Жыл басынан бастап республикалық бюджеттен 3 трлн 118,2 млрд теңге сомасына зейнетақы төленді, оның ішінде базалық зейнетақы төлеуге – 982,2 млрд теңге, ынтымақты зейнетақы төлеуге – 2 трлн 136 млрд теңге қарастырылды.2024 жылғы 1 қарашадағы жағдай бойынша зейнеткерлер саны – 2 млн 421 мың адам.2024 жылғы 1 қарашадағы жағдай бойынша жиынтық зейнетақының орташа мөлшері 131 730 теңгені құрады, оның ішінде ынтымақты зейнетақы мөлшері – 89 122 теңге, базалық зейнетақы – 42 608 теңге.2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске саламыз.Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары (бұдан әрі – МЗЖ) төленген кезеңдер зейнетақы жүйесіндегі еңбек өтіліне қосылады.Егер азаматтың зейнетақы жүйесіндегі өтілі 10 жыл немесе одан аз болса, сондай-ақ мүлде жоқ болса, базалық зейнетақы ең төменгі күнкөріс деңгейінің 65%-на тең болса, содан кейін 10 жылдан асқан әр жыл үшін оның мөлшері 2 %-ға артады. Ал егер сіздің өтіліңіз 20 жыл болса, базалық зейнетақы төменгі күнкөріс деңгейінің 85 %-ын құрайды. Еңбек өтілі 30 жыл немесе одан көп болса, күнкөріс деңгейінің ең жоғарғы мөлшерінде яғни 105% белгіленеді.Егер бір ай ішінде міндетті зейнетақы жарналары Бірыңғай жинақтаушы зейнетақы қорына бірнеше рет аударылса, жинақтаушы жүйеге қатысу мерзімі бір айды құрайды.Осылайша міндетті зейнетақы жарналары неғұрлым тұрақты және толық көлемде аударылатын болса, зейнет жасына жеткенде базалық зейнетақы төлемдерінің мөлшері соғұрлым көп болады.Өз кезегінде азаматтың жасына байланысты зейнетақы төлемдерінің мөлшері 1998 жылғы 1 қаңтардағы жұмыс өтіліне (кем дегенде 6 ай қажет) және зейнеткерлікке дейінгі кезеңдегі орташа айлық табысына байланысты болады.Ақпарат көзі : https://www.gov.kz/memleket/entities/enbek/press/news/details/882920

Қарағанды, 2024 жылғы 12 қараша – Қарағанды облысына жұмыс сапары барысында Қазақстан Республикасы Сыртқы істер министрінің орынбасары Әлібек Қуантыров пен «Kazakh Invest» ҰК» АҚ басқарушы директоры Азамат Қожанов бірқатар ірі өңірлік кәсіпорындарға, соның ішінде «Сарыарқа» АЭА нысандарына барып, өзекті инвестициялық мәселелерді талқылады.Осылайша, «Линде Газ Казахстан» ЖШС инвестициялық жобасының алаңында делегация техникалық газдар шығаратын ауа бөлетін қондырғылардың өндірістік циклімен танысып, компанияның Қазақстандағы қызметін одан әрі кеңейту әлеуетін талқылады. 2009 жылы құрылған кәсіпорын оттегі мен азот сияқты өнеркәсіптік газдарды өндіруге маманданған. Бұрын іске асырылған жобалардың сомасы шамамен 200 млн АҚШ долларын құрайды.Бұдан әрі делегация «Qarmet» АҚ қазақстандық ірі болат және тау-кен өндіру компаниясының металлургиялық комбинатына барды, онда домна пешінің жұмысы, сондай-ақ ыстық мырыштау және алюминий цехының жұмыс істеуі көрсетілді. «Qarmet» АҚ негізгі қызметінен басқа, әлеуметтік салада бірқатар жобаларды іске асырды, атап айтқанда, Теміртау қаласында саябақ салынды, сондай-ақ трамвай инфрақұрылымын қалпына келтіру жұмыстары басталды. Компанияның бас директоры Вадим Басинмен кездесу барысында тараптар компанияның өндіріс пен өндірістік қуаттылықты ұлғайту, логистикалық мәселелерді шешу, сондай-ақ инвестициялық қызметті кеңейту жөніндегі жоспарларын талқылады.Сапар барысында Ә. Қуантыров диірмендерге арналған футерлерді өндіруге маманданған «Polymet Solutions Corporation» ЖШС кәсіпорнының қызметімен танысты. Зауыт 2020 жылы іске қосылды және қазіргі уақытта оның өнімдері көрші нарықтарға белсенді түрде экспортталуда. Бұған дейін 2024 жылы кәсіпорын алаңында «OKUMA» жоғары дәлдіктегі фрезерлік өңдеу орталығы пайдалануға берілген болатын. Нысан басшылығымен кездесуде өндірісті дамыту жоспарлары, оның ішінде құю зауытын салу жобасы талқыланды.Министрдің орынбасары сондай-ақ 2021 жылы іске қосылған және Ресей мен Қырғызстанға өнімді экспорттайтын «Алтын Арна Geosynthetics» ЖШС геомембрана өндіру зауытының қызметімен, сондай-ақ «Qaragandy Power Silicon» ЖШС ферросиликоалюминий өндіру зауытының құрылыс алаңымен танысты.Сонымен қатар «Сарыарқа» АЭА аумағында облыс әкімінің орынбасары Ермек Алпысовпен және басқарушы компаниямен бірлесіп АЭА қажетті инфрақұрылыммен және электрмен жабдықтау мәселелерін талқылады. Сондай-ақ рұқсат құжаттарын алу бөлігінде өндірістердің ағымдағы проблемалық мәселелері, инфрақұрылымдық мәселелер және өткізу нарығына байланысты мәселелер талқыланды. Инвестициялық штабқа одан әрі шығара отырып, бірқатар мәселелерді қарау туралы шешім қабылданды.Сапар қорытындысы бойынша делегация Қарағанды облысының әкімі Ермағанбет Бөлекпаевпен өңірдегі өнеркәсіпті одан әрі дамыту және инвестициялар тарту үшін қажетті шараларды талқылау үшін кездесті.Анықтама: Қарағанды облысы өңірдің экономикасын нығайтуға, салаларды әртараптандыруға және жұмыс орындарын құруға бағытталған инвестициялық жобаларды іске асыру үшін отандық және халықаралық инвесторларды тарта отырып, белсенді дамуын жалғастыруда. Осылайша, инвестициялық жобалардың ұлттық пулы аясында 2023 жылы жалпы құны 141,5 млрд теңге болатын 2000-нан астам жұмыс орнын құрумен 24 ірі инвестициялық жоба іске асырылды. 2024 жылы 2400-ге жуық жұмыс орнын құра отырып, 214,2 млрд теңге сомасына 10 жобаны пайдалануға беру жоспарлануда. 2025 жылы тамақ өнеркәсібі, энергетика, металлургия, құрылыс және ауыл шаруашылығы салаларында 8 инвестициялық жобаны іске қосу жоспарлануда. Қарағанды облысының инвестициялық жобалар пулының жалпы көлемі шамамен 1,3 триллион теңгені құрайды.Ақпарат көзі : https://www.gov.kz/memleket/entities/mfa/press/news/details/882774

