Премьер-министрдің орынбасары Қанат Бозымбаев Алматы облысында су ресурстарын тиімді пайдалану және ауылдық аймақтарды тұрақты дамыту мәселелері бойынша кеңес өткізді.Жиынға облыс әкімі Марат Сұлтанғазиев, Су ресурстары және ирригация министрі Нұржан Нұржігітов, Ауыл шаруашылығы вице-министрі Азат Сұлтанов, Ұлттық экономика министрлігінің және «AMANAT» партиясының өкілдері, сондай-ақ өңірдің ауыл шаруашылығы тауар өндірушілері қатысты.Кеңесте вегетация кезеңінің тұрақты өтуін қамтамасыз ету, су үнемдеу технологияларын енгізу, егістік құрылымын әртараптандыру, су ресурстарын есепке алу мен бөлуді цифрландыру, тарифтік саясатты жетілдіру және суды заңсыз алудың жолын кесу шаралары талқыланды.Су ресурстары және ирригация министрлігі Бас прокуратурамен бірлесіп судың «қара нарығымен» күрес жөніндегі жол картасын әзірледі. Жол картасы аясында республикалық және өңірлік деңгейде ведомствоаралық жұмыс топтары құрылады. Құжатта анықталған заңбұзушылықтарды талдау, цифрлық мониторинг құралдарын енгізу, тексерулер мен рейдтер ұйымдастыру, сондай-ақ лауазымды тұлғалар мен су шаруашылығы ұйымдары жасайтын құқықбұзушылықтарды анықтау және алдын алу мақсатындағы сыбайлас жемқорлыққа қарсы іс-шаралар қарастырылған.Вице-премьер Күрті су қоймасынан суды заңсыз алудың жолын кесуге ерекше назар аударуды тапсырды.Суару маусымында тұрақты су пайдалануды қамтамасыз ету үшін ауыл шаруашылығы дақылдарын әртараптандыру шаралары көзделген. 2026 жылға арналған жоспарға сәйкес, Алматы облысында күріш егісінің жалпы аумағы 5,8 мың гектардан аспауы тиіс.Белгіленген лимиттерді сақтау мақсатында суды меншікті нормадан артық тұтынған, өсірілетін дақылдарды өз бетінше ауыстырған және тиісті келісімшартсыз су алған жағдайда тарифтерді ұлғайтуды көздейтін суармалы суды пайдалану қағидалары қабылданды.«Суармалы судың тапшылығы ел экономикасының дамуына кері әсерін тигізеді. Сондықтан су ресурстарын пайдалану тиімділігін арттыру мәселесі аса өзекті. Әкімдік дақылдар құрылымын әртараптандыруға және құрғақшылыққа төзімді дақылдарды енгізуге ерекше назар аударуы тиіс. Күріш дақылдарының ауданын Ауыл шаруашылығы министрлігі бекіткен индикаторларға сәйкес келтіру қажет. Былтырғы күрделі жағдайға қарамастан, вегетация кезеңінің салыстырмалы түрде жеңіл өтуіне су үнемдеу технологияларын енгізу ықпал етті. Мемлекет басшысы Ақмола облысына жұмыс сапары барысында атап өткендей, су ресурстарының 50%-дан астамы жерге сіңіп кетеді. Бұл заманауи жүйелерді қолданатын көрші елдермен трансшекаралық суды бөлу жөніндегі келіссөздерді қиындатады. Алдағы 3-4 жылда бұл мәселемен жүйелі түрде айналысу қажет», — деп атап өтті Қанат Бозымбаев.2030 жылға дейін Қазақстандағы 1,3 млн гектар суармалы жерді су үнемдеу жүйелерімен қамту жоспарланып отыр. Оның ішінде Алматы облысы бойынша көрсеткіш – 186,6 мың гектар. Осы көрсеткіштерге қол жеткізу үшін 2026-2028 жылдары республика бойынша жалпы сипаттағы трансферттер аясында су үнемдеу технологияларын енгізуді қолдауға және суару суының құнын субсидиялауға 228,2 млрд теңге қарастырылған. Бұл алдыңғы үш жылмен салыстырғанда төрт есе көп. Оның ішінде Алматы облысына 27,6 млрд теңге бекітілген. 2028 жылға дейінгі су шаруашылығын дамытудың кешенді жоспары аясында Су ресурстары және ирригация министрлігі Бартоғай су қоймасын реконструкциялау жобасын әзірлеп жатыр. Сондай-ақ жалпы ұзындығы 270 шақырым болатын топтық су құбыры мен төрт магистральдық канал салу жоспарланған. Үлкен Алматы каналының учаскелерін реконструкциялау жұмыстары жүргізіліп жатыр. Бұл жұмыстар биыл толық аяқталады. Жергілікті атқарушы органдар «Сұңқар» және «Тегермен» су қоймаларын салуға арналған жобалау-сметалық құжат дайындап жатыр. Сонымен қатар төрт су қоймасына күрделі жөндеу жүргізу және 74 гидротехникалық құрылысты көпфакторлы тексеруден өткізу көзделген. Вице-премьер облыс әкімдігіне осы жобалардың жүзеге асырылуын ерекше бақылауға алуды және нысандарды белгіленген мерзімде пайдалануға беруді қамтамасыз етуді тапсырды.Ислам даму банкімен ынтымақтастық аясында Еңбекшіқазақ, Балқаш, Ұйғыр және Райымбек аудандарында суару желілерін реконструкциялау жобаларын жүзеге асыру жоспарланып отыр. Нысандардың жалпы ұзындығы 550 шақырымнан асады. Нәтижесінде 34 мың гектардан аса ауыл шаруашылығы жері тұрақты сумен қамтамасыз етіледі. Бұл өңірдің агроөнеркәсіп кешенін дамытуға және оның климаттық тұрақтылығын арттыруға елеулі үлес қосады.Кеңесте «Ауыл аманаты» бағдарламасының жүзеге асырылу барысы да қаралды. Биыл Алматы облысында ауыл кәсіпкерлігін дамытуға 10,8 млрд теңге бөлінеді. Облыс әкімінің орынбасары Бақытнұр Бақытұлының айтуынша, бағдарлама қазірдің өзінде айқын әлеуметтік-экономикалық нәтиже көрсетіп отыр. Ауыл тұрғындарының орташа табысы 23%-ға артқан, ал кейбір кәсіпкерлердің өнімдері басқа өңірлерге және экспорттық нарықтарға шығарылып жатыр.   Соңғы үш жылда бағдарлама аясында 1436 жоба қаржыландырылып, 90 кооператив құрылды және 1616 жаңа жұмыс орны ашылды.   Қазіргі таңда Алматы облысы халқының 81%-ы ауылдық жерлерде тұрады. Қанат Бозымбаев ауылда тұрақты табыс көздерін, жұмыс орындарын және шағын бизнесті дамытуға қажетті жағдай жасаудың маңыздылығын атап өтті.Өңірде «Ауыл аманаты» бағдарламасының сапалы орындалуын бақылау Ұлттық экономика министрлігіне жүктелді. primeminister.kz #Ауыл шаруашылығы #су ресурстары #Қанат Бозымбаев #ӨңірлерАқпарат көзі : https://www.gov.kz/memleket/entities/almobl/press/news/details/1151898?lang=kk

