Ақмола облысының әкімі Марат Ахметжанов Қосшы қаласына жұмыс сапары барысында үлестік құрылыс нысандарының бірі саналатын «Сиреневый сад» тұрғын үй кешенінің құрылыс барысымен танысты.Бұған дейін облыс әкімдігі мен «Ғаламат» құрылыс компаниясының арасында ұзаққа созылған құрылыс нысандарын аяқтау бойынша өзара ынтымақтастық туралы келісім жасалған болатын. Компанияның атқарушы директоры Алмас Ғалимарданов «Сиреневый сад» және «Diamond Park» кешендерінің құрылысын аяқтау жоспарын ұсынды.Қазіргі уақытта құрылыс алаңында тоғыз қабатты үйдің тірек құрылымдарын тұрғызу, сыртқы қабырғалар мен арақабырғаларды кірпішпен қалау жұмыстары жүргізілуде. Сонымен қатар бес қабатты үйдің іргетасын дайындау, сынақтық қада қағу сияқты жұмыстар атқарылып жатыр. Құрылыс алаңында шамамен 80 жұмысшы мен 20-дан астам техника жұмылдырылған.Марат Ахметжанов құрылыс қарқынын жеделдету қажеттігін атап өтіп, инвесторларға туындаған мәселелерді шешуде жан-жақты қолдау көрсетілетінін айтты. Сондай-ақ, қала басшылығы мен тиісті мемлекеттік органдарға күнделікті жұмыс барысы туралы есеп беруді тапсырды.«Ұзаққа созылған құрылыс нысандарын аяқтау – өңір үшін маңызды міндет. Азаматтарды сапалы тұрғын үймен қамтамасыз етіп, үлестік құрылысқа деген сенімді қайта қалпына келтіруіміз қажет. Басқа проблемалық тұрғын үй кешендерінің мәселелері кезең-кезеңімен шешілетін болады», – деді облыс әкімі.Ақпарат көзі : https://www.gov.kz/memleket/entities/aqmola/press/news/details/893678

Қосшы қаласында Астана мен жақын аудандардың тұрғындары үшін ірі медициналық нысан болып табылатын жаңа көпсалалы аурухананың құрылысы жүргізілуде. Жобаны «Viamedis» ЖШС жүзеге асыруда, ал мердігер ретінде «ӘлемЭнергоСервис» ЖШС қызмет атқаруда.Ақмола облысының әкімі Марат Ахметжанов көпфункционалды аймақтық аурухананың құрылыс барысымен танысып, Мемлекет басшысы Қасым-Жомарт Тоқаевтың тапсырмасына сәйкес Қосшы қаласының инженерлік-коммуналдық инфрақұрылымын дамытуға ерекше назар аудару қажеттігін атап өтті.Бүгінгі күні емхананың ғимаратын салу жұмыстары қарқынды жүргізілуде. Құрылысты аяқтау 2026 жылдың төртінші тоқсанына жоспарланған.Еске сала кетейік, биыл маусым айында Ақмола облысы әкімдігі мен «Viamedis» компаниясы арасында емханасы бар көпсалалы аурухананың құрылысы туралы меморандумға қол қойылды.Жобаның жалпы көлемі 28 миллиард теңгеден астам жеке инвестицияны құрайды, оның 14,4 миллиарды құрылыс жұмыстарына, ал 9 миллиарды заманауи медициналық жабдықпен қамтамасыз етуге жұмсалады.Аурухана 300 орынға арналған, оның ішінде ауысымына 1000 адам қабылдайтын емхана, сондай-ақ хирургия, травматология, кардиохирургия, нейрохирургия, онкология және химиотерапия бөлімшелері қарастырылған. Сонымен қатар медициналық орталықта операциялық және перзентхана бөлімдері, сондай-ақ позитронды-эмиссиялық томографы бар заманауи диагностикалық база жұмыс істейді.Жаңа медициналық орталық Қосшы қаласының, сондай-ақ Целиноград, Ерейментау, Аршалы, Астрахан, Егіндікөл, Шортанды және Қорғалжын аудандарының тұрғындары үшін денсаулық сақтау жүйесінің маңызды буынына айналады.Аурухана кешені емхана, стационар, әкімшілік корпус және басқа аймақтардан келген науқастарға арналған пансионатты қамтиды. Сонымен қатар медициналық қызметкерлерді тарту үшін Қосшы қаласында аурухана қызметкерлеріне арналған тұрғын үйлер салу жоспарлануда. Ақпарат көзі : https://www.gov.kz/memleket/entities/aqmola/press/news/details/893679

Бейжіңде Қазақстан мен Қытайдың ірі азық-түлік және ауыл шаруашылығы компаниялары арасында келіссөздер өтті. ҚР Ауыл шаруашылығы министрі Айдарбек Сапаровтың төрағалығымен Сауда және инвестициялық ынтымақтастықты дамытуға арналған бизнес өкілдерімен дөңгелек үстел өтті.Іс-шараға Қазақстанның салалық қауымдастықтарының басшылары, астық, майлы және мал шаруашылығы өнімдерін, сондай-ақ жемшөп өнімдерін өндірушілер мен жеткізушілер, барлығы 30 компания қатысты. Олардың қатарында «Сей-Нар» ЖШС, «Пионер» ПКК ЖШС, «Batu Agro» ЖШС, «Аллель Агро» АҚ, «Aitas» АҚ, «EMS Agro» ЖШС, сондай-ақ «Азық-түлік келісімшарт корпорациясы» Ұлттық компаниясы бар.Қытай тарапы АӨК-нің 40 жетекші кәсіпорнымен таныстырды.ҚР Ауыл шаруашылығы министрі Айдарбек Сапаров Қытайдың Қазақстанның басым сыртқы экономикалық әріптестерінің бірі екенін атап өтті.АӨК өнімдерінің Қытайға қазақстандық экспортының ең үлкен үлесі дәнді және майлы дақылдарға, сондай-ақ өсімдік майларына тиесілі. Қазақстандық астық экспорты үшін Қытай нарығы ерекше қызығушылық тудырады. Бүгінгі таңда Қазақстан әлемдегі жетекші бидай экспорттаушыларының ондығына кіреді және ұн экспорты бойынша жетекші орынға ие.«Қазақстандық ауыл шаруашылығы өнімдері қытайлық тұтынушылар арасында сұранысқа ие. Өткен жылы ҚХР-ға астық жеткізу көлемі 5,5 есеге өсіп, 1,4 млн тоннаға жетті. Екі мемлекет басшылары жақын арада Қытай нарығына астық жеткізу көлемін 2 млн тоннаға дейін ұлғайту туралы уағдаласты және қазақстандық тараптың жеткізуді жедел режимде жүзеге асыруға дайын екендігіне сендірді.2024 жылдың 9 айының қорытындысы бойынша қазақстандық компаниялар Қытайға 1,1 млн тонна астық жөнелтті», - деді Айдарбек Сапаров.Тараптар екі елдің агроөнеркәсіптік кешені кәсіпорындары арасындағы іскерлік байланыстарды кеңейту мүмкіндіктерін талқылады.Келіссөздер барысында қазақстандық тарап ел аумағында жоғары қайта бөлу өндірістерін дамыту мүмкіндіктері туралы айтып, қытайлық бизнесті АӨК секторына және оның инфрақұрылымына инвестициялауға шақырды. Қытайдан келген инвесторлар үшін әлеуетті тартымды бағыттардың бірі жоғары құны бар және әлемдік нарықтарда сұранысқа ие органикалық өнімдерді өндіру болуы мүмкін. Сонымен қатар, Қазақстанда сиыр еті, қой еті, құс еті, консервіленген ет, сүт өнімдері және бал сияқты жоғары сапалы мал шаруашылығы өнімдерінің экспортын дамытудың жақсы мүмкіндіктері бар.Дөңгелек үстел қорытындысы бойынша қазақстандық ауыл шаруашылығы тауарын өндірушілер ҚХР-ның 10 компаниясымен 1 млрд АҚШ доллары сомасына меморандумдар мен шарттарға қол қойды.Оның ішінде ҚР озық кәсіпорындарының бірі «Aitas.kz» 100 млн АҚШ доллары сомасына құс өнімдерін жеткізуге келісті.Ақпарат көзі : https://www.gov.kz/memleket/entities/moa/press/news/details/893674

