Қазақстан Республикасы Премьер-министрінің орынбасары Тамара Дүйсенова Маңғыстау облысына жұмыс сапары аясында облыс әкімі Нұрдәулет Қилыбаймен бірге бірқатар әлеуметтік нысандарды аралап, білім беру, денсаулық сақтау және спорт саласындағы мамандармен кеңес өткізді.Білім беру сапасын жақсарту мақсатында аймақтарда тірек мектептер желісін құруға көңіл бөлінуде. Бұл ретте Маңғыстау өңірінде «Отпан» жобасы қолға алынған. Оны жүзеге асыруда Білім беру саласын тұрақты дамыту қорымен бірге өңірдегі ірі компаниялар да атсалысып жатыр. Назарбаев зияткерлік мектептері мен «Білім-Инновация» лицей-интернаттары өздерінің озық тәжірибесі мен әдістерімен бөліседі. Ол үшін 50 мектеп таңдалды.NCOC, «Қазмұнайгаз» ұлттық компаниясы мен «Халық» жеке қайырымдылық қоры мектептерді қосымша жабдықтау арқылы жобаға қолдау білдірді. Демеу көрсеткендер қатарында «Ordabasy Group» компаниясы бар. Олар 45 оқу кабинетін жабдықтауға қатысты.«"Отпан" сынды жобаларды қолдау арқылы, біз ертеңгі күннің міндеттерін шешуге қабілетті білікті мамандар тәрбиелеу үшін қолайлы жағдай жасаймыз. Білім беру мекемелерін жаңғырту және педагогтер біліктілігін арттыру біздің балаларымызға ең жақсы білім беру ресурстарына қолжетімділікті қамтамасыз етеді. Біз осы бастаманың бір бөлігі болып, Қазақстанның зияткерлік капиталын дамытуға үлес қосып жатқанымызға қуаныштымыз», — деді «Ordabasy Group» компаниясы басқарма төрағасының кеңесшісі Жармұхамед Аппаз.Тамара Дүйсенова жобаға енген Ақтау қаласындағы №15 және №29 мектептердің тыныс-тіршілігімен де танысты. Облыс орталығындағы білім ошақтарының материалдық-техникалық базасы біршама күшейтілген. Ал ұстаздары үшін түрлі тақырыптық курстар мен семинарлар ұйымдастырылып отыр.«Мемлекет басшысы білім саласына ерекше көңіл бөліп келеді. Биылғы халыққа Жолдауында аталған бағытта нақты тапсырмалар жүктеді. Елімізде Назарбаев зияткерлік мектептері, Білім-инновация лицейлері секілді оқытудың озық әдістемесін пайдаланып жүрген білім мекемелері бар. Олардың тәжірибесі кеңінен таратылуы қажет. Тірек мектептер желісінің бұл ретте маңызы зор», — деп атап өтті Тамара Дүйсенова.Сапар аясында өңір мектептері басшыларының қатысуымен арнайы кеңес ұйымдастырылды. Жиын барысында облыстағы орта білім саласын дамытудың өзекті мәселелері талқыланды.Сондай-ақ өңірдегі мектепке дейінгі білім беру саласының келешегі қарастырылды. Атап айтқанда, мектептердегі бастауыш сынып пен балабақшалардағы бағдарламаларды біріздендіру жұмысы жалғасуда. Мектепке дейінгі білім беру мекемелерімен қамтылмаған балалардың ата-аналары үшін Маңғыстау өңірінде 169 балабақша жанында кеңес беру орталықтары қызмет атқаруда. Мектепке дейінгі білім беру нысандары кезегін цифрландыру ісі де назарда қала бермекТамара Дүйсенова облыс орталығындағы «Балбұлақ» балабақшасы жұмысымен танысты. 300-ден аса бүлдіршін білім алатын мекемеде монтессори, логопед, психолог кабинеттері қарастырылған. Жиын барысында Тараз қаласында пилоттық түрде енгізілген ваучерлік қаржыландыру әдісінің нәтижелері таныстырылды. Аталған жүйе талапқа сай келетін барлық балабақшаларға бюджеттік қаржыландыруға жол ашты. Ата-аналар үшін мектепке дейінгі білім беру ұйымын таңдау мүмкіндігін беріп, қаржыландырудың ашықтығы арқасында қазына қаражаты үнемделген.«Жүйе өзінің тиімділігін көрсетіп отыр. Ваучерлік қаржыландыру әдісі Шымкент және Түркістан қалаларында енгізілуде. Ата-аналар мен балалардың мүдделеріне сай келетін жүйе барлық өңірлерде енгізілуі тиіс», — деп атап өтті Тамара Дүйсенова.Мемлекет басшысы келер жылды «Жұмысшы мамандықтары жылы» деп жариялаған болатын. Осы орайда елдегі техникалық және кәсіптік білім беру саласын трансформациялау міндеті тұр. Қазірде колледждерді бейіндеу жұмысы жүргізілуде. Мәселен, Маңғыстау туризм колледжінде қызмет көрсету саласына қажетті мамандар даярланады. Өңірдегі және шетелдегі ірі мекемелермен тығыз қарым-қатынас орнатылған. Дуалды оқыту ісі жолға қойылып, түлектердің жұмыспен қамтылуына жағдай жасалды.Колледж базасында техникалық және кәсіптік білім беру саласына қатысты сауалдар ортаға салынып, арнайы кеңес ұйымдастырылды. Онда өңірдегі колледж директорлары қатысты.Аймақта техникалық және кәсіптік білім беру бағытында 26 мекеме жұмыс істейді. Түлектердің жұмыспен қамтылу көрсеткіші 72 пайызға жуықтайды. Облыстағы тірек колледждері айқандалып, өзара тәжірибе алмасу ісі қолға алынған.«Колледждердің жұмыс сапасына қатысты бағалау жүргізіліп, оларды лигаларға жіктеу жоспарланып отыр. Оқу процесіне халықаралық стандарттарды енгізу қажет. Бұл даярланатын мамандардың бәсекеге қабілетін арттыру үшін керек. Халықаралық салалық стандарттарды енгізген, түлектердің басым бөлігі жоғары мөлшерде еңбекақы алатын колледждерге ынталандырушы төлемдер қарастырылатын болады», — деді Тамара Дүйсенова.Ақпарат көзі : https://www.gov.kz/memleket/entities/mangystau/press/news/details/876867

