Татарстан Республикасының Премьер-Министрінің орынбасары – Ауыл шаруашылығы және азық-түлік министрі Марат Зяббаров бастаған делегация облысымыздағы бірнеше шаруашылықты аралады. Алғашқы ат басын тіреген Жаңасемей ауданындағы «Агрофирма Приречное» ЖШС бүгінде ірі қара мал өсіру, көкөністерді өндіру, сату, өңдеу және сақтаумен айналысатын ірі кәсіпорын. Шаруашылық «Қазақ ақбас тұқымының республикалық палатасы» және «Әулиекөл тұқымы бойынша республикалық палатасының» мүшесі.100-ден астам адамды жұмыспен қамтып отырған шаруашылық картоп өндірісі бойынша тұқым шаруашылығы, етті бағыттағы қазақтың ақбас тұқымды асыл тұқымды мал өсіру жөніндегі зауыт мәртебесіне ие.Сонымен қатар, өңіріміздегі егістік алқапты жаңбырлатып суғару әдісін енгізген алғашқылардың бірі. Бүгінде иеліктерінде 28 жаңбырлатқыш машина бар. Оның 19 -ы «Фрегат» жаңбырлатқыш машинасы, 2 - «Zimmatik» айналмалы суару қондырғысы, 3 - Рейнке айналмалы суару машинасы, 4 - «Valley» жаңбырлатқыш қондырғысы. Сыйымдылығы 14,0 мың тоннаға 7 картоп-көкөніс қоймасы бар.1993 жылы құрылғаннан бері кәсіпорында 12 инвестициялық жоба іске асырылды. Ағымдағы жылда 10 мың басқа арналған бордақылау алаңын салу жоспарлануда.Қазандық қонақтар аялдаған тағы бір шаруашылық Бородулиха ауданында орналасқан «Лазарев и К» ЖШС асыл тұқымды шаруа қожалығы қазақтың ақбас тұқымды ірі қара малын өсірумен айналысады. Шаруашылық мал тұқымын жақсарту бойынша жұмыс жүргізіп, селекциялық қызмет атқарады. Жетістіктерінің бірі - аналық малдың «Элита рекорды» санатын алу. Кәсіпорында күнбағыс тұқымын қайта өңдеу бойынша экстракциялық желісі (қуаттылығы 12,5 мың тонна), сондай-ақ ара өсіру бойынша асыл тұқымды шаруашылық мәртебесі бар.Ал аудандағы «Зенковское» ЖШС дәнді, дәнді-бұршақты және майлы дақылдарды және ірі қара мал өсірумен айналысады. Шаруа қожалық қазақтың ақбас тұқымды бұқаларын қолдана отырып, ірі қара малдың селекциялық-асыл тұқымдық жұмысын жүргізеді.«Автоматтандыру, цифрландыру және мал басын қатаң есепке алу – бүгінде қалыптасқан үрдіс қана емес, қажеттілік. Бұл бордақылауды қадағалаудың тиімділігін арттырып қана қоймай, ветеринарлық қауіпсіздік тұрғысында да маңызды рөл атқарады. Біздің бағытымыз бір, тәжірибе алмасу, серіктестік, жаңа технологияларды енгізу – сүт және ет шаруашылығы дамуының кепілі. Ет нарығына сұраныс жоғарылап келеді, біз мұны қолдап, бірлескен жобалар мен инновациялық тәсілдер арқылы ары қарай дамытуымыз қажет» деді Татарстан Республикасының Премьер-Министрінің орынбасары – Ауыл шаруашылығы және азық-түлік министрі Марат Зяббаров.Ақпарат көзі : https://www.gov.kz/memleket/entities/abay/press/news/details/926800

Бүгін Абайдың «Жидебай-Бөрілі» мемлекеттік музей-қорығында Абай Құнанбайұлының 180 жылдық мерейтойына арналған шаралар басталды.Биыл ақынның мерейтойы және Абай музейінің 85 жылдығы қатар келіп отыр.Осыған орай Абай музейінде «Абай әлемдік ойдың алыбы» мәдени-танымдық шарасы және «Абай бейнелеу өнерінде» тақырыбында көрме өтті.Шараға зиялы қауым өкілдері мен мәдениет және өнер мекемелерінің қызметкерлері қатысты.Абай облысы әкімінің орынбасары Жасұлан Сәрсебаев мерейтой өңірде лайықты деңгейде аталып өтілетінін тілге тиек етті.«Біздің аймақ үшін Абайдың орны бөлек. Облысымыз ұлы ақынның есімін иеленгендіктен бұл мерейтой лайықты деңгейде өтетін болады. Мәдени-рухани және танымдық шараларға басымдық беріледі. Сонымен қатар, Италияда Абайдың ескерткішін ашу жоспарланып отыр», - деді ол.Сондай-ақ, шара барысында Абай әндері шырқалып, Абай атындағы музыкалы-драма театрының «Жаза-Наза» трагедиясынан үзінді көпшілік назарына ұсынылды.Ақпарат көзі : https://www.gov.kz/memleket/entities/abay/press/news/details/927029

Құрамында Татарстан Республикасы министрлігінің өкілдері, ауылдық кооперацияны дамыту жөніндегі мамандар, республиканың жетекші қайта өңдеу кәсіпорындарының басшылары кірген меймандар «АРАЙ-EAST FOOD» ЖШС «Халал» стандартына сәйкес шұжық өнімдері мен ет деликатестерін өндірумен айналысатын ет комбинатына да барды.«Қазіргі таңда елімізде жылқы шаруашылығы жақсы дамып келеді. Жылқы саны да көп. Тек етті өткізуде ғана мәселелер бар. Татарстандық әріптестеріміз жылқы шаруашылығына қызығушылық танытып жатыр. Біздің түпкі мақсатымыз – Қазақстанның сапалы ет өнімін экспортқа шығару. Мал соятын пункттеріміз дайын. Егер Татарстан тарапынан сұраныс болса, тиісті меморандумдарға қол қоятын болсақ, жылқы мен сиыр етін экспорттауға дайынбыз» деді «Мәуліт» шаруа қожалығының жетекшісі, облыстық мәслихат депутаты Қайырлы Хасенов.Кәсіпорын 100-ден астам қайнатылған және ысталған шұжық және өзге де шұжық өнімдері түрлерін шығарады. Зауытта инновациялық жабдықтары бар орау желісі және үш өндірістік цех жұмыс істейді. Былтыр «АРАЙ-EAST FOOD» ЖШС базасында шұжық өнімдерін өндіру бойынша қосымша желі пайдалануға берілді. Қуаты жылына 1,8 мың тонна дайын өнім шығаруына жеткізілді.Ақпарат көзі : https://www.gov.kz/memleket/entities/abay/press/news/details/927042

