www.stat.gov.kzБаспасөз хабарламасы№ 10242024 жылғы 11 қараша Абай облысы бойынша 2024 жылғы қазандағы тұтыну бағасының индексі Облыс бойынша инфляция деңгейін сипаттайтын тұтыну баға индексі 2024 жылғы қазанда өткен айға қатысты алғанда 100,9 % құрады. 2024 жылғы қазанда облыс бойынша тұтыну бағасының индексіпайызбен 2024 жылғы қазан2024 жылғы қаңтар- қазан2023 жылдың қаңтар- қазанына2024 жылдыңқыркүйегіне 2023 жылдыңжелтоқсанына Барлық тауарлар мен қызмет көрсетулер100,9106,8108,6Азық-түлік тауарлары100,4104,6106,4Азық-түлік емес тауарлар101,7106,9106,6Ақылы қызметтер100,8110,0114,7 Азық-түлік тауарларының арасында 2024 жылғы қазанда 2024 жылдың қыркүйекпен салыстырғанда 1 санаттағы жұмыртқа–5,2%, май және тоң май–1,7% (күнбағыс майы–2,3%, тұздалмаған сары май–1,9%), шай–1,2%, темекі өнімдері–1%, сүт өнімдері–0,6% (сүзбе (майлылығы 5-9%–2,1%, пәстерленген сүт–1%, қаймақ, айран (майлылығы 2,5%–0,6%, қатты ірімшік–0,1%), кондитерлік өнімдері–0,5%, сиыр еті, ұнтақ жарма–0,2%, жемістер мен көкөністер-0,1% (ақ қауанды қырыққабат–1,1% басты пияз–0,1%), балық және теңіз өнімдері, сөк, алкогольдік ішімдіктер–0,1% қымбаттағаны тіркелді.Қызылша–4,2%, сәбіз–2,3%, қант–2%, картоп–1,5%, жармалар–0,4% (қарақұмық жармасы–0,9%, сұлы–0,2%, арпа жармасы–0,1%), күріш, шұжықтар–0,1% арзандай түсті.Азық-түлік емес тауарлардан қатты отын–4,1%, фармацевтикалық өнімдері–2,5%, сұйытылған газ (баллондағы)–2,4%, жеке қолданатын тауарлар–2,1%, киім және аяқ киім–1,5%, жуғыш және тазалағыш заттар–1,3%, бензин, тұрғын үй-жайларды жөндеу және қызмет көрсетуге арналған материалдары–0,1% қымбаттады.Ақылы қызмет бойынша байланыс қызметтері–2,3%, жолаушылар көлігінің қызметі–1,8%, шаштараздар мен жеке қызмет көрсету орындарының қызметі–1,6%, амбулаториялық қызметтер–1,4% өсті.________________________________________________________________________________________________________________ Әдіснамалық түсініктемелерИнфляцияның деңгейін сипаттайтын тұтыну бағасының индексі (ТБИ) халықтың жеке тұтынуы үшін сатып алған тауарлары мен қызметтеріне бағалардың өзгеруін көрсетеді. Тауарлар мен қызметтер жиынтығы 508 ұстанымды біріктіреді. Бағаларды тіркеу облыс орталығының және қалалар мен аудан орталықтарының белгілі бір тобы бойынша меншіктің әртүрлі нысандарындағы сауда және қызмет көрсету салалары кәсіпорындарының іріктемелі желісі бойынша жүргізіледі. Агрегаттау үшін қолданылатын салмақтау жүйесінің шығыс бөлігі өткен жылғы үй шаруашылықтарын зерттеу материалдары негізінде есептеледі. 2022 жылғы қаңтардан бастап ТБИ құрылымында азық-түлік тауарларының үлесі 40,7%-ды, азық-түлік емес тауарлар–30,2%-ды, ақылы қызметтер 29,1%-ды құрайды. www.stat.gov.kz/ ҚР өңірлерінің статистикасы/Абай облысы/Электрондық кестелер /Баға статистикасы Орындаушы:A. E. ЕрнароваТел. +7 7222 36-27-25Баға статистикасы бөлім басшысы:Г.Т. ШакшановаТел. +7 7222 36-27-25Адрес:180000, Cемей қаласыМәңгілік ел көшесі, 25 © Қазақстан Республикасы Стратегиялық жоспарлау және реформалар агенттігі Ұлттық статистика бюросыАқпарат көзі : https://www.gov.kz/memleket/entities/abay/press/news/details/880873

