Ақмола облысының әкімі Марат Ахметжанов жұмыс сапары аясында Степногорск көпсалалы ауруханасына барып, күрделі жөндеу жұмыстарының барысымен танысты. Медициналық мекемені жаңарту пациенттер мен медицина қызметкерлері үшін қолайлы жағдай жасауға, сондай-ақ көрсетілетін медициналық қызметтердің сапасын арттыруға бағытталған.Аурухананың бас дәрігерінің міндетін уақытша атқарушы Тоқтар Қонырбаевтың айтуынша, мердігер ұйым ішкі әрлеу жұмыстарын толық аяқтап, инженерлік коммуникацияларды жаңартқан. Жөндеу жұмыстары аяқталғаннан кейін аурухана пациенттерге денсаулық сақтау стандарттарына сай емделу жағдайын ұсынады.Ауруханада тәулік бойы жұмыс істейтін 246 төсек-орын және күндізгі стационарға арналған 24 төсек-орын бар. Бұл медициналық мекемеде Степногорск қаласының және жақын маңдағы елді мекендердің 40 мыңнан астам тұрғыны медициналық көмек алады. Болашақта пациенттер саны 162 мың адамға дейін артып, Бурабай, Ақкөл, Бұланды және Шортанды аудандарының тұрғындарын қамтиды деп күтілуде.Сапар барысында Марат Ахметжанов медициналық колледждің студенттерімен кездесіп, олардың кәсіби болашағы мен өңірдің денсаулық сақтау жүйесі үшін білікті кадрлар даярлаудың маңыздылығын талқылады.Облыс әкімі Степногорск қаласының әкімдігіне және денсаулық сақтау басқармасына құрылыс жұмыстарының белгіленген мерзімде әрі сапалы орындалуын қамтамасыз ету үшін бақылауды күшейтуді және қаржылық мәселелерді шешуді тапсырды.«Медициналық мекемелерді жаңғырту – бұл тек инфрақұрылымды жаңарту ғана емес, бұл – өңір тұрғындарының денсаулығы мен әл-ауқатына қосылған маңызды үлес. Осы жобаны іске асыру қала тұрғындарын заманауи әрі сапалы медициналық қызметтермен қамтамасыз етеді. Бұл Мемлекет басшысы Қасым-Жомарт Тоқаевтың денсаулық сақтау жүйесін жаңғырту бойынша қойған міндеттеріне толық сәйкес келеді», – деп қорытындылады М. Ахметжанов. Ақпарат көзі : https://www.gov.kz/memleket/entities/aqmola/press/news/details/916291

Ақмола облысының әкімі Марат Ахметжанов жұмыс сапары аясында Степногорск қаласындағы Тау-кен техникалық колледжіне барды. Аймақ басшысы колледждің зертханаларының жабдықталуымен танысып, оқытушылармен, өндірістік оқу шеберлерімен және студенттермен әңгімелесті.Зертханалардың өндірістік жағдайға жақын жабдықтары «Жас маман» бағдарламасы аясында және әлеуметтік серіктестердің қаржысы есебінен сатып алынған. Мәселен, 2022 жылы «АК Алтыналмас» АҚ студенттерді даярлау үшін зертханалық жабдықтар ұсынған.«Президент 2025 жылды Жұмысшы мамандықтар жылы деп жариялады. Бұл нормативтік-құқықтық базаға өзгерістер енгізіп, жұмысшы мамандықтары бойынша мамандарға берілетін жеңілдіктерді кеңейтеді. Колледж түлектеріне жоғары білім алғысы келсе, атаулы гранттар береміз», – деп атап өтті Марат Ахметжанов.Колледж директоры Елена Тарасованың айтуынша, оқу орнында 10 мамандық бойынша шамамен 500 студент білім алуда. Олардың 40%-ы мақсатты келісімшарттар негізінде кейінгі жұмысқа орналасумен оқиды, ал 146 студент дуальды оқыту жүйесі бойынша білім алуда.«Біздің мақсатымыз – еңбек еткісі келетін және өз еңбегінің пайдасын түсінетін маман даярлау. Колледж түлектерінің үштен бірі жоғары білім алады, ал 80%-дан астамы еш қиындықсыз жұмыс табады. Бұл оқу орнындағы дайындық деңгейінің жоғары екенін және жұмысшы мамандықтарының сұранысқа ие екенін көрсетеді», – деп атап өтті Елена Тарасова. Ақпарат көзі : https://www.gov.kz/memleket/entities/aqmola/press/news/details/916292

Мемлекет басшысы Қасым-Жомарт Тоқаев «Ана тілі» газетіне берген көлемді сұхбатында 2025 жылы мемлекет тұрғын үй құрылысын дамытуды жалғастыратынын, 2029 жылға дейін республика бойынша кезекте тұрғандарға жыл сайын баспана берілетінін атап өткен болатын.Алға ауданында Президент тапсырмалары сәтті жүзеге асуда. Жаңа 2025 жылда баспана кезегінде тұрған 23 отбасы үйлі болды. Оның 19-ы- Алға қаласынан, қалғаны - Маржанбұлақ ауылынан берілді.Аудан басшысы Асланбек Шүйіншәлиев жаңа баспана иелеріне кілттерді салтанатты жағдайда табыстап, қуаныштарымен құттықтады.«Баршаңызды осындай көптен күткен қуанышты күнмен құттықтаймын. Әрбір шаңыраққа бақ-береке тілеймін. Айтып өтерім, мемлекеттік бағдарламаларды тиімді жүзеге асырудың арқасында біз алдымызда тұрған барлық міндеттерді орындап келеміз. Алға ауданы бойынша бүгінгі күнге дейін тұрғындардың әлеуметтік жағдайына көңіл бөлу, оларды қолжетімді тұрғын үймен қамтамасыз ету мәселесі күн тәртібінен түскен емес. Әсіресе, аудандағы тұрғын үй кезегіне тіркелген көпбалалы, толық емес отбасылар, мүгедек жандар мен ата-ана қамқорлығынсыз қалғандарды баспаналы ету мәселесі көпқабатты тұрғын үйлердің құрылысын жүргізумен қатар, көппәтерлі үйлерді күрделі жөндеуден өткізіп, ел игілігіне берумен шешіліп келеді», - деді аудан әкімі өз сөзінде.Алға қаласының Есет батыр көшесінде орналасқан №22 үй республикалық және облыстық бюджеттен бөлінген қаражат есебінен реконструкциядан өткізілді. Ол жұмыстарды ЖК «Н.Мұратбаев» аяқтап бітірді.Ал Маржанбұлақ ауылындағы төрт үйді аудан әкімшілігі сатып алып беру тетігімен іске асырды.Айтып өтейік, ауданда баспана кезегінде 1641 адам тұр. Соңғы рет, 2023 жылы 60 пәтерлі жаңадан салынған үй пайдалануға берілген еді.Ақпарат көзі : https://www.gov.kz/memleket/entities/aktobe/press/news/details/915855