Бүгін Ақтөбе қаласының №56 жалпы білім беретін орта мектебінде қайта өңделген экологиялық таза материалдардан бұйымдар жасау бойынша шара өтті.«Тұрмыстық қалдықтарға екінші өмір сыйла» шарасының негізгі мақсаты – оқушылар арасында тұрмыстық қалдықтарды қайта өңдеудің және қайта өңделген материалдардан экологиялық таза бұйымдар жасаудың маңыздылығы туралы хабардарлығын арттыру.Сонымен қатар, байқау «Таза Қазақстан» жалпыұлттық бағдарламасында белгіленген әлеуметтік міндеттерді шешуге өскелең ұрпақты белсенді тартуға бағытталған.Байқауға Ақтөбе қаласының 52 мектебінен 8-11 сынып оқушылары қатысты. 90 оқушы ұсынған 24 топтық және 28 жеке жұмыс ұсынылды. Оқушылардың жобаларына мұғалімдер, психологтар және экобелсенділерден құралған қазылар алқасы бағасын берді. «Тұрмыстық қалдықтарды қайта өңдеу - бұл жай ғана сән үрдісі емес, болашағымызбен тығыз байланысты саналы қажеттілік. Экологиялық сананы қалыптастыру - бұл бір реттік акция емес, тұрақты жұмыс. Біздің педагог ретінде міндетіміз – балаларды экологиялық ойлауға шабыттандыру, олардың әр қадамы маңызды екенін көрсету. Тек бірлескен күш-жігермен ғана біз Отанымыз – Қазақстанды бағалайтын әрі қорғауға дайын ұрпақ тәрбиелей аламыз», - деп атап өтті №40 орта мектебі биология пәнінің мұғалімі Фарида Сүйін.Сондай-ақ, байқауға қатысушылардың бірі №1 орта мектептің 8 «В» сынып оқушысы Кристина Созинова өз әсерлерімен бөлісті.«Біздің команда тұрмыстық қалдықтарды қайта өңдеу тақырыбын таңдады, өйткені бұл – табиғат үшін өте маңызды мәселе. Біз қоқыстың қоршаған ортаны қалай ластайтынын жиі көреміз және оны азайту үшін не істей алатынымыз туралы ойладық. Мен бұл байқауға қатысуға қатты қызығушылық таныттым, өйткені экологияға қамқорлық жасаудың қаншалықты маңызды екенін білдім. Менің ойымша, әрқайсысымыз кішкентай бір нәрседен бастасақ, табиғатқа көмектесе аламыз деп ойлаймын», - дейді ол.Байқау қорытындысы бойынша қазылар алқасы ең үздік және ең креативті жобаларды атап өтті. Жеңімпаздарға бағалы сыйлықтар табысталды.Іс-шара соңында қатысушылар мен олардың мұғалімдері мұндай жобалар экологиялық жағдайды жақсартуға ғана емес, жауапкершілік пен ынтымақ сезімін нығайтуға ықпал ететінін алға тартты. Бүгінгі шара басқаларды экологиялық бастамаларға белсенді қатысуға шабыттандыратынына және мұндай іс-шаралар жақсы дәстүрге айналатынына сенім білдірді.Ақпарат көзі : https://www.gov.kz/memleket/entities/aktobe/press/news/details/926752

Су ресурстары және ирригация министрлігі жыл соңына дейін су ресурстары бойынша ақпараттық жүйе әзірлеуді жоспарлап отыр. Бұл жүйеге Қазақстан аумағында 17 736 өзен мен 2 949 шағын көл, Каспий және Арал теңіздерінің шекарасы, 8 су шаруашылығы бассейні мен 77 су шаруашылығы учаскесі, 377 магистральды канал, 56 тоған, 297 су қоймасы және 548 бөгет цифрландырылып, енгізілетін болады.Аталған жұмысқа Су ресурстары және ирригация министрлігінің ведомстволық бағынысты ұйымы – Су ресурстарының ақпараттық-талдау орталығы да тартылып отыр. Мекеме су шаруашылығы саласындағы барлық деректерді жинау және өңдеу, қысқа және ұзақ мерзімді болжам, модельдеу және басқа да жұмыстармен айналысатын болады.Әзірленіп жатқан ақпараттық жүйе су шаруашылығын басқаруды жаңғыртуға, су ресурстарын пайдалану тиімділігін арттыруға және болжам жасауға мүмкіндік береді, сондай-ақ олардың ағымдағы жай-күйіне мониторинг жүргізеді. Жүйенің негізгі міндеті - су ресурстарын пайдалану мен қорғауға байланысты шешімдер қабылдау кезінде ашықтықты, автоматтандыру және талдауды қамтамасыз ету.«Жүйені енгізу су ресурстарын есепке алу және басқару үшін бірыңғай цифрлық платформа құруға, оларды пайдаланудың ашықтығы мен тиімділігін арттыруға, сондай-ақ төтенше жағдайдың алдын алу үшін неғұрлым сапалы талдау мен болжам жасауға мүмкіндік береді. Бүгінгі таңда суды есепке алу және су ресурстарының ағымдағы жай-күйін жедел мониторинг жасау үшін модульдерді әзірлеу аяқталуда. Бұл жұмыс аяқталғаннан кейін жүйені сынақтан өткізу және пайдаланушыларды оқыту жоспарлануда»,- деді Су ресурстары және ирригация вице-министрі Аслан Абдраимов.Ақпарат көзі : https://www.gov.kz/memleket/entities/water/press/news/details/926200

