Бүгін «Руханият» орталығында Қармақшы аудандық ардагерлер ұйымының кезекті есеп беру, сайлау конференциясы өтті.Конференцияға аудан әкімі Жандос Еркінбек, аудандық мәслихат төрағасы Әділ Қошалақов, Қызылорда облыстық ардагерлер кеңесінің төрағасы Серік Дүйсенбаев, 80-нен аса аудан ардагерлері, кент және ауылдық округ әкімдері мен БАҚ өкілдері қатысты.Конференцияда алғашқы болып сөз сөйлеген аудан әкімі Жандос Еркінбек ардагерлер ұйымының аудан өміріндегі орнын ерекше атап өтті. Сондай-ақ аудан дамуы жолында атқарылып жатқан жұмыстарға қысқаша тоқталып, ардагерлерге өз алғысын білдірді.Күн тәртібіне екі мәселе шығарылды. Алғашқы мәселе бойынша аудандық ардагерлер кеңесінің төрағасы Асқар Мереков 2021–2025 жылдары атқарылған жұмыстар туралы баяндама жасады. Баяндамада ардагерлер ұйымының қоғамдық-саяси өмірге белсенді араласуы, жастарға өнеге көрсету, бірлік пен тұрақтылықты нығайту бағытында атқарылған жұмыстар кеңінен айтылды.Есептік баяндаманы талқылау барысында ауданның Құрметті азаматы, «Ерен еңбегі үшін» медалінің иегері Әбдірахман Құлдүйсенов, аудандық білім саласы ардагерлер ұйымының төрайымы Талмаш Жұмабаева, Қармақшы ауылы ардагерлер ұйымының төрағасы, ауданның Құрметті азаматы Мұхтар Таңбаев сөз сөйлеп, ұйымның жұмысына оң баға беріп, бірқатар ұсыныстарын ортаға салды.Күн тәртібіндегі екінші мәселе бойынша ұйымның Пленум және Алқа құрамдары сайланды. Алқа мүшелерінің дауыс беруі нәтижесінде Қармақшы аудандық ардагерлер кеңесінің төрағасы болып Мереков Асқар Ермағанбетұлы, ал орынбасары болып Таңбаев Кенжебек Ерманұлы бірауыздан сайланды.Конференцияны қорытындылаған Қызылорда облыстық ардагерлер кеңесінің төрағасы Серік Әбішұлы аудан ардагерлерінің белсенділігіне жоғары баға беріп өтті.Сондай-ақ қоғамдық-саяси өмірде белсенділік танытып жүрген бірқатар ардагерлерге аудан әкімі атынан және облыстық ардагерлер кеңесі тарапынан Алғыс хаттар, Құрмет грамотасы мен «Қызылорда облысының Құрметті ардагері» төсбелгісі тапсырылды.Ақпарат көзі : https://www.gov.kz/memleket/entities/kyzylorda-karmakshy/press/news/details/1141553?lang=kk

Бразилиа қ., 2026 жылғы 14 қаңтар – Бразилия Сыртқы істер министрлігінде Қазақстан Республикасының Бразилия Федеративтік Республикасындағы Төтенше және Өкілетті Елшісі Болат Нүсіповтің БФР Сыртқы істер министрінің орынбасары Сюзан Клибанкпен кездесуі өтті. Кездесуге БФР-дың Қазақстан Республикасындағы Төтенше және Өкілетті Елшісі Марсело Биату да қатысты.Тараптар, кездесу барысында 2025 жылғы 8 желтоқсанда Астанада өткен 7-ші Қазақстан-Бразилиялық саяси консультациялардың қорытындысы бойынша қол жеткізілген және екіжақты саяси диалогты нығайтуға, сауда-экономикалық және салалық ықпалдастықты кеңейтуге, сондай-ақ өңірлік және көпжақты құрылымдар аясындағы бастамаларды үйлестіруге бағытталған уағдаластықтарды іске асыру мәселелерін талқылады.Алдағы халықаралық іс-шараларға, соның ішінде 2026 жылғы сәуірде Астанада өтетін Өңірлік экологиялық саммит пен 2026 жылғы наурызда Кампу-Гранде қаласында өтетін көшпелі жабайы жануарлардың түрлері туралы Конвенцияға арналған Халықаралық конференцияға екі ел өкілдерінің қатысуының ұйымдастырушылық және мазмұндық аспектілеріне ерекше назар аударылды.Сондай-ақ тараптар, жоғары және жоғарғы деңгейлерде екіжақты сапарларды ұйымдастыру мәселелері бойынша пікір алмасып, Қазақстан-бразилиялық ынтымақтастықты одан әрі дамытуға өзара мүдделілікті растады.Ақпарат көзі : https://www.gov.kz/memleket/entities/mfa-brazil/press/news/details/1141521?lang=kk

