Резидент емес тұлғаның қызметтері бойынша ЭСФ-ны өзіне-өзі жазып беру қажетРезидент емес тұлға үшін ҚҚС бойынша ЭСФ ҚҚС-ты бюджетке төлеген күннен кейін, бірақ осы төлем күні өткеннен соң 5 күнтізбелік күннен кешіктірмей, өз атына (өзіне-өзі) жазып беріледі.ҚҚС төлеуші резидент емес тұлға үшін төленген ҚҚС сомасын, жазып берілген ЭСФ негізінде, ЭСФ жазылған күн бойынша есепке жатқызуға құқылы.Бұл рәсім ҚҚС сомасын есепке жатқызу күнін нақты айқындауға мүмкіндік береді, салықтық әкімшілендіруді жеңілдетеді және камералдық бақылау хабарламаларының санын қысқартады.Резидент емес тұлға үшін ЭСФ-ны ИС ЭСФ порталында, сондай-ақ есепке алу жүйелері (мысалы, 1С) арқылы жазып беруге болады. «ЭСФ» журналында «ЭСФ құру» батырмасын басып, жеткізуші санаты ретінде «Нерезидент (жұмыстарды, қызметтерді жеткізуші)» таңдаңыз.Осы санатты таңдағаннан кейін сіздің деректеріңіз автоматты түрде «Алушы» бөліміне көшіріліп, тіркеу кезінде көрсетілген мәліметтерге сәйкес алдын ала толтырылады. Ал «Жеткізуші» бөлімі толтыру үшін ашылады — бұл бөлімде резидент емес тұлғаның деректерін енгізу қажет.Егер резидент емес тұлға ЕАЭО елінен болса, оның идентификаторын (ЖСН/БСН) қосымша көрсету керек.Ақпарат көзі : https://www.gov.kz/memleket/entities/kgd-kostanay/press/news/details/1141974?lang=kk

Алматы көпсалалы клиникалық ауруханасы (АККА) жоғары технологиялық медициналық көмек (ЖТМК) көрсететін өңірдегі жетекші медициналық ұйымдардың бірі ретіндегі мәртебесін нығайта түсуде. Заманауи жабдықтар, озық әдістерді енгізу және мамандардың жоғары кәсіби дайындығы бұрын тек республикалық және шетелдік клиникаларда ғана қолжетімді болған аса күрделі хирургиялық оталар орындауға мүмкіндік беріп отыр.Есепті кезеңде АККА-да хкардиохирургия, нейрохирургия, тамыр хирургиясы, травматология, ортопедия, урология және оториноларингология салаларында ондаған жоғары технологиялы операциялар жасалды. Барлық араласулар тегін медициналық көмектің кепілдендірілген көлемі және міндетті әлеуметтік медициналық сақтандыру жүйесі аясында жүзеге асырылды.Кардиохирургиялық бағыт ерекше орын алады. Ауруханада автоматты және бивентрикулярлы кардиовертер-дефибрилляторларды имплантациялау, жүрек қақпақшаларын ауыстыру және пластика жасау, сондай-ақ коронарлық және шеткері тамырларға эндоваскулярлық араласулар жүргізіледі. Бұл әдістер жүрек-қантамыр ауруларының ауыр түрлерімен ауыратын науқастарды тиімді емдеуге, мүгедектік пен өлім-жітім қаупін айтарлықтай төмендетуге мүмкіндік береді.АККА-ның нейрохирургиялық қызметі экстра-интракраниалдық шунттау, бас және мойын тамырларын эндоваскулярлық эмболизациялау, сондай-ақ заманауи бекітуші және транспедикулярлық жүйелерді қолдана отырып омыртқаға күрделі операциялар жүргізеді. Аз инвазивті технологияларды пайдалану науқастардың ауруханада болу мерзімін қысқартып, оңалту үдерісін жеделдетеді.Травматология және ортопедия саласында клиникада жамбас және тізе буындарын эндопротездеу операциялары жасалады. Бұл науқастардың қозғалыс белсенділігін қалпына келтіріп, өмір сапасын жақсартуға мүмкіндік береді. Урология бағыты жоғары технологиялы реконструктивті операциялармен ұсынылған, оның ішінде Политано–Летбеттераның модификацияланған әдісі бойынша қосымша антирефлюкстік механизмі бар уретероцистонеостомия бар.Ерлер бедеулігі кезінде жасалатын микрохирургиялық араласуларға, соның ішінде обструктивті азооспермия кезінде эпидидимовазостомияға, сондай-ақ науқастарға есту қабілетін қалпына келтіріп, толыққанды қарым-қатынас жасауға мүмкіндік беретін есту аппараттары мен кохлеарлық импланттарды орнату операцияларына ерекше назар аударылады.Мамандардың айтуынша, АККА-да ЖТМК-ның дамуы жүйелі мемлекеттік қолдаудың, материалдық-техникалық базаның жаңартылуының және медициналық персоналдың біліктілігін тұрақты арттырудың арқасында мүмкін болды.Алматы көпсалалы клиникалық ауруханасы алдағы уақытта да жоғары технологиялы медициналық қызметтер тізбесін кеңейтіп, өңір тұрғындарын заманауи, сапалы және уақтылы медициналық көмекпен қамтамасыз етуді жалғастырады.Ақпарат көзі : https://www.gov.kz/memleket/entities/almobl-densaulyk/press/news/details/1142004?lang=kk

Прага, 2025 жылғы 14 қаңтар – Прага Қамалында Қазақстан Республикасының Елшісі Қайрат Әбдірахманов Чех Республикасының Президенті Петр Павелге сенім грамоталарын тапсырды. Салтанатты рәсім аясында қазақ дипломаты мен чех мемлекет басшысы сұхбаттасып, екіжақты қатынастардың жоғары деңгейін растап, оларды одан әрі тереңдетуге өзара қызығушылықтарын білдірді.Тараптар сауда-экономикалық және инвестициялық ынтымақтастық үшін қолайлы жағдайлар қалыптастыру, сондай-ақ мәдени-гуманитарлық байланыстарды дамыту мәселелеріне ерекше назар аударды. Өңірлік және халықаралық күн тәртібіндегі өзекті мәселелер бойынша пікір алмасу барысында жаһандық қауіпсіздік пен тұрақтылықты нығайту мүддесінде Біріккен Ұлттар Ұйымы мен Еуропадағы қауіпсіздік және ынтымақтастық ұйымы аясындағы өзара іс-қимылдың маңыздылығы аталып өтті. Еуропалық одақ пен Орталық Азия арасындағы ынтымақтастықтың жоғары қарқыны қанағаттанушылықпен айтылды.Елші чех тарапының назарын Қазақстандағы жаңғырудың жаңа кезеңіне аударып, Президент Қасым-Жомарт Тоқаевтың «Turkistan» газетіне берген жаңа жылдық сұхбатында айқындалған орнықты экономикасы, тұрақты саяси жүйесі және қоғамдық игіліктерді әділ бөлу қағидаты бар құқықтық мемлекет құру басымдықтарын атап өтті. Чех кәсіпкерлері Қазақстандағы экономикалық өзгерістерге, әсіресе энергетика және коммуналдық шаруашылық салаларына ерекше қызығушылық танытып отыр. Себебі, чех компаниялары дәл осы салаларға қажетті, ресурсты үнемдейтін және экологиялық таза озық технологиялармен жабдықталған.Осы және өзге де өзара тиімді қазақ-чех ынтымақтастығының бағыттары бойынша биік және жоғары деңгейдегі кездесулерді әзірлеу мақсатында екі елдің үкіметтері, іскер және қоғамдық топтары желісі арқылы үйлестірілген жұмыс жалғастырылатын болады.Ақпарат көзі : https://www.gov.kz/memleket/entities/mfa/press/news/details/1142006?lang=kk