ҚР Президентінің Телерадиокешені әскери қызметшілердің имиджін көтеру, жастарға патриоттық тәрбие беру және әскери борышын өтеуге ынтасын арттыруға бағытталған «100 SARBAZ» телевизиялық жоба түсірді.Аталған жоба 16 мен 30 қазан аралығында Алматы облысының аумағында өткізілді. Жобаға еліміздің қарулы күштерінен және ТЖМ құралған 10 команда қатысуда.Бүгін сағат 20:00-де «Жібек жолы» телеарнасынан көріңіздер. ТЖМ командасына жанкүйер болыңыздар. Толығырақ сілтеме бойынша.Ақпарат көзі : https://www.gov.kz/memleket/entities/emer/press/news/details/893673

Ақмолалық Төтенше жағдайлар департаменті жаңа жабдықтар алды, бұл құтқарушылар жұмысының тиімділігін айтарлықтай арттыратын болады. Жаңарту аясында өрт сөндірушілерге арналған 292 жауынгерлік киім және құтқарушыларға арналған 80 киім-кешек жинағы келіп түсті.Жабдықтарды сатып алу Төтенше жағдайлар министрі генерал-майор Шыңғыс Әріновтың қолдауымен жүргізілді. Жаңа жиынтықтардың қатарына отандық 1- өрт сөндірушілердің жауынгерлік киімі жиынтықтары және жақсартылған сипаттамалары бар фин шлемдері: шамдардың екі түрі, экшн камералар мен шуды басатын құлаққаптар кіреді.Су операцияларына ерекше назар аударылды: құтқарушылардың қарамағына жаңа Марлин 830 WA қайығы келді. Қазіргі заманғы навигациялық жүйелер мен қуатты қозғалтқыштар аймақтағы су айдындарындағы оқиғаларға, әсіресе су тасқыны кезінде тиімді әрекет етуге мүмкіндік береді.Жыл соңына дейін тағы 17 бірлік арнайы техника, оның ішінде авариялық-құтқару жұмыстарына арналған автомобильдер жеткізіледі деп күтілуде."Материалдық-техникалық базаны жаңарту ТЖ-ға ден қою кезінде қауіпсіздік пен жеделдікті айтарлықтай арттыруға мүмкіндік береді", - деп Ақмола облысы ТЖД бастығының уақытша міндетін атқарушы Бақытжан Алашов атап өтті.Бұл қадамдар құтқарушылардың жұмысын жақсартуға және Ақмола облысы тұрғындарының қауіпсіздігін арттыруға бағытталған.Ақпарат көзі : https://www.gov.kz/memleket/entities/emer/press/news/details/893676

ҚР Өнеркәсіп және құрылыс министрі Қанат Шарлапаев Қызылорда облысына жұмыс сапары барысында «Өндіріс» ИА аумағындағы «Orda Glass LTD» ЖШС шыны зауытында болды.Кәсіпорынның бас директоры Хан Ли Джун мырзамен кездесу барысында Министр қазіргі таңда отандық өндірушілерге мемлекет тарапынан жасалып жатқан қолдау шаралары туралы жеткізді.Зауыт 2022 жылдың қазан айында пайдалануға берілді. Кәсіпорын аумағы 50 га жерді алып жатыр. Кәсіпорынның жобалық қуаты жылына 197,1 мың тонна табақша шыны шығарады. Іске қосылғаннан бері 28,7 млн м2 өндірілді.«Orda Glass LTD» Қазақстандағы жалғыз энергия үнемдейтін табақша шыны өндірушісі екенін айта кету керек. Бұл өнім шыны массасын балқыту және илемдеу арқылы жасалған жалпақ шыны. Құрылыс, автомобиль, жиһаз және басқа салаларда кеңінен қолданылады.Ақпарат көзі : https://www.gov.kz/memleket/entities/mps/press/news/details/893672

