Түркістан облысында қар басқан жолдарда жауапты мекеме қызметкерлері тәулік бойы тазарту жұмыстарын жүргізіп жатыр. Ауа райы күрт өзгеріп, Бәйдібек ауданы аумағына қар түсіп, аудандық маңызы бар және елді мекен көшелері толық бақылауға алынған. Бәйдібек ауданындағы облыстық маңызы бар КХ-1 Бірлік — Жарықбас — Қошқарата автомобиль жолын қардан тазарту жұмыстары жүргізілуде. Аудан аумағын қардан тазалау жұмыстарына 10 техника, 20-ға жуық маман жұмылдырылған. Ауыр техникалар тоқтамастан асудағы жолдың қарын күреп шықты.Облыс басшылығы тарапынан жауапты мекемелерге жол қозғалысының үздіксіз болуын қадағалап, тұрғындардың қауіпсіздігін қамтамасыз ету үшін қажетті шараларды уақытылы атқару тапсырылған. Бұл шара қыс мезгіліндегі төтенше жағдайлардың алдын алу мақсатында жүзеге асырылуда. Әсіресе, қызметкерлердің тиімді жұмыс істеуі, ғимараттың техникалық жабдықталуы және азаматтарға қолайлы жағдай жасау мәселесі ерекше назарда.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/930418

Тұтынушылардың құқығын бұзудың алдын алу мақсатында департамент бірнеше маңызды кеңестер ұсынады:Тауар туралы ақпаратты мұқият зерделеу: оның кепілдік мерзімі мен жарамдылық мерзімін тексеру.Күмәнді интернет-ресурстардан тауар сатып алмау және сатушының байланыс деректерін тексеру. Өз құқықтарыңыздың бұзылғанын анықтаған жағдайда, фотосурет немесе бейнемазмұн арқылы дәлелдер жинақтау.Бұл кеңестер тұтынушылардың өз құқықтарын қорғау үшін маңызды қадам болып табылады. 2024 жылы Түркістан облысы бойынша сауда және тұтынушылардың құқықтарын қорғау департаменті өз жұмысын жоғары деңгейде атқарып, облыс тұрғындарының құқықтарын қорғау мен олардың мәселелерін шешу бойынша айтарлықтай нәтижелерге қол жеткізді. Қазіргі уақытта тұтынушыларға құқықтық көмек көрсету жүйесі күннен-күнге жетіліп, азаматтардың құқықтарын қорғауда тиімді шаралар қабылдануда. Бұл жұмыстар алдағы уақытта да жалғасын тауып, тұрғындардың құқықтық сауаттылығын арттырып, әділеттілікті қамтамасыз етуде маңызды рөл атқарады.Департаменттің ұстанған принциптері мен әдістері тұтынушылардың құқықтарын қорғау саласындағы ең тиімді тәжірибелердің бірі ретінде танылды және алдағы жылдары да бұл бағытта нәтижелі жұмыстар жүргізіледі.Егер өз құқығыңыз бұзылса, дүкен сөрелерінде тауар бағалары көрсетілмегенін байқасаңыз, әлеуметтік маңызы бар азық-түлік тауарларының бағасы өскенін байқасаңыз немесе сапасыз қызмет алған жағдайда Сауда және тұтынушылардың құқықтарын қорғау департаментіне шағымдана аласыз. Бұл үшін келесі тәсілдермен арыз-шағым жіберуге болады:«Жедел желі» нөмірлеріне хабарласу:- +7771 322 8282- +7700 606 0071- +7775 224 5616- +7707 347 3876Электронды немесе жазбаша өтініштерді департаменттің мекенжайына жіберу:Түркістан қаласы, Жаңа қала мөлтек ауданы, 32 көше, 16 ғимарат, А корпусы, 427 кабинет.3. «Е-otinish» ақпараттық жүйесі арқылы өтініш қалдыру.Ақпарат көзі : https://www.gov.kz/memleket/entities/ontustik/press/news/details/930421

Түркістан облысының әкімі Нұралхан Көшеров Иран Ислам Республикасындағы «Sorena Carpet» компаниясының президенті Реза Махмудианмен кездесті. Кілем және кілем өнімдерін шығаратын алып компания басшысымен кездесуде екіжақты әріптестікті нығайту, кілем фабрикасын ашу жөнінде ұсыныстар беріліп, келіссөздер жүргізілді. Өңір басшысы Түркістан облысында инвесторларға қолайлы жағдай жасалғанын атап өтті.– Түркістан облысы мен Иран Ислам Республикасының арасындағы екі жақты ынтымақтастығының дамуы өте маңызды екенін атап өткім келеді. Қазақстан-Иран елдері арасындағы ынтымақтастық негізінде сауда-экономикалық, өнеркәсіптік және ғылыми бағытында ынтымақтастықты дамытуға мүмкіндік бар. Сіздер ұсынып отырған жобаның маңызы өте жоғары. Былтыр қазақстандық кәсіпорындар 5,1 млн. шаршы метр кілем өнімін шығарды. Дегенмен ауқымды дей алмаймыз. Облысқа кілем негізінен Түркия, Ресей және Қытайдан жеткізіледі. Еліміздің ішкі нарығының кілем бұйымдарына деген қажеттілігінің 75%-дан астамы импортталады. Сондықтан аймақта кілем фабрикасын ашу тиімді болмақ. Ортақ келісімге келсек, қолдау көрсетуге дайынбыз, – деді Нұралхан Көшеров.Ирандық инвестор компаниясының әлеуетімен таныстырып, жоспарларын баяндады. Түркістан облысында жобаларының бірін жүзеге асыруға ниетті екенін жеткізді. Бұл бағытта келіссөздер жалғасады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/930499

Түркістан облысында салынатын нысандар мен ғимараттардың сәулеті облыс әкімдігіндегі арнайы кеңесте тұрақты түрде талқыланып тұрады. Бұл жолы да сәулеттік кеңестің кезекті отырысы өтіп, 16 жоба талқыланды. Облыс әкімі Нұралхан Көшеров әрбір құрылыс нысаны терең зерделеніп барып салынуы керек екенін тағы да ескертті. – Нысандарды салмас бұрын оның орналасатын жерін, экономикалық тиімділігін, сәулетін терең зерделеу керек. Біз жеке инвесторларды қолдаймыз. Бірақ жобалары талапқа сай болуы тиіс. Жауапты мамандардың талқылауынан өткен соң ғана жобаларды жүзеге асыруға рұқсат беріледі, – деген Нұралхан Көшеров ұсынылған жобалардың бірқатарына ескертпелерін айтып, толықтыру жұмыстарын жүргізуді тапсырды. Кеңесте құрылыс нысаны салынатын аудан, қала әкімдерінің ұсыныстары тыңдалды. Сонымен бірге жеке кәсіпкерлер де өз ойларын айтып, жобаларын ұсынды. Олардың ірілеріне келсек, әкімшілік-іскерлік орталығынан көрме орталығын салу, бой көтерген Қазақ-корей университетінің ғимаратының сәулетіне қатысты идеялар айтылды. Сонымен бірге филармония, галереяның құрылысына қатысты ұсыныстар да берілді. Түркістан облысы әкімінің баспасөз қызметі Ақпарат көзі : https://www.gov.kz/memleket/entities/ontustik/press/news/details/930622

