Қарағанды индустриалды Университетінде өңірдегі алғашқы студенттер ассамблеясы жұмыс істей бастады. Оның ашылу бастамасы барлық деңгейдегі жастар жобаларын жан-жақты қолдауға қатысты Қазақстан халқы Ассамблеясының XXXIII сессиясында айтылған Қазақстан Президентінің тапсырмасын іске асырудың бір бөлігі болды.Ассамблеяның ашылуы Қарағанды облысы ҚХА-ның Saryarqa Jastary жастар форумының өткізілуімен тұспа-тұс келді, ол осы ойды іске асырудың маңызды кезеңіне айналды.Жаңа студенттер ұйымының активімен алғашқы кездесуге Қарағанды индустриалды университетінің проректоры Галина Сивякова, ҚХА кеңесінің мүшесі Тимур Жұмырбаев, "Ассамблея жастары" РҚБ төрағасының орынбасары Александр Урмашов, "Ассамблея жастары" РҚБ белсенділері және т. б. қатысты."Ой толғау" форматында қатысушылар Қазақстан халқы Ассамблеясының жастар қанаты қызметінің әлеуетті бағыттарын талқылады. Студенттік ассамблеяныі талантты жастарды қолдау платформасы ретінде дамуына ықпал ететін қолданбалы жобаларды жүзеге асыруға баса назар аударылды.ҚХА Кеңесінің мүшесі Тимур Жұмырбаев белсенді студент жастарды Қазақстан халқы Ассамблеясының, "Ассамблея жастары" РҚБ облыстық өкілдігінің қызметіне тартудың маңыздылығын атап өтті. Ол Студенттер ассамблеясын құру жалпыұлттық құндылықтарды дамытуға, мемлекеттік тілді үйренуге, сондай-ақ әлеуметтік маңызы бар және ұлттық бірлікті нығайтуға ықпал ететін жастар жобаларын қолдауға бағытталғанын атап өтті.Тимур Жұмырбаев жаңа бірлестік белсенділеріне Қарағанды индустриалды университетінің қабырғасында студенттер Ассамблеясының ресми ашылуы туралы куәлікті табыс етті. Ақпарат көзі : https://www.gov.kz/memleket/entities/karaganda/press/news/details/889560

Ұлттық тағам дайындау үшін Қарағанды облысы корейлерінің этномәдени бірлестігінің өкілдері 170 келі қырыққабат пайдаланған. Биыл "Кимчи" жобасы жетінші рет өтті, алғаш рет 2017 жылы болған.– Бұл жобаның мақсаты – дәстүрді сақтау және оны аға буыннан болашақ ұрпаққа жеткізу. "Кимчи" жобасы әрдайым ойын-сауық, отбасылық форматта өтеді, ешқандай насихат немесе ақылсыну болмайды. Кимчиді дайындау кездейсоқ емес: тағам ЮНЕСКО-ның материалдық емес мәдени мұра тізіміне енгізілген, – дейді корей этномәдени бірлестігінің төрағасы Лилия Ким.Биыл іс-шараны алғаш рет жастар ұйымдастырды. Дайын кимчи контейнерлерге салынып, достар мен таныстарға таратылды. Контейнерлерге арналған жапсырмалардың дизайнын да этномәдени бірлестіктің жас мүшелері жасаған.– Жоба ережелерінің бірі – тағамнан дәм тату үшін баршаға тарату. Биыл біз Қазақстан халқы Ассамблеясының мүшелеріне тараттық. Олар біздің жоба туралы біледі және оны күтеді. Достарымыз, әріптестеріміз, іскер топ мүшелеріміз де ауыз тиді, – деді Лилия Ким."Кимчи" жобасын одан әрі жүргізу жоспарлануда, өйткені оның басты мақсаты – әрқашан өзекті болып табылатын тәжірибемен бөлісу және ұрпақтар арасындағы өзара іс-қимыл.Ақпарат көзі : https://www.gov.kz/memleket/entities/karaganda/press/news/details/889585

Қарағанды облыстық бейнелеу өнері мұражайында 26 қараша сағат 16:00-де "Шахтинск квартеті" көрмесі ашылады. Онда төрт суретшінің кескіндеме, графика, сәндік-қолданбалы өнер техникаларында орындалған 50-ден астам жұмысы ұсынылады. Оларды Ә.Исмаилов атындағы балалар көркемсурет мектебіндегі жұмысы таныстырды және біріктірді.Жаңабек Жұмабеков — республикалық және облыстық Жас суретшілер байқаулары мен көрмелерінің қатысушысы және жүлдегері, ағаштан және мұздан жасалған мүсіндердің авторы. Портрет жанрында жұмыс істейді.Елена Нивиденская — "Үздік дизайнер" және "Мастер-ART" байқауларының жүлдегері, сәндік-қолданбалы өнер суретшілерінің республикалық көрме-жәрмеңкелерінің қатысушысы. Көрмеде оның киізден жасалған жұмыстары болады. Суретші жүнмен сурет салу техникасында суреттер салады. Нунофелтинг заманауи бағыттарымен тәжірибе жасайды. Жапон тілінен аударғанда "Нуно" — "мата", ал "фелтинг" — ағылшын тілінен шыққан сөз, киіз басу процесін білдіреді. Суреттердің негізі ретінде тек табиғи мата алынады – жібек, мақта, зығыр және т. б.Еркін Темірғалиев — облыстық, республикалық және халықаралық көркемсурет байқауларының бірнеше дүркін жүлдегері және лауреаты, Қарағанды СО Жас суретшілер одағының мүшесі, Еуразиялық Дизайнерлер одағының мүшесі. Оның жұмыстары Қазақстан мен Латвия мұражайларында қойылды. Ол мүсінге, кескіндемеге және графикаға қызығушылық танытады.Наталья Сайгушева — суретшілер мен бейнелеу өнері педагогтарының облыстық конкурстарының, республикалық және облыстық көрмелердің қатысушысы және жүлдегері. Ол негізінен пейзаждар салады. Көрмеге тушь, соус, пастельмен жасалған графикалық парақтар қойылады.Көрме 3 желтоқсанға дейін жалғасады.Мұражайдың мекен-жайы: Бұқар жырау даңғылы, 76.Ақпарат көзі : https://www.gov.kz/memleket/entities/karaganda/press/news/details/889699

