Елорданың Достық үйінде Қазақстан халқы ассамблеясының 30 жылдығына арналған «Заман көпірі» сән көрсетілімі өтті, деп хабарлайды Астана әкімдігінің ресми сайты.Іс-шараны «Юнчи» дүнген этномәдени орталығы ұйымдастырды.Дизайнер, Аналар кеңесінің мүшесі Рабия Ыдырова ұсынған топтама тарих пен қазіргі заманның үйлесімін көрсетті.Подиумда дүнген халқының көп ғасырлық мәдениетінен шабыт алған заманауи көйлектер де, дәстүрлі той киімдері де көрсетілді.«Юнчи» этномәдени орталығының төрайымы Зульфия Мұханзаева бұл шараның Қазақстандағы дүнген мәдениетін сақтау және дамыту үшін маңыздылығын атап өтті.«Бүгінгі шоу – жай ғана сән көрсетілімі емес, ол өткенді, бүгінді және болашақты байланыстыратын сабақтастық символы. Біз ата-бабамыздан бізге жеткен мәдениет пен салт-дәстүрді сақтап, балаларымызға жеткізуге тырысамыз. Қазақстан халқы ассамблеясының арқасында еліміздегі өзге этностарға көрсеттік», – деді Зульфия Мұханзаева.Қазақстан дүнгендерінің республикалық этномәдени орталығының төрағасы Зайнуддин Махусеев еліміздің этникалық бірегейлігі мен мәдени әртүрлілігін сақтау үшін Қазақстан халқы ассамблеясының маңыздылығына тоқталды.«Біз үшін Қазақстан халқы Ассамблеясы жай ғана орган емес, ол әрбір этносқа салт-дәстүрін, мәдениетін, тілін сақтауға мүмкіндік беретін мекеме. Өзге ұлттардың мәдениеті сияқты біздің мәдениетіміздің де өз елімізде дамып, бірдей естілуіне мүмкіндік бар екенін мақтан тұтамыз. Бұл шара дүнген дәстүрін таныстырып қана қоймай, бірлік пен келісім рухын нығайтады», - деді Зайнуддин Махусеев.Елордалық Достық үйінің директоры Нұрал Айдашев ұйымдастырушылар мен жиналғандарды осындай айтулы оқиғамен құттықтап, мұндай шаралар этностар арасындағы байланыс пен бірлікті нығайтуға септігін тигізетінін атап өтті.«Мұндай шаралардың қаншалықты маңызды екенін бәріміз түсінеміз. Қазақстан – мәдениеттер мен дәстүрлер тоғысқан ел. Біз сұлулық пен әртүрлілікті ғана емес, сонымен қатар мәдени алмасудың маңыздылығын көрсететін іс-шараларды қолдайтынымызды мақтан тұтамыз. Бүгінгі көрсетілім Қазақстандағы түрлі этностардың ғана емес, басқа халықтармен де мәдени байланысты нығайтуға жасалған қадам. Біз дүнген мәдениетінің қазіргі Қазақстанда өз орнын қалай тауып жатқанын көріп отырмыз», – деді Нұрал Айдашев.Подиум көне дәстүрлерді қамтып қана қоймай, өткен мен болашақ бір арнада тоғысқан сәнге жаңа көзқарасты ашты.Ақпарат көзі : https://www.gov.kz/memleket/entities/astana/press/news/details/929764

Осыдан 20 жыл бұрын Астана мен Сеул арасында елордалық ЖОО мен колледж студенттерінің тағылымдамадан өтуі туралы меморандумға қол қойылған болатын. Оңтүстік Кореяда тәжірибеден өткендердің бірі – Астана қалалық технологиялық колледжінің 3-курс студенті Карина Цыганкова. Қазір ол алған білімін өзге студенттерге үйретіп жүр, деп хабарлайды елорда әкімдігінің ресми сайты.Карина Цыганкова – Астана қалалық технологиялық колледжінің «Шаштараз» мамандығы бойынша 3-курс студенті.Өткен жылы Оңтүстік Кореяда сегіз айлық тағылымдамадан өткен ол шаштараз мамандығын оқумен қатар, сәндеудің қыр-сырына үңіліп, шеберлігін шыңдады.Бүгінде Карина өзінің білімі мен тәжірибесін басқа колледждердің студенттеріне үйретіп жүр. Ол осған дейін бірнеше астаналық сән салонынан жұмыс істеуге ұсыныс алған. Дегенмен ол жақын арада жеке салон ашып, отандық сән индустриясының дамуына үлес қосуды жоспарлап отыр.Соңғы 20 жылда елімізден 100-ге жуық студент шетелге шығып, Кореяның жұмысшы мамандықтарының қыр-сырын меңгеріп, өндірістік тәжірибеден өткендігі туралы арнайы сертификаттар алды. Осы ынтымақтастық пен жинаған тәжірибенің арқасында жас қазақстандықтар үздік маман атанып, елімізде өз кәсіптерін ашып, табысты жүргізіп жатыр.Ақпарат көзі : https://www.gov.kz/memleket/entities/astana/press/news/details/929710

Елордада семсерлесуден Астананың ашық чемпионаты аяқталды. Дәстүрлі додаға еліміздің түкпір-түкпірінен жас спортшылар қатысып, өз өнерлерін көрсетті. Турнирге Астана, Тараз және Қарағанды ​​қалаларынан 70-ке жуық спортшы жиналды, олар жекелей сында мықтыны анықтады, деп хабарлайды елорда әкімдігінің ресми сайты.Биылғы чемпионатқа 2011-2012, 2013 және одан кіші туған жасөспірімдер қатысты. Олар семсерлесуден сайысқа түсіп, жоғары шеберлік көрсетті.Екі күнге созылған жарыстың қорытындысы бойынша №9 ДЮСШ студенттері үздік нәтиже көрсетіп, бір алтын, екі күміс және алты қола медаль жеңіп алды.Айта кетейік, бұл чемпионат ақпан айында Өскемен қаласында өтетін Қазақстан чемпионатына іріктеу кезеңі болып табылады. Жергілікті мамандардың айтуынша, бұл жарыста жоғары нәтиже көрсеткен елордалық спортшылар ел чемпионатында Астана намысын қорғауға мүмкіндік алады. Ақпарат көзі : https://www.gov.kz/memleket/entities/astana/press/news/details/929938