Премьер-министр Олжас Бектенов Алматы облысына жұмыс сапары барысында Президент белгілеген экономиканы әртараптандыру, өнеркәсіп өндірісі көлемін ұлғайту, терең өңдеу үлесін арттыру және экономиканың басым салаларына инвестициялар тарту жөніндегі мақсаттарға сай келетін бірқатар инвестициялық және өнеркәсіптік жобаның жүзеге асырылу барысымен танысты.Алматы облысының әкімі Марат Сұлтанғазиев 2025 жылдың қорытындысы бойынша өңірге 1,3 трлн теңге инвестиция тартылғанын, бір жылдағы өсім 29,4% болғанын баяндады. Экономиканың барлық салаларында 72 541 жұмыс орны құрылған, оның ішінде 58 528-і тұрақты жұмыс орны. Алматы облысы еліміздің негізгі индустриялық-логистикалық орталықтарының бірі ретінде өз ұстанымын дәйекті түрде нығайтып келеді. Мұнда көлік-логистикалық инфрақұрылымды дамыту өңірдің өңдеуші секторының өсуін ынталандыруда маңызды рөл атқарады.Сапар аясында Премьер-министр Қарасай ауданының Көкөзек ауылында орналасқан, шикізаттық емес секторды дамытумен айналысатын «Imagine Apple Logistics» ЖШС-нің логистикалық орталығын аралады. Жоба қойма, көлік және басқару процестерін біріктіруге, дистрибуциялық ағындарды шоғырландыруға, сондай-ақ, ішкі және аймақаралық нарықтар үшін тұрақты жеткізу тізбегін қалыптастыруға бағытталған. Оның аясында 50 млрд теңгеден астам инвестиция тарту және 1 мыңнан астам тұрақты жұмыс орнын ашу, сондай-ақ іргелес жол және әлеуметтік инфрақұрылымды дамыту қарастырылып отыр. Танысып шыққан соң Олжас Бектенов аталған логистикалық орталықты кеңейтуге және дамытуға жәрдемдесуді тапсырды. Өңірде логистикалық жобаларды жүзеге асыру нәтижесінде соңғы үш жылда қойма үй-жайларының жиынтық ауданы 17,5 есеге, яғни, 8,8 мың шаршы метрден 153,9 мың шаршы метрге дейін ұлғайды.Сондай-ақ, Үкімет басшысы Алматы облысында салынған, инвестиция көлемі 74 млрд теңге болатын KT&G компаниясының заманауи зауытының жұмысымен танысты. Өндірістің экспортқа бағдарлануына және Еуропа мен ТМД елдерінің нарықтарына шығу жоспарларына ерекше назар аударылды. 2025 жылдың қорытындысы бойынша кәсіпорын жергілікті бюджетке түсетін салық түсімдерінің шамамен 4%-ын қамтамасыз етті, бұл оның облыс бюджетінің кіріс бөлігін қалыптастырудағы елеулі үлесін көрсетеді.Өңірдің негізгі кәсіпорындарының қатарында тамақ өнімдерін өндіру бойынша жүйе құраушы болып саналатын «Маревен Фуд Тянь-Шань» компаниясы бар. Кәсіпорынның қазіргі таңдағы қуаттылығы жылына 160 мың тонна дайын өнімді құрайды, экспорт көлемі – 20 мың тоннадан асады. Жалпы, 2025 жылы өндірісті жаңғыртуға 35 млрд теңге инвестицияланды, 700-ге жуық жұмыс орны ашылды, бұл ретте қызметкерлердің 95%-ы жергілікті тұрғындар. 2026 жылы компания жаңа өндірістік желіге қосымша 4,5 млрд теңге салуды жоспарлап отыр. Бұл өндірістік қуатты 170 мың тоннаға дейін, ал қызметкерлер санын 780 адамға дейін арттыруға мүмкіндік береді. Ал жалпы 2030 жылға дейін «Маревен Фуд Тянь-Шань» ЖШС өндірісті кеңейтуге тағы 21 млрд теңге инвестиция салуға ниетті. Нәтижесінде 1 мыңға дейін жұмыс орнын ашу жоспарлануда, бұл жергілікті экономиканың дамуына және өңірдің азық-түлік қауіпсіздігін нығайтуға ықпал ететін болады.Сапар барысында агроөңдеуді дамытуға көңіл бөлінді. Премьер-министр «Қапшағай бидай өнімдері» зауытының базасында агроөнеркәсіптік кластердің қызметімен танысты, онда жаңғырту нәтижесінде ұн, өсімдік майы және мал азығын өндіру бойынша 1 млн тоннадан астам қуаттылық қалыптасты. Инвестиция көлемі 12 млрд теңгені құрады. Кәсіпорын тек жергілікті шикізат базасын пайдаланады және экспортқа бағдарланған: бір жарым айда шамамен 110 мың тонна өнім өндірілді, оның 98%-ы ҚХР нарығына, өнімдер ҚХР нарығына, Оңтүстік-Шығыс Азия елдеріне жеткізілді, өткен жылы алғаш рет қазақстандық астықты Вьетнамға жөнелту жүзеге асырылды. Ендігі жоспар – өндірістік қуатты екі есеге арттыру.Жобаны жүзеге асыру Алматы облысының экспорттық әлеуетін дамытуға елеулі үлес қосып, астық экспортының көлемін 10%-дан астам ұлғайтуға мүмкіндік берді.Кәсіпорындарды аралау қорытындысында Премьер-министр қайта өңдеу өндірістерін, логистиканы және қосылған құны жоғары өнім экспортын дамытудың басымдығын атап өтті, сондай-ақ салалық мемлекеттік органдар мен облыс әкімдігіне тұрақты жұмыс істеу және кәсіпорындарды одан әрі кеңейту үшін қажетті жағдайларды қамтамасыз етуді тапсырды.Жалпы алғанда, экспортқа бағдарланған кәсіпорындардың өндірістік қуаттарын дамыту және арттыру өңдеу өнеркәсібінің экспортын ұлғайтуға ықпал етеді, тек 2025 жылдың 8 айында оның көлемі $618,5 млн-ды құрады, бұл өткен жылдың сәйкес кезеңімен салыстырғанда 28,5%-ға артық,  осылайша экспорттың жалпы көлеміндегі өңделген тауарлардың үлесі шамамен 90%-ға жетіп отыр.«Біздің мақсатымыз – қосылған құны жоғары өнім шығару. Сондықтан кәсіпорындарға өсуі үшін тұрақты және болжамды жағдайларды қамтамасыз ете отырып, қайта өңдеуді, логистиканы және экспортты дәйекті түрде дамыту маңызды», — деп атап өтті Олжас Бектенов. primeminister.kzАқпарат көзі : https://www.gov.kz/memleket/entities/almobl/press/news/details/1141937?lang=kk