Түркістан облысында 50 колледж жұмыс істейді. Оның 28-і мемлекеттік болса, 22-сі – жекеменшік. Өңірдің экономикасын дамытуда басым бағытқа ие ауыл шаруашылығы саласы мамандарын – 10, қызмет көрсету және туризм мамандарын – 3, құрылыс саласы мамандарын 11 колледж даярлауда. Сонымен бірге медицина, өнер және гуманитарлық салалар, педагогика, техникалық және көпсалалы білім мекемелері де бар.Облыс әкімі аппаратының апталық мәжілісінде колледждерде білім сапасын көтеру, техникалық базасын жақсарту жолдары талқыланды. Түркістан облысының әкімі Дархан Сатыбалды Білім басқармасы басшылығы мен жауапты тұлғаларға аталған білім мекемелерінің жұмысын жүйелеп, қоғамға қажетті мамандықтар бойынша грантты көбейтіп, мемлекеттік тапсырысты оңтайландыруды тапсырды.– Бюджеттен колледждерге қыруар қаржы бөлініп отыр. Ал білім сапасы соған сай ма? Зерделеу, мониторинг жұмыстарын жалғастырыңыздар. Студенттері сабаққа бармайтын, білім сапасы төмен колледж директорларының өз лауазымына сәйкес немесе сәйкес еместері бойынша ұсыныс беріңіздер. Жұмысын дұрыс атқара алмай жүргендеріне заң шеңберінде шара көрілсін. Оқу үрдісін дұрыс үйлестіре алмайтындар орнын босатулары қажет. Екіншіден, жаңадан енгізілетін мамандықтар, оларды білікті ұстаздармен қамту ісіне талдау жасалып, мәлімет ұсынылсын. Бұл мәселені тағы да қарап шығамыз. Жатақхана салу, құрал-жабдықтар бойынша да тиісті ұсыныстар берілсін, – деді Дархан Сатыбалды.Түркістан облыстық білім басқармасы басшысының орынбасары Айгүл Қасымбекованың айтуынша, өңірдегі колледждерде 75 мамандық бойынша 47142 студент білім алуда. Оның 35 708-і мемлекеттік тапсырыспен, 11 434-і ақылы негізде білім алады. Педагогтар мен өндірістік оқыту шеберлерінің саны – 3041, 214 өндірістік оқыту шебері қызмет етеді.Биылғы оқу жылына бөлінген 15 525 мемлекеттік тапсырыс орны толық игеріліп, студенттер қабылданған. Қазіргі таңда 260 студент оқудан шығарылды. Олардың арасында өз өтініштерімен әскерге және академиялық демалыс алғандары бар. Колледж студенттерінің сабаққа қатысуына ай сайын мониторинг жүргізіледі. Мониторингті автоматтандыру мақсатында 25 мемлекеттік колледж білім алушылардың сабаққа қатысуларын қашықтан қадағалау үшін FACE ID жүйесін орнатқан.Өңірдегі мемлекеттік 25 колледждің 9-ының базасы 2020-2021 жылдары «Жас маман» жобасы аясанда республикалық бюджет есебінен 2,5 млрд. теңгеге заманауи құрал-жабдықтармен толыққан. 2023 жылы облыстық бюджеттен 18 колледждің базасын нығайтуға 1,8 млрд. тенге қаражат бөлініп, құрал-жабдықтар сатып алынды. Биыл 10 колледжге 700 млн. теңге қаржы бөлініп, ағымдағы жөндеу жұмыстары (7 колледж) мен жылу жүйесін газға ауыстыру (3 колледж) жұмыстары жүруде. Облыс әкімінің тапсырмасымен оңтүстік аудандардағы колледждерді IT саласына бейімдеу мақсатында 1 колледжге қажетті құрал-жабдықтар сатып алуға 150 млн. теңге бөлінді.Облыстағы арнаулы оқу орындарында студенттердің теориялық білімін практикамен ұштастыруға басымдық берілуде. Студенттер ветеринария, ауыл шаруашылығы, кәсіпкерлік және өзге да салаларға өндіріске араласу арқылы бейімделуде. «Агрономия» мамандығының студенттері жылыжайда қияр, қызанақ, құлпынай және басқа да дақылдарды отырғызу, баптау, теру және тұтынушыға өткізу сатысына дейін үйренсе, тағы бір білім ордасында студенттер жібек шаруашылығын дамыту үшін тұт ағаштарын өсіру ісін меңгеруде. Балықты терең өңдеу, ІТ саласын дамыту бағытын үйретуде де жұмыстар жанданған.Жыл сайын 9-11 сыныпты бітірушілер саны 77 659-ды құраса колледжге 12 мыңнан астам түлек пен 3000-ға жуық NEET санатындағы жас қабылданады. Биыл «WorldSkills Kazakhstan-2024» чемпионатында Түркістан өңірінің колледж студенттері 2 алтын, 1 күміс, 4 қола, 11 арнайы медальон жеңіп алып, жалпыкомандалық 6-орынды (2023 жылы 9-орында болған) иеленді.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/889810

