Қалалық мәдениет сарайында «Аялы әже» облыстық форумы өтті. Оған облыс әкімінің орынбасары Жолдас Батырхан қатысты.Шараға 300-ге жуық қатысушы, оның ішінде еңбек ардагерлері, өңірдің әжелер кеңесінің өкілдері, облыстық және қалалық мәслихаттар депутаттары, үкіметтік емес ұйымдардың белсенділері, ҚХА жанындағы Аналар кеңесінің мүшелері, іскер әйелдер одағы мен жазушылар одағының өкілдері, мәдениет және білім қызметкерлері, сондай-ақ жастар қатысты.Форум ұлттық құндылықтарды жаңғыртуға және отбасылық тәрбиені нығайтуға бағытталған маңызды оқиғаға айналды. Айта кету керек, шара Түркістан облысынан бастау алып, еліміздің барлық өңірлерінде жүзеге асырылып келеді. Ақтөбе өңірі Қостанай облысынан эстафетаны қабылдап, Батыс Қазақстан облысына тапсырды. Эстафетаны қабылдау үшін БҚО делегаттары өңірімізге келді.Жолдас Батырхан өз сөзінде жастарды тәрбиелеудегі аға буын рөлінің маңыздылығын атап өтті.«Қазақ қоғамында ұрпақ тәрбиеcі мен ұлттық салт-дәстүрімізді дәріптейтін асыл әжелердің орны мен рөлі әрқашанда ерекше болған. «Қарты бар үйдің - қазынасы бар» дегендей, ата мен әже – ел тұлғаларын өсіретін ұлттық мектеп деп айтуға болады. Бұл форумның маңызы өте зор. Өйткені, әжелер ұлтымыздың ұйтқысы, жастарға халқымыздың құндылықтарын, салт-дәстүрін, тәрбиесін жеткізетін үлкен институт. Сондықтан да әжелерді ұлықтасақ, құрмет көрсетсек, соларға еліктесек, болашақта ақ жаулықты аналарымыздың жолын жалғай аламыз», - деді әкімнің орынбасары құттықтау сөзінде.Форумда облыстық ардагерлер кеңесінің төрағасы Серік Шангутов пен қалалық әжелер бірлестігінің төрағасы Батима Кенжебаева сөз сөйлеп, мұндай іс-шаралар ұрпақтар арасындағы байланысты нығайтып, жастарды шабыттандыратынын алға тартты.Форум аясында өңірдің дамуына елеулі үлес қосқан, ұрпақ тәрбиесіне және ұлттық құндылықтарды насихаттауға белсенді қатысқан әйелдерге құрмет грамоталары мен алғыс хаттар табыс етілді. Олардың еңбегі мен қамқорлығы барлығына үлгі.Ресми бөлім аяқталғаннан кейін іс-шара концерттік бағдарламамен жалғасты.Ақпарат көзі : https://www.gov.kz/memleket/entities/aktobe/press/news/details/909581

Төлесінов Сәндібек Екібайұлы, 16.11.1988 ж.т., туылған жері: Маңғыстау облысы, Жаңаөзен қаласының тұрғыны.Жұмағұлов Бауыржан Жұмабайұлы, 30.09.1985 ж.т., туылған жері: Маңғыстау облысы, Жаңаөзен қаласының тұрғыны.Махсудова Галина Растамбековна, 12.01.1978 ж.т., туылған жері: Маңғыстау облысы, Ақтау қаласының тұрғыны.Шаймерденова Гаухар Жұмағатқызы, 17.07.1975 ж.т., туылған жері: Алматы қ., Астана қаласының тұрғыны.Жұмағат Эльдар 23.08.2013 ж.т., Астана қ. тұрғыны.Джутаева Салима Аманжолқызы, 21.02.1995 ж.т., туылған жері: Қостанай облысы, Қарағанды қаласының тұрғыны.Ақпарат көзі : https://www.gov.kz/memleket/entities/emer/press/news/details/909635