ҚР Еңбек және халықты әлеуметтік қорғау министрі Светлана Жақыпова ҚР Парламенті Мәжілісінің депутаттарымен кездесу өткізді. Оған ҚР Президенті Әкімшілігінің, ҚР Оқу-ағарту министрлігінің, ҚР Мәдениет және ақпарат министрлігінің өкілдері қатысты. Кездесу барысында қиын өмірлік жағдайдың деңгейін анықтау және балалы отбасыларға әлеуметтік қолдау шараларын көрсету мәселелері талқыланды.Министр мемлекеттік органдардың ақпараттық жүйелерінің деректері негізінде әлеуметтік әл-ауқат деңгейін айқындауға және мұқтаж азаматтарға мемлекеттік қолдау шараларын жедел проактивті форматта көрсетуге мүмкіндік беретін Отбасының цифрлық картасының мүмкіндіктерін көрсетті.«Қазіргі уақытта әлеуметтік саясат, оның ішінде ана мен баланы қолдау жөніндегі саясат еліміздің бірнеше орталық мемлекеттік органдарында қалыптастырылып, жергілікті деңгейде іске асырылуда. Біздің басты міндетіміз – отбасының жағдайын жақсарту және өмір сүру сапасын арттыру», – деп атап өтті Светлана Жақыпова.Кездесуге қатысушыларға балалы отбасылар үшін әлеуметтік көмек пен әлеуметтік сақтандырудың кешенді моделі туралы ҚР ЕХӘҚМ Әлеуметтік көмек департаментінің директоры Асқар Аймағамбетов баяндады. Оның айтуынша, қазіргі уақытта балалары бар 2 млн–ға жуық қазақстандық отбасы республикалық бюджеттен берілетін жәрдемақылармен және отбасының табысына қарамастан тағайындалатын Мемлекеттік әлеуметтік сақтандыру қорынан (бұдан әрі – МӘСҚ) төленетін әлеуметтік төлемдермен қамтылған. 2024 жылы осы мақсаттарға 1,5 трлн теңгеден астам қаржы бөлінді (оның ішінде республикалық бюджеттен 750 млрд теңге, Мемлекеттік әлеуметтік сақтандыру қорынан 807 млрд теңге).«Егер базалық деңгейде мемлекет жұмыс істейтін және жұмыс істемейтін ата-аналарға республикалық бюджет қаражаты есебінен бала тууға арналған біржолғы жәрдемақыға кепілдік берсе, онда жұмыс істемейтін ата-аналарға бала бір жарым жасқа толғанға дейін оның күтімі бойынша ай сайынғы жәрдемақы көзделген. Осы жәрдемақы түрлерінің мөлшері туылған баланың кезектілігіне байланысты сараланған түрде белгіленеді.Бұл мөлшерді анықтау жәрдемақы алушылардың құрылымының өзгеруіне әсер етті. Осылайша, 4 және одан да көп бала тууға жәрдемақы алушылардың үлесі 2013 жылғы 12,7% - дан 2024 жылғы 1 қарашадағы жағдай бойынша 32,4% - ға дейін өсті.Сол сияқты, егер 2013 жылы 4 және одан да көп бала күтімі бойынша жәрдемақы алушылардың үлесі 17,6% болса, 2024 жылғы 1 қарашадағы жағдай бойынша 35% - ға дейінгі мөлшерді құрайды. Осылайша, әрбір үшінші бала көп балалы отбасында өмірге келеді», – деді Асқар Аймағамбетов.Жұмыс істейтін ата-аналар үшін МӘСҚ-дан төленетін әлеуметтік төлемдердің екі түрі қарастырылған: жүктілік және босану, сондай-ақ бір жарым жасқа дейінгі бала күтіміне байланысты табысынан айырылу жағдайы бойынша берілетін төлем.Бұдан басқа 1,5 жасқа толғанға дейін бала күтімімен айналысатын әйелдерге орташа айлық табыстың 10% мөлшерінде міндетті зейнетақы жарналарын субсидиялау көзделген.Мүгедектігі бар балаларды тәрбиелеп отырған отбасыларды қолдау үшін мүгедектігі бар баланы кәмелетке толғанға дейін тәрбиелеушіге жәрдемақы көзделген (жәрдемақы мөлшері 1,61 ең төмен күнкөріс деңгейі – 69 886 теңге). 1 қарашадағы жағдай бойынша 77,3 млрд теңге сомасына 109 мыңнан астам адам жәрдемақы алды. 2024 жылы бұл мақсаттарға барлығы 91 млрд теңге қарастырылған.Бүгінде 585 мыңнан астам отбасы көпбалалы отбасыларға арналған жәрдемақы алады, олардың мөлшері балалар санына қарай анықталады. Жәрдемақы төлеудің қолданыстағы тетігін енгізу алушылар санының 2 еседен астам өсуіне негіз болды, атап айтқанда олардың саны 2019 жылғы 252 мың отбасыдан 2024 жылғы 1 қарашада 585 мың отбасыға дейін өсті.Әлеуметтік кодекс шеңберінде «Алтын алқамен» марапатталған, яғни 7 және одан да көп баланы өмірге әкеліп, тәрбиелеген аналарға арналған жәрдемақы мөлшері ұлғайтылды. 2019 жылмен салыстырғанда аталған жәрдемақы алғаш тағайындалғандар саны оң динамикаға ие екенін атап өткен жөн. Мәселен, егер 2019 жылы ол 6 900 адамға тағайындалса, 2023 жылы 11 762 анаға тағайындалған.Осылайша, біздің елімізде кәмелетке толмаған балаларды тәрбиелеп отырған көпбалалы аналар бір мезгілде бірнеше төлем алуға құқылы.Сонымен бірге жұмыспен қамтуды қамтамасыз ету және халықтың табысын арттыру Еңбек министрлігі жұмысының негізгі бағыттары болып табылады.«Жұмыссыздықтан әлеуметтік қорғау мақсатында мемлекет жұмыспен қамтуға жәрдемдесудің белсенді шараларын іске асыруда, олар: кәсіптік оқыту, кәсіпкерлік бастамаға жәрдемдесу, халықтың әлеуметтік осал топтарын жұмысқа орналастыру үшін субсидияланатын жұмыс орындарын құруды қамтиды. Биыл бекітілген өңірлік жұмыспен қамту карталары шеңберінде 2024 жылғы 1 қарашадағы жағдай бойынша көпбалалы отбасылардан 31,1 мыңнан астам адам жұмысқа орналастырылды.Естеріңізге сала кетейік, халықтың әлеуметтік осал топтары арасынан «Бастау Бизнес» жобасы бойынша оқудан өткен адамдарға 400 АЕК (1 476 800 теңге) мөлшерінде жаңа бизнес-идеяларды іске асыруға гранттар беріледі. 1 қарашадағы жағдай бойынша берілген 8 941 гранттың 63,2% - ы көпбалалы отбасыларға берілді», – деді Асқар Аймағамбетов.Ақпарат көзі : https://www.gov.kz/memleket/entities/enbek/press/news/details/882560

