Тәуелсіздік күні қарсаңында Есет батыр шағын ауданында №25 өрт сөндіру бөлімі салтанатты түрде ашылды.Шараға облыс әкімі Асхат Шахаров пен төтенше жағдайлар министрі Шыңғыс Аринов қатысты.Облыс әкімі Асхат Шахаров жергілікті тұрғындарды келе жатқан Тәуелсіздік күнімен құттықтап, Есет батыр шағын ауданы және жақын маңда орналасқан тұрғын алаптардың тұрғындары үшін өрт сөндіру бөлімін ашудың маңыздылығын атап өтті.«Тәуелсіздік күні - халқымыздың бостандығының, бірлігі мен өркендеуінің символы. Біздің әрқайсысымыз елдің дамуына өз үлесімізді қосып келеміз, бүгінгідей өрт сөндіру бекеттерін салу сияқты жобалар - мұның жарқын мысалы. Жаңа өрт сөндіру бөлімінің ашылуы өңір үшін маңызды оқиға. Ол аумақтың қауіпсіздік жүйесін жақсартуға және азаматтарымыздың қауіпсіздігін арттыруға елеулі үлес қосары анық», - деді ол.Асхат Шахаров облыстың ТЖД материалдық-техникалық базасын нығайтуға биыл 1,8 млрд теңге бөлінгенін алға тартты. Бұл қаражатқа 14 бірлік арнайы техника, 17 бірлік жүзу құралы, 1048 дана арнайы киім және 346 дана жабдық сатып алынды.Министр өз кезегінде жергілікті билікке осындай маңызды жобаны жүзеге асыруда қолдау көрсеткені үшін алғысын білдіріп, құтқарушыларға қиын, бірақ маңызды жұмыстарында табыс, ал өңір тұрғындарына бейбітшілік пен өсіп-өркендеу тіледі.Өрт сөндіру бөлімінің ашылуында облыс әкімі мен ТЖ Министрі құтқарушыларға Toyota Hilux, Skoda Kodiaq автокөліктері мен өрт сөндіру автоцистерналарын қоса алғанда, 16 бірлік техниканың кілтін тапсырды. Бұдан өзге, өрт сөндірушілер мен құтқарушылардың тұрғын үй жағдайларын жақсарту үшін оларға 26 қызметтік пәтердің кілті табыс етілді, олардың 6-ы тікелей жаңа мамандандырылған өрт сөндіру бөлімінің аумағында орналасқан.Ресми бөлімнен кейін қонақтар жаңа депо ғимаратын аралап, қызметкерлерге жасалған жұмыс істеу жағдайларын жоғары бағалады.II типті өрт сөндіру бөлімі төрт автомобильге арналған. 1,5 га аумақты алып жатыр және қала шетіндегі тұрғын үй секторын қорғауға ыңғайлы орналасқан. Ғимаратта әкімшілік корпус, диспетчерлік бөлме, күзет бекеті, демалыс бөлмесі, асхана, санитарлық станциялар, акт залы, қойма үй-жайлары, газ түтінінен қорғайтын қызметтер бойынша арнайы оқу залы көзделген.Құрылыс жұмыстарына «Бабэк-Құрылыс» ЖШС жауапты болды. Ақпарат көзі : https://www.gov.kz/memleket/entities/aktobe/press/news/details/903364

ҚР Төтенше жағдайлар министрінің Ақтөбе облысына сапары аясында маңызды құжат - «Ақтөбе облысы ТЖД инфрақұрылымын дамыту жөніндегі 2025-2027 жылдарға арналған Жол картасы» бекітілді. Құжатқа облыс әкімі Асхат Шахаров пен ТЖ Министрі Шыңғыс Әрінов қол қойды.Жол картасы өрт сөндіру деполарын күрделі жөндеу, абаттандыру, әлеуметтік-тұрмыстық мәселелерді шешу, модульдік өрт сөндіру деполарын салу және материалдық-техникалық базаны нығайту сияқты 11 іс-шарадан тұрады.Асхат Шахаров атап өткендей, жол картасындағы іс-шараларды іске асыру азаматтық қорғау органдары қызметкерлерінің әлеуметтік-тұрмыстық жағдайларын жақсартуға, материалдық-техникалық базаны нығайтуға және төтенше жағдайларға жедел ден қою мен Ақтөбе облысы төтенше жағдайлар бөлімшелерінің жауынгерлік әзірлігін арттыруға мүмкіндік береді.Осы маңызды құжаттың орындалуы төтенше жағдайлар саласын дамытып қана қоймай, өңір тұрғындарының қауіпсіздігін арттыратын болады.Еске сала кетейік, Тәуелсіздік күні қарсаңында Ақтөбеде Есет батыр шағын ауданында жаңа мамандандырылған өрт сөндіру депосы пайдалануға берілді. Өрт сөндіру бөлімінің ашылу салтанатында облыс әкімі мен ТЖ министрі құтқарушыларға 16 бірлік арнайы техниканың кілтін табыстады. Сонымен қатар, 26 өрт сөндіруші мен құтқарушыға қызметтік пәтерлердің кілті берілді.Ақпарат көзі : https://www.gov.kz/memleket/entities/aktobe/press/news/details/903725