Премьер-министр Олжас Бектенов Алматы облысына жұмыс сапары аясында Мемлекет басшысының «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына Жолдауында Алатау қаласының базасында инвестицияларды, технологияларды және іскерлік белсенділікті тартудың жаңа полюсін қалыптастыру бойынша қойған міндеттерін жүзеге асыру барысымен танысты.Ұлттық экономика вице-министрі Бауыржан Омарбеков пен Алматы облысы әкімінің орынбасары Рустам Исатаев Премьер-министрді Алатау қаласының аумағындағы инвестициялық жобалардың жүзеге асырылу барысы, қала құрылысы мен инфрақұрылымдық жобаларды жүзеге асыруға дайындық туралы, сондай-ақ өңірді электр энергиясымен қамтамасыз ету, оның ішінде қажеттіліктерді ескере отырып жаңа өндірістерді іске қосу бойынша хабардар етті.ҰЭМ деректері бойынша бүгінгі таңда Алатаудың Бас жоспарына түзету енгізілді, инженерлік желілердің салалық схемалары, егжей-тегжейлі жоспарлау жобалары және инфрақұрылымдық дамудың Жол картасы бекітілді.Жол картасының бірінші кезеңі 365,1 млрд теңге сомасына 21 жобаны жүзеге асыруды көздейді. 2026-2027 жылдары қосалқы стансаларды, су жинау торабын және газ құбырларымен қатар, инженерлік инфрақұрылымның қолданыстағы нысандарын реконструкциялау мен жаңа объектілер салу жоспарланған. 2028-2030 жылдардағы екінші кезең 312,5 млрд теңгеге 9 жобаны қамтиды, оның ішінде екі қосалқы станса, автоматтандырылған газ тарату стансасы бар газ құбыры, кәріз тазарту және 49 шақырым автомобиль жолдарының құрылысы қамтылады.Тұтастай алғанда, 2050 жылға дейін инвестициялардың жалпы көлемі 10,4 трлн теңге деңгейінде инфрақұрылымдық жобалар пулы қалыптастырылды, оның 3,1 трлн теңгесін 2030 жылға дейін жүзеге асыру жоспарланып отыр. Инфрақұрылымды дамыту бюджет қаражаты есебінен ғана емес, сонымен қатар жеке инвестициялар мен EPC-келісімшарттарды тарта отырып қамтамасыз етіледі.Сондай-ақ тартылатын инвестициялар туралы ақпарат ұсынылады. Бүгінде жалпы құны 1,5 трлн теңге болатын 32 инвестициялық жоба қалыптастырылды. Аталған жобалардың 20-сы белсенді жүзеге асыру сатысында, оның 8-і – логистика, 6-уы – құрылыс және өнеркәсіп, 3-уі – туризм, 3-уі – тамақ өнеркәсібі саласында. Бұл жобаларды жүзеге асыру шамамен 1,2 трлн теңге инвестиция тартуға және 22 мыңнан астам жұмыс орнын ашуға мүмкіндік беретіні атап өтілді.Тамақ өнеркәсібі саласында Олжас Бектенов инвестицияларының жалпы көлемі шамамен $360 млн болатын PepsiCo Central Asia ауқымды жобасы бойынша жұмыстардың қарқынымен танысты. Жоба екі кезеңмен жүзеге асырылуда және қосылған құнның жаңа тізбегін қалыптастыруға, агроөнеркәсіптік кооперацияны дамытуға, ауыл шаруашылығы өнімдерін сақтау мен өңдеудің заманауи технологияларын енгізуге бағытталған. 900-ге дейін жұмыс орнын құру жоспарлануда, кәсіпорынның өндірістік қуаты 21 мың тоннаны құрайды.Премьер-министр Алатау қаласында «Mars Petcare Kazakhstan» ЖШС-нің үй жануарларына арналған дайын азық өндіру зауытына барды. Өндірістерді локализациялау және қайта өңдеу өнеркәсібін дамыту саясаты шеңберінде жүзеге асырылып жатқан жоба жылдың ортасында басталады.Iconic Towers зәкірлік жобасына арнайы назар аударылды. Оны салу туралы келісімге 2025 жылдың қыркүйегінде Мемлекет басшысының Қытайға мемлекеттік сапары аясында қол қойылған болатын. Инвестиция көлемі $800 млн-нан асады. Архитектуралық тұжырымдаманы әзірлеу үшін америкалық SOM компаниясы тартылды. Кешеннің жалпы ауданы 276,8 мың шаршы метрді құрайды және оған екі мұнара, кеңселер, пәтерлер, қонақ үй мен сауда орындары кіреді. Жобалық-сметалық құжаттаманы әзірлеуді 2027 жылдың сәуіріне дейін аяқтау жоспарлануда, құрылыс жұмыстарын биылғы мамыр айынан бастап, 2029 жылдың соңына дейін аяқтау жоспарлануда.Алатау қаласының жобаларын жүзеге асыруға байланысты, Алматы облысында электр энергиясын орташа тұтыну көлемі өсуде: қазір ол 750-800 МВт-ты құрайды. Бұл ретте 2030 жылға қарай болжамды өсім 2 064 МВт, 2050 жылға қарай – 4 164 МВт болуы мүмкін деп бағаланып отыр. Қолданыстағы қуат көздерінің тапшылығы қосалқы стансалар құрылысы мен реконструкциясын талап етіп отыр. Үкімет қазірдің өзінде 15 қосалқы станса салу туралы шешім қабылдады, бұл жаңа трансформаторлық қуат көлемін іске қосуға және инвесторларды электр энергиясымен қамтамасыз етуге мүмкіндік береді.Алатау қаласы бойынша бекітілген Жол картасы аясында шамамен құны 162 млрд теңге болатын тағы 11 қосалқы станса салу және реконструкциялау көзделгені атап өтілді, бұл – қаланың тұрақты дамуы мен инвестициялық жобаларды жүзеге асырудың негізгі шарты.«Инфрақұрылым әрқашан озық қарқынмен дамуы керек, бірақ біз сәл кешігіп келеміз. Жалпы мұндай мәселе еліміз бойынша бар. Қазір Президент бұған үлкен көңіл бөлуде. Мемлекет басшысының тапсырмасы бойынша Үкімет қажетті қаражат бөліп жатыр. Біз мемлекеттік қаржыны тұрақтандыру үшін салық реформасын жүргіздік. Бұл қаражат бізге инфрақұрылымға салу үшін қажет. Бұл ақша ешқайда кетпейді, тікелей экономикаға салынады. Егер мемлекет инфрақұрылымға инвестиция салса, онда инвесторлардың сенімі артып, келе бастайды. Даму осыдан басталады. Басқа жол жоқ. Сондықтан, біз инвестиция саламыз және осы жылдан бастап бюджеттің мүмкіндіктері басқаша болады. Бірге жұмыс істейтін боламыз», — деді Олжас Бектенов.Үкімет барлық қолдау шараларын көрсетіп жатыр. Қазіргі уақытта қала арнайы мәртебеге және қосымша институционалдық жағдайларға ие. Олжас Бектенов жергілікті атқарушы органдардың назарын қаланы дамыту жөніндегі жұмысты күшейту қажеттігіне аударды. Президент белгілеген міндеттер шеңберінде Алатау бүгінде іскерлік белсенділік пен инновацияның жаңа орталығы ретінде қалыптасуда, сондықтан қаланың сәулеті адам игілігіне бағытталған және бизнес үшін ыңғайлы болуы тиіс.Осыған байланысты Alatau City Authority Қоры мен Алматы облысының әкімдігіне инженерлік және әлеуметтік инфрақұрылымды дамыту, инвестициялар тарту, индустриялық, логистикалық және инновациялық жобаларды жүзеге асыру үшін қолайлы жағдайлар жасау мәселелерін қарастыра отырып, қаланы дамыту бойынша мемлекеттік қолдаудың жан-жақты шараларын қабылдау тапсырылды.Ақпарат көзі : https://www.gov.kz/memleket/entities/almobl/press/news/details/1141917?lang=kk

Государство обновило правила жилищной помощи:Как получить жилищную помощь в 2026 году:Жилищная помощь предоставляется малообеспеченным гражданам и семьям, у которых низкий совокупный доход, а расходы на жилье, коммунальные услуги и аренду жилья (если оно получено из государственного жилищного фонда) превышают установленный в регионе порог.Жилпомощь могут получить граждане, которые живут в своем единственном жилье, либо арендуют из государственного жилищного фонда.Кто считается малообеспеченным?Малообеспеченной считается семья, проживающая в одном жилье, у которой доля предельно допустимых расходов, установленная маслихатами  Ключевые условия получения помощи:Регистрация и проживание: помощь предоставляется только по месту постоянной регистрации и фактического проживания.Единственное жилье: помощь дается только на одно жилое помещение. Граждане должны проживать в своем единственном жилье либо арендовать его из государственного жилищного фонда.Учет доходов: Доход семьи считается за квартал, предшествующий кварталу обращения. Учитываются все виды доходов: зарплата, пособия, алименты, доход от бизнеса, аренды, ценных бумаг, дарения и т.п., за исключением указанных в Правилах предоставления жилищной помощи (приказ Министра промышленности и строительства Республики Казахстан от 8 декабря 2023 года № 117).Период назначения: Жилищная помощь назначается на квартал (3 месяца). После этого периода необходимо снова подать заявление и подтвердить доходы и расходы.Кому компенсируют коммунальные услуги? Новые нормы и порядок назначенияЖилищная помощь компенсирует малообеспеченным гражданам часть расходов по следующим категориям:коммунальные услуги: вода, свет, отопление, газоснабжения;содержание жилья и капитальный ремонт;услуги связи (например, абонентская плата за телефон);арендная плата за жилье, полученное из государственного жилищного фонда.Важно знать, что:    помощь предоставляется только на одно жилое помещение;    помощь не распространяется на расходы по аренде жилья у частного лица;    помощь не покрывает сверхнормативное потребление коммунальных услуг;    помощь не покрывает потребление, превышающее установленные нормы площади жилья;    при сокрытии доходов помощь могут отменить и потребовать вернуть.Как теперь считают жилпомощь:единые лимиты и 18 квадратных метров на человека,для одиноко проживающего не более 30 квадратных метров.Расчет жилищной помощи основан на сравнении фактических расходов семьи с установленным в регионе лимитом допустимой доли расходов.Формула расчета: Жилищная помощь = Фактические расходы (за коммунальные платежи, содержание жилья и придомовой территории, капитальный ремонт, плата за аренду и т. д.) – Предельно допустимый уровень расходов.Подача заявления может быть осуществлена двумя способами:Через портал eGov.kz (услуга называется «Назначение жилищной помощи»).Лично в Центре обслуживания населения (ЦОН) по месту жительства.Срок рассмотрения заявления 6 рабочих дней.Для оформления жилищной необходимы:удостоверение личности;документы, подтверждающие доходы семьи за предыдущий квартал перед обращением;счета за коммунальные услуги за предыдущий квартал (отопление, вода, свет, газ и другие), а также на содержание жилья и капитальный ремонт;квитанции или договор на услуги связи (телефон и др.);если жилье арендуется из госфонда – документ, подтверждающий аренду, с указанным размером платежа;номер банковского счета (IBAN).Ақпарат көзі : https://www.gov.kz/memleket/entities/social-abay/press/news/details/1141886?lang=kk