Футболды дамыту мәселелері талқыланған жиында облыс әкімі Ермағанбет Бөлекпаев «Шахтер» клубының басқару моделін сынға алды. Соңғы кезде команданың спорттық жетістіктері көңіл көншітпейді. Қазіргі маусым қорытындысы бойынша «Шахтер» тізімде соңғы орында, яғни Премьер-лигадан шығып, Бірінші лига деңгейіне түсуге – басты үміткер.– Бұл – өңірлік футбол саясатында жүйелі түрде орын алған олқылықтардың нәтижесі. Өкінішке қарай, клубтың ұзақ мерзімді дамыту межесі, маркетингтік стратегиясы жоқ, – деді аймақ басшысы. – Футболшылардың іріктеу жүйесі сын көтермейді. 25 футболшының 12-сі – легионер. Жалпы алғанда, клуб шетелдік легионерлерді қолдау қорына айналды. Тұрақты қаржылық модель жасалмаған.Тығырықтан шығу жолы ретінде Ермағанбет Бөлекпаев бірқатар шұғыл және стратегиялық шараларды қабылдау қажеттігін мәлімдеді. Оның ішінде басқару тәсілдер мен кадрлық құрамды қайта қарау – кезек күттірмейтін мәселе. Бір айдың ішінде клубтың стратегиясын әзірлеу керек, оның аясында футбол инфрақұрылымын дамыту жоспарын ескеру қажет.Сондай-ақ, облыс әкімі балалар мен жасөспірімдер футболын дамыту, отандық мамандарды даярлауға қатысты тапсырмалар берді.Біріншіден, өңірлік ДСК-лар негізінде «Шахтер» футбол клубының филиалдарын ашу қажет. Бұл клуб академиясына іріктеу үшін селекциялық жүйе құруға мүмкіндік береді. Екіншіден, жергілікті жас дарындарға жол ашу мақсатында келесі жылы балалар мен жасөспірімдер командалары арасында футбол турнирін ұйымдастыруды тапсырды.– Мемлекет басшысы кәсіби және бұқаралық спортты дамыту бойынша бірқатар міндеттерді айқындап берді. Осыған байланысты жоғары білікті мамандарды даярлау қажет. Облыста балалар мен жасөспірімдер футболын дамыту бойынша футбол орталығы мен академияның жұмысын күшейту қажет. Балалар жаттықтырушыларын оқытуды, оның ішінде оларды шетелде оқыту мүмкіндіктерін қарастыру керек, – деп атап өтті Ермағанбет Бөлекпаев.Нақты спорттық меже – «Шахтер» келесі маусымда-Премьер-лига құрамына оралуы керек.Жиын барысында Ермағанбет Бөлекпаев футбол мен спортты дамытудың жалпы жоспары туралы айтып берді. Мәселен, Қарағандыда спорттық кластер құрылып, оның аясында УЕФА стандарттарына сәйкес заманауи стадион, жыл бойы жаттығуға болатын футбол манежін салу жоспарлануда. Ол үшін қала аумағында 67 гектар жер қарастырылған. Бұдан басқа, келесі жылы қаладағы Орталық стадион жаңартылады.Ақпарат көзі : https://www.gov.kz/memleket/entities/karaganda/press/news/details/876214

Қарағанды облысында инватакси қызметі қол жетімді бола түсті. Ерекшелігі бар азаматтар облыстың барлық қала аудандарына кез-келген уақытта қатынай алады.– Облыстың барлық өңірлерінде «Инватакси» қызметі жұмыс істейді. 120 автокөлігі бар 15 қызмет орталығы ашылды. «Инватакси» қызметін 2218 адам пайдаланады. Сонымен қатар, «Инватакси» аутизм спектрі бұзылған және церебралды сал ауруы диагнозы бар балаларға да қолжетімді, — деді облыс әкімдігінде өткен аппараттық кеңесте Қарағанды облыстық жұмыспен қамту және әлеуметтік бағдарламалар басқармасының басшысы Әсем Жүнісбекова.Сондай-ақ, шипажайға барғанда мүмкіндігі шектеулі азаматтардың жүріп тұруына жауапты күтушісінің шығыны толық өтеледі. Сол себепті аймақта шипажайларда ем алатын I топтағы мүгедектігі бар азаматтардың саны артқан.Қарағандыда мүгедектер арбасын жөндейтін сервис орталығы жұмыс істейді. Мұнда тек жөндеумен шектелмейді. Арбаларды тазартып береді. Сонымен қатар жеке параметрлерге сәйкес таңдап алу бойынша да көмек көрсетіледі. Арба жөнделіп жатқанда, орнына уақытша басқасы беріледі. Мұнда 4 мүмкіндігі шектеулі жан тұрақты жұмысқа орнласқан. Мүмкіндігі шектеулі жандар үшін қолжетімді әлеуметтік және транспорттық инфрақұрылымды жасау басты назарда.Осы мақсатта алыдмен әлеуметтік-мәдени қызмет көрсету нысандары мүгедектігі бар азаматтарға бейімделіп жасалуда. Бүгінде қолжетімділік интерактивті картасы толтыруда. Қазіргі деректерге сүйенсек, Қарағанды облысында 970 объектіде инклюзивті орта құрылды. Сайтқа кірген азаматтар картаны жетілдіру үшін өзінің пікірлерін қалдыра алады.Салынған жаңа ғимараттарды мүмкіндігі шектеулі жандарға қолжетімді ету үшін облыста комиссиялар құрылды. Олар нысанды пайдалануға беру актілерін келісуге қатысады. Сондай-ақ, объектілерді тексеріп, ғимарат иелеріне ұсыныстар беретін мобильді топтар жұмыс істейді.Мүгедектігі бар адамдарды қажетті арнайы техникамен қамтамасыз етіп, уақытылы оңалту емдік курстарынан өткізу маңызды, деп атап өтті Қарағанды облысының әкімі Ермағанбет Бөлекпаев.– "Инватакси" қызметі үздіксіз болуы тиіс. "Мүгедектер арбасын жөндеу" жобасы үлкен сұранысқа ие. Мүмкіндігі шектеулі әрбір адам оны пайдалана алуы үшін ол туралы көбірек ақпарат айтылуы керек. Интерактивті қолжетімділік картасының көмегімен мүгедектігі бар адамдар қажетті ақпаратпен танысуға мүмкіндік алады. Бұл жұмысты жалғастыру керек. Ғимараттың әрбір иесі объектіні бектіліген нормаға сәйкес келтіруі керек. Бұл ерекше азаматтардың өмірін жеңілдетеді. Қалалар мен аудандар әкімдерінен мүгедектігі бар адамдарға кедергісіз орта қалыптастыруды және оңалту жөніндегі шараларға ерекше назар аударуды сұраймын, – деді облыс әкімі Ермағанбет Бөлекпаев. Ақпарат көзі : https://www.gov.kz/memleket/entities/karaganda/press/news/details/876542

Облыстық бейнелеу өнері музейінде 7 қарашада қарағандылық суретші Мәдихан Қалмахановтың есептік жеке көрмесі ашылады. "Ізденістер, жолдар, шешімдер" деп аталатын экспозициясы автордың 50 жылдығына орай өткізіледі.Мәдихан Қалмаханов Қазақ Мемлекеттік өнер академиясының түлегі. Қазір ҚР Суретшілер Одағының мүшесі, ҚР Өнер академиясының корреспондент-мүшесі, Е. А. Бөкетов атындағы Қарағанды зерттеу университетінің аға оқытушысы, педагогика ғылымдарының магистрі, көптеген шетелдік, республикалық, облыстық көрмелер мен симпозиумдардың қатысушысы.Мәдихан Қалмахановтың шығармалары Қазақстан, Ресей, ТМД елдері, Германия, Франция, Кипр, АҚШ және Израиль музейлерінде және жеке коллекцияларда сақталған."Суретшінің шығармаларынан Отанға деген сүйіспеншілікті және қазақ халқының мәдени салт-дәстүрін көруге болады. Пейзаждар, портреттер, сюжеттік картиналар классикалық кескіндеме түрінде жасалған", – деп атап өтті Қарағанды бейнелеу өнері музейінің қызметкерлері.Көрме сағат 16:00 басталады.Экспозицияны 24 қарашаға дейін тамашалауға болады.Музейдің мекен-жайы: Бұқар жырау даңғылы, 76.Ақпарат көзі : https://www.gov.kz/memleket/entities/karaganda/press/news/details/876618

