Ыстанбұл, 2026 жылғы 7 наурыз – Түркі мемлекеттері ұйымы cыртқы істер министрлері кеңесінің бейресми отырысы өтті.Іс-шараға Қазақстан делегациясын Қазақстан Республикасы Сыртқы істер министрінің орынбасары Әлібек Бақаев бастап барды.Отырыс Түркия Республикасы Сыртқы істер министрі Хакан Фиданның төрағалығымен өтті. Жиынға ТМҰ-ға мүше мемлекеттер – Әзербайжан, Қазақстан, Қырғызстан және Өзбекстан сыртқы істер министрлері, сондай-ақ Ұйымның Бас хатшысы қатысты.Кездесу барысында қатысушылар өңірлік және жаһандық өзекті мәселелер бойынша пікір алмасты. Сонымен қатар саяси диалогты одан әрі нығайту, институционалдық ынтымақтастықты кеңейту және түркі әлеміндегі өзара іс-қимыл мен интеграцияны тереңдетуге бағытталған бірлескен бастамаларды ілгерілету перспективалары талқыланды.Түркі мемлекеттері ұйымы аясында жоспарланған алдағы іс-шараларға дайындық мәселелеріне, сондай-ақ ынтымақтастықтың негізгі бағыттары бойынша мүше мемлекеттер арасындағы үйлестіруді күшейтуге ерекше назар аударылды.Іс-шара аясында Ә.Бақаев өзге делегация басшыларымен бірге Түркия Республикасы Президенті Режеп Тайип Ердоғанның қабылдауында болды. Сұхбат барысында Қазақстан мен Түркия арасындағы стратегиялық серіктестікті одан әрі нығайту мәселелері, сондай-ақ түркі ынтымақтастығы шеңберіндегі өзара іс-қимылды дамыту перспективалары талқыланды.Тараптар бауырлас түркі мемлекеттері арасындағы ынтымақтастықты одан әрі нығайтуға және түркі әлемінің халықаралық әрі өңірлік үдерістердегі рөлін арттыруға өзара мүдделілік білдірді.Іс-шара қорытындысы бойынша ТМҰ Сыртқы істер министрлерінің Таяу Шығыстағы соңғы оқиғаларға қатысты бірлескен мәлімдемесі қабылданды, сондай-ақ ТМҰ+ форматында үшінші тараптармен ынтымақтастық туралы ереже бекітілді.Ақпарат көзі : https://www.gov.kz/memleket/entities/mfa/press/news/details/1177069?lang=kk

Қазақстан Республикасының Конституциясы тарихи және мәдени құндылықтарды қорғауды мемлекеттің маңызды міндеттерінің бірі ретінде айқындайды. Ұлттың өткенін, рухани байлығын және дәстүрін сақтау – болашақ ұрпаққа аманат.Мемлекет тарихи ескерткіштер мен мәдени нысандарды қорғауды қамтамасыз етіп, азаматтардың оларға қолжетімді болуына жағдай жасайды. Бұл – қоғамның мәдени санасын дамытуға және ұлттық бірегейлікті нығайтуға бағытталған маңызды қадам.Сонымен қатар, ұлттық дәстүрлер, өнер мен рухани мұра әрдайым қолдау табады. Өйткені тарих пен мәдениет – ұлттың тұтастығын сақтайтын, қоғамның дамуына бағыт беретін құндылықтар.Мәдени мұраны сақтау – тек өткенді құрметтеу ғана емес, сонымен бірге болашаққа берік рухани негіз қалыптастыру.

Қазақстан Республикасының Конституциясы елдің егемендігі мен аумақтық тұтастығын қорғауды басты құндылықтардың бірі ретінде айқындайды. Мемлекеттің тұрақтылығы мен халықтың қауіпсіздігі – кез келген елдің дамуы мен болашағының негізі.Қауіпсіздік мәселелері мемлекеттік саясатта ерекше маңызға ие. Осы бағытта билік органдары заң аясында әрекет етіп, елдің тәуелсіздігі мен қоғамдық тұрақтылықты қамтамасыз етуге бағытталған жүйелі жұмыстар жүргізеді.Кешенді тәсіл қоғамды қорғауға, ұлттық қауіпсіздікті нығайтуға және мемлекеттің тұрақты дамуын қамтамасыз етуге мүмкіндік береді. Бұл – ел болашағына деген сенімді арттырып, азаматтардың бейбіт әрі қауіпсіз өмір сүруіне берік негіз қалайды.Мемлекеттің қауіпсіздігі – әрбір азаматтың амандығы мен елдің ертеңіне деген сенімнің кепілі.

