте пайдаланушылардың сұранысына сай өлшемдердің жолға қойылуы.Осы жүйенің базасында әдістер, жоспарлар, келісімшарттар, өңірлер, бюджет түрлері, есептілік әкімгері бөлінісінде жоспарланып, өткізілген сатыпалымдар бойынша ақпаратты көрсететін Талдау модулі әзірленген.2025 жылы Бірыңғай сатып алу платформасына: білім алушыларды тамақтандыру, мемлекеттік білім беру тапсырысы, мемлекеттік-жекешелік әріптестік, ТМККБК шеңберінде дәрілік заттар мен медициналық бұйымдарды сатып алу қосылды.Келесі жылы табиғи монополия субъектілері мен жер қойнауын пайдаланушыларды сатыпалым алаңдарының платформасына қосу жоспарланған.Бұл амал сатыпалым рәсімдерін жеңілдетіп, біріздендіруге, сол секілді реттелетін сатыпалымдардың ашықтығын нығайтуға бағытталған. Ақпарат көзі : https://www.gov.kz/memleket/entities/minfin/press/news/details/1115666?lang=kk

KazAID пен IOM ынтымақтастық туралы меморандумға қол қойды2025 жылғы 28 қараша, Алматы қаласы – “KazAID” Қазақстанның халықаралық даму агенттігі мен Халықаралық көші-қон ұйымы (IOM) ынтымақтастық туралы меморандумға қол қойды.Алматы процесі аясындағы өңірлік жобаларды қолдауға және көші-қон деректері бойынша институционалдық өзара іс-қимылды нығайтуға бағытталған құжатқа KazAID басқарма төрағасы Аркен Арыстанов пен IOM-ның Қазақстандағы басшысы Серхан Актопрак қол қойды.Меморандумға қол қою Қазақстанның Орталық Азиядағы көші-қон саласындағы үйлестірілген тәсілдерді ілгерілету және әріптестікті күшейту жөніндегі ұмтылысын көрсетеді.Меморандум Алматы процесінің техникалық сарапшылар тобының отырысы аясында қол қойылды. Отырыста тиімді, дәлелді мемлекеттік саясат қалыптастыру үшін көші-қон деректерін стандарттау, салыстырмалық және цифрландыру мәселелері талқыланды.   Ақпарат көзі : https://www.gov.kz/memleket/entities/kazaid/press/news/details/1115629?lang=kk

Прага, 2025 жылғы 28 қараша – Қазақстан Республикасының Чех Республикасындағы Елшісі Бақыт Дүйсенбаев Чех Республикасы Парламентінің Депутаттар палатасы Халықаралық істер комитетінің жаңадан сайланған Төрағасы Радек Вондрачекпен кездесті. Келіссөздер барысында Қазақстан мен Чехия арасындағы екіжақты парламентаралық ынтымақтастықты дамыту және саяси диалогты кеңейту перспективалары талқыланды.Р.Вондрачек ҚР Парламентінің Мәжілісімен өзара іс-қимылды дамытуға қызығушылығын білдіріп, парламентарлық дипломатияны одан әрі нығайтуға қолдау көрсетуге дайын екенін атап өтті.Депутат Чехия Парламентінің жаңадан сайланған Төменгі палатасында «Чехия–Қазақстан» достық тобын басқаруға ықылас білдірді. Парламентаралық достық тобы бірлескен бастамаларды ілгерілету және ынтымақтастықты кеңейту үшін тиімді құрал екені атап өтілді.Р.Вондрачек сондай-ақ экономикалық, мәдени-гуманитарлық және өңіраралық ынтымақтастықты дамытуға қолдау көрсетуге дайын екенін растады.Кездесу барысында Орталық Азия мен Орталық Еуропа арасындағы парламентаралық диалогты дамыту перспективаларына ерекше көңіл бөлінді.Кездесу соңында тараптар парламентаралық өзара іс-қимылды одан әрі нығайтуға және жаңа бірлескен бастамаларды іске асыруға дайын екендерін растады.Ақпарат көзі : https://www.gov.kz/memleket/entities/mfa-prague/press/news/details/1115632?lang=kk