Ақтөбеде автобус паркін жаңарту жұмыстары жалғасуда. Жақында желіге жаңа заманауи автобустар шығады. «Qala Trans» ЖШС Өнеркәсіпті дамыту қоры арқылы ұзындығы 18 метрлік 15 жаңа Golden Dragon автобусын сатып алды, олар жақын арада №46 маршрутта жүруін бастайды.Тәуелсіздік күні мерекесі аясында облыс әкімі Асхат Шахаров қала автопаркін толықтырған жаңа қоғамдық көлікті қарап шықты, тұрғындар үшін жолаушылар тасымалының сапасын арттырудың маңыздылығын атап өтті.Жаңа автобустар 160 адамға арналған, 35 орындық, мүгедектігі бар адамдарға арналған пандустармен, ауаны баптау және бейнебақылау жүйелерімен жабдықталған. «Жолаушылар тасымалының сапасын жақсарту үшін біз бұған дейін электронды билеттеуді енгізіп, жолақысын төлеу жүйесін ашық етіп жасадық. Бұл жергілікті атқарушы органдарға Өнеркәсіпті дамыту қоры арқылы жеңілдетілген несиелеу бойынша жаңа автобустар сатып алуға мүмкіндік берді, ал мемлекет тасымалдаушыларды қолдау үшін субсидиялар бөледі. Алдымызда қоғамдық көлікті тартымды ету мақсаты тұр. Бізде халықтың 80%-ға жуығы автобустарды пайдаланады және олар үшін жол жүру жағдайларын жақсартуымыз керек. Қалада заманауи аялдамаларды жабдықтап, тротуарлар салу қажет. Қазірдің өзінде көп нәрсе жасалды, әлі де біраз жұмыс атқарылуы тиіс. Бұған облыстық бюджеттен қаражат бөлеміз. Біз әрқашан қала тұрғындарының пікіріне құлақ асамыз, оларға қоғамдық көліктердің барынша ыңғайлы және барлығына қолжетімді болуы үшін белсенді жұмыс істейміз», - деп атап өтті әкім.Асхат Шахаров жол қозғалысының барлық қатысушыларын қала жолдарында ереже сақтауға және жолаушыларды жаңа автобустарға ұқыпты қарауға шақырды.«Жаңа автобустар, олардың өлшемдеріне қарамастан, біздің көшелер үшін қолайлы. Бірнеше күн бойы көліктер сынақтан өткізіледі, содан кейін желіге шығады. Көлік жүргізушілеріне айтарым, жолдарда абай болыңыздар, ережелерді сақтап, жол қозғалысының барлық қатысушыларын құрметтеуге шақырамын», - деді әкім.Айта кету керек, қазіргі №46 маршрутта жұмыс істейтін автобустар №6 және №48 маршруттарға ауыстырылады.Жыл соңына дейін «Автопарк» ЖШС-де тағы 25 Yutong автобусы жеткізіледі деп күтілуде, бұл №42, №14 және №26 маршруттарда қызмет көрсетуді жақсартуға мүмкіндік береді. Биылғы жылдың қазан айында компания қазір №22 және №24 бағыттарға қызмет көрсететін 25 Yutong автобусын сатып алды.Сонымен қатар, «РТТ Групп» ЖШС №29 және №44 маршрут автопаркін жаңартты, ол 4 Isuzu автобусы мен 10 Yutong автобусымен толықты.Ақтөбеде автобус паркін жаңартуды жалғастыру міндеті тұрған бес компания жолаушылар тасымалымен айналысады. Жаңа қоғамдық көліктер жолаушылардың жайлылығы мен қауіпсіздігін арттыруға, сондай-ақ қалада көлік қатынасын жақсартуға мүмкіндік береді.Облыс әкімі мұндай шаралар қалалық инфрақұрылымды жақсартуға ықпал ететінін және Ақтөбе тұрғындарына қызмет көрсетудің жоғары деңгейін қамтамасыз ететінін алға тартты.Ақпарат көзі : https://www.gov.kz/memleket/entities/aktobe/press/news/details/903735

Бүгін, 17 желтоқсан күні, Темір аудандық мәслихатының кезектен тыс жиырма сегізінші сессиясы өтті. Сессияға Ақтөбе облысының әкімі Асхат Шахаров пен аудандық мәслихат төрағасы Болат Шаимов қатысты.Сессия барысында облыс әкімі Темір ауданының әкімі лауазымына Алмас Жақсылықұлы Жақсылықовтың кандидатурасын ұсынып, оның өмірбаянын таныстырды. Аудандық мәслихат депутаттары облыс әкімі ұсынған кандидатураны қолдап, бірауыздан дауыс берді.Өңір басшысы мен депутаттар жаңа аудан әкіміне алдағы жұмысына сәттілік тіледі.Ақпарат Темір ауданы мәслихатының сайтында жарияланды.Ақпарат көзі : https://www.gov.kz/memleket/entities/aktobe/press/news/details/903753

Қазақстан Республикасы Президенті Әкімшілігінің және Темір аудандық мәслихаты депутаттарының келісімімен Алмас Жақсылықұлы Жақсылықов Темір ауданының әкімі лауазымына тағайындалды. Алмас Жақсылықов 1978 жылы дүниеге келген. Ұлты - қазақ, білімі - жоғары. 1999 жылы – Қазақ мемлекеттік басқару академиясын «Еңбек ресурстарын басқару», 2019 жылы Қайнар академиясын «Құқықтану» мамандықтары бойынша тәмамдаған. Еңбек жолын 2000 жылы «Көмірбанк» ААҚ Алматы қаласындағы филиалының қауіпсіздік қызметінің қызметкері болып бастаған.2004 – 2009 жж. Ақтөбе облыстық көліктік инфрақұрлымды дамыту басқармасының, Темір аудандық құрылыс бөлімінің жетекші маманы; 2009 – 2013 жж. «Тазалық», «Шұбар-құдық», «Шұбарқұдық-жылу» коммуналдық мемлекеттік мекемелерінің және «CENTRUM KAZAKHSTAN» ЖШС директоры лауазымдарында қызмет етті. 2013 – 2018 жылдары Шұбарқұдық ауылдық округі әкімі аппаратының бас маманы, Темір ауданы «Жастармен жұмыс бойынша ресурстық орталығының басшысы, Темір аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы; 2018 – 2023 жылдары Хромтау қаласының әкімі, Ақтөбе қаласының «Астана» ауданы әкімінің орынбасары болып жұмыс істеді. 2023 жылдың қазан айынан бастап Ақтөбе қаласының «Астана» ауданының әкімі қызметін атқарып келді.Ақпарат көзі : https://www.gov.kz/memleket/entities/aktobe/press/news/details/903771

Бүгін Шұбарқұдық ауылында аудан активінің отырысы өтті, онда өңір басшысы Асхат Шахаров Темір ауданының жаңа әкімін таныстырды.Бұл лауазымға Алмас Жақсылықов тағайындалды. Асхат Шахаров ауданның жаңа басшысына сәттілік тілеп, Темір ауданының әлеуметтік-экономикалық дамуы бойынша негізгі міндеттерді айқындап берді.«Темір ауданы аймақ экономикасының дамуында маңызды рөл атқарады. Ел Президенті Қасым-Жомарт Тоқаевтың тапсырмаларын орындаудың арқасында аудан ауыл шаруашылығы, құрылыс, тұрғын үйді сатуда және бөлшек саудада оң нәтижелер көрсетуде, онда көрсеткіштер 100%-дан асады. Проблемалық бағыттар да бар: өнеркәсіп – 96,8% және инвестициялар – 38,4% төмендегені байқалады. Ауданның жаңа әкіміне жоспарланған көрсеткіштерге қол жеткізу және осы салалардағы жағдайды жақсарту үшін шаралар қабылдауды тапсырамын», - деп атап өтті облыс басшысы.Асхат Шахаров ауданның өнеркәсіптік базаларын сақтауға және дамытуға, инвестициялар тартуға, сондай-ақ тоқтап қалған өндірістік объектілердің жұмысын қалпына келтіруге көңіл бөлу қажеттігін айтты. Кен өндіру өнеркәсібін дамытуға және кен орындарын игеру үшін инвесторларды тартуға ерекше назар аудару қажет.Сондай-ақ, Темір ауданының ауыл шаруашылығы секторын нығайтуға мүмкіндік беретін құс, өсімдік және қайта өңдеу фермаларын белсенді дамыту қажет. Ірі қара мал басының 7%-ы осы ауданда екенін ескере отырып, басқа өңірлерге ет өнімдерін өндіру және жеткізуге бағытталған ет кластерін құру тапсырылды. Облыс әкімі ауданның жаңа басшысына қайта өңдеу кәсіпорындарының мүмкіндіктерін кеңейту және эко- және мәдени туризмді дамыту үшін «Жол картасын» әзірлеу қажеттігін алға тартты.«Темір ауданы «Ақтөбе-Астрахань» республикалық трассасының бойында орналасқан және шағын және орта бизнесті дамытуда жоғары әлеуетке ие. Бұл бағыттағы жұмысты күшейту қажет. Сондай-ақ, ауданда мұнай, газ, көмір және құрылыс шикізаты кен орындары бар, алайда тау-кен өнеркәсібі баяу дамуда. Бұл кен орындарын игеру үшін инвесторларды белсенді тарту қажет. Ауданда өңдеу цехтарын дамыту, аудан мен облыс тұрғындарын көкөніс өнімдерімен қамтамасыз ету үшін жылыжайлар мен көкөніс қоймаларының санын көбейту керек. Бүгінгі таңда ауданда тек бес жылыжай жұмыс істейді, бұл жеткіліксіз. Жаңадан тағайындалған аудан әкіміне осы міндеттерді қатаң бақылауда ұстауды және олардың уақытылы орындалуын қамтамасыз етуді тапсырамын. Тұрғындардың әл-ауқатын арттыру, жұмыс орындарын құру және ауданда өмір сүру сапасын жақсарту басымдық болып қала береді. Барлық күш-жігер осы мақсаттарға жетуге бағытталуы тиіс», - деді өз сөзінде өңір басшысы.Алмас Жақсылықов алдына қойылған мақсаттар мен міндеттерді орындау үшін бар білімі мен тәжірибесін салатынына сендірді. Ол аудандағы әлеуметтік-экономикалық жағдайды жақсарту үшін жұмыс істейтінін тілге тиек етті. Ақпарат көзі : https://www.gov.kz/memleket/entities/aktobe/press/news/details/903915