Бүгін Ақтөбеде ғалым, философия ғылымдарының докторы, профессор Амангелді Айталыға арналып, оның тұрған үйінде ескерткіш тақта орнатылды. Шараға Ақтөбе облысы әкімінің орынбасары Жолдас Батырхан қатысып, белгілі ғалымды еске алды. Ол марқұмның жары Гүлжан Сүйінбайқызына және отбасына ғалым еңбектерінің зерттелуіне және дәріптелуіне өңір әкімдігінің әрдайым қолдау білдіретіндігін жеткізді. Осы шараға атсалысқан ел азаматтарына алғысын білдірді. «Осыдан 3-4 жыл бұрын Амангелді Әбдірахманұлы «Түйетөбенің» басында сөйлеген сөзінде: «Жалпы, азаматты еске алу, тек қана жылап-сықтау емес, оның елге деген махаббатын, сіңірген еңбегін дәріптеу, бағалау» деп атап өткен еді. Бұл ескерткіш тақта – болашақ ұрпаққа Амангелді Айталыны тануға, білуге және ұмытпауына себепкер болады деп ойлаймын», - деді ол.Ескерткіш тақтаны философия ғылымдарының докторы, профессор Бекежан Ахан мен Амангелді Әбдірахманұлының немересі Ақсұңқар ашты. Жиынға сондай-ақ, ішкі саясат және мәдениет басқармасының өкілдері, ақсақалдар, Қ.Жұбанов атындағы өңірлік университет ғалымдары қатысты. Елдің мәдениеті мен ғылымының дамуына өлшеусіз еңбек сіңірген қайраткер Амангелді Әбдірахманұлы 1939 жылы 10 қыркүйекте Астрахан облысы Володар ауданы Болдырево ауылында дүниеге келген. 1959-1964 жылдары Атырау мемлекеттік педагогикалық инситутын, 1964-1967 жылдары бұрынғы Киров атындағы Қазақ мемлекеттік иниститутының аспирантурасын тәмамдаған. Еңбек жолын 1959 жылы Марфин ауданы Қызылтаң ауылының мектебінде бастауыш сынып мұғалімі болып бастаған. Өзінің саналы ғұмырында Қ.Жұбанов атындағы Ақтөбе өңірлік университетінде доцент, профессор және басшылық қызметтерді атқарған. 1999-2007 жылдары екі мәрте Парламент мәжілісінің депутаты, 2007-2010 жылдары Астана қаласындағы Қазақ гуманитарлық заң университетінің профессоры, 2010 жылдан Ақтөбе өңірлік университетінің профессоры, «Білім мен тәрбиенің дүниетанымдылық әлеуметтік мәселелерін зерттеу» орталығының жетекшісі қызметін атқарып келді. Профессор Амангелді Айталы «Құрмет белгісі» (1986), «Парасат» (2001), III дәрежелі «Барыс» (2015), II дәрежелі «Барыс» (2021) ордендерімен, Қазақстан білім беру ісінің құрметті қызметкері, Қазақстан білім беру ісінің үздігі медальдарымен марапатталған. Ақтөбе облысының және Ақтөбе қаласының Құрметті азаматы.Ақпарат көзі : https://www.gov.kz/memleket/entities/aktobe/press/news/details/916091

Президент «Келешек» мемлекеттік білім беру жинақтау жүйесіне қатысты заңға қол қойдыМемлекет басшысы «Қазақстан Республикасының кейбір заңнамалық актілеріне Мемлекеттік білім беру жинақтау жүйесі, ақпарат, қоғамдық даму, мәдениет және архив ісі салаларында артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Заңға қол қойды.Түзетулердің бірінші блогы мемлекеттен бастапқы білім беру капиталы, жыл сайын төленетін мемлекеттік сыйлықақы және инвестициялық табыс қарастырылған, сондай-ақ бес жастан асқан балаларды қамтитын «Келешек» бірыңғай ерікті жинақтау жүйесін енгізу мақсатында әзірленген.Біржолғы бастапқы білім беру капиталы 2025 жылы және одан кейінгі жылдары 5 жасқа толатын балаларға төленеді. Оның мөлшері Ғылым және жоғары білім министрлігі бекітетін бастапқы білім беру капиталын есептеу, пайдалану және қайтару қағидаларына сай есептеледі.«Келешек» жүйесі жыл сайын 5% мемлекеттік сыйлықақы, ал халықтың әлеуметтік осал топтарының балалары үшін 7% мемлекеттік сыйлықақы көзделген қолданыстағы Мемлекеттік білім беру жинақтау жүйесімен бірге балаңыздың болашағы үшін қаражат жинауға мүмкіндік береді. Яғни қаржыны техникалық және кәсіптік білім алуға, орта мектеп бітіргеннен кейін жоғары білім алуға және жоғары оқу орнынан кейін білімін жетілдіруге, сондай-ақ тұрғын үй жағдайын жақсартуға жұмсауға болады.Ақпарат көзі : https://www.gov.kz/memleket/entities/sci/press/news/details/916288

