Жетісу облысында шалғайдағы Көпбірлік ауылына апаратын жолдың жөндеуі аяқталды. Қаратал ауданына барған жұмыс сапары барысында «Үштөбе – Алмалы – Көпбірлік» автомобиль жолының жөндеу жүргізілген учаскелерін жүріп өткен облыс әкімі Бейбіт Исабаев құрылыс жұмыстарының нәтижелерін көріп қайтты, - деп хабарлайды Жетісу облысы әкімінің баспасөз қызметі. «Үштөбе – Алмалы – Көпбірлік» автомобиль жолының жалпы ұзындығы 176 км, соның 137 шақырымы жөнделді, оның 78,5 шақырымына жөндеу биыл жүргізілді. Жолдың қалған бөлігі жақсы және қанағаттанарлық жағдайда.Атап айтқанда, Көпбірліктен Алмалы ауылына дейінгі ұзындығы 28 км жол учаскесіне 2021 жылы орташа жөндеу жасалды. Жолдың қалған бөлігінің құрылысы төрт бөлікке бөлінген.- Өткен жылы жалпы ұзындығы 30 км болатын 5 км-ден 35 км-ге дейінгі учаске жөнделді. Бүгінде автотрассаның 40 шақырымына, яғни 90-147 шақырым учаскесіне асфальт төселді. Қазіргі кезде абаттандыру жұмыстары жүріп жатыр. Атап айтқанда, жол жиегі нығайтылып, белгілер орнатылуда. Жұмыстар 10 қарашаға дейін бітеді. Жөндеу жұмыстары трассаның екінші және үшінші учаскелерінде де аяқталды. Бұл нысандар пайдалануға берілді. Сөйтіп «Үштөбе – Алмалы – Көпбірлік» жолының барлық аталған учаскелеріне асфальт төселді. Жобаның құны 4,9 млрд. теңгеден асады. Жол 3-ші санатты, жүру бөлігінің ені 7 метр, - деді Бейбіт Исабаевқа жол құрылысы туралы баяндаған облыстық жолаушы көлігі және автомобиль жолдары басқармасының басшысы Ғалымжан Дәрібаев.Басқарма басшысының баяндамасын тыңдаған облыс әкімі жөндеу жұмыстарының сапалы атқарылғанын атап өтіп, мердігер компания жұмысшыларына істі уақытылы аяқтағаны үшін ризашылығын жеткізді.- Халықпен кездесу кезінде тұрғындар Көпбірлік ауылына баратын жолдың мәселесін көтерген болатын. Осыған байланысты жолды жөндеуге қатысты нақты шаралар қабылдадық. Қазір жол толық жөнделіп бітті. Бұл трассамен жүк көліктері көп жүрмейтіндіктен және жұмыс сапалы орындалғандықтан, жол кемінде он жыл қызмет етеді. Көпбірлік – шалғайда жатқан ауыл. Алдымен оның жолытн жасадық, сосын ауыз су сапасын жақсарттық. Біздің бұдан әрі де шалғайдағы және шекаралық ауылдарды дамытуға бағытталған нақты жоспарларымыз бар, - деді Б. Исабаев.Бұл ретте тұрғындар да пікір білдірді:- Өзім Байшегір ауылында тұрамын. Отыз жыл көлемінде жолымыз жөндеу көрмеді. Біздің де, Көпбірлік ауылы тұрғындарының да жолдың сапасына көңіліміз толды. Қазір мен сияқты көлік жүргізушілері аудан орталығына 1 жарым сағатта жетеміз, - дейді тұрғын Түтінтай Мүсәпіров.Атап өтсек, келесі жылы «Үштөбе – Алмалы – Көпбірлік» жолының 145-ші учаскесіндегі Алмалы көпірі жаңғыртылады.Жалпы жақсы және қанағаттанарлық жағдайдағы облыстық маңызы бар жолдардың үлесі жылдың соңына қарай 94% жетеді. Жетісу облысы әкімінің баспасөз қызметі.Фотограф: Жеңіс ЫсқабайАқпарат көзі : https://www.gov.kz/memleket/entities/zhetysu-oblysy/press/news/details/876022

Жетісудағы Қаратал ауданының ең шалғай елді мекені – Көпбірлік ауылының тұрғындары сапалы ауыз суға қол жеткізді. Ауылда орталықтандырылған су құбыры болғанымен, соңғы жылдары тұрғындар тұзды су ішуге мәжбүр болған еді. Мәселенің қалай шешілгенін бүгін облыс әкімі Бейбіт Исабаев Қаратал ауданына барған жұмыс сапары барысында арнайы көріп қайтты, - деп хабарлайды Жетісу облыс әкімінің баспасөз қызметі.Еске салсақ, 2010 жылы ауылда сумен жабдықтау жүйесі қайта жаңғыртылған еді, атап айтқанда жаңа желілер салынып, тереңдігі 100 метрден асатын ұңғыма қазылып, тұщыландыру қондырғысы орнатылды, ысырмалары ауыстырылды. Қабылданған шараларға қарамастан, соңғы жылдары судың тұздылығы литріне 5,9 грамнан 8 грамға дейін өскен, сондықтан бұл ауыл халқын мазалаған мәселеге айналған болатын.Осыған байланысты облыс әкімі Бейбіт Исабаевтың тапсырмасына сәйкес бюджеттен қаражат бөлініп, мәселені шешуге қажетті шаралар қабылданды. Атап айтқанда, 2 км желіге қайта жаңғырту жүргізіліп, жаңа су мұнарасы тұрғызылды, оған қоса тұздану деңгейі литріне тіпті 12 граммға жеткен күнде де суды тұщыландыруға қуаты жететін жаңартылған тұщыландыру қондырғысы орнатылды.Облыс әкімі Көпбірлік ауылына барған сапарында судың сапасын көріп, тұрғындармен жолықты. Осы орайда кездесуге қатысқан ауыл тұрғындарының бірі Зәмзәгүл Несіпбаева:- Ауыз су – тіршіліктің негізі көзі, денсаулықтың кепілі. Сондықтан оның сапасының жақсы болғаны маңызды. Бізде бірнеше жылдан бері ауыз су сапасы нашар болатын. Биыл бұл мәселе сіздің қолдауыңызбен шешімін тапты, халық риза. Ауылымызға бұдан былай да көңіл бөлінеді деп сенеміз, - деді.Атап өтсек, Көпбірлік ауылда 179 аула бар, соның 168-і орталық сумен жабдықтау жүйесіне қосылған. Ауылда тұратын халық саны 900-ден асады. Жетісу облысы әкімінің баспасөз қызметі Фотограф: Жеңіс ЫсқабайАқпарат көзі : https://www.gov.kz/memleket/entities/zhetysu-oblysy/press/news/details/876033