Астанада әкімдік бөлген білім гранты арқылы жоғары оқу орындарын бітірген түлектер өз саласы бойынша жұмыс істеп жатыр, деп хабарлады елорда әкімдігінің ресми сайты.Астана қаласының әкімдігі 2018 жылдан бастап кейбір мамандықтар бойынша кадр тапшылығын жою үшін педагогикалық, медициналық мамандықтар (резидентура), сондай-ақ гуманитарлық бағыт бойынша (исламтану, дінтану, теология) жоғары және жоғары оқу орнынан кейінгі білімі бар кадрларды даярлауға мемлекеттік білім беру тапсырысын бөліп келеді.2018-2024 жылдар аралығында елорда әкімдігі кадрларды даярлауға мемлекеттік білім беру тапсырысы бойынша 4 724 грант бөлді. Оның ішінде педагогикалық бағытқа – 3 929.Білім басқармасының жолдамасы бойынша Астана қаласының мемлекеттік білім беру ұйымдарында 2022-2024 жылдар аралығында 609 жас маман жұмысқа орналастырылды.Солардың бірі – Жұлдыз Хамзақызы. Жас маман қазіргі кезде қаладағы №102 орта мектепте математика пәнінің мұғалімі болып жұмыс істейді.«2020 жылы мектепті бітіріп, ҰБТ-дан 85 балл жинадым. Әлбетте, грантқа түсу жағы белгісіз болды. Алайда, елорда әкімдігі тарапынан берілген гранттың арқасында тегін оқуға түстім әрі шәкіртақы беріліп тұрды. Бұл мүмкіндік арқылы менің арманым орындалды. Педагог болуға деген құштарлығым одан сайын артты. Ал оқуымды үздік аяқтаған соң №102 орта мектепке жұмысқа орналасуға жолдама берілді», - деді жас маман.Жұлдыз Хамзақызы бұл жас мамандарға керемет мүмкіндік екенін айтады.«Бұл мектепте ұстаздық еңбек жолымды бастадым. Білім ошағының ұжымы мені жылы қабылдады әрі үнемі қолдау білдіреді. Сондай-ақ, менің жеке тәлімгерім де бар. Жалпы еңбек жолымды осы мектептен бастағаныма өте қуаныштымын», - деп пікірін білдірді ұстаз.Қазіргі уақытта Астана қаласы әкімдігінің гранттары бойынша ЖОО-да 2 174 студент оқиды. Оқу орнын аяқтағаннан кейін оларға қала мектептеріне жұмысқа орналасуға жолдама беріледі.Ақпарат көзі : https://www.gov.kz/memleket/entities/astana/press/news/details/930061

Құқық бұзушылықтарды анықтау, алдын алу және профилактикалық жұмыс жүргізу мақсатында Астананың барлық ауданында компьютерлік клубтарда, кинотеатрларда, жатақханаларда, ойын-сауық орындарында және басқа да нысандарда жаппай рейдтер жүргізілді, деп хабарлайды елорда әкімдігінің ресми сайты.«Құқықтық тәртіп» шарасын жүзеге асыру аясында қалада жергілікті рейдтік іс-шаралар өткізілді. Астана қаласының Полиция департаменті мен аудан әкімдіктерінің қызметкерлері заң бұзушылықтарды анықтау және профилактикалық жұмыстар жүргізу мақсатында компьютерлік клубтарды, кинотеатрларды, жатақханаларды, ойын-сауық және басқа да мекемелерді тексерді.«Қалада «Құқықтық тәртіп», «Қауіпсіз қала» және «Күнделікті өмір» қоғамдық іс-шараларының өткізілуіне байланысты жергілікті орындарда рейдтік іс-шаралар ұйымдастырылды. Полиция департаменті мен аудандық бөлімшелердің жеке құрамы елорданың едәуір бөлігін, оның ішінде жеке секторды, тұрғын үйлерді және т.б. аумақтарда тексерулер жүргізді. Іс-шаралар барысында елорда тұрғындары мен қонақтары арасында құқық бұзушылықтың алдын алу мақсатында түрлі шаралар жүргізілді. Операцияға арнайы жасақ – СОБР мен Ұлттық ұлан да жұмылдырылды», - деді Астана қалалық ПД Жергілікті полиция қызметінің бастығы, полиция полковнигі Ержан Әділбеков.Рейдтік іс-шаралар барысында 800-ге жуық түрлі қоғамдық тәртіпті бұзу фактісі анықталды, оның ішінде қоғамдық орындарда алкогольдік сусындар ішу, кальян шегу, тұрғылықты жері бойынша тіркеусіз тұру, кәмелетке толмағандардың заңды өкілдерінсіз қалуы және т.б. белгілі болды.Барлық құқық бұзушы айыппұл және қамауға алу түріндегі әкімшілік жауапкершілікке тартылды. Демалыс және мереке күндері белсенділік арта отырып, рейдтер тұрақты түрде жүргізіледі.Айта кету керек, Астана қаласы прокуратурасының, құқық қорғау және мемлекеттік органдардың үйлестіруімен Астана қаласы әкімдігінің жанындағы әйелдер істері және отбасылық-демографиялық саясат жөніндегі комиссия мүшелерімен және аудан әкімдіктерімен бірлесіп, түнгі уақытта қала көшелері мен ойын-сауық орындарында кәмелетке толмағандарды анықтау бойынша рейдтер жалғасып жатыр. Ақпарат көзі : https://www.gov.kz/memleket/entities/astana/press/news/details/930204

Астанада «Халықтың әлеуметтік осал топтары» санаттары үшін қалған 93 пәтер бойынша «Жалға берілетін тұрғын үй» бағдарламасының нәтижелері жарияланды, деп хабарлайды елорда әкімдігінің ресми сайты Астана қаласының тұрғын үй және тұрғын үй инспекциясы басқармасына сілтеме жасап. 2 (екі) және 3 (үш) бөлмелі пәтер беруге үміткерлерді іріктеу «Халықтың әлеуметтік осал топтары»санаты бойынша кезекте тұрғандар арасында кезекке қойылған күні және отбасы құрамы бойынша жүзеге асырылды.Бағдарлама бойынша өткен азаматтарға Тұрғын үй орталығының қызметкерлері хабарласып, ары қарайғы жолдарын түсіндіреді.Ерекше айта кетерлігі, алаяқтық жағдайларының жиілеуіне байланысты өте сақ болу қажет. Тұрғын үй орталығының қызметкерлері телефон қоңырауларын шала отырып, ешқашан несиелерді, қарыздарды өтеуді, тұрғын үй беру үшін шотты арестен алуды алып тастауды сұрамайды.Ақпарат көзі : https://www.gov.kz/memleket/entities/astana/press/news/details/930199