«КЕЛЕШЕК» ЖҮЙЕСІ: ҚАЛАЙ ЖИНАУҒА ЖӘНЕ ҚАЙДА ЖҰМСАУҒА БОЛАДЫБүгін, 10 қаңтар күні, ҚР Президенті «Келешек» мемлекеттік білім беру жинақтау жүйесіне қатысты заңға қол қойды.Мемлекеттік қолдаудың бұл шарасы Қазақстан балаларына 5 жастан бастап 18 жасқа толғанға дейін елде және шетелде білім беру қызметтеріне, соның ішінде жоғары, сондай-ақ техникалық және кәсіптік білім беру қызметтеріне ақы төлеу үшін қаржы қаражатын тұрақты жинақтау мақсатына арналған.«Келешек» жүйесінің артықшылықтары:ағымдағы күнтізбелік жылы 5 жасқа толған балаларға мемлекеттен бастапқы білім беру капиталын белгілеу 60 АЕК (235 920 теңге);жетім балалар үшін 120 АЕК (471 840 теңге) мемлекеттен бастапқы білім беру капиталын белгілеу;екінші деңгейдегі банктің сыйақысы немесе сақтандыру компаниясының инвестициялық кірісі;жыл сайын 5-7% мөлшерінде мемлекеттік сыйақы төлеу көзделген.«Келешек» шоттарын екінші деңгейдегі банктерде және балаларға арналған МБЖЖ қатысушылары болып табылатын сақтандыру компанияларында ашуға болады.Осыған байланысты, ата-аналар осы шоттарды ашқаннан кейін жыл сайын ХӘОТ балалары үшін 12 АЕК (айына 4 мың теңге шамасында) және басқа балалар үшін 24 АЕК мөлшерінде ең төменгі жарна төлеуі тиіс.Мектепті аяқтағаннан кейін жинақталған қаражатты қалай пайдалануға болады:колледждер мен жоғары оқу орындарында оқуға пайдалануға болады.Білім беру грантын алған жағдайда қаражатты қайда жұмсауға болады:басқа техникалық және жоғары білім алуға;жинақтауды жалғастыруға;қаражатты ҚР азаматы болып табылатын үшінші тұлғаға аударуға;тұрғын үй алуға пайдалануға;білім туралы құжат ұсынылған жағдайда жинақталған қаражатты алуға болады.Ақпарат көзі : https://www.gov.kz/memleket/entities/sci/press/news/details/916290

Астанада ҚР Туризм және спорт министрінің орынбасары Серік Жарасбаев, ҚР Парламенті Мәжілісінің депутаттары Асхат Аймағамбетов пен Нартай Сәрсенғалиев, Астана қаласының дене шынықтыру және спорт басқармасының басшысы Василий Левит спорт саласының өкілдерімен кездесу өткізді.«Отандық спортты дамыту: проблемалар мен перспективалар» тақырыбы аясында өткен іс-шарада спортты дамытудың негізгі мәселелері талқыланды. Жиынға қатысушылар Парламент Мәжілісінде қаралып жатқан спорт туралы заң жобасының негізгі ережелері бойынша түсіндіру жұмыстарын жүргізіп, құжатты жетілдіруге бағытталған бірқатар нақты міндеттерді көтерді. Спорт мекемелерінің басшылары мен сала сарапшылары өз ұсыныстары мен пікірлерін ортаға салды. Заң жобасын әрі қарай дайындау барысында аталған ұсыныстар ескеріледі.Мемлекеттік органдардың, Парламенттің және спорт қауымдастығы өкілдері арасындағы сындарлы диалог отандық спортты дамытуға бағытталған кешенді шешімдер қабылдауда маңызды қадам болды.Ақпарат көзі : https://www.gov.kz/memleket/entities/tsm/press/news/details/916210

ҚазҰАЗУ-да Қытай аграрлық университетімен және EAVISION компаниясымен бірлесіп ауыл шаруашылығы дрондарын басқару бойынша Қазақстан-Қытай зерттеу және оқыту орталығы ашылды.«Орталықтың басты мақсаты - студенттерді ауыл шаруашылығының түрлі салаларында ұшқышсыз ұшу аппараттарын басқаруға үйрету, сондай - ақ мониторинг, картаға түсіру, қоршаған ортаны зерттеу бойынша зерттеулер жүргізу және жаңа технологияларды енгізу», - деді орталықтың ашылуында ҚазҰАЗУ Басқарма Төрағасы-ректоры Ақылбек Күрішбаев.ҚазҰАЗУ Қытайдың 40-тан астам жоғары оқу орындарымен, ғылыми ұйымдарымен және компанияларымен белсенді ынтымақтасады. Тек 2024 жылы ғана университетте кадрлар даярлау үшін қытайлық серіктестермен бірлесіп су шаруашылығы, ландшафтық сәулет, ветеринария, зооинженерия, азық-түлік қауіпсіздігі және т. б. салаларда мамандар даярлау жөніндегі халықаралық орталықтар мен зертханалар ашылды.Атап айтқанда, Қытай аграрлық университетімен және DAYU Irrigation Group компаниясымен бірлесіп су ресурстарын ақылды басқару үшін құрғақ аудандарда жоғары тиімді су пайдалану жөніндегі Қазақстан-Қытай халықаралық зертханасы құрылды. DAYU irrigation Group компаниясы 1 млн доллардан астам сомаға құралдармен жабдықтарды, суды есепке алу аспаптарын және зертхананы жарақтандыруды инвестициялады, нәтижесінде Алматы облысындағы Шелек өзенінде суды есепке алудың цифрлық технологиялары енгізілді, суарудың әртүрлі технологиялары модельденді.Ланчжоу университетімен бірлесіп Қазақстанға озық технологиялар трансфертін қамтамасыз ететін Қазақстан-Қытай ақылды ауыл шаруашылығы орталығы құрылды. Орталық аясында үш ғылыми зертхана мен үш платформа құрылуда.Естеріңізге сала кетейік, бұған дейін «Алатау» ақпараттық технологиялар паркінің аумағында агродрондарды жинауды жүзеге асыратын Sunkar eavision International LLP бірлескен Қазақстан-Қытай кәсіпорны құрылған болатын.Ақпарат көзі : https://www.gov.kz/memleket/entities/moa/press/news/details/915928