Қарағандыда "ҰЛЫ ДАЛА ОЙЫНДАРЫ – 2024" робототехника бойынша қалалық чемпионат өтті. Бұл жолы қазақтың ұлттық ойындарын дәріптейтін ұлттық нақыштағы Роботтар пайда болды. Жарыс 8 санат бойынша өтті: Бұл "Қыз қуу", "Асық ату", "Көкпар", "Жамбы ату", "Бәйгі", "Теңге алу", "Ханталапай", "Арқан тарту".Чемпионатқа 40 мектептен 74 команда қатысты.Чемпионат Пришахтинск шағын ауданындағы 33-ші мектеп базасында өтті.Білім ошағына кіре берістен мереке атмосферасы сезілді. Қатысушылар мен қонақтарды домбырашылардан құралған оркестор қарсы алды. Технология мұғалімінің жетекшілігімен мектеп оқушылары тіккен ұлттық киімдермен модельдер дефилеге шықты.Ұлттық ойындар ойнап, шеберлік сыныбында киізден өрнек жасауға мүмкіндік болды.Ашылу салтанаты әсерлі өтті. Кішкентай балалар патриоттық флешмоб ұйымдастырды.– Ұлы дала құндылықтары – біздің қоғамды біріктіреді. Бұл жарыс қазақ мәдениеті мен дәстүрін заманауи технологияларын ұштастырып отыр. Оқушылар үшін танымдық және қызықты, - дейді Қарағанды қалалық білім бөлімінің басшысы Есентай Әшім. – Қарағанды қаласының мектептерінде техникалық шығармашылыққа құмар оқушылар үшін барлық жағдай жасалған. Білім ордаларында робототехника кабинеттері бар. Үнемі жабдықтар жаңартылып отырады. Болашақ инженерлерге арналған көптеген үйірмелер, STEAM зертханалары қосымша білім беру деңгейінде жұмыс істейді.Чемпионаттың алдында үлкен дайындық жұмыстары жүргізілді, - деп атап өтті жарыстың басты ұйымдастырушысы Мағжан Жұмабаев атындағы гимназияның робототехника пәнінің оқытушысы Әділбек Бердіходжаев.Авторлық ережелер алдын-ала жазылып, арнайы ойын алаңдары жасалды.– "Көкпар" санаты үшін электронды табло жасалды. Мұнда нағыз ойын атмосферасы сезіледі. Яғни онлайн режимінде барлық қатысушылар мен жанкүйерлер жарысқа куә бола алады. "Ханталапай" жаңа санаты: робот әртүрлі жерлерде шашыраңқы асықтарды жинауы керек. Тапсырма оңай емес-объектінің қай жерде екенін есептеуі тиіс. Қажетті сызықты жоғалтпау да маңызды, – деді Әділбек Бердіходжаев.Сонымен қатар Әділбек Бердіходжаев ұлттық нақыштағы робототехника чемпионаты екінші мәрте ұйымдастырылғанын атап өтті. Болашақта дәстүрлі түрде, республикалық тіпті халықаралық деңгейде өткізгісі келетінін жасырмады. Бірақ бұл үшін осы бағытты қолдайтын меценаттардың, демеушілердің көмегі қажет.9-дан 16 жасқа дейінгі оқушылар роботтарды жинау және бағдарламалау дағдыларын көрсетті. Бұл сайыс талапкерлерге ұлттық ойындар әлемімен танысуға көмектесті.– Мен робототехникамен айналысқаныма 2 жыл болды. Көкпар ойыны туралы жақсы мәлімет алдым. Бірақ мұнда бірінші барлық ерекшеліктерді түсініп алу керек. Алдымен Робот шабандозды жылдам жинап, содан кейін оны смартфондағы Bluetooth арқылы сауатты басқара алуың қажет, – деп бөлісті № 33 мектеп – бөбекжай кешенінің 6- сынып оқушысы Ярослав Землянский.Жеңімпаздар кубок және медальдармен марапатталды. Тағы бір сыйлық-Аlihanrobotics онлайн орталығында тегін оқу мүмкіндігі. "Ұлы дала ойындары" абсолютті чемпионы атағын Мағжан Жұмабаев атындағы гимназияның командасы жеңіп алды.Ақпарат көзі : https://www.gov.kz/memleket/entities/karaganda/press/news/details/876659

Қарағандыда белгілі заңгер, Балапан Әбеновті еске алуға арналған жасөспірімдер арасында шағын футболдан облыстық турнир өтті. Бірінші орынды қарағандылық "Қыран" командасы иеленді.Балапан Әбеновті еске алу турнирі облыс орталығында 2018 жылдан бері өткізіліп келеді. Биыл жарысқа 12 команда қатысты.– Жарыс деңгейі жыл сайын артып келеді. Бұл жолы Ақмола, Қарағанды, Ұлытау облыстарының футболшылары қатысты. Жеңімпаздар мен жүлдегерлер дене шынықтыру және спорт басқармасынан кубоктар, медальдар және грамоталармен марапатталды. Сондай-ақ Балапан Әбеновтің туған туыстарының демеушілігімен ақшалай сертификаттар алды. Келесі жылы бұл турнир республикалық деңгейге шығады, – дейді жарыстың бас төрешісі Балғабай Нұрланов.Жарыс қорытындысы бойынша Қарағандыдан келген "Қыран" командасы алтын медальды қанжығалады. Күміс жүлде Абай ауданынан келген футболшылар иеленді. Үшінші орынды қарағандылық "Скаут" командасы жеңіп алды.Қарағанды облысының дене шынықтыру және спорт басқармасының ақпараты бойыншаАқпарат көзі : https://www.gov.kz/memleket/entities/karaganda/press/news/details/876623

Бүгін қала әкімі Ғ.Сыздықбековтің қатысуымен өткен аппараттық мәжілістің күн тәртібінде бірқатар өзекті мәселелер қаралды. Әділет департаменті басшысының м. а. А. Исабекова әкімшілік құқық бұзушылық істер бойынша сот қаулыларын орындау шеңберінде тәркіленген материалдарды жергілікті атқарушы органдарға берудің мәселелерін баяндады. Бұл ретте қала әкімі сала басшыларына бюджетке салмақ салмай, қолданыстағы қоймаларды тиімді пайдалануды тапсырды. Қала әкімінің орынбасары С. Құранбек жаңа жылдық безендірілудің тұжырымдамасы мен дайындығымен таныстырды. Ғ.Әбдімәжитұлы жауаптыларға аталған мерекені эстетикалық талғаммен, креативті түрде ұйымдастыру бойынша тапсырма берді. Ішкі саясат және жастар істері басқармасының басшысы А. Жұмақұлова әлеуметтік желілерде мемлекеттік органдардың БАҚ және қоғаммен өзара іс-қимылының мәселелері туралы баяндады. Қала әкімі сала басшыларына азаматтардан түскен өтініштерге сапалы жауап беріп, өзекті мәселелерді шұғыл шешуді тапсырды. Сонымен қатар қала басшысы ретсіз саудамен күресті жүргізе алмаған. Әл-Фараби ауданы әкімдігінің лауазымды қызметкерлеріне шара қолдануды ескертті. Алдағы ауа райының қолайсыздығын ескерген қала басшысы су алу қаупі бар аумақтарда тиісті шараларды жүргізіп, көпқабатты тұрғын үйлерде жылу сапасын қадағалауды тапсырды. Шымкент қаласы әкімінің баспасөз қызметіАқпарат көзі : https://www.gov.kz/memleket/entities/shymkent/press/news/details/876715