«Агроөнеркәсіп кешені экономикадағы басты қозғаушы күштің біріне айналуға тиіс. Бизнес те, мемлекет те осыған мүдделі. Бұл, ең алдымен, азық-түлік қауіпсіздігін қамтамасыз ету тұрғысынан маңызды. Ауылдағы ағайынның тұрмысы да осы салаға тікелей байланысты», - Президент Қасым-Жомарт Тоқаев.2024 жылы Мемлекет басшысының тапсырмасы бойынша саланың жыл сайынғы жеткіліксіз қаржыландыру мәселесі шешілді.Көктемгі егіс, егін жинау жұмыстарына және ауыл шаруашылық техникасының лизингіне қомақты қаражат бөлінді. Алғаш рет жеңілдетілген несиелендіру көлемі жылдық 5%-бен 580 млрд теңгеге дейін жеткізілді, ал өткен жылдары бұл көлем 160 млрд теңгеден аспады. Қабылданған шаралар фермерлерге барлық қажетті агротехникалық шараларды толық көлемде өткізуге мүмкіндік берді. Пайдаланатын элиталық тұқымдардың үлесі 7,1%-дан 9%-ға дейін өсті.Қарыз алушылардың 90%-ын шағын және орта шаруашылықтар құрайды. Олар дамуға қажетті ресурстарға ие болды.Нәтижесінде 2024 жылы Қазақстан соңғы 13 жылда алғаш рет дәнді және бұршақты дақылдардан 26,7 млн тонна өнім жинады. Өсімдік шаруашылығындағы өндіріс көлемі 21,1%-ға және мал шаруашылығында 3,2%-ға өсуі ауыл шаруашылығының жалпы өнімінің 13,7%-ға ұлғаюына ықпал етіп, 8,3 трлн теңгені құрады.Бүгінде Қазақстанның агроөнеркәсіптік кешені 1,1 млн-нан астам адамды жұмыспен қамтамасыз етуде. Бұл 4 млн-нан астам азаматтың қаржылық әл-ауқатына тікелей әсер етеді. Ауыл шаруашылығы маңызды экономикалық секторға ғана емес әлеуметтік тұрақтылықтың негізгі факторына айналуда.«Қазақстанның стратегиялық мақсаты – Еуразия құрлығындағы басты аграрлық орталықтың біріне айналу. Осы мақсатқа қол жеткіземіз десек, ең алдымен, өнімді жоғары деңгейде өңдеуге көшуіміз қажет», - ҚР Президенті Қасым-Жомарт Тоқаев.2024 жылдың қорытындысы бойынша отандық азық-түлік өндірісі 3,2 трлн теңгені құрады, нақты көлем индексі 102,9% деңгейінде қалыптасты.Өңделген ауыл шаруашылық өнімдерінің үлесі 40%-ды құрады. Мемлекет басшысының қайта өңделген ауыл шаруашылығы өнімінің үлесін 70%-ға жеткізу жөніндегі тапсырмасын орындау үшін 2028 жылға дейін ауыл шаруашылық өнімін қайта өңдеуді дамыту жөніндегі кешенді жоспар бекітілді. Оның шеңберінде 2024 жылы 279,6 млрд теңге сомаға 286 жоба пайдалануға берілді. Өсімдік майы мен ұн өндірісін қоса алғанда, ішкі сұранысты қанағаттандыруға ғана емес, сонымен қатар экспорттық әлеуетті арттыруға мүмкіндік береді.Кешенді жоспар өңдеуші кәсіпорындарды қолжетімді шикізатпен қамтамасыз етуге және жеңілдетілген несиелер беруге бағытталған. Бұл өз кезегінде экономиканың өсуіне және халықтың әлеуметтік жағдайын жақсартуға ықпал ететін болады.2023 жылдың қорытындысы бойынша қабылданған шаралардың нәтижесінде 11 тауар түрі бойынша ішкі нарық 100%-ға (бидай ұны, тұз, нан, күріш, макарон, күнбағыс майы, картоп, қой еті, сиыр еті, сәбіз, қияр) қамтамасыз етілді. Ал 13 азық-түлік тауарлары бойынша қамтамасыз етілуі 80%-ды (тауық жұмыртқасы, жылқы еті, қызанақ, сүт, қарақұмық жармасы, қырыққабат, бұрыш, пияз, асхана қызылшасы, ашытылған сүт өнімдері, май, алма) құрайды.Импортқа тәуелділікті азайту мақсатында 2027 жылға дейін жалпы сомасы 2,1 трлн теңгені құрайтын 570 жобаны іске асыру жоспарланған. Бұл ауылдардағы әлеуметтік инфрақұрылымды жақсарту мен өмір сүру деңгейін көтеру үшін қосымша мүмкіндіктер береді.Соның ішінде мал шаруашылығы саласында – 152,1 млрд теңгеге 105 жоба, сүт-тауарлы фермалар салу бойынша – 263 млрд теңгеге 101 жоба, құс шаруашылығында – 397,7 млрд теңгеге 31 жоба, қайта өңдеу саласында – 582,6 млрд теңгеге 108 жоба жоспарланған.АӨК-ке инвестициялар тарту экономикалық өсуге ықпал етіп, ауылдық елді мекендерде инфрақұрылымды дамытуды ынталандырады.Астық өндірісі мен экспортын ұлғайту аграрлық сектор өкілдерінің табысын арттырады.Мемлекет басшысының ауыл шаруашылығының экспорттық әлеуетін нығайту туралы тапсырмасы шеңберінде дәстүрлі өткізу нарықтарын сақтау, экспортты әртараптандыру бойынша жұмыстар жалғасуда.Қазақстан өңірдегі астықтың ірі экспорттаушысы және жыл сайын шамамен 8-9 млн тонна астық экспорттайды. Оның 6,5-7,5 млн тоннасы бидай құрайды. 2024 жылы 8,1 млн тонна экспортталды.Орталық Азия елдері, Ауғанстан, Қытай, Түркия, Иран, Италия сияқты дәстүрлі нарықтар, барлығы 24 ел. Иран мен Әзірбайжанға жөнелтулер жандандырылды.Мемлекеттік саясаттың маңызды қадамдарының бірі - «Ауыл аманаты» бағдарламасы. Бағдарлама ауыл тұрғындарының өмір сүру деңгейін көтеруге арналған және жалпы әлеуметтік мультипликативті әсер береді: әрбір жаңа агрожоба жұмыссыздық деңгейін төмендетуге ықпал ете отырып, ауылда жаңа жұмыс орындарын ашады.Бағдарлама аясында 2023 жылдан бастап 16,4 мыңнан астам жұмыс орны құрылды.2024 жылы 744 жаңа жұмыс орнын құрумен 6,5 млрд теңгеге 580 микрокредит берілді. 3,6 млрд.теңгеге 145 ауыл шаруашылығы кооперативі қаржыландырылды.Азық-түлік қауіпсіздігі мен дәнді дақылдардың өнімділігі Қазақстан халқының экономикасы мен әл-ауқатына мультипликативті әсер етеді. Қайта өңдеу өнеркәсібінің, әлеуметтік саланың, халықаралық сауданың, ауыл шаруашылығы техникасын өндірудің дамуына серпін береді.Мемлекет елдің азық-түлік қауіпсіздігін қамтамасыз ету, еңбек өнімділігін, отандық өнімнің халықаралық нарықтардағы бәсекеге қабілеттілігін арттыру жөніндегі жұмысты жалғастыруда.Ақпарат көзі : https://www.gov.kz/memleket/entities/moa/press/news/details/926439