Ақтөбе облысы Жер ресурстарын басқару департаменті ҚР АШМ ЖРБК Мартөк ауданындағы шаруа қожалығына қатысты жоспардан тыс тексеру жүргізді.Тексеру нәтижесінде, ауданы 592 га болатын егістікке арналған жер телімі бірнеше жыл бойы пайдаланылмағаны анықталды.Жер учаскесі иесіне заңбұзушылықтарды жою және жерді игеру туралы міндетті нұсқама берілді. Алайда, нұсқамада көрсетілген талаптар орындалмағандықтан, департамент Мартөк аудандық соты арқылы шаруашылыққа 70 АЕК көлемінде айыппұл салды.Ақтөбе облысының мамандандырылған ауданаралық экономикалық соты департаменттің жерді мәжбүрлеп қайтарып алу туралы талап-арызын қанағаттандырды.Ақпарат көзі : https://www.gov.kz/memleket/entities/moa/press/news/details/916138

ҰАҒББО-да өткен кеңесте селекция мен тұқым шаруашылығын дамытудың, 2025 жылғы көктемгі егіс жұмыстарын жүргізуге қатыстыы сұрақтар талқыланды. Оған еншілес ұйымдардың басшылары және тәжірибелі агрономдар қатысты.Қатысушылар агрономиялық тәжірибелерді Қазақстанның әртүрлі табиғи-климаттық аймақтарына бейімдеуге, егіс науқанын жүргізуге, ауыл шаруашылығы өндірушілерінің жұмыс тиімділігін арттыруға қатысты бірқатар өзекті тақырыптарды қарастырды.Іріктеу саласындағы түйткілді мәселелер де айтылды. «Қазақ жеміс-көкөніс шаруашылығы ғылыми-зерттеу институты» Басқарма төрағасы Теміржан Айтбаев шетелдік сорттарды ақылы негізде сынақтан өткізуді ұсынды, өйткені бүгінгі таңда комиссияға енгізілген сорттардың шамамен 75-80 пайызы шетелдік сорттар. Соның арқасында материалдық-техникалық база мен жұмысшылардың еңбекақысын көтеруге мүмкіндік пайда болады.Жиын барысында 2024 жыл бойынша «А.И. Бараев атындағы АСШО» командасының жетістіктері туралы айтылды. Орталықтың агрономдары Ақмола облысының аудандарында мониторинг жүргізіп, жалпы көлемі 2600 гектардан астам аумаққа жаңа тәжірибелік технологияларды енгізу үшін жеті ауыл шаруашылығы субъектісін таңдады. Сондай-ақ аграрлық сектор субъектілеріне арналған бес оқыту семинарлары өткізілді.Қазақ егіншілік және өсімдік шаруашылығы ҒЗИ Басқарма төрағасы Шолпан Бастаубаева тұқым шаруашылығы — ауыл шаруашылығы дақылдарының өнімділігі мен сапасына тікелей әсер ететін негізгі бағыттардың бірі екенін атап өтті. Алайда, Қазақстан әлі күнге дейін тұқым импортына тәуелді. Бұл мәселені шешу үшін Қазақстан Үкіметі 2024-2028 жылдарға арналған селекция мен тұқым шаруашылығын дамыту жөніндегі кешенді жоспарды бекітті, ол бәсекеге қабілетті сорттарды құру және тұқым өндіруде өзін-өзі қамтамасыз етуді арттыру үшін негіз болады.Ақпарат көзі : https://www.gov.kz/memleket/entities/moa/press/news/details/916158

Астана, 2025 жылғы 10 қаңтар – Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу Мажарстанның Сыртқы экономикалық байланыстар және сыртқы істер министрі Петер Сийяртомен телефон арқылы сөйлесті.Сұхбат барысында тараптар Қазақстан Президенті Қасым-Жомарт Тоқаевтың 2024 жылғы қарашада Мажарстанға жасаған мемлекеттік сапарының қорытындысы бойынша қол жеткізілген келісімдердің іске асырылу барысын талқылады.Ауыл шаруашылығы, энергетика және инфрақұрылым салаларындағы бірлескен жобаларға ерекше назар аударылды. Сапардың екі мемлекет арасындағы стратегиялық серіктестікті тереңдетуде үлкен белес болғаны аталып өтті.Министрлер сондай-ақ Біріккен Ұлттар Ұйымы (БҰҰ), Еуропадағы қауіпсіздік және ынтымақтастық ұйымы (ЕҚЫҰ) және Түркі мемлекеттері ұйымы (ТМҰ) сияқты халықаралық ұйымдар аясындағы өзара іс-қимылды қозғап, жаһандық өзекті мәселелерді шешуде күш-жігерді үйлестірудің маңыздығын атап өтті.Сонымен бірге 2025 жылға арналған аса жоғары және жоғары деңгейдегі іс-шаралар кестесі қаралды.Сұхбат қорытындысы бойынша Қазақстан мен Мажарстанның СІМ басшылары екіжақты қатынастардың барлық бағыты бойынша ынтымақтастықты одан әрі дамытуға бейілділігін растады.Ақпарат көзі : https://www.gov.kz/memleket/entities/mfa/press/news/details/916278

