🔹️ Шәйнектегі есірткі: такси жүргізушісі қылмысты ашуға көмектестіТүркістан облысы полиция департаменті қылмысты ашуға септігін тигізген қоңырау туралы айтып берді.Ақпарат Polisia.kz сайтында.#ЗАҢМЕНТӘРТІПАқпарат көзі : https://www.gov.kz/memleket/entities/kostanai-altynsarin-obagan/press/news/details/973210?lang=kk

Қостанай облысындағы жаңа зауыттар өңірдің елдегі автомобиль жасау орталығына айналуына мүмкіндік береді – Құмар Ақсақалов2024 жылдың 11 айының қорытындысы бойынша Қостанай облысының негізгі макроэкономикалық көрсеткіштері бойынша оң динамика байқалды. Ауыл шаруашылығы көлемі 19,4%-ға, құрылыс – 14,1%-ға, жеке инвестициялар – 10,7%-ға, сауда – 9,9%-ға, көлік – 5,3%-ға, тұрғын үйді пайдалануға беру – 4,1%-ға өсті. Орташа жалақы 13,3%-ға өсіп, 329 131 теңгені құрады. Ал 2 жыл ішінде ол 1,4 есе өсті. 17 мың жұмыс орны құрылды. Жұмыссыздық 4,6%-ға дейін төмендеді. ОКҚ алаңында аймақ басшысы Құмар Ақсақалов атап өткендей, кедейлік шегінен төмен тұратын және атаулы әлеуметтік көмек алатын отбасылар санын 3964-тен 2356-ға дейін азайтуға қол жеткізілді. Нәтижесінде, АӘК алатын отбасылар санының төмендеу қарқыны бойынша облыс ҚР бойынша екінші орында.Ақпарат көзі : https://www.gov.kz/memleket/entities/kostanai-altynsarin-obagan/press/news/details/973206?lang=kk

📲 Қарағандыда кибералаяқтық схемасы әшкереленді: 2000-нан астам sim-карта тәркілендіАқпарат Polisia.kz сайтында.#ЗАҢМЕНТӘРТІПАқпарат көзі : https://www.gov.kz/memleket/entities/kostanai-altynsarin-obagan/press/news/details/973203?lang=kk

🔸Елордалық полицей концерттік билеттерді сатудың алаяқтық схемасын анықтадыЖалған билеттер алып, Орда тобының кешіне кіре алмай, алданған астаналықтар полицияға жүгінді. Жәбірленушілер алданғандарын концертке кіре алмаған сәтте ғана білді.Толығырақ сайтта#ЗАҢМЕНТӘРТІПАқпарат көзі : https://www.gov.kz/memleket/entities/kostanai-altynsarin-obagan/press/news/details/973197?lang=kk

🔸Үш жолаушы қос азаматтығы үшін айыппұл арқалап елден шығарылдыМәскеу-Қарағанды әуе рейсі ұшып келгеннен кейін қала әуежайында үш шетелдік азамат ұсталды.Толығырақ сайттаЖыл басынан бері полицейлер ҚР Көші-қон заңнамасын бұзғаны үшін 3629 шетелдікті әкімшілік жауапкершілікке тартып, оның 1077-сі сот шешімі бойынша елден шығарылды. Сонымен қатар, қос азаматтығы бар 412 тұлға анықталып, олар бойынша да тиісті шаралар қабылданды.#ЗАҢМЕНТӘРТІПАқпарат көзі : https://www.gov.kz/memleket/entities/kostanai-altynsarin-obagan/press/news/details/973195?lang=kk

🤝 Мүгедектер арбасына таңылған ер адам 5 жылдан астам уақыт бойы полицейлерге қоғамдық тәртіпті сақтауға көмектесіп келеді15 жыл бұрын Есболат Балабаев жол апатына ұшырап, мүгедектер арбасына таңылды. Күрделі оңалту кезеңінен кейін ол полицейлерге ЖКО-ның алдын алу шараларына көмектесе бастады. Оның мақсаты — өз тәжірибесі арқылы басқаларды осындай тағдырдан сақтандыру.Толығырақ сайтта.#ЗАҢМЕНТӘРТІПАқпарат көзі : https://www.gov.kz/memleket/entities/kostanai-altynsarin-obagan/press/news/details/973194?lang=kk