Қаратал ауданының Алмалы ауылында үш бірдей әлеуметтік нысан салынады. Атап айтқанда, мәдениет үйі, блокты-модульді дәрігерлік амбулатория және спорт кешені бой көтермек. Бұл туралы бүгін Қаратал ауданына барған жұмыс сапарында Жетісу облысының әкімі Бейбіт Исабаев Алмалы ауылының тұрғындарымен кездесуі кезінде айтты, - деп хабарлайды Жетісу облысы әкімінің баспасөз қызметі.Бәйшегір ауылдық округінде 1200 адам тұрса, округ орталығы Алмалы ауылында 800-ден астам тұрғын бар. Ауылдағы ескі мәдениет үйі 2000 жылдан бері қолдануға жарамсыз күйде тұрған болатын. Бұл тозығы жеткен нысан сүріліп, ауылда халықтың өтініші негізінде биылғы жылы блокты-модульды конструкциядан мәдениет үйі тұрғызыла бастады. Енді ауыл тұрғындары мәдени іс-шаралар өткізуге, ал балалар мен жастар түрлі үйірмелерге қатысуға мүмкіндік алады. Бейбіт Исабаев ауыл тұрғындарымен әңгімелесу барысында мәдениет үйінің құрылысы келесі жылы жазда аяқталатынын айтты.Сонымен қатар ауылдық аурухананың жанынан бір ауысымда 50 адам қабылдай алатын дәрігерлік амулатория бой көтереді. Қазіргі кезде конкурстың қорытындысы шығып, құрылысын жүргізетін мердігер ұйым анықталды.Жаңа дәрігерлік амбулаторияның салынатынын ауылдық аурухананың мамандары қуана құптаған:- Елді мекендегі ауылдық аурухананың ғимараты 1980 жылы салынған. Оған тек ағымдағы жөндеу жұмыстары жүргізілген еді. Ғимараттың өзі ескіріп, материалдық-техникалық базасы тоза бастағандықтан, жанынан жаңа стационар дәрігерлік амбулатория салу туралы шешім қабылданғанын естіп қуандық. Енді қазіргі аурухана ғимараты стационар ретінде, ал жаңа нысан ауылдық емхана ретінде қолданылады. Қазір ауруханада 14 медициналық персонал жұмыс істейді, - дейді Алмалы ауылдық ауруханасының меңгерушісі Мақпал Сұлтан.Сол сияқты оөңір басшысы келесі жылы «Үштөбе – Алмалы - Көпбірлік» автожолының 145-ші шақырымындағы Алмалы көпірі де жасалатынын жеткізді.- Ауылдарыңызда мектеп пен аурухана бар, енді замауани дәрігерлік амбулатория мен мәдениет үйі салынады. Өткен жылы Көпбірлік ауылына, биыл Алмалыға жедел жәрдем көлігін бердік. Сонымен қатар ауылдың ішкі көшелерін жөндеуге, жарықтандыруға көңіл бөлеміз. Оған қоса сіздердің өтініштеріңізге орай типтік жобамен халық санына сәйкес спорт кешенін саламыз деп шештік. Осылайша ең алдымен ауылдың инфрақұрылымын жақсарттық, екінші кезекте қажетті әлеуметтік нысандар салынуда, ендігі кезекте шағын және орта бизнесті және ауыл шаруашылығын дамытуға ерекше назар аудару керек. Ол үшін «Ауыл аманаты» сияқты мемлекеттік бағдарламалардың қолдау мүмкіндіктерін кеңінен пайдалану қажет, - деді облыс әкімі Бейбіт Исабаев. Жетісу облысы әкімінің баспасөз қызметіФотограф: Жеңіс ЫсқабайАқпарат көзі : https://www.gov.kz/memleket/entities/zhetysu-oblysy/press/news/details/876037

Костанай облысы өзінің зор мүмкіндіктері мен қарқынды дамып келе жатқан инфрақұрылымының арқасында инвесторлардың назарын аударуды жалғастыруда. Жақында ALUMCRAFT брендімен алюминий қорытпасынан жоғары сапалы пруттар мен профильдер шығаратын зауыт салуға байланысты бастама осының айқын мысалы болып табылады.Бүгін Астана қаласында өткен 2024 ЖЫЛҒЫ ЖАҺАНДЫҚ ИНВЕСТИЦИЯЛАР БОЙЫНША ҚАЗАҚСТАНДЫҚ ДӨҢГЕЛЕК ҮСТЕЛ аясында облыс әкімі Құмар Ақсақалов пен қытайлық серіктес Yin Xingqian (Ин Синцьен) арасында қуаттылығы жылына 29 000 тонна алюминий пруттары мен профильдерін өндіретін зауыт салу туралы меморандумға қол қойылды. Жобаның серіктесі — Қытайдың алюминий бұйымдарын өндіру саласындағы көшбасшысы болып табылатын Conglin Aluminium Technology (Shandong) Co., Ltd. деп күтілуде. Зауыт аймақ экономикасының дамуына елеулі үлес қосып, бюджетке қосымша түсімдер мен өнім экспорттау мүмкіндіктерін қамтамасыз етеді.Өңірдің инвестициялық тартымдылығын арттыратын маңызды фактор — жаңартылатын энергия көздерін енгізу және Ақтөбе облысынан газ құбырын тарту жобалары.Бұл инфрақұрылымдық жобалар сенімді энергетикалық ағындарды қамтамасыз етеді, бұл өз кезегінде жаңа өндірістердің дамуына және инвестицияларды тартуға қолайлы жағдай жасайды.Костанай облысы жаңа өнім түрлерін дамытуға және озық технологияларды енгізуге ұмтылған инвесторлар үшін орталыққа айналуда. Мұндай тәсіл тек өңір экономикасын нығайтып қана қоймай, жергілікті тұрғындар мен бизнес үшін жаңа мүмкіндіктер ашады деп сенеміз.Ақпарат көзі : https://www.gov.kz/memleket/entities/kostanay/press/news/details/876017

