Бүгін Шиелі ауданының Досбол датқа ауылдық округінде «Қазақстан халқына» қоғамдық қорының қолдауымен салынған заманауи үлгідегі дене шынықтыру-сауықтыру кешенінің ашылу салтанаты өтті.Жаңа нысанның ашылу рәсіміне облыс әкімінің орынбасары Шахмардан Байманов, «Қазақстан халқына» қоғамдық қорының басқарма төрағасы Ләззат Шыңғысбаева және «Саутс Ойл» ЖШС вице-президенті Серік Мырзабеков қатысты.Облыс әкімінің орынбасары Сыр спортындағы толағай жетістіктерді атап өтіп, қолға алынған жоспарлардың орындалу барысына тоқталды.–Мемлекет басшысы Қасым-Жомарт Кемелұлы халыққа арнаған Жолдауында «Жастарымыз дені сау, мықты азамат болып өсуі керек. Сондықтан ұлт саулығын сақтау үшін бұқаралық спорттың маңызы ерекше», – деген болатын. Осы орайда, аймақ басшысының қолдауымен облысымызда заманауи үлгідегі спорт кешендерінің іргетасы қаланып, спортсүйер қауымның игілігіне табысталуда. Жақында ғана аймақ басшысының қатысуымен Қармақшы ауданына қарасты ІІІ Интернационал және Дүр Оңғар ауылдық округінде спорт кешендері ашылып, пайдалануға берілді. Бүгін «Қазақстан халқына» қоры арқылы тағы бір кешен өңірдегі спорттық инфрақұрылымның қатарына қосылды. Бұл ғимаратта жас өрендеріміз спортпен шұғылданып, еліміздің, аймағымыздың атын асқақтатар чемпион болып қалыптасады деп сенемін. Осы орайда, аймақ басшысының және облыс халқының атынан «Қазақстан халқына» қоғамдық қорына зор алғыс білдіреміз! – деді Шахмардан Асқарұлы.«Қазақстан халқына» қоры жалпы құны 4,8 млрд теңге болатын көптеген жобаларды жүзеге асыруда.Сондай-ақ, ашылу салтанатында қордың басқарма төрағасы Ләззат Шыңғысбаева мен «Саутс Ойл» ЖШС вице-президенті Серік Мырзабеков атқарылған жұмыстарға тоқталып, тұрғындарды жаңа нысанның ашылуымен құттықтады.Айта кетейік, өткен жылы өңір халқының спорттық инфрақұрылыммен қамтылу көрсеткіші 46,2%-ға жетті, 2023 жылы 9 спорт кешені пайдалануға берілсе, 2024 жылға өтпелі 6 нысан толық аяқталып, іске қосылуда. Ақпарат көзі : https://www.gov.kz/memleket/entities/kyzylorda/press/news/details/937288

Бүгін облыстық мәслихат төрағасы Мұрат Тілеуімбетов және мәслихат депутаттары Жанкелді Ысқақ, Ібайдулла Тілеп, Нұрлан Имандосов Қазалы ауданына қарасты Абай, Ақтан батыр, Жанқожа батыр, Бекарыстан би ауылдарына барып, тұрғындармен кездесті. Кездесулерге аудан әкімінің орынбасары Жалғас Сүйеубаев, аудандық мәслихат төрағасы Ғазиз Әліш, аудандық мәслихат депутаттары, ауыл әкімдері мен тиісті сала мамандары қатысты.Облыстық мәслихат төрағасы облыс әкімінің бастамасымен атқарылған, қолға алынған, алдағы уақытқа жоспарланған жобалар туралы айтты. Мәслихаттың жұмысына, депутаттардың көтерген мәселелеріне тоқталып өтті.Ауыл тұрғындары көшелерді асфальттау, электр желілерін жөндеу, балабақша, жанармай бекетін ашу, каналдарды тазарту, қауіпсіздікті қамтамасыз ету мақсатында ауылға қосымша полиция инспекторын бекіту, полиция бөлімшесіне қызметтік автокөлік, өрт сөндіру көлігін алу, аурухана салу туралы ұсыныстарын айтты. Сонымен қатар, халықтың өмір сүру сапасын жақсартуға бағытталған аймақ басшысының жүйелі жұмыстарына оң пікірлерін білдіріп, ризашылықтарын жеткізді.Кездесуден кейін халық қалаулылары Жанқожа батыр ауылындағы «Жайлы мектеп» ұлттық жобасы аясында бой көтерген 300 орындық мектеп құрылысымен, Бекарыстан би ауылындағы №24, Ғани Мұратбаев ауылындағы №91 мектептердің жұмысымен танысты.Ақпарат көзі : https://www.gov.kz/memleket/entities/kyzylorda/press/news/details/937299

Биыл өңірде 806,4 мың га алқапта көктемгі далалық жұмыстарын жүргізу жоспарлануда.Егіс жұмыстарына дайындық облыс әкімі Асхат Шахаровтың төрағалығымен өткен аппарат мәжілісінде талқыланды.Ауыл шаруашылығы басқармасының басшысы Асқар Жүсібәлиевтің ақпаратына сүйенсек, дәнді дақылдар 458 мың га, майлы дақылдар 67 мың га, мал азығы дақылдары 274 мың га, картоп 3,5 мың га және көкөніс бақша дақылдары 3,4 мың га жерге егіледі.Көктемгі егіске 51 мың тонна ауыл шаруашылығы дақылдарының тұқымы қажет болса, бүгінгі таңда 47 мың тонна құйылды немесе 92%. Аудандарда тұқым себу жұмыстары жалғасуда.Көктемгі далалық жұмыстарына 6,2 мың тонна арзандатылған дизель бөлінді. Энергетика министрлігі тарапынан жақын арада дизель отынына баға белгіленген соң заңнамға сәйкес жеткізуші операторды анықтау жұмыстары жүргізіледі. 1528 трактор, 135 егіс кешені, 1446 мың тұқымсепкіш пен 1432 мың жер өндейтін техника жұмылдырылмақ.«Кең дала-2» бағдарламасы бойынша «Аграрлық несие корпорациясы» АҚ және «Ақтөбе» ӘКК арқылы егіс науқанын жүргізуге жылдық 5% сыйақы мөлшерлемесімен қазіргі уақытта 3,9 млрд теңгеге өтінімдер қабылданып, 2,0 млрд теңгесі мақұлданды және 532,6 млн теңге несие берілді. Өтінімдерді қабылдау жалғасуда. Бұдан өзге, өсімдік шаруашылығы саласын субсидиялауға 1,2 млрд теңге бөлінді, қаржы тұқым шаруашылығын дамытуға; минералды тыңайтқыштар, пестицидтер және суармалы судың құнын арзандатуға бағытталады», - деп мәлімдеді Асқар Жүсібәлиев.Басқарма басшысы атап өткендей, Мемлекет басшысының елімізде тұқым шаруашылығын дамыту туралы тапсырмасына сәйкес 2024-2028 жылдарға арналған кешенді жоспар бекітілді. Жоспарға сәйкес өңірлерде ауыл шаруашылығы дақылдарының элиткалық тұқым үлесін көтеру көзделген. Бұл мақсатта облыстың астықты аудандары Әйтеке би, Қарғалы, Мәртөк, Хромтау аудандарында алдыңғы қатарлы шаруашылықтар базасында тұқым шаруашылығы субъектілерін құру бойынша жұмыстарды ұйымдастыру қажет.Қолданыстағы субсидиялау тетігін пайдалана отырып, элиталық тұқымға субсидияланатын егіс көлемін 15-тен 30%-ға, бірінші репродукциялы тұқымға 20-дан 40%-ға дейін ұлғайту ұсынылды. Бұл өз кезегінде тұқым өндірісін ұлғайтуға ынталандырып, шаруашылықтардың сапалы тұқымға қолжетімділігін арттырады.Облыс әкімі егіс науқанына дайындықты жылдамдатуды және белгіленген мерзімдер аясында барлық қажетті жұмысты орындауды тапсырды. Сондай-ақ оларға аталған төрт ауыл шаруашылығы ауданында жетекші шаруашылықтар базасында тұқым шаруашылығы субъектілерін құруды ұйымдастыру тапсырылды.«Барлық дайындық жұмыстары уақытында аяқталуы керек және біз ауыл шаруашылығы өндірушілерінің тұқымдарды, техниканы және отынды қоса алғанда, қажетті ресурстармен қамтамасыз етуіміз керек. Тұқым жинау мәселесімен айналысуға тиіспіз. Қорды дәл жоспарлаған жөн. Аудан әкімдері картоп пен көкөніс дақылдарын отырғызу алаңдарын кеңейту, шаруашылықтарды тарту және әсіресе суармалы жерлерді пайдалану мәселесін пысықтауы керек. Бұл өңірдің өнімділігін арттыру және азық-түлік қауіпсіздігін қамтамасыз ету үшін маңызды қадам», - деп атап өтті Асхат Шахаров.Ақпарат көзі : https://www.gov.kz/memleket/entities/aktobe/press/news/details/935135