Семейдегі жаңартылған Бейбітшілік аралында балалар теміржолы пайдалануға берілді. Бұл облысымыздағы туризмді дамытуға ықпал етеді. Сонымен қатар аралда жаңа қоғамдық кеңістік салтанатты түрде ашылды.Қоғамдық кеңістікте балалар ойын алаңдары, футбол, волейбол, стритбол алаңдары мен воркаут аймағы бар. Барлық алаңдарда жаңа кәсіби тренажерлер орнатылған.Балалар теміржолы 1979 жылы теміржолшылар күніне орай ашылған болатын. Алайда 90 жылдардың ортасына қарай жабылған еді. Міне, 20 жылдан астам уақыттан кейін балалар теміржолы қайта қалпына келтірілді. 2023 жылдың 5 маусымында облыс әкімі Нұрлан Ұранхаев Орталық коммуникациялар қызметінің өңірдегі көшпелі баспасөз конференциясында балалар теміржолын жандандыруды жоспарлап отырғанын айтқан еді.Теміржол аралдың әсем жерлерін аралап, жолаушыларға Ертіс өзенінің ерекше табиғи ландшафы мен әдемі көріністерін тамашалауға мүмкіндік береді.Бірінші кезеңде теміржол ұзындығы 2 шақырым болады. Аралдағы көпірден биологиялық орталыққа дейінгі аралықта жүреді. Тепловоз бен вагондар теміржол техникасына маманданған Қамбар машина жасау зауытында дайындалды. Ұзындығы 12 метр болатын әр вагонда 32 орын бар. Егер маршрут сұранысқа ие болса қосымша вагондарға тапсырыс беріледі.Балалар теміржолы тек ойын-сауық орны ғана емес, жастардың теміржол мамандығына қызығушылығын арттыруға ықпал ететін маңызды білім беру жобасы болмақ. ҚТЖ басшылығы қажетті персоналды оқытуға қолдау көрсетуге дайын. Сонымен қатар, теміржол мамандығына баулитын балалар үйірмесін құру жоспарлануда.Ақпарат көзі : https://www.gov.kz/memleket/entities/abay/press/news/details/893661

Қарулы күштер Ұлттық әскери-патриоттық орталығының Әскери-тарихи мұражайында жыл сайынғы халықаралық ғылыми-практикалық конференция өтті.Оған әскери тарих, археология, этнография, мұрағат ісі, мұражайтану саласын зерттеушлер, қоғам қайраткерлері, сондай-ақ Ресей, Қырғызстан, Польша, Әзербайжан және Италия елдерінің өкілдері қатысты.Зерттеушілер әскери мұраны зерделеу мен мұрағат жұмысының проблемалық аспектілерін қозғады. Сондай-ақ, қазақ халқының ұлт-азаттық қозғалысы, қазақстандық жауынгерлердің фашистік басқыншыларды жеңуге қосқан үлесі және әскери тарихтың басқа да мәселелері туралы айтылды. – Ұлы Отан соғысындағы қазақстандықтардың даңқы мен рөлі тарихымыз бен ұрпақ үшін өте маңызды. Қазақ халқы ежелгі заманнан бері барлық шайқастарда ерлік пен табандылықтың лайықты үлгісі болған. Мәселен, Шығыс халықтарының арасында қазақтар Кеңес Одағының Батырларының саны бойынша бірінші орында тұр. Тарихта әлі де көптеген ақ ақтаңдақтар бар. Хабарсыз кеткен адамдар әлі де көп. Біз қанша қазақстандық тұтқында болғанын білмейміз. Сондықтан Ұлы Отан соғысы тарихына әлі нүкте қойылған жоқ, – деп атап өтті Ғылым және жоғары білім министрлігі Мемлекет тарихы институты директорының орынбасары тарих ғылымдарының докторы Аяған Бүркітбай.Бұл тұрғыда ғалымды Астана қаласындағы әзірбайжандардың «Хазар» этномәдени бірлестігі» қоғамдық бірлестігінің төрағасы Махир Мұхтароғлы қолдады. Ол Ұлы Отан соғысының тарихын және Қазақстанның Жеңіске қосқан үлесін терең зерттеу қажеттігін атап өтті. Польша Республикасының әскери атташесі подполковник Александр Сухенек қазақстандық тарапқа тығыз ынтымақтастық үшін алғысын білдіріп, әскери тарих мәселелерінің отандастары үшін маңыздылығын атап өтті. Варшавадан онлайн режимде доктор Ева Ковальска «Ұлттық есте сақтау институтының іздеу және сәйкестендіру бөлімінде жүргізілген Шығыстағы поляктардың ескерілмеген Жерлеу орындарын зерттеу» атты баяндама жасады.Конференцияда әскери мұражайларды дамыту және Қарулы күштердің жауынгерлік дәстүрлері негізінде жастарды әскери-патриоттық тәрбиелеу мәселелері талқыланды.Ақпарат көзі : https://www.gov.kz/memleket/entities/mod/press/news/details/893660

Абай атындағы ҚазҰПУ-да ЮНЕСКО қорғауындағы Қазақстанның тарихи және мәдени мұрасын қорғау жөніндегі жұмыс тобының екінші отырысы өтті.Жиынға ҚР Мәдениет және ақпарат министрі Аида Балаева төрағалық етті.Отырысқа облыс әкімдерінің орынбасарлары, орталық мемлекеттік органдардың өкілдері, Қазақстан Республикасының ЮНЕСКО және ИСЕСКО істері жөніндегі Ұлттық комиссиясының мүшелері, сондай-ақ ғалымдар, археологтар мен қоғамдық ұйым өкілдері қатысты.Қатысушылар материалдық емес мәдени және дүниежүзілік мұраны қорғау шараларын жақсартуға бағытталған іс-шаралар жоспарын, сондай-ақ ЮНЕСКО-ның «Әлем жады» халықаралық бағдарламасын жүзеге асыру мәселелерін талқылады.Аида Балаева ЮНЕСКО Конвенцияларымен бекітілген міндеттемелерді орындаудың маңыздылығын атап өтті. Министр барлық деңгейлерде үйлесімді жұмыс қажеттігін және материалдық емес мәдени мұраны анықтау мен дамыту дағдылары бойынша кадрларды даярлау үшін білікті сарапшыларды тартудың маңыздылығын айтты.«Ең алдымен, мамандардың біліктілігін арттыру бойынша жұмысты күшейтуіміз қажет. Оқыту мазмұнды және пайдалы болуы тиіс. Жедел түрде оқу модульдерін дайындап, өңірлік және орталық деңгейде курстар өткізуге кірісуіміз керек», – деді министр.Қазақстанның Материалдық емес мәдени мұраны қорғау жөніндегі Ұлттық комитеті төрағасының орынбасары Рүстем Мұзафаров, Қазақстанның Дүниежүзілік мұрасы жөніндегі комитеттің төрағасы Гүлмира Мұхтарова және ЮНЕСКО-ның «Әлем жады» бағдарламасы бойынша Ұлттық комитетінің төрағасы Ғазиза Нұрғалиева қатысушыларға өз жұмыс жоспарларын ұсынды.Жоспар аясында жергілікті атқарушы органдардың мамандары мен этномәдени бірлестік өкілдерінің біліктілігін арттыру, сондай-ақ материалдық емес мәдени мұраны зерттеу және насихаттау қарастырылған.Қатысушылар пікір алмасып, алдағы жұмыстың басым бағыттарын айқындады.Жиын соңында ұсынылған шараларды енгізу, барлық мүдделі тараптардың күш-жігерін үйлестіру және Қазақстанның мәдени мұрасын қорғау бойынша іс-шаралар кешенін тиімді жүзеге асыру үшін нақты ұсыныстар әзірлеу мәселелері талқыланды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/893662