Батыс Қазақстан облысында қоршаған ортаның жағдайын жақсартуға және абаттандыруға бағытталған «Таза Қазақстан» республикалық экологиялық акциясы жалғасуда. Бүгін «Таза Alem» акциясы Оралдағы орталық базар ауданында белсенді қала тұрғындарын, жастар мен еріктілерді біріктіріп өтті.- Мемлекет басшысының бастамасымен «Таза Қазақстан» жалпыұлттық экологиялық шарасы тұтас еліміз бойынша өтуде. Ал бүгін бұл акция біздің облыста да өткізілуде. Осы сәтті пайдалана отырып, қала тұрғындарын, жастарды акцияға қатысуға шақырамыз, өйткені қаланың гүлденуі мен абаттандырылуы біздің қолымызда. Еліміздің дамуына атсалысу - әрбір азаматтың борышы, - деді БҚО жастармен жұмыс жөніндегі ресурстық орталығы басшысының орынбасары Нұрсұлтан Чапаев.Іс-шара қорытындысы бойынша акцияның үздік қатысушылары естелік сыйлықтармен марапатталды.Бүгінгі таңда санитарлық жұмыстарға 172 мыңнан астам тұрғын және 4 мың мекеме мен кәсіпорын қатысты. Акция аясында 76 мыңнан астам аула, оның ішінде 2508 көпқабатты үйдің аумағы және 74 мыңнан астам жеке тұрғын үйдің аумағы жиналды. Сондай-ақ, 231 саябақ пен скверді абаттандыру жұмыстары жүргізілді, 59 мыңнан астам ағаш көшеттері отырғызылды, 6 мыңнан астам тротуар плиталары жөнделді. 1221 әлеуметтік нысанның аумағы мен 1251 тарихи-мәдени ескерткіштің аумағы тазартылды.Экологиялық іс-шараларды өткізу үшін 1795 бірлік техника жұмылдырылып, 61580 тонна қоқыс шығарылды.Бұдан басқа, "Ғарыш сапары" АҚ анықтаған 198 заңсыз қоқыс үйінділерінің 112-сі жойылып, қалған 56 қоқыс үйіндісін жою жұмыстары жалғасуда.Ақпарат көзі : https://www.gov.kz/memleket/entities/bko/press/news/details/876725

«Қазақстан халқына» қоғамдық қорының қолдауымен «Батыр боламын» жобасы аясында Ойыл ауданы бойынша 6 спорт залдың ашылу салтанаты өтті.«Батыр боламын» жобасының мақсаты - балалар үшін спортқа қолжетімділік деңгейі төмен, шалғай жатқан елдімекендерде арнайы құрал-жабдықтары бар спорт залдар ашу. Бұл жолы игі шара Ойыл кәсіптік колледжі, Көптоғай, Сарбие, Қараой, Саралжың, Ақшатау ауылдарында орналасқан спорт залдардың ашылуымен жалғасты. Ауылдағы спорт нысандарына қажетті құрал-жабдықтардың жалпы сомасы 60 млн теңгенің жобасын құрайды. Залдарда бокс, күрес, шахмат, тоғызқұмалақ, үстел теннисі және тағы басқаспорт түрлеріне қажетті бұйымдар бар.«Біздің ауылымыз үшін үлкен мереке. «Батыр боламын» жобасы аясында ауылымызда спорт зал ашылып жатыр. Осындай кішкентай ауылдан еліміздің атын шығаратын чемпиондарды даярлауға мүмкіндіктер сыйлап жатқан жанашыр азаматтарға алғысымызды білдіреміз»,- деді Ақшатау орта мектебінің директоры Бекжан Қарасаев. Ауыл ақсақалдары жасөспірімдерге жасалып жатқан мүмкіндіктердің оңынан болуын тілеп, баталарын берді. Шара соңы ауыл жастарының тартысқа толы қазақтың ұлттық ойындарымен жалғасын тапты.Ақпарат көзі : https://www.gov.kz/memleket/entities/aktobe/press/news/details/876630

Президент тапсырмасымен жүзеге асырылған «Ауыл аманаты» бірегей жобасы аясында Ақтөбе облысында 2700-ден астам кәсіпкер қолдау тауып, өз кәсібін ашты.Екі жыл ішінде өңірге жалпы сомасы 15 млрд теңгеден аса үш транш бөлінсе, бүгінде барлық сома толығымен игерілді. Атап айтқанда, мал шаруашылығы саласында 5,4 млрд. теңгеге 758 жоба іске асырылып, 22 417 бас мал сатып алынды. Тағы құс шаруашылығы бағыты бойынша 598 жоба - 2,4 млрд. теңгеге, өсімдік шаруашылығындағы 233 жоба - 1,2 млрд. теңгеге жүзеге асырылды.1 113 ШОБ нысаны ашылды, 71 бірлескен кооператив және 2 014 жұмыс орны құрылды.2023 жылдың қорытындысы бойынша бюджетке 93,3 млн. теңге мөлшерінде салық түсімдері түсті. Ауыл кәсіпкерлерінің дамуына қуатты серпін берген «Ауыл аманаты» бағдарламасы аясында өтінім қабылдау әлі де жалғасуда. Осы қараша айында 2,9 млрд теңге бөлінбек.Ақпарат көзі : https://www.gov.kz/memleket/entities/aktobe/press/news/details/876639

«Дарын» мемлекеттік жастар сыйлығына құжаттар қабылдау жалғасуда.Конкурсқа 35 жасқа дейінгі, мәдениет, ғылым, медиа және спортта жетістіктері бар қазақстандықтар қатыса алады. Олар – халықаралық және республикалық конкурстардың, фестивальдар мен түрлі шаралардың лауреаттары, республикалық және халықаралық деңгейлердегі спорттық жарыстардың жүлдегерлері мен жеңімпаздары, сондай-ақ аталған салалар мен тұтастай қоғамды дамытуға ықпал еткен үміткерлер.«Дарын» мемлекеттік жастар сыйлығы ғылым, шығармашылық, қоғамдық қызмет салаларында жемiстi еңбегімен көзге түскен, сондай-ақ жоғары спорттық жетістіктері үшін дарынды жастарды мемлекет тарапынан қолдау мақсатында ұсынылады.Байқау 10 номинация бойынша өтеді:«Әдебиет»,«Ғылым»,«Дизайн және бейнелеу өнері»,«Журналистика»,«Классикалық музыка»,«Креативті бастамалар»,«Спорт»,«Театр және кино»,«Эстрада»,«Халық шығармашылығы».Креативті бастамаларға – ақпарат, мемлекет пен азаматтық қоғамның өзара іс-қимылы бағытында, мемлекеттік жастар және отбасы саясаты, қайырымдылық, волонтерлік қызмет салаларындағы жастардың жетістіктері жатады.«Дарын» жастар сыйлығына үміткерлерді мемлекеттiк органдар, қоғамдық бiрлестiктер ұсынады.Жеңімпаздарға «Дарын мемлекеттік жастар сыйлығының лауреаты» атағы беріледі және олар дипломмен, төсбелгілермен сондай-ақ қаржылай сыйлықпен марапатталады.Жыл сайын сыйлықты табыстау Қазақстан Республикасының Тәуелсіздік күнін мерекелеу аясында өткізіледі.«Дарын» жастар сыйлығы 1992 жылы дарынды жастарды ғылыми, шығармашылық, қоғамдық қызметі, сондай-ақ жоғары спорттық жетістіктері үшін мемлекеттік қолдау мақсатында тағайындалған. Содан бері аталған сыйлықты түрлі саладағы 340-тан астам азамат иеленді.Конкурсқа қатысуға құжаттар 2024 жылғы 17 қарашаға дейін Қазақстан Республикасы Мәдениет және ақпарат министрлігінің Жастар және отбасы істері комитеті (қағаз нұсқада) мына мекенжайда: Астана қаласы, Мәңгілік ел даңғылы 10, «Министрліктер үйі» ғимаратында (14-кіреберіс) қабылдайды. Ал электронды нұсқаны premiya.daryn@mki.gov.kz поштасына жолдауға болады. Байланыс нөмірлері: 8(7172) 74-05-25, 8(7172) 74-18-43, 8 701 170 46 54.Ережелермен толығырақ мына сілтеме бойынша танысуға болады:https://www.gov.kz/memleket/entities/mam/documents/details/721958?lang=kk ҚР Мәдениет және ақпарат министрлігіАқпарат көзі : https://www.gov.kz/memleket/entities/zhetysu-oblysy/press/news/details/876583