Астана, 2024 жылғы 12 қараша – Қазақстан Республикасы Сыртқы істер министрінің орынбасары Роман Василенко Польшаның Қазақстандағы Уақытша сенімді өкілі Михал Лабенданы қабылдады.Кездесу барысында тараптар саяси, сауда-экономикалық, парламенттік, мәдени және білім салаларындағы екіжақты ынтымақтастықты тереңдету мәселелерін талқылады.Министрдің орынбасары поляк дипломатының Астанаға тағайындалғаннан бері атқарып жатқан белсенді қызметін жоғары бағалап, екі ел арасындағы өзара тиімді табысты ынтымақтастықтың одан әрі дами беретініне сенім білдірді.Саяси диалогты нығайту аясында тараптар Нью-Йоркте өткен БҰҰ Бас Ассамблеясының 79-шы сессиясы шеңберіндегі (2024 ж. 24 қыркүйек) сыртқы істер министрлері Мұрат Нұртілеу мен Радослав Сикорскийдің келіссөздері мен Варшавада өткен Қазақстан-Польша сімаралық консультацияларының (2024 ж. 22-23 қазан) нәтижесінде қол жеткізілген уағдаластықтардың іске асырылуын талқылады.Дипломаттар Қазақстан нарығындағы «Polpharma» (фармацевтика), «Selena Group» (құрылыс химиясы материалдарын өндіру) және «Stokson» (кондитерлік зауыт) секілді ірі поляк компаниялардың қызметінің арқасындағы жемісті сауда-экономикалық байланыстарды атап өтті. Сонымен қатар 2025 жылы Астанада ұйымдастырылатын Сауда-экономикалық ынтымақтастық жөніндегі үкіметаралық комиссияның (ҚР Сыртқы істер министрлігі мен Польшаның Экономикалық даму және технологиялар министрлігі тең төрағалар болып табылады) 10-шы отырысына дайындықты жалғастыруға келісті.М. Лабенда мәдени байланыстарды кеңейтуге ерекше қызығушылық білдіріп, Қазақстанда концерттер мен кино көрсетілімін өткізу туралы бастама көтерді.Білім және ғылым салаларындағы байланыстарды тереңдету мәселелеріне де аса назар аударылды. Польшаның қазақстандық студенттер үшін танымал бағыт болып табылатыны және қазіргі уақытта олардың саны 3 мыңнан асатыны аталып өтті. Сондай-ақ Қазақстанның орта және жоғары оқу орындарында 20-дан астам поляк тілі мұғалімі жұмыс істейді, бұл екі ел арасындағы мәдени және академиялық байланыстардың нығаюына ықпал етеді.Өз кезегінде Р. Василенко поляк тарапының бастамаларын қолдап, жан-жақты ынтымақтастықты дамытуға бейілділігін атап өтіп, поляк дипломатын 11 қарашада аталып өтетін Польшаның Тәуелсіздік күнімен құттықтады және поляк халқына одан әрі өркендеу мен игілік тіледі.Анықтама: 2024 ж. қаңтар-қыркүйек кезеңінде Қазақстан мен Польша арасындағы тауар айналымы 852,8 млн АҚШ долларын құрады. 2023 ж. тауар айналымы 1,23 млрд долларға жетті. 2005 жылдан бастап Польшадан Қазақстанға тікелей шетелдік инвестициялар көлемі 447,8 млн долларды құрады. Қазақстанда поляк капиталының қатысуымен 140 компания жұмыс істейді, оның ішінде «Polpharma» (Santo), «Selena», «Stockson» және т.б. бар.Ақпарат көзі : https://www.gov.kz/memleket/entities/mfa/press/news/details/882410

2024 жылғы 1 қарашадағы жағдай бойынша жұмыспен қамтуға жәрдемдесу шараларына 582,8 мың қазақстандық қатысты. 457,8 мың адам жұмыспен қамтылды, оның 277,3 мыңы тұрақты жұмысқа орналасты. Субсидияланатын жұмыс орындарына 180,5 мың адам орналастырылды. Оның ішінде әлеуметтік жұмыс орындарында 15,4 мың адам, жастар практикасында 30,5 мың адам, қоғамдық жұмыстарда 106,2 мың адам, «Алғашқы жұмыс орны» жобасы аясында 9,2 мың адам, «Ұрпақтар келісімшарты» жобасы аясында 409 адам, «Күміс жас» жобасы аясында 18,8 мың адам жұмыспен қамтылды.Еңбек нарығында сұранысқа ие дағдылар бойынша онлайн оқытумен52,3 мың жұмыссыз қамтылды, оның ішінде 47,4 мыңы оқуды аяқтады.Сондай-ақ, «Бастау Бизнес» жобасы бойынша кәсіпкерлік негіздеріне оқытумен 54,2 мың адам қамтылды, оның ішінде 35,4 мың адам оқуды аяқтап, сертификаттар алды.Қызмет саласын таңдау мақсатында 183,5 мың адам әлеуметтік кәсіптік бағдарлаудан өтті.Бұдан басқа, жаңа бизнес-бастамаларды іске асыру үшін ағымдағы жылдың басынан халықтың әлеуметтік осал санаттарына 400 АЕК дейінгі (1 476 800 теңге) мөлшерде 8 941 грант берілді.Ақпарат көзі : https://www.gov.kz/memleket/entities/enbek/press/news/details/882077

Алматы облысындағы Қара каньон үстінен бірегей әйнектен аспалы көпір салу жоспарлануда. Құны 1,5 миллиард теңгені құрайтын жобаны «ASK Capital» ЖШС жүзеге асыруда. Бұл өңірдегі туризм инфрақұрылымын дамытудың жаңа перспективаларына жол ашады. Нысанның пайдалануға берілуі 2026 жылдың төртінші тоқсаны деп жоспарланып отыр, содан кейін көпір жұртшылық үшін ашық болады. Заманауи технологияны пайдалана отырып жобаланған көпір тек көрнекті орын ғана емес, туристерді тартуға да маңызды үлес болмақ.Бастамашылардың пікірінше «Шыны аспалы көпір», Қазақстанның туризм мен машина жасаудағы инновациялық көзқарасының символы болуы керек.«Көпір тек функционалды нысан ғана емес, сонымен қатар Қара шатқалдың нағыз інжу-маржанына айналады», - деп атап өтті Алматы облысы әкімдігінің баспасөз хатшысы Жанна Арынбекова. «Ол біздің аймақтың өркендеуі мен сұлулығын білдіреді және оның қауіпсіздігі соңғы инженерлік технологиялармен қамтамасыз етіледі».Көпірдің қауіпсіздігі каньонның табиғи жағдайларына сай жасалған заманауи инженерлік шешімдермен қамтамасыз етіледі. Жобаның мақсаты – туристерді тартып, өңірдің экономикасына үлес қосатын, Қазақстанның беделін арттырып, туризмді насихаттау бойынша мемлекеттік бағдарламаның бір бөлігі болатын ерекше туристік аймақ жасау.Естеріңізге сала кетейік, ағымдағы жылдың қаңтар-қазан айларында, мемлекеттік ұлттық табиғи парктерге баруды қоса алғанда, туристердің жалпы саны 2023 жылдың сәйкес кезеңімен салыстырғанда 31 пайызға артып, 1,6 миллион адамды құрады.Оның ішінде «eQonaq» шетелдік азаматтарды тіркеу ақпараттық жүйесінің мәліметі бойынша 2024 жылдың 10 айында облысқа 111 352 шетелдік турист келіп, өткен жылмен салыстырғанда (64 003 адамға) 73 пайызға артқан. «eQonaq» шетелдік туристік ағыны мен көші-қон жүйесі бойынша Алматы облысы төртінші орында, Алматы, Астана қалалары мен Атырау облысынан кейін екінші орында. Алматы облысындағы шетелдік туристердің негізгі ағыны ұлттық табиғи саябақтарда шоғырланған, бұл халықаралық қонақтар үшін аймақтың табиғи көрікті жерлерінің жоғары тартымдылығын дәлелдейді. Туристер арасында «Көлсай көлдері», «Іле-Алатау» ұлттық саябақтары және Шарын каньоны сияқты орындар танымал.Бұл көрсеткіш аймақтың шетел азаматтары арасында танымалдылығының артып келе жатқанын көрсетеді және оның Қазақстандағы жетекші туристік бағыттардағы орнын нығайтады.Инфрақұрылымды дамытуға 87 млн теңге бөлінді: бұл қаражат электр желілерін тартуға және айналаны абаттандыруға жұмсалады.Құрылыс кезінде жергілікті тұрғындар үшін 120 уақытша жұмыс орны ашылады, ал аяқталғаннан кейін жыл сайын шамамен 65 000 келушілер ағыны күтілуде.Қара каньондағы шыны көпір жобасы Алматы облысы мен жалпы Қазақстан үшін стратегиялық нысанға айналады. Бұл бірегей көпір аймақ экономикасын қолдаумен қатар, Қазақстанның туристік саладағы заманауи инновациялар мен жаңа мүмкіндіктерге ашықтығының символы болады.Ақпарат көзі : https://www.gov.kz/memleket/entities/almobl/press/news/details/881766

