2024 жылы зейнеткерлік жасқа дейінгі адамдарды жұмыспен қамтуға жәрдемдесу жөніндегі «Күміс жас» жобасын іске асыру шеңберінде 19 199 адам жұмысқа орналастырылды.Жұмысқа орналасқандардың ең көп саны Түркістан (2 441 адам), Жамбыл (1 845 адам) және Қарағанды (1 471 адам) облыстарында байқалады.Жобаға қатысатын әйелдердің үлесі 55,2% немесе 10,6 мың адамды, ауыл тұрғындарының үлесі – 11,3 мың адамды немесе 59,1% құрайды.Бұл жобаға 50 жастан асқан жұмыссыз адамдар зейнеткерлік жасқа толғанға дейін қатыса алады. Жобаға қатысу үшін мансап орталығына өтініш беру қажет.«Күміс жас» жобасын қаржыландыруды еңбек мобильділігі орталығы жұмыс берушінің жоба шеңберінде жұмысқа орналастырылған жұмыссыздарға еңбекақы төлеуге жұмсаған шығындарының бір бөлігін өтеуге субсидиялар беру жолымен жүзеге асырады.Субсидиялар мөлшері жұмыстың алғашқы жылында жалақы мөлшерінің 70% (бірақ 30 АЕК-тен аспайтын), жұмыстың екінші жылында жалақы мөлшерінің 65% (бірақ 30 АЕК-тен аспайтын), жұмыстың үшінші жылында жалақы мөлшерінің 60% (бірақ 30 АЕК-тен аспайтын) құрайды.«Күміс жас» жобасына қатысу мерзімі аяқталғаннан кейін жұмыс беруші зейнеткерлік жасқа толмаған адамды кемінде 1 жыл мерзімге тұрақты жұмыс орнына, сондай-ақ зейнеталды жасқа дейінгі адамды зейнетке шыққанға дейін жұмысқа орналастыруға міндетті.Көптеген қазақстандықтар жоба туралы оң пікір білдіруде.«Мен «Күміс жас» жобасы бойынша «Зерде» дәріханасына жұмысқа орналастым. Жұмыс айтарлықтай ауыр емес, еңбекақымызды уақтылы алып жатырмыз. Қазіргі кезде біз сияқты 50 жастан асқан адамдарға жұмыс табу оңай емес. Осындай жобалардың арқасында көптеген азаматтар «екі қолға бір күрек» табуда», – деп, Түркістан облысының тұрғыны Зейнекүл Бүркітбай өз ойымен бөлісті.Ақпарат көзі : https://www.gov.kz/memleket/entities/enbek/press/news/details/935942

Қостанай облысы Жітіқара ауданының прокуратурасы шекара қызметімен бірлесіп, Аққарға ауылының маңындағы Оңтүстік Тоқтаров кен орнында тіркеусіз және рұқсатсыз бағалы металдарды іздеумен және өндірумен айналысатын ауданның екі тұрғынын анықтады.Құқық бұзушыларға қатысты әкімшілік істер қозғалды, олар сотқа жіберілді. Сот заң бұзушыларды кінәлі деп тауып, әрқайсысына 55 380 теңге көлемінде айыппұл салды, сондай-ақ мемлекет пайдасына жалпы құны 5 миллион теңгеден асатын екі металл іздегішті тәркіледі.Заңсыз құрылыс - бұл экологиялық тепе-теңдіктің бұзылуына әкелуі мүмкін үлкен бұзушылық, сондықтан заңдар мен тәртіпті сақтау экологияны сақтауға және табиғаттағы тепе-теңдікті сақтауға бағытталған маңызды қадам болып табылады.Дереккөзге сілтеме: https://www.gov.kz/memleket/entities/prokuratura-kostanay/press/news/details/935289?lang=kk Ақпарат көзі : https://www.gov.kz/memleket/entities/kostanay/press/news/details/936142

Астана, 2025 жылғы 12 ақпан – Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Астанаға ресми сапармен келген Тәжікстан Республикасының Сыртқы істер министрі Сироджиддин Мухриддинмен келіссөздер өткізді.Кездесу барысында екіжақты ынтымақтастықтың кең ауқымды мәселелері талқыланды, атап айтқанда екі ел арасындағы саяси, экономикалық, су-энергетикалық, транзит-көліктік және мәдени-гуманитарлық өзара іс-қимылдың басым бағыттары қаралды.Тараптар достық пен өзара құрмет рухында стратегиялық серіктестік пен одақтастықты одан әрі нығайтуға өзара бейілділігін атап өтті.Сыртқы саяси ведомстволардың басшылары 2023-2024 жылдары Қазақстан Президенті Қасым-Жомарт Тоқаевтың Душанбеге және Тәжікстан Президенті Эмомали Рахмонның Астанаға жасаған өзара мемлекеттік сапарлары шеңберінде қол жеткізілген уағдаластықтардың практикалық іске асырылу барысын егжей-тегжейлі қарастырды.Сауда-экономикалық ынтымақтастықты одан әрі кеңейтуге ерекше назар аударылды. Қазақстан көптеген жылдар бойы Тәжікстанның ірі сауда серіктестерінің «үштігіне» кіреді. Қабылданған шаралардың арқасында өткен жылы өзара сауда көлемі 7,4%-ға өсіп, 1,2 млрд АҚШ долларды құрады. Тараптар тауар айналымын 2 млрд долларға дейін жеткізу жөніндегі мемлекет басшылары қойған мақсатқа қол жеткізу үшін келісілген шаралар қабылдауға келісті.Ауыл шаруашылығы саласындағы өзара тиімді ынтымақтастықты жандандыру қажеттілігі аталып өтті, оның үлесі екі елдің жалпы тауар айналымының 40%-дан астамын құрайды. Қазақстан дәстүрлі өнімдер – бидай, ұн және кондитерлік өнімдердің экспортын өзара тиімді түрде арттыруға дайын. Үшінші елдерге одан әрі экспорттау үшін жеміс-көкөніс өнімдерін қайта өңдеу бойынша бірлескен кәсіпорындар құру да перспективалы бағыт екені айтылды.«Тәжікстан – еліміз үшін Орталық Азиядағы стратегиялық серіктесіміз және нағыз сенімді одақтас. Өткен жылы биік деңгейде қол қойылған Одақтастық қатынастар туралы шарт тарихи қадам екені сөзсіз», – деп мәлімдеді М.Нутрлеу.Өз кезегінде тәжік министрі елдер арасындағы өзара қарым-қатынастың осындай жоғары деңгейіне мемлекет басшылары арасындағы сенімді әрі достық диалогтың арқасында қол жеткізілгенін атап өтті. «Біз Қазақстанмен қарым-қатынасты жоғары бағалаймыз және сауда-экономикалық трекке үлкен мән береміз, оны практикалық мазмұнмен толтыру қажет», – деді С.Мухриддин.Сондай-ақ ғарыштық және IT-технологияларды игеру, жасанды интеллект пен цифрландыруды дамыту салаларындағы өзара іс-қимыл перспективалары қарастырылды. Атап айтқанда, екі елдің мамандары Тәжікстан серверлерінде «Интернет-ресурстардың бірыңғай платформасы» және «SmartBridge» жүйелерінің негізгі компоненттерін сәтті орналастырды. Осы бастамаларды іске асыру үшін қазіргі уақытта 100-ден астам тәжік мамандары «Astana-Hub-та» тегін оқудан өтіп жатыр.Мәдени-гуманитарлық ынтымақтастықтың мазмұнды күн тәртібі аталып өтті. Мемлекет басшыларының тапсырмасына сәйкес соңғы екі жылда Қазақстан мен Тәжікстанның ауқымды мәдениет күндері өтті, олар екі мемлекеттің қоғамдық топтары арасында оң пікірлер тапты. Душанбеде Абайдың бюсті, сондай-ақ Астанада ибн Сина мен Рудаки ескерткіштері орнатылды. Жоғары білім беру саласында бірлескен жобалар табысты іске асырылуда. Атап айтқанда, Л.Гумилев атындағы Еуразия ұлттық университетінің қатысуымен М.Осими атындағы Тәжік техникалық университетінде бірлескен ақпараттық технологиялар факультеті тиімді жұмыс істеуде.Кездесу барысында министрлер өңірлік және жаһандық күн тәртібіндегі өзекті мәселелер бойынша «сағаттарды теңестіріп», көпжақты құрылымдар шеңберінде одан әрі тығыз ынтымақтасуға, екі мемлекеттің халықаралық бастамаларын ілгерілету кезінде өзара қолдау көрсетуге бейілділігін растады.СІМ басшылары өңірлік кооперацияны одан әрі дамытудың, Орталық Азиядағы бейбітшілік пен тұрақтылықты нығайту жөніндегі бірлескен күш-жігердің, оның ішінде Орталық Азия мемлекеттері басшыларының консультативтік кездесулері, Халықаралық Аралды құтқарудың қоры, АӨСШК, ШЫҰ, ТМД, ҰҚШҰ және басқа да халықаралық алаңдардың шеңберінде өзара ықпалдасудың маңыздылығын атап өтті.Ресми сапар барысында Тәжікстан Республикасының Сыртқы істер министрі С.Мухриддин Қазақстан Республикасының Президенті Қасым-Жомарт Тоқаевтың қабылдауында да болды. Ақпарат көзі : https://www.gov.kz/memleket/entities/mfa/press/news/details/936453