«Әкімшілік рәсімдердің біркелкілігін қалыптастыру жөніндегі әкімшілік органдардың қызметін жүзеге асыру Қағидаларын бекіту туралы» Қазақстан Республикасы Үкіметі қаулысының жобасы (бұдан әрі – Жоба) Қазақстан Республикасының 2020 жылғы 29 маусымдағы № 350-VI Әкімшілік рәсімдік-процестік кодексінің 15-1-бабына сәйкес әзірленді және мемлекеттік органдардың іс-әрекеттерінде жүйелілік пен құқықтық айқындылықты қамтамасыз ететін Қазақстан Республикасында Әкімшілік рәсімдер мен әкімшілік актілердің біркелкілігін әзірлеуге және енгізуге бағытталған.Жобада құқықтық сенімділікті нығайту, сыбайлас жемқорлық тәуекелдерін азайту, әкімшілік рәсімдерді оңайлату және оңтайландыру, мемлекеттік органдарға деген сенімді арттыру көзделеді:Үкімет қаулысының жобасын қабылдау заңнаманы қолданудың бірыңғай стандарттарын белгілеуге, әкімшілік шешімдердің болжамдылығын арттыруға, әкімшілік практиканы жүйелеуге, сондай-ақ әкімшілік актілердің орындалуына мониторинг пен бақылауға ықпал етеді деп күтілуде.Жобаны қабылдау теріс әлеуметтік-экономикалық және (немесе) өзге де құқықтық салдарға әкеп соқтырмайды, сондай-ақ ұлттық қауіпсіздікті қамтамасыз етуге әсер етпейді.Жоба 2025 жылдың 10 қаңтарында ашық нормативтік құқықтық актілердің интернет-порталында (https://legalacts.egov.kz/npa/view?id=15394659) мемлекеттік және орыс тілдерінде орналастырылды.Ақпарат көзі : https://www.gov.kz/memleket/entities/adilet/press/news/details/916235

2025 жылдың 2-6 қаңтары аралығында ұйымдастырылған «Jibek Joly» туристік пойызының халықаралық сапары «Алматы-Түркістан-Ташкент-Самарқанд-Шымкент-Алматы» бағыты бойынша жалғасуда.Аталған пойыз алғаш рет Шымкент қаласында аялдап, келуші туристер қаламыздың тарихи жəне мəдени мұраларына ерекше саяхат жасады. Қаланың көрнекті жерлерімен танысу барысында қонақтар қазақ халқының қонақжайлылығы мен ұлттық болмысының терең сырларын сезінді.Атап айтқанда, туристер «Bal Tekstil» фабриканың жоғары сапалы кілем өндірісін өз көздерімен көріп, қолөнер шеберлерінің туындыларымен танысты.Бейсбековтер отбасының галереясында туристер ерекше өнер туындыларын тамашалап, отбасылық дəстүрге құрылған шығармашылық шеберханадан əсер алды.Сондай-ақ, туристер ежелгі Шымкент цитаделіне барып, цитадельдің археологиялық жəдігерлерімен танысып, өз қолдарымен ұлттық бұйымдар жасап көрді. Сапар барысында туристер Қазақстандағы ең ірі мешіттердің бірі саналатын Сейітжан қари Есжанұлы мешітін тамашалауға мүкіндік алды.Тур барысында туристер «Жеті тандыр», «Кəусар» мейрамханаларында қазақтың ұлттық тағамдарының дəмін сезініп, құрт, қазы-қарта, бауырсақ сияқты дəстүрлі тағамдар мен ұлттық сусындарға таңданысын жасырмады.Шымкентке жасалған бұл сапар қонақтарға Ұлы Жібек жолының ерекше атмосферасын сезінуге жəне қазақ мəдениетінің тереңіне үңілуге мүмкіндік берді. Алдағы уақытта бұл маршрут Орталық Азияның туристік əлеуетін арттыруда маңызды рөл атқаратынына сенімдіміз.Ақпарат көзі : https://www.gov.kz/memleket/entities/shymkent/press/news/details/915871

Тұран ауданында абаттандыру жұмыстары бойынша нәтижелі жұмыстар атқарылды. Ол бойынша 40 жоба жүзеге асырылды.Нақтырақ айтар болсақ, өткен жылы Тұран ауданында 34,8 шақырымдық 42 көшеге орташа жөндеу жүргізіліп, 67 көше ағымдағы жөндеуден өтті. Нәтижесінде, асфальттелген көшелер үлесі 80,2%-дан 87,4%-ға жетті.Ал ауданда барлығы 597 көше бар, соның былтыр 428 көшеге жарықшам орнатылды. Бүгінде жарықтандырылған көшелердің үлесі 42,5%-дан 93%-ға жетті.Демеушілердің көмегімен 2 демалыс орны ашылды. 30 – балалар ойын алаңшасы, 8 – балалар және спорт алаңшасы, 2 спорт алаңшасы. 6 мекенжайдағы ғимараттарға муралдар салынды.Биылғы жылы да тұрандықтар үшін жайлы орта қалыптастыру жұмыстары өз жалғасын таба бермек.Ақпарат көзі : https://www.gov.kz/memleket/entities/shymkent/press/news/details/915877

