Бүгінгі таңда Шалқар ауданында жалпы халық санының 88,4 % немесе 37,5 мың тұрғыны көгілдір отын пайдалануда.«Өткен жылдың соңында Айшуақ ауылдық округіне қарасты Есет ата ауылына газ беріліп, тұрғындар көгілдір отынның игілігін көріп бастады. Айта кететін бір жайт, осы жобаның мердігері ауданымыздағы Есет-Дәрібай кесенесіне демеушілікпен газ тартып берді. Қазіргі таңда Қопасор елді мекенін газдандыруға жобалық сметалық құжаттары мен сараптама қорытындысы дайын» - деді аудан әкімі Жанболат Жидеханов өңірлік коммуникациялар қызметінде өткен баспасөз-конференциясында.Ол сондай-ақ, биыл Бершүгір, Сарсай, Алабас ауылдарына газ тарту жұмыстары басталғанын атап өтті. Бұл жұмыстарға бюджеттен 1,5 млрд. теңге қарастырылған. Жобалар 2025 жылы аяқталуы тиіс.Ақпарат көзі : https://www.gov.kz/memleket/entities/aktobe/press/news/details/878416

Жамбыл облысының әкімі Ербол Қарашөкеев Тараз қаласындағы №66 мектептің салтанатты ашылуына қатысты. Білім беру нысаны Мемлекет басшысының тапсырмасына сәйкес «Жайлы мектеп» Ұлттық жобасы аясында бой көтерді. Жаңа мектеп 1200 орынға шақталған.Бұл Жамбыл облысында ашылған екінші жайлы мектеп.Салтанатты шарада Ербол Қарашөкеев құттықтау сөз сөйлеп, өңірде 12 жайлы мектептің құрылысын жүргізу жоспарланғанын атап өтті.– Мемлекет басшысы Қасым-Жомарт Кемелұлы Тоқаевтың тапсырмасына сәйкес «Жайлы мектеп» Ұлттық жобасы аясында білім ордасы есігін айқара ашып отыр. Жаңа оқу жылында дәл осындай білім беру нысаны Байзақ ауданының Сарыкемер ауылында пайдалануға берілді.Ұлттық жоба оқушы орындарының тапшылығы, апатты мектептерді жою және үш ауысымды оқыту мәселесін шешуге бағытталған. Біздің мақсат — балалардың сапалы білім, саналы тәрбие алуы үшін заманауи, қауіпсіз әрі ыңғайлы орта қалыптастыру, — деді облыс әкімі.Жаңа білім ошағы Бәйтерек (13) шағынауданында орналасқан. Мектепте жайлылық пен қауіпсіздіктің барлық талаптары сақталған. Бейнебақылау камералары мен дабыл түймелері орнатылған.Ғимаратта интерактивті тақтасы бар 59 оқу кабинеті, асхана, 2 спорт зал, 2 компьютер, 3 зертханалық кабинет, жайлы кітапханалар, шеберханалар мен коворкинг-орталық қарастырылған.Бұдан бөлек, қосымша білім беру сабақтарын өткізуге арналған кабинеттер бар.Жайлы мектеп ерекше білім беру қажеттіліктері бар балаларға да толықтай бейімделген.– Бүгін Бәйтерек шағынауданының тұрғындары үшін мерейлі күн. Балаларымыздың бағына орай үйіміздің маңынан жайлы мектеп ашылып отыр. Қуанышымызды сөзбен айтып жеткізу мүмкін емес. Заманауи білім ұясын салуға ықпал еткен Президентімізге зор алғысымызды білдіреміз, — дейді көпбалалы ана Ғалия Құланбаева.Айта кетейік, биыл өңірде 41 білім беру нысанын салуға қаражат бөлінді. Жыл соңына дейін 15 нысан балалардың игілігіне тапсырылады. 2025 жылы 26 білім ошағының құрылысы қарқын алады деп күтілуде.Сонымен бірге 171 жаңа модификация кабинетін, 3 STEM- зертханасы және 3 робототехника кабинетін алу жұмыстары жүргізілуде.Ақпарат көзі : https://www.gov.kz/memleket/entities/zhambyl/press/news/details/878274

5 қарашада Маңғыстау облысының әкімі Нұрдәулет Қилыбай Маңғыстау ауданына қарасты Тұщыбек және Шайыр ауылдарына барып, бірқатар әлеуметтік нысандарды аралады, ауыл халқының тұрмыс-тіршілігімен танысты.Өңір басшысы Тұщыбек ауылында орналасқан Е. Оразақов атындағы туберкулезге қарсы шипажайдың жағдайымен танысты. 1963 жылы құрылған бұл шипажай 30 орынға арналған. Мекемеде 42 қызметкер жұмыс істейді, олардың ішінде 3 дәрігер мен 8 мейірбике бар. Мұнда емделушілерге шұбат ұсынылып, дәстүрлі емдеу шаралары қолданылады.Облыс әкімі жауапты азаматтарға ескірген ғимараттыкүрделі жөндеуден өткізіп, көп жылдан бері халық игілігі үшін қызмет етіп келе жатқан шипажайдың жаңа тынысын ашуды тапсырды.- Бұл шипажайдың жұмысы тоқтамауы тиіс. Тұщыбектегі шипажай өңірдің игілігіне қызмет етіп, адамдардың денсаулығын нығайтуға үлес қосуы керек. Біз оны жандандыруға күш саламыз. Бұл мекеме халыққа қызмет ететін беделді орынға айналуы керек , - деді Нұрдәулет Қилыбай.Сапар барысында облыс басшысы Тұщыбек ауылдық мектебінің қосымша құрылысын да қарады. 2005 жылы пайдалануға берілген, 50 орындық мектеп-бөбекжайға қазіргі уақытта жапсарлас жаңа 3 қабатты мектептің құрылысы жүргізілуде. Онда спорт залы, акт залы, асхана, кітапхана және қосымша 8 кабинет қарастырылған. Жаңа ғимарат 160 оқушыға лайықталып салынып жатыр, құрылыс аяқталғаннан кейін 9 жылдық мектеп 11 жылдық оқу орнына айналады.Облыс әкімі Шайыр ауылдық округінде бірқатар әлеуметтік және инфрақұрылымдық нысандардың жағдайын да тексерді. 11 шақырымдық «Шайыр-Жыңғылды» тау жолының 8 шақырымы аяқталған. Қазіргі уақытта жол салуға кедергі келтіріп тұрған таудың 16 метрінің 1,5 метрі ғана қазылған. Өңір басшысы жолды салуға мүмкіндік тудыру үшін таудың қалған бөлігін қазуды тездетуді тапсырды.Әкім сондай-ақ Шайыр ауылындағы дәрігерлік амбулатория мен спорт кешенінің жағдайымен танысты. 2013 жылы салынған, 25 адам қабылдай алатын амбулатория күрделі жөндеуді қажет етеді. Ал спорт кешені бойынша, нысанды Маңғыстау облыстық спорт басқармасының балансына беру, сондай-ақ, жастардың сұранысына сәйкес ауылда заманауи талаптарға сай спорт кешенін салу мәселесі де көтерілді.Нұрдәулет Қилыбай жұмыс сапары барысында әлеуметтік нысандарды жақсарту мен ауыл тұрғындарына қолайлы жағдай жасау бағытында нақты тапсырмалар берді.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/878212