Түркістан облысы әкімі Дархан Сатыбалдының төрағалығымен өткен мәжілісте күзгі ағаш егу науқаны мен «Жасыл белдеуді» дамыту бағытындағы жұмыстар талқыланды. Өңір басшысы облыстың елді мекендерін көгалдандыру, күтіп-баптау жұмыстарын жандандыруды тапсырды.– Ағаш отырғызуда кемшіліктер бар. Егер де суғару жүйелері жоқ болса, онда ағаш отырғызудың қажеті жоқ. Тұрақты суғарып, күтім жасау керек. Егілген ағаштар жерсіне ме жоқ па соны да қадағалап, осы іспен айналысыңыздар. Бүгінгі күнге дейін қанша ағаш егілді. Оның ішінде қаншасы өнгені туралы мәлімет әзірленіп ұсынылсын. Сондай-ақ «Жасыл белдеуді» ұлғайту мен көгалдандыру жұмыстары күшейтілсін, – деді облыс әкімі Дархан Сатыбалды.Мәжілісте Түркістан облыстық табиғи ресурстар және табиғат пайдалануды реттеу басқармасының басшысы Қайрат Абдуалиев баяндама жасады. Оның айтуынша, Мемлекет басшысының Жолдауында республика бойынша елді мекендерде 15 млн. көшет егу тапсырмасына сәйкес, 2021-2025 жылдары Түркістан облысында 1,1 млн көшет отырғызу жоспарланған. Осыған байланысты «Түркістан облысының елді-мекендерін көгалдандырудың 2022-2025 жылдарға арналған Кешенді іс-шара жоспары» бекітілген. Жоспарға сәйкес, облыстың елді мекендерін көгалдандыруға 2024 жылдың көктем айларында 491 106 түп көшет егілді. Биылғы жылдың күз айында 467,5 мың түп көшет отырғызу көзделіп отыр. Бүгінгі таңға 438 970 түп көшет босатылды.Орман шаруашылығы мекемелерімен 2024 жылдың күзі мен 2025 жылдың көктеміне жоспарланған көшеттерді босатуға толықтай мүмкіндік бар. Көшеттерді тарқату бағытында жұмыстар жалғасуда.Жалпы Түркістан қаласының айналысынан, қазіргі таңға жасыл белдеу құруға 30 000 гектар жерге мемлекеттік акт алынып, мемлекеттік орман қоры санатына ауыстырылуда. Биылғы жылдың күз және 2025 жылдың көктем айларында «Жасыл белдеу» аумағында орман екпелерін отырғызу және толықтыру жұмыстары 17 019 гектар жерде атқарылады. Негізгі басым жұмыстар Түркістан қаласын айнала қоршап тұрған «Жасыл белдеудің» 8 185 гектар аумағында жүргізілмек. Бұл жерге толықтыру жұмыстарын жүргізу көзделуде. Оған мекеменің тұқымбағындағы Түркістан қаласы аумағына жерсінген көшеттер пайдаланылады. Сонымен қатар басқармаға қарасты мекемеде 120 гектар жерге заманауи орман тұқымбағын құру жоспарланған. Бүгінгі таңда оның 47 гектары тұрақты пайдаланылуда. Орман тұқымбағында 21 түрлі ағаш-бұта көшеттері өндірілуде. Атап айтсақ, онда ағаштардың қылқан жапырақты 5 түрі, жапырақты 11 түрі және бұта тектес ағаштардың 5 түрі бар. Түркістан қаласының айналасындағы жасыл белдеуге және қаланы көгалдандыруға бір жылда 2,5 млн түп әртүрлі ағаш-бұта көшеттері мен 150 мың түп бір және көпжылдық гүл көшеттері қажет. Осы орайда, жаңадан құрылып жатқан тұқымбақтың 120 гектар жерін «Жасыл аймақ» КММ-нің теңгеріміне алу үшін Сауран ауданы әкімдігінен жерді заңдастыру бағытында тиісті жұмыстар жүргізілуде. Алдағы уақытта орман тұқымбағының 120 га жер көлемі ұлғайып, толық игерілген жағдайда, жылына 14,3 млн түп көшет өсіріледі деп күтіліп отыр.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/889814

Түркістан облысында «Таза Қазақстан» бағдарламасы бірнеше бағытта жүргізіліп жатыр. Бұл туралы Түркістан облысы әкімі аппаратының мәжілісінде талқыланды. Өңір басшысы Дархан Сатыбалды тазалық, абаттандыру жұмыстарын жүйелі атқаруды тапсырды.– «Таза Қазақстан» бағдарламасы тұрақты қадағалауда тұр. Тиісті міндеттер жүктелген. Жауапты басқармалар мен аудан, қала әкімдіктері жұмыс қарқынын бәсеңдетпеуі керек. Елді мекендерде тазалықты сақтау, экологиялық сауаттылықты көтеру, түсіндіру жұмыстары жалғаса береді. Барлық құрылым осы іске атсалысуы тиіс, – деді Дархан Сатыбалды.Түркістан облысы әкімінің бірінші орынбасары Зұлпыхар Жолдасовтың айтуынша, «Таза Қазақстан» бағдарламасы аясында жыл соңына дейін 807 сенбілік өткізу жоспарланып, 20 маусым - 22 қараша аралығында 768 сенбілік ұйымдастырылған. 18 қараша-22 қараша аралығында 45 сенбілік өткізілген.«Таза Қазақстан» бағдарламасы аясында өткен аптада Шардара, Қазығұрт елді мекендердің санитарлық тазалығының жай-күйіне мониторинг жұмыстары жүргізіліп, стихиялы қоқыс үйінділері анықталып, оларды тез арада жою мақсатында ауыл әкімдігімен бірлесіп, арнайы техникалар мен құралдар тартылған. Өңірдегі ауылды аймақтардың экономикасын өркендетіп, тұрғындар үшiн қолайлы өмір сұру ортасын қалыптастыру мақсатында облыс әкімінің бастамасымен «Үлгілі ауыл» байқауы өтіп, жеңімпаз анықталған. Бас жүлде иегеріне, яғни Қазығұрт ауданындағы Шарбұлақ ауылы үшін қажетті әлеуметтік нысан анықталып, 2025 жылға аталған нысанның құрылысы үшін облыстық бюджеттен тиісті қаражат бөлу жоспарлануда.Түркістандағы индустриалды аймақты жинап, ретке келтіру жұмыстары жүргізілді. Мердігер мекемеге, жауапты басқармалар және қала әкімдігіне бекітілген секторлардың 70 гектары аумағында ретсіз өскен өсімдіктерді тазалау, реттеу, аймақты жарықтандыру, тазалық жұмыстары атқарылған. Облыс әкім аппаратының қызметкерлері анықтаған 170 қоқыс орнының 164-і ретке келтіріліп, қалған 6 орында тазалау жұмыстары жүргізілуде.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/889817

Ақмола облысы әкімінің 2024 жылғы 25 қарашадағы өкімімен, Қазақстан Республикасы Президенті Әкімшілігінің және мәслихат депутаттарының келісімімен Қорғалжын ауданының әкімі болып Алмас Алин тағайындалды.Қорғалжын ауданының жаңа әкімін аудан активіне Ақмола облысы әкімі Марат Ахметжанов таныстырды.Алмас Алиннің алдына ауданның дамуы және Мемлекет басшысының тапсырмалары аясында халық тұрмысына қолайлы жағдай жасау бойынша бірқатар міндеттер қойылды.Аймақ басшысы жаңадан тағайындалған аудан әкіміне барлық жоспарланған объектілердің іске қосылуын жеке бақылауда ұстау және олардың бұзылуына жол бермеу, жылыту маусымын қауіпсіз және ақаусыз өткізу, сумен жабдықтау объектілерінің уақытылы іске қосылуын қамтамасыз ету тапсырылды.Сондай-ақ, Алмас Алинге инвестиция тарту, жаңа жұмыс орындарын ашу және кәсіпкерлік саласын, тұрғын үй құрылысын дамыту жөнінде нақты жұмыс жүргізу қажет.Кездесу соңында Марат Ахметжанов жүктелген міндеттерді іске асыруда табыс тіледі, оған қоса Қорғалжын ауданының бұрынғы әкімі Берік Жанбаевқа атқарған жұмысы үшін алғыс білдірді.Ақпарат көзі : https://www.gov.kz/memleket/entities/aqmola/press/news/details/889851