Шымкент қаласында жаңа Конституцияны қолдауға арналған «Біз халықтық Конституцияны қолдаймыз» атты ауқымды спорттық-мәдени іс-шара ұйымдастырылды. Орталық стадионда өткен кешке шамамен 20 мың адам жиналды.Іс-шараның басты мақсаты – тұрғындарды 15 наурызда өтетін республикалық референдумға қатысуға шақырып, жаңа Конституцияның мән-маңызы мен мазмұнын түсіндіру.Ұйымдастырушылардың айтуынша, жаңа Конституция елдің демократиялық негіздерін нығайтуға, азаматтардың құқықтары мен бостандықтарын қорғау тетіктерін күшейтуге бағытталған. Құжатта «Әділетті Қазақстан» және «Заң мен тәртіп» қағидаттарын дамытуға басымдық берілген.Іс-шараға Шымкент қаласының әкімі Ғабит Сыздықбеков, «Integra Construction KZ» компаниясының меншік иесі Шахмұрат Муталип қатысты.Қала әкімі Ғабит Сыздықбеков жиналған қауымды Премьер-лиганың жаңа маусымының басталуымен құттықтап, жаңа Конституцияның елдің саяси жүйесін жаңғыртып, азаматтардың құқықтары мен мүмкіндіктерін кеңейтетін маңызды құжат екенін атап өтті. Сонымен қатар ол тұрғындарды 15 наурызда өтетін республикалық референдумға белсенді қатысуға шақырды.«Елімізде 15 наурыз күні жаңа Конституцияны қабылдау бойынша республикалық референдум өтеді. Жаңа Ата заң – мемлекетіміздің алдағы дамуына бағыт-бағдар беретін басты құжат. Елдің ертеңі әрқайсымыздың азаматтық ұстанымымызға байланысты. Сондықтан бұл іске жауапкершілікпен қарауға шақырамын», – деді қала әкімі.Іс-шара аясында қазақстандық эстрада жұлдыздарының қатысуымен концерттік бағдарлама ұйымдастырылды. Олардың қатарында Қайрат Нұртас, Shiza және «Алатау серілері» тобы бар.Сонымен қатар аталған іс-шараға қоғамның әр саласындағы танымал азаматтар белсені қатысып, жаңа Конституцияны қолдауға қатысты пікір білдірді. Олардың қатарында спорт жұлдыздары Айбек пен Нұрбек Оралбай, Махмұт және Төрехан Сабырхандар, Арман Оспанов, айтыскер ақын Нұрлан Есенқұлов, «Миллион» жайдарман командасының мүшесі Қанат Тасхан және басқа да тұлғалар бар.«Миллион» жайдарман командасының мүшесі Қанат Тасхан жаңа Конституцияның елдің болашағына бағыт беретін маңызды құжат екенін атап өтті.«Жаңа Конституция – еліміздің дамуына бағыт беретін маңызды құжат. Онда әділдік пен заң үстемдігін нығайтуға бағытталған өзгерістер бар. Сондықтан баршаңызды 15 наурызда өтетін референдумға қатысып, жаңа Конституцияны қолдауға шақырамын», – деді Қанат Тасхан.Айтыскер ақын Нұрлан Есенқұлов та жаңа Конституция қоғамдағы тұрақтылық пен әділдікті нығайтуға қызмет ететінін айтып, азаматтарды референдумға белсенді қатысуға шақырды.«Еліміздің дамуы мен қоғамдағы бірліктің нығаюы әр азаматтың белсенділігіне байланысты. Жаңа Конституция осы бағыттағы маңызды қадам деп ойлаймын», – деді Нұрлан Есенқұлов.«Ордабасы» футбол клубының қақпашысы Бекхан Шайзада да жаңа Конституция елдің тұрақты дамуына негіз болатынын атап өтті.«Жанкүйерлердің қолдауы бізге әрқашан үлкен күш береді. Елдің дамуына бағытталған бастамаларды қолдау да маңызды. Жаңа Конституция Қазақстанның болашағына қызмет етеді деп сенемін», – деді Бекхан Шайзада.Іс-шара барысында жанкүйерлер үшін түрлі ойын-сауық бағдарламалары ұйымдастырылып, интерактивті ойындар өткізілді. Ұтыс ойындарының жеңімпаздарына ұялы телефондар мен PlayStation ойын консолі табысталды. Кештің басты жүлдесі ретінде автокөлік ойнатылды. Кеш соңында стадион аумағында фейерверк пен лазерлік шоу ұйымдастырылды

