Биыл қалада бір миллионға жуық жасыл желек (ағаштар, бұталар, көшеттер) отырғызылады. Оның басым бөлігі қазірдің өзінде отырғызылды, сол сияқты жасыл белдеу де назардан тыс қалған жоқ. Сондай-ақ, жасыл желектер көрікті жерлерге, мәдени, спорттық, білім беру және т.б. нысандарға отырғызылады, деп хабарлайды елорда әкімдігінің ресми сайты.Биыл 170-ке жуық аула мен қоғамдық кеңістік абаттандырылды. Абаттандыру кезінде көгалдандыруға ерекше көңіл бөлінеді.Мысалы, Байқоңыр ауданында 1500-ден астам ағаш, 8 мың шаршы метрден астам гүлзар, 732 п.м. бұталы қоршау, 5000-нан астам сәндік гүлді бұталар отырғызылды.2025 жылы тұрақты суаруды қамтамасыз ету және екпелерді қолдау үшін 1500 ағаш, 31 мың бұта, 6 мың шаршы метр гүлзар және т.б. отырғызу жоспарланып отыр. Көгалдарды тұрақты суару және күтіп-баптау үшін биыл ұзындығы 28,8 шақырымды құрайтын 5 аумаққа жергілікті суару жүйелері орнатылды. Бұл шаралар жасыл кеңістікті сақтауға және суды тұтыну мөлшерін азайтуға көмектеседі.Ақпарат көзі : https://www.gov.kz/memleket/entities/astana/press/news/details/879062

Астанада абаттандыру бойынша ауқымды жұмыс жүргізілді. Оның аясында жайлы демалыс орындары ашылды, деп хабарлайды елорда әкімдігінің ресми сайты.Биыл 170-ке жуық аула мен қоғамдық кеңістік абаттандырылды. Мұның бәрі қала тұрғындары үшін жайлы қалалық орта құру үшін жасалады. Қала тұрғындары мен қонақтары бос уақытын өткізетін тартымды орындар көптеп ашылды.Кешенді жұмыс қаланың әр ауданында гүлзарлар, қоғамдық кеңістіктер, саябақтар болуы үшін полицентрлік қағидаты бойынша жүргізіледі.Мысалы, Байқоңыр ауданында 60 аула мен 13 қоғамдық кеңістік абаттандырылды, оның 8-і бос жерде орналасқан, оның бесеуінде кешенді абаттандыру жүргізілді.Бұрын бос тұрған учаскелер қазір абаттандырылған аймаққа айналды: жасыл желектер отырғызылды, көше жиһаздары мен жарықтандыру орнатылды, бұл қала тұрғындарының демалуы үшін жайлылық жасайды. Абаттандыру процесінде қаланың шетіне де ерекше назар аударылады.С.Торайғыров көшесі, 2 мекенжайына іргелес аумақта, Толстой-Абыралы көшелерінің қиылысында, Өндіріс елді мекеніндегі Құрманғазы көшесінде, «Қоянды» саяжай алабында, Кирпичный елді мекеніндегі Көксеңгір көшесінде, Қазқалашық елді мекеніндегі Қарақұм көшесінде, Мұнайшылар елді мекеніндегі Әл-Фараби көшесінде, Өндіріс елді мекеніндегі Тайбурыл көшесінде тұрған бос жерлерге жаңа қоғамдық кеңістіктер ашылды. Мұнда демалуға арналған тыныш орындар, әртүрлі жастағы балаларға арналған ойын алаңдары, спорт аймақтары бар. Бұл тұрғындар үшін қолайлы жағдай жасайды.Астананың барлық ауданы жөндеу-қалпына келтіру жұмысымен қамтылды. Келесі жылы аулалар мен қоғамдық орындарды (гүлзарлар, желекжолдар, саябақтар) абаттандыру бойынша ауқымды жұмыс жүргізу жоспарланып отыр.Ақпарат көзі : https://www.gov.kz/memleket/entities/astana/press/news/details/879065

Елордада жыл сайын әлеуметтік қолдаумен 187 мыңнан астам азамат қамтылады. Олардың қатарында жасы бойынша зейнеткерлер, Ұлы Отан соғысының ардагерлері, мүгедек адамдар, мүгедек балалар, көпбалалы отбасылар, Алтын алқа және Күміс алқа алқаларымен марапатталған аналар, сондай-ақ әлеуметтік аз қамтылған азаматтар бар, деп хабарлайды елорда әкімдігінің ресми сайты.Мереке және атаулы күндерде біржолғы ақшалай төлемдер түріндегі әлеуметтік көмек көрсетіледі. Бұл көмек түрін қаланың 165 мыңға жуық тұрғыны алады. Жергілікті өкілді органдардың шешімі бойынша 140 мыңнан астам адам тегін қызмет алады. Олардың арасында ХӘОТ үшін әлеуметтік көмек, жоғары оқу орындарында оқу ақысын төлеу, қатты отын сатып алуға, газдандыруды қосуға, ауыз қуысын протездеуге дейінгі тегін санациялау және тіс протездеуге, тегін жол жүруге, коммуналдық қызметтерді төлеуге, атаулы әлеуметтік көмек бар.Мысалы, жыл басынан бері Байқоңыр ауданында «Qazaq oil» компаниясының қолдауымен «Игі істер марафоны» акциясы аясында 1500 мұқтаж отбасыға азық-түлік жиынтығы түрінде көмек көрсетілді. Демеушілердің қолдауымен халықтың әлеуметтік осал топтарынан шыққан отбасы 120 тонна көмірмен қамтамасыз етілді, олар: жасы бойынша зейнеткерлер, пешпен жылытылатын жеке тұрғын үйлерде тұратын мүмкіндігі шектеулі адамдар, көпбалалы отбасылар және т.б.«Мектепке жол» акциясы аясында аудан мектептерінің 1200 оқушысына мектепке қажетті керек-жарақтар берілді.Сонымен қатар, ана мен баланы әлеуметтік қолдауға ерекше назар аударылады. Елордада 34 248 көпбалалы отбасы тұрады, оның ішінде 27 мыңы – 4 және одан да көп кәмелетке толмаған балалары бар отбасылар. 7 088 ана Алтын алқа және Күміс алқа алқаларымен марапатталды.Қазіргі уақытта Астанада атаулы әлеуметтік көмекті 2 400-ден астам отбасы алады, оның құрамында 12 мыңнан астам адам бар.Сонымен қатар, Астанада Мемлекеттік қызметтерді біріктіретін және оларды «бір терезе» қағидаты бойынша көрсететін «Жанұя» отбасы институтын қолдау орталығы жұмыс жүргізуде. Жыл басынан бері мұнда 37 000-нан астам сұрақ бойынша 35 000-нан астам адам жүгінді.Ақпарат көзі : https://www.gov.kz/memleket/entities/astana/press/news/details/879073