Төтенше жағдайлар министрлігі жылыту кезеңінде өрттердің алдын алу бойынша белсенді жұмысты жалғастыруда. Бұл дәстүрлі түрде азаматтардың жылыту кезеңінде жылыту аспаптарын белсенді пайдалануы салдарынан өрт шығу қаупінің жоғары болуымен сипатталады. Осыған байланысты ведомство өрттердің санын азайту және азаматтардың өмірі мен мүлкін барынша қорғау үшін алдын алу жұмыстарын күшейтуде. Бұл кезеңдегi басты мiндеттердiң бiрi үйлердегi, әсiресе халықтың әлеуметтiк осал топтары арасындағы орын алатын өрт санын азайту болып табылады. ТЖМ азаматтарға жылыту жүйелері мен электр аспаптарын пайдалану кезіндегі қауіпсіздіктің қарапайым ережелерін еске сала отырып, аулаларды аралауды, рейдтерді, нұсқамалықтарды белсенді жүргізуде. Профилактикалық жұмыста көпбалалы отбасыларға, зейнеткерлерге, мүгедектерге және азаматтардың басқа да әлеуметтік осал топтарына ерекше көңіл бөлінеді. ТЖМ бастамасымен волотерлар, полиция және жергілікті атқарушы органдардың қатысуымен Астана қаласында кезекті рейд жүргізілді. Оның аясында ТЖМ қызметкерлері жеке меншік үйлердің иелерімен кездесулер өткізді. Оларға жылыту жабдықтарын, пештер мен электр құралдарын пайдалану кезіндегі қауіпсіздіктің негізгі ережелерін еске салды. Тұрғындардың қалауы бойынша пештер мен түтіндіктер тексеріліп, бұзушылықтар анықталған жағдайда оларды жою бойынша ұсыныстар берілді.Бүгін Астанадағы профилактикалық рейд барысында ТЖМ Өртке қарсы қызмет комитеті төрағасының орынбасары Ерлан Төрегелдиев: «Жылыту маусымында азаматтардың қауіпсіздігін қамтамасыз ету аса маңызды. Өйткені жылыту аспаптары мен пештерді пайдалану өрт шығу қаупін арттырады. Біз адамдарды жылыту жабдықтары мен электр аспаптарымен қауіпсіз жұмыс істеу ережелері туралы хабардар ете отырып, профилактикалық іс-шараларды белсенді жүргізудеміз. Алдын алу - біздің қайғылы оқиғаларды болдырмаудың негізгі құралы. Біз барлық тұрғындарды осы жылыту маусымы еш қиындықсыз өтуі үшін қарапайым қауіпсіздік шараларын сақтауға шақырамыз», - деп атап өтті. Қауіпсіз жылыту маусымына дайындық аясында әлеуметтік осал азаматтар тұратын 100 мыңнан астам тұрғын үй аулаларды аралаумен қамтылды. Бұл іс-шаралар ықтимал қауіп-қатерлерді жедел анықтауға және ықтимал төтенше жағдайлардың алдын алуға мүмкіндік береді. Бұдан басқа әкімдіктермен және еріктілермен бірлесіп тұрғын үйлерде автономды өрт сөндіру датчиктерін орнату бойынша жұмыстар белсенді жүргізілуде. 2020 жылдан бастап ТЖМ ұсынысы бойынша азаматтардың үйлеріне 107 мыңнан астам автономды датчиктер орнатылды. Олардың уақытылы жұмыс істеуінің арқасында биыл 248 адам құтқарылды. Ағымдағы жылы алдын алу іс-шаралары барысында ТЖМ қызметкерлері әлеуметтік осал азаматтардың үйлеріне 14 мыңнан астам жаңа датчиктер орнатқан. Бұл құрылғылар өрттер туралы ерте ескертуді қамтамасыз етеді, бұл тұрғындардың қауіпсіздігін айтарлықтай арттырады және өрттер санын азайтуға ықпал етеді. Қауіпсіздікті арттыру үшін жасалып жатқан күш-жігерге қарамастан, жылыту маусымының басынан бері Қазақстанда тұрғын үй секторында 650 өрт тіркелді. Осы өрттердің нәтижесінде 59 адам құтқарылды, өкінішке орай, 31 адам қаза тапты, ал 20 азамат күйіп, түрлі дәрежедегі жану өнімдерімен уланды. Төтенше жағдайлар министрлігі барлық азаматтарға өрт қауіпсіздігі ережелерін қатаң сақтау қажеттігін ескертеді. Әсіресе, өрт қаупі едәуір артатын жылыту маусымы кезінде.Өрт қауіпсіздігінің қарапайым талаптарын сақтауға шақырамыз:- жарамды пештер мен электр аспаптарын ғана пайдаланыңыз;- пештің қызып кетуіне және электр желілерінің шамадан тыс жүктелуіне жол бермеңіз;- түтінді уақтылы күйеден тазартыңыз;- пештің және электр аспаптарының ақауларын үнемі тексеріп отырыңыз;- пеш жағуды балаларға тапсырмаңыз;- жағу үшін тез тұтанатын сұйықтықтарды пайдаланбаңыз.Ақпарат көзі : https://www.gov.kz/memleket/entities/emer/press/news/details/880756

Жарты ғасырдан астам уақыт бұрын салынған 1200 оқушыға арналған мектеп ғимараты 20 жылдан астам уақыт бойы күрделі жөндеу жүргізілмеген. Алдында болған жұмыс сапары кезінде қала басшысы мердігерге бірқатар тапсырмалар берген еді,атап айтқанда, ғимараттың кіреберіс тобын кеңейту, іргелес аумақта арықтарды жабдықтау. Қолданылатын материалдардың сапасына және мектептің заманауи жабдықталуына ерекше назар аудару.Қала басшысының айтқан ескертулерінен соң жөндеу жұмыстары кезінде ғимарат сейсмикалық күшейтілді, шатыр, жылу жүйесі, сумен жабдықтау және су бұру желілері жөнделді. Оқу орнының аумағы абаттандырылды, спорт стадионының негізі қайта қалпына келтірілді.Сондай-ақ, Ерболат Досаевтың тапсырмасы бойынша денешынықтырумен айналысу үшін шағын футбол және баскетбол алаңдары, үстел теннисіне арналған алаң, ашық ойындар мен тренажерлер орнатылды. Мектептің периметрі бойынша қоршаулар ауыстырылды.Мектеп оқушылары барлық жөндеу жұмыстары аяқталғаннан кейін 6 қарашада жаңартылған ғимараттың парталарына оралды.«Әлеуметтік инфрақұрылымды дамыту, мектептер, балабақшалар салу және оларды жаңғырту – біз жүргізіп жатқан жұмыстың басымдығы. Қалада шағын аудандарда салынған мектептер заманауи стандарттарға әкеледі. Мысал ретінде №9 мектеп болып табылады және осы бағыттағы жұмыс жалғасады», - деп атап өтті Ерболат Досаев.Алматы қаласының Әуезов ауданында барлығы 55 мектеп бар, оның ішінде 33 мемлекеттік және 22 жекеменшік мектеп, онда 59 мың оқушы оқиды. Мұнда алғашқы жайлы мектеп қыркүйек айында ашылды. Жаңа мектеп № 97 мектеп-гимназияның орнына салынды. Бұрынғы ескі мектеп 60 жылдан соң апатты деп танылды және бұзылды.Ақпарат көзі : https://www.gov.kz/memleket/entities/almaty/press/news/details/880767

Алматы әкімі Ерболат Досаев жұмыс сапары барысында Әуезов ауданында жеке инвестиция есебінен ашылған жаңа сауда-кеңсе ғимараты мен арнайы техниканы құрастыру цехының жұмысымен танысты.1,8 га жер учаскесінде «Евразия СТ» компаниясы ғимаратты реконструкциялап, оған іргелес аумақты көріктендіру жұмыстарын жүргізді. Жобаның жалпы инвестиция көлемі – 3 млрд теңге, бұл 50 тұрақты жұмыс орнын ашуға мүмкіндік берді.Биыл қазан айында компания «Eurasia Special Machines» (ESM) коммуналдық машиналар мен жабдықтарды құрастыру цехын іске қосты. Мұнда жолдарды күтіп ұстау және тазалау үшін әртүрлі әлемдік брендтердің арнайы көлік құралдары мен жабдықтарын жинау жоспарланып отыр.Компания болашақта техника түрлерін көбейтіп, жобалық қуатқа шыққанда жылына 30 көпфункционалды «Pony P4» машиналары, 50 су себу кешендері, 30 қоқыс таситын машина, 50 көктайғаққа қарсы материалдарды тарататын құрал және басқа да техникалар шығарады деп күтілуде.Алматы көшелерін санитарлық тазалауға жауапты «Алматы Тазалық» кәсіпорны бірнеше электрлі әмбебап тротуар тазалайтын машиналар, аралас жол тазалау машиналары және сұйық реагенттерді таратқыштарды сатып алды.Кешен аумағын аралау барысында мегаполис басшысына канализациялық құдықтарға арналған неміс өндірісінің фрезерлік техникасы таныстырылды.«Біз бұл техниканы ұзақ күттік. Баршамызға белгілі, қалада люктердің айналасындағы асфальт негізінен қолмен өңделеді, ал бұл техника жабындыны дәл мөлшерде фрезерлеп, люктерді дұрыс орнатуға мүмкіндік береді. Бұл еңбек өнімділігін арттырады. Әрбір аудан және жолдардағы люктерге қызмет көрсететін су және жылумен жабдықтау кәсіпорындары осындай техникамен жабдықталады. Қала үшін көшелерді тазалауға, жолдарды жөндеуге арналған сапалы көпфункционалды техниканың болуы маңызды», – деді Ерболат Досаев. Сондай-ақ, бұл бағытта жұмыс істейтін кәсіпкерлерге жан-жақты қолдау көрсетілетінін жеткізді.Ақпарат көзі : https://www.gov.kz/memleket/entities/almaty/press/news/details/880772