Алматы, 2025 жылғы 27-28 қараша – Орталық Азия елдері үшін Біріккен Ұлттар Ұйымының превентивтік дипломатия жөніндегі өңірлік орталығының қолдауымен Орталық Азия елдерінің сыртқы істер министрлері орынбасарларының жыл сайынғы 15-ші кездесуі өтті.Кездесу өңірдің қазіргі қауіп-қатерлері мен қауіпсіздік мәселелерін, Орталық Азия елдерінің Ауғанстандағы жағдайды тұрақтандыруға бағытталған күш-жігерін, сондай-ақ су-энергетикалық ресурстар саласындағы өңірлік ынтымақтастығын талқылауға арналды.Өзінің алғысөзінде Қазақстан Республикасы Сыртқы істер министрінің бірінші орынбасары Ержан Ашықбаев Орталық Азия елдеріндегі интеграциялық процестерді тереңдету Қазақстанның сыртқы саясатының маңызды басымдықтарының бірі болып қала беретінін жеткізді. Бұл әсіресе Орталық Азия мен Ауғанстан елдері үшін Орнықты даму мақсаттары бойынша БҰҰ Өңірлік орталығын Алматы қаласында құру контекстінде өзекті екендігін атап өтті.Е.Ашықбаев Ташкентте өткен Орталық Азия елдерінің Мемлекет басшыларының 7-ші консультативтік кездесуінің нәтижелері «Орталық Азия плюс» форматына қызығушылықтың артып келе жатқанын көрсеткенін ескере келе, бұл көрініс өңірдің саяси рөлі мен халықаралық субъектілігі артып келе жатқанының айқын айғағы екенін айтты.Осы сипатта өңір елдері үшін негізгі ұзақ мерзімді мақсат Орталық Азияны әлеуметтік-экономикалық дамуы динамикалы, жан-жақты ынтымақтастыққа, бейбітшілік пен өркендеуге ден қоятын өңір ретінде нығайту болмақ.Қазақ дипломатының пікірінше, орнықты және даму жолына түскен Ауғанстан Орталық Азия елдерінің сыртқы саясаттағы маңызды басымдықтарының бірі болып қала бермек, сондықтан елдер Ауғанстан Үкіметімен сауда, көлік, логистика салаларын дамытуға және гуманитарлық байланыстарды кеңейтуге ұмтылуда.Ол Орталық Азиядағы шынайы интеграция су-энергетикалық ресурстарды пайдалану және сақтау механизмдерін дамытуға байланысты екенін атап өтті, бұл әсіресе жаһандық климат өзгеруі және ірі шекаралас бассейндердің кебуі жалғасып жатқан кезеңде аса өзекті мәселе болмақ.Осы тұрғыда, қазақ дипломатының пікірінше, Қазақстан Президенті Қасым-Жомарт Тоқаевтың ұлттық су стратегияларын үйлестіру мақсатында Орталық Азиядағы су пайдалану бойынша Негіздемелік конвенцияны әзірлеу туралы бастамасы Қазақстанның су ресурстарын сақтау және пайдалану бойынша өңірлік механизмдерді қалыптастыруға жоғары қызығушылығын көрсетеді.Е.Ашықбаев бүгінгі таңда өңір қауіпсіздік пен ірі деректер массивтерін пайдалану саласында да сынақтар мен қауіп-қатерлерге тап болуда.Бұл жағдайда Қазақстанның жасанды интеллектіні пайдалануды тереңдету және Орталық Азия елдерімен жасанды интеллектіні жауапкершілікпен пайдалану туралы Декларация жобасын әзірлеу саласында ынтымақтастықты одан әрі дамытуға шақырған үндеулері өңірлік бірлескен цифрлық жобалар аясында деректерді алмасу барысында сенімділікті нығайту мен қауіпсіздікті қамтамасыз етуге ұмтылысты білдіреді деп атап өтті ол.Министрдің бірінші орынбасары Қазақстан Орталық Азия елдерімен БҰҰ Превентивті дипломатия өңірлік орталығы мандатының басымдықтары бойынша тығыз өзара әрекеттесуді әрі қарай жалғастыруға ниетті екенін мәлімдеді.