2024 жылғы су тасқыны елімізде соңғы 80 жылда орын алған ең ірі су тасқыны болды. Мыңдаған адам баспанасыз қалды, апат салдарынан қираған инфрақұрылым ауқымды қалпына келтіру жұмыстарын қажет етті. Алайда, мемлекеттік құрылымдар, гуманитарлық ұйымдар мен жеке сектор арасындағы нақты үйлестіру мен үйлестірілген жұмыс нәтижесінде Үкімет апаттың салдарын барынша азайтып, зардап шеккендерге жедел көмек көрсете алды. Азаматтарға қандай көмек көрсетілдіҮкімет тарапынан 2024 жылғы су тасқыны салдарынан мүлкі зақымданған азаматтарға жан-жақты көмек көрсетілді. Өңірлерде тұрғын үйлер, әлеуметтік нысандар және инфрақұрылым салу және қалпына келтіру жұмыстары жүргізілді.Мәселен, 36 455 отбасына жалпы сомасы 13,3 млрд теңге, 100 АЕК мөлшерінде біржолғы әлеуметтік көмек көрсетілді. 21 876 отбасына 9,9 млрд теңге көлемінде 150 АЕК-ке дейінгі өтемақы төленді. Биыл төтенше жағдай жарияланған су басқан аймақтарда атаулы әлеуметтік көмек төлеу отбасылардың материалдық жағдайын жергілікті комиссияның тексеруінсіз автоматты түрде ІІІ тоқсанға ұзартылды. Мұндай шешім нәтижесінде 3,6 мың отбасына 655,7 млн теңге көлеміндегі АӘК төлемі тағайындалды.Су тасқынынан зардап шеккен өңірлерде комиссиялар азаматтардың жалғыз баспанасы болған 19 359 су басқан үй мен саяжай құрылыстарын тексерді. Оларды баспанамен қамтамасыз ету мақсатында жылжымайтын мүлік нарығынан 5 767 тұрғын үй сатып алынды. Жөндеу жұмыстары 9 156 үйде 100% аяқталды. Бұл мақсаттарға барлығы 54,7 млрд теңге бөлінді. Сондай-ақ қысқа мерзімде 64 млрд теңгеге халық үшін 2 680 жеке тұрғын үй салынды.Биыл Үкімет резервінен 42,5 млрд теңге бөлінді. Оның 400 млн теңгесі зардап шеккен отбасыларға Қостанай облысының Арқалық қаласынан 31 пәтер сатып алуға бағытталды. 1,4 млрд теңге – Қостанай облысының Арқалық қаласындағы, Амангелді және Жангелді аудандарындағы «Қостанайюжэлектросервис» КМК электр желілерін қалпына келтіру бойынша жөндеу жұмыстарын жүргізуге; 1,1 млрд теңге – Батыс Қазақстан облысындағы жоғары вольтты электр желілерін күрделі жөндеуге; 22,7 млрд теңге – Ақмола, Ақтөбе, Қостанай және Солтүстік Қазақстан облыстарында жол инфрақұрылымын қалпына келтіруге жұмсалды.Сондай-ақ Ақмола, Ақтөбе, Қостанай облыстарында білім беру нысандарын салуға және жөндеу жұмыстарына – 7,5 млрд теңге; Солтүстік Қазақстан облысында инженерлік инфрақұрылым жобасын іске асыруға – 2,9 млрд теңге, атап айтқанда, Универсальная көшесі бойында «РТЖ» ААҚ темір жолдары арқылы өтетін автожол өткелін салуға бөлінді. 600 млн теңге – Ақмола облысында 7 сумен жабдықтау нысанын жөндеуге, 5,9 млрд теңге – Атырау облысындағы жолдарды қалпына келтіруге бағытталды.ШОБ субъектілеріне келтірілген залалды өтеу үшін 12,1 млрд теңге бөлінді. Зардап шеккен кәсіпкерлік субъектілеріне толық төлем жасау мақсатында «Демеу» корпоративтік қорынан Атырау, Батыс Қазақстан және Солтүстік Қазақстан облыстарына 2,5 млрд теңге көлемінде қосымша қаражат бөлу мәселесі пысықталды. Аталған қаражат есебінен ШОБ субъектілерінің 40 өтініші бойынша шығын өтелді. Жалпы, өңірлік комиссиялар 14,6 млрд теңгеге 734 кәсіпкерлік өтінімді мақұлдады. Мал шығыны үшін мемлекет тарапынан көрсетілген көмек көлемі 2,8 млрд теңгеден асты.Апаттан құтқару жұмыстарына 63 мыңнан астам әскери қызметші жұмылдырылдыСу тасқыны нәтижесінде еліміздің көп бөлігі табиғи апатқа ұшырады, оның ауқымын болжау мүмкін емес еді. Жүзден астам елді мекеннің тыныс-тіршілігіне нұқсан келді. Ең қиын жағдай республиканың батыс аймақтарында және солтүстік бөлігінде болды, онда су тасқыны екі кезеңде өтті.Су тасқынының алғашқы күндерінен бастап Төтенше жағдайлар министрлігінің үйлестіруімен Жедел және өңірлік штабтар жұмыс істеді, азаматтық қорғаудың мемлекеттік жүйесінің күштері мен құралдары жұмылдырылды.Ауқымды апатты жою және азаматтарды құтқару үшін күштер мен құралдарды тасымалдау бойынша жедел шешімдер қабылданды. Басты міндет азаматтардың қаза болуына жол бермеу болды. Осыған байланысты, бастапқы кезеңде халықты төтенше жағдайлар аймақтарынан жер үсті және әуе тәсілімен кідіріссіз эвакуациялау жүргізілді.Су тасқыны кезеңінде 120 мыңнан астам азамат құтқарылып, уақытша орналастыру пункттеріне жайғастырылды, оларға барлық қажетті көмек көрсетілді.Су басқан аймақтарға құқық тәртібін қамтамасыз ету және санитарлық-профилактикалық, эпидемияға қарсы іс-шаралар жүргізу үшін қосымша күштер жіберілді.Көлік қатынасынсыз қалған Ақтөбе, Ақмола және Солтүстік Қазақстан облыстарының елді мекендерін азық-түлікпен және дәрі-дәрмекпен қамтамасыз ету үшін алғаш рет қалқыма көпірлер қолданылды.Қосымша арнайы инженерлік техника мен тіршілікті қамтамасыз ету заттарына броньды алып тастау жасалды. Бір мезгілде тәулік бойы су тасқынына қарсы және инженерлік жұмыстар жүргізілді.Барлығы 35 млн м3 астам су сорылды, мың шақырымға жуық уақытша қорғаныс бөгеттері мен біліктері тұрғызылды, 7,5 мың шақырымға жуық арықтар мен каналдар тазартылды, 8 млн астам қапшықтар төселді.Жалпы, апаттан құтқару жұмыстарына Төтенше жағдайлар, қорғаныс, ішкі істер министрліктерінің, Ұлттық ұланның, Ұлттық қауіпсіздік комитетінің, Мемлекеттік күзет қызметінің күштері мен құралдары, сондай-ақ жергілікті атқарушы органдар мен бей-жай қарамайтын азаматтар жұмылдырылды.Күштер мен құралдардың жалпы топтамасы 63 мыңнан астам адамды, шамамен 7 мың техниканы, 1 мыңнан астам су айдау құрылғыларын, 418 жүзу құралдарын және 38 әуе кемелерін құрады.Азаматтық қорғаудың мемлекеттік жүйесінің барлық деңгейлерін үйлестіру мен өзара іс-қимылдың арқасында апаттың ауқымының таралуына жол берілмеді және бес жүзден астам елді мекен су тасқынынан қорғалды.Мемлекет басшысының тапсырмасы бойынша ТЖМ жанынан бақылау функциялары берілген Төтенше жағдайлардың алдын алу комитеті құрылды.Су қоймаларында 12 млрд м3 астам су жиналдыЖалпы, су тасқыны жағдайы тек жағымсыз салдар әкелген жоқ, сонымен қатар қазіргі уақытта экономика салаларының қажеттіліктері үшін пайдаланылатын су қоймаларында 12 млрд м3 астам су жинауға мүмкіндік берді. Мысалы, егер өткен жылы су қоймаларынан жалпы су жіберу бүкіл су тасқыны кезеңінде шамамен 13 млрд м3 құраса, биыл бір айда су қоймаларынан жалпы су жіберу 36 млрд м3 астам көлемді құрады.Бұл ретте республиканың су шаруашылығы құрылыстары ең жоғары шиеленісті кезеңде суды қабылдауды және қауіпсіз ағызып жіберуді қамтамасыз етті, бұл тасқын суларды соңғы жылдары тапшылық туындаған су нысандарына (көлтабандар, су басқан шалғындар, көлдер) жіберуге мүмкіндік берді. Мәселен, Астана су қоймасын тасқын сумен толтыру 2 млрд теңгеден астам үнемдеуге мүмкіндік берді, осылайша су қоймасын Қ. Сәтбаев атындағы канал арқылы толтыру қажеттілігі жойылды. Сондай-ақ су тасқыны экологиялық жағдайды жақсартуға мүмкіндік берді, тасқын суды көптен бері су бармаған жерлерге бағыттады. Мысалы, Батыс Қазақстан облысының Қамыс-Самар көлдеріне 80 млн м3 тасқын су жетті.Ұлытау облысынан Қызылорда облысына 839 млн м3 су жіберілді. Соның арқасында, су жолын қадағалау тарихында алғаш рет Сарысу өзені арқылы су Қызылорда облысының көл жүйелеріне жетті.Жыл басынан бері Балқаш көліне 12 млрд м3 су, оның ішінде 3,3 млрд м3 су тасқыны кезінде жіберілді, Каспий теңізіне – 7,4 млрд м3.2024 жылдың қыркүйек айының басында жедел деректерге сәйкес, су қоймаларынан ауыл шаруашылығына 8,4 млрд м3 су, өнеркәсіпте 3,7 млрд м3 су пайдаланылды.Сонымен қатар Қарағанды облысында Бұқар жырау ауданының Чкалов және Садовое (Самарқанд су қоймасының төменгі ағысы), Нұра ауданының Байтуған және Тассуат елді мекендеріне жақын Нұра өзенінің учаскелерін санациялау жұмыстары уақтылы орындалды, сондай-ақ Абай ауданының (Жартас су қоймасының төменгі ағысы) елді мекендерінің маңындағы Шерубай-Нұра өзенінің жалпы ұзындығы 68 км болатын учаскелерін санациялау бойынша жасалған жұмыстар секундына 1,2 мың м3 тасқын суды қауіпсіз өткізуді қамтамасыз етті және елді мекендердің су басуына жол бермеді.Болашақта тасқын суды жинауды және қауіпсіз өткізуді қамтамасыз ету үшін көлемі 2,6 млрд м3 болатын 42 жаңа су қоймасын салу, жалпы жобалық көлемі 3,7 млрд м3 болатын 37 су қоймасын реконструкциялау, сондай-ақ шамамен 14,5 мың км болатын ирригациялық каналдарды салу және реконструкциялау жоспарлануда.Бұл іс-шаралар Су саласын дамытудың 2024-2028 жылдарға арналған кешенді жоспарында көзделген.Биыл екі су қоймасының құрылысы (Бәйдібек ата және Қарақуыс Түркістан облысы) және үш су қоймасын реконструкциясы Ақтөбе (Ақтөбе облысы), Қапшағай (Түркістан облысы), Киров (БҚО) басталды.580 мыңнан астам тұрғыны бар 84 елді мекеннің қауіпсіздігін қамтамасыз ету мақсатында зардап шеккен нысандарды салуға, реконструкциялауға, қалпына келтіруге және қорғаныс бөгеттерін нығайтуға бағытталған 56 жобаның тізбесі анықталды.ТЖ кезеңінде оқушыларға білім беру процесін ұйымдастыру жұмыстарыҚауіпсіздікті қамтамасыз ету мақсатында су тасқыны кезінде 236 мыңнан астам оқушы оқитын 313 мектеп әкімдіктермен бірлесіп қашықтан оқыту форматына ауыстырылды.Қашықтан оқыту салдарынан пайда болған олқылықтарды толтыру үшін биылғы маусым және тамыз айларында жазғы мектепте оқыту ұйымдастырылды.Ақтөбе, Атырау және Солтүстік Қазақстан облыстарындағы 44 мектепте аралық және қорытынды аттестаттау тоқтатылды, оқушылардың бағалары жылдық көрсеткіштер негізінде қойылды.70 мыңнан астам педагогтың аттестаттаудан өту мерзімдері жазғы кезеңге ауыстырылды. Су басқан өңірлердегі 6 мыңға жуық бала сауықтыру орталықтарында тегін демалыспен қамтылды.Айта кетейік, су тасқыны салдарынан 11 мыңнан астам оқушы білім алатын 40 білім беру нысанына су кірген.Көлік қатынасын қалпына келтіру бойынша бұрын-соңды болмаған шаралар қабылдандыҚазақстандық әуе компаниялары биылғы 11-20 сәуір аралығында Астана, Алматы, Шымкент, Ақтау қалаларындағы бағыттар бойынша Атырау қаласынан жалпы сыйымдылығы 14,2 мыңнан астам орындық 76 қосымша рейсті орындады.Сондай-ақ әуе тасымалдаушылармен 1,1 млрд теңге гуманитарлық көмек бөлініп, 100 тоннадан астам гуманитарлық жүк тасымалданды.Поездардың үздіксіз және қауіпсіз қозғалысын қамтамасыз ету мақсатында 45 шаюға қарсы поездар құрылып 83 су қоймалары мен бөгеттерге тұрақты мониторинг ұйымдастырылды.Көпірлердің, құбырлардың, дренажды құдықтардың саңылауларын қардан, мұздан және қоқыстан тазарту, таулы және су бұру арықтарын, науалар мен жыраларды ашу бойынша жұмыстар жүргізілді.Халықты эвакуациялау кезеңінде 30 мың жолаушы, оның ішінде «Атырау-Құлсары-Маңғыстау» бағыттары бойынша 12,5 мың жолаушы, Қызылорда, Қарағанды, Алматы, Астана, Ақтау қалалары бағытында 5,5 мың жолаушы тасымалданды, сондай-ақ ҚР ТЖМ, Ұлттық ұлан, жергілікті атқарушы органдар жеке құрамының 10,5 мың адамы және 1,5 мың бала емдеу-сауықтыру орталықтары мен лагерьлерге барды.1,1 мың бірлік ауыр техниканы тасымалдау үшін 700 бірлік теміржол платформасы тегін негізде бөлінді. Қапшағай стансасынан Ақтөбе, Солтүстік Қазақстан, Ақмола облыстарына қалқыма (құрама) көпірлер жеткізілді.Бұдан басқа, зардап шеккен өңірлерге 10 мың тоннадан астам гуманитарлық көмек (ауыз су, азық-түлік, матрацтар, гигиена заттары, сондай-ақ апаттан құтқару жұмыстарына арналған қиыршық тас және кесек тас) жеткізілді.Су тасқыны салдарынан республикалық жолдар бойынша 122 учаскедегі жол жиектері мен жол төсемі шайылып кеткен болатын.Қалпына келтіру жұмыстарын қаржыландыру толық көлемде қарастырылды және нәтижесінде барлық көлік байланыстары қалпына келтірілді.#Автожолдар #Білім беру #Су тасқыны #ҚұрылысАқпарат көзі : https://www.gov.kz/memleket/entities/aqmola/press/news/details/909046