Жалпыға бірдей декларациялау – бұл мемлекеттік басқару жүйесінде қаржылық ашықтықты қамтамасыз ету, көлеңкелі экономиканы азайту және салықтық тәртіпті күшейту мақсатында жеке тұлғалардың табыстары мен мүлкі туралы декларацияны міндетті түрде тапсыруды көздейтін шара. Қазақстанда бұл процесс төрт кезеңге бөлініп енгізілуде.2024 жылы жалпыға бірдей декларациялаудың 3- ші кезеңі сәтті аяқталды. Декларациялаудың бұл кезеңінде № 250.00-ші яғни «Активтер мен міндеттемелер туралы» декларацияны 2024 жылдың 1 қаңтар жағдайына бизнес өкілдері, яғни дара кәсіпкерлер мен олардың жұбайлары, сондай-ақ заңды тұлғалардың басшылары мен құрылтайшылары және олардың жұбайлары ұсынған, яғни, 150 мың жеке тұлға тапсырған болатын. Биылғы кезеңге өзгерістер енгізілді. Бұл туралы бүгін Шымкент қаласы Өңірлік коммуникациялар қызметінде өткен баспасөз конференциясында жалпыға бірдей декларациялаудың 4-ші кезеңі туралы Мемлекеттік кірістер Департаменті басшысының орынбасары Сапарбек Ешанқұлов айтты. – Жалпыға бірдей декларациялаудың 4-кезеңінде 250.00 СЕН табыстау міндеті бойынша мына тұлғалар, жеке практикамен айналысатын тұлғалар (1 150 ЖТ), жсо, адвокат, нотариус, медиатор,– сайланбалы лауазымға, мемлекеттік лауазымға орналасуға және оларға теңестірілген кандидаттар, («Сыбайлас жемқорлыққа қарсы іс-қимыл туралы» заңының 11-бабы, 2-тармағына сәйкес, мемлекеттік лауазымға не мемлекеттік немесе соларға теңестірілген функцияларды орындауға байланысты лауазымға кандидаттар болып табылатын адамдар және олардың жұбайлары – лауазымға тағайындау құқығы бар лауазымды адамның лауазымға тағайындау туралы актісі шығарылғанға дейін тапсырады. Банктердің, бағалы қағаздар нарығының, сақтандыру ұйымдарының ірі қатысушылары болғысы келетін жеке тұлғалар, банктің кемінде 10% акциясына иелік еткенде. Сондай-ақ, жеке тұлғаның шетелде жылжымайтын мүлкі және көлігі, Шетелдік банктердегі банктік шоттардағы 1000 АЕК (3,7 млн теңге)астам сомадағы ақшасы, инвестициялық бағалы металдар, бағалы қағаздар, брокерлік шотта ақшасы болса, зияткерлік меншік, авторлық құқық объектілері, цифрлық активтері, дебиторлық немесе кредиторлық берешектері барлар, құны 1000 АЕК (3,7 млн тг) асатын мүлкі, антиквариат, сәнді заттар және т.б. барлар декларация тапсырады, – дейді спикер.Активтер мен міндеттемелер туралы декларацияны электрондық түрде ұсыну: салық төлеушінің кабинеті арқылы (cabinet.salyk.kz) Web-қосымшасы немесе e-Salyq Аzamat, еGov mobile немесе Halyk мобильді қосымшалары арқылы жүзеге асырылады. Декларацияны мерзімінде ұсынбағаны үшін әкімшілік жауапкершілік қарастырылған. «Әкімшілік құқық бұзушылық туралы» кодексінің 272 бабының 1-тармағына сәйкес мемлекеттік кіріс органына салық есептілігін Қазақстан Республикасының заңнамалық актілерінде белгіленген мерзімде ұсынбаса алдымен ескерту жасалады, кейін осы баптың 2-тармағына сәйкес әкімшілік жаза қолданылғаннан кейін бір жыл ішінде қайталап жасалған іс-әрекет –жеке тұлғаларға – он бес айлық есептік көрсеткіш мөлшерінде айыппұл салынады.Жалпыға бірдей декларациялау – қаржылық ашықтық пен әділдікті қамтамасыз ететін маңызды құрал. Бұл жүйе халықтың барлық санаттарын қамтып, экономикалық тұрақтылықты нығайтуға бағытталған. Қазақстанда оның кезең-кезеңімен енгізілуі азаматтардың жаңа ережелерге бейімделуіне мүмкіндік береді. Декларациялауды сәтті жүзеге асыру үшін халық арасында түсіндіру жұмыстарын жалғастыру маңызды. «Шымкент келбеті»Ақпарат көзі : https://www.gov.kz/memleket/entities/shymkent/press/news/details/915881

Шымкент қаласының Ғабит Сыздықбеков қаланы аралау барысында Қазиев көшесін Төлеметов көшесіне дейін ұзарту жобасымен танысты. Бұл жобаны іске асыру Арғынбеков көшесіндегі көлік жүктемесін едәуір азайтуға мүмкіндік бермек. Сонымен қатар қаланың жол инфрақұрылымын дамыту аясында Қаратау ауданындағы Алтынсарин көшесіндегі құрылыс жұмыстарын тексеріп, Сіргелі көшесін «Тұран» шағынауданына дейін ұзарту жобасын қарап шықты. Жауапты тұлғаларға барлық жұмысты сапалы әрі белгіленген мерзімде аяқтауды және Сіргелі көшесін ұзарту жұмыстарын жеделдетуді тапсырды. Әрі қарай шаһар басшысы «Тұран» шағынауданында №3 Оқушылар сарайының құрылысын тексерді. Нысанды жақын арада пайдалануға беру жоспарланып отыр. Бұдан бөлек Әл-Фараби көшесін Дулатов көшесіне дейін ұзарту жобасымен танысты. Аудан әкімдігіне мемлекеттік қажеттілік үшін жер учаскелерін дайындау міндеті жүктелді. Аралау соңында Қонаев даңғылының екінші кезеңі шеңберінде Володарский көшесінен Әйтеке би көшесіне дейінгі аралықтағы құрылыс жұмыстарының барысымен де танысты. Атқарылып жатқан жатқан жұмыстарды бағамдаған әкім, жауапты мердігер ұйым мен жолаушылар көлігі және автомобиль жолдары басқармасына жұмысты уақытында аяқтауды тапсырды.Ақпарат көзі : https://www.gov.kz/memleket/entities/shymkent/press/news/details/915884