20 қараша күні Кеңес Одағының Батыры, академик, жазушы, қоғам қайраткері Мәлік Ғабдуллиннің туғанына 110 жыл толуына орай «Жеңіс туын желбіреткен жерлесім» атты дөңгелек үстел өтті. Іс-шара Көкшетау қалалық ақпараттық кітапханалар жүйесіне қарасты «Достар» мәдениет үйінде ұйымдастырылды.Дөңгелек үстелдің құрметті қонақтары — Қазақстан Журналистер одағының мүшесі, мәдениет қайраткері Сайлау Көшкенұлы және Қазақстан Жазушылар одағының мүшесі, ақын, журналист, Көкшетау қалалық ақпараттық кітапханалар жүйесінің директоры Серік Жетпісқалиев батыр әрі ғалым жерлесіміз Мәлік Ғабдуллин туралы естеліктерімен бөлісті.Мәлік Ғабдуллин музейінің ғылыми қызметкерлері Ж.Қажыбай мен Э.Ержанова «Мәлік Ғабдуллиннің әдеби мұрасындағы ұлттық рух» және «История создания музея Малика Габдуллина» тақырыптарында баяндамалар жасап, көпшілік назарына 1943 жылғы батырдың елге сапарынан түсірілген деректі фильмі ұсынылды. Көкшетау қаласының жалпы білім беретін орта мектеп оқушылары батырға арналған ақындардың өлеңдерін оқыды.Кітапхана қызметкерлері Мәлік Ғабдуллиннің өз еңбектері мен ол туралы жазылған шығармалардан кітап көрмесін ұйымдастырып, келген қонақтарға таныстырды. Мектеп мұғалімдері оқушылар атынан танымдық ақпараттар үшін ұйымдастырушыларға ризашылықтарын жеткізді.Ақпарат көзі : https://www.gov.kz/memleket/entities/aqmola-madeniet/press/news/details/1151901?lang=kk

Қазақстанның Қорғаныс министрлігінде Халықаралық ынтымақтастық департаментінің бастығы полковник Олжас Құсайыновтың БҰҰ құрылымы Орталық Азия үйлестіру кеңсесінің басшысы Джерен Гювен Гурес ханыммен жұмыс кездесуі өтті.Тараптар гендерлік теңдік саласындағы ынтымақтастықты дамыту және әйел құқықтары мен мүмкіндіктерін кеңейту жөніндегі алдағы қадамдарды талқылады. Бұл Қазақстанда ұлттық басымдықтар мен халықаралық стандарттарға сай іске асырылуы мүмкін бірлескен бастамалар, халықаралық тәжірибе алмасу және жобалар төңірегінде болды.Кездесуге қатысушылар институционалдық әлеуетті нығайтуға және тең құқықтар мен мүмкіндіктер саласында заманауи тәсілдерді енгізуге бағытталған өзара әрекеттің практикалық форматтарына ерекше назар аударды.Ақпарат көзі : https://www.gov.kz/memleket/entities/mod/press/news/details/1151904?lang=kk