Гонконг, 2026 жылғы 9 қаңтар – Қазақстан Республикасының аймақтары мен Гонконг арасындағы жасанды интеллект пен ақпараттық технологиялар саласындағы ынтымақтастықты дамыту аясында Қазақстан Республикасының Гонконг арнайы әкімшілік ауданындағы (АӘА) Бас консулдығында Павлодар қаласындағы «Huazhi Future», «ChinoLite» және «Omis Inc.» компанияларының өкілдерінің кездесуі өтті.Кездесуге қатысқан компаниялардың Гонконг құқық қорғау органдарымен ынтымақтастық тәжірибесін ескере отырып, Қазақстан Республикасының Гонконг арнайы әкімшілік ауданындағы Бас консулы Бауыржан Досманбетов Гонконг компанияларына қазақстандық тараптың аймақтарда қауіпсіздік жүйелеріне, тұлғаны тануға, киберқылмыспен және есірткі саудасына қарсы іс-қимылға жасанды интеллект шешімдерін енгізуге мүдделі екенін хабарлады.Өз кезегінде «Huazhi Future» компаниясының өкілдері Қытайдың құрлық бөлігінде орналасқан Чунцин, Ханчжоу және Шэньчжэнь қалаларындағы іске қосылған деректер орталықтарын таныстырды. Дүниежүзілік есептеу қуатына сұраныстың артуын ескере отырып, «Huazhi Future» компаниясының Басшысы Қазақстанда деректер орталықтарын салуға мүдделі екенін білдірді.Кездесу қатысушылары Қазақстан Республикасының Президенті Қасым-Жомарт Тоқаевтың 2026 жылды Қазақстанда цифрландыру және жасанды интеллект жылы деп жариялау бастамасының маңыздылығын атап өтті. Осыған байланысты Бас консул бірлескен іс-шараларды, хакатондар мен жаңа кәсіптік презентацияларын өткізуге қызығушылық білдірді.«OMIS Inc.» IT-компаниясы мемлекеттік және іскерлік салаларға арналған цифрлық шешімдерді жүзеге асырады және бірнеше жыл бойы Павлодар облысы прокуратурасы және өңірдің құқық қорғау органдарымен бірлесіп құқық тәртібі саласында тығыз жұмыс жүргізіп келеді.Ақпарат көзі : https://www.gov.kz/memleket/entities/mfa-hongkong/press/news/details/1141525?lang=kk

Алмалы ауданы әкімдігінде тұрғын үй қатынастары, тұрғын үй қорын басқару, абаттандыру және қауіпсіздік мәселелері бойынша ПИК мен МИБ төрағаларымен кездесу өтті.Кездесуге ҚР Мәжілісінің депутаты Ерлан Дәулетұлы Стамбеков, Коммуналдық инфрақұрылым және тұрғын үй инспекциясы басқармасы басшысының орынбасары Жандос Маратұлы Қайырханов, Алмалы ауданы полиция басқармасының Қоғамдық қауіпсіздік бөлімінің бастығы Саадулла Сиязханов, сондай-ақ ПИК, МИБ өкілдері мен аудан тұрғындары қатысты.Ақпарат көзі : https://www.gov.kz/memleket/entities/almaty-almaly/press/news/details/1141499?lang=kk