5 қарашада облыс әкімі Нұрдәулет Қилыбай Маңғыстау ауданы Жыңғылды ауылына барып, бірқатар әлеуметтік нысандарды аралап, кезек күттірмейтін мәселелермен танысты.Жыңғылды ауылдық дәрігерлік амбулаториясына барған аймақ басшысына мамандар дәрігер тапшылығы және ғимаратқа жөндеу жұмыстарын жүргізу қажеттігін баяндады. 2016 жылы ашылған амбулаторияда бүгінде 8 мейірбике және 4 кіші қызметкер жұмыс істейді.Облыс әкімі іргетасы 1956 жылы қаланған мәдениет ошағының қызметімен де танысты. 120 орынға арналған мәдениет үйінде бүгінде 200-ге жуық бала түрлі үйірмеге қатысуда. Мәдениет үйінің қызметкерлері ғимараттың ескіргендігін айтып, ғимаратты кеңейтуді сұрады.Әрі қарай Нұрдәулет Қилыбай Ш.Бөлтекұлы атындағы балалар мен жасөспірімдер спорт мектебінің филиалына ат басын бұрды. Спорт мектебі биыл қолданысқа берілген, алайда ауыл белсенділері кешеннің стандартқа сай келмейтінін айтып, қосымша зал және жаттықтырушылар керектігін алға тартты.Облыс әкімі барған Е.Айшуақұлы атындағы жалпы білім беретін мектепке де жөндеу, кеңейту жұмыстары қажет. 1978 жылы құрылған мектепте 711 оқушы білім алуда. Осынша балаға оқу кабинеттері жетіспейді, мектептің акт залы да тарлық етуде.Аймақ басшысы аудан және ауыл әкімдеріне Жыңғылды ауылының тұрғындарына қолайлы жағдай жасау үшін қордаланған мәселелерді рет-ретімен шешуді тапсырды.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/878225

Қазақстанда балалар мен ересектердің мүгедектігін төмендету мақсатында халықтың нысаналы топтарында ауруларды диагностикалау спектрі кеңеюде, жүкті әйелдерде генетикалық аурулар мен ұрықтың туа біткен даму кемістіктерін ерте анықтаудың қолжетімділігі артып келеді, деп хабарлады бүгін Денсаулық сақтау министрі Ақмарал Әлназарова.«Қазақстандағы балалар мүгедектігінің құрылымы диагностиканың жаңа әдістерін жетілдіруге және енгізуге байланысты өзгерістерге ұшырады. Соңғы 7 жылдың ішінде ҚР-да туа біткен кемістіктер, деформациялар және хромосомалық ауытқулардың санаттары бойынша мүгедектік 5,2%-ға, нерв жүйесінің аурулары 1,7%-ға төмендеді», - деп атап өтті ведомство басшысы.Сонымен қатар, нервтік-психикалық аурулар балалар мүгедектігі құрылымында жиі кездесетін диагноздардың біріне айналды. Бұл аутизмді ерте анықтау үшін диагностикалық скринингті енгізуге, аутизм спектрінің бұзылыстарын диагностикалау мен емдеудің клиникалық хаттамасын бекітуге байланысты.Ол 2025 жылдан бастап Қазақстанда 16-17 жас аралығындағы жасөспірім қыздарға жұлын-бұлшықет атрофиясы ауруына скрининг енгізу жоспарланып отырғанын хабарлады.Сонымен қатар, ағымдағы жылдың 1 наурызынан бастап генетикалық аурулар мен туа біткен ақауларды ерте анықтаудың қолжетімділігін жақсарту үшін еліміздің 10 өңірінде «бір күндік клиника» ашылды, онда 23 мыңнан астам жүкті әйел тексеруден өтті. Ағымдағы жылы пациенттерді емдеу тиімділігіне мониторинг жүргізу және бағалау үшін Орфандық ауруларды үйлестірудің республикалық орталығы құрылды.50 жастан 70 жасқа дейінгі ер адамдар үшін ми қан айналымының жіті бұзылулары мен миокард инфарктісінің жиілігін төмендету мақсатында келесі жылдан бастап барлық сақтандырылған азаматтар үшін амбулаториялық коронарография және брахиоцефалдық тамырлардың УДЗ енгізіледі. Бұл тексеруден екі жылда бір рет өтуге болады.Медициналық-санитариялық алғашқы көмек (МСАК) деңгейінде созылмалы инфекциялық емес аурулардың асқынуларын ерте диагностикалау және алдын алу үшін жыл сайын 3,4 миллион ересек қазақстандық ҚЖА, қант диабеті, онкологияға скринингтен өтеді.Денсаулық сақтау министрлігінің басшысы атап өткендей, скрининг нәтижесінде анықталған барлық аурулар бойынша одан әрі емдеу жүргізіледі, пациенттер динамикалық бақылаумен және тегін амбулаториялық дәрі-дәрмектермен қамтамасыз етіледі.ҚР Денсаулық сақтау министрлігі созылмалы инфекциялық емес аурулардың даму қаупі факторларын төмендету бойынша жүйелі жұмыс жүргізуде. Мәселен, 2024 жылдан бастап 21 жасқа дейінгі адамдарға энергетикалық сусындарды сатуға тыйым салу және шектеулер енгізілді.«Паллиативтік көмектің қолжетімділігі мен сапасын қамтамасыз ету үшін 2025 жылғы 1 қаңтардан бастап біз осы медициналық қызметтердің тарифтерін 33%-ға арттырамыз және паллиативтік қызметті қаржыландыру 42%-ға өседі. Сондай-ақ, 2025 жылдан бастап созылмалы инфекциялық емес аурулардың асқынуларын ерте анықтау және алдын алу бойынша медициналық - санитариялық алғашқы көмектің сапасын бағалаудың жаңа моделі енгізілуде, бұл балалар мен ересектердің арасындағы мүгедектікті азайтуға мүмкіндік береді», - деді министр.Соңғы жылдары көптеген елдерде мүгедектіктің өсу үрдісі байқалды, бұл демографиялық өзгерістерге, халықтың қартаюына және диагностиканың жақсаруына байланысты.Ақпарат көзі : https://www.gov.kz/memleket/entities/dsm/press/news/details/878248