Бүгін Қазақстанның Денсаулық сақтау министрлігі мен «Orhun Medical» (Түркия) компаниясы онкологиялық аурулары бар пациенттер үшін емдеу мен диагностиканың сапасы мен қолжетімділігін жақсартуға бағытталған ауқымды жобаны іске асыру туралы келісімге қол қойды.«Жабдықталған орталықтардың ашылуы онкологиямен ауыратын науқастарға шетелге шықпай-ақ, ел ішінде әлемдік стандарттар деңгейінде жоғары тиімді диагностика мен қауіпсіз ем алуға мүмкіндік береді. Жаңа технологиялардың көмегімен обырды дұрыс және уақтылы емдеу аурудың анықталуын жақсартуға, өмір сүрудің бес жылдық шегі бар пациенттердің үлесін арттыруға, онкологиялық науқастардың өмір сүру сапасын арттыруға мүмкіндік береді», - деп атап өтті қол қою барысында Денсаулық сақтау министрі Ақмарал Әлназарова.Келісімнің шеңберінде Алматы қаласында ПЭТ/КТ, БФЭКТ/КТ үшін талап етілетін радиофармпрепараттарды өндіру үшін ғимарат салу және арнайы жабдықпен - циклотронды кешенмен жарақтандыру көзделген.Ақтау, Ақтөбе, Қарағанды, Қызылорда және Өскемен қалаларында компьютерлік томографиямен (ПЭТ/КТ) біріктірілген позитрондық-эмиссиялық томографияның жаңа орталықтары құрылатын болады.Алматы қаласында қатерлі ісіктерді диагностикалау мен терапияның прогрессивті кешенді әдістерін енгізу үшін бір фотондық-эмиссиялық томографиямен және компьютерлік томографиямен ұштастыра отырып радиоизотоптық препараттар қолданылатын Тераностика орталығын ашу жоспарлануда.ПЭТ/КТ зерттеуі КТ, МРТ және ультрадыбыспен анықтау қиын онкологиялық ауруларды ерте кезеңдерде анықтауға, аурудың күрделілік дәрежесін, оның ағзада таралуын анықтауға және дұрыс емдеуді тағайындауға мүмкіндік береді.Жыл сайын елімізде 35 мыңнан астам адам обырға шалдығады, 14 мыңнан астам адам қайтыс болады, есепте 200 мыңнан астам қазақстандық тұрады. ҚР-да онкологиядан өлім көш бастап тұр және үшінші орында.Қазақстанда онкологиялық қызметті жаңғырту жөніндегі кешенді бағдарлама онкологиялық қызметті елеулі техникалық қайта жарақтандыруды көздейді, ал бұл қолда бар диагностикалық жабдықты жаңғырту, жаңа желілік үдеткіштерді орнатудың және ескірген аппараттарды ауыстырудың есебінен сәулелік емдеуді кеңейту және жетілдіру, сондай-ақ ядролық медицина орталықтарын ұйымдастыру; аз инвазивті хирургияны және емдеудің интервенциялық әдістерін дамыту, жеке терапияны таңдау, ісікке қарсы жаңа дәрілік заттардың қолжетімділігін арттыру, заманауи онкологиялық орталықтар құру, жаңа буын кадрларын даярлау және т. б. мақсатында толық геномдық бейіндеуді енгізу болып табылады.Ақпарат көзі : https://www.gov.kz/memleket/entities/dsm/press/news/details/876020

Аталған жиынға облыс әкімінің орынбасары Жолдас Батырхан, облыстық ішкі саясат басқармасының басшысы Әлібек Байнешов, сондай-ақ үкіметтік емес ұйымдардың жетекшілері мен мүшелері қатысты.Іc-шара барысында облыстағы заңды тұлғалар бірлестігі және үкіметтік емес ұйымдардың қызметі туралы көрмелер ұйымдастырылып, презентациялар көрсетілді.«Ақтөбе облысының азаматтық орталығы» заңды тұлғалар бірлестігінің президенті, облыстық қоғамдық кеңес мүшесі Әлішер Мәжит биыл өңірде үкіметтік емес ұйымдардың бірлесіп атқарған іс-шаралары мен жүзеге асырған жобалары жайлы айтты.Бұдан кейін Байғанин, Қарғалы, Темір аудандарындағы белсенді ұзақ өмір сүру орталықтарының мүшелері ортаға шығып, Ақтөбе жоғары гуманитарлық колледжінің хор ұжымымен бірге халық әні «Гүлдер-айды» шырқады.Конференция барысында жартылай стационар және үйде күтім жасау жағдайында арнаулы әлеуметтік қызмет көрсететін орталықтардың, әлеуметтік инватакси қызметінің, сондай-ақ «Жасыл ел» еңбек жасағының жұмысы туралы бейнероликтер көрсетілді.Іс-шара соңында облыс әкімінің орынбасары Жолдас Батырхан сөз сөйлеп, үкіметтік емес ұйымдардың қоғамда алар орны мен жас ұрпаққа ұлттық-патриоттық тәрбие берудегі рөлі айрықша екенін жеткізді. Белсенді үкіметтік емес ұйым өкілдеріне ҚР Мәдениет және ақпарат министрі мен облыс әкімінің Алғыс хаттарын табыстады.Ақпарат көзі : https://www.gov.kz/memleket/entities/aktobe/press/news/details/875961

Облыс әкімі Асхат Шахаров Хромтау ауданына барған жұмыс сапарында әлеуметтік нысандардың құрылысымен танысты.ERG компаниялар тобы бизнестің әлеуметтік жауапкершілігі аясында Хромтаудағы Мәдениет үйінің құрылысын 2023 жылы бастаған. Бүгінде мердігер ұйым «Санжар» ЖШС әрлеу жұмыстарын аяқтап жатыр. Нысан биылғы жылдың соңына дейін пайдалануға беріледі деп жоспарлануда.Өңір басшысы әрлеу жұмыстары жалғасып жатқан кабинеттер мен залдарды аралап көрді.Мәдениет үйінің бірінші қабатында сахнасы бар 400 орындық көрермен залы, кітапхана, шеберханалар мен студиялар, киім-кешек бөлмесі, киім ауыстыратын бөлме және буфет болады. Екінші қабатта театр ұжымдары мен ансамбльдерге арналған кеңсе бөлмелері, би залы және дайындық бөлмелері орналасады. Сондай-ақ дәрістер мен семинарларға арналған бөлмелер де бар. Мәдени нысанның құрылысы 1,8 млрд теңгені құрады.Облыс әкімі мердігерге әлеуметтік нысан құрылысын мерзімінде аяқтау міндетін қойды. Жаңа Мәдениет үйінің ашылуы тұрғындардың мәдени-әлеуметтік дамуына жағдай жасап, қала үшін маңызды нысанға айналмақ.Облыс әкімі Хромтаудағы құрылысы жүріп жатқан дене шынықтыру-сауықтыру кешенінде де болды.Хромтау қаласында әкімдік жанынан дене шынықтыру-сауықтыру кешенінің құрылысы 2019 жылы басталып, 2023 жылы аяқталуы тиіс еді. Құрылыс материалдарының қымбаттауына байланысты мердігер «Бабек-Құрылыс» ЖШС жобалық сметаны түзетуге өтінім берді. Өзгерістер бекітілгеннен кейін ЖШС 2023 жылы құрылысты жалғастырды. Нысанның жаңа аяқталу мерзімі 2025 жылға белгіленген.Асхат Шахаров мердігерге жобаның аяқталуын кешіктірмеуді тапсырды.Бұдан кейін облыс әкімі Дөң тау-кен байыту комбинатының балансындағы қаладағы орталық қазандықтың жұмысын қарады. Асхат Шахаров жабдықтың қазіргі жағдайын сұрап, нысан басшылығымен қазандық жұмысының сенімділігі мен тиімділігін арттыруға бағытталған жөндеу жұмыстарының барысын талқылады.Қаланы үздіксіз жылумен қамтамасыз ету үшін кәсіпорын 2023 жылы қазандықтарды күрделі жөндеуден өткізіп, биылғы жылы 1,2 шақырым жылу желілерін жөндеуден өткізген.Нысанды аралаған өңір басшысы қаланы жылумен қамтуға жауапты мамандарға қазандық жұмысын бақылауда ұстау және орын алуы мүмкін ақауларды жедел жою міндетін қойды.Бұдан кейін Асхат Шахаров Хромтау қаласындағы өрт сөндіру бекетінде болды.Бекет әкімшілік ғимараттан, 4 жатақханаға арналған гараждан тұрады. Мұнда 12 төтенше жағдай қызметкері отбасымен тұрады. 1977 жылы салынған нысанға күрделі жөндеу қажет.Асхат Шахаров аудан әкіміне ғимаратты жөндеуге қаржы бөлу мәселесін қарастыруды тапсырды.«Мемлекет басшысы жылыту маусымына дайындық пен оны өткізуге ерекше көңіл бөлуде және осы тапсырмалар аясында Хромтау қаласының орталық қазандығының жұмысы тексерілді. Биылғы жазда қалада бес шақырымнан астам жылу желілері ауыстырылды. Қазіргі уақытта жылыту маусымы қалыпты түрде өтуде, бірақ жаңғырту мәселесі өзекті болып қала береді.Инфрақұрылымды дамытуға, оның ішінде халықаралық маңызы бар жолдарды салуға, жол қызметін дамытуға тиісті көңіл бөлінуде, бұл Хромтау ауданында шағын және орта бизнестің дамуына мүмкіндік береді.Биыл Индустриалды аймақ құрылысының жобасын әзірлеуді аяқтау жоспарланып отыр, келер жылы оны жүзеге асыруға кірісеміз. Индустриалды аймақ ірі кәсіпорындарды оқшаулауға, инвесторларды тартуға жағдай жасайды. Сонымен қатар аудандағы әлеуметтік нысандар жөнделіп, жаңа ғимараттар салынуда. Осы мақсатқа жыл сайын бюджеттен қажетті қаражат бөлінеді.Жалпы, ауданның әлеуеті зор, сондықтан біз өзекті мәселелерді шешіп, жергілікті тұрғындардың өмір сүру сапасын арттыра отырып, одан әрі дамытатын боламыз», - деді облыс әкімі.Ақпарат көзі : https://www.gov.kz/memleket/entities/aktobe/press/news/details/875989

