2024 жылдың 2 қыркүйегінен бастап Қазақстанда ЮНИСЕФ әзірлеген халықаралық мультииндикаторлық кластерлік зерттеу (МИКС) басталды. Зерттеу облысымыздың 5 өңірін қамтиды.2 қыркүйек пен 29 қараша аралығында интервьюерлер өңіріміздің қалалары мен ауылдарында сауалнама жүргізеді. Сауалнама тұрмыс пен денсаулықтың түрлі аспектілерін, оның ішінде санитарлық тазалықты, білім беруді және басқа да маңызды көрсеткіштерді қамтиды. Барлық сауалнамалар тиісті мемлекеттік органдармен бекітілген.Интервьюерлер арнайы киім киіп, барлық байланыс ақпараты бар бейдж тағады.Интервьюер барған үй шаруашылықтары осы сауалнамаға түсіністік білдіреді деген үміттеміз. Зерттеуге қатысу Қазақстан халқының тұрмыс жағдайы мен денсаулығын жақсартуға көмектесетін маңызды мәліметтерді жинауға көмектеседіАқпарат көзі : https://www.gov.kz/memleket/entities/ulytau/press/news/details/868145

Елордада жыл сайын ұйымдастырылатын республикалық жәрмеңкеге 26-27 қазан күндері Ұлытау облысының өнімдері қойылды. Аталған іс-шараға өңіріміздің жергілікті 40-қа жуық ауыл шаруашылығы тауар өндірушілері қатысты. Атап айтар болсақ, Астана қаласының тұрғындары мен қонақтарына жалпы көлемі 100 тоннаны құрайтын ет өнімдері мен (сиыр еті, қой еті, жылқы еті) сүт өнімдерін (сүт, қымыз, шұбат, қаймақ, сары май, ірімшік, құрт) ұсынылды.Екі күнге созылған жәрмеңкеде астаналықтар Ұлытау аудандық Мәдениет үйі өнерпаздарының концерттік бағдарламасын тамашалады.Ақпарат көзі : https://www.gov.kz/memleket/entities/ulytau/press/news/details/873413

Тимур Қалымжанұлы Бисимбаев 1980 жылы дүниеге келген.А.Байтұрсынұлы атындағы мемлекеттік университетін «Агроном» мамандығы бойынша аяқтаған.Ауыл шаруашылығы саласында 20 жылдан астам тәжірибесі бар.Әр жылдары Қостанай облысы ауыл шаруашылығы басқармасында жетекші маманнан бастап, бас маман, бөлім басшысы, басқарма басшысының орынбасары қызметтерін атқарған.Ұлытау облысына тағайындалғанға дейін 2020 жылдан бері Қостанай облысы ауыл шаруашылығы басқармасының басшысы болған.Ақпарат көзі : https://www.gov.kz/memleket/entities/ulytau/press/news/details/873502

Нұрлан Ерболатұлы Абдукалимов 1986 жылы туған.Еңбек жолын Астана қаласының №1 қалалық ауруханасында есепші болып бастаған.Әр жылдары Қазақстан Республикасының қаржы, экономика және бюджетті жоспарлау министрліктерінде жауапты қызметтер атқарған.Қаржы министрлігінде өнеркәсіп жәнеотын-энергетика кешеніндегі бюджетті жоспарлау саласына жауап берген.Кейіннен «Астана Экспо-2017» ұлттық компаниясында экономика және бюджетті жоспарлау департаментін басқарған.Алматы облысының Энергетика және тұрғын үй-коммуналдық шаруашылық басқармасы басшысының орынбасары қызметін атқарды.Осы тағайындауға дейін Ұлытау облысы Қаржы басқармасының басшысы болды.Ақпарат көзі : https://www.gov.kz/memleket/entities/ulytau/press/news/details/873510

Жиынға өңір басшысы Дастан Рыспеков, ҚР Президентінің кеңесшісі Күнсұлу Закария, Ғылым және жоғары білім вице-министрі Талғат Ешенқұлов,«Қазақмыс Корпорациясы» ЖШС-нің басқарма төрағасы Нұрахмет Нұриев және жоба басшысы Мақсұтбек Айтмағанбет қатысты.Облыс әкімі өз кезегінде Канада университетімен бірлескен білім ордасын салу үшін әкімдік тарапынан Жезқазған қаласынан жалпы ауданы 20 га құрайтын жер телімі бөлінгенін, шекарасы белгіленіп, мүлікке кадастрлық төлқұжат алынғанын атап өтті.ҚР Президентінің кеңесшісі Күнсұлу Закария университеттің техникалық бағыттағы сапалы кадрлар дайындауда маңызы үлкен болатынын жеткізді. Ал жоба басшысы Мақсұтбек Айтмағанбет жобаның даму жоспарымен бөлісті.Ғылым және жоғары білім вице-министрі Талғат Ешенқұлов университеттің Ұлытау облысымен ғана шектелмей, Орталық Азия мемлекеттерінен студенттер оқытуға бағытталатынын айтты. Сәйкесінше, білім ордасының барлық сала бойынша мүмкіндігі жоғарылауы тиіс.Айта кетейік, Мемлекет басшысы Қасым-Жомарт Тоқаевтың тапсырмасына сәйкес, Ғылым және жоғары білім министрлігі, Ұлытау облысының әкімдігі және «Қазақмыс корпорациясы» ЖШС арасында «Ұлытау техникалық университетінің 2024-2028 жылдарға арналған кампус құрылысы және жұмыс істеуі жөніндегі» Жол картасына қол қойылған болатын.Ақпарат көзі : https://www.gov.kz/memleket/entities/ulytau/press/news/details/873675