2024 жылғы 6 қарашада Қостанай облысының Арқалық қаласында 300 орынға арналған мемлекеттік тілде оқытатын Жайлы мектептің салтанатты ашылуы өтті.Жалпы құрылысына 2,6 млрд. теңге бағытталған Арқалық қаласы білім бөлімінің №7 жалпы білім беретін мектебі табысты білім беру процесі үшін сапалы жағдай жасай отырып, өз есігін айқара ашады.«Жайлы мектеп» Ұлттық жобасының басымдығы Мемлекет басшысы Қасым-Жомарт Тоқаевтың: «Біздің балаларымыз тұрғылықты жері мен оқу тіліне қарамастан сапалы білім алуы тиіс» деген міндетін орындау болды.Мектептің ашылуында Қостанай облысы әкімінің орынбасары Ринат Мұхаметқали мектепте оқушылардың таланттары мен қабілеттерін дамыту үшін барлық жағдай жасалғанын атап өтті. «Өңір үшін әлеуметтік әсері маңызды: 70 тұрақты жұмыс орны құрылды. Оқушылар қадамдық қолжетімділікте сапалы білім ала алады. Мектептің Арқалық педагогикалық институтымен ғылыми-әдістемелік өзара іс-қимылы жолға қойылады, болашақ педагогтар мектепте одан әрі жұмысқа орналасумен практикадан өте алады, ал Институттың жетекші ғылыми қызметкерлері ынтымақтастықты жалғастыру үшін қамқоршылық кеңестің құрамына кіруге дайын», - деп атап өтті ол.Мектептің бастауыш, орта және жоғары буынды оқытуға арналған блоктары бар. 26 оқу кабинеті оқушылардың зерттеу дағдыларын қалыптастыру үшін заманауи жабдықтармен жабдықталған. Робототехника кабинеттері мен компьютерлік сыныптардың, STEM-зертханалардың жарақтандырылуы өскелең ұрпақтың IT-құзыреттерін, ғылыми және шығармашылық әлеуетін дамытуға бағытталған.Оқу залы бар заманауи кітапхана, жайлы коворкинг аймақтары және тыныш және белсенді ойындарға арналып жабдықталған алаңдары бар.Мектеп ерекше білім берілуіне қажеттілігі бар балаларға бейімделген, қауіпсіз білім беру ортасы, оның ішінде мобильділігі төмен азаматтар үшін де барлық жағдайлар жасалған.Қазірдің өзінде мектепке 400-ге жуық бала қабылданды, оқыту екі ауысымда жүргізіледі.Ардагер Әубәкіров Түбекбай Ғабсалықұлы барлық оқушылар мен педагогтарды мектептің ашылуымен құттықтап: «Ең бастысы, қазіргі заманғы стильде салынған оқу орнында өскелең ұрпаққа сапалы білім беру үшін толыққанды жағдайлар жасалса деймін. Бұл оқу орны тек білім беру ордасы ғана емес, қаламыздың спорттық және мәдени өмірінің орталығына айналады деп үміттенеміз».Бұл облыста «Жайлы мектеп» Ұлттық жобасы аясында ашылған екінші мектеп. Жоба бойынша барлығы 4500 орынға арналған 6 мектеп ашылатын болады.Ақпарат көзі : https://www.gov.kz/memleket/entities/kostanay/press/news/details/878202

Digital Jetisu Forum — крупнейшее событие этой осени в Талдыкоргане, которое нельзя пропустить!Когда? 8 ноября, впервые в нашем городе!Где? Выставочный комплекс НПП «Атамекен», мкр. Бирлик, 2А.Во сколько? Начало в 10:00 ч.Вход? Бесплатно для всех желающих! На форуме выступят эксперты Google и топовые специалисты IT-компаний Казахстана, которые расскажут о самых важных трендах и технологиях будущего: Искусственный интеллект — как технологии меняют наш мир прямо сейчас. Кибербезопасность — защита данных в эпоху цифровизации. Smart City — будущее городов и как сделать их удобными для жизни. Big Data — как использовать данные для принятия важных решений.Событие будет интересно всем, от профессионалов до новичков, а также любопытным жителям Талдыкоргана, которые хотят узнать больше о мире цифровых технологий! Помимо лекций, вас ждут:• интерактивная выставка IT-разработок,• презентации новейших технологий Казахстана,• захватывающая битва стартапов, где молодые команды представят свои уникальные проекты и сразятся за призовой фонд.Форум станет точкой сбора для всех, кто хочет быть в курсе последних новинок и трендов в мире IT.Не упустите шанс стать частью цифрового будущего вместе с Digital Jetisu Forum! Организаторы: управление цифровых технологий области Жетісу и IT-хаб «Jetisu Digital»Ақпарат көзі : https://www.gov.kz/memleket/entities/zhetysu-oblysy/press/news/details/878193