Астанада жаппай жүгіріс өтіп, қала тұрғындары Ботаникалық саябақта 4 шақырым қашықтықты бағындырды, деп хабарлайды елорда әкімдігінің ресми сайты.Ауа райы қарлы жел болса да, елорданың көрікті жерінің бірінде 1000-нан аса әуесқой жүгіруші жиналды.«Бұқаралық жүгіру іс-шарасы - қала тұрғындарын ең көп жинайтын спорттың бірі. Сәуірден бері тұрақты түрде өткізіліп келе жатқан жүгірістерге уақыт өткен сайын қатысушылар қатары арта түсуде. Осы спорттық іс-шара - соның айқын дәлелі. Қандай мезгіл болмасын, спорттық жүгірістерді тоқтатпаймыз. 16 қараша күні «Отбасылық марафон» ұйымдастырылса, 21 қарашада түнгі жүгіріс жоспарланған. Желтоқсан айында да тұрғындарды бірнеше ірі жарыстар күтіп тұр. Нақтырақ айтатын болсақ, 8 желтоқсан күні Триатлон саябағында «Astana Run», желтоқсан айының ортасында жыл сайынғы «Qysqy jugiru» жарысы және 31 желтоқсан күні Ботаникалық саябақта жаңа жылдық кешкі мерекелік бұқаралық жүгіру өтеді. Жүгіруге деген қызығушылықтың арқасында іс-шаралардың саны да артып жатыр», - деді жарыстың бас төрешісі Дәулет Хамзин.Жүгіріске жиналған қатысушылардың жасы ең кішісі 11-де болса, жасы ең үлкені - 65 жаста болды. Әуесқой жүгірушілер тек қана 4 шақырымды еңсеріп қана қоймай, арнайы естелік медаль алды.«Ауа райы 0 градусты көрсетті. Көпшілік үшін салқын болса да, мен футболкамен жүгіре беремін. Неге? Себебі біз «Морж бодрость» деген клубтың мүшесіміз. Арнайы суықта жүгіріп, суға түсуге денеміз шыныққан. Мысалы, 2021 жылы -27 градуста 21 шақырым қашықтықты еш киімсіз 1 сағат 48 минутта бағындырдым. Нәтижесінде Кинэс Қазақстан рекордтар кітабына кірдім. Барлықтарыңызды қандай спорт болса да, айналысуға шақырамын. Ауырмаңыздар!», - деп Руслан Мамбетов атты қатысушы өз ойын білдірді.Іс-шара соңында IPhone 15 Pro смартфоны мен 5 велосипед лотерея арқылы ойнатылды. Ақпарат көзі : https://www.gov.kz/memleket/entities/astana/press/news/details/880659

Құрметті Шығыс Қазақстан облысының тұрғындары!Соңғы уақытта әлеуметтік желілер мен мессенджерлерде орталық және жергілікті мемлекеттік мекеме басшылары атынан фейк парақша ашып, түрлі сылтаумен (көбінесе қарызға ақша алу) көмек көрсетуді сұрап, хабарлама жіберген жағдайлар көбейіп кетті.Осы орайда алаяқтардың арбауына түспеулеріңізді және осындай хабарлама алған жағдайда құқық қорғау органдарына хабарласуыңызды сұраймыз.ШҚО әкімінің баспасөз қызметіАқпарат көзі : https://www.gov.kz/memleket/entities/akimvko/press/news/details/880705

Самат Айбек Төлегенұлы 1987 жылы 16 қарашада Семей облысы Ақсуат ауданы Ақсуат ауылында дүниеге келген. 2008 жылы Шәкәрім атындағы Семей мемлекеттік университетін «Мемлекеттік және жергілікті басқару» мамандығы бойынша бітірген.Еңбек жолын 2009 жылы Шығыс Қазақстан облысы «Семей қаласының ішкі саясат бөлімі» мемлекеттік мекемесінде маманның көмекшісі болып бастаған. 2010 жылдан 2012 жылға дейін Шығыс Қазақстан облысы «Семей қаласы әкімінің аппараты» мемлекеттік мекемесінде компьютерлік техника операторы.2012 жылдан 2013 жылға дейін «Шығыс Қазақстан облысы Семей қаласының ішкі саясат бөлімі» мемлекеттік мекемесінің бас маманы. 2013 жылдан 2015 жылға дейін «Шығыс Қазақстан облысы Семей қаласы әкімінің аппараты» мемлекеттік мекемесі, Семей қаласы әкімінің көмекшісі.2015 жылдан 2016 жылға дейін «Шығыс Қазақстан облысы Семей қаласының ішкі саясат бөлімі» мемлекеттік мекемесінің ақпараттық-насихаттау жұмыс секторының меңгерушісі.2016 жылдан 2020 жылға дейін «Шығыс Қазақстан облысы Семей қаласының ішкі саясат бөлімі» мемлекеттік мекемесі басшысының орынбасары. 2020 жылдан 2021 жылға дейін «Шығыс Қазақстан облысы Семей қаласының ішкі саясат бөлімі» мемлекеттік мекемесінің басшысы. 2022 жылдың сәуірінен тамыз айына дейін Шығыс Қазақстан облысы Қазақстан халқы Ассамблеясы хатшылығы және Шығыс Қазақстан облысы ішкі саясат басқармасының этносаралық қатынастар мониторингі бөлімінің басшысы. 2022 жылдың тамызынан 2023 жылдың маусымына дейін Абай облысы әкімі аппаратының ұйымдастыру-инспекторлық бөлімінің бас инспекторы.2023 жылдың маусымынан қыркүйек айына дейін Абай облысының жұмыспен қамту және әлеуметтік бағдарламаларды үйлестіру басқармасы басшысының орынбасары.2023 – 2024 жылдың қарашасына дейін Абай облысы әкімі аппаратының ұйымдастыру және бақылау-инспекторлық жұмыс бөлімінің басшысы.2024 жылдың 6 қарашасында «Абай облысының мәдениет, тілдерді дамыту және архив ісі басқармасы» мемлекеттік мекемесінің басшысы лауазымына тағайындалды.Ақпарат көзі : https://www.gov.kz/memleket/entities/abay/press/news/details/880701