Елордада ескі тұрғын үйлерді жаңарту бағдарламасы аясында апатты үйлерді бұзу және елорда тұрғындарын жаңа тұрғын үйлерге көшіру қарастырылған. 2024 жылы 33 апатты үйдің тұрғындары 703 пәтерге көшіріледі, осылайша елорданың 3000-ға жуық тұрғыны жаңа тұрғын үймен қамтамасыз етіледі, деп хабарлайды елорда әкімдігінің ресми сайты.2013 жылдан бастап 286 апатты үйдің тұрғындары қоныс аударды, 4500-ден астам отбасы жаңа абаттандырылған пәтерлер алды.2023-2029 жылдарға арналған тұрғын үй қорын жаңарту жобасы аясында 206 апатты үйдің тұрғындары Астанада 4 710 пәтерге көшіріледі.Мысалы, Байқоңыр ауданында инвесторлармен бірлескен жұмыстар басталды. Жаңарту елорда ауданының орталық бөлігінде 343 гектар жерді қамтиды.Бағдарлама аясында Бас жоспарға сәйкес Байқоңыр ауданының аумағында 865 ескі және ескірген тұрғын үйлер бұзылады.Оның орнына көпқабатты тұрғын үйлер, 9 білім беру мекемесі, 7 денсаулық сақтау нысаны, оның ішінде 4 емхана, 3 медициналық орталық, 6 спорт және мәдениет нысаны, 27 коммерциялық нысан, оның ішінде СОО, бизнес-орталықтар, қонақ үйлер мен паркингтер, сондай-ақ 6 сквер салу жоспарланып отыр.Бүгінгі таңда ауданда Кенесары, Асан қайғы, Тараз көшелерінің қиылысындағы ескі үйлерді бұзу жұмысы басталды.Тұрғын үй қорын жаңарту тұрғын үйді және үй орналасқан жер учаскесін реквизициялау тәртібімен апатты (ескірген) тұрғын үйді бұзу және одан азаматтарды көшіру жолымен қаланың «ескі» кварталдарын кешенді реконструкциялауды көздейді.Жобаның шарттары бойынша авариялық үйлердің тұрғындарына құқық белгілейтін құжаттарға сәйкес бөлмелер санына және тұратын адамдар санына қарамастан, ауданы бойынша бірдей мөлшерде, бірақ кемінде бір бөлмелі жаңа пәтерлер беріледі.Мемлекет басшысының тапсырмасы бойынша тұрғын үй жағдайларын жақсарту үшін ТК жөндеу, лифтерді ауыстыру, жеңілдетілген әлеуметтік тұрғын үй салу, құрылысы ұзаққа созылған нысандарды аяқтау бойынша жұмыстар жүргізіліп жатыр.Осы бағыт бойынша жұмыс жоспарлы түрде жүріп жатыр.Ақпарат көзі : https://www.gov.kz/memleket/entities/astana/press/news/details/879086

Алматы облысы Еңбекшіқазақ ауданы Рахат ауылдық округіне қарасты Өрікті ауылында 1500 орынға арналған жекеменшік «ALTYN ADAM» инновациялық мектебі ашылды. Бұл білім ордасы заман талабына сай, жаңа құрылғылармен жабдықталған және оқушыларға сапалы білім беруге бағытталған. Мектептің ашылу салтанаты ауыл тұрғындары, облыс басшылығы, құрметті қонақтар мен мектеп ұжымының қатысуымен өтті.Салтанатты шараға облыстық білім басқармасы басшысының орынбасары Исағұлова Гүлсара, «Kapital Construction» компаниясының президенті және мектеп құрылтайшысы Төренияз Ринат Оралсейітұлы, сондай-ақ облысымыздың құрметті азаматтары, ақжаулықты аналар, ардагер ұстаздар, оқушылар мен ауыл тұрғындары қатысты.Ашылу рәсімі Исағұлова Гүлсараның құттықтау сөзімен басталды. Ол өз сөзінде білім беру саласындағы осындай маңызды жобалардың қоғамның дамуына тигізетін оң әсерін атап өтіп, жергілікті кәсіпкерлердің игілікті істеріне ризашылығын білдірді. Сонымен қатар, өңірдегі білім беру сапасын арттыруға бағытталған бұл мектептің ауыл жастары үшін жаңа мүмкіндіктер ашатынын айтты.«Kapital Construction» компаниясының президенті және мектеп құрылтайшысы Төренияз Ринат Оралсейітұлы да жаңа білім ордасының ашылуымен құттықтап, өз сөзінде: “Бұл мектепті салу мақсатымыз Қасым-Жомарт Кемелұлы бастамасында 1000 мектептің салынуына орай, кәсіпкерлер өз үлесімізді қосайық деп мектеп салып бастадық. Бірінші мектебімізді Іле ауданында аштық, екінші мектебімізді Еңбекшіқазақ ауданында ашып жатырмыз,” — деп атап өтті. Сонымен қатар, мектептің құрылыс жұмыстарының жоғары деңгейде жүргізілгені және оның халықтың талап-тілектеріне толық жауап беретіндігі туралы айтты.Бұл білім ордасы 1500 орындық, ал оның құрылысына 5,6 миллиард теңге қаражат жұмсалған. Мектептің жаңа ғимараты заманауи талаптарға сай жабдықталған және оқушылар үшін барлық қажетті жағдайлармен қамтылған.Қамқоршылық кеңесінің төрағасы, Қазақстан халқы ассамблеясы жанындағы Алматы облыстық аналар кеңесінің төрағасы Гүлнара Сағатқызы Жошыбаева құттықтау сөз сөйлеп, мектептің ауыл жастарына білім мен даму жолында үлкен мүмкіндік сыйлайтынын атап өтті.Жаңа мектептің ашылуы — Алматы облысының білім саласына қосқан үлкен үлесі әрі ұрпақ тәрбиесі мен білім беру жүйесін дамытудағы маңызды қадам болып табылады. Енді осы жерде көптеген талантты шәкірттер тәрбиеленіп, олар еліміздің жарқын болашағына өз үлестерін қосатын болады.Ақпарат көзі : https://www.gov.kz/memleket/entities/almobl/press/news/details/879082