«Бүгін өздерінің кәсіби мерекесін энергетика саласының мамандары атап өтуде! Сіздердің кәсіби біліміңіз бен тәжірбилеріңіздің арқасында аймақтың жылу және энергетикалық жүйелері, әсіресе қыстың қақаған суығында, тұрақты жұмыс істейді. Жарық пен жылу – қазіргі заманның маңызды бөліктері. Осы мамандардың арқасында жерлестеріміздің үйлерінде жайлылық пен жылылық орнап, өңірдегі әлеуметтік мекемелер тоқтаусыз қызмет етіп, өндіріс пен ауыл шаруашылығы өнімдері шығарылып, инвестициялық жобалар жүзеге асырылуда. Энергетик болу – бұл бүгінгі таңда құрметке ие, қиын да жауапкершілігі мол жұмыс. Сала ардагерлеріне ерекше алғыс білдіреміз. Сіздердің жетістіктеріңіз – бүгінгі энергетиканың негізі, ал жинаған тәжірибелеріңіз – жас мамандарды тәрбиелеуде үлкен көмек. Энергетиктердің жоғары кәсібилігі, жауапкершілігі және өз ісіне адалдығы үшін шын жүректен алғыс айтамын. Сіздердің алдағы уақытта да барлық тапсырмаларды сәтті орындайтындарыңызға сенімдімін. Шығыс Қазақстан облысының энергетикалық жүйесінің сенімді жұмысын қамтамасыз еткендеріңіз үшін рахмет! Сіздерге зор денсаулық, табыс, оптимизм, амандық, апатсыз жұмыс және бар жақсылықты тілеймін. Кәсіби мерекелеріңіз – Энергетиктер күні құтты болсын!», - деді өңір басшысы.Ақпарат көзі : https://www.gov.kz/memleket/entities/akimvko/press/news/details/903478

Су тасқыны кезеңіне дайындық аясында Ақтөбе облысы бойынша «Қазсушар» филиалы Ақтөбе су қоймасын 80%, Қарғалы су қоймасын 66% және Сазды су қоймасынан 60%-ға босатты.Бүгінгі таңда үш су қоймасында 382 млн текше метр су қабылдайтын бос орын бар.Қоймалардан су жіберу жұмыстары жалғасуда. 2025 жылдың 1 сәуіріне дейін Ақтөбе және Қарғалы су қоймалары қосымша 200 млн текше метрден, Сазды су қоймасы 5 млн текше метр су қабылдай алады.Осылайша, үш су қоймасы су тасқынын қауіпсіз өткізу үшін 405 млн текше метрге дейін су қабылдай алады.Сондай-ақ, Ақтөбе су қоймасын толық жаңғырту жұмыстары аяқталды. Айта кету керек, нысан қолданысқа берілген 1988 жылдан бері күрделі жөндеу жүргізілмеген. Осыған қарамастан, биыл су қоймасы тасқын кезінде үлкен жүктемеге төтеп беріп, 540 млн текше метр су өткізе алды.Сазды су қоймасын күрделі жөндеу жұмыстары аяқталып, мұздан қорғау қабырғасы орнатылды. Қарғалы су қоймасында көтергіш механизмдер мен қақпа тізбектері ауыстырылды.Мәртөк ауданының су қорғау бөгеттерінің және лиманды суару жүйесінің учаскелері қалпына келтірілді.«Өңірде су тасқыны кезеңінде дайындық жалғасуда, бүгінде су қоймалары жұмысының кестесі әзірленді. Бос сыйымдылықтарды дайындаудан басқа, монтаждау жұмыстары жүріп жатыр, оны 15 желтоқсанға дейін аяқтауды жоспарлап отырмыз», - деді Ақтөбе облысы бойынша «Қазсушар» филиалының директоры Ринат Шауенов.Ақпарат көзі : https://www.gov.kz/memleket/entities/water/press/news/details/903527

Еліміздің су саласында 200-ден астам «Тәуелсіздік құрдастары» еңбек етеді. Атап айтқанда, Су ресурстары және ирригация министрлігінде 1991 жылы дүниеге келген 10 маман, «Қазсушар» филиалдарында 202 және бассейндік инспекцияларда 3 сушы бар.Қазақстан егемендігін алған жылы туған отандастарымыз бүгінде су саласының білікті мамандарына айналып, елімізді дамытуға өз үлестерін қосып жатыр. Олардың кейбірі қарапайым жұмысшыдан бастап, басшылық қызметке дейін көтерілген.«Менің әкем су саласында 42 жыл еңбек еткен осы саланың ардагері. Мен де әкемнің жолын қуып, сушы мамандығын таңдадым. Осы салада 10 жылға жуық еңбек етіп келемін. Бүгінгі таңда аға инженер-гидротехник лауазымына дейін көтерілдім. Тәуелсіздіктің құрдасы болу – үлкен жауапкершілік. Сол себепті жұмыста да, күнделікті өмірде де абыройлы болуға тырысамын»,- дейді Қызылорда облысы бойынша «Қазсушар» филиалы өндірістік учаскесінің аға инженер-гидротехнигі Айдос Ибадильдаев.Ақпарат көзі : https://www.gov.kz/memleket/entities/water/press/news/details/903535