1986 жылы Саратов гидромелиоративтік гидротехникалық құрылыс, мелиорация, су ресурстарын басқару және экология саласына бағытталған жоғары оқу орнын аяқтаған.Су шаруашылығындағы еңбек жолын 2003 жылы Батыс Қазақстан облысы Су шаруашылығы мекемесі Жаңақала пайдалану учаскесінде гидротехник лауазымынан бастады.«Төртқұлақ» және «Қарасу» көлтабандар учаскесіндегі су өткізу имараттарын күрделі жөндеуден өткізіп, көптеген гидротехникалық құрылыстардың жөндеу және қалпына келтіру жұмыстарына білікті маман ретінде өз үлесін қосқан.2018 жылы «Қазақстан су шаруашылығы қауымдастығы» заңды тұлғалар бірлестігінің «Су шаруашылығының үздігі» белгісімен, 2023 жылы Су шаруашылығы күніне орай Экология және табиғи ресурстар министрлігінің «Құрмет» грамотасымен, Су шаруашылығы саласындағы жөндеу-пайдалану, қызмет көрсету жұмыстарына қосқан мол үлесі және зор еңбегі үшін «Қазсушар» шаруашылық жүргізу құқығындағы республикалық мемлекеттік кәсіпорны Батыс Қазақстан филиалының «Алғыс хатымен», 2024 жылы ҚР Су ресурстары және ирригация министрлігінің «Су шаруашылығының ардагері» төсбелгісімен марапатталды.Бүгінгі таңда ҚР Су ресурстары және ирригация министрлігі су шаруашылығы комитетінің «Қазсушар» РМК Батыс Қазақстан филиалы Киров пайдалану учаскесінің инженер-гидротехнигі болып жұмыс істейді.Ақпарат көзі : https://www.gov.kz/memleket/entities/water/press/news/details/930097

Ақмола облысының әкімі Марат Ахметжанов өңірдегі ең ірі кәсіпорындардың бірі – «Altyntau Kokshetau» АҚ-на барды.Елдің алтын өндіру саласындағы жетекші компаниясы облыстың ең ірі салық төлеушісі болып табылады және 2000-нан астам ақмолалықты жұмыспен қамтып отыр.«Altyntau Kokshetau» АҚ 1963 жылы ашылған Васильков алтын кені негізінде құрылған. 2006 жылдан бастап кен орны «Қазцинк» ЖШС басқаруына берілді.Сапар барысында өңір басшысы «Қазцинк» ЖШС бас директоры Жанат Жанботинмен және «Altyntau Kokshetau» АҚ бас директоры Арман Алиевпен кездесті. Компания басшылары өндірісті кеңейту және озық инновациялық технологияларды енгізу бойынша перспективалық жоспарларын таныстырды.Марат Ахметжанов кәсіпорынның өңірдің әлеуметтік-экономикалық дамуы үшін маңыздылығын атап өтіп, белсенді әлеуметтік саясаты үшін алғысын білдірді.«Мемлекет басшысы минералды-шикізат ресурстарын және өндірістік әлеуетті тиімді пайдаланудың маңыздылығын бірнеше рет атап өтті. Біз мұндай кәсіпорындарды қолдаймыз, өйткені олар өңір дамуының негізі болып табылады», – деп атап өтті облыс әкімі.«Altyntau Kokshetau» АҚ әлеуметтік бастамаларға белсенді қатысады. Көкшетау қаласында компания «Алтын бала» балабақшасы мен теннис орталығын салды. Сондай-ақ Көкшетау қаласындағы «Науан Хазрет» мешітінің құрылысына белсенді қатысты.Облыспен жасалған ынтымақтастық туралы меморандум аясында кәсіпорын Копа көлінің жағалауы мен жол құрылысын, Қылшақты өзенін тазарту жұмыстарын қолдап, 900 орындық жаңа мектеп салып жатыр. Қыста компания жолдарды қардан тазартуға көмектесіп, Зеренді ауданының елді мекендерін абаттандыруға қатысады.Кәсіпорында алтын құрамды кенді қайта өңдеудің циклдық-үздіксіз технологиясы қолданылып, Доре қорытпасы өндіріледі.Ақпарат көзі : https://www.gov.kz/memleket/entities/aqmola/press/news/details/930227

Көкшетауда Қазақстан Республикасының еңбек сіңірген қайраткері, медицина ғылымдарының докторы, профессор Серік Тоқпановтың «Өткен ғасырдың қазақ-орыс ретро әндері» атты жеке концерті эстрадалық-симфониялық оркестрдің сүйемелдеуімен өтті. Оркестрге Қазақстан Республикасының халық әртісі Абзал Мұхитдинов жетекшілік етті. «Алтын скальпель» және «Алтын лапароскоп» атақтарының иегері шығармашылық салада да кеңінен танымал. Халық әртісі Ермек Серкебаев «Әнші хирург» деп атаған Серік Тоқпанов – өнердің екі бағытын қатар меңгерген жан. Одақтық және республикалық байқаулардың лауреаты С.Тоқпанов өзінің жеке концерттерімен қазақстандықтардың жүрегін жаулап келеді. Профессордың репертуарында көпшілікке ұнайтын ретро әндер орындалды. Айта кетейік, осы күндері профессордың екі күндік шеберлік сабағы аясында оталар жасалып, облыс орталығының ондаған тұрғыны мамандардан тегін кеңес алды.Ақпарат көзі : https://www.gov.kz/memleket/entities/aqmola/press/news/details/930231