Прага, 2025 жылғы 14 қаңтар – Прага Қамалында Қазақстан Республикасының Елшісі Қайрат Әбдірахманов Чех Республикасының Президенті Петр Павелге сенім грамоталарын тапсырды. Салтанатты рәсім аясында қазақстандық дипломат пен чех мемлекет басшысы әңгімелесіп, екіжақты қатынастардың жоғары деңгейін растап, оларды одан әрі тереңдетуге өзара қызығушылықтарын білдірді.Тараптар сауда-экономикалық және инвестициялық ынтымақтастық үшін қолайлы жағдайлар қалыптастыру, сондай-ақ мәдени-гуманитарлық байланыстарды дамыту мәселелеріне ерекше назар аударды. Өңірлік және халықаралық күн тәртібіндегі өзекті мәселелер бойынша пікір алмасу барысында жаһандық қауіпсіздік пен тұрақтылықты нығайту мүддесінде Біріккен Ұлттар Ұйымы мен Еуропадағы қауіпсіздік және ынтымақтастық ұйымы аясындағы өзара іс-қимылдың маңыздылығы атап өтілді. Еуропалық одақ пен Орталық Азия арасындағы ынтымақтастықтың жоғары қарқыны қанағаттанушылықпен тілге тиек етілді.Елші чех тарапының назарын Қазақстандағы жаңғырудың жаңа кезеңіне аударып, Президент Қасым-Жомарт Тоқаевтың «Turkistan» газетіне берген жаңа жылдық сұхбатында айқындалған орнықты экономикасы, тұрақты саяси жүйесі және қоғамдық игіліктерді әділ бөлу қағидаты бар құқықтық мемлекет құру басымдықтарын атап өтті. Чех кәсіпкерлері Қазақстандағы экономикалық өзгерістерге, әсіресе энергетика және коммуналдық шаруашылық салаларына ерекше қызығушылық танытып отыр. Себебі, чех компаниялары дәл осы салаларға қажетті, ресурсты үнемдейтін және экологиялық таза озық технологиялармен жабдықталған.Осы және өзге де өзара тиімді қазақстан-чех ынтымақтастығының бағыттары бойынша жоғары және аса жоғары деңгейдегі кездесулерді әзірлеу мақсатында екі елдің үкіметтері, іскер және қоғамдық топтары желісі арқылы үйлестірілген жұмыс жалғастырылатын болады.Ақпарат көзі : https://www.gov.kz/memleket/entities/mfa-prague/press/news/details/1141504?lang=kk

Биылғы жылдың 4 қаңтарынан бастап Қазақстанда әлеуметтік маңызы бар азық-түлік тауарларының уақытша кеңейтілген тізбесі енгізілді. Бұған дейін тізбе 19 атаудан тұрса, қазіргі уақытта ол 31 атауға дейін кеңейтілді. Аталған тауарлардың қатарына қияр, қызанақ, алма, шай, қаймақ, балық, сиыр еті (сүйекті және сүйексіз), тауық еті, тауық, жылқы еті және қатты ірімшік кірді.Ұлттық статистика бюросының деректеріне сәйкес, биылғы жылдың бірінші аптасының қорытындысы бойынша әлеуметтік маңызы бар азық-түлік тауарлары бағасының индексі 0,2 пайызды құрады. Өткен жылдың сәйкес кезеңінде де бұл көрсеткіш 0,2 пайыз деңгейінде тіркелген. Сонымен қатар, биыл аталған көрсеткіш кеңейтілген тауарлар тізбесін ескере отырып қалыптасқанын атап өткен жөн, бұл бірінші кезектегі азық-түлік өнімдері бағасының тұрақты екенін көрсетеді.Кеңейтілген тізбеге енгізілген бірқатар жаңа тауар позициялары бойынша бағаның 0,1–0,5 пайыз аралығында төмендегені байқалуда. Бұл төмендеу көлемі жағынан шамалы болғанымен, бағаны тұрақтандыру үдерісінің басталғанын және қысқа мерзім ішінде алғашқы нәтижелерге қол жеткізілгенін көрсетеді. Атап айтқанда, жеміс-көкөніс өнімдері бойынша алма бағасы 0,5 пайызға, қияр мен қызанақ бағасы 0,4 пайызға арзандады. Бакалея өнімдері сегментінде қатты және жартылай қатты ірімшіктердің бағасы 0,3 пайызға, қара шай бағасы 0,2 пайызға төмендеді. Сондай-ақ ет және балық өнімдері тобы бойынша баға 0,1 пайызға төмендеді, ал сүт өнімдері ішінде қаймақ бағасының 0,1 пайызға арзандауы тіркелді.Бағаны тежеу мақсатында жыл басынан бері сауда нысандарында бағаға тұрақты мониторинг жасалып, бизнес өкілдеріне түсіндіру жұмыстары жүргізілуде. Осы орайда 13 қаңтарда ҚР Сауда және интеграция министрлігінің Сауда комитеті төрағасының орынбасары Даулен Кабдушев жергілікті атқарушы органдардың өкілдерімен бірлесіп елордадағы базарларда баға мониторингін өткізіп, сатушыларға түсіндіру жұмыстарын өткізді.«Осындай жұмыстарды өңірлердегі әріптестеріміз де тұрақты жүргізіп жатыр. Қазір сатушыларға бұрын ӘМАТ тізбесінде болмаған тауарлардың енді тізімге қосылғанын түсіндіріп жатырмыз. Бұл дегеніңіз Сауда комитеті тарапынан жаңадан тізімге қосылған тауарлардың сауда үстемесіне мемлекеттік бақылау жүргізіледі деген сөз. Айта кету керек, қолданыстағы заңнамаға сәйкес әлеуметтік тауарларға қойылатын максимал сауда үстемесі 15 пайыздан аспауы керек», - деді Даулен Кабдушев.Ақпарат көзі : https://www.gov.kz/memleket/entities/mti/press/news/details/1141505?lang=kk