2024 жылғы 9 қараша ауыл шаруашылығы министрі Айдарбек Сапаровтың тапсырмасы бойынша ауыл шаруашылығы вице-министрі Аманғали Бердалин Түркістан облысына жұмыс сапарымен барды. Сапардың мақсаты эпизоотиялық қауіпсіздікті талқылау, ветеринариялық-алдын алу шараларын жүргізу және инвестициялық жобалардың жүзеге асырылу барысымен танысу болды.Жұмыс сапары барысында вице-министр кеңес өткізіп, облыстағы эпизоотиялық жағдайға ерекше назар аударды. Ол жергілікті жерлердегі жұмыс деңгейінің төмендігін, азық-түлік және биологиялық қауіпсіздікке бақылаудың жеткіліксіздігін, сондай-ақ шекаралардағы бақылаудың әлсіздігін атап өтті.Вице-министр ветеринариялық қызметкерлердің тәртіп деңгейінің төмендігін сынға алып, міндеттерін тиісті түрде орындамағаны үшін 33 лауазымды тұлға тәртіптік жауапкершілікке тартылғанын айтты. Сонымен қатар бір сыбайлас жемқорлық құқық бұзушылық анықталды.Кеңес барысында Түркістан облыстық аумақтық инспекциясының жаңа басшысы – Қалдыбеков Сүндетәлі ресми түрде таныстырылды. Вице-министр азық-түлік және биологиялық қауіпсіздік, экспортталатын малды карантинге қою, анықталған заңбұзушылықтарды жою және алдын алу шараларын уақытылы жүргізу бойынша бақылауды күшейтуге тапсырма берді. Сондай-ақ сыбайлас жемқорлық тәуекелдерін болдырмау шараларын қабылдауды тапсырды.Бағдарлама аясында Аманғали Бердалин австралиялық ауыл шаруашылығы жануарларын ұстау технологиясын қолдана отырып, бес инвестициялық жобаның іске асырылуымен танысты."Қайып Ата" ЖШС іске асыратын және Солтүстік Қазақстан облысының тәжірибесін тираждау шеңберінде кредиттелетін жобалардың құны 55,2 млрд. теңгені құрайды.Алғашқы ауқымды жоба Арыс қаласы маңында іске асырылып жатыр және бастапқыда 15 мың бас ірі қара малға арналған бордақылау кешенінің құрылысын қамтиды, кейіннен бұл сан 10 мың басқа ұлғайтылатын болады. Қазіргі уақытта 25 мың басқа арналған кешен жұмыс істеп тұр, оны 50 мың басқа дейін кеңейту жоспарлануда. Құрылыс жұмыстарының бірінші кезеңі биылғы жылдың желтоқсан айында аяқталады. Бұл кешенді Орта Азиядағы ең ірі ет өндірушілер қатарына қосып, өңірлік нарықтағы мал шаруашылығы саласындағы позицияларын нығайтуға мүмкіндік береді.Екінші жоба – 4500 га аумақтағы жем-шөп дақылдарын жаңбырлатып суару әдісімен өсіру. Жоба аясында кәсіпорын заманауи тракторлар мен қондырғыларды, John Deere тұқым себу кешенін және неміс өндірісіндегі Siloking жемшөп таратқыштарды сатып алды. Алайда, «Turkistan» ӘКК арқылы уақытылы бөлінбеген қаржы жобалардың табысты іске асырылуына елеулі қатер төндіреді. Уақтылы қаржыландырылмаса, кәсіпорын 2025 жылғы көктемгі егіс науқанына үлгермей, бөлінген жерлерге жем-шөп дақылдарын егуді жүзеге асыра алмауы мүмкін. Бұл өз кезегінде бордақылау кешенінің тиімділігін төмендететін жем-шөп тапшылығына алып келуі ықтимал.Үшінші жоба – Сайрам ауданында сағатына 20 тонна гранулаланған құрама жем өндіретін зауыттың құрылысы. Құрылыс жұмыстары аяқталып, іске қосу-реттеу жұмыстары жүргізілуде.Аманғали Бердалин төртінші жоба – мал биржасының жүзеге асырылу барысымен де танысты. Барлық қажетті жабдықтар сатып алынған, ал құрылыс-монтаждау жұмыстары түрік «AgroFine» компаниясымен бірлесе жүргізілетін болады. Мал биржасы 4000 бас ірі қара малды, 5000 бас ұсақ малды және 3000 жылқыны қамтиды.Бесінші жоба – бір ауысымда 5000 бас ұсақ мал мен 1500 бас ірі қара малды союға арналған ет комбинатының құрылысы. Жобалық-сметалық құжаттама дайын, облыс әкімдігімен бірлесіп жер учаскесі таңдалып, қажетті инфрақұрылым жүргізілуде.Сапар соңында вице-министр Сырым Ертаев басқаратын «Қайып Ата» ЖШС қызметін оң бағалап, кәсіпорынның мал шаруашылығы саласын дамыту мен инновацияларды енгізуге қосқан елеулі үлесін атап өтті. Барлық инвестициялық жобалардың табысты аяқталуы Қазақстанның экспорттық әлеуетінің артуына және жаңа жұмыс орындарының құрылуына ықпал ететін болады.Ақпарат көзі : https://www.gov.kz/memleket/entities/moa/press/news/details/880730

«Ақтөбе» футболшылары түркістандық «Тұранды» жеңіп, Қазақстан премьер-лигасының 2024 жылғы маусымының қорытындысы бойынша топ-3 орынды сақтап қалды.Командалар соңғы 26-тур аясында кездесті. Ақтөбедегі Қобыланды батыр атындағы Орталық стадионда өткен матч 2:0 есебімен алаң иелерінің пайдасына аяқталды. Нигериялық жартылай қорғаушы Уче Агбо (35 минут) және доминикандық шабуылшы Дорни Ромеро (90+4) қанжығасын майлады.Жеңіс «Ақтөбеге» 43 ұпай әкеліп, маусым қорытындысы бойынша үшінші орынға ие болып, қола медаль жеңіп алды. Үшінші жыл қатарынан команда ҚПЛ тұғырында аяқтады. Естеріңізге сала кетейік, бұған дейін «Ақтөбе» Қазақстан Кубогін жеңіп алды, соның арқасында 2025/26 маусымына еурокубоктерге жолдама алды. Кейінірек УЕФА-дағы ел рейтингісіне сәйкес, команданың іріктеу кезеңі қай лигада өтетіні белгілі болады. Ақпарат көзі : https://www.gov.kz/memleket/entities/aktobe/press/news/details/880590