Ақтөбеде Құдайберген Жұбанов атындағы өңірлік университетте тіл білімі саласындағы алғашқы қазақ профессоры, түркітанушы, педагог Құдайберген Жұбановтың 125 жылдығына арналған «Жұбанов тағылымы» атты ХІ халықаралық ғылыми конференция өтті.Іс-шараға облыс әкімі Асхат Шахаров қатысып, Президент Қасым-Жомарт Тоқаевтың құттықтау хатын оқып берді.«Құдайберген Жұбанов – қазақ лингвистикасының теориялық негізін қалауға атсалысқан ғұлама ғалым. Ол тіл білімін терең зерделеп, ғылыми қауымдастық бірауыздан мойындаған іргелі еңбектер жазды. Түркологияның өзекті мәселелерін жан-жақты зерттеді. Сонымен қатар түрлі жауапты қызметті абыроймен атқарып, туған халқының игілігі үшін аянбай тер төкті.Ағартушы-ғалымның ерен еңбегі ешқашан ұмытылмайды. Оның мол мұрасын жан-жақты зерделеп, есімін ел жадында жаңғырту – баршаға ортақ парыз. Осы орайда бұл басқосудың тағылымдық мән-маңызы зор. Төл тарихымызда айрықша орны бар тұғырлы тұлғаның өмірі мен шығармашылық жолы жас ұрпаққа әрдайым үлгі-өнеге болады деп сенемін», - делінген құттықтауда.Өз сөзінде өңір басшысы ағартушы-педагогті еске алуға арналған шараның маңыздылығын атап өтті.«Президент атап өткендей, Құдайберген Жұбановтың қазақ тіл білімі мен әдебиеттану саласындағы зерттеулері терең мағыналы, оның идеялары мен еңбектерінің қазіргі қазақ қоғамы мен білім беру жүйесінде алар орны зор. Оған – талай зерттеуші-ғалымдардың да берген жоғары бағасы дәлел. Біз осындай шараларды өткізе отырып, Құдайберген Жұбановтың жарқын тұлғасын жаңа қырынан тануға жол ашамыз», - деді облыс әкімі.Халықаралық ғылыми-практикалық конференцияға Директорлар кеңесінің Төрағасы, ҚР ҒЖБМ Ғылым және жоғары білім саласындағы сапаны қамтамасыз ету комитетінің Төрағасы Адлет Тойбаев, университет ректоры Лаура Қарабасова, танымал филолог ғалымдар, зиялы қауым өкілдері, Қ.Жұбановтың туыстары қатысты.Конференция аясында университет аумағындағы Құдайберген Жұбанов ескерткішіне гүл шоқтары қойылды және Жастар сарайында фотокөрме ашылып, «Құдайберген Жұбанов: тұлға және уақыт. Фотомұрағат» кітабының тұсаукесері өтті.Ақпарат көзі : https://www.gov.kz/memleket/entities/aktobe/press/news/details/875815

Бүгін Ақтөбе облысының әкімдігінде ауылдық елді мекендердің әкімдіктерінің өрт сөндіру бекеттеріне арналған арнайы автокөліктердің кілттері табыс етілді. Олардың барлығы табиғи және тұрмыстық өрттерді сөндіруге арналған арнайы құрылғылармен жабдықталған.Ақтөбе өңір басшысының орынбасары Ғалымжан Елеуов кілттерді тапсыру рәсіміне қатысып, автопарктің ұлғаюуы ҚР ТЖМ өрт сөндіру бөлімшелері жоқ алыс ауылдық елді мекендеріне өрттерге ден қоюдың жеделдігін арттыруға оң әсерін тигізетініне сенім білдірді.Өрт сөндіру бекеттері - азаматтық қорғаудың жалпы жүйесінің ажырамас бөлігі. Бекет қызметкерлері өз аумағында отпен және басқа да төтенше жағдайлармен күресу бойынша бірдей жауынгерлік міндеттерді орындайды.Ол үшін кәсіби дағдылар ғана емес, сонымен қатар мықты жетілдірілген материалдық-техникалық база болуы қажет.Бекеттерге қызметтік шағын өрт кешенді машиналардың 18 кілті берілді, осылайша облыстың 18 ауылдық округінің өртке қарсы қорғанысын қамтамасыз етілді.Ақпарат көзі : https://www.gov.kz/memleket/entities/aktobe/press/news/details/875819