2025 жылдың 31 қаңтарында Шығыс Қазақстан облысының қалалары мен аудандарының білім бөлімдерінің басшыларына және терроризмге қарсы комиссиялардың хатшыларына Қазақстан Республикасы Ұлттық қауіпсіздік комитеті аумақтық департаменті мен жергілікті атқарушы органдардың өкілдерінің қатысуымен 2025 жылғы 24 желтоқсандағы Қауіпсіздік және қауіпсіздік комитетінің 2025 жылғы 24 желтоқсандағы Қауіпсіздік кодексінің 2025 жылғы 24 желтоқсандағы жол картасын іске асыру жөніндегі негізгі ұйымдастырушылық мәселелері түсіндірілді -2026.Сонымен қатар, іс-шара барысында келесі ақпараттар берілді:- экстремизм және терроризм саласындағы концептуалды аппараттар;- саяси, ұлттық және діни экстремизмді насихаттау белгілері бар аудио-бейнематериалдар үлгілері;- танымал теологтар мен тарихшылардың экстремизм және экстремизм әрекеттерінің алдын алуда қолдануға ұсынылған есептері; - жеке тұлғаның меншігіндегі заттарды жеке тінтуге және тінтуге қойылатын талаптар;- жалған ақпарат беру әдістері, оның ішінде жасанды интеллект қолдану. Жалған мәліметтерді орналастырғаны және таратқаны үшін жауапкершілік;- Қазақстан Республикасы Білім және ғылым министрінің 2021 жылғы 25 мамырдағы № 235 бұйрығымен бекітілген, әкелуге тыйым салынған, білім беру ұйымдарында және олардың аумақтарында қолданылуы шектелген заттар мен заттардың тізбесі; террористік қауіптердің салдарын азайту және жою мақсатында кезекші қызметтерді хабардар еткенім үшін мені;- терроризм актісін болдырмауға немесе жолын кесуге көмектескен ақпарат үшін сыйақыны белгілеу және төлеу ережелері.Білім беру мекемелерінің басшылары өздерін қызықтырған бірқатар сұрақтарға жауап алды.Ақпарат көзі : https://www.gov.kz/memleket/entities/akimvko/press/news/details/929437

2025 жылдың 3 ақпанында Қазақстан-Американдық еркін университетінде жастар арасындағы экологиялық мәдениетті қалыптастыруға арналған студенттер жиыны ұйымдастырылды. Шара «Таза Қазақстан» республикалық акциясы шеңберінде өтіп, қоршаған ортаны қорғау мәселелеріне қызығушылық танытқан білім алушылардың басын қосты.«Қоғамды экологиялық дамыту орталығы» қоғамдық қорының жетекшісі Танир Ясса жастардың экологиялық санасын жаңғыртып, табиғатты қорғауға шақырудың маңызын түсіндірді. Кездесу барысында «Таза Қазақстан» акциясы мен облыстағы білім беру ұйымдарында жүзеге асырылатын жобаларға арналған фильм көрсетілді.Іс-шара студенттердің экологиялық түсінігін қалыптастыруда зор үлес қосты. Жиынға қатысушылар түрлі акцияларға белсенді қатысып, өңірдегі экологиялық жағдайды жақсартуға үлес қосуға дайын екендіктерін білдірді.Ал ұйымдастырушылар мұндай шаралар экологиялық білімді арттырып қана қоймай, жастар арасында белсенді азаматтық ұстанымды қалыптастыруға септігін тигізетініне сенімді.Ақпарат көзі : https://www.gov.kz/memleket/entities/akimvko/press/news/details/929763

Шығыс Қазақстан облысының әкімі Ермек Көшербаев білім басқармасы мен ювеналдық полиция өкілдері, психологтар, ШҚО бойынша Бала құқықтары жөніндегі уәкілдің қатысуымен кеңес өткізді.Жиын барысында балаларды буллингтен қорғау жолдары талқыланып, оларды құрдастарымен кикілжіңнен аулақ болуға, әлеуметтік желідегі контентті сүзгіден өткізуге үйрету мәселелері көтерілді.Аймақ басшысы атап өткендей, мектеп психологтарының жұмысын сараптап, өскелең ұрпақты адамгершілікке тәрбиелеудегі рөлін күшейту маңызды. Сондай-ақ ата-аналарға бала бойындағы өзгерістерді бірден байқап, көмекке жүгіну құралдарын әзірлеу қажет. Оқушыларға психологиялық қолдаудың қолжетімділігі туралы ақпарат беріп, олардың өмірге деген көзқарасын жақсартуға үлес қосқан жөн..Сондай-ақ жиын барысында облыстағы жастардың түрлі салада жетістіктерге жетіп жатқаны туралы мысалдар келтірілді. Мұндай жоғары нәтижелер мектеп оқушыларына шабыт беріп, алға жылжуға жігерлендіреді. Мамандар балалар арасындағы келіспеушіліктердің шешімі бар екенін де атап өтті.Ақпарат көзі : https://www.gov.kz/memleket/entities/akimvko/press/news/details/930073

ШҚО әкімі Ермек Көшербаева энергетика саласының ардагері Виктор Недовесовпен және С. Аманжолов атындағы ШҚУ-дың оқытушысы, география ғылымдарының кандидаты Анатолий Чурсинмен кездесті. Қатысушылар Өскемен қаласындағы экологиялық жағдайды, сондай-ақ атмосфералық ауадағы заттардың шекті рұқсат етілген концентрациясы және шығарындылар көлемін құру мүмкіндігін талқылады. Талқыланған маңызды тақырыптың бірі - шағын қазандықтардың жұмысына жаңа технологияларды енгізу. Атап айтқанда, отынды қайнаған қабатта жағу. Бұл тиімді химиялық реакция мен жылу өткізуге мүмкіндік береді. — Алдағы уақытта жеке секторда блокты-модульдік қазандықтарды орнатып, халықты жылумен қамтамасыз ете аламыз. Бұл сапасыз отынның зиянды шығарындыларын азайтуға, жеке үйлерді жылумен және ыстық сумен үздіксіз қамтамасыз етуге оң ықпал етеді, - деді Ермек Көшербаев. Сондай-ақ, ол алдағы уақытта қазандықтардың бірінде жаңа технологиялар сынақтан өтетінін атап өтті. Сонымен қатар Виктор Недовесов пен Анатолий Чурсин облыстың экологиялық-географиялық атласын ұсынды. Облыс әкімі цифрландыру және архивтер басқармасына оны цифрлық форматқа көшіріп, тек облыс тұрғындарына ғана емес, экологиялық жағдайға қызығушылық танытқан кез келген адамға қолжетімді етуді тапсырды.Ақпарат көзі : https://www.gov.kz/memleket/entities/akimvko/press/news/details/930123