Бүгін Шымкентте орналасқан 6506 және 6698 әскери бөлімдерінің әскери қызметшілері Қазақстан Республикасы Ұлттық ұланының құрылғанына 33 жыл толуын атап өтті.Салтанатты шараға офицерлер, келісімшарт бойынша әскери қызметшілер, мерзімді қызмет сарбаздары және құқықтық тәртіп әскерінің ардагерлері қатысты.Қазақстанның құқық қорғау органдары жүйесіндегі Ұлттық ұлан өз тарихын егемендігімізге ие болғаннан кейін 1992 жылғы 10 қаңтардан бастады. Бұл күн мерекенің бастапқы нүктесі болды.- «Бүгін біз кәсіби мерекемізді атап өтудеміз. Тәуелсіздік жылдары құқықтық тәртіп әскері көптеген қызметтік-жауынгерлік міндеттерден өтті, қалалар мен елді мекендерде қоғамдық қауіпсіздікті қамтамасыз етті. Біздің әскери бөлім де алдына қойылған барлық міндеттерді жоғары деңгейде орындады. Сапта тұрған әрбір әскери қызметшіге, қымбатты ардагерлерімізге, барлық жеке құрамға зор денсаулық, бақыт және ісімізде табыс тілеймін», - деді бригада командирінің міндетін уақытша атқарушы полковник Төлеген Шыныбеков.Іс-шарабарысындақызметтікміндеттерінадалорындағаны үшін жәнеҰлттықұланкүнінмерекелеугеорайқызметтеерекше көзге түскен әскери қызметшілерге төсбелгілер,грамоталаржәнеалғысхаттар табыс етілді.Іс-шара жеке құрамның салтанатты шерумен өтуімен аяқталды.ҚР ІІМ Ұлттық ұланының «Оңтүстік» ӨңҚ баспасөз қызметіАқпарат көзі : https://www.gov.kz/memleket/entities/shymkent/press/news/details/915974

Сонымен қатар жерүсті бүріккіш техникасы мен ҰҰА-ны (дрондар) сатып алу және пайдалану қолжетімділігін арттыру мақсатында ауыл шаруашылығы өндірушілері мен химиялық өңдеу жөніндегі қызметтерді ұсынушыларға сатып алынған техника құнының 25%-ы өтеледі. Бұл үшін Ауыл шаруашылығы министрлігінің инвестициялық субсидиялау ережелеріне тиісті өзгерістер енгізілді.Премьер-министрдің орынбасары – ұлттық экономика министрі Серік Жұманғариннің төрағалығымен Үкіметте шегірткеге қарсы күреске дайындық және көктемгі дала жұмыстарына әзірлік барысы туралы мәліметтер талқыланды.Ауыл шаруашылығы вице-министрі Ермек Кенжеханұлының айтуынша, 2024 жылы химиялық өңдеу үшін 247 бірлік техника пайдаланылған болса, 2025 жылы бұл сан 443-ке дейін ұлғаймақ. Оның ішінде 46 агродрон бар, оларды Ауыл шаруашылығы министрлігі «Фитосанитария» РМК-ның аймақтық бөлімшелеріне сатып алған. Сондай-ақ 7 зерттеу ҰҰА алынған. «Түркістан облысында өткен жылдың көктемінде агродрондар арқылы алқаптарды бүрку және пестицидтерді сатып алу, тасымалдау, сақтау және өңдеуді қоса қамтитын орталықтандырылған қызметті пилоттық түрде сынақтан өткізу жобасының нәтижелері бойынша, Ауыл шаруашылығы министрлігі фитосанитариялық шараларды барлық өңірлерде «Бір жеткізуші – барлық жұмыстар» қағидаты бойынша ұйымдастыруды енгізді. Бұл бизнеске аталған қызметтерді сатып алуға қатысуды тартымды етіп, нәтижеге жауапкершілікті арттырады. Бұдан бөлек, біз фермерлер мен химиялық өңдеу қызметтерін жеткізушілерге агродрондар, жерүсті вентиляторлы және штангалы бүріккіштердің құнының 25%-ын өтеу арқылы қолайлы жағдай жасадық», — деді Ермек Кенжеханұлы.Сондай-ақ отырыста аймақтардың көктемгі дала жұмыстарына дайындығы қаралды. 2024 жылғы 29 қарашада басталған ерте қаржыландыру аясында бөлінген 100 млрд теңгенің 70 млрд теңгесі 671 ауыл шаруашылығы өндірушісіне бағытталды. Бұл қаржыны ең белсенді пайдаланғандар – дәнді дақылдар егетін аймақтар: Ақмола (15,4 млрд теңге), Қостанай (14,9 млрд теңге) және Солтүстік Қазақстан облыстары (14,5 млрд теңге). Ал оңтүстік аймақтарда – Түркістан, Жамбыл және Жетісу облыстарында, көктемгі егіс жұмыстары ертерек басталатын аймақтарда, өтінімдер сомасы небары 10 млрд теңгені құрайды. Аймақтардың алдын ала мәліметі бойынша, республикада көктемгі дала жұмыстарына ауыл шаруашылығы техникасының дайындығы қазіргі таңда шамамен 56%-ды құрайды. 2024 жылғы өнімге арналған тұқымға деген қажеттілік 2,3 млн тонна болса, оның 99%-ы дайындалған.Кеңес қорытындысы бойынша Серік Жұманғарин егістік алаңдарының құрылымын қайта қарауды, атап айтқанда, бидай егу алқаптарын қысқартып, майлы дақылдар мен басқа да жоғары тиімділігі бар дақылдарды көбейтуді тапсырды. Сондай-ақ 2024 жылғы өнімде ең жоғары нәтиже көрсеткен қазақстандық селекцияның элиталық тұқымдарын егу алаңдарын барынша ұлғайту қажеттігін айтты.Келесі сәрсенбіде Серік Жұманғарин көктемгі егіс жұмыстарына дайындық барысымен танысу және экономиканың нақты секторының дамуын талқылау үшін оңтүстік өңірлердің біріне баруды жоспарлап отыр. Бұдан бұрын хабарланғандай, 2024 жылғы 30 желтоқсанда Премьер-министрдің орынбасары – ұлттық экономика министрі Қарағанды облысында болып, ведомствоның жұмысы өңірлердегі жұмыспен кіріктірілетінін мәлімдеген болатын.Ақпарат көзі : https://www.gov.kz/memleket/entities/ontustik/press/news/details/915714