Астанада ҚР Туризм және спорт министрлігінің ұйымдастыруымен жыл сайынғы «Үздік-2024» сыйлығының жеңімпаздарын марапаттау іс-шарасы өтті. Салтанатты жиынға ҚР Парламентінің депутаттары, Олимпиада жеңімпаздары мен жүлдегерлері, әлем біріншіліктері мен халықаралық жарыстардың жеңімпаздары мен жүлдегерлері, спорт журналистері қатысты.Жыл қорытындысы бойынша «Үздік» деп танылғандар:Елдос Сметов, Давид Дегтярев (Ақмола облысы) – «Жылдың үздік спортшысы»Ғалымжан Жылгелдиев, Юрий Колесников (Ақмола облысы) – «Жылдың үздік жаттықтырушысы»Ерлан Тасболатов (Родина ауылдық округі, Ақмола облысы Целиноград ауданы) – «Ауылдық жердегі үздік дене шынықтыру және спорт әдіскері». Ақпарат көзі : https://www.gov.kz/memleket/entities/aqmola/press/news/details/909334

Ақмола облысында ауылдық елді мекендерді сапалы ауыз сумен қамтамасыз ету мақсатында су құбыры желілерін салу бойынша жобалар белсенді түрде жүзеге асырылуда. Бірқатар ауылдарда құрылыс жұмыстары аяқталды. Тағы біразы аяқталуға жақын.Атбасар ауданының Магдалиновка және Хрящевка ауылдарында жаңа су құбыры желілерінің құрылысы сәтті аяқталды. Бұл ауылдарда барлығы 402 адам тұрады және бұған дейін орталықтандырылмаған сумен қамтамасыз ету жүйесі себебінен көптеген қиындықтар туындаған болатын.2021 жылдың желтоқсан айында басталған жоба облыс үшін маңызды болып саналады. Бағдарлама аясында 22,4 шақырым жаңа су құбыры желісі салынды, бұл 1976 жылдан бері пайдаланылып келген 1 шақырым ескі құбырды ауыстырды.Әкімдік өкілдерінің мәліметі бойынша, сумен қамтамасыз ету 2024 жылдың соңына дейін іске қосылатын болады.Тағы бір маңызды жоба Сочинское ауылында жүзеге асырылуда, онда 642 адам тұрады. Бұл ауылда 14,9 шақырым су құбыры желісінің құрылысы жоспарлануда.Құрылыс жұмыстарын «САПА ҚҰРЫЛЫС 2007» ЖШС атқаруда. Бүгінгі таңда нысан толығымен дайын, алайда кейбір тұстары бойынша жұмыстар қалды, олардың аяқталуы тұрғындарға 2024 жылдың соңына дейін таза ауыз сумен қамтамасыз етуге мүмкіндік береді.Жобаға қаржыландыру республикалық және облыстық бюджеттер есебінен жүргізілді.Ақмола облысындағы су құбыры желілерінің құрылысы – ауылдық жерлердегі инфрақұрылымды жақсарту жөніндегі кешенді бағдарламаның бір бөлігі. Мұндай жобалардың іске асырылуы тек су жабдықтау мәселесін шешіп қана қоймай, тұрғындардың өмір сүру деңгейін жалпы түрде жақсартуға да ықпал етеді. Ақпарат көзі : https://www.gov.kz/memleket/entities/aqmola/press/news/details/909352