"Бала және заң"Бастауыш сыныптарда «Бала және заң» тақырыбында тәрбие сағаты өткізілді. Тәрбие сағаты барысында оқушыларға заң дегеніміз – адамдардың қоғамда дұрыс өмір сүруі үшін қойылған ережелер екені түсіндірілді. Әрбір баланың білім алуға, демалуға, ойын ойнауға, қауіпсіз ортада өмір сүруге құқығы бар екені айтылды.Сонымен қатар оқушыларға өз құқықтарымен қатар міндеттері де бар екені түсіндірілді. Атап айтқанда, мектеп ережесін сақтау, үлкендерді сыйлау, мұғалімнің сөзін тыңдау, достарымен тату болу – әр баланың міндеті екені айтылды. Сабақ барысында сұрақ-жауап ұйымдастырылып, оқушылар өз құқықтары туралы білгендерін суреттер салу арқылы түсіндірді.Тәрбие сағаты оқушылардың заңға деген құрметін арттырып, өз құқықтары мен міндеттерін білуіне, тәртіпті, саналы азамат болып қалыптасуына ықпал етті.Ақпарат көзі : https://www.gov.kz/memleket/entities/kyzylorda-kazaly-shaken/press/news/details/1141463?lang=kk

Жаңаөзен қаласында көпбалалы аналар «Алтын алқа» және «Күміс алқамен» марапатталдыҚазақстан Республикасы Президентінің 2025 жылғы 12 желтоқсандағы №1119 Жарлығы негізінде Жаңаөзен қаласы және оған қарасты ауылдарды қоса алғанда 61 көпбалалы ана мемлекеттік наградалармен марапатталды. Оның ішінде 18 анаға «Алтын алқа», 43 анаға «Күміс алқа» табысталды.Қала әкімінің орынбасары Жаңабай Аймағанбетов аналарды құттықтап, олардың отбасы мен қоғамдағы орны айрықша екенін атап өтті. Марапат иелері мемлекет тарапынан көрсетілген құрмет үшін ризашылықтарын білдіріп, балаларды тәрбиелеу – ең абыройлы міндет екенін жеткізді.Ақпарат көзі : https://www.gov.kz/memleket/entities/akimat-goroda-zhanaozen/press/news/details/1141473?lang=kk

2026 жылғы 14 қаңтарда Өскемен қаласы бойынша Мемлекеттік кірістер басқармасында республикалық «Халық бухгалтері» акциясы аясында Шығыс Қазақстан облысының тұрғындары үшін Ашық есік күні өтті.Іс-шара барысында мемлекеттік кірістер органдарының мамандары кәсіби бухгалтер «Есеп.kz» КББ өкілімен бірлесіп жаңа Салық кодексі, салық есептілігін тапсыру, ҚҚС, арнайы салық режимдері және өзін-өзі жұмыспен қамтуға көшу мәселелері бойынша консультациялар өткізді.«Халық бухгалтері» акциясы 2026 жылғы 30 маусымға дейін жалғасады. Консультациялар Өскемен қ., Н. Назарбаев даңғ., 86, 3-қабат мекенжайы бойынша өткізіледі:қаңтар–ақпан айларында — дүйсенбі, сәрсенбі және жұма күндері сағат 10:00-ден 13:00-ге дейін;наурыз айынан бастап — аптасына екі рет.Басқа қалалар мен аудандардың тұрғындары үшін бейнебайланыс форматында кеңес алу мүмкіндігі қарастырылған Байланыс нөмірі: 8 771 123 80 84.Ақпарат көзі : https://www.gov.kz/memleket/entities/kgd-vko/press/news/details/1141381?lang=kk