Қазақстанда 2024 жылдың соңғы 10 айында сібір жарасымен сырқаттанушылық өткен жылдың сәйкес кезеңімен салыстырғанда екі есе төмендеді, деп хабарлады ҚР Денсаулық сақтау министрлігінің баспасөз қызметі. Ағымдағы жылы барлығы 17 жағдай тіркелді.Сібір жарасы - бұл ауыл шаруашылығы жануарларына және жабайы аңдарға, сондай-ақ адамдарға әсер ететін аса қауіпті инфекциялық ауру. Ауру көбінесе ауыр ағыммен өтеді және өлімге әкелуі мүмкін. Ол септикалық, ішек және өкпе түрін қоса алғанда, тері немесе жалпыланған түрде өтеді. Сібір жарасының қоздырғышы - топырақта жылдар бойы сақталатын сібір жарасы микробы. Инфекция ауру жануарлармен, олардың етімен және мал өнімдерімен, сондай-ақ топырақ арқылы байланыс болған кезде туындайды.«Аурудың инкубациялық кезеңі бірнеше сағаттан 14 күнге дейін, бірақ көбінесе симптомдар инфекциядан кейін 3-6 күннен кейін пайда болады. Оларға жалпы әлсіздік, жоғары температура, лимфа түйіндерінің ісінуі және жүрек соғуының жоғарылауы жатады. Адам сібір жарасы ауруымен ауыратын жануарлардан жұқтыруы мүмкін, оларға ірі қара мал, жылқы, есек, қой, ешкі, бұғы, түйе жатады», - деп хабарлады Қазақстан Республикасы Денсаулық сақтау министрлігінің Ұлттық Қоғамдық денсаулық сақтау орталығы.Инфекция жануарларға күтім жасау, сою, етті өңдеу кезінде, сондай-ақ мал шаруашылығы өнімдерімен - тері, мех бұйымдары, жүн, қылшықтармен жұмыс істеген кезде болуы мүмкін. Бұл жағдайда споралар жылдар бойы, соның ішінде топырақта да сақталуы мүмкін. Жермен байланыс арқылы споралар терідегі микрожарақаттарға түседі, бұл сібір жарасының тері түрінің дамуына әкеледі.«Тері түрі сібір жарасының барлық жағдайларының басым көпшілігін (98-99 %) құрайды. Аурудың карбункулозды түрі жиі кездеседі, оның айналасында қызыл түсті айқын қабынған шеңбер түріндегі қара, ауыртпалықсыз тығыз қотыр пайда болады. Сібір жарасының алдын алу үшін жеке ауыл шаруашылығы малы бар адамдар жеке гигиена шараларын сақтауы, жануарларды вакцинациялауы, ветеринариялық куәландырусыз ауру (өлген) жануарларды өз бетінше союды ұйымдастырмауы қажет», - деп ҰҚДСО-да ұсынымдар берді.Ет және ет өнімдерін санитариялық-ветеринариялық бақылау жоқ белгісіз жерлерде сауда жасайтын жеке тұлғалардан сатып алуға болмайды. Базарларда ет сатып алу кезінде өнімнің қауіпсіздігін растайтын «ветеринариялық қорытынды» талап етілуі керек. Мал шаруашылығы шикізатын өңдеумен, тасымалдаумен және сатумен айналысатын жұмысшылар жеке гигиена және алдын алу шараларын сақтауы қажет.Бұл қауіпті инфекцияның алдын алудың маңызды шарасы - жануарларды вакцинациялау.Ет комбинаттарының қызметкерлеріне, ветеринариялық қызметкерлерге, сібір жарасының қоздырғышымен жұмыс істейтін зертханалардың қызметкерлеріне вакцинамен профилактикалық егулер алу қажет.Ақпарат көзі : https://www.gov.kz/memleket/entities/dsm/press/news/details/876389

Бесарық ауылында «Таза Қазақстан» акциясына ауыл тұрғындары мен ауылдағы шаруашылық құрылымдары белсене атсалысуда. Ауыл инвесторы «Абай-Дәулет» ЖШС-і ауылды аббатандыру шараларына белсене қатысуда.Меценат «Абай-Дәулет» ЖШС басшысы Мұрат Сәрсенбаевтың демеушілігімен ауылды қарқынды абаттандыру жұмыстары жүргізілді, – дейді ауылдық Қоғамдық кеңес төрағасы А.Ақжігітов.– Біздің Бесарық қазір бау-бақша іспетті, айналасы жасыл желекке оранған, гүлдері мен жас ағаштары жайқалып тұр. Серіктестік ауыл тұрғындарына жайлы демалыс орнын жасау мақсатында орталық алаң мен көшелерді абаттандырды. Бірқатар маңызды әлеуметтік нысандар қайта жаңғыртылды, жаңа өндіріс орындары ашылды. Осының барлығы ауыл тұрғындарының көңіл-күйіне, әлеуметтік жағдайының жақсаруына оң әсер етуде.Экологиялық акция басталғалы Сырдария ауданында ауқымды жұмыстар атқарылды. Каналдар мен су қоймалары, қарт ауыл тұрғындарының аулалары, көптеген әлеуметтік нысандар мен кәсіпорындардың аумақтары қоқыстан тазартылды. Мыңдаған ағаштар отырғызылды. Біздің еріктілеріміз де туған жердің тазалығы үшін өзгелерге үлгі боларлық.Айта кету керек, облыста «Таза Қазақстан» экологиялық шарасы басталғалы оған 548 299-дан астам облыс тұрғыны қатысты. 21360 тоннадан астам қоқыс шығарылып, 505 алаң мен саябақтар, 225 тарихи ескерткіштер аумақтары, 791 әлеуметтік нысан, 1130 өндірістік және кәсіпкерлік нысан,294 су айдындары, 47451 аулалар мен көшелер тазартылды.548 арнайы техника қолданылып, 129 358 ағаш көшеттері отырғызылды.Ақпарат көзі : https://www.gov.kz/memleket/entities/kyzylorda/press/news/details/861563