Ел Президенті Қ.-Ж. Тоқаевтың бастамасымен сәуір айының басында іске қосылған «Таза Қазақстан» бағдарламасын қостанайлықтар ауқымды түрде қолдауды жалғастыруда. Бұл бастаманың мақсаты – халықтың экологиялық хабардарлығын арттыру және облыстың әртүрлі аймақтарындағы қоршаған ортаны жақсарту.Бағдарлама аясында өңірде қазірдің өзінде аумақтарды тазарту және абаттандыру, қалдықтарды жинау және қайта өңдеу бойынша ауқымды іс-шаралар, сондай-ақ азаматтардың экологиялық сауаттылығын арттыруға бағытталған ағарту жұмыстары жүргізілді.Бағдарламаны жүзеге асыруда жергілікті кәсіпорындар және қоғамдық ұйымдармен ынтымақтастық маңызды рөл атқарады. Іс-шараларға бизнес-қауымдастық, жастар, спортшылар мен этномәдени бірлестік өкілдері белсенді қатысуда.Ағымдағы жылдың 6 қарашасында Қостанай ауданында «Таза Қазақстан» бағдарламасы аясында өткен әлеуметтік экожарнама жасау бойынша экологиялық конкурс аяқталды. Байқауға мектеп оқушыларынан бастап, шығармашылық жарнамалық жобалар арқылы экологиялық мәселелерді шешуге үлес қосқысы келетін мамандарға дейін қатысып, пластикті пайдалануды азайту, қалдықтарды сұрыптау және қайта өңдеу, энергия тиімділігі және шығарындыларды азайту, саналы тұтыну сияқты тақырыптарда бақ сынасты.Байқауға қатысушылардан ластануды азайту, қалдықтарды қайта өңдеу, биоалуантүрлілікті сақтау және тұрақты тұтыну сияқты өзекті экологиялық мәселелерді бейнелейтін 10-нан астам шығармашылық жұмыстар қабылданды.Байқау жеңімпаздары естелік сыйлықтар және дипломдармен марапатталды, жеке қатысушылардың үздік жұмыстары әлеуметтік желілер мен БАҚ-та жарияланатын болады.Тұрғындар арасында жалпы экологиялық мәдениетті қалыптастыру эстафетасын Ұзынкөл ауданының тұрғындары да қолдады. Ұзынкөл ауылының аудандық мәдениет үйінде өткен мерекелік іс-шарада «Ұзынкөл жастары» қоғамдық бірлестігінің бастамасымен ұйымдастырылған аудандық «Үздік аула – 2024» және «Үздік кәсіпорын-2024» байқауларының жеңімпаздары мен жүлдегерлері марапатталды.Байқау Ұзынкөл ауданы әкімдігінің бастамасымен «Таза Қазақстан» жалпы республикалық экологиялық бағдарламасы аясында өткізілді.Конкурстық комиссияның төрайымы, Ұзынкөл ауданының құрметті тұрғыны Екатерина Адамовна Ковалецтің айтуынша, Ұзынкөл ауданында «Таза Қазақстан» экологиялық бағдарламасы жүзеге асырыла бастағаннан бері ауданның ауылдық елді мекендерінің келбеті айтарлықтай жақсарған. Сондай-ақ ол өз сөзінде байқаудың қорытындысын шығару қиынға соққанын, барлық қатысушылар бас жүлдеге лайық болғанын, сонда да тәуелсіз конкурстық комиссия өз таңдауын жасап, жеңімпазды анықтағанын айтып өтті.«Үздік аула – 2024» номинациясы бойынша Троебратское ауылының Темченко отбасы, «Үздік кәсіпорын – 2024» номинациясы бойынша Қостанай облысы әкімдігі білім басқармасының «Ұзынкөл ауданының білім бөлімінің «Сәуле» бөбекжай-бақшасы» КМҚК ұжымы жеңімпаз атанды, конкурс жеңімпаздарына 500 мың теңгенің сертификаттары табысталды. Рудный қаласының тұрғындары үйреншікті сенбіліктер ғана емес, түрлі шығармашылық шараларды өткізу арқылы «Таза Қазақстан» жалпы республикалық бағдарламасына да қолдау көрсетуде. Рудный қаласы әкімдігінің «Жастар ресурстық орталығы» КММ-де «Таза Қазақстан» республикалық экологиялық бағдарламасы аясында «Бірге - Таза Қазақстан» дебаттық турнирі өтті. Турнирге студенттер мен мектеп оқушыларының арасынан жас спикерлер мен пікірсайысшылар қатысып, өзекті мәселелерді талқыға салды.«Ресурстық орталықтың жастары Президенттің бастамасын қолдайды, сенбіліктерге белсене қатысып қана қоймай, түрлі іс-шаралар өткізуде. Бүгін Рудный қаласындағы колледж студенттерінің назарын аударған пікірсайыс турнирі өтті. Осы турасында «Ы.Алтынсарин атындағы Рудный әлеуметтік-гуманитарлық колледжі» КМҚК 4 курс студенті Серікбай Бейбіт Нағашыбайұлы: «Дебат өте қызықты, әрі танымды болды», - деп өз пікірін білдіріп өтті.«Таза Қазақстан» республикалық бағдарламасы аясында аумақты қоршаған ортаның ластануынан қорғап жүрген Жітіқараның ауданың тұрғындарына құрмет көрсетіліп, эко-жарнама жасауға арналған байқаудың қорытындысы шығарылды. Байқауға қатысушылар көп болды, ең үздік жұмыс Жітіқара қаласында баннерге ілінеді.– Байқаудың басты мақсаты – Жітіқара ауданының тұрғындарын «Таза Қазақстан» экологиялық бағдарламасына белсенді қатысуға тарту болды. Қоршаған ортаның ластану мәселесіне тұрғындардың бейжай қарамайтыны қуантады. Бұл байқау өңірімізді абаттандыруға атсалысу үшін тұрғындардың назарын одан сайын арттыра түседі деп сенеміз», - дейді жастар ресурстық орталығы басшысының м.а. Сабыр Өтешев.Бұл іс-шараның мақсаты - халық арасында табиғатты қорғау, экологиялық өмір салтын ұстану және экологиялық проблемаға назар аудару үшін қажетті мінез-құлық үлгісін, құндылықтар мен қасиеттерді қалыптастырып, насихаттау. болды Айта кетсек, биыл елді мекендерді абаттандыруға 11 миллиард теңгеден астам қаржы бөлінген.92,3 мыңнан астамы отырғызылды. 90% көше жарықтандырылып, 120 ауылға жалпы ұзындығы 90,2 шақырым қоршау орнатылады.Ағымдағы кезеңде мемлекеттік органдар мен жеке ұйымдар, шаруа қожалықтары, жастар, волонтерлік және үкіметтік емес ұйымдар, мәслихат депутаттары, ПИК, МИБ өкілдері тартылды. Барлығы 601,4 мың адам қатысып, 354 техника жұмылдырылды, 326 саябақ абаттандырылып, 194,6 мың тонна қоқыс шығарылды, 92,3 мыңнан астам ағаш отырғызылды.Ақпарат көзі : https://www.gov.kz/memleket/entities/kostanay/press/news/details/878163

Қарағандылық Владислав Горизанов «Мемлекеттік тіл – тәуелсіздік символы» республикалық байқауының бас жүлдесін қанжығалады. Іс-шара Ильяс Жансүгіровтің 130 жылдығына арналып өткізілді. Түрі бөлек болса да жүрегі бір азаматтар арасындағы байқау Талдықорған қаласыда өтті. Еліміздің 16 өңірінен келген этнос өкілдері білімдерін ортаға салды. Байқау төрт кезеңнен тұрды. Қатысушылар шығармашылық бағыттағы тапсырмаларды орындап, түрлі сұрақтарға жауап беруі керек. Үміткерлердің тек қазақ тілін меңгергендері аздық етеді. Қазақ мәдениеті мен салт-дәстүрді жатқа білулері тиіс.Қарағанды облыстық ішкі саясат басқармасы жанындағы «Қоғамдық келісім» мемлекеттік мекемесінің маманы Владислав Горизановтың бұл бірінші жеңісі емес. Ол бұған дейін ұйымдастырылған түрлі байқауларда жүзден жүйрік шығып жүрген азамат.– Байқауда мен өзімді жыр жолдарымен таныстырдым. «Абайдың қара сөзін» оқыдым, домбырада күй шерттім. Әр кезең үшін ұпайлар берілді. Бас жүлде иегері деп менің есімімді атағанда таң қалдым. Себебі қарсыластарым өте мықты болды. Олардың арасында тіпті қазақ тілі мен әдебиет пәнінің мұғалімдері де болды. Тартысты бәсекеге қарамастан, жеңіске жеткеніме қуаныштымын, – дейді Владислав Горизанов.Владислав Горизанов 7-сыныптан бастап қазақ тілін үйрене бастайды. Ата-анасы оны қазақ мектебіне оқуға берген. Кейінірек ол жоғарғы оқу орнына түскенде мемлекеттік тілде оқуды таңдайды. Владиславтың айтуынша, қазақ тілін үйрену қиын емес. Тек ниет пен табандылық керек. Ақпарат көзі : https://www.gov.kz/memleket/entities/karaganda/press/news/details/878041

Қарағанды облысының экономикасы тұрақты дамып келеді. Өнеркәсіптік өндіріс пен инвестиция көлемі өсуде. Екі жаңа кәсіпорын жұмыс істей бастады. Бұл полиэтилен құбырларын өндіретін және болат су жылытатын газ қазандықтарын шығаратын кәсіпорындар. Тағы сегіз жоба іске қосылады деп күтілуде. Қарметке жаңа инвестордың келуімен тоқтап тұрған кеніштер қалпына келтірілді. Жаңа инвестордың келуімен Qarmet компаниясында жұмыс істемеген шахталар қалпына келтірілді.Бұл туралы облыс әкімі Ермағанбет Бөлекпаев Орталық коммуникациялар қызметінде өткен брифингте мәлімдеді. Аймақ басшысы халықтың өмір сүру сапасын жақсарту жөніндегі мемлекет басшысының тапсырмаларының орындалуы туралы баяндады.– Жыл басынан бері облыстың экономикасына 679,1 млрд теңге инвестиция құйылды. Бұл өткен жылдағы осы кезеңімен салыстырғанда 14,6 %-ға артық. Облыс картасында екі жаңа кәсіпорын пайда болды. Жыл соңына 200 млрд теңгеден астам инвестиция тартылған тағы 8 жобаны іске қосамыз. Бұл 2600 жаңа жұмыс орнын құруға мүмкіндік береді. Ірі жобалардың қатарында мыс және ферросилиций өндіретін зауыттар бар, – деді Ермағанбет Бөлекпаев.Оның айтуынша, жыл басынан бері экономиканың өсуі 13,1 % құрады.Өнеркәсіп өндірісінің көлемі 2,8 трлн теңгеден асты. Негізгі бөлігі өңдеу өнеркәсібіне тиесілі. Бұл 2,2 трлн теңге.Облыс әкімі Qarmet компаниясының қызметіне жеке тоқталды.– Өздеріңіз білетіндей, былтыр Мемлекет басшысының тапсырмасымен өңірдегі ең ірі Qarmet кәсіпорнында инвестор ауысып, алып кәсіпорында қайта жаңғыру басталды. Металлургиялық комбинатта шойын, болат және жалпақ прокат өндірісі артты .Жаңа инвесторға ауысқан кезде сегіз шахтаның үшеуі ғана жұмыс істеп тұрған еді. Қазір жеті шахта жұмыс істеп тұр. Ұңғыма кенжарларының саны 11-ден 45-ке дейін ұлғайтылды. Бұл болашаққа арналған негіз, ол шахталардың көп жылдар бойы жұмыс істеуін қамтамасыз етеді, – деп атап өтті Ермағанбет Бөлекпаев.Кеншілердің қауіпсіздігі үшін іздеу және позициялау жүйесі енгізілді. Қазір бұл жүйе «Қазақстан» және «Күзембаев» атындағы екі шахтада жұмыс істейді. Келесі жылы барлық шахталар қамтылмақшы.Ақпарат көзі : https://www.gov.kz/memleket/entities/karaganda/press/news/details/877893

Қарағанды облысында биыл 1 млн 300 мың тонна астық өнім жиналды. Бұл рекордтық көрсеткіш. Ал жалпы ауыл шаруашылығы өнімдерін өндіру бойынша Қарағанды облысы елімізде жетінші орында тұр. Жергілікті фермерлер тек облыстың ғана емес, Астананың да азық-түлік қауіпсіздігін қамтамасыз етеді.Аграрлық саланың әлеуетін одан әрі қалай арттыра түсетінін облыс әкімі Ермағанбет Бөлекпаев Орталық коммуникациялар қызметінде өткен брифингте айтты.– Аграрлық өнеркәсіп кешеніне жыл соңына дейін 23 млрд теңгеден астам сомаға 30 инвестициялық жоба іске асырылады. Ауылдарды дамыту аясында "Ауыл аманаты"жобасын ерекше атап өткен жөн. Мемлекет басшысы халықтың әл-ауқатын арттыру жөнінде нақты тапсырмалар беріп, осы бағдарламаның тиімділігін атап өтті. Біздің облыста "Ауыл аманаты" жобасы бойынша 483 шағын несиеге 4,4 млрд теңге бөлінді. Оның жартысы мал шаруашылығын дамытуға, қалған бөлігі ауыл тұрғындарының бизнес – жобаларына бағытталған. Нәтижесінде ауылдық жерлерде 816 жұмыс орны ашылып, 60-тан астам ауыл шаруашылығы өндірістік кооперативтері құрылды, – деді облыс әкімі.Ол ауылшаруашылық кооперациясын қолдаудың сәтті мысалдарын келтірді. Актогай ауданындағы «Saq NS» СК неміс технологиясы бойынша бие сүтін өндіретін цех ашып, ай сайын 30 тонна қымыз өндіреді. Қарқаралин ауданындағы «Мәди-Агро 7» СК ет өндірісін арттырып, өнімдерін Qarmet компаниясы тұтынып отыр.Ақпарат көзі : https://www.gov.kz/memleket/entities/karaganda/press/news/details/877908

Қарағанды облысында шағын және орта бизнес қарқынды дамып келеді. Бұл салада жұмыспен қамтылғандар саны 230 мыңнан асты.Кәсіпкерлікті дамыту және қолдау туралы облыс әкімі Ермағанбет Бөлекпаев Орталық коммуникациялар қызметінде өткен брифингте мәлімдеді.– Қарағанды тек көмір және болат шығаратын алып өндіріс ошағы деген стереотип қалыптасты. Бірақ соңғы 10 жылда экономика құрылымы жаңаланып өзгерді. Бүгінгі таңда Қарағанды – сауда мен қызмет көрсету саласының жоғары үлесі бар үлкен орталық, агломерацияның негізіне айналды. Біздің облыста жұмысы бар екінің бірі кәсіпкерлік саласында, – деп атап өтті өңір басшысы.Кәсіпкерліктің дамуына мемлекеттік қолдау септігін тигізуде.Облыс әкімі мысал ретінде «Іңкәр 1» металл өңдеу кәсіпорнын келтірді. Мемлекеттің көмегі арқасында ол бес жұмыс орнын 115-ке дейін көбейте алды.– Біз елімізде алғашқылардың бірі болып бөлшек салықты 2% - ға дейін төмендеттік. Нәтижесінде жеке кәсіпкерлердің, бөлшек салық төлеушілердің саны 16 есеге өсіп, 2,5 мыңға жетті. Осы жылдың 8 айында ШОБ салықтық түсімдері 16%-ға өсті, – деп толықтырды Ермағанбет Бөлекпаев. Ақпарат көзі : https://www.gov.kz/memleket/entities/karaganda/press/news/details/877918

Қарағанды облысында Саран қаласы тарихта тұңғыш рет елеулі салық түсімін қалыптастыра бастады. Бұл Saran индустриялық аймағын дамытудың нәтижесі. Бұл тәжірибе басқа да моноқалаларды дамыту үшін үлгі болады, деп атап өтті облыс әкімі Ермағанбет Бөлекпаев Орталық коммуникациялар қызметінде өткен брифингте.– Қарағанды облысындағы индустриялық жаңғырту саласындағы табысты бастама Саран қаласында жүзеге асты. Бүгінде Үкіметтің қолдауымен қала экономикасын әртараптандырудың үлгісіне айналғанын айтқым келеді. Ол моноқала мәртебесінен шығарылып, алғаш рет тарихта айтарлықтай салықтық түсімдер бере бастады. Қазір өнеркәсіп өндірісінің 93,2%-ы өңдеу саласына тиесілі. Бұл ең алдымен Saran индустриалды аймағын дамыту нәтижесінде мүмкін болды. Қазіргі таңда 400 млрд теңге көлемінде 9 жоба іске асырылып жатыр, – деді Ермағанбет Бөлекпаев.Жүзеге асырылған жарқын жобалардың арасында облыс әкімі автобус шығару, автомобиль дөңгелектері мен тұрмыстық техника өндіретін зауыттарды ерекше атап өтті.– Президенттің тапсырмасы бойынша бұл тәжірибе біздің облысымыздың басқа моноқалаларында – Теміртау, Балқаш, Шахтинск және Абай қалаларында да енгізілуде, – деп хабарлады өңір басшысы.Ақпарат көзі : https://www.gov.kz/memleket/entities/karaganda/press/news/details/877904