Алматы облысы әкімінің өкімімен Дәулет Шайтұрсын Алматы облысының балалар құқықтарын қорғау басқармасының басшысы болып тағайындалды.Бұл басқарма осы жылдың 11 наурызында Мемлекет басшысының балаларды қорғау жүйесін күшейту жөніндегі тапсырмасына сәйкес құрылған.Дәулет Шайтұрсын 1988 жылы туған. Білімі – жоғары. Қорқыт Ата атындағы Қызылорда мемлекеттік университетін «Қазақ тілі мен әдебиеті» мамандығы, Тұран университетін «Менеджмент» мамандығы бойынша бітірген.Еңбек жолын 2008 жылы «ҚызылордаОтын» ЖШС директорының көмекшісі болып бастаған. Әр жылдары «АБК-Құрылыс» ЖШС директорының бірінші орынбасары, директоры, Қызылорда облыстық филармониясының бас әкімшісі, облыс әкімі аппаратының инспекторы, «Байқоңыр» ӘКК» ҚБ» АҚ ұйымдастыру-бақылау жұмысы бөлімінің бастығы, Қорқыт Ата атындағы Қызылорда мемлекеттік университетінің маманы, Алматы қаласы әкімі аппаратының бас маманы, бас инспекторы, Жетісу ауданы әкімі аппаратының басшысы, аудан әкімінің орынбасары қызметтерін атқарған.Өткен жылдың наурызына дейін Алматы облысының Тілдерді дамыту жөніндегі басқарма басшысы, облыс әкімі аппараты басшысының орынбасары лауазымдарында, кейіннен Қазақстан Республикасы Үкіметі аппаратының өңірлік инспекторы болып еңбек еткен.Ақпарат көзі : https://www.gov.kz/memleket/entities/almobl/press/news/details/1189394?lang=kk

Қазан айында Электрондық еңбек биржасында (бұдан әрі-ЭЕБ) 123,7 мың бос жұмыс орны және 106 мың түйіндеме орналастырылды. Алдыңғы аймен салыстырғанда іздеу және жалдау белсенділігі төмендеді: бос жұмыс орындарының саны 9%-ға (13 мың), ал түйіндеме 13%-ға (16,5 мың) азайды. Белсенділіктің төмендеуі білім беру саласындағы сұраныс пен ұсыныстың төмендеуімен түсіндіріледі, оқу орындарында кадрларды даярлаудың аяқталуына байланысты болуы мүмкін.Алайда, қыркүйек айындағы сияқты, жылыту маусымына көшу кезеңі жылу және қазандық жабдықтарына қызмет көрсету мен оларды пайдалануға қаьысты қызметкерлерге сұраныстың артуына себеп болды.Мәселен, өткен айда қазандық операторлары (+5,9 мың), қазандық машинистері (+1,1 мың) және қазандықтар жұмыскері (+969) үшін бос орындар саны артты. Мұндай мамандарға жоғары сұраныс Батыс Қазақстан (2,9 мың бос жұмыс орны), Ақтөбе (1,3 мың) және Жамбыл (974) облыстарында байқалды.Сұраныстың айтарлықтай өсуі мал өсірушілер мен жануарларды күту жұмыскерлері сияқты мамандықтарға да тіркелді, бұл әсіресе, мал шаруашылығындағы қысқы кезеңге дайындық кезеңінде маңызды.Өңірлер бөлінісінде ең белсенді білікті кадрларды Қарағанды облысынан (9,5 мың бос жұмыс орны немесе жалпы санының 8%), сондай-ақ Алматы қаласынан (9,3 мың немесе 7,5%), Батыс Қазақстан облысынан (9,2 мың немесе 7,5%) және Астана қаласынан (8,1 мың немесе 7%) жұмыс берушілер іздеді.Бұл ретте қазан айында бос жұмыс орындарының жалпы саны келесі өңірлерде азайды: Алматы (-44%, немесе -3,9 мың), Жетісу (-37%, немесе -1,6 мың) және Астана қаласында (-34%, немесе -4,1 мың).Сұраныс пен ұсыныстың теңгерімсіздігі кейбір аумақтарда өзекті мәселе болып қала береді. Мәселен, Шығыс Қазақстан облысында 5,5 мың бос орынға 2,5 мың түйіндеме, Солтүстік Қазақстан облысында 4,1 мың бос орынға 2 мың түйіндеме, ал Павлодар облысында 6,5 мың бос орынға 3,4 мың түйіндеме тіркелді.Шымкент қаласында, Қызылорда және Түркістан облыстарында бос орындар санынан тиісінше 54%, 48% және 47%-ға түйіндеменің артық болуы байқалуда.Қазан айында жоғары жалақы бас құрылысшыларға (орта есеппен 679 мың теңге), бас техникалық мамандарға (шамамен 565 мың теңге) және ұшу қауіпсіздігі жөніндегі инженерлерге (шамамен 554 мың теңге) ұсынылды.Бұл ретте инвестициялық жобалар жөніндегі директор (орта есеппен 2 млн теңгеден бастап), өндірісті басқарудың автоматтандырылған жүйесі бөлімінің бастығы (шамамен 1,8 млн теңге) және комбайнер (1,2 млн теңге) лауазымына үміткер ізденушілер ең жоғары жалақыны сұрады.Жалпы, қазан айында ЭЕБ белсенділік төмендеді, бұл әсіресе, білім беру саласында байқалып отыр. Сонымен қатар қысқы маусымның басталуы жылу өндірісі жүйесінің жұмысшыларына сұраныстың артуына себеп болды.Ақпарат көзі : https://www.gov.kz/memleket/entities/enbek/press/news/details/881235