Жамбыл облысы Қордай ауданында цемент өндіретін ірі кәсіпорынның клинкер өндіру желісі өз жұмысын бастады. Бұл Орталық Азиядағы ең заманауи және қалдықсыз жұмыс істейтін бірегей жобалардың бірі. Өндіріс ошағын іске қосу рәсіміне Жамбыл облысының әкімі Ербол Қарашөкеев, «Korcem» зауытының басшылық құрамы мен қызметкерлері, құрылыс жұмыстарын жүргізген компания өкілдері және аудан тұрғындары қатысты. Аймақ басшысы жобаның өңір экономикасы үшін маңыздылығын айрықша атап өтті. – Мемлекет басшысының тапсырмасына сәйкес өңірде бірқатар инвестициялық жобалар сәтті жүзеге асып, ірі өндіріс ошақтары бой көтеруде. Қордай ауданында құрылысы аяқталған «Korcem» цемент зауыты соның нақты бір дәлелі. Ауқымды жобаның клинкер шикізатын өндіру желісі іске қосылды. Бұл цемент зауыты өңір экономикасын өркендетуге, халықтың әл-ауқатын жақсартуға елеулі үлес қосады. Жергілікті тұрғындардың тұрақты жұмыспен қамтылуына ықпал етеді, – деген аймақ басшысы өндірістің үздіксіз жұмыс істеуі үшін билік тарапынан жан-жақты қолдаулар көрсетілетінін хабарлады. Айта кетейік, кәсіпорынның құрылысын сингапурлық «Alacem» компаниясы жүргізді. Жобаға 50 млрд.теңге инвестиция салынған. Өндіріс ошағының жылына 1,5 млн.тонна цемент әзірлеуге қауқары бар. Бүгінде 400-ден астам тұрақты жұмыс орны құрылып отыр. Алдағы уақытта жұмыс күші екі есеге дейін артады деп күтілуде. «Korcem» цемент зауыты келер жылы толық қуатына шығады деп жоспарлануда. Бүгін іске қосылған өндірістік желіде тәулігіне 3 500 тонна клинкер (құрамында 90% цемент бар шикізат) әзірленеді. – Бүгін зауыттың «жүрегін», яғни негізгі өндірістік бөлігін іске қосып отырмыз. Біз ішкі нарықты отандық өніммен қамти отырып, осы саланың бәсекеге қабілеттілігі мен экспорттық әлеуетін арттыруға күш саламыз, – дейді жоба жетекшісі Станислав Щербаков. «International Cement Group» ЖШС-нің басқарушы директоры Бенджамин Ченгтің айтуынша, аталған жобаға мемлекет тарапынан жан-жақты қолдаулар көрсетіліп келеді. – Біздің компания өңірде жаңа жұмыс орындарын ашу үшін басқа да әлеуетті инвесторларды тартуды жоспарлап отыр. Жамбыл облысында өнімді экспорттау мүмкіндігі зор. Ең бастысы, инвесторларға барлық жағдай жасалғанын өз тәжірибемізден көрдік, — деді ол. Айта кетейік, Жамбыл облысының инвестициялық қоржынында 3,4 трлн.теңгені құрайтын 80 жоба бар. Бұл жобаларды жүзеге асыру қосымша 4,1 мың жұмыс орнын құруға мүмкіндік береді. Ағымдағы жылы 214 млрд.теңгеге 1 453 жұмыс орнын құра отырып, 35 инвестициялық жобаны жүзе асыру жоспарланған. Бүгінде құны 146,7 млрд.теңгені құрайтын 20 жоба іске қосылды. Нәтижесінде 674 азамат жұмыспен қамтылды.Ақпарат көзі : https://www.gov.kz/memleket/entities/zhambyl/press/news/details/874434

800 мыңнан астам облыс тұрғындары қатысқан көктемде басталған экологиялық акция дәстүрлі түрде күзгі тазалық айлығымен жалғасуда.Бүгін облыста акция аясында тұрғындар мен жастардың атсалысуымен көптеген тазалық және алдын алу-профилактикалық шараларын ұйымдастыру жоспарлануда.Атап айтқанда, облыс орталығы Тараз қаласында «Күзгі тазалық» эко акциясы шеңберінде «Сәби қоры» атындағы саябақ қоқыстардан тазартылса, өңір жастарымен «Таза қала» ұраны арқылы Қ. Рысқұлбеков атындағы саябаққа тазалық жұмыстары жүргізіледі.Акция аясындағы тазалық жұмыстары облыстың барлық аудандарында өткізілмек. Шара барысында саябақтар мен скверлер, көпқабатты тұрғын үйлердің маңын, демалушылар көп жиналатын орындарды қамту күтілуде.Сонымен қатар, Байзақ ауданында ТЖД және «ҚазТрансАймақ» мекемесінің өкілдері аудан тұрғындарына алдын алу профилактикалық шарасын жүргізуді жоспарласа, осындай түсіндіру жұмыстары Жамбыл және Талас ауданында жалғасын табады. Жуалы ауданында мектеп оқушыларымен «Таза Қазақстан – таза әлем» атты семинар, Қордай ауданында «Таза Қазақстан» атауымен «Береке» колледжінің студенттерімен, Меркі ауданында тұрғындармен кездесу ұйымдастырылатын болады.Сондай-ақ, Мойынқұм ауданының жастарымен «Тазалық өзіңнен басталады» челленджі өткізіліп, Сарысу ауданы Жаңатас қаласында «Даңқ» монументінің айналасы, Т. Рысқұлов ауданында адамдар көп жүретін «Ардагерлер» саябағы күл-қоқыстардан тазартылады. Шу ауданында №10 колледж студенттерімен кездесу өткізіліп, депутаттардың қатысуымен жастарға алдын алу шарасы жүргізіледі деп жоспарлануда. Ақпарат көзі : https://www.gov.kz/memleket/entities/zhambyl/press/news/details/874571

Жамбыл облысының әкімі Ербол Қарашөкеев Талас ауданына жұмыс сапарымен барып, бірқатар нысанның жұмысымен танысты.Алдымен Берікқара ауылдық округіндегі өрт сөндіру бекетіне барды. Жуырда ашылған өрт сөндіру бекетінде 2 бөлме мен арнайы техникаға арналған тұрақ қарастырылған. Мекеме төтенше жағдай орын алған жағдайда жедел әрекет етіп, құтқару жұмыстарын жүргізеді.Бұдан соң Ербол Қарашөкеев Қаратау қаласы Б. Момышұлы көшесіндегі жеке инвестиция есебінен қайта жаңғыртылып жатқан №15, 17 көпқабатты тұрғын үйлерді көрді. Жауаптыларға құрылыстың сапасы мен мерзімін қатаң сақтауды тапсырды.Бұл екі тұрғын үй 1984 жылы бой көтөрген, бес қабаттан тұрады. Барлығы 160 пәтер бар. Тұрғын үй жыл соңына дейін сатып алынып, баспана кезігінде тұрған азаматтардың игілігіне кезең-кезеңімен беріледі бастайды.Аталған көшедегі №13 тұрғын үй сәуір айында пайдалануға беріліп, 80 қаратаулықтың қоныс тойын тойлауына ықпал етті.Ербол Қарашөкеев пәтер иелерімен кездесіп, құрылыс жұмыстары бойынша ой-пікірлерін тыңдады.Сондай-ақ «Игілік» жылыту қазандығының жұмысын тексерді.Қазандықтарды қайта жаңғырту шаралары 100 пайызға атқарылды. Қазіргі таңда мазут сақтау қоймасының құрылыс-монтаждау жұмыстары жүргізілуде. Бұдан бөлек, облыстық бюджет есебінен 232 млн.теңгеге дизельдік генератор сатып алынды.Аймақ басшысы жылыту маусымы кедергісіз өту керектігін ескертті.Қазандық 156 көппәтерлі тұрғын үйді, 200-ден аса нысанды жылумен қамтамасыз етіп отыр.Ербол Қарашөкеев Талас ауданындағы өндіріс ошақтарына да ат басын бұрды.2015 жылы іске қосылған «Жамбыл Недр» ЖШС-і 70-ке жуық азаматты жұмыспен қамтып отыр. Кәсіпорында жылына 300 мың тонна М-400 маркалы цемент өндіріледі. Ағымдағы жылдың 9 айында 6,4 мың тонна цемент, 9,1 мың тонна минералды ұнтақ өндірілді.Кәсіпорын басшылығы жылына 75 мың тонна әктас өңдеуге қауқарлы зауыт құрылысын бастап кетті. Бұл жобаға 2 млрд.теңге инвестиция салынған. Қосымша 80 жұмыс орны ашылады деп күтілуде.«Karatau Chemicals» пиросульфит өңдеу зауытының құрылысы толық аяқталған. Қазіргі таңда өндіріс ошағын іске қосу жұмыстары жүргізілуде. Аталған жобаға 2,8 млн.теңге инвестиция тартылды.Облыс әкімі кәсіпорынға инфрақұрылым тарту, электр желісімен қамту мәселесін шешу бойынша қолдау көрсетілетінін жеткізді.Сапар соңында Ербол Қарашөкеев аудан әкімдігіне аралау барысында көтерілген мәселелер бойынша нақты ұсыныстар әзірлеуді тапсырды.Ақпарат көзі : https://www.gov.kz/memleket/entities/zhambyl/press/news/details/876000