Биылғы жылы Ақмола облысы «Kazakh Tourism» бағдарламасына қатысуға және беделді «Сапа белгісін» алуға өтінімдер саны бойынша бірінші орында тұр.Өңірдегі туристік индустрияның 16 өкілі өз бизнесінің жоғары ұлттық және халықаралық сапа стандарттарына сәйкес келетінін растау үшін өтінім беріп үлгерді. Белсенділік бойынша екінші орында 8 өтінішпен Алматы тұрса, Жетісу өңірі үздік үштікті түйіндеп тұр.Сапа белгісі бағдарламасы Қазақстандағы қызмет көрсету стандарттарын көтеру және туризм индустриясын дамыту мақсатында 2021 жылы Kazakh Tourism бастамасымен қолға алынған. Ұйымдастырушылар жоғары деңгейде қызмет көрсету және тұтынушылардың сенімін нығайту үшін кәсіпкерлермен белсенді жұмыс істеуде. Ақпарат көзі : https://www.gov.kz/memleket/entities/aqmola/press/news/details/889753

Италия мемлекетінің астанасы Римде өткен Халықаралық Fibonacci International Robot Olympiad әлемнің түкпір-түкпірінен робототехника әуесқойларының басын қосатын ең ірі жарыстарының бірі. 28 мемлекет қатысқан жарыста Бурабай ауданындағы Қызылағаш ауылы Абылайхан мектебінің командасы әлем чемпионы атанды.Еліміздің намысын Жеңіс Дидар, Қаппасов Дидар, Кәдірбай Нұрәлі қорғаған. Жетекшісі, информатика пәні мұғалімі Нұржан Әбілжанов.Жарыс 14 санат бойынша өтті. Бір санатқа бір мемлекеттен 5 команда қатыса алды.Нәтижесінде Қазақстаннан келген командалар үш орынға ие болды. Оның ішінде «Lego Line Following» санатында Ақмола ауылдық мектебінің командасында 1 орында.«Халықаралық деңгейдегі жарысқа қатысып, ел намысын қорғап, биік жетістіктеріне жеткендеріне қуанышты және жеңіспен оралуына ұстаздарымызға ризашылығымызды білдіреміз!» – деді бурабайлықтар.Естеріңізге сала кетейік, бұл команда Республикадан өтіп, Турция мемлекетінің Анталия қаласында өткен Азия чемпионатында үздік нәтиже көрсетіп Римге жолдама алған болатын.Айта кетейік, Ақмола облысында 200-ден астам мектеп робототехника кабинеттері мен элементтерімен жабдықталған және 80-нен астам робототехника үйірмелері жұмыс істейді.Ақпарат көзі : https://www.gov.kz/memleket/entities/aqmola/press/news/details/889558

Мемлекет тарапынан көрсетілетін қолдау мен жұмысшы мамандарына қандай мүмкіндіктер бар – бұл мәселелер Қарағандыда өткен "Enbek.Bolashaq.Damu" жастар слетінде басты мәселелерге айналды. Форумға Қарағанды облысының қалалары мен аудандарынан 600-ден астам қатысушы-делегаттар жиналды.Слетті ұйымдастырушылар – Amanat партиясының Қарағанды облыстық бөлімшесі және "Жастар Рухы" жастар қанаты – осындай ірі іс-шараны алғаш рет өткізіп отырғанын атап өтті.– Келесі жыл Қазақстанда жұмысшы мамандықтар жылы болып жарияланды және бұл біздің слетіміздің негізгі жолдауы болды. Жастарға біздің облыста көптеген жұмыс орындарын ұсынатын ірі кәсіпорындар бар екенін көрсеткіміз келді. Ол үшін оқу, еңбекқорлық және өзіне сену қажет. Біз мұндай іс-шараларды жыл сайын жастарға пайда әкеліп, кері байланыс алуға мүмкіндік беретіндей етіп жасауды жоспарлап отырмыз, – дейді Қарағанды облысындағы "Жастар Рухы" жастар қанатының төрағасы Ержан Хамитов.Слет аясында жастар Саран индустриалды аймағына барды, онда КamaТyreskz, Silk Road Electronics, QazTehna зауыттарында экскурсия өтті,сондай-ақ жастар кәсіптік бағдар беру бойынша кеңестер алды.Слеттің маңызды бөлігі форсайт-сессия болды, онда өзекті тақырыптар талқыланды: киберқылмыс, синтетикалық есірткі, лудомания және т. б. Ашық диалог барысында әрбір қатысушы сұрақтар қойып, сарапшылардан толық жауаптар ала алды.Слет панельдік отырыспен аяқталды, онда Қарағанды облысының әкімі Ермағанбет Бөлекпаев сөз сөйледі. Ол өңірдегі жастарды қолдау мен дамытуға бағытталған елеулі күш-жігерді атап өтіп, оқу орындарының материалдық-техникалық базасын жақсартудың, сондай-ақ кәсіптік бағдарлау бағдарламаларын енгізудің маңыздылығын атап өтті. Тұрғын үй мәселелерін шешуге көмектесетін жас мамандарға арналған жеңілдікті ипотекаға ерекше назар аударылды.– Ел президенті Қасым-Жомарт Тоқаев: "Қазақстан-талантты жастар елі. Ертең сіздер мемлекетіміздің абыройын асқақтатасыздар. Ал бүгін біз сіздердің дамуларыңызға барлық жағдай жасауымыз керек" деді. Бұл жай сөздер емес, бірлесіп жүзеге асыратын іс-қимыл жоспары. Біздің облыс жұмыс күшін белсенді түрде жұмылдыруда, бізге басқа өңірлерден мамандар келеді. Бізде Саран қаласында ірі индустриялық аймақ және Қарағандыда "Сарыарқа" аймағы бар. Жұмыстан қорықпаңыздар! Ең бастысы – ниет, ал бос орындар бізде жеткілікті, – деп атап өтті Ермағанбет Бөлекпаев.Отырысқа жұмысшы мамандықтарын таңдаған жастар да қатысты. Олар студенттермен өз тәжірибелерімен бөлісті және еңбек нарығының нақты қажеттіліктеріне назар аударудың қаншалықты маңызды екенін айтты.– Мен ірі кәсіпорындар туралы көп нәрсе білемін деп күткен жоқпын. Біздің облыста мұндай зауыттар бар деп ешқашан ойлаған емеспін. Мен сондай-ақ көптеген қызықты адамдармен таныстым. Мұндай слеттер жастардың қолдауын сезінуі және даму мүмкіндіктерін көруі үшін өте маңызды, – деп атап өтті слетке қатысушы КарУ төртінші курс студенті Диана Мұстафина.Слет соңында әр түрлі салада өзін танытқан бес белсенді қатысушы меценат – Қарағанды облыстық мәслихатының депутаты Асқар Оразбековтен 100 мың теңгеге ақшалай сертификат алды.Слет қорытындысы бойынша Қарар қабылданды, онда өңірдегі жастар саясатын одан әрі дамытудың негізгі бағыттары белгіленді.Ақпарат көзі : https://www.gov.kz/memleket/entities/karaganda/press/news/details/889183