Алматы жылу желілері тұтынушылармен өзара іс-қимыл кезінде жылу инспекциясының жұмысын жақсарту үшін нысандарды тексеру кезінде бейнетіркеуіштерді қолдана бастады. Бұл бастама инженерлер жұмысының дәлдігі мен тиімділігін арттыруға, сондай-ақ деректерді жинауды оңтайландыруға бағытталған.Бейне жетондарды енгізу – бұл күнделікті жұмыс барысында үдерістерді цифрландыру мен ашықтықты арттыруға жасалған қадам.«Кәсіпорнымызда инженерлердің жұмыс тиімділігі мен ашықтығын арттыру мақсатында бейнетіркеуіштер енгізілді. Бұл құрылғылар нысандарды тексеру кезінде жұмыс барысындағы маңызды сәттерді тіркеп, орындалған тапсырмаларды бақылауға, сондай-ақ кәсіпорын стандарттарының сақталуын қадағалауға мүмкіндік береді», – деп түсіндірді жылу инспекциясының жетекші маманы.Бейнетіркеуіштер инженерлерге ақпаратты нақты уақыт режимінде жедел беруге, деректер архивін құруға және сапаны бақылауға көмектеседі. Бұл құрылғылар ықтимал мәселелерді анықтау мен штаттан тыс жағдайлардың алдын алуға арналған маңызды құрал болмақ.«Бұл шешім өзінің тиімділігін дәлелдеді: бейнетіркеуіштер қызмет көрсету сапасын арттырып, қателіктер ықтималдығын төмендетеді және даулы мәселелерді шешуге көмектеседі. Бейнежазба жағдайды объективті түрде қарауға және сыбайлас жемқорлықтың алдын алады», – деді жылу инспекциясының басшысы Маржан Балбаева.Кәсіпорын өндірістік процестерді оңтайландыру, қауіпсіздікті арттыру және қызметкерлер мен тұтынушылар арасындағы байланысты жақсарту үшін заманауи технологияларды қолдануға тырысады. Бейнетіркеуіштерді енгізу – бұл жоғары сапа стандартына бағытталған тиімді әрі ашық өндіріс құруға жасалған тағы бір қадам.АлЖЖ атап өткендей, цифрлық технология жылу инспекциясы қызметкерлерінің жұмыс тиімділігін арттырып, жемқорлық тәуекелдерін азайтады.Ақпарат көзі : https://www.gov.kz/memleket/entities/almaty/press/news/details/879000

Алматыда 2024 жылдың соңына дейін 2022 жылы іске қосылған бірыңғай видеомониторинг жүйесінің (БВМЖ) 50 мың видеокамерасы қосылатын болады. Бұл туралы мегаполистің цифрландыру басқармасы хабарлады.Жыл басынан бері қазіргі уақытқа дейін қала әкімдігінің жобалық офисінің қолдауымен шығарылған 15 мың камераны ескере отырып, 45 мың камера қосылды, ал 2025 жылға қарай бұл сан 70 мыңға дейін артады. Видеожазбалар 209 жеке және 613 мемлекеттік нысандардан алынды.Сонымен қатар, Алматыда жол қауіпсіздігін қамтамасыз ету үшін «Сергек» аппараттық-бағдарламалық кешенінің (АБК) 300 камерасы орнатылған. Осылайша, бүгінде 1 641 АБК жұмыс істейді.Сондай-ақ, осы жылдың соңына дейін 71 денсаулық сақтау объектісінің аумағында «Қауіпсіздіктің кешенді жүйесі» жобасын іске асыру аяқталады.Ақпарат көзі : https://www.gov.kz/memleket/entities/almaty/press/news/details/879003

Алматының қала құрылысын бақылау басқармасының хабарлауынша, Курильская көшесі, 11-үй бойындағы екі қабатты ғимарат заңсыз тұрғызылған.Бұған дейін Danil ЖК тұрғын емес үй-жайдың меншік иесіне қатысты жоспардан тыс тексеру аясында орын алған бұзушылықтарды жоюға нұсқама бере отырып, әкімшілік шаралар қабылданған болатын.Нұсқаманың талаптарын орындамауы салдарынан Басқарма объектіні бұзу үшін Мамандандырылған ауданаралық экономикалық сотқа талап арыз берді.2024 жылғы 14 мамырда Басқарманың талап-арыз талаптары қанағаттандырылды. Нысанды бұзу бүгін сот орындаушыларының қатысуымен басталды.Естеріңізге сала кетейік, Алматы әкімі Ерболат Досаевтың құрылысқа бақылауды күшейту жөніндегі тапсырмасы аясында өткен жылдың басынан бері 51 заңсыз нысан, оның ішінде «Мечта», «KHAN», «Алма Гарден» тұрғын үй кешендері және басқалары толығымен немесе ішінара бұзылды.Ақпарат көзі : https://www.gov.kz/memleket/entities/almaty/press/news/details/879072