27.01.2026 ж. Агенттік №5 қаулысымен Шухрат Алиджанович Ибрагимовке «Еуразиялық банк» Акционерлік қоғамының ірі (жанама) қатысушысы мәртебесін алу бойынша келісім берілдіАқпарат көзі : https://www.gov.kz/memleket/entities/ardfm/press/news/details/1151938?lang=kk

Ақмола облысында 2026 жылдың 2-8 ақпан аралығында өтетін мәдени іс-шаралар бағдарламасыАқпарат көзі : https://www.gov.kz/memleket/entities/aqmola-madeniet/press/news/details/1152406?lang=kk

Қостанай қаласының студенттер лигасының қалалық кезеңі аяқталдыБүгін Қостанай қаласында студент жастар арасындағы ірі спорттық жарыстардың бірі – Қостанай қаласының Студенттер лигасының қалалық кезеңі өз мәресіне жетті. Аталған турнир қаладағы жоғары оқу орындары мен колледждердің үздік командаларын біріктіріп, студенттік спорттың дамуына серпін берді.Жарыс барысында командалар жоғары деңгейдегі физикалық дайындықты, ұйымшылдықты және нағыз спорттық мінезді көрсетті. Кездесулер тартысты әрі қызықты өтіп, жанкүйерлердің ерекше ықыласына бөленді. Турнир студент жастар арасында салауатты өмір салтын насихаттауға және бұқаралық спортты дамытуға бағытталды.Қалалық кезеңнің қорытындысы бойынша жүлделі орындар келесідей бөлінді:1-орын – КИПК командасы;2-орын – КИнЭУ командасы;3-орын – КСК командасы.Студенттер лигасы жас спортшылар үшін тәжірибе алмасу алаңына айналып, командалық рухты нығайтуға және болашақта қалалық, өңірлік жарыстарда ел намысын қорғайтын спортшыларды тәрбиелеуге ықпал етті.Ақпарат көзі : https://www.gov.kz/memleket/entities/kostanai-kalasy-akimat/press/news/details/1152003?lang=kk

Мемлекеттік кірістер органдарының өкілдері Павлодар облысының Мамандандырылған ауданаралық әкімшілік сотының алаңында өткен дөңгелек үстелге қатысты.Іс-шара әкімшілік рәсімдердің біркелкілігі және Қазақстан Республикасы Әкімшілік рәсімдік-процестік кодексінің (ӘРПК) жаңа нормаларын қолдану мәселелеріне арналды.Дөңгелек үстел барысында ӘРПК құқық қолдану практикасының өзекті мәселелері, сондай-ақ әкімшілік рәсімдерді жүзеге асыру және әкімшілік актілерді қабылдау кезінде бірыңғай тәсілді қалыптастырудың маңызы талқыланды.Мемлекеттік органдар қызметінің ашықтығын арттыруға, азаматтар мен бизнестің құқықтары мен заңды мүдделерін қорғауға, сондай-ақ әкімшілік сот ісін жүргізуде заңдылық пен әділеттілік қағидаттарын нығайтуға бағытталған ӘРПК жаңалықтарына ерекше назар аударылды.Қатысушылар қабылданатын шешімдердің сапасын арттыру және әкімшілік заңнаманы біркелкі қолдану үшін соттар мен мемлекеттік органдардың сындарлы өзара іс-қимылының маңыздылығын атап өтті. Павлодар облысы бойынша МКД-ның Заң басқармасыАқпарат көзі : https://www.gov.kz/memleket/entities/kgd-pavlodar/press/news/details/1152005?lang=kk

Ереван, 2026 жылғы 28 қаңтар - Қазақстанның Армениядағы Елшісі Б.Иманбаев Арменияның сараптамалық қауымдастығының өкілдері - Армян саяси сарапшылар қауымдастығының төрағасы М.Шахзадеянмен, Еуразиялық сарапшылар клубының үйлестірушісі, «Интеграция және даму» қоғамдық ұйымының жетекшісі, саяси талдаушы А.Сафарянмен және «Ануш» армян қорының негізін қалаушы А.Климчукпен кездесу өткізді. Кездесу барысында Қазақстан мен Армения арасындағы екіжақты қатынастарды одан әрі дамыту, сондай-ақ екі елдің сараптамалық және аналитикалық қауымдастықтары арасындағы өзара ықпалдастықты кеңейту мәселелері бойынша жан-жақты пікір алмасу өтті. Армениялық сарапшылар Мемлекет басшысы бастамашы болған, мемлекеттік жүйенің жаңа архитектурасын қалыптастыруға, демократиялық институттарды одан әрі нығайтуға, сондай-ақ мемлекет пен қоғам арасындағы диалогты институционализациялауға бағытталған конституциялық реформаның негізгі ережелерімен таныстырылды. Қатысушылар аталған өзгерістердің елдің тұрақты дамуы үшін шешуші маңызға ие екендігі туралы ортақ пікірге келді. Сараптамалық қауымдастық өкілдері Қазақстанның өңірлік және халықаралық деңгейде сенімді нығайтуға бағытталған жүйелі саясатын ерекше атап өтті. Астананың сыртқы саяси бағыты Қазақстан мен Армения арасындағы стратегиялық әріптестікті одан әрі тереңдетуге қолайлы жағдай қалыптастыратыны баса айтылды. Жүйелі диалогтың маңыздылығын ескере отырып, армениялық саясаттанушылар Ереванда сараптамалық дөңгелек үстел өткізу бастамасын ұсынды. Аталған іс-шара екіжақты қатынастардың өзекті мәселелері бойынша пікір алмасуға, сондай-ақ бірлескен ұсыныстар мен ұсынымдар әзірлеуге бағытталмақ.Ақпарат көзі : https://www.gov.kz/memleket/entities/mfa-erevan/press/news/details/1152017?lang=kk