Орталық Азия елдеріне арналған БҰҰ превентивті дипломатия жөніндегі Өңірлік орталығының басшысы Каха Имнадзе өз сөзінде превентивті дипломатия орталығының жаңа 2026-2030 жылдарға арналған іс-қимыл бағдарламасына негізделген өңірлік интеграция және бейбітшілік орнату саласындағы күш-жігерді үйлестірудегі рөлін атап өтті.Бағдарлама бес негізгі басымдыққа сүйенеді: алдын алу дипломатиясын ілгерілету, қақтығыстарды бақылау және дер кезінде ескерту, өңірлік ұйымдармен серіктестік орнату, БҰҰ алдын алу дипломатиясын нығайту, сондай-ақ Орталық Азия елдерінің Ауғанстанға қатысты міндеттерді шешуге қатысуын қолдау.Өз кезегінде, өңір елдерінің өкілдері Ауғанстанды қалпына келтіру және өңірлік қауіпсіздікті қамтамасыз ету мәселелерінде серіктестіктің стратегиялық деңгейін атап өтіп, өңірлік интеграцияны тереңдету қажеттігі туралы ортақ пікір білдірді.Аралды құтқару халықаралық қорының Атқарушы комитетінің төрағасы Асхат Оразбай Орталық Азия елдерінде су ресурстарын сақтау және тиімді пайдалану проблемаларына қатысты өз көзқарасымен бөлісіп, бірегей ландшафтты сақтау, экологиялық жүйелер мен су балансын тұрақты ету үшін жағдай жасау қажеттігіне назар аударды.Кездесу барысында Превентивті дипломатия академиясының жас тыңдаушылары өңірлік қауіпсіздік пен дамуға қатысты өз пікірлерін ұсына отырып, өңірде стратегиялық ынтымақтастықты тереңдету мәселелері бойынша кең талқылауға жоғары қызығушылық танытқанын атап өтті.Ақпарат көзі : https://www.gov.kz/memleket/entities/mfa-pretoria/press/news/details/1120322?lang=kk

2025 жылдың 25-29 қараша күндері Астана қаласында өткен ауыл мектептері оқушыларына арналған республикалық олимпиадада жаратылыстану-математикалық бағыт бойынша 36 оқушы бақ сынады. Алматы облысының оқушылары айқын жеңіске жетіп, 18 жүлделі орынға ие болды. Олимпиада қорытындысы бойынша Алматы облысының оқушылары келесі нәтижелерге жетті:І орын (алтын) – 6 оқушы:• Теремко Олег, Қарасай ауданы, «Долан ауылындағы жайлы мектеп», 10 сынып• Аюпов Расулжан, Талғар ауданы, №29 жалпы білім беретін орта мектеп, 10 сынып• Мецлер Альберт, Талғар ауданы, ЖББМ «ДАНА», 10 сынып• Нурланұлы Адлет, Іле ауданы, №38 мектеп-гимназия, 11 сынып• Бекмұхамет Айару, Іле ауданы, №36 орта мектеп, 9 сынып• Адбыхамыт Нұрислам, Еңбекшіқазақ ауданы, «Рахат ауылдық округі №1 орта мектебі», 11 сыныпІІ орын (күміс) – 7 оқушы:• Ильжанова Мадина, ЖББМ «ДАНА», 11 сынып• Камзин Алан, ЖББМ «ДАНА», 9 сынып• Брастин Назар, Талғар ауданы, №17 орта мектеп• Ербол Арлан, Талғар ауданы, №26 орта мектеп, 11 сынып• Ширбеков Юсуф, ЖББМ «ДАНА», 10 сынып• Сембин Амир, ЖББМ «ДАНА», 9 сынып• Манғаз Еркежан, Талғар ауданы, №18 жалпы білім беретін орта мектеп, 11 сыныпІІІ орын (қола) – 5 оқушы:• Абдрашит Алихан, Жамбыл ауданы, Ұзынағаш ауылындағы №1 мектеп-лицей, 10 сынып• Аликулова Асель, Іле ауданы, №40 орта мектеп, 11 сынып• Юрьев Амир, Ұйғыр ауданы, №1 Шонжы мектеп-лицей, 11 сынып• Еренсіз Дәулет, Қарасай ауданы, «KursasAnt Bilim Group» ЖШС, 11 сынып• Тұрысбек Әдемі, Жамбыл ауданы, Қарасу орта мектеп, 10 сынып.Командалық есепте Алматы облысы І орынды иеленді, бұл облыстың ауыл мектептері оқушыларының білім деңгейінің жоғары екенін тағы бір мәрте дәлелдеді.Олимпиада жеңімпаздары мен жүлдегерлерін шын жүректен құттықтаймыз!Ақпарат көзі : https://www.gov.kz/memleket/entities/almobl/press/news/details/1115621?lang=kk

