2025 жылы Ақтау қаласында «Экология және туризм: бірлесіп әрекет етеміз!» тақырыбында семинар ұйымдастырылды. Іс-шараға туроператорлар, гидтер, экскурсоводтар, Маңғыстау облысының туризм басқармасы, табиғи ресурстар және табиғат пайдалануды реттеу басқармасы, сондай-ақ «Эко Мангистау» қоғамдық ұйымының өкілдері қатысты.

Семинар барысында туризмнің тұрақты дамуын қамтамасыз ету, табиғи аумақтардың тазалығын сақтау және өңірдің туристік инфрақұрылымын жақсарту мәселелері талқыланды. Қатысушылар табиғи және рекреациялық аймақтарда қоқыс контейнерлерін көбейту, туристік бағыттарда санитарлық тораптарды орнату, тазалықты бақылауды күшейту, аудандық әкімдіктердің жауапкершілігін арттыру және «Таза Қазақстан» қағидаттарын туризм саласының күнделікті жұмысына енгізу жөнінде ортақ келісімге келді.

Кездесу қорытындысында тазалық, табиғатқа ұқыпты қарау және сапалы инфрақұрылым Маңғыстаудың бәсекеге қабілетті туристік өнімінің ажырамас бөлігі екені атап өтілді.

Ақпарат көзі : https://www.gov.kz/memleket/entities/mangystau-tourism/press/news/details/1270036?lang=ru