Еңбек және халықты әлеуметтік қорғау министрлігі Цифрлық даму, инновациялар және аэроғарыш өнеркәсібі министрлігімен бірлесіп «Әрекетке қабілетсіз немесе әрекет қабілеті шектеулі кәмелетке толған адамдарға қорғаншылық немесе қамқоршылық белгілеу» және «Әрекетке қабілетсіз немесе әрекет қабілеті шектеулі кәмелетке толған адамның мүлкіне билік ету, шотына түскен зейнетақыларды, жәрдемақыларды, әлеуметтік төлемдерді алу бойынша және соттың шешімімен әрекетке қабілетсіз немесе әрекет қабілеті шектеулі деп танылған азаматтардың мүлкін иеліктен шығаруға рұқсат беру» мемлекеттік қызметтерін «Электрондық үкімет» порталы арқылы көрсетуді іске асырдыБұған дейін сот әрекетке қабілетсіз деп таныған кәмелетке толған адамдарға қорғаншылық немесе қамқоршылық белгілеуге, сондай-ақ қорғаншылықтағы немесе қамқорлықтағы адамдардың мүлкіне билік етуге рұқсат беру үшін құжаттарды қабылдау тек қағаз түрінде жүзеге асырылған болатын.Жоғарыда көрсетілген қызметтерді «Электрондық үкімет» порталы арқылы алу мүмкіндігі өтініштер мен құжаттарды қағаз жеткізгіште беру қажеттілігін болдырмайды, сонымен бірге қызмет көрсетудің бизнес-процестерін жеңілдетуге ықпал етеді, әрі көрсетілетін қызметті алушылардан дәйексіз деректерді ұсыну бойынша тәуекелдерді азайтататын болады. Бұл оларды көрсету үшін қажетті мәліметтер (цифрландырылған деректер болған жағдайда) мемлекеттік органдардың интеграцияланған ақпараттық жүйелерінен келіп түсетіндігіне байланысты болып отыр.Қорғаншылықты/қамқоршылықты белгілеуге не әрекетке қабілетсіз немесе әрекет қабілеті шектеулі адамның мүлкіне билік ету бойынша рұқсат беруге арналған өтініштерді қарау қорытындылары бойынша «Электрондық үкімет» порталында өтініш берушінің жеке кабинетіне көрсетілетін қызметті берушінің уәкілетті тұлғасының электрондық цифрлық қолтаңбасымен қол қойылған электрондық құжат нысанында тиісті бұйрық не болмаса дәлелді бас тарту түріндегі хабарлама жіберіледі.Ақпарат көзі : https://www.gov.kz/memleket/entities/enbek/press/news/details/935710

Құрметті қала тұрғындары мен БАҚ өкілдері!Сіздерді Қостанай қаласының әлеуметтік-экономикалық дамуына арналған жиынның тікелей эфиріне қосылуға шақырамыз. Жиында тұрғындардың өмір сапасын жақсартуға бағытталған негізгі жобалар, жоспарлар мен бастамалар қарастырылады.📅 Күні: 11 ақпан⏰ Уақыты: 11:30📍 Тікелей эфир сілтемесі: YouTube LiveМаңызды шешімдерден хабардар болыңыз және туған қалаңыздың дамуына үлес қосыңыз!Ақпарат көзі : https://www.gov.kz/memleket/entities/kostanay/press/news/details/935259

Қостанай облыстың экономикасында жетекші орын алып, өмір сүру сапасын арттыру бағытында қарқынды дамып келеді. Қалада тұрғын үй құрылысы, инфрақұрылымды жаңғырту, абаттандыру, көлік жүйесін дамыту және цифрландыру жұмыстары жүйелі түрде жүргізілуде.Экономикалық даму және жұмыспен қамтуҚостанай облыс өнеркәсібінің 57%-ын қамтамасыз ете отырып, өңір экономикасының көшбасшысы болып табылады. Мұнда облыстың шағын және орта бизнес субъектілерінің 50%-ы шоғырланған, бұл кәсіпкерліктің дамуына және жұмыспен қамтуға оң әсерін тигізуде.2024 жылдың қорытындысы бойынша 6,7 мың жаңа жұмыс орны ашылып, оның 88%-ы тұрақты жұмыс орны болды. Қаланың 2025 жылға арналған бюджеті 154,1 млрд теңгені құрап, өткен жылмен салыстырғанда 7%-ға артты. Бұл қаражат қалалық инфрақұрылымды одан әрі дамытуға, бизнесті қолдауға және әлеуметтік бағдарламаларды іске асыруға бағытталмақ.Тұрғын үй құрылысы және абаттандыру2024 жылы Қостанайда 332 мың шаршы метр тұрғын үй пайдалануға беріліп, 4 мыңнан астам отбасы жаңа баспанаға ие болды. Облыс бойынша салынған тұрғын үйлердің 67%-ы Қостанай қаласына тиесілі.Қаланың сәулеттік келбеті мен жайлылығына ерекше назар аударылуда. Жаңа аудандарда жолдардың кеңейтілуі мен автотұрақ орындарының көбеюі қарастырылуда. 2024 жылы 40 көпқабатты тұрғын үйдің қасбеттерін күрделі жөндеуден өткізу жоспарланған.Қоғамдық кеңістіктерді абаттандыру жұмыстары жалғасуда. Триатлон паркі, «Шағала» жағалауы, Орталық саябақ қайта жаңартылуда. Теміржол вокзалы, ауыл шаруашылығы институты (СХИ), Орталық стадион аумақтарында абаттандыру жұмыстары жүргізілуде. Сонымен қатар, Құнай шағын ауданында жаңа саябақ салынады.Инфрақұрылым және көлік жүйесі2024 жылы жол жөндеу жұмыстарына 6 млрд теңге бөлінді, бұл өткен жылмен салыстырғанда 30%-ға артық. Жалпы ұзындығы 40 шақырымды құрайтын 66 көше жөндеуден өтеді. Биыл Сьянов көшесінің қайта жаңғырту жұмыстары аяқталып, Нариманов, Фролов және Баймағамбетов көшелерін жөндеу жоспарланған.Қоғамдық көлікті жаңарту жұмыстары жалғасуда:• Соңғы жылдары 113 жаңа автобус сатып алынып, тағы 28 автобус лизингке алынды.• 71%-ы – 7 жылға дейінгі жаңа автобустар.• Барлық автобустар электрондық билеттеу және GPS-трекерлермен жабдықталған.• 82%-ында мүмкіндігі шектеулі азаматтар үшін пандустар орнатылған.Қала тұрғындары үшін көлік күту жағдайын жақсарту мақсатында 2023 жылы 26 жаңа аялдама павильоны, оның ішінде 11 жылы аялдама орнатылды. 2024 жылы тағы 35 жаңа аялдама, оның ішінде 3 жылы аялдама орнатылады.Әлеуметтік салаҚостанайда білім беру инфрақұрылымы кеңейіп келеді. Аэропорт және Береке шағын аудандарында 2 жаңа мектеп ашылды. 2024 жылдың соңына дейін тағы 2 мектеп ашылып, қосымша 1 880 оқу орны қамтамасыз етіледі.Соңғы екі жылда қалада 5 балабақша іске қосылып, мектепке дейінгі білім беру мекемелеріне қолжетімділік арта түсті.Дене шынықтыру және спорт саласында жаңа нысандар салынып жатыр. Юбилейный шағын ауданында жүгіру жолдары мен сквері бар спорттық-сауықтыру кешені ашылды. «Еңбек резервтері» спорт кешенінің күрделі жөндеу жұмыстары аяқталуға жақын. Сонымен қатар, аквапарк пен үстел теннисі орталығының құрылысы басталды. Мүмкіндігі шектеулі азаматтарға арналған дене шынықтыру-сауықтыру кешенін салу жобасы әзірленуде.ЦифрландыруИнтернетке қолжетімділікті кеңейту – басты басымдықтардың бірі. 2025 жылы Beeline Қазақстан компаниясымен бірлесіп, халық тығыз орналасқан аймақтарда 10 жаңа байланыс мұнарасы орнатылады. Бұл Береке, Юбилейный және жаңа тұрғын аудандарда мобильді байланыстың сапасын жақсартуға мүмкіндік береді.5G желісін дамыту жұмыстары жалғасуда. Қазіргі таңда Қостанайда 26 базалық станция іске қосылған, 2025 жылдың соңына дейін олардың саны 48-ге дейін артады.Даму келешегіҚостанайдың әлеуметтік-экономикалық дамуы жоспарлы түрде жүзеге асуда. Қаладағы экономикалық өсім, инфрақұрылымды жаңарту, жайлы қалалық орта қалыптастыру және цифрлық технологияларды енгізу бағытындағы жұмыстар жалғасын табады.Ақпарат көзі : https://www.gov.kz/memleket/entities/kostanay/press/news/details/935961