Қарағанды облысының мемлекеттік сәулет-құрылыс бақылау басқармасының басшысы Сержан Аймақов зейнеткерлік жасқа толуына байланысты атқарып отырған қызметін босатты.Бұл туралы өңір басшысы Ермағанбет Бөлекпаев аппараттық кеңесте мәлімдеді.– Мемлекеттік қызметте Сержан Жаңабекұлы Аймақов 37 жыл адал еңбек етті. Облысымыздың дамуына елеулі үлес қосты, – деді Ермағанбет Бөлекпаев.Ол Сержант Аймақовқа жұмысы үшін алғыс айтып, Құрмет грамотасын табыс етті.Естеріңізге сала кетейік, әр кезеңде Сержан Аймақов Қарқаралы, Осакаров, Бұқар Жырау аудандарының, Шахтинск қаласының әкімі болған. 2022 жылдың қыркүйегінен бастап қазіргі уақытқа дейін Қарағанды облысының МСҚБ басқармасын басқарды.Ақпарат көзі : https://www.gov.kz/memleket/entities/karaganda/press/news/details/889286

Жыл басынан бері Қарағанды облысына Өзбекстан, Моңғолия, Қытай, Ресей, Қырғызстаннан 462 этникалық қазақ келді, олардың 197-сі "қандас" мәртебесіне ие болды.Қазақстанға келгендер ресми түрде жаңа мәртебеге ие болғаннан кейін бірден бейімделу және интеграциялық қызметтерді ала алады. Олар ЭЦҚ ресімдеуге, жұмысқа орналасуға, мектепке дейінгі және жалпы орта білім беру ұйымдарына, сондай-ақ медициналық ұйымдарға тіркелуге, жер учаскесін беруге, отбасының цифрлық картасында тіркеуге және т. б. жәрдем алуға құқылы.Қандастарға жергілікті деңгейде көмек көрсету үшін тізімдерді қалалар мен аудандарға жіберетін еңбек ұтқырлығы орталығы жетекшілік етеді.Этникалық қазақтардың негізгі бөлігі отбасыларымен қауышу үшін аймаққа келеді. Олар тұрғылықты орын ретінде Теміртау, Қарағанды, Саран, Шахтинск, сондай-ақ Абай, Бұқар Жырау және Осакаров аудандарын таңдайды.Айта кету керек, Қарағанды облысы қоныстандыру үшін қандастарды қабылдау жөніндегі өңірге кірмейді. Этникалық қазақтар квотадан тыс өз бетінше келеді.Сонымен қатар, Қарағандыда құқықтық және консультациялық сипаттағы қызметтер көрсететін қандастарды бейімдеу және интеграциялау орталығы жұмыс істейді. Орталық 10 төсекке арналған. Онда жұмыс істейтін мамандар Қазақстан азаматтығын алуға құжаттарды тапсыруға көмек көрсетеді, білім беру және денсаулық сақтау мәселелерімен айналысады, жұмысқа орналасуға жәрдемдеседі және т. б.Қарағанды облысының жұмыспен қамтуды үйлестіру және әлеуметтік бағдарламалар басқармасының ақпараты бойыншаАқпарат көзі : https://www.gov.kz/memleket/entities/karaganda/press/news/details/889290

Қарағанды облысында 106 шалғайдағы ауылдық мектептерде жоғары жылдамдықты интернет мәселесі шешілді. Спутниктік байланыс орнатудың арқасында сегіз мың бала білім беру ресурстарына қол жеткізді. Өңірде ауылдық елді мекендердің 91%-ы интернетпен қамтамасыз етілген. Жыл соңына дейін 4G мобильді интернеті Қарқаралы және Ақтоғай аудандарының тағы 13 ауылына тартылуы тиіс.Мемлекет басшысының тапсырмасы бойынша 2023 жылы қабылданған "Қолжетімді интернет" ұлттық жобасының іске асырылуы туралы ақпараттандыру, мемлекеттік қызметтер көрсету және мұрағаттар басқармасының басшысы Константин Ильницкий аппараттық кеңесте баяндады.– Қарағандыда бесінші буын мобильді байланысы енгізілуде. Бүгінде қала бойынша 43 базалық станция орнатылған. Олар сынақ режимінде жұмыс істейді, сондықтан байланыс жылдамдығы мен сапасы мәлімделген сипаттамаларға сәйкес келмеуі мүмкін. Бұл жұмыс келесі жылдың соңына дейін аяқталады, осы мерзімде қалған 15 антеннаны орнату жоспарлануда, – деді ол.Республикалық және облыстық автожолдар бойында 5G интернетпен қамтамасыз ету үшін 14 антенна-діңгек құрылысын орнату жоспарлануда. Келесі трассалар қамтылады: Астана – Алматы, Қарағанды – Аягөз, Қарағанды – Баянауыл, Қарағанды – Павлодар, Теміртау – Нұра және Ақшатау – Ағадыр. Осы жобалардың жартысына мемлекеттік сараптамасы бар жобалық құжаттама бар.Ұлттық жоба бойынша белсенді жұмыс 2025 жылға жоспарланған, деп атап өтті басқарма басшысы. 73 ауылдық елді мекенді қамтуға тиіс.– 2027 жылдың соңына дейін облыстың 168 ауылына дейін талшықты-оптикалық кабель тарту жоспарлануда. Бұл 59 мыңнан астам ауыл тұрғындары үшін интернетке қол жеткізуге мүмкіндік береді, – деді Константин Ильницкий болашақ жоспарлары туралы.Облыс әкімі Ермағанбет Бөлекпаев туристік аймақтарда – Балқаш пен Қарқаралы қалаларында сапалы интернет мәселесін шешуді жеделдетуді тапсырды. Сондай-ақ, трассалар бойында антенна-діңгек құрылыстарын орнату үшін ЖСҚ әзірлеуді аяқтау қажет.Басқарма басшысы өңірдің IT-саласының дамуы туралы да хабардар етті. Оның айтуынша, "Қауіпсіз қала" жобасы нәтиже береді. 10 ай ішінде цифрлық құралдардың көмегімен 186 мыңнан астам ЖҚЕ бұзушылық тіркелді, 260 қылмыстық және 14 918 әкімшілік құқық бұзушылық анықталды. Қарағандыда "Ақылды бағдаршамдар" жобасы енгізіле бастады.ТКШ саласында iqala электрондық қызметтер порталы іске қосылды, онда сегіз ірі қызмет көрсетушілердің қызметтері қолжетімді."Террикон алқабы" ІТ-хабы саланы дамытудың өзегіне айналды, деп атап өтті Константин Ильницкий. Бұл салық түсімдерінің өсуін, ал компьютерлік бағдарламалау, консультациялық және басқа да ілеспе қызметтердің көлемі екі есеге жуық – 6,5 млрд теңгеден 11,6 млрд теңгеге дейін ұлғайды.Ақпарат көзі : https://www.gov.kz/memleket/entities/karaganda/press/news/details/889474