Ар-Рияд, 2024 жылғы 11 қараша – Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу Палестина мәселесін реттеу және Ливандағы жағдайды тұрақтандыру бойынша Араб мемлекеттері лигасы мен Ислам ынтымақтастығы ұйымының (ИЫҰ) бірлескен кезектен тыс Саммитіне қатысты.Іс-шара барысында мүше мемлекеттердің өкілдері геосаяси ахуалды, ислам әлемі алдында тұрған сын-қатерлер мен қауіптерді, соның ішінде Таяу Шығыстағы ағымдағы оқиғаларды талқылады.Өз сөзінде М. Нұртілеу ИЫҰ-ның өңірдегі мұсылман үмбетінің елдерінде бейбітшілік пен тұрақтылықты қамтамасыз ету мәселелеріне белсенді қатысуының маңыздылығын атап өтіп, ИЫҰ мен Араб мемлекеттері лигасы мүшелерін ағымдағы қақтығыстарды тез арада реттеу бойынша нақты ұсыныстар әзірлеуге шақырды.ҚР сыртқы саяси ведомствосының басшысы халықаралық қауымдастықтың Голан шыңдарында, Ливанда және әлемнің басқа аймақтарындағы БҰҰ-ның бітімгершілік миссияларының маңызды рөлін естен шығармауы керектігін ерекше атап өтті.Осыған байланысты БҰҰ-ның бітімгершілеріне және дипломатиялық миссияларға жасалған шабуылдардың халықаралық және гуманитарлық құқықтың өрескел бұзылуы болып табылатындығы және оған жол бермеу қажеттілігі аталып өтті.Қазақ делегациясының басшысы сондай-ақ ИЫҰ-ға мүше мемлекеттерді Азық-түлік қауіпсіздігі жөніндегі ислам ұйымының әлеуетін пайдалануға және зардап шеккен Палестинаның тұрғындарына азық-түлікпен көмек көрсету үшін осы Ұйымның қаржы жинау бастамасын қолдауға шақырды.Саммит аясында ҚР сыртқы саяси ведомствосының басшысы Бруней Сыртқы істер министрі Эриван Юсуфпен, Гвинея-Бисау Сыртқы істер министрі Карлос Пинто Перейрамен, Кувейт Сыртқы істер министрі Абдулла Али Әл-Яхьямен, Қырғызстан Сыртқы істер министрі Жээнбек Кулубаевпен, Мали Сыртқы істер министрі Абдулай Диоппен, Марокко Сыртқы істер министрі Нассер Буритомен, Оман Сыртқы істер министрі Бадр бин Хамад Әл-Бусаидимен, Сауд Арабиясы Сыртқы істер министрі Файсал бин Фархан Әл Саудпен және Тунис Сыртқы істер министрі Мұхамед Али Нафтимен екіжақты кездесулер өткізіп, олардың барысында тараптар саяси, сауда-экономикалық, инвестициялық және мәдени-гуманитарлық салалардағы екіжақты ынтымақтастықтың өзекті мәселелерін талқылады.Анықтама: Араб мемлекеттері лигасы - ИЫҰ алғашқы кезектен тыс Саммиті 2023 жылғы 11 қарашада Ар-Рияд қаласында (Сауд Арабиясы) өтті. Кездесудің нәтижесі бойынша қорытынды қарар қабылданып, Газадағы әскери іс-қимылдарды тоқтатуға және Палестина халқының қауіпсіздігін қамтамасыз ету мақсатында Газа секторы бойынша Министрлік байланыс тобы құрылды.Ақпарат көзі : https://www.gov.kz/memleket/entities/mfa/press/news/details/881199

Астана, 2024 жылғы 11 қараша – 2024 жылғы 18 қарашадан бастап Қазақстанда бизнес-иммигранттар, білікті мамандар және саяхатшылар үшін қолайлы жағдай жасауға бағытталған жаңартылған виза ережелері күшіне енеді.Жаңа өзгерістер келесіні қамтиды:– «В9» визасы – сұранысқа ие кәсіптер өкілдеріне одан әрі тұрақты тұруға ықтиярхатты ресімдеуге мүмкіндік беретін санаты;– Digital Nomad Visa – IT мамандарына арналған бір реттік электронды және көп реттік қағаз визасы, тұрақты тұру мүмкіндігін береді;– Neo Nomad Visa – айына кемінде 3000 АҚШ долларын құрайтын табысты растаған жағдайда ұзақ мерзімді болу құқығын беретін «неономадтар» үшін туристік виза;– «С5» бизнес-визасы үшін талап етілетін құжаттар тізімі айтарлықтай азайып, отбасы қосылуы мақсатында виза алу үшін неке-отбасы қатынастар ұзақтығының минималды мерзімі үш жылдан бір жылға дейін қысқартылды.Бұл шаралар инвестициялық ахуалды жақсартуға, халықаралық ынтымақтастықты дамытуға, білікті мамандарды тартуға және Қазақстанның туристік тартымдылығын арттыруға бағытталған.Ақпарат көзі : https://www.gov.kz/memleket/entities/mfa/press/news/details/880989

2024 жылғы 11 қарашада Астанада Сириядағы жағдайды реттеуге арналған Астана процесі аясындағы халықаралық келіссөздердің 22-ші раунды басталды.Бұл кездесуге қатысу үшін Қазақстан елордасына 11 делегация келді. Сирия Үкіметінің келіссөз тобына Сыртқы істер және экспатрианттар істері жөніндегі министрдің орынбасары Айман Раад жетекшілік етсе, Сирия оппозициясы атынан Ахмад Тома басшылық етуде.Сонымен қатар кездесуге кепілгер елдердің делегациялары қатысуда: Ресей делегациясын Сириядағы жағдайды реттеу бойынша РФ Президентінің арнайы өкілі Александр Лаврентьев, Түркия делегациясын ТР СІМ-нің Екіжақты саяси қатынастар жөніндегі бас директоры Мустафа Юрдакул, ал Иран делегациясын ИИР СІМ-нің Арнайы саяси мәселелер жөніндегі көмекшісі Али Асгар Хаджи басқаруда.Келіссөздерге бақылаушы ретінде Иордания, Ливан және Ирак өкілдері, сондай-ақ халықаралық ұйымдар – Біріккен Ұлттар Ұйымы, БҰҰ-ның Босқындар істері жөніндегі жоғарғы комиссарының басқармасы және Қызыл Крест өкілдері қатысуда.Бұған дейін хабарланғандай, ү.ж. 11-12 қарашада делегациялардың екіжақты және үшжақты консультациялары өтеді, олардың қорытындысы ретінде делегация басшыларының қатысуымен пленарлық отырыс пен баспасөз конференциясы өтеді.Ақпарат көзі : https://www.gov.kz/memleket/entities/mfa/press/news/details/880805