Астана, 2025 жылғы 26 қараша – Қазақстан Республикасы Сыртқы істер министрлігінде кәсіби әлеуметтік жұмысты дамыту және адам құқықтарын қорғау тетіктерін жетілдіруге арналған дөңгелек үстел өтті.Іс-шараға мүдделі мемлекеттік органдардың, жоғары оқу орындарының, үкіметтік емес ұйымдар мен халықаралық ұйымдардың өкілдері қатысты. Қатысушылар әлеуметтік заңнаманы жаңғыртудың негізгі бағыттарын, еңбекті қорғау, қауымдастықтар еркіндігі, мигранттардың құқықтары, сондай-ақ, әлеуметтік жұмыстың кәсіби институт ретінде институционалдық дамуы мәселелерін талқылады.Өз кіріспе сөзінде, ҚР Сыртқы істер министрлігінің Ерекше тапсырмалар жөніндегі елшісі Алуа Надирқұлова, Президент Қасым-Жомарт Тоқаевтың әлеуметтік қызметкерлердің мәртебесін жүйелі түрде арттыруға ерекше назар аударатынын атап өтті. 2023 жылы қабылданған Әлеуметтік кодекс, осы бағыттағы маңызды қадам болды. Ол мамандардың кәсіби даярлығын оқыту арқылы дамыту, сертификаттау және біліктілік санаттарын тағайындау, сондай-ақ, кәсібилік деңгей мен атқарылатын функциялардың күрделілігіне қарай еңбекақының жаңа жүйесін енгізуге бағытталған.Елші, БҰҰ-ның Әмбебап кезеңдік шолу шеңберіндегі Қазақстанның осал топтарға, атап айтқанда, әйелдер, балалар және мүгедектігі бар адамдарға қатысты қабылданған ұсынымдары әлеуметтік жұмыс тетіктерін жетілдіру арқылы неғұрлым тиімді жүзеге асырылатынын атап өтті.«Ұлттық кәсіби әлеуметтік қызметкерлер альянсының» (Альянс) атқарушы директоры Динара Есимова қатысушыларды «Әлеуметтік жұмыс туралы» заң жобасының негізгі ережелерімен таныстырды. Бұл заң, кәсіпті сектораралық деңгейде бекітіп, кадрларды даярлау мен супервизияның тұрақты жүйесін құруға мүмкіндік береді.Альянс директорының орынбасары Асия Бекенова еңбек қорғау мен кәсіподақ қызметі, бейбіт жиналыстар мен қауымдастықтар еркіндігі, мигранттар және азаматтығы жоқ адамдардың құқықтарын қамтитын екі жылдық аналитикалық талдаудың нәтижелерімен таныстырды. Аталған талдау қолданыстағы заңнаманың кешенді шолуын, оның тәжірибеде қолданылуын, халықаралық стандарттармен салыстырылуын және оларды іске асыру бойынша ұсынымдарды қамтитынын атап өтті. Ол әлеуметтік қызметкерлердің кәсіби қауымдастығын жүйелі түрде нығайту және заманауи, тұрақты құқықтық база құру Қазақстандағы әлеуметтік жұмыстың тиімді дамуының негізгі шарттары екенін айтты.АҚШ-тағы халықаралық сарапшы Айтакин Хусеинли әлеуметтік жұмыстың жаһандық үрдістері мен стандарттары туралы айтып, халықаралық тәсілдерді ұлттық кадр даярлау бағдарламаларына интеграциялаудың маңыздылығын атап өтті. Ол, БҰҰ-ның 17 Орнықты даму мақсатының жартысынан астамы әлеуметтік және экономикалық мәселелерге байланысты екенін, сондықтан, бұл мақсаттарға қол жеткізуде әлеуметтік қызметкерлердің рөлі шешуші екенін мәлімдеді.Сонымен қатар құқықтану профессоры Муслим Хасенов қауымдастықтар еркіндігі, еңбекті қорғау және әлеуметтік сала мамандарының құқықтық мәртебесіне қатысты заңнаманы жаңарту жөніндегі ұсыныстарын ұсынды. Ол қолданыстағы нормативтік базаның қызметкерлер мен осал топтардың құқықтарын қорғаудың заманауи талаптарына және Қазақстанның халықаралық міндеттемелеріне сәйкес келе бермейтінін атап өтті.