2026 жылғы 4 наурызда Сеул қаласында Қазақстанның туристік әлеуетін талқылауға арналған іс-шара өтті. Іс-шараға Корея Республикасының жетекші туристік операторлары қатысты.Кездесу барысында SCAT Airlines әуе компаниясы мен Қазақстанның туристік бағыттарына арналған презентациялар ұсынылды. Атап айтқанда, SCAT Airlines әуе компаниясының өкілі Андрей Цыганков Оңтүстік Кореяға рейстер санын кеңейту жоспарлары туралы айтып берді.Іс-шараға қатысушыларға арнаған құттықтау сөзінде Қазақстанның Корея Республикасындағы Елшісі Нұрғали Арыстанов корейлік саяхатшылардың Қазақстанға деген қызығушылығының артып келе жатқанын атап өтіп, туризм, көлік және гуманитарлық байланыстар салаларында екі ел арасындағы ынтымақтастықты одан әрі нығайтудың маңыздылығын айтты.Елші тарихи-мәдени мұрасы бай, бірегей табиғи ландшафттарға ие және қарқынды дамып келе жатқан экономикасы бар Қазақстан туристік және іскерлік сапарлар үшін барған сайын тартымды бағытқа айналып келе жатқанын атап өтті. Туристік алмасуларды дамытуда Қазақстан мен Корея Республикасы арасындағы тікелей әуе қатынасының кеңеюі ерекше рөл атқарады.Қазіргі уақытта екі ел арасында қысқы маусымда аптасына 11 рейс, ал жазғы кезеңде аптасына 20 рейске дейін орындалады. Әуе қатынасы Алматы, Астана және Шымкент қалаларын Сеул және Пусан қалаларымен байланыстырып, шетелдік туристер үшін елдің көлік қолжетімділігін арттыруға және іскерлік байланыстардың дамуына ықпал етеді.Іс-шара барысында Инчхон – Шымкент бағытындағы тікелей рейстің табысты жұмыс істеуіне ерекше назар аударылды. Қазіргі уақытта бұл рейс аптасына екі рет орындалып, жақын уақытта рейстер санын аптасына үшке дейін арттыру мүмкіндігі қарастырылуда.Өзара туристік алмасудың оң динамикасы атап өтілді. 2025 жылдың қорытындысы бойынша Қазақстанға Корея Республикасынан шамамен 51 мың турист келген, бұл өткен жылмен салыстырғанда 26%-ға көп. Өз кезегінде, шамамен 65 мың Қазақстан азаматы Корея Республикасына барып, бұл көрсеткіш 18%-ға артқанын көрсетеді.Туристік ынтымақтастықтың одан әрі дамуы екі ел арасындағы белсенді саяси диалог аясында жүзеге асып жатқаны атап өтілді. Осы тұрғыда Қазақстан Республикасының Президенті Қасым-Жомарт Тоқаевтың 2026 жылғы қыркүйекте өтетін C5+K форматы саммитіне қатысу үшін Корея Республикасына жоспарланған сапарының маңыздылығы атап өтілді. Бұл сапар Қазақстан мен Корея арасындағы стратегиялық әріптестікті одан әрі дамытуға, оның ішінде экономикалық, гуманитарлық және туристік байланыстарды кеңейтуге айтарлықтай серпін береді деп күтілуде.Сонымен қатар қатысушыларға 2026 жылғы 15 наурызда Қазақстанның жаңа Конституциясы бойынша өткізілетін алдағы референдум туралы ақпарат ұсынылды. Аталған бастама еліміздің саяси жүйесін елеулі жаңғыртуға бағытталған.Ақпарат көзі : https://www.gov.kz/memleket/entities/mfa-seoul/press/news/details/1177061?lang=kk

