Алматыда «Таза Қазақстан» жалпы республикалық тұжырымдамасы аясында 2025 жылдың соңына қарай қатты тұрмыстық қалдықтарды жинау инфрақұрылымын толығымен модернизациялау жоспарлануда. Бұл туралы қала әкімі Ерболат Досаев 2025-2027 жылдарға арналған мегаполис бюджетінің жобасы қаралған қалалық мәслихат сессиясы барысында хабарлады.Ауқымды жоба 2012 жылы құрылған ҚТҚ жинау инфрақұрылымының әбден тозуына байланысты 2023 жылдан бастап іске асырылуда. Басты мақсат-экологиялық жағдайды жақсарту, қала тұрғындарының жайлылығын арттыру және санитарлық тазалаудың заманауи стандарттарына сәйкестендіру.Қала әкімі кешенді шаралар көрсетілетін қызметтердің сапасын едәуір арттыруға мүмкіндік беретінін атап өтті. Мәселен, бүгінде қоқыс таситын көліктердің күнделікті желіге шығу көрсеткіші 2023 жылғы 70% - дан 2024 жылы 85% - ға дейін өсті, 2025 жылы 95% - ға дейін жеткізілетін болады.Бүгінгі таңда Алматыда 1 454 контейнер алаңында орналасқан 8 003 контейнер қолданылады. Модернизация аясында 3 текше метр тереңдіктегі контейнерлер көбейтілді, бұл жағымсыз иістердің таралуына және құстардың немесе қаңғыбас жануарлардың қол жетімділігіне жол бермейді. 2023 жылы 42 алаңда 214 контейнер орнатылды, оған 600 млн теңге бөлінді. 2024 жылы мұндай контейнерлер саны 142 алаңда 786 бірлікке ұлғайтылды, оған 1,3 млрд теңге бөлінді. 2025 жылы 581 алаңда тағы 1683 контейнер орнатылады, бұл 4,3 млрд теңге көлемінде салымдарды талап етеді.Сонымен қатар, 2024 жылы көлемі 1,1 текше метр болатын 1800 - пластикалық еуроконтейнерлер сатып алынды, 2025 жылы тағы 1 000 осындай контейнер сатып алу жоспарлануда. Осылайша, 2025 жылы модернизацияланған контейнерлік алаңдардың үлесі 100% - ға жетеді.Бұл шаралар қалдықтарды жинау тиімділігін арттырып қана қоймай, қоқысты бөлек жинау және қайта өңдеу қағидаттарын одан әрі енгізу үшін жағдай жасауға мүмкіндік береді. Қала тұрақты даму бастамаларына және халықтың өмір сүру сапасын арттыруға бейілділігін көрсетуді жалғастыруда.Ақпарат көзі : https://www.gov.kz/memleket/entities/almaty/press/news/details/897739

Алматы әкімі Ерболат Досаев қаланың үш жылдық бюджетінің жобасы қаралып жатқан мәслихаттың кезектен тыс сессиясы кезінде абаттандыру паспорттарын енгізу барысы туралы айтып берді. Бұл құжаттар биылғы жылы қабылданған қаланы абаттандырудың жаңа ережелерінде қарастырылған.«Мемлекет басшысының бастамасымен «Таза Қазақстан» бағдарламасы аясында әкімдік сүйікті қаламызды абаттандыру және көгалдандыру бойынша жүйелі шаралар қабылдауда. Қаланы абаттандыру және көгалдандыру – жайлы қалалық орта құру және алматылықтардың өмір сүру сапасын арттыру бойынша біздің басымдығымыз. Абаттандырудың жаңа сапасына қол жеткізу және жасыл қорды кеңейту үшін осы маңызды басымдықтарды қаржыландыру 2025 жылы 40% - ға немесе 50 млрд теңгеге 170,5 млрд теңгеге дейін ұлғаяды», - деді Ерболат Досаев.Қала басшысы ағымдағы жылдың шілде айында аумақтарды абаттандыру паспорттарын енгізуді көздейтін қаланы абаттандыру ережелері бекітілгенін еске салды. Паспорттау кәсіпкерлер мен басқа субъектілердің іргелес аумақтар үшін жауапкершілік шекараларын нақты анықтауға мүмкіндік береді.Абаттандыру паспортында ЖТҚ аумақтарын, құрылыс, балалар және спорт алаңдарын, нөсерлі кәріз желілерін, бақша-саябақ жиһаздарын және МАФ ұстау тәртібі сипатталған. Ғимараттар мен құрылыстардың иелері қасбеттерді уақтылы жөндеуді және сырлауды қоса алғанда, оларды тиісті күтіп ұстау мен пайдалануды қамтамасыз етуге міндетті. Сонымен қатар, қасбеттер мен аумақтардың эстетикалық және санитарлық жағдайының дұрыс застігі үшін меншік иелерінің әкімшілік жауапкершілігі бекітілген.Паспорттау процесі үш кезеңге бөлінеді. Бірінші кезеңде магистральдық көшелерде, қалалық маңызы бар аймақтарда және жаяу жүргіншілер кеңістігінде мыңнан астам нысан қамтылды. Екінші кезеңде аудандық маңызы бар көшелерге назар аударылады, ал соңғы кезең жергілікті маңызы бар көшелер мен аулаішілік аумақтарды қамтиды.Бұл құжат 2 мыңға жуық кәсіпкерлік нысаны үшін ресімделді және 2025 жылдың 1 сәуіріне дейін 6 039 нысанды қамти отырып, паспорттауды толық аяқтау кезең-кезеңмен қамтамасыз етілетін болады.Ақпарат көзі : https://www.gov.kz/memleket/entities/almaty/press/news/details/897756

ҚР Парламенті Сенатында өткен «Азық-түлік қауіпсіздігі – ұлттық қауіпсіздіктің негізгі құрамдас бөлігі» атты парламенттік тыңдауда Ауыл шаруашылығы министрі Айдарбек Сапаров негізгі тауарлар бойынша ішкі нарықтың қамтамасыз етілуі халық қажеттілігінен бірнеше есе жоғары екенін мәлімдеді.Мәселен, ұн бойынша қамтамасыз ету деңгейі халық сұранысынан 2,4 есе, күріш пен күнбағыс майы бойынша – 1,7 есе жоғары, ал қой еті – 106%, сиыр еті – 101% деңгейінде.Министр атап өткендей, азық-түлік қауіпсіздігін қамтамасыз етуге қатысты негізгі индикаторлар мен міндеттер Ауыл шаруашылығы министрлігінің 2030 жылға дейінгі АӨК дамыту тұжырымдамасы және ауыл шаруашылығының жалпы өнім көлемін 2028 жылға дейін екі есе арттыруға арналған Жол картасы сияқты стратегиялық құжаттарда көрсетілген.«Ағымдағы жылдың 10 айының қорытындысы бойынша салада оң динамика байқалады. Ауыл шаруашылығының нақты көлем индексі 12,7%-ға өсіп, 7,1 трлн теңгені құрады. Өсімдік шаруашылығында өсім 18,8% немесе 4,5 трлн теңге, ал мал шаруашылығында 3,3% немесе 2,6 трлн теңге болды», – деп министр негізгі көрсеткіштерді атап өтті.Министр биылғы жыл дәнді дақылдардың рекордтық өнімімен ерекшеленгенін еске салды: 26,7 млн тонна астық жиналды, бұл 2023 жылғы деңгейден 1,5 есе жоғары. Өндірістің өсуі күріш, қарақұмық, майлы дақылдар мен картоп сияқты басқа да негізгі дақылдар бойынша да байқалды.Мәселен, майлы дақылдардың жалпы өнімі 3,2 млн тоннаны құрап, өткен жылғы деңгейден 46%-ға өсті. Күріштің жалпы өнімі 2023 жылмен салыстырғанда 16%-ға, қарақұмық – 42%-ға, күнбағыс тұқымы – 35%-ға артты. Картоп 2,9 млн тонна жиналды, бұл 40%-ға өскенін көрсетеді.Сойылған ет өндірісі 4,4%-ға өсіп, 889,0 мың тоннаны құрады, оның ішінде сиыр еті – 6,2%-ға, құс еті – 10,3%-ға артты. 3,1 млн тонна сүт (4,2%) және 3,8 млрд тауық жұмыртқасы өндірілді. Сүт-тауарлы фермаларда орташа сүт өнімділігі 7,4%-ға өсті.«Саланың табысты дамуы тиісті жем-шөп базасын қамтамасыз етусіз мүмкін емес. Биыл 35,2 млн тонна шөп дайындалып, бұл бір жарым жылдық қорды құрады. Қалған жем-шөп түрлері бойынша қажеттіліктің 111%-ы қамтамасыз етілді. Бұл көлемдер ауыл шаруашылығы жануарларын қыс мезгілінде тұрақты азықтандыруды ұйымдастыруға мүмкіндік береді», – деп түйіндеді Айдарбек Сапаров.Ақпарат көзі : https://www.gov.kz/memleket/entities/moa/press/news/details/897740