Астана, 2024 жылғы 11 қараша – Қазақстан Сыртқы істер министрінің бірінші орынбасары Ақан Рахметуллин Қазақстан-Бразилия парламентаралық достық тобының бірінші отырысына қатысу үшін Астанаға сапары аясында Бразилияның федералды депутаты – «Қазақстан-Бразилия» парламентаралық достық тобының төрағасы Клаудио Кажадумен кездесті.А. Рахметуллин бразилиялық депутатты ҚР-дағы саяси және әлеуметтік-экономикалық реформалардың барысымен таныстырды, сондай-ақ жаһандық күн тәртібі мен халықаралық алаңдардағы өзара іс-қимыл контекстіндегі еліміздің сыртқы саясатының негізгі басымдықтары туралы айтты. Сондай-ақ ол Бразилия Қазақстанның Оңтүстік Америка құрлығындағы маңызды серіктесі болып қала беретінін атап өтіп, парламентаралық диалог екі елдің саяси ынтымақтастығының негізгі тетігі болып табылатынына және Қазақстан мен Бразилия арасындағы қатынастардың барлық кешеніне қуатты серпін беретініне сенім білдірді.Өз кезегінде К. Кажаду қазақ дипломатын Бразилиядағы қазіргі саяси, әлеуметтік-экономикалық жағдаймен және Оңтүстік Америка өңіріндегі соңғы үрдістермен таныстырды. Сонымен қатар федералды депутат Қазақстанның халықаралық сахнадағы жетістіктерін, оның ішінде Орталық Азия өңіріндегі шешуші рөлін жоғары бағалады.Сондай-ақ келіссөздер күн тәртібінде Бразилиа қаласында алтыншы сімаралық саяси консультацияларды табысты өткізу контекстінде екі ел арасындағы сауда-экономикалық ынтымақтастықты арттыру, сондай-ақ биылғы жылы Порту-Алегри қаласында «Қазақстан-Бразилия» іскерлік кеңесінің III отырысы мәселелері тұрды. Сұхбат барысында 2025 жылы Бразилияда өтетін COP30 климаттың өзгеруі жөніндегі халықаралық конференция аясында екі елдің тығыз ынтымақтастығы туралы уағдаластыққа қол жеткізілді.Кездесу барысында тараптар «Қазақстан-Бразилия» достық тобының алдағы бірінші отырысының өзекті мәселелерін талқылады және екі елдің заң шығарушы органдары арасындағы байланыстарды кеңейту арқылы саяси өзара іс-қимылды дамытуға өзара қолдау көрсету туралы уағдаласты.Ақпарат көзі : https://www.gov.kz/memleket/entities/mfa/press/news/details/880747

ҚР Еңбек және халықты әлеуметтік қорғау бірінші вице-министрі Ақмәди Сарбасов Мемлекеттік еңбек инспекциясы комитеті мен оның аумақтық департаменттерінің қызметкерлері арасында сыбайлас жемқорлыққа қарсы құндылықтарды ілгерілету мәселелері бойынша кеңес өткізді.Іс-шараға Мемлекеттік еңбек инспекциясы комитеті төрағасының м.а. Мұрат Мұратбеков, ҚР Сыбайлас жемқорлыққа қарсы іс-қимыл агенттігінің Превенция қызметінің аса маңызды істер жөніндегі офицері Жазира Жылқышиева, ҚР Кәсіподақтар федерациясы төрағасының орынбасары Нұрлан Өтешев, ҚР ЕХӘҚМ Әдеп жөніндегі уәкілі Өркен Алшынбаева, барлық өңірлерден 215 мемлекеттік еңбек инспекторы және өзге қызметкерлер қатысты.Ақмади Сарбасов алғы сөзінде сыбайлас жемқорлық құқық бұзушылықтардың жолын кесу және оларға жол бермеу Еңбек министрлігі жұмысының негізгі бағыттарының бірі болып табылатынын атап өтті.«Сыбайлас жемқорлыққа қарсы іс-қимыл туралы заңнама шеңберінде министрлік жыл сайын құрылымдық бөлімшелердің қызметіндегі сыбайлас жемқорлық тәуекелдеріне ішкі талдау жүргізеді. Биыл Сыбайлас жемқорлыққа қарсы іс-қимыл агенттігімен бірлесіп сыбайлас жемқорлық тәуекелдеріне сыртқы талдау жүргізілді. Мемлекеттік еңбек инспекция комитетінің аумақтық департаменттерінің барлық қызметкерлері мемлекеттік қызметкердің сыбайлас жемқорлыққа қарсы шектеулері туралы нақты білуі тиіс», – деп атап өтті ол.Мұрат Мұратбеков мемлекеттік еңбек инспекциясының негізгі міндеттері туралы айтып берді, олар: ҚР еңбек заңнамасының сақталуына мемлекеттік бақылауды қамтамасыз ету, қауіпсіз еңбек жағдайларына құқықты қоса алғанда, жұмыскерлердің құқықтары мен бостандықтарын қорғау, жұмыскерлер мен жұмыс берушілердің өтініштерін, арыздары мен шағымдарын қарау.«2024 жылғы 1 қарашадағы жағдай бойынша 4552 тексеру жүргізілді (2023 жылы – 5834), 7146 бұзушылық анықталды (2023 жылы – 8936), оның ішінде 1769 – еңбек қауіпсіздігі және еңбекті қорғау бойынша заңды бұзу болды.Жұмыс берушілерге 2723 ұйғарым берілді (2023 жылы – 3741), 338,9 млн теңгеден астам сомаға (2023 жылы – 339,5 млн теңге) 3207 әкімшілік айыппұл салынды (2023 жылы – 2046).2024 жылы сыбайлас жемқорлық қылмыстар жасағаны үшін департамент басшылары мен олардың тікелей бағынысты қызметкерлерін жауапқа тарту фактілері болған жоқ», – деді ол.Сондай-ақ, Мемлекеттік еңбек инспекциясы комитеті төрағасының м.а. сыбайлас жемқорлық құқық бұзушылықтарға жол бермеу бойынша жүргізілген жұмыстар туралы хабарлады.«Мемлекеттік еңбек инспекциясы комитетінің сыбайлас жемқорлықты жою жөніндегі негізгі міндеттерінің бірі сыбайлас жемқорлыққа төзбеушілікті қалыптастыру, сыбайлас жемқорлық мүмкіндіктерін болдырмау, жауапкершіліктің бұлтартпастығын қамтамасыз ету жөніндегі шараларды жетілдіру болып табылады.Мемлекеттік еңбек инспекциясының қызметіне қатысты сыбайлас жемқорлық тәуекелдеріне ішкі талдау 15 облыста жүргізілді. Оның нәтижелері бойынша сыбайлас жемқорлық құқық бұзушылықтар жасауға ықпал ететін себептер анықталды. Оларды болдырмау бойынша жұмыстар жүргізілді», – деді Мұрат Мұратбеков.Іс-шара соңында Ақмәди Сарбасов Мемлекеттік еңбек инспекциясы комитеті пен оның аумақтық бөлімшелерінің басшылығына 2025 жылға арналған сыбайлас жемқорлық құқық бұзушылықтар жасауға ықпал ететін себептер мен жағдайларды анықтау және жою жөніндегі іс-шаралар жоспарын әзірлеуді және бекітуді тапсырды.Ақпарат көзі : https://www.gov.kz/memleket/entities/enbek/press/news/details/880734

