МУЗЕЙ БҰРЫШЫ АШЫЛДЫ

Мұнайлы ауданы, Қызылтөбе ауылдық мәдениет үйі жанынан музей бұрышы ашылды.

Жаңа музей бұрышының ең басты жәдігері - Қазақ КСР-інің еңбек сіңірген мәдениет қызметкері, Қазақ КСР-інің халық ағарту ісінің үздігі, Қазақстан Республикасының мәдениет қайраткері, Маңғыстау облысының құрметті азаматы Орын Құлсариевтың қара шаңырағы - киіз үйі болып табылады.

Орын Құлсариев - Маңғыстау өңірінің ғана емес, күллі қазақ өнерінің мақтанышы. Өз дәуірінде талай дүбірлі додада оза шауып, ел құрметіне бөленген туа біткен талант иесі еді.

Музей бұрышында қазақ халқының ұлттық құндылықтары мен мәдени мұрасын айшықтайтын көне жәдігерлер қойылған. Алдағы уақытта бұл қор жаңа экспонаттармен толықтырылатын болады.

Ақпарат көзі : https://www.gov.kz/memleket/entities/mangystau-munaily-qyzyltobe/press/news/details/1115569?lang=kk