Астанада ағымдағы мәселелерді талқылау және перспективалы инвестициялық стратегияларды қалыптастыру үшін мемлекеттік органдар мен халықаралық инвестициялық қоғамдастықтың басын қосатын жыл сайынғы ең маңызды оқиғалардың бірі – KGIR-2024 жаһандық инвестиция бойынша қазақстандық дөңгелек үстел өтті..Дөңгелек үстел ҚР Премьер-министрі Олжас Бектеновтың төрағалығымен өтті. Оған мемлекеттік органдардың бірінші басшылары, облыстар мен қалалардың әкімдері, трансұлттық корпорациялардың басшылары, ірі инвесторлар, сарапшылар, сондай-ақ мемлекеттік құрылымдар мен бизнес-қоғамдастықтардың өкілдері қатысуда.Бұл іс-шараның басты тақырыбы жаһандық инвестициялық үрдістерді талқылау және әлемдік нарықтардың болашағын болжау болды.Батыс Қазақстан облысының әкімі Нариман Төреғалиев инвестиция тарту және бизнеске қолайлы жағдай жасау Мемлекет басшысы айқындаған негізгі басымдықтар болып қала беретінін атап өтті.Ол бүгінгі дөңгелек үстел әлеуетті инвесторлармен өзара әрекеттесу және өңірлердің инвестициялық әлеуетін көрсету үшін бірегей мүмкіндік беретінін атап өтті. "Батыс Қазақстан облысында біз инвесторлар үшін барлық қажетті жағдайларды жасадық: қолайлы климат, дамыған инфрақұрылым және қуатты өнеркәсіптік және логистикалық әлеует. Өңірде жоғары технологиялық өндірістер ашылды, бұл одан әрі өсу үшін нақты экономикалық әлеует пен тұрақтылықты көрсетеді", - деп атап өтті Нариман Төреғалиев.Оның айтуынша, соңғы үш жылда облыстың негізгі капиталына құйылған инвестиция көлемі 1,6 трлн теңгені құрады, оның ішінде 2023 жылдың қорытындысы бойынша 645,6 млрд теңге, бұл алдыңғы көрсеткіштерден 16,4 пайызға жоғары.KGIR-2024 аясындағы маңызды оқиға БҚО әкімдігі мен оңтүстіккореялық Hyundai Solar KZ 777 компаниясы арасында меморандумға қол қою болды. Компания төрт жобаны жүзеге асыруға 81,4 млрд теңге инвестициялауды жоспарлап отыр, бұл 120 жаңа жұмыс орнын құруға мүмкіндік береді. Жоспарланған жобалардың қатарында қалдықтарды өңдеу және өртеу кешені, жылыжай кешені, сондай-ақ күн панельдерінен электр қуатын өндіретін стансаның құрылысы бар. Бұл бастамаларды іске асыру мерзімі 2024-2026 жылдарға жоспарланған. БҚО әкімдігінің баспасөз қызметі Ақпарат көзі : https://www.gov.kz/memleket/entities/bko/press/news/details/876104

Жетісу облысының Көпбірлік ауылында кітапханасы бар жаңа мәдениет үйі салынады. Бұл туралы облыс әкімі Бейбіт Исабаевтың Қаратал ауданына жасаған жұмыс сапары барысындағы ауыл тұрғындарымен кездесуінде айтылды. Ауылдықтардың айтқан өтініші негізінде өңір басшысы тиісті лауазымды тұлғаларға аталған нысанның құрылысына дайындық жұмыстарын бастау туралы тапсырма берді, - деп хабарлайды Жетісу облысы әкімінің баспасөз қызметі.Көпбірлік ауылының тұрғындары облыс әкімімен кездесуге жуырда пайдалануға берілген дене шынықтыру-сауықтыру кешенінің алдына жиналды. Кездесуде тұрғындар ауылға келетін жолдың жөнделіп біткеніне және ауыз судың сапасы жақсартылғанын атап өтті. Облыс басшысы өз кезегінде халықтың өмір сүру сапасын жақсарту мақсатындағы осындай жұмыстар әлі де жалғасатынын жеткізді:- Көпбірлік – облыстың ең шалғайдағы ауылының бірі. Мемлекет басшысының тапсырмасына сәйкес біз облыс орталығына жақын елді мекендерді ғана емес, алыс жатқан ауылдарды абаттандыру мен дамытуға ерекше көңіл бөлеміз. Халықтың өмір сүру сапасын жақсарту үшін ең бірінші сапалы ауыз су, жол, жарық және әлеуметтік нысандар керек. Тұрғындар тұрмыстың жақсарғанын сөз жүзінде емес, іс жүзінде сезінуі тиіс. Сіздердің ауылға келетін жолды жөндеп бітірдік, ауыз судың сапасын жақсарттық, дене шынықтыру-сауықтыру кешенін, ауылдық әкімдік салып бердік. Енді сіздердің өтініштеріңізге сәйкес кітапханасы бар мәдениет үйі тұрғызылады. Екі ауылдық округке ортақ өрт сөндіру депосын құрып, қажетті техникамен қамтамасыз етеміз. Сол сияқты көшелерді жөндеуге, жарықтандыруға назар аударылады, - деді облыс әкімі Б. Исабаев.Тұрғындар ауылға жасалып жатқан игі шараларға ризашылығын білдіріп, бірқатар өз өтініштерін де айтты. - Ұзақ жылдардан бері біздің шалғайдағы ауылға арнайы келген бірінші облыс әкімісіз. Бұл ауылдықтардың мәселесі назардан тыс қалмайтынын көрсетеді деп ойлаймын. Мысалы, ауылымызда заманауи дене шынықтыру-сауықтыру кешені салынды. Мұнда балаларымыз дзюдо, волейбол, баскетбол, тоғызқұмалақ, үстел теннисінен секцияларға барып жүр. Бұл олардың денсаулығын нығайтуға да пайдалы. Осы жерден мықты чемпиондар шығады деп сенеміз. Ендігі бір тілегіміз, осы спорт кешенінің артында орын бар, сол жерге балалар үшін воркаут алаңын салып берсеңіздер, - деді ауыл тұрғыны Нұрлан Бердахметов.Тағы бір тұрғын ауыл балаларын түрлі жарыстарға апару үшін шағын автобус бөлінсе деген тілегін жеткізді. Облыс әкімі айтылған ұсыныстарды қолдап, аудан әкіміне және басқа да тиісті лауазымды тұлғаларға нақты тапсырмалар берді.Сол сияқты осы кездесуде ауылдан Балқаш көлінің жағалауына апаратын 2,5 шақырымдық жолдың мәселесі де көтерілді. Ауылдықтардың айтуынша, әсіресе жаңбырлы күндері жағалауға жету қиындық тудырады. Өз кезегінде облыс әкімі аталған жолға қиыршық тас төсеуге қаржылай көмек көрсетілетінін айтты.Атап өтсек, осы күні Көпбірлік ауылындағы биыл қолданысқа берілген ауылдық әкімдік ғимаратында болды. Сол сияқты Үштөбе қаласындағы аудандық емхананың «Б» блогындағы күрделі жөндеудің барысымен танысты, сондай-ақ жақында ашылған жаңа үлгідегі әскери комиссариат ғимаратына барды. Сондай-ақ аймақ басшысы Ескелді ауылындағы блокты-модульді медициналық пункт пен мәдениет үйінің құрылысы барысын тексерді. Жетісу облысы әкімінің баспасөз қызметі.Фотограф: Жеңіс ЫсқабайАқпарат көзі : https://www.gov.kz/memleket/entities/zhetysu-oblysy/press/news/details/876043