2024 жылдың қорытындысы бойынша ерікті қоныс аудару аясында жұмыс күшінің ұтқырлығын арттыру үшін жұмыс күші артық өңірлерден жұмыс күші тапшы өңірлерге 8 950 адам, оның ішінде 3 000 қандас және 5 950 қоныс аударушы көшіп келді. Барлық қоныс аударушыларға мемлекеттік қолдау шаралары көрсетілді.Қоныстандыру өңірлері бөлінісінде Павлодар облысына – 3 422 адам, Солтүстік Қазақстан облысына – 2 547 адам, Қостанай облысына – 1 020 адам, Шығыс Қазақстан облысына – 781 адам, Ақмола облысына – 537 адам, Абай облысына – 530 адам, Ұлытау облысына – 70 адам, Қарағанды облысына – 43 адам қоныс аударды.Қоныстану аймақтарына көшкен қандастарымыз негізінен Моңғолиядан – 1 072 адам, Өзбекстаннан – 908 адам, ҚХР – 762 адам, Ресейден – 164 адам, басқа елдерден – 94 адам келген.Келушілер қатарынан еңбекке қабілетті жастағы 4 279 адамның (қоныс аударушылар мен қандастар) 2 721-сі тұрақты жұмыс орындарына орналастырылды, 207 адам кәсіпкерлік қызметпен айналысуда, бизнес ашу үшін 25 адам грант алды.Қоныс аударушылар мен қандастар денсаулық сақтау, ауыл шаруашылығы, білім беру, өнеркәсіп және т.б. салаларыға жұмысқа орналасты. Қоныс аударған кейіпкерлеріміздің бірі – Сүлейменовтер отбасы, олар қоныс аударғаннан кейінгі өмірлеріндегі оң өзгерістерімен бөлісті.«2023 жылы облыстық қоныс аудару квотасына енгізілгеннен кейін олар Маңғыстау облысынан Солтүстік Қазақстан облысының Тайынша қаласына қоныс аударған. Отбасының әрбір мүшесіне қоныс аударуға 1 690 500 теңге көлемінде материалдық көмек түрінде мемлекеттік қолдау көрсетілді, сонымен қатар экономикалық ұтқырлық сертификаты бойынша тұрғын үй сатып алдық. Біз көшуге шешім қабылдағанымызға және қоныс аударушыларға жұмыс іздеуге көмектесетін, алғашқы материалдық көмек көрсететін мемлекет тарапынан осындай бағдарлама бар екеніне өте қуаныштымыз», – деді отағасы Жанболат Сүлейменов.Жанболат Ақтау қаласының №1 кәсіптік лицейін «Есептеу техникасына қызмет көрсету жөніндегі техник оператор» мамандығы бойынша бітірген, жұбайы Жадырдың «Педагогика және психология» мамандығы бойынша жоғары білімі бар.Тайынша ауданының мансап орталығы жұмысқа орналасуға көмек көрсетті. Жанболат «Көкше Техстрой» ЖШС-де жұмыс істейді. Жұбайы «Қарлығаш» балабақшасына тәрбиеші болып жұмысқа орналасты.Естеріңізге сала кетейік, ерікті қоныс аудару аясында қоныс аударушыларға мемлекеттік қолдаудың мынадай шаралары ұсынылады:- отағасына және отбасының әрбір мүшесіне 70 АЕК мөлшерінде көшуге арналған бір реттік субсидия;- отбасы мүшелері саны мен елді мекенге байланысты 15-тен 30 АЕК-ке дейінгі мөлшерде 12 ай ішінде тұрғын үй жалдауға және коммуналдық қызметтерге ақы төлеуге ай сайынғы субсидиялау;- қысқа мерзімді кәсіптік оқытуға жолдама;- жұмысқа орналасуға немесе кәсіпкерлік бастаманы дамытуға жәрдемдесу;- экономикалық ұтқырлық сертификаттарын беру.Бұдан басқа, өңіраралық қоныс аударуға жәрдем көрсететін жұмыс берушілерге тұрғын үймен қамтамасыз етілген және кемінде 2 жыл мерзімге тұрақты жұмысқа қабылданған әрбір қызметкер үшін 400 АЕК мөлшерінде жұмысқа орналасуға біржолғы субсидия беріледі.Ақпарат көзі : https://www.gov.kz/memleket/entities/enbek/press/news/details/935152

Қаңтар айында Электрондық еңбек биржасында (бұдан әрі – ЭЕБ) жұмыс берушілер мен ізденушілердің белсенділігі әртүрлі болды: егер бос орындар саны өткен жылдың желтоқсан айымен салыстырғанда 5,2%-ға қысқарып, 98,9 мың бірлікті құраса, ал түйіндемелер саны 2,5 есе, яғни 191,9 мың бірлікке дейін ұлғайды.Ең көп бос жұмыс орындарды білім беру (36,8 мың), басқа да қызмет түрлері (11,5 мың) және денсаулық сақтау (11,1 мың) кәсіпорындары орналастырды.Бұл ретте қаңтар айында жоғары білікті кадрларға сұраныс күрт өсті – жұмыс берушілер желтоқсанға қарағанда 16 мың бос орынға (+70%) көбірек орналастырды. Біліктілігі жоқ жұмысшылардың еңбегіне сұраныс 45,7 мыңнан 18,8 мың бос орынға дейінқысқарып, екі еседен астам төмендеді.Сонымен қатар ұсыныс тарапынан түйіндеме санының өсуін барлық біліктілік топтары көрсетеді, ал біліктілігі жоқ жұмысшылар желтоқсанға қарағанда 60,4 мың түйіндемені (+338%) көбірек орналастырды.Желтоқсан айымен салыстырғанда бос жұмыс орындарының оң сальдосы 11 өңірде байқалады. Жұмыскерлерге сұраныстың ең көп өсуі Шымкент қаласында (2,6 мың бос орынға немесе +86%), Ақмола (1,5 мыңға немесе +50%) және Батыс Қазақстан (1,5 мыңға немесе +46%) облыстарында тіркелді. Сұраныстың ең көп төмендеуі Түркістан (11,2 мың бос орынға немесе -63%), Ақтөбе (-2,3 мың, немесе -36%) және Жамбыл (-1,7 мың, немесе -30%) облыстарында болды.Қаңтар айындағы еңбек нарығындағы ұсыныстардың өсуі нәтижесінде елдің барлық дерлік аймақтарында түйіндеме профициті қалыптасты. Ол Түркістан (6,5 мың бос жұмыс орны және 25 мың түйіндеме), Қызылорда (2,3 мың бос жұмыс орны және 14,3 мың түйіндеме), Жамбыл (4 мың бос жұмыс орны және 10,3 мың түйіндеме) және Маңғыстау (3,4 мың бос жұмыс орны және 12,7 мың түйіндеме) облыстарында ерекше байқалды.Білікті қызметкерлер арасында тәрбиешілер (2,1 мың бос жұмыс орны), автомобиль жүргізушілері және математика мұғалімдері (1,9 мың бос жұмыс орны) сұранысқа ие болды. Әлеуметтік қызметкер (+1,1 мың бос жұмыс орны) және білім берудегі әлеуметтік педагог (+625 бос жұмыс орны) сияқты мамандықтарға сұраныс артты.Тапшы мамандар қатарын математика пәнінің мұғалімдері толықтырды, олар жалпы 529 түйіндеме орналастырды, сондай-ақ әлеуметтік педагогтар (173 түйіндеме) мен мектеп психологтары да (262 түйіндемемен 1 мың бос жұмыс орны) тапшы мамандар қатарынан көрінді.Жұмыс берушілер орташа жалақының ең жоғары мөлшерін ізденушілер арасынан өндіруші өнеркәсіптегі учаске бастығы (741 мың теңгеден бастап), авиациядағы инженер (~693 мың теңге) және бас құрылысшы (~605 мың теңге) лауазымдарына ұсынды, ал жүмыс іздеушілер арасынан ең жоғары жалақыны өндіруші өнеркәсіпте бөлім бастығының орынбасары (орта есеппен 1,1 млн теңге), ұшқыш (~1,1 млн теңге), сондай-ақ материалдық-өндірістік құндылықтарды есепке алу бөлімінің басшысы (~1 млн теңге) лауазымына үміткерлер сұрады.Осылайша, қаңтар айында ЭЕБ-да бос орындардың азаюы кезінде түйіндемелер санының айтарлықтай өсуі байқалды. Бұл жыл басында жұмыс берушілер жалдау процесін әлі күшейтпегендіктен болуы мүмкін, ал көптеген жұмыс іздеушілер, керісінше, қаңтардан бастап жаңа жұмыс іздей бастайды. Көптеген мамандықтар бойынша түйіндеменің профицитіне қарамастан, кейбір лауазымдарда кадрлар тапшылығы болды.Ақпарат көзі : https://www.gov.kz/memleket/entities/enbek/press/news/details/934072