Бейбіт жиналыстар құқығына тоқтала отырып, профессор «Медиация туралы» заңның шеңберінде таңдалған бейтарап медиатордың қатысуымен медиация рәсімін заңнамалық түрде бекітудің қажеттілігін атап өтті. Бұл қақтығыстардың алдын алуға, әлеуметтік шиеленісті төмендетуге және халық пен мемлекеттік органдар арасындағы келіспеушіліктерді неғұрлым өркениетті түрде реттеуге мүмкіндік беретініне назар аударды.Альянстың Алматы қаласындағы филиалының басшысы Жанар Абдыхалыкова, Альянс директорының орынбасары Аягөз Аубакирова және Қызылорда филиалының басшысы Сандуғаш Исмагұлова супервизия, кәсіби стандарттар және әлеуметтік мамандықтарды жіктеу жүйесі бойынша зерттеу нәтижелерін ұсынды.Халықаралық танылған кәсіби қолдау жүйесі – «супервизияның» көмегімен әйелдерді тұрмыстық және гендерлік зорлық-зомбылықтан қорғау, балалардың құқықтарын қамтамасыз ету, мүгедектігі бар адамдардың құқықтарын қорғау салаларында әлеуметтік қызметкерлердің жұмысының сапасы көтеріледі. Супервизия мамандар құзыреттерін дамытуға, тәуекелдерді бағалаудағы қателіктерді азайтуға, қайталама жарақат пен виктимблеймингтің алдын алуға, ведомствоаралық үйлестіруді жақсартуға және құқыққа негізделген модельді енгізуге ықпал етеді.Қатысушылар «Әлеуметтік жұмыс туралы» заң жобасын, саланың негізгі реформасы ретінде ілгерілетудің маңыздылығына ерекше назар аударды. Қалыптасқан практикалық ұсынымдар әлеуметтік саланы дамытуға жүйелі және орнықты көзқарасты қамтамасыз ете отырып, кейінгі заңнамалық және институционалдық жұмысқа негіз болады.Жалпы, талқылаулар ашық және конструктивті форматта өтті. Іс-шара қорытындысында, қатысушылар ведомствоаралық өзара іс-қимылды күшейтудің, әлеуметтік қызметкерлердің кәсіби даярлығы мен супервизиясының бірыңғай жүйесін дамытудың, сондай-ақ, мемлекет, үкіметтік емес ұйымдар және академиялық қауымдастықтың күш-жігерін одан әрі біріктірудің маңыздылығын бірауыздан атап өтті.Ақпарат көзі : https://www.gov.kz/memleket/entities/mfa/press/news/details/1115612?lang=kk

Алматы, 2025 жылғы 28 қараша – Қазақстан Республикасы Сыртқы істер министрінің бірінші орынбасары Ержан Ашықбаев Қазақстандағы АҚШ Сауда палатасының (AmCham) Атқарушы директоры Джефф Эрлихпен кездесу өткізді.Кездесу барысында тараптар Президент Қасым-Жомарт Тоқаевтың биылғы қараша айында Вашингтонға жасаған сапарының қорытындысы бойынша жоғары деңгейде қол жеткізілген уағдаластықтарды сапалы іске асыру бағытында тығыз жұмыс жүргізуге келісті.Кездесу қорытындысында AmCham басшысы Қазақстандағы америкалық бизнестің қатысуын кеңейту және сауда-экономикалық байланыстарды нығайту ісіне белсенді түрде қолдау көрсетуге дайын екенін атап өтті.Ақпарат көзі : https://www.gov.kz/memleket/entities/mfa/press/news/details/1115536?lang=kk