Ақпарат көзі : https://www.gov.kz/memleket/entities/adilet/press/news/details/926358

Мемлекет басшысы 2025 жылды «Жұмысшы мамандықтар жылы» етіп жариялады. Елордада осы бағытта түрлі шаруалар жүзеге асып келеді. Мәселен, Астана қаласы маңындағы №1 Индустриялық паркте орналасқан тігін өндірісімен айналысатын «ASTANA Ютария LTD» серіктестігі бар, деп хабарлайды елорда әкімдігінің ресми сайты.Тігін компаниясы бір жылда әр мамандыққа арналған 200 мың дана киім өндіруге қауқарлы.«Кеңсеге арналған классикалық үлгімен қатар, «Жұмысшы мамандықтар жылына» орай өндірістегі басшылық құрамның және жұмысшылардың жұмыс киімін тігеміз. Нақтырақ айтқанда, шахтер, мұнай-газ бен теміржол саласындағы жолсерік азаматтардың және дәнекерлеушілерге арналған арнайы топтамаларымыз бар. Бұлардың кейбірінде жаздық және қыстық үлгідегі нұсқасы қатар дайындалады», - деді компаниядағы өндіріс бөлімінің басшысы Дінайша Бектібаева.«Индустриялық парк – өз өнімдерін шығаруға, тұрақты жұмыс орындарын ашуға, қаланың дамуына жеке инвестициялар тартуға мүмкіндік беретін елорданың басты өндірістік алаңы. №1 Индустриялық парктің өнеркәсіптік нысандарының инвестициялық портфелі шамамен 121 жобаны қамтиды. Оның ішінде 67 жоба толыққанды жұмыс істеп,5 347-ден астам жұмыс орны ашылды», - дейді бас директордың технология және әзірлеме жөніндегі орынбасары Гүлнар Игембаева. Ақпарат көзі : https://www.gov.kz/memleket/entities/astana/press/news/details/925597

Елордада қар тазалау жұмысы жалғасып жатыр. Коммуналдық қызметтер тәулік бойы тоқтаусыз жұмыс істейді, деп хабарлайды Астана әкімдігінің ресми сайты.28 қаңтар күні таңертең елордада қар тазалауға 2 603 жол жұмысшысы мен 1 647 арнайы техника жұмылдырылды.28 қаңтарға қараған түні коммуналдық қызметтер қаладан 50 мың текше метрге жуық қарды 3 809 ауыр жүк рейсімен шығарды.Қыс мезгілі басталғаннан бері қаладан полигондарға 4,18 млн текше метрден астам қар 329 238 ауыр жүк рейсімен шығарылды.Ең алдымен, ережеге сәйкес, жолдарда кептеліс болмас үшін қозғалысы өте қарқынды орындар тазартылады. Сондай-ақ, қарқындылығы орташа учаскелер – алаңдар, вокзал маңы аумақтары, тротуарлар, әлеуметтік нысандарға кірме жолдар және т.б. тазартылады.Орталық көшелерді, жолаушылар көлігі маршруттары жүретін орындарды, аялдамалар мен тротуарларда тазалау да басымдыққа ие.Қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылып, жарықтандыру қосылған.Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарларға шықпауды сұраймыз.Төтенше жағдай туындаған кезде «112» нөміріне хабарласыңыз.Ақпарат көзі : https://www.gov.kz/memleket/entities/astana/press/news/details/925637