Су ресурстары және ирригация министрлігі биыл су саласы мамандықтарының тартымдылығын арттыру үшін бірқатар іс-шараларды жүзеге асырды. Мәселен, «Болашақ» бағдарламасына өзгерістер енгізіліп, оған су саласының мамандықтары қосылды. Нәтижесінде, қазақстандық студенттер аталған мамандықтар бойынша шетелде білім алу мүмкіндігіне ие болды.«Су шаруашылығы саласына жас мамандарды тарту және қызметкерлердің біліктілігін арттыру министрлік жұмысының басым бағыттарының бірі болып табылады. Биыл 9 жоғары оқу орнымен ынтымақтастық туралы меморандумға қол қойды. Осының нәтижесінде, 80 студент «Қазсушар» филиалдарында өндірістік тәжірибеден өтті. Бұдан бөлек, шетелдік әріптес университеттермен қос дипломдық және бірлескен білім беру бағдарламаларын дамыту жөнінде іс-шаралар қабылданады»,- деді ҚР СРИМ Ғылым және инновациялар департаментінің директоры Мүслім Жиенбаев.Ақпарат көзі : https://www.gov.kz/memleket/entities/water/press/news/details/903537

2024 жылғы 12 желтоқсанда Астанада Орталық Азиядағы Сауда бағдарламасы шеңберінде USAID жанындағы Назарбаев Университетінің Кәсіпкерлікті зерттеу орталығы (NURCE) ұйымдастырған «EmpowerHER: гендерлік теңдік пен әйелдердің кәсіби мүмкіндіктерін қолдау» форумы өтті. Іс-шара кәсіпкер әйелдерді көлік және логистика салаларында қолдауға, оларға бірегей сын-қатерлерді талқылауға, ресурстармен алмасуға және кәсіби байланыстар орнатуға арналған платформа ұсынуға бағытталған.Қазақстан Республикасының Сауда және интеграция бірінші вице-министрі Айжан Бижанова әйелдердің елдің экономикалық дамуындағы маңыздылығын атап өтіп, құттықтау сөз сөйледі. Ол форум көліктік логистика және сауда-логистикалық орталықтар сияқты стратегиялық маңызды тақырыптарға бағытталғанын атап өтіп, іс-шарадағы талқылаулар Қазақстанның өңірлік сауда мен ынтымақтастықтың негізгі торабы ретіндегі ұстанымын нығайтуға нақты үлес қосатынына сенім білдірді.Мемлекет басшысы, Президент Қасым-Жомарт Тоқаев көлік-логистикалық инфрақұрылымды дамыту Қазақстанның тұрақты өсуі мен халықаралық байланыстарын нығайтудың кепілі болып табылатынын бірнеше рет атап өтті. Осыған байланысты Айжан Бижанова елімізде стратегиялық мақсаттар белсенді іске асырылып жатқанын айтты. Негізгі көршілес елдер мен аймақтарда бес индустриялық сауда-логистикалық кешен құрылуда, бұл экспорт көлемін ұлғайтуға және кәсіпкерлер үшін жаңа мүмкіндіктер ашуға мүмкіндік береді.Форумның басты сәттерінің бірі «Шектеулерге қарамастан: Қазақстанның кәсіпкер әйелдерінің 33 өмір тарихы» кітабының тұсаукесері болды. Басылым Қазақстанның түрлі өңірлері мен салаларынан келген 33 кәсіпкер әйелдің көшбасшылыққа инновациялық көзқарасы мен қоғамдық шектеулерді еңсеру қабілетіне баса назар аудара отырып, олардың өмір жолдары туралы баяндайды. Өмір тарихтары көлік, ауыл шаруашылығы, IT, өндіріс және денсаулық сақтау сияқты салаларды қамтиды, бұл әйелдердің қиындықтарды өсу мен мәдени өзгерістер үшін мүмкіндіктерге қалай айналдыратынын көрсетеді.Ақпарат көзі : https://www.gov.kz/memleket/entities/mti/press/news/details/903130

2024 жылғы 12 желтоқсанда Астанада Қазақстан Республикасының Сауда және интеграция бірінші вице-министрі Айжан Бижанованың төрағалығымен Қазақстандағы «Азиядағы тұрақты инфрақұрылым» (SIPA) бағдарламасы шеңберінде қорытынды шығаруға және одан әрі қадамдарды жоспарлауға арналған кездесу өтті. Іс-шара Қазақстан мен Экономикалық ынтымақтастық және даму ұйымы (ЭЫДҰ) арасындағы тұрақты даму саласындағы табысты ынтымақтастықты растады.Талқылауға Орталық Азия бойынша Германияның Қоршаған ортаны қорғау, табиғатты қорғау, ядролық қауіпсіздік және тұтынушылардың құқықтарын қорғау Федералды министрлігінің (BMUV) өкілдері Юрген Кейнхорст пен Ивонна Линденлауб; SIPAбағдарламасының жетекшісі Пелин Атамер және ЭЫДҰ-ның бағдарлама аға менеджері (Nexus) Мэтью Гриффитс; сондай-ақ «QazTrade» Сауда саясатын дамыту орталығы» АҚ Бас директорыныңбірінші орынбасары Нұрлан Құлбатыров қатысты.Бірінші вице-министр Айжан Бижанова өз сөзінде SIPAбағдарламасының қол жеткізілген нәтижелері Германия Федеративтік Республикасы Үкіметінің қолдауының арқасында мүмкін болғанын және оның тұрақты даму қағидаттарына бейілділігін атап өтті. Ол ЭЫДҰ-ның SIPA жобасын тиімді үйлестіргені үшін ризашылығын білдірді және Сауда және интеграция министрлігінің сауданы декарбонизациялауға, экспортты әртараптандыруға және қазақстандық кәсіпорындарды тұрақты және төмен көміртекті жаһандық қосылған құн тізбегіне біріктіруге бағытталған бастамаларға белсенді қатысуына назар аударды.Соңғы уақытта Қазақстан мен Еуропалық Одақ арасындағы сыртқы сауда теңгерімінің оң динамикасы байқалады. Өткен жылдың қорытындысы бойынша тауар айналымы 41,5 млрд АҚШ долларына жетті, өсім 3,5%-ды құрады. Ал биыл 10 айда өсу қарқыны 21%-ды (41,2 млрд) құрады. Сонымен қатар, шикізат пен шикізат емес тауарлардың экспорты артып келе жатқаны қуантады. 15 негізгі сауда серіктестерінің жартысы ЕО елдеріне тиесілі. Бұл Италия, Германия, Франция, Нидерланды және т. б.Германиямен тауар айналымы айтарлықтай өсті. Өңделген тауарлар бойынша Германия біздің 5 негізгі сауда серіктестеріміздің қатарына кіреді.Еуропалық серіктестермен экономикалық байланыстарды нығайту үшін елеулі перспективалар ашатын Орта дәлізді дамытуғаерекше назар аударылды. Қыркүйек айында Федералдық канцлердің Қазақстанға сапары барысында басталған ең маңызды шикізат материалдарын дамыту саласындағы Германия Федеративтік Республикасымен серіктестік алға жасалған маңызды қадам деп танылды.Кездесу барысында сондай-ақ болат пен алюминий өндірісін қоса алғанда, Қазақстанның негізгі экспорттық салалары үшін сын-қатержәне мүмкіндік болып табылатын Еуропалық Одақтың Шекаралық түзету көміртегі механизмін (CBAM) іске асыру қарастырылды. Қазақстан бұл сын-қатерді шешуге өзінің бейілділігін және оны экономиканың климаттық мақсаттарға сәйкес келетін тұрақты даму жолына көшуі үшін пайдалану ниетін растады.Сауда және интеграция министрлігі экспорттаушылармен, әсіресе Шекаралық түзету көміртегі механизмін енгізу контекстінде белсенді ақпараттық-түсіндіру жұмыстарын жалғастырады, бірақ бұл экономикалық орындылықты ескере отырып, теңдестірілуі керек.Батыстық серіктестер тарапынан жасыл технологияларға көшетін өнеркәсіптік топтарымыз үшін жеңілдікті несиелеу немесе өзге де ынталандырушы бағдарламалар бойынша ұсыныстар күтеміз.Бірінші вице-министр Айжан Бижанова ЭЫДҰ-на «QazTrade» АҚ-мен бірлесіп әзірленген өнеркәсіптік экспорттаушылар үшін үздік тәжірибелер мен халықаралық тәжірибе бойынша нұсқаулық үшін алғысын білдірді.Ол сондай-ақ Сауда және интеграция министрлігі «QazTrade» АҚ-мен бірлесіп ұйымдастырған Бакудегі жаһандық қосылған құн тізбегін декарбонизациялауға арналған COP29 параллель іс-шарасына ЭЫДҰ мен SIPA бағдарламасының қатысуын атап өтті және ЭЫДҰ-ның осы бағыттағы қолдауын жоғары бағалады.Кездесу қорытындысы бойынша тараптар Қазақстан Республикасының экономикасын тұрақты дамыту және декарбонизациялау саласындағы ортақ мақсаттарға қол жеткізу үшін тығыз ынтымақтастықты жалғастыруға уағдаласты. Анықтамалық ақпарат:«Азиядағы ақты инфрақұрылым» (SIPA) бағдарламасы Париж Келісімінің мақсаттарына және Тұрақты даму мақсаттарына сәйкес келетін энергетикалық, көліктік және өнеркәсіптік инфрақұрылымға инвестицияларды қамтамасыз етуде Орталық және Оңтүстік-Шығыс Азия елдерін қолдауға бағытталған.Ақпарат көзі : https://www.gov.kz/memleket/entities/mti/press/news/details/903201