Елордада «Қара шаңырақ» қоғамдық бірлестігінің ұйымдастыруымен «Шашбаулым» танымдық-этнографиялық сайысы өтті. Осымен екінші жыл қатарынан өткізіліп отырған сайыста жоғары оқу орындары мен колледждерде оқитын 16 ару бақ сынады, деп хабарлайды қала әкімдігінің ресми сайты.Ұлттық дәстүрді ұлықтау мақсатында бұрымды қыздардың «Шашбаулым» байқауы Астана қаласы Тілдерді дамыту және архив ісі басқармасы және «Руханият» мемлекеттік мекемесінің қолдауымен өткізіліп отыр. Биылғы сайыстың бір ерекшелігі байқауға жоғары оқу орындары студенттері де қатыстырылды.«Ұлттық құндылықтарымыз құнсызданып, рухани құлдыраған қоғамға аса қажет, тәрбиелік мәні зор бұл іс-шараның маңызы орасан. Қазақ қызының бойындағы ұлттық дәстүрімізге сай әдептілік, көріктілік, ептілік, инабаттылық, кішіпейілділік, сұлулық секілді жан-жақты ұлттық қасиеттерді дәріптеу, қыздардың зияткерлік және шығармашылық қабілеттерін анықтау, ұзын шашты бойжеткендердің бұрымдарын насихаттауға бағытталды. Сондай-ақ қыздарды мәдени-этикалық, рухани-танымдық құндылыққа тәрбиелеу, қазақ халқының әдет-ғұрпы арқылы қыз бала тәрбиесіне тән қасиеттерді бойына сіңіру, ұлтымыздың сaлт-дәстүрлерін, әдет-ғұрыптaрын, ұлттық киімді заманға сай жаңғырту, жастар арaсында насихaттау, ұлтымыздың уызын, нәрін, сәнін бойжеткендеріміздің бойына сіңіру – сайыстың басты идеясы», - деді «Қара шаңырақ» қоғамдық бірлестігінің директоры Тұрар Шәкен.Қатысушылар үш кезең бойынша бақ сынасты. Алдымен «Мен қазақтың қызымын» кезеңінде қыздар өздерін таныстырып, «Өнерлі болсаң, озып көр» атты екінші бөлімде халық билерін, вокалдық нөмірлерді және өзге де қойылымдарды көрсетіп, көпшілікке өз өнерлерін паш етті. Соңғы бөлім «Ұлттық құндылығым – рухани қазынам» деп аталып, қатысушыларға ұлттық құндылыққа қатысты зияткерлік сұрақтар қойылды.Тартысты сайысқа алғаш рет қатысқандардың арасында А.Құсайынов атындағы Еуразия гуманитарлық институтының студенті Сандуғаш Лес болды.«Мен Тарих факультетінің 1 курс студентімін. Өз оқу орнымда белсенді білім алушылардың бірімін, сондықтан осы сайысқа жоғары курс студенттері мені ұсынды. Сайысқа қатысушылардың бәрі – ақылына көркі сай арулар. Өз басым, бүгінгі қазақтың қызы осындай болуы керек деп білемін. Қазақылық тек сырт келбетпен ғана емес, жан дүниенің бай болуымен, ұлтжандылықпен өлшенеді деп есептеймін», - деді қатысушы.Байқау нәтижесі бойынша бас жүлдені Сервис және туризм колледжінің студенті Наргиз Маликова жеңіп алды. Оған белгілі зергер Берік Әлібайдың қолынан шыққан ұлттық туынды, бағалы бұйым – күміс шашбау табысталды. Ал 1-орынды иеленген Қоғамдық тамақтандыру және сервис колледжінің студенті Әдемі-ай Исламға зергердің туындысы – тұмарша берілді. 2-орынды С.Сейфуллин атындағы Қазақ агротехникалық зерттеу университетінің студенті Аружан Әбілмансұрова алып, оған күміс жиынтық сыйға тартылды. 3-орынды Л.Гумилев атындағы Еуразия ұлттық университетінің студенттері Әсия Абдоллаева мен Айша Жанділдаева өзара бөлісіп, оларға күміс сырға табыс етілді.Өзге арулар бірқатар номинациялар бойынша ерекшеленіп, олар құстұмсық жүзік пен қазақы нақыштағы «Қазақша сөйлейік» топтамасының экодорбаларымен марапатталды.Ақпарат көзі : https://www.gov.kz/memleket/entities/astana/press/news/details/893656

М. Горький атындағы Мемлекеттік академиялық орыс драма театрында нашақорлықтың алдын алуға және есірткі қылмысына қарсы іс-қимылға арналған «Тәуелсіздер» деректі драмасының премьерасы өтті, деп хабарлайды Астана әкімдігінің ресми сайты.Қойылым елордада есірткі қылмысына қарсы іс-қимыл жөніндегі кешенді жоспарды және нашақорлықтың алдын алу жөніндегі «Астана - есірткісіз қала» акциясын іске асыру шеңберінде ұсынылды.Премьераға елорда әкімінің орынбасарлары Есет Байкен мен Ерік Мейірханов, Парламент Мәжілісінің депутаттары, қалалық басқармалардың өкілдері, қоғам қайраткерлері қатысты.«Есірткіні қолданудың қайғылы салдарын жастарға жеткізу үшін есірткі бизнесіне қарсы насихаттың кез келген түрін қолдану қажет. Бұл жағдайда - театр. Ол адамдарды тартудың орталығы болып саналады және менің ойымша, жастар тағылымды спектакльді тамашалайды», - деп атап өтті ҚР Парламенті Мәжілісінің депутаты Елнұр Бейсенбаев.Деректі драма белгілі бір себептермен тәуелділікке ұшыраған адамдар туралы болды. Көрермен өзін-өзі құрдымға жіберген қынжылтатын алты оқиғаны көрді.«Сценарий жазу кезінде мен көптеген эмоцияны бастан өткердім. Бұл ауырсыну, ашулану және үмітсіздік. Сәттер толық күйреу болды. Есірткіге тап болған және өмірін құртқан адамдардың алты шынайы оқиғасы көрерменге есірткінің зұлымдық екенін анық көрсетуі керек», - деп атап өтті деректі драманың режиссері Олег Федоренко.Драма нақты оқиғаларға негізделген. Жас режиссер шығармашылық объективі арқылы өз өмірі туралы ойлануға мәжбүр ететін және рухани құндылықтар мен моральдың өткір мәселелерін көтеретін оқиғаларды жеткізді.«Тәуелсіздер» деректі драмасы - бұл жай ғана спектакль емес, жас ұрпақты зиянды тәуелділіктен қорғауға және қоғамдағы рухани құндылықтарды нығайтуға бағытталған әлеуметтік жоба.Ақпарат көзі : https://www.gov.kz/memleket/entities/astana/press/news/details/893657