HR Enbek еңбек ресурстары порталында «Қызметкердің жеке ісі» сервисінде жұмысқа орналасу үшін қажетті медициналық кітапша қолжетімді болды. Құжат азаматтар үшін «Жеке медициналық кітапшалар» бөлімінде, сондай-ақ жұмыс берушілер үшін қызметкерлердің келісімін ала отырып, сұрау салу арқылы қол жетімді.2025 жылғы 1 қаңтардан бастап ҚР Денсаулық сақтау министрлігі жеке медициналық кітапшалардың (санитарлық кітапшалардың) электрондық форматын енгізді.Электрондық жүйе қызметкерлердің 15 санатын қамтиды, оның ішінде қоғамдық тамақтану, дәріханалар, санаторий қызметкерлері, сондай-ақ қызмет көрсету саласының жұмыскерлері мен медициналық персонал бар. Бұл санаттар үшін тұрақты физикалық тексерулер жылына бір рет немесе алты айда бір рет өткізіледі.Бұдан кейін санитарлық кітапшаның электрондық нұсқасы HR Enbek порталына енгізілді, бұл жұмыс істеу үшін тұрақты медициналық тексеруден өтуді қажет ететін азаматтардың жұмысқа орналасуын жеңілдетуге тиіс.Жеке тұлғаның үшінші тұлғаларға беру үшін дербес деректерді өңдеуге келісімі мобильді азаматтар базасында тіркелген қызметкердің нөміріне SMS жіберу арқылы ҚР Цифрлық даму, инновациялар және аэроғарыш өнеркәсібі министрлігінің дербес деректеріне қол жеткізуді бақылау сервисімен жүзеге асырылатынын атап өту қажет. Сондай-ақ, бұл келісу HR Enbek порталында немесе AppStore және GooglePlay арқылы жүктеуге болатын мобильді қосымшасында ЭЦҚ көмегімен беріледі.Кадрлық қамтамасыз етудің ақпараттық жүйелері бар жұмыс берушілерге Smart Bridge арқылы «Қызметкердің жеке ісі» тегін сервисіне қосылу мүмкіндігі беріледі.Естеріңізге сала кетейік, «Қызметкердің жеке ісі» сервисі HR Enbek порталында 2022 жылы іске қосылған және жұмыс берушіге қызметкердің келісімімен жеке куәліктен, білімі, жұмыс тәжірибесі, фото, медициналық анықтамалар және т. б. ақпарат сияқты дербес деректерге қол жеткізуге мүмкіндік беру арқылы әңгімелесу және жұмысқа орналастыру процестерін жеңілдетуге бағытталған.Ақпарат көзі : https://www.gov.kz/memleket/entities/enbek/press/news/details/934491

Қамысты ауданында тұрғындарды сапалы және қолжетімді баспанамен қамтамасыз ету жұмыстары жалғасуда. Қамысты ауылында қайта жаңғыртудан өткен үш көпқабатты тұрғын үйдің тұрғындарына салтанатты түрде пәтер кілттері табысталды.Жаңа баспаналар аудан орталығында, Ержанов көшесінде орналасқан. Пәтерлерге қызметтік салада еңбек ететін мамандар мен әлеуметтік осал санаттағы азаматтар қоныстанды. Олардың қатарында ата-анасының қамқорлығынсыз қалған балалар, көпбалалы отбасылар, жалғызбасты аналар мен мүмкіндігі шектеулі жандар бар.Аудан мамандары үшін жаңа баспанаҮш үйдің бірі толығымен аудан мамандарына қызметтік тұрғын үй ретінде берілді. Мұнда 12 отбасы қоныстанды. Солардың бірі – Сұлтан мен Сания Бектімісовтер. Олар Қостанай жоғары медициналық колледжін бітіріп, Қамысты ауданына жұмыс істеуге келген жас мамандар. Сұлтан жедел жәрдем фельдшері болып еңбек етсе, Сания аудандық аурухананың қабылдау бөлімінде қызмет етеді.— Бізге баспана берілгеніне қатты қуаныштымыз. Барлық жағдай жасалған, өмір сүруге өте ыңғайлы, – дейді ерлі-зайыптылар.№18 өрт сөндіру бөлімінің басшысының орынбасары Амангелді Серік те бұл оқиғаның оның отбасы үшін маңыздылығын атап өтті. Бұрын олар жалдамалы пәтерде тұрса, енді өз үйлері бар.Кезекте тұрғандарға қолдауҚалған екі үй тұрғын үй кезегінде тұрған азаматтарға үлестірілді. Мәселен, Виктория Спека төрт баласымен бірге үш бөлмелі кең пәтерге ие болды.— Бұл сәтті төрт жыл күттік. Енді әр баламыздың жеке кеңістігі болады. Бұл – біздің үлкен арманымыз, – дейді Виктория.Ал жаңа пәтер иесі Андрей Рязанов бұл оқиғаны ең үздік жаңа жылдық сый деп атады.Әлеуметтік бастамалардың жүзеге асуыҚамысты ауданының тұрғындары Мемлекет басшысына қолжетімді тұрғын үймен қамтамасыз ету және өңірлерде қолайлы өмір сүру жағдайларын жасау бағытындағы жүйелі жұмыстары үшін алғыс білдірді.Қостанай облысында халықтың тұрмыс сапасын арттыруға бағытталған жұмыстар жалғасуда.Ақпарат көзі : https://www.gov.kz/memleket/entities/kostanay/press/news/details/931912