Талдықорған қаласында алдағы жылы медициналық қызмет сапасының қолжетімділігі мен сапасын арттыру үшін бірқатар денсаулық сақтау нысаны іске қосылады. Атап айтқанда, 200 орынды онкологиялық диспансердің құрылысы басталады. Сол сияқты Оңтүстік-Батыс ауданда салынып бітпеген ғимарат бір ауысымда 500 адам қабылдай алатын емхана ретінде қайта жаңғыртылады. Ал Өтенай ауылында 100 адамдық дәрігерлік амбулаторияның құрылысы жүргізіліп, келесі жылы аяқталады. Бұл туралы бүгін Талдықорған қаласының халқымен кездесуі кезінде облыс әкімі Бейбіт Исабаев айтты, - деп хабарлайды Жетісу облысы әкімінің баспасөз қызметі.- Келесі жылы Талдықорғанда 200 орынды жаңа онкологиялық диспансердің құрылысы басталады, маусым айында әкімдік, Денсаулық сақтау министрлігі және инвестор – «Қазақмыс» корпорациясы арасында үшжақты меморандумға қол қойылды. Құны - 30 млрд. теңге. Президенттің қолдауының арқасында қаланың Оңтүстік-Батыс ауданындағы ғимаратқа бір ауысымда 500 келушіге арналған емхана ретінде қайта жаңғырту жүргізіледі. Құрылыс-монтаж жұмыстары келесі жылы басталады. Сондай-ақ көпсалалы облыстық балалар ауруханасының сейсмикалық күшейтуімен бірге қалпына келтіру жұмыстарының жобалық-сметалық құжаттамасы әзірленіп жатыр. Сонымен қатар биылғы жылы қаланың медициналық ұйымдары үшін 2,8 млрд. теңге сомасына 97 құрал-жабдық және 4 санитарлық автокөлік сатып алынды, - деп атап өтті Б.Исабаев.Сондай-ақ медицина кадрларының жетіспеушілігі мәселесі де шешілуде. Облыс орталығында 87 дәрігер жетіспейді. Дәрігерлерді тарту үшін биылдан әрбір маманға 5 млн. теңге мөлшерінде біржолғы төлемдер беріле бастады. Талдықорғанға келген 36 дәрігерге осындай төлемақы берілген.Білім беру саласына келсек, биыл облыс орталығында 2 мемлекеттік және жекеменшік мектеп, 3 жекеменшік балабақша, Ынтымақ ауылындағы мектепте шағын орталық ашылды.Мәдениет және спорт салалары да назардан тыс қалған жоқ. Еркін ауылында мәдениет үйі құрылысының ЖСҚ-сы әзірленді, құрылыс-монтаж жұмыстары келесі жылы басталады.Сонымен қатар биыл Талдықорғанда волейбол орталығы, сондай-ақ инвесторлар есебінен салынған «Жетісу» КВК тұрғын үйі және Үстел теннисі орталығы іске қосылды. Орталық стадион жаңғыртудан өтті. Келесі жылы көркем гимнастикамен айналысу үшін жеке ғимарат салу жоспарда бар.Жалпы, қаланың инфрақұрылымдық, әлеуметтік нысандарын салуға, реконструкциялауға және жобалау жұмыстарына 2022-2024 жылдары облыстық бюджеттен 101,5 млрд. теңге бөлінген. Жетісу облысы әкімінің баспасөз қызметі.Фотографтар: Жеңіс Ысқабай, Дмитрий Ерофеев, Олжас ҚұрмашевАқпарат көзі : https://www.gov.kz/memleket/entities/zhetysu-oblysy/press/news/details/909399

Azerbaijan Airlines авиакомпаниясының деректері бойынша бортта 5 экипаж мүшесін қоса алғанда 67 адам болған. Жолаушылардың арасында: 6 Қазақстан азаматы, 42 Әзірбайжан азаматы, 3 Қырғызстан азаматы, 16 Ресей азаматы, 1 адамның азаматтығы анықталуда. Оқиға салдарынан 29 адам, оның ішінде 2 бала ауруханаға жатқызылды. Оның ішінде 15 Әзірбайжан азаматы, 9 Ресей азаматы, 2 Қырғызстан азаматы, 3 адамның азаматтығы анықталуда. Қазақстан Республикасы Премьер-Министрінің орынбасары Қанат Бозымбаев, Қазақстан Республикасының ТЖ министрі Шыңғыс Әрінов, Қазақстан Республикасының Көлік министрі Марат Қарабаев және Қазақстан Республикасының ТЖ вице-министрі Кеген Тұрсынбаев, сондай-ақ үкіметтік комиссия мүшелері ТЖ орнына келді. Сонымен қатар Әзірбайжан Республикасының Төтенше жағдайлар министрі генерал-полковник Кямаладдин Фаттах оглы Гейдаров ТЖ орнында. Жедел байланыс үшін Астана қаласындағы Командалық орталықта және Маңғыстау облысының ТЖД-да жедел желі телефондары жұмыс істейді. Жедел желі нөмірлері: 8-7172-55-96-21 8-7172-55-96-83 8-7292-31-90-91 Оған 571 өтініш түсті. Түпқараған ауданы әкімдігінің өкімімен жергілікті ауқымдағы төтенше жағдай режимі жарияланды. Оқиға салдарын жоюға 482 адам, 97 бірлік техника, 2 әуе кемесі және 4 кинологиялық есеп жұмылдырылды. Жұмыстарға Төтенше жағдайлар, Ішкі істер, қорғаныс министрліктерінің, Ұлттық ұланның, мемлекеттік емес өртке қарсы қызметінің, мемлекеттік атқарушы органның, Апаттар медицинасы орталығының, жедел медициналық көмек бригадасының және жергілікті атқарушы органдардың қызметкерлері тартылды. ТЖМ кинологиялық қызметі іздеу жұмыстарын жүргізуде. Қазақстан, Ресей және Әзірбайжан ТЖМ бейнеконференцбайланыс режимінде үйлестіру жұмыстарын жүргізіп, ақпарат алмасуда.Ақпарат көзі : https://www.gov.kz/memleket/entities/emer/press/news/details/909587