Бүгін Талдықорған қаласында облыс әкімдігі мен Қазақстан Республикасы Президентінің Іс басқармасы медициналық орталығы өзара ынтымақтастық туралы Меморандумға қол қойды. Меморандум аясында облыс тұрғындарын диагностикалау, емдеу, оңалту бағытында, жаңа технологиялар мен озық емдеу әдістерін меңгеруде, инновациялық әдістемелерді дамытуда екі жақты білім мен тәжірибе алмасу жүргізіледі, - деп хабарлайды Жетісу облысы әкімінің баспасөз қызметі.Қазақстан Республикасы Президентінің Іс басқармасы медициналық орталығының жетекшісі Алексей Цой бастаған орталықтың білікті ұжымына өңірлермен ынтымақтастық орнатуға ықылас танытып, бастама жасағандары үшін шынайы ризашылығын білдірген Бейбіт Исабаев облыста денсаулық сақтау саласына жасалып отырған қолдау шаралары жайлы қысқаша айтып өтті.- Жетісу облысының денсаулық сақтау саласына тұрақты негізде мемлекеттік қолдау көрсетіледі. «Ауылдағы денсаулық сақтауды жаңғырту» ұлттық жобасы аясында облыста 59 нысанның құрылысы жүргізілуде, оның 33-і жыл соңына дейін іске қосылатын болады. Жалпы облыста ауылдық жерлерде сапалы медициналық қызметтердің қолжетімділігі қамтамасыз ету үшін жергілікті бюджет қаражаты есебінен соңғы 3 жылда 61 блоктық-модульдік медициналық нысан салынды, атап айтқанда 2022 жылы – 12, 2023 жылы – 22, 2024 жылы – 27. Денсаулық сақтау саласы нысандарын соңғы жылдары 53% жаңарттық. Сонымен қатар жеке инвестор есебінен Талдықорғанда заманауи онкологиялық орталық салынады. Өңірде қабылданған қолдау шараларының нәтижесінде өткен 9 айда облысқа 152 медицина маманы келді. Екі жылда медицина мекемелеріне 63 жедел жәрдем машиналарын алып бердік. Біз өз тарапымыздан денсаулық сақтау саласына жаңа нысандар салу, материалдық-техникалық базасын нығайту, мамандарға қолдау көрсету жұмыстарын жүйелі түрде жалғастырамыз. Мемлекет басшысы айтқандай, халықтың денсаулығы – елдің ең басты байлығы. Сондықтан сіздер мен біздің мақсатымыз ортақ, - деген Б. Исабаев өзара ынтымақтастық орнатудың халықтың денсаулығын нығайтып, медициналық қызмет көрсету сапасын жақсартуға ықпал ететін шара болатынына сенім білдірді.Өз кезегінде ҚР Президентінің Іс басқармасы медициналық орталығының жетекшісі Алексей Цой Президенттің Іс Басқармасының Медициналық орталығы күндерін ұйымдастыруға жәрдемдескені үшін алғысын білдірді.- Мемлекет басшысы өңірлік денсаулық сақтауды дамытуға ерекше көңіл бөлу туралы тапсырма берді. Президенттің Іс Басқармасы Медициналық орталығының күндері елдің барлық өңірлерінде өткізіледі. 90 жылдан астам уақыт ішінде Президенттің Іс Басқармасының Медициналық орталығы денсаулық сақтау жүйесінде көшбасшы болып келеді. Соңғы 3 жылдың өзінде орталықтың медицина қызметкерлері 150-ден астам жаңа технологияны сынақтан өткізді. Өңірлердегі әріптестерімізге медициналық практикалық көмек көрсетуді жоспарлап отырмыз. Бұған бүгін қол қойылған ынтымақтастық туралы меморандум ықпал етіп отыр, бұл осындай акцияларды тұрақты өткізуге мүмкіндік береді. Негізгі мақсатымыз – аймақтарға жаңа технологияларды кеңінен енгізу. Мәселен, Жетісу өңірінің тұрғындары облыстан сыртқа шықпай-ақ, күрделі медициналық көмекті жергілікті жерде де ала алады. Біздің бірлескен жұмысымыз медициналық қызметтердің сапасын кезең-кезеңімен жақсарта түсуге мүмкіндік береді, - деп атап өтті А.Цой.Кездесу барысында Жетісу облысы мен Қазақстан Республикасы Президентінің Іс басқармасы медициналық орталығының өзара ынтымақтастығы туралы Меморандумға қол қойылды.Атап өтсек, ҚР Президенті Іс Басқармасының Медициналық Орталығы күні аясында мамандар осы аптаның басынан Талдықорғанның бірқатар медициналық мекемелерінде пациенттерді қабылдады. Мамандар қатарында эндокринолог, травматолог, генетик дәрігер, аритмолог дәрігер, гастроэнтеролог, пульмонолог, ангиохирург, геронтолог, невропатолог, аллерголог, эпилептолог бар. Акцияның аясында 31 операция жүргізілді, оның 7-і бірегей операция. Жүкті әйелдерді, балалар мен қарттарды қоса алғанда, 207 пациентке консультациялық-диагностикалық көмек көрсетілді. 193 маман қатысқан 11 дәріс пен презентация өткізілді.Жетісу облысы - «ҚР ПІБ Медициналық орталығының күндері» акциясы өтіп отырған 14-ші аймақ. Акцияның негізгі мақсаты - ҚР ПІБ Медициналық орталығы жүйесінің озық тәжірибесін өңірлердің денсаулық сақтау саласына тарату, бұл өз кезегінде халық тұратын елді мекендерде жоғары технологиялық қызметтер мен емдеудің озық әдістерінің қолжетімділігін кеңейтуге ықпал етеді.Жетісу облысы әкімінің баспасөз қызметі.Фототілші: Жеңіс ЫсқабайАқпарат көзі : https://www.gov.kz/memleket/entities/zhetysu-oblysy/press/news/details/897676

Қыс мезгілінің басынан бастап коммуналдық қызметтер Астанадан 840 мың текше метрден астам қар шығарды. Қар тазалау жұмысы тәулік бойы үздіксіз іп жатыр, деп хабарлайды Астана әкімдігінің ресми сайты.6 желтоқсан күні күндізгі ауысымда қала көшелерінен қар мен мұзды күреуге 2,7 мыңнан астам жол жұмысшы мен 100-ге жуық арнайы техника жұмылдырылды.6 желтоқсанға қараған түні қар полигондарына 84 ауыр жүк рейсімен 878 текше метр қар шығарылды.Қыс мезгілінің басынан бері қаладан 66 519 рейспен 847 мың текше метр қар шығарылды.Ең алдымен, ережеге сәйкес, жолдарда кептеліс болмас үшін қозғалысы өте қарқынды орындар тазартылады. Сондай-ақ, қарқындылығы орташа учаскелер – алаңдар, вокзал маңы аумақтары, тротуарлар, әлеуметтік нысандарға кірме жолдар және т.б. тазартылады.Орталық көшелерді, жолаушылар көлігі маршруттары жүретін орындарды, аялдамалар мен тротуарларда тазалау да басымдыққа ие.Қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылып, жарықтандыру қосылған.Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарларға шықпауды сұраймыз.Төтенше жағдай туындаған кезде «112» нөміріне хабарласыңыз.Ақпарат көзі : https://www.gov.kz/memleket/entities/astana/press/news/details/897629