Мемлекеттік тіркеу нөмірлік белгісін онлайн алу қызметі 2026 жылғы 8 қаңтарда eGov.kz порталы мен eGov Mobile мобильді қосымшасы арқылы пилоттық режимде іске қосылды. Алғашқы екі күнде 113 мыңнан астам өтініш берілген болса, 15 қаңтарға қарай олардың жалпы саны 226 мыңнан асты.Қызметтің танымалдығы онлайн өтініш берудің ыңғайлылығын көрсетеді. Алайда кейбір жағдайларда төлем жасағаннан кейін пайдаланушылар таңдалған нөмірдің әлі де қолжетімді екенін көре алады. Көбінесе бұл өтініштің соңғы қадамында толық аяқталмағанымен байланысты.Мұндай жағдайда өтінішті қайта тапсырып, үшінші қадамда «Бұрын төленген» опциясын таңдап, банк пен төлем күнін көрсету қажет. Процедура аяқталған соң нөмір пайдаланушыға бекітіліп, басқа өтініш берушілерге қолжетімсіз болады.Егер пайдаланушы мемлекеттік тіркеу нөмірлік белгісін алудан бас тартса, ол ақшаны қайтару қызметін пайдалана алады. Ақшаны қайтару тәртібі туралы толық нұсқаулық eGov.kz әлеуметтік желілерінде қосымша жарияланатын болады.«Ұлттық ақпараттық технологиялар» АҚ командасы пайдаланушы тәжірибесі мен жоғары жүктемені ескере отырып, сервисті жетілдіру бойынша жұмысты жалғастыруда. Барлық берілген өтініштер өңделетін болады.Цифрлық мемлекеттік қызметтерді пайдаланғандарыңызға және түсіністік көрсеткендеріңізге алғыс білдіреміз.Ақпарат көзі : https://www.gov.kz/memleket/entities/aqmola-selinograd/press/news/details/1141850?lang=kk

Қазақстан Қарулы Күштерінде мерзімді әскери қызметшілер мен олардың отбасыларына арналған кері байланыс жүйесі жолға қойылған. Жасанды интеллектке негізделген AiSulu Telegram-боты мен Armykz сервисі арқылы Қорғаныс министрлігіне 11 700-ден астам өтініш түсті. Әскери бөлімдердің бақылау-өткізу пункттерінде орналастырылған «Ашық армия» QR-кодтары кері байланыс формаларына жедел өтуге және Telegram арқылы, соның ішінде анонимді түрде хабарлама жіберуге мүмкіндік береді. Барлық өтініштерді Қорғаныс министрлігінің тәрбие және идеологиялық жұмыс департаменті талдайды.Armykz платформасында әскери қызмет мәселелері бойынша кеңес беретін жасанды интеллект негізіндегі кеңесші жұмыс істейді. 2025 жылдан бері ол 11 000-нан астам сауалға жауап берді. Сонымен қатар бөлімшелерде қолбасшылықтың, әскери прокуратураның және әскери полицияның байланыс нөмірлері орналастырылған.«Біздің мақсатымыз – мәселе ушығып кетпей тұрып, сарбаздың үнін есту. Әрбір өтініш – міндетті түрде жауап беруді талап ететін сигнал», – деді Қорғаныс министрлігі тәрбие және идеологиялық жұмыс департаменті психология және әскери-әлеуметтік жұмыс басқармасының бастығы подполковник Арман Қалышев.AiSulu Telegram-боты іске қосылғалы бері әскери қызметшілер мен олардың жақындарынан 700-ден астам өтініш қабылдады. Сондай-ақ сарбаздар демалыс және мереке күндері «Отбасымен бейнеқоңырау» арқылы жақындарымен байланыс орната алады. Әрбір әскери бөлімде бөлімше командирлері сарбаздар ата-аналарына арналған WhatsApp чаттарын құрып, қызмет барысы туралы ақпарат беріп, сұрақтарға жауап береді.Қазіргі заманғы байланыс құралдары әскери қызметшілердің моральдық-психологиялық жағдайын нығайтуға, жанжалдардың алдын алуға және командирлер, сарбаздар мен ата-аналар арасындағы сенімді арттыруға мүмкіндік береді.Ақпарат көзі : https://www.gov.kz/memleket/entities/mod/press/news/details/1141692?lang=kk

 Кәсіпкерлік, энергетика және коммуналдық шаруашылығы, жолаушылар көлігі және автомобильдік жолдары облыстық басқармаларында Қазақстан Республикасының заңнамасы және Қазақстан Республикасы мемлекеттік қызметшілерінің Әдеп кодексі нормаларын сақтау, мемлекеттік мекемелерде құқық бұзушылықтар мен тәртіптік теріс қылықтардын алдын алу тақырыбында әдеп жөніндегі уәкіл Қ. Сюндиковтің қатысуымен семинар-кеңестер өтті.2025-2027 жылдарға арналған «Адал азамат» идеалдарына сәйкес мемлекеттік қызметшілердің кәсіби және жеке қасиеттерін ілгерілету жөніндегі жол картасын, Қазақстан Республикасында заңсыз ойын бизнесі мен лудоманияға қарсы іс-қимыл жөніндегі 2024 – 2026 жылдарға арналған кешенді жоспарды, Қоғамда заң мен тәртіп идеологиясын ілгерілету жөніндегі 2025 – 2030 жылдарға арналған тұжырымдамасын іске асыру,  зайырлы мемлекет қағидаттарын сақтау, мемлекеттік қызметшілердің деструктивті діни ағымдардың қызметіне араласуын алдын алу бойынша мемлекеттік мекемелерінде жұмысты ұйымдастыру мәселері талқыланды.Қ.Сюндиков мемлекеттік мүлік, соның ішінде бағынысты мекемелердің қызметтік көлікке бақылауды ұйымдастыру  (GPS-жүйесі, қызметтік көлікті пайдалану регламенті, және т.б.) мәселесіне назар аударды.Күн тәртібінде сыбайлас жемқорлыққа қарсы мәдениетті қалыптастыру (СЖТІТ - ВАКР), мемлекеттік қызметтегі ескертпелер мен ұсынымдарды сақтау, құқықтық оқуды ұйымдастыру, азаматтық қоғам институттарымен өзара әрекеттесу және волонтерлік бастамаларды дамыту мәселері қаралды.Мемлекеттік мекемелердің ұжымдары 2025 жылғы анонимдік сауалнаманың нәтижелері туралы ақпарат алды. Қ. Сюндиков «Қостанай облысы әкімі аппараты» ММәдеп жөніндегі уәкіліАқпарат көзі : https://www.gov.kz/memleket/entities/kostanay/press/news/details/1141733?lang=kk