ҚР Сауда және интеграция министрі Арман Шаққалиев Қостанай облысына жұмыс сапарында өңірдің бірнеше нысандарын аралап, жергілікті өнеркәсіптің даму барысымен танысты.Министр KIA автомобиль зауытында болып, онда жылына 70 мың автомобиль шығаруға қауқарлы жаңа өндіріс құрылысының барысымен танысты. Сондай-ақ, шойыннан жүк техникасына арналған автокомпонет шығарытын "KamLitkz" зауытында болды. Министр мұндай кәсіпорындардың өңір өнеркәсібін одан әрі дамыту үшін маңызды рөл ойнайтынын айтты.Сондай-ақ, Қостанайдың символына айналып, отандық өндірістің мақтанышы болып саналатын "Баян Сұлу" кондитерлік фабрикасын да назардан тыс қалдырмады. 1974 жылдан бастап зауыт кондитерлік өнімдердің кең ассортиментін ұсына отырып, тәулігіне 240 тоннадан астам өнім шығарады. Өз кезегінде Арман Шаққалиев ақпан айында өтетін Қазақстанның Тегерандағы сауда-экономикалық миссиясы аясында фабрика өнімдерін Иран нарығына шығаруды ұсынды."Сату географиясын кеңейту зауытқа қуаттылықты арттыруға көмектеседі және «Made in KZ" брендін халықаралық аренада ілгерілетуге қолдау көрсетеді", - деп атап өтті сауда министрі.Сондай-ақ, министр танымал ірімшіктер мен сүзбелермен қоса, «Новый день» брендімен өнім шығаратын "Милх" ЖШС жаңа зауытына барды. Арман Шаққалиевтың айтуынша қазақстандық сүт өнімдеріне деген сұраныс жоғары. Осы тұста министр отандық өндірісті қолдаудың маңыздылығын атап өтті.Одан бөлек Жол картасына сәйкес жаңартылған «Саяхат» базарына да ат басын тіреді. Модернизация сауда мен тұтынушыларға қызмет көрсету жағдайларын жақсартуға мүмкіндік береді. Биыл Қостанайдағы 3 базар жаңартылады.Қостанайға сапары барысында министр өңірдің бизнес өкілдерімен кездесіп, сауда субъектілерін мемлекеттік қолдау және салық реформасы туралы сұрақтарға жауап берді. Арман Шаққалиев сауда субъектілері үшін мемлекеттік көмектің шараларын, соның ішінде сауда объектілерін салу және жаңғырту үшін кредиттер бойынша пайыздық мөлшерлемелерді субсидиялау туралы баяндады. Осы мақсатта бюджеттен 5.27 млрд теңге қарастырылған. Қазіргі таңда Қостанай облысында «Даму» қорымен 22 жобаның пулы құрылып, оның 18-і мақұлданған. 6 жоба бойынша кәсіпкерлер екінші деңгейлі банктерден 529 млн теңге несие алған, оның 57 млн теңгесі субсидияланады.Ақпарат көзі : https://www.gov.kz/memleket/entities/kostanay/press/news/details/933865

2025 жылдың басынан бастап Әлеуметтік қызметтер порталы (бұдан әрі – Портал) арқылы мүгедектігі бар адамдардың 59,6 мың тапсырысы орындалды, оның ішінде: шамамен 37 мың оңалтудың техникалық құралдарын (бұдан әрі – ОТҚ), 4,3 мың – ымдау тілі, 17,6 мың – жеке көмекші мен 0,7 мың – санаторийлік-курорттық емдеу қызметін алды.Портал мүгедектігі бар адамдарға оңалтудың техникалық құралдары мен қызметтерін өндірушіні және жеткізушіні өз бетінше таңдауға мүмкіндік береді. Көмек түріне тапсырыс беру көрсетілетін қызметті алушының электрондық цифрлық қолтаңбасымен растау арқылы жүзеге асырылады. Тапсырыс берілген оңалтудың техникалық құралдарын жеткізу немесе өз бетінше әкету арқылы алуға болады.Мүгедектігі бар адамдарды оңалту құралдарымен қамтамасыз ету протездік-ортопедиялық, сурдотехникалық, тифлотехникалық және гигиеналық құралдар, сондай-ақ кресло-арбалар беруді қамтиды.Бүгінде Порталда 854 арнаулы әлеуметтік қызмет көрсетуші, 910 ОТҚ жеткізушісі, 31 мыңнан астам жеке көмекші, 751 ымдау тілі және 129 санаторийлік-курорттық емдеу қызметтерін ұсынушы тіркелген.Порталды пайдалану бойынша консультацияларды қолдау байланыс орталығынан, яғни 1414 бірыңғай нөмірі арқылы хабарласуға болады.Ақпарат көзі : https://www.gov.kz/memleket/entities/enbek/press/news/details/931919

2025 жылдың басынан бері 9,3 мың азамат, оның ішінде 7,6 мыңға жуық жұмыссыз Skills Enbek кәсіптік оқыту платформасында (бұдан әрі - Платформа) онлайн-курстардан өткені туралы сертификаттар алды. Платформада барлығы 513,4 мың қазақстандық тіркелген, оның 14,7 мыңы – 2025 жылы тіркелді. Бұл ретте платформа жұмысының барлық кезеңінде 420,2 мың адам оқудан өтті.Оқудан өткен 7,6 мың жұмыссыз азаматтың 2 мыңға жуығы негізінен Ақтөбе, Батыс Қазақстан, Жамбыл облыстарының және Шымкент қаласының жастары.Платформа іске қосылғаннан бастап авторлар әртүрлі бағыттар бойынша 849 курс жариялады, оның 307-і тегін. Сондай-ақ, одан әрі оқу үшін білім беру алаңдарына ауысу мүмкіндігімен Courstore, Fluent Education және Яндекс Қазақстан серіктестерінің курстары бар.Курстардың ұзақтығы 1-ден 72 сағатқа дейін.Қантар айындағы ең көп сұранысқа ие курстар – «Кассир», «Построение отдела продаж в отеле», «Страховой агент», «Пішу және тігу» және «Продавец».Платформада маркетинг және БАҚ, туризм, қаржы және бухгалтерлік есеп және т.б. салалардағы түрлі мамандықтар бойынша тегін курстар саны үнемі артып келеді.Бұдан бұрын хабарлағандай, Платформа халықтың білім деңгейі мен кәсібилігін арттыруға, мансаптық дамуды ынталандыруға және «өмір бойы оқыту» тұжырымдамасын ілгерілетуге бағытталған. Ол маркетплейс – қызметтер нарығы қағидаты бойынша онлайн курстарға қол жеткізуді ұсынатын халықаралық оқыту алаңдарына ұқсас құрылған.Оқуға https://skills.enbek.kz/ сілтемесі арқылы немесе Электрондық еңбек биржасында (enbek.kz) «Онлайн оқыту» бөлімін таңдау арқылы қол жеткізуге болады.Платформада білім алушы оқытудың қолайлы қарқыны мен тілін, материалды берудің ыңғайлы принципін дербес таңдайды, білім беру үдерісіндегі өзінің ілгерілеуін бақылай алады.Білім алушы үшін артықшылықтар: кеңейтілген курстарды іздеу, сабақтың түсінікті құрылымы, оқу процесін бақылау және курс авторларымен жылдам өзара әрекеттесу.Оқу аяқталғаннан кейін білім алушы 70% шекті деңгеймен тестілеу тапсыруға тиіс. Онлайн курсты сәтті аяқтаған жағдайда дағдыларды игеру туралы сертификат беріледі. Курсты аяқтаудың міндетті шарты – білім алушы тарапынан курсты бағалау. Сертификатты жүктеу кезінде игерген дағдылар бойынша Enbek.kz-те бос жұмыс орындарының ұсыныстары қосылды.Алынған сертификат Enbek.kz-те тіркелген кезде білім алушы жасаған түйіндемеде автоматты түрде көрсетіледі. Қызметкерлерді іздеу кезінде әлеуетті жұмыс беруші Платформада сәтті оқудан кейін алынған сертификаттарды көре алады.Авторлар мен әзірлеушілерге арналған платформада онлайн курстарды орналастыру тегін. Курстар мемлекеттік және орыс тілдерінде орналастырылуы мүмкін, ақпарат берудің әртүрлі форматтары: мәтін, презентация, бейне және аудио материалдар, инфографика және басқа түрлері болуға тиіс. Платформа ерекше қажеттіліктері бар білім алушылар үшін интерфейсті бейімдеу мүмкіндігін болжайды.Курс авторлары үшін ыңғайлы сабақ құрастырушы, жарияланған курстардың статистикасы мен тиімділігін қарауға қолжетімді, сертификаттардың әртүрлі дизайны көзделген, сондай-ақ оқу құнын алдын ала есептеуге арналған онлайн-калькулятор бар.2023 жылдың желтоқсан айынан бастап курстарды Enbek мобильді қосымшасы арқылы оқуға болады, қосымшаны Google Play және App Store-дан жүктеуге болатынын естеріңізге саламыз.Платформада тіркелу және жұмыс істеуге қатысты барлық сұрақтар бойынша «ЕРДО» АҚ жауапты қызметкерлерімен байланысуды сұраймыз: 8 (7172) 95 43 17 (ішкі. 877, 878, 888).Ақпарат көзі : https://www.gov.kz/memleket/entities/enbek/press/news/details/932953