Биылғы жылы әлеуметтік қызметтің 55 түрі техникалық оңалту құралдары және санаторлы-курорттық сауықтырумен қамтамасыз етілді.Ақтөбе облысында тұратын мүмкіндігі шектеулі жандарға әлеуметтік қолдау көрсету мәселесі облыс әкімі Асхат Шахаровтың төрағалығымен өткен жиында қаралды. Жұмыспен қамтуды үйлестіру және әлеуметтік бағдарламалар басқармасының басшысы Ләззат Оразбаеваның хабарлауынша, облыста 30241 мүгедектігі бар азамат тұрады, оның ішінде 5 305 бала. Жыл басынан бері портал қызметтерін ерекше қажеттіліктері бар 20 166 адам пайдаланған. Сонымен қатар, әлеуметтік қызметкердің үйдегі көмегі 388 ерекше балаға және 1655 жалғызбасты қарт адамдар және мүгедектерге көрсетіледі.«Мемлекеттік әлеуметтік тапсырыс аясында 8 қоғамдық ұйым ерекше білім беру қажеттілігі бар 378 балаға оңалту көмегін көрсетеді. Сондай-ақ, мүгедектігі бар 743 ақтөбелік әлеуметтік қызмет көрсету орталықтарында стационарлық жағдайда арнайы әлеуметтік қызмет алады. «Инватакси» қызметі үзіліссіз жұмыс істейді. Бүгінде мүмкіндігі шектеулі 1 849 адам инватакси қызметін пайдаланады. Арнайы көтергішпен жабдықталған 9 автокөлік қызмет көрсетеді», - деді Ләззат Оразбаева.Басқарма басшысы мүмкіндігі шектеулі жандарды жұмысқа орналастыру мәселесіне де тоқталды. Жыл басынан бері жұмыспен қамту шараларымен 1 449 мүгедектігі бар адам қамтылды. Оның 450-і тұрақты жұмысқа орналастырылды, 410 адам субсидияланған жұмыс орындарына жіберілді. Тағы 473 азамат «Бастау Бизнес» жобасы бойынша кәсіпкерлік негіздеріне оқытудан өтті, мүгедектігі бар 92 адам өз бизнесін ашуға грант алды.«2024 жылы жұмыс берушілердің мүгедектігі бар жандар үшін жұмыс орындарын құру жөніндегі шығыстарын субсидиялауға 14,1 млн теңге сомасына қаржы бөлінді. Есепті кезеңде 6,8 млн теңгеге 8 арнайы жұмыс орны құрылды. 70 кәсіпорында мүгедектігі бар 147 адамға квота белгіленді. Квотамен бүгінде 64 адам жұмысқа орналастырылды», - деп атап өтті басқарма басшысы.Сонымен қатар, Есет батыр шағын ауданында 150 орындық мүмкіндігі шектеулі жандарға арналған оңалту орталығының құрылысы жалғасуда. Нысанды 2025 жылы тапсыру жоспарланып отыр.Баяндамашы сөзін тыңдай келе, облыс әкімі мүмкіндігі шектеулі жандарға объектілерге кедергісіз кіру, бейімдеу бойынша жұмысты жеделдетуді тапсырды. Бүгінгі таңда облыста жоспарланған 1292 нысанның 874-і бейімделген. Сондай-ақ оларға қоғамда инклюзивті орта құру жөніндегі жұмысты күшейту және денсаулық сақтау, білім беру мекемелерімен неғұрлым тиімді ынтымақтастықты қамтамасыз ету тапсырылды.Ақпарат көзі : https://www.gov.kz/memleket/entities/aktobe/press/news/details/879004

Бүгін ҚР Президенті жанындағы Орталық коммуникациялар қызметінде ауыл шаруашылығы өнімдерін қайта өңдеуді дамыту тақырыбында баспасөз конференциясы өтті.ҚР АШМ агроазық-түлік нарықтары және ауыл шаруашылығы өнімдерін қайта өңдеу департаментінің директоры Назгүл Хатепова мемлекеттік қолдау шараларының арқасында жыл сайын тұрақты өсім байқалатынын атап өтті. 2023 жылдың қорытындысы бойынша азық-түлік өндірісі саласында өсім байқалады. Өндіріс көлемі 2,1% - ға артып, 3,1 трлн. теңгеге жетті. АӨК өнімінің экспорты 5,3 млрд. АҚШ долларын құрады, бұл ретте экспорттың жалпы көлеміндегі өңделген өнімнің үлесі 43% - ға дейін өсіп, 2,2 млрд. АҚШ долларына жетті.«Салаға инвестициялар ағыны артып келеді. 2023 жылы тамақ өнімдерін өндірудің негізгі капиталына салынған инвестициялар көлемі 156 млрд.теңгені құрады, бұл өткен жылмен салыстырғанда 11% - ға артық. Ауыл шаруашылығы өнімдерін қайта өңдеу саласында 118,8 млрд. теңге сомасына 48 инвестициялық жоба іске асырылды. Бұл жетістіктер инвестициялық субсидияларды, шикізатқа субсидияларды, салықтық жеңілдіктерді қамтитын мемлекеттік қолдаудың тиімді шараларына негізделген», - дамудың үш негізгі бағытын атап өтті Назгүл Хатепова.Сонымен, ұн, жарма, макарон және басқа да өнімдер өндіретін 350 кәсіпорын астық өңдеумен айналысады. Ұн өндірісі (3,2 млн.тонна) ішкі тұтынудан асып түседі және экспорттық жеткізілім көлемі бойынша (1,9 млн. тонна) әлемде жетекші орындардың бірін алады. Саланың дамуын ынталандыру үшін инвестициялық субсидиялар (50% дейін), кредиттер мен салықтар бойынша жеңілдіктер, сондай-ақ экспорт кезінде көлік шығындарын өтеу көзделген. 2024-2026 жылдар кезеңінде астық өңдеу бойынша 13 жобаны іске асыру жоспарлануда. Қытайға астық өңдеу өнімдерінің экспортын кеңейту бойынша жұмыстар белсенді жүргізілуде.Майлы дақылдарды өңдеумен 80 кәсіпорын айналысады. 2023 жылы олар 672 мың тонна май өндірді, бұл ішкі тұтынудан едәуір асады (368 мың тонна). Ағымдағы жылы өндірісті 750 мың тоннаға дейін ұлғайту болжанып отыр.Қант өндірумен 2023 жылы ішкі нарық қажеттілігінің 44% (507 мың тонна) қамтамасыз еткен 4 жұмыс істеп тұрған зауыт айналысады, бұл ретте қанттың 13% - ы отандық шикізаттан өндірілген. Саланы қолдау үшін субсидияларды, салықтық жеңілдіктерді ұлғайтуды қоса алғанда, мемлекеттік қолдау шаралары күшейтілді және Жамбыл облысы мен Павлодар қаласының Шу қаласында екі жаңа зауыт салу мәселесі қаралуда.Сүт, ет, тері және жүнді қоса алғанда, мал шаруашылығы өнімдерін қайта өңдеу мәселелері қозғалды.2023 жылы 2,1 млн. тонна сүт өңделді, жалпы сомасы 584,8 млрд. теңгеге сүт өнімдері өндірілді. Қайта өңдеумен қуаттылығы жылына 2,7 млн. тонна сүтті құрайтын 180 кәсіпорын айналысады, жалпы жүктемесі шамамен 77%. Импортты одан әрі алмастыру және қуаттардың жүктемесін арттыру үшін ККМ құрылысына жеңілдікпен кредит беру жобасы іске асырылуда. Қуаттылығы жылына 400 мың тонна (құс етін есептемегенде) және жүктемесі 54% болатын 210 ет өңдеуші кәсіпорын жұмыс істейді. Салқындатылған ет нарығы 101% – ға, шұжық өнімдері 60% – ға, консервіленген ет өнімдері 28% - ға қамтамасыз етілген.Теріні өңдеумен 9 кәсіпорын айналысады, жүн өңдеумен - 13. Теріден желатин және жемшөп қоспаларын өндіруді дамыту, сондай-ақ өрескел және жартылай өрескел жүнді қайта өңдеу кәсіпорындарын ашу жоспарлануда. Алматы қаласында қуаттылығы 7 мың тонна желатин өндіру бойынша бір жоба, СҚО мен Алматы облысында жемшөп қоспаларын өндіру бойынша екі жоба іске асырылды.2024 жылдың 9 айында азық-түлік өндірісі 2,4 трлн.теңге құрады. (2023 жылдың сәйкес кезеңімен салыстырғанда 0,8% - ға өсім). Бірқатар сүт өнімдері, қант және өсімдік майы өндірісінің өсуі байқалады.Үкімет 2028 жылға қарай азық-түлік өнімдерін өндіру көлемін 1,4 есеге ұлғайтуға және ауыл шаруашылығы өнімдерін қайта өңдеу үлесін 70% - ға дейін жеткізуге бағытталған ауыл шаруашылығы өнімдерін қайта өңдеуді дамытудың 2024-2028 жылдарға арналған кешенді жоспарын бекітті.Ауыл шаруашылығы өнімдерін қайта өңдеу өнеркәсібін дамыту және елдің азық-түлік қауіпсіздігін қамтамасыз ету бойынша белсенді жұмыс жалғасуда.Ақпарат көзі : https://www.gov.kz/memleket/entities/moa/press/news/details/879047