Астанада бүгінде сатып алу құқығынсыз жалдамалы тұрғын үйде тұрып жатқан жұмысшы жастар «Елорда жастары» бағдарламасына қатысуға мүмкіндік алды, деп хабарлайды қала әкімдігінің ресми сайты.Осы жаңашылдық аясында сатып алу құқығынсыз жалға берілетін тұрғын үйде тұратын жастар үшін жас шектеулері мен мамандыққа қойылатын талаптар алынып тасталды, одан жалға алушылар жалдау мерзімі, яғни 5 жыл өткеннен кейін шығарылады.«Қазір олар үшін басты шарт – төлем қабілеттілігін банк арқылы растау. Егер табыс жеткіліксіз болса, бірлескен қарыз алушыларды тарта аласыз. Жұмыс істейтін жастар санатындағы негізгі жұмыс берушінің тұрақты табысы болмаған жағдайда (мысалы, декреттік демалыста немесе жұмыссыз болса), несие алуға өтініш беруге жұбайының қатысуы (болған жағдайда) рұқсат етіледі», - деп хабарлайды Астана тұрғын үй орталығы.23 қаңтардан бастап елордалық Тұрғын үй орталығында «Отбасы Банкі» АҚ қызметкерлері сатып алу құқығынсыз тұрғын үйді жалға алу шарты 2025 жылдың наурыз айында аяқталатын жастарға кеңес беріп, төлем қабілеттілігін алдын ала тексеруде. Осы санаттағы жастарға арналған бағдарламаны іске асыру және «Елорда жастары» бағдарламасы аясында несиелеуді одан әрі рәсімдеу Астана қаласының Тұрғын үй орталығында және «Отбасы Банкі» АҚ филиалдарында осы жылдың ақпан айының бірінші онкүндігінде жүзеге асырылады.Елорда тұрғындары арасында басқа санаттар үшін қызмет саласына қарай «Елорда жастары» бағдарламасының талаптары өзгеріссіз қалады. Бағдарламаға Астанадағы мемлекеттік органдар мен жеке ұйымдардың жас қызметкерлері тартылады.«Елорда жастары» бағдарламасы бойынша жастарға баспана алу үшін жылдық 5 пайыздық мөлшерлемемен жеңілдетілген несие беріледі. Несие сомасы жинақтау мерзіміне қарамастан тұрғын үйдің нарықтық құнының 10% мөлшерінде бастапқы жарнаны жинақтау шартымен 18 млн теңгеге дейін. Несие мерзімі – 19 жылға дейін. Жастар пәтерді бастапқы және нарықтан сатып ала алады.Биыл «Елорда жастары» жеңілдетілген несиелендіру бағдарламасына жалға беру шарттары 2025 жылы бітетін азаматтар жіберіледі. Ақпарат көзі : https://www.gov.kz/memleket/entities/astana/press/news/details/925827

Елордада Кеңес Одағының Батыры Әлия Молдағұлованың ескерткішіне гүл шоқтарын қою рәсімі өтті, деп хабарлады Астана әкімдігінің ресми сайты.Бұл – Жеңістің 80 жылдығына арналған іс-шаралардың бастауы. Алдымен қазақтың батыр қызы Әлия Молдағұлованың ескерткішіне гүл шоқтары қойылып, соңыра әскерилер мен жиналған жұртшылық сұрапыл соғыста қаза тапқан жауынгерлерді бір минуттық үнсіздікпен еске алды.Іс-шараға қатысқан генерал-майор Алсай Жұманов жеңіске жетуге жауынгерлермен қатар бүкіл халық жұмылып, көмек көрсеткенін атап өтті.«Бүгінгі жиын Жеңістің 80 жылдығына және Әлия Молдағұлованың туғанына 100 жыл толуына байланысты өтіп отыр. Мұндай іс-шаралар келер ұрпақты батырларымызды құрметтеуге үйрету мен тарихымызды ұмытпауына ықпал етеді деп ойлаймын», - деді Астана қаласы қорғаныс істері жөніндегі департаментінің өкілі запастағы полковник Ғани Артықов. Ақпарат көзі : https://www.gov.kz/memleket/entities/astana/press/news/details/925900

Елордада қыстыгүні қар мол жауады. Мұндай күндері жер үйде тұратын қарт кісілерге қиын. Оларға көмектесу үшін Төтенше жағдайлар басқармасының қызметкерлері Сарайшық ауданы әкімдігімен бірлесіп, «Таза Қазақстан» акциясы аясында зейнеткерлердің ауласының қарын күреу шарасын өткізді, деп хабарлайды елорда әкімдігінің ресми сайты.Іс-шараны ұйымдастырушылар Сарайшық ауданының қарт тұрғындарын аралап, аулаларының қарын күреді.«Бүгін «Таза Қазақстан» акциясы аясында Шарбақты көшесінің бойындағы аулаларды қардан күреу арқылы қарттарға көмек көрсетілді. Басқа бөлімшелердегі әріптестерімізді акцияға қосылып, қарт азаматтарға қолдау көрсетуге шақырамын», - деді №23 өрт сөндіру бөлімі бастығының орынбасары Манас Қадырбаев.Аудан тұрғыны қар күреуге көмектескен қызметкерлерге алғыс білдірді. Қар күреу қарт кісілер үшін оңай шаруа емес, сондықтан мұндай көмекке үнемі қуанып қалады.Естеріңізге сала кетейік, Астанада «Таза Қазақстан. Астана – тазалық пен тәртіптің үлгісі» ауқымды экоакциясы өтіп жатыр. Жастардың, үкіметтік емес ұйымдардың белсенділері, мәдениет және спорт қайраткерлері ауа райының қолайсыз кезінде мұқтаж жандарға қолдау көрсетіп, ыстық шай мен бауырсақ таратып, қар күрейді. Ақпарат көзі : https://www.gov.kz/memleket/entities/astana/press/news/details/925901