8 наурыз – Халықаралық әйелдер күні мерекесіне орай шын жүректен шыққан құттықтауымды қабыл алыңыздар!Тіршілікті түлеткен көктем мерекесі жанымызды жадыратып, бойымызға күш-қуат пен сарқылмас жігер сыйлайды. Осы рух пен жігер әйелдердің ел дамуына қосқан үлесін айқындап, олардың қоғамдағы белсенділігін көрсетуге мүмкіндік береді.Қазақстан Республикасының Президенті Қасым-Жомарт Тоқаевтың басшылығымен жүргізіліп жатқан жүйелі мемлекеттік саясаттың арқасында қыз-келіншектердің экономикадағы, саясат пен қоғамдық қызметтегі рөлі жыл өткен сайын арта түсуде. Әйелдер барлық салада жемісті еңбек етіп, тәуелсіздігімізді нығайтып, елімізді өркендетуге белсенді атсалысып келеді. Осы орайда, әскери қызмет саласына да әйелдердің қосқан үлесі ерекше атап өтуге тұрарлық. Бүгінгі мерекеде ер азаматтармен бірге жауынгерлік қызмет атқарып, жауапкершілігі жоғары кәсіби маман ретінде әскери борышқа адалдық танытып жүрген әйел әскери қызметшілерге айрықша алғыс білдіремін. Сіздердегі төзім мен табандылық, тәртіп пен ұқыптылық шынайы патриотизмнің үлгісіне айналған. Қарулы күштердегі азаматтық персонал санатындағы әйелдерге де алғысым шексіз. Сіздердің адал еңбектеріңіз әскери құрылымның тұрақты жұмысына кепілдік береді, әрі қойылған міндеттердің сәтті орындалуына ықпал етеді.Сонымен қатар, әскери қызметтің барлық қиындығын жұбайларымен бірге бөлісіп жүрген әскери қызметшілердің әйелдеріне де риясыз ризашылығымды білдіремін. Сіздер отбасының жылуын сақтап, жас ұрпақты Отанды сүюге және әскери мамандықты құрметтеуге тәрбиелеп келесіздер. Отан қорғаушылары үшін ең басты тірек – Сіздердің қолдауларыңыз. Әйелдердің өзін-өзі дамыту мүмкіндіктерін кеңейту, тең құқық пен сыйластық қағидаларын нығайту Қарулы күштердің дамуы үшін маңызды бағыт болып қала беретініне сенімдімін. Сіздердің еңбектеріңіз ұлттық қауіпсіздікті қамтамасыз ету мен қоғамдық тұрақтылыққа айтарлықтай үлес қосады.Көктем мерекесі көңілдеріңізге шаттық сыйласын!Баршаңызға зор денсаулық, мол бақыт, бақ-береке, толағай табыс тілеймін! Құрметпен,Қазақстан Республикасының Қорғаныс министріавиация генерал-лейтенанты     Д.ҚосановАқпарат көзі : https://www.gov.kz/memleket/entities/mod/press/news/details/1177054?lang=kk

Кигали, 2026 жылғы 6 наурыз – Руанда мемлекеттік сарайында Қазақстанның Руандадағы Елшісі Барлыбай Садықов Руанда Президенті Поль Кагамеге сенім грамоталарын табыс етті.Сенім грамоталарын тапсырудың салтанатты рәсімі барысында Қазақстан Елшісі Астананың екі ел арасындағы қарым-қатынасты нығайтуға, оның ішінде сауда-экономикалық, инвестициялық және гуманитарлық салалардағы саяси диалог пен өзара іс-қимылды жандандыруға ерекше назар аударатынын мәлімдеді.Кездесу барысында 2025 жылғы 27-29 мамырда Руанда Президенті Поль Кагаменің Қазақстанға жасаған ресми сапарының қорытындыларына ерекше назар аударылды. Елші осы сапар барысында қол жеткізілген уағдаластықтар екіжақты әріптестікті сапалы жаңа деңгейге шығару үшін берік негіз қалағанын атап өтті.Өз кезегінде П.Кагаме Қазақстанды Руанданың маңызды әрі перспективалы серіктесі деп мәлімдеді және өзара қызығушылық тудыратын барлық салаларда, соның ішінде цифрландыру, тау-кен өнеркәсібі, ауыл шаруашылығы және т.б. салаларда ынтымақтастықты одан әрі тереңдетуге дайын екенін білдірді. Ол Қазақстан Республикасының Президенті Қасым-Жомарт Тоқаевпен Астанадағы келіссөздерін жылы еске алып, бірлескен жобаларды жүзеге асыруға деген ұмтылысын растады.Руанда Президенті Қазақстан Елшісін ресми түрде қызметке кірісуімен құттықтап, Қазақстан мен Руанда арасындағы қарым-қатынастарды одан әрі нығайту ісіне табыс тіледі.Сондай-ақ, 2026 жылғы 6 наурызда "Самұрық-Қазына" АҚ Басқарма Төрағасы Нұрлан Жақыпов бастаған қазақстандық делегацияның Руандаға сапары өтті.   Сапар барысында "Тау-Кен Самұрық" АҚ қазақстандық ұлттық тау-кен компаниясы мен "Ngali Holding" руандалық холдингі Руандада сирек және сирек жер металдарының кен орындарын бірлесіп игеру туралы екіжақты келісімге қол қойды.Қазақстан делегациясын Руанда Президенті Поль Кагаме қабылдады. Ол Келісімге қол қоюды құптай отырып, оның екі ел арасындағы қарым-қатынастарды сапалы жаңа деңгейге көтеретінін атап өтті. Президент П.Кагаме Қазақстан Президенті Қ.Тоқаевқа Қазақстанға сапары барысында қол жеткізілген келісімдерді іске асыруға бейілділігі үшін алғысын білдіріп, Қазақстан басшылығы мен халқына жылы лебіздерін жеткізді.Ақпарат көзі : https://www.gov.kz/memleket/entities/mfa-nairobi/press/news/details/1177024?lang=kk