2024 жылдың 13 желтоқсанында Қазақстан Республикасының Сауда және интеграция министрі Арман Шаққалиев Еуропалық Одақтың Қазақстан Республикасындағы Төтенше және Өкілетті Елшісі Алешка Симкичпен кездесті.Кездесу барысында тараптар өзара көпжақты ынтымақтастықтың кең ауқымды мәселелерін талқылады: сауда және инвестиция, техникалық реттеу, сертификаттау, әйелдердің бизнестегі рөлі, Қазақстан-ЕО Кеңейтілген әріптестік және ынтымақтастық туралы келісімнің (КӘЫК) сауда бөлігіне қатысты жобалар, Ready4Trade Central Asia жобасының жүзеге асырылуы және басқа да мәселелер.Тараптар сауда-экономикалық ынтымақтастықты кеңейту бойынша жұмысты жалғастыруға және жаңа жобалар арқылы өңірлік және халықаралық сауданы дамытуға келісті.Сонымен қатар, 2024 жылдың 9 сәуірде Брюссель қаласында өткен Қазақстан мен Еуропалық Одақ арасындағы сауда формасындағы 7-ші ынтымақтастық комитетінің отырысының сәтті өткенін айтылды.Оcы кездесуде Қазақстан-ЕО ынтымақтастық комитетінің сауда формасындағы 8-ші отырысын 2025 жылдың бірінші жартысында өткізу туралы келісімге келді.А. Симкич сондай-ақ қазақстандық тарапқа «KROHNE SA» тексеру (калибрлеу) және сынақ зертханасын салу және шығын өлшеуіштер мен деңгей өлшеуіштерді өндіру жөніндегі бірлескен инвестициялық жобаны іске асыруға қолдау көрсеткені үшін алғысын білдірді.Айта кетейік, Еуропалық Одақ тарихи тұрғыдан Қазақстанның негізгі инвестициялық және сауда серіктесі болып табылады. Бүгінде Еуропалық Одақтың үлесіне тартылған инвестициялардың 40%-дан астамы және сыртқы сауданың шамамен 30%-ы тиесілі.Ақпарат көзі : https://www.gov.kz/memleket/entities/mti/press/news/details/903220