Қазақстан Республикасының Төтенше жағдайлар министрлігі жеке кәсіпкерлік субъектілерінің бірлестіктерін және өзге де коммерциялық емес ұйымдарды кәсіпкерлік мәселелері жөніндегі сараптамалық кеңестерде жеке кәсіпкерлік субъектілерінің мүдделерін білдіруге аккредиттеуді жүргізуге өтініштер мен құжаттарды қабылдаудың басталғаны туралы хабарлайды. Қазақстан Республикасы Ұлттық экономика министрінің 2023 жылғы 29 маусымдағы № 127 бұйрығымен бекітілген Жеке кәсіпкерлік субъектілері бірлестіктерін және өзге де коммерциялық емес ұйымдарды аккредиттеуді жүргізу тәртібі, аккредиттеуді жүргізу қағидаларында, оның ішінде аккредиттеу туралы куәліктің нысанында, жеке кәсіпкерлік субъектілері бірлестіктерін және өзге де коммерциялық емес ұйымдарды аккредиттеудің негіздері мен күшін жою тәртібі айқындалған. Аккредиттеуді алу үшін өтініш беруші Министрлікке электрондық нысанда: 1) қағидаларға 2-қосымшаға сәйкес нысан бойынша өтініш; 2) құрылтай құжаттарының және заңды тұлғаның, филиалдың (өкілдіктің) қазақ және орыс тілдерінде мемлекеттік (есептік) тіркелгенін (қайта тіркелгенін) растайтын құжаттардың электрондық көшірмелері; 3) бизнес-сәйкестендіру нөмірі көрсетілген бірлестік және/немесе ұйым мүшелерінің тізімін ұсынады. Аккредиттеу туралы куәлікті мерзімсіз негізде алу үшін өтініш беруші мемлекеттік органдарда қатарынан екі реттен артық аккредиттеуді растайтын жеке кәсіпкерлік субъектілерін және өзге де коммерциялық емес ұйымдарды аккредиттеу туралы куәліктердің көшірмелерін ұсынады. Министрлікте аккредиттеуге үміткер бірлестіктер мен ұйымдар Қағидалардың 8-тармағында көзделген құжаттар топтамасын хабарландыру жарияланған күннен бастап он жұмыс күні ішінде мынадай мекенжай бойынша бере алады: Астана қаласы, Мәңгілік ел даңғылы, 8 подъезд 2, каб. 705/1, электрондық пошта: neldybayeva.ae@emer.kz. анықтама үшін телефон: 8-7172-60-21-25. Ақпарат көзі : https://www.gov.kz/memleket/entities/emer/press/news/details/929540

Өңірлерде профилактикалық және инженерлік-техникалық жұмыстар жүргізілуде, ал олардың орындалуын жергілікті деңгейде үйлестіруді ТЖМ бөлімшелері жүзеге асырады. Республикалық және аймақтық бағдарламалық құжаттар аясында су тасқынының алдын алу шаралары жүзеге асырылуда.Бүгінде республикада су тасқыны қаупі бар аймақтарда 1223 елді мекен бар. Өңірлерде су тасқынының алдын алу бойынша барлығы 1400 іс-шара жүзеге асырылды. Елді мекендерді қорғау үшін 576 шақырым қорғаныс бөгеттері мен жағалаулар салынып, нығайтылды. 164 шақырым су бұру жүйесі жөнделді және салынды, автомобиль және темір жол астындағы 960 су өткізгіш құрылыстар орнатылды және ауыстырылды, 658 шақырым каналдар мен арықтар салынды. 74 өзеннің қауіпті учаскелерінде үш жүз шақырымнан астам тереңдік тереңдету және жағалауды бекіту жұмыстары жүргізіліп, 190 шақырымы тазартылды. Елді мекендерде нөсер және су бұру жүйелерін салу және жөндеу жұмыстары жүргізілуде. Елді мекендерден қар шығару үшін қауіпсіз орындар да алдын ала белгіленді. Ақтөбе облысында су тасқынына қарсы шаралардың барысы тексерілді. Су тасқыны кезеңіне дайындық аясында облыс әкімі Асхат Шахаров облыс орталығындағы негізгі су айдындары мен су басу қаупі бар аумақтарды аралап көрді. Өңір басшысы Төтенше жағдайлар департаментінің командалық-штабтық машинасы мен ұшқышсыз ұшу аппараттарының көмегімен Елек және Қарғала өзендерінің бойындағы ықтимал қауіпті аумақтарды, сондай-ақ Сазда су қоймасын аралап көрді. Қазіргі таңда Елек өзенінің бойында ұзындығы 1300 метрді құрайтын жағалауды бекіту жұмыстары жүргізілуде. Сонымен қатар, қауіпті аймақта орналасқан «Ақтөбентген» -14, 16, «Урожайный», «Зеленстрой» бау-бақша серіктестіктерінің учаскелерінде еріген суды ағызу шаралары жүргізілуде. Бұл жерлерде Заречный көпірінен Кирпичный көпіріне дейін Елек өзенінің жағалауы салынуда. Асхат Шахаров Сазды су қоймасының ағымдағы жөндеу жұмыстарының барысын да тексерді. Мұнда су төгетін шөміштің түбін бөлшектеу, екі қатарлы арматурамен бетон құю, соқыр алаң салу және мұздан қорғайтын қабырға орнату жұмыстары аяқталды.Бүгінде Алматы облысы Талғар ауданында су тасқынының алдын алу мақсатында алдын алу шаралары жүргізілуде. Жұмыс Талғар қаласы әкімінің тікелей басшылығымен жергілікті атқарушы органдармен бірлесіп ұйымдастырылды. Іс-шаралар аясында Қазтуған жырау көшесінің бойында суару желілері мен каналдар тазартылып, жағалаулар тазартылып, Тополевка өзені тереңдетілді. Бұл жұмыс алдағы уақытта да жалғасын тауып, аудан тұрғындарының қауіпсіздігін жақсартады. Талғар қаласында 38 шақырым суармалы арық пен 30-дан астам көше қоқыстан тазартылған. Жақын арада осындай іс-шаралар, сонымен қатар қосымша арналар салу жоспарлануда. Астанадағы қарсы реттеуіште тексеру жүргізілді. Тексеру барысында Төтенше жағдайлар департаменті мен Төтенше жағдайлардың алдын алу комитетінің қызметкерлері «Қазводхоз» РМК Ақмола филиалының өкілдерімен бірлесіп, тасқын суды қабылдау және жіберуге, нысанды қайта құруға дайындық мәселелеріне баса назар аударды. Қорытынды бойынша «Қазводхоз» РМК теңгерім ұстаушысына су тасқыны кезеңінің қауіпсіз өтуі бойынша барлық шараларды тиісті жағдайда ұстау және қамтамасыз ету бойынша ұсыныстар берілді. Жамбыл облысының әкімі Ербол Қарашокеев Байзақ ауданы мен Талас қаласында алдағы су тасқыны кезеңіне дайындық барысымен, соның ішінде Талас өзені жағалауындағы күзет жұмыстарымен танысты. Тексеру барысында Төтенше жағдайлар департаментінің қызметкерлері Талас өзенінде су басу қаупі бар Сарыкемер, Дихан, Аймантөбе және Қостөбе ауылдарында тазалауды және жағалауды қорғауды қажет ететін 6 қауіпті аумақты анықтады. Талас өзенінің жағалауын нығайту жұмыстары қаңтар айында басталды. Тексеру қорытындысы бойынша Тараз қаласы мен Жамбыл ауданының әкімдеріне, сондай-ақ мүдделі мемлекеттік органдарға одан әрі ықтимал қауіпті аумақтарды тексеру, өзен арнасын тазарту және тереңдету, жағалауды бекіту жұмыстарын жүргізу тапсырылды. Шымкент қаласының Төтенше жағдайлар департаменті жедел және жергілікті атқарушы органдармен бірлесе отырып, жедел және жедел кеңес өткізді. Шара аясында су басу қаупі бар аймақтарды визуалды тексеру жүргізілді, сондай-ақ ықтимал қауіптерге егжей-тегжейлі талдау жасалды. Тексеру барысында су тасқыны кезеңін қауіпсіз өткізуге және болуы мүмкін төтенше жағдайларға дайындықты арттыруға бағытталған алдын алу шаралары қарастырылды. Жағалау сызығын нығайтып, дренаждық арналарды тазартып, тұрғындарды жедел хабардар етуге баса назар аударылуда. Нәтижелері бойынша құзырлы мемлекеттік органдарға инженерлік-техникалық және жағалауды қорғау іс-шараларын жүзеге асыру, сондай-ақ су тасқыны қаупін азайтуға бағытталған қосымша шаралар әзірлеу бойынша ұсынымдар берілді. Ақпарат көзі : https://www.gov.kz/memleket/entities/emer/press/news/details/929758