Республика күніне орай Көкшетауда тағы 20 отбасы жаңа пәтер иесі атанды. Жаңа үй әлеуметтік нысандарға жақын орналасқан және қаланың келешегі зор аудандарының бірінде тұрғызылған. Жақсартылған деңгейдегі жөндеуі бар пәтерлер «Ақ бидай» тұрғын үй кешенінен әлеуметтік осал топтар үшін жаңа механизм бойынша сатып алынған.«Өткен жылдан бастап пәтерлерді сатып алудың жаңа механизмі енгізілді. Тұрғын үйді таңдау талаптары күшейтілді, белгілі бір жайлылық классы мен қажетті инфрақұрылымы бар баспаналарды ғана сатып алуға рұқсат етіледі. Барлық шаралар кешені шамамен 2 мың отбасының тұрғын үй жағдайын жақсартуға, ең бастысы - тұрғын үй кезегін қысқартуға мүмкіндік береді. Бүгінгі шара – қазақстандықтардың өмір сүру сапасын арттыруға бағытталған Президент саясатының нақты іске асуы», - деп атап өтті Ақмола облысының әкімі Марат Ахметжанов.Айта кетейік, үйлерді кейін жекешелендірілеуге болады. Бұл механизм алғаш рет Ақмола облысының орталығы Көкшетау қаласында іске қосылды.«Бүгін ұлым көптен күткен пәтерін алды. Пәтер жылы, жарық, жайлы, төбесі 3 метрге жуық. Жақын жерде мектеп, балабақша бар. Ыңғайлы тұрғын үймен қамтамасыз еткені үшін Президентімізге алғыс айтамын», - деп қуанышымен бөлісті көпбалалы ана, «Алтын алқа» иегері Назым Кенжеғалиева.Айта кетейік, өңірде барлық бағдарламалар бойынша 2000-нан астам отбасы тұрғын үймен қамтамасыз етіледі. Оның ішінде 2024 жылы Көкшетауда 600 отбасы, ал облыстың басқа аудандарында шамамен 1500 отбасы тұрғын үймен қамтылады. Ақпарат көзі : https://www.gov.kz/memleket/entities/aqmola/press/news/details/871238

Республика күні қарсаңында Ақмола облысы Бурабай ауданының 50 отбасы жаңа пәтер иелері атанды. Бурабайлықтар көптен күткен жаңа әрі жайлы санаттағы пәтерлерді аудан әкімдігі халықтың әлеуметтік осал топтары үшін сатып алды. Жаңа тұрғын үйдегі пәтерлердің кілттерін облыс әкімі Марат Ахметжанов тапсырды.«Біздің Президентіміз ең алдымен еліміздің әрбір тұрғынының әл-ауқатын арттыруға және өмір сүру сапасын жақсартуға бағытталған әлеуметтік жобаларды іске асыруға ерекше назар аударады. Мұндағы маңызды бағыттардың бірі – тұрғын үймен қамтамасыз ету мәселесі», - деп атап өтті аймақ басшысы.Айта кетейік, жаңа үйдегі баспаналар таңдау талаптары күшейтілген пәтер сатып алудың жаңа механизмі бойынша сатып алынды. Тұрғын үй кешені Бурабай кентінің жатын аудандарының бірінде орналасқан, жақын маңда тұрғындарға қажетті әлеуметтік нысандар бар.«Біз мемлекетімізге шексіз ризамыз. Міне, еліміздің басты мерекесі қарсаңында мен жаңа пәтердің кілтін аламын. Әрбір тұрғынға біздің Президентіміз сыйлаған осындай қуанышқа ие болуды тілеймін», - деп бөлісті үш бөлмелі жаңа пәтер иесі атанған Бурабай кентінің тұрғыны Бағила Қасенова.«Пәтеріміздің төбесі биік, бөлмелері жарық. Ішкі жұмыстар өте сапалы орындалған. Кіреберістен бастап пәтеріміз өте жылы және жайлы. Біз аса қуаныштымыз», - деді көпбалалы ана Әсел Бектемірова. Сондай-ақ, бүгін облыс орталығының 20 отбасы жаңа пәтерлердің кілттерін алды.Облыста осы жылы халықтың әлеуметтік осал топтары үшін 900-ге жуық пәтерді, оның ішінде облыс орталығында 600-ге жуық пәтерді тапсыру жоспарлануда. Барлық бағдарламалар бойынша өңірдің 2000-ға жуық отбасы тұрғын үй жағдайын жақсартады. Ақпарат көзі : https://www.gov.kz/memleket/entities/aqmola/press/news/details/871775

Құрметті ақмолалықтар! Сіздерді ұлттық мереке – Республика күнімен шын жүрекпен құттықтаймын!Қазақстан Республикасының мемлекеттік егемендігі туралы 1990 жылы қабылданған декларация біздің еліміздің егемендігі мен тұрақтылығына, дамуына жасалған алғашқы қадам болды.Ел Президенті Қасым-Жомарт Тоқаев өз сөзінде «Қазақстанның тарихи таңдауын айқындаған Егемендік декларациясы – елдігіміздің берік тұғыры. Онда мемлекетіміздің аумақтық тұтастығының мызғымастығы, халқымыздың жалпыұлттық бірегейлігін нығайтуға ұмтылысы және азаматтарымыздың құқықтары мен бостандықтарына кепілдік берілетіндігі нақты көрініс тапқан. Осы басты қағидаттар Конституциямызда, заңдарда және Қазақстанның стратегиялық бағыт-бағдарын белгілейтін басқа да құжаттарда көрсетілген» деген болатын.Еліміз аз ғана уақыттың ішінде тұрақты экономикалық жүйесін құрып, тұрғындардың әлеуметтік жағдайын жақсартып, ел ішіндегі бірлікті нығайтуда. Ынтымақ пен тілеулестіктің арқасында халқымыз табысқа кенеліп отыр. Халықаралық кеңістікте де айта қаларлықтай жетістікке жетуде. Еліміздің жастары ірі интеграциялық идеялар мен бейбітшілік бағытында белсенді жұмыс істеп, өркениетке құлаш ұрудың көшбасшыларына айналуда.Біздің өңірдің тұрғындары да еліміздің басты мерекесін толайым табыспен қарсы алуда. Мемлекеттің нақты қолдауын пайдалана отырып, жігерлі жұмыс істеген диқандарымыз соңғы он жылда болмаған өнім өсіріп, астық молшылығын жасады. Ауылға арналған жайлы мектептер, медицина мекемелері тұрғызылуда. Ал, қалаларда жаңадан бой көтерген тұрғын үйлер тұтас шағын аудандарға айналды. Көктемгі су тасқыны тәрізді табиғат сынынан сүрінбей өтіп, барлық жапа шеккен адамдарға көмек көрсетілді. Бұл бағытта орасан зор жұмыс істелді.Құрметті жерлестер!Бүгінде облысымыз еліміздегі астықты өңірге айналып отыр. Ауыл шаруашылығы техникасы мен жүк көліктері, алтын мен азық-түлік өндіріледі. Қол жеткізген табыс өңіріміздің әрбір тұрғынының еселі еңбегімен келіп отыр. Сол үшін сіздерге рахмет. Алдағы уақытта еңбексүйгіштік еселеніп, туған жерге деген перзенттік махаббаттың арқасында бұдан да биік көрсеткіштерге қол жеткізетінімізге сенемін.Жарқын әрі шаттыққа толы мереке әрбір ақмолалықтың отбасына ырыс пен бірлік әкелсін. Қазақстанда бейбітшілік пен келісім, тұрақтылық пен гүлдену болсын.Ақпарат көзі : https://www.gov.kz/memleket/entities/aqmola/press/news/details/871861