Қазақстан халқы Ассамблеясының 30 жылдығы аясында «Елтану» және «Бірлігіміз әралуандықта» жобалары негізінде «Дагестан» этномәдени бірлестігінің төрағасы мен «Возрождение» немістер этномәдени бірлестігінің төраға орынбасары, этномедиация орталығының жетекшісі Ақтөбе құрылыс техникалық колледжінің студенттерімен кездесіп, ҚХА-ң даму тұжырымдамасы мен қоғамдық жобаларының іске асырылуы мен орындалуы туралы баяндады.Ақпарат көзі : https://www.gov.kz/memleket/entities/aktobe-sayasat/press/news/details/973188?lang=kk

Өзінің туған Нежинка ауылында Мұрат Кабенович Жұмабеков ойлап тапқан, ұйымдастырған және көптеген жылдар бойы өткізген жыл сайынғы би фестивалі биыл аудандық мәдениет үйінің сахнасында өтті. Бұл мерекені аудандық білім бөлімі мен Өнер мектебі ұйымдастырды. Мұрат Кабеновичтің қызы, Диана Мұратқызы фестиваль қатысушылары мен ұйымдастырушыларына жылы лебіздерімен және тілектерін білдірді. Фестивальге аудан бойынша 140-тан астам қатысушы қатысты. Би нөмірлері үш номинация бойынша ұсынылды: халықтық, заманауи және эстрадалық би. Концерттік бағдарлама 3-5 жас, 6-9 жас, 10-13 жас және 14-16 жас санаттары бойынша өтті. Бұл фестиваль қонақтарға көптеген жарқын және әсерлі билерін сыйлады. Мұрат Кабенович Жұмабеков туралы жарқын естелік оның игі істері мен Мұрат Кабеновичтің есімі берілген би фестивалі болып қала бермек.Ақпарат көзі : https://www.gov.kz/memleket/entities/gmusrep-roo/press/news/details/973185?lang=kk

Тұрғын үй орталығы жыл сайын кезек тізімдерін түгендеу және тұрғын үйді кезек тәртібімен беру мәселесін қарау шеңберінде «Халықтың әлеуметтік осал топтары» және «Көп балалы отбасылар» санаттары бойынша тұрғын үйге мұқтаждардың есебінде тұрған азаматтарға тізбеге сәйкес сұратылған құжаттарды ұсынуды сұрайды.Өтініш беру үшін сізде болуы керек:1) ЭЦҚ кілті;2) өтініш берушіге және Қазақстан Республикасы бойынша отбасының барлық мүшелеріне жылжымайтын мүліктің жоқтығы (бар болуы) туралы анықтама (анықтама өтінім берген сәтте күніне бір күн, ҚР электрондық үкімет порталынан алынуы тиіс – EGOV.KZ); 3) балалардың туу туралы куәлігінің сканерленген нұсқасы / отбасы мүшелерінің жеке куәлігі(бар болса);4)неке қию/бұзу/ әке болуды анықтау туралы куәліктің сканерленген нұсқасы/ №4 нысан/ қайтыс болу туралы куәлік (бар болса);5) үлесі, тұрғын жылжымайтын мүлкі, жатақханаларда бөлмелері болған кезде меншік құқығының туындағанын растайтын құжаттарды (сатып алу сату/ сыйға тарту/ айырбастау/ жекешелендіру /беру/ мұрагерлік құқығы туралы куәліктің көшірмесі және т. б.) ұсыну қажет;6) өтініш берушінің және кезекте тұрған отбасының құрамында көрсетілген отбасы мүшелерінің мүгедектігі туралы анықтаманың сканерленген нұсқасы (бар болса).Құжаттарды тапсыру мерзімі мен тәсілі:Құжаттар 2025 жылғы 14–30 сәуір аралығында birge.astana.kz порталы арқылы электронды түрде қабылданады.Ерекше шарттар:Қазақстан Республикасының заңнамасына сәйкес әрекетке қабілетсіз деп танылған азаматтардың қамқоршылары құжаттарды Астана қаласының Тұрғын үй және тұрғын үй инспекциясы басқармасының кеңсесіне жеке өзі келіп тапсыруы қажет.Мекенжайы: Астана қаласы, «Байқоңыр» ауданы, Республика даңғылы, 32 (Тұрғын үй орталығының бірінші қабаты).Назар аударыңыз:Құжаттарды уақтылы тапсырмау немесе олардың болмауы кезек тізімінен шығуға әкеп соғуы мүмкін.Ақпарат көзі : https://www.gov.kz/memleket/entities/astana-uzh/press/news/details/973180?lang=kk