Бірнеше қалада шұғыл қызметтер мен медициналық бөлімшелер қызметкерлерінің қатысуымен ауқымды өрт-тактикалық оқу-жаттығулар өтті. Жеке құрамның жедел-тактикалық дайындығын шыңдау мақсатында Ақтөбе қаласының сауда үйінде өрт-тактикалық оқу-жаттығу өткізілді. Аталған іс-шараға өрт сөндіру бөлімдері, Апаттар медицинасы орталығы, жедел-құтқару жасағының қызметкерлері, сондай-ақ негізгі, арнайы және көмекші техникалар жұмылдырылды. Нәтижесінде кезекші ауысымдардың жеке құрамы шартты тапсырманы кәсіби орындады. Өрт тактикалық оқу-жаттығу аяқталғаннан кейін сауда үйінің өкілдері ТЖ қызметкерлеріне алғысын білдіріп, жеке құрамның атқарған кәсіби іс-қимылдарына оң баға берді. Атырау қаласында 25 қабатты қонақ үйде «Көп қабатты биік ғимараттағы өртті сөндіру» тақырыбында өрт тактикалық оқу-жаттығу өтті. Оқу-жаттығудың мақсаты – өрт сөндіру бөлімдерінің көп қабатты биік ғимараттағы орын алған өртті сөндіру кезіндегі жауынгерлік дайындығын пысықтау, келушілерді қауіпсіз көшіруді пысықтау, ғимараттың тактикалық жағдайымен, конструкциялық ерекшеліктерімен танысу болды. Оқу-жаттығу соңында талдау жасалып, барлық қойылған мақсаттар пысықталды. ТЖ басқармасының мамандары қонақ үй қызметкерлеріне өрт қауіпсіздігі талаптарын айтып, алғашқы өрт сөндіру құралдарын пайдалану жолдарын көрсетті. Сонымен қатар Қызылорда қаласында көпсалалы облыстық ауруханада оқу-жаттығу өтті, онда өрт кезіндегі іс-қимылдар пысықталды. Оқу-жаттығу барлық қызметтердің шартты өртті сөндіру кезіндегі өзара іс-қимылын жетілдіруге бағытталды. Оқу-жаттығу барысында емдеу мекемесінің аумағында өртті сөндіру бойынша іс-шаралар пысықталды, сондай-ақ әртүрлі бөлімшелер арасындағы үйлестіру механизмдері тексерілді. Қатысушылар төтенше жағдайларда әрекет етуге дайындығын көрсетті. Барлық қойылған міндеттер жоспарға сәйкес сәтті орындалды. Бұл оқу-жаттығулар шұғыл қызметтердің өзара іс-қимылын жетілдірудегі және төтенше жағдайларды жоюға дайындықты жақсартудағы маңызды қадам болды.Ақпарат көзі : https://www.gov.kz/memleket/entities/emer/press/news/details/930070