2026 жылдың 3 наурызында Қазақстан Республикасының Самарқанд қаласындағы Бас консулдығының өкілдері Орталық Азия, Ресей, Қытай, Түркия және Иран елдерінің ауыл шаруашылығы өнімдерін, техникасын, жабдықтарын, агрохимиялық заттарын,фермаларға арналған автоматтандыру жүйелерін және ауыл шаруашылығы саласындағы басқа да заманауи әзірлемелерді ұсынған бесінші халықаралық «AGROPRO EXPO -2026» көрмесіне қатысты.Көрмеге қазақстандық жем өндіруші «Гермес 4» (Қостанай) және Қазақстан жылыжай қауымдастығының өкілдері де қатысты.Көрмеде ауылшаруашылығы саласын дамытудың өзекті мәселелері қарастырылған панельдік сессиялар мен семинарлар өтті және ауыл шаруашылығы өндірісінің тиімділігін арттыру үшін жаңа технологияларды пайдалануды қоса алғанда, инновациялық шешімдерді енгізудегі тәжірибелермен бөлісуге мүмкіндік берді.Көрме аясында Бас консулдықтың өкілдері Қазақстан мен Өзбекстан арасындағы ауыл шаруашылығы саласындағы дамуды, үрдістерді және ынтымақтастық мүмкіндіктерін талқылау, сондай-ақ мемлекеттік-жекеменшік серіктестік арқылы Қазақстанға инвестиция тартуға мемлекеттік қолдау туралы ақпарат алмасу үшін бірқатар кездесулер өткізді.Ақпарат көзі : https://www.gov.kz/memleket/entities/mfa-samarkand/press/news/details/1177031?lang=kk

2026 жылғы 7 наурызда Қазақстан Республикасының Самарқанд қ. Бас консулдығының көмегімен қазақстандық «INT-TRO»  компаниясының өкілдері - компанияның негізін қалаушы Игорь Ем мен техникалық директоры Дмитрий Цойдың Самарқанд қаласының әкімі Фазлиддин Умаровпен және Самарқанд облысының Көлік басқармасының басшысы Равшан Тожиевпен кездесуі өтті.Кездесу барысында «INT-TRO» қоғамдық көлікті басқаруда цифрлық шешімдерді енгізу бойынша технологиялық мүмкіндіктері мен стратегиялық көзқарасын таныстырды. Компания жолаушылар тасымалының тиімділігін, көлік инфрақұрылымының ашықтығын және қоғамдық қызмет көрсету сапасын жақсартуға бағытталған ALTA интеллектуалды жүйесін қоса алғанда, қоғамдық көлікті басқарудың цифрлық жүйелерін әзірлеу және енгізуге маманданған.Тараптар қоғамдық көлікті цифрландыру саласындағы ынтымақтастықтың әлеуетті форматтарын, соның ішінде технологиялық шешімдерді локализациялауды, техникалық трансфертті және білікті мамандарды даярлауды талқылады. Сондай-ақ, бірлескен жобалардың перспективаларын және практикалық IT бастамаларын іске асыруды қарастырды.Сындарлы және іскерлік атмосферада өткен кездесуден кейін цифрлық технологиялар саласындағы ынтымақтастықты одан әрі дамыту және аймақтың көлік инфрақұрылымын цифрландыру туралы келісімге қол жеткізілді.Ақпарат көзі : https://www.gov.kz/memleket/entities/mfa-samarkand/press/news/details/1177040?lang=kk

«Шошқалы» полигонында 32363 әскери бөлімінің жеке құрамы оқу-жауынгерлік тапсырмалар кешенін орындады.Әскери қызметшілер шартты қарсыласқа атыс соққысын ұйымдастырып, әр түрлі штаттық қару-жарақтан оқ ату жаттығуларын пысықтады.– Роталық тактикалық оқу-жаттығу – жауынгерлік даярлықтың маңызды кезеңі. Жеке құрам тапсырмаларды ұрыс қимылына барынша жақын жағдайда орындады. Бізге бөлімшенің үйлесімді іс-әрекеті және бұйрықтардың нақты орындалуы маңызды болды, – деді 32363 әскери бөлімінің рота командирі гвардия капитаны Ақниет Шышнаби.Жалпы оқу-жаттығу бөлімшелердің жауынгерлік әзірлігін арттыруға, командирлердің бөлімшелерді басқару дағдыларын жетілдіруге, жеке құрамның кәсіби шеберлігі мен далалық машығын дамытуға бағытталды.Оқу-жаттығу қорытындысына келсек, бөлімшелердің оқу-жауынгерлік тапсырмаларды орындау кезіндегі әрекетіне, олардың үйлесімді іс-қимыл деңгейі мен міндеттерді мақсатқа сай орындауға дайындығына нақты баға берілді.Ақпарат көзі : https://www.gov.kz/memleket/entities/mod/press/news/details/1176957?lang=kk