Шахтинск қаласының білім бөлімімен 2025 жылғы 2 сәуір күні «Ш.Уәлиханов атындағы мектеп-гимназиясы» КММ базасында республикалық Мәшһүр - Жүсіп оқуларының қалалық кезеңі өтті.Мәшһүр - Жүсіп оқуларының қалалық кезеңіне 21 оқушы қатысты.Мәшһүр - Жүсіп оқулары қалалық кезеңінің қорытындысы бойынша келесі жүлделі орындар белгіленді:І бағыт. «Алдыма өлең жаз деп қағаз келген, Сөзімді сөйлеп бақтым мен де білген» ақындар мүшәйрасы бойынша: 1 орын. Қадирбекұлы Нұржан. Ә.Бөкейханов атындағы мектеп-лицейі. Мұғалімі: Карабаева Ф.Ж.2 орын. Ильясов Мейиржан. С.Асфендияров атындағы жалпы білім беретін мектебі. Мұғалімі: Калабаева А.С.3-орын. Жусупова Айша. №7 жалпы білім беретін мектебі. Мұғалімі: Дюсембекова П.Б.3-орын. Еркибаева Асель. №12 жалпы білім беретін мектебі. Мұғалімі: Рамазанова Э.Н.ІІ бағыт. «Бас болып өнер білсең, тіпті жақсы» ғылыми-зерттеу жобасын қорғау бойынша: 1 орын. Баикен Асылхан. Ә.Бөкейханов атындағы мектеп-лицейі. Мұғалімі: Жолшибекова У.Т.2 орын. Есімова Аружан. С.Сейфуллин атындағы мектеп-гимназиясы. Мұғалімі: Газизова М.Г.3 орын. Исабай Мадина. С.Асфендияров атындағы жалпы білім беретін мектебі. Мұғалімі: Біржікен Э.О.ІІІ бағыт.  «Білімді зерек адам болам!»-десең, Қара өзіңді басқанын айнасымен» эссе жазу бойынша: 1 орын. Шайзанда Ақбота. С.Асфендияров атындағы жалпы білім беретін мектебі. Мұғалімі: Барлыбай Н.Т.2 орын. Маратбекқызы Фарида. Ә.Бөкейханов атындағы мектеп-лицейі. Мұғалімі: Каржасова А.С.3 орын. Исатай Ақнұр. №12 жалпы білім беретін мектебі. Мұғалімі: Нажмаддинова Н.С.IV бағыт. «Мәшһүр Жүсіп Көпейұлының фольклорлық мұрасы. Хандар, батырлар» бойынша: 1 орын. Орманова Аяулым. Ә.Бөкейханов атындағы мектеп-лицейі. Мұғалімі: Касенов Н.М.2 орын. Уринбасаров Асылбек. С.Асфендияров атындағы жалпы білім беретін мектебі. Мұғалімі: Барлыбай Н.Т.3 орын. Алтайбай Салима. №12 жалпы білім беретін мектебі. Мұғалімі: Рамазанова Э.Н.V бағыт. «Мәшһүр Жүсіп Көпейұлының фольклорлық мұрасы. Би-шешендер, жырау-ақындар» бойынша: 1 орын. Алтайбай Аяулым. №12 жалпы білім беретін мектебі. Мұғалімі: Нажмаддинова Н.С.2 орын. Ергешбай Иврахим. С.Асфендияров атындағы жалпы білім беретін мектебі. Мұғалімі: Сабиолдина А.К.3 орын. Болатов Нурдаулет. Ә.Бөкейханов атындағы мектеп-лицейі. Мұғалімі: Салимжанова Д.С. 2025 жылғы 15 сәуір күні өткен «Мәшһүр-Жүсіп оқулары» байқауының қалалық кезеңінде 1-орынға ие болған оқушылар Шахтинск қаласының намысын қорғау үшін облыстық кезеңге жолдама алды. Барша қатысушыларға сәттілік тілейміз!  Ақпарат көзі : https://www.gov.kz/memleket/entities/edu-shahtinsk/press/news/details/973178?lang=kk

Ғабит Мүсірепов атындағы ауданның мектепке дейінгі тәрбие мен оқытудың мобильді тобы мектептерді мемлекеттік аттестаттауға дайындық кезінде әдістемелік көмек көрсетуге бағытталған жұмыс жүргізді. Осы айда Рузаевка ОМ, Сокологоровка ОМ, №2 Новоишим ОМ және Новоишим қазақ ОМ сияқты бірнеше ұйымдарға назар аударылды.Мобильді топтың жұмысы педагогтарды қолдауды қамтамасыз етуге, олардың біліктілігі мен кәсіби өсуін арттыруға бағытталған, бұл өз кезегінде ауданның білім беру ортасына және мектепке дейінгі ұйымдардың дамуына оң әсер етеді.Ақпарат көзі : https://www.gov.kz/memleket/entities/gmusrep-roo/press/news/details/973176?lang=kk

Солтүстік Қазақстан облысының полиция департаментіндегі кезекті жедел кеңес тергеу бөліністері мен көші-қон қызметінің қызметкерлерін марапаттаудан басталды.Ішкі істер министрінің бұйрығына сәйкес, жұмыста жоғары көрсеткіштерге қол жеткізгені үшін Петропавл қаласы полиция басқармасы тергеу бөлімінің аға тергеушісі Алена Дёроваға атқарып отырған лауазымынан бір сатыға жоғары полиция подполковнигі атағы берілді.Тайынша ауданының аға тергеушісі полиция подполковнигі Абай Сүйіндіков «Құқық тәртібін қамтамасыз етуге қосқан үлесі үшін» медалімен марапатталды. Ал СҚО ПД тергеу басқармасының аса маңызды істер жөніндегі аға тергеушісі Бибігүл Қасеноваға «Ішкі істер органдарының үздігі» төсбелгісі табыс етілді.СҚО полиция департаментінің грамоталары көші-қон қызметінің қызметкерлері: бас мамандар Әлия Мұстафина мен Гүлнәр Сәліковаға, жетекші маман Ольга Пашковаға табысталды. ПД бастығы Айдын Қабдұлдинов алғыс хатпен Уәлиханов ауданының көші-қон қызметінің тәжірибелі қызметкері полиция майоры Ержан Хамзинді марапаттады.Тағы 9 қызметкер грамоталармен және алғыс хаттармен марапатталды. Салтанатты шара кәсіби мерекелерге: 5 сәуір – ҚР көші-қон қызметі, ал 6 сәуір – ҚР тергеу органдары қызметкерлерінің күндеріне орайластырылған.Ақпарат көзі : https://www.gov.kz/memleket/entities/mvd-sko/press/news/details/973169?lang=kk

Туризм және спорт министрлігі жанынан құрылған арнайы жұмыс тобы еліміздің өңірлеріндегі спорт саласына жүргізілетін мониторингтің екінші кезеңін бастайды. Бұл топтың негізгі міндеті – былтыр өңірлерде анықталған мәселелердің шешілу барысын тексеру және министрлік тарапынан қолға алынған спорт реформаларын жергілікті жерлерде түсіндіру.Бірінші кезеңде жұмыс тобы аймақтарды аралап, жергілікті спорт инфрақұрылымының жай-күйін зерттеп, саладағы мәселелер мен олқылықтарды жинақтап, министрлікке ұсынған. Нәтижесінде, әр өңірге нақты ұсыныстар жолданып, жүйелі жұмыс жүргізуге бағыт берілді.Екінші кезеңде осы ұсыныстардың өңірлерде қалай іске асып жатқанына талдау жасалады. Сонымен қатар жұмыс тобы өңірлердегі спорт мектептерінің, балалар мен жасөспірімдер спорт мектептерінің, олимпиадалық даярлау орталықтарының және басқа да мекемелердің қызметімен танысып, қажет болған жағдайда әдістемелік және тәжірибелік көмек береді.Жұмыс тобы 10 адамнан құралған және екі бағытқа бөлінеді. Топ құрамында экономист, заңгер, құқықтық және әкімшілік-кадр, сарапшы, спорт менеджерлері және тағы басқа мамандар бар. Бірінші топ Қарағанды облысына, екіншісі Абай облысына жол тартады. Әр өңірде кемінде бір апта немесе он күннен астам уақыт жұмыс жүргізу жоспарланған. Жалпы алғанда, бірінші жартыжылдықтың соңына дейін 20 өңірді толық қамту көзделіп отыр.Мониторинг жұмыстары бекітілген кесте және келісілген жоспар бойынша жүзеге асады. Жұмыс барысын Туризм және спорт министрлігі тікелей бақылауда ұстайды.Бұл жұмыс орталық пен өңір арасындағы өзара іс-қимылды күшейтіп, реформаларды тиімді жүзеге асыруға және жергілікті деңгейдегі спорт саласын нақты деректер негізінде дамытуға мүмкіндік береді.Айта кетейік, жұмыс тобы Мемлекет басшысы Қасым-Жомарт Тоқаевтың тапсырмаларын орындау, спорт саласын жүйелі дамыту және мемлекеттік бастамаларды жүзеге асыру мақсатында ҚР Туризм және спорт министрлігі жанынан құрылған болатын.Ақпарат көзі : https://www.gov.kz/memleket/entities/tsm/press/news/details/973163?lang=kk

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің Астана қаласы бойынша департаменті Абай Құнанбайұлының 180 жылдығына орай ерекше шығармашылық кеш ұйымдастырды. Бұл кеш ұлы ақынның әдеби мұрасын дәріптеп, қазақ тілінің мәртебесін арттыруға бағытталды.Шараның мақсаты:Абай Құнанбайұлының шығармашылық мұрасын кеңінен насихаттау, оның терең философиясы мен поэзиясын таныстыру, мемлекеттік тілдің қолданыс аясын кеңейту.Шығармашылық кеш барысында:Абай өлеңдерінен үзінділер оқылдыАқынның философиялық ойлары мен шығармашылығы талқыландыҚатысушылар Абайдың туындылары бойынша өз пікірлерін білдіріп, рухани сұхбаттастыАбай шығармаларын өнер түрлері арқылы ұлықтау жүзеге асырылдыҰлы ақынның шығармашылығын дәріптеу шарасына Департамент қызметкерлері белсене қатысты. Бұл кеш қазақ әдебиетінің асыл қазынасын жастар арасында насихаттауға үлкен үлес қосады! Ақпарат көзі : https://www.gov.kz/memleket/entities/dkmfk-astana/press/news/details/973158?lang=kk

      Бүгінгі қоғамның басты мәселелерінің бірі – сыбайлас жемқорлық. Бұл індет тек мемлекеттік деңгейде ғана емес, күнделікті өмірде де кездесіп жатады. Сондықтан оның алдын алу – баршамыздың ортақ міндетіміз.     Баланың алғашқы тәрбиесі – отбасынан басталады. Сіздердің әрбір іс-әрекеттеріңіз, адалдыққа деген көзқарастарыңыз балаңыздың болашақтағы ұстанымына тікелей әсер етеді. Егер бала әділдік пен шыншылдықты үйренсе, ол ешқашан заңсыз жолды таңдамауға тырысады.Сыбайлас жемқорлыққа қарсы мәдениетті қалыптастыру үшін:🔹️балаларыңызға адалдық пен әділдіктің маңызын түсіндіріңіз;🔹️заңды құрметтеуді үйретіңіз;🔹️өз әрекеттеріңізбен үлгі болыңыз;🔹️қоғамдағы теріс әрекеттерге бейжай қарамауға тәрбиелеңіз.Біз бірге әділ, таза және парасатты қоғам құра аламыз. Әр отбасы – болашақтың негізі. Сондықтан адал ұрпақ тәрбиелеу – ең маңызды міндет.Жемқорлықсыз болашақ – біздің қолымызда! ҚР Мемлекеттік қызмет істері агенттігінің Абай облысы бойынша департаменті  #elgekyzmet🇰🇿#АдалҰрпақ#СаналыҰрпақ#СыбайласЖемқорлыққаЖолЖоқ#СкажемНетКоррупции @elgeqyzmet.gov.kz@darkhan.jazyqbay @muximov_salauat@elgeqyzmet.abaiАқпарат көзі : https://www.gov.kz/memleket/entities/abay-kurchatov/press/news/details/1218702?lang=kk

Қазақстан  Республикасының 2015 жылғы 18 қарашадағы «Сыбайлас жемқорлыққа қарсы іс – қимыл туралы» Заңының 8- бабы 5- тармағына  және «Сыбайлас жемқорлық тәуекелдеріне ішкі  талдау жүргізудің үлгілік қағидиларын бекіту туралы»  Қазақстан Республикасы Мемлекеттік  қызмет  істері және сыбайлас жемқорлыққа қарсы іс – қимыл агенттігі Төрағасының 2016 жылғы 19 қазандағы №12 бұйрығына сәйкес 2025 жылдың 22 сәуірден бастап 22 мамыр аралығында Жәнібек ауданы әкімінің аппаратына және аудан әкімдігіне бағынысты бөлімдерінде, сонымен қатар Тау, Қамысты, Борсы, Жақсыбай және Талов ауылдық округ әкімі аппараттарына сыбайлас жемқорлық тәуекелдері  бойынша ішкі талдау жүргізіледі.Ақпарат көзі : https://www.gov.kz/memleket/entities/bko-zhanibek/press/news/details/973135?lang=kk

Қарағанды ​​облысы білім басқармасының «Шахтинск қаласының білім бөлімі» ММ мектепке дейінгі білім беру ұйымдарындағы 2025 жылғы 8 сәуірдегі жағдай бойынша бос орындар саны туралы хабарлайды: «Алёнка» бөбекжайы» КМҚК:2022 ж.т. – 3 орын. «Берёзка» бөбекжайы» КМҚК:2019 ж.т. – 15 орын;2020 ж.т. – 7 орын;2021 ж.т. – 6 орын; «Ботагөз» бөбекжайы» КМҚК:2019, 2020 ж.т. (сөйлеу қабілеті бұзылған балаларға арналған түзету тобы) – 4 орын;2019,2020,2021 ж.т. – 2 орын (оқыту мемлекеттік тілде);2021 ж.т. – 13 орын;2022 ж.т. – 21 орын. «Гүлдер» бөбекжайы» КМҚК:2019 ж.т. - 2 орын;2020 ж.т. - 10 орын;2022 ж.т. - 2 орын; «Еркетай» бөбекжайы» КМҚК:2019 ж.т. - 9 орын;2020 ж.т. – 1 орын. «Қарлығаш» бөбекжайы» КМҚК:2019 ж.т. - 5 орын;2020 ж.т. – 1 орын;2021 ж.т. – 2 орын;2022 ж.т. - 2 орын;2023-2022 ж.т. – 1 орын; «Салтанат» бөбекжайы» КМҚК:2020 ж.т. - 1 орын; «Снегурочка» бөбекжайы» КМҚК:2020 ж.т. – 2 орын;2021 ж.т. – 2 орын;2022 ж.т. - 1 орын.Ақпарат көзі : https://www.gov.kz/memleket/entities/edu-shahtinsk/press/news/details/973123?lang=kk

Қазақстанның Ресейдегі Елшісі Дәурен Абаевтың Калининград облысына жұмыс сапары өтті.Губернатор Алексей Беспрозванныхпен кездесу барысында ынтымақтастықтың өзекті мәселелері талқыланды.2024 жылдың қорытындысы бойынша Қазақстан өңірлері мен Калининград облысы арасындағы тауар айналымы $91,9 млн. құраған, бұл 2023 жылғы көрсеткіштен 31% - ға артық. Мұндай өсу қарқыны сауда-экономикалық ынтымақтастықты одан әрі кеңейту, өзара инвестицияларды және кәсіпорындар арасындағы тікелей байланыстарды жандандыру үшін жоғары әлеуетті көрсетеді.Тараптар Қазақстан мен Калининград облысының бизнес-топтары өкілдерінің кездесулерін өткізу қажеттілігін қолдады. Іскерлік байланыстарды нығайту мақсатында Елші «За Родину» балық өңдеу кешенінде, «Автотор» автоқұрастыру кәсіпорнында және Калининград кәріптас комбинатында болып қайтты.Д.Абаев, сонымен қатар аймақтың көркем табиғаты мен бай тарихи-мәдени мұрасына назар аудара отырып, мұражай және туристік салаларда ынтымақтастықты дамытуға дайын екендігін білдірді.Сапар барысында Жеңіс мерейтойын мерекелеу тақырыбына ерекше көңіл аударылды. Губернатормен бірге Елші «1200 гвардияшы» мемориалына гүл шоқтарын қойып, қала үшін шайқаста қаза тапқан Алматы облысының тумасы, Кеңес Одағының Батыры Төлен Қабыловты еске алу рәсіміне қатысты. Іс-шара жергілікті №14 мектепте өтті, мектеп қасбетінде қазақстандық жауынгердің құрметіне мемориалдық тақта орнатылған. Сонымен қатар, оның есімі Калининград көшелерінің біріне берілген.Сапар соңында Елші «Калининград қаласы» қалалық округі әкімшілігінің басшысы Елена Дятловамен және «Калининград қаласы» қалалық округінің басшысы Олег Аминовпен кездесті. Әңгіме барысында Д.Абаев өңір халқының шамамен 13% - ы Қазақстаннан шыққандар екенін ескере отырып, Калининград пен Қазақстан қалаларының бірі арасында бауырластық байланыс орнатуды ұсынды. Ақпарат көзі : https://www.gov.kz/memleket/entities/mfa-moscow/press/news/details/973120?lang=kk

ДЕПАРТАМЕНТ: ТҮРКІСТАНДА ЖАЛПЫ ҚАЛАЛЫҚ СЕНБІЛІК ӨТТІ 2025 жылдың 5 сәуір күні ҚР ЕжХӘҚМ Мемлекеттік еңбек инспекциясы комитетінің Түркістан облысы бойынша департаменті Түркістан қаласын көркейту, көгалдандыру және санитарлық-тазалықты қамтамасыз ету мақсатында "Таза Қазақстан" экологиялық акциясының іс-шара жоспарына сәйкес Түркістан қаласында кең ауқымды жалпы қалалық сенбілік ұйымдастырды. "Таза Қазақстан" акциясының басты мақсаты-қоршаған орта мен тұрғындар үшін қолайлы жағдайларды қамтамасыз ету, азаматтық жауапкершілікті арттыру, экологиялық сана мен экологиялық мәдениетті қалыптастыру және нығайту. ҚР ЕжХӘҚМ Мемлекеттік еңбек инспекциясы комитеті Түркістан облысы бойынша департаментінің қызметкерлері де аталмыш іс-шараға қатысып, Департаментке бекітілген аумақта тазалық жұмыстарын жүргізді.Ақпарат көзі : https://www.gov.kz/memleket/entities/turkistan-enbek/press/news/details/973104?lang=kk