Астанада Жаһандық инвестициялар бойынша қазақстандық дөңгелек үстел (KGIR-2024) өтіп, оған 500-ден астам делегат, оның ішінде халықаралық компаниялар мен сарапшылардың өкілдері қатысты. ҚР Премьер-министрі Олжас Бектенов жетекшілігімен өткен шарада негізгі инвестициялық трендтер және олардың халықаралық стратегияларға әсері талқыланды. Өңірлерді индустриялық дамыту мәселелеріне ерекше назар аударылды. KGIR-2024 аясында Ақтөбе облысында техникалық метанол өндіру зауытын салу жөніндегі жобаны іске асыру үшін Ақтөбе облысының әкімдігі мен «МКС Восток» ЖШС арасында ынтымақтастық туралы Меморандумға қол қойылды. Жаңа жоба жергілікті метанол өндірісін дамытуға мүмкіндік беріп, өңірдің импортты алмастыруына және экономикалық әлеуетін нығайтуына ықпал етеді.Сондай-ақ, іс-шара барысында Үкімет басшысы өңірлік экономиканы дамытуға қосқан елеулі үлесі үшін үздік инвесторларға марапаттар табыс етті. Ақтөбе облысының құрылыс индустриясына қосқан үлесі үшін«Зерде Керамика» ЖШС компаниясы атап өтілді.KGIR-2024 аясында Ақтөбе облысы әкімінің орынбасары А.Әбдікәрімов АҚШ, Испания, Иран бизнес өкілдерімен, сондай-ақ электротехникалық машина жасау, құрылыс индустриясы, автомобиль жасау және т.б. салалардағы қазақстандық және халықаралық өндірушілермен бірқатар кездесу өткізді.«KGIR-2024» тәжірибе алмасу және өсу, инвестициялық ынтымақтастықтың жаңа мүмкіндіктерін талқылау бағытындағы бірегей платформа болды.Ақпарат көзі : https://www.gov.kz/memleket/entities/aktobe/press/news/details/876055

Денсаулық сақтау министрлігі медицина кадрларының тапшылығын шешу жолдарының бірі ретінде медициналық ЖОО-лардың түлектерін бөлу тетігін тиімдірек етуді ұсынады.«Қазіргі уақытта медициналық ЖОО-лар түлектерінің үштен біріне жуығы бөлу бойынша жұмыс істемейді, негізінен жұмысқа орналасу үшін жеке медициналық ұйымдарды артық көреді. Сонымен қатар, мемлекеттік білім беру тапсырысы шеңберінде кадрларды даярлау мен жергілікті бюджет қаражатының есебінен кадрларды даярлаудың арасында үйлесімділік жоқ (ЖАО гранттары), бұл медицина кадрларын тиімді жоспарлауға әсер етеді, мамандардың жергілікті жерге жетуі бойынша мониторинг те әлсіз жүргізілуде»,-деп атап өтті Денсаулық сақтау бірінші вице-министрі Тимур Сұлтанғазиев өз сөзінде Абай облысындағы Парламент Сенатының көшпелі отырысында.Жағдайды өзгерту үшін пәрменді шаралар ретінде Денсаулық сақтау министрлігі кадрлармен қамтамасыз етуде нақты үйлестіруді белгілеу қажет болған жағдайда жас мамандарды жұмысқа дербес бөлуді уәкілетті органның деңгейіне қайтаруды ұсынады.Екінші - түлектердің жекелеген санаттары үшін жұмыс істеуді кейінге қалдыру, резидентурада оқуды жалғастыруды енгізу, МСАК деңгейінде кемінде үш жыл жұмыс өтілі бар медицина қызметкерлері үшін ерте (алдын ала) бөлу рәсімін енгізу.Сонымен қатар, кадрларды бөлуді реттеу және әлеуметтік қолдау шараларын көрсету жөніндегі жұмысты үйлестіру үшін жергілікті жерлерде өңірлік комиссиялар құрған жөн.Бұдан басқа, ведомство кадрларды жергілікті жерлерде ұстап тұру және ауылдық жерлерде дәрігерлік қызметтің беделін арттыру үшін қосымша ынталандыру шараларының тұтас пакетін бастамашылық етеді. Олардың қатарында интерн дәрігерлеріне арналған білім беру бағдарламаларын жаңарту, психологиялық қолдау бағдарламаларын ұйымдастыру және ұзақ тәжірибесі бар медицина қызметкерлерін ынталандыру жүйелерін енгізу және басқа да материалдық емес ынталандыру шаралары бар.Бұл бастамалар денсаулық сақтау жүйесін нығайтуға және ауылдық жерлерден медицина кадрларының кетуін азайтуға жағдай жасауға бағытталған.Хирургиялық топтың ең көп сұранысқа ие 5 мамандығына анестезиолог-реаниматологтар кіреді, қажеттілік – 306-ны, хирургтар – 210-ды, офтальмологтар – 112-ні, оториноларингологтар – 83-ті, ангиохирургтар – 44-ті құрайды. Босандыру қызметінің ең сұранысқа ие мамандары: акушер-гинекологтар – 253, неонатологтар – 87.Дәрігерлерге деген жоғары қажеттілік Астана (702 дәрігер), Алматы (497 дәрігер), Шымкент (234 дәрігер) сияқты ірі қалаларда бар. Ауылдық елді мекендер деңгейінде медицина қызметкерлеріне ең үлкен сұраныс Ақмола (116 дәрігер), Түркістан (135 дәрігер), БҚО (89 дәрігер) байқалады.Ақпарат көзі : https://www.gov.kz/memleket/entities/dsm/press/news/details/876050