Алматыда Мәслихаттың кезектен тыс сессиясында депутаттар қаланың жаңа құрылысы ережелерін бекітті. Бұл ережелер нүктелі құрылысқа, тау бөктерлерінің, жасыл аймақтар мен аулалардың игерілуіне жол бермеу мақсатында әкімдік тарапынан әзірленген. Бұған дейін құжат сарапшылармен және жұртшылықпен кеңінен талқыланған болатын. Мәслихат депутаттарының алдында сөз сөйлеген Қалалық жоспарлау және урбанистика басқармасының басшысы Нұрлан Боранбаев жаңа ережелер құрылысқа қатаң шектеулер енгізуді, көппәтерлі тұрғын үйлерді қабылдауда мемлекеттік органдардың бақылауын күшейтуді, сондай-ақ сәулет-құрылыс бақылау органдарының функцияларын кеңейтуді қарастыратынын атап өтті. Жаңа ережелер қандай шектеулерді көздейді?Абай даңғылы мен Әл-Фараби даңғылы арасындағы құрылысқа биіктік шектеуі белгіленді: барлық үлгідегі ғимараттардың биіктігі 9 қабаттан және 35 метрден аспауға тиіс. Ерекшелік тек қоғамдық маңызы бар, сәулет-урбанистикалық негіздемесі бар, жобалық шешімдердің орнықтылығы мен экологиялық талаптарға сай, энергия үнемдеу және ресурс үнемдеу технологияларын қолдану арқылы салынатын бірегей нысандарға ғана жасалады. Сондай-ақ, жаңа ережелер сейсмикалық қауіпті аймақтар мен тау бөктерлеріндегі ШААЖ, әл-Фараби даңғылы, Саин мен Жандосов көшелерінің оңтүстігіндегі құрылыс тәртібін реттейді:- Тау бөктеріндегі, соның ішінде еңіс бұрышы 15 градустан асатын аумақтарда құрылыс салуға тыйым салынады;- Бұрын қабылданған ғимараттардың биіктігі 12 метрден және 3 қабаттан аспауға тиіс деген шешім бекітілді (қоғамдық-мәдени нысандардан басқа);- Қайта құру кезінде террасалар мен техникалық қабаттарды қайта жабдықтауға тыйым салынады.Бұған қоса, қаланың барлық аумағында III санаттан төмен емес тұрғын үй салу талабы бекітіледі және әр пәтерге кемінде 1 автотұрақ орнын қарастыру қажет. Нүктелі құрылысқа жол бермеу және рекреациялық аймақтарды сақтау жөніндегі шаралар Алматыда тұрғын кварталдар мен аулаларда нүктелі құрылыстың салыну мәселесі өзекті болып отыр. Бұрын заңнамалық тұрғыда жасыл аймақтар мен ауладағы балалар алаңшаларында құрылыс салуға тыйым болмаған жағдайда, жаңа ережелерде мұндай құрылысқа қатаң тыйым салынады.Сонымен қатар, қаланың орталық магистральдарында, әлеуметтік нысандар мен адамдар көп жиналатын орындардың маңында жанармай құю бекеттері мен техникалық қызмет көрсету орталықтарын салуға тыйым салынады.Табиғи қорларды және аулалық рекреациялық аймақтарды сақтау мақсатында құрылыс аумағын кеңейту үшін табиғи ландшафтты өзгертуге, тау бөктерлеріндегі жыралар мен жылғаларды жабуға, тау бөктерін кесуге тыйым салынады.Ақпарат көзі : https://www.gov.kz/memleket/entities/almaty/press/news/details/908946

Алматыда VIII шақырылған Мәслихаттың кезектен тыс сессиясы өтті, оның барысында депутаттар жаңа Қала құрылысы регламентін бекітті. Қалалық жоспарлау және урбанистика басқармасының басшысы Нұрлан Боранбаев өз сөзінде атап өткендей, жаңа Қала құрылысы регламенті Алматының 2040 жылға дейінгі Бас жоспарын іске асыру аясында әзірленді. «Қала регламенті аумақты аймақтарға бөлу, инфрақұрылым объектілерін салу және орналастыру қағидаттарын, сондай-ақ қала құрылысының басқа да аспектілерін айқындайды. Ол қаланың дамуын реттеудің негізгі құралы болып табылады және Бас жоспар негізінде әзірленеді әрі оның сипаттамалық бөлігі болып табылады», - деп атап өтті ол. Мәселен, алдыңғы Қала құрылысы регламенті 2006 жылы қабылданды және Алматының қазіргі даму үрдістеріне сәйкес келмейді. Жаңа құжат мегаполистің полиорталық ретінде дамуына ықпал етеді және Бас жоспарға сәйкес тұрғындар үшін жайлы өмір сүру ортасын қамтамасыз етеді.Әзірленген Қала құрылысы регламенті жаңалықтарының бірі-экологиялық жағдайды және қалалық климаттың жайлылығын жақсартуға бағытталған санитарлық-қорғау аймақтары мен жел аудандастыру сияқты реттеу карталары.«Мұндай аймақтар алғаш рет әзірленді. Мысалы, жел аудандастыру картасы меридиандық көшелерді желдеткіш дәліздер ретінде пайдалануға, яғни қаланы жақсы аэрациялау үшін үйлерді дұрыс бағдарлауға мүмкіндік береді», - деп атап өтті Басқармадағылар.Жалпы, жаңа құжатта бизнесті ынталандыру үшін жер учаскелерін пайдаланудың өзгергіштігі артты, бұл жаңа жұмыс орындарын ашады және жұмыспен қамтуды орталықсыздандыру арқылы қалада көлік жүктемесін де азайтады.Ақпарат көзі : https://www.gov.kz/memleket/entities/almaty/press/news/details/909472

Алматы Мәслихатының VIII шақырылымының XXVI кезектен тыс сессиясында депутаттар көппәтерлі үйлердің ортақ мүлкін күтіп-ұстауға арналған ең төменгі тарифті бекітті. Сессия барысында 14 жылдан астам уақыт қаралмаған тарифтік саясатты жаңарту мәселесі талқыланды.Көппәтерлі үйлердің ортақ мүлкін күтіп-ұстауға арналған бір жылдық ең төменгі тариф Алматыда алғаш рет 2010 жылы әкімдік қаулысымен бекітіліп, 1 шаршы метр үшін 25 теңге болған. Оның қолданылу мерзімі 1 жылмен шектелген болатын. Алайда содан бері құрылыс материалдарының қымбаттауы, қызметкерлердің жалақысының өсуі және тұрғын үй қызметінің сапасына қойылатын талаптардың артуы сынды экономикалық жағдай айтарлықтай өзгерді.Сессия барысында Алматы қаласының Коммуналдық инфрақұрылымды дамыту басқармасының басшысы Дулат Әшкенов биыл жұмыс тобы кондоминиум нысанын басқару және ортақ мүлікті күтіп-ұстау тарифін есептеу үшін арнайы әдістемеге сәйкес есептеулер жүргізгенін атап өтті.Тұрғын үйді күтіп-ұстауға арналған ең төменгі тарифтің ұлғаюына байланысты әлеуметтік осал топтарды қолдау мақсатында Алматы қаласының Жұмыспен қамту және әлеуметтік бағдарламалар басқармасы мәслихат шешімінің жобасын әзірледі. Қазір мақұлдау кезеңінде тұрған бұл жоба әлеуметтік осал топтарға жататын тұрғын үй иелеріне қосымша әлеуметтік көмек көрсетуді көздейді.Көппәтерлі тұрғын үйлерді басқаруға арналған шығындарды есептеу әдістемесіне енгізілген міндетті қызметтер тізіміне басқару қызметі (үлесі 30%-дан аспайды) және қызмет көрсету қызметі (үлесі кемінде 70%) кіреді.Жаңа ең төменгі тарифтерді қабылдау мен қосымша әлеуметтік қолдау шараларын әзірлеу азаматтардың өмір сүру жағдайларын жақсартуға және көппәтерлі үйлерге көрсетілетін қызмет сапасын арттыруға бағытталған.Тұрғын үйді басқару мен күтіп-ұстаудың заманауи стандарттарын енгізу қажетті жұмыстарды уақытылы жүргізуге, үйлердің санитарлық және техникалық жағдайын жақсартуға, сондай-ақ қаржының тиімді әрі ашық пайдаланылуын қамтамасыз етуге мүмкіндік береді.Ақпарат көзі : https://www.gov.kz/memleket/entities/almaty/press/news/details/909481