Қоянды ауылынның мектеп-лицейінде «Jas Tulga» атты жастармен маңызды кездесу өткізілді.         Аталмыш шара, жастарға кәсіби бағдар беру, еңбек нарығындағы сұранысқа ие мамандықтар туралы ақпараттандыру және адал еңбекке ынталандыру мақсатында өткізілді. Іс-шараның мақсаты – жастар арасында есірткінің алдын алу, әлеуметтік мәселелерді шешу, салауатты өмір салтын насихаттау және жастардың қоғамдағы белсенділігін арттыру болып табылады.         Кездесуге «Esbol Qory» қоғамдық қорының төрағасы және ҚР Президенті жанындағы жастар саясаты жөніндегі кеңестің мүшесі – Жандос Ақтаев, кәсіби бағдар беруші PhD кандидаты, «Dauletten» қайырымдылық қорының президенті – Жасұлан Қуандық, облыстық ЖРО басшысы – Дастан Ермеков,  аудандық құқық қорғау органдардың өкілдері, мектеп оқушылары мен ауданның белсенді жастары және ұйымдастырушылар қатары қатысты.         Дастан Амангелдіұлы өңірдегі жастар үшін қандай жаңа жобалар мен бастамалар бар екенін таныстырып, волонтерлік қызмет пен өзін-өзі дамыту мүмкіндіктері туралы сөз қозғады. Сонымен қатар, нашақорлықтың алдын алу, зиянды әдеттерден аулақ болу мәселелері де көтерілді.         «Esbol Qory» қоғамдық қорының төрағасы – Жандос Берікұлы жастарға нашақорлықтың зияны мен оның салдары туралы баяндады.         Құқық қорғау органдарының өкілдері заң мен тәртіптің сақталуы, жастар арасында нашақорлықтың таралуының алдын алу шаралары туралы айтып, қатысушыларға заң бұзушылықтың ауыр салдарлары мен есірткінің қоғамға келтіретін зардаптары туралы нақты мысалдар келтірді.           «Нашақорлық – тек жеке адамның ғана емес, қоғам дерті. Біз жас ұрпақты бұл зиянды әдеттен аулақ болуға шақырамыз. Ең бастысы - дұрыс орта қалыптастыру, жастардың бос уақытын тиімді өткізуіне жағдай жасау», – деді спикер.         Жастардың рөлі мен жауапкершілігі, қоғамдағы белсенділіктің маңыздылығын, еріктілік пен өзін-өзі дамыту мүмкіндіктерін талқылады. Жастарға тек білім алып қана қоймай, сонымен қатар түрлі әлеуметтік жобаларға белсенді қатысып, өз ортасын жақсартуға үлес қосу қажеттігін айта кеткен жөн.         Мамандық таңдау және болашаққа жоспар құру, жастар үшін ең маңызды тақырыптардың бірі.         Аталған бағыт бойынша, болашақ мамандықты дұрыс таңдаудың негізгі қағидалары мен жаңа заманға қажетті кәсіби бағыттар туралы, кәсіби бағдар беруші PhD кандидаты, «Dauletten» қайырымдылық қорының президенті – Жасұлан Бостандықұлы баяндады.         «Қазіргі нарықта қандай мамандықтар сұранысқа ие? Жастар қай саланы таңдағаны дұрыс? Бұл сұрақтар әрбір түлекті ойландырады. Біздің мақсатымыз – дұрыс таңдау жасауы», – деді спикер.         Кездесу барысында қатысушылар өз сұрақтарына жауап алып, табысты мамандардың өмірлік тәжірибесімен танысты. Олар өздерін толғандырған сұрақтарды қойып, нақты жауап ала алды.         «Кездесу жастар үшін пайдалы және ынталандырушы болды деп айтқым келеді. Мұндай кездесулер мен форумдар жастарға кәсіби бағыт беріп, болашақта дұрыс қадам жасауға көмектесуде маңызды рөл атқарады. Сонымен қатар, форум жастар арасында заңдылық пен тәртіпті сақтау, жаман әдеттерден аулақ болу, сондай-ақ қоғамның есірткіге қарсы күрестегі күш-жігерін арттыру мақсатында ұйымдастырылған. Іс-шара салауатты өмір салтын қолдаудағы үлкен қадам. Салауатты өмір салты - жарқын болашақтың кепілі!» - дейді аудандық ЖРО директорыныңы м.а. Махабат Ирешова.         Шара соңында аудан әкімінің алғыс хаттарымен жас ұрпақтың белсенді өкілдері марапатталды.Ақпарат көзі : https://www.gov.kz/memleket/entities/aqmola-uvp/press/news/details/973102?lang=kk