Ауа райының күрделілігіне байланысты ТЖМ бөлімшелері күшейтілген режимде жұмыс істеуде. Құтқарушылар елдегі барлық төтенше жағдайларға тәулік бойы жедел әрекет етеді. Бір тәулік ішінде ТЖМ күштері 35 адамды, оның ішінде 7 баланы құтқарып, эвакуациялады. 34 өрт пен жану оқиғасы сөндірілді, 98 авариялық-құтқару және іздестіру жұмыстары жүргізілді. Ауа райының нашарлауына байланысты республикалық және облыстық маңызы бар автожолдарда автокөліктің барлық түрлері үшін қозғалысқа шектеу енгізілді. Ақтөбе облысында ТЖД күштері қар құрсауынан 12 адамды олардың ішінде 4 баланы құтқарып, эвакуациялады, оларды қауіпсіз жерге жеткізді. Өңірдің 7 облысында авариялық-құтқару және іздестіру-құтқару жұмыстары сәтті аяқталды.ҚР ТЖМ Жедел басқару және стратегиялық жоспарлау командалық орталығында тәулік ішінде ақпараттық сипаттағы 16 қоңырау түскен 8 (7172) 70-41-14 жедел желісінің телефоны ашылды. ТЖМ еске салады: төтенше жағдайларды болдырмау үшін, бірінші кезекте, ауа райының өзгеруін, метеорологиялық мәліметтерді, ауа райының нашарлауы туралы арнайы хабарламаларды, жолдардың жабылуы, дауылды ескертулерді ұдайы қадағалап отыру қажет. ТЖМ дауылды ескертулер кезінде алыс сапарға шықпауды, алыс қашықтыққа жаяу барудан бас тартуды ұсынады. Өртті болдырмау үшін жылыту жүйелерінің, электр жабдықтарының жарамдылығын қадағалап отырыңыз, пешті қыздырмаңыз және электр жүйесіне қуаттылығы жоғары аспаптарды бір мезгілде қосуды артық жүктемеңіз.Ақпарат көзі : https://www.gov.kz/memleket/entities/emer/press/news/details/878969

Қазан қаласындағы жұмыс сапары аясында Абай облысының делегациясы Ресейдегі жетекші технопарктердің бірі Башир Рамеев атындағы IT-саябақта болды. Қазан Татарстан мен Ресейдің маңызды ғылыми орталығы ретінде танымал. Бүгінде цифрлық технологиялар мен инновациялар саласындағы тәжірибе алмасу орнына айналды.Қазан қаласындағы ІТ-саябақ ақпараттық-коммуникациялық технологияларды дамытудың бірегей алаңы. Қазан және Челна жағалауы қалаларындағы үш ірі кешеннің жалпы ауданы 105 мың шаршы метрді құрайды және желіге 21 муниципалды филиал кіреді. Техносаябақ тұрғындарға дата- орталығын, бизнес-инкубаторды, IT академиясын, коворкингтерді, тіпті мамандандырылған тұрғын және жұмыс орындарын қоса алғанда, кең ауқымды қызметтер мен инфрақұрылымға қол жеткізуді қамтамасыз етеді.2023 жылы IT-саябақ 700-ге жуық делегацияны қабылдады. Олардың арасында Тәжікстан, Өзбекстандағы жоғары биліктің өкілдері және Сенегал Республикасының Президенті болды. IT-саябақ БАӘ, Қазақстан және басқа елдердің компанияларымен халықаралық ынтымақтастық пен іскерлік серіктестікті белсенді түрде дамытып келеді. Цифрлық шешімдерін ілгерілету үшін шетелдік бизнес миссияларын ұйымдастырады.Технопарктің негізгі мақсаттарының бірі – Татарстанның әр ауданында филиалдар ашу. 2024 жылға дейін 21 муниципалды кеңсе ашылды, оның ішінде Лениногор, Менделеевск және басқа аудандарда жаңа филиалдар жұмысын бастады. Мұндай қадамдар тұрғындарды бір экожүйеге біріктіре отырып, IT бастамалардың республика бойынша таралуына ықпал етеді.Сапар барысында облыс әкімінің орынбасары Жасұлан Сәрсебаев бастаған Абай облысының делегациясы мен бизнес өкілдері IT-саябақ басшылығымен кездесіп, өңірдің цифрлық секторын одан әрі дамыту үшін қолдануға болатын озық технологиялар мен тәжірибелерді талқылады.Ақпарат көзі : https://www.gov.kz/memleket/entities/abay/press/news/details/878960

