Маңғыстау облысы бойынша Мемлекеттік кірістер департаменті еске салады: 2025 жылғы жеке тұлғалардың мүлік салығын 2026 жылғы 1 қазаннан кешіктірмей төлеу қажет.

Салық жылжымайтын мүлік нысанының — пәтер, үй, саяжай, гараж немесе жер учаскесінің — орналасқан жері бойынша төленеді.

Салық сомасын қалай білуге және төлеуге болады

Ең оңай жолы — реквизиттерді қолмен толтырмай, онлайн төлеу:

- e-Salyq Azamat қосымшасында — «ЖТ және ЖК алдағы төлемдер сервисі»;

- Halyk Bank, Kaspi Bank және басқа банк қосымшаларында;

- portal.kgd.gov.kz порталында — «Сервистер» → «ЖТ алдағы төлемдері мен берешегі»;

- Telegram-дағы SalyqBot чат-боты арқылы;

- 1414 контакт-орталығына қоңырау шалып.

Банк немесе банкомат арқылы төлеуге арналған деректемелер:

- БСК (Бюджеттік сыныптау коды) – 104102

- ТТК (Төлем тағайындау коды) – 911 (өсімпұл төлеу кезінде – 912)

Мерзімін өткізіп алса, не болады

2026 жылғы 2 қазаннан бастап:

1. Банктік қызметтерді шектеу: есепшот ашу, ақша аудару немесе кредит рәсімдеу мүмкін болмайды.
2. Өсімпұл — мерзімі өткен әр күн үшін Ұлттық Банктің қайта қаржыландыру ставкасының 1,25 еселенген мөлшері.
3. Мәжбүрлеп өндіріп алу, егер борыш 1 АЕК-тен (4 325 теңге) асса: хабарламадан кейін 30 жұмыс күнінен соң салықтық бұйрық; 5 жұмыс күні ішінде өтелмесе — жеке сот орындаушыларына. ЖСО есепшот пен мүлікті бұғаттай алады, елден шығуға тыйым сала алады. ЖСО қызметі — борыштың 25%-ына дейін.

Төлемді кейінге қалдырмаңыз. Қосымша арқылы бұл тез әрі ыңғайлы.

Ақпарат көзі : https://www.gov.kz/memleket/entities/kgd-mangistau/press/news/details/1280895?lang=ru