Бұл туралы қала әкімі Ерболат Досаев мәслихат сессиясы барысында хабарлады, онда 2025-2027 жылдарға арналған мегаполис бюджеті қаралды.«Абаттандырудың жаңа сапасына қолжеткізу және жасыл қорды кеңейту үшін осы маңызды басымдықтарды қаржыландыру 2025 жылы 40% - ға немесе 50 млрд.теңгеге, яғни 170,5 млрд. теңгеге дейін ұлғаяды», - деді Алматы әкімі Ерболат Досаев.Ыңғайлы қалалық ортаны қамтамасыз ету үшін абаттандырудың жаңа Ережелері қабылданды, аулаларды кешенді күтіп ұстауға үш жылдық шарттар енгізілді, сондай-ақ магистральдық көшелер бойындағы үйлердің қасбеттерін жөндеу тәсілдері қайта қаралды.2024 жылдың қаңтарынан бастап алғаш рет аулаларды күтіп ұстауға үш жылдық шарттар жасалды. Олар санитарлық тазалауды, абаттандыру элементтерін жөндеуді және жасыл аймақтарды күтуді қамтиды. Бұл тәсіл мердігерлердің жауапкершілігінің кемшін жағын жояды және жұмыс тиімділігін арттырады. 2023-2024 жылдары «Алматы тазалық» паркі үшін 141 бірлік техника сатып алынды, 2025 жылы тағы 32 бірлік техника сатып алу жоспарлануда. «Алматы тазалық» жұмысы 2025 жылы магистральдық көшелерді тазалауға бағытталатын болады.Алматыда қалалық инфрақұрылымды дамыту үшін кешенді жұмыстар аясында қала әкімі Ерболат Досаевтың тапсырмасы бойынша көгалдандырудың жаңа тәсілдері белсенді түрде енгізілуде. 2023-2024 жылдары 643 мыңнан астам жасыл желек отырғызылды, ал 2030 жылға дейін бекітілген Жол картасына сәйкес 2,5 млн ағаш пен бұта отырғызу жоспарлануда.Жасыл қордың жағдайын жақсартудың негізгі бағыттарының бірі тамшылатып суару және автосуару жүйелерін енгізу болды. 2023 жылы 500 мың ағаш (200 км тамшылатып суару) қамтылды, 2024 жылы 220 мың ағашқа тағы 110 км қосылды. 2025 жылы 120 км тамшылатып суару және 168 км авто суару орнату жоспарлануда, бұл 240 мың ағашқа күтім жасауды қамтамасыз етеді.2025 жылдан бастап ірі көлемді көшеттерді жаппай отырғызуды бастау жоспарлануда: биіктігі 4 метрден асатын 23 мың ағаш және биіктігі 6 метрден асатын 4 мың ағаш.Сонымен қатар, қалада көгалдар мен гүлзарларды (бірінші деңгей), бұталар мен сәндік өсімдіктерді (екінші деңгей), сондай-ақ ірі ағаштарды (үшінші деңгей) қамтитын үш деңгейлі көгалдандыру қолданылады. Бұл жасыл желекті едәуір ұлғайтуға және қала тұрғындары үшін жайлы жағдай жасауға мүмкіндік береді.Ақпарат көзі : https://www.gov.kz/memleket/entities/almaty/press/news/details/897626

Алматыда аула аумақтары мен көше-жол желісін санитарлық ұстау бойынша жаңа қағидат енгізілді. Бұл туралы қала әкімі Ерболат Досаев қалалық мәслихаттың кезектен тыс сессиясында хабарлады, оның барысында 2025-2027 жылдарға арналған мегаполис бюджеті қаралды."Әкімдік алғаш рет санитарлық тазалауды, абаттандыру элементтерін жөндеуді және жасыл аймақтарды күтіп ұстауды қамтитын аулаларды кешенді күтіп ұстаудың үш жылдық шарттарын жасасу тәжірибесін енгізді. 4 020 аула аумағына және 24 млн шаршы метр көше-жол желісіне қызмет көрсету үшін 2025 жылдың бюджетінде 27 млрд теңге қарастырылған, бұл 2024 жылмен салыстырғанда 10% - ға өскен", - деді Ерболат Досаев.Айта кету керек, бұған дейін аулалар мен көшелерді күтіп ұстау бойынша конкурстар жылына бір рет өткізіліп, мердігер ұйымдарға қымбат арнайы техниканы сатып алу тиімсіз болған. Бұл келесі жылы олар тендерді жеңе алмауы мүмкін деген қорқынышпен байланысты болды, бұл мұндай инвестицияларды негізсіз етеді.Осыған байланысты, Алматы әкімі Ерболат Досаевтың тапсырмасы бойынша қаланы жинау жұмыстарын жүргізудің сапасы мен жеделдігін жақсарту үшін ағымдағы жылдан бастап қаржыландыруды жыл сайын индекстеу шартымен үш жылдық шарттар жасау арқылы конкурстар өткізіледі.Бұл шара мердігерлік ұйымдарды дамыту үшін неғұрлым болжамды және орнықты жұмыс ортасын құруға мүмкіндік береді. Сонымен қатар, инновация конкурстық рәсімдер кезінде мердігерлердің болмауына байланысты тазалаудың тоқтап қалуын болдырмайды. Өз кезегінде мердігерлер техниканы сатып алу және қызметкерлер құрамын кеңейту шығындарын жоспарлай алады.Бүгінде Алматыда санитарлық тазарту 24 млн шаршы метр аумақты қамтиды; ұзындығы 2777 км 2318 көше; 1304 км тротуар және 1167 км арық. Сондай-ақ, қаланың сегіз ауданында күн сайын 4020 аула тазаланады.Ақпарат көзі : https://www.gov.kz/memleket/entities/almaty/press/news/details/897633

Мемлекет басшысының Алматыны «бақ қала» ретінде қайта жаңғырту жөніндегі тапсырмасын орындау аясында мегаполисті ауқымды көгалдандыру бағдарламасы қарқынды жүзеге асырылып жатыр. Бұл туралы Алматы әкімі Ерболат Досаев 2025–2027 жылдарға арналған қала бюджетінің жобасы талқыланып жатқан мәслихат сессиясында мәлімдеді.Негізгі бастамалардың бірі 2022 жылы бекітілген «Жасыл Алматы» жол картасы. Бағдарламаның басты мақсаты 2030 жылға дейін 2,5 млн жасыл желек отырғызу. Жыл сайын 320 мың ағаш пен бұта отырғызу көзделген. 2025 жылға дейін 1,2 млн, ал 2030 жылға дейін шамамен 1,3 млн ағаш отырғызылады.2024 жылы 320 мың жасыл желектің 224 мың көшеті отырғызылды, оның ішінде 150 мыңнан астамы ағаш, ал 74 мыңы бұта. Ағаш отырғызу жұмыстары жалғасуда, жыл соңына дейін тағы 96 мың көшет отырғызу жоспарланған.«Мемлекет басшысының «Алматы – бақ қала» мәртебесін қайта жаңғырту тапсырмасын сапалы жүзеге асыру мақсатында 2023-2024 жылдары 500 км автосуару және тамшылатып суару желілері орнатылды. 2025 жылы тағы 290 км желі тарту үшін 4,1 млрд теңге бөлінеді. Бұл жүйе 1 млн-нан астам ағашты автоматты суару жүйесімен қамтуға мүмкіндік береді», – деді Ерболат Досаев.Естеріңізге сала кетейік, 2024 жылдың сәуір айында «Алматы – біздің ортақ үйіміз» науқаны аясында «Алматы – бақ қала» акциясы өткізілді. Іс-шара барысында 7 мыңнан астам жасыл желек, оның ішінде 4 015 жеміс ағашы (оның 3 855-і алма ағашы), 1 090 жапырақты ағаш және 2 600 бұта отырғызылды.Негізгі көгалдандыру жұмыстары қаланың маңызды аймақтарында жүргізілді: «ALA» саябағында 2 270 алма ағашы, ҮАК көшесінің солтүстігіндегі саябақта 500 жеміс ағашы (250 алма ағашы және 250 өрік ағашы), Боралдай өзені бойындағы бақылау алаңында 1 000 жапырақты ағаш отырғызылды.Аудандық әкімдіктер де алма ағаштары аллеяларын және бұталарды отырғызуға белсенді атсалысты. Алатау ауданында 70 алма ағашы және 250 бұта, Медеу ауданында 220 алма ағашы, оның ішінде 150-і Алматы хайуанаттар бағы аумағында, Бостандық ауданында 230 алма ағашы, оның ішінде 150-і Тұңғыш Президент саябағында отырғызылды.«Жасыл Алматы» жол картасы – тек экологиялық жағдайды жақсартуға ғана емес, сонымен қатар қала тұрғындарының өмір сапасын арттыруға бағытталған бастама. Жасыл желектер микроклиматты жақсартуға, ауа ластану деңгейін төмендетуге және жайлы қалалық орта құруға ықпал етеді.Ақпарат көзі : https://www.gov.kz/memleket/entities/almaty/press/news/details/897639