Алматы мәслихаты 14 жылда алғаш рет тұрғын үйді ұстауға арналған шығыстарға (ӨЖС) ең төменгі тарифті қайта қарады.Алматы қаласының жұмыспен қамту және әлеуметтік бағдарламалар басқармасының хабарлауынша, 2025 жылдың қаңтар айынан бастап ӨЖС тарифінің көтерілуіне байланысты қосымша әлеуметтік көмек көрсетуге бағытталған қала мәслихаты шешімінің жобасы әзірленуде.Осы қызметті алушылар болып табылатын халықтың әлеуметтік осал топтарының ішінен тұрғын үй иелеріне көмек көрсетілетін болады, оларда ӨЖС тарифі 1 ш. м. үшін 40 теңгеден төмен болды.Өтемақы мөлшері 0,2 АЕК болады деп болжануда. Қазір жоба келісу сатысында.Айта кетейік, Алматы әкімі Ерболат Досаевтың тапсырмасы бойынша 2023 жылдың 1 шілдесінен бастап халықтың әлеуметтік осал топтары санатындағы азаматтарға коммуналдық қызметтерге тарифтердің 0,8 АЕК мөлшерінде өсуіне байланысты әлеуметтік көмек төленеді.Естеріңізге сала кетейік, тарифтерді көтеру мәселесін қала тұрғындары қолдады. Бұған дейін үй иелері кооперативтерінің қауымдастығы 2010 жылдан бері өзгермеген бұрынғы тарифтердің ставкалары үйлерге, әсіресе ескі тұрғын үй қорына және тұрғындарға жайлылық деңгейіне сәйкес қызмет көрсетпегенін атап өтті. Бұл бекіту арматурасы (өткен жылы 30% өсім) сияқты құрылыс материалдары бағасының өсуін, сондай-ақ оқшаулау мен бояу сияқты басқа да керек-жарақтарды ескере отырып, үйлерді қажетті жөндеу және техникалық қызмет көрсету үшін жеткіліксіз болды.Ақпарат көзі : https://www.gov.kz/memleket/entities/almaty/press/news/details/909489

Алматыда «Мәслихаттарға 30 жыл: Алматы мәслихатының қаланың әлеуметтік-экономикалық дамуындағы рөлі» атты ғылыми-практикалық конференция өтті. Іс-шараға Алматы әкімі Ерболат Досаев, Сенат пен Алматы мәслихатының депутаттары, мәслихаттың экс-хатшылары, қоғам және саяси қайраткерлер қатысты.Қала басшысы өткен үш онжылдықта мәслихаттардың рөлі айтарлықтай артқанын атап өтті. 2022 жылы Мемлекет басшысының бастамасымен ең маңызды саяси реформалардың бірі жүргізілді. Республикалық референдум қорытындысы бойынша Конституцияға түзетулер қабылданды, онда биліктің барлық тармақтарының, оның ішінде жергілікті өкілетті органдардың қызметін жетілдіру жөніндегі нақты шаралар белгіленді. 2023 жылы Алматы мәслихатына сайлау алғаш рет жаңа ережелер бойынша өтті. Депутаттық корпус 67% - ға жаңарды және аралас қағидат бойынша 50% - партиялық тізімдер бойынша, 50% - өзін-өзі ұсынушылар бойынша құрылды.«2022 жылдан бастап біз Алматының барлық саладағы жүйелі дамуын анықтайтын 20-дан астам стратегиялық құжаттарды қабылдадық. Бұл қала аумағын абаттандыру, жасыл желектерді күтіп ұстау және қорғау қағидалары, «Алматы қаласының 2030 жылға дейінгі алғашқы медициналық-санитарлық көмектің бірыңғай стандарты» бағдарламасы, 2030 жылға дейінгі тұрғын үйді қайта жаңарту бағдарламасы, құрылыс салу қағидалары, Қалақұрылысы регламенті және басқа да құжаттар. Бұл маңызды бастамалар-тұрақты комиссияларда және мәслихаттың депутаттық фракцияларымен бірлескен белсенді жұмыстың нәтижесі», - деді Ерболат Досаев.Қала әкімі алдағы жылдары Алматыны жайлы қалалық ортаға, әлемнің түкпір-түкпірінен инвестициялар мен таланттар кеңінен тартылатын әрі дамудың жоғары деңгейі бар ең заманауи мегаполистердің біріне айналдыру және терең трансформациялау бойынша маңызды міндеттер тұрғанын айтты.Сөзінің соңында Алматы әкімі депутаттарды құттықтап, оларға алғыс хаттарды тапсырды.Ақпарат көзі : https://www.gov.kz/memleket/entities/almaty/press/news/details/909525

Бүгін ҚР Президенті жанындағы Орталық коммуникациялар қызметінде Әділет вице-министрі Даниель Ваисов брифинг өткізді.Брифингте Әділет вице-министрі 2024 жылдың қорытындысы бойынша мемлекеттің мүддерлерін қорғау және атқарушылық құжаттарды орындау нәтижелері бойынша журналистердің сауалдарына жауап берді.Даниель Ваисов атқарушылық процессінің автоматтандыру бойынша жұмысы әрі қарай жүзеге асатындығын айтты.Министрлік азаматтардың құқықтарын қорғау, сот орындаушыларының қызметін бақылау және процестерді автоматтандыру бойынша тиімділікті арттыру жөніндегі жұмысты жалғастыруды жоспарланып отырғандығын атап өтті.Сондай-ақ вице-министр сот орындаушыларымен бірлескен ұйымдастырушылық (борышкерлердің көліктерін ұстау, жасырын кірістерін анықтау, борышкерлерді жұмысқа орналастыру) іс шараларына тоқталды.Өткен жылға қарағанда 2024 жылы борышкерлерді жұмысқа орналастыру қарқыны айтарлықтай өскен.Алдағы жылы Министрлік азаматтардың құқықтарын қорғау, сот орындаушыларының қызметін бақылау және процестерді автоматтандыру бойынша тиімділікті арттыру жөніндегі жұмысты жалғастырады.Ақпарат көзі : https://www.gov.kz/memleket/entities/adilet/press/news/details/909527