Жетісу облысында кәсіпкерлік қызметті мемлекеттік қолдау тек шағын және орта бизнесті дамытуға ғана көмектесіп қоймай, сонымен қатар халықтың денсаулығын нығайтуға үлес қосып келеді. Мәселен, 5 млн. теңгелік грантты қолдаудың арқасында Талдықорған қаласы тұрғындарының бірі оңалту орталығына арналған құрал-жабдықтар сатып алса, тағы біреуі ерекше білім беруді қажет ететін балаларға арналған түзету орталығын ашқан, - деді Жетісу облысы әкімінің баспасөз қызметі.- Екі жыл бұрын мен 2021-2025 жылдарға арналған кәсіпкерлікті дамыту жөніндегі Ұлттық жоба шеңберінде грант алдым. Соның арқасына балаларға арналған түзету орталығына керекті түрлі тренажерлар мен медициналық аппаратуралар сатып алдық. Орталық ашу туралы ойлағанымда, бірінші кезекте адамдарға пайдам тисе деген ой болды. Сондықтан балаларға арналған түзету орталығын ашу туралы шешім қабылдадым. Сөйтіп биылғы жылдың қыркүйек айында Талдықорғанда біздің түзету лрталығымыз, дамыту мен қосымша орталықтарымыз өз жұмыстарын бастады. Біздің қызметіміздің мақсаты – психофизикалық дамуы жағынан бұзылысы бар балаларға психологиялық-педагогикалық кешенді көмек көрсету. Біз баланың белсенді-интеллекуалды, сөйлеу, эмоционалды статусы өзгертуге көмектесеміз, бар балаға теңдей жағдай жасай отырып, оларды қатарластарымен араласуға, өз-өзіне қымет көрсетуге үйретеміз, - дейді «Балажан» жекеменшік түзету орталығының директоры Лаура Дәркенбаева.Оның айтуынша, орталықта балалармен жүргізілетін коррекциялы-дамыту жұмыстарын педагог-психолог, дефектолог мұғалім, логопед мұғалім, сурет мұғалімі, емдік дене шынықтыру нұсқаушысы, музыкалық жетекші сияқты дипломы бар білікті мамандар атқарады. Түзету жұмыстарының ұзақтығы әр балаға жеке белгіеніп, жеке оқу жоспары жасалады.Жалпы орталықта 15 адам жұмыс істейді.Көмекті қажет ететін адамдарға мемлекеттік грантпен ашылған жекеменшік оңалту орталығы да үлкен ықпал етуде. Өткен жылы 500-гу жуық адам осында оңалтудан өтсе, жылдың басынан бері олардың саны 700-ге жеткен. Солардың ішінде Шығыс Қазақстан мен Алматы өңірлерінен келген паценттер де бар. Ал орталық қызметкерлерінің саны 2 есеге, яғни 16-дан 32-ге артты.- 2022 жылдың соңында "Бастау Бизнес" желісімен оқудан өттім, кейін кәсіпкерлікті дамыту жөніндегі Ұлттық жобаның аясында өз жобамды таныстырып, 5 млн. теңге грант ұтып алдым. Осы ақшаға ресейлік "Левитас" арнайы құрылғысын, Польшадан жүру имитаторын сатып алдым. Инсульт, инфаркт алған, жол апаттарына түскен адамдар МӘМС жүйесімен қазір біздің орталықта оңалтудың толық курсынан өтуде. Заманауи озық диагностикалық құралдарымыз бар. МӘМС аясында тегін оңалтумен қатар, коммерциялық негізде қызмет көрсетеміз. Бұл ретте біздің оңалту орталығы-Талдықорғанда тәулік бойы қызмет көрсететін жалғыз орталық, - деді «Мейірім» оңалту орталығының директоры Ерасыл Еділханұлы.Медициналық орталықта пациенттер денсаулық жағдайына қарай стационарда 10-14 күн көлемінде емделеді. Орталыққа күнделікті 60 адам қабылдай аламыз.Орталықтағы пациенттердің бірі Төлеген Есімбеков нысан ашылғаннан бері ем қабылдап жүр. - Өткен жылы инсульт алғаннан кейін аяқ-қолым жұмыс істемей қалды. Сонда осы оңалту орталығына ем алуға келдім. Қазір өзімді жақсы сезінемін. Мені аяғымнан тұрғызды деуге болады. Әр үш айда толық курстан өтемін, массаж аламын, емдік дәрі-дәрмек ішемін. Бәрі МӘМС аясында тегін. Орталықта бес рет тамақ беріледі. Мұндағы білікті мамандар әр пациентке ерекше қарайды, - дейді ақсулық зейнеткер.Орталықтың болашағы туралы айтқанда, кәсіпкер алдағы уақытта тәулігіне 24 сағат бойы үздіксіз күтімді қажет ететін ауыр жағдайдағы пациенттер үшін паллиативті төсектен сатып алу жоспары бар екенін айтады. Атап өтсек, жалпы өңірде түрлі 7 оңалту орталығы жұмыс істейді, соның 5-еуі - мемлекеттік, 2-еуі - жекеменшік, соның бірі - "Мейірім" медициналық оңалту орталығы.Атап өтсек, бизнесті дамытудың 2022-2023 жылдарға арналған мемлекеттік қолдау шаралары аясында Жетісу облысында жалпы сомасы 680 млн. теңгелік 142 жоба мақұлданды. Биыл әлеуметтік кәсіпкерлік пен "Бір ауыл - бір өнім" жобасының жеңімпаздарына мемлекеттік грант беру қарастырылған. Осы мақсаттарға жергілікті бюджеттен 170,0 млн. теңге бөлінді. Конкурс осы жылдың қараша айына өткізіледі деп жоспарланған.Жалпы өңірде алты айда шағын және орта бизнесте жұмыс істейтін адамдардың саны 104,7 мың немесе 2023 жылмен салыстырғанда 95,2%. ШОБ жалпы өңірлік өнімдегі үлесі - 33,2%. Жетісу облысы әкімінің баспасөз қызметіАқпарат көзі : https://www.gov.kz/memleket/entities/zhetysu-oblysy/press/news/details/878946