Астана мен Сеул арасындағы келісімшарт бойынша 100-ге жуық студент жұмысшы мамандықтардың қыр-сырын меңгерді, деп хабарлайды елорда әкімдігінің ресми сайты.Айта кетерлігі, 2004 жылы Кореяның Сеул қаласындағы технология және білім беру институтында астаналық университет және колледж студенттерін тағылымдамадан өткізу бойынша меморандумға қол қойылған.Онда еліміздің жас мамандары автоматмеханик, дәнекерлеу, аспазшы, тігінші, шаштараз жұмысшы мамандықтары бойынша білім алып, тәжірибелерін арттырады.20 жыл уақыт ішінде 100-ге жуық ел студенттері шекара асып, Корея елінің жұмысшы мамандықтарының қыр-сырын меңгеріп, тағлымдамадан өткені бойынша арнайы куәліктерге қол жеткізген.Бұл ынтымақтастықтың ықпалының арқасында қазақстандық жастар үздік маманға айналып, алған тәжірибелерінің арқасында елімізде кәсіп ашып, оны дөңгелетіп отыр.Соңғы рет 2024 жылы қаламыздағы колледждің үш студенті «Шаштараз мамандығы» бойынша білім алып келді. Қазіргі таңда олар осы салада елімізде қызмет етіп, тәжірибелерін табыс көзіне айналдырып отыр.Бұл бағдарлама бойынша студенттерді Кореяда оқыту конкурстық негізде әңгімелесу арқылы жүзеге асырылады. Комиссия аталған бағдарлама бойынша лайықты қатысушыларды таңдайды. Конкурстық іріктеудің басты критерийі ағылшын және корей тілдерін еркін меңгеру, болашақта таңдалған мамандық бойынша жұмыс істеуге деген ұмтылыс болып саналады.Айта кетейік, Сеул қаласының білім басқармасы тағылымдамадан өтушілерді екі жаққа билеттермен, оқытумен (оқулықтар, материалдар, экскурсиялар), жатақхана, тамақтанумен, медициналық қызмет көрсетумен және сақтандырумен қамтамасыз етеді.Ақпарат көзі : https://www.gov.kz/memleket/entities/astana/press/news/details/926071

Астана қаласы білім басқармасының бастамасымен қаланың жеке және мемлекеттік білім беру мекемелерінде қауіпсіздік бойынша онлайн кеңес өтті, деп хабарлайды елорда әкімдігінің ресми сайты.Жиынға білім беру меккемелерінің бірінші басшылары, басқарма басшысының орынбасары М.Қайырбаева, сол сияқты Полиция департаментінің, Төтенше жағдайлар департаментінің және Ұлттық қауіпсіздік комитетінің Астана қаласы бойынша департаментінің өкілдері қатысты.Оқушылардың қауіпсіздігін қажетті деңгейде қамтамасыз ету уәкілетті органдар қабылдайтын іс-шаралар жүйесін қамтиды.Мәжілісте түрлі салалардағы қауіпсіздікті қамтамасыз етуге қатысты маңызды мәселелер қаралды:* Террористік қауіп жағдайындағы алғашқы әрекеттер және терроризмнің алдын алу шаралары;* Терроризмге қарсы қорғау паспорттары бойынша түсіндіру;* Терроризм актісі туралы көрінеу жалған ақпарат, ҚР ҚК 273-бабы;* Білім беру мекемелерінде өртке қарсы қауіпсіздікті қамтамасыз ету мәселелері;* Қысқы уақыттағы су айдындарындағы балалардың қауіпсіздігі мәселелері.Сондай-ақ, қауіпсіздікті жақсарту және нығайту жөніндегі іс-шаралар талқыланды, сондай-ақ одан әрі іс-қимылдар үшін ұсыныстар әзірленді.Білім беру объектілеріндегі қауіпсіздік деңгейін арттыру мақсатында Басқарма осы бағыттағы қауіпсіздікті жақсартуға және нығайтуға бағытталған іс-шараларды ұдайы жүргізетін болады.Ақпарат көзі : https://www.gov.kz/memleket/entities/astana/press/news/details/926120

Елімізде биыл Жұмысшы мамандықтар жылы деп жарияланды. Осыған орай, Астанада бос жұмыс орындары жәрмеңкесі өтті, деп хабарлады елорда әкімдігінің ресми сайты.Алматы ауданы әкімдігінің ұйымдастыруымен Әл-Фараби атындағы Оқушылар сарайында бос жұмыс орындарына арналған жәрмеңке өтті. Жәрмеңкеде түрлі саладағы 90 ұйымнан 2 мыңнан астам бос жұмыс орны ұсынылды.«Қоғамдағы жұмыссыздықты жою мақсатында бүгін осындай жәрмеңке ұйымдастырып отырмыз. Дәл қазір мұнда өндірістік кәсіпорындар, қызмет көрсету компаниялары және білім беру мекемелері өз ұсыныстарын таныстырып жатыр.Сонымен қатар Joltap бағдарламасының, Жұмыспен қамту және әлеуметтік қорғау басқармасының және қаржы ұйымдарының өкілдері жұмысқа орналасу мүмкіндіктері мен әлеуметтік қолдау шаралары туралы ақпарат берді. Жәрмеңке алдағы уақытта да өз жалғасын табатын болады», - деді Алматы ауданы әкімдігінің ішкі саясат бөлімінің басшысы Айбын Айдынұлы.Ақпарат көзі : https://www.gov.kz/memleket/entities/astana/press/news/details/926128

«Таза Қазақстан» бағдарламасы аясында Ақмола облысында экологиялық іс-шаралар жалғасуда.Каменка ауылының агротехникалық колледжінде экология мәселелері талқыланды.28 қаңтарда Сандықтау ауданы Каменка ауылының агротехникалық колледжінде «Эко-сана-елдің өркендеуіне жол!» атты дөңгелек үстел өтті. Оған әкімдік, мәслихат өкілдері, сарапшылар, студенттер, оқушылар мен БАҚ өкілдері қатысты.Аудан әкімінің орынбасары Сәуле Жаиылғанова жастардың бойында экологиялық сананы қалыптастырудың маңыздылығын атап өтті. Колледж директоры Константин Кудин бұл үдерістегі білім беру мекемелерінің рөлі туралы айтып берді, ал аға шебер Игорь Причипеев «Жасыл ел» еңбек жасағының жұмыс тәжірибесімен бөлісті.Оқушылар өздерінің экологиялық бастамаларын ұсынды: мультфильмдер, презентациялар және табиғатты қорғауға бағытталған жобалар. Сонымен, Белгород мектебінің оқушылары «Құстарды қыста тамақтандырыңыз» акциясы туралы айтты, ал Лесное ауылының оқушысы Арина Ким «планетаны бірге сақтайық» жобасын таныстырды.Кездесу барысында қатысушылар қоршаған ортаның ластану проблемаларын, «Таза Қазақстан» бағдарламасының бастамаларын және волонтерліктің маңыздылығын талқылады. Көптеген студенттер экологиялық жобаларға қосылуға дайын екендіктерін білдірді.Ақпарат көзі : https://www.gov.kz/memleket/entities/aqmola/press/news/details/926360