Алматыда қаланы абаттандыру және көгалдандыру шығындарын қаржыландыру ұлғаяды. Бұл туралы қалалық мәслихаттың 2025-2027 жылдарға арналған бюджеті қаралған сессия барысында мегаполис әкімі Ерболат Досаев мәлімдеді."Мемлекет басшысының бастамасымен" Таза Қазақстан " бағдарламасы аясында әкімдік сүйікті қаламызды абаттандыру және көгалдандыру бойынша жүйелі шаралар қабылдауда. Бұл жайлы қалалық орта құру және алматылықтардың өмір сүру сапасын арттыру бойынша біздің негізгі басымдықтарымыз", - деді Ерболат Досаев.Осылайша, қаланы абаттандыру мен көгалдандыруға арналған шығыстарды қаржыландыру 2024 жылғы 121,6 млрд теңгеден 2025 жылы 170,5 млрд теңгеге дейін 40% - ға ұлғаяды.Сондай-ақ, Алматыда "Халық қатысатын бюджет"бағдарламасын табысты іске асыру жалғасуда. Соңғы үш жылда 39,1 млрд теңге сомасына 938 жоба іске асырылды, оның ішінде 2024 жылы – 18,8 млрд теңге. 2025 жылға бюджетте 17,1 млрд теңге қарастырылған.Өз сөзінде Ерболат Досаев атап өткендей, "Халық қатысатын бюджет" бағдарламасы қала тұрғындарының идеялары мен тілектерін іске асырудың тиімді құралына айналды және Алматы әкімдігі оның дамуын қолдауға ниетті.Айта кетейік, алматылықтардың ұсыныстары бойынша бағдарлама аясында аула аумақтары, балалар және спорт алаңдары абаттандырылды, жаңа қоғамдық кеңістіктер, жаяу жүргіншілер аймақтары құрылды, сыртқы жарықтандыру желілері жүргізілді.Ақпарат көзі : https://www.gov.kz/memleket/entities/almaty/press/news/details/897645

Осы жылдың 10 айында Қазақстанда азық-түлік өңдеу саласында оң динамика байқалды. Азық-түлік өндірісі 1,1%-ға өсіп, 2,7 трлн теңгені құрады.Бұл туралы ҚР Парламенті Сенатында «Азық-түлік қауіпсіздігі – ұлттық қауіпсіздіктің негізгі құрамдас бөлігі» мәселесіне арналған парламенттік тыңдауда Ауыл шаруашылығы министрі Айдарбек Сапаров мәлімдеді.Министр бірқатар азық-түлік өнімдерінің өндірісінде айтарлықтай өсім бар екенін атап өтті.Мәселен, 80,6 мың тонна жарма (77%), 604 мың тонна өсімдік майы (10,1%), 41,1 мың тонна ірімшік пен сүзбе (9,9%), 200,3 мың тонна ашытылған сүт өнімдері (5,2%), 58,6 мың тонна шұжық өнімдері (3,4%), 27 мың тонна сары май (2,8%) өндірілген.Өңдеуді дамыту бойынша кешенді жоспар аясында ет, сүт, күріш, жүгері, күнбағыс және қарақұмық сияқты ауыл шаруашылығы өнімдерінің негізгі түрлерін өңдеу үлесін 70%-ға дейін жеткізу жоспарлануда. 2028 жылға қарай азық-түлік өндірісі көлемі 4,5 трлн теңгеге дейін өседі.Ақпарат көзі : https://www.gov.kz/memleket/entities/moa/press/news/details/897701

Қазақстанның Төтенше жағдайлар министрі генерал-майор Шыңғыс Әрінов өрт сөндіру автотехникасын шығаруға маманданған жетекші отандық зауыттардың біріне барды. Ведомство басшысы техниканың заманауи үлгілерімен және оны құрастыру үдерісімен танысты. Сонымен қатар кәсіпорын өкілдерімен ынтымақтастықты кеңейту мүмкіндіктерін талқылады. Өндірісті оқшаулау және халықаралық стандарттарға сәйкес келетін инновациялық технологияларды енгізу мәселелеріне ерекше назар аударылды. «Біздің ынтымақтастығымыз өрт сөндіру бөлімшелері жұмысының тиімділігін арттыруға және ТЖМ техникалық базасын жақсартуға бағытталған. Біз техниканы жаңғырту, мамандарды оқыту және қызмет көрсетуді оңтайландыру мүмкіндіктерін қарастырамыз», - деп министр атап өтті. Сонымен қатар кездесуде бүкіл ел бойынша сервистік орталықтарда жүргізушілерді даярлау және өрт сөндіру автомобильдеріне техникалық қызмет көрсету мәселелері қаралды. Бүгінгі кездесу отандық өндірісті дамытудағы және қауіпсіздік жүйесін жетілдірудегі маңызды қадам болды. Бұл ТЖМ қызметінің кез келген төтенше жағдайларға дайындығын жақсартуға мүмкіндік береді. Ақпарат көзі : https://www.gov.kz/memleket/entities/emer/press/news/details/897607

Осымен 2023 жылғы 19 мамырда «Ашық НҚА» интернет-порталында (https://legalacts.egov.kz/arm/admin/viewcard?id=15323347) жария талқылау үшін «Жеке сот орындаушысының қызметіне ақы төлеу мөлшерлерін бекіту туралы» Әділет Министрінің 2023 жылғы 27 маусымдағы №416 бұйрығына өзгерістер енгізу туралы» НҚА орналастырылғанын хабарлаймыз.Жария талқылау 2024 жылғы 18 желтоқсанға дейін өткізілетін болады.Ақпарат көзі : https://www.gov.kz/memleket/entities/adilet/press/news/details/897646

1. АЛМАТЫ ЖЕРАСТЫ СУ КЕН ОРНЫАлматы қаласын шаруашылық-ауыз сумен және өнеркәсіптік кәсіпорындарды техникалық сумен жабдықтау үшін барланған. Минералдануы 0,5-0,6 г/л дейін, судың сапасы жақсы және «ауыз су» талаптарына сай келеді. Жерасты су қорының «А» санаты бойынша болжамды мөлшері тәулігіне 457 мың текше метр. Бүгінде су орнынан тәулігіне 200 мың текше метр су алынады.2. КӨКЖИДЕ ЖЕРАСТЫ СУ КЕН ОРНЫАқтөбе облысындағы Ембі қаласынан 95 шақырым жерде орналасқан. Жерасты суы шаруашылық-ауыз сумен жабдықтау үшін пайдаланылады. Бүгінгі таңда тәулігіне 7,84 мың текше метр су алынады. Есептік пайдалану мерзімі - 27 жыл. Жерасты су қорының «А+В+С1» санаттары бойынша болжамды мөлшері тәулігіне 196,5 мың текше метр.3. ТАЛҒАР ЖЕРАСТЫ СУ КЕН ОРНЫАлматыдан шығысқа қарай 30 шақырым жерде орналасқан. Алматы қаласын шаруашылық-ауыз сумен қамтамасыз ету үшін барланған. Жерасты суларының қоры А+В+С1 санаттары бойынша тәулігіне 989,28 мың текше метр мөлшерінде бекітілген.4. МЕРКЕН ЖЕРАСТЫ СУ КЕН ОРНЫМеркі және Новоскресенское ауылдарының аралығында Қырғыз жотасының солтүстік беткейінде орналасқан. Аудан орталығы Меркі қаласы мен оған жақын орналасқан елді мекендерді шаруашылық-ауыз сумен қамтамасыз ету және жерді суландыру мақсатында барланған. Жерасты суларының қоры А+В+С1 санаттары бойынша тәулігіне 770 мың текше метр көлемінде бекітілген.5. КЕҢҚИЯҚ ЖЕРАСТЫ СУ КЕН ОРНЫАқтөбе облысындағы Кеңқияқ кентінен 11 шақырым жерде орналасқан. Жерасты суы ауыз сумен жабдықтау және өнеркәсіптік кәсіпорындарды техникалық сумен жабдықтау үшін пайдаланылады. Бүгінгі таңда тәулігіне 1,442 мың текше метр су алынады. Су қорының болжамды мөлшері «А+В» санаттары бойынша тәулігіне 5,0 мың текше метр.Ақпарат көзі : https://www.gov.kz/memleket/entities/water/press/news/details/897506