Ереван, 2026 жылғы 29 қаңтар - Елші Болат Иманбаевтың Армения Республикасы Сыртқы істер министрінің орынбасары Мнацакан Сафарянмен кездесуі өтті.Келіссөздер барысында тараптар өткен жылдағы екіжақты ынтымақтастықтың қорытындыларын шығарып, қазақ-армян қатынастарының тұрақты оң серпінін және практикалық бағыттылығын атап өтті. Тұрақты саяси диалог пен қол жеткізілген уағдаластықтарды жүйелі түрде іске асыру ынтымақтастықтың кең ауқымды бағыттар бойынша кеңеюіне және қатынастардың стратегиялық әріптестік деңгейіне көтерілуіне ықпал еткені атап өтілді.Қазақстан Елшісі конституциялық реформаның негізгі бағыттарын таныстырып, олардың мемлекеттік басқару жүйесін жаңғыртуға және мемлекеттік институттардың орнықтылығын нығайтуға бағытталғанын атап өтті.Тараптар екіжақты ынтымақтастықтың практикалық аспектілеріне, оның ішінде өзара тауар айналымын арттыруға, инвестициялық белсенділікті ынталандыруға, өнеркәсіптік және технологиялық кооперацияны кеңейтуге, сондай-ақ сауда-экономикалық саладағы бірлескен жобаларды іске асыруға ерекше назар аударды. Сондай-ақ Армения Республикасының Премьер-министрі Никол Пашинянның Қазақстан Республикасына жасаған ресми сапарының қорытындысы бойынша қол жеткізілген уағдаластықтардың орындалу барысы қаралды. Осы тұрғыда елдер арасындағы тікелей әуе рейстерін қайта бастаудың іскерлік, гуманитарлық және туристік байланыстарды жандандырудағы маңызды фактор ретіндегі өзектілігі расталды.Тараптар ағымдағы жылға арналған бірлескен іс-шаралар жоспарын талқылап, қазақ-армян қатынастарын одан әрі нығайту мен кезең-кезеңімен дамытуға бағытталған тұрақты байланыстар мен практикалық жұмысты жалғастыруға дайын екендіктерін растады.Ақпарат көзі : https://www.gov.kz/memleket/entities/mfa-erevan/press/news/details/1152026?lang=kk

 Қазақстан Республикасы Сыртқы істер министрінің орынбасары Әлібек Қуантыров Иран Ислам Республикасының Елшісі Али Акбар Джоукармен кездесу өткізді.Кездесу барысында Қазақстан-Иран сауда-экономикалық ынтымақтастығының өзекті мәселелері, өзара сауданың ағымдағы жай-күйі мен серпіні, сондай-ақ логистика, транзит және инвестициялық ынтымақтастық салаларындағы өзара іс-қимылды кеңейту перспективалары талқыланды. 2025 жылдың қорытындысы бойынша Қазақстан мен Иран арасындағы тауар айналымы 430,2 млн АҚШ долларын құрап, алдыңғы жылмен салыстырғанда 26,4%-ға артқан. Бұл ретте Қазақстаннан экспорт көлемі 239,3 млн АҚШ долларына жетіп, шамамен екі есеге өсті.Тараптар Иран Президенті М.Пезешкианның 2025 жылғы 10-11 желтоқсанда Қазақстанға жасаған ресми сапары барысында мемлекет басшылары деңгейінде екіжақты тауар айналымын 1 млрд АҚШ долларына дейін ұлғайту жөніндегі стратегиялық мақсат айқындалғанын атап өтті. Осы тұрғыда шаруашылық жүргізуші субъектілердің қызметі үшін орнықты жағдайлар қалыптастырудың, көлік-логистикалық бағыттарды дамытудың және екі елдің бейінді ведомстволары мен іскер топтары арасындағы практикалық өзара іс-қимылды жандандырудың маңыздылығы көрсетілді.Кездесу қорытындысы бойынша тараптар сауда-экономикалық байланыстарды одан әрі кезең-кезеңімен дамытуға және Қазақстан мен Иран Ислам арасындағы өзара тиімді ынтымақтастықты нығайтуға бағытталған сындарлы диалогты жалғастыруға өзара мүдделілігін растады.Ақпарат көзі : https://www.gov.kz/memleket/entities/mfa/press/news/details/1152029?lang=kk