Республикада өрттердің алдын алу мақсатында 1 желтоқсаннан бастап Төтенше жағдайлар министрі Шыңғыс Әрінов «Өрт қауіпсіздігі айлығы» жариялады.Айлық шеңберінде жылыту кезеңінен және алдағы мерекелерден (Тәуелсіздік күні және жаңа жыл күні) қауіпсіз өтуге бағытталған іс-шаралар кешені жоспарланған, оның ішінде:- тұрғын үй секторындағы өрт қауіпсіздігі мәселелері бойынша азаматтарды хабардар ету;- адамдардың жаппай болуымен объектілерде эвакуациялық жаттығулар өткізу;- жаңа жылдық іс-шараларды ұйымдастыру кезінде өрт қауіпсіздігі талаптарын түсіндіру бойынша адамдар жаппай болатын объектілердің иелерімен кездесулер өткізу;- жаңа жылдық мерекелік іс-шаралар, оның ішінде салют өткізу және пиротехникалық бұйымдарды сату орындарында профилактикалық іс-шаралар өткізу;- тұрғын үй қорында өрт хабарлағыштарын, улы газ датчиктерін және газ талдағыштарды орнату мониторингі, сондай-ақ олардың іске қосылу фактілері;- газ баллонды жабдықпен жарақтандырылған көлік құралдарын қауіпсіз пайдалану мәселелерін жарықтандыру;- және т. б.Барлық туындаған сұрақтар бойынша сіз жақын маңдағы Төтенше жағдайлар бөлімшесіне (ТЖД, ТЖ басқармасы мен бөлімдері) немесе ресми сайтқа жүгіне аласыз https://www.gov.kz/memleket/entities/emer және әлеуметтік желілердегі беттер t.me / instagram / tiktok / youtube. Ақпарат көзі : https://www.gov.kz/memleket/entities/emer/press/news/details/893655

Астананың 47 емханасында пилоттық жоба басталды, оның аясында медициналық мекемелерде пациенттерді сәйкестендіру үшін цифрлық технологиялар енгізілуде. Олардың арасында №7 Қалалық емхана да бар, деп хабарлайды елорда әкімдігінің ресми сайты Elordainfo.kz-ке сілтеме жасап.Биометриялық сәйкестендіру жүйесі осы жылдың 1 қарашасында медициналық мекемеге енгізілді. Инновацияның негізгі элементтерінің бірі - қабылдау кезінде пациенттің жеке басын растау үшін Face ID технологиясын қолдану, сондай-ақ eGov мобильді қосымшасы арқылы алынған 6 таңбалы нөмір арқылы тексеруден өту мүмкіндігі.Науқас дәрігердің қабылдауына келгенде, жұмыс үстелінде орналасқан шағын камера оның бетін сканерлейді және Damumed кешенді медициналық ақпараттық жүйесінің дерекқорымен салыстырады. Егер фотосуретте сәйкестік орнатылмаса, пациенттен eGov қосымшасына кіріп, арнайы кодты атау сұралады. Егер деректер сәйкес келмесе, қабылдау есептелмейді."Бұл жүйе пациенттің қауіпсіздігі тұрғысынан өзін дәлелдеді. Пациентті сәйкестендіру әлдеқайда жеңілдеді, сонымен қатар біз деректерді жеке куәлікпен салыстырамыз", - деді емхананың пациенттерді қолдау және ішкі сараптама қызметінің басшысы Ақдидар Уәлиева.Елорданың Қоғамдық денсаулық сақтау басқармасының мәліметі бойынша, жүйе пациенттердің келуі туралы есептілікті бұрмалау мүмкіндігін қоспағанда, көрсетілген медициналық қызметтерді дәл тіркеуді қамтамасыз етеді. Бұл өз кезегінде бюджет қаражатының да, сақтандырылған азаматтар төлеген қаражаттың да мақсатсыз жұмсалуын болдырмауға көмектеседі.Басқарма пациенттерді деректердің бұзылуы мүмкін емес деп сендірді — тіркелген фотосурет сәйкестендірілгеннен кейін автоматты түрде жойылады және медициналық ақпараттық жүйеде сақталмайды.Пилоттық жобаны іске асыру шеңберінде медициналық ұйымдарда пациенттерді қолдау қызметінің жұмысы ұйымдастырылды, онда мамандар барлық қажетті ақпаратты беруге және туындаған сұрақтарға жауап беруге дайын.Жаңа жүйенің арқасында қоғамның денсаулық сақтау жүйесіне деген сенімі артады деп жоспарлануда. Пациенттер өздерінің мобильді қосымшаларында ұсынылмаған деп санайтын медициналық жазбаларды табуды тоқтатады.Жобаға әлеуметтік медициналық сақтандыру қорымен шарт жасасқан қалалық ұйымдар да, жеке клиникалар да қатысады. Жыл соңына дейін пилоттық жоба Астанада алғашқы нәтижелерді береді, ал 1 қаңтардан бастап жүйені республиканың барлық аумағына кезең-кезеңімен кеңейту жоспарлануда.Ақпарат көзі : https://www.gov.kz/memleket/entities/astana/press/news/details/893602

Бүгін, 30 қарашада ҚР Өнеркәсіп және құрылыс министрі Қанат Шарлапаев жұмыс сапары аясында Қызылорда қаласына келді.Алдымен Қанат Шарлапаев «Достық үйі» ғимаратында халықпен кездесу өткізді.«Биыл өңірдегі өңдеу өнеркәсібі 23%-ға өсім көрсетті, салада 13 мыңға жуық адам жұмыс істейді. Сонымен қатар, биылғы жылдың он айында 700 мыңға жуық ш. м. тұрғын үй пайдалануға берілді, сумен қамту және суды бұрудың 2 млрд теңгеге 5 жобасы, жылумен қамтудың 6 жобасына республикалық бюджеттен 6 млрд теңге қарастырылған. Біздер мұнымен тоқтап қалмай, әкімдікпен бірге облысты дамыту бойынша жұмысты жалғастыратын боламыз», – деді Министр.Жиын барысында азаматтар облыста 2 шағын индустриялық аймақтың құрылысы мен көлік өндірісіне қатысты мәселелерді қозғады. Сондай-ақ, кәріздік тазарту құрылыстарын орнату,халықтың осал санаттарын тұрғын үймен және өңір тұрғындарын ыстық сумен қамтамасыз етубойынша сұрақтар қойылды.Тұрғын үймен қамтамасыз ету жөніндегі сұраққа Қанат Шарлапаев 2023-2024 жылда әлеуметтік осал топтарға арналған 4 мыңға жуық пәтер салынғанын айтып жауап беріп, Министрлік келесі жылда тағы қаражат көздерін іздейтін болатынын қосты.Одан бөлек, жаңа өндіріс орындарын іске қосу арқылы өндірісті дамыту тақырыбы қозғалды.Қатысушылар тарапынан бұрын айтылған сұрақтар бойынша ұсыныстар айтылған.Ақпарат көзі : https://www.gov.kz/memleket/entities/mps/press/news/details/893645

Бүгін, 30 қарашада, Қорғаныс министрлігінің әскери заңгерлері кәсіби мерекесін атап өтуде.1996 жылы дәл осы күні қорғаныс ведомствосының Заң қызметін құру туралы Қорғаныс министрінің директивасы қабылданған болатын. Бұл қызмет кейін Заң департаменті болып қайта құрылды.Бейінді Департамент мамандары қорғанысты ұйымдастыру, әскери қызмет өткеру тәртібі, әскери қызметшілерді, әскери қызметтен босатылған азаматтық персоналды, сондай-ақ олардың отбасы мүшелерін әлеуметтік қамтамасыз ету мәселелеріне қатысты нормативтік құқықтық актілерді әзірлеумен айналысады.Олардың құзыретіне түрлі шарттар мен іс жүргізу құжаттарының жобаларын жасау, сот, мемлекеттік органдар мен басқа да ұйымдарда қорғаныс ведомствосының мүдделерін қорғау кіреді.Биылғы жылы әскери заңгерлер қызметінің ауқымын заңды күшіне енген нормативтік құқықтық актілер бойынша бағалауға болады. Оның ішінде Президенттің 7 Жарлығы, Үкіметтің 15 қаулысы, Қорғаныс министрінің 1300-ден астам бұйрығы және ҚР Қарулы күштері Бас штабы бастығының 260 бұйрығы бар.Департаменттің заңгерлері тиімсіз, қайталанатын нормалар мен олқылықтарды анықтай отырып, заңнамалық массивке тұрақты негізде мониторинг жүргізіп келеді. Бұл тұрғыда олардың әскери қызмет өткеру, тұрғын үймен қамтамасыз ету, мерзімді қызметтегі әскери қызметшілерді әлеуметтік қорғау (кредиттік демалыс және білім беру жеңілдіктері) және т. б. мәселелерді жетілдіруге қосқан үлесі көрсетілген.Қазіргі уақытта әскери заңгерлер Парламентте «Қазақстан Республикасының кейбір заңнамалық актілеріне әскери-патриоттық тәрбие мәселелері бойынша толықтырулар енгізу туралы» және «Резервтегі қызмет мәселелері бойынша Қазақстан Республикасының кейбір заңнамалық актілеріне өзгерістер мен толықтырулар енгізу туралы» заң жобаларын құқықтық сүйемелдеуді жүзеге асыруда.ҰҚШҰ-да қызмет өткеріп жатқан әскери қызметшілердің әлеуметтік мәртебесін көтеру және үш жасқа дейінгі бала күтіміне демалыс беру, әскери қызметшілер үшін әлеуметтік жеңілдіктерді қалпына келтіру секілді ұсыныстар әзірлеуге қабылданды.Мемлекет басшысының тапсырмасын іске асыру үшін Заң департаменті сондай-ақ Бас штаб әзірлеген «Қазақстан Республикасының аумақтық қорғанысы туралы» және «Қазақстан Республикасының кейбір заңнамалық актілеріне аумақтық қорғаныс мәселелері бойынша өзгерістер мен толықтырулар енгізу туралы» заң жобаларын сүйемелдеуді жүзеге асыруда.Осы мәселелердің барлығы халықаралық гуманитарлық құқық және ұлттық заңнама, әскери сала, кешенді және жүйелі тәсілдерді ескере отырып, құқықтың әртүрлі салаларында бағдарлай білуде мұқият білімді талап етеді.Әскери заңгерлерге тән бұл кәсіби және жеке қасиеттер бейбітшілік пен қауіпсіздікті сақтау жөнінде қойылған міндеттерді орындаудың кепілі болып табылады. Ақпарат көзі : https://www.gov.kz/memleket/entities/mod/press/news/details/893641