Астанада өтіп жатқан самбодан әлем чемпионатында ҚР ІІМ Ұлттық ұланының Ақтөбе қаласында орналасқан 6655 әскери бөлімінің әскери қызметшісі, халықаралық дәрежедегі спорт шебері Еламан Қойшыбаев елімізге күміс медаль сыйлады. Бұл туралы ҚР ҰҰ «Батыс» өңірлік қолбасшылығының баспасөз қызметі хабарлайды.Чемпионатқа әлемнің түкпір-түкпірінен көптеген спортшы қатысты. Додаға қатысушылар спорттық және жауынгерлік самбодан әртүрлі салмақ дәрежесінде 31 медаль жиынтығы үшін күресті. Жарыстың екінші күні тоғыз түрлі салмақ дәрежесінде күрескен жеңімпаздар анықталды. Еламан Қойшыбаев 88 келіге дейінгі салмақта өнер көрсетіп, сенімді түрде ақтық сынға өтіп, күміс медаль жеңіп алды.«Мен самбодан әлем чемпионатында дайындық пен табандылықтың жоғары деңгейін көрсеткен спортшыларымыз Еламан Қойшыбаев пен Болат Сапарды мақтан тұтамын. Мұндай жетістіктер оңай келмейді, оның артында қыруар еңбек, үздіксіз жаттығулар, үлкен күш-жігер мен мызғымас тәртіп жатыр. Еламан еліміздің намысын қорғап қана қоймай, өзін нағыз спорттық рухы бар мықты күрескер ретінде көрсетті. Алда әлі де көптеген жеңіске жететініне сенімдімін, олардың әрқайсысы ҚР ІІМ Ұлттық ұланның имиджін нығайтып, жас ұрпақты шабыттандырады», – деді ҚР ІІМ Ұлттық ұлан Бас қолбасшылығының дене шынықтыру және спорт бөлімінің бастығы Сатжан Әбішев.Еламан Қойшыбаев физикалық және моральдық сынақтарға негізделген жаттығулар рухты нығайтатынын және әскери қызметшілерді кез келген қиындыққа төзімді ететінін айтты.«Әрбір сайыс — нағыз сынақ. Кілемге шыққанда барыңды салып, назарың да, қайратың да толықтай жеңіске бағытталуы керек. Мені баптап, додаға дайындаған жаттықтырушыларыма және қолдап, қуат берген туыстарыма, сондай-ақ осындай дәрежедегі жарыста еліміздің атынан өкілдік етуге мүмкіндік берген Ішкі істер министріне және Ішкі істер министрінің орынбасары — Ұлттық ұланның Бас қолбасшысы Аңсаған Балтабековке шын жүректен алғысымды білдіремін. Бұл – үлкен жауапкершілік. Спортшы ретінде де, тұлға ретінде де өсуге көмектесетін керемет тәжірибе. Биылғы жыл мен үшін сәтті өтті: Макаода Азия чемпионы атандым және әлем кубогында жүлделі орынға ие болдым», – дейді ұландық спортшы Еламан Қойшыбаев.Еламан 2023 жылы Ереванда өткен әлем чемпионатында күміс медаль иегері атанды. Еламан оқуды бітіргеннен кейін 2017 жылы Отан алдындағы борышын өтеу үшін ҚР ІІМ Ұлттық ұлан қатарына шақырылған. Құқықтық тәртіп әскеріндегі қызметі кезінде түрлі жетістіктерге жетті. Отан алдындағы бір жылдық қызметін өтегеннен кейін келісімшарт бойынша Ұлттық ұланда қалып, Ақтөбеде орналасқан 6655 әскери бөлімге әскери жасақ бастығы лауазымына тағайындалды.Ақпарат көзі : https://www.gov.kz/memleket/entities/aktobe/press/news/details/880607

2024 жылғы 8 қарашада ауыл шаруашылығы министрі Айдарбек Сапаровтың тапсырмасы бойынша вице-министр Аманғали Бердалин Алматы облысына жұмыс сапарымен барды.Сапар барысында эпизоотиялық жағдаймен танысу және барлық ветеринариялық нысандарды ауыл шаруашылығы жануарларының қадағалануы үшін Ветеринариялық бақылау және қадағалау комитеті әзірлеген модульдерге қосу мақсатында кеңес өткізді.Сапар барысында өткен кеңесте Аманғали Бердалин шұғыл шешуді талап ететін бірқатар мәселелерге назар аударды. Олардың ішінде азық-түлік қауіпсіздігін бақылаудың жеткіліксіздігі, тиісті мониторингтің болмауы және алдын алу шараларының уақытында жүргізілмеуі бар.Вице-министр сондай-ақ шағын және орта бизнес субъектілері арасында ветеринария саласындағы цифрландыру модульдеріне (ВСЭ, карантиндеу және ИСЖ модульдерін қоса алғанда) барлық ветеринарлық нысандарды қосу бойынша түсіндіру жұмыстарын жүргізудің маңыздылығын атап өтті.Сонымен қатар кеңесте аумақтық инспекцияның жаңа басшысы – Дәурен Жапарғалиұлы Тойбаев таныстырылды.Вице-министр 2021-2030 жылдарға арналған Қазақстан Республикасының агроөнеркәсіптік кешенін дамыту тұжырымдамасы аясында ветеринариялық пункттер, сою пункттері және мал қорымдарын салу бойынша индикативтік көрсеткіштер белгіленгенін еске салды.Алайда қазіргі уақытта Алматы облысы көрсеткіштердің орындалуы жағынан тиісті деңгейде емес, бұл эпизоотиялық жағдайды бақылау деңгейіне әсер етуде.Аманғали Бердалин тек кешенді тәсіл ғана өңірдегі ветеринариялық қауіпсіздік деңгейін арттыруға мүмкіндік беретінін атап өтті.Ақпарат көзі : https://www.gov.kz/memleket/entities/moa/press/news/details/880537

Алматы облысы әкімінің өкімімен Бауыржан Темірғалиұлы Дарибаев Алматы облысының ветеринария басқармасының басшысы лауазымына тағайындалды.Бауыржан Темірғалиұлы 1977 жылы туған, қазақ, білімі жоғары, 2000 жылы Алматының зоотехникалық малдәрігерлік институтын «ветеринариялық медицина», 2014 жылы Ө.А. Жолдасбеков атындағы экономика және құқық академиясын «мемлекеттік және жергілікті басқару» мамандықтары бойынша бітірген.Еңбек жолын 1993 жылы Қарой ұжымдық кәсіпорынының мал емдеушісі болып бастаған.Әр жылдары Қазақстан Республикасы Ауыл шаруашылығы министрлігінің Балқаш аудандық аумақтық басқармасының ветеринариялық қадағалау, Балқаш ауданының ветеринария, Балқаш ауданының ауыл шаруашылық бөлімдерінде басшылық лауазымдарында қызмет атқарған.2017 - 2024 жылдар аралығында Балқаш ауданы әкімінің орынбасары қызметін атқарған.2024 жылдың мамыр айынан Алматы облысының ветеринария басқармасы басшысының орынбасары болды.Ақпарат көзі : https://www.gov.kz/memleket/entities/almobl/press/news/details/880356