Астана, 2026 жылғы 30 қаңтар – Қазақстан Республикасының Сыртқы істер министрі Ермек Көшербаев Грузияның Елшісі Леван Диасамидземен кездесу өткізді.Тараптар екіжақты күн тәртібінің ағымдағы мәселелерін талқылап, дәстүрлі достық пен серіктестікке негізделген қазақ-грузин қарым-қатынастарын одан әрі нығайтуға деген өзара мүдделілікті растады.Қазақстан СІМ басшысы екі елдің сыртқы саяси ведомстволары арасында тұрақты орнаған байланыстарға қанағаттанушылық білдіріп, сімаралық саяси консультациялар мен Сауда-экономикалық ынтымақтастық жөніндегі үкіметаралық комиссияның қызметі екіжақты ынтымақтастықтың маңызды тетіктері екенін атап өтті.Сауда-экономикалық және инвестициялық ынтымақтастықты дамытуға, сондай-ақ көлік және логистика саласындағы, оның ішінде Транскаспий халықаралық көлік бағыты («Орта дәліз») аясындағы жобалар бойынша ынтымақтастықты кеңейтуге ерекше назар аударылды.Кездесу қорытындысы бойынша тараптар екіжақты ынтымақтастық мәселелерінің тұтас кешені бойынша сындарлы диалогты жалғастыруға дайын екендіктерін растады.Ақпарат көзі : https://www.gov.kz/memleket/entities/mfa/press/news/details/1152033?lang=kk

Шымкент қаласында 200 төсек-орынға арналған жаңа қалалық №2 перинаталдық орталықтың құрылысы ресми түрде басталды. Ақжайық шағынауданындағы болашақ нысанның құрылыс алаңында капсула салу рәсімі өтті. Іс-шараға Шымкент қаласының әкімі Ғабит Сыздықбеков қатысты.Салтанатты рәсім барысында мегаполис басшысы жобаның әлеуметтік маңыздылығын және қаланың денсаулық сақтау жүйесін дамытудағы рөлін атап өтті.«Заманауи перинаталдық орталықтың құрылысы – болашақ ұрпақтың денсаулығына салынған инвестиция. Біздің басты міндетіміз – аналар мен жаңа туған нәрестелер үшін қолайлы әрі қауіпсіз жағдай жасап, сапалы және жоғары технологиялық медициналық көмекке қолжетімділікті қамтамасыз ету», – деді Ғабит Сыздықбеков.Айта кетейік, жоба Мемлекет басшысының тапсырмалары аясында жүзеге асырылып, ана мен баланы қорғау жүйесін нығайтуға бағытталған. Жаңа медициналық нысан салу қажеттілігі қала халқы санының тұрақты өсуімен байланысты.Шымкент қаласы елімізде туу көрсеткіші жоғары өңірлердің қатарында тұрақты көш бастап келеді. Қазіргі таңда қала халқының саны 1,29 млн адамнан асады. Соңғы үш жылда балалар саны шамамен 10%-ға артып, 500 мың адамға жетті. Болжамдарға сәйкес, 2035 жылға қарай мегаполис халқының саны 1,85 млн адамнан асуы мүмкін.Қазіргі уақытта қалада жалпы 508 акушерлік төсек-орны бар төрт профильді медициналық мекеме шамадан тыс жүктемемен жұмыс істеуде. Орташа жүктеме нормативтік көрсеткіштен асып, 106 пайызды құрайды.Халықтың демографиялық өсімі ескеріле отырып, халықаралық стандарттарға сай медициналық көмек көрсететін III деңгейлі перинаталдық орталық салу туралы шешім қабылданды. Жаңа орталық заманауи жоғары технологиялық медициналық жабдықтармен қамтамасыз етіліп, жүкті әйелдерге, жаңа туған нәрестелерге мамандандырылған көмектің мүмкіндіктерін айтарлықтай кеңейтеді.Жобаның жүзеге асырылуы қолданыстағы медициналық мекемелерге түсетін жүктемені азайтып, перинаталдық көмектің қолжетімділігін арттыруға, сондай-ақ, ана мен сәби өлімін төмендетуге жағдай жасайды. Жаңа перинаталдық орталық Шымкент қаласының денсаулық сақтау саласындағы негізгі әлеуметтік жобалардың бірі болып, заманауи медициналық инфрақұрылымды қалыптастыру жолындағы маңызды қадам болмақ.Шымкент қаласы әкімінің баспасөз қызметі

Шымкент қаласында әлеуметтік маңызы зор ірі жоба – паралимпиадалық және сурдлимпиадалық спорт түрлеріне арналған заманауи спорт кешенінің құрылысы басталды. Болашақ нысанның орнында символикалық капсула салу рәсіміне қала әкімі Ғабит Сыздықбеков қатысты.Іс-шара барысында мегаполис басшысы инклюзивті спорт инфрақұрылымын дамытудың және қала тұрғындары үшін тең мүмкіндіктер қалыптастырудың маңыздылығын атап өтті.«Бұл кешен спорт нысаны ғана емес, ерекше қажеттіліктері бар жандар үшін мүмкіндіктер кеңістігіне айналады. Біздің міндетіміз – қолжетімді орта қалыптастырып, белсенді өмір салтын ұстануды қолдау және Шымкент пен еліміздің атын халықаралық аренада абыроймен қорғайтын спортшыларды даярлауға жағдай жасау», – деп атап өтті Ғабит Сыздықбеков.Нысан аумағында футбол алаңы, екі әмбебап спорт залы, жекпе-жек спорт түрлеріне, спорттық билерге, үстел ойындарына, армрестлинг пен пауэрлифтингке арналған арнайы залдар, сондай-ақ, жүзу бассейні мен автотұрақ қарастырылған.Сонымен қатар, жоба аясында воркаут алаңы, жүгіру және велосипед жолақтары болады. Бұл кешен аумағын жаттығулар мен белсенді демалысқа арналған көпфункционалды кеңістік ретінде пайдалануға мүмкіндік береді.Жоба Мемлекет басшысының тапсырмалары аясында жүзеге асырылып, инклюзивті спортты дамытуға, салауатты өмір салтын насихаттауға және жайлы қалалық орта қалыптастыруға бағытталған. Жаңа спорт кешені өңірдегі бейімделген жетекші спорт орталықтарының біріне айналады деп күтілуде.Шымкент қаласы әкімінің баспасөз қызметі