Бүгін Көкшетаудағы Ту тұғыры алаңында Қазақстан Республикасы күніне орай Мемлекеттік Туды көтеру салтанатты рәсімі өтті. Іс-шараға Ақмола облысының әкімі Марат Ахметжанов, сондай-ақ қала тұрғындары, қоғам қайраткерлері, өңір жастары қатысты. Ту көтеру рәсімі Мемлекеттік гимннің сүйемелдеуімен іске асты.Жиналған жұртшылықты құттықтай отырып өңір басшысы аталмыш мерекенің Қазақстан халқының бірлігі, патриотизмі мен ұлттық санасының нышаны ретіндегі маңыздылығын атап өтті.Іс-шара аясында өңірдің әлеуметтік-экономикалық дамуына елеулі үлес қосқан ақмолалықтарға «Еңбек ардагері» медалі мен «Жомарт жан» төсбелгісі табысталды. Оған қоса, Дүниежүзілік көшпенділер ойындарының жеңімпаздары мен жүлдегерлері, су тасқынымен күреске атсалысқан азаматтар құрмет грамоталарымен, облыс әкімінің алғыс хаттарымен және ақшалай сертификаттармен марапатталды. Айта кетейік, Мемлекеттік Туды көтеру рәсімі Ақмола облысының қалалары мен аудандарында да өтті. Ақпарат көзі : https://www.gov.kz/memleket/entities/aqmola/press/news/details/871895

Ақмола облысы Астананың айналасында азық-түлік белдеуін құрудың негізгі буыны болып табылады және республикадағы дәнді дақылдардың төрттен бір бөлігінен астамын өндіреді. Осындай ұранмен елордада өңір тауар өндірушілерінің қатысуымен дәстүрлі ауыл шаруашылығы жәрмеңкесі өтуде. Аграршылардың сөрелерінде аймақтың бетке ұстар кәсіпорындары ұсынған 40-тан астам азық-түлік түрі қойылды.Ақмолалық өндірушілер елордаға барлығы 300 тоннадан астам өнім алып келді. Жәрмеңкедегі өнім бағасы нарықтағыдан 10-15 пайызға төмен.«Біздің өнімімізге 20 жылдан астам уақыт бойы сұраныс жоғары. Біз ет және ет өнімдерін өндірумен айналысамыз», – деп бөлісті Бурабай ауданының «Жас» ЖШС басшысы Зауре Ғалиақпарова.Жәрмеңке тиімділігін елордалық тұрғындардың ұсынылған өнімнің сапасы, кең ассортименті және қолжетімді бағалары туралы көптеген оң пікірлері дәлелдейді. Астана қаласының тұрғыны Күләш Қожахметова жәрмеңкеге жыл сайын келеді.«Бүгін отбасыма ұнаған ақмолалық өндірушілердің ет және сүт өнімдерін сатып ала алғаныма қуаныштымын. Бағалар мен ассортимент көңілімнен шықты», – деп бөлісті К.Қожахметова.Облыс әкімі Марат Ахметжанов жәрмеңкеге алғашқылардың бірі болып келіп, ұсынылған өнімдер ассортиментімен танысып, астаналықтардың тілектерін тыңдады.«Демалыс күнгі жәрмеңкелерді» өткізу әлеуметтік маңызы бар азық-түлік бағасын тұрақтандыруға және халықты нарықтағыдан 10-15% төмен бағамен табиғи азық-түлікпен қамтамасыз етуге оң әсер етеді. Бұл фермерлер үшін де тиімді, өйткені делдалдар саны едәуір азаяды», – деп атап өтті облыс әкімінің орынбасары Мұрат Балпан.Ақмола облысы – тұрғындарға өнімдерді жеткізуде көмек көрсететін еріктілері бар жалғыз өңір. Жәрмеңкедегі еріктілер қызметі дәстүрге айналып келеді. Бұл жолы да елорда тұрғындарының сатып алған өнімдерін артып-тиеуге және тасымалдауға көмектескен 50-ден астам жас волонтер келді.Сондай-ақ, келушілердің назарына өңір әртістерінің қатысуымен концерттік бағдарлама ұсынылды. Айта кетейік, Ақмола облысы Қазақстанның агроөнеркәсіптік кешеніне тұрақты түрде елеулі үлес қосып, республика бойынша дәнді дақылдардың көп бөлігін қамтамасыз етеді. Биыл өңір 6,6 миллион тонна астық жинап, елдің астық орталығы мәртебесін тағы да дәлелдеді.Ақпарат көзі : https://www.gov.kz/memleket/entities/aqmola/press/news/details/871990