Жетісу облысында «Таза Қазақстан» бағдарламасының аясында тек сенбілік шаралар ғана ұйымдастырылып қоймай, ақпараттық-түсіндірмелі және қайырымдылық бағытта да жұмыстар жүргізілуде.Соның бірі жастарға қызмет көрсету орталығында 1 қараша күні «ЭКОtime» тақырыбында жастармен кездесу өтіп, қатысушыларға қоқысты қалай дұрыс сұрыптау және сол арқылы қайырымдылықпен айналысу жолдары түсіндіріліп, іс жүзінде көрсетілді.Өңірдегі экобелсенді, волонтер Аманжолұлы Ғазиз 2021 жылдан бері өз үйінің ауласында целлофан, қағаз, металл, тұрмыстық қалдықтар және пластик бұйымдарын бөшкеге бөлек сұрыптап, барша азаматтарды аталған істен үлгі алуға шақырады.Экобелсенді сұрыпталған қоқысты – ай сайын шикізатты қабылдап алушы компанияларға өткізіп, түскен қаржыны қайырымдылық қорларына өткізіп келеді, соның бірі «Харекет» қоры. Бұл бастама бір оқпен екі қоянды атқандай деп есептейді.2024 жылдың тамыз айында республикалық акцияға қолдау білдіру мақсатында экобелсенді өзінің жеке бастамасымен спонсорлық көмекпен Талдықорған қаласындағы аз қамтылған отбасыларға 100 дана қоқыс сұрыптайтын контейнерді тегін таратып, қоқысты дұрыс сұрыптау жолдары түсіндірді. Сонымен қатар, сұрыпталған қоқысты қабылдайтын компаниялардың тізімін де қосып берген. Жақсымен пайдалы іске барша жетісулықтарды шақырамыз!Жалпы, өздеріңізге мәлім, тек ел аумағында ғана емес, табиғаттың қоқыспен ластануы барлық мемлекеттердің жерлеріне де мұхиттарға үлкен зардаптарын тигізуде. Жанған қоқыстар улы химикаттар бөліп, адам денсаулығының асқынуына бірден бір себеп болып отыр. Өкінішке орай, адамдардың қоқысты сұрыптау мәдениетіне әлі де алшақтау болып тұр, керісінше қоқысты целлоффанға салып, тастай салу немесе жолда кетіп барып, кез-келген жерге лақтыра салу сынды жағдайлары азаймай тұр.Сонымен қатар, Жетісу облысының Жастарға қызмет көрсету орталығының мамандары ұйымдастырумен «Таза орта» акциясын ұйымдастырды. Акциясының мақсаты, ғимарат тазалығын сақтау барысында артқарылатын тазалық жұмыстарын жүргізу, жұмыс орнында қауіпсіздік пен жайлылықты қамтамасыз ету. Акцияға Жастарға қызмет көрсету орталығының мамандары, техникалық қызметкерлері қатысты.Таза болса табиғат – аман болса адамзат деген ұранды ұстай келе, адамзат баласын табиғатты таза ұстау әрқайсымыздың міндетіміз деп есептейміз. Айта кету керек, «Таза Қазақстан» акциясы аясында Жетісу облысында жалпы 1990 техника жұмылдырылып, нәтижесінде 10714 тонна қоқыс шығарылып, 2445 км арық желісі тазаланды. Облыс аумағында акция кезінде 38003 түп көшет отырғызылды.«Таза Қазақстан» республикалық экологиялық бағдарламасы Жетісу облысында белсенді түрде ұйымдастырылып, тұрғындар тарапынан зор қолдауға ие болды. Бүгінгі күннің өзінде жалпыұлттық тазалық шарасына облыс бойынша 226 мыңнан астам адам атсалысты.Ақпарат көзі : https://www.gov.kz/memleket/entities/zhetysu-oblysy/press/news/details/875653

Қала әкімі Ғабит Сыздықбеков 60 мыңнан астам халқы бар Қайнарбұлақ тұрғын алабын газдандыруға бастау берді. Тұрғындар осыған дейін сұйытылған газды күнделікті қолданып келген. Газ құбырының құрылысы 2022 жылы басталған. Қала әкімі халықты сапалы қызметпен қамтуда жауапты тұлғаларға газ құбырын ерте кезеңде пайдалануға беруді жеделдетуді тапсырды. Айта кетейік, бүгінде абоненттердің 60% - көгілдір газға қол жеткізді, ал 40% - ы биыл қараша айының соңына дейін қосылады. Тұрғындар қазірден қосылуға өтініш бере алады. Сонымен қатар, осы жылдың соңына дейін Ынтымақ-2, Тассай, Бозарық және Көктөбе шағын аудандарының тұрғындарын көгілдір отынмен қамтамасыз ету жоспарлануда. Шымкент қаласы әкімінің баспасөз қызметіАқпарат көзі : https://www.gov.kz/memleket/entities/shymkent/press/news/details/875658

Кеншілер мәдениет сарайында 11 қарашада "Атадан қалған асыл ән" атты дәстүрлі қазақ әндерінің кеші өтеді. Кіру тегін.Белгілі қазақ әншілері мен композиторлары – Балуан Шолақ, Біржан-сал және Сыдық Мұхамеджановтың шығармалары орындалады.Концертте ҚР еңбек сіңірген қайраткері Дәуренбек Әміркенов, "Құрмет" орденінің иегері Сержан Мұсайын, халықаралық байқаулардың лауреаты Гүлмира Тапай, республикалық байқаулардың лауреаттары Құрмаш Ыбышев, Ержан Базарбеков, Медет Осатаев және басқалар өнер көрсетеді.Басталуы 18:30.Ақпарат көзі : https://www.gov.kz/memleket/entities/karaganda/press/news/details/874877

Қарағанды облысының тұрғындары өңір басшысы Ермағанбет Бөлекпаевқа өз сұрақтарын қойды. Тікелей эфир Saryarqa телеарнасында өтті. Хабар тарату кезінде call-орталық операторлары 70-ке жуық қоңырау мен хабарламаларды қабылдады. Барлық сұрақтарға жауап беру үшін бір сағаттық тікелей эфир жеткіліксіз болды. Бірақ бірде-бір өтініш назардан тыс қалмайды.Ермағанбет Бөлекпаев Саранның орталық қазандығының жағдайын түсіндірді.– Жаңа қазандық 13 жыл бойы салынды. Қазір іске қосу жұмыстары жүріп жатыр. Орталық қазандық 102 үйге жылу береді. Қазір жылу көзінде төрт қазандықтың екеуі жұмыс істеп тұр. Қазандықты іске қосу кезінде сорғы жабдықтарымен байланысты техникалық ақаулар болды, – деді облыс әкімі. – Жазда қала әкіміне сақтандыру үшін жергілікті қазандықтарды дайындау тапсырылды. Оның баяндамаларына сүйенсек, қосымша қазандықтар дайын болған. Бірақ ақпарат шындыққа жанаспады. Салдарынан бұл қазандықтар кейінірек іске қосылды.Ол Саран қаласында жылу мәселесі жеке бақылауда деп сендірді. Күн сайын облыс әкімінің бірінші орынбасары сол жерде барлығын қадағалап жүр. Келіп түскен шағымдарды жедел шешуге тырысады.Мәселелердің басым бөлігі коммуналдық және әлеуметтік салаларға, жолдарға, абаттандыруға қатысты болды.Тұрғындар жеке мәселелерін де ортаға салды. Мысалы, Қарағанды тұрғыны Пришахтинскідегі Искра көшесіндегі үйді су басқанына шағымданды. Оның айтуынша, судың қайдан келетіні белгісіз және жағдай екі айдан бері шешілмеген. Ермағанбет Бөлекпаев тікелей эфирде қала әкіміне шаралар қабылдауды тапсырды: сол жерге барып, мән-жайды анықтауын бұйырды.Эфирде айтылмаған барлық өтініштер қаралып, жауаптар әкімдіктердің ресми аккаунттарында жарияланады.Ақпарат көзі : https://www.gov.kz/memleket/entities/karaganda/press/news/details/875339