Қостанай облысында білім басқармасының кеңейтілген алқа мәжілісі өтіп, 2024 жылдың қорытындылары шығарылып, 2025 жылға арналған негізгі даму бағыттары айқындалды. Жиында білім сапасын арттыру, жаңа мектептер мен балабақшалар салу, қауіпсіздікті қамтамасыз ету және сұранысқа ие мамандар даярлау мәселелеріне ерекше назар аударылды.Мемлекет басшысы әрбір азаматтың, тұратын жеріне қарамастан, сапалы білім алу мүмкіндігіне ие болуы маңызды екенін бірнеше рет атап өткен болатын. Осы бағытта өңірде ауқымды жұмыстар жүргізілуде.Білім беру жүйесін қаржыландыру және жаңғыртуҚостанай облысының білім саласына бөлінетін бюджет соңғы екі жылда 23%-ға артып, 2025 жылы 218 млрд теңгеден асты. Айтарлықтай қаржы білім беру мекемелерінің материалдық-техникалық базасын жаңартуға бағытталды. Өткен жылы бұл мақсатқа 1,5 млрд теңге бөлініп, 59 заманауи пәндік кабинет (химия, физика, биология) және STEAM-зертханалар жабдықталды.Білім беру ұйымдарында интернет жылдамдығын арттыру маңызды қадам болды. Бүгінгі таңда өңірдегі барлық мектептер жоғары сапалы интернетпен қамтылған, ал соңғы екі жылда оның жылдамдығы 5-10 Мбит/с-тан 70-100 Мбит/с-қа дейін артты.Мектептер мен балабақшалар құрылысыЖаңа мектептер салу жұмыстары жалғасуда. 2025 жылы Аэропорт және Береке шағын аудандарында екі жаңа мектеп ашылды, жыл соңына дейін тағы 5 мектептің құрылысы аяқталады. Оның ішінде үшеуі ауылдық жерлерде (Әулиекөл, Қостанай және Жангелдин аудандарында) салынады.Мектепке дейінгі білімнің қолжетімділігін арттыру мәселесі де шешілуде. Соңғы екі жылда балабақшаларға кезек саны екі есе қысқарып, 5000-нан 2700 балаға дейін азайды. 2024 жылы өңірде 1000 орындық 7 жаңа балабақша ашылды, сондай-ақ Аэропорт шағын ауданында және Рудный қаласында тағы екі балабақшаның құрылысы жалғасуда.Мектептердегі қауіпсіздікБілім беру мекемелерінің қауіпсіздігін қамтамасыз ету – басты басымдықтардың бірі. 2025 жылы бұл мақсатқа 3 млрд теңгеден астам қаржы бөлінді. Нәтижесінде барлық мектептер лицензияланған күзетпен, турникеттермен және бейнебақылау камераларымен қамтамасыз етіледі.Сонымен қатар, соңғы екі жылда 35 қазандық мектеп ғимараттарынан тыс жерге шығарылды, бұл оқушылар мен мұғалімдер үшін қолайлы жағдай жасауға мүмкіндік берді.Сұранысқа ие мамандарды даярлау2025 жыл Қазақстанда Жұмысшы кәсіптер жылы деп жарияланған, сондықтан техникалық және кәсіптік білім беруді дамыту ерекше маңызға ие. Өңірде колледждерді жаңғырту және еңбек нарығының қажеттіліктеріне сәйкес кадрлар даярлау жұмыстары белсенді жүргізілуде.Қостанай облысы – еліміздегі ірі өнеркәсіптік және аграрлық өңірлердің бірі. Алдағы жылдары өнеркәсіп пен ауыл шаруашылығында ірі инвестициялық жобалар жүзеге асырылып, мыңдаған жаңа жұмыс орындары ашылады. Тек 2025 жылы машина жасау және металлургия саласында 7 жаңа жоба іске қосылып, 3000-нан астам жұмыс орны құрылады.Өңір кәсіпорындарын білікті мамандармен қамтамасыз ету үшін бизнес қауымдастықпен тығыз ынтымақтастық орнатылған. Жұмыс берушілер колледждердегі білім беру бағдарламаларын жаңартуға, жаңа мамандықтар ашуға және студенттердің тәжірибелік дайындығына белсенді қатысуда.Болашаққа жоспарлар мен жаңа міндеттерҚостанай облысында білім беру саласын дамыту жұмыстары жалғасуда. Ауылдық елді мекендердің инфрақұрылымын жақсартуға ерекше көңіл бөлінуде. 2025 жылы бұл мақсатқа 67 млрд теңгеден астам қаржы қарастырылған. 83 кіреберіс жолды және 382 көшені жөндеу, 40 жобаны іске асыру арқылы ауылдарды сапалы ауыз сумен қамту, сондай-ақ 15 000 көше шамдары мен 4 300 тірек орнату жоспарланған.Оқушыларға қолайлы жағдай жасау, мұғалімдерді қолдау және болашақ мамандарды даярлау – білім беру саласындағы басты бағыттар. Барлық белгіленген міндеттер тұрақты бақылауда, өйткені білімге салынған инвестиция – елдің жарқын болашағына салынған инвестиция.Ақпарат көзі : https://www.gov.kz/memleket/entities/kostanay/press/news/details/938540