2026 жылы не өзгерді? «БЖЗҚ туралы өзекті сауалдар» 1) 2026 жылы БЖЗҚ-данберілетін зейнетақы төлемдерінің мөлшері қалай өзгерді? 2026 жылғы 1 қаңтардан бастап Бірыңғай жинақтаушы зейнетақы қорынан (БЖЗҚ) төленетін зейнетақы төлемдері зейнетақы төлемдерін бұрыннан алып жүрген зейнеткерлер үшін 5 пайызға ұлғаяды.Естеріңізге сала кетейік, БЖЗҚ-дан берілетін зейнетақы төлемдерінің мөлшерін есептеу Қазақстан Республикасы Үкіметінің 2023 жылғы 30 маусымдағы қаулысымен бекітілген Зейнетақы төлемдерінің мөлшерін есептеу әдістемесіне сәйкес жүзеге асырылады. Аталған әдістемеге сәйкес, зейнетақы төлемдерін алғаш рет ала бастайтын азаматтар үшін ай сайынғы төлем мынадай тәртіппен есептеледі: зейнетақы жинақтарының сомасы зейнетақы жинақтарын төлеу мөлшерлемесі — 6,5 пайызға көбейтіліп, 12 айға бөлінеді. Кейінгі жылдары ай сайынғы төлем мөлшері зейнетақы төлемдерін индекстеу мөлшерлемесіне сәйкес 5 пайызға арттырылып отырады. Бұл ретте БЖЗҚ-дан жүзеге асырылатын ай сайынғы зейнетақы төлемінің ең төменгі мөлшері республикалық бюджет туралы заңмен тиісті қаржы жылына белгіленген ең төменгі күнкөріс деңгейінің (ЕТК) кемінде 70 пайызына тең. 2026 жылғы ең төменгі күнкөріс деңгейі - 50 851 теңге.Әдістемеде төменде көрсетілген санаттарға жататын азаматтар үшін зейнетақы төлемдерінің мөлшерін есептеу кезінде қолдануға болатын арттырушы түзету коэффициенттері көзделген:мерзімсіз уақытқа белгіленген I немесе II топтағы мүгедектігі бар адамдар;міндетті кәсіптік зейнетақы жарналары жиынтығында кемінде 60 ай төленген және зейнеткерлік жасқа жеткен адамдар. Егер азамат жоғарыда көрсетілген екі талапқа бірдей сәйкес келсе, ең жоғары мәнге ие түзету коэффициенті қолданылады.БЖЗҚ-дан берілетін төлемдер жеке зейнетақы шотындағы қаражат толық таусылғанға дейін жүзеге асырылады. 2) 2026 жылы жұмыс берушінің міндетті зейнетақы жарнасының (ЖМЗЖ) мөлшерлемесі қандай? 2026 жылғы 1 қаңтардан бастап жұмыс берушінің міндетті зейнетақы жарнасының (ЖМЗЖ) мөлшерлемесі қызметкер табысының 3,5%-ына дейін ұлғайтылды (ЖМЗЖ мөлшерлемесі кезең-кезеңімен өсіп келеді:2024 жылы – 1,5%,2025 жылы – 2,5%,          2026жылы– 3,5%,2027 жылы – 4,5%,2028 жылы – 5%).Еске саламыз, 2024 жылғы 1 қаңтардан бастап Қазақстанның жинақтаушы зейнетақы жүйесі жаңа құрамдас бөлік – жұмысберушінің міндетті зейнетақы жарналарымен (ЖМЗЖ) толықтырылды. Қабылданған өзгерістерге сәйкес, әрбір жұмыс беруші қызметкер табысынан ұсталатын міндетті 10% зейнетақы жарналарынан бөлек, өз қаражаты есебінен 1975 жылғы 1 қаңтардан кейін туған қызметкерлерінің пайдасына қосымша жарналар аударуға міндетті.ЖМЗЖ есептелетін табыс сомасыең төменгі жалақы мөлшерінен (ЕТЖМ) кем болмауы және тиісті жылға белгіленген 50 еселенген ЕТЖМ-нан аспауы тиіс.Жұмыс беруші зейнет жасындағы адамдар, I және II топтағы мерзімсіз мүгедектігі бар тұлғалар, әскери қызметшілер, сондай-ақ 1975 жылғы 1 қаңтарға дейін туған азаматтар үшін ЖМЗЖ төлеуден босатылады. 3) «Арнаулы салық режимі» (АСР) дегеніміз не?2026 жылғы 1 қаңтардан бастап Қазақстан Республикасында жаңа Салық кодексінің күшіне еніп, ҚР Әлеуметтік кодексіне өзгерістер енгізілуіне байланысты жаңартылған арнаулы салық режимдері (АСР) енгізілді:өзін-өзі жұмыспен қамтығандарға арналған АСР, оңайлатылған декларация негізіндегі АСР, сондай-ақ шаруа немесе фермер қожалықтарына (ШФҚ) арналған АСР.Бұл режимдер өзін-өзі жұмыспен қамтыған азаматтардың тек салықтарды ғана емес, сондай-ақ міндетті зейнетақы жарналарын төлеу тәртібін де реттейді. 4) Жаңартылған арнаулы салық режимдері (АСР) қандай мақсатпен енгізілді? Өзін-өзі жұмыспен қамтығандарға арналғанАСР, оңайлатылған декларация негізіндегі АСР және ШФҚ-ға арналған АСР енгізу келесі мақсаттарға бағытталған:өзін-өзі жұмыспен қамтығандар мен шағын бизнесті белсенді тарту арқылы зейнетақы және әлеуметтік жүйемен қамтуды кеңейту;Қазақстанның миллиондаған азаматтары үшін бизнесті жүргізуді жеңілдету;мобильді қосымшалар мен онлайн-платформалар арқылы салықтық әкімшілендіруді одан әрі цифрландыру.Бұл жаңашылдықтар зейнетақы жинақтарын қалыптастыруға, еңбек ететін азаматтардың әлеуметтік қорғалуын қамтамасыз етуге және «көлеңкелі экономиканың» азаюына ықпал етеді. 5) Қандай арнаулы салық режимдері (АСР) енгізілді?  Өзін-өзі жұмыспен қамтығандарға арналған АСР (интернет-платформалар арқылы қызмет көрсететіндерді қоса алғанда)2026 жылдан бастап енгізілген бұл АСР жалдамалы қызметкерлердің еңбегін пайдаланбайтын және жеке кәсіпкер ретінде тіркелмеген жеке тұлғаларға (Қазақстан азаматтары мен қандастарға) арналған. Режим Үкімет бекітетін қызмет түрлерінің шектеулі тізбесіне қолданылады.Айлық табыс мөлшері тиісті қаржы жылының 1 қаңтарында қолданыста болған 300 еселенген АЕК-тен, ал жылдық табыс 3 600 АЕК-тен аспауы тиіс.Осы режимді қолданатын өзін-өзі жұмыспен қамтығандар алынған табыстарынан міндетті зейнетақы жарналарын (МЗЖ), жұмыс берушінің міндетті зейнетақы жарналарын (ЖМЗЖ)өз бетінше төлейді.Мөлшерлемесі:МЗЖ – табыстың 1%;ЖМЗЖ – табыстың 1%.Өзін-өзі жұмыспен қамтығандар АСР-ны арнайы мобильді қосымшаны пайдалана отырып, оның чектері және өзге көздерден алынған кірістер туралы басқа да мәліметтер негізінде қолданатын болады. Өзін-өзі жұмыспен қамтығандарға арналған АСР-да жалпыға ортақ пайдаланылатын телекоммуникациялар желісі жоқ орындардағы кірістерді есепке алу өздері әзірлеген қарапайым нысанда, операциялардың күнін, атауын, әрбір операция нәтижесінде алынған сомаларды, әрбір күн үшін, бір айдағы қорытынды соманы көрсете отырып жүргізіледі.Қызметін интернет-платформаларды және (немесе) платформалық жұмыспен қамтудың мобильді қосымшаларын пайдалану арқылы жүзеге асыратын өзін-өзі жұмыспен қамтығандарға арналған АСР-да МЗЖ мен ЖМЗЖ-ныинтернет-платформа операторы ұстап, аударады.  Оңайлатылған декларация негізіндегі АСРҚР Салық кодексінің 723бабының 2-тармағында көрсетілген салық төлеушілерді (басқа заңды тұлғалардың қатысу үлесі 25 пайыздан асатын заңды тұлғаларды, коммерциялық емес ұйымдарды, арнайы экономикалық және индустриялық аймақтарға қатысушыларды және т.б.) қоспағанда, жеңілдетілген декларация негізіндегі АСР-ны ЖК мен Қазақстан Республикасының резидент заңды тұлғалары қолдануға құқылы.Жеңілдетілген декларация негізіндегі АСР-ны төмендегі шарттарға сәйкес келетін тұлғалар қолдануға құқылы:- күнтізбелік жылдағы шекті кірісі тиісті қаржы жылының 1 қаңтарында қолданыста болған АЕК-тің 600 000 еселенген мөлшерінен аспайтын;- ҚР Үкіметі айқындаған, оған қатысты жеңілдетілген декларация негізіндегіАСР қолдануға тыйым салынған тізбеге енгізілмеген қызмет түрлерін жүзеге асыратын тұлғалар. Жеңілдетілген декларация негізіндегі АСР үшін зейнетақы жарналарының мөлшерлемелері стандартты:МЗЖ–табыстың10%,ЖМЗЖ –2026жылы табыстың 3,5%, жыл сайын біртіндеп ұлғайтылып, 2028 жылы 5% - ға дейін көтеріледі.  Шаруа немесе фермер қожалықтарына арналған АСРҚазақстан аумағында жеке меншік және (немесе) жер пайдалану құқықтарына ие (қосалқы жер пайдаланушы құқығын қоса алғанда) жер учаскелері бар шаруа немесе фермер қожалықтары ШФҚ-ларға арналған АСР қолдануға құқылы.Шаруа немесе фермер қожалықтары үшін таңдалған АСРбір күнтізбелік жыл ішінде өзгертілмейді. Оны шаруа қожалығының қызметі қолдану шарттарына сәйкестігін жоғалтқан жағдайларда ғана өзгертуге болады.ШФҚ арналған АСР зейнетақы жарналарының мөлшерлемелері:МЗЖ–табыстың10%,ЖМЗЖ –2026жылы табыстың 3,5%, жыл сайын біртіндеп ұлғайтылып, 2028 жылы 5% - ға дейін көтеріледі.Оңайлатылған декларация негізіндегі АСР, өзін-өзі жұмыспен қамтығандар үшін АСР, сондай-ақ шаруа немесе фермер қожалықтары (ШФҚ) үшін АСРшеңберінде МЗЖ, ЖМЗЖ төлеу табыс алынған айдан кейінгі айдың 25-күнінен кешіктірілмей жүзеге асырылады.Ақпарат көзі : https://www.gov.kz/memleket/entities/kostanai-karabalyk-togyzak/press/news/details/1148703?lang=kk