Өңір басшысы Серік Шапкенов Еркінқала мәдениет үйінде Атырау қаласының тұрғындарымен кездесіп, олардың пікірлері мен ұсыныстарын тыңдады, деп хабарлады облыс әкімінің баспасөз қызметі.Серік Шапкенов облыс орталығында жүргізіліп жатқан жұмыстарға тоқталды. Атырау қаласының көп бөлігі кәріз жүйесіне қосылмаған. Бүгінгі күні қуаттылығы тәулігіне 31 мың текше метр өрім құрылысы жүріп жатыр. Бұл елді мекендерді қаланың оң жағалауына қосуға мүмкіндік береді."Квадрат" булану өрістерін қалпына келтіру жобасына өзгерістер енгізіледі. Құжаттар дайын болғаннан кейін жұмыс қайта басталады.Сонымен қатар, Атырау қаласында автожол салу мәселесі өткір тұр.- Қала маңындағы елді мекендер толығымен асфальтталған, тұрғындарға қолайлы жол қатынасы жолға қойылған. Қазір қалада асфальтталмаған 60 шақырым көше бар. Осы мақсатта жобалық-сметалық құжаттама әзірленіп, келесі жылы жұмыстарды аяқтауды жоспарлап отырмыз. Қалада кептелістерді болдырмау мақсатында қолданыстағы жолдарды кеңейту бойынша бірқатар жұмыстар жүргізілуде. Жалпы ұзындығы 22,1 шақырым болатын жол төсемін кеңейту жоспарлануда. Атап айтқанда, Азаттық, С. Датов, Т. Бигелдинов, Ю. Гагарин көшелерімен "Атырау-Индер" жолының учаскесі (0-10 км), Әбілқайыр хан даңғылынан Сарықамыс шағын ауданына және Жастар көшесіне дейінгі Жастар-Еркінқала жолының учаскесі. Көктемгі су тасқыны кезінде қаланы судан қорғау үшін барлық күш құрылымдары жұмылдырылды, сондықтан бүгінгі күнге дейін тек 8,7 шақырым ғана қалпына келтірілді. Бұл мәселені келесі жылы толығымен шешуді жоспарлап отырмыз, - деді С.Шапкенов.Кездесуде облыс әкімі қала тұрғындарын толғандыратын мәселелерді, атап айтқанда, кәріз желісін, әлеуметтік нысандарды салу, жол белгілерін орнату және т.б. мәселелерді тыңдады.Кейін өңір басшысы жауапты мамандармен бірге азаматтарды жеке қабылдап, оларды толғандыратын сұрақтарға жауап берді.Instagram, Facebook әлеуметтік желілерінде облыс әкімі Серік Шапкеновтің Атырау қаласының тұрғындарымен кездесуі тікелей эфирде көрсетілді.Ақпарат көзі : https://www.gov.kz/memleket/entities/atyrau/press/news/details/909430

2024 жылғы 26 желтоқсанда орталық атқарушы органдар басшыларының халықпен кездесулері аясында ҚР Ауыл шаруашылығы вице-министрі Бағлан Бекбауов Астана қаласының тұрғындарымен, соның ішінде ауыл шаруашылығы тауар өндірушілерімен кездесу өткізеді.Күн тәртібінде – өңірдің агроөнеркәсіптік кешенін дамытуға қатысты қабылданған шаралар.Кездесу сағат 15.00-де Астана қаласы, Ә.Мәмбетов көшесі, 24 мекенжайы бойынша «Аффари» бизнес орталығында өтеді.БАҚ өкілдерін кездесуге қатысуға шақырамыз.Толық ақпарат үшін телефон: +7 7054406424 – Дана Әрін.Өңірдің АӨК-ін дамыту бойынша сұрақтар мен ұсыныстарды dossov.t@minagri.gov.kz электронды поштасына жіберулеріңізді сұраймыз.Ақпарат көзі : https://www.gov.kz/memleket/entities/moa/press/news/details/909212

Абай облысында ерекше білім беру қажеттілігі бар 100 балаға арналған жаңа жылдық қойылым өтті. Шырша мерекесіне Абай облысының мектептері мен арнайы интернаттарының оқушылары ата-аналарымен бірге шақырылды. Сонымен қатар спорт пен шығармашылықта жетістікке жеткен дарынды ерекше балалар да қатысты. Олардың барлығы арнаулы әлеуметтік қызмет көрсету орталықтарының қызметтерін алушылар.Балалар облыстық театр әртістері дайындаған музыкалық, аниматорлардың және облыстық балалар шығармашылық ұжымдарының қатысуымен театрландырылған жаңа жылдық қойылымды тамашалады.Шараға арнайы қатысқан облыс әкімі Нұрлан Ұранхаев балаларды мерекемен құттықтап, сыйлықтар тарту етті .Биыл Абай облысының әкімдігі ұйымдастырған шырша мерекесіне 9-13 жас аралығындағы 450 бала қамтылды.Анықтама: балалардың шырша мерекесіне қатысу процесі қатаң және ашық түрде жүзеге асырылады. Қатысушыларды анықтаумен әр мектепте құрылған қамқоршылар кеңесі айналысады. Қалалық және аудандық білім бөлімдері белгіленген критерийлер негізінде балалардың тізімін әзірлеп, оларды арнайы комиссия бекітеді. Іс-шараға қатысушылардың тізімдері жыл сайын жаңартылып отыратынын атап өту маңызды. Бұл мерекеде өзге де балаларды қамту үшін өткен жылдары қатысқан оқушылар қайта қатыса алмайды.Ақпарат көзі : https://www.gov.kz/memleket/entities/abay/press/news/details/909120

Оқиға туралы өзекті ақпаратты алу үшін жедел желі телефондары жұмыс істейді: Астана қаласындағы Командалық орталықта: 8-7172-55-96-21, 55-96-83 Маңғыстау облысы ТЖД: 8-7292-31-90-91.Ақпарат көзі : https://www.gov.kz/memleket/entities/emer/press/news/details/909143

Бүгін 2024 жылғы 25 желтоқсанда жергілікті уақыт бойынша сағат 11:00-де Маңғыстау облысының Төтенше жағдайлар департаментіне Баку – Грозный бағытында ұшып бара жатқан Azerbaijan Airlines әуекомпаниясының Embraer 190ar әуе кемесі апатты жағдай жариялап, Ақтау әуежайына қонуға жағдай жасау туралы ақпарат түсті. Қону уақыты шамамен сағат 11:25 деп белгіленді. Алдын ала ақпарат бойынша бортта 69 адам, оның ішінде 5 экипаж болған. Маңғыстау облысы ТЖД күштері мен құралдары дереу оқиға орнына жіберілді. Сағат 11: 30-да әуежайдан 3 километр жерде ұшақтың апатқа ұшырағаны туралы ақпарат түсті. Осыған байланысты жоғары ранг бойынша ТЖД күштері мен құралдары қосымша жіберілді. ТЖМ Командалық орталығының базасында республикалық штаб құрылды, оның құрамына Ішкі істер, Денсаулық сақтау, Көлік министрліктерінің, Ұлттық ұланның, Сыртқы істер министрлігінің және басқа да ведомстволардың өкілдері кірді. Жалпы операцияға азаматтық қорғау қызметінің жеке құрамынан 701 адам және 82 бірлік техника жұмылдырылуда. Сағат 11:45-тегі жағдай бойынша өрт оқшауланып, 12:05-те сөндірілді. Сағат 14:10-да 29 адам, оның ішінде 2 бала медициналық мекемелерге жеткізілді. Қазіргі уақытта авариялық-құтқару жұмыстары жалғасуда. Медициналық көмек көрсету үшін Астана қаласынан санитарлық авиация борты Ақтауға жіберілді. Сонымен қатар оқиға орнында үкіметтік комиссияның іс-қимылын үйлестіру үшін ТЖ министр генерал-майор Шыңғыс Әрінов, ТЖ вице-министрі Кеген Тұрсынбаев және ТЖ жою департаментінің бастығы Ақтауға кетті. Оқиға туралы өзекті ақпаратты алу үшін жедел желі телефондары жұмыс істейді: Астана қаласының командалық орталығында: 8-7172-55-96-21, 55-96-83. Маңғыстау облысы ТЖД: 8-7292-31-90-91. Осы сағатта жедел желі телефондарына 272 қоңырау түсті. Құтқару және қалпына келтіру жұмыстарын жүргізу барысы бойынша ақпарат одан әрі жаңартылатын болады. Ақпарат көзі : https://www.gov.kz/memleket/entities/emer/press/news/details/909151