Петропавл қаласының БЭСТ гимназиясының спорт залында «Бұл ғажайып әлем атты» қызықты экологиялық эстафета өтті. Іс — шара Мемлекет басшысының бастамасымен «Таза Қазақстан» бағдарламасы аясында өтті және кекушинкай каратэ клубының оқушылары мен тәрбиеленушілерінен бастап еріктілер мен жастар ұйымдарының өкілдеріне дейін көптеген қатысушылар жиналды.Шараны Петропавл қаласының Жастар ресурстық орталығы ұйымдастырды. Байқау жастар арасында экологиялық мәдениетті дамытуға, экологиялық жауапты мінез-құлықты қалыптастыруға және салауатты өмір салты құндылықтарын насихаттауға бағытталған.Іс-шараның мақсаты жастар мен қала тұрғындарының экологиялық белсенділік деңгейін арттыру, сондай-ақ командалық рухты және қоршаған ортаның жай-күйі үшін жауапкершілікті дамыту болды. Бағдарламада бірнеше эко-белсенділік қарастырылған: табиғат бейнелері бар басқатырғыштар жинау, қоқыстарды кәдеге жарату эстафетасы және өз қолдарымен жасалған ЭКО-киімдерді жасау және ұсыну конкурсы. Бұл тапсырмалар қатысушыларға өздерінің экологиялық хабардарлығын көрсетіп қана қоймай, табиғатты қорғауда шығармашылықпен айналысуға мүмкіндік берді.«Бұл эстафета-жай ғана байқау емес, мемлекет басшысының бастамасымен «Таза Қазақстан» бағдарламасы аясында белсенді қолдау көрсетілетін жастарды экологиялық тәрбиелеу жөніндегі ұзақ мерзімді жұмыстың бір бөлігі. Біз жастарды экологиялық мәдениетке баулуға, оларды табиғатымызға қамқорлық жасауға және қоршаған әлемге құрметпен қарауға үйретуге тырысамыз. Осындай іс-шаралар арқылы біз білімді ғана емес, сонымен қатар күнделікті өмірде әрекет етуге көмектесетін нақты практикалық дағдыларды қалыптастырамыз. Мысалы, қоқысты кәдеге жарату, қалдықтарды сұрыптау-бұл біздің қаламыз үшін ғана емес, бүкіл ел үшін маңызды тақырыптар», - деді Петропавл қаласының Жастар ресурстық орталығының басшысы Дамир ӘбдинКөрермендерге ерекше көңіл бөлінді. Байқаулар арасында олар гимнасттар ұсынған музыкалық және акробатикалық нөмірді ұнатып, мерекелік атмосфераға жарқын түстер қосты.Іс — шара соңында қатысушылар грамоталармен және сыйлықтармен марапатталды, ал көрермендер оң энергиямен марапатталды және табиғатты қорғау бойынша одан әрі іс-қимылдарға шабыттанды.«Мен әрқашан табиғат пен қоршаған ортаны қорғауға қызығушылық таныттым. Мен іс-шара туралы білгенде, мен міндетті түрде қатысамын деп шештім, өйткені бұл өзін дәлелдеу мүмкіндігі ғана емес, сонымен қатар жаңа нәрсені үйрену мүмкіндігі. Табиғатқа қамқорлық жасаудың қаншалықты маңызды екенін бәріміз түсінуіміз маңызды және мен мұндай шараның бір бөлігі бола алатыныма қуаныштымын», - деп бөлісті Радмир Мұқашев, QaganAcademySKO спорт клубының тәрбиеленушісі және экологиялық эстафетаның қатысушысы.Бұл экологиялық эстафета жастардың қоршаған әлемге құрметпен қарауын қалыптастыру жолындағы маңызды қадам болды. Мұндай іс-шаралар адамдардың бірігуіне және қоғамдастықтың рухын нығайтуға ықпал етеді, сонымен қатар біздің планетамызға қамқорлық жасауды еске салады.«Таза Қазақстан» республикалық бағдарламасының аясында облыстың барлық аудандарында түрлі экологиялық іс-шаралар өттіАқпарат көзі : https://www.gov.kz/memleket/entities/sko/press/news/details/938370

Қарғалы ауданы Петропавл ауылының маңында су тасқынына қарсы іс-шаралар аясында жағалауды нығайту жұмыстары жүргізілді. Өңір басшысы Қарғалы ауданына жасаған сапарында жұмыстардың орындалу барысымен танысты. Петропавл ауылы Жақсы Қарғалы өзенінің жағасында орналасқан. Сондай-ақ, елді мекеннен бір шақырым жерде №2 бөгет бар. Су тасқыны кезінде су басуды болдырмау үшін ауылдан 2500 метр қашықтықта жағалауды нығайту жұмыстары жүргізілді. Желтау ауылдық округінің әкімі Азамат Рзагулов Петропавлда 2,5 мыңнан астам адам тұратынын, 60-тан астам үй бар екенін айтты. Былтырғы көктемде өзендегі су деңгейі көтерілген, бірақ ауылға су кірген жоқ. Жазда суды бұру жұмыстары жүргізіліп, биіктігі 1,5 метр және ені 3 метрлік топырақтан тығыз үйінді салынған. Жұмыстар аяқталды. Сонымен қатар, өзен арнасы тазартылды. Бөгетті сумен толтыру үшін өзеннен бес шақырымдық канал салу жоспарлануда. Асхат Шахаров су тасқынына қарсы техника, қаптар мен құм дайындауды тапсырды. Сондай-ақ, әкім жергілікті тұрғындармен кездесті. Олар осы жазда Жездібай ауылында атқарылған жұмыстар мен салынған жаңа жол үшін алғыс білдірді. «Бүкіл облыс бойынша біз елді мекендердің кіреберіс жолын саламыз. Болашақта Петропавл маңынан өтетін республикалық трассаны жөндейміз. Ауылдың әлеуеті зор. Ең алдымен, облыс орталығына жақын орналасқаны тиімді. Ауыл кеңейіп, жаңа үйлер салынуда. Мұнда қажетті инфрақұрылым бар. Қазір су тасқынына дайындық аясында бүкіл облыс бойынша жағалауды нығайту жұмыстарын жүргізіп, бөгеттерді ретке келтіріп, өзен арналарын тазарттық. Барлық іс-шаралар су тасқыны қаупін азайту және тұрғындардың қауіпсіздігін қамтамасыз ету мақсатында өткізіледі», - деп қорытындылады әкім. Ақпарат көзі : https://www.gov.kz/memleket/entities/aktobe/press/news/details/938554

Логотипте Әлияның бейнесі, қазақтың ұлттық оюы мен «100 жыл» деген белгі ерекше үйлесім тапқан.Биыл Кеңес Одағының Батыры, қазақтың қайсар қызы Әлия Молдағұлованың туғанына 100 жыл. Атаулы датаға орай мерейтойлық логотип бекітілді.Логотип - батыр рухына деген тағзымның символы, оның есімін ұрпақ жадында мәңгі қалдырудың көрінісі болады дейді Мәдениет, архивтер және құжаттама басқармасы.Мерейтой аясында Ақтөбеден шығатын барлық өнімдерде осы логотип бейнеленеді. Бұл бастама Әлия Молдағұлова атындағы туған өлкенің ғана емес, барша қазақ елінің батыр қызға деген құрметін көрсетпек.100 жылдықты атап өту жоспарына сәйкес облыстық деңгейде 100-ден аса іс-шара өтеді. Мерейтой республикалық салтанатты шаралар тізіміне енгізілді.100 жылдық қарсаңында Әлия ауылдық клубы, «Әлия» патриоттық тәрбие беру орталығы, Кеңес Одағының батыры Әлия Молдағұлованың атындағы мемориалдық музейіне жөндеу жұмыстары жүргізілді. Күні кеше облыстық Әлия музейі заманауи цифрлық технологиялар таныстырды.Ақпарат көзі : https://www.gov.kz/memleket/entities/aktobe/press/news/details/937955

Ішкі істер министрлігінде мопедті тіркеу тәртібі түсіндірілді. Мопедті тіркеу ережелері қандай? Қандай құжаттар керек? - Мопедтерді тіркеу үшін тұрғылықты жері бойынша мамандандырылған халыққа қызмет көрсету орталығына бару қажет. Жеке басын куәландыратын құжат, электронды түрде де болады, мопедтің техникалық құжатын немесе техникалық сипаттамалары туралы мәліметті ұсыну қажет. Содан соң өтініш толтырып, мопедті тексеріп, сондай-ақ оны тіркеу (0,25 АЕК) және тіркеу туралы куәлік (1,25 АЕК) пен мемлекеттік нөмір (1,4 АЕК) үшін мемлекеттік баждарды төлеу керек, - деді департамент бастығы - ІІМ ресми өкілі Шыңғыс Алекешев. Егер ешқандай құжат болмаса, мопедті қалай тіркеуге болады? - Ешқандай құжат немесе VIN-код болмаған жағдайда я болмаса қандай да бір себептерге байланысты мопедтің шығарылған жылын белгілеу мүмкін болмаса, оны ішкі істер органдары тексеру жүргізгеннен кейін береді. Бұл ретте оны қарап-тексеру жүргізілген жыл мопедтің шығарылған жылы болып есептеледі, - деді спикер. Мопедті басқару үшін куәліктің қандай санаттары қажет? - "Жол жүрісі туралы" заңға сәйкес мопедті басқару үшін А1 санаты бар куәлік қажет. Егер жүргізушінің А немесе В санатындағы куәлігі болса, ол да мопедті басқара алады, - деді полиция полковнигі. Мопедтерге арналған мемлекеттік тіркеу нөмірлік белгілері қандай тәртіппен беріледі? - Мопедтерге мемлекеттік нөмір беру қолданыстағы тәртіпке сәйкес жүзеге асырылады, яғни жүйе автоматты түрде нөмірді таңдайды. Мысалы, дәл осындай тәсіл мотоциклдерге де қатысты қолданылған, - деп жауап берді ведомствоның ресми өкілі. ⁠5 сәуірден кейін мопедтерін тіркемегендерге қандай жауапкершілік көзделген? - Заңға сәйкес 5 сәуірден кейін тіркелмеген мопедтерді басқаруға тыйым салынады. Құқық бұзушылық анықталған жағдайда Әкімшілік құқық бұзушылық туралы кодекстің 590-бабының 2-тармағымен әкімшілік жауапкершілік көзделген (10 АЕК айыппұл), - деді спикер Дереккөз: ҚР Ішкі істер министрлігінің ресми сайты Мопедті қалай тіркеуге болады: ІІМ түсіндірмесі Ақпарат көзі : https://www.gov.kz/memleket/entities/zhetysu-oblysy/press/news/details/938152