Премьер-министр Олжас Бектеновтің төрағалығымен өткен Үкімет отырысында жол саласын дамыту және аталған салаға цифрлық технологияларды енгізу мәселелері қаралды. Көлік министрі Марат Қарабаев, цифрлық даму, инновациялар және аэроғарыш өнеркәсібі министрі Жаслан Мәдиев ағымдағы жағдай туралы, сондай-ақ Жол активтерінің сапасы ұлттық орталығының басшысы Болатбек Айтбаев және бірқатар өңір әкімдері баяндама жасады.Көлік министрлігінің мәліметінше, 2024 жылы құрылыс-жөндеу жұмыстарымен 12 мың шақырым жол, оның ішінде 8 мың шақырым – республикалық жол желісі, 4 мың шақырым – жергілікті жол қамтылған. Марат Қарабаев Премьер-министрге ұзындығы 7 мың шақырымды құрайтын ірі автожол жобалары аяқталғанын, стратегиялық маңызды нысандар: Бұқтырма су қоймасы арқылы өтетін көпір, Шамалған стансасын айналып өтетін жол өтпесі, Түркістан облысында орналасқан еліміздегі алғашқы туннель пайдалануға берілгенін хабарлады. Сондай-ақ Қарағанды – Алматы, Талдықорған – Өскемен, Ақтөбе – Атырау – Астрахан, Қазталов – Жәнібек және Өнеге – Сайқын сияқты негізгі магистралдарда жол жүру қамтамасыз етілді. Өткен жылдың қорытындысы бойынша республикалық жолдардың қалыпты жағдайы 93%-ға, жергілікті жолдар жағдайы 89%-ға жеткені атап өтілді.Мемлекет басшысының жолдарды жыл сайын жаңарту жөніндегі тапсырмасына сәйкес 2025 жылға 9,5 мың шақырымға жұмыс жоспарланған, сондай-ақ Ақтөбе – Ұлғайсын, Қарағанды – Жезқазған, Атырау – Доссор, Қызылорда – Сексеуіл, Сарыағаш, Қызылорда, Петропавл, Рудный, Шымкент және Түркістан қалаларын айналып өту жобаларын іске қосу және 2,5 мың шақырымға жөндеу жүргізу көзделген.Жол активтерінің сапасы ұлттық орталығының басшысы Болатбек Айтбаев Үкімет отырысы барысында 2024 жылы республикалық желі нысандарын сараптамамен қамту 100%-ға, жергілікті желі бойынша – 99%-ға жеткенін хабарлады. Жол құрылысы сапасын бағалау бойынша жүргізілген жұмыстардың нәтижесінде мердігер компаниялар өз қаражаты есебінен жалпы сомасы 3,9 млрд теңгеге жұмыстарды қайтадан жасады. Биыл нысандарды 100% сараптамадан өткізу және жол-құрылыс материалдарының 10 мың үлгісіне сынақ жүргізу жоспарланып отыр.Жасанды интеллект технологияларын енгізу бойынша автожолдарды диагностикалау бойынша жұмыс белсенді жүргізілуде, автоматтандырылған бақылауға және электрондық көлік құжаттарына ауқымды көшу жүзеге асырылуда.Премьер-министр жол саласы әлеуетін арттыру жөніндегі жұмысты жандандыру қажеттігін атап өтті.«Мемлекет басшысы Үкіметтің кеңейтілген отырысында инфрақұрылымды дамыту ісін жаңа деңгейге көтеру, оның ішінде көлік-логистика саласына баса мән беру қажеттігін айтты. Өткен жылдың қорытындысы бойынша жақсы нәтижелер бар, бірақ қарқынды арттыра түсу қажет. Қазақстанның Орталық Азиядағы негізгі транзиттік хаб ретіндегі позициясын нығайтуға бағытталған жаңа жобаларды дайындауға кірісу керек», — деп атап өтті Олжас Бектенов.Автожол жобаларын уақтылы қаржыландырудың және осы мақсаттарға арналған жер учаскелерін резервке қоюдың маңызы атап өтілді. Премьер-министр өңірлер әкімдіктерінің алдына тиісті міндет қойды. Резервке қойылған жерлерді беруге мораторий енгізу, олардың нысаналы мақсатын өзгерту тапсырылды. Өнеркәсіп министрлігі әкімдіктермен бірлесіп, автожол жобаларына тартылған карьерлердің құжаттарын рәсімдеуі қажет. Көлік министрлігі жол салуға қажетті жерлерді мемлекет қажеттілігі үшін жедел сатып алуды заңнамалық реттеу мәселесін пысықтауы тиіс.Премьер-министр жергілікті жолдар желісін дамытуға баса назар аударды. Олжас Бектенов Батыс Қазақстан, Солтүстік Қазақстан және Абай облыстарында жергілікті бюджеттен қаржыландыру көлемі жеткіліксіз болып отырғанын атап өтті. Өңірлердің әкімдеріне құрылыс және реконструкциялау технологияларын сақтау, сондай-ақ жобаларды іске асыру мерзімдері мәселелерін бақылауға алу тапсырылды.Отырыс барысында Премьер-министр бірқатар тапсырма берді:Көлік министрлігі осы жылдың сәуір айынан бастап «Қарағанды – Жезқазған», «Ақтөбе – Ұлғайсын» жолдары және «Сарыағаш қаласы айналма жолын» салу жұмыстарына кіріссін;Көлік министрлігі әкімдіктермен бірлесіп, барлық жолдардың жағдайына қатаң бақылау жасап, ақауларды уақтылы жойып отыруды қамтамасыз етсін, Ауыр жүк көліктерінің салмағын өлшейтін автоматтандырылған жүйелерді орнату жұмыстары жеделдетілсін;Көлік министрлігіне Ішкі істер, Төтенше жағдайлар, Цифрландыру, Мәдениет және ақпарат министрліктерімен бірлесіп, жаппай жол апаттарының алдын алу үшін нақты алгоритмдер енгізсін;Көлік және Цифрлық даму министрліктері республикалық, жергілікті және қалалық жолдардың жағдайына мониторинг жүргізу үшін осы жылдың соңына дейін «Е-жолдар» цифрлық платформасын пилоттық режимде іске қосуды қамтамасыз етсін;Көлік және Цифрландыру министрліктері нарықтағы барлық цифрлық қызметтерге тексеру жүргізіп, олардың көлік-логистика саласына белсенді енгізілуін қамтамасыз етсін.Ақпарат көзі : https://www.gov.kz/memleket/entities/ontustik/press/news/details/930951

Түркістан облысында экотуризм қарқынды дамып келеді. Облыс әкімі Нұралхан Көшеров туризм саласын дамытуды тапсырды. Осыған орай, Төлеби ауданының әкімі Еркеғали Әлімқұлов «Сайрам-Өгем» мемлекеттік ұлттық табиғи паркінің өкілдерімен кездесіп, әріптестік ынтымақтастық орнату жолдарын талқылады.Ұлттық саябақтың аумағы әртүрлі кіру режимдері бар үш аймаққа бөлінген: қорғалатын (кіреберіс жабық), туристік және рекреациялық. Саябақтың ішінде теңіз деңгейінен 4236 метр биіктікте орналасқан Сайрам шыңы орналасқан. Сондай-ақ, Қырық қыздары, Мақпал көлі (теңіз деңгейінен 2100 м биіктікте), бирам-Өгем ұлттық паркінің аумағында 1635 өсімдік түрі өсіп келеді. Мекеме басшысы саябақтың 17 519 гектар жері сауықтыру және туристік қызметке бөлінгенін, келушілер үшін 11 туристік маршрут ұйымдастырылғанын хабарлады. Қазіргі уақытта жалпы ауданы 343,2 гектарды құрайтын 29 жер учаскесі туристік-рекреациялық мақсатта пайдалануға берілді.Сонымен қатар демалыс орындарының санын көбейту және экотуризмді дамыту үшін инфрақұрылымды дамыту және жол салу қажеттілігі айтылды. Бұл бағыттағы жұмыстар жалғасын табады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/930960

Түркістан облысы ауыл шаруашылығы саласындағы көрсеткіштер бойынша республикада бірінші орында тұр. Мемлекет басшысы Қасым-Жомарт Тоқаевтың осы саланы дамытуға қатысты тапсырмаларын орындауда жүйелі жұмыс бар. Аймақта 2024 жылы ауыл шаруашылығының жалпы өнім көлемі 1 083,6 млрд. теңгені құрады. Оның ішінде: өсімдік шаруашылығы өнімі – 690,5 млрд. теңге, мал шаруашылығы – 383,6 млрд. теңге. Жеке-жеке тоқталсақ, 12 айда 245,8 мың тонна ет (11,6% өсім), 447,1 мың тонна сүт (12,8% өсім), 251,1 мың дана жұмыртқа (1,7% өсім) өндірілді. Ірі қара мал басы – 970,1 мың, жылқы – 430,7 мың, қой – 4 318,6 мың болса, түйе 41 мың басқа жетті. Былтыр 44,6 млрд. теңгеге 34 инвестициялық жоба іске асырылып, 300-ге жуық жұмыс орны құрылды. Оның ішінде ең ірілері: Бәйдібек ауданында «Ernur-Корпорация» ЖШС-нің «5000 басқа арналған ІҚМ бордақылау кешені» жобасы (2 млрд. теңге), Қазығұрт ауданындағы «Қарқын - 2030» ЖШС-нің құны 1,1 млрд. теңге болатын «Қуаттылығы жылына 25 мың бас ІҚМ сою бекеті» жобасы, Сайрам ауданында «Nurym Group» ЖШС-нің құны 2,3 млрд. теңге болатын «Қуаттылығы жылына 46 мың тонна құрама жем зауыты» жобасы. Сонымен бірге Сауран ауданындағы «Жасыл Аймақ» ауыл шаруашылығы кооперативінің құны 3,5 млрд. теңге болатын «5000 басқа арналған ІҚМ бордақылау кешені» жобасы және Шардара ауданындағы «VITA» ЖШС-нің құны 1,5 млрд. теңгелік «Қуаттылығы жылына 136 тонна құрама балық өнімін өндіру» жобасы жүзеге асырылған. Өңір басшысы Нұралхан Көшеровтің тапсырмасымен егістікті әртараптандыру, су үнемдеу технологияларын енгізу жұмыстары күшейтіле түсті. Облыста ауыл шаруашылығы өнімдерін терең өңдеу зауыттарын ашу, отандық өнімдердің экспорттық әлеуетін көтеру бағытындағы жұмыстар жалғасады. Түркістан облысы әкімінің баспасөз қызметі Ақпарат көзі : https://www.gov.kz/memleket/entities/ontustik/press/news/details/930962

Облыс әкімінің орынбасары Ертай Алтаев бекітілген кестеге сәйкес азаматтардың жеке мәселелері бойынша қоғамдық қабылдау өткізді. Кездесуге алдын ала жазылған облыс тұрғындары фильм жобасы бойынша, кинотеатр көрсетіліміне қолдау көрсету, облысымыздың спортшысына атақ-дәреже беру мәселесі, мәдениет үйіне есім беру және «Тарихи тұлғалар» тізімене енгізу, БАҚ-қа қатысты ұсыныстар және мемлекеттік тапсырыс мәселелері бойынша өтініштерін айтты. Ертай Кенжебекұлы қабылдауға жазылған облыс тұрғындарының өтініштерін мұхият тыңдап, шешімнің заңды жолдарын түсіндірді. Облыс әкімінің орынбасары көтерілген әр мәселе бойынша жауапты сала мамандарына нақты тапсырма беріп, барлық мәселе заң аясында шешілетінін жеткізді. Айта кетейік, облыс әкімінің орынбасарларының жеке қабылдауы белгіленген кестеге сәйкес өтуде. Түркістан облысы әкімінің баспасөз қызметі Ақпарат көзі : https://www.gov.kz/memleket/entities/ontustik/press/news/details/931062

Түркістан облысына ҚР Премьер-министрінің орынбасары Қанат Бозымбаев жұмыс сапарымен келді. Мақсат – аймақты дамыту жұмыстарымен танысу, су нысандарының жай-күйін бақылау және мемлекеттік бағдарламалардың халыққа қолжетімділігін үйлестіру.Вице-премьер Түркістан облысының әкімі Нұралхан Көшеровпен бірге Сауран ауданына барып, жақында пайдалануға берілген аумақтық органдар ғимаратын аралап көрді. 2,1 гектар аумақта орналасқан ғимараттың жалпы ауданы 7 300 шаршы метрді құрайды. Мұнда мемлекеттік қызметшілер мен тұрғындарға қолайлы жағдай жасалған. Жалпы, құрылғанына 4 жыл болған Сауран ауданының инфрақұрылымы жақсарып, әлеуеті көтеріліп келеді. Өңірлерді дамыту бағдарламасы аясында ауданда 5 нысан салынған. Өзге жобалар бойынша да әлеуметтік нысандармен толығуда.Саурандағы аумақтық органдар ғимаратында вице-премьерге аймақта «Ауыл – Ел бесігі» жобасының орындалу барысы таныстырылды. Осы жоба арқылы салынған ғимараттар мен алдағы жоспарлар баяндалды.Айта кетейік, Түркістан облысында «Ауыл – Ел бесігі» жобасы аясында 5 жылда 113,2 млрд. теңге қаржы бөлініп, 1 567 жоба жүзеге асты. 173 әлеуметтік және 104 инфрақұрылымдық нысан салынып, 1 571 ішкі көше орташа жөндеуден өтті. Нәтижесінде 328 елді мекен қажетті инфрақұрылыммен қамтылып, 10 мыңға жуық адамға жұмыс орындары ашылды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/931295

ҚР Премьер-министрінің орынбасары Қанат Бозымбаев Түркістан облысына жұмыс сапары барысында Кентаудағы «Қосқорған» су қоймасының жай-күйімен танысты. Аталған нысан маңында вице-премьерге су тасқынына қарсы іс-шаралар, ауыз сумен қамтамасыз ету, жылумен қамту, ұлттық жоба аясында желілерді жаңарту, электр энергиясы мен газбен қамту жұмыстары баяндалды. Облыс әкімі Нұралхан Көшеров аймақтың инфрақұрылымын жақсарту бағытында жүйелі жұмыс жалғасып жатқанын мәлімдеді. Қанат Бозымбаев су тасқынының алдын алу, су нысандарын реттеу жұмыстарын күшейтуді, жауапты мекеме басшыларына өз міндеттеріне мұқият болуды тапсырды. Өңірде «2024-2025 жылғы қыс-көктемгі су тасқынына қарсы инженерлік іс-шаралар» жоспары бекітіліп, 39 іс-шара енгізілген. Қазіргі таңда 28 іс-шара толығымен аяқталып, қалған іс-шаралар бойынша жұмыстар жалғасуда.«2024-2025 жылғы күз-көктемгі су тасқыны кезеңіндегі төтенше жағдайлардың алдын алу іс-шараларын жүргізу» жоспары аясында 461 шақырым арықтар (саны – 1203), жалпы ұзындығы 654 шақырымды құрайтын 165 канал, 30 шақырым дюбинг-өткелдер тазалаудан өткізілген. 9 өзеннің арнасы тазаланып, 5 шақырым канал бетондалды. Нәтижесінде 24 елді мекенде су басу қаупі сейілді. Су тасқынын алдын алу бойынша жоспардан тыс Бөген өзенінің 2,5 шақырымын, Боралдай өзенінің 3 шақырым арнасын түзету жұмыстары жүргізіліп, Ақбастау елді мекенінде 600 метр қашыртқы қазылды. Нәтижесінде 4 елді мекенде су басу қаупі сейілді. Автокөлік пен темір жолдарындағы өткелдердің (жалпы 5476) 89 пайызы тазаланды. Су тасқынына қарсы инертті материалдар, техникалар әзірленген. Түркістан облысында қаңтар айында қардың деңгейі 40 сантиметр болды. Өзендердегі су көлемі орта деңгейден төмен. 42 су қойманың жалпы толу деңгейі орта есеппен 35 пайызды құрайды. Оның ішіндегі 5 ірі су қоймасына келсек, «Шардара» су қоймасы 85 пайызға, «Көксарай» су реттегіші 23 пайызға, «Бөген» 74 пайызға толған. Ал «Қосқорған» су қоймасының толу деңгейі қазірше 4 пайызды құрап отыр. Аталған су нысандары тұрақты бақылауға алынған. Жағдай тұрақты. 2021-2022 жылдары «Қосқорған» су айдындарына көп факторлы тексеру жүргізіліп, су айдынының қанағаттанарлықсыз жағдайда екені анықталды. Су қоймасына күрделі жөндеу жүргізу мақсатында жобалау-сметалық құжаттама әзірленді, мемлекеттік сараптамасының оң қорытындысы алынды. «Қосқорған» су қоймасының негізгі мақсаты – Сауран ауданына қарасты 5 ауылдық округтегі (Ораңғай, Яссы, Қарашық, Қарнақ, Жүйнек) су басу қауіпінің алдын алу. Сонымен бірге су қоймасы 7 420 гектар жерді ағын сумен қамтамасыз етіп, «Кеңсай-Қосқорған - 2» су қоймасына ағын су жеткізеді. Наурыз - сәуір айларындағы тасқын сулар есебінен толтырылып, кейіннен ауыл шаруашылығы тауарын өндірушілеріне босатылады. Су қойманың негізгі су көздері – Каратау бөктерінен келетін Байылдыр өзені мен Кентау шахтасының суы. Қанат Бозымбаев жергілікті тұрғындармен кездесіп, пікір алмасты. Кентаулық тұрғындар көп жылдан бері елді алаңдатқан №5 Жылу энерго орталығының мәселесі шешіліп, жаңғыртудан өткізілгеніне, осы арқылы жылу мәселесі шешілгеніне Президентке, Үкіметке және облыс, қала әкімдігіне алғыстарын білдірді. Айта кетейік, Мемлекет басшысының тапсырмасы бойынша Кентау тұрғындарын және әлеуметтік нысандарды сапалы жылумен қамтамасыз ету мақсатында «Кентау қаласы ЖЭО-ның «№7,8,9,10,11,12 қазандықтарын күрделі жөндеу» жобасы әзірленіп, жылу көздерін жаңғыртуға Үкімет резервінен қаражат бөлінді. Жарты ғасырдан астам уақыт жөндеу көрмеген Жылу энерго орталығында қазандықтардың қайта құру жұмыстары қолға алынды. 6 қазандықтың қайта құру жұмыстары атқарылып, 5 қазандықта қайта құру жұмыстары аяқталды. Ал бір қазандық қайта құрудан соң жақын күндері іске қосылады. Бұдан бөлек, 2 қазандыққа ағымдағы жөндеу жұмыстары аяқталды. №5 қазандық бюджет есебінен, №6 қазандық демеушілер есебінен жөнделді. Кентау қаласындағы 6,6 шақырым магистральды жылу желілері қайта жаңартылды. Түркістан облысы әкімінің баспасөз қызметі Ақпарат көзі : https://www.gov.kz/memleket/entities/ontustik/press/news/details/931469

Білікті мамандар даярлау жолында қалтқысыз 45 жыл еңбек етіп келе жатқан Абай облысының электротехникалық колледжінің өндірістік оқыту шебері Серікқазы Магавьянов шәкірттері мен әріптестері арасында үлкен беделге ие. Өз ісінің шебері әрі тәлімгер ол өмірін электротехникамен тығыз байланыстырып, өңірдің техникалық білім саласын дамытуда баға жетпес үлес қосуда.Серікқазы Магавьяновтың өзі де осы оқу орнының 1972 жылғы түлегі. Ал 1979 жылдан бері студенттерді өндірістік оқыту шебері ретінде оқытып келеді. Ұзақ жылғы тәжірибесі болса да талапқа сай заманауи білім беру әдістерін меңгерген. Модульдік технологияларды енгізу, интерактивті әдістерді қолдану, практикалық сабақтарда макеттер мен стендтерді қолдану оның оқытудағы негізгі принциптерінің бірі. Серікқазы Магавьянов оқытумен ғана шектелмей, әдістемелік кеңестерге, біліктілікті арттыру курстары мен кәсіби семинарларға қатысады. Оның түсінігінде мұғалім шәкірттерімен қатар бірге дамып отыруы керек.WorldSkills чемпионаттарына тұрақты қатысып, жетекші сарапшысы міндетін атқарады. Оның жетекшілігіндегі студенттер халықаралық, республикалық және облыстық кәсіби конкурстарда жүлделі орындарға ие болды. Ұзақ жылғы педагогикалық еңбегі де елеусіз қалған жоқ. «Қазақстан Республикасының Тәуелсіздігіне 20 жыл» медалі (2011 ж.), ҚР Білім және ғылым Министрлігінің құрмет грамотасы (2022 ж.), «Еңбек ардагері» медалі (2024 ж.) сынды бірқатар марапаттарға ие болған.Ақпарат көзі : https://www.gov.kz/memleket/entities/abay/press/news/details/931307

Абай облысында пайдаланылмайтын ауыл шаруашылығы жерлерін мемлекет меншігіне қайтару бойынша жұмыс жалғасуда. Биыл 170 мың гектар жерді қайтару жоспарланған.Бүгінгі таңда облыс әкімдігінің ведомствоаралық кіші тобы 4959,2 гектарды (21 жер учаскесі) қайтарды. Оның 4694,8 гектары жайылымға, ал 264,4 гектары басқа да пайдаланылмайтын жерлерге тиесілі. Қайтарылған жерлердің негізгі көлемі Ақсуат ауданында (13 учаске — 3915 гектар), Бесқарағай ауданында (3 учаске — 304,2 гектар) және Жарма ауданында (5 учаске — 740 гектар) тиесілі.Өткен жылы жоспарланған 110 мың гектар жердің орнына мемлекет меншігіне 121,1 мың гектар (256 учаске) қайтарылып, бұл жоспардың 110% құрайды. Олардың ішінде 114,8 мың гектар жайылым, 4,5 мың гектар — тыңайған егістік жерлер, 1,8 мың гектар — басқа да пайдаланылмайтын жерлер болды.Қазіргі уақытта жер ресурстарын басқару департаментіне мемлекеттік меншікке қайтару үшін жалпы ауданы 644,1 мың гектар болатын 114 учаске бойынша деректер жіберілді.Мәселен, 2022-2024 жылдар аралығында ауыл шаруашылығы айналымына қайтарылған 107,9 мың гектар жер тартылды. Әкімдіктерге халықтың қажеттіліктері үшін тағы 54,6 мың гектар жер бекітілді.Ақпарат көзі : https://www.gov.kz/memleket/entities/abay/press/news/details/931407

«Болашақта Қазақстан Еуразия құрлығының маңызды көлік торабы болуы керек. Ол үшін темір жол инфрақұрылымын дамытуды және отандық машина жасау салаларын жаңғыртуды жалғастыру қажет»Қасым-Жомарт Тоқаев, Қазақстан Республикасының Президенті 2024 жыл Қазақстанның теміржол машина жасау зауыттары үшін өндіріс көлемі бойынша рекордтық жыл болды: 124 локомотив, 2562 жүк вагоны және жүк вагоны. Өндірістің өсуі жылжымалы құрамды жаңартуға және импортқа тәуелділікті азайтуға мүмкіндік берді.Жыл сайын миллиондаған жолаушылар ел аралайды,теміржол машина жасау кәсіпорындары жұмыс орындарын ашады, өңірлерді дамытады және Қазақстанның экономикалық әлеуетін арттырады.Елдегі теміржол жолдарының ұзындығы 21 мың шақырымды құрайды, оның бойымен 21 миллионнан астам жолаушы тасымалданды 10 жылда Қазақстанда 600-ге жуық көлік жаңартылды. 2024 жылы «Қызылорда-Семей», «Астана-Көкшетау», «Павлодар-Алматы», «Павлодар-Түркістан», «Жезқазған-Алматы-Атырау» және «Атырау» бағыттарында тасымалдау сапасын арттыруға мүмкіндік беретін 143 жаңа вагон, оның ішінде отандық өндірістер пайдалануға берілді. 2025 жылы тағы 226 вагон келеді деп күтілуде, бұл флоттың тозуын 44-тен 38%-ға дейін төмендетеді және жолаушыларға қолайлы жағдай жасайды.Жаңа вагондар заманауи климаттық бақылау жүйелерімен, жақсартылған дыбыс оқшаулауымен және ыңғайлы ұйықтау орындарымен жабдықталған, бұл оларға көліктің жақсырақ қызмет көрсетуімен ғана емес, сонымен қатар көлік құрылымының дамуымен де ыңғайлырақ қашықтықта жүруге мүмкіндік береді. жұмыс орындарын құру арқылы жұмыспен қамту. Салада 60 отандық кәсіпорын жұмыс істейді, оларда 8 мыңға жуық адам жұмыс істейді. 2024 жылы Астана, Қостанай және Екібастұз қалаларында 215 адамды жұмыспен қамтамасыз ететін жаңа өндіріс орындары ашылды.Алдағы екі жылда Қазақстанда 3000 жаңа жұмыс орнын құруға мүмкіндік беретін 12 инвестициялық жоба жүзеге асырылады. Сала жұмысшыларының орташа жалақысы қазірдің өзінде 440 мың теңгені құрап, мамандарға сұраныс артып келеді. Өнеркәсіп шамамен 3500 жаңа персоналды қажет етеді. Салаға қажетті мамандарды даярлау 39 жоғары оқу орны мен 39 колледжде жүргізілуде.2024 жылы теміржол құрылысына 23,2 млрд теңге инвестиция тартылды. Жылжымалы құрам өндірісінің көлемі 5 есеге өсті, бұл жаңа зауыттарды іске қосуға және импортқа тәуелділікті азайтуға мүмкіндік берді.2025 жылы Атырау облысында жүк вагондары шығарылады. Зауыттың жобалық қуаты жылына 6000 бірлік. 20 миллиард теңге инвестиция тартылып, 180 жұмыс орны ашылады.Биыл Жамбыл облысында жобалық қуаттылығы жылына 50 бірлік болатын локомотивтерге қызмет көрсету зауыты іске қосылады.Солтүстік Қазақстан облысында платформалық вагондар мен жолаушылар вагондарының өндірісі басталады, сондай-ақ жыл сайынғы өнімді тасымалдауға арналған өндірістің екінші кезеңі басталады. 2025 жылы Қарағанды ​​облысында Атырауда доңғалақ жинақтары мен локомотив тіреуіш арқалықтары шығарыла бастайды.2028 жылға қарай Қазақстанда жаңа буын жүк электровоздары пайда болады, оларды өндіру қолданыстағы үлгілерге қарағанда 40% арзан және 20% тиімдірек болады 24. Қазіргі уақытта 1100 шақырым жаңа жолдар салынуда, оның ішінде Достық-Мойынты да, бұл учаскенің өткізу қабілетін 5 есеге арттырып, халықаралық транзитті жақсартады. Алматы айналма темір жолы өңірдің теміржол желісіне түсетін жүктемені азайтады, ал Дарбаза-Мақтаарал оңтүстік өңірлерде жаңа көлік қатынасын жасайды.Сонымен қатар, Қызылжар мен Мойынты стансалары арасында темір жол салу жоспарлануда, бұл халықтың ұтқырлығын арттыруға және Қазақстандағы көліктік логистика өндірісін жеңілдетуге мүмкіндік береді %, бұл сыртқы жабдықтауға тәуелділікті азайтады. Жаңа кәсіпорындардың ашылуы бізге ел ішінде көбірек вагондар, локомотивтер мен құрамдас бөлшектер шығаруға мүмкіндік береді, бұл темір жол көлігін сенімді әрі қолжетімді етеді.Қанат Шарлапаев, ҚР Индустрия және құрылыс министрі:«Қазақстанның теміржол саласы рекордтар жаңаруда. Өткен жылдың соңындағы 124 локомотив, 2565 жүк вагоны және 122 жолаушылар вагоны – бұл жай ғана цифр емес, экономикалық өсу, жаңа жұмыс орындары мен Қазақстандағы қуатты индустрия, соның ішінде тәуелсіздігімізді. Бүгінде біз рекордтық вагондар мен локомотивтер шығарумен шектеліп қалмаймыз, біз отандық өнеркәсіптің болашағын құрып жатырмыз.»Бұл шаралардың барлығы қазақстандықтардың өмір сүру сапасын жақсартуға бағытталған: жаңа пойыздар ыңғайлы тасымалдауды қамтамасыз етеді, жаңа зауыттар аймақтар тұрғындарын жұмыспен қамтамасыз етеді, инфрақұрылымды жаңғырту саяхат пен бизнес үшін көбірек мүмкіндіктер ашады.Ақпарат көзі : https://www.gov.kz/memleket/entities/mps/press/news/details/931189

ҚР Өнеркәсіп және құрылыс министрлігі өз бақылауындағы аумақтарды цифрландыру бойынша белсенді жұмыс жүргізуде. Өткен жылдың қараша айынан бастап барлық коммуналдық қызметтерге Бірыңғай түбіртек енгізу бойынша белсенді жұмыстар жүргізілуде.Бұл туралы әлеуметтік желідегі парақшасында ҚР Өнеркәсіп және құрылыс вице-министрі Жәннат Дүбірова жазды.Түбіртек барлық төлемдерді шоғырландыруға арналған. Төлеушілерге ыңғайлы болу үшін барлық ақпарат бір түбіртекте жинақталатын болады.Вице-министр атап өткендей, біздің мақсатымыз – бұл жүйені қалаларда ғана емес, аудан орталықтары мен ауылдарда да қолжетімді ету. Бір түбіртек екінші деңгейлі банктер арқылы онлайн режимде беріледі және оны оңай төлеуге болады. Сұраныс бойынша қағаз нұсқасы да қол жетімді.«Облыс әкімдіктері жұмысқа кірісіп кетті, бірқатар елді мекендерде тұрғындар цифрлық түбіртек ала алады. Біз азаматтарымыз үшін үдерістерді кеңейтуді және жеңілдетуді жалғастырамыз», – деді Ж.Дүбірова.Ақпарат көзі : https://www.gov.kz/memleket/entities/mps/press/news/details/931418

Бүгін, 4 ақпанда ҚР Мәдениет және ақпарат министрі, ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссия төрағасы Аида Балаева «Талдау мектебі» жобасының IV легінің қатысушыларымен кездесу өткізді.Аида Балаева министрлік пен Ұлттық комиссияның гендерлік теңдікті қамтамасыз етуге бағытталған бастамалары мен жобалары туралы кеңінен айтып берді.Министр оң өзгерістерге қарамастан, гендерлік теңдік мәселелері өзекті болып қала беретінін, оларды кешенді түрде қарастыру қажет екенін атап өтті.Іс-шара сұрақ-жауап форматында өтті. Қатысушылар министрден Мемлекет басшысы алға қойған мақсаттарды орындау үшін әйелдердің басшылық лауазымдардағы үлесін арттыру, еңбекақыдағы гендерлік алшақтықты жою мәселесі бойынша бірқатар сұрақтар қойды. Сонымен қатар көпшілік министрдің жеке тәжірибесі мен кәсіби қалыптасу жолы туралы да сұрады.«Ең бастысы – өз ісіңді сүю. Еңбекқорлық пен жауапкершілік міндетті түрде өз нәтижесін береді», – деп жауап берді. Аида Балаева басшылық лауазымдарға тағайындау кезінде негізгі фактор кандидаттардың кәсіби біліктілігі болуы керек екенін атап өтті. Министр әйелдердің мансаптық өсуіне тең мүмкіндіктері болуы керегін, ешқандай кедергілер мен стереотиптерге жол берілмеуі тиіс екенін және осындай жағдай жасау – басты міндеттердің бірі екенін атап өтті.Кездесу соңында министр қатысушылардың белсенділігі мен конструктивті сұрақтары үшін алғыс айтып, көтерілген мәселелердің ескерілетінін және алдағы жұмыста қолданылатынын айтты.«Талдау мектебі» – Қазақстан Республикасы Парламенті Сенатының қолдауымен іске асырылатын қоғамдық жоба. Мектеп мемлекеттік басқару, ғылыми-сараптамалық қоғамдастық, азаматтық сектор мен БАҚ қызметіндегі талдамалық тәсілдердің сапасын арттыру ісіне үлес қосуға бағытталған. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/931104

Отбасының цифрлық картасын (бұдан әрі – ОЦК) енгізудің нәтижесінде 2025 жылдың басынан бері әлеуметтік-еңбек саласындағы мемлекеттік қызметтерді проактивті көрсету үшін 60,5 мыңнан астам адамға SMS-хабарлама жолданды. Бұл ретте өтініш берусіз жәрдемақы немесе төлем алу мүмкіндігін 27,5 мың адам пайдаланды. Отбасының цифрлық картасы мемлекеттік органдардың қолданыстағы барлық ақпараттық жүйелерінің деректері негізінде қалыптастырылады. Бүгінде онда Қазақстанның 20 млн азаматы немесе 6,2 млн-нан астам отбасы туралы ақпарат жинақталған. ОЦК енгізудің басты мақсаты – қазақстандықтардың мемлекеттік қолдау жүйесіне тең қолжетімділігін қамтамасыз ету. Осыған байланысты ҚР Әлеуметтік кодексінде Отбасының цифрлық картасы әлеуметтік саясаттың орта және ұзақ мерзімді міндеттері мен бағыттарын айқындау құралы ретінде белгіленген. Сондай-ақ, ОЦК азаматтардың әлеуметтік мәртебесіне байланысты кепілдендірілген мемлекеттік қолдаудың қандай да бір түрін алуға құқылы екендігі туралы күнделікті «электрондық хабарлама» болып табылады. Қазіргі уақытта ОЦК мемлекеттік қолдау шараларын алуға құқығы бар қазақстандықтарға қандай да бір өтініштерсіз жәрдемақылар мен әлеуметтік төлемдердің 10 түрін ресімдеуге мүмкіндік береді. Олар еңбек ету қабілетінен айырылған жағдайда әлеуметтік төлем; жұмысынан айырылған жағдайда әлеуметтік төлем, асыраушысынан айырылу бойынша әлеуметтік төлем немесе жәрдемақы, мүгедектігі бар баланы тәрбиелеп отырған ата-анасына (қамқоршысына) жәрдемақы, мүгедектігі бойынша жәрдемақы, көпбалалы отбасыларға берілетін жәрдемақы, «Алтын алқа» және «Күміс алқа» алқаларымен марапатталған көпбалалы аналарға берілетін жәрдемақы, атаулы әлеуметтік көмек, сондай-ақ жерлеуге арналған біржолғы төлем. Сондай-ақ, ОЦК арқылы зейнетақы төлемдерін алу мүмкіндігі, «қандас» мәртебесі берілгенде немесе ұзартылғанда мәртебенің аяқталу мерзімі және жұмыссыз адамдар үшін жұмыспен қамту шаралары туралы автоматты хабарламалар іске асырылды. Мемлекеттік қолдау шараларын алуға құқық белгіленген кезде әлеуетті алушыға 1414 бірыңғай байланыс орталығынан SMS-хабарлама жіберіледі. Хабарлама алған азамат оған келісімі туралы жауап беруі керек. Өтінішті ресімдеу және әлеуметтік жәрдемақы немесе төлем тағайындау автоматты режимде жүргізіледі, содан кейін ақша қаражаты алушының банк шотына аударылады. Алаяқтық тәуекелін болдырмау мақсатында 1414 бірыңғай байланыс орталығынан келіп түскен SMS-ке жауап беру қажеттігін атап өтеміз. Барлық сұрақтар бойынша 1414 нөмірі бойынша Call-орталыққа хабарласыңыз. Қоңырау шалу тегін.Ақпарат көзі : https://www.gov.kz/memleket/entities/enbek/press/news/details/930165

2024 жылдын басынын бастап мүгедектік тобын белгілеу үшін медициналық-әлеуметтік сараптама жүргізудің сырттай форматы бойынша пилоттық жобаны іске асыру шеңберінде Қазақстанның барлық өңірлерінен 8,5 мыңнан астам өтінім қаралды. Бүгінгі күні сырттай форматта куәландыру 30 нозологиялық нысан бойынша жүргізіледі.2024 жылы 96,9 мыңнан астам өтінім сырттай форматта қаралды, бұл куәландырудан өткен мүгедектігі бар адамдардың жалпы санының 37,4%-ын құрайды.Бұған дейін хабарланғандай, Ұлттық қоғамдық сенім кеңесінің VI отырысында Мемлекет басшысы ерекше қажеттіліктері бар адамдар үшін барынша қолайлы жағдай жасауды, олардың инстанциялар мен қағазбастылық бойынша жүруін, сондай-ақ көрсетілетін қызметті берушілердің көрсетілетін қызметті алушылармен байланысын болдырмауды тапсырды.Осы тапсырманы орындау мақсатында ҚР Еңбек және халықты әлеуметтік қорғау министрлігі Денсаулық сақтау мен Цифрлық даму, инновациялар және аэроғарыш өнеркәсібі министрліктерімен бірлесіп Қазақстанның барлық 20 өңірінде пилоттық режимде медициналық-әлеуметтік сараптама (бұдан әрі – МӘС) жүргізудің сырттай форматы бойынша жобаны іске асыруда.Мүгедектік тобын белгілеу жөніндегі қызметті алу үшін өтініш берушіге тұрғылықты жері бойынша емханаға жүгіну және қажетті тексеруден өту қажет, қалған процестер ақпараттық жүйелерді интеграциялау есебінен оның қатысуынсыз өтеді.Сырттай куәландыруға көшу:- әкімшілік және бюрократиялық кедергілерді жояды;- МӘС сараптамалық шешімдерінің ашықтығын қамтамасыз етеді;- мүгедектікті белгілеу және мүгедектігі бар адамдарды әлеуметтік қорғау шараларын анықтау бойынша қызметтерді үйден шықпай-ақ алуға мүмкіндік береді;- көрсетілетін қызметті алушының көрсетілетін қызметті берушімен тікелей байланысын болдырмайды, сол арқылы сыбайлас жемқорлық тәуекелдерін азайтады. Ақпарат көзі : https://www.gov.kz/memleket/entities/enbek/press/news/details/930169

Қазақстан Республикасы Еңбек және халықты әлеуметтік қорғау вице-министрі Асқарбек Ертаев Қауіпсіз, реттелген және тұрақты көші-қон жөніндегі жаһандық шарттың (бұдан әрі – GCM) іске асырылуының екінші Азия-Тынық мұхиты өңірлік шолуына қатысты, оның барысында ол өзінің әріптестерін Азия және Економика саласындағы Қазақстан Республикасының әлеуметтік және экономикалық даму саласындағы жетістіктері туралы хабардар етті cific (бұдан әрі – ЭСКАТО) БҰҰ Көші-қон желісімен бірлесіп.Оның жұмысына ЭСКАТО-ға мүше 53 мемлекеттің өкілдері және 9 қауымдастырылған мүшелер қатысты.Талқылаудың негізгі мақсаты Азия-Тынық мұхиты аймағындағы GCM қағидаттарының барысы мен жүзеге асырылуын талдау болды. ЖКМ мигранттардың құқықтарын қорғауды және көші-қон процестерінің еріктілігін, қауіпсіздігін, реттілігін және заңдылығын қамтамасыз етуді, сондай-ақ мигранттарды қолдау және интеграциялау шараларын қамтамасыз етуді, олардың дамуына ықпал етуді, көші-қон саласындағы саясатты қалыптастыру процестерін жетілдіруді және т.б. қарастырады елдегі көші-қон процестерін жақсарту үшін қабылданған.«Біз мигранттарға да, қабылдаушы қоғамға да пайда әкелетін неғұрлым инклюзивті және тұрақты көші-қон жүйесін құруға ұмтыламыз.Қазақстан Үкіметі көші-қон деректерін жинау мен талдаудың сенімді институционалдық тетіктерін жасады, деректердің сапасы мен қолжетімділігін арттыру үшін әртүрлі ақпараттық жүйелерді біріктірді. Ұлттық статистика бюросы Қазақстан азаматтарының, шетелдіктер мен азаматтығы жоқ адамдардың қозғалысы туралы ақпаратты жинайды», - деп бөлісті ол.А. Ертаев Қазақстан Республикасы Еңбек және халықты әлеуметтік қорғау министрлігінің ақпараттық жүйелерін басқа мемлекеттік органдардың, қаржылық және қаржылық емес ұйымдардың дерекқорларымен интеграциялау халықтың көші-қоны саласындағы ақпаратты жинау тиімділігін арттыратынын атап өтті.«Бұл бүкіл шетелдік жұмыс күшін автоматтандыруды және цифрлық есепке алуды қамтамасыз етеді. Міндетті түрде ЖСН қалыптастыруды бір мезгілде енгізу шетелдіктер үшін еңбек келісім-шарттары мен уақытша тұруға ықтиярхаттарды дер кезінде тіркеуге мүмкіндік береді.Біртұтас платформа процестерді бір жүйеге келтіруге, шетелдіктер мен қазақстандықтардың құқықтарының сақталуын қамтамасыз етуге, сондай-ақ шетелдік жұмыс күші мен қазақстандық жұмысшылар арасындағы жалақыдағы диспропорцияны жоюға мүмкіндік береді», - деді ол мигранттардың табысты интеграциясын қамтамасыз етуге көмектесетін көші-қон процестері туралы нақты деректер.Негізгі сессиядан кейін вице-министр сонымен қатар БҰҰ Бас хатшысының орынбасары және ЭСКАТО Атқарушы хатшысы Армида Салсиах Алисьяхбанамен кездесті. Диалог барысында тараптар Қазақстан мен ЭСКАТО арасындағы негізгі көші-қон мәселелерін шешу және мигранттардың өмір сүру сапасын жақсартудағы ынтымақтастық перспективаларын талқылады.Ақпарат көзі : https://www.gov.kz/memleket/entities/enbek/press/news/details/930630

ҚР Еңбек және халықты әлеуметтік қорғау министрлігінің (бұдан әрі – Еңбекмині) бастамасымен ерекше қажеттіліктері бар адамдарға инватакси қызметін көрсету кезінде такси агрегаторларын пайдалану жөніндегі пилоттық жобаны іске асыру шеңберінде 2025 жылдың басынан бастап Астана мен Алматы қалаларында аталған қызмет 29,4 мың рет көрсетілді.2024 жылдың қорытындысы бойынша мүгедектігі бар адамдарға инватакси қызметі 207,2 мың рет көрсетілгенін естеріңізге саламыз.Бұдан бұрын хабарлағандай, инватакси қызметін көрсету жылдамдығы мен сапасын арттыру мақсатында Еңбекмині әкімдіктермен бірлесіп осы қызметтің тетігіне өзгерту енгізу туралы шешім қабылдады. Мысалы, азаматтарға қызмет алудан бір күн бұрын телефон арқылы жазылу қажет, бұл өз сапарларын алдын ала жоспарлауға, инватакси беруді күтуге мәжбүр етеді, инватакси қызметтерін ұсыну үшін көлік құралдарының жетіспеушілігі жәнет. б. мәселелер бар.Шарттарды жеңілдету үшін осы қызметті көрсетуге қатысуға тиісті сұраныс алған такси агрегаторларын тарту бойынша пилоттық жобаға бастама жасалды.Мұндағы басты шарт сапарлардың ақысынан пайыздың болмауы, олар әдетте агрегатор платформаларының пайдасына аударылатын. Яндекс компаниясы пилоттық жобаға өтеусіз негізде қатысуға ниет білдірді.Пилоттық жоба шеңберінде азаматтар Яндекс Go мобильді қосымшасы арқылы Инватакси қызметін қолдана алады. Бұл қызметті алушы үшін көлікті тезірек таңдауға, онлайн режимінде тапсырыс мәртебесін қадағалауға және жасалған сапарларға мониторинг жүзеге асыруға мүмкіндік береді. Аталған қосымшада мүгедектігі бар адамдар жүргізушіге сапардағы ерекше қажеттіліктері туралы ескертуі үшін арнайы мүмкіндіктер экраны іске қосылды. Өз кезегінде, жүргізушілер адамды көлікке отырғызу және одан түсуде қалай көмек көрсетуге болатын секілді арнайы нұсқаулар алады.Биыл Астана және Алматы қалаларынан мүгедектігі бар адамдар қатарынан фокус-топтың қатысуымен жобаны пилоттық режимде іске асыру жалғасуда. Алдағы уақытта еліміздің басқа өңірлеріне масштабтау жоспарлануда.Ақпарат көзі : https://www.gov.kz/memleket/entities/enbek/press/news/details/931044

Былтыр күзде жұмысын бастаған «УКа Трубтех» ЖШС-не қарасты кәсіпорынның өрісі кеңейіп келеді. Бүгін полиэтилен құбырларын шығаруға машықтанған өндіріс орнында тағы бір цех іске қосылды.Еске салайық, алғашында бұл кәсіпорыннан су мен жылу құбырлары ғана шығарылады деп жоспарланған. Алайда, уақыт өте келе өзге мақсаттарға қажет өнімді де өндіруге болатынына көзі жеткен кәсіпорын басшылығы тың бағытты бетке алыпты.Кәсіпорын басшылығының хабарлауынша, қосымша цехта энергетика саласының кабельдік жүйелерін қорғауға бағытталған үш қабатты құбырлар өндірілетін болады.– Біз диаметрі 400 миллиметрге дейін жететін құбырлар жасап шығарамыз. Мәселен, су құбырларына келетін болсақ, тәулігіне шамамен 3 500 метр құбыр өндіруге қауқарымыз жетеді. Бүгін тағы бір бағыттағы жұмысты бастап отырмыз. Энергетика саласына қажетті құбырларымыздың басты артықшылығы – олар отқа төзімді материалдардан жасалады. Яғни, мұндай құбырлар жанбайды. Оның үстіне, құбырдың сыртқы қабаты түрлі физикалық әсерге, жоғары қысымға төтеп беретіндей етіп жасалған. Жалпы, күніне осындай құбырдың 1 100 метрін шығара аламыз, – дейді «УКа Трубтех» ЖШС бас директорының орынбасары Тұрсынбек Мұсаханов.Кәсіпорын басшылығы хабарлағандай, зауыт Шығыс Қазақстанның ғана емес, көршілес өңірлердің де сұранысын қанағаттандыруға қауқарлы. Өнімі де жоғары сапалы, өндірісте заманауи технологиялар ғана қолданылады. Айта кетейік, қазір облысымызда осы бір бағытта жұмыс жүргізетін басқа кәсіпорын жоқтың қасы. Тіпті, республикамыз бойынша полиэтилен құбырларын шығаратын зауыт саусақпен санарлықтай ғана екен.Жаңа кәсіпорыннан жылына шамамен 3 600 тонна өнім шығарылады екен. Болашақта бұл көрсеткішті бес мыңға дейін жеткізу жоспарланып отыр.– Облысымызды қажетті өніммен толықтай қамтуға шамамыз жетеді. Ал болашақта республикамыздың өзге өңірлерінің нарығына шығуды да көздеп отырмыз. Ол үшін өндіріс көлемін ұлғайту қажет болады. Мұндай қадамға да дайынбыз. Жалпы, алдағы уақытта қосымша цехтар ашып, жұмысшыларымыздың санын арттыруды жоспарлаудамыз, – дейді ол.Осы ретте қазіргі уақытта өндіріс орнында 25 адам жұмыспен қамтылғанын айту керек.Ақпарат көзі : https://www.gov.kz/memleket/entities/akimvko/press/news/details/930904