№ 5 сайлау учаскесінің депутаты Веригин Дмитрий Николаевич сайлаушыларды қабылдау кестесіне сәйкес Новополяковка ауылында азаматтарды жеке қабылдады. Қабылдау барысында ауыл тұрғындарынан бірқатар әлеуметтік және өзекті мәселелер көтерілді.Атап айтқанда, ауыл тұрғыны егістік жерлердің елді мекенге тікелей жақындығына, сондай-ақ "Таулы" ЖШС шаруашылық тарапынан ауыл шаруашылығы дақылдарын химиялық құралдармен өңдеу нәтижесінде аралардың жаппай жойылу фактілеріне алаңдаушылық білдірді.Сонымен қатар, Новополяковка ауылында фельдшердің болмауы туралы мәселе көтерілді. Қазіргі уақытта Бесуй ауылының фельдшері ауыл тұрғындарына медициналық қызмет көрсетеді, бұл тұрғындарға қолайсыздықтар туғызады.Сонымен қатар, ауылдың қарт тұрғындары дәріхананың жоқтығына шағымданып, дәрі-дәрмек алу үшін аудан орталығына баруға мәжбүр болғанын хабарлады.Барлық көтерілген мәселелер бойынша депутат тиісті түсініктемелер берді, заңнама шеңберінде шешу жолдары мен ұсынымдар айтылды.Ақпарат көзі : https://www.gov.kz/memleket/entities/maslikhat-ulken-naryn/press/news/details/1141363?lang=kk

Әлеуметтік салық: 2026 жылдан бастап есептеу тәртібіндегі өзгерістер2026 жылдан бастап әлеуметтік салықтың (ӘС) мөлшерлемесі 6 % болып белгіленді, бұл ретте әлеуметтік салық сомасын әлеуметтік аударымдар сомасына азайту қажеттілігі алынып тасталды.Ауыл шаруашылығы тауарын өндірушілер үшін әлеуметтік салықтың мөлшерлемесі 1,8 % болып белгіленеді (бұрын қолданылған 70 %-ға төмендету орнына) және ол келесі қызмет түрлері бойынша қолданылады:өз өндірісіндегі ауыл шаруашылығы өнімін өндіру және өткізу;өз өндірісіндегі ауыл шаруашылығы өнімін қайта өңдеу және қайта өңдеу өнімдерін өткізу.Жеке кәсіпкерлер және жеке практикамен айналысатын тұлғалар әлеуметтік салықты:өздері үшін — 2 АЕК;әрбір жұмыскер үшін — 1 АЕК мөлшерінде есептейді.Шаруа немесе фермер қожалықтары өз өндірісіндегі ауыл шаруашылығы өнімін өндіру және өткізу, сондай-ақ оны қайта өңдеу қызметін жүзеге асырған кезде әлеуметтік салықты:өздері үшін — 0,6 АЕК;әрбір жұмыскер үшін — 0,3 АЕК мөлшерінде есептейді.Арнаулы салық режимін қолданатын салық төлеушілер әлеуметтік салықты төлеуден босатылады, оның ішінде:өзін-өзі жұмыспен қамтығандар;оңайлатылған декларация негізінде жұмыс істейтіндер;шаруа немесе фермер қожалықтары.Ақпарат көзі : https://www.gov.kz/memleket/entities/kgd-kostanay/press/news/details/1141317?lang=kk

Алакөл ауданының салық басқармасында ашық есік күні өттіАлакөл ауданының салық басқармасында өткен ашық есік күні салық төлеушілер үшін маңызды шара болды. Бұл іс-шара жаңа Салық кодексінің негізгі өзгерістерін түсіндіру мен халық есепшісі республикалық акциясын жүргізу мақсатында ұйымдастырылды. Ашық есік күні барысында салық төлеушілер салық саласындағы жаңашылдықтар, төлемдер тәртібі, жеңілдіктер мен салық жеңілдіктерін алу шарттары бойынша толығымен ақпарат алды.Сондай-ақ, салық төлеушілер тарапынан қойылған сұрақтарға жауаптар толық әрі түсінікті түрде берілді. Шарада салық басқармасының қызметкерлері мен мамандары жеке және заңды тұлғаларға салық саласындағы өзекті мәселелер бойынша кеңес беріп, қажетті ақпаратты жеткізді. Сонымен қатар, ашық есік күні салық төлеушілердің құқықтары мен міндеттерін түсіндіру, салық декларацияларын толтыру және салықтық есептілік бойынша көмек көрсету мақсатында арнайы консультациялар ұйымдастырылды. Ақпарат көзі : https://www.gov.kz/memleket/entities/kgd-zhetysu/press/news/details/1141325?lang=kk

