Астанадағы Сәкен Сейфуллин атындағы № 80 мектеп-гимназиясының мұғалімдері мен оқушылары төртбұрышты құрақтан биіктігі 6 метр және ені 4,5 метр болатын қазақтың ұлы ақыны әрі жазушысы бейнеленген портретті жасады, деп хабарлайды елорда әкімдігінің ресми сайты.Қолдан жасалған көлемді қолөнер жұмысында Сәкен Сейфуллин бейнеленген. Жұмысты жасау үшін бір жарым ай уақыт жұмсалған. Шеберлер 2700 төртбұрышты құрақшаны қолданған. Бұл әсерлі жұмыс көпшіліктің ықыласына бөленіп, мектептің құнды бұрышына айналды.Айта кетейік, мұғалімдер мен оқушылар бұл қолөнер жұмысын Сәкен Сейфуллиннің 130 жылдық мерейтойына арнады.Ақпарат көзі : https://www.gov.kz/memleket/entities/astana/press/news/details/881554

Алматыда 17 қараша Халықаралық студенттер күніне арналған ауқымды «Almaty Student's Week» фестивалі бастау алды. Іс-шара Алматы қаласы Жастар саясаты басқармасының қолдауымен өтуде, оның басты мақсаты – студенттердің қала өміріне белсенді қатысуын қамтамасыз етіп, жас көшбасшыларды анықтау.11-17 қараша аралығында фестиваль аясында студенттерге арналған 30-ға жуық әртүрлі іс-шаралар өтеді. «Almaty Student's Week» фестиваліне қатысатын әрбір студент өз таланты мен көшбасшылық қасиеттерін көрсете алады. Сондай-ақ, жастарға басқа оқу орындарының студенттерімен байланыс орнатуға мүмкіндік беріп, жоғары оқу орындары арасындағы өзара ынтымақтастықты дамытуға септігін тигізеді.Фестиваль іс-шаралары студенттерге тәжірибе, идеялар және білім алмасуға арналған алаңдар ашып, болашақ бірлескен жобалар мен бастамалардың негізін қалайды. Бұл – студенттердің зияткерлік, спорттық, мәдени және қоғамдық салаларда өзін көрсетіп, өз дағдыларын нығайтып, өзін дамытуға бірегей мүмкіндік.«Almaty Student's Week» фестивалінің маңызды бөлігі – жастардың патриоттық рухын көтеру, бірлігін нығайту және қазіргі заманғы сын-қатерлерге дайын әлеуметтік белсенді және біртұтас студенттік қауымдастық құру.Айта кетейік, Алматыда 35 жоғары оқу орнында 199 мыңнан астам студент білім алады, олардың 124 мыңнан астамы басқа өңірлерден келген. Іс-шаралар туралы ақпаратты төмендегі кестеден көре аласыздар. Халықаралық студенттер күніне арналған «ALMATY STUDENTS WEEK» фестивалінің іс-шаралар жоспары №ІС-ШАРА АТАУЫӨТЕТІН УАҚЫТЫӨТЕТІН ОРНЫЖАУАПТЫ ТҰЛҒА1. «Менің университетім – Менің таңдауым»Студенттер арасында өз оқу орындарын неге үздік деп санайтынын анықтауға бағытталған видеочеллендж және сауалнама12 қараша,2024 жыл Әлеуметтік желілерКайрыев Р.+7 775 633 33692. Жас ғалымдардың ғылыми форумы «Студенттік шақ: болашаққа бастар жол»13 қараша,2024 жылМедеу ауданының комьюнити орталығыКайрыев Р.+7 775 633 3369 3. Студенттер күніне арналған КВН ½ финал іріктеу ойыны (орыс тілінде)13 қараша,2024 жыл «Конкордия» театрыКулымбетов О.+7 707 818 34754. «Студенттік өмір – жарқын сәттер кезеңі» студенттер қатарына қабылдау13 қараша,2024 жылН. Э. Бауман атындағы Мәскеу мемлекеттік техникалық университетінің бас корпусы Кайрбаева Д.+7 747 367 39095. «Тәуелсіздік ұрпақтары» грант иегерлерін марапаттау рәсімі12 қараша,2024 жылҚазҰУ кітапханасыСипанов Е.+7 707 138 30036. «PRОдвижение» Әуезов ауданындағы жас көшбасшылардың идеялар генерациясы14 қараша,2024 жылӘуезов ауданының комьюнити орталығыМаханбет Б.