📌 Солтүстік Қазақстан облысына жұмыс сапары барысында Премьер-министр Сергеев су торабына барды, сондай-ақ Петропавл қаласында 1-ші көтергіш сорғы стансасы мен бөгеттің бекінісін реконструкциялау барысын тексерді. Бұл нысандар елді мекендерді су тасқынынан қорғауда және жергілікті тұрғындарды сумен қамтамасыз етуде шешуші рөл атқарады. Жұмыс сапарының мақсаты – Мемлекет басшысының су тасқыны қаупі бар кезеңге дайындық жұмыстарын үйлестіру бойынша берген тапсырмаларының орындалуын бақылау. Гидротехникалық нысандардың жай-күйіне және заманауи цифрлық шешімдерді енгізуге назар аударылады. 🔷 Сергеевка қаласында негізгі ведомстволар мен қызметтердің өкілдері су торабын жөндеу бойынша ағымдағы қызмет туралы баяндады. Сергеев су торабы Есіл өзені ағынының негізгі реттеушісі болып саналады. Ол Солтүстік Қазақстан, ішінара Қостанай және Ақмола облыстарын сумен жабдықтауды, сондай-ақ Ресей Федерациясының Тюмень облысына кепілдендірілген өткізуді қамтамасыз ететін бірыңғай су шаруашылығы кешенін құра отырып, Петропавл су торабымен каскадты жүктеме жұмысын жалғастыруда. Өткен жылғы су тасқыны кезінде Сергеев су торабының төменгі саласында мол көлемдегі су мен мұздың түсуі нәтижесінде сол жағалаудағы топырақ шайылып кетті. Петропавл су торабында бүліну болған жоқ. ✔️ 2024 жылы Үкімет республикалық бюджеттен гидротехникалық құрылыстарды ағымдағы жөндеуге және Сергеев пен Петропавл су тораптарында су тасқынына қарсы іс-шараларды жүргізуге 278,5 млн теңге бөлді. Жағалау беткейлерін бекіту үшін бұл нысандарға 1,4 мың м3-тен астам ірі кесек тастар әкелінді, Сергеев су құрылысы бөгетіне жақын төменгі саласына түбін тереңдету жұмысы жүргізілді, 940 м3 топырақ қоспасы қазып алынды. 🔘 «Қазсушар» РМК Солтүстік Қазақстан филиалының директоры Шұғайып Ибатуллин қазіргі уақытта екі су торабы да қанағаттанарлық жағдайда және штаттық режимде жұмысын жалғастырып жатқанын баяндады. Биыл қосымша 14 іс-шара өткізу жоспарланып отыр. 🔘 Өз кезегінде «Қазгидромет» филиалының басшысы Қымбат Мерғалимова жауын-шашын мөлшері әсіресе, оңтүстік және шығыс аудандарда нормадан көп болатынын айтты. Қатты жауын-шашын ақпан айының ортасы мен аяғында, айдың бірінші және екінші онкүндігінде температураның төмендеуімен болжануда. Сергеев су қоймасынан төмен орналасқан аудандар үшін су тасқыны қаупі жоғары болып қала береді.«Сергеев су торабы – су тасқыны қаупі бар аймақтағы стратегиялық нысан, тұрғындарды сумен қамтамасыз етуге де жауапты. Егер судың толу деңгейі 2 метрден асатын болса, орталыққа және жеке маған шұғыл хабарлауды тапсырамын», — деп атап өтті Олжас Бектенов. Өңірдегі су шаруашылығы объектілерін нығайтуды жалғастыру, сондай-ақ цифрлық шешімдерді белсенді енгізу, батиметриялық түсірілім жүргізу тапсырылды. ➡️ Премьер-министрге жасанды құрылыстар, оның ішінде Сергеев және Петропавл су тораптары бойынша ауыр жүк көліктерінің қозғалысын бақылауды күшейту туралы баяндалды. Мәселен, ауыр жүктерге арналған салмақ шектеулері белгіленді, көлік инспекциясының жылжымалы бекеттері жұмыс істейді. 📱 @KZgovernment 📌 Петропавл қаласында Премьер-министр реконструкциялау барысын тексеріп, былтырғы су тасқыны кезінде апатты түрде сөніп қалған 1-ші көтергіш сорғы стансасының жаңа технологиялық жабдықтарымен танысты. 70-ші жылдары салынған сорғы стансасы 50 жыл бойы жөнделмеген. ✔️ Аяқталған реконструкцияның нәтижесінде құрғақ жерде және су астында жұмыс істей алатын 2 сорғы орнатылды. Сондай-ақ сыртқы әсерлерден және механикалық зақымданудан қорғау үшін электр кабельдері жер астымен жүргізілді. Бұл шаралар су басқан жағдайда да электр энергиясының тұрақты берілуін қамтамасыз етуге мүмкіндік береді. 🔘 Жұмыс сапары аясында Премьер-министр су тасқынына қарсы іс-шараларға дайындықпен, ықтимал тасқын сулардан қорғауға арналған техника мен материалдардың дайындығымен танысты. ✔️ Петропавл қаласын айналып өтуді Есіл өзені арқылы жол көрсеткіш құрылысымен реконструкциялау бойынша қазіргі уақытта жобаның ТЭН әзірленді. Бұл жол Щучинск, Көкшетау және Петропавлды Ресей Федерациясының шекарасымен, оның ішінде облыс орталығындағы Есіл өзені арқылы өтетін екі көпірдің бірімен байланыстыратын Орталық-Солтүстік көлік дәлізінің бөлігі саналады. Су тасқыны кезеңінде ол қорғаныс бөгеті қызметін атқарады, бірақ 2024 жылы су деңгейінің көтерілуіне байланысты толып кетіп, Подгора ауданын су басқан болатын. ✔️ Мұндай келеңсіз оқиғалардың алдын алу және тұрғындардың қауіпсіздігін қамтамасыз ету үшін Есіл өзенінен өтетін көпір салу арқылы қаланы айналып өтетін жолды реконструкциялау жоспарланған. Құны 71 млрд теңге болатын жоба бірінші кезеңде республикалық бюджеттен қаржыландырылып, 18 млрд теңге бөлінді. ➡️ Сонымен қатар Премьер-министрге ЖИ элементтері бар технологиялық мүмкіндіктер таныстырылды. Атап айтқанда, «Дрондардың бірыңғай инфрақұрылымы» жобасы. Бүгінде бұл жүйе Алматыда қоғамдық қауіпсіздікті қамтамасыз ету үшін белсенді қолданылады. Биылдан бастап оны СҚО-дағы су тасқыны жағдайын бақылау үшін, одан әрі өзге де су тасқыны қаупі бар өңірлерге кеңейту үшін іске қосу жоспарлануда. Сондай-ақ ақпаратты жедел беру үшін ұшқышсыз ұшу аппараттары пайдаланылатын болады, олар ақпаратты сол орыннан жедел алуға мүмкіндік береді. Бұл жағдайды дұрыс бағалауға және қызметтердің әрекеттерін үйлестіруге жағдай жасайды. 📱 @KZgovernmentАқпарат көзі : https://www.gov.kz/memleket/entities/sko/press/news/details/938000