Төтенше жағдайлар министрлігінің қызметкерлері балалармен белсенді жұмыс істеп, оларға төтенше жағдайлар кезіндегі қауіпсіздік негіздерін үйретеді. Құтқарушылар балаларға қауіпті жағдайда қалай әрекет ету керектігін жақсы түсінуге көмектесетін тренингтер, тақырыптық сабақтар, әңгімелер және интерактивті әрекеттер сияқты әртүрлі іс-шараларды ұйымдастырады. Жарыстар мен ашық есік күндері де өткізіледі, онда балалар құтқарушылардың құрал-жабдықтарымен және жұмысымен танысады, сондай-ақ жаттығуларға қатысады, қауіпсіздік дағдыларын жаттықтырады. Бұл балалардың білімін шыңдап қана қоймай, олардың күнделікті өмірде қауіпсіздік мәдениетін дамытуға ықпал етеді. Павлодар облысы Төтенше жағдайлар департаментінің Ақсу өрт сөндіру бөлімінде мектеп оқушыларына таныстыру экскурсиясы өтті, оның барысында жас қонақтар қызмет көрсету ерекшеліктері мен өрт қауіпсіздігі ережелерімен танысып, өрт сөндірушілермен араласудың бірегей мүмкіндігіне ие болды. Құтқарушылар қонақтарға техникаларын, өрт сөндіру машиналарын, арнайы құралдарды анық көрсетті. Экскурсияның ең есте қалған сәті форманы киіп көру және арнайы көліктердің салонында отыру мүмкіндігі болды. Әңгімелесу барысында оқушылар өрт сөндірушілердің жұмысы туралы көп мағлұмат алды. Көкшетау қаласындағы балабақша бүлдіршіндері үшін Ақмола облысы Төтенше жағдайлар департаментінің қызметкерлері өрт қауіпсіздігі тақырыбында театрландырылған көрініс ұйымдастырды. Театр әртістері өрт сөндірушілердің рөлін сомдап, балаларға отпен ойнаудың қауіптілігін, өрт болған жағдайда не істеу керектігін ойын түрінде айтып берді. Балаларға түсінікті тілде өрт қауіпсіздігі ережелері айтылды. Балалар қойылымды тамашалап қана қоймай, сонымен қатар скидкадағы кейіпкерлерге алаңдай отырып, тікелей қатысты. Елорда мектептерінде өрт қауіпсіздігі ережелерін үйретуге бағытталған іс-шаралар өтуде. Пьесалар қойып, өлеңдер жазып, сурет байқауларына қатыса отырып, балалар қауіпсіздік шаралары аясында пайдалы ақпаратты оңай меңгереді. Осы әдістерді қолдана отырып, мұғалімдер өрттің салдарынан туындайтын жағдайларды зерттеп, олардың алдын алу жолдарына назар аударады, мұнда қауіпсіздік мәдениеті мен бала санасында жауапкершілік стандарттарын қалыптастыруға жағдай жасалады. Сондай-ақ іс-шара барысында «Өрт қауіпсіздігі» бұрышы ұсынылды, онда қауіпсіздік ережелері, сондай-ақ жас құтқарушылардың жұмысы туралы еске салатын жадынамалар ілінді, мысалы, өрт сөндіру депосы мен өрт сөндіру автокөлігінің макеті. Тәртіп бойынша. балабақшада өрт қауіпсіздігін қамтамасыз ету үшін Төтенше жағдайлар департаментінің қызметкерлері Түркістан облысында оқу-жаттығулар өткізді. Осы шара аясында ашық сабақтар өткізіліп, балаларға өрт қауіпсіздігі туралы бейнероликтер көрсетілді. Балалардың танымдық тәрбиесінде өрт сөндірушілер және өрт сөндірушілер туралы түсініктерін қалыптастыру мақсатында арнайы суреттер мен мозаика жасау жұмыстары жүргізілді. Шара соңында балабақша қызметкерлеріне өрт кезінде дұрыс әрекет ету шаралары түсіндірілді. Құтқарушылардың айтуынша, қауіпсіздік мәдениетін мүмкіндігінше жастайынан енгізу керек. Дәл тәрбие процесінде бала өрт қауіпсіздігі ережелерін меңгеруі керек. Осындай кездесулер мектепке дейінгі мекемелерде тұрақты түрде өткізіліп тұрады және бұл бағыттағы жұмыстар жалғасын табады.Ақпарат көзі : https://www.gov.kz/memleket/entities/emer/press/news/details/926289

Ақпарат көзі : https://www.gov.kz/memleket/entities/aktobe/press/news/details/926303