ҚР Еңбек және халықты әлеуметтік қорғау министрлігінде Мүгедектігі бар адамдарды әлеуметтік қорғау саласындағы үйлестіру кеңесінің (бұдан әрі – Үйлестіру кеңесі) кезекті отырысы өтті, оның барысында Қазақстан Республикасының 2030 жылға дейінгі инклюзивті саясат тұжырымдамасы (бұдан әрі – Тұжырымдама) таныстырылды, сондай-ақ арнаулы әлеуметтік қызметтер көрсететін ұйымдарды лицензиялау мәселелері және ымдау тілі мәселелерін реттеудің жаңа тәсілдері қарастырылды.Отырысқа ҚР Парламентінің депутаттары, орталық мемлекеттік және жергілікті атқарушы органдардың, сондай-ақ үкіметтік емес ұйымдардың өкілдері қатысты.Іс-шара барысында Еңбек және халықты әлеуметтік қорғау вице-министрі Асқарбек Ертаев Тұжырымдама шеңберінде осы жылдан бастап 13 негізгі бағытты іске асыру басталатынын хабарлады: теңдік және кемсітпеушілік; құқықтық қорғау; әлеуметтік қорғау деңгейін арттыру; инклюзивті еңбек нарығы; денсаулық, абилитация және оңалту; инклюзивті білім беру; қоғамдық-саяси өмірге тарту; кедергісіз орта және қызметтердің қолжетімділігі; төтенше жағдайлар мен климаттық қауіп-қатерлер жағдайындағы қауіпсіздік; жеке және отбасылық өмір; мәдени өмір, бос уақыт және спорт; ағарту-тәрбие жұмысы; мониторинг және есепке алу.«Тұжырымдаманы іске асыру жөніндегі іс-қимыл жоспары 52 іс-шараны көздейді. Аталған іс-шаралардың жауапты орындаушылары салалық министрліктер мен жергілікті атқарушы органдар болып табылады», – деп атап өтті Асқарбек Ертаев.Іске асырылып жатқан іс-шаралардың ішінде: мүгедектігі бар балаларға арналған сыйымдылығы шағын үйлер мен күндізгі болу бөлімшелерінің желісін дамыту жөніндегі стандарттарды әзірлеу, мүгедектігі бар адамдарға арнаулы әлеуметтік қызметтер көрсету процесіне волонтерлік қызметтерді тарту жөніндегі мәселені пысықтау, мүгедектігі бар адамдарды автомобильмен тасымалдау бойынша қызметтер көрсету қағидаларын өзектендіру, Қазақстанның Зағиптардың және көру қабілеті бұзылған немесе баспа ақпаратын қабылдау қабілеті шектеулі адамдардың жария етілген туындыларға қол жеткізуін жеңілдету туралы Марракеш шартына, өзге құқық қорғау халықаралық шарттарына қосылуы үшін және т. б. жағдайлар жасау жөніндегі шараларды әзірлеу бар.Сондай-ақ Үйлестіру кеңесінің отырысы барысында Қазақстанда биылғы 1 қаңтардан басталған халықты әлеуметтік қорғау саласында арнаулы әлеуметтік қызметтер (бұдан әрі – АӘҚ) көрсететін ұйымдарды лицензиялау туралы мәселе қаралды.Лицензиялау ҚР Әлеуметтік кодексінде көзделген арнаулы әлеуметтік қызметтер көрсету жүйесін жаңғырту кезеңдерінің бірі болып табылады және ұсынылатын АӘҚ сапасын арттыруға; қызмет алушылардың қауіпсіздігі мен құқықтарын қорғауға кепілдік беруге; АӘҚ ұсынатын ұйымдар үшін бірыңғай стандарттарды белгілеуге бағытталған.Осы бағыт бойынша жұмыс барысы туралы қатысушыларды Әлеуметтік қорғау саласындағы реттеу және бақылау комитетінің төрағасы Төлеген Оспанқұлов хабардар етті.«Осы жылдың 6 ақпанына 446 өтінім келіп түсті, бұл ретте 249 өтініш бойынша оң шешім шығарылды. Құжаттар топтамасының толық ұсынылмауына немесе біліктілік талаптарына сәйкес келмеуіне байланысты 197 өтініш бойынша лицензия беруден бас тартылды. Айта кету керек, теріс шешімдер алған барлық ұйымдар құжаттарды сәйкестендіргеннен кейін лицензиялауға өтініштерді қайта жібере алады. Статистика көрсеткендей, бас тартуды алған ұйымдар құжаттаманы пысықтайды, лицензиялауға береді және мақұлдау алады», – деп атап өтті Төлеген Оспанқұлов.Спикердің айтуынша бас тартудың негізгі себептері АӘҚ көрсету орталықтарының белгіленген талаптарға сәйкес келмеуі болып табылады:- медициналық лицензияның кіші түрлерінің, штаттық нормативтердің сәйкес келмеуі;- өрт қауіпсіздігі туралы актінің болмауы;- материалдық-техникалық базаның сәйкес келмеуі; - қызмет алушыларды тамақпен қамтамасыз етуге растайтын құжаттардың болмауы;- жатын бөлмелердің ауданы стандарттарға сәйкес келмеуі;- мүгедектігі бар адамдар үшін қолжетімділік жөніндегі талаптардың сәйкес келмеуі.Сонымен бірге отырыс барысында Қазақстандағы ымдау тілі мәселелерін реттеудің жаңа тәсілдері, сондай-ақ «Қолжетімді көлік» бағыты бойынша жұмыс тобының жұмыс жоспары қаралды.Ақпарат көзі : https://www.gov.kz/memleket/entities/enbek/press/news/details/933707

Алматы облысының әкімі Марат Сұлтанғазиев жұмыс сапарымен Балқаш ауданына қарасты Бақбақты ауылына барып, тұрғындармен кездесті. Жиында өзекті мәселелер талқыланып, негізгі тақырып ауыл шаруашылығын дамытуға арналды.Ауданда 100 мыңнан астам ірі қара, 30 мың жылқы, сондай-ақ 30 мың қой-ешкі бар. Мал азығы жеткілікті көлемде дайындалғанымен, фермерлер су тапшылығына байланысты қиындықтарға тап болуда. Бұл егіс алқаптарын кеңейтуге кедергі келтіріп, кейбір дақылдардың өнімділігін төмендетуде.Марат Сұлтанғазиев жауапты мемлекеттік органдарға аграршылармен тығыз жұмыс істеп, мемлекеттік қолдау мүмкіндіктері туралы кеңінен түсіндіруді және суды үнемдеу технологияларын енгізуді тапсырды. Сондай-ақ, жиында көктемгі егіс жұмыстарына дайындық мәселелері қаралды.Балқаш ауданының әкімі Азат Құтпанбетов ауданның әлеуметтік-экономикалық дамуы жөнінде есеп берді. Жыл қорытындысы бойынша өнеркәсіп өндірісінің көлемі 3,4 млрд теңгені, ауыл шаруашылығы саласының жалпы өнімі 42 млрд теңгені, инвестиция көлемі 9 млрд теңгені құрады. Бақанас ауылында «БиоКарбон» зауыты іске қосылды. 1,6 мың тонна тыңайтқыш сатып алынып, суару жұмыстары жүргізілуде. «Ауыл аманаты» бағдарламасы аясында 133 тұрғынға жеңілдетілген несие беріліп, айналымға 20 мың гектар пайдаланылмаған жер қайтарылды.«Бір ауыл – бір кәсіп» жобасы аясында 37 жаңа нысан ашылып, 100 адам жұмыспен қамтылды. 40 пәтерлі тұрғын үй құрылысы аяқталып, жастар ресурстық орталығы ашылды, әлеуметтік осал санаттағы азаматтар үшін 35 пәтер сатып алынды.1 100 үйге газ тартылып, 20 елді мекен орталықтандырылған сумен қамтамасыз етілді. Сонымен қатар, су құбырларын қайта жаңарту жұмыстары жалғасуда.Денсаулық сақтау саласында фельдшерлік-акушерлік пункттер, медициналық амбулаториялар мен дәрігерлік кабинеттердің құрылысы жүргізілуде. Білім беру жүйесінде үш ауысымды оқыту мәселесі шешілгенімен, бірнеше мектепке күрделі жөндеу қажет. Салаға 23 педагог тартылып, олардың 9-ына тұрғын үймен қамтамасыз ету қажет.Кездесу барысында тұрғындар әлеуметтік нысандар құрылысы, жолдардың жай-күйі және сумен жабдықтау мәселелерін көтерді. Облыс әкімі судың тапшылығы ауданның дамуына тікелей әсер ететін басты мәселе екенін атап өтіп, оны шешу негізгі басымдық болатынын жеткізді.Ақпарат көзі : https://www.gov.kz/memleket/entities/almobl/press/news/details/932677