"Бір ауыл – бір өнім" жобасы (БАБӨ) жергілікті өнім өндірушілерді қолдау бағыты бойынша іске асырылады. Ол кеңес беру, көрме ұйымдастыру, перспективалық өнімдерді іріктеу, бренд әзірлеу, оқыту мен маркетинг секілді қаржысыз қолдауды көздейді.2025 жылы БАБӨ шеңберінде 1058 кеңес беріліп, 20 өңірлік көрме өткізілген. Оған 821 өндіруші қатысты. 20 өңірлік бренд-комитет отырысы қорытындысы бойынша 200 өнім түрі іріктеліп, жобаның 60 жеңімпазы анықталды.2025 жылғы басты оқиғаның бірі 21-23 наурызда Астанада өткізілген "Наурыз базары" халықаралық жәрмеңкесі. Оған 14 өңірден 2023-2024 жылдардағы БАБӨ 24 финалисі қатысты. Өндірушілер бал, сүт өнімін, гастрономиялық ет, тәттілер мен сусын сияқты шамамен 2 тонна өнім ұсынды. Бұл халықтың жергілікті өнімге деген зор қызығушылығын көрсетеді.2025 жылғы наурызда Жапонияның халықаралық ынтымақтастық агенттігінің (JICA) қолдауымен жергілікті өнім өндірушілердің өнімі Токиодағы FOODEX JAPAN 2025 халықаралық көрмесінде ұсынылды. Көрмеге Қызылорда, Шығыс Қазақстан, Солтүстік Қазақстан облыстарының өндірушілері қатысты. Көрмеде Қызылорда облысынан келген жантақ балы "Жапонияның үздік балы" беделді байқауына қатысуға шақыру алса, Алтай шөп шайы шетелдіктердің көзайымына айналды.  Көрмеге әлемнің 75 елінен өндіруші келген. Жаһандық аренада қазақстандық өнім жоғары деңгей көрсетті.Жобаның финалистері 2025 жылғы қыркүйекте Франциядағы Mondial du Fromage - 2025 байқауында ешкі және түйе сүтінен жасалған ірімшік пен сүт өнімі, сондай-ақ ұлттық өнімдер үшін алтын және қола медальға ие болды.Маңызды инфрақұрылымдық қадам 2025 жылғы 8 қазанда Алматыда Орталық Азиядағы тұңғыш тұрақты халықаралық сауда нүктесі - NOMAD Bazaar-дың ашылуы болды. Көк базарда орналасқан алаң сату, логистик, маркетинг пен бухгалтерлік есепті орталықтан сүйемелдей отырып, Қазақстан мен аймақтағы елдердің БАБӨ өнімін сатудың тұрақты арнасына айналды.БАБӨ ұлттық жобасының қатысушылары мен жеңімпаздарының өнімі нарықты сенімді түрде жаулап алуда. Бұл өнімдерді елдегі барлық тұрғын сатып ала алады. Қазақстандық қолөнер иелері мен түрлі өңірдің өндірушілері жасаған тауарлар Қазақстанның басты сауда желілерінде ұсынылған. Мәселен, Marwin желісінде Атырау облысы жеңімпазының қазақ өнерінің үздік үлгісінің бірі домбыра, сондай-ақ Қызылорда облысының өндірушісі жасаған түйе сүтінен жасалған косметикалық өнім бар. Алматыдан келген қатысушының кәдесыйы да осы желінің дүкен сөрелерінен табылады. Солтүстік Қазақстан облысының өндірушілері Galmart желісінде табиғи, ешкі ірімшігін ұсынса, Астаналық өнім – табиғи пастила – "ВкусМаркет"желісінде сатылады.Жылдың соңғы шымылдығын 2025 жылғы 12-13 қарашада Астанада 18 өңірден 48 финалисттің қатысуымен өткізілген республикалық БАБӨ көрмесі жапты. Көрмедегі жиынтық түсім — 8 226 168 теңге.Жалпы, 2025 жылы жоба шеңберінде 53 жаңа бизнес субъектісі құрылып, 131 кәсіпкер қызметін кеңейткен. 410 сату нүктесі, 236 жұмыс орны құрылды. Кредит пен грант түріндегі қаржылық қолдауды жалпы сомасы 593 935 600 теңгеге 93 қатысушы алды.2025 жылғы БАБӨ 60 финалистінің 44 қатысушысы 5 млн теңгеге грант алуға өтінім берсе, оның ішінде 39 финалист 191 312 000 теңге сомасына қолдау алды. Бұл финалистердің жалпы санының 65%-ы.Жыл бойы жобаның қатысушылары мен финалистері үшін маркетинг, SMM, қаржылық сауаттылық, салық салу, инвестиция тарту, ЖИ-құралдарын пайдалану, сондай-ақ қолөнер, сүт, ет және т. б. өндіріс технологиялары бойынша оқыту семинарлары мен курстары өткізілді.Ақпарат көзі : https://www.gov.kz/memleket/entities/economy/press/news/details/1141628?lang=kk

№5 сайлау учаскесінің депутаты Веригин Дмитрий Николаевич бекітілген кестеге сәйкес Солоновка ауылында сайлаушыларды жеке қабылдады.Қабылдау барысында ауыл тұрғындары бірқатар мәселелерді көтерді. Атап айтқанда, бос жүрген иттердің көбеюі, сондай-ақ елді мекен аумағында түлкілердің пайда болуы тұрғындардың қауіпсіздігіне алаңдаушылық тудырды. Осыған байланысты тұрғындар қауіпсіздікті қамтамасыз ету үшін қандай шаралар қабылданатыны жөнінде сұрақтар қойды.Сонымен қатар, ауыз су сапасының төмендеуіне байланысты су сүзгілерін ауыстыру мәселесі де көтерілді.Барлық көтерілген мәселелер бойынша депутат тарапынан тиісті түсіндірмелер мен ұсынымдар берілді.Ақпарат көзі : https://www.gov.kz/memleket/entities/maslikhat-ulken-naryn/press/news/details/1141672?lang=kk

Қазақстанда жүзеге асып жатқан саяси жаңғырудың түпкі мәні – билікті халыққа жақындату, шешім қабылдау үдерісін ашық әрі теңгерімді ету. Президент Қасым-Жомарт Тоқаев бастаған реформалар шамадан тыс орталықтандырылған басқару моделінен бас тартып, қоғамның сұранысы мен пікірі ескерілетін жаңа саяси жүйе қалыптастыруды көздейді. Осы тұрғыда бір палаталы, ықпалды Парламент құру туралы бастама – уақыт талабынан туған стратегиялық шешім.Қазақстан Парламентінің 30 жылдық тарихы – мемлекеттіліктің қалыптасуымен, дағдарыстан шығумен және тұрақты дамумен тығыз байланысты. Қос палаталы жүйе, әсіресе Сенат, өтпелі кезеңде саяси тұрақтылықты сақтауға, өңірлердің мүддесін қорғауға және заң шығару сапасын қамтамасыз етуге қызмет етті. Бұл тарихи миссия толық орындалды. Ендігі міндет – қоғамы кемелденген, саяси мәдениеті өскен Қазақстанға сай жаңа модельге көшу.Бір палаталы Парламентке өту – өткенге оралу емес, керісінше, саяси жүйенің эволюциялық дамуы. Бұл қадам «Күшті Президент – ықпалды Парламент – есеп беретін Үкімет» қағидатына негізделген жаңа билік теңгерімін қалыптастырады. Мұндай Парламент атқарушы билікке нақты қарсы салмақ бола отырып, заң шығарушы биліктің өкілдік және бақылау функцияларын күшейтеді.Жаңа Парламент пропорционалды, партиялық негізде құрылуы тиіс. Бұл көп партиялылықты дамытып, түрлі әлеуметтік топтардың мүддесін барынша кең қамтуға мүмкіндік береді. Пропорционалды жүйе саяси бәсекені арттырып қана қоймай, партияларды сайлауаралық кезеңде де белсенді жұмыс істеуге мәжбүр етеді. Нәтижесінде, Парламент қоғамдағы нақты сұраныстар мен көзқарастар тоғысатын басты саяси алаңға айналады.Парламенттік реформаның маңызды құрамдас бөлігі – цифрлық трансформация. Электрондық Парламент, деректерге негізделген талдау және жасанды интеллект элементтері заң шығару үдерісін ашық, жедел әрі сапалы етеді. Цифрлық демократия дәстүрлі өкілдік моделін «тұрақты диалог» форматына айналдырып, депутат пен сайлаушы арасындағы байланысты үздіксіз етеді. Бұл Парламенттің қоғаммен байланысын жаңа деңгейге шығарады.Бір палаталы жүйеге көшу өңірлердің мүддесін ескеретін тиімді тетіктерді қажет етеді. Осы мақсатта Парламент жанынан Өңірлер кеңесін құру, мәслихаттармен институционалдық байланысты күшейту ұсынылады. Бұл «халық – мәслихат – ұлттық Парламент» тізбегін қалыптастырып, жергілікті мәселелердің ұлттық деңгейде шешілуіне жол ашады.Жалпы алғанда, ықпалды Парламент – Әділетті Қазақстанның институционалдық тірегі. Ол саяси бәсекені күшейтеді, билік тармақтары арасындағы тепе-теңдікті қамтамасыз етеді, ашықтық пен жауапкершілікті арттырады. Мұндай жүйе сыбайлас жемқорлыққа тосқауыл қойып, азаматтардың құқықтары мен мүдделерін қорғаудың сенімді кепіліне айналады.Біртұтас, көп партиялы және технологиялық тұрғыдан дамыған Парламент – Қазақстанның егемендігі мен орнықты дамуына бастайтын нақты қадам. Бұл – қоғам сеніміне негізделген жаңа саяси дәуірдің бастауы.