Түркістан облысында биылғы 10 айдың есебімен 42 мың тұрғын міндетті әлеуметтік сақтандыру жүйесіне тіркелген. Жыл басында 400 мыңнан аса адам МӘМС жүйесімен қамтылмаған болатын. Осы және өзге де атқарылған жұмыстар туралы облыс әкімінің орынбасары Бейсенбай Тәжібаевтың төрағалығымен өткен кезекті штаб отырысында кеңінен талқыланды. Алда тұрған міндеттер пысықталды.– Өңірдегі МӘМС жүйесіндегі сақтандырылған азаматтарға сапалы медициналық көмек көрсету қажет. Осы бойынша арыз-шағымдар келіп жатады. Сонымен қатар ациентті қолдау қызметінің жұмысын күшейту қажет. Жалпы бұл мәселелер өңір басшысы Дархан Амангелдіұлының тікелей бақылауында. Аудан, қала әкімдіктері жергілікті жауапты басқармамен бірлесіп, тиісті ақпараттық-түсіндіру жұмыстарын тоқтаусыз жүргізілуді тапсырған болатын. «Апта сайын – 3 пайыз, ай сайын – 12 пайыз» жобасын да қадағалаңыздар. Содан соң аудан, қала деңгейіндегі мобильді топ тұрғындар арасында қате төлемдерді қайтарып алуға байланысты тәртіп түсіндірілуі тиіс, – деді әкім орынбасары.Жиынға «Әлеуметтік медициналық сақтандыру қоры» КЕАҚ Түркістан облысы бойынша филиалы мен жауапты басқарма басшылығы, медициналық ұйымдар мен аудан, қала әкімдіктерінің өкілдері қатысты.Жиын барысында «Міндетті әлеуметтік медициналық сақтандыру» қорының Түркістан облысы бойынша филиалының директоры Бахыт Исмаханбетов өңір халқын МӘМС жүйесіне тарту жөніндегі атқарылған шаралар туралы баяндама жасады. Аудан, қала әкімдіктері деңгейінде құрылған мобильді топ күнделікті жұмыстарды ұйымдастырып, тұрғындардың мәртебесін анықтау шарасын ұйымдастырып жатқанын атап өтті.Облыстық денсаулық сақтау басқармасының басшы орынбасары Бауыржан Сатыбалды МӘМС жүйесі үшін төлемдерді өткен жылдарға төлем жасамаған 43 мыңнан аса адамға хабарлама жолданғанын айтты. Мемлекеттік кірістер департаментімен төлемдерді тұрақты төлемегендер борышкерлердің, шаруа қожалықтардың есеп шоттары бұғатталған. Әзірге 8 мыңнан аса азаматтардың қарызы өндірілген. Оның ішінде, 5 мыңға жуық шаруа қожалықтары бар. Қарызды төлемеген борышкерлер саны – 34 710 (80,5%) болса, оның ішінде, шаруа қожалықтар саны – 28 750 (82,8%).Облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Күміскүл Мирова отбасының цифрлық картасында Д және Е санатындағы отбасылар санын төмендету бойынша атқарылған жұмыстарға тоқталды. Осы санаттағы азаматтардың МӘМС жарналарын төлеуді жүзеге асыру үшін облыстық бюджеттен қаржы жоспарлануда.Айта кетейік, Түркістан облысының халқын МӘМС жүйесіне тарту жұмысы тұрақты жалғасып келеді. Өңірде жыл басынан облыстық штабтың 17 отырысы, ал аудан, қалаларда 11 көшпелі жиын өткізілген. 2 миллионнан аса тұрғын облыстағы емханаларға тіркелген. Оның ішінде міндетті әлеуметтік медициналық сақтандыру жүйесімен қамтылғандар саны өңір халқының 83%-ын құрап отыр. Сәйкесінше сақтандырылмағандар саны – 350 мың жобасында. Бұл өткен аймен салыстырғанда 23 пайызға азайып отыр.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/889263

Бүгін облыс әкімінің орынбасары Нұрбол Тұрашбеков Сайрам ауданына барып, бірқатар нысандарды аралады. Аудан әкімі Арман Сәбитов облыс әкімінің тапсырмасына сәйкес агроаймаққа бөлінген 90 га бойынша атқарылатын жұмыс жоспарын ұсынып, жобаларды таныстырды.Аралау барысында облыс әкімінің орынбасары «Gen Group Kazakhstan» ЖШС жылыжай кешенін кеңейту бағытында атқарылған тірліктермен де танысты. Банан өсіруді жолға қойған серіктестік қосымша 6 гектарға жылыжай салып, қызанақ және құлпынай өсіруді қолға алмақ.«Жоба толық іске асқан жағдайда жылына 3 мың тоннадан астам қызанақ, 130 тоннадан астам құлпынай жиналады дейді ЖШС басшысы», Тимур Утешев.«Korkem» сауда белгісімен танымал «Наурыз-5» ЖШС кәсіпорнын аралау барысында серіктестік басшысы Джурат Игамбеков жеміс қабылдау, көкөністерді өңдеу, қалбырлау және нарыққа шығару барысында кездесетін өзекті мәселелерді жеткізді.«Kaz Eco Meat» ЖШС ірі қара мал бордақылау және мал сою кешенінің құрылысын 2025 жылы аяқтауды жоспарлап отыр. Қазіргі таңда Беларусь, Қытай және Түркия елдерінен арнайы қондырғылар сатып алынған. Ал «Nurym Group» жауапкершілігі шектеулі серіктестігі құрама жем өндіретін зауытты жыл соңына дейін іске қоспақ.Нұрбол Тұрашбеков кәсіпкерлерге мәселелері мен ұсыныстарының заң аясында зерделенетінін атап өтті. Әкімдік тарапынан атқарылатын жұмыстар кезеңімен жүзеге асатынын айтып, жауаптыларға нақты тапсырмалар жүктеді.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/889266