📌 Премьер-министр Олжас Бектенов Солтүстік Қазақстан облысына жұмыс сапары барысында су тасқыны кезеңіне дайындық мәселелері бойынша республикалық кеңес өткізді. Экология және табиғи ресурстар министрі Ерлан Нысанбаев, су ресурстары және ирригация министрі Нұржан Нұржігітов, төтенше жағдайлар министрі Шыңғыс Әрінов, цифрлық даму, инновациялар және аэроғарыш өнеркәсібі вице-министрі Мәлік Олжабеков және бірқатар облыс әкімдері қабылданып жатқан шаралар туралы баяндады. 🔘 «Қазгидромет» РМК-ның алдын ала гидрологиялық болжамына сәйкес ақпан айында ауа райы жылы болады, жауын-шашын мен температураның өзгеруі күтілуде, соның салдарынан мұз қатуы мүмкін. Наурызда ауа райының жылыну және жауын-шашынның көп болуы су тасқыны қаупін арттырады. Экология және су ресурстары министрлігінің деректері бойынша ылғалдылық көрсеткіштері Солтүстік Қазақстан, Ақмола, Павлодар, Қарағанды, Шығыс Қазақстан облыстарында, Ұлытау, Абай, Жетісу, Ақтөбе, Атырау, Маңғыстау облыстарының батыс бөліктерінде және Алматы, Түркістан, Жамбыл облыстарының тау бөктеріндегі аудандарында норма шегінен жоғары екені байқалады. Сонымен қатар бірқатар өңірде топырақтың қату тереңдігі өткен жылмен салыстырғанда төмен. ➡️ Экология және табиғи ресурстар министрі Еран Нысанбаев биылдан бастап бастап су тасқыны кезеңіне арналған жалпыланған гидрологиялық болжамға қоса, әр аймақ бойынша егжей-тегжейлі ақпарат пен кеңестер жеке-жеке беріліп жатқанын баяндады. Олар қауіпті аймақтарда орналасқан нақты елді мекендерді көрсете отырып, судың ең жоғары деңгейі мен шығынын, гидрологиялық бекеттердегі ағынның көлемін және су тасқыны басталуының болжамды күндерін көрсетеді. Сондай-ақ метеостансалар деректері негізінде гидрологиялық бақылаумен қамтылмаған аумақтардағы еріген судың күтілетін көлемі туралы ақпарат беріледі. 🔷 Цифрлық даму, инновациялар және аэроғарыш өнеркәсібі вице-министрі Мәлік Олжабеков Tasqyn су тасқынын болжаудың жаңа ақпараттық жүйесі сияқты цифрлық шешімдерді енгізу туралы хабарлады. Өзендердің 128 учаскесіндегі 142 гидробекетте су тасқынын модельдеу жүргізіледі. Сонымен қатар су қоймаларынан жіберілетін су мөлшері бойынша жедел мәлімет автоматтандырылған және қауіп-қатерді ертерек ескертуге мүмкіндік беретін GloFAS жаһандық су тасқыны туралы ескерту жүйесімен біріктірілген.🔷 Су ресурстары және ирригация министрі Нұржан Нұржігітов еліміздегі гидротехникалық құрылыстардың дайындығы туралы баяндады. Жүргізілген зерттеу жұмыстарының қорытындысы бойынша бүгінде 74 нысан қалпына келтірілді, 46-сы жөндеу сатысында, 18-інің жобалау-сметалық құжаттамасы әзірленді. Стратегиялық маңызы бар учаскелерді қоса алғанда, 1 мың шақырымнан астам каналдар, 153 мың шақырымнан астам өзен арналары тазартылып, 205 нысанда жөндеу жұмыстары жүргізілді. Өткен жылы көлемі 245 млн м3 болатын Ақтөбе су қоймасын реконструкциялау жұмыстары аяқталды. Ұзындығы 312,4 шақырым 59 қорғаныс бөгетін қалпына келтіру аяқталу сатысында тұр. Барлық су қоймаларындағы жұмыс режимі жіберілетін су мөлшері бойынша есептеліп жасалды. Трансшекаралық ынтымақтастық аясында тұрақты су пайдалануды қамтамасыз ету және су тасқыны кезеңінде ТЖ алдын алу үшін іргелес елдермен белсенді өзара іс-қимыл жүргізілуде.🔷 Төтенше жағдайлар министрі Шыңғыс Әріновтің мәліметінше, бүгінде су тасқыны қаупі бар аймақта 1 223 елді мекен бар. Оларды қорғау үшін 576 шақырым топырақ үйінділері мен қорғаныс бөгеттері тұрғызылды, 822 шақырым су бұру жүйелері, каналдар мен арықтар жөнделіп, салынды. Автомобиль және темір жол қатынастарында 960 су өткізу құрылыстары орнатылды және ауыстырылды. 74 өзеннің қауіпті учаскелерінде 500 шақырымға жуық аумақта түбін тереңдету, жағалауды бекіту және арналарды тазарту жұмыстары жүргізілді. Сонымен қатар барлық өңірде тасқынның алдын алу шаралары толық көлемде аяқталған жоқ. Бұл Үкімет Аппараты мен ТЖМ бірлескен тексеру барысында анықталды. Бақылауды ТЖ алдын алу комитеті жүзеге асырады, ол тиісті шараларды, соның ішінде әкімдердің әкімшілік жауапкершілігін қабылдайды.📌 Премьер-министр Шардара су қоймасынан су жіберудің артуына және Сырдария өзеніндегі жартылай мұз қатуына байланысты қауіпті ескере отырып, Қызылорда облысында су тасқыны кезеңінің өтуіне қатысты мәселе көтерді. Сондай-ақ су тасқыны қаупі бар Атырау және Қостанай облыстарына да назар аударылды. Аталған мәселелер бойынша өңір әкімдері тыңдалды. Өз кезегінде Премьер-министрдің орынбасары Қанат Бозымбаев түсініктеме жасады. «Қазір су тасқыны кезеңіне сақадай-саймыз деп айтуға әлі ерте. Осы күнге дейін тиісті шешімдер қабылданбаған бірқатар мәселе бар. Бұл әсіресе су басу қаупі жоғары аймақтарға қатысты. Қазір, ең алдымен, елді мекендердің су тасқынына нақты дайындық деңгейін тексеру керек. Әрбір елді мекенге барып, қалыптасқан жағдайды жан-жақты саралап, тиісті шаралар қабылдайтын өңірлік комиссиялар құруды тапсырамын. Барлық әкім тікелей жауап береді. Сондықтан жұмысты жандандырып, су тасқынына қарсы белгіленген шараларды нақты іске асыру қажет», — деп атап өтті Олжас Бектенов. Кеңес қорытындысы бойынша Премьер-министр: 🔵 Өңір әкімдіктері 1 наурызға дейін су тасқынының алдын алу және жою үшін барлық қажетті ресурстарды дайындасын. Елді мекендерден қарды ертерек шығару қажет. Су бұру арналары мен арықтарды дайындау, нөсер кәріздерін тазарту керек. Су тасқыны қаупі бар елді мекендер топырақ үйінділерімен және арнайы қорғаныс бөгеттерімен бекітілуі тиіс. Азық-түлік, жанар-жағармай, дәрі-дәрмек және азаматтардың тыныс-тіршілігіне қажетті құралдар қорларын дайындау, қажет болған жағдайда өзендерде алдын ала жарылыс жұмыстарын жүргізу тапсырылды. 🔵 Су ресурстары және ирригация министрлігі болжамды деректерді ескере отырып, су қоймаларындағы судың жиналу көлемін анықтап, оларға тұрақты бақылауды қамтамасыз етсін. Қажет болған жағдайда суды алдын ала және қауіпсіз жіберу бойынша шаралар қабылдау қажет. Шекара маңындағы мемлекеттермен бірлесе отырып, трансшекаралық су айдындарында қауіптердің туындауы туралы мәліметтермен үнемі өзара ақпарат алмасуды ұйымдастыру керек. 🔵 Цифрлық даму, инновациялар және аэроғарыш өнеркәсібі министрлігі ТЖМ және басқа да мемлекеттік органдармен бірлесіп, су басуы ықтимал аймақтарда су тасқынына қарсы жұмыстар жүргізу жөніндегі іс-қимылдарды айқындау және болжау үшін Tasqyn ақпараттық жүйесінің әлеуетін пайдалансын. 🔵 Төтенше жағдайлар министрлігі азаматтық қорғаныс күштері мен құралдарының жедел әрекет ету дайындығын қамтамасыз етсін. ІІМ-мен бірлесіп, құтқару жасақтарын тарту, оның ішінде әуе кемелерімен тасымалдау алгоритмдерін әзірлеу, су басу қаупі төнген жағдайда азаматтарды уақтылы эвакуациялау мәселелерін пысықтау қажет. Сондай-ақ адамдарды қауіпсіз аймаққа жеткізуге арналған эвакуациялық пункттер мен техниканың дайындығын тексеру қажет. 🔵 Мемлекеттік органдар қолданыстағы заңнаманы талдап, қажет болған жағдайда тиісті түзетулер енгізуі тиіс. Сонымен қатар өткен жылғыдай су тасқынына қарсы іс-шараларды үйлестіру және су тасқыны салдарын жою бойынша республикалық штаб құру тапсырылды. 📌 Премьер-министр әкімдер мен ведомстволарға су тасқыны кезеңіне дайындықты наурыз айының басына дейін аяқтауды тапсырды. 📱 @KZgovernmentАқпарат көзі : https://www.gov.kz/memleket/entities/sko/press/news/details/938009

Бүгін облысқа ҚР Премьер-Министрі Олжас Бектенов жұмыс бабымен келді. Сапар барысында Үкімет басшысы Сергеев су торабында болып, тасқынға қарсы іс-шараларға дайындықты, техника мен материалдардың қажетті деңгейде болуын тексерді. Сондай-ақ Петропавлда бірінші көтергіш насос станциясының жаңғыртылуымен танысты.Насос станциясы Есіл өзенінің су деңгейінің шектік деңгейге көтерілу қауіптерін ескере отырып жобаланған. Еуропалық насос қондырғылары су басқан жағдайда да жұмыс істей алады. Қашықтан басқару мүмкіндігі де қарастырылған. Станцияның суға кетуден қорғау үшін 4,5 метр болатын бөгет күшейтіліп, габионды конструкциялар қолданылған. Бұл технология тиімді болып табылады, өңірде алғаш рет қолданылып отыр. Сонымен қатар, станцияның тұрақты электрмен қамтамасыз етілуі үшін жер асты кабелі жүргізілген.Бұдан басқа, қала айналма жолын қайта құру және Есіл өзені арқылы көпірді салу жоспарланған. Петропавл су торабының жанынан айналма арна салынуда, бұл қаладағы шағын аудандарды су басу қаупін төмендетуге бағытталған.Сондай-ақ Премьер-Министрге жасанды интеллект элементтері бар технологиялық мүмкіндіктер ұсынылды. Мысалы, «Біртұтас дрондар инфрақұрылымы» жобасы. Биылдан бастап бұл жүйе СҚО-дағы тасқын жағдайын бақылауда қолданылып, кейін қауіп бар басқа да өңірлерде де кеңейтілмек. Бұл жағдайды дұрыс бағалауға және қызметтердің іс-әрекетін үйлестіруге мүмкіндік береді.Премьер-Министр Олжас Бектенов жұмыс сапары барысында өңірлердің тасқынға дайындығы мәселелері бойынша республикалық кеңес өткізді. Үкімет басшысы елді мекендерге дайындық деңгейін тексеруді, өңірлік комиссиялар құруды және әрбір елді мекенді аралап, қауіп-қатерлерді зерттеп, қажетті шаралар қабылдауды тапсырды. Сапар барысында Премьер-Министр бизнес қауымдастығымен кездесу өткізіп, кәсіпкерлікті дамыту мәселелерін талқылады, салық-бюджет реформасына қатысты сұрақтар бойынша кең ауқымды пікірталас болды, кездесу конструктивті диалог форматында өтіп, сұрақтар мен ұсыныстар айтылды.Ақпарат көзі : https://www.gov.kz/memleket/entities/sko/press/news/details/938053

12 ақпан күні Маңғыстау облысының әкімі Нұрдәулет Қилыбай Астана қаласында швейцариялық «Swiss Choice Holding» компаниясының өкілдерімен кездесті. Олар Түпқараған ауданында бекіре балығын өсіріп, уылдырық өндіруге бағытталған «Red Pearl» балық фермасы инвестициялық жобасының жүзеге асырылу барысын талқылады.Каспий теңізі жағалауында жылына 100 тоннадан 600 тоннаға дейін бекіре тұқымдас балық өсіріп, 100 тонна уылдырық өндіруді көздейтін жобаға әкімдік тарапынан грант арқылы 56 гектар жер бөлінді. Жалпы құны 5,7 млрд теңгені құрайтын инвестициялық жобаның құрылысы 2025 жылдың бірінші тоқсанында басталып, 2026 жылдары пайдалануға беріледі деп жоспарлануда. Бірінші кезеңде 100 тонна бекіре өсіру көзделген.Құрылыс жұмыстары басталған соң, 30-ға жуық жаңа жұмыс орны ашылады. Кәсіпорын өз өнімдерін ішкі нарыққа шығарып, шетелге экспорттауды жоспарлап отыр.Нұрдәулет Қилыбай кездесуде бұл жобаның өңірдің әлеуметтік-экономикалық дамуына қосатын үлесін атап өтіп, әкімдік тарапынан толық қолдау көрсетілетінін жеткізді.- Мемлекет басшысы Қасым-Жомарт Тоқаев Үкіметтің кеңейтілген отырысында экономиканы әртараптандыруды және инвестиция тартуды күшейтуді тапсырды. Біз осы бағытта өңірде түрлі жобаларды жүзеге асыруға ниеттіміз. Бүгін талқылаған бекіре өсіру және уылдырық өндіру саласындағы бұл инвестициялық жоба өңіріміз үшін үлкен маңызға ие. Біз жобаның табысты іске асырылуына заң аясында жан-жақты қолдау көрсетуге дайынбыз, – деді Нұрдәулет Қилыбай.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/937662

Бейнеуде жүргізуші куәлігін алу үшін теориялық емтихан тапсыруға арналған арнайы кабинет ашылды.Аудандық Халыққа қызмет көрсету орталығының (ХҚКО) мамандандырылған секторы жүргізуші куәлігін алу үшін теориялық емтихан қабылдауды бастады. Енді аудан тұрғындары облыс орталығына бармай-ақ, өз өңірінде емтихан тапсыра алады.Бұл жоба облыс әкімі Нұрдәулет Қилыбайдың тапсырмасы негізінде жүзеге асты. 2024 жылы тұрғындармен кездесу барысында әкімге жүргізуші куәлігін алу процесін жеңілдету жөнінде ұсыныс айтылған болатын. Нәтижесінде, 2025 жылдың 20 қаңтарында Бейнеу аудандық ХҚКО-да теориялық емтихан тапсыруға арналған арнайы кабинет ашылды.Бейнеу аудандық ХҚКО секторының басшысы Алтынай Меденнің айтуынша, үміткер 40 минут ішінде 40 сұраққа жауап беруі тиіс, оның кемінде 32-сі дұрыс болуы қажет. Теориялық кезеңнен сәтті өткен үміткер практикалық емтиханға жіберіледі. Практикалық кезең Ақтау қаласындағы мамандандырылған ХҚКО бөлімінде өтеді.Теориялық және практикалық кезеңдерді сәтті аяқтаған азаматтар жүргізуші куәлігін ала алады. Ол үшін жеке куәлік, медициналық тексеруден өткені туралы анықтама, 1,25 АЕК мөлшерінде мемлекеттік баж төленгені туралы түбіртек және автомектепте оқу курсын аяқтағаны туралы куәлік ұсыну қажет.Айта кетейік, Бейнеу ауданындағы мамандандырылған сектор Қосай ата көшесі, 4/5 мекенжайында орналасқан. Бұған дейін мұнда тек көлік құралдарын тіркеу және қайта ресімдеу қызметтері көрсетілген болатын.Ақпарат көзі : https://www.gov.kz/memleket/entities/mangystau/press/news/details/937667