Астана, 2025 жылғы 6 ақпан – Қазақстан Республикасы Сыртқы істер министрінің орынбасары Әлібек Қуантыров Ифе Корольдігінің өкілі, «Қазақстан-Нигерия» бизнес кеңесінің атқарушы хатшысы Адени Адесоджи бастаған нигериялық бизнес делегациямен кездесті.Кездесу барысында тараптар сауда-экономикалық және инвестициялық байланыстарды кеңейту мүмкіндіктерін, сондай-ақ тау-кен өнеркәсібі, ауыл шаруашылығы, көлік, логистика, IT және энергетика салаларындағы ынтымақтастық перспективаларын талқылады. Келіссөздер барысында Қазақстан мен Нигерия арасындағы саяси диалогты нығайтуға ерекше назар аударылды. Осыған байланысты 2025 жылғы қаңтарда Әбу Дабиде өткен «Тұрақты даму апталығы» халықаралық саммиті аясында Қазақстан Президенті Қасым-Жомарт Тоқаев пен Нигерия Президенті Болы Ахмед Тинубудың кездесуі аталып өтті.Ә.Қуантыров Қазақстан мен Нигерия арасындағы ынтымақтастықты кеңейту үшін зор әлеует бар екенін атап өтті. Оның айтуынша, Нигерия Қазақстанның Африка құрлығындағы байланыстарын кеңейтуге серпін беретін маңызды серіктес бола алады.«Қазақстан мен Нигерия экономикадағы негізгі салаларда өзара тиімді ынтымақтастық орнатуға үлкен мүмкіндіктерге ие. Біз сауда байланыстарын кеңейтуге, инфрақұрылымдық және инвестициялық жобаларды бірлесе дамытуға, сондай-ақ саяси диалогты тереңдетуге дайынбыз. Бұл бағыттағы жұмыстарымыз екі ел арасындағы әріптестікті нығайтып, бизнес пен экономикалық өсім үшін жаңа мүмкіндіктер ашатынына сенімдімін», – деді Министрдің орынбасары.Өз кезегінде А.Адесоджи Нигерияның Қазақстанмен екіжақты ынтымақтастықты дамытуға мүдделі екенін айтып, Қазақстанның Орталық Азиядағы стратегиялық серіктес ретіндегі маңыздылығын атап өтті. Ол екі ел арасындағы экономикалық және инвестициялық байланыстарды кеңейту бизнес үшін жаңа мүмкіндіктер, жұмыс орындарын құру және технологиялық алмасуды дамытуға жол ашатынына сенім білдірді.Сонымен қатар тараптар көлік инфрақұрылымы мен логистиканы дамыту мәселелеріне ерекше назар аударды. Қазақстанның халықаралық көлік дәліздеріне қатысуы Азия мен Африка арасындағы сауда ағындарын арттыруға ықпал етуі мүмкін.Келіссөздер аясында 2025 жылдың ақпан айына жоспарланған қазақстандық делегацияның Нигерияға сапары талқыланды. Сапар барысында Нигерия Үкіметінің өкілдері мен іскер топтарымен кездесулер өткізіліп, басым салалардағы ынтымақтастық жобалары қарастырылатын болады. Қазақ тарапы бұл сапар екіжақты әріптестікті нығайту жолындағы маңызды қадам болатынына сенім білдірді.Кездесудің қорытындысы бойынша тараптар диалогты жалғастыруға және ынтымақтастықты барлық деңгейде, оның ішінде салалық консультациялар мен бизнес-форумдар арқылы жандандыруға уағдаласты.Анықтама: Ифе Корольдігі – қазіргі Нигерия аумағында орналасқан, бай тарихи және мәдени мұраға ие ежелгі мемлекеттердің бірі. Африкадағы ең көне корольдіктердің бірі саналатын Ифе йоруба халқының ата-баба жері және Африка өркениетінің маңызды орталығы ретінде танымал.Ақпарат көзі : https://www.gov.kz/memleket/entities/mfa/press/news/details/933301

Астана, 2025 жылғы 7 ақпан – Қазақстан Республикасы Сыртқы істер министрінің орынбасары Ермұхамбет Қоныспаев Беларусь Республикасының Қазақстандағы жаңадан тағайындалған Елшісі Алексей Богдановтың сенім грамоталарының көшірмелерін қабылдады.Е.Қоныспаев Елшіні тағайындалуымен құттықтап, оған жұмыста табыс тілеп, оның қызметі екі ел арасындағы стратегиялық серіктестікті одан әрі нығайтуға ықпал ететініне сенім білдірді.Сұхбат барысында тараптар 2024 жылы екі елдің сыртқы саяси ведомстволарының өзара іс-қимылының жемісті қорытындыларын атап өтіп, саяси, сауда-экономикалық, инвестициялық және мәдени-гуманитарлық салалардағы екіжақты ынтымақтастықты одан әрі кеңейту перспективаларын талқылады.Өткен жылдың қараша айында Қазақстан Премьер-министрі Олжас Бектеновтың Беларуське жұмыс сапарының қорытындысы бойынша қол жеткізілген уағдаластықтарды тиімді іске асыру мәселесіне ерекше назар аударылды.Сонымен қатар тараптар халықаралық ұйымдар мен өңірлік интеграциялық бірлестіктер шеңберіндегі екі ел ынтымақтастығының өзекті мәселелері бойынша пікір алмасты.Кездесу соңында Беларусь Елшісі жылы қабылдағаны үшін алғысын білдіріп, достық пен серіктестік рухында өз елінің Қазақстанмен көпжоспарлы ынтымақтастығын үдемелі дамыту үшін бар күш-жігерін салуға дайын екенін растады.Ақпарат көзі : https://www.gov.kz/memleket/entities/mfa/press/news/details/934076

Амман, 2025 жылғы 13 ақпан – Қазақстан Республикасының Иордан Хашимит Корольдігіндегі Елшісі Талғат Шалданбайдың еліміздің Палестинадағы Елшісі қызметін қоса атқарушы ретінде Палестина Мемлекетінің Президенті Махмуд Аббасқа сенім грамоталарын тапсыру салтанатты рәсімі өтті.Амман қаласында өткен салтанатты рәсімнен кейін Палестина Президентінің ресми қабылдауы болды. Оның барысында Қазақстан-Палестина қатынастарын нығайтудың негізгі мәселелері талқыланды. Кездесуде Палестинаның Премьер-министрі – Сыртқы істер және экспатрианттар істері жөніндегі министрі Мұхаммед Мұстафа және Палестина Президентінің дипломатиялық мәселелер жөніндегі кеңесшісі Магди Әл-Халиди қатысты.Елші Президент М.Аббасқа ҚР Президенті Қасым-Жомарт Тоқаевтың сәлемін жеткізді. Сонымен қатар Елші ретінде Қазақстан мен Палестина арасындағы достық қарым-қатынастарды екіжақты негізде және халықаралық ұйымдар шеңберінде әрі қарай дамыту үшін бар күш-жігерін жұмсайтындығына сендірді.Өз кезегінде Палестина Президенті 2022 жылғы қазан айындағы Астанаға сапарын жылы лебізбен атап өтіп, Қазақстан Президентіне ізгі тілектерін жолдады.М.Аббас екіжақты ынтымақтастықтың игілігі жолындағы ҚР Елшісінің қызметіне жемісті жұмыс тіледі.Ақпарат көзі : https://www.gov.kz/memleket/entities/mfa/press/news/details/938137