Каспий теңізіне соңғы жылдары жіберілген су көлемі:2021 жыл − 3,6 км³2022 жыл − 5,47 км³2023 жыл−8 км³2024 жыл−16,7 км³2024 жылғы көрсеткішке көктемгі кезеңдегі су көлемі мен су дипломатиясы, яғни, көрші елдермен келісімдердің нәтижесінде қол жеткізілді.Ақпарат көзі : https://www.gov.kz/memleket/entities/water/press/news/details/880358

Қазақстан 2025 жылдың сәуір айына дейін Сырдария өзені арқылы шамамен 11 млрд текше метр су алады. Орталық Азия елдерінің өкілдерімен келіссөздер жүргізген Су ресурстары және ирригация министрі Нұржан Нұржігітов осы жөнінде келісімге қол жеткізді. Министр Мемлекетаралық су шаруашылығын үйлестіру комиссиясының (МСШҮК) 87-ші отырысына еліміздің атынан қатысты. Отырыс Түркіменстанның Ашхабад қаласында өтті. Кездесуге Тәжікстан, Түркіменстан және Өзбекстанның су шаруашылығы ведомстволарының басшылары қатысты. Ал, Қырғызстан елінің өкілдері бақылаушы ретінде қатысты.Нәтижесінде, 1 сәуірге дейін еліміздегі Шардара су қоймасына 11 млрд текше метр су келеді деп күтілуде. Бұл 2025 жылғы суару маусымында еліміздің оңтүстік аймақтарына қажет су көлемін жинақтауға мүмкіндік береді.Айта кету керек, отырысқа қатысушылар Сырдария және Амудария өзендері бассейндеріндегі су қоймаларының болжамды жұмыс кестесін бекітті, сонымен қатар 2024-2025 жылдардың күзгі-қысқы кезеңіне Орталық Азия елдеріне су беру көлемін айқындады.«Биыл келіссөздер мен бірлескен жұмыстың нәтижесінде біз Сырдария өзені бассейнінде суды тиімді бөлуге қол жеткіздік. Сондай-ақ, 86-шы отырыс қорытындысы бойынша бірлесіп атқарылған жұмысқа оң бағамды бергім келеді. Атап айтқанда, Қырғызстанмен су-энергетикалық ынтымақтастық туралы келісімдер жүзеге асырылды, сондай-ақ биыл суару маусымында «Бахри-Точик» су қоймасының жұмыс кестесін үйлестіру бойынша іс-шаралар қабылданды»,– деді Су ресурстары және ирригация министрі Нұржан Нұржігітов.МСШҮК келесі, 88-ші отырысы 2025 жылдың бірінші тоқсанында Душанбе қаласында өтеді.Ақпарат көзі : https://www.gov.kz/memleket/entities/water/press/news/details/880362

Елімізде импортты алмастыру және бәсекелестік артықшылықтарды арттыру мақсатында ауыл шаруашылығы саласын дамыту бойынша пәрменді шаралар қабылданып келеді. АӨК-ті жеңілдікпен қаржыландыру көлемі өсіп, субсидиялау жүйесі реформалануда, ауыл шаруашылығы техникасы өндірісі мен лизингі көлемі артып келеді. Мұның барлығы өз нәтижесін беріп, Қазақстан бүгінде ішкі қажеттіліктерді қамтамасыз етуге күш салып қана қоймай, ауыл шаруашылығы өнімдері экспортын арттыруға ұмтылуда.Ауыл шаруашылығы дақылдары экспортының өсуі «Қазақстан темір жолы» ҰК» АҚ (ҚТЖ) деректері бойынша елімізде жыл басынан бері астық экспортының өсуі тіркелді, бұл ретте жаңа тасымалдау бағыттары игерілуде. Атап айтқанда, арпа, жасымық және жүгері тасымалы бірнеше есеге артқаны байқалады.«Қазақстандық арпаны Иран соңғы екі айда сегіз есе өсіммен қайта импорттай бастады. 10 айда арпа экспорттық тасымалы 710 мың тоннаны құрап, 69%-ға өсті», — деп хабарлады ҚТЖ баспасөз қызметі.Жүгері дәнінің экспорты биыл 1,5 есе өсіп, 117 мың тоннаны құрады. Тәжікстанға тасымалдау 38%-ға, Өзбекстанға тасымалдау 3 еседен астамға өсті. Сондай-ақ биыл Иранға жүгері дәнін тасымалдау басталды.Жасымық экспорты 7 есеге артып, 80 мың тоннаға жетті, басым бөлігі Еуропа елдеріне жіберілді.ҚТЖ мәліметінше, бұршақ тасымалы үш есеге артты. Қазақстаннан Ауғанстанға импорт көлемі екі есе, Өзбекстанға үш есе өсті. Сондай-ақ күріш өндірушілер Әзербайжан мен Беларусь жаңа нарықтарын игеру арқылы экспортты +47%-ға (52 мың тонна) арттырды. Сонымен қатар 2024–2025 маркетинг жылында Қазақстан Қытайға май өнімдерін экспорттау бойынша рекорд жаңартып, $250 млн көрсеткішіне жеткізуді көздеп отыр.Майлы дақылдарды өңдеушілер ұлттық қауымдастығының (МДӨҰҚ) басқарма төрағасы Ядыкар Ибрагимовтің айтуынша, экспорттың өсуіне ықпал ететін факторлардың бірі – Қазақстанда өндірілген ақуызы жоғары жемшөптер үшін Қытай нарығының ашылуы болды, ол үшін қытайлық сатып алушылар жоғары баға ұсынып отыр. Қазақстанның май зауыттары Шанхайда өткен Қытай халықаралық импорт көрмесінде $56 млн-ға келісімшартқа отырды. Ядыкар Ибрагимовтің айтуынша, Шанхайда биыл қазақстандық 12 май зауыты май өнімдерін ұсынады.Бүгінгі таңда Қытай қазақстандық май өнімдері экспорты бойынша қаржылай көрсеткіште көш бастап тұр. Майлы дақылдар өңдеушілер ұлттық қауымдастығының басқарма төрағасы қазақстандық 24 май зауытын Қытай кеден тізіліміне жедел енгізуге жәрдемдескен салалық министрліктер — ҚР Сауда және интеграция министрлігі мен ҚР Ауыл шаруашылығы министрлігі тарапынан болған қолдаудың маңыздылығы атап көрсетті. Сондай-ақ өсімдік майларының ай сайынғы экспорттық көлемін біркелкі бөлу бойынша «Қазақстан темір жолы» ҰК» АҚ-мен үйлестірілген жұмыс маңызды аспект болып саналады. Май өңдеушілер екі жыл ішінде Қытайға өсімдік майы мен мал азығы экспортын $300 млн деңгейінде жеткізуді жоспарлап отыр.Қазақстанның CIIE–2024 көрмесіне қатысуы Қытай нарығына май өнімдері экспортын кеңейту мен еліміздің Азиядағы сауда позициясын нығайтудағы маңызды қадам болды.Қазақстандағы ауыл шаруашылығының экспорттық әлеуеті айтарлықтай үлкен, бұл оның ірі нарықтарға: Қытай, Ресей, Иран, Өзбекстан, Ауғанстан, сондай-ақ Парсы шығанағы елдеріне жақын болуына байланысты.Ауыл шаруашылығы техникасы паркін жаңарту бойынша қолдау шараларыӨнеркәсіптік инвесторлар одағының деректері бойынша Қазақстанда ауыл шаруашылығы техникасы өндірісінің жылдық көлемі 263 млрд теңгені құрайды, 2025 жылы 300 млрд теңгеге дейін өседі деп болжануда. Ауыл шаруашылығы машиналарын жасау саласында 8 кәсіпорында тракторлар мен астық жинайтын комбайндар шығарылады, бұл қазірдің өзінде шаруалардың осы техникаға деген жылдық қажеттілігін толық қамтамасыз етіп отыр. Тағы 20-дан астам кәсіпорын тіркеме және аспалы ауылшаруашылық техникасы мен жабдықтарын шығарып, импортқа тәуелділікті азайтуда. Бүгінде тракторлар мен комбайндардың, сондай-ақ аспалы және тіркемелі ауыл шаруашылығы техникасының әрбір шығарылатын үлгісіне дәнекерлеу, кесу, ию және бояу операциялары орындалады. Трактор кабиналарын дәнекерлеу және бояу, сондай-ақ энергиямен қаныққан тракторлар корпусы элементтеріне пластикалық бөлшектерін дайындау мерзімінен бұрын игерілді. Келесі жылы өндірушілер астық бункерлерін, көлбеу камераларды, ұсақтағыштарды және комбайн кабиналарын жасау бойынша операцияларды меңгеруді жоспарлап отыр. Еліміздегі ең ірі ауыл шаруашылығы машина жасау локализациялау орталығы Қостанайда жыл сайын ауыл шаруашылығы техникасы мен автоөнеркәсіпке арналған 25 мың бірлік торап, агрегат, компонент пен қосалқы бөлшек шығарады.Биыл отандық ауылшаруашылық техникасын сатып алғанда шаруаларды субсидиялау туралы шешім қазірдің өзінде нәтиже беріп отыр: жетекші шетелдік өндірушілер біздің нарыққа қызығушылық танытуда. Осылайша, Ауыл шаруашылығы министрлігінің мәліметінше, әлемге әйгілі John Deere компаниясы Қазақстандағы жергілікті қатысуын құрастыру кооперациясы арқылы кеңейтуді жоспарлап отыр.Deere & Company, Eurasia Group және «Бәйтерек» холдингі құрастыру ынтымақтастығы арқылы John Deere компаниясының Қазақстандағы жергілікті қатысуын кеңейтуге бағытталған меморандумға қол қойды. Бұл стратегиялық серіктестік инновацияларды ынталандыруға, жергілікті өндірістік қуаттарды нығайтуға, елдің тұрақты экономикалық өсуіне ықпал етуге арналған және Қазақстанның ауыл шаруашылығы мен өнеркәсібінде алдыңғы қатарлы технологияларды енгізуге, цифрлық трансформацияға және тиімділікті арттыруға бағытталады, деп атап көрсетті Ауыл шаруашылығы министрлігі.«Ең озық технологияларды пайдалана отырып және білім алмасуды қолдау арқылы біз экономикаға да, жергілікті қауымдастықтарға да пайда әкелетін тұрақты өсудің негізін қалап жатырмыз», — деді, John Deere ТМД және Орталық Азиядағы ауыл шаруашылығы және көгал жабындылары бизнесінің президенті Чаба Лейко.Eurasia Group – Қазақстандағы John Deere техникасының ресми дилері.Айта кету керек, Ауыл шаруашылығы министрлігі арқылы ауыл шаруашылығы техникасы паркін жаңарту бойынша қабылданған шаралар аясында биыл келесі бағдарламалар жүзеге асырылды:1. Ауыл шаруашылығы техникасын субсидиялаудың жаңа тетіктері қабылданды:- инвестициялық субсидиялау бағдарламасын іске асыру шеңберінде өндірісі Қазақстанда жолға қойылған техниканың импорттық аналогтарын субсидиялау мүмкіндігі алынып тасталды;- ауыл шаруашылығы техникасын сатып алу үшін несиелер/лизинг бойынша сыйақы мөлшерлемесін субсидиялаудың сараланған тетігі қолданылды (отандық өндіріс техникасын сатып алу үшін сыйақы мөлшерлемесі 6%-ға дейін, импорттық техника үшін 15%-ға дейін субсидияланады).Жаңа тәсілдер қосымша бюджет қаражатын тартпай, отандық кәсіпорындардың ауыл шаруашылығы техникасын субсидиялау көлемін екі еседен астамға арттыруға мүмкіндік береді.2. Биыл маусым айынан бастап алғаш рет сыйақы мөлшерлемесі жылына 5% болатын 120 млрд теңге сомасына отандық өндірістің ауыл шаруашылығы техникасының жеңілдікті лизингінің ауқымды бағдарламасы іске қосылды.Келесі жылы жеңілдікті лизинг бағдарламасының бюджетін 200 млрд теңгеге дейін ұлғайту жоспарланып отыр. Қабылданған шаралар өз нәтижесін беруде. Шаруалардың техника сатып алу қабілетін арттыруда оң динамика байқалады. Мәселен, «ҚазАгроҚаржы» АҚ ақпаратына сәйкес, биылғы 1 қазандағы жағдай бойынша 8 796 бірлік ауыл шаруашылығы техникасы сатылды, бұл өткен жылдың сәйкес кезеңінен (5 795 бірлік) 52%-ға артық.Ауыл шаруашылығы министрлігі аталған мемлекеттік қолдау шараларын жүзеге асыру отандық ауыл шаруашылығы техникасын сатып алу көлемін айтарлықтай арттыруға мүмкіндік беретінін, сонымен қатар отандық ауыл шаруашылығы машиналарын жасау кәсіпорындарының дамуына мультипликативті әсер ететінін атап көрсетті.Ақпарат көзі : https://www.gov.kz/memleket/entities/moa/press/news/details/880363

Қардың мол болуына байланысты елорданың коммуналдық қызметкерлері тәулік бойы ауысымдық режимде жұмыс істеп, қала көшелерін қардан тазартады, деп хабарлайды елорда әкімдігінің ресми сайты.1300-ден астам арнайы техника мен 2400-ден астам жол жұмысшы күндізгі ауысымда көшелерді қардан тазартуға шықты.Ең алдымен, ереже бойынша, жолдарда кептеліс болмас үшін қозғалысы қарқынды тұстар тазартылады. Сондай-ақ, орташа қарқындылығы бар учаскелер – алаңдар, вокзал маңы, тротуарлар, әлеуметтік нысандарға кірме жолдар және т.б. қардан тазартылады.Астанада бір апта ішінде 57 мың текше метрден астам қар шығарылды, бұл 4595 жүк рейсін құрайды.«Қазгидромет» РМК деректері бойынша Астанада 11 қарашада көшпелі бұлт, кейде қар, боран болады. Оңтүстік-батыстан соққан желдің жылдамдығы – 9-14 м/с. Ауа температурасы түнде және күндіз 2-4 аяз, күндіз одан әрі төмендейді.Ақпарат көзі : https://www.gov.kz/memleket/entities/astana/press/news/details/880345

10 ноября 2024 года в стенах университета «SDU University» в Алматинской области начался третий международный шахматный турнир «KONAEV CUP – 2024». Это престижное соревнование объединило 240 шахматистов в возрасте от шести до 60 лет и старше из 12 стран: США, Индонезии, Беларуси, Украины, Армении, России, Узбекистана, Таджикистана, Кыргызстана, Азербайджана, Грузии и Казахстана. В турнире принимают участие как именитые гроссмейстеры, так и начинающие спортсмены, что подчеркивает его статус значимого спортивного события международного уровня.Сегодня в Казахстане шахматами занимаются более 200 тысяч человек, а в Алматинской области для их поддержки создана инфраструктура, включая специализированную школу и филиалы почти в каждом районе. Турнир «KONAEV CUP» за три года стал значимым событием спортивного календаря региона и его визитной карточкой.Турнир проводится по правилам быстрых шахмат: соревнования проходят по швейцарской системе в 9 туров с контролем времени 10 минут плюс 2 секунды за каждый ход. Среди участников – мировые звёзды шахмат: Тимур Гареев (США), Моника Челси Игнесиас (Индоенезия), Дмитрий Бочаров и Илья Ильюшенок (Россия), Жахонгир Вахидов (Узбекистан), Михаил Никитенко (Беларусь), Леван Панцулая (Грузия), а также ведущие казахстанские гроссмейстеры, такие как Рамазан Жалмаханов, Алишер Сулейменов, Денис Махнев, Арыстанбек Уразаев, Рустам Хуснутдинов и Лия Курмангалиева. Регион на турнире представляет 98 шахматистов из Алматинской области, в том числе мастер спорта Имангали Акылбай.Особенностью турнира «KONAEV CUP – 2024» является участие не только профессионалов, но и любителей, что предоставляет начинающим шахматистам уникальную возможность состязаться с мастерами международного уровня, расширяя собственные знания и спортивный опыт.Третий международный турнир «KONAEV CUP – 2024» является значимой вехой в развитии шахматного движения и способствуют укреплению позиций Казахстана на мировой шахматной арене.Ақпарат көзі : https://www.gov.kz/memleket/entities/almobl/press/news/details/880346

Ж.Үшкемпіров атындағы Жекпе-жек сарайында самбодан әлем чемпионаты аяқталғаннан кейін жанкүйерлер трибунадағы қоқысты жинап, жұрттың ыстық ықыласына бөлінді, деп хабарлайды әкімдіктің ресми сайты.Жанкүйерлердің белсенділігі ғана емес, олардың тазалықты ұстануы мен бірлігі де қуантады. Чемпионат аяқталғаннан кейін олар бірден кетпей, айналасындағы қоқысты жинай бастады. Тазалық жұмысына белсенділер, «Астана Жастары» еріктілері, сондай-ақ жанкүйерлер қосылды.Көрермендер арасында елорда тұрғындарының белсенділігіне және олардың өз қаласына деген қамқорлығына таңданған шетелдік қонақтар да болды. Мұндай акциялар тазалыққа үндейтін, тазалық мәдениетін қалыптастыратын игі дәстүрге айналды.Ақпарат көзі : https://www.gov.kz/memleket/entities/astana/press/news/details/880329

Жақсылық Үшкемпіров атындағы елордалық жекпе-жек сарайында 9 қарашада ересектер арасында спорттық және жауынгерлік самбодан әлем чемпионаты басталды. Байрақты бәсекеге әлемнің түкпір-түкпірінен спортшылар мен жанкүйерлер жиналды. Қазақстан аумағында екінші рет ұйымдастырылған іс-шараға 80 елден 470-тен аса спортшы бақ сынады, деп хабарлайды елорда әкімдігінің ресми сайты.Чемпионатта қазақстандық спортшыларды Астана жастарының белсенді қолдауы шетелдік қонақтарды таң қалдырды. Жастар қатысушыларға белсенді түрде қолдау көрсетіп, плакаттар мен жалауларды желбіреткен олардың қатты дауыстары, ыстық ықыластары залды дүбірлетті."Бүгін біз осы беделді турнирге қатысатын спортшыларымызды қолдау үшін белсенді жастармен жиналдық. Біз қазақстандық самбошыларға деген мақтанышымызды көрсету үшін Мемлекеттік туымызды алып келдік. Осылайша, қолдау көрсетіп жатырмыз", - деді Астана мәслихатының депутаты Арсланбек Мағзұм халықаралық турнирлердегі бірліктің маңыздылығын атап өтіп. Ақпарат көзі : https://www.gov.kz/memleket/entities/astana/press/news/details/880319

Қала көшелерін қардан тазартуға түнгі ауысымға 1200-ден аса арнайы техника мен 300-ден аса жол жұмысшысы шықты. Қардан тазарту ауысымдық режимде жүргізіледі, деп хабарлайды әкімдіктің ресми сайты.Қар тазалау, сондай-ақ маршруттарды түзету жұмыстары кешкі және түнгі уақытта күшейтілген режимде жүргізіледі. Бірінші кезекте ережелерге сәйкес, жолдарда кептеліс пайда болмас үшін қарқынды қозғалыс учаскелері тазартылады. Әрі қарай орташа қозғалыс қарқындылығы бар учаскелер – алаңдар, вокзал маңындағы аумақтар, тротуарлар қардан тазартылады.Қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылған, жарықтандыру қосылған.Бүгін қаладан 20 мың текше метрден аса қар шығарылды, бұл - 1609 ауыр жүк рейсі.Қала тұрғындары мен қонақтарын көшеде жүргенде өте мұқият болуға, жауын-шашын кезінде қауіпсіздік ережелерін сақтауға шақырады. Ақпарат көзі : https://www.gov.kz/memleket/entities/astana/press/news/details/880317