Биылғы жылы Талдықорған қаласы жолдарының құрылысына, күрделі жөндеуге және күтіп ұстауға 7,7 млрд. теңге бөлінді. Бұл туралы бүгін Талдықорған қаласының тұрғындарымен кездесуі барысында облыс әкімі Бейбіт Исабаев айтты, - деп хабарлайды Жетісу облысы әкімінің баспасөз қызметі.Өңір басшысы өз сөзінде жолға қатысты ірі жобаларға тоқталды. Мәселен, солтүстік-батыс тұрғын ауданында, 8, 9 және «Жастар-1» шағын аудандарында 107 көшеге жол салу жоспарланып, өткен жылдары 10 көше жасалса, биыл 30 көшеге жаңадан асфальт төселген, қалған 67 көше 2025 - 2026 жылдары толық аяқталады.- Сондай-ақ «Шығыс», Оңтүстік-Шығыс, «Көктал» шағын аудандары және 3-бөлімше тұрғын аудандарындағы 89 көшеге күрделі жөндеу жүргізілуде, оның 14 көшесі биыл жасалды. Жұмыстар 2026 жылдың соңында толығымен аяқталады. Сонымен қатар биыл Өтенай ауылдық округіндегі 7 көше күрделі жөндеуден өтті. Қаланың өзінде 10 көшеге орташа жөндеу жұмыстары жүргізіліп, жол қауіпсіздігін қамтамасыз ету мақсатында жалпы 17,5 мың шаршы метр жолға ағымдағы жөндеу және 350 люкті көтеру жұмыстары жасалып, қауіпті учаскелерге 3 бағдаршам орнатылды, - деп атап өтті Бейбіт Исабаев.Облыс басшысының айтуынша, келесі жылы «Жастар-2» шағын ауданында жолды күрделі жөндеу жұмыстары басталады, жалпы құны - 3,5 млрд. теңге, оған жергілікті бюджеттен әзірге 500 млн. теңге бөлінді. Сол сияқты Жылу желілерін ауыстырғаннан кейін асфальт жабынын қалпына келтіру маңызды мәселе болып қала береді.Осыған байланысты, қала әкіміне асфальт төсемді қалпына келтіру және люктерді сапалы орнату жұмыстарын ерекше бақылауға алуды тапсырамын.«Жылу желілерін ауыстырғаннан кейін асфальт жабынын қалпына келтіру - маңызды мәселе. Осыған байланысты қала әкіміне асфальт төсемін қалпына келтіру және люктерді сапалы орнату жұмыстарын ерекше бақылауға алуды тапсырамын», - деді облыс басшысы.Жетісу облысы әкімінің баспасөз қызметіФотографтар: Жеңіс Ысқабай, Олжас ҚұрмашевАқпарат көзі : https://www.gov.kz/memleket/entities/zhetysu-oblysy/press/news/details/909068

Бүгінгі күні Талдықорғанда тұрғын үй кезегінде он бес мыңнан астам адам тұр. Биыл 1283 адам тұрғын үймен қамтылып, кезек 8,3 пайызға қысқарды. Ал 2025 жылы 1448 отбасына тұрғын үй беріледі. Алдағы уақытта 1041 пәтерлі 28 үйдің, 107 коттедждің құрылысы аяқталады, оған қоса халықтың әлеуметтік осал топтары үшін 300 пәтер сатып алынады. Осылайша, 2023-2025 жылдары5 мыңға жуық кезекте тұрғандар тұрғын үймен қамтамасыз етіледі. Бұл туралы бүгін Талдықорған қаласының тұрғындарымен кездесуінде облыс әкімі Бейбіт Исабаев мәлімдеді, - деп хабарлайды Жетісу облысы әкімінің баспасөз қызметі.Талдықорғандағы бірнеше жылдан бері құрылысы тоқтап тұрған үйлердің қаланың келбетіне нұқсан келтіретінін айтқан облыс басшысы қала әкіміне осы үйлердің құрылысын аяқтау бағытында нақты шаралар қабылдауды тапсырды.- Өздеріңізге белгілі, Талдықорған қаласының Бас жоспарына өзгерістер енгізілді, онда инженерлік-коммуникациялық желілердің жүктемесін ескере отырып, нүктелік және бей-берекет құрылыс толығымен алынып тасталды. Бас жоспарға сәйкес жаңа шағын аудандарды салу жұмыстары жүргізілуде, Оңтүстік-Батыс тұрғын ауданының 11, 12, 13 шағын аудандарында және Қаратал өзенінің оң жағалауында көп қабатты 41 тұрғын үйді жобалау жұмыстары жүргізілуде, - дейді Б.Исабаев.Сонымен қатар облыс басшысы қаланың өсуіне орай оны жылумен үздіксіз қамту мәселесінің де өзекті екенін атап өтті. Мысалы, жыл бойы жұмыс істейтін және жүктемесі 90%-ға жеткен «Басқуат» қазандығы қаланың көп бөлігін орталықтандырылған жылумен қамтамасыз етеді. «Соңғы екі жылда ғана қаланың жаңа шағын аудандарында көп қабатты 51 тұрғын үй, 5 әлеуметтік нысан салынды. 2025 жылы көп қабатты тағы 28 үйдің құрылысы жоспарланып отыр, бұл өз кезегінде жылу энергиясын тұтынуды едәуір арттыруды қажет етеді. Осыған байланысты «Басқуат» қазандығының жүктемесін төмендету бойынша шаралар қабылдануда», - деп атап өтті облыс басшысы.Осы орайда биыл Дарабоз ана, Абай, Қабанбай батыр, Балпық би, Төлебаев және Алдабергенов көшелерінде 2,9 км жылу желілері қайта жаңартылды, қаланың орталығындағы нысандар мен «Қаратал» шағын ауданы №2 және №3 қазандықтарға қайта қосылып, соның нәтижесінде «Басқуат» қазандығына жүктеме 12% немесе 22 Гкал/сағ төмендеген.Сондай-ақ қуаттылығы сағатына 49 Гкал қазандықтың және «Басқуат» қазандығының базасында газ турбиналық станцияның құрылысы басталды. Осы жобаларды іске асыру «Басқуат» қазандығының жүктемесін тағы 30%-ға азайтуға мүмкіндік береді. Сондай-ақ, 2025-2026 жылдар аралығында қаланың негізгі магистральдық жылу желілерін кезең-кезеңімен қайта жаңарту жоспарлануда.Жетісу облысы әкімінің баспасөз қызметі.Фотосуреттердің авторлары: Жеңіс Ысқабай, Олжас ҚұрмашевАқпарат көзі : https://www.gov.kz/memleket/entities/zhetysu-oblysy/press/news/details/909075