2013 жылы жергілікті атқарушы органның қаулысымен ЖШС-ке синтетикалық жіп және микрофибрадан және басқа да тоқыма материалдарынан жасалған бұйымдар шығаратын зауыт салу үшін ауданы 2,0 га жер учаскесін берді.Алайда, ҚР АШМ Жер ресурстарын басқару комитетінің Шымкент қалалық департаменті жүргізген жоспардан тыс тексеру барысында учаскенің нысаналы мақсаты бойынша пайдаланылмайтыны анықталды.Департамент ҚР Жер заңнамасының талаптарын бұзушылықтарды жою қажеттігі туралы ұйғарым берді.Нұсқаманың орындалмауына байланысты жер учаскесін мәжбүрлеп алып қою туралы сотқа талап арыз берілді.Мамандандырылған ауданаралық экономикалық сот кадастрлық құны 70 млн. теңге болатын жер учаскесін мемлекет меншігіне қайтару туралы шешім шығарды.Ақпарат көзі : https://www.gov.kz/memleket/entities/moa/press/news/details/878908

Видеоны қараңыз! Қазақстан ТЖМ өз автопаркін белсенді түрде жаңартып, құтқару қызметтері үшін жаңа жылдам әрекет ететін көліктер сатып алуда. Бұл жолы құтқарушыларға қазіргі заманғы жол талғамайтын көліктер берілді, олар төтенше жағдайлар кезінде түрлі тапсырмаларды орындау үшін қолданылады. Жылдам әрекет ететін көлік — бұл арнайы жабдықталған техника, құтқарушыларды оқиға орнына дереу жеткізуге арналған. Бұл көліктер мобильділікке, жүріп өту қабілетіне және қуаттылыққа қойылатын ең жоғары талаптарға жауап береді, сондықтан олар басқа көліктер жүре алмайтын жерлерге жете алады. Олар ауа райы мен жолдардың жағдайына қарамастан еліміздің кез келген нүктесіне жылдам жете алады. Жаңа жол талғамайтын көліктер азаматтардың қауіпсіздігін қамтамасыз ету және төтенше жағдайлар салдарын жою бойынша маңызды міндеттерді шешетін болады:Табиғи апаттар, техногендік оқиғалар және басқа да төтенше жағдайлар кезінде адамдарды жедел құтқару;Өрт сөндіру және су тасқыны мен басқа да апаттардың салдарын жою;Құтқару және өрт сөндіру жабдықтарын ең шалғай және қол жетімділігі төмен аймақтарға жеткізу. Қазақстан ТЖМ басшылығы сатып алынатын техниканың сапасы мен сенімділігіне ерекше назар аударады. Автопаркті үнемі жаңартып отыру — бұл құтқарушылардың жұмыс жағдайларын жақсарту ғана емес, сондай-ақ олардың төтенше жағдайлардағы әрекет ету жылдамдығы мен тиімділігін арттыру. Біз өмірлерді құтқару үшін тек кәсібилік емес, сонымен қатар қазіргі заманғы, жоғары сапалы жабдық болуы керек екенін түсінеміз, бұл құтқарушыларға ең күрделі жағдайларда тапсырмаларды орындауға көмектеседі. Сапалы техникаға деген сұраныс — бұл тек талап емес, бұл біздің азаматтар алдындағы жауапкершілігіміз және өз өмірлерін басқалардың өмірін құтқару үшін қатерге тіккен құтқарушылар алдындағы жауапкершілігіміз. Қазақстан ТЖМ басшылығы тек сынақтан өткен және жоғары сапалы техниканы сатып алуды жалғастырады, сондықтан құтқарушылар әрқашан жылдам әрекет ету үшін ең жақсы құралдарға ие болады. Жаңа көліктер — жаңа құтқару мүмкіндіктері! Ақпарат көзі : https://www.gov.kz/memleket/entities/emer/press/news/details/878895

Астанада боччадан Қазақстан Республикасы Кубогінің жеңімпаздары мен жүлдегерлерін марапаттау рәсімі өтті, деп хабарлайды елорда әкімдігінің ресми сайты.Дүбірлі додада еліміздің 14 өңірінен 86 параспортшы бақ сынады. Олардың қатарында Астана қаласының 13 спортшысы өнер көрсетті.Ел Кубогінің марапаттау рәсімінде ҚР Парламенті Сенатының төрағасы, Қазақстан бочча федерациясының президенті Мәулен Әшімбаев пен Астана қаласы әкімінің орынбасары Ерік Мейірханов жарыс жеңімпаздарын марапаттады.Боччадан Қазақстан Кубогі жолындағы сайыстың нәтижесінде жеңімпаздар ересектер мен жасөспірімдер арасында төрт дәреже бойынша анықталды.Жалпыкомандалық есепте Астана қаласының командасы жеңіске жетті. Екінші орын Алматы қаласынан келген ұжымға бұйырса, үздік үштікті Павлодар облысының спортшылары түйіндеді.Айта кетсек, бочча – негізінен доп ойыны. Яғни тірек-қозғалыс аппаратының ең ауыр бұзылыстары бар балалар мен ересектерге өзін-өзі жетілдіруге мүмкіндік беретін бірнеше паралимпиадалық спорт түрінің бірі. Елімізде бочча федерациясы 2021 жылы мүмкіндігі шектеулі балаларды тәрбиелеп отырған ата-аналар мен «Тең мүмкіндіктер әлемі» қоғамдық қоры жаттықтырушыларының бастамасымен құрылған.Ақпарат көзі : https://www.gov.kz/memleket/entities/astana/press/news/details/878739