Қазақстан Республикасының жаңа Конституция жобасында бір палаталы Парламент үлгісі мен мемлекеттік органдардың жаңартылған жүйесіне қатысты ережелер бірнеше бөлімде қамтылды. Бұл жөнінде Конституциялық комиссияның кезекті отырысында Конституциялық Соты Төрағасының орынбасары Бақыт Нұрмұханов мәлімдеді.Оның айтуынша, бір палаталы Парламент моделіне арналған нормалар төртінші бөлімде – «Құрылтай» деп аталған бөлімде жинақталған. Бұл бөлімде заң шығару органының өкілеттіктері бекітілген, сонымен қатар Құрылтайдың сессиялары мен оның қызметін ұйымдастыруға қатысты баптардың барлығы жаңартылды.«Заң шығару бастамасы құқығына ие субъектілердің қатары нақты анықталды. Құрылтай заң қабылдау арқылы реттелетін аса маңызды қоғамдық қатынастардың тізбесін белгілейді. Заң жобаларын қарау мен қабылдаудың рәсімдері көзделген. Құрылтай Төрағасының лауазымына қатысты мәселелер жеке бапта реттелді», – деді Бақыт Нұрмұханов.Бесінші бөлім «Үкіметке» арналған. «Бір палаталы Құрылтайға көшуге байланысты көптеген ережелер нақтыланды. Олар Үкімет пен оның мүшелерінің Құрылтай алдындағы жауаптылығы мен есеп беру, сенімсіздік вотумын білдіру, Құрылтайға заң жобаларын енгізу, республикалық бюджет пен оның атқарылуы туралы есеп беру мәселелеріне қатысты», – деп атап өтті спикер.Ал алтыншы бөлім екі баптан тұрып, Қазақстан Халық Кеңесіне қатысты мәселелерді реттейді. «Құрамына ел азаматтары кіретін бұл жоғары консультативтік орган Қазақстан халқының мүддесін білдіреді. Оның Құрылтайға заң жобаларын енгізу, республикалық референдум тағайындау туралы ұсыныстар жасау және басқа да маңызды өкілеттіктері белгіленген», – деді Бақыт Нұрмұханов.Жетінші бөлімде «Конституциялық Сотқа» қатысты нормалар шоғырланған. Спикердің сөзінше, Конституциялық Соттың құрамына, судьялардың өкілеттік мерзімдеріне және құзырына қатысты нормалар негізінен сақталған. Сонымен қатар, Конституциялық Сот конституциялық бақылау жүргізетін және бүкіл ел аумағында Конституцияның үстемдігін қамтамасыз ететін тәуелсіз мемлекеттік орган ретінде өз миссиясын атқарады.

Мемлекет басшысы Волонтерлер форумында экологиялық мәдениет пен қоғамдық сананы қалыптастырудағы еріктілердің рөліне ерекше тоқталды. Президенттің айтуынша, экологиялық мәдениет – өркениетті қоғамға тән аса маңызды құндылық, ал волонтерлер бұл бағытта нақты істер атқарып келеді.Өткен жылы еріктілер «Таза Қазақстан» бастамасы аясында 1300-ден астам іс-шараға қатысып, елді мекендерді көркейту мен табиғатты қорғауға үлес қосты. Қасым-Жомарт Тоқаев кәсіби эковолонтерлерді даярлап, әр өңірде тұрақты ұжымдар құрудың маңызын атап өтті. Президенттің пікірінше, «Таза Қазақстан» қозғалысы ұлттық идея деңгейіне көтерілуі тиіс.Форум барысында Мемлекет басшысы халықаралық волонтерлік ықпалдастықты кеңейту қажеттігін де айтты. Қазақстан БҰҰ, ШЫҰ, АӨСШК және ТМД аясында еріктілер қозғалысын дамытуға белсенді қатысып келеді. Алдағы уақытта тәжірибе алмасуға және халықаралық бастамаларды үйлестіруге арналған жаңа платформалар құрылмақ.Президент сонымен қатар конституциялық реформалар туралы сөз қозғап, гуманитарлық құндылықтарды Ата Заңда айқындаудың маңызын атап өтті. Оның айтуынша, жауапты әрі жасампаз отаншылдық – қазіргі қоғамның басты қағидаттарының бірі. Бұл ұстаным әрбір волонтердің қызметінен айқын көрінеді.Қасым-Жомарт Тоқаевтың сөзінше, Заң мен тәртіп үстемдік құрған, Әділетті, Қауіпсіз әрі Таза Қазақстанды құру – барша азаматтың ортақ міндеті. Осы жолда еріктілер қозғалысы қоғамды біріктіретін басты күштердің бірі болып қала береді.