Абу-Даби, 2024 жылғы 16 желтоқсан – Қазақстанның халықаралық мәселелерді шешуге қосқан үлесі және елдің өсіп келе жатқан орта держава ретіндегі жаңа рөлі 13-15 желтоқсанда Абу-Дабидегі Француз халықаралық қатынастар институты (IFRI) ұйымдастырған 17-ші жыл сайынғы World Policy Conference конференциясындағы пікірталастардың назарында болды.Тьерри де Монбриаль, Еуропаның жетекші ғылыми орталықтарының бірі IFRI негізін қалаушысы және тұрақты Президенті, конференция сессиясын «көп векторлы сыртқы саясаттар?», халықаралық қоғамдастықтың жауапты серіктесі ретінде елге танылуға лайық Қазақстанның дипломатиялық бағыты осылай сипатталатынын ерекше атап өтті. Бұл ретте, көрнекті француз ғалымының пікірінше, Қазақстан «сыртқы саясаттағы осындай тәсілдерді патенттеп қана қоймай», соңғы жылдары орта держава ретінде түрлі халықаралық сын-қатерлерді шешуде белсенді қатысушы бола бастады.Демек, Т. де Монбриаль атап өткендей «Қазақстанның сыртқы саясаты неден негізделеді, ол олардың арасындағы шиеленістің күрт артқан дәуірінде әртүрлі геосаяси күш орталықтарымен оң қарым-қатынасты қалай сақтай алады және біздің еліміз жаңа мәртебеде, әсіресе қақтығыстарды реттеу мәселелерінде не істей алады?» – деген сұрақтар орынды.Одан кейінгі пікірталас барысында Қазақстан Сыртқы істер министрінің орынбасары Роман Василенко еліміздің сыртқы саясатының теңгерімділігі мен прагматизмін түсіндіру ретінде киіз үйдің үлгісін келтірді. «Қазақтардың дәстүрлі үйінде бұрыштар жоқ. Тиісінше, бір немесе басқа жағын қабылдау, бокс рингіндегідей бір немесе басқа бұрышты таңдау қажеттілігі біздің менталитетімізге қайшы келеді».«Қазақстанда елдердің блоктарға бөлінуі қабылданбайды. Егер мемлекеттер қандай да бір тарапты иеленуі керек болса, онда бәсекелестіктен гөрі ынтымақтастықты таңдау керек; оқшауланудан гөрі өзара әрекеттесу; заңсыздықтан гөрі құқықтың үстемдігі; өзара ерекшелік пен нөлдік нәтиже беретін ойындардан гөрі өзара пайда мен жалпыға бірдей ұтыс тұжырымдамасы (win-win)». Дипломат атап өткендей, осы тәсілдің арқасында Қазақстан барлық серіктестермен өзара сыйластық пен өзара тиімді байланыс орнатты және әлемнің ешбір елімен шиеленісті қарым-қатынастары жоқ.Халықаралық қауіпсіздік жүйесінің дағдарысы жағдайында орта державалардың іс жүзінде не істей алатындығы туралы айта келе, министрдің орынбасары Астананың БҰҰ-ны әлемдік даму мен қауіпсіздік мәселелерін шешуге арналған жалғыз жаһандық ұйым ретінде нығайтуды жақтағанын және жақтайтынын атап өтті. «Бұл үшін, Қазақстан Президенті Қасым-Жомарт Тоқаев атап өткендей, БҰҰ Қауіпсіздік Кеңесінің реформасы баяғыда пісіп-жетілді, ол көптеген жылдар бойы соғыс пен бейбітшіліктің көптеген принципті мәселелері бойынша тығырыққа тірелді. Қазақстан Қауіпсіздік Кеңесінің неғұрлым өкілді болуы және қазіргі заманғы шындықты көрсете отырып, неғұрлым әділ ұсынуды қамтамасыз етуі тиіс деп санайды».Р. Василенконың айтуынша, «орта держава ретінде – біз бұл анықтаманы жауапкершілікпен қабылдаймыз – біздің көзқарастарымызды бөлетін басқа елдермен ынтымақтастықта, пікірлес елдердің белгілі бір желісі ретінде және ұжымдық шешімдерді іздеуде, әлемдік супердержаваларды қажеттілікке сендіру, бүкіл адамзаттың мүдделерін есепке алу және климаттың өзгеруі, теңсіздік, кедейлік және т.б. сияқты барлығымыздың алдымызда тұрған принципті сұрақтарға жедел жауап табу үшін жұмыс істеуді жалғастыра аламыз."Модератордың өтініші бойынша Қазақстанның Украинадағы әскери жанжалға көзқарастарына түсініктеме бере отырып, дипломат «Президент Қ. Тоқаев бұл мәселені шешу тек дипломатиялық жолмен ғана мүмкін болатынын және біз жанжалды тез арада тоқтатуды және келіссөздер үстеліндегі келіспеушіліктерді реттеуді жақтайтынымызды бірнеше рет айтты. Өз тарапынан Қазақстанда осы бағыттағы күш-жігерді барынша қолдауға дайын».Панельдік пікірталасқа Сербия Парламентінің Спикері Ана Брнабич пен Грузия Сыртқы істер министрінің бірінші орынбасары Лаша Дарсалия да қатысты, олар талқыланатын мәселелерге өз елдерінің көзқарастарын ұсынды.Әлемдік геосаясат пен экономика мәселелерін қарастырған конференция жұмысына Еуропа мен Америка, Азия және Африка елдерінің саясаткерлері, дипломаттары, сарапшылары, бизнесмендері мен журналистері, сондай-ақ Халықаралық Валюта Қоры мен экономикалық ынтымақтастық және даму ұйымы сияқты халықаралық ұйымдардың өкілдері қатысты. Ақпарат көзі : https://www.gov.kz/memleket/entities/mfa/press/news/details/903821

Биыл Қазақстан волонтерлікті дамытуда айтарлықтай жетістіктерге қол жеткізді. Халықаралық стандарттарға бейілділігін растап, қоғамдық маңызды міндеттерді шешуде волонтерлердің рөлін нығайтты.Бүгінгі таңда елімізде 755 волонтерлік ұйым, 2 мың бастамашыл топ, 275 мың белсенді волонтер, оның ішінде 3,5 мың «Күміс» волонтер белсенді жұмыс істейді.Азаматтардың волонтерлік қозғалысқа белсенді қатысуы және мемлекет тарапынан бұл үшін жағдай жасауы елдегі волонтерліктің дамуына ықпал етті. Үкімет Қазақстан Республикасының 2024-2026 жылдарға арналған волонтерлікті дамыту мен қолдаудың жаңа Жол картасын бекітті.Оны іске асыруда әлеуметтік және медициналық волонтерлік, экологиялық және ЗОО волонтерлік, білім беру және медиа саласындағы волонтерлік, төтенше жағдайлар салдарын жою саласындағы волонтерлік және басқа да салаларда салалық волонтерлікті дамытуға баса назар аударылды.Елімізде Ұлттық фронт-кеңсе және өңірлік 20 волонтерлік фронт-кеңсесі өз қызметін белсенді жүзеге асырып келеді, олар ұйымдастырушылық, ақпараттық және ресурстық қолдау көрсетеді, сондай-ақ еріктілер топтарына, ұйымдарға және еріктілерге консультациялық көмек береді.2024 жылы 5,6 мыңнан астам іс-шара ұйымдастырылды. Бір жыл ішінде волонтерлік бойынша бірыңғай Call-орталық құрылып, оған 2095-тен астам өтініш келіп түсті. Бірыңғай онлайн «Qazvolonteer.kz» платформасы жұмыс істейді, онда 67 мыңнан астам ерікті тіркелген.2024 жылы мемлекеттік органдар волонтерлік қоғамдастықпен бірлесіп 55 жобаны іске асырды, сондай-ақ волонтерлік бастамаларды қолдау мақсатында 240 шағын грант берілді. Жобалар аясында 42 мыңға жуық түрлі форматтағы іс-шара өткізілді. 10 мың волонтер салалық волонтерлік бойынша оқудан өтті.Халықаралық волонтерлік белсенді дамып келеді. Ұлттық волонтерлер фронт-кеңсесінің жанында 2023 жылдан бастап Халықаралық волонтерлік орталық жұмыс істейді. Қыркүйек айында 7 Қазақстандық волонтер БҰҰ құрылымдарына Түркия, Кения және Таиланд сияқты елдерге жұмысқа жіберілді.Осы жылы 3-4 қазанда Астанада АӨСШК Жастар кеңесінің қолдауымен волонтерлер слеті өтті. Слет Азияның волонтерлері мен волонтерлік ұйымдары үшін ең ірі халықаралық іс-шаралардың біріне айналды. Оған АӨСШК-ға мүше 14 мемлекеттен (Қазақстан, Қырғызстан, Ресей, Шри-Ланка, Қытай, Бахрейн, Өзбекстан, Әзербайжан, Иран, Таиланд, Тәжікстан, Кувейт, Үндістан, Катар) 450 адам қатысты.ҚР Президенті Қ.Тоқаевтың тапсырмасы бойынша 2020 жылы Қазақстанның дамуына үлес қосқан үздік қазақстандық және шетелдік еріктілерді ынталандыру үшін «Жыл волонтері» халықаралық сыйлығы тағайындалды. 2020-2024 жылдар аралығында Қазақстан, Ресей, Өзбекстан және Қырғызстаннан 234 волонтер сыйлық алды.«Игі істер марафоны» жобасы іске асырылды, оның шеңберінде қазақстандықтар 50 мыңға жуық адамның қатысуымен 7 000 «Игі іс» жасады. Жоба аясында еріктілер 7 000 жануарға көмек көрсетті, 3 200 көшет отырғызып, 240 тонна қоқыс жиналды. 5 желтоқсанда 10 номинация бойынша жобаның 20 жеңімпазы марапатталды.2025 жылы осы бағыттағы жұмысты жалғастыру шеңберінде волонтерлік саласы бойынша қолданыстағы заңнаманы жетілдіру үшін жаңа тәсілдерді әзірлеу жоспарлануда.Сондай-ақ, халықаралық волонтерлер жылын өткізуге дайындық аясында Қазақстанда Ұлттық ұйымдастыру комитеті құрылып, іс-шаранының жоспарын әзірлейді. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/902358