Бүгін облыс әкімі Бейбіт Исабаев Талдықорғандағы Бейсен Құранбек атындағы Журналистер үйіне арнайы барды. Онда облыстық БАҚ өкілдерімен кездесіп, «Jetisy» телеарнасының студиясында арнайы сұхбат берді, - деп хабарлайды Жетісу облысы әкімінің баспасөз қызметі. Кездесу барысында облыс басшысы жергілікті журналистермен тілдесіп, олардың ұсыныс-тілектерін тыңдады. Сол сияқты облыстық БАҚ-тардың материалдық-техникалық базасымен танысты. Ақпарат құралдары қызметкерлерінің аймақты дамытудағы рөлін атап өткен өңір басшысы бұл салаға тұрақты қолдау көрсетілетінін айтты.Еске салсақ, өткен жылдың қорытындысы бойынша белсенді ақпараттық жұмысы үшін «Jetisy» телеарнасы «Үздік мекеме» атанып, жаңа студия сыйға тартылған болатын. Оған қоса, облыс басшылығының қолдауымен биылғы жылдың басынан облыстық БАҚ қызметкерлерінің жалақысы 30 % өскен еді. Ал бүгінгі кездесу барысында «Jetisy» және «Вестник Жетісу» газеттеріне ортақ қолданысқа шағын автобус сатып алып беру туралы шешім қабылданды.Журналистермен жүздесуде облыс әкімі Бейбіт Исабаев аймақтың негізгі даму бағыттары жайлы қысқаша айтып берді.Кездесуден кейін өңірдің әлеуметтік-экономикалық дамуының өткен жылғы қорытындылары мен алдағы жоспарлары туралы телеарна студиясында облыстық БАҚ жетекшілеріне кеңінен сұхбат берді.Осы ретте облыс әкімінің сұхбаты «Jetisy» телеарнасынан жексенбі, яғни 16 ақпан күні сағат 20.00-да эфирге берілетініне еске саламыз. Ал 17 ақпанда сағат 19.00-де сұхбат телеарна эфирінен қайталап көрсетіледі.Жетісу облысы әкімінің баспасөз қызметіФотограф: Жеңіс ЫсқабайАқпарат көзі : https://www.gov.kz/memleket/entities/zhetysu-oblysy/press/news/details/937747

Бүгін Кеңес Одағының Батыры Ә.Молдағұлованың облыстық мемориалды музейінде музей қызметіне және экпозицияларға енгізілген заманауи цифрлық технологияларды таныстыру рәсімі өтті. Бұл ауқымды шара Ұлы Жеңістің 80 жылдығы және Кеңес Одағының Батыры Әлия Молдағұлованың 100 жылдығына орайластырылған.Жаңа экспозицияның диорамаларында 3D-mapping, AR-технология, VR-көзілдірікті мультимедиялық технология, сандық сторителлинг, жасанды интеллект, голограмма пайдаланылған. «3D анимация» голографиясындағы Әлия бейнесіне виртуалды промоутер бес тілде сөйлейді, 3D форматтағы рельефті карта, бағдарламалық-интерактивті сенсорлық киоск енгізілген.Музейде батыр қыздың өмірі мен ерлік жолын көрсететін ақпараттар мен экспонаттар, музей жабдықтары, тума-туыстары мен оқыған жерлері, мергендік мектебі мен майдандағы өмірін көрсететін, Әлия есімімен аталатын мекемелер мен мектептер, музейлер, жыр арнаған ақын-жазушылар мен зерттеушілер, қойылған ескерткіштер,түсірілген фильмдер жайлы деректер қойылған.Облыс әкімі Асхат Шахаров реэкспозияланған музей залдарын аралап шықты.Музей жұмысымен және ондағы жәдігерлермен таныстырған мұражай директоры Жанар Мақсұтова қазір мұнда 11 мыңнан астам экспонат барын, алдағы уақытта қорды толықтыру және оның қызметін одан әрі жетілдіру басты міндет екенін жеткізді. Оның айтуынша, музей ғимараты 1987 жылы салынған. Бес қабатты тұрғын үйдің бірінші қабатында орналасқан мұражайға былтыр жөндеу жүргізілген, сондай-ақ музей залдары реэкспозициядан өткен.Өңір басшысы музейге келген оқушылармен де тілдесті. Жастарға патриоттық тәрбие беру, ел үшін жанын қиған батырлардың есімін дәріптеу өте маңызды екенін жеткізді.«Бүгін, міне, Әлия апамыздың музейін аралап, батырдың ерлік істері мен өнегелі өмірі туралы көп мағлұмат алдық. Сіздерге, жастарға, айтарым — өшпес ерліктің символы болған осындай батырларымызды ұлықтап, олардың ерлігі мен өмірінен үлгі алып, Отанын шексіз сүйетінпатриот болыңыздар. Әскери борыштарыңызды өтеуден қашпаңыздар, ел үшін еңбек етіңіздер», — деген Асхат Шахаров мұражайға келген №51 мектеп-гимназияның «Мерген ару» сайысына қатысушыларына сәттілік тіледі.Айта кетейік, бұл орталыққа жыл сайын 40 мыңнан астам адам келіп, онда өтетін тарихи-танымдық іс-шараларға, ерлік сабақтарына дәрістерге қатысады.Биыл мұнда батыр қыздың туғанына 100 жыл толуына орай бірқатар іс-шара ұйымдастырылмақ.Ақпарат көзі : https://www.gov.kz/memleket/entities/aktobe/press/news/details/937298

Шымкент қаласының кәсіпкерлер палатасында жергілікті бизнес өкілдерінің ҚР Ұлттық экономика вице-министрі Бауыржан Құдайбергеновпен кездесуі өтті. Жиынның негізгі тақырыбы – алда қолға алынатын салық реформаларын, соның ішінде қосымша құн салығының (ҚҚС) мөлшерлемесін көтеруді талқылау болды. Кездесуге, сонымен қатар, әкімдіктің, мемлекеттік кірістер департаментінің өкілдері және мәслихат депутаттары қатысты.Кездесуді ашқан Кәсіпкерлер палатасының директоры Сабира Адамбекова Президент салық жүйесіндегі өзгерістерді әзірлеу кезінде бизнестің пікірін ескеруді тапсырғанын еске салды.Үкіметтің ұсыныстары туралы Қазақстан Республикасы Ұлттық экономика вице-министрі Бауыржан Құдайбергенов баяндады.«Қазақстандағы ҚҚС мөлшерлемесі әлемдегі ең төмен мөлшерлеменің бірі саналады. ҚҚС табыстың маңызды көзі болып табылатынына қарамастан 2022 жылы ол жалпы ішкі өнімнің (ЖІӨ) тек 4 пайызын құрады, бұл салыстырмалы кіріс деңгейі 7% болатын елдер бойынша орташа көрсеткіштен әлдеқайда төмен. Қосымша құн салығын нығайту кірісті арттырып қана қоймай, құбылмалы мұнай кірістеріне тәуелділікті азайтады және елдің инфрақұрылымы мен индустрияны дамыту бағдарламасын қаржыландыруға сеп болады», – деді вице-министр.Мемлекеттік органдар ҚҚС-тың жалпы мөлшерлемесін 16%-ға дейін ұлғайтуды, ал кейбір салалар үшін төмендетілген мөлшерлемені 10% мөлшерінде енгізуді ұсынып отыр Дегенмен, бұл салалардың нақты тізбесі әлі нақты айқындалмаған. Сонымен қатар ауыл шаруашылығы өнімдерін өндірушілерді салықтан толығымен босату жоспарлануда. Денсаулық сақтау саласы үшін салық жүктемесін азайту да қарастырылуда.Кездесу барысында кәсіпкерлер өңірдегі бизнес-қоғамдастықтың атынан сұрақтар мен ұсыныстар айтты. Олар салық жүктемесінің артуына алаңдаушылық білдіріп отыр.Нақты айтқанда, Шымкент қалалық Өңірлік кеңестің мүшесі, «Керемет-Оңтүстік» бөбекжай-балабақшасы» ЖШС басшысы Диана Караманова әлеуметтік қызмет көрсететін мекемелерді ҚҚС-тан босатуды немесе қызметтердің қолжетімді болуы үшін салықтық жеңілдіктер беруді ұсынды. Ал «Шымкент қаласы мен Түркістан облысының жеке клиникалар қауымдастығының» басшысы Әнуарбек Маймақов медицина саласы бойынша 10% -20% ҚҚС мөлшерлемесін енгізу ұсынысы медициналық көмектің қолжетімділігін қиындатуы мүмкін екенін атап өтті.Кәсіпкерлер палатасы жанындағы салалық кеңестің мүшесі Дәулет Қанашаев ҚР Салық және кәсіпкерлік кодекстеріне өзгерістер енгізу кезінде жеңіл өнеркәсіптің ерекшелігін ескерудің маңыздылығын атап өтті. Атап айтқанда, ол қызметкерлердің орташа жылдық саны 500 адамнан асқан жағдайда ғана ірі кәсіпкерлік санатына ауысуды белгілеуді, ал орташа жылдық табыс көрсеткіштерін өзгеріссіз қалдыруды ұсынды.Кездесу барысында басқа да көптеген кәсіпкер сұрақтарын қойып, ұсыныстарын жеткізді.Барлық сұраққа жауап берген Бауыржан Құдайбергенов жиынды қорытындылай келе барлық ұсыныс жинақталып, талданатынына, алдағы жұмыс барысында ескерілетініне сендірді.Ақпарат көзі : https://www.gov.kz/memleket/entities/shymkent/press/news/details/937741

Бүгін Қырғызстан Республикасының Алматы қаласындағы Бас консулы Жеңісбек Асанқұловпен кездесті. Кездесу барысында сауда-экономикалық және мәдени-гуманитарлық байланыстарды нығайту, инвестиция тарту және түрлі салалардағы бірлескен жобаларды жүзеге асыру перспективалары талқыланды.Сонымен қатар Шымкент пен Ош қалалары арасында 2023 жылы бауырлас қалалар мәртебесін орнату жөнінде қол қойылған меморандум аясында 2025–2028 жылдарға арналған бірлескен Жол картасын әзірлеу және бекіту туралы шешім қабылданды. Бұл құжат бизнес-форум өткізу, сондай-ақ Шымкент пен Ошта екі қаланың өндірушілерінің өнімдері ұсынылатын сауда үйлерін ашуды көздейді.Бұдан бөлек, Шымкентте қырғыз этномәдени бірлестігін құру мүмкіндігі, сондай-ақ Қырғыз Республикасының азаматтарының құқықтық мәртебесі мен қала аумағында заңды түрде тұруы мәселелері қарастырылды.Кездесу соңында әкім Ғабит Сыздықбеков екіжақты қарым-қатынасты нығайтуға бағытталған бастамаларға жан-жақты қолдау көрсетуге дайын екенін білдірді. Ақпарат көзі : https://www.gov.kz/memleket/entities/shymkent/press/news/details/937748

Солтүстікқазақстандық спортшылар жанкүйерлерді қысқы спорт түрлеріндегі жетістіктерімен қуантуда.  Параатлет Ербол Хамитов Словенияда өткен парабиатлоннан әлем чемпионы атанды, сондай-ақ ерлер арасындағы спринтте үшінші орын иеленді. Оған қоса, Ербол Әлем кубогының қола жүлдегері және парашаңғы жарысынан әлем чемпионы. Бұл жеңістер – оның тынымсыз еңбегі мен жоғары кәсібилігінің жемісі. Ербол - батылдық мен жігердің үлгісі.  Қысқы Азия ойындарында конькимен жүгіру шебері Надежда Морозова жақсы нәтиже көрсетті. Ол командалық спринтте қола жүлдеге ие болды. Надежда – атақты спортшы, төрт құрлық чемпионы, қысқы Олимпиада ойындарының қатысушысы. «Жеңімпаз спортшыларымыз бен олардың бапкерлерін лайықты жетістіктерімен құттықтаймын! Оларға әлемдік аренада жаңа белестер мен жарқын жеңістер тілеймін», - деп жазды өңір басшысы Ғауез Нұрмұхамбетов әлеуметтік желіде.Ақпарат көзі : https://www.gov.kz/memleket/entities/sko/press/news/details/937343

Мемлекет Басшысы Қасым-Жомарт Тоқаев бүгін Астанадағы ЭКСПО аумағында орналасқан «Жұмысшы мамандықтар қаласы» фестивалінің алаңында медициналық бұрышқа барды.Жас келушілердің, медицина саласындағы болашақ мамандардың қызығушылығын жүрек - өкпе реанимациясын жүргізуге арналған робот манекендер, Пироговтың анатомиялық планшеті, VR көзілдірігі бар Академикс 3Д интерактивті тірегі және limstar телемедициналық жабдықтары мен жабдықталған жедел медициналық жәрдем станциясы сияқты инновациялық жабдықтардың түрлері тудырды.Солтүстік Қазақстан облысы Тайынша аудандық ауруханасының бас дәрігері Мақсат Құдратуллаев әр девайс туралы, оның қаншалықты тартымды екенін және дәрігерлерге пациенттерге медициналық көмек көрсетуде қалай тез және тиімді көмектесетінін егжей-тегжейлі айтып берді.Президент медициналық колледж студенттерінен оқудағы жетістіктерін сұрады, медицинаны оқудың маңыздылығын атап өтті және мамандықты игеруде барлық жетістіктерді тіледі.11-15 ақпан аралығында Елбасы жариялаған жұмысшы мамандықтар жылы шеңберінде елордада «Жұмысшы мамандықтар қаласы» фестивалі өтуде.Бұл болашақ мамандардың, жұмыс берушілердің, техникалық және кәсіптік білім беру ұйымдарының өзара іс-қимылы үшін қарым-қатынас алаңына айналды.Бірнеше күн бойы мұнда түрлі семинарлар, мұнай және энергетика өнеркәсібі тақырыптары бойынша хакатон, мамандықтар шеруі, бос орындар жәрмеңкесі, стартаптардың тұсаукесерлері, мастер-кластар, концерттер, халықаралық аккредиттелген колледждердің тренингтері және т. б. өтеді. Ақпарат көзі : https://www.gov.kz/memleket/entities/dsm/press/news/details/937805

Жамбыл облысында өткен жылы республикалық «Таза Қазақстан» экологиялық акциясы аясында ауқымды жұмыстар атқарылды.Атап айтар болсақ, 60 тарихи-мәдени ескерткіш, 143 саябақ пен сквер аумағы, 829 шақырым канал мен арық жүйесі, 137,5 мың аула мен 4,8 мың шақырым көше жолы тазартылды. 30 875 тонна қоқыс шығарылып, 60 мыңға жуық көшет отырғызылды.Өңір тұрғындары аптаның 5 күнінде өтетін сенбіліктерге белсенді қатысты. Экологиялық мәдениетті қалыптастыру, қоршаған ортаны тазарту, көгалдандыруға қомақты үлес қосты.Акция аясында «Үлгілі ауыл» байқауы ұйымдастырылды. 8 ауылдық елді мекен жеңімпаз деп танылып, ақшалай сертификаттарға ие болды. Бұл қаржыға әлеуметтік нысандардың құрылысы, сондай-ақ ауылдағы ғимараттарға ағымдағы жөндеу жұмыстары жүргізіледі.2025 жылы да облыста ауқымды іс-шараларды іске асыру көзделген.Тарихи-мәдени ескерткіштер, саябақ пен сквер аумағына санитарлық тазалық және абаттандыру жұмыстары тұрақты түрде жүргізіледі.Сонымен бірге 1 000 шақырым канал мен арық жүйесі, 200 мың аула мен 10 мың шақырым көше жолы күл-қоқыстан тазартылады. Бұдан бөлек, 200 мыңға жуық көшет отырғызылады деп күтілуде.Ақпарат көзі : https://www.gov.kz/memleket/entities/zhambyl/press/news/details/937610