Волонтерлер форумында сөйлеген сөзінде Қасым-Жомарт Тоқаев еліміздегі еріктілер қозғалысының даму қарқынына тоқталып, нақты деректер келтірді. Президенттің айтуынша, 2020 жылы 50 мың болған волонтерлер саны бүгінде 300 мың адамға жеткен. Сонымен қатар, қоғамдық пайдалы іспен айналысатын ұйымдардың қатары 800-ден асты.Қазіргі таңда Қазақстанда бір ұлттық және жиырма аймақтық фронт-офис табысты жұмыс істеп тұр. Волонтерлер экология, білім, мәдениет және әлеуметтік салада маңызды бастамаларды жүзеге асыруда. Мемлекет басшысы «Жас ағаш», «Эко бақылау», «Білім волонтерлері» секілді жобалардың ел үшін маңызы зор екенін атап өтті.Президент волонтерлік қызметке заманауи технологияларды енгізу қажеттігін айтып, волонтердің цифрлық паспортын жасау туралы ұсынысты толық қолдайтынын мәлімдеді. Оның айтуынша, жасанды интеллект пен цифрлық жүйелер қоғам игілігіне қызмет етуі тиіс, ал еріктілер қозғалысы бұл үрдістен тыс қалмауы керек.Сондай-ақ Қасым-Жомарт Тоқаев Үкіметке еріктілер ісін дамытуға арналған 2030 жылға дейінгі жаңа стратегиялық құжат әзірлеуді тапсырды. Бұл құжат волонтерлік қозғалысты жүйелі түрде қолдап, халықаралық міндеттемелерге сай дамытуға бағытталмақ.

Мемлекет басшысы Қасым-Жомарт Тоқаев Волонтерлер форумында сөйлеген сөзінде еріктілер қозғалысының қоғамдағы орны мен маңызын айрықша атап өтті. Президенттің айтуынша, ерікті болу – тек қоғамдық жұмыс емес, бұл Отаныңа адал қызмет ету мен азаматтық жауапкершіліктің айқын көрінісі.Президент форумға еліміздің барлық өңірінен жиналған жастарды Қазақстанның нағыз отаншыл, жасампаз және қамқор азаматтары деп бағалады. Оның сөзінше, ниеті түзу, жаны таза жандар ғана еріктілік жолын таңдайды. Сондықтан волонтерлерді озық ойлы қоғамның айнасы деуге толық негіз бар.Қасым-Жомарт Тоқаев пандемия мен табиғи апаттар кезінде еріктілердің ерекше белсенділік танытқанын еске салды. Мыңдаған волонтер дәрігерлерге, мұғалімдерге, тәртіп сақшыларына және мұқтаж азаматтарға көмек көрсетіп, ел бірлігінің нақты үлгісін көрсетті. Президенттің пікірінше, бұл – қазақ халқының мейірбан әрі кеңпейіл ұлт екенін дәлелдейтін нақты істер.Мемлекет басшысы еріктілерді «Адал азамат» деген атқа лайықты деп атап, олардың тұтас қоғамның игілігін ойлайтын саналы азаматтар екенін жеткізді. Президент жастардың белсенділігіне зор сенім артатынын айтып, Қазақстанның болашағы дәл осындай жігерлі ұл-қыздардың қолында екенін ерекше атап өтті.

29 қаңтар күні аудандық қоғамдық кеңесінің отырысын кеңес төрағасы Б.Макеев жүргізді. Отырысқа аудан әкімі Е.Ихсанов, мәслихат төрағасы К.Ермекбаев, аудандық ардагерлер кеңесінің төрағасы А.Бектурганов, аудан әкімінің орынбасарлары, бөлім басшылары, қала және ауылдық округ әкімдері, бұқаралық ақпарат өкілдері қатысты.Отырыста:-«2025 жылы аудан әкімінің атқарған жұмысы туралы»-Бөрлі аудандық мәслихатының атқарған жұмысы туралы-Бөрлі аудандық  қоғамдық кеңесінінің  атқарған жұмысы туралы-2025 жылы Бөрлі ауданының қорғаныс істері жөніндегі бөлімінің атқарған жұмысы туралы-Бөрлі ауданы әкімдігінің 2025жылғы 15 мамырдағы №175 және  Бөрлі аудандық мәслихатының  2025 жылғы 15 мамырдағы №27-18 «Бөрлі ауданы жолаушыларының  жекелеген санаттарының қала  ішіндегі қоғамдық көлікте (таксиден басқа) жеңілдікпен жол жүруі туралы» бірлескен қаулысы мен шешіміне өзгерістер енгізу туралы» мәселелер қаралды. Қоғамдық кеңес мүшелері баяндамашылардың 2025 жылдағы жасалған жұмыстармен танысып,  есептер назарға алынды.  Кеңес мүшелері жаңадан салынған военкоматтың қоршау мәселесін, әскери-патриоттық орталығын ашу, патриоттық сипатта баннерлер орнату, су мәселесі, жолдарды, тратуарларды қыс мезгілінде күтіп ұстауға байланысты өздерінің ұсыныстарын білдірді.  Аудан әкімі Е.Ихсанов көтерген мәселелердің маңыздылығына тоқталып, кеңес мүшелерінің ұсыныс-пікірлері назарға алынатындығы туралы айтып, бөлім басшыларына жұмыстану үшін бірқатар тапсырмалар берілді.  Отырыс соңында қоғамдық кеңес мүшесі, еңбек ардагері М.Ергалиев қоғамдық кеңес құрамынан шығуына байланысты кеңес төрағасы Б.Макеевтің атынан көпжылдар бойы қоғамдық жұмыстарға белсенді араласып, ауданымыздың дамуына үлес қосқаны үшін «Алғыс хатпен» марапатталды.Ақпарат көзі : https://www.gov.kz/memleket/entities/burlin-maslihat/press/news/details/1151637?lang=kk