Сауран ауданына қарасты Оранғай ауылдық округінде «СОФТ ХАУС» цехының ашылу рәсімі өтті. Шараға аудан әкімі Мақсат Таңғатаров, кәсіпкерлік және туризм бөлімінің басшысы Сұлтанғали Шакиров, Оранғай ауылдық округінің әкімі Берік Қуандық, ауыл ақсақалдары және бұқаралық ақпарат құралдарының өкілдері қатысты.Жеке кәсіпкер Шавкатжан Искаков өз қаражаты есебінен осы кәсіпті бастаған. Бүгінде өндіріс орнын кеңейтіп, ашылып отырған цехтың аумағы 1,0 гектарды құрайды. Жобаның жалпы құны – 500 млн. теңге, заманауи технологиялармен жабдықталған цех жылына 2 мыңға жуық жұмсақ жиһаз өнімдерін шығаруға қауқарлы.Бүгінде 15 азаматты тұрақты жұмыспен қамтып отыр. Жұмысшылардың жалақысы 150-200 мың теңге көлемінде. «СОФТ ХАУС» жиһазының өнімдері бүгінде сұранысқа ие. Қазіргі таңда Қазақстанның барлық аймақтарымен қатар, көршілес Қырғызстан еліне өткізіледі. Жиһаз жасаушы өндірістің әлеуеті зор. Негізгі арнайы жабдықтарды Қытай, Ресей, Түркия елдерінен алдыртады. Осылайша отандық тауарлар ішкі нарықта сұранысқа ие болып, өзінің өнім көлемін айтарлықтай арттырып отыр.– Жиһаз өндіру саласы қарқынды дамып, кәсіп жасаймын деген азаматтарға мемлекет тарапынан әрдайым қолдау тауып келеді. Отандық нарықта бәсекеге қабілеттілік өсуде. Жылдан жылға елімізде тұрғын үй құрылысы қарқынды жүріп жатыр. Бұл жиһазға деген қажеттілікті арттырады. Осылайша біздің өнімдер сұранысқа ие болып, өз кәсібіміздің кеңейуіне жол ашылуда, – дейді өндіріс орнының басшысы Шавкатжан Мамиржанұлы.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/889268

Түркістан қаласы әкімдігінің жұмыспен қамту және әлеуметтік бағдарламалар бөлімінің ұйымдастыруымен кезекті игілікті шара өтті. “Жігер” абилитациялық іс-шарасының мақсаты – ерекше қажеттілігі бар жандарды шабыттандыру, жаңа мүмкіндіктерін ашуға қолдау көрсету.Іс-шараға қатысушылар пауэрлифтинг, пара күрес, шахмат, қол күресі және бочча спорт түрінен жарысты. Одан бөлек, жобаның екінші бөлімінде мүгедектігі бар өнерпаздар сахна төрінде ән шырқап, би билеп, өлең оқыды. Сонымен бірге мүгедектігі бар табысты тұлғалардың қатысуымен TEDx форматындағы сессия ұйымдастырылды.«Достық» үйінде өткен шарада Облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Нұржан Нұрашев қатысушыларға жылы лебізін арнады. Түркістан қаласы әкімінің орынбасары Мекенхан Қырықпаев қатысушыларға қала әкімінің алғыс хаты мен сыйлықтарын табыстады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/889271

Түркістан облысында биыл «Өңірлік жұмыспен қамту картасы» аясында 118 мыңнан астам жұмыс орнын ашу жоспарланып, қазіргі таңда 104 635 жұмыс орны құрылды.Өңір тұрғындарын жұмыспен қамту бағытында жыл басынан бері атқарылған жұмыстар, кемшіліктер мен өзге де түйткілді мәселелер Түркістан облысы әкімінің орынбасары Бейсенбай Тәжібаевтың төрағалығымен өткен жиында талқыланды.Облыстық жұмыспен қамтуды үйлестіру және әлеуметтік бағдарламалар басқармасының басшысы Әсия Темірбаеваның 2024 жылдың 10 айының қорытындысы туралы есебі тыңдалды. Ұлттық жобалар мен тұжырымдамалар негізінде инфрақұрылымдық жобаларда ашылған жұмыс орындарына жолданған азаматтардың міндетті зейнетақы жарнасының аударылуы бойынша республикада 4 орынға орналасты.Субсидияланатын жұмыс орындарын ұйымдастыру, Жастар практикасы, мүгедектігі бар адамдарды жұмыспен қамту квотасы бағыттары бойынша төмен көрсеткіштер барын жасырмады. Облыс әкімінің орынбасары жоспарды тиісті деңгейде атқармаған Бәйдібек, Мақтаарал, Жетісай, Отырар, Сауран аудандарының мәселелері жеке-жеке қаралып, кемшіліктерді түзетуге уақыт берді.Мәжілісте Түркістан облысының жұмыспен қамтуды үйлестіру және әлеуметтік бағдарламалар басқармасына қарасты Еңбек мобильділігі орталығының директоры Абзал Казанкаповтың баяндама жасады. Биыл субсидияланатын жұмыс орындарына 31 208 адамды жұмысқа жолдау жоспарланып, нақты 32 578 адам жұмыспен қамтылған. Жаңа және бос жұмыс орындары бойынша 39,1 мың тұрақты жұмыс орны ашылды. Ұлттық жобалар аясында 2024 жылы 397 жобаны жүзеге асыру жоспарланса оның 362-сі орындалған. 3671 жаңа жұмыс ашу межеленіп, 3106 азамат жұмысқа орналасты.Бұдан бөлек, «Жастар практикасы» және «Күміс жас» жобалары, қоғамдық, әлеуметтік және алғашқы жұмыс орындарымен жергілікті тұрғындарды қамту, пробация есебінде тұрған немесе бас бостандығынан айырылған, тұл жетімдер мен мүгедектігі бар азаматтарды жұмыспен қамту бойынша аудан, қалалардағы жұмыстар сараланып, индикаторлардың орындалуы қаралды.Еңбек мобильділігі орталығы тарапынан мемлекеттік қайтарымсыз грант қаражатының нысаналы жұмсалуына тұрақты мониторинг жұмыстары жүргізілуде. Бүгінде 2023 жылы грантпен қамтылған 23 азаматтың қаржыны мақсатсыз пайдаланғаны анықталып, мемлекетке қайтару бойынша сот шешімі шықты. Қаражатты қайтару жұмыстары жүргізілуде.Ал ақылы қоғамдық жұмыс орындарына жіберілген 575 азаматпен еңбек тәртібін сақтамағаны үшін келісімшарт біржақты тоқтатылды. Субсидияланған жұмыс орындарына жолданған 2517 азаматпен де келісімшарт үзілді.Бейсен Дәулетұлы «Мансап» орталықтарындағы кадрлардың біліктілігін арттыруға аса мән беруді, жұмысты жандандыру бойынша ұсыныс-пікірлерге ашық екенін жеткізді. Жоспарды тиісті деңгейде орындамаған жауапты басшыларға сын айтып, кемшіліктерге жол бергендерге тиісті шара көрілетінін ескертті.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/889272