Қарағандыда Тeez маркетплейс сауда-логистикалық қоймасы жұмыс істей бастады. Болашақта мұнда 8 мың жаңа жұмыс орны ашылып, шағын және орта бизнес қолдау алады.SARYARQA телеарнасында тікелей эфир барысында тұрғындар Ермағанбет Бөлекпаевтан қойманың ашылуы өңір экономикасына қалай әсер ететінін сұрады. Өңір басшысы жергілікті өндірушілер мен кәсіпкерлер заманауи қойма қызметтеріне қол жеткізе алатынын, бұл тауарларды жеткізуді едәуір жеделдететінін және олардың бәсекеге қабілеттілігін арттыратынын атап өтті.Қоймада 300 адам жұмыс істейді, жыл соңына дейін тағы 200 адам жұмысқа тұрады. Мұнда барлығы 8 мың жұмыс орнын ашу жоспарлануда.– Бұдан басқа, Қарағандыда ірі логистикалық орталықтың болуы басқа инвесторлар мен бизнес-құрылымдардың назарын аударуы мүмкін. Бұл қолайлы инвестициялық ахуалды қалыптастырады және логистика мен саудаға байланысты қосымша қызметтер ашу сияқты бизнестегі жаңа бағыттарды дамытуға мүмкіндік береді. Өңір стартаптар мен халықаралық компаниялар үшін тартымды болады, бұл іскерлік белсенділіктің өсуіне алып келеді, – деп есептейді Ермағанбет Бөлекпаев.Халықаралық логистиканы нығайтудағы негізгі қадамдардың бірі Қарағанды "Сары-Арқа" әуежайы базасында мультимодальды аэрохаб құру. Қарағандылық журналист аймақ басшысынан жаңа инвестордың жоспарлары туралы сұрады.– Әуежайға жылына 2 млн жолаушы өткізу қабілеті бар жолаушылар терминалы, жылына 50 мың тоннаға дейін жүк өңдеу мүмкіндігі бар Cargo Тerminal жүк терминалы кіреді. Мемлекет басшысының тапсырмасы аясында биыл біз әуежайымыздың базасында CargoHUB Karaganda мультимодальды аэрохабын құру мәселесін пысықтауды бастадық. Сонымен қатар, әуежай аумағында "Сарыарқа" арнайы экономикалық аймағының субзонасы болады, – деді Ермағанбет Бөлекпаев."Сары-Арқа" әуежайында жүк тасымалдау көлемін ұлғайтуға бағытталған Жол картасы әзірленді. Бұған АЭА субаймағы шеңберінде салықтық және басқа да преференциялар алатын аэрохаб аумағында жаңа кәсіпорындар құру есебінен қол жеткізілетін болады. Өңделетін жүктердің көлемі жылына 15 мың тоннадан 200 мың тоннаға дейін өседі деп күтілуде. Осының арқасында 2030 жылға қарай 2 мыңға жуық жаңа жұмыс орнын құру және бюджетке салық түсімдерін ұлғайту жоспарлануда.Бүгінгі таңда әуежай Эквадордан, Нидерландыдан, Бельгиядан және Оңтүстік-Шығыс Азиядан коммерциялық жүк рейстеріне қызмет көрсетеді. Болашақта Қытай – Еуропа – Қытай бағыты бойынша әуе кемелерінің техникалық қонуы артады деп күтілуде. Бұл әуежайдың логистикалық мүмкіндіктерін кеңейтеді және оның маңызды көлік торабы ретіндегі мәртебесін нығайтады.Ақпарат көзі : https://www.gov.kz/memleket/entities/karaganda/press/news/details/875340

Қарағанды облысында экономиканың барлық салаларында өсім бар. Өнеркәсіптік кәсіпорындар 9 айда 3 трлн теңгеге жуық өнім өндірді. Өткен жылдың сәйкес кезеңіне инвестиция 14,6%-ға артып, 680 млрд теңгеге жетті. Жыл соңына дейін үш мыңға жуық жұмыс орны ашылып, он жобаны іске қосу жоспарланып отыр. Аймақтың фермерлері алғаш рет рекордтық астық жинады – өнім миллион тоннадан асты.Облыстың дамуы туралы Saryarqa телеарнасында тікелей эфирде аймақ басшысы Ермағанбет Бөлекпаев айтып берді. Ол бизнестің іскерлік белсенділігін арттыру үшін қандай жұмыстар жасалып жатыр деген сұраққа жауап берді."Іскерлік ахуал" тәуелсіз рейтингін бағалау бойынша Қарағанды облысы елімізде жетінші орында тұр.Шағын және орта бизнесті қолдау және қолайлы бизнес-климат құру – басым міндет, деп атап өтті облыс әкімі.– Республика деңгейінде көптеген бағдарламалар әзірленді. Қаржылық қолдауды кеңейту үшін Даму қорымен бірлесіп "Кәсіпкер" өңірлік бағдарламасы әзірленіп, іске асырылуда. Жақын арада біз несиелер бойынша пайыздық мөлшерлемені субсидиялау түріндегі қолдауды бірнеше есе арттыруды көздеп отырмыз. Өңдеу өнеркәсібі, туризм жобаларына ерекше назар аударылады, – деді Ермағанбет Бөлекпаев.Сонымен қатар, барлық қажетті инфрақұрылымы бар шағын өнеркәсіптік аймақтарды құру басталды. Онда бизнес өз өндірісін ең төменгі жалдау шартымен орналастыра алады. Мұндай алғашқы индустриялық алаңдар Қарағанды мен Саранда іске қосылды. Бұл тәжірибені басқа қалалар мен аудандарға тарату міндеті тұр, деп атап өтті облыс әкімі.Өңір басшысы елімізде бірінші болып Қарағанды облысы бөлшек сауда салығын 4-тен 2%-ға дейін төмендеткенін еске салды. Нәтижесінде арнайы салық режимін қолданатын салық төлеушілер саны 16 есе өсті. Тартымдылықты көріп, облысқа басқа аймақтардан салық төлеушілер келді. Бұл қазынаны едәуір толықтыруға мүмкіндік берді.Ақпарат көзі : https://www.gov.kz/memleket/entities/karaganda/press/news/details/875334