2026 жылғы 20 қаңтардан 1 наурызға дейін Қостанай қаласында 2027 жылы іске асыру үшін "Халық қатысуы бюджеті" жобасы шеңберінде ұсыныстар қабылдау жүргізілуде.Жоба тұрғындарға қала ортасын абаттандыру және дамыту жөніндегі іс-шараларға қалалық бюджет қаражатын бөлуге тікелей қатысуға мүмкіндік береді. Жоба әкімшісі-"Қостанай қаласы әкімдігінің тұрғын үй-коммуналдық шаруашылық, жолаушылар көлігі және автомобиль жолдары бөлімі"ММ.Қатысушылар: Қостанайдың кәмелетке толған тұрғындары.Жобаны қалай тапсыруға болады:Әкімдіктің сайтына өтіңіз: gov.kz → ЕО-ның Халыққа қатысу бюджеті."Халыққа қатысу бюджеті" бөлімін таңдаңыз.Өтінімді толтыру: жобаның атауы, қысқаша сипаттамасы, объектінің мекен-жайы.Нысанның ағымдағы күйінің нобайын, сметасын, фотосуреттерін тіркеңіз; қаласаңыз – презентация.Дауыс беру: 2026 жылғы 5-24 сәуір аралығында электрондық форматта. Сараптамалық кеңестің қорытындылары мен шешімдері әкімдіктің сайтында жарияланады.Жобалардың іске асырылу барысы туралы ақпарат тұрғындар мен БАҚ үшін жария түрде қолжетімді болады.Ақпарат көзі : https://www.gov.kz/memleket/entities/kostanai-kalasy-akimat/press/news/details/1141335?lang=kk

Жұмыс сапары аясында Бірінші вице-министр Асқарбек Ертаев компания басшылығымен кездесті. Еңбек қорғау, өндірістік қауіпсіздік, қызметкерлердің әлеуметтік қорғалуы және еңбек жағдайларын жақсарту мәселелері талқыланды.Қонақтарға Qarmet компаниясының негізгі жобалары таныстырылып, қызметкерлерді даярлау және біліктілігін арттыруға арналған заманауи алаң — жаңартылған Qarmet University мүмкіндіктері көрсетілді.Делегация өндірістік цехтарға барып, жаңғырту процестерімен танысты.Сапар нәтижесі бойынша тараптар әлеуметтік-еңбек қатынастары мен еңбек қауіпсіздігі саласында әрі қарай ынтымақтастыққа дайын екендіктерін растады.Ақпарат көзі : https://www.gov.kz/memleket/entities/karaganda-enbek/press/news/details/1141337?lang=kk

Амман, 2026 жылғы 11 қаңтар – Қазақстан Республикасының Иордан Хашимит Корольдігіндегі Елшісі Талғат Шалданбай Иордания Корольдік сарайының Саяси мәселелер жөніндегі департамент директоры Моаз Аз-Зубимен кездесті.Кездесу барысында Тараптар екі ел басшыларының 2025 жылғы өзара ресми сапарлары барысында қол жеткізілген уағдаластықтарды жүзеге асыру тұрғысында екіжақты қатынастардың жағдайы мен даму перспективаларын, сондай-ақ Қазақстан мен Иордания арасындағы көпқырлы ынтымақтастықты кеңейту мәселелерін талқылады. Сонымен қатар, Астана мен Амманның халықаралық сахнадағы бастамаларын қолдау және халықаралық ұйымдар аясында толыққанды диалог орнату маңыздылығы атап өтілді.Департамент директоры М.Аз-Зуби қазақ тарапына екі елдің бастамаларын сыртқы саясатта ілгерілетуге қосқан үлесі үшін ризашылығын білдірді. Бұған қосымша, ол 2025 жылы Қазақстан Президенті Қ.Тоқаевтың Амман қаласына (ақпан) және Иордания Королі Абдалла II-нің Астана қаласына (тамыз) ресми сапарлары екі ел арасындағы жаңа мүмкіндіктерге жол ашқандығына назар аударды.Елші Т.Шалданбай Қазақстанның Иорданиямен өзара тиімді әріптестікті нығайтуға мүдделі екенін және толыққанды ынтымақтастықты дамытуға дайын екенін жеткізді. Ол Елшіліктің екіжақты қатынастарды жандандыру үшін қолайлы жағдай жасауға атсалысатындығын атап өтті.Кездесу қорытындысы бойынша Тараптар тұрақты байланыстарды жалғастыруға және Қазақстан мен Иордания арасындағы диалогты кезең-кезеңімен нығайтуға бағытталған нақты шараларды бірлесіп әзірлеуге өзара қызығушылық білдірді.Ақпарат көзі : https://www.gov.kz/memleket/entities/mfa-amman/press/news/details/1141355?lang=kk