Алматыда Қазақстан Жазушылар одағының 90 жылдық мерейтойына арналған салтанатты шара өтті. Оған Қазақстан Республикасының Мемлекеттік кеңесшісі Ерлан Қарин, Мәдениет және ақпарат министрі Аида Балаева, ТҮРКСОЙ халықаралық ұйымының бас хатшысы Сұлтан Раев, Еуразия Жазушылар одағының президенті Уфук Тузман қатысты.Мемлекеттік кеңесші Ерлан Қарин Қазақстан Республикасының Президенті Қасым-Жомарт Тоқаевтың Одақтың 90 жылдығына орай жолдаған құттықтау хатын оқып берді. Мемлекет басшысының хатында «Жазушылар одағы – руханиятымыздың алтын діңгегі. Бұл ұйым қаламгерлеріміздің кәсіби қауымдастығы ретінде төл әдебиетіміз бен мәдениетімізді өркендетуге және оны әлемге танытуға зор ықпал етеді. Сөз өнерінің қарашаңырағын ұлттық бірегейлігіміздің берік тұғыры деуге болады.Қазір біз ұлттың жаңа сапасын қалыптастырып жатырмыз. Озық ойлы ұрпақ тәрбиелеу ісінде зиялы қауым айрықша рөл атқаруы керек. Осы жауапкершілікті терең сезініп, адамгершілік құндылықтарды кеңінен дәріптеп жүрген барша қаламгерлерге шынайы ризашылығымды білдіремін» делінген.Бұдан соң Қырғыз Республикасы Президентінің кеңесшісі Арслан Қойшиев Қырғыз Республикасының Президенті Садыр Жапаровтың құттықтауын оқыды.Салтанатты шараға шетелден арнайы қонақтар – Түркия Жазушылар одағының Төрағасы Муса Казым Арыжан, Қытай Халық Республикасы Жазушылар одағы Басқармасының мүшесі, Қазақстанның құрметті жазушысы Әкбар Мәжит, Әзірбайжан Жазушылар одағының Төрағасы Анар Рзаев, Әзірбайжан Жазушылар Одағының хатшысы Рашад Мажитов, Өзбекстан Жазушылар одағы Төрағасының орынбасары Мажид Гайрат, Өзбекстанның Халық жазушысы Усманкул Азимов, швед жазушысы, әдебиет зерттеушісі Пауэль Фрийес, Қырғыз Республикасы Ұлттық Жазушылар одағының Төрағасы Қаныбек Иманалиев, Қырғызстанның Ел жазушысы, Қырғызстан Республикасы Президентінің кеңесшісі Арслан Қойшиев, Ресей жазушысы Андрей Рейзвых, Татарстан Жазушылар одағының Төрағасы Ркаил Зайдуллин, Башқұртстан Жазушылар одағының Төрағасы Айгиз Баймухаметов, Якутия Жазушылар одағының Төрағасы, «Чолбон» журналының бас редакторы Гаврил Андросов, Чуваш Республикасы Жазушылар одағы басқарма төрағасының орынбасары Василий Захаров, сондай-ақ еліміздің түкпір-түкпірінен келген ақын-жазушылар, қоғамдық ұйымдар мен кәсіпкерлік өкілдері де қатысты.Жазушылар одағының төрағасы Мереке Құлкенов өз баяндамасында «Бүгінде біз Әділетті Қазақстанға қадам бастық. Қазіргі қазақ әдебиеті де жаңару үстінде деп нық сеніммен айта аламыз. Тың да тосын тақырыптар, жаңа жанрлар, соны стильдер, амбициясы зор авторлар әдеби процеске жаңаша серпін беруде» деп атап өтті.Анықтама үшін:Қазақстан Жазушылар одағының тарихы 1934 жылы 12-18 маусымда Алматыда өткен Қазақстан Жазушыларының I Съезінен басталады. Әр жылдары Одақты белгілі қаламгерлер І.Жансүгіров, Ғ.Тоғжанов, С.Мұқанов, Т.Дүрімбетов, М.Қаратаев, Д.Әбілев, Ә.Тәжібаев, Ә.Жаймурзин, Ғ.Мұстафин, Ғ.Мүсірепов, Ә.Шәріпов, Ә.Әлімжанов, Ж.Молдағалиев, О.Сүлейменов, Қ.Найманбаев, Н.Оразалин, Ұ.Есдәулет басқарған.Қазіргі таңда Жазушылар одағы – 1015 мүшесі бар еліміздегі ең ірі шығармашылық бірлестіктердің бірі. Одаққа қарайтын «Қазақ әдебиеті» газеті, «Жұлдыз», «Простор», «Жалын» журналдары өнер мен әдебиеттің жаршысына айналды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/902527

Қазақ ұлттық хореография академиясында Агриппина Ваганова атындағы Орыс балеті академиясының түлегі Вадим Рзаевтың шеберлік сыныбы өтті.Вадим Рзаев – классикалық және заманауи би өнерінде тәжірибесі мол өнерпаз. Ол әлемнің жетекші театр сахналарында жеке партиялар орындап, шетелдік танымал хореографтармен де бірлесе жұмыс істеген.«Хореографиялық өнер педагогикасы» және «Балетмейстер өнері» білім беру бағдарламасының студенттері мастер-классқа қатысып, болашағы үшін құнды тәжірибе жинады. Вадим Рзаев классикалық би техникасын, өзінің кәсіби әдістері мен тәсілдерін бөлісті.Бұл іс-шара – студенттердің кәсіби дағдыларын жетілдіруге және әлемдік хореографиялық өнер туралы білімдерін кеңейтуге бағытталған Академияның білім беру және мәдени бағдарламасының бір бөлігі. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/903176