1 шілдеден бастап Қазақстанда дәрілік заттарды міндетті таңбалау және қадағалау жүйесі жұмыс істей бастады. Оны енгізудің пайдасы мен қауіп-қатерлері Қарағанды облысы әкімінің орынбасары Ораз Тәуірбековтың төрағалығымен өткен кеңесте талқыланды.Таңбалау дәрі-дәрмектің өндірістен сатып алушыға дейінгі жолын бақылауға мүмкіндік береді, заңсыз айналымның, соның ішінде жалған өнімдердің алдын алуға көмектеседі. Ал тұтынушы медициналық препараттардың түпнұсқалығын тексере алады.Өңірде жүйені енгізу туралы ҚР ДСМ Медициналық және фармацевтикалық бақылау комитетінің Қарағанды облысы бойынша департаментінің басшысы Ольга Смирнова айтып берді. Ол жеткізушілер мен дәріханалардың өзара әрекеттесуіндегі проблемаларды атап өтті. Атап айтқанда, бұл жеткізу мен құжаттарды рәсімдеу арасындағы мерзімдерді сақтау.Сондай-ақ, жиналыста дәріхана қоймаларының ЖРВИ, тұмау және коронавирус ауруларының маусымдық өсуіне дайындығы туралы айтылды. Мониторингке сәйкес, аймақта дәрі-дәрмектер мен медициналық өнімдердің қоры жеткілікті. Маусымдық дәрі-дәрмектерге сұраныстың шамалы өсуі байқалады, бірақ ешқандай шу жоқ.Кеңес соңында Ораз Тәуірбеков дәрі-дәрмек айналымы саласындағы қауіпсіздік пен ашықтықты бірлескен күш-жігермен ғана қамтамасыз етуге болатынын атап өтті.Ақпарат көзі : https://www.gov.kz/memleket/entities/karaganda/press/news/details/875476

Ақтөбе облысы Алға ауданының Алға қаласында қуаттылығы жылына 2 миллион тонна өнім шығаратын цемент зауыты салынады. Зауыт іске қосылса, 500-ден астам жұмыс орны құрылады.Өңір басшысы Асхат Шахаров Сингапур мен Қазақстан инвесторларымен кездесіп, жобаны әзірлеудің егжей-тегжейін, оның ішінде қаржыландыру мәселесін, құрылыс мерзімдері мен экологиялық стандарттарды талқылады.«Біз цемент зауытын салу жобасын іске асыру үшін қолдау көрсетуге дайынбыз. Кәсіпорын жергілікті нарықты сапалы цементпен қамтамасыз етіп, жаңа жұмыс орындарын құра отырып, өңірдің құрылыс саласын дамытуға елеулі үлес қосады. Сонымен қатар, бұл жобаны іске асыру қосымша инвестициялар тартады және біздің өңірдің экономикалық өсуіне ықпал етеді», - деп атап өтті инвесторлармен кездесуде Асхат Шахаров.Сондай-ақ, облыс әкімі бұл зауыттың батыс өңіріндегі қуаттылығы жылына 2 миллион өнімді құрайтын жалғыз ірі кәсіпорын болатынын, Ақтөбе өңірі үшін бірегей жоба екенін тілге тиек етті. Бүгінгі таңда тек Ақтауда жылына 800 мың тонна цемент өндіретін зауыт жұмыс істейді. Жаңа кәсіпорынның іске қосылуы цементке деген артып жатқан сұранысты қанағаттандырып қана қоймайды, сонымен қатар жергілікті құрылыс компаниялары үшін жаңа мүмкіндіктер ашады.Әкіммен кездесуде «Aktobecem» ЖШС құрылтайшысы Нұржан Шәкіров зауыт құрылысына инвесторлар 70 миллиард теңге өз қаражатын салуды жоспарлап отырғанын айтты. Кәсіпорында 500-ден астам жұмыс орны ашылады. Кадрларды іріктеу кезінде Алға ауданы және жалпы Ақтөбе облысының тұрғындарына басымдық берілмек.«Aqtobecem цемент зауытын іске қосу Ақтөбе облысында цемент өнімдеріне деген қажеттілікті 100% жабуға, сондай-ақ логистикалық шығындарды азайтуға және өнім бағасының маусымдық ауытқуын теңестіруге мүмкіндік береді. Бұдан бөлек, зауыт ағынды сулары жоқ қалдықсыз өндіріс, бұл оның экологиялық жауапкершілігінің деңгейі жоғарылығын көрсетеді», - деп Нұржан Шәкіров инвестициялық жобаның тартымдылығын сөз етті. Айта кету керек, осы жылдың тамыз айында Алға қаласындағы бұрынғы химзауыт алаңдарының бірінде символдық уақыт капсуласын салу салтанатты рәсімі өтті. Aktobecem құрылыс-монтаж жұмыстарын 2025 жылдың көктемінде бастауды жоспарлап отыр, ал цемент зауытын толыққанды іске қосу 2026 жылға жоспарланған.Ақпарат көзі : https://www.gov.kz/memleket/entities/aktobe/press/news/details/875356

