«OTANDASTAR QORY» қоры Қазақстан Республикасының шетелде тұратын этникалық қазақ балаларына арналған «Қазақстан – менің көзіммен» халықаралық сурет салу байқауына қатысуға шақырады.

         Байқаудың мақсаты – жас ұрпақтың тарихи Отанына деген сүйіспеншілігін арттыру, ұлттық мәдениет пен дәстүрлерді насихаттау, шығармашылық қабілеттерін дамыту және Қазақстан туралы өзіндік көзқарасын өнер арқылы көрсетуге мүмкіндік беру.

         Байқауға 12–17 жас аралығындағы шетелде тұратын этникалық қазақ балалары қатыса алады.

Байқау тақырыптары:

Қазақстанның табиғаты;

Ұлттық құндылықтар мен дәстүрлер;

Тарихи-мәдени мұра;

Болашақтағы Қазақстан;

Қазақстандық тұлғалар.

         Жұмыстар 2026 жылғы 28 тамызға дейін қабылданады.

Жіберу мекенжайы: oqbaiqau@gmail.com

Жеңімпаздар бағалы сыйлықтармен марапатталады:

 І орын – ноутбук;

 ІІ орын – планшет;

 ІІІ орын – смарт сағат.

         Қатысушылар суретті кез келген дәстүрлі көркем материалдармен сала алады (қарындаш, бояу, фломастер, пастель, маркер және т.б.). Жасанды интеллект көмегімен жасалған жұмыстар қабылданбайды.

Байқау ережелерімен oq.gov.kz сайтында танысуға болады.

Ақпарат көзі : https://www.gov.kz/memleket/entities/mfa-samarkand/press/news/details/1261912?lang=ru