+7 707 008 09137. Студенттер күніне арналған жастар арасындағы «Квест Батл» ойыны14 қараша,2024 жылыНаурызбай ауданының комьюнити орталығыТасберген О.+7 707 770 95968. «Narxoz stud awards» мерекелік концерті және студенттерді марапаттау рәсімі14 қараша,2024 жылыНархоз университетінің бас корпусыКаби Е.+7 707 634 83009. «CAREER TIME» кәсіби бағдар беру фестивалі15 қараша,2024 жылыНархоз университетінің бас корпусыНисупова А.+7 701 278 801510. «Jaidarman Battle» Студенттер күніне арналған ҚазҰАЗУ факультеттері арасында КВН ойыны15 қараша,2024 жылыҚазҰАЗУбас корпусыСманов А.+7 702 281 140711. Студенттер күніне арналған КВН (орыс тілінде) финалдық фестивалі15 қараша,2024 жылы «Конкордия» театрыКулымбетов О.+7 707 818 347512. «ALMALY NIGHT»ЖОО-лар арасында QUIZ ойын15 қараша,2024 жылыАлмалы ауданының комьюнити орталығыТұрлыбек Е.+7 707 847 873513. «Жайдарман» ҚазҰПУ Студенттер күніне арналған ҚазҰПУ факультеттері арасында КВН ойынын өткізу15 қараша,2024 жылыҚазҰПУ корпусыТөле би көшесі 86КазНПУ+7 777 885 629914. Мүмкіндігі шектеулі жастар арасында хакатон ұйымдастыру15-16 қараша, 2024 жылыӨтетін орны анықталып жатырСипанов Е.+7 707 138 300315. «Qamalladin» университетіне жастарға арналған кәсіби бағдар беру экскурсиясы15 қараша,2024 жылы«Qamalladin» университеті Муташов Д.+7 778 664 6497 Усенова А.+7 771 413 091116. «Ең үздік студенттік топ» байқауының финалдық кезеңі15 қараша,2024 жылыӨтетін орны анықталып жатырСембиев А.+7 777 761 813317. Еуразия Технологиялық университеті студенттер қатарына қабылдау рәсімі15 қараша,2024 жылыЕТУ бас корпусыДюсебаев Т.+7 778 743 418518. Бостандық ауданының Демалыс орталықтары арасында жастар арасында «Бес қару» әскери-патриоттық ойы15 қараша,2024 жылыӨтетін орны анықталып жатырНуртайқызы Д.+7 707 407 588819. Алматы қаласының жоғары оқу орындары арасында өтетін студенттер күніне арналған киберспорт турнирі15 қараша2024 жылыЖетісу ауданы комьюнити орталығыӘбдіхалық Е.+7 747 975 364120. Студенттер күніне арналған «Cinema night» кино кеші15-16 қараша,2024 жылы8 Комьюнити орталықМалаева Д.+7 707 542 031521. Жоғары оқу орындарының командалары арасында «ОЙНА-IQ» интеллектуалдық сайысы16 қараша,2024 жылыҚазҰУ кітапханасыДапеновна Ж.+7 775 118 828822. «Youth Nomads» ұлттық ойындар сайысының жеңімпаздарын марапаттау рәсімі16 қараша,2024 жылы «Рахат» базарыМуратхан Т.+7 707 663 694923. ҚызПУ-дың 80 жылдығына арналған мерейтойлық шара «Student Party - 2024»16 қараша,2024 жылыБалуан Шолақ атындағы спорт сарайыКазНацЖенПУБалжан+7 747 447 081424. «ALT кештері» мерекелік шарасы Студенттер үшін концерт ұйымдастыру17 қараша,2024 жылыАЛТ университетіСалабатовна А.+7 707 220 609025. «SelfMade» семинары Студенттердің кәсіби және жеке дамуын қолдау17 қараша,2024 жылы Түрксіб ауданы комьюнити орталығыАзимбаева Г.+7 778 998 926026. «Balmyzdaq Party» Студенттер күніне арналған мерекелік концерт17 қараша,2024 жылыJana ArbatТүрксіб ауданыАзимбаева Г.+7 778 998 926027. «ICE Party» Алматы қаласындағы жоғары оқу орындарының омбудсмендері ұйымдастырған Студенттер күніне арналған шара17 қараша,2024 жылыВСК «Медеу»Сембиев А.+7 777 761 813328. МИТУ-де студенттерді қабылдау кеші18 қараша,2024 жылы«Бақшасарай»Салтанат сарайыОспанова А.+7 707 621 5457 Ақпарат көзі : https://www.gov.kz/memleket/entities/almaty/press/news/details/881533

Ағымдағы жылдың 5-8 қараша аралығында Шығыс Қазақстан облысы әкімі аппаратының Әдеп жөніндегі уәкілі М.Е. Беккужина жаңадан құрылған Марқакөл және Үлкен Нарын аудандарына, сондай-ақ Тарбағатай және Катонқарағай аудандарына көшпелі семинар өткізді.Мемлекеттік қызметшілерді ҚР Мемлекеттік қызмет істері агенттігі және сыбайлас жемқорлыққа қарсы қызмет әзірлеген материалдармен таныстыру, оның ішінде түсіндіру жұмыстарын жүргізу мақсатында мемлекеттік органда іс-шараларды ұйымдастыру үшін діни сенімдерін таңдамау, бағыныштыларды діни бірлестіктердің қызметіне қатысуға мәжбүрлемеу бойынша "ШҚО бойынша діни мәселелерді зерттеу орталығының" теолог маманы Р.Т. Назарбеков тартылды.Ақпарат көзі : https://www.gov.kz/memleket/entities/akimvko/press/news/details/881543

Таиланд астанасы Бангкокта 8-10 қарашада Қазақстан ұлттық құрамасы қатысқан шинкиокушинкай каратэсінен 19-шы Азия чемпионаты өтті.Турнирге барлығы 22 елдің өкілдері қатысты. Қазақстан ұлттық құрамасы, оның ішінде Алматыдан үш жүлдегер - Зере Каримова, Рустам Авзалов және Валерия Крестина мүмкін 10 марапат жиынтығынан 9 алтын, 1 күміс және 8 қола медальды жеңіп алды.Чемпионат қорытындысы бойынша біздің құрамаға 2025 жылы Токиода (Жапония) өтетін әлем чемпионатына қатысу үшін он лицензия берілді.Жалпыкомандалық есепте Қазақстанның құрама командасы тұғырдың ең жоғары сатысына ие болды, екінші орында Қытай құрамасы, Таиланд командасы үшінші орын алды.12 қарашада Қазақстан құрамасы Алматы халықаралық әуежайына келеді. Ұшу уақыты 15:20. Байланыс нөмірі: +7 701 993 11 13 (Әсемгүл).Ақпарат көзі : https://www.gov.kz/memleket/entities/almaty/press/news/details/881477

Үкімет отырысында облыс әкімі Нұрлан Ұранхаев жылу беру маусымындағы өрт қауіпсіздігі шаралары туралы баяндады. Жыл басынан бері тұрғын үй секторындағы өрттің жалпы саны 10%-ға төмендеуіне қарамастан жылыту кезеңінде өсім 75%-ға дейін жетті.Аймақ басшысы атап өткендей, өрт санының артуы азаматтардың өрт қауіпсіздігі ережелерін сақтамауымен байланысты. Өрттің негізгі себептерінің қатарында отқа абайсыз қарау – 21 жағдай, пештерді пайдалану ережелерін бұзу – 20 жағдай, электр жабдықтарын монтаждау және пайдалану кезіндегі бұзушылықтар – 17 жағдай.Жылыту маусымындағы оқыс оқиғалардың алдын алу үшін облыста 2024-2025 жылдарға арналған өрттің алдын алу жоспары жүзеге асырылуда. Халықтың әлеуметтік осал топтарына ерекше көңіл бөлінеді. Жеке секторда тұратын осындай 5184 отбасы тіркелген.Облыстық жұмыспен қамту, әлеуметтік бағдарламаларды үйлестіру басқармасы мен Төтенше жағдайлар департаментінің қызметкерлері аталған отбасыларға барып, 3007 өрт қауіпсіздігін бұзу фактісін анықтады. Оларды жою үшін жергілікті атқарушы органдар жылыту маусымы басталғалы 1342 датчик орнатып, жалпы саны 9080-ге жетті.Датчиктерді дер кезінде орнатудың арқасында 2024 жылы 18 адам аман қалды. Оның 9-ы балалар. Өрт қауіпсіздігін қамтамасыз ету жұмысы жалғасуда, бұл мәселе Абай облысы әкімдігінің ерекше бақылауында.Ақпарат көзі : https://www.gov.kz/memleket/entities/abay/press/news/details/881501

Министрлік әзірлеген тағы бір маңызды құжат - Су ресурстарын басқару жүйесін дамытудың 2024-2030 жылдарға арналған тұжырымдамасы. Тұжырымдамаға сай министрлік 2030 жылға дейін қосымша 2,6 текше шақырым су жинай алатын жаңа 42 су қоймасын салуды, 3,7 текше шақырым су сақтайтын 37 су қоймасы мен 14 450 шақырым суару каналын реконструкциялауды жоспарлап отыр. Осы арқылы тасымалдау кезіндегі су шығынын 25%-ға азайтуға, ал, суармалы жерлердің көлемін 400 мыңнан артық гектарға ұлғайтуға ниетті.Биыл Түркістан облысында 2 су қоймасының құрылысы басталды. 100-ден астам жоба бойынша жобалық-сметалық құжаттама дайын.Тұжырымдаманың нысаналы индикаторларына қол жеткізу және су шаруашылығы инфрақұрылымдарын дамыту мәселелерін жедел шешу үшін Қазақстан Республикасының су саласын дамытудың 2024-2028 жылдарға арналған кешенді жоспары бекітілді. Жоспарды іске асыру ирригациялық жүйелердегі су шығынын азайтуға, ел экономикасының салаларын одан әрі пайдалану үшін қосымша тасқын суды жинақтауға, сондай-ақ су объектілерінің жай-күйін жақсартуға мүмкіндік береді.Биылдың өзінде Қазақстанда су шаруашылығы нысандарын дамыту бойынша 411 жоба іске асырыла бастады. Атап айтқанда, 575,9 мың гектар суармалы жерді қалпына келтіру, жалпы ұзындығы 2000 шақырым болатын 203 каналды салу және реконструкциялау жұмыстары жүріп жатыр. Осының нәтижесінде 1 млн 48 мың тұрғыны бар 437 ауылдық елді мекенде сумен қамтамасыз ету сапасы жақсарады.Бұдан бөлек, Алматы, Жамбыл, Қызылорда және Түркістан облыстарында 3500 шақырым суару желілерін цифрландыру бойынша жұмыс жүргізіп жатыр. Ақмола облысында Нұра топтық су құбырын реконструкциялау жұмысының 68,7 шақырымы аяқталды.Жыл басынан 32 гидротехникалық құрылыс мемлекет меншігіне қайтарылды. 118 гидротехникалық құрылыс көп факторлы тексерістен өтті.Ақпарат көзі : https://www.gov.kz/memleket/entities/water/press/news/details/881491

Қостанай облысының Қарасу ауданына қарасты Новоселовка ауылында мүмкін болатын су тасқынының алдын алу мақсатында инженерлік жұмыстар белсенді түрде жүргізілуде. Құтқарушылар мен жергілікті атқарушы органдардың күшімен Алабота көлінен Құндызды өзеніне еріген қар суын бақылауда ұстап жіберу ұйымдастырылды.Суды бұру үшін ұзындығы 14 шақырымды құрайтын, тереңдігі 14 метрге дейін және ені 5 метрлік арна салынды. Арна арқылы су Құндызды өзеніне, содан кейін Обаған өзеніне құйылады. Бұл арна су деңгейін төмендетіп, тасқынның ықтимал зардаптарының алдын алуға көмектеседі.Новоселовка ауылында жедел штаб құрылып, онда Төтенше жағдайлар департаментінің, жергілікті атқарушы органдардың, полицияның және жедел медициналық қызметтердің қызметкерлері тәулік бойы кезекшілік етеді.Жедел штабтың бастығы Қуаныш Байтұрсынов барлық қызметтердің үйлесімді жұмыс істеуінің маңыздылығын атап өтті: «Біз жергілікті халық үшін барлық тәуекелдерді барынша азайтып, кез келген жағдайға жедел әрекет етуге тырысудамыз. Біздің басты міндетіміз – тұрғындардың қауіпсіздігін қамтамасыз ету және ауданның инфрақұрылымын ықтимал су тасқынынан қорғау. Біз жағдайды бақылап, қажетті шараларды уақытылы қабылдаудамыз».Жұмыс барысында Қарасу – Жұмағұл автомобиль жолы уақытша жабылды. Нәтижесінде бес елді мекен Қарасу аудандық орталығымен автомобиль жол қатынасынан уақытша ажыратылды. Бұл учаскеде ТЖД күшімен қайықты пайдалана отырып, су арқылы өткел ұйымдастырылды. Бүгінгі таңда жергілікті тұрғындар мен елді мекендер арасында қозғалысқа мұқтаж жұмысшыларды қоса алғанда, 408 адам тасымалданды.Қауіпсіздікті қамтамасыз ету үшін оқиға орнында құтқарушылар кезекшілік етіп, адамдар мен жүктердің қозғалысын үйлестіреді.Ақпарат көзі : https://www.gov.kz/memleket/entities/emer/press/news/details/881481

Елорданың коммуналдық қызметтері тәулік бойы күшейтілген ауысым режимінде жұмыс істеп жатыр. Өткен түнде олардың күшімен қаладан 22 мың текше метрден астам қар шығарылды, деп хабарлайды Астана әкімдігінің ресми сайты.12 қараша күні күндізгі ауысымда елорда бойынша қар тазалау жұмысына 2,5 мыңнан астам жол жұмысшы және 1,4 мыңнан астам арнайы техника жұмылдырылды.Өткен түнде 12 қарашадан 13 қарашаға дейін коммуналдық қызметтер елордадан 22 мың текше метрден астам қар шығарды, бұл 1,7 мың ауыр жүк көлемін құрайды.Қыс мезгілінің басынан бастап қар полигондарына 8 мыңға жуық рейс 90 мың текше метрден астам қар шығарды.Ең алдымен, ережелерге сәйкес, жолдарда кептеліс болмас үшін қозғалыс қарқыны жоғары орындар тазартылады. Сондай-ақ, орташа қарқындылығы бар учаскелер – алаңдар, вокзал маңы аумақтары, тротуарлар, әлеуметтік нысандарға кірме жолдар және т.б. қардан тазартылады.Астананың коммуналдық қызметтері тәулік бойы күшейтілген режимде жұмыс істейді.Ақпарат көзі : https://www.gov.kz/memleket/entities/astana/press/news/details/881365

Алматы облысы әкімінің өкімімен Дәулет Шайтұрсын Алматы облысының балалар құқықтарын қорғау басқармасының басшысы болып тағайындалды.Бұл басқарма осы жылдың 11 наурызында Мемлекет басшысының балаларды қорғау жүйесін күшейту жөніндегі тапсырмасына сәйкес құрылған.Дәулет Шайтұрсын 1988 жылы туған. Білімі – жоғары. Қорқыт Ата атындағы Қызылорда мемлекеттік университетін «Қазақ тілі мен әдебиеті» мамандығы, Тұран университетін «Менеджмент» мамандығы бойынша бітірген.Еңбек жолын 2008 жылы «ҚызылордаОтын» ЖШС директорының көмекшісі болып бастаған. Әр жылдары «АБК-Құрылыс» ЖШС директорының бірінші орынбасары, директоры, Қызылорда облыстық филармониясының бас әкімшісі, облыс әкімі аппаратының инспекторы, «Байқоңыр» ӘКК» ҚБ» АҚ ұйымдастыру-бақылау жұмысы бөлімінің бастығы, Қорқыт Ата атындағы Қызылорда мемлекеттік университетінің маманы, Алматы қаласы әкімі аппаратының бас маманы, бас инспекторы, Жетісу ауданы әкімі аппаратының басшысы, аудан әкімінің орынбасары қызметтерін атқарған.Өткен жылдың наурызына дейін Алматы облысының Тілдерді дамыту жөніндегі басқарма басшысы, облыс әкімі аппараты басшысының орынбасары лауазымдарында, кейіннен Қазақстан Республикасы Үкіметі аппаратының өңірлік инспекторы болып еңбек еткен.Ақпарат көзі : https://www.gov.kz/memleket/entities/almobl/press/news/details/1189394?lang=kk

Алматы әкімі Ерболат Досаев Наурызбай ауданын аралау барысында 1500 орындық жайлы мектептің құрылысымен танысты.Білім беру мекемесінің құрылысы өткен жылдың тамыз айында «Жайлы мектеп» ұлттық жобасы аясында басталды. Онда оқыту бір ауысымда өтеді.Наурызбай ауданында барлығы 12 мемлекеттік мектеп, 16 жекеменшік және НЗМ жұмыс істейді, онда 32 мың бала оқиды. Халықтың өсуі мен белсенді тұрғын үй құрылысын ескере отырып, оқушы орындарының тапшылығы сақталуда. Биылғы оқу жылында осы ауданда оқушы орындарының тапшылығы 4 мыңнан астам орынды құрайды. Ол үшін ауданда 6900 орындық жаңа мектептердің құрылысы мына мекенжайларда жүргізілуде: «Алем Сити» ТК, «Алма Сити-4» ТК, Құрамыс шағын ауданы және Сәбденов көшесі. Сонымен қатар, өткен жылы Шұғыла шағын ауданындағы № 174 мектепке 375 оқушыға арналған қосымша құрылыс басталды.Алматы басшысы жұмыс сапары барысында келесі оқу жылына қалалық мектептердің бір бөлігі бір ауысымдық оқуға ауыстырылатынын атап өтті.«2025 жылдың 1 қыркүйегіне қарай «Жайлы мектеп» жобасын іске асырудың арқасында қала бойынша оқушы орнының тапшылығы 30 мыңға жуық оқушы орынға азаяды деп жоспарлануда. Болашақта оқушылар санының 3-4 мыңға өсуіне орай жыл сайынғы тапшылық қала жаңа мектептер, толықтырулар мен реконструкциялар салу арқылы біртіндеп жабылатын болады», - деп атап өтті Ерболат Досаев.Нысанды аралап шыққан қала басшысы барлық жұмыстарды белгіленген кестеге сәйкес, атап айтқанда, осы жылдың соңына дейін аяқтауды және олардың жоғары сапасын қамтамасыз етуді тапсырды.Мектеп салумен қатар, қалалық мобильділік басқармасы мектепке кіреберіс жолды және 70 көлікке арналған паркингті ұйымдастырумен де айналысады. Жыл соңына дейін ұзындығы 605 м. жолдың бүкіл учаскесінде асфальтбетон жабынының төменгі қабатын орнату бойынша жұмыстарды аяқтау жоспарлануда. Бұл жұмыстарды аяқтау осы жылдың 30 қарашасына дейін жоспарланған.Ақпарат көзі : https://www.gov.kz/memleket/entities/almaty/press/news/details/881227

Алматы әкімі Ерболат Досаев Наурызбай ауданындағы жұмыс сапары барысында әлеуметтік осал топтар (ХӘОТ) мен жұмыс істейтін жастарға жалға берілетін пәтерлер қарастырылған жаңа «Alem City 3» тұрғын үй кешенін аралап көрді.Сапар барысында Ерболат Досаев мүмкіндігі шектеулі азаматтар үшін қолайлы орта құрудың маңыздылығын атап, тұрғын үйлерге пандустар орнатуды тапсырды. Сонымен қатар, жаңа үйлерді уақытылы инженерлік желілерге қосып, жылу және сумен жабдықтау жүйелерінің тұрақты жұмысын қамтамасыз етуге тапсырма берді.Мемлекеттік тұрғын үймен қамтамасыз ету бағдарламаны жүзеге асыру аясында 2022-2023 жылдары коммуналдық тұрғын үй қорына ХӘОТ пен жұмыс істейтін жастарға бөлінетін 4100 пәтер берілді. 2024 жылдың соңына дейін қосымша 3150 пәтер сатып алу жоспарланып отыр, оның 2100-і ХӘОТ-қа, ал 1050-і жұмыс істейтін жастарға арналған.Жұмыс істейтін жастарға үш жылға дейінгі мерзімге айына 7-15 мың теңге аралығында төлеммен жалға беру қарастырылған, алайда ұзарту немесе сатып алу мүмкіндігі жоқ. Осы кезеңде жалға алушы жастар кейіннен екінші деңгейлі банктер арқылы ипотекаға тұрғын үй сатып алу үшін депозитте қаражат жинауы керек.Биылғы 10 айда 4828 азамат тұрғын үймен қамтамасыз етілді, олардың ішінде: 1655-і кезекте тұрғандар үшін коммуналдық тұрғын үй қорынан жалдамалы баспана алғандар; 2100-і жұмыс істейтін жастар үшін сатып алу құқығынсыз жалға берілетін баспана алғандар; 226-ы жылдық 2-5% жеңілдетілген несие беретін бағдарлама арқылы баспана алғандар; 847-ы «Алматы жастары» бағдарламасы аясында үйлі болғандар. Сондай-ақ, 187,3 млн теңге сомасына 160 тұрғын үй сертификаты берілді.Ақпарат көзі : https://www.gov.kz/memleket/entities/almaty/press/news/details/881233