Биыл ауыл шаруашылығын жеңілдікті қаржыландыруға рекордтық 580 млрд теңге бөлінді. Бұл қаражат егіншілерге тікелей несие беруге, пайыздық мөлшерлемені төмендетуге, форвардтық сатып алуға бағытталды.Нәтижесінде, республика егіншілері дәнді дақылдар бойынша рекордтық көлемде өнім жинады: орташа өнімділік гектарына 16,1 центнер болып, 26,7 млн тонна астық бастырылды. 2023 жылы орташа өнімділік 10 ц/га құраған болатын. Сонымен қатар 3,2 млн тонна майлы дақыл бастырылды, 2,9 млн тонна картоп, 3,9 млн тонна көкөніс және 2,6 млн тонна бақша дақылдары жиналды. Агротехнологияларды дұрыс қолдану, сапалы тұқымдар, минералды тыңайтқыштар және өсімдіктерді тиімді қорғаудың арқасында жоғары өнімділікке қол жеткізілді.Алдағы уақытта ауыл шаруашылығы дақылдарын әртараптандыру жұмыстары жалғасын табады. Президент тапсырмалары бойынша әзірленген Жол картасы аясында 2024–2028 жылдар аралығында ауыл шаруашылығының жалпы өнім көлемін екі есеге арттыру міндеті қойылды. Жалпы, Қазақстан Республикасының агроөнеркәсіп кешенін дамытудың 2021–2030 жылдарға арналған тұжырымдамасы шеңберінде 2030 жылға қарай бидай өнімділігін гектарына 20 центнерге дейін арттыру жоспарланып отыр. Айта кету керек, Мемлекет басшысының тапсырмасы бойынша 2025 жылға арналған көктемгі егіс және күзгі жиын-терім жұмыстарын қаржыландыру биылдың өзінде басталып кетті.Ақпарат көзі : https://www.gov.kz/memleket/entities/moa/press/news/details/897507

Биылғы 1 қарашадағы жағдай бойынша, өткен жылдың сәйкес кезеңімен салыстырғанда еліміздің ауыл шаруашылығында мал басы мен құс саны артты.Ірі қара мал (ІҚМ) – 8,2 млн бас (120,6%), оның ішінде сиыр – 4,4 млн бас (123,3%), жылқы – 4,1 млн бас (104,9%), түйе – 2,8 млн бас (104,7%). Сүт өндірісі 3 млн тоннаға (104,2%) жетті, оның 1,1 млн тоннасы (107,5%) ауыл шаруашылығы құрылымдарында өндірілді. Тауық жұмыртқасын өндіру 3,7 млрд данаға дейін (100,9%) жетті, оның ішінде ауыл шаруашылығы құрылымдарында 3,1 млрд данаға дейін (101,5%) ұлғайды.Республика бойынша 2024-2025 жылдардағы қыстау кезеңінде 35,2 млн тонна шөп (жоспардың 143,9%-ы), 2 млн тонна пішен (жоспардың 117,9%-ы), 5,1 млн тонна сабан (жоспардың 111,9%-ы), 2,3 млн тонна сүрлем (жоспардың 117,9%-ы), сондай-ақ 5,8 млн тонна жем (жоспардың 104,4%-ы) дайындалды.Дайындалған мал азығының көрсетілген көлемі өнім мен төл алудың жоспарлы көлемін, толыққанды азықтандыруды, сондай-ақ жалпы мал басының сақталуын қамтамасыз етуге мүмкіндік береді.Ақпарат көзі : https://www.gov.kz/memleket/entities/moa/press/news/details/897531

Қазақстан жыл сайын 8-9 млн тонна астық экспорттайды, оның 6,5-7,5 млн тоннасы — бидай. Экспорт географиясы 40-тан астам елді қамтиды. Орталық Азия, Ауғанстан, Қытай, Түркия, Иран, Италия, Тунис елдері дәстүрлі нарық саналады. Биылғы қараша айының соңындағы жағдай бойынша 6,3 млн тонна астық экспортталды. Жаңа өнім экспорты 2,37 млн тоннаны құрады, бұл 2023 жылдың сәйкес кезеңімен салыстырғанда 52%-ға артық.Өзбекстанға жеткізілім 42%-ға артып, 944 мың тоннаны құрады, өткен жылы бұл көрсеткіш 665 мың тонна болған. Тәжікстанға жеткізілім 49%-ға өсіп, 2023 жылғы 254 мың тоннадан биыл 377 мың тоннаға дейін жетті. Сондай-ақ Қытайға экспорт көлемі 17%-ға өсіп, өткен жылғы 304 мың тоннадан биыл 355 мың тоннаға дейін артқаны байқалды, Ауғанстанға жеткізілімдер өткен жылы 67 мың тоннадан ағымдағы жылы 115 мың тоннаға дейін 71% - ға ұлғайды, Иранға жеткізілімдер 10 мың тоннадан 299 тоннаға дейін 30 есе ұлғайды мың тонна. Ауғанстанға жеткізілімдер көлемі 71%-ға ұлғайып, өткен жылғы 67 мың тоннадан 115 мың тоннаға дейін артты. Иранға экспорт көлемі 10 мың тоннадан 30 есеге артып, 299 мың тоннаны құрады.Биыл экспорттық әлеует 12 млн тоннаға жетеді деп болжануда. Негізгі өткізу нарықтары – Орталық Азия, Қытай, Ауғанстан, Италия және басқа елдер. Сондай-ақ Әзербайжан, Ауғанстан, Иран, Ирак, Солтүстік Африка және ЕО елдеріне Қара және Балтық теңіздерінің порттары арқылы 2 млн тоннаға дейінгі көлемде астық тасымалдау мәселесі пысықталуда.Жұмыстың тиімділігін арттыру үшін Қазақстан ішінде де, экспортқа да жөнелтуді жоспарлайтын жедел астық штабы құрылды. Халықаралық дәліздер құру жөніндегі жобаларды іске асыру арқылы экспорт географиясын одан әрі кеңейту жоспарлануда.Ақпарат көзі : https://www.gov.kz/memleket/entities/moa/press/news/details/897526