ТЖ мнистрі генерал-майор Шыңғыс Әрінов жол-көлік оқиғасы нәтижесінде адамдардың өмірін құтқаруда және жанып жатқан автомобильдің өртін сөндіру кезінде көрсеткен батылдығы мен кәсібилігі үшін Қазақстан Республикасы Үкіметінің Аппараты Қорғаныс және құқықтық тәртіп бөлімінің бас инспекторы Алтай Мырзабаевты «Төтенше жағдайдағы ерлігі үшін» төсбелгісімен наградталды. Естеріңізге сала кетейік, 2025 жылғы 2 ақпанда түнде Астана қаласының Есіл ауданында екі жеңіл автокөліктің қатысуымен болған жол-көлік оқиғасы салдарынан өрт шықты. Алтай Мырзабаев отбасымен бірге өтіп бара жатып, дереу өрт сөндіргішпен зардап шеккендерге жүгіріп шықты. «ТЖМ күштері келгенге дейін өртті сөндіріп жатқанда, жанымда тұрған куәгерге 112 нөміріне хабарласуын сұрап, кейін келгендердің барлығына өрт сөндіргіштерді әкеліңдер деп айқайладым! Содан кейін соққыдан қысылған екінші көліктен зардап шеккен екі адамды құтқаруға кірістім», - деп қаһарманымыз еске алады. Өрт жедел сөндірілді, зардап шеккендер жедел медициналық жәрдем бригадасына табысталды. Ақпарат көзі : https://www.gov.kz/memleket/entities/emer/press/news/details/930158

2025 жылы Ақтөбе облысында жалпы құны 491 млрд теңгені құрайтын 10 ірі инвестициялық жобаны іске асыру жоспарлануда.Оның ішінде тау-кен және өңдеу өнеркәсібі, энергетика және ауыл шаруашылығы саласының жобалары бар. Бұл жобалар 1,2 мыңға жуық жұмыс орнын ашып, бұл өз кезегінде жұмыссыздық деңгейін төмендетеді және аймақтағы әлеуметтік-экономикалық жағдайды жақсартады.Ақтөбе облысына инвестиция тарту бойынша жүйелі шаралар аймақ басшысы Асхат Шахаровтың төрағалығымен өткен аппарат мәжілісінде қаралды.«Ел Президентінің тапсырмасы аясында біз инвестициялық ахуалды жақсарту және өңірді дамыту үшін стратегиялық маңызды жобаларды іске асыру бойынша белсенді жұмыс істеуіміз керек. Біздің алдымызда жаңа инвестицияларды тарту ғана емес, оларды тиімді пайдалану үшін жағдай жасау міндеті тұр. Ол үшін оң инвестициялық ахуалды қолдауды, бизнес-белсенділікті ынталандыруды және экономиканы әртараптандыруды қамтамасыз ететін іс-шаралар кешенін әзірлеу және енгізу қажет», - деп облыс әкімі бірқатар бірінші кезектегі міндеттерді белгіледі.Индустриялық-инновациялық даму басқармасының басшысы Досжан Әлібековтің ақпараты бойынша, 2024 жылы Ақтөбе облысының экономикасына 901,1 млрд теңге инвестиция тартылды, бұл – мемлекеттік органдардың, бизнес-құрылымдар мен инвесторлардың кешенді жұмысының нәтижесі. Тартылған қаражаттың негізгі бөлігі өнеркәсіпке, көлік және қоймалауға, сондай-ақ жылжымайтын мүлікке тиесілі.Өңірдегі инвестициялық ахуалды одан әрі дамыту және жақсарту үшін 2025-2027 жылдарға арналған инвестициялар тарту жөніндегі кешенді жоспар әзірленді. Осы жоспар шеңберінде инвесторлар тарту үшін жағдай жасауға және ресурстарды тиімді пайдалануды қамтамасыз етуге, сондай-ақ нақты салалар мен кәсіпорындар үшін нақты бастамаларды іске асыруға бағытталған түрлі шаралар көзделген.Досжан Әлібеков хабарлағандай, әрбір аудан бойынша инвестициялық бағдарламаларды әзірлеу жоспарланып отыр, аудан әкімдіктері өңірдің ресурстарын тиімді пайдалана отырып, өздерінің басым салаларына назар аудару ұсынылады.Сондай-ақ, инвесторларға қызмет көрсету орталығын «бір терезе» қағидаты бойынша ашу жоспарланып отыр, бұл инвесторлар үшін рұқсаттар мен басқа да қажетті құжаттарды алу процесін жеңілдетуге және бизнес үшін барынша қолайлы жағдайларды қамтамасыз ете отырып, әкімшілік кедергілерді азайтуға мүмкіндік береді.«Ақтөбе қаласында бизнес-қауымдастықпен тұрақты өзара іс-қимыл жасау және имидждік инвестициялық форум өткізу – нақты шаралардың маңызды бөлігі. Бұл инвесторлардың сенімін арттыруға және бірлескен жобалар үшін әлеуетті серіктестер шеңберін кеңейтуге мүмкіндік береді. Бизнес-қауымдастықтың Қытай, Түркия, Үндістан және Пәкістанға сапарлары жоспарлануда, онда аймақтың инвестициялық мүмкіндіктері ұсынылады. Бұл инвестиция тарту географиясын кеңейтіп, халықаралық ынтымақтастықты нығайтуға көмектеседі», - деп атап өтті басқарма басшысы.Шағын индустриялық аймақтарды құруға, арнайы экономикалық аймақты кеңейтуге, туризмге, денсаулық сақтау мен білім беруге инвестицияларды белсенді тартуға баса назар аударылады.Шағын және орта бизнесті қолдау үшін «Өркен-2» бағдарламасы әзірленбек. Оны іске асыруға облыстық бюджеттен және «Даму» АҚ ШОБ жобаларын дамытуға 1 млрд теңге бөлінеді. Сонымен қатар, агроөнеркәсіптік кешен үшін 2,5% жеңілдікпен несиелеу қарастырылған. Бөлінетін қаражат ауыл шаруашылығы өндірісін жаңғыртуға, техникалық жарақтандыруға және осы салада жаңа технологияларды енгізуге бағытталады.Спикердің баяндамасынан кейін облыс әкімі барлық мүдделі тараптар арасындағы тиімді үйлестіру мен өзара іс-қимылды қамтамасыз ете отырып, туындайтын мәселелерді шешуді жеделдетуде өзіндік рөл атқаратын өңірлік инвестициялық штаб пен үйлестіру кеңесін құруды тапсырды.Сондай-ақ, Асхат Шахаров индустрияландырудың бірыңғай картасына және Ұлттық жобалар пулына енгізілген инвестициялық жобалардың мониторингін бақылауды тапсырды, бұл олардың уақтылы іске асырылуы мен тиімділігін қамтамасыз етуге мүмкіндік береді.«Ұсынылған барлық шаралар өңірдің тұрақты өсуі мен дамуын қамтамасыз ететін тұрақты экономикалық база құруға бағытталған. Қаржылық қолдауды, инфрақұрылымды дамытуды және мамандандырылған аймақтарды құруды қамтитын біздің кешенді тәсіліміз инвесторлар үшін тартымды жағдайлар жасайды, бұл өз кезегінде өңірдің ұлттық және халықаралық деңгейлердегі бәсекеге қабілеттілігін арттырады», - деп қорытындылады өңір басшысы.Ақпарат көзі : https://www.gov.kz/memleket/entities/aktobe/press/news/details/929904