Алматы қаласының әкімі Ерболат Досаев Сәтбаев университетінің 90 жылдығы мен Қазақстандағы геологиялық мектептің негізін қалаушы және Ұлттық ғылым академиясының алғашқы президенті Қаныш Сәтбаевтың 125 жылдығына арналған «Еуразияның ғылыми-инженерлік қауымдастығының алдындағы төртінші өнеркәсіптік революцияның сын-қатерлері»атты Халықаралық ғылыми форумның ашылу салтанатына қатысты.Форумның ашылуында қала әкімі Қазақстан Президенті Қасым-Жомарт Тоқаевтың құттықтау жеделхатын оқып, университет ұжымын мерейтоймен құттықтады.Форум 11-15 қараша аралығында Алматы қаласында өтеді. Оған 22 елден 200 ұйым мен кәсіпорынның, қазақстандық және шетелдік жоғары оқу орындарының, елшіліктер мен консулдықтардың өкілдері қатысады.Бағдарлама аясында STROYTECH инженерлік орталығы мен технопаркінің, Hyundai Engineering зерттеу орталығының ашылуы, Массачусетс технологиялық институтының стандарттары бойынша құрылған Customized FabLab таныстырылымы өтеді. Форум барысында пленарлық отырыс, технологияларды трансферлеу, мемлекет, ғылым және бизнестің өзара әрекеттестігі, жас ғалымдардың мансаптық өсуі жөнінде панельдік сессиялар ұйымдастырылады.Жақында Сәтбаев университеті екі тарихи жетістікке қол жеткізді. Университет QS Stars сыйлығына ие болып, халықаралық серіктестермен білім беру бағдарламаларының жоғары деңгейін растады. Сонымен қатар, Сәтбаев атындағы ҚазҰТЗУ Азиядағы үздік 100 университеттің қатарына еніп, 4000 азиялық жоғары оқу орнының арасында позициясын нығайтты. Ол Shanghai University, Pusan National University сияқты университеттермен қатар тұрып, University of Macau, Singapore Management University секілді беделді азиялық жоғары оқу орындарын басып озды.Ақпарат көзі : https://www.gov.kz/memleket/entities/almaty/press/news/details/881236

Батыс Қазақстан өңірінде вегетациялық кезең сәтті өтті. Суармалы судың жылдық жоспары 20,6 млн.м3 құраса, шаруаларға толық көлемде су беріліп, жоспарға сәйкес жұмыс атқарылды.Толығырақ Су ресурстары және ирригация министрлігі “Қазсушар” РМК Батыс Қазақстан филиалы директорының міндетін атқарушысы Рауан Хусаинов Батыс Қазақстан облысының “Өңірлік коммуникациялар қызметінің” баспасөз алаңында айтып береді.Ақпарат көзі : https://www.gov.kz/memleket/entities/water/press/news/details/881248

2023 жылдың қыркүйегінде Қазақстанда Су ресурстары және ирригация министрлігі құрылды. Жаңа министрлік жасақталған күннен су үнемдеу саясатын қалыптастыруға бағытталған түбегейлі жаңа нормативтік-құқықтық база құру жұмысын қолға алды.Ең алдымен, жаңа Су кодексінің жобасын әзірлеп, Мәжіліске енгізді. Бұл ауқымды жаңашылдықтарды қамтитын маңызды құжат. Кодекстің жаңа редакциясында су ресурстарын сарқылудан және ластанудан қорғауға, сондай-ақ еліміздің су-ресурстық әлеуетін қамтамасыз етуге баса назар аударылған. Экономиканың тұрақты дамуын қамтамасыз ететін су пайдаланудың қауіпсіз деңгейіне қол жеткізу және соны қолдауға үлкен көңіл бөлінеді.Министрлік әзірлеген тағы бір маңызды құжат - Су ресурстарын басқару жүйесін дамытудың 2024-2030 жылдарға арналған тұжырымдамасы. Тұжырымдамаға сай министрлік 2030 жылға дейін қосымша 2,6 текше шақырым су жинай алатын жаңа 42 су қоймасын салуды, 3,7 текше шақырым су сақтайтын 37 су қоймасы мен 14 450 шақырым суару каналын реконструкциялауды жоспарлап отыр. Осы арқылы тасымалдау кезіндегі су шығынын 25%-ға азайтуға, ал, суармалы жерлердің көлемін 400 мыңнан артық гектарға ұлғайтуға ниетті.Ақпарат көзі : https://www.gov.kz/memleket/entities/water/press/news/details/881252

Абай облысында 2024 жылғы күзгі-қысқы кезеңге және 2025 жылдың көктеміндегі су тасқыны маусымына дайындықты тексеру шарасы өтті. Тексеріске облыстық Табиғи ресурстар және табиғат пайдалануды реттеу басқармасының, Ертіс бассейндік инспекциясының, ҚР Төтенше жағдайлар министрлігі өкілдері, сондай-ақ Төтенше жағдайлар департаментінің қызметкерлері мен Абай, Жарма, Көкпекті және Ақсуат аудандарының жергілікті атқарушы органдары өкілдері қатысты.Алдын алу шараларын уақтылы жүзеге асыру тасқын қаупін айтарлықтай төмендетеді. Облыс әкімінің орынбасары Димитрий Гариков өткен жылдардың тәжірибесін ескере отырып елді мекендерді инженерлік қорғау жоспарын бекітті. Бұл жоспар аймақты ықтимал су тасқынынан қорғауға және төтенше жағдай қаупін барынша азайтуға бағытталған шараларды қамтиды.Тексеру барысында облыстағы гидротехникалық құрылыстардың жағдайы бақыланды. Бұл нысандар халықты және инфрақұрылымды су тасқынынан қорғауда шешуші рөл атқарады. Олардың жұмысы ерекше назарда.Коммуналдық қызметтер 2024 жылдың 15 қарашасына дейін көктемгі тасқын қауіпсіз болуы үшін көпір мен су өткізгіш құбырларда тазарту жұмысын аяқтауы керек.Ақпарат көзі : https://www.gov.kz/memleket/entities/abay/press/news/details/881186

11 қарашадан 12 қарашаға қараған түні Астанада 1200-ден аса арнайы техника мен 300-ден аса жол жұмысшысы қар тазалауға шықты. Коммуналдық қызметтер тәулік бойы жұмыс істейді, деп хабарлайды елорда әкімдігінің ресми сайты.Күндізгі ауысымда коммуналдық қызметтер елордадан 24 мың текше метрден астам қар шығарды, бұл 1800-ден астам ауыр жүк көлеміне тең.Қысқы кезеңнің басынан бері 6 мыңға жуық рейс қар полигондарына шығарылды, бұл – 81 мың текше метрден астам қар.11 қараша күні түстен кейін елорда бойынша қар тазалауға 1,3 мыңнан астам арнайы техника мен 2,4 мыңнан астам жол жұмысшысы жұмылдырылды.Ережелерге сәйкес, ең алдымен жолдарда кептеліс болмас үшін өте қарқынды қозғалыс аймақтары тазартылады. Сондай-ақ орташа қарқындылығы бар учаскелер-алаңдар, вокзал маңы аумақтары, тротуарлар, әлеуметтік нысандарға кірме жолдар және т. б. орындар қардан тазартылады.Астананың коммуналдық қызметтері тәулік бойы күшейтілген режимде жұмыс істейді.Ақпарат көзі : https://www.gov.kz/memleket/entities/astana/press/news/details/881123

2024 жылғы 8 және 11 қарашада ҚР Ұлттық қауіпсіздік комитеті, полиция аумақтық департаменттері және жергілікті атқарушы органдары өкілдерінің қатысуымен облыстың дене шынықтыру және спорт объектілерінің, сондай-ақ «Юбилейный» кинотеатрының басшылары мен қызметкерлері үшін террористтік қызметті жүзеге асыруға ықпал ететін себептер мен жағдайларды анықтауға және жоюға бағытталған сабақтар өткізілді.Іс-шара барысында келесі ақпарат жеткізілді:- Қазақстан Республикасы Үкіметінің 2021 жылғы 6 мамырдағы № 305 қаулысымен бекітілген террористік тұрғыдан осал объектілердің терроризмге қарсы қорғалуын ұйымдастыруға қойылатын талаптар;- Қазақстан Республикасы Ұлттық қауіпсіздік комитеті Төрағасының 2020 жылғы 27 қазандағы № 69-қе бұйрығымен бекітілген Ұлттық бейнемониторинг жүйесінің жұмыс істеу қағидалары;- Террористік тұрғыдан осал объектілердің терроризмге қарсы қорғалуының паспортын Қазақстан Республикасы Ішкі істер министрінің 2023 жылғы 14 маусымдағы № 481 және Қазақстан Республикасы Ұлттық қауіпсіздік комитеті Төрағасының 2023 жылғы 26 маусымдағы № 51/қе бірлескен бұйрығымен бекітілген үлгісіне сай өзектендіру;- қолдан жасалған жарылғыш құрылғының белгілері және табылған жағдайдағы іс—әрекет алгоритмі;- террористік сипаттағы қатерлердің салдарын азайту мен жоюды мақсатында кезекші қызметтерге хабарлау схемасы;- көрінеу жалған хабарлама үшін жазаның бұлтартпастығы;- терроризм актісін болғызбауға немесе жолын кесуге көмектескен ақпарат үшін сыйақы белгілеу және төлеу қағидалары.Жарылғыш құрылғыларды қолдана отырып, терроризм актісі қаупі кезінде эвакуациялау кезіндегі қателіктер және т.б. бейнероликтер көрсетілді.Ақпарат көзі : https://www.gov.kz/memleket/entities/akimvko/press/news/details/881129

Қарағанды облысында ТЖД қызметкерлері облыс әкімінің орынбасарымен бірлесіп Бұқар жырау және Нұра аудандарындағы су басу қаупі бар аймақтарын аралау жұмыстарын жүргізді. Сапар барысында Ғ.Мұстафин атындағы ауылда, Бұқар жырау ауданының Чкалово, Садовое, Қызыл-Жыр ауылдарында, Қантай, Кертенді, Ақмешіт Мыңбаев ауылдарында және Нұра ауданы Нұра ауылында болды.Тексеру барысында ТЖД басшысы мен Қарағанды облысы әкімінің орынбасары атқарылып жатқан жұмыстарды бағадап, ұсыныстар берді.Жалпы облыстың елді мекендерінде су тасқынына қарсы негізгі іс-шаралар аяқталды, 55 елді мекенде 150-ден астам іс-шара жүзеге асырылды, оларда 50 шақырымға жуық қорғаныш қорғаны салынып, нығайтылды, 49 тас жол учаскелеріндегі су өткізу қабілеті ұлғайтылды, 18 шақырым су басу қаупі бар өзен арналары қалпына келтірілді, 6 шақырым су бұру арналары тазартылды.Бүгінде Шет, Абай және Қарқаралы аудандарында су тасқынына қарсы жұмыстар жалғасуда. Қарағанды облысы ТЖД баспасөз қызметі Ақпарат көзі : https://www.gov.kz/memleket/entities/emer/press/news/details/881133

2024 жылдың 11 қарашасында Эр-Рияд қаласында (Сауд Арабиясы) Өнеркәсіптік үлгілер бойынша заңдар туралы шарт жасасу және оны қабылдау жөніндегі дипломатиялық конференция өз жұмысын бастады.Шарттың негізгі мақсаты - халықаралық аренада өнеркәсіптік үлгілерді құқықтық қорғаудың қолжетімділігі мен тиімділігін арттыру үшін ұлттық заңнамаларды оңайлату және үйлестіру. Шартты қабылдау өнеркәсіптік дизайн саласындағы халықаралық ынтымақтастықтың және озық технологиялармен алмасуға нығаюына ықпал ете отырып, әлем елдерінің жаһандық инновациялық экожүйеге біріктіруге мүмкіндік береді.Іс-шараға Дүниежүзілік зияткерлік меншік ұйымына (ДЗМҰ) мүше мемлекеттердің, сондай-ақ үкіметаралық және үкіметтік емес ұйымдардың атынан 900-ге жуық делегат қатысуда.Әділет министрі Азамат Есқараев Қазақстандық делегацияны бастап барды.Ресми шараны Сауд Арабиясы патенттік ведомствосының бас директоры, доктор Абдулазиз бин Мұхаммед Аль-Свайлем ашты. Өз сөзінде ол елдің өнеркәсіптік үлгілерді құқықтық қорғауда бірыңғай тәсіл жасауға ұмтылысын атап өтіп, өнеркәсіптік үлгілерді дамытуды ынталандыру үшін шарттың маңыздылығын атап өтті.ДЗМҰ бас директоры Дарен Тангтің өз сөзінде бұл шарт бүкіл әлем бойынша дизайнерлер мен өнертапқыштар үшін жаңа мүмкіндіктерге жол ашатынына, олардың дамуын тиімдірек қорғауға және әлемдік экономикаға қосқан үлестерін арттыруға мүмкіндік беретініне сенім білдірді.Дарен Тангтің сөзінше бұл құжатты дайындауға 19 жыл уақыт кеткен. Ол зияткерлік меншіктің жаһандық жүйесін нығайтудағы маңызды қадам болатынын және инновациялар мен креативті экономиканы дамыту жөніндегі бірлескен бастамалар шеңберінде елдердің жақындасуына ықпал ететінін атап өтті.Дипломатиялық конференция аясында Әділет министрі Азамат Есқараев сөз сөйлеп, ДЗМҰ Бас директорымен ынтымақтастық мәселелерін талқылау бойынша екіжақты кездесу өткізеді.Ақпарат көзі : https://www.gov.kz/memleket/entities/adilet/press/news/details/881142

«SANA Sport» спорт кешенінде бокстан әлем чемпионы, Париж Олимпиадасының «күміс» жүлдегері Нұрбек Оралбай мен бокстан Қазақстанның еңбек сіңірген жаттықтырушысы Асқар Еркебаев жас спортшыларға арнап шеберлік дәрісін ұйымдастырды, деп хабарлады елорда әкімдігінің ресми сайты.Кездесу барысында 24 жастағы Нұрбек Оралбай ізінен ерген жас спортшыларға жетістікке жету үшін жаттығудың маңыздылығын айтты. Сонымен қатар, спортпен айналысқан әрбір жан бос уақытын тиімді өткізіп, зиянды әдеттерден алыс жүретінін атап өтті. Артынша оған түрлі сұрақтар қойылып, Париж Олимпиадасындағы шешуші айқас қайсысы болғанын айтты.«Олимпиададағы ең қиын жекпе-жек алғашқы Каллум Питерспен (Аустралия) өтті. Себебі, бастапқы 2 раунд тең түстік. Жеңімпаз шешуші раундта ғана анықталып, жарысты одан әрі жалғастырдық. Бұл кездесу тіпті финалдан да қиын болды деп айта аламын», - деді Нұрбек Оралбай.Ал жеке бапкері Асқар Еркебаев 2009 жылы Оралбайлардың бастапқыда бокс емес, еркін күресті таңдағысы келгенін айтты.«Бапкер ретінде 1995-1996 жылғы боксшыларды жаттықтыратын едім. Ал Айбек пен Нұрбек Оралбай 2000 жылы дүниеге келгендіктен, өздерінен үлкендермен жаттықты. Олар ешкімнен жасқанбай, төзімділігін, мықтылығын көрсете алды. Сол сәтте ағайынды Оралбайлардың халықаралық аренада ел намысын қорғай алатынын байқадым», - деді бокстан Қазақстанның еңбек сіңірген жаттықтырушысы Асқар Еркебаев.Жиында тек ақыл-кеңес берумен шектелмей, Нұрбек Оралбай рингте ашық жаттығу өткізді.Айта кетейік, Нұрбек Оралбай ересектер санатында 2023 жылы Ташкентте өткен әлем чемпионатында топ жарып, Париж Олимпиадасының финалына дейін жеткен болатын. Айбек Оралбай болса, 2022 жылы Азия чемпионы атағына қол жеткізген. Ақпарат көзі : https://www.gov.kz/memleket/entities/astana/press/news/details/881029