Астана, 2025 жылғы 13 ақпан – Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Иран Ислам Республикасының Елшісі Али Акбар Джоукарды қабылдады.Сұхбат барысында тараптар екіжақты ынтымақтастықтың қазіргі жағдайы мен перспективаларын, сондай-ақ саяси, экономикалық және мәдени-гуманитарлық байланыстарды дамытуға бағытталған алдағы іс-шараларды талқылады.Қазақстан сыртқы саяси ведомствосының басшысы Иранның сенімді серіктес ретіндегі маңыздылығын атап өтіп, сауда-экономикалық өзара іс-қимылды тереңдету үшін нақты қадамдар жасау қажеттігін айтты. Бұл тұрғыда кезекті отырысы Қазақстанда 2025 жылдың бірінші жартысында жоспарланған Сауда-экономикалық, ғылыми-техникалық және мәдени ынтымақтастық жөніндегі Қазақстан-Иран үкіметаралық комиссиясы ерекше рөл атқарады.Көлік және логистикалық кооперацияны дамыту, оның ішінде транзиттік маршруттарды кеңейту мәселелеріне бөлек назар аударылды.Сонымен қатар дипломаттар өңірлік және жаһандық күн тәртібіндегі өзекті мәселелер бойынша пікір алмасты және көпжақты ұйымдар аясындағы өзара іс-қимылды талқылады.Ақпарат көзі : https://www.gov.kz/memleket/entities/mfa/press/news/details/937830

Брюссель, 2025 жылғы 13 ақпан – Қазақстан Республикасы Сыртқы істер министрінің орынбасары Роман Василенко Қазақстан мен Еуропалық одақ арасындағы өзара іс-қимылды тереңдету перспективаларын, сондай-ақ Орталық Азиядағы өңірлік ынтымақтастықты дамыту мәселелерін талқылау мақсатында Еуропалық одақтың негізгі құрылымдарының өкілдерімен бірқатар кездесулер өткізді.Өзара басым іс-қимыл бағыттары, оның ішінде көлік және инфрақұрылымдық жобалар, тұрақты даму, энергетикалық әріптестік және тұрақты жеткізу тізбектерін қамтамасыз ету мәселелері талқыланды.Еуропалық сыртқы әрекет қызметі (ЕСӘҚ) басқарушы директорының орынбасары Люк Девин және ЕО-ның Сыртқы саясат және қауіпсіздік жөніндегі Жоғарғы өкілі кабинетінің басшысы Вивиан Лоонеламен өткен келіссөздер екіжақты күн тәртібіне арналды. Талқылаулар саяси диалог пен экономикалық ынтымақтастықты нығайту, сондай-ақ алдағы бірлескен іс-шараларға дайындық мәселелерін қамтыды.Атап айтқанда, бірінші жартыжылдықта Ашхабадта өтетін «Орталық Азия – ЕО» сыртқы істер министрлерінің кеңесіне, Самарқандта өтетін алғашқы «Орталық Азия – ЕО» саммитіне, сондай-ақ Астана халықаралық форумына дайындық мәселелері талқыланды.Тараптар сирек кездесетін жер металдары, жасыл энергетика және Транскаспий халықаралық көлік дәлізін қоса алғанда, көлік дәліздерін дамыту сияқты стратегиялық маңызды және перспективалы салаларда өзара іс-қимылды одан әрі тереңдетуге ортақ қызығушылық білдірді.«Брюссельде өткізілген кездесулердің уақытылы өтуі біздің өзара іс-қимылымыздың кең ауқымдылығымен, ЕО-мен қарым-қатынастарымыздың жоғары динамикасымен, сондай-ақ жаңа Еурокомиссияның сыртқы саяси басымдықтарын қалыптастырумен және геосаяси жағдайдың тез өзгеруімен байланысты, – деп атап өтті Р.Василенко. – Келіссөздердің мазмұндылығы мен оңды көзқарасы біздің өзара тиімді ынтымақтастығымыздың ұзақ мерзімді кезеңде жан-жақты дамуына сенім ұялатуда».Өңірлік даму мәселелері мен инфрақұрылымдық жобаларды іске асыру мәселелері Еурокомиссияның халықаралық әріптестіктер жөніндегі директоры Петерис Устубс пен Еурокомиссардың халықаралық ынтымақтастық және әріптестік мәселелері жөніндегі кабинетінің басшысы Люси Шестаковамен одан әрі талқыланды. Сұхбаттастар бірлескен жобаларды іске асырудың перспективаларын, оның ішінде көлік маршруттарын дамыту, логистиканы жаңғырту және энергетика мен цифрландыру саласындағы тұрақты шешімдерді алға жылжыту мәселелерін егжей-тегжейлі қарастырды.Энергетикалық ынтымақтастық және тұрақты жеткізу тізбектері мәселелері де талқылаулардың маңызды бөлігіне айналды. Тараптар жасыл энергетиканы дамыту бағытында келесі қадамдар туралы пікір алмасты, оның ішінде жаңартылатын энергия көздерін пайдалану аясын кеңейту және төмен көміртекті технологиялар саласындағы ынтымақтастықтың перспективалары қарастырылды.Еуроодақтың адам құқықтары жөніндегі арнайы өкілі Олоф Скугпен (1 наурыздан бастап Еуропалық сыртқы іс-қимыл қызметінің бас хатшысының орынбасары қызметіне кірісетін) кездесуде Орталық Азиядағы тұрақтылық пен қауіпсіздік мәселелері, сондай-ақ құқық үстемдігі мен гуманитарлық бастамалар саласындағы конструктивті ынтымақтастық талқыланды. Қазақстан тарапында осы салалардағы көпжақты ынтымақтастықтың маңыздылығы аталып өтіп, ЕО-мен үйлестіруді әрі қарай нығайтуға дайын екендігі білдірілді.Еуропарламенттің Орталық Азиямен байланыстар жөніндегі делегациясының төрағасы Джузи Принчимен кездесуде Қазақстан мен ЕО арасындағы парламентаралық ынтымақтастықты дамыту жоспарлары белгіленді. Сұхбаттас Қазақстан Президенті Қасым-Жомарт Тоқаевтың бастамасымен жүргізіліп жатқан реформаларды оң бағалап, олардың елдің демократиялық дамуындағы және мемлекеттік басқаруды жақсартудағы маңыздылығын атап өтті. Парламенттер арасындағы диалогты кеңейту, тәжірибе алмасу және екіжақты және өңірлік күн тәртібіндегі өзекті мәселелер бойынша белсенді байланыстарды сақтап қалуға ерекше көңіл бөлінді. Осы орайда бірлескен бастамаларды ілгерілету және заңнамалық тәсілдерді жақындастыру мақсатында тұрақты кездесулер өткізу мен парламенттік дипломатия механизмдерін нығайтудың маңыздылығы айтылды.Кездесулердің қорытындысы бойынша тараптар диалогты одан әрі нығайтуға және әртүрлі салалардағы практикалық ынтымақтастықты дамытуға деген ұмтылысын растады. Қазақстан мен ЕО бірлескен бастамалар бойынша жұмысты жалғастыруға дайын екенін білдіріп, тұрақты және ұзақ мерзімді серіктестіктің негізін қалау үшін бірлескен күш-жігерін жұмылдыруға әзір екенін атап өтті.Анықтама: Еуропалық одақ – Қазақстанның ең ірі сауда және инвестициялық серіктесі. ЕО Қазақстанның сыртқы саудасының шамамен үштен бірін және жинақталған шетелдік инвестициялардың үлкен бөлігін құрайды. 2024 жылғы тауар айналымы 48,7 млрд долларды құрады, оның ішінде экспорт – 38,1 млрд доллар, импорт – 10,6 млрд доллар (+36,7%). 2024 жылдың 1, 2 және 3 тоқсандарында ЕО елдерінен тартылған тікелей инвестициялар 6,4 млрд АҚШ долларын құрады.Қазақстан – Орталық Азиядағы Еуропалық одақпен Кеңейтілген серіктестік және ынтымақтастық туралы келісім жасасқан алғашқы ел (ол 29 саладағы өзара іс-қимылды қамтиды, оның ішінде халықаралық және өңірлік қауіпсіздік, сауда, инвестициялар, инфрақұрылымды дамыту, сондай-ақ инновациялар, мәдениет, спорт және туризм мәселелері бар).Қазақстанда еуропалық капиталдың қатысуымен үш мыңнан астам компания жұмыс істейді, олардың арасында Shell, Schneider, Eni, Total, Air Liquide, Alstom, Siemens және басқа да трансұлттық корпорациялар бар.Ақпарат көзі : https://www.gov.kz/memleket/entities/mfa/press/news/details/937860