Қазақстан Республикасының Сыртқы істер министрлігі ү.ж. 13 қаңтарда Қара теңіз акваториясында Каспий құбыры консорциумының теңіз терминалына бет алған үш танкерге ұшқышсыз ұшу аппараттары арқылы жасалған шабуылдарға байланысты айтарлықтай алаңдаушылық білдіреді.Осы орайда бірқатар еуропалық мемлекеттердің елшілерімен өткізілген шұғыл кездесулер, сондай-ақ америкалық тараппен және өзге де шетелдік серіктестермен болған байланыстар барысында халықаралық құқық нормаларын қатаң сақтай отырып, көмірсутегін тасымалдаудың, оның ішінде теңіз жолдарындағы қауіпсіздігін қамтамасыз ету бойынша қажетті шаралар қабылдаудың маңыздылығына ерекше мән бердік.Қазақстан Республикасының қандай да бір қарулы қақтығысқа қатысушы болып табылмайтынын, жаһандық және еуропалық энергетикалық қауіпсіздікті нығайтуға елеулі үлес қосып келе жатқанын әрі энергия ресурстарын жеткізудің үздіксіздігін халықаралық талаптарға толық сәйкес қамтамасыз етіп отырғанын ерекше атап өтеміз. Осыған байланысты аталған танкерлердің барлық қажетті рұқсаттары болғанын және талап етілетін сәйкестендіру жабдықтарымен қамтамасыз етілгенін атап көрсетеміз.Соңғы уақытта мұндай оқиғалардың жиілеуі халықаралық энергетикалық инфрақұрылымның қалыпты жұмыс істеуіне төнетін тәуекелдердің артып келе жатқанын айғақтайтынын атап өтеміз және серіктестерімізді алдағы уақытта осындай оқиғалардың алдын алу мақсатында бірлескен шаралар әзірлеу үшін тығыз өзара іс-қимыл жасауға шақырамыз.Ақпарат көзі : https://www.gov.kz/memleket/entities/mfa-pretoria/press/news/details/1147179?lang=kk

Құрметті қаламыздың тұрғындары! 2027 жылы іске асыру үшін "Халықтық қатысу бюджеті" жобасы шеңберінде 2026 жылғы 20 қаңтардан 1 наурызға дейін жүзеге асырылатын жобалық ұсыныстарды жинаудың басталғаны туралы хабарлаймыз.Осы жоба шеңберінде азаматтар Рудный қаласы әкімдігінің "тұрғын үй-коммуналдық шаруашылық, жолаушылар көлігі және автомобиль жолдары бөлімі" ММ әкімшісі болып табылатын іс-шаралар бойынша жергілікті бюджет қаражатын бөлуге қатыса алады. Жобаның мақсаты-қала тұрғындарының бастамасы мен ұсыныстары бойынша қаланы дамыту және абаттандыру.Рудный қаласының кәмелетке толған барлық тұрғындары өз ұсыныстарын жібере алады. Өтінімдер Рудный қаласы әкімдігінің сайтында "халық қатысатын Бюджет" бөлімінде орналастырылады. Қала тұрғындарының көпшілік дауыс беруі іске асырылатын жобаларды айқындайды.Барлық қажетті ақпарат Рудный қаласы әкімдігінің сайтында "халық қатысатын Бюджет" бөлімінде орналастырылған  https://www.gov.kz/memleket/entities/kostanai-rudnyi-kalasy-akimat/bnu/1033?lang=kk Ақпарат көзі : https://www.gov.kz/memleket/entities/kostanai-rudnyi-kalasy-akimat/press/news/details/1141182?lang=kk