Тәуелсіздік күні қарсаңында Түркістанда ÓzgeEpic креативті хабы ашылды. Бұл – еліміздегі он бірінші хаб. Шығармашылық кеңістік Мемлекет басшысының тапсырмасымен құрылған. Қасым-Жомарт Тоқаев креатив индустрияларды дамытуға ерекше назар аударып, Қазақстанның барлық ірі қалаларында хабтар ашу міндетін қойды.Салтанатты іс-шараға ҚР Парламентінің депутаттары, ҚР Мәдениет және ақпарат министрлігінің өкілдері, «Қазпошта» АҚ, жергілікті атқарушы органдар және өңірдің креаторлары қатысты.Түркістандағы креатив хаб ҚР Мәдениет және ақпарат министрлігі мен «Қазпошта» АҚ арасындағы келісім аясында ашылды. Орталық акционерлік қоғам филиалдарының бірінде орналасқан. Ынтымақтастық бойынша ортақ жобалар жасалатын болады.Хабтың ашылуында инклюзивті креатив индустриясын қолдауға бағытталған «Көрінбейтін әлем» көрмесі де ұсынылды.Аталмыш алаңның ауданы – 400 шаршы метр. Негізгі назар түрлі халықтардың қолөнер туындыларына аударылған.Түркістан облысында барлығы 1341 креатив индустрия субъектісі тіркелген. Өңір киім тігу және аксессуарлар жасау бағыттары бойынша көш бастап тұр. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/903256

Алматыда «Қоғамдық сенім және әлеуметтік капитал» тақырыбында V халықаралық конференция өтті.Іс-шарада спикерлер Азаматтық қоғамды дамыту тұжырымдамасын өзектендіру шеңберінде жүргізілген әлеуметтанушылық зерттеулердің қорытындыларымен және азаматтардың мемлекетке деген сенімін нығайтуға бағытталған жұмыстармен бөлісті.Айта кетейік, ашықтық пен айқындық қағидаттарын тиімді іске асыру мақсатында биылғы сәуір айынан бастап «Қоғамдық бақылау туралы» ҚР Заңы заңды күшіне енді.Сондай-ақ, Қоғамдық кеңестің мүшелері 2025 жылы өкілеттік мерзімінің аяқталуына байланысты құрамы 80%-ға жаңартылмақ. Осыған орай Қоғамдық кеңестің 3 мыңнан астам мүшесінің қатысуымен 20-ға жуық оқыту семинарларын өткізу жоспарланған.Конференцияға ҚР Президенті жанындағы Ұлттық ғылым академиясының, БҰҰ-ның Жаһандық коммуникациялар департаментінің, халықаралық және қазақстандық қоғам қайраткерлерінің, мемлекеттік органдардың өкілдері қатысты. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/903283

2024 жылғы 9-13 желтоқсан аралығында Астанада Қазақстан Республикасының Мәдениет және ақпарат министрлігінің қолдауымен Қазақ ұлттық өнер университеті ұйымдастырған жас «Astana Piano Passion» II Республикалық жас пианистер байқауы өтті.Байқау ұлттық фортепиано мектебін дамыту, дарынды жас музыканттарды анықтау және қолдау, классикалық, академиялық музыканы, фортепианолық орындаушылықты және Қазақстан композиторларының музыкасын дәріптеу мақсатында өткізілді.Конкурсқа Қазақстан Республикасының мәдениет және өнер саласындағы білім беру ұйымдарында «Фортепиано» мамандығы бойынша білім алып жатқан, 7-18 жас аралығындағы жас пианистер қатысты.Байқау 4 жас санаты бойынша өтті. Олар – 7-9 жас, 10-12 жас, 13-15 жас және 16-18 жас аралығындағы өнерпаздар.Байқау аясында Беларусь мемлекеттік музыка академиясының арнайы фортепиано кафедрасының меңгерушісі, профессор Владимир Дулов пен Қазақстан Республикасының еңбек сіңірген қайраткері, халықаралық конкурстардың лауреаты Әмір Тебенихин шеберлік сабақтарын өткізді.Биыл байқауға Павлодар, Қарағанды, Өскемен, Ақтау, Алматы және Астана қалаларынан 60 жас пианист қатысты.Гран-при иегері – Даниал Дюсембаев (оқытушысы Асабаева Сара Шәкірқызы).«А» санаты (7-9 жас):І орын: Иса Аяла (оқытушысы Бейсембаева Гаухар Серікқызы).ІІ орын: Жарменов Рустам (оқытушысы Қосаманова Гүлназ Ғаянқызы) және Абдулла Жанболат (оқытушысы Мухамеджанова Гүлжәмилә Бурханқызы).ІІІ орын: Алиханова Томирис (оқытушысы Манжула Ольга Николаевна), Сәкенқызы Сана (оқытушысы Тоқтаған Ақдидар Айтжанқызы) және Тян Ратмир (оқытушысы Чечнёва Ольга Геннадьевна).«В» санаты (10-12 жас):І орын: Оңғарбаева Жансая (оқытушысы Здорнова Жанна Викторовна).ІІ орын: Нұрсұлтан Іңкәр (оқытушысы Жакеева Гүлнәра Сапиоллайқызы) және Көпбай Бексұлтан (оқытушысы Бекишева Хадича Искандарқызы).ІІІ орын: Дүйсекеева Аман (оқытушысы Даукеева Мензия Кенжебекқызы), Думитреску Марк (оқытушысы Цветцих Елена Валерьевна) және Каримов Алан (оқытушысы Сұрапбергенова Светлана Алмабайқызы).«С» санаты (13-15 жас):І орын: Ахметов Рауан (оқытушысы Жұмақова Ғафура Рахметоллақызы).ІІ орын: Алдабаев Марлен (оқытушысы Құсаинов Алтай Карпықұлы) және Шайхов Айдар (оқытушысы Кремер Евгения Андреевна).ІІІ орын: Азаматұлы Айтөре (оқытушысы Қаражігітова Шолпан Нариманқызы) және Булат Әдина (оқытушысы Сұрапбергенова Светлана Алмабайқызы).«D» санаты (16-18 жас):І орын: Мхитарян Ашот (оқытушысы Сұрапбергенова Светлана Алмабайқызы).ІІ орын: Нұғманқызы Дария (оқытушысы Ольга Каминская Михайловна) және Каменецкая Софья (оқытушысы Кремер Евгения Андреевна).ІІІ орын: Жанас Бекмырза (оқытушысы Измаилов Нұрлан Тохтарұлы), Жұманғарина Тоғжан (оқытушысы Асабаева Сара Шәкірқызы) және Дастан Елнар (оқытушысы Абдуллаева Әйгерім Оңдасынқызы) ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/903302