Қазақстанда жүзеге асып жатқан саяси реформалардың түпкі мақсаты – шамадан тыс орталықтандырылған басқару үлгісінен арылып, билік пен қоғам арасындағы теңгерімді, ашық әрі бәсекелі жүйе қалыптастыру. Мемлекет басшысы Қасым-Жомарт Тоқаевтың бастамасымен ұсынылған бір палаталы Парламент құру идеясы – осы жаңғырудың логикалық жалғасы әрі «Күшті Президент – ықпалды Парламент – есеп беретін Үкімет» тұжырымдамасының өзегі.Қазақстан Парламентіне биыл 30 жыл толып отыр. Осы кезеңде заң шығарушы билік елдің нарықтық экономикаға көшуіне, мемлекеттіліктің нығаюына және саяси тұрақтылықтың сақталуына шешуші үлес қосты. Қос палаталы Парламент, әсіресе Сенат, өтпелі кезеңде тұрақтандырушы институт рөлін атқарып, өңірлер мүддесін қорғау, заңнаманың сапасын қамтамасыз ету және саяси жүйенің эволюциялық дамуына жағдай жасау миссиясын абыроймен орындады.Алайда уақыт өзгерді. Қоғамның саяси мәдениеті өсті, азаматтар өздерін биліктің объектісі емес, толыққанды саяси субъект ретінде сезіне бастады. Осы жаңа қоғамдық сұраныс билік архитектурасын қайта қарауды талап етеді. Бір палаталы, ықпалды Парламентке көшу – өткенге оралу емес, керісінше, жетілген қоғамға сай келетін жаңа саяси кезеңге қадам.Жаңа Парламент партиялық, пропорционалды негізде қалыптасуы тиіс. Бұл көп партиялылықты нығайтып, түрлі әлеуметтік топтардың мүддесін барынша кең қамтуға мүмкіндік береді. Пропорционалды жүйе саяси бәсекелестікті арттырып, партияларды сайлауаралық кезеңде де белсенді жұмыс істеуге ынталандырады. Күшті партияларсыз және пәрменді парламенттік дебаттарсыз Әділетті Қазақстан құру мүмкін емес.Парламенттік реформаның тағы бір маңызды қыры – цифрлық трансформация. Электрондық Парламент, жасанды интеллект пен деректерге негізделген талдау құралдары заң шығару сапасын арттырып, ашықтықты қамтамасыз етеді. Цифрлық демократия қоғам мен билік арасындағы кері байланысты жеделдетіп, Парламентті «тұрақты диалог» алаңына айналдыруға мүмкіндік береді. Бұл жерде депутаттың рөлі тек заң қабылдаумен шектелмей, қоғаммен үздіксіз коммуникация орнататын саяси көшбасшы ретінде айқындалады.Бір палаталы Парламентке көшу өңірлердің мүддесін ескеретін жаңа тетіктерді де талап етеді. Осы мақсатта Парламент жанынан Өңірлер кеңесін құру, мәслихаттармен институционалдық байланысты күшейту ұсынылып отыр. Бұл «халық – мәслихат – ұлттық Парламент» тізбегін қалыптастырып, жергілікті мәселелердің ұлттық деңгейде естілуіне жол ашады.Жалпы алғанда, парламенттік реформа – тек құрылымдық өзгеріс емес. Бұл – билік жүйесінің философиясын жаңарту, қоғамның үнін шешім қабылдаудың орталығына шығару. Ықпалды, көп партиялы, технологиялық тұрғыдан дамыған Парламент Қазақстанның егемендігі мен тұрақты дамуының берік тірегіне айналуы тиіс.Билік тармақтары арасындағы жаңа теңгерім, ашық саяси бәсекелестік және цифрлық мүмкіндіктерге сүйенген демократия – елдің жарқын болашағына бастар жол. Біртұтас әрі ықпалды Парламент – сол болашаққа қарай жасалған нық әрі жауапты қадам.

2026 жылғы 14 қаңтарда Алтай ауданының әкімі Ренат Тілеуханұлы Құрмамбаев және Парыгино ауылдық округінің әкімі Ғани Әлібекұлы Төлековтың Парыгино ауылы мен Бояновск ауылында есептік кездесуі өтті. Кездесу барысында аудан әкімі ауданның, Парыгино ауылдық округінің әлеуметтік - экономикалық дамуы жөнінде ақпарат берді. Кездесу достық атмосферада өтті. Тұрғындар өздерін қызықтыратын сұрақтар қойды. Сұрақтарға жауаптар берілді немесе одан әрі жұмыс үшін назарға алынды.Ақпарат көзі : https://www.gov.kz/memleket/entities/vko-altay-parygin/press/news/details/1141596?lang=kk

Өзгерту әдісі арқылы салықтық өтінішті кері қайтарып алу бойынша қадамдық нұсқаулық«Менің құжаттарым» парақшасында қайтарып алғыңыз келетін салықтық есептіліктің тіркеу нөмірін көшіріңіз.Іздеуде салықтық өтініштің атауын енгізіңіз.Тіркеу нөмірін қойғаннан кейін, салықтық есептіліктің деректері автоматты түрде толтырылады.Қайтарып алу тәсілі ретінде «өзгерту арқылы қайтарып алу себебін көрсетіңіз.Жаңа мазмұнды таңдаңыз«Қалыптастыру» батырмасын басыңыз«Қол қою және жіберу» батырмасын басыңыз.Өндеу аяқталғаннан кейін салықтық өтініштің статусы «өнделді» болып өзгереді.Салықтық есептіліктің статусы да өзгеріп, өзгертілген статусы бар жаңа есептілік қалыптастырылады.Ақпарат көзі : https://www.gov.kz/memleket/entities/kgd-mangistau/press/news/details/1141569?lang=kk

Бангкок, 2026 жылғы 14 қаңтар – Қазақстанның Таиландтағы Елшісі Марғұлан Баймұхан Таиландтың Сауда министрі Супаджи Сутхумпунмен кездесу өткізді.Кездесу барысында тараптар сауда-экономикалық және инвестициялық ынтымақтастықты одан әрі дамытуға өзара мүдделілік бар екенін растады. Қазақстан мен Таиланд арасындағы 33 жылдық дипломатиялық қатынастарға негізделген екіжақты байланыстардың жоғары деңгейі атап өтілді.Қазақстандық дипломат Қазақстан Республикасының Президенті Қасым-Жомарт Тоқаев ағымдағы жылды Цифрландыру жылы деп жариялағанын хабарлады. Елде цифрлық экономика жүйелі түрде дамып келеді, халықаралық Astana Hub IT-орталығы жұмыс істейді, сондай-ақ цифрлық секторды дамыту үшін заманауи және ашық нормативтік-құқықтық базаны қалыптастыратын Цифрлық кодекс қабылданды. Жуырда қол қойылған Қазақстан–Таиланд арасындағы цифрлық саладағы ынтымақтастық жөніндегі Меморандум цифрлық сауда, финтех, киберқауіпсіздік және «ақылды» логистика бағыттарында практикалық өзара іс-қимылға негіз болатыны атап өтілді. Сонымен қатар, Қазақстанның БҰҰ ЭСКАТО шеңберінде Цифрлық шешімдер орталығын құру бастамасы таныстырылды.Елші Таиландтың Қазақстан үшін Оңтүстік-Шығыс Азиядағы негізгі серіктестердің бірі екенін атап өтіп, Таиландтың Орталық Азия елдерімен саудасының шамамен 70 пайызы Қазақстанға тиесілі екенін жеткізді. Сондай-ақ 2026 жылғы 8 ақпанда өтетін Таиландтағы парламенттік сайлау сындарлы жағдайда өтіп, елдің одан әрі тұрақты дамуына ықпал етеді деген үміт білдірілді.Әңгіме барысында 2024–2025 жылдары саяси байланыстардың жандана түскені және өзара сауда көлемінің оң динамикасы атап өтілді. 2025 жылдың 11 айының қорытындысы бойынша тауар айналымы 7,5 пайызға өсіп, 235,5 млн АҚШ долларын құрады. Тараптар сауда-экономикалық ынтымақтастықтың әлеуеті бұдан да жоғары екенін атап өтті.Сондай-ақ Бірлескен сауда комитеті мен Ауыл шаруашылығы жөніндегі жұмыс тобын іске қосу, Таиландтың Астанада немесе Алматыда Сауда өкілдігін ашу мүмкіндігі, инвестицияларды өзара қорғау және қосарланған салық салуды болдырмау туралы келісімдерге қатысты перспективалар талқыланды.Қазақстан агроөнеркәсіптік саладағы ынтымақтастықты кеңейтуге дайын екенін білдіріп, Алматы облысындағы «Sea Value» компаниясының жобасын инвестициялық серіктестіктің табысты үлгісі ретінде атап өтті. Сонымен қатар, Орта дәлізді пайдалану арқылы транзиттік-логистикалық өзара іс-қимыл және Алматы, Шымкент – Бангкок бағыттары бойынша тікелей әуе рейстерінің іске қосылуы аясында туризмді дамыту мәселелері қаралды.Өз кезегінде Таиландтың Сауда министрі Супаджи Сутхумпун Қазақстанды Орталық Азиядағы маңызды серіктес ретінде қарастыратынын және екіжақты экономикалық ынтымақтастықты одан әрі кеңейтуге мүдделі екенін атап өтті.Министр Қазақстанға сапармен келу туралы шақыруды қарастыруға дайын екенін білдіріп, оның аясында Бірлескен сауда комитетінің отырыстарын өткізу, сондай-ақ екі елдің іскер топтарының қатысуымен бизнес-миссиялар ұйымдастыру мүмкіндігін атап өтті.Таиланд тарапы цифрлық шешімдер саласындағы ынтымақтастықты тереңдетуге, соның ішінде цифрландыруды өндірістік және агроөнеркәсіптік кәсіпорындардың өнімділігін, тиімділігін және бәсекеге қабілеттілігін арттыру, қосылған құны жоғары заманауи тізбектерді дамыту және шағын және орта бизнесті қолдау үшін пайдалануға қызығушылық танытты.Сонымен қатар, қаралу үстіндегі екіжақты келісімдер жобаларын ілгерілетуге жәрдемдесуге және өзара қызығушылық тудыратын маңызды материалдар мен сирек жер ресурстары мәселелері бойынша мазмұнды диалогты жалғастыруға дайын екендігі расталды.Қазақстанның Орталық Азия мен ТМД елдерінің нарықтарына шығу үшін сенімді транзиттік-логистикалық хаб ретіндегі рөлі және қолданыстағы инфрақұрылым мен халықаралық көлік дәліздерін пайдалану мүмкіндіктері ерекше атап өтілді.Кездесу қорытындысы бойынша тараптар сындарлы диалогты жалғастыруға ниетті екенін растады және ынтымақтастықтың жүйелі дамуы Қазақстан-Таиланд қатынастарын жаңа сапалы деңгейге көтеруге ықпал ететініне сенім білдірді.Ақпарат көзі : https://www.gov.kz/memleket/entities/mfa-thailand/press/news/details/1141542?lang=kk