Сауран ауданы әкімдігінде аквапарк салу жобасын жүзеге асыру мақсатында меморандумға қол қойылды. Аудан әкімі Мақсат Таңғатаров пен жоба авторы Надир Абдусаттаров осындай келісімге қол жеткізді. Тараптар арасында белгілі бір міндеттемелер мен жауапкершіліктерді айқындап, жобаның табысты жүзеге асырылуына алғашқа қадамдар жасалды.Аквапарк салу жобасы ауданның экономикасына оң әсерін тигізіп, жергілікті тұрғындардың демалу мүмкіндіктерін кеңейтумен қатар, туристік ағынды арттырып, жаңа жұмыс орындарын ашуға септігін тигізеді. Әкімдіктің қолдауы жобаның іске асырылуында маңызды рөл атқарады.Меморандумға қол қою барысында құрылыс жұмыстарының уақыты, қаржыландыру көздері және басқа да маңызды мәселелері талқыланды. Әлеуметтік және экономикалық тұрғыдан да маңызды жоба құны – 1,5 млрд. теңге.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/889273

Мақтааралда 2008-2011 жылы туылған жасөспірімдер арасындағы қазақ күресінен республикалық «Ауыл барысы» турнирінің ашылу салтанаты өтті.Турнирдің салтанатты рәсіміне ҚР Парламенті Мәжілісінің депутаты, «Ауыл» партиясының төрағасы Серік Егізбаев, «Ауыл» партиясы төрағасының орынбасары Жигули Дайрабаев және Түркістан облысы әкімінің орынбасары Ертай Алтаев қатысты.«Ауыл» партиясының Түркістан облысы бойынша өңірлік филиалының ұйымдастыруымен өтіп жатқан турнир ҚР Президентінің Жолдауын іске асыру, салауатты өмір салтын насихаттау, ұлттық қазақ күресін көтеру және жастарды спортқа тарту мақсатында өтіп жатыр.Облыс әкімінің орынбасары Ертай Алтаев сөз сөйлеп, жарыс қатысушыларына сәттілік тіледі.– Бүгінде спорт және дене шынықтыруды дамыту – мемлекеттік ауқымдағы маңызды бағыт. Мықты және өмірге құштар жас ұрпақты тәрбиелеу – еліміздің әлеуметтік саясатының негізгі міндеттерінің бірі. Сондықтан бүгінгі жарысты ұйымдастырған «Ауыл» партиясының басшылығына алғысымды білдіремін. Турнирге қатысушы жас балуандарымызға сәттілік тілеймін! Қазақ елінің спорт саласындағы жетістіктері мен табыстары ұлғая берсін! – деді Ертай Кенжебекұлы.2 күнге созылатын жарысқа Жамбыл, Қызылорда облыстарынан, Шымкент қаласынан және Түркістан облысының қала, аудандарынан 300-ге жуық балуан өз бақтарын сынауға келіп отыр. Жарысқа қатысушылар 35, 38, 42, 46, 50, 55, +55 және +60 кг (Түйе палуан) салмақ дәрежелері бойынша күресетін болады. Жеңімпаздар мен жүлдегерлер демеушілер есебінен арнайы қаржылай сыйлықтар, белбеулер, медаль және дипломдармен марапатталады.Жұмыс сапарымен барған облыс әкімінің орынбасары турнирдің ашылуынан соң Мақтаарал ауданының спорттық инфрақұрылымымен танысып, нысандарды аралады. Атакент кентінде орналасқан «Алпамыс батыр» стадионы мен жақында ғана пайдалануға берілген спорт кешенімен танысты. «Ауыл – Ел бесігі» бағдарламасы аясында 2023 жылы құрылысы басталған спорт кешенінің конкурстық құны – 600 миллион теңге. Мердігер мекеме «Нүрі-Л-Жетісай» ЖШС-і құрылыс жұмыстарын жүргізді.Спорт кешенінде үлкен спорт залы және спортшыларға арналған жаттығу залдары бар. Мұнда волейбол, баскетбол, футзал, гандбол, күрес, бокс, дзюдо және тағы басқа спорт түрлерімен айналысуға мүмкіндік қарастырылып, спорттық жабдықтармен толық қамтамасыз етілген.Одан бөлек, ғимарат аумағында жасанды көгалмен жабдықталған футбол алаңшасы, баскетбол, волейбол алаңшалары орналасқан.Ауданда бұған дейін Қ.Мұңайтпасов атындағы орталық стадионы, «Мырзакент» спорт сарайы ел игілігіне беріліп, түрлі ауылдарда 20-дан астам кіші футбол алаңшалары ашылған.Жұмыс сапары «Алғабас» мәдениет үйінде жалғасты. «Ауыл – Ел бесігі» бағдарламасы аясында салынған жаңа ғимарат 2 қабаттан тұрады. 200 орындық концерт залы және үйірмелерге арналған бірнеше шағын залдар бар. Жалпы, бүгінгі таңда ауданда 9 мәдениет үйі бар.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/889278