Қазақстан Республикасы Қаржы министрлігінің Мемлекеттік кірістер комитеті 2026 жылғы 31 шілдеден бастап Еуразиялық экономикалық одақ (ЕАЭО) аумағында тауарларды тасымалдауды бақылауға арналған навигациялық пломбаларды енгізудің екінші кезеңі басталатынын хабарлайды.

📍 Навигациялық пломба дегеніміз не?

Навигациялық пломба – көлік құралына орнатылатын және тауарларды тасымалдау процесін нақты уақыт режимінде бақылауға мүмкіндік беретін электрондық құрылғы.

Оны қолдану:

✅ тауарлардың сақталуын қамтамасыз етуге;

✅ тасымалдаудың ашықтығын арттыруға;

✅ жүк тасымалдау кезінде мемлекеттік бақылау шараларын барынша азайтуға мүмкіндік береді.

📈 Бірінші кезеңнің нәтижесі

Навигациялық пломбаларды енгізудің бірінші кезеңі 2026 жылғы 11 ақпанда басталып, ЕАЭО-ға мүше екі және одан да көп мемлекеттердің аумағы арқылы жүзеге асырылатын халықаралық тасымалдар кезінде бұл тетіктің тиімділігін дәлелдеді.

📦 2026 жылғы 31 шілдеден бастап қандай өзгерістер болады?

Навигациялық пломбаларды қолдану міндетті болып табылатын тасымалдар тізбесі кеңейтіледі.

🚚 2026 жылғы 31 шілдеден бастап навигациялық пломбалар мынадай тасымалдарға қолданылады:

🔹 кедендік транзит рәсімі шеңберінде тасымалданатын тауарлардың барлық санаттарын автомобиль көлігімен тасымалдау кезінде (2023 жылғы 12 желтоқсандағы Еуразиялық экономикалық комиссия Кеңесінің №147 шешімінде көзделген жекелеген тауар санаттарын қоспағанда);

🔹 теміржол көлігімен тасымалдау кезінде:

🍷 алкоголь өнімдері;

🚬 темекі өнімдері;

📦 санкцияларға жататын тауарлар;

🧥 үлбір (тон) бұйымдары;

👟 аяқ киім;

👕 киім-кешек;

💻 электрондық техника.

📢 Мемлекеттік кірістер комитетінің ұсынысы

МКК тасымалдаушыларға, экспедиторларға, экспорттаушыларға, импорттаушыларға және сыртқы экономикалық қызметтің басқа да қатысушыларына жаңа талаптармен алдын ала танысып, оларды тасымалдауды жоспарлау кезінде ескеруді ұсынады.

Бұл:

✔️ мемлекеттік шекарадан өту кезінде кідірістерді болдырмауға;

✔️ логистикалық процестің үздіксіздігін қамтамасыз етуге;

✔️ жүктерді жеткізудің белгіленген мерзімдерін сақтауға мүмкіндік береді.

📖 Құқықтық негізі

Навигациялық пломбаларды енгізу 2022 жылғы 19 сәуірдегі «Еуразиялық экономикалық одақта тасымалдарды қадағалау үшін навигациялық пломбаларды қолдану туралы келісімге», сондай-ақ Еуразиялық экономикалық комиссия органдарының шешімдеріне сәйкес жүзеге асырылады.

Ақпарат көзі : https://www.gov.kz/memleket/entities/kgd-karaganda/press/news/details/1265893?lang=ru