Өңірде ауыл шаруашылық өнімдерін өңдеуге бағытталған агроөнеркәсіптік жобалар қарқынды дамуда. Негізгі жобалардың бірі – 7 сүт-тауарлы ферма құру, олардың 2-уі қазірдің өзінде іске қосылды, деп хабарлады ішкі саясат басқармасы.Агросекторды дамытуға Ақкөл ауданы да өз үлесін қосуда. Мұнда мал шаруашылығын дамыту жөніндегі жол картасы аясында фермерлік шаруашылықтарды қолдауға бағытталған маңызды бастамалар іске асырылуда. Негізгі күш мал фермаларын құруға және сүт-тауарлы ферманы салуға бағытталған, бұл аймақтың аграрлық секторын едәуір нығайтады, деп мәлімдеді ішкі саясат басқармасы.Қазіргі уақытта ауданда 3 ірі сүт фермасы мен бір шаруа қожалығы жұмыс істейді. Сондай-ақ, ет өндіруге маманданған 12 ауыл шаруашылығы кәсіпорны бар, олар биыл тірідей салмақта 296,1 тонна ет өткізді.Биыл Қарасай ауылдық округінде екі ет бағытына арналған ферма ашылды. Екі шаруашылық өз қаражаттарына 75 бас ірі қара мал сатып алды, бұл аймақта ет бағытының табысты дамып жатқанын көрсетеді.Тағы бір маңызды жоба – Еңбек ауылдық округінде сүт-тауарлы ферма салу. Жоба 816 бас ірі қара мал ұстауға арналған. Инженерлік желілер тарту, электрмен жабдықтау және кәріз орнату жұмыстары аяқталды. Бұл жобаның басты ерекшелігі – озық технологияларды енгізу: қожалықтың қаржысына көң шығару жүйесі салынды. Фермада қалдықтарды өңдеуге және кәдеге жаратуға арналған биокомплекс орнатылды, бұл кәсіпорынның экологиялық тұрғыдан таза жұмысын қамтамасыз етеді.Жазда фермаға Даниядан әкелінген голштин қара-ала тұқымды ірі қараның алғашқы партиясы – 272 бас жеткізілді. Бұл сиырлар жоғары сүт өнімділігімен танымал, бұл сүт өндірісінің көлемін айтарлықтай арттыруға мүмкіндік береді. Биылғы жылдың төртінші тоқсанында ірі қараның екінші партиясы жеткізіледі деп күтілуде. Ферма жұмысының тиімділігін қамтамасыз ету үшін неміс өндірісінің жоғары технологиялық жабдығы да сатып алынды.«Сүт-тауарлы ферманы салу жобасы «Ауыл аманаты» бағдарламасы аясында жүзеге асырылуда, бұл бағдарлама шеңберінде кәсіпорын несие алды. Қаражат қажетті жабдық сатып алуға және мал санын 816 басқа дейін арттыруға жұмсалады. Жоба мемлекеттік сараптамадан өтті және қазіргі заманғы көң шығару жүйесін енгізу үшін түзетілді», - деп хабарлады аудан әкімдігі.Айта кетейік, жобаны толық іске асыру келесі жылға жоспарланған, бұл өңірдегі сүт өнімінің көлемін едәуір арттыруға және жаңа жұмыс орындарын құруға мүмкіндік береді.Ақпарат көзі : https://www.gov.kz/memleket/entities/aqmola/press/news/details/872490

Ақмола облысының Шортанды ауданында жаңа су құбырының құрылысы аяқталуда. Ауыл тұрғындары 1971 жылдан бері пайдаланылып келе жатқан төрт жер асты бұрғыларынан таза ауыз су алған. Алайда, ұзақ мерзімді пайдалану мен тұрғындар санының өсуіне байланысты жер асты суының қоры сарқыла бастады. Бұл су тапшылығы мәселесінің туындауына алып келді. Мәселені шешу үшін Егемен ауылына жақын орналасқан жер асты суының кен орнынан су құбырын салу туралы шешім қабылданды.Ақмола облысының әкімі Марат Ахметжанов ауданға жұмыс сапары аясында нысанның құрылысымен танысты. Құрылыс жұмыстары осы жылдың шілде айында басталды, мердігер - «Универсалстройсервис» ЖШС. Бүгінгі таңда 18 шақырым су құбыры тартылды, бетон резервуары салынды, екі эксплуатациялық бұрғылау жүргізілді, 2-ші сорғы станциясында ішкі ауыз су желілері ұйымдастырылды, тазарту станциясының блок-модульдері, 1-ші және 2-ші сорғы станциялары мен күшейткіш станция жеткізілді. Сорғы станцияларының электрмен жабдықтау желілерінің монтажы аяқталды.«Құрылыс жұмыстары желтоқсан айының ортасында аяқталады, барлық шаралар жоспар бойынша жүргізілуде. Қосымша су құбырының тармағы шортандылықтарды су қорымен қамтамасыз етеді», - деп атап өтті аудан әкімінің орынбасары Асқар Махфуз.Аймақ басшысы облыс әкімдігі өкілдеріне жұмыстардың сапасы мен мерзімдерін бақылауды тапсырды. Ақпарат көзі : https://www.gov.kz/memleket/entities/aqmola/press/news/details/872876