Бүгін «Руханият» орталығында Қармақшы аудандық ардагерлер ұйымының кезекті есеп беру, сайлау конференциясы өтті.Конференцияға аудан әкімі Жандос Еркінбек, аудандық мәслихат төрағасы Әділ Қошалақов, Қызылорда облыстық ардагерлер кеңесінің төрағасы Серік Дүйсенбаев, 80-нен аса аудан ардагерлері, кент және ауылдық округ әкімдері мен БАҚ өкілдері қатысты.Конференцияда алғашқы болып сөз сөйлеген аудан әкімі Жандос Еркінбек ардагерлер ұйымының аудан өміріндегі орнын ерекше атап өтті. Сондай-ақ аудан дамуы жолында атқарылып жатқан жұмыстарға қысқаша тоқталып, ардагерлерге өз алғысын білдірді.Күн тәртібіне екі мәселе шығарылды. Алғашқы мәселе бойынша аудандық ардагерлер кеңесінің төрағасы Асқар Мереков 2021–2025 жылдары атқарылған жұмыстар туралы баяндама жасады. Баяндамада ардагерлер ұйымының қоғамдық-саяси өмірге белсенді араласуы, жастарға өнеге көрсету, бірлік пен тұрақтылықты нығайту бағытында атқарылған жұмыстар кеңінен айтылды.Есептік баяндаманы талқылау барысында ауданның Құрметті азаматы, «Ерен еңбегі үшін» медалінің иегері Әбдірахман Құлдүйсенов, аудандық білім саласы ардагерлер ұйымының төрайымы Талмаш Жұмабаева, Қармақшы ауылы ардагерлер ұйымының төрағасы, ауданның Құрметті азаматы Мұхтар Таңбаев сөз сөйлеп, ұйымның жұмысына оң баға беріп, бірқатар ұсыныстарын ортаға салды.Күн тәртібіндегі екінші мәселе бойынша ұйымның Пленум және Алқа құрамдары сайланды. Алқа мүшелерінің дауыс беруі нәтижесінде Қармақшы аудандық ардагерлер кеңесінің төрағасы болып Мереков Асқар Ермағанбетұлы, ал орынбасары болып Таңбаев Кенжебек Ерманұлы бірауыздан сайланды.Конференцияны қорытындылаған Қызылорда облыстық ардагерлер кеңесінің төрағасы Серік Әбішұлы аудан ардагерлерінің белсенділігіне жоғары баға беріп өтті.Сондай-ақ қоғамдық-саяси өмірде белсенділік танытып жүрген бірқатар ардагерлерге аудан әкімі атынан және облыстық ардагерлер кеңесі тарапынан Алғыс хаттар, Құрмет грамотасы мен «Қызылорда облысының Құрметті ардагері» төсбелгісі тапсырылды.Ақпарат көзі : https://www.gov.kz/memleket/entities/kyzylorda-karmakshy/press/news/details/1141553?lang=kk

Бразилиа қ., 2026 жылғы 14 қаңтар – Бразилия Сыртқы істер министрлігінде Қазақстан Республикасының Бразилия Федеративтік Республикасындағы Төтенше және Өкілетті Елшісі Болат Нүсіповтің БФР Сыртқы істер министрінің орынбасары Сюзан Клибанкпен кездесуі өтті. Кездесуге БФР-дың Қазақстан Республикасындағы Төтенше және Өкілетті Елшісі Марсело Биату да қатысты.Тараптар, кездесу барысында 2025 жылғы 8 желтоқсанда Астанада өткен 7-ші Қазақстан-Бразилиялық саяси консультациялардың қорытындысы бойынша қол жеткізілген және екіжақты саяси диалогты нығайтуға, сауда-экономикалық және салалық ықпалдастықты кеңейтуге, сондай-ақ өңірлік және көпжақты құрылымдар аясындағы бастамаларды үйлестіруге бағытталған уағдаластықтарды іске асыру мәселелерін талқылады.Алдағы халықаралық іс-шараларға, соның ішінде 2026 жылғы сәуірде Астанада өтетін Өңірлік экологиялық саммит пен 2026 жылғы наурызда Кампу-Гранде қаласында өтетін көшпелі жабайы жануарлардың түрлері туралы Конвенцияға арналған Халықаралық конференцияға екі ел өкілдерінің қатысуының ұйымдастырушылық және мазмұндық аспектілеріне ерекше назар аударылды.Сондай-ақ тараптар, жоғары және жоғарғы деңгейлерде екіжақты сапарларды ұйымдастыру мәселелері бойынша пікір алмасып, Қазақстан-бразилиялық ынтымақтастықты одан әрі дамытуға өзара мүдделілікті растады.Ақпарат көзі : https://www.gov.kz/memleket/entities/mfa-brazil/press/news/details/1141521?lang=kk

Гонконг, 2026 жылғы 9 қаңтар – Қазақстан Республикасының аймақтары мен Гонконг арасындағы жасанды интеллект пен ақпараттық технологиялар саласындағы ынтымақтастықты дамыту аясында Қазақстан Республикасының Гонконг арнайы әкімшілік ауданындағы (АӘА) Бас консулдығында Павлодар қаласындағы «Huazhi Future», «ChinoLite» және «Omis Inc.» компанияларының өкілдерінің кездесуі өтті.Кездесуге қатысқан компаниялардың Гонконг құқық қорғау органдарымен ынтымақтастық тәжірибесін ескере отырып, Қазақстан Республикасының Гонконг арнайы әкімшілік ауданындағы Бас консулы Бауыржан Досманбетов Гонконг компанияларына қазақстандық тараптың аймақтарда қауіпсіздік жүйелеріне, тұлғаны тануға, киберқылмыспен және есірткі саудасына қарсы іс-қимылға жасанды интеллект шешімдерін енгізуге мүдделі екенін хабарлады.Өз кезегінде «Huazhi Future» компаниясының өкілдері Қытайдың құрлық бөлігінде орналасқан Чунцин, Ханчжоу және Шэньчжэнь қалаларындағы іске қосылған деректер орталықтарын таныстырды. Дүниежүзілік есептеу қуатына сұраныстың артуын ескере отырып, «Huazhi Future» компаниясының Басшысы Қазақстанда деректер орталықтарын салуға мүдделі екенін білдірді.Кездесу қатысушылары Қазақстан Республикасының Президенті Қасым-Жомарт Тоқаевтың 2026 жылды Қазақстанда цифрландыру және жасанды интеллект жылы деп жариялау бастамасының маңыздылығын атап өтті. Осыған байланысты Бас консул бірлескен іс-шараларды, хакатондар мен жаңа кәсіптік презентацияларын өткізуге қызығушылық білдірді.«OMIS Inc.» IT-компаниясы мемлекеттік және іскерлік салаларға арналған цифрлық шешімдерді жүзеге асырады және бірнеше жыл бойы Павлодар облысы прокуратурасы және өңірдің құқық қорғау органдарымен бірлесіп құқық тәртібі саласында тығыз жұмыс жүргізіп келеді.Ақпарат көзі : https://www.gov.kz/memleket/entities/mfa-hongkong/press/news/details/1141525?lang=kk