2024 жылдың сәуір айының басында Мемлекет басшысы Қ.-Ж. Тоқаевтың бастамасымен қолға алынған «Таза Қазақстан» бағдарламасын қостанайлықтар ауқымды түрде қолдап келеді. Аталған бастаманың негізгі мақсаты – халықтың экологиялық сауаттылығын арттыру және облыстың әртүрлі өңірлеріндегі қоршаған ортаның жағдайын жақсарту.

Бағдарлама аясында өңірде тұрғындардың экологиялық сауаттылығын арттыруға бағытталған креативті, ауқымды іс-шаралар жалғасуда: ағартушылық акциялар, дөңгелек үстелдер, семинарлар және тағы басқа кездесулер ұйымдастырылуда.

Бағдарламаны жүзеге асыруда жергілікті кәсіпорындар мен қоғамдық ұйымдармен ынтымақтастық маңызды рөл атқарады. Іс-шараларға бизнес-қоғамдастық, жастар, спортшылар мен этномәдени бірлестіктердің өкілдері белсенді түрде қатысуда.

2025 жылғы 9 қыркүйекте Рудный қаласының білім беру ұйымдарында республикалық экологиялық «Таза Қазақстан» бағдарламасы аясында «Таза аула – таза жан» атты Эко-күн өткізілді.

Іс-шараның басты мақсаты – өскелең ұрпақтың табиғатқа деген жанашырлығын қалыптастыру, экологиялық мәдениетті дамыту және азаматтық белсенділікті арттыру.

Акцияға 500-ден астам оқушы қатысты: мектеп оқушылары ерекше ынта-жігермен мектеп аулаларына шығып, аула аумақтарын ретке келтірді, гүлзарларды көгалдандырды және айналадағы аумақтарды қоқыстан тазартты. Балалардың еңбегі әр адамның жеке үлесі қоршаған ортаның тазалығын сақтауға, жайлы әрі экологиялық қолайлы орта құруға ықпал ететінін айқын көрсетті.

Эко-күн балаларды, ұстаздарды және жұртшылықты біріктіріп, қарапайым тазалық жұмыстарын табиғатқа қамқорлық пен еңбектің шынайы мерекесіне айналдырды. Мұндай акциялар балаларда жауапкершілік сезімін, қоршаған ортаны жақсартуға деген талпынысты және тазалық пен тәртіптің әрқайсымыздан басталатынын түсінуді қалыптастырады.

Өткізілген іс-шара «Таза Қазақстан» республикалық акциясын жүзеге асыруға маңызды үлес қосып, қоғамда экологиялық мәдениетті қалыптастыруға және қазақстандықтарды елдің болашағы үшін игі істер жасауға шабыттандырды.

Қостанай ауданында орманды демалыс аймақтарын тазартуға арналған экологиялық акция өтті. Іс-шараға Қостанай индустриялық-педагогикалық колледжінің студенттері қатысты.

Қатысушылар қала тұрғындарының сүйікті демалыс орындарында – Орман саябағында, «Ёлки–палки», «4 сезона», Green park, Glamping park және Family park аумақтарында тазалық жұмыстарын жүргізді. Акция барысында тұрмыстық қалдықтар жиналып, демалыс орындары абаттандырылды, жасыл алқаптар ретке келтірілді.

Экологиялық акция «Taza Qazaqstan» республикалық жобасының және «Таза орман» бастамасының бір бөлігі болды. Аталған бастамалар жастардың экологиялық мәдениетін қалыптастыруға, волонтерлік қозғалысты дамытуға және елдің экожүйесін сақтауға бағытталған.

Ұйымдастырушылардың айтуынша, студенттердің белсенділігі жастардың экология мәселелеріне жауапкершілікпен қарайтынын және қоршаған ортаның тазалығын сақтаудағы жеке үлестің маңыздылығын көрсетті:
«Әркім түсінуі қажет: орманның тазалығы мен жайлы демалыс – біздің ортақ үлесімізге байланысты. Тек бірлескен күш-жігер арқылы ғана біз табиғи аумақтарды болашақ ұрпақ үшін жасыл, таза әрі қауіпсіз күйде сақтай аламыз», – деп атап өтті «Жасыл тәжірибелер алқасы» қоғамдық бірлестігінде.

Акция студенттерді, ұстаздарды және өңір тұрғындарын біріктіріп, «Taza Qazaqstan» республикалық бастамасын қолдауда және Қостанай облысында экологиялық волонтерлікті дамытуда маңызды қадамға айналды.

#ТазаҚазақстан #тұрақтыдаму #тазаел #экология #TazaChallenge @TazaQazaqstan.

Ақпарат көзі : https://www.gov.kz/memleket/entities/kostanay/press/news/details/1064401?lang=kk