Өңірлік саясатты жетілдіру және өңірлердің теңгерімді әлеуметтік және экономикалық дамуын қамтамасыз ету мақсатында вице-премьер Қанат Бозымбаевтың төрағалығымен жобалық кеңсе құрылды. Оның құрамына барлық орталық мемлекеттік органдар, әкімдіктер, Парламент депутаттары және сарапшылар кірді.Бірінші отырыс барысында жобалық кеңсе мүшелері өңірлердің әлеуетін ашуға ерекше назар аудара отырып, өңірлік дамудың жаңа тәсілдерін іске асыру жөніндегі шараларды талқылады.«Өңірлердің әлеуетін толық пайдалану қажет, бұл ретте ең үлкен инфрақұрылымдық проблемалары бар өңірлерді қаржыландыруға бағытталуы тиіс. Өңірлерге жобаларды қаржыландыруда, оның ішінде түпкілікті нәтижеге қол жеткізуге бағытталғандығын ескере отырып, барынша дербестік беру қажет. Сондай-ақ салық түсімдерін асыра орындағаны үшін өңірлерді көтермелеу қажет», — деді Қанат Бозымбаев.Сонымен қатар отырысқа қатысушылар өңірлердің дамуындағы диспропорцияларды болдырмау, жаңа стратегиялық құжаттарды әзірлеу, сондай-ақ жергілікті жерлерде шешім қабылдауда аудан және ауыл әкімдерінің дербестігінің жеткіліксіздігі мәселелері бойынша шараларды талқылады. Жергілікті өзін-өзі басқаруды дамыту үшін Amanat партиясының депутаттары мемлекеттік қызмет істері агенттігімен бірлесіп «Әкімдер мектебі» жобасын іске қосуды ұсынды.«Жобалар іске асырылатын ауылдарды тиімді іске асыру және сапалы іріктеу үшін облыс әкімдіктері жергілікті өзін-өзі басқаруды дамыту жөніндегі кіші топпен бірлесіп, қажетті инфрақұрылым салу және өнімді өткізуге көмек көрсету жөніндегі нақты жоспарларды әзірлей отырып, әрбір ауылдың мамандануын айқындай отырып, скрининг жүргізуі қажет», — деп тапсырды Қанат Бозымбаев.Вице-премьер жергілікті өзін-өзі басқару саласындағы заңнаманы жетілдіру бойынша тапсырмалар берді.«Мемлекеттік органдар арасында салааралық үйлестіру әлсіз. Бұл тәжірибені жою керек. Өңірлік және салалық саясатты келісілген іске асыруды жүргізу қажет. Бюджеттік бағдарламалар мен инвестициялық жоспарларды орындау синхронды түрде жүзеге асырылуы тиіс», — деп атап өтті Қанат Бозымбаев.Мемлекеттік органдарға бір ай мерзімде өңірлік саясатты жетілдірудің әзірленген шараларын іске асырудың барлық ұсынылған шаралары бойынша ведомстволық нормативтік құқықтық актілерге тексеру жүргізу тапсырылды.Ақпарат көзі : https://www.gov.kz/memleket/entities/ontustik/press/news/details/915720

Облыс әкімі Нұралхан Көшеров аудан, қала әкімдеріне инвестиция тарту, жұмыс орындарын ашу шараларын жалғастыруды тапсырған болатын. Осы бағытта Түлкібас ауданында тиісті жұмыстар жүруде.Түлкібас ауданының әкімі Асқар Естібаев «Састөбе инновациялық кешені» және «Стандарт пауер» ЖШС өкілдерін қабылдап, жоспарлары мен жобаларымен танысты.Жылына 1 млн тонна цемент, 400 мың тонна әк және басқа да құрылыс пен өнеркәсіп саласына аса қажетті материалдарды өндеуді жоспарлап отырған кәсіпорындар 2026 жылы іске қосылады деп көзделіп отыр. Жалпы құны 299 млрд теңгені құрайтын жобалар толығымен іске асқан жағдайда 1200 адамға жаңа жұмыс орны ашылады.Басқосуда кәсіпкерлікті дамытудың мемлекеттік қолдаулары жайында сөз қозғалып, құрылыс жұмыстарының барысы талқыланды.Аудан әкімі кәсіпорындар іске қосылған жағдайда жұмысшының басым бөлігі аудан тұрғындары болуы қажеттігін ескертті. Сонымен бірге Қытай еліне жаңа технологияларды меңгеру мақсатында қысқа мерзімді оқу курстарына баратын 30 маманды сол маңдағы ауыл тұрғындарынан жіберу керектігін атап өтті. Сонымен қатар құрылыс науқаны уақытында мердігер компанияларды ауданға тіркетіп, жергілікті бюджетке салық түсіру, құрылыс кезінде ауыл азаматтарын барынша жұмысқа тарту, Кершетас ауылында балалар ойын және спорт алаңшасын салу және Састөбе кентін жедел-жәрдем автокөлігімен қамту бойынша демеушілік көмек беру мәселесі келісілді.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/916002