Сеул, 2026 жылғы 14 қаңтар – Сеул қаласында Қазақстанның Елшісі Нұрғали Арыстанов Корея Республикасы Ұлттық Ассамблеясының Жер, инфрақұрылым және көлік комитетінің Төрағасы, депутат Мэн Сон Гюмен кездесу өткізді.Кездесу барысында тараптар Қазақстан Президенті Қасым-Жомарт Тоқаевтың саясаты аясындағы стратегиялық басым бағыттардың бірі болып табылатын көлік және логистика саласындағы өзара тиімді ынтымақтастықтың перспективаларын талқылады. Сондай-ақ Алатау ақылды қаласын дамыту бағытындағы ынтымақтастықтың өзектілігі атап өтілді. Осы тұрғыда 2025 жылғы желтоқсанда ҚР Өнеркәсіп және құрылыс министрлігі, «Alatau City Authority» мемлекеттік қоры және Кореяның Шетелдік инфрақұрылым мен қала құрылысына қолдау көрсету корпорациясы (KIND) арасында қол қойылған Өзара түсіністік туралы меморандумның маңыздылығы ерекше назарға ие болды.Бұдан бөлек, қазақ дипломаты депутатты Астана қаласында өтетін халықаралық іс-шараларға қатысу үшін Қазақстанға шақырды.Жалпы, Air Astana, SCAT Airlines, Asiana Airlines және Eastar Jet әуекомпаниялары жүзеге асырып отырған тікелей әуе рейстерінің кеңеюінің арқасында екіжақты байланыстар мен туристік алмасудың оң серпіні аталып өтті.Ақпарат көзі : https://www.gov.kz/memleket/entities/mfa-seoul/press/news/details/1141168?lang=kk

Абай қаласында Абай ауданының жұмыспен қамту және әлеуметтік бағдарламалар бөлімінің «Абай ауданының отбасын қолдау орталығы» КММ өз жұмысын бастады.Мекеме өмірлік қиын жағдайға тап болған отбасылармен және жекелеген азаматтармен жұмыс жүргізу мақсатында құрылды.Орталықта әлеуметтік, психологиялық, кеңес беру және құқықтық көмек көрсетіледі.Негізгі қызмет бағыттары:▪️ қолдауды қажет ететін отбасылар мен азаматтарды анықтау▪️ әлеуметтік сүйемелдеу▪️ әлеуметтік қолайсыздықтың алдын алу▪️ отбасының функцияларын қалпына келтіруге жәрдемдесу▪️ өмірлік жағдайды тұрақтандыруҚызметтің басты мақсаты — Абай ауданы аумағында халықтың әлеуметтік қорғалу деңгейін арттыру және отбасылық қолайсыздықтың алдын алу.🏢Мекен-жайы: Абай қаласы, Абай көшесі 53-1Ақпарат көзі : https://www.gov.kz/memleket/entities/social-abay/press/news/details/1141151?lang=kk

Астана қаласы бойынша Қылмыстық-атқару жүйесі департаментінде 2025 жылдың қорытындысына арналған жиын өтті.Жиынға Қазақстан Республикасы Ішкі істер министрінің орынбасары – ҚАЖ комитетінің төрағасы, әділет полковнигі Абай Серікұлы Қайырбеков қатысып, баяндама жасады. Ол 2025 жылы атқарылған жедел-қызметтік жұмыстың негізгі нәтижелеріне жан-жақты тоқталып, қол жеткізілген көрсеткіштер мен өзекті мәселелерді атап өтті. Сондай-ақ алдағы кезеңге арналған басым бағыттар мен нақты міндеттер айқындалды.Алқа отырысы барысында ҚАЖ департаментінің басшылығы, мекемелердің бастықтары, сондай-ақ аудандық және қалалық Пробация қызметтері басшыларының есептері тыңдалды. Талдау нәтижесінде мекемелер мен пробация қызметінің жұмысында орын алған барлық кемшіліктер жан-жақты қаралып, олардың себептері талқыланды. Анықталған олқылықтарды жою бойынша нақты әрі өлшенетін тапсырмалар беріліп, әрбір басшының жеке жауапкершілігіне ерекше назар аударылды.Департамент бастығы, әділет полковнигі Рустан Серікұлы Ахметжанов жеке құрамды Ішкі істер министрлігінің алқа отырысында қаралған негізгі мәселелермен таныстырып, қабылданған шешімдер мен қойылған талаптарды жеткізді. Сонымен қатар, Мемлекет басшысының бастамасымен 2026 жылға айқындалған стратегиялық бағыттар аясында ҚАЖ жүйесінің алдына қойылатын міндеттер нақтыланып, тәртіп пен заңдылықты нығайту, қызмет сапасын арттыру бағытындағы жұмыстарды күшейту қажеттігі атап өтілді.Жиын қорытындысы бойынша барлық құрылымдық бөлімшелерге, мекемелер мен пробация қызметтеріне кемшіліктерді жоюға, қызмет тиімділігін арттыруға және белгіленген тапсырмаларды белгіленген мерзімде орындауға бағытталған нақты тапсырмалар жүктелді.Ақпарат көзі : https://www.gov.kz/memleket/entities/duisastana/press/news/details/1141155?lang=kk