Қайта мониторинг жүргізу барысында қала дәріханаларында шекті сату бағасын көтеру фактілері анықталған жоқ.Сонымен қатар, мониторинг барысында «Гинипрал» дәрілік препаратының ұзақ уақыт сатылымда болмағаны тіркелді.Естеріңізге сала кетейік, Қазақстан Республикасының Денсаулық сақтау министрлігі 4994 препаратқа бөлшек саудада сатудың шекті бағасын бекітті.Дәрілік препараттардың шекті рұқсат етілген бағасымен «Әділет» ресми сайтында танысуға болады (https://adilet.zan.kz/rus/docs/V2100024229) сілтемес» бойынша) «Дәрілік заттың саудалық атауына өндірушінің шекті бағаларын, бөлшек және көтерме саудада өткізу үшін дәрілік заттың саудалық атауына шекті бағаларды бекіту туралы» Денсаулық сақтау министрінің бұйрығы.Ақпарат көзі : https://www.gov.kz/memleket/entities/ukmaslihat/press/news/details/1151593?lang=kk

Афина, 2026 жылғы 29 қаңтар – Қазақстанның Грекиядағы Елшісі Тимур Сұлтанғожин 3000-нан астам мемлекеттік органдардың, энергетикалық компаниялардың, халықаралық ұйымдардың, талдау орталықтарының және дипломатиялық корпустың өкілдерін біріктірген «Athens Energy Summit – 2026» халықаралық форумының жұмысына қатысты. Форумға Грекияның Қоршаған орта және энергетика министрлігінің, Еуропалық комиссияның, Халықаралық энергетикалық агенттіктің өкілдері, сондай-ақ жетекші энергетикалық компаниялар мен салалық қауымдастықтардың басшылары қатысты.Өз сөзінде Елші энергетиканың Қазақстанның орнықты дамуының негізгі элементі әрі жаһандық энергетикалық қауіпсіздіктің маңызды құрамдас бөлігі екенін атап өтті. Ол Қазақстанның әлемдік энергетикалық нарықтардың тұрақтылығы мен болжамдылығын дәйекті түрде қолдайтынын және күрделі геосаяси әрі климаттық сын-қатерлер жағдайында Еуропа үшін сенімді және жауапты әріптес болып қала беретінін атап өтті.Елші Сұлтанғожин Қазақстан Республикасының Президенті Қасым-Жомарт Тоқаевтың Ұлттық құрылтайдың V отырысы барысында елдің энергетикалық саясатын жаңғыртудың басым бағыттарын айқындағанын хабарлады. Олардың қатарында дәстүрлі көмір және газ генерациясын дамыту, су ресурстарын ұтымды пайдалану, сондай-ақ энергия ресурстарын экспорттау бағыттарын әртараптандыру, соның ішінде Транскаспий халықаралық көлік бағытын (Орта дәліз) ілгерілету.Сөз барысында энергетикалық инфрақұрылымның қауіпсіздігін қамтамасыз ету мәселелеріне ерекше назар аударылды. Елші энергетикалық нысандардың тұрақтылығы мен қорғалу деңгейі үздіксіз жеткізілімдерді және халықаралық нарықтардың тұрақтылығын сақтау үшін шешуші мәнге ие екенін атап өтті.Қазақстанның көмір қоры мен өндіру көлемі, сондай-ақ уран өндірісі бойынша әлемде жетекші орын алатыны, жаңартылатын энергия көздерін белсенді дамытып келе жатқаны және атом энергетикасы саласындағы жобаларды іске асыруды бастағаны атап өтілді. Сондай-ақ ел энергетикалық инфрақұрылымды цифрландыруға және өңіраралық әрі жаһандық энергетикалық тұрақтылықты нығайтудың факторы ретінде трансшекаралық көлік байланысын дамытуға басымдық беріп отыр.Елші өз сөзінде Қазақстанда институционалдық тұрақтылықты нығайтуға, технологиялық жаңғыртуға және әділетті әрі теңгерімді экономикалық модель қалыптастыруға бағытталған ауқымды саяси және экономикалық реформалар жүзеге асырылып жатқанын жеткізді.Сөзінің соңында Тимур Сұлтанғожин энергетика саласындағы екіжақты және көпжақты ынтымақтастықты одан әрі дамытуға дайын екенін білдіріп, Қазақстанның Грекияны Еуропалық Одақ пен Шығыс Жерорта теңізі кеңістігіндегі маңызды әріптес ретінде қарастыратынын атап өтті.Ақпарат көзі : https://www.gov.kz/memleket/entities/mfa-athens/press/news/details/1151606?lang=kk