Алматыда мүгедектігі бар адамдардың өмір сүру сапасын жақсарту үшін инновациялық IT-шешімдерді дамытуға бағытталған стартап-жобалар конкурсының қорытындысы шығарылды. Алты жеңімпаз команда өз идеяларын іске асыруға 1 млн теңге, тағы бір команда – 500 мың теңге көлемінде гранттар алды. Жақын арада олар өз жобаларының прототиптерін жасауға кіріседі.Іс-шара ITMlab жобасы аясында ұйымдастырылды, оны ITeachMe қоры «Шеврон» компаниясымен серіктестікте және ҚР Еңбек және халықты әлеуметтік қорғау министрлігінің қолдауымен жүзеге асырады.Бұған дейін хабарланғандай, мүгедектігі бар адамдардың өмір сүру сапасын арттыру бойынша стартап-жобаларды іріктеу бойынша хакатондар Алматы және Астана қалаларында өткен болатын.Финалдық таныстырылым барысында 18 команда өз жобаларын ұсынды, олардың идеялары бір ай ішінде кәсіби оқытушылардың жетекшілігімен пысықталды.Барлық жобалар технологиялардың қолжетімділігін қамтамасыз етуге, коммуникацияларды жақсартуға, ұтқырлықты арттыруға және инклюзивті қоғам үшін жағдай жасауға бағытталған, бұл мүгедектігі бар адамдардың өмір сүру сапасын едәуір арттыруға ықпал етеді.Таныстырылымдар аяқталғаннан кейін қазылар алқасы 1 млн теңге көлемінде прототиптерді іске асыруға арналған гранттар алған 6 команданы таңдады. Қосымша тағы бір команда 500 мың теңге көлемінде көтермелеу наградасын алды. Shaka - көру қабілеті нашар адамдарға күнделікті өмірде бағдарлануға мүмкіндік беретін вибромоторлармен/сенсорлармен жабдықталған қолғап;Fenix Recovery - арнайы оңалту орталықтарында да, үйде де қолдануға арналған экзоскелет және локомоторлы тренажер;Bulan - мүгедектігі бар адамдар қолданатын арбаларға арналған оңтайландырылған электронды қорап;РиМы - Брайль шрифтында негізделген электронды кітап;ОО «Жан» - қолдану мерзімі ұзақ қолға ұстайтын таяқтар ұштарын өндіру;Техносила - нейрондық алгоритмдері бар қолдың бионикалық протезі;Procrastinators - нақты уақыт режимінде ымдау тілінен мәтінге және керісінше аудармашылық қосымшаҮш айдың ішінде барлық 7 команда өз жобаларының прототипін жасау үшін жұмыс істейді. Ақпан айының басында олар қол жеткізілген нәтижелер мен мүгедектігі бар азаматтардың өмір сүру сапасын жақсартуға ықтимал әсерін көрсете отырып, мүдделі тараптар мен инвесторларға дайын әзірлемелерді ұсынады.Ақпарат көзі : https://www.gov.kz/memleket/entities/enbek/press/news/details/880524

Алматы облысы әкімінің өкімімен Бауыржан Темірғалиұлы Дарибаев Алматы облысының ветеринария басқармасының басшысы лауазымына тағайындалды.Бауыржан Темірғалиұлы 1977 жылы туған, қазақ, білімі жоғары, 2000 жылы Алматының зоотехникалық малдәрігерлік институтын «ветеринариялық медицина», 2014 жылы Ө.А. Жолдасбеков атындағы экономика және құқық академиясын «мемлекеттік және жергілікті басқару» мамандықтары бойынша бітірген.Еңбек жолын 1993 жылы Қарой ұжымдық кәсіпорынының мал емдеушісі болып бастаған.Әр жылдары Қазақстан Республикасы Ауыл шаруашылығы министрлігінің Балқаш аудандық аумақтық басқармасының ветеринариялық қадағалау, Балқаш ауданының ветеринария, Балқаш ауданының ауыл шаруашылық бөлімдерінде басшылық лауазымдарында қызмет атқарған.2017 - 2024 жылдар аралығында Балқаш ауданы әкімінің орынбасары қызметін атқарған.2024 жылдың мамыр айынан Алматы облысының ветеринария басқармасы басшысының орынбасары болды.Ақпарат көзі : https://www.gov.kz/memleket/entities/almobl/press/news/details/880356

2024 жылғы 1 қарашадағы жағдай бойынша мемлекеттік еңбек инспекторлары республиканың 264 кәсіпорны 17,8 мың жұмыскерге 3,9 млрд теңгеге жалақы бойынша берешек екенін анықтады. Сонымен бірге түрлі ұйымдарда жүргізілген тексерулер барысында 7,1 мыңнан аса еңбек құқығының бұзылуы анықталды.Жалақы бойынша берешегі бар кәсіпорындардың басшыларына орындауға міндетті 235 ұйғарым берілді және 46,5 млн теңгеден астам сомаға айыппұл салынды.Қабылданған шаралардың, оның ішінде жалақы бойынша берешекті өтеудің қатаң кестелері мен мерзімдерін белгілеудің нәтижесінде 16,5 мыңнан астам жұмыскердің құқықтары қорғалды. Оларға 3,1 млрд теңге төленді.Бұдан басқа, еңбек заңнамасының сақталуына мемлекеттік бақылауды қамтамасыз ету мәселелері ҚР Еңбек және халықты әлеуметтік қорғау министрлігінің ерекше бақылауында.2024 жылғы 1 қарашадағы деректер бойынша мемлекеттік еңбек инспекторлары 4 552 тексеру жүргізді, оның барысында 7 149 бұзушылық анықталды, оның ішінде: еңбек саласында – 5 310; еңбек қауіпсіздігі және еңбекті қорғау бойынша – 1 769; халықты жұмыспен қамту бойынша – 67.Жұмыс берушілерге 2 723 ұйғарым беріліп, 338,9 млн теңге сомасына 3 207 әкімшілік айыппұл салынды.Қабылданған шаралардың нәтижесінде 31 мыңнан аса жұмыскердің еңбек құқығы қорғалды. Ақпарат көзі : https://www.gov.kz/memleket/entities/enbek/press/news/details/880404

10 ноября 2024 года в стенах университета «SDU University» в Алматинской области начался третий международный шахматный турнир «KONAEV CUP – 2024». Это престижное соревнование объединило 240 шахматистов в возрасте от шести до 60 лет и старше из 12 стран: США, Индонезии, Беларуси, Украины, Армении, России, Узбекистана, Таджикистана, Кыргызстана, Азербайджана, Грузии и Казахстана. В турнире принимают участие как именитые гроссмейстеры, так и начинающие спортсмены, что подчеркивает его статус значимого спортивного события международного уровня.Сегодня в Казахстане шахматами занимаются более 200 тысяч человек, а в Алматинской области для их поддержки создана инфраструктура, включая специализированную школу и филиалы почти в каждом районе. Турнир «KONAEV CUP» за три года стал значимым событием спортивного календаря региона и его визитной карточкой.Турнир проводится по правилам быстрых шахмат: соревнования проходят по швейцарской системе в 9 туров с контролем времени 10 минут плюс 2 секунды за каждый ход. Среди участников – мировые звёзды шахмат: Тимур Гареев (США), Моника Челси Игнесиас (Индоенезия), Дмитрий Бочаров и Илья Ильюшенок (Россия), Жахонгир Вахидов (Узбекистан), Михаил Никитенко (Беларусь), Леван Панцулая (Грузия), а также ведущие казахстанские гроссмейстеры, такие как Рамазан Жалмаханов, Алишер Сулейменов, Денис Махнев, Арыстанбек Уразаев, Рустам Хуснутдинов и Лия Курмангалиева. Регион на турнире представляет 98 шахматистов из Алматинской области, в том числе мастер спорта Имангали Акылбай.Особенностью турнира «KONAEV CUP – 2024» является участие не только профессионалов, но и любителей, что предоставляет начинающим шахматистам уникальную возможность состязаться с мастерами международного уровня, расширяя собственные знания и спортивный опыт.Третий международный турнир «KONAEV CUP – 2024» является значимой вехой в развитии шахматного движения и способствуют укреплению позиций Казахстана на мировой шахматной арене.Ақпарат көзі : https://www.gov.kz/memleket/entities/almobl/press/news/details/880346

Астана, 2024 жылғы 8 қараша – Қазақстан Республикасы Сыртқы істер министрінің орынбасары Әлібек Бақаев және Марокко Корольдігінің Сыртқы істер, африкалық ынтымақтастық және шетелде тұратын марокколықтар министрлігінің Екіжақты қатынастар және өңірлік мәселелер жөніндегі бас директоры Фуад Язухтың төрағалығымен қазақ-марокколық саяси консультациялардың 5-ші раунды онлайн форматында өтті.Консультациялар барысында тараптар Астана мен Рабат арасындағы ынтымақтастықтың оң қарқынын жоғары бағалап, достық пен өзара тиімді серіктестік қағидаттарына негізделген екіжақты қарым-қатынастардың елеулі әлеуетін атап өтті.Тараптар саяси диалогты жан-жақты жандандыру мен мәдени-гуманитарлық, инвестициялық, сауда-экономикалық және парламентаралық ынтымақтастықты нығайтып, екі ел арасындағы шарттық-құқықтық базаны кеңейту жолдарын талқылады.Ерекше назар екіжақты сауда номенклатурасын кеңейту, өзара инвестициялардың көлемін ынталандыру, сондай-ақ көлік-логистика,энергетика, ауыл шаруашылығы, минералдық ресурстар және IT-технология және басқа да салалардағы елдердің іскерлік топтары арасында тікелей байланыс орнату бағыттарына аударылды.Сонымен қатар өңірлік және халықаралық күн тәртібіндегі өзекті мәселелер бойынша пікір алмасып, Қазақстан мен Марокконың әртүрлі алаңдарда, оның ішінде БҰҰ, Африка одағы, ИЫҰ, АҚИҰ, ШЫҰ және АӨСШК ұйымдар аясындағы ықпалдастықты белсендіру жөнінде талқылады.Кездесу қорытындысы бойынша тараптар екі елдің сыртқы саяси ведомстволары арасындағы консультациялар Хаттамасына қол қойды, онда екі жақты ынтымақтастықты нығайтудың негізгі бағыттары көрініс тапты.Ақпарат көзі : https://www.gov.kz/memleket/entities/mfa/press/news/details/880274

Астана, 2024 жылғы 8 қараша – Қазақстан Республикасы Сыртқы істер министрінің бірінші орынбасары Ақан Рахметуллин Халықаралық Қызыл Крест Комитетінің (ХҚКК) Орталық Азиядағы өңірлік делегациясының басшысы Биляна Милошевичпен кездесті.Б.Милошевич Қазақстанға ХҚКК-ның гуманитарлық миссиясынорындауда тұрақты қолдау көрсеткені үшін алғыс білдірді. Ол Қазақстан өз азаматтарын қарулы қақтығыстар аймақтарынан, атап айтқанда Сирия мен Ирактан қайтару жөніндегі күш-жігерін жоғары бағалады.Қазақ дипломаты ХҚКК-ның гуманитарлық миссиясының маңыздылығына назар аударып, биыл әлем мерекелеп жатқан Женева конвенцияларының 75 жылдығы мен оның рөлін ерекше атап өтті. ЕліміздіңХалықаралық Қызыл Крест және Қызыл Жарты ай қозғалысымен бірлескен жұмысының жалғастыруына бейілдік расталды.Тараптар Қазақстан, Бразилия, Қытай, Франция, Иордания және Оңтүстік Африка Республикасы 2024 жылғы қыркүйекте Нью-Йоркте жарияланған Халықаралық гуманитарлық құқыққа саяси қолдауды арттыру жөніндегі жаһандық бастама аясында одан әрі іс-қимылдарды талқылады.Бұған қоса сұхбаттастар Орталық Азия, Ауғанстан мен Таяу Шығыстағы халықаралық қатынастардың өзекті мәселелері бойынша пікір алмасты.ХҚКК – соғыс, зорлық-зомбылық және гуманитарлық апаттар құрбандарына көмек көрсетуді мақсат еткен тәуелсіз ұйым. Ол 1992 жылдан бері Орталық Азияда қызмет атқарады, Ташкентте өңірлік өкілдігі және Астанада өкілдігі бар.Ақпарат көзі : https://www.gov.kz/memleket/entities/mfa/press/news/details/880275

Астана, 2024 жылғы 8 қараша – Қазақстан Республикасы Сыртқы істер министрінің орынбасары Роман Василенко Еуропалық Комиссияның Халықаралық әріптестік жөніндегі бас дирекциясының Таяу Шығыс, Азия және Тынық мұхиты істері жөніндегі директоры Петерис Устубпен кездесу өткізді.Сұхбат барысында тараптар цифрлық трансформация және өңірлік өзара байланыс саласында іс-қимылды нығайтуға баса назар аударып, қазақ-еуропалық ынтымақтастықтың кең ауқымды мәселелерін талқылады.Министрдің орынбасары Қазақстан мен Еуропалық одақ арасындағы саяси байланыстардың жоғары серпінін құптап, өзара мүдделі мәселелер бойынша ынтымақтастықты нығайтудың маңызын атап өтті.Бұл тұрғыда Р.Василенко Орталық Азиядағы цифрлық экономиканы дамытуға, соның ішінде ауылдық аймақтарда спутниктік байланыс арқылы қауіпсіз интернетке қол жеткізуді қамтамасыз етуге бағытталған «Team Europe Initiative on Digital Connectivity» бастамасына қолдау білдірді.Сұхбаттастар көлік-логистика саласындағы ықпалдастықты одан әрі дамытудың маңызын атап өтіп, Транскаспий халықаралық көлік бағытын (ТХКБ) дамыту бойынша үйлестіру платформасының белсенді жұмысын құптады.Кездесу қорытындысы бойынша аталған салалардағы ынтымақтастықты жалғастыру туралы келісімге қол жеткізілді.Анықтама: Қазақстан мен ЕО арасында Кеңейтілген әріптестік және ынтымақтастық туралы келісімге қол қойылып, ратификацияланған. Аталған құжат сауда, инвестиция, инфрақұрылымды дамыту, сондай-ақ инновациялар, мәдениет, спорт және туризм мәселелерін секілді өзара іс-қимылдың 29 саласын қамтиды.Былтыр Еуроодақпен тауар айналымы 3,5%-ға өсіп, 41,4 млрд АҚШ долларын құрады. 2005 жылдан бері Қазақстан экономикасына еуропалық инвестициялардың көлемі 180 млрд доллардан асты. Қазақстанда еуропалық капиталдың қатысуымен 3 мыңнан астам компания жұмыс істейді, соның ішінде «Shell», «Sneider», «Eni», «Total», «Air Liquide», «Alstom», «Siemens» және т.б. трансұлттық корпорациялар бар.Жалпы сомасы 300 млрд еуродан астам қаржы бөлінген «Global Gateway» бастамасы аясында Еуропалық одақ Қазақстанда инфрақұрылымдық, атап айтқанда, ТХКБ-ны дамытуға бағытталған жобаларды жүзеге асыруға ниетті.Ақпарат көзі : https://www.gov.kz/memleket/entities/mfa/press/news/details/880048