Ақмола облысы еліміздегі жетекші индустриалды-аграрлық өңірлерінің бірі саналады. Бүгінгі таңда бұл саланың үлесі жалпы аймақтық өнімнің үштен бірін құрайды. Тоғыз айдың қорытындысы бойынша өңірдегі өндіріс көлемінде жоғары нәтижелерге қол жеткізілді. Бұл туралы облыстық кәсіпкерлік және өнеркәсіп басқармасының басшысы Ербол Оспанов брифингте мәлім етті, деп хабарлайды Өңірлік коммуникациялар қызметінен.Облыстың негізгі салалары-металлургия, машина жасау және тамақ өнеркәсібі. Мысалы, мұнда елдің барлық тракторларының жартысына жуығы және астық жинайтын комбайндардың, мойынтіректер мен кірпіштердің көп бөлігі өндіріледі. Тамақ өнеркәсібінде май, сүт және ұн өндірісі өсті, бұл аймақтың азық-түлік қауіпсіздігін қамтамасыз етуде үлесі зор екенін көрсетеді.«Ақмола облысы инвесторлар үшін тартымды. Тоғыз айдың ішінде өңірге үлкен көлемде инвестиция тартылды. Бұл қаражат негізгі салаларды – агроөнеркәсіп кешенін, өнеркәсіп пен туризмді қамтитын 198 жобаны іске асыруға жұмсалады. Қазіргі уақытта өңірде 64 жоба аяқталды, оның ішінде Көкшетауда дәнді дақылдарды өңдеуге арналған кешен және Целиноград ауданындағы ірі сүт-тауар фермасының құрылысы бар. Жаңартылатын энергия саласында да перспективалы жобалар жүргізіліп жатыр, соның бірі – Аршалы ауданындағы жел электр станциясы», - деді облыстық кәсіпкерлік және өнеркәсіп басқармасының басшысы.Жыл соңына дейін 134 жаңа жобаны аяқтау жоспарланған. Оның ішінде жарма өндіру зауыты, электролиттік марганец өндірісі, металл бұйымдары өндірісін жаңғырту және ауыл шаруашылығы техникасын шығару кәсіпорындарын кеңейту. Мұның бәрі қосымша жұмыс орындарын құруға және өңірдің позициясын нығайтуға мүмкіндік береді.Бұдан басқа, Аршалы ауданында «Aqmola» индустриялық аймағының инфрақұрылымын құру тәрізді бәсекеге қабілеттілігі жоғары және экспорттық әлеуеті бар инвестициялық жобаларды жүзеге асыру жоспарланып отыр.«Ақмола облысында инвестицияларды тарту үшін «Aqmola Invest» инвестицияларды дамыту орталығы жұмыс істейді, онда инвесторлар «бір терезе» қағидаты бойынша толық сүйемелдеу алады. Жыл басынан бері ғана орталықта Қазақстан мен шетелден, соның ішінде Венгрия, Қытай, Ресей, Иордания және Түркиядан келген 35 компаниямен келіссөздер жүргізілді. Локомотив-құрылыс зауытын, биогаз станцияларын және дрон шығаратын зауытты салу жөніндегі жобаларды қоса алғанда, бірқатар келісімдерге қол қойылды», - деп толықтырды басқарма басшысы.Таяу жылдары Ақмола облысы инвестиция тартуға және жаңа жұмыс орындарын құруға бағытталған ірі жобаларды жүзеге асыру жұмыстарын жалғастыра береді. Жоспарда-34 жобаны іске қосу, бұл қосымша 3 мыңға жуық жұмыс орнын құруға мүмкіндік береді.Ақпарат көзі : https://www.gov.kz/memleket/entities/aqmola/press/news/details/873175

Ақмола облысында бизнесті жүргізуге қолайлы жағдай жасау және әкімшілік кедергілерді азайту үшін жұмыстар жүргізіліп жатыр. Биылғы жылы Бірыңғай кешенді бағдарлама аясында мемлекет шағын және орта бизнеске несие берудің тиімді шарттарын, гранттар мен инфрақұрылымды дамытуды ұсына отырып, көмек көрсетеді. Бұл туралы облыстық кәсіпкерлік және өнеркәсіп басқармасының басшысы Ербол Оспанов брифингте мәлім етті, деп хабарлайды Өңірлік коммуникациялар қызметінен.Жыл басынан бері бірыңғай кешенді бағдарламаның арқасында 644 жоба қолдау тапты, бұл саланың одан әрі дамуына қуатты серпін берді.«Мемлекеттік қолдау облыстағы кәсіпкерліктің дамуына оң әсер етеді. Биылғы жылы шағын және орта кәсіпкерлік саны 0,7% - ға өсіп, 59,1 мыңға жетті. Онда 145 мыңнан астам адам жұмыс істейді және оның санын артып келеді. Шағын және орта бизнес секторы өндірген өнім көлемі өткен жылғы көрсеткіштен 14% - ға жоғары. Жалпы өңірлік өнімдегі шағын және орта бизнес үлесі 30,8% - ға дейін өсті, бұл өңірдің экономикасындағы шағын және орта бизнестің маңыздылығын көрсетеді», - деді облыстық кәсіпкерлік және өнеркәсіп басқармасының басшысы Ербол Оспанов.Өңірде әлеуметтік кәсіпкерлік дамуда. Мәселен, қазірдің өзінде 50 субъект әлеуметтік кәсіпкерлік тізіліміне енгізіліп, қосымша жеңілдіктер алды. Мұндай компаниялар үшін салықтық жеңілдіктер, гранттар, серіктес табуға көмек және басқа да қолдау шаралары бар. Мысалы, кәсіпкерлердің бірі 56 млн теңге сомасына субсидиялар мен кепілдіктер алды, ал тағы біреуіне үй-жайды жалға алудың жеңілдікті шарттары берілді.Қиындықтар да болды, оның ішінде осы жылдың көктемінде су тасқыны 28 шағын және орта кәсіпкерліктерге зиян келтірді. Зардап шеккен компанияларға көмектесу үшін арнайы комиссия құрылды, ол жалпы сомасы 127,5 млн теңгеге өтемақы туралы шешім қабылдады. Өтінімдердің көпшілігі мақұлданды және төлемдерді кәсіпкерлер алды.Сонымен қатар, жыл басынан бері аймақта ішкі сауда көлемінің өсуі байқалды. Дегенмен, инфляция деңгейі маңызды мәселе болып қала береді.«Бағаның өсуін тежеу үшін өндірушілермен және дүкендермен мыңнан астам шарттар жасалды, сондай-ақ төмендетілген бағамен тауарлармен 323 жәрмеңке ұйымдастырылды. Бағаны тұрақтандыруға бюджет бөлінді, ал жаңа өніммен өңір қыста және көктемде халықтың жеткізілімінде үзіліс болмауы үшін көкөністердің үлкен көлеміне келісімшарт жасады», - деп түйіндеді басқарма басшысы.Ақпарат көзі : https://www.gov.kz/memleket/entities/aqmola/press/news/details/873185