Ауа райының нашарлауына байланысты екінші ауысымның 0-9-сынып оқушылары үшін сабақтар қашықтан оқыту форматына көшеді, деп хабарлайды Астана әкімдігінің ресми сайты."Астана қаласының білім басқармасы 2024 жылдың 7 қарашасында ауа райының нашарлауына байланысты екінші ауысымның 0-9-сынып оқушылары үшін қала мектептерінде сабақтар қашықтан оқыту форматына ауысатынын хабарлайды", - деп хабарлады Білім басқармасы.Ақпарат көзі : https://www.gov.kz/memleket/entities/astana/press/news/details/878780

Бүгінгі күні Ақмола облысындағы астық қабылдау кәсіпорындары тәулік бойы жұмыс істеп, астық қабылдауда. Облыс әкімінің тапсырмасымен өңірде астық жинау жұмыстарын үйлестіру мақсатында облыстық штаб құрылды. Штабтың басты міндеті — астық жинау науқанының барысын үнемі бақылауда ұстау, астық қабылдау кәсіпорындарының жұмысын қадағалау, астықты қабылдау мен кептірудің үздіксіз жұмысын қамтамасыз ету.«Жинау кезеңінде жауған мол жауын-шашын аграрийлерге жаңа өнімді сақтауды мұқият іске асыру қажеттілігін туындатты. Қазіргі уақытта 66 лицензияланған астық қабылдау кәсіпорындары, 1510 ауыл шаруашылығы құрылымдарының қоймалары және жалпы сақтау көлемі 7,2 млн тонна болатын 122 астық кептіргіштері іске қосылған. Бүгінгі күні элеваторларда шамамен 3 млн тонна астық бар. Сондай-ақ жергілікті ауыл шаруашылығы тауар өндірушілері астықтың сақталуына қолдау көрсетуде», — деді Ауыл шаруашылығы және жер қатынастары басқармасының басшысы Кенеш Әлімжанов.Қосымша ауыл шаруашылығы тауар өндірушілері 500 мың тонна астықты сақтау үшін 2,5 мыңнан астам астық қаптарын пайдалануда.Айта кету керек, 2024 жылы өңірдегі егістік алқабының жалпы ауданы 5,4 миллион гектарды құрады, оның ішінде 4,7 миллион гектары дәнді және дәнді-бұршақты дақылдар, 269 мың гектары майлы дақылдар, 421 мың гектары мал азығы дақылдары, 2,4 мың гектары картоп және 1,4 мың гектары көкөніс дақылдарына бөлінген.Сондай-ақ, облыс аграрийлері минералды тыңайтқыштарды және элиталық тұқымдарды қолдануды едәуір арттырғанын атап өткен жөн. Жинау науқанының қорытындысы бойынша гектарына 14,1 центнерден орташа өнімділікпен 6,6 млн тонна рекордтық астық жиналды. Бұл көрсеткіш аграрлық жұмыстың тиімділігін және егіннің жоғары шығымын растайды.Ақпарат көзі : https://www.gov.kz/memleket/entities/aqmola/press/news/details/878700

Deere & Company (John Deere), Eurasia Group және «Бәйтерек» холдингі John Deere-дің Қазақстандағы жергілікті қатысуын құрастыру ынтымақтастығы арқылы кеңейтуге бағытталған меморандумға қол қойды.Бұл стратегиялық әріптестік инновацияларды ынталандыруға, жергілікті өндірістік қуаттарды нығайтуға, елдің тұрақты экономикалық өсуіне ықпал етуге арналған және озық технологияларды енгізуге, цифрлық трансформацияға және ауыл шаруашылығында, Қазақстан өнеркәсібінде тиімділікті арттыруға бағытталатын болады.«Озық технологияларды пайдалана отырып және білім алмасуды қолдай отырып, біз экономикаға да, жергілікті халыққа да пайда әкелетін тұрақты өсудің негізін қалаймыз», – John Deere-дің ТМД және Орталық Азия бойынша «Ауыл шаруашылығы және көгалдар» бағытындағы президенті Чаба Лейко..John Deere, Eurasia Group және «Бәйтерек» холдингі арасындағы серіктестік жаңа жұмыс орындарын құруға, Қазақстанның экономикалық тәуелсіздігін нығайтуға және ауыл шаруашылығы саласын орнықты дамытуға ықпал етеді.Бұл келісім қатысушылардың Қазақстанның бәсекеге қабілеттілігін арттыру және оның Орталық Азияның ауыл шаруашылығы мен өнеркәсібіндегі көшбасшылық позициясын нығайту жөніндегі жалпы мақсатын атап көрсетеді.Ақпарат көзі : https://www.gov.kz/memleket/entities/moa/press/news/details/878748

Қазақстан Республикасы Туризм және спорт министрлігінің Спорт және дене шынықтыру істері комитеті 2024 жылдың 1 желтоқсанына дейін спорт тақырыбына маманданған БАҚ өкілдері арасында белгілі қаламгер, көрнекті көсемсөз шебері, қазақ спорт журналистикасының негізін қалаушы Сейдахмет Бердіқұлов атындағы дәстүрлі байқауға материалдар қабылдау басталғанын хабарлайды.Конкурс жыл сайын желтоқсан айының екінші жартысында үш номинация бойынша өткізіледі:1. «Үздік спорттық телевизиялық репортаж»;2. «Үздік спорттық жарияланым»;3. «Үздік спорттық фоторепортаж». Өтініштер мен мақалалар Астана қаласы, Мәңгілік ел көшесі, 8 үй, 6 қабат, Спорт және дене шынықтыру істері комитетінің баспасөз қызметіне немесе sportpress86@mail.ru электрондық поштасы арқылы («2024 жылғы С. Бердіқұлов атындағы байқауға» деген белгімен) қабылданады.Қабылдау мерзімі – 2024 жылдың 1 желтоқсанына дейін.Дереккөз: ҚР Туризм және спорт министрлігінің ресми сайтыС. Бердіқұлов атындағы «Үздік спорт журналисі» байқауына өтінімдер қабылдау басталдыАқпарат көзі : https://www.gov.kz/memleket/entities/zhetysu-oblysy/press/news/details/878694