Қазақстан Республикасы Ауыл шаруашылығы вице-министрі Ербол Тасжүреков жұмыс сапары аясында Шығыс Қазақстан облысының тұрғындары және ауыл шаруашылығы тауар өндірушілерімен кездесті. Ол агроөнеркәсіптік кешен саласында іске асырылып жатқан жобалармен танысты.Атап айтқанда, вице-министр 2024 жылдың қазанында 460 бас аналық бас малдан тұратын СТФ кеңейту жобасы аяқталған «Украинка» шаруа қожалығын аралады.Жоба ірі инвестициялық жобаларды несиелеу бағдарламасы аясында қаржыландырылды. Қожалықтың иелігінде 651 мың га ауыл шаруашылығы жері, 1270-тен астам ірі қара мал мен жылқы, сондай-ақ барлық қажетті арнайы техника бар.«Біз Солтүстік Қазақстан облысының тәжірибесін тарату бағдарламасын жалғастырамыз. Өткен жылы 268,2 мың тонна сүт өндіретін 39 сүт-тауарлы ферма іске қосылды. 2025 жылы бұл бағдарламаға 200 млрд теңге бөлініп, 141 инвестициялық жоба қаржыландырылады. Шығыс Қазақстан облысына 8 млрд теңге бөлініп, 6 жоба жүзеге асырылады», – деді Ербол Тасжүреков.Украинка ауылының тұрғындарымен кездесуде вице-министр олардың сұрақтарына жауап берді. Кездесуге қатысушыларды субсидиялау, «Ауыл аманаты» бағдарламасы, мал шаруашылығы, құс шаруашылығы және өңдеу саласының дамуы қызықтырды.«Мемлекет басшысы ауыл шаруашылығының жалпы өнім көлемін екі есеге арттыру міндетін қойды. Бұл мақсатқа жету үшін еңбек өнімділігін арттыру қажет. Ол үшін агротехнологияларды енгізу, тыңайтқыштарды қолдану, сапалы тұқым пайдалану, техниканы жаңарту, асыл тұқымды мал шаруашылығын дамыту керек. Биыл көктемгі егіс және егін жинау жұмыстарын қаржыландыруға 700 млрд теңге бөлінеді. Қаражат бөлу 2024 жылдың 29 қарашасында басталып, бүгінге дейін 819 тауар өндірушіге 120,1 млрд теңге бөлінді», – деп мәлімдеді Ербол Тасжүреков.Мемлекет басшысының ауыл шаруашылығы техникасын жаңарту деңгейін жылына 8-10%-ға жеткізу тапсырмасына сәйкес, 200 млрд теңге жеңілдетілген лизингке бөлінеді. Бұл 5 мыңнан астам ауыл шаруашылығы техникасын жаңартуға мүмкіндік береді.Вице-министр агротехнологияларды енгізу және өнімділікті арттырудың маңыздылығын атап өтіп, Президенттің тапсырмасы бойынша ауылшаруашылық өнімдерін екі есе арттыру қажеттігін айтты.Ақпарат көзі : https://www.gov.kz/memleket/entities/moa/press/news/details/929891

Ұлттық статистика бюросының алдын ала деректері бойынша өсімдік шаруашылығының жалпы өнімінің нақты көлем индексі 2024 жылы 121,1% құрады. Нақты көлем индексінің ұлғаюы есепті кезеңде дәнді және бұршақ дақылдарының жалпы жиналуының өсуіне байланысты.Көкөністер мен бақша, тамыр және түйнек дақылдарының ауданы 372,1 мың гектарды (98,6% 2023 жылға) құрады, оның ішінде ашық топырақтағы көкөністер – 126,1 мың гектар (80,9%), картоп – 122,6 мың гектар (129,5%), мақта – 106,4 мың гектар (91,3%).16 551,8 мың гектар (99,4%) алқапта дәнді (күрішті қоса алғанда) және бұршақ дақылдары, 2 735,1 мың гектар (110,6%) майлы дақылдар, 120,2 мың гектар картоп (129,3%) жиналды.Дәнді (күрішті қоса алғанда) және бұршақ дақылдарының жалпы өнімі 2023 жылмен салыстырғанда 47,4%-ға артып, 25 204,8 мың тоннаны құрады. Майлы дақылдардың жалпы өнімі 52,8%-ға артып, 3 337,6 мың тоннаны құрады.Көкөністер мен бақша дақылдарының, тамыр және түйнек дақылдарының жалпы өнімі 4,2%-ға артып, 10 246,8 мың тоннаны құрады. Картоптың өнімділігі 28,7%-ға, яғни 2 634,6 мың тоннаға өсті.2023 жылғы деңгеймен салыстырғанда дәнді (күрішті қоса алғанда) және бұршақ дақылдарының өнімділігі 47,6%-ға артып, 15,2 ц/га құрады, ал көкөністер мен бақша дақылдарының, тамыр және түйнек дақылдарының өнімділігі 4,6%-ға артып, 272,5 ц / га құрады. Сондай-ақ, жыл ашық көкөністер (өсу 4,5%) және қант қызылшасы (33,9%) үшін жемісті болды.Осылайша, 2024 жыл ауылшаруашылық өндірісі үшін сәтті болды, бұл егістік алқаптарында да, жалпы өнім жинауда да өсумен расталды.Ақпарат көзі : https://www.gov.kz/memleket/entities/moa/press/news/details/929980