Primeminister.kz сайтының редакциясы Мемлекет басшысының Жолдауында белгіленген қазақстандықтардың тұрмыс сапасын жақсартуға, еліміздің ұзақмерзімді әлеуметтік-экономикалық мақсаттарына қол жеткізуге бағытталған негізгі басымдықтар мен шаралар бойынша жыл қорытындысына арналған шолулар топтамасын ұсынуды жалғастырады.Ауыл шаруашылығы – экономиканың маңызды салаларының бірі. Бүгінде халықтың 37%-дан астамы ауылдық жерлерде тұрады, ал ауыл шаруашылығы өндірісінің даму деңгейі қазақстандықтардың көпшілігінің әл-ауқатына тікелей әсер етеді. Еліміз кең байтақ аумағы мен қомақты ресурстарының болуы арқасында үлкен әлеуетке ие. Мемлекет жеңілдетілген қаржыландыру мен субсидиялар беру арқылы аталған секторды белсенді түрде қолдайды, сондай-ақ ауылшаруашылық техникасының өндірісі мен лизингі көлемінің өсуін ынталандырады. Аталған шараның барлығы өз нәтижесін беруде: биыл еліміздің дихандары дәнді дақылдар жинаудан рекордтық көрсеткішке қол жеткізді.Егін жинау науқаныБиыл көктемгі егіс және күзгі жиын-терім жұмыстарын табысты жүргізуге қажетті барлық жағдай жасалды. Президент тапсырмаларын орындау аясында агроөнеркәсіп кешенін (АӨК) қаржыландырудың қолжетімділігі қамтамасыз етілді. Саланы жеңілдікті қаржыландыру көлемі алғаш рет рекордтық 580 млрд теңгені құрап, бұл қаражат егіншілерге тікелей несие беру, пайыздық мөлшерлемені төмендедіп, форвардтық сатып алуға бағытталды. 2025 жылы қаржыландыру көлемін 700 млрд теңгеге дейін жеткізу жоспарланып отыр. Қолайлы күзгі ауа райы егін жинау кезіндегі жауын-шашынға қарамастан, науқанды айтарлықтай шығынсыз өткізуге мүмкіндік берді.Нәтижесінде, республика егіншілері дәнді дақылдар бойынша рекордтық көлемде өнім жинады: орташа өнімділік гектарына 16,1 центнер, 26,7 млн тонна астық бастырылды. 2023 жылы орташа өнімділік 10 ц/га құраған болатын. Сонымен қатар 3,2 млн тонна майлы дақыл (өнімділік 10,9 ц/га), 2,9 млн тонна картоп, 3,9 млн тонна көкөніс және 2,6 млн тонна бақша дақылдары жиналды.Агротехнологияларды дұрыс қолдану, сапалы тұқымдар, минералды тыңайтқыштар және өсімдіктерді тиімді қорғаудың арқасында жоғары өнімділікке қол жеткізілді.Алдағы уақытта ауыл шаруашылығы дақылдарын әртараптандыру жұмыстары жалғасын табады. Президент тапсырмалары бойынша әзірленген Жол картасы аясында 2024–2028 жылдар аралығында ауыл шаруашылығының жалпы өнім көлемін екі есеге арттыру міндеті қойылды. Жалпы, Қазақстан Республикасының агроөнеркәсіп кешенін дамытудың 2021–2030 жылдарға арналған тұжырымдамасы шеңберінде 2030 жылға қарай бидай өнімділігін гектарына 20 центнерге дейін арттыру жоспарланып отыр. Айта кету керек, Мемлекет басшысының тапсырмасы бойынша 2025 жылға арналған көктемгі егіс және күзгі жиын-терім жұмыстарын қаржыландыру биылдың өзінде басталып кетті.Астық қабылдауОблыс әкімдіктерінің деректері бойынша, республикадағы астық сақтау қоймаларының жалпы сыйымдылығы 30 млн тоннаны құрайды. Атап айтқанда, қолданыстағы лицензияланған астық қабылдау кәсіпорындарында – 12,7 млн тонна, ал ауыл шаруашылығы тауарын өндірушілерде – 17,4 млн тонна астық сақталады. Көрсетілген қуаттылық көлемі өткен жылдардан қалған қорларды ескере отырып, жиналған өнімді сақтауға жеткілікті.Астық қабылдау кәсіпорындарына шамамен 7,9 млн тонна астық тапсырылды, оның 5,7 млн тоннасы – бидай. Қалған астық егіншілер қоймаларында сақталуда. Қазіргі уақытта лицензияланған элеваторлар жүктемесі 44%-ды құрайды. Жаңа өнімді қабылдау үшін элеваторларды босату мақсатында астықты тасымалдау және өткізу жұмыстары жалғасуда. Тамыз айынан қарашаға дейін 3,5 млн тонна астық тасымалданды.Егіс алқаптарын әртараптандыруҚазақстан ауыл шаруашылығының үлкен әлеуетіне ие, бұл еліміздің әртараптандырылған және инклюзивті экономикалық өсуіне ықпал ете алады. Негізгі артықшылықтарының бірі – кең байтақ аумақ, халық тығыздығының төмендігі және үлкен ауыл шаруашылығы жерлерінің болуы. Республикада өндірісті сұранысқа сай болуын қамтамасыз ету, сондай-ақ өсірілетін дақылдардың биологиялық қажеттіліктерін жергілікті агроклиматтық және табиғи жағдайларға неғұрлым көбірек сәйкестендіруге бағытталған ауыл шаруашылығы дақылдарын әртараптандыру бойынша шаралар қабылдануда.2024 жылы жалпы егіс көлемі 23,3 млн гектарды құрады, оның 21,1 млн гектары – жаздық егіс. Өткен жылмен салыстырғанда бидай алқабы 560,9 мың гектарға қысқарып, 13,1 млн гектарды құрады. Майлы дақылдар көлемі 135,5 мың гектарға ұлғайып, 2,9 млн гектарға жетті.Сонымен қатар қант қызылшасы алқаптарын (5,5 мың гектарға арттырып, нәтижесінде 25,2 мың гектарға дейін) ұлғайту және ылғалсүйгіш дақылдар: мақта (10 мың га) және күріш (2,2 мың га) алқаптарын қысқарту бойынша жұмыстар жүргізілді.Нәтижесінде, қысқартылған алқаптарда әлеуметтік маңызы бар және жоғары рентабельді дақылдардың егіс алқаптары артады. Сондай-ақ өңірлерде берік жем-шөп базасын құру мақсатында жемдік дақылдардың егіс алқаптарын ұлғайту жұмыстары жүргізілді. Ауыл шаруашылығы дақылдарын әртараптандыру жұмыстары алдағы уақытта да жалғасады.Өнімдерді өткізуҚазақстан жыл сайын 8-9 млн тонна астық экспорттайды, оның ішінде 6,5-7,5 млн тоннасы – бидай. Экспорт географиясы 40-тан астам елді қамтиды. Дәстүрлі нарықтар – Орталық Азия елдері, Ауғанстан, Қытай, Түркия, Иран, Италия, Тунис. Биылғы қараша айының соңына дейін 6,3 млн тонна астық экспортталды. Жаңа өнімді экспорттау көлемі 2,37 млн тонна, бұл – 2023 жылдың сәйкес кезеңімен салыстырғанда 52%-ға артық.Өзбекстанға жеткізілімдер көлемі 42%-ға өсіп, 944 мың тоннаны құрады, өткен жылы бұл көрсеткіш 665 мың тонна болған еді. Тәжікстанға жеткізілім 2023 жылғы 254 мың тоннадан 49%-ға артып, биыл 377 мың тоннаға дейін жетті. Қытайға экспорт көлемі 17%-ға артып, 355 мың тоннаға жетті (өткен жылы 304 мың тонна), Ауғанстанға жеткізілімдер көлемі 71%-ға ұлғайып, 115 мың тоннаны құрады (өткен жылы 67 мың тонна болған). Иранға экспорт көлемі 30 есеге дейін – 10 мың тоннадан 299 мың тоннаға артты.Биыл экспорттық әлеует 12 млн тоннаға жетеді деп болжануда. Негізгі нарықтар – Орталық Азия елдері, Қытай, Ауғанстан, Италия және басқа елдер. Сондай-ақ Әзербайжан, Ауғанстан (Түркменстан арқылы транзитпен), Иран, Ирак, Солтүстік Африка елдері мен Еуропалық Одаққа Қара және Балтық теңіздері арқылы жеткізілетін астықты 2 млн тоннаға дейінгі көлемде тасымалдауды ұйымдастыру мәселесі пысықталуда. Жұмыстың тиімділігін арттыру үшін Қазақстанда астықты тасымалдауды жоспарлау үшін жедел астық штабын құру жұмыстары басталды. Экспорт географиясын кеңейту мақсатында халықаралық дәліздер құру жөніндегі жобалар іске асырылып жатыр.Сонымен қатар нарыққа реттеуші ықпал тигізу мақсатында «Азық-түлік корпорациясы» ҰК» АҚ егіншілерден астық сатып алу шараларын қабылдайды. Мемлекет басшысының ауыл шаруашылығы қызметкерлерінің бірінші форумында берген тапсырмаларын орындау аясында жаңа өнімді тікелей сатып алу жүзеге асырылады. Бірінші кезеңде Үкімет резервінен 10 млрд теңге көлемінде қаржы бөлу арқылы 150 мың тонна өнімді нарықтық бағамен сатып алу ұсынылып отыр. Астықтың алғашқы сатып алуы шағын шаруа қожалықтарынан жүзеге асырылады, бұл өнімнің әділ бағамен сатылуын қамтамасыз етеді. Сондай-ақ артық астықты сатып алу тетігін енгізу арқылы ішкі нарықтағы баға жағдайына делдалдар ықпалын барынша азайту көзделіп отыр. «Азық-түлік корпорациясы» белгіленген стандарттар мен сапа талаптарын сақтай отырып, астықты ауыл шаруашылығы тауарын өндірушілерден конкурстық шарттармен сатып алады.Тыңайтқыштарды субсидиялауТыңайтқыштар нарығында ең көп таралған аммиак селитрасы, аммофос, карбамид(несепнәр), аммоний сульфаты, сульфоаммофос және NPK (азот,фосфор,калий). Сонымен қатар аммоний нитраты мен аммофос жалпы тұтынудың 60%-дан астамын құрайды.Қазақстанда тыңайтқыштардың үш түрі бойынша толық өндірістік цикл құрылған: аммиак селитрасы «ҚазАзот» АҚ-да, аммофос – «Қазфосфат» ЖШС-да, аммоний сульфаты – «ҚазАзот» АҚ-да және «Qarmet» ЖШС-да өндіріледі. Тыңайтқыштарға ғылыми қажеттілік физикалық салмақта 3,2 млн тоннаны құрайды, ал отандық өндірушілер қуаты осы қажеттіліктің 56%-ын, шамамен 1,8 млн тоннаны құрайды (оның ішінде «ҚазАзот» АҚ 420 мың тоннаны, ал «Қазфосфат» ЖШС 1 млн тоннаны өндіреді).Қазіргі уақытта Қазақстанда субсидияларды 60%-ға дейін ұлғайта отырып, аванстық өтінімдерді қарауға басымдықпен, отандық тыңайтқыштарды аванстық субсидиялау тетігі енгізілді. Сондай-ақ 1 гектар егістік алқабына тыңайтқыш енгізу нормасы да ұлғайтылды, бұл топырақты негізгі қоректік заттармен толықтырады. Облыс әкімдіктері кепілдігімен отандық өндірушілер тыңайтқыштар төлемі үшін шаруларға бөліп төлеумен қамтамасыз етеді.Биылғы 1 желтоқсанындағы жағдайға сәйкес, шаруалар 1,3 млн тонна тыңайтқыш енгізді, бұл 2023 жылмен салыстырғанда екі есе көп. Шаруалардың субсидияларға деген қажеттіліктерін толық қанағаттандыру мақсатында тыңайтқыштарды субсидиялауға қосымша қаражат бөлу жоспарланып отыр.Сондай-ақ өнім түрлерін кеңейте отырып, минералды тыңайтқыштар өндірісі көлемін ұлғайту жоспарлануда. Тыңайтқыш өндірушілерді жылжымалы құраммен уақтылы қамтамасыз етуге назар аударылады.Несие қаражаттарының қолжетімділігін арттырудың маңызды құралы – сыйақы мөлшерлемелерін субсидиялау. Бұл ауыл шаруашылығы тауарын өндірушілердің төлем қабілеттілігін арттыруға, несиенің қайтарылмау қаупін азайтуға және агробизнестің несиелік жүктемесін жеңілдетуге ықпал етеді.Биыл саладағы несие құнын төмендету тәсілдері қайта қаралды. Алғаш рет алты тарату арнасын пайдалана отырып, дала жұмыстарын қаржыландыру үшін бәсекелестік жағдай жасалды, ал Аграрлық несие корпорациясының тарапынан қаржыландыру көлемі 82,3 млрд теңгені құрадыКепілмен қамтамасыз етудің жеткіліксіздігі мәселесін шешу үшін «Даму» кәсіпкерлікті дамыту қоры несие сомасының 85%-ын жабатын қарыздарға кепілдік беру тетігін енгізді. Сондай-ақ айналым қаражатын әлеуметтік-кәсіпкерлік корпорациялар арқылы толықтыру мақсатында өңдеу кәсіпорындарын жеңілдікпен қаржыландыру бағдарламасы да әзірленді, ол егін мен шикізатты өткізуді қамтамасыз етуге, сондай-ақ отандық қайта өңдеу зауыттарының жүктемесін ұлғайтуға бағытталған.Мал шаруашылығын дамытуБиылғы 1 қарашадағы жағдай бойынша, өткен жылдың сәйкес кезеңімен салыстырғанда еліміздің ауыл шаруашылығында мал басы мен құс саны артты. Ірі қара мал (ІҚМ) – 8,2 млн бас (120,6%), оның ішінде сиыр – 4,4 млн бас (123,3%), жылқы – 4,1 млн бас (104,9%), түйе – 2,8 млн бас (104,7%). Сүт өндірісі 3 млн тоннаға (104,2%) жетті, оның 1 млн тоннасы (107,5%) ауыл шаруашылығы құрылымдарында өндірілді. Тауық жұмыртқасын өндіру 3,7 млрд данаға дейін (100,9%) жетті, оның ішінде ауыл шаруашылығы құрылымдарында 3,1 млрд данаға дейін (101,5%) ұлғайды. Жергілікті атқарушы органдар деректеріне сәйкес, республика бойынша 2024-2025 жылдардағы қыстау кезеңінде 35,2 млн тонна шөп немесе жоспардың 143,9%-ы, 2 млн тонна пішен не жоспардың 117,9%-ы, 5,1 млн тонна сабан немесе жоспардың 111,9%-ы, 2,3 млн тонна сүрлем немесе жоспардың 117,9%-ы, сондай-ақ 5,8 млн тонна жем не жоспардың 104,4%-ы дайындалды.Дайындалған мал азығының көрсетілген көлемі өнім мен төл алудың жоспарлы көлемін, жалпы мал басының сақталуын, толыққанды азықтандыруды қамтамасыз етуге мүмкіндік береді.Ауыл шаруашылығы техникасын жаңарту2024 жылы 7 жыл мерзімге жылдық 5%-дық мөлшерлемемен 120 миллиард теңгеге ауқымды жеңілдікті лизинг бағдарламасы іске қосылды. 2024 жылдың 1 желтоқсанындағы жағдай бойынша шаруалар 212,9 млрд теңгеге 9 887 техниканы лизингке алды, бұл 2023 жылдың сәйкес кезеңімен салыстырғанда 50%-ға артық.Келесі жылы жеңілдетілген лизинг бағдарламасына 200 млрд теңгеге дейін, ал Мемлекет басшысының тапсырмасына сәйкес, бағдарлама бюджетін 450 млрд теңгеге дейін жеткізу жоспарланып отыр. Бұл ауыл шаруашылығы техникасы паркін жаңартуда оң өсу динамикасын қамтамасыз етеді.Бүгінгі таңда Қазақстанда 149,9 мың трактор, 38,7 мың комбайн, 5 мың егіс кешені, 76,4 мың тұқым сепкіш және 219 мыңға жуық топырақ өңдейтін және мамандандырылған техника бар. Соңғы 8 жылда ауыл шаруашылығы техникасын жаңарту деңгейі оң динамика көрсетті: 2017 жылғы 1,9%-дан 2023 жылы 4,5%-ға дейін (екі есе), технологиялық жаңарту нормасы 8-10%.Биыл ауыл шаруашылығы техникасын субсидиялаудың жаңа тетігі енгізілді:Қазақстанда өндірісі жолға қойылған техниканың импорттық аналогтарын субсидиялау мүмкіндігі алынып тасталды;Отандық өндірістегі ауыл шаруашылығы техникасы үшін жоғары норматив субсидияланады – 30%;Ауыл шаруашылығы техникасын сатып алуға несиелер/лизинг бойынша сыйақы мөлшерлемелерін субсидиялаудың сараланған тетігі қолданылды: отандық өндіріс техникасы үшін сыйақы мөлшерлемесі 6%-ға дейін, импорттық техника үшін 15%-ға дейін субсидияланады.Қазақстанда өндірісі жолға қойылмаған мамандандырылған техника үшін (мысалы, мақта, картоп жинау үшін) субсидия нормативі 25%–ға., ал қант қызылшасын жинау техникасы үшін 50%-ға дейін құрайды.Жаңа тәсілдер қосымша бюджет қаражатын тартпай-ақ отандық ауыл шаруашылығы техникасын субсидиялау көлемін екі есеге арттыруға мүмкіндік береді.Ақпарат көзі : https://www.gov.kz/memleket/entities/moa/press/news/details/897433