Астанада Қазақстанда электрондық сауданы дамытуға арналған дөңгелек үстел өтті. Ашық диалог форматында ұйымдастырылған іс-шара өзекті мәселелерді талқылауға және тиімді шешімдерді бірлесіп іздеуге арналған алаңға айналды. Оған Сауда және интеграция министрі Арман Шаққалиев, сондай-ақ негізгі мемлекеттік органдардың өкілдері, «Атамекен» ҰКП және бизнес қауымдастықтары, соның ішінде «QAZTECH» Альянсының Қамқоршылық кеңесінің төрағасы Әсет Исекешев қатысты.Елдегі электрондық сауда қарқынды дамып келеді. 2020 жылдан бастап оның көлемі 476,7 млрд теңгеден 2023 жылы 2,4 трлн теңгеге дейін өсті, бұл жалпы бөлшек сауда көлемінің 12,7%-ын құрады. Үкімет бұл көрсеткішті 2029 жылға қарай 18,5%-ға жеткізуді көздейді, осыған байланысты 2027 жылға дейін электрондық сауданы дамыту жоспары әзірленген. Ол заңнаманы жетілдіру, кәсіпкерлерді оқыту және халықаралық маркетплейстермен өзара әрекеттесу шараларын қамтиды.Кездесу барысында қатысушылар e-commerce саласындағы компаниялар кездесетін негізгі мәселелерді атап өтті. Талқылаудың басты аспектілерінің бірі әділ бәсекелестікті қолдау, тұтынушылардың құқықтарын қорғау, жеке деректерді қорғау және бизнес үшін нарықтық жағдайларды жақсарту бойынша ұсыныстар әзірлеу болды. Мемлекеттік органдар мен бизнес арасындағы бірлескен жұмысқа, сондай-ақ елде электрондық сауданың дамуы үшін бәсекеге қабілетті және тұрақты орта құруға ерекше назар аударылды.«QAZTECH» Альянсының басқарушы директоры Нұрлан Рахметовтің айтуынша, электрондық сауда шағын және орта бизнес үшін маңызды. Ол реттеуші тепе-теңдіктің, тұтынушылардың құқықтарын қорғаудың және e-commerce тұрақты өсуіне ықпал ететін инфрақұрылым құрудың маңыздылығын атап өтті.«Nemo.kz» ЖШС-нің сатушысы Елдос Хапез электрондық сауданың шағын және орта бизнеске оң әсерін атап өтіп, бұл өз өндірісін жолға қоюға мүмкіндік бергенін айтты.«Біз 2020 жылдан бастап электрондық сауда нарығында жұмыс істейміз. Осы уақыт ішінде 2 млрд теңгеден астам салық төледік, бізде 70 қызметкер, 9 дүкен және ауданы 7 мың шаршы метр қойма бар. Мониторлар саласында өз брендімізді дамытып, тауар белгісін тіркедік. 2024 жылы нарықтың 10%-ын алып, ТОП-4 брендтің қатарына кірдік. Сондай-ақ тұрмыстық техника өндірісін бастап, құрастыру цехтарын ашуды жоспарлап отырмыз», - деді Елдос Хапез.Сауда министрі Арман Шаққалиев кеңес қорытындысы бойынша қойылған мәселелерді жүйелі шешуге арналған жобалық топ құруды ұсынды.«Сауда саласындағы уәкілетті орган ретінде біз жобалық топты құруға бастама көтеріп, сіздерді оның құрамына кіруге шақырамыз. Жобалық топ аралас салаларға ықпал ететін және мультипликативті әсері бар 4-5 негізгі жүйелік шешім әзірлейді. Олардың ішінде көлеңкелі айналымды тоқтату, отандық өндіріс тауарларын сату көлемін арттыру, электрондық сауда саласына қатысушылар санын көбейту, сондай-ақ тұтынушылар үшін қауіпсіз және сапалы тауарлардың қадағалануын қамтамасыз ету мәселелері бар», - деп атап өтті Арман Шаққалиев.Ақпарат көзі : https://www.gov.kz/memleket/entities/mti/press/news/details/875325

16 қазанда облыстық перинаталдық орталықта Ахмад, Ибрагим және Әбдікәрім есімді ұлдар туылды. Сәбилердің туған кездегі салмағы 2655, 2255 және 2355 гр.15 күн бойы жаңа туған нәрестелер мен 32 жастағы ананың денсаулығын орталық мамандары бақылап отырды.Айсана мен Батыржан енді 7 баланың ата-анасы. Жас отбасы үшемдерге дейін 3 қыз бен бір ұл тәрбиеледі.Айта кетейік, жыл басынан бері өңірде 13 618 жаңа туған нәресте дүние есігін ашты. Облыстық перинаталдық орталық дәрігерлерінің көмегімен 10 айда 74 егіз және 3 үшем туылды.Ақпарат көзі : https://www.gov.kz/memleket/entities/aktobe/press/news/details/875259

Қазақстан Республикасының Сауда және интеграция бірінші вице-министрі Айжан Бижанова «Джатеко» жапон компаниясының өкілдерімен кездесу өткізіп, Қазақстанның зығыр және басқа да майларын Күншығыс еліне экспорттау мүмкіндіктерін талқылады. Жапониядағы қазақстандық зығыр майына сұраныс біз күткеннен әлдеқайда жоғары болды. Жапон тұтынушылары бұл өнімнің сапасын жоғары баға беріп отыр. «Джатеко» компаниясының директоры Антон Кимнің айтуынша, оның денсаулыққа пайдалы қасиеттері майдың ерекше танымал болуына ықпал етті.Бүгінгі таңда қазақстандық зығыр майы жапондардың сеніміне ие болып, олардың күнделікті рационының ажырамас бөлігіне айналған. Жапонияның зығыр майына жыл сайынғы қажеттілігі шамамен 10 мың тоннаны құрайды, бұл Қазақстаннан бұған дейні жіберілген көлемінен әлдеқайда асып түседі. Сұранысты қанағаттандыру үшін «Джатеко» жақын арада қазақстандық зығыр майының импортын жылына 3 мың тоннаға дейін арттыруды, сондай-ақ сафлор және мақта майларын жеткізуді кеңейтуді жоспарлап отыр.Кездесудің басты тақырыптардың бірі- логистика мәселесі болды. Қазақстан Республикасының Сауда және интеграция бірінші вице-министрі Айжан Бижанова Қазақстан Азия елдерімен тұрақты тауар айналымын нығайтуды көздейтінін айтты. Ол көлік маршруттарын оңтайландыру және жапондық серіктестер үшін күту уақытын қысқарту мақсатында ҚР Көлік министрлігімен және «ҚТЖ» Ұлттық компаниясымен жұмыс кеңестерін өткізуді ұсынды. Бұл барлық тараптар үшін ынтымақтастықты тиімді және пайдалы етуге ықпал ететін қадамдар.Айта кету керек, 2024 жылдың алғашқы 9 айының қорытындысы бойынша Қазақстан өсімдік майларын экспорттауда елеулі өсім көрсетті. Қаңтар-тамыз айлары аралығында Жапонияға 93 тонна май экспортталып, 122,4 мың АҚШ долларын құрады, бұл өткен жылдың осы кезеңімен салыстырғанда 4,5 есе көп. Экспорттың негізгі бөлігін зығыр және күнбағыс майлары құрап, Қазақстанға әлемдік нарықта тұрақты орын алуға мүмкіндік беруде. Жалпы, осы сектордағы Қазақстанның тауар айналымының жалпы көлемі 321,9 млн долларды құрап, оның ішінде 297,5 млн доллар экспортқа тиесілі болды.Жапон нарығында үшін сафлор және мақта майлары на сұраныс туып отыр. Олардың жылдық қажеттілігі сәйкесінше 4 мың және 5 мың тоннаны құрайды. «Джатеко» компаниясы сафлор майының жеткізілім көлемін 1 мың тоннаға, мақта майын 2,5 мың тоннаға дейін арттыру ниеті бар екенін мәлімдеді. Бұл қазақстандық өндірушілер үшін жаңа мүмкіндік беріп, екі ел арасындағы ынтымақтастықты нығайта түседі.Айжан Бижанова жапондық серіктестерге қазақстандық өнімдерге деген қызығушылықтары үшін алғысын білдіріп, Жапониямен сауда-экономикалық өзара іс-қимылды одан әрі тереңдетудің маңыздылығын атап өтті.Ақпарат көзі : https://www.gov.kz/memleket/entities/mti/press/news/details/875181