2022 жылдан бастап Азық-түлік келісімшарт корпорациясы 2000-ға жуық фермер мен ауыл шаруашылығы кәсіпорындарына қолдау көрсетті. Ең көп көмек 2024 жылы көрсетіліп, 832 ауыл шаруашылығы өндірушісі мемлекеттік оператордан қолдау алған.Аграрларды қолдаудың негізгі құралдары ретінде маусымдық дала жұмыстарын форвардтық қаржыландыру бағдарламасы, тауарлық несие беру, соның ішінде тұқымдармен қамтамасыз ету және шағын мен орта фермерлерден артық астықты тікелей сатып алу жүзеге асырылды.2023-2024 жылдары форвардтық сатып алу және тауарлық несие беру аясында 590 агроөндіруші жеңілдетілген шарттармен 129,1 млрд теңгеге қаржыландырылды.Қызылорда облысындағы күріш өндірушілермен алғаш рет 6 мың тонна күрішті форвардтық қаржыландыру келісімшарттары жасалды.Фермерлердің астықты кепілдендірілген түрде өткізуін қамтамасыз ету мақсатында Азық-түлік келісімшарт корпорациясы соңғы екі жылда өсімдік шаруашылығы өнімдерін нарықтық бағадан жоғары бағамен сатып алып келеді.Атап айтқанда, 2023 жылы мемлекеттік оператор аграршылардан 350 мың тонна төмен сапалы бидайды 27 млрд теңгеге сатып алды. Бұл шара ауа райының қолайсыздығынан астық сапасы мен өнімділігі төмендеген жағдайда, қиын жағдайға тап болған ауыл шаруашылығы өндірушілерін қаржылай қолдауға мүмкіндік берді.Аграршылар алынған қаражатты көктемгі егіс жұмыстарына және өзге де өндірістік қажеттіліктерге жұмсады.2024 жылдың желтоқсанында мемлекеттік оператор интервенциялық астық сатып алу бағдарламасы аясында бидай жеткізген агроөндірушілерге 3,5 млрд теңге мөлшерінде алғашқы төлемдерді жасады. Алдымен, Азық-түлік келісімшарт корпорациясы резервіндегі қаражат шағын фермерлік шаруашылықтарға беріліп, олардың рентабельділігін сақтауына көмектесті.Астық бағдарламаларына қатысу және қаржыландыру бөлу процесінің ашықтығы өңірлік үйлестіру кеңестері арқылы қамтамасыз етіледі.«Азық-түлік келісімшарт корпорациясы» АҚ басқарма төрағасы Асылхан Джувашевтің айтуынша, аграршыларды қолдау арқылы корпорация тек ауыл шаруашылығы кәсіпорындарының қаржылық тұрақтылығын қамтамасыз етіп қана қоймай, аграрлық сектордың дамуына жағдай жасайды.«Мемлекеттік қолдау шаралары агроөнеркәсіп кешені үшін мультипликативтік әсер береді: агроөндірушілердің тұрақты жұмысы елдің азық-түлік қауіпсіздігіне оң әсер етеді. Астықты сатып алу арқылы мемлекеттік резерв жаңартылады. Қажет болған жағдайда Азық-түлік келісімшарт корпорациясы астықты диірмен, құс және мал шаруашылығы кәсіпорындарына төмендетілген бағамен ұсынады, бұл азық-түлік бағасын қолайлы деңгейде ұстауға мүмкіндік береді. Бұл – жүйелі жұмыс», – деді Азық-түлік келісімшарт корпорациясы басшысы.Мәселен, 2023 жылы әлеуметтік нан бағасын ұстап тұру үшін Азық-түлік келісімшарт корпорациясы диірмен кәсіпорындарына 89 мың тонна бидай жеткізді. Бұл диірмендер 162 млн бөлке әлеуметтік нан өндіру үшін арзандатылған ұнмен наубайханаларды қамтамасыз етті.Асылхан Джувашевтің айтуынша, ұқсас жүйе бойынша Қытай, АҚШ, Үндістан және басқа да ірі астық импорттаушы және экспорттаушы елдердің мемлекеттік операторлары жұмыс істейді.«Ірі мемлекеттік корпорациялар фермерлерді қолдау және азық-түлік бағасын тұрақтандыру шаралары арқылы өз елдерінің азық-түлік қауіпсіздігін қамтамасыз етеді. Геосаяси және климаттық сын-қатерлер жағдайында бұл өте маңызды», – деп түсіндірді басқарма төрағасы.Азық-түлік келісімшарт корпорациясының қоймаларындағы астық көлемі 1,7 млн тоннаны құрайды. Бұл қор Қазақстанның азық-түлік және мал азығы астығына деген ішкі қажеттілігін толықтай өтеп, шетелге тұрақты көлемде астық экспорттауға мүмкіндік береді.Нарықтағы бағаның тұрақсыз жағдайында мемлекеттік оператор ұзақ мерзімді азық-түлік қауіпсіздігін қамтамасыз ету үшін астық қорын сақтауға ерекше назар аударады.Ақпарат көзі : https://www.gov.kz/memleket/entities/moa/press/news/details/926021

Қазіргі уақытта көршілес елдер тарапынан қазақстандық картопқа жоғары сұраныс сақталуда. 2024 жылдың қорытындысы бойынша 605 мың тоннаға жуық картоп экспортталған, бұл 2023 жылғы көрсеткіштен (411 мың тонна) 1,5 есе артық. Бұл көрсеткіш соңғы 10 жылдағы рекордтық деңгейге жетіп, ішкі нарықтағы бағаларға айтарлықтай әсер етті.Осыған байланысты, нарықтағы жағдайды тұрақтандыру және бағаның өсуіне жол бермеу мақсатында 2025 жылғы 18 қаңтарда өткен Сыртқы сауда саясаты және халықаралық экономикалық ұйымдарға қатысу мәселелері жөніндегі ведомствоаралық комиссияның шешімімен Қазақстан Республикасының аумағынан барлық көлік түрлерімен картопты үшінші елдерге экспорттауға, Еуразиялық экономикалық одақ елдерінен басқа, 6 ай мерзімге шектеу енгізілді.Ведомствоаралық комиссияның шешімі негізінде 2025 жылғы 27 қаңтардағы №26 ҚР Ауыл шаруашылығы министрінің «Қазақстан Республикасының аумағынан картопты экспорттау мәселелері туралы» бұйрығымен үшінші елдерге барлық көлік түрлерімен картопты шығаруға тыйым салынды.Қабылданған шаралар картоп бағасының алыпсатарлық жолмен өсуіне және нарық қатысушылары тарапынан орын алуы мүмкін спекулятивті әрекеттерге жол бермеуге мүмкіндік береді.Бұйрықтың толық мәтінімен келесі сілтеме арқылы танысуға болады:http://zan.gov.kz/client/#!/doc/206795/kaz. БұйрықАқпарат көзі : https://www.gov.kz/memleket/entities/moa/press/news/details/926250