Ақмола облысының озат жастары марапатталды. Бүгін Абай Мырзахметов атындағы Көкшетау университетінің жаңа Студенттер сарайында «Жалынды Ақмола жастары» атты облыстық жастар форумы өтті. Жыл сайынғы Форум әр түрлі саладағы жас қызметкерлерді ғана емес, сонымен қатар беделді конкурстар мен кәсіби чемпионаттардың жеңімпаздарын біріктірді. Іс-шараның басты мақсаты жұмысшы мамандықтар жылы қарсаңында «Адал азамат. Адал еңбек. Адал табыс» тұжырымдамасын танымал ету болды.Облыс әкімі өз сөзінде жас ұрпақ үшін адал еңбектің, азаматтық жауапкершілік пен әлеуметтік белсенділіктің маңыздылығын атап өтті.«Әрқайсыларыңыз – өңіріміздің болашағысыздар. Біз сіздердің бастамаларыңызды, жобаларыңызды және идеяларыңызды қолдауға дайынбыз. Сіздер қоғамдағы оң өзгерістердің қозғаушы күші бола аласыздар», - деп атап өтті облыс әкімі.Қоғамда жүргізіліп жатқан өзгерістерге кәсіпорындардың, білім беру және бизнес салаларының жас қызметкерлері де өз пікірлерін білдірді.«Біздің мемлекетіміздің кәсіби даму үшін беретін мүмкіндіктері орасан зор. Мен сіздерді болашақта дамудың барлық мүмкіндіктерін пайдалануға шақырамын», - деді «НОВОПЭК» ЖШС инженер-энергетигі Андрей Сүлейманов. Іс-шара «Aqmola Power» инновациялық жобалар конкурстарының, «ECO AQMOLA» экологиялық идеялар мен волонтерлік жобалар байқауы жеңімпаздарын марапаттаумен жалғасты. Сондай-ақ, «Тәуелсіздік ұрпақтары» сыйлығының номинанттарына марапаттар табысталды. Шара соңында концерттік бағдарлама ұйымдастырылды. Ақпарат көзі : https://www.gov.kz/memleket/entities/aqmola/press/news/details/897376