Жетісу облысында «Таза Қазақстан» республикалық экологиялық бағдарламасы басталған уақыттан бері тазалық акцияларына, тарихи-мәдени мұра ескерткіштері мен объектілерін вандализм іздерінен тазарту іс-шараларына жалпы саны 251 мыңнан астам адам атсалысты. Атап айтқанда, кәсіпорындар мен мемлекеттік мекемелердің қызметкерлері, волонтерлар, жастар, шағын және орта бизнес өкілдері, жалпы облыс тұрғындары белсене қатысты.Бүгін, 29 қарашада облыс жастары Талдықорған қаласының Өтенай ауылында «ЭКОквест» экологиялық квест ойынын ұйымдастырды. Шараға белсенді жастар, Талдықорған қаласының кәсіптік техникалық білім беру ұйымдарының студенттері, ауыл тұрғындары жалпы 100 адам қатысты. Жаңашыл форматтағы шараның мақсаты – жастар мен жасөспірімдерге қоршаған орта мен табиғат тазалығының қаншалықты маңызды екенін көрсете отырып, оған өз үлестерін қосуға ықпалдасу. Бұл шараға эко-белсенділер мен ауыл тұрғындарынан құралған 15 команда қатысты. 5 локация бойынша өткен ойын Өтенай ауылының орталық аллеясының аумағын қоқыстан тазалаумен қатар, жастарды шапшаңдық пен ұтқырлыққа тәрбиелейді. Қатысушы командалар белгіленген орынды тазалап, ең көп қоқыс шығарудан бәсекеге түсіп, сонымен қатар ойын барысында танымдық сұрақтарға жауап беріп, түрлі кедергілерден өтеді. Викториналық сұрақтар Жетісу өңірінің тарихы, табиғи маңызды орындары мен киелі жерлері туралы қойылды.Жетісу облысының қоғамдық даму басқармасы басшысының орынбасары Тимур Губашев: «Мемлекет басшысы Қасым-Жомарт Кемелұлының қолдауымен «Таза Қазақстан» акциясы кең ауқымды республикалық деңгейге ие болғанын атап өткім келеді. Біз бұл әрекетті көшедегі тазалықты сақтау ретінде ғана емес, сонымен қатар өзімізді таза ұстау ретінде қабылдауымыз керек. «Таза Қазақстан» бағдарламасының негізгі идеясы – барлық қазақстандықтар қолдауы тиіс жаңа экологиялық және қоғамдық этиканы қалыптастыру», - деп атап өтті.«Қазақстан студенттер альянсы» Жетісу облыстық филиалының төрағасы, эковолонтер Ескендір Имандос: «Сәуір айынан бастау алған «Таза Қазақстан» бағдарламасы аясында облыс жастарының ұйымдастыруымен 500 аса шара өтті. Жастардың бойына игі істерді дарыту барысында олардың қызығушылықтарын ескеріп, біз тазалық жұмыстарының пайдалы әрі қызықты бола алатынын көрсеткіміз келеді. Жастардың жаңа ортасы тазалыққа жақын болса, келесіде осы қатысушы өзінің тағы бір досын ертіп келеді. Сөйтіп, тазалыққа жақын, туған жерін аялайтын нағыз жанашыр жастарды қалыптастыра аламыз. Осы тұста «Таза Қазақстан» бағдарламасының қоғамға берері зор екенін айтқым келеді», - деді.Айта кету керек, «Таза Қазақстан» бағдарламасы аясында Жетісу облысында жалпы 2 322 техника жұмылдырылып, нәтижесінде 12 822 тонна қоқыс шығарылды. 193 саябақ пен скверді, 721 тарихи-мәдени ескерткіштерді тазарту жұмыстары жүргізілді. Бағдарлама аясында облыс аумағында 56 мыңнан астам түп көшет отырғызылды.«Таза Қазақстан» республикалық экологиялық бағдарламасы Жетісу облысында белсенді түрде ұйымдастырылып, тұрғындар тарапынан зор қолдауға ие болды. Жетісу облысының қоғамдық даму басқармасының мәліметі бойынша дайындалды.Ақпарат көзі : https://www.gov.kz/memleket/entities/zhetysu-oblysy/press/news/details/893225

Биыл Жетісуда облыстық деңгейдегі 193 шақырым жол мен 54 елді мекеннің ішкі жолдары жөнделіп бітеді. Сол қатарда аудан орталығы мен ауылдардың арасын қосатын жолдар, ауылдардың кірме жолдары, көпірлер, ауылішілік жолдар бар. Осылайша 2024 жылдың соңына қарай жақсы және қанағаттанарлық жағдайдағы жергілікті автомобиль жолдарының үлесі 94% жеткізіледі, - деп хабарлайды Жетісу облысы әкімінің баспасөз қызметі.Мәселен, Қаратал ауданында отыз жылдан астам уақыт жөндеу көрмеген шалғайдағы Көпбірлік ауылына апаратын жолға жөнделіп, жуырда пайдалануға берілсе, осы аудандағы тағы бір маңызды жол - «Үштөбе – Ортатөбе – Кішітөбе» бағытындағы автотрассаның құрылысы бітуге таяу.Облыс әкімі Бейбіт Исабаевтың Қаратал ауданының халқымен кездесуінде көтерілген аталған жолдардың мәселесіне орай бюджеттен қаржы қарастырылып, жөндеу жұмыстары осы жылдың сәуір айында басталған болатын. Бүгінде құрылыс жұмыстары 95 пайызға аяқталған.– Үштөбе-Ортатөбе-Кішітөбе жолының жөндеу жұмыстары белгіленген кестеге сәйкес жүргізілді. Жалпы ұзындығы 11 шақырым жөнделді. Мұнда екі қабатты, қалыңдығы 10 см жабын төселді. Қазір абаттандыру, жол белгілерін орнату жұмыстары атқарылып жатыр, – дейді Қаратал аудандық тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімінің басшысы Талғат Уалиев.Соңғы жылдары ауылдық жерлердегі инфрақұрылымға ерекше көңіл бөліне бастағанына, халық көтерген мәселенің оң шешілгеніне қатысты тұрғындар да пікір бөлісті.– Сонау 1974 жылы Жылыбұлақ ауылынанан осы елді мекенде тұрамын. Биыл аудан оралығымен ауылды жалғайтын жолымызды жөндеп берді. Оған қоса алты көшесі бар ауылымыздың төрт көшесі жаңғыртылып, асфальт жабыны төселді. Бұған дейін жаңа мектеп салынып, балаларымыздың игілігіне берілген болатын. Оған қоса медициналық пункттің бітуіне де аз қалды. Ауылдық жерге көңіл бөлініп жатқанына халық риза, – деді Ортатөбе ауылының тұрғыны, ардагер Ораз Шеттібайұлы.Жалпы 2024 жылы Жетісу облысында жолдарды салуға және жөндеуге 40,6 млрд. теңге бөлінді, облыстық маңызы бар жолдардың 38 шақырымына құрылыс пен қайта жаңғырту, 155,4 км - орташа жөндеу, 60,6 мың ш.м. ағымдағы жөндеу және 54 елді мекенде 157 км кентішілік жолдарды салу мен реконструкциялау жұмыстарын жүргізу жоспарланған. Сол сияқты Балқаш көліне дейінгі 132 км жол келесі жылғы туристік маусымға дейін толық пайдалануға беріледі.Бұдан бөлек облыс аумағында республикалық маңызы бар автожолдарды қайта жаңғыртуға бағытталған ірі жобалар іске асырылды. «Үшарал-Достық», «Талдықорған – Үшарал» автожолдарын қайта жаңарту аяқталуға жақын. Оған қоса «Сарыөзек – Көктал» және «Айдарлы-Көктал» автожолдарының учаскелерінде жөндеу жұмыстары жалғасуда.Жетісу облысы әкімінің баспасөз қызметі.Ақпарат көзі : https://www.gov.kz/memleket/entities/zhetysu-oblysy/press/news/details/893282

Орталық Азияда теңдесі жоқ зауыттың іргетасын қалау рәсіміне Жамбыл облысының әкімі Ербол Қарашөкеев, ҚР энергетика вице-министрі Ілияс Бақытжан, «Самұрық-Қазына» АҚ Басқарма төрағасы Нұрлан Жақыпов, сондай-ақ Алматыдағы ҚХР бас консулы Цзян Вэй мен Sany Renewable Energy компаниясының өкілдері қатысты.Салтанатты шарада облыс әкімі Ербол Қарашөкеев, «Самұрық-Қазына» АҚ Басқарма төрағасы Нұрлан Жақыпов, Sany Renewable Energy компаниясының атқарушы президенті Чжоу Фугуй құттықтау сөз сөйледі.Инвестициялық жобаны Sany Renewable Energy компаниясы мен отандық «Самұрық-Қазына Инвест» ЖШС-і бірлесіп жүзеге асыруда. Жалпы жоба құны - 53,6 млрд. теңгені құрайды.Жаңа өндіріс ошағы Шу ауданы «Jibek Joly» арнайы экономикалық аймағының (АЭА) аумағында орналасады.Зауыт 2025 жылдың соңына дейін қолданысқа беріледі деп күтілуде. 300-ге жуық жаңа жұмыс орны құрылып, мамандардың біліктілігін арттыруға басымдық беріледі. Жылына 2 ГВт жел электр станциясына қажетті құрал-жабдықтар құрастырылады.Кәсіпорын өнімдері ішкі нарықты ғана емес, экспорттық әлеуетті де қамтамасыз етеді.Жамбыл облысының инвестициялық қоржынында 3,3 трлн. теңгенің 80 жобасы бар. Ол 6 362 жаңа жұмыс орнын құруға мүмкіндік береді. Бұдан бөлек, шетелдік инвесторлардың қатысуымен 1,6 трлн. теңгеге 12 инвестициялық жоба іске асырылуда. Онда 4 500 жұмыс орны ашылады.Ағымдағы жылы 1 453 жаңа жұмыс орнын құра отырып, 214 млрд. теңгеге 35 инвестициялық жобаны іске асыру жоспарланған. Бүгінгі таңда 146,7 млрд. теңгеге 20 жоба іске қосылып, 674 жұмыс орны ашылды.Еске салайық, Жамбыл облысы жаңартылатын энергия көздерін (ЖЭК) дамыту бойынша көш бастап тұр.Өңірде жалпы қуаты 571,3 МВт-ты құрайтын 22 ЖЭК нысаны, оның ішінде 6 су электр станциясы (24,4 МВт), 10 жел электр станциясы (275,6 МВт), 6 күн электр станциясы (251,25 МВт) бар. 2024 жылдың 10 айында 588,4 млн. кВт/сағ. электр қуаты өндірілді.Алдағы жылдары шетелдік әлеуетті компаниялармен бірлесіп, Мойынқұм, Талас, Сарысу аудандарында ірі жел электр станциясын салу көзделіп отыр.Бұл күні облыс әкімі «Jibek Joly» АЭА-ның жұмысын зерделеп, аралап көрді. Атап айтқанда, «Taraz Gelatin» (желатин, сабын, коллаген өндірісі мен тері өңдеу), «JVictorNewEnergy» (кремний өндірісі), «Kazakhstan Hydrogen Peroxide» (сутегі асқын тотығы өндірісі) сынды өндіріс ошақтарының құрылыс қарқынын тексерді.Жалпы АЭА-да 19 жобаны жүзеге асыру көзделген. Бүгінде 3 өндіріс іске қосылып, жеті жобаның құрылысы жүргізілуде.Ақпарат көзі : https://www.gov.kz/memleket/entities/zhambyl/press/news/details/893624

Перинаталдық орталықта акушер-гинекологтар мен акушерлерге арналған халықаралық шеберлік сабағы өтті. Іс-шараның ашылу рәсіміне қалалық денсаулық сақтау басқармасының басшысы Нұрлыбек Асылбеков қатысты. Дәрістерді Ресейден арнайы шақыртылған жоғары санатты медицина мамандары жүргізді. Үш күндік оқытуларда медицина қызметкерлері жедел акушерлік жағдайларда симуляциялық жабдықта мануальды дағдыларды игерді, практикалық сабақтар дәрігерлердің кәсіби біліктіліктерін арттырды. Ақ халаттылар босану кезінде ана мен балаға көрсетілетін шұғыл көмектер бойынша тәжірибе жинақтады. Жергілікті дәрігерлерге Ресей елінің жоғары санатты акушер-гинеколог дәрігері, м.ғ.к Сергей Мартиросян және Калининград облысының «Өңірлік перинаталдық орталығының» бас дәрігері Ольга Перевозкина, медицина ғылымдарының кандидаты, Л. А. Ворохобов атындағы ҚКА №67 перинаталдық орталығының клиникалық-сараптамалық жұмыс бөлімінің меңгерушісі Юлия Кутейкина теориялық және практикалық дағдыларды ұштастыра отырып, кәсіби кеңестер берді. Жалпы, шеберлік сабағына қаладағы перзентханалардан 40-тан аса медицина қызметкері қатысып, біліктілігін арттырды. Шымкент қаласы әкімінің баспасөз қызметіАқпарат көзі : https://www.gov.kz/memleket/entities/shymkent/press/news/details/892777

Енді жылжымайтын мүлікті тіркеп және сатып алу-сату келісім шартын кез-келген ХҚКО арқылы ресімдеуге болады. Бұрын мұндай қызметті нотариустар көрсететін. Сатып алу-сату келісім шартын орталық маманы арқылы рәсімдеу құны жеке тұлғаларға 8500 теңге, ал заңды тұлғалар үшін – 12500 теңгені құрайды. Мәмілені рәсімдеу үшін сатушы мен сатып алушы жылжымайтын мүлік құжаттарымен бірге ХҚКО-ға келуі қажет. Егер екі тарап некеде тұрған жағдайда жұбайларынан нотариус арқылы рәсімделген келісімі талап етіледі. Қызметкер сатып алу- сату келісім шартын 2 данадан дайындайды. Қызмет көрсету мерзімі құжат тапсырған күнді есепке алмағанда 1 жұмыс күнін құрайды. Жылжымайтын мүлікке құқықтарды мемлекеттік тіркеу үшін төлем прейскурант бойынша жүзеге асырылады. Шымкент қаласы әкімінің баспасөз қызметіАқпарат көзі : https://www.gov.kz/memleket/entities/shymkent/press/news/details/892780