Қарағандыда электрондық сауда үшін заманауи сауда-логистикалық қойма ашылады. Облыстың екі әуежайы жаңғыртылады. Облыстық, республикалық маңызы бар жолдар жөнделеді. Бұл Қарағанды өңірінің логистикалық инфрақұрылымын жақсартуға бағытталған оң қадамдар. Осы тың бастаманың арқасында бизнесті дамыту үшін жаңа мүмкіндіктер пайда болады. Жүк тасымалының көлемі ұлғаяды және тұтастай алғанда транзиттік тартымдылық артады.Қарағанды облысының әкімі Ермағанбет Бүлекпаев логистиканы өңірдің экономикалық өсімінің негізгі бағыттарының бірі ретінде атап өтті. ҚР Президентінің жанындағы Орталық коммуникациялар қызметінде өткен брифингте аймақ жетекшісі логистика облыс пен елдің экономикалық тұрғыда дамуындағы маңызды драйвері деп атап өтті. Сондықтан инфрақұрылымды жаңғырту жоспарлары мен перспективалары туралы баяндады.Қыркүйек айында Қарағандыда Teez маркетплейсі жұмысын бастады. Қойма терминалдың ашылуы өңірдегі электронды сауданың дамуын жеделдетті. Платформаның қуаттылығы – жылына 27 миллион тапсырыс. Бұл шағын және орта кәсіпорындардың іскерлік белсенділігін ынталандырады.Қарағандыда халықаралық логистиканы дамыту үшін жергілікті әуежайды жаңғырту қажет. Уақыт өте келе әуе айлағы жылына 50 мың тонна жүк тиейтін жүк терминалына айналады. Бүгінде ол Эквадордан, Нидерландыдан, Бельгиядан және Оңтүстік-Шығыс Азиядан коммерциялық жүк рейстеріне қызмет көрсетеді. Болашақта Қытайдан Еуропаға ұшатын әуе кемелерінің техникалық қонуын ұлғайту жоспарлануда.Балқаш әуежайын қайта құру маңызды жоба. Болашақта бұл әуежайдың өткізу қабілетін 30%-ға арттырып, басқа өңірлермен әуе қатынасын жақсартуға мүмкіндік береді.Логистиканың дамуы үшін автомобиль жолдарының сапасында мін болмауы керек. Биыл Қарағанды облысында 1032 километр жол жөнделді.Ірі жобалардың бірі Қарағанды – Балқаш автожолын реконструкциялау. Онда жоғарғы қабатына асфальт төсеу жұмыстары аяқталды және трассаны қалыпқа келтіру шаралары жүріп жатыр.Қарағанды – Қарқаралы автожолының 115 шақырымында жөндеу жұмыстары аяқталды. Келесі жылы 85 шақырымды қайта қалпына келтіру жұмысы жалғасады. Осылайша, Қарағандыдан Қарқаралыға дейінгі ұзындығы 200 шақырым жол толығымен жаңаланады.2025 жылы Қарағанды – Жезқазған республикалық жолын қайта жаңарту басталады деп күтілуде.Ақпарат көзі : https://www.gov.kz/memleket/entities/karaganda/press/news/details/877927

Қарағанды облысында инженерлік инфрақұрылымды жаңғырту жұмыстары жалғасуда. Қарағанды, Балқаш, Теміртау және Шахтинск қалаларында 31,5 млрд теңгеге 14 жоба іске асырылуда. 17 шақырым магистральдық жылу желілері ретке келтірілді. Бұл желілердің тозуын 64,4%-ға дейін төмендетеді.Облыстың тұрғын үй-коммуналдық шаруашылығы саласында соңғы 30 жылдағы ең ірі жобалардың бірі қолға алынуда. Бұл Қарағанды қаласындағы үшінші жылу беру нүктесінің құрылысы.– Қазан айында жылу магистралі іске қосылады. Жоспар бойынша жеті жыл ішінде үшінші жылу нүктесінің жылуы 1,2 млн шаршы метр тұрғын үйді жылумен қамтамасыз ете алады. Яғни 20 мыңнан астам пәтерді қамтиды, – деп атап өтті Ермағанбет Бөлекпаев ҚР Президенті жанындағы Орталық коммуникациялар қызметінде өткен брифингте.Сонымен қатар, шалғайдағы елді мекендерді ауыз сумен қамтамасыз етуге ерекше көңіл бөлінеді. Биыл 14 ауыл сапалы сумен қамтылды. Қазір ауыз су құбыры бір жарым мың тұрғынның үйіне тартылды. 26 ауылда шағын блок-модульдер орнатылуда. Бұл ілкімді шаралар облыс халқының 97,6%-ын сапалы сумен қамтуға жол ашты.Сондай-ақ, жеке секторды газдандыру жұмыстары жалғасуда. Газ желілері 7621 үйге тартылды. Оның 3573-і табиғи газға қосылған.Өңірде тұрғын үй құрылысы қарқыны өсуде. Осы жылдың 9 айында 380,3 мың шаршы метр тұрғын үй пайдалануға берілді. Бұл бұрынғыға қарағанда 4,7%-ға көп. Жыл соңына дейін 500 мың шаршы метр тұрғын үй салу жоспарлануда. Бұл мыңдаған отбасын, соның ішінде әлеуметтік осал топтарды баспанамен қамтуға мүмкіндік береді.Ермағанбет Бөлекпаев кәсіпкерлердің тұрғын үй құрылысындағы маңызды рөлін атап өтті. Кәсіпкерлер мемлекеттік қолдау шараларын пайдаланып, ауылда үйлер тұрғызуда. Қазірдің өзінде 55 мың шаршы метр тұрғын үй, яғни, 755 пәтер салынды.Ақпарат көзі : https://www.gov.kz/memleket/entities/karaganda/press/news/details/877956

Барлығы үшін тең мүмкіндік. Қарағанды облысында ауыл тұрғындары үшін медицина қолжетімді бола бастады. Биыл ауылдарда 14 жаңа медициналық нысан ашылды.ҚР Президенті жанындағы Орталық коммуникациялар қызметінің алаңында өткен брифингте денсаулық сақтау саласындағы жетістіктерді Қарағанды облысының әкімі Ермағанбет Бөлекпаев баяндады.– Президент медициналық қызмет көрсету сапасы арттырып, әр науқасқа ерекше көңіл бөліп, денсаулық сақтау жүйесін қайта құру міндетін қойды, –деп атап өтті Ермағанбет Бөлекпаев. – Жыл соңына дейін ауылдық жерлерде тағы 27 медициналық нысан ашылады. Ал келесі жылы 51 денсаулық сақтау мекемесі бой көтереді. Теміртау мен Балқаш қалаларындағы екі аурухана қайта жаңғыртылғаннан кейін ауданаралық ауруханаға айналады. Бұл облыс тұрғындарына медициналық көмек қолжетімді болады деген сөз.Аймаққа білікті медициналық кадрларға қолдау көрсетіліп жатыр. Соңғы екі жылда 236 медицина қызметкер баспаналы болды. Мемлекет тарапынан берілген жәрдемақы көмегінің мөлшері 1,5 миллионнан 8,5 миллион теңгеге дейін артты. Бүгіне 63 маманға қолдау көрсетілді. Жыл соңына дейін тағы 20 медицина қызметкерге көмек көрсету жоспарланып отыр.Пульмонология, комбустиология және кардиологияға арналған құрал жабдықтар сатып алу үшін "Қазақстан халқына" қоры қаржыландырады. Ақпарат көзі : https://www.gov.kz/memleket/entities/karaganda/press/news/details/877979

Қарағанды облысының колледждері өнеркәсіп үшін сапалы кадрлар даярлап, білім беру мен өндіріс орындары арасындағы өзара әріптестікті нығайта түсті. Өндірісті аймақ сегіз жетекші техникалық бағыт бойынша орта мамандандырылған мекемелерді кластерлеуді бастады.Жергілікті кәсіпорындарда жас мамандар жұмысшылар қатарын толықтырады. Өңірде өнеркәсіп, құрылыс және энергетика салаларында мыңнан астам өндіріс ошағы бар. Оларда әртүрлі мамандықтар бойынша 200 мыңға жуық жұмысшы еңбек етеді.– Біздің облыс үшін келесі жылды Мемлекет басшысы жұмысшы мамандықтар жылы деп жариялағаны өте маңызды. Облыс жастарының 60%-ы түрлі кәсіпорындарда жұмыс істейді, – деп атап өтті аймақ басшысы Ермағанбет Бөлекпаев ҚР Президентінің жанындағы Орталық коммуникациялар қызметінде өткен брифингте. – Сондықтан біз Қарағанды облысын еліміз үшін жұмысшы мамандықтарын даярлау орталығына айналдыруды жоспарлап отырмыз. Бұл үшін барлық қажетті жағдайлар бар: Орта кәсіптік білім берудің қалыптасқан тәжірибесі бар. Бірнеше жылдық тарихы бар колледждер сақадай сай. Білім мен тәжірибені ұштастыратын өндірістік кәсіпорындар жеткілікті. Оқытушылар құрамы білікті.Жас ұрпақты тәрбиелеп, сапалы білім беру – облыстағы басым бағыттардың бірі. "Жайлы мектеп" бағдарламасы бойынша облыста 10 оқу орнын салу жоспарланған. Құрылыс 2023 жылы басталды. Биылы оқу жылында Қарағандыда екі жаңа мектеп ашылды. Олардың бірі жайлы мектеп. Жыл соңына дейін тағы бес жаңа жайлы мектепті іске қосу жоспарланған.Қарағанды қаласындағы шағын ауданында заманауи оқушылар сарайы, ал Осакаров ауданында өнер сарайы ашылды.Педагкотарға да белсенді қолдау көрсетіледі. «Дипломмен – ауылға!» бағдарламасы аясында биыл ауылда еңбек етуге келген 140 мұғалім көтерме жәрдемақыға ие болды.«Қазақстан халқына» қорының қаржыландыруы арқасында облыста білім беру саласында мектептерді жаңғырту, жөндеу, спорт алаңдарын салу бойынша төрт жоба іске асырылды.Ақпарат көзі : https://www.gov.kz/memleket/entities/karaganda/press/news/details/878002

Бұқар Жырау ауданында су тасқыны кезеңіне дайындық жаз мезгілінде басталды. Су басу қаупі төнген аумақтарда жүргізілген жұмыстар жайлы ТЖ бөлімінің басшысы мәлімдеді. Төтенше жағдайдың алдын алу үшін аумақтар топырақпен толтырылды, арналар қазылып, су өткізгіштер орнатылды. Көктемде Жастілек ауылындағы тұрғын үйлерді су басу қаупі төнді. Сондықтан аталған учаскеге түсетін қардың еріген суының өтуін жақсарту үшін мамандар арықты кеңейтіп, тереңдетіп, қосымша үш құбыр орнату шешімін қабылдады.Ғабиден Мұстафин кентінде және Нұра станциясында қорғаныс құрылыстарын күшейту үшін ұзындығы 330 метр жаңа білік салынды. Бұндай шаралар Ынтымақ және Сарытөбе ауылдарында да жүргізілді.– Қазіргі таңда Сарытөбе ауылындағы Новостройка көшесінде қорғаныс бөгетінің құрылысы аяқталуда. Жаңаталап ауылындағы қорғаныс бөгеттердің шөгіп қалған бөлігі нығайтылып, оны көтеру жұмыстары аяқталуға жақын. Мұнда жұмыстың 90 пайызы аяқталды, – дейді Бұқар жырау ауданы Төтенше жағдайлар бөлімінің басшысы Ерсін Жүнісбеков.Самарқанд су қоймасынан жыл сайын су ағынының артуына байланысты Чкалов ауылын да су басу қаупі бар. Нұра өзенінің бойында бөгет салу арқылы аталған аумақтағы бөгеттерді нығайту шешім қабылданды.Сонымен қатар, Теміртаудан басталған тазарту құрылғысының каналы Нұраға қарай бұрылды. Жаңа жасалған каналдың ұзындығы 300 метрді құрайды. Бұл мамандардың пікірінше, су тасқынының қауіпін айтарлықтай төмендетуге көмектеседі. 14 мыңнан астам тонна инертті материал дайындалды. Бұл буталы тас, тау жынысы, құм, щебень және қаптама. Қауіп төнген жағдайда, материал су тасқынының алдын алу үшін қолданылатын болады.Сонымен қатар, Ботакара кентіндегі Төреғожин көшесінде жаңбыр суын өткізетін жүйенің құрылысы аяқталды. Байкадам су қоймасының су өткізу учаскелері нығайтылды. Бастысы басқа да су тасқыны қаупі бар учаскелеріне қажетті жөндеу жұмыстар жүргізілді.Ақпарат көзі : https://www.gov.kz/memleket/entities/karaganda/press/news/details/878031

«Жаңа дәуір, ортақ болашақ» ұранымен Қытайда 7-ші рет жыл сайынғы China International Import Expo (CIIE) көрмесі өтуде, ол қазақстандық компаниялар үшін маңызды платформаға айналды. Биыл көрмеде Қазақстанның коммерциялық және ұлттық екі павильоны ұсынылып жатыр. Қазақстанның ұлттық стенді трансшекаралық сауданы дамытуға, инвестицияларды тартуға және «Бір белдеу, бір жол» бастамасы аясындағы ынтымақтастыққа бағытталған цифрландыру және инфрақұрылым саласындағы жетістіктерді ұсынуда.Қазақстандық компаниялардың өнімдеріне қытайлық сатып алушылар мен іскер серіктестердің қызығушылығы артуда. Көрменің алғашқы күнінде жалпы сомасы 50 миллион долларды құрайтын экспорттық келісімшарттарға қол қойылды, бұл қазақстандық тауарларға деген жоғары сұранысты көрсетіп, олардың Қытай нарығына жеткізілуіне жаңа мүмкіндіктер ашады.Қазақстанның коммерциялық стендінде ауыл шаруашылығы және тоқыма өнімдерінің 50 өндірушісі ұсынылған. Көрмеге Қытайға экспортқа рұқсат алған компаниялар қатысуда. CIFER Single Window жүйесінде Қытайға жеткізу құқығына ие 550 қазақстандық азық-түлік өндірушісі тіркелген.Қазақстанның кондитерлік және ұн өнімдері әлемдегі ең ірі 80 миллиард доллар көлеміндегі Қытайдың кондитерлік нарығында ерекше орын алады. Қазіргі уақытта 28 қазақстандық компания Қытайға кондитерлік өнімдерді экспорттау мүмкіндігіне ие және олардың едәуір бөлігі электрондық коммерция арналары арқылы жүзеге асырылады.Сусындар секторы шырындар, шарап және алкогольді ішімдіктер өндіретін төрт компанияның өнімі ұсынылған. Қазақстан сондай-ақ 2019 жылы қол қойылған сүт өнімдеріне арналған ветеринарлық-санитарлық талаптар туралы хаттама арқасында сүт өнімдерін жеткізуді белсенді түрде дамытып келеді. Бүгінгі таңда 18 қазақстандық компания Қытайға сүт өнімдерін, оның ішінде «Ice-Master» ЖШС және «Гормолзавод» ЖШС компанияларының балмұздағын экспорттайды.Көрмеде сондай-ақ қытайлық тұтынушылар арасында сұранысқа ие құрғақ түйе сүті ұсынылған. Бұл өнімді Қытайға жеткізу құқығына ие бес қазақстандық компанияның үшеуі, соның ішінде «King Milk», стендте көрсетілген.Қытай нарығында сиыр еті, қой еті және жылқы еті сияқты Қазақстанның ауыл шаруашылығы өнімдері де сұранысқа ие. 2023 жылы Қытай Қазақстаннан жалпы сомасы 2,6 миллиард доллардан астам ет импорттады. Сонымен қатар, Қазақстаннан Қытайға құрама жемдер мен кебектер белсенді жеткізіліп келеді: елдің құрама жем өндірісінің қуаты жылына 1,9 миллион тоннадан асады, және 115 қазақстандық компания құрама жемдер мен кебектерді жеткізуші ретінде тіркелген.Қазақстанның май өнімдері де айтарлықтай қызығушылық тудырады. 2024 жылдың алғашқы сегіз айында Қазақстаннан Қытайға май өнімдерінің экспорты 360 мың тоннаға жетіп, 307 миллион доллардан асты, бұл өткен жылмен салыстырғанда 27%-ға жоғары. Алдағы үш жылда Қытайға май өнімдерінің экспортының көлемі 300 миллион доллар деңгейінде бағалануда. CIIE 2024 көрмесіндегі Қазақстанның коммерциялық стендін «QazTrade» сауда саясатын дамыту орталығы АҚ Қазақстан Республикасының Сауда және интеграция министрлігінің қолдауымен ұйымдастырды.Ақпарат көзі : https://www.gov.kz/memleket/entities/mti/press/news/details/877965

Жамбыл облысында ағымдағы жылдың 10 айының қорытындысы бойынша құрылыс жұмыстарының көлемі 117,8 пайызға орындалды (жоспар 110,2 %). Бұл туралы облыс әкімі Ербол Қарашөкеевтің төрағалығымен өткен кезекті аппараттық кеңесте айтылды.Басқосуда құрылыс басқармасының басшысы Ерлан Орымбаев жоспарланған жұмыстардың барысы мен саладағы өзекті мәселелер туралы баяндама жасады.Мемлекеттік бағдарламалар аясында 282 жобаның құрылысы жүруде. Биыл 201 нысан, қалған 81-і келесі жылы пайдалануға беріледі деп күтілуде.Бүгінге дейін 71 нысанның құрылысы аяқталды.10 айдың қорытындысы бойынша 577,1 мың шаршы метр тұрғын үй пайдалануға берілді (жоспар 750,0 мың шм).Өңірде 2 909 пәтерлі 56 көпқабатты тұрғын үйдің құрылысы жүруде.Бұдан бөлек, 14 шағынауданда 800 пәтерлі 22 әлеуметтік кредиттік тұрғын үйдің құрылысы басталды.Биылғы жылдың қорытындысына сәйкес 2 749 пәтерлі 54 тұрғын үй пайдалануға беріледі.Халықтың әлеуметтік осал топтары үшін коммуналдық тұрғын үй қорынан сатып алу құқығынсыз пайдалануға берілетін 354 пәтер сатып алынады. Сонымен қатар, «Самұрық-Қазына» Ұлттық әл-ауқат қоры» АҚ есебінен жекешелендіру құқығымен жалға берілетін 1 221 пәтер сатып алу көзделген.Жалпы биыл сатып алу тетігі арқылы 1 575 осал топтағы азаматтар арендалық тұрғын үймен қамтылады. Былтырғы жылмен салыстырғанда пәтер 2 есеге (2023 – 864 пәтер), ал қаражат көлемі 3 есеге (2023 – 7,8 млрд., 2024 – 23,2 млрд) артты.Сонымен бірге 82 инженерлік инфрақұрылым жобаларының құрылысына 13,7 млрд.теңге қаржы қаралған.Ербол Қарашөкеев биылға жоспарланған құрылыс жұмыстарын мерзімінде әрі сапалы аяқтаудың маңыздылығына тоқталып, өз міндеттерін орындамаған, олқылықтарға жол берген мердігерлерге заң аясында қатаң шаралар қабылдауды ескертті.Аудан әкімдерінен тұрғындарға арналған баспаналарды сатып алу шараларын жеделдетуді талап етті.Басқосуда Тараз қаласы мен аудан әкімдері қолға алынған құрылыс жұмыстарының қарқыны бойынша есеп берді.Аппараттық кеңесте «қызыл сызық» құрылыс нормасының сақталуы туралы сәулет және қала құрылысы басқармасының басшысы Айтқазы Қарабалаев, мемлекеттік сәулет-құрылыс бақылау басқармасының басшысы Қайрат Бисембаев баяндама жасады.Ербол Қарашөкеев аталған мәселе бойынша жауаптыларға жұмысты жүйелеп, нақты шаралар қабылдауды тапсырды.Ақпарат көзі : https://www.gov.kz/memleket/entities/zhambyl/press/news/details/877880