Ағымдағы жылдың 5 желтоқсанында Сыртқы істер министрлігі жанындағы «Адами өлшем жөніндегі диалог алаңы» Консультативтік-кеңесші органның (ККО АӨДА) алаңында 2025 жылғы қаңтарда Адам құқықтары жөніндегі әмбебап кезеңдік шолу (ӘКШ) шеңберінде Қазақстан Республикасының төртінші кезеңдік Ұлттық баяндамасын қорғауға дайындық мәселесі бойынша кезекті отырыс өткізілді.Отырыста мемлекеттік органдар мен азаматтық қоғам өкілдері Қазақстанның үкіметтік емес ұйымдарының коалициясы дайындаған адамның экономикалық, әлеуметтік және мәдени құқықтары мен білім алу құқығын қамтамасыз ету және қорғау мәселелеріне арналған балама баяндаманы талқылады.Айта кету керек, соңғы қорғаудың қорытындысы бойынша 2019 жылы Қазақстан БҰҰ Адам құқықтары жөніндегі кеңесіне қатысушы мемлекеттердің 245 ұсынымын алды, оның ішінде Қазақстан Республикасының Үкіметі жоғарыда аталған салаларда 72 ұсынымды қолдады және іске асыруда.«Адам құқықтары жөніндегі Қазақстандық халықаралық бюро» ҚҰ директорының орынбасары Р. Ақылбекованың үйлестіруімен ҮЕҰ коалициясының сарапшылары З.Батталова мен И. Медникова сөз сөйледі.ҮЕҰ коалициясы ӘКШ шеңберінде барлығы сегіз балама баяндама дайындады және БҰҰ АҚК енгізді, онда мемлекеттің халықаралық міндеттемелеріне сәйкес адамның құқықтары мен бостандықтарын қамтамасыз ету және қорғау жөніндегі Қазақстан Республикасындағы ахуалды жалпы бағалау, сондай-ақ ӘКШ шеңберінде Қазақстан Республикасына берілген ұсынымдардың орындалуын бағалау қамтылады.БҰҰ-ның Женевадағы бөлімшесінде Ұлттық баяндаманы қорғау қарсаңында осы сегіз баяндаманың барлығы Әділет министрлігінің үйлестіруімен Адам құқықтары жөніндегі ұлттық орталықтың, ККО АӨДА, Әділет және Мәдениет министрліктерінің алаңдарында сәтті қаралғанын атап өту маңызды.Өткізілген отырыстың қорытындысы бойынша қатысушылар адамның әмбебап құқықтарын қорғауды нығайту ісінде одан әрі жемісті ынтымақтастыққа дайын екендіктерін білдірді.Ақпарат көзі : https://www.gov.kz/memleket/entities/adilet/press/news/details/897371

Мүгедектер күніне орай Жетісу облысында тұңғыш иппотерапия орталығы ашылды. Нысан Жаркент қаласындағы «Мерей» балаларды оңалту орталығының базасында орналасқан. Мұнда ерекше қажеттілігі бар балаларды атқа мінгізу арқылы ем жасалады, - деп хабарлайды Жетісу облысы әкімінің баспасөз қызметі.Орталықтың ашылуына облыстық жұмыспен қамтуды үйлестіру және әлеуметтік бағдарламалар басқармасы қолдау көрсеткен.– Ерекше қажеттіліктері бар баланың дүниеге келуі – ата-ана үшін үлкен жауапкершілік. Ондай балалардың қоғамның толыққанды мүшесі болып өсуіне мемлекет барлық мүмкіндікті жасап келеді. Оңалту орталықтарының, түзету кабинеттерінің қызметі арқасында балалар денсаулығын жақсартуға, пайдалы дағдыларды игеруге, қоғамға бейімделуге нақты мүмкіндік алып отыр. Осы ретте Жаркентте ашылған бүгінгі иппотерапия орталығының да үлесі зор болады деп сенеміз, - деді облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Сания Дүйсенбіқызы.Орталық директоры Гүлназ Кибраеваның айтуынша, ауданы 400 шаршы метр болатын ангарлық типтегі жабық манеж сапалы жылу оқшаулағыш материалдардан қысқа мерзім ішінде тұрғызылған. Бұл иппотерапия сабақтарын қыста да өткізуге мүмкіндік береді.- Біздің «Мерей» балаларды оңалту орталығы 2022 жылы ашылды. Мұнда содан бері 40 тәрбиеленуші бейімдеу мен оңалтудан тұрақты түрде өтуде. Солардың төртеуі қоғамға сәтті бейімделіп, мектепке, балабақшаға барып жүр. Енді, міне, орталықтың ем шараларына иппотерапия бағыты қосылып отыр. Балалар иппотерапиядан ем алса, аяққа тұрып, жүруі жақсарады, арқа бұлшық еттері нығая түседі, вестибулярлық аппараты жаттықтырылады. Жалпы иппотерапия денсаулықты жақсартумен қатар одан әрі дамуына үлкен ықпал етеді, - дейді Г. Кибаева.Адаптивті атпен жүру сабақтарын аптасына үш рет өткізу жоспарланған. Ол үшін орталық басшылығы ерекше қажеттілігі бар балаларға көмектесуге ықылас білдірген «Бекнұр» шаруа қожалығынан «Ақбоз» және «Адмирал» атты екі жылқыны жалға алып отыр. Бұл жылқыларды емге пайдалануға медициналық білімі бар емдік дене шынықтырудың тәжірибелі екі нұсқаушы көмектеседі.Өз кезегінде психологтар мен дәрігерлердің қорытындысы мен ұсыныстары бойынша балалар ем алып, атқа мінуді бастайды. Мәселен, төрт жасар Мәдиді әжесі Шәкизат Сламжанова орталыққа бір жарым жасында алып келген. Бала алғашында аяғын басып жүре алмаған, айналасымен қарым-қатынасы да қиын болатын. Өзге де оңалту шараларымен қатар Мәди бүгін нұсқаушылардың көмегімен алғаш рет атқа отырып, иппотерапияны бастады.Сол сияқты 8 жасар Мадиярдың анасы Мақпал Өскенбаева да әлемге танымал осы оңалту әдісі балаларға көмектесетініне сенімді. - Біз иппотерапия ашу идеясы қолға алынатыны туралы алғаш рет өткен жылы естідік. Облыс басшылығының қолдауымен осы игі бастама іске асырылғаны қуаныштымыз. Мұндағы материалдық-техникалық жарақтандыру, заманауи жабдықтар мен тренажерлер, емдік дене шынықтырулары балаларымыздың сауығуына, өз-өзіне деген сенімдерін нығайтуға ықпал етеді деген үмітпен келіп отырмыз, - деді М. Өскенбаев.Манежде монтуар, яғни балаларды атқа отырғызуға арналған арнайы баспалдақ орнатылып, қауіпсіздік мақсатында жаттығу алаңына құм төселген. Сонымен қатар мұнда жарықтандыру жүйесі бар, ата-аналар мен мамандар процесті сырттан бақылай алатындай қоршаулар орнатылған.Жалпы бүгінгі күні «Мерей» орталығында тірек-қимыл аппараты зақымданған, Даун синдромы және басқа да аурулары бар 3 жастан 18 жасқа дейінгі балаларға 56 білікті маман, солардың ішінде педагог-тәрбиеші, әдіскер, дәрігер-невропатолог, педагог-психолог, логопед, психиатр, дефектолог, ортопед, массажист, емдік дене шынықтыру және жүзу нұсқаушылары, дене шынықтыру оқытушысы, сондай-ақ орта медициналық қызметкерлер қызмет көрсетеді. Тәрбиеленушілерге ыңғайлы болу үшін балаларды қауіпсіз тасымалдауға бейімделген екі «Вираж» ГАЗель бар. Жетісу облысы әкімінің баспасөз қызметі. Фотосуреттерді түсірген: Нұрбол ҚанағатАқпарат көзі : https://www.gov.kz/memleket/entities/zhetysu-oblysy/press/news/details/897353