«Инклюзивті білім беруді қолдау ресурстық кабинеттерінің желісін кеңейту» 2020-2025 ж. бағдарламасын іске асыру аясында ағымдағы жылдың 23 қазанда Республика күніне орай Астрахан ауданы Жалтыр ауылының №1 және Егіндікөл ауданы Егіндікөл ауылының №1 жалпы орта білім беретін мектептерінде инклюзивті білім беруді қолдау кабинеттері ашылды.Аталған іс-шараға Ақмола облысында инклюзивті білім беруді дамыту жөніндегі үйлестіру кеңесінің төрағасы Марат Ибраев, Астрахан ауданы әкімі аппаратының басшысы Балтабек Алтаев, ата-аналар, мұғалімдер қатысты.Кабинеттер барлық қажетті оқу құралдарымен және жабдықтармен жабдықталған.«Ресурстық кабинет – бұл мектептегі қосымша үй-жай, онда оқушылар негізгі оқу үдерісінен шықпай-ақ өздерінің ерекше жалпы білім беру қажеттіліктеріне сәйкес көмек алады. Оның жұмыс істеуі жеке бағдарламалар негізінде ерекше білім беру қажеттіліктері бар оқушыларды бейімдеу, оқыту және бұзушылықтарды түзету үшін арнайы жағдайлар жасауды көздейді. Заманауи және жабдықталған инклюзия кабинеті ерекше білім беру қажеттіліктері бар балаларға кешенді психологиялық-педагогикалық көмек көрсетуге ықпал ететін болады»,-деп айтты Астрахан ауданы білім бөлімінің басшысы Полина Барахоева.Айта кетейік, бүгінгі таңда облыста инклюзивті білім беруді қолдаудың 70-тен артық ресурстық кабинеті жұмыс істейді, оларға 1000-нан астам бала барады. Ақпарат көзі : https://www.gov.kz/memleket/entities/aqmola/press/news/details/873722

Kazakhstan Machinery Fair 2025: Стендтерді брондау басталды2025 жылдың 23-25 сәуірінде 6-шы Халықаралық мамандандырылған көрме — Kazakhstan Machinery Fair 2025 өтеді. Kazakhstan Machinery Fair машина жасау саласының мамандары үшін маңызды кездесулер алаңы болып, Қазақстан мен Орталық Азияның кәсіпқойлары үшін маңызды оқиғаға айналды.Негізгі бөлімдерМашина жасау және технологияларӨнеркәсіптік жабдықтарЛогистика және транспортАвтоматтандыру және робототехникаӨндірісті басқару жүйелеріБіз машиналар мен жабдықтар, автоматтандыру жүйелері, өндірісті басқару технологиялары және металл өңдеу мамандарының жаңа өнімдері мен шешімдерін көрсету үшін өндірушілер мен жеткізушілерді шақырамыз.Көрмеге 18 елден 200-ден астам қатысушы, 7262 шаршы метр алаңда, 30-дан астам спикер және 3087 кәсіби келуші қатысады. Саланың негізгі ойыншылары мен көшбасшыларын күту, бұл көрмені өз өнімдеріңізді көрсету және іскерлік байланыстар орнату үшін ерекше мүмкіндік етеді. 2024 жылы қатысушылар арасында “Welding Company”, “Промет” және “Вираж” сияқты компаниялар болды.Қатысушыларға арналған мүмкіндіктерИнновациялық шешімдер мен технологияларды көрсетуНегізгі серіктестер мен клиенттермен іскерлік байланыстар орнатуСала мамандарымен білім және тәжірибе алмасуАктуалды тенденциялар мен даму перспективаларын талқылауКүтілетін келушілер арасында өндірістік және инжинирингтік компаниялардың, жабдық жеткізушілердің, инженерлер мен технологтардың, инвесторлар мен сатып алу мамандарының өкілдері бар.Іскерлік бағдарламаКөрменің маңызды оқиғасы — XII Қазақстан машина жасаушылары форумы, ол мыңнан астам машина жасау кәсіпорындарының басшылары мен өкілдерін, мемлекеттік органдар, бизнес-ассоциациялар және ірі тұтынушыларды жинайды.Көрме аясында 40-тан астам іс-шара өтеді, оның ішінде:«Машина жасаудағы инновациялар: саланың болашағы» конференциясы«Өндірісті автоматтандыру және цифрландыру» дөңгелек үстеліТәжірибелік сабақтар мен семинарларЖаңа технологиялар мен жабдықтарды таныстыруӨтетін орныКөрме МВЦ «EXPO»-да, өңірдің ең заманауи көрме орталықтарының бірі, халықаралық деңгейдегі іс-шараларды өткізу үшін барлық қажетті жағдайларды қамтамасыз етеді.Kazakhstan Machinery Fair 2025 көрмесінің ұйымдастырушысы — 19 жылдық тәжірибесі бар Astana Expo компаниясы, сондай-ақ Қазақстан Республикасының Индустрия және инфрақұрылымдық даму министрлігі, Қазақстан машина жасаушылар одағы.Бұл сіздің шешімдеріңізді көрсету және іскерлік байланыстар орнату үшін тамаша платформа. Қатысуға өтініш беріңіз және машина жасау саласындағы маңызды оқиғаға қатысыңыз.Стендпен қатысу:Нуржан ТуремуратовКөрме жетекшісіТел: +7 7172 64 23 23 (вн. 230)Эл. почта: nt@astana-expo.comМаркетинг және медиа-серіктестік:Маржан ТалапМаркетинг және PR менеджеріТел: +7 7172 64 23 23 (вн. 208)Эл. почта: mt@astana-expo.comАқпарат көзі : https://www.gov.kz/memleket/entities/mps/press/news/details/872843

Астанада «Субконтракт биржасы-2024» атты ауқымды бизнес-іс-шарасы өтеді. Шараға ірі жер қойнауын пайдаланушылар, жүйе құраушы кәсіпорындар, отандық тауар өндірушілер, ұлттық компаниялар, сондай-ақ мемлекеттік органдар мен мүдделі ұйымдардың өкілдері қатысады.Биржаның ұйымдастырушысы - «QazIndustry» Қазақстандық индустрия және экспорт орталығы.Іс-шараның мақсаты жаңа нарықтарды іздеуге, отандық өнімнің бәсекеге қабілеттілігін арттыруға және B2B байланыстарды қалыптастыруға ықпал ету мақсатында тапсырыс берушілер мен жеткізушілер арасындағы тікелей келіссөздер жүргізу алаңдарын ұсыну болып табылады. Биржа аясында тапсырыс берушілер мен жергілікті өндірушілер арасында ұзақ мерзімді шарттар мен офтейк-келісімшарттарға қол қою жоспарлануда.«Субконтракт биржасы-2024» іс-шарасы 2024 жылдың 20 қарашасында сағат 09.30-да Астана қаласында, Hilton Garden Inn Astana қонақ үйінің (Кабанбай батыр даңғылы, 15) «Garden» мәжіліс залында өтеді.Барлық сұрақтар бойынша +7 (7172) 79 33 90 (ішкі. 4102 Баян; 4103 Динара) хабарласуға болады. Ақпарат көзі : https://www.gov.kz/memleket/entities/mps/press/news/details/873246

Кәсіпорындарды жаңғырту, машина жасаудағы жобаларды қосымша қаржыландыруды және сыртқы нарықтарға жеткізуді арттыру жөнінде тапсырмалар берілді.Премьер-Министр Олжас Бектеновтің төрағалығымен өткен Үкімет отырысында ашина жасау саласын дамыту мәселесіі қаралды. Өнеркәсіп және құрылыс министрі Қанат Шарлапаев саладағы жағдай туралы баяндап, салалық қауымдастықтар өкілдері – Қазақстан машина жасаушылар одағының төрағасы Мейрам Пішембаев және Өнеркәсіптік инвесторлар одағының президенті Қайрат Еламанов, сондай-ақ Қазақстанның автокөлік одағы президенті Анар Мақашева баяндама жасады. 2023 жылдың қорытындысы бойынша ЖІӨ құрылымындағы машина жасау үлесі 1,9%-ға жетті. Өндіріс көлемінің артуы, инвестиция тартуда оң серпін байқалады. Биылғы 9 айда қазақстандық жобаларға шамамен 108,2 млрд теңге салынды, бұл өткен жылдың сәйкес кезеңі көлемінен 2,2 есеге артық.Саладағы өзекті мәселелердің бірі – жабдықты жаңғырту. Премьер-министр машина жасауда техниканың тозуы 40%-ға жуықтайтынын атап өтті. Тек теміржол саласында 2030 жылға дейін елімізде тозығы жеткен 800-ден астам жолаушылар вагоны пайдаланудан шығарылады деп күтілуде. Қазақстанның өнеркәсіптік инвесторлар одағы деректері бойынша ауыл шаруашылығы техникасының шамамен 76%-ы жаңартуды қажет етеді.Олжас Бектенов Президенттің экономиканы әртараптандыру жөніндегі алға қойған мақсаттарына қол жеткізу үшін отандық машина жасау әлеуетін белсенді түрде пайдаланып, жаңа технологияларды енгізу қажеттігін баса айтты.«Мемлекет басшысы экономиканы әртараптандыру ісінің негізгі өзегі – индустрияландыру екенін атап көрсетті. Өңдеу секторын, бірінші кезекте машина жасау саласын серпінді дамыту өзімізді экономикалық жағынан толық қамтамасыз ете алатын жағдайға жетуде қозғаушы күш болуы қажет. Мемлекет отандық өндірушілерді белсенді қолдайды. Біздің алдымызда локализациялау үлесі жоғары өндіріс циклін құру міндеті тұр. Бұл ретте, жұмыс тиімдіЛігін арттыру үшін өндірісті дер кезінде жаңғыртып отыру маңызды», — деп атап өтті Премьер-министр.Өндірістік процестерді роботтандыру мен автоматтандырудың жаһандық үрдістеріне сәйкес кәсіпорындарда цифрлық технологияларды енгізу қажеттілігі атап өтілді.Бүгінде автомобиль өнеркәсібінде кластерлік өндірісті қалыптастыру бойынша жұмыстар жүргізілуде. Бұл тәсіл еншілес салалардың дамуын ынталандырады, бүкіл сектор үшін жаңа мүмкіндіктер мен перспективалар ашады.Мұнай-газ машина жасау саласында 50-ге жуық кәсіпорын жұмыс істейді. Өндіріс көлемі $160 млн-ға жетеді, ал импорт көлемі $1,6 млрд-тан асады. Премьер-министр он есе айырмашылыққа және алшақтықты төмендету қажеттігіне назар аударды.Жаңадан отандық өндірістерді құруға жәрдемдесу үшін Халықаралық мұнай-газ машинасын жасау орталығы құрылды. Honeywell, PetrolValves, Wika сияқты халықаралық компаниялардың өнімдерін локализациялау жобалары сәтті жүзеге асырылды. Олжас бектенов халықаралық операторлардың қазақстандық кәсіпорындармен ұзақмерзімді шарттар жасасуға кепілдік беру жөніндегі орталықтың өкілеттіктерін кеңейту қажеттігін атап өтті.Премьер-министр Өнеркәсіп және құрылыс, Қаржы, Ұлттық экономика министрліктеріне, «Бәйтерек» холдингіне мақұлданған қаржы-экономикалық негіздемеЛер шеңберінде машина жасаудағы жобаларды қосымша қаржыландыруды тапсырды. Олжас Бектенов машина жасау кәсіпорындары өндірісті жаңғыртып, тауарлардың жаңа түрлерін шығару үшін жеңілдікті несиелермен қамтамасыз етілуге тиіс екенін атап өтті.Сондай-ақ Өнеркәсіп және құрылыс министрлігі автомобиль жасау саласындағы жобаларды тұрақты бақылауда ұстап, туындаған мәселелерді жедел шешіп, экспортты кеңейтуі қажет.Ақпарат көзі : https://www.gov.kz/memleket/entities/mps/press/news/details/873271

2024 жылдың 29 қазанында Қазақстан Үкіметінің отырысында Қанат Шарлапаев елдің машина жасау саласын дамыту стратегиясын ұсынды. Ол өз сөзінде қазақстандық өнімнің әлемдік нарықтағы бәсекеге қабілеттілігін арттырудың негізгі аспектілерін, инновациялар мен цифрландырудың маңыздылығын, шетелдік инвесторларды тарту және өндірісті жергілікті деңгейде дамытуды атап өтті.Саланың дамуының негізгі бағыттарыИнституционалдық қолдау: Машина жасау саласы 2021 жылы қабылданған “Өнеркәсіптік саясат туралы” Заңға және 2024–2028 жылдарға арналған кешенді жоспарға сәйкес дамып келеді. Негізгі міндеттер: бәсекеге қабілеттілікті арттыру, қаржыландыруға қолжетімділік, технологияларды енгізу, кадрларды дамыту, жергілікті үлесті арттыру және экспортты қолдау. Мақсат — 2028 жылға қарай өндіріс көлемін екі есе ұлғайту.Машина жасау өңдеуші өнеркәсіптің 20% құрайды және айтарлықтай мультипликативтік әсер береді: саладағы бір жұмыс орны ілеспе салаларда 7–8 орынға дейін құрайды. 2024 жылдың 9 айында инвестиция көлемі 124 млрд теңгеге жетіп, екі есе өсті.Машина жасаудың негізгі секторларыАвтомобиль жасау: CHANGAN, HAVAL, KIA және Geely маркаларымен ірі жобалар іске асуда. 2025 жылға қарай жылына 90 мың автомобиль шығару жоспарлануда. Өндірісті жергілікті деңгейде тереңдетуге ерекше назар аударылып, автокресло мен мультимедиялық жүйелер шығару қолға алынбақ.Теміржол машина жасауы: Локомотивтер, жүк және жолаушылар вагондарын шығару жолға қойылған. 2025 жылы қуаттылығы жылына 100 вагонды құрайтын “Штадлер Қазақстан” жолаушылар вагондарын шығару өндірісі іске қосылмақ. Вагондар паркін жаңғырту жоспарланып отыр, себебі тозу деңгейі 55%-ға жетіп отыр.Ауыл шаруашылығы машина жасауы: Соңғы 5 жылда өндіріс көлемі 4 есеге өсті. Amazone және Zoomlion секілді ірі инвесторлар тартылып, қосалқы бөлшектер өндірісі дамуда. Қостанайдағы локализация орталығы инфрақұрылымды дамытуға ықпал етуде.Электротехникалық машина жасау: Өнім экспорты (трансформаторлар, аккумуляторлар) өсіп келеді. Салаға қолдау көрсету үшін мемлекеттік сатып алуларды және шикізатқа қолжетімділікті қамтитын шаралар енгізілді. Энергоүнемді трансформаторлар мен өнеркәсіптік аккумуляторлар өндіру бойынша жұмыстар жүргізілуде.Мұнай-газ және тау-кен металлургиялық машина жасау: Өндіріс көлемінің өсімі сәйкесінше 35% және 15% құрайды. Салада ұзақ мерзімді келісімшарттарды қолдау үшін заңнаманы өзгерту жұмыстары жүргізілуде және перспективалы технологияларды енгізу мақсатында халықаралық инвесторлар тартылуда.Кластерлік дамуЭкибастұз бен Сараньдағы кластерлер экономиканың әртараптандыруының және жаңа жұмыс орындарын құрудың сәтті үлгісін көрсетіп отыр. Кластерлік әдісті басқа секторларға кеңейту жоспарланып отыр.Саланы одан әрі дамыту үшін ұзақ мерзімді келісімшарттар арқылы қолдауды күшейту, қаржыландыруға қолжетімділікті жақсарту (600 млрд теңге қажеттілігі бар) және инновацияларды қолдау маңызды.Ақпарат көзі : https://www.gov.kz/memleket/entities/mps/press/news/details/873275

ҚР Парламенті Мәжілісінің депутаттары қазіргі таңда үлескерлердің қаражатын заңсыз тартудың алдын алуға бағытталған заң жобасын қарастыруда.Қазақстанда үлестік құрылысқа қатысушылар үшін шарттарды жақсарту және үлескерлердің құқықтарын қорғау мақсатында «ҚР кейбір заңнамалық актілеріне құрылыс саласын жетілдіру және тұрғын үй құрылысына үлестік қатысу мәселелері бойынша өзгерістер мен толықтырулар енгізу туралы» заң жобасы бойынша жұмыс жалғасуда. Бастама 2022 жылғы 26 қыркүйекте ҚР Парламенті Мәжілісінің депутаттарымен ұсынылды және үлестік құрылыс процестерінің ашықтығы мен заңдылығын арттыруға бағытталған.Заң жобасы үлескерлердің қаражатын заңсыз тартудың алдын алуға бағытталған шараларды қамтиды. Осы жоба шеңберінде келесідей өзгерістер енгізу жоспарланған:Үлескерлердің қаражатын тартуға рұқсат алмай алдын ала брондау және жарнама шарттарын жасасуға тыйым салу;«Тұрғын үй құрылысына үлестік қатысу туралы «заңды реттеу саласына» аз қабатты құрылыс» ұғымдарын енгізу;Құрылыс мерзімдерін жобалық құжаттамада белгіленген мерзімнен 5 айға дейін барынша ұзартуды қысқарту;Үлескерлерді қолдау орталығының жұмыс істеуі, онда қатысушылар үлестік заңнама мәселелері бойынша консультациялар ала алады;Үлескерлердің қаражатын тартуға рұқсатсыз немесе бірыңғай оператордың кепілдігінсіз ипотека беруге тыйым салу.Осы түзетулерді іске асыру үлескерлердің құқықтары мен мүдделерін қорғауға, құрылыс нарығының барлық қатысушыларының теңдігін қамтамасыз етуге және үлестік қатысу саласындағы мемлекеттік бақылауды күшейтуге бағытталған. Бұл халықтың сенімін арттыратын және құрылыс саласындағы инвестициялық ахуалды жақсартатын қауіпсіз және ашық үлестік құрылыс жүйесін қалыптастыру үшін маңызды қадам.Қазіргі уақытта жұмыс тобының 7 отырысы өткізілді, онда мемлекеттік органдар мен жұртшылық өкілдерінің қатысуымен осы шаралар талқыланды. Ақпарат көзі : https://www.gov.kz/memleket/entities/mps/press/news/details/873668