Жаңа Конституция еліміздің дамудың негізгі бағыттарын айқындайтын маңызды құжат болып табылады. Ол әлеуметтік, экономикалық, мәдени және экологиялық салаларды қамтып, мемлекет саясатының негізін нақты көрсетеді.Конституция арқылы елдің әр азаматы өз құқықтары мен міндеттерін түсінеді, ал мемлекет олардың қорғауын қамтамасыз етеді. Мұндай жүйе тұрақты даму мен қоғамдық бірлікті нығайтуға бағытталған.Сонымен қатар, Конституция елді басқарудың заманауи моделін ұсынады, азаматтардың белсенді қатысуына мүмкіндік береді және ұлттық құндылықтарды сақтау мен дамытуға жағдай жасайды. Елдің даму бағытын айқындау – баршамыз үшін ортақ мақсат.

Жаңа Конституцияда неке – ер адам мен әйелдің ерікті, өзара келісімімен жасалатын одақ ретінде қарастырылған. Бұл әр азаматтың жеке таңдауына құрмет көрсетіліп, отбасылық өмірдің негізін адам құқығы мен еркіндігіне сүйеніп құруға мүмкіндік береді.Конституция отбасының маңызды рөлін айқындап, некеге қатысты заңдық нормаларды заманауи талаптарға сай бекітеді. Ерлі-зайыптылар өз өмірін бірлесе жоспарлап, отбасы құндылықтарын қалыптастыруда толық құқыққа ие болады.Мұндай көзқарас қоғамдағы отбасы институтын нығайтып, әрбір азаматтың жеке бостандығын қорғауға және ұлттық дәстүрлерді сақтау мен дамытуға жағдай жасайды.

Шымкент қаласындағы «Қызғалдақ» сарайында 8 наурыз – Халықаралық әйелдер күніне арналған салтанатты мерекелік концерт ұйымдастырылды. Іс-шара қала тұрғындары мен қонақтарына көтеріңкі көңіл-күй сыйлады.Мерекелік бағдарлама ана тақырыбына арналған театрландырылған қойылыммен басталды. Қойылымды Ж.Шанин атындағы академиялық қазақ драма театры мен Шымкент қалалық жастар театрының әртістері сахналады. Көрермендерге ұсынылған сахналық туынды ананың қоғамдағы орны мен қадір-қасиетін айшықтайтын әсерлі көріністермен ерекшеленді.Концерттік кештің көркемдік бағдарламасын «Қазына» би ансамблі, Шымкент опера және балет театрының хоры және «Қаратау» фольклорлық ансамблі толықтырды. Өнер ұжымдары көрермен назарына ұлттық және заманауи бағыттағы музыкалық-хореографиялық нөмірлер ұсынды.Сонымен қатар, мерекелік кешке қазақстандық эстрада жұлдыздары Еркін Нұржанов, Әділет Жауғашар және Астана Қарғабай қатысып, аналарға арналған әндерін орындады.«Әлемді тербеткен ана...» атты мерекелік концерт аналарға деген құрмет пен ізеттің белгісі ретінде ұйымдастырылып, қала тұрғындарына ерекше әсер сыйлады.