Астана, 2025 жылғы 28 қараша – Қазақстан Республикасының Сыртқы істер министрі Ермек Көшербаевтың төрағалығымен онлайн форматта Экономикалық ынтымақтастық ұйымы (ЭЫҰ) Сыртқы істер министрлерінің 29-шы отырысы өтті.Іс-шараға Ұйымға мүше мемлекеттердің сыртқы істер министрлері мен өкілдері, ЭЫҰ мен Азиядағы өзара іс-қимыл және сенім шаралары жөніндегі кеңестің бас хатшылары, сондай-ақ байқаушылар қатысты.Отырыстың ЭЫҰ күнінде өтуі символикалық мәнге ие екенін атап өтіп, Қазақстан СІМ басшысы қатысушыларды осы айтулы сәтпен құттықтады.Өз сөзінде Е.Көшербаев «Өңірлік көліктік байланысты және тұрақты дамуды ілгерілету» атты ұранымен өткен Қазақстанның ЭЫҰ-дағы төрағалығын қорытындылап, Ұйым аясындағы ынтымақтастықтың басым бағыттарын белгіледі.Сонымен қатар Министр сауда, инвестиция, ауыл шаруашылығы, көлік, цифрландыру, экология салаларындағы Қазақстанның әлеуеті туралы айтып, ЭЫҰ-ға мүше мемлекеттерді аталған бағыттардағы еліміздің мүмкіндіктерін бірлесіп игеруге шақырды.Кеңес отырысының қорытындысы бойынша ЭЫҰ Хатшылығының әкімшілік, қаржылық және кадрлық мәселелеріне қатысты маңызды шешімдерді қамтитын есеп бекітілді.Ақпарат көзі : https://www.gov.kz/memleket/entities/mfa-pretoria/press/news/details/1120313?lang=kk

Гаага қ. Қазақстан Республикасы мен Нидерланд Корольдігінің ауыл шаруашылығы министрліктері өкілдерінің мазмұнды кездесулері өтті. Келіссөздер ауыл шаруашылығы саласындағы екі ел арасындағы ұзақ мерзімді әріптестікті нығайту жолында маңызды қадам болды.Тараптар орнықты агротехнологияларды дамыту, өндіріс тиімділігін арттыру, инновациялық шешімдерді енгізу және ғылыми-зерттеу ынтымақтастығын күшейту сияқты кең ауқымды бағыттар бойынша өзара әрекеттестікті кеңейту перспективаларын талқылады. Практикалық форматтарды нығайтуға және бірлескен жобаларды ілгерілетуге өзара қызығушылық расталды.Келіссөздердің жеке бөлімі Қазақстанның Өсімдіктердің жаңа сорттарын қорғау жөніндегі халықаралық одағына (UPOV) кіру процесін ілгерілетуге арналды. Нидерланд тарапы нормативтік-құқықтық базаны үйлестіруге және селекция саласындағы зияткерлік меншік құқықтарын қорғаудың заманауи тетіктерін енгізуге сараптамалық қолдау көрсетуге дайын екенін білдірді. Қазақстанның UPOV-ға қосылуы отандық өсімдік шаруашылығының бәсекеге қабілеттілігін арттыру жолындағы маңызды қадам ретінде атап өтілді.Кездесулер барысында екі министрліктің бірлескен жұмыс тобы шеңберінде қол жеткізілген келісімдердің орындалу барысы қаралды. Ынтымақтастықтағы оң динамика атап өтіліп, жобалық күн тәртібін кеңейту мен әрі қарай пысықтаудың басым бағыттары айқындалды.Ерекше назар аграрлық сектор үшін білім беру бағдарламаларын дамыту және білікті кадрлар даярлау мәселелеріне аударылды. Профильдік оқу орындары арасындағы ынтымақтастықты тереңдету, алмасу бағдарламаларын, тағылымдамаларды кеңейту және бірлескен білім беру бастамаларын іске асыру перспективалары талқыланды. Ауыл шаруашылығындағы қазіргі технологиялық өзгерістер мен сын-қатерлерге сәйкес келетін құзыреттерді қалыптастырудың маңыздылығы атап өтілді.Өткізілген келіссөздер Қазақстан мен Нидерландтың мемлекеттеік органдары мен бизнес өкілдері арасынлағы екіжақты ынтымақтастық пен практикалық өзара іс-қимылды жүйелі түрде нығайту ниеті расталды. Тараптар қол жеткізілген келісімдер заманауи, инновациялық және орнықты аграрлық секторды дамытуға бағытталған өзара тиімді жобаларды іске қосуға берік негіз қалайды деп атап өтті.Ақпарат көзі : https://www.gov.kz/memleket/entities/mfa-hague/press/news/details/1115542?lang=kk

Будапешт, 2025 жылғы 26 қараша - ҚР Мажарстандағы Елшісі Абзал Сапарбекұлы, Мажарстанның жетекші талдау орталықтарының бірі - Дунай институтының сарапшыларымен өткен дөңгелек үстелге қатысты. Кездесуде Қазақстан-Мажарстан қатынастарының қазіргі даму динамикасы, Түркі мемлекеттері ұйымы (ТМҰ) аясындағы ынтымақтастық мәселелері және Орталық Азиядағы өңірлік үрдістер қарастырылды.Елші өз кіріспе сөзінде Қазақстан мен Мажарстан арасындағы стратегиялық серіктестіктің жыл сайын артып келе жатқанын, бұған жоғары деңгейдегі кездесулердің жиілеуі, экономикалық ынтымақтастықтың кеңеюі және институционалдық диалогтың тереңдеуі ықпал етіп отырғанын атап өтті. Ол Мажарстанның 2018 жылдан бері ТМҰ-дағы Байқаушы мемлекет ретіндегі белсенді қатысуы саяси, экономикалық және мәдени байланыстардың тереңдеуіне, маңызды үлес қосып отырғанын айтты.Елші Мажарстанның Түркі өңіріне деген қызығушылығы жаңа немесе кездейсоқ құбылыс емес екенін атап өтті. Географиялық қашықтыққа қарамастан, Мажарстан Түркі әлемімен тарихи жақындықты, тілдік байланыстарды және мәдени дипломатия дәстүрлерін бөліседі. Елдің мәдени бақылаушыдан белсенді стратегиялық әріптеске дейінгі эволюциясы мақсатты әрі нәтижелі болып, ынтымақтастықтың жаңа бағыттарын ашуда.Бағдарлама аясында Түркі Академиясының сарапшысы, PhD Дінмұхаммед Әметбек Қазақстанның сыртқы саясаты және Түркі мемлекеттері ұйымының қалыптасуы мен дамуы жөнінде, халықаралық қатынастар теориялары тұрғысынан жан-жақты баяндама жасады.Д.Әметбек Түркі әлемінің жаһандық геосаясаттағы орны, түркі ынтымақтастығы тетіктерінің дамуы, Қазақстанның сыртқы саяси басымдықтары - өңірлік тұрақтылық, экономикалық байланыстылық және көпжақты дипломатия, сондай-ақ ТМҰ-ның түркі мемлекеттері арасындағы заманауи ынтымақтастық архитектурасын қалыптастырудағы рөлі жөнінде кең көлемді ақпарат берді.Сонымен қатар ол Түркі Академиясының қызметі туралы айтып, ғылыми зерттеулер, жобалар және түркі кеңістігіндегі ғылыми-білім беру ынтымақтастығын нығайтуға бағытталған бастамалар туралы хабардар етті. Сарапшы Мажарстанның Түркі Академиясының белсенді бақылаушысы ретінде бірнеше ғылыми бағыттар бойынша ынтымақтасатынын атап өтті.Дунай институтының сарапшылары талқылауға белсенді қатысып, күн тәртібінде қозғалған мәселелер бойынша кең ауқымды сұрақтар қойды. Тараптар сараптамалық ынтымақтастықты жалғастыруға және зерттеу, білім, дипломатия және талдамалық саясат салаларындағы бірлескен бастамаларды кеңейтуге дайын екендіктерін білдірді. Ақпарат көзі : https://www.gov.kz/memleket/entities/mfa-budapest/press/news/details/1115548?lang=kk

ҚР Парламенті Мәжілісінің Төрағасы Е.Қошанов бастаған бір топ депутат Марокко Корольдігінде ресми сапармен болды.Рабат қаласында Мәжіліс делегациясы Марокко Корольдігі Парламенті Өкілдер палатасының төрағасы Рашид Талби Әл-Аламимен және Кеңесшілер палатасының төрағасы Мұхаммед Ульд Ар-Рашидпен, сондай-ақ Үкімет басшысы Азиз Аханнушпен кездесті.Ақпарат көзі : https://www.gov.kz/memleket/entities/mfa-rabat/press/news/details/1115552?lang=kk