Еліміздің жаңа Конституция жобасының мазмұнын халыққа түсіндіру жұмыстары жалғасуда. Осы мақсатта «Қазақстан металл конструкциялары зауыты» ЖШС-нің еңбек ұжымымен кездесу ұйымдастырылды.Кездесу барысында заңгер-кеңесші Ердәулет Сапарғалиұлы жаңа редакциядағы Ата заңның негізгі бағыттары мен маңыздылығына тоқталды.Спикердің айтуынша, Конституция – кез келген мемлекеттің құқықтық негізін қалыптастыратын, оның даму бағыты мен стратегиялық бағдарын айқындайтын басты құжат. Қолданыстағы Конституция еліміздің тәуелсіз мемлекет ретінде қалыптасу кезеңінде қабылданып, мемлекетіміздің орнығуы мен дамуына маңызды негіз болды.Алайда қазіргі таңда ғылым мен технологияның қарқынды дамуы, қоғамдағы әлеуметтік-экономикалық өзгерістер және азаматтардың сұранысының артуы құқықтық жүйені жаңаша қарастыруды талап етіп отыр.Кездесу барысында жаңа редакциядағы Ата заңда еңбек қауіпсіздігі мен еңбек құқығын қорғау мәселелеріне ерекше назар аударылғаны айтылды. Ердәулет Сапарғалиұлының сөзінше, жаңа Конституция жобасында еңбек адамдарының құқықтарын қорғау тетіктері күшейтіліп, еңбекті қорғау мәселесі жаңа деңгейге көтеріліп отыр.Сондай-ақ ұсынылып отырған өзгерістер мен толықтырулар ең алдымен халықтың әл-ауқатын арттыруға, азаматтардың құқықтары мен әлеуметтік қорғалуын қамтамасыз етуге бағытталғаны атап өтілді. Жалпы алғанда, жаңа Конституция – еліміздің болашақ дамуына бағытталған стратегиялық бағдарды заңдық тұрғыда бекітетін маңызды құжат.Іс-шара барысында кәсіпорын қызметкерлері әлеуметтік қорғау мәселелері бойынша өздерін толғандырған сұрақтарын қойып, мамандар тарапынан тиісті жауаптар алды. Жиын қорытындысы бойынша қатысушылар жаңа құжатқ қолдау білдіретіндерін жеткізді.

Қазіргі уақытта ҚР ІІМ Ұлттық ұланында шамамен 1500 әйел әскери қызмет атқарады. Олардың 240-тан астамы қаржылық қамтамасыз ету саласының маманы, 50-ге жуығы байланыс қызметінде, 80-і маңызды мемлекеттік объектілерді күзету бойынша қызмет атқарады, 50 әйел әскери авиация құрамында қызмет етеді, ал 53 маман әскери қызметшілердің барлық санаттарының моральдық-психологиялық ахуалын қамтамасыз ету бағытында жұмыс жүргізеді. Олар ер азаматтармен қатар еліміздің қоғамдық қауіпсіздігін қамтамасыз ету жолындағы күрделі қызметтік міндеттерді абыроймен атқарып, дәстүрлі түрде ерлерге тән бұл мамандықтың қуанышы мен жауапкершілігін бірге бөлісіп келеді. Ал екі жүзден астамы офицерлік лауазымдарды иеленген.Осы орайда, Халықаралық әйелдер күні қарсаңында елордадағы Ұлттық ұланның 5573 әскери бөлімінде 8 наурыз мерекесіне арналған салтанатты іс-шара ұйымдастырылды.Дәстүр бойынша бұл күні әйел әскери қызметшілер, ардагерлер және өзара іс-қимыл жасайтын құрылымдардың өкілдері Қазақстан Республикасы Ішкі істер министрінің және Ішкі істер министрінің орынбасары — Ұлттық ұланның Бас қолбасшысының атынан марапатталып, естелік сыйлықтарға ие болды. Қызметтік міндеттерін адал атқарып, жоғары нәтижелер көрсеткендері үшін оларға төсбелгілер, грамоталар мен алғыс хаттар табысталды.Бұған дейін Ішкі істер министрлігінде ел Президентінің атынан табысталатын мемлекеттік наградалармен бірқатар әскери қызметші марапатталған болатын. Атап айтқанда, әскери борышын үлгілі атқарғаны үшін 6699 әскери бөлімінің бақылаушылар взводының бақылаушы-маманы сержант Әсем Серғазина «Жауынгерлік ерлігі үшін» медалімен наградталды. Ұлттық ұлан Ән-би ансамблінің аға маманы - концертмейстері кіші сержант Ғайни Жұмашеваға «Қазақстанның еңбек сіңірген қайраткері» құрметті атағы берілді. Ал Ұлттық ұланның Үлгілі-көрсетімді оркестрінің аға маманы - концертмейстері кіші сержант Наталья Кузнецова «Ерен еңбегі үшін» мемлекеттік наградасымен марапатталды.Салтанатты іс-шара барысында Ішкі істер министрінің орынбасары — Ұлттық ұланның Бас қолбасшысы нәзік жандыларға алғыс пен құрметін білдірді.- Ұлттық ұландағы әйелдер әскери қызметті абыроймен атқарып, ел қауіпсіздігін қамтамасыз ету ісіне елеулі үлес қосып келеді. Сіздер күн сайын жоғары кәсібилік, жауапкершілік және Әскери антқа адалдық танытасыздар. Сіздердің адал қызметтеріңіз әрдайым жоғары бағалауға лайық. Баршаңызға зор денсаулық, отбасыларыңызға амандық және қызметтеріңізге табыс тілеймін, - деді генерал-майор Аңсаған Балтабеков.Айта кету керек, әйел әскери қызметшілер карауылдарда, байланыс тораптарында қызмет атқарады, сондай-ақ әскери-медициналық, тылдық және бюджет-қаржылық қамтамасыз ету салаларында еңбек етеді. Бұдан бөлек олар әскери қызметшілердің әлеуметтік мәселелері мен жас отбасыларды қолдау бағытындағы бастамалар қаралатын әйелдер кеңестерінің жұмысына белсенді қатысады. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1176916?lang=kk

Өскемен гарнизонындағы оқу-жаттығу полигонында Т-72 жауынгерлік машинасынан штаттық атыс жаттығулары орындалды. Оған танк батальонының басқармасы, офицерлер мен келісімшарт бойынша әскери қызметшілер қатысты.Танк экипаждары ұрыс жағдайына келтіріліп, түрлі қашықтықтағы нысаналарды жою тапсырмаларын орындады. Әсіресе атысты басқару кезінде жедел шешім қабылдауға, сондай-ақ экипаждардың үйлесімді іс-қимылына айрықша көңіл бөлінді.– Бұл оқу-жаттығуда танк экипаждары нақты әрі бірізді жұмысын көрсете білді. Жеке құрам жауынгерлік техниканы жетік меңгерген, дайындық деңгейі де жоғары. Мұндай іс-шаралар жауынгерлік қабілетімізді арттырып, кез келген күрделі тапсырмаларды орындауға дайындығымызды күшейтеді, – деді 2-танк ротасының командирі лейтенант Ерболат Еңсебаев.Танк қаруынан штаттық снарядпен ату танкистер үшін жауынгерлік дайындықтың негізгі элементтерінің бірі саналады. Экипаждар штаттық қару-жарақтан дәл атуға дағдыланып, атысты басқару машығын жетілдіреді.Жаттығу барысында әскери қызметшілер нысаналарды дәл жойып, бөлімше құрамында үйлесімді әрекет ету дағдыларын көрсетті. Атыс жаттығулары барлық қауіпсіздік талаптарын қатаң сақтай отырып, ұйымдасқан түрде өтті.Ақпарат көзі : https://www.gov.kz/memleket/entities/mod/press/news/details/1176917?lang=kk

Буэнос-Айрес, 2026 жылғы 6 наурыз – Қазақстанның Бразилиядағы және Аргентинада қоса атқарушы Елшісі Болат Нүсіпов Аргентинаға жұмыс сапары аясында Аргентина Сыртқы істер министрлігінің халықаралық экономикалық мәселелері жөніндегі директоры Сильвина Мерфи және СІМ-нің саяси директоры, Елші Марсия Леваджимен кездесу өткізді.Кездесу барысында аргентиналық тарапқа мемлекеттің саяси-құқықтық жүйесін жан-жақты жетілдіруге және институционалдық дамудың жаңа кезеңіне өтуді аяқтауға бағытталған алдағы конституциялық өзгерістер жөнінде ақпарат берілді. Сонымен қатар, жаңа Конституция жобасын қабылдау жөніндегі республикалық референдум 2026 жылғы 15 наурызға белгіленгені және аталған референдум барысында ел азаматтары жаңартылған конституциялық үлгі бойынша түпкілікті шешім қабылдайтыны жеке атап өтілді.Осы тұрғыда тараптар екіжақты күн тәртіптегі міндеттерді іске асыруда қол жеткізілген бірқатар нәтижелерді қанағаттанушылықпен атап өтті. Атап айтқанда, 2024 жылы Аргентина Парламентінде «Қазақстан–Аргентина» парламенттік достық тобының құрылғаны және оның қазақстандық серіктестермен алғашқы бірлескен онлайн-отырысы 2024 жылғы 18 желтоқсанда өткендігі айтылды. Сонымен қатар, 2025 жылы «Қазақстанның Ет одағы» мен «Аргентинаның сиыр етін ілгерілету жөніндегі ұлттық институтының» тең төрағалығымен «Қазақстан–Аргентина» Іскерлік кеңесінің құрылғаны, сондай-ақ 2026 жылы «Қазақстан–Аргентина» сауда-өнеркәсіп палатасының құрылғаны атап өтілді.Қазақстан Елшісі кездесу соңында аргентиналық тарапты өздеріне қолайлы мерзімде кезекті саяси консультацияларын өткізу үшін Астана қаласына келуге шақыруын растады.Ақпарат көзі : https://www.gov.kz/memleket/entities/mfa-brazil/press/news/details/1176906?lang=kk

2026 жылғы 6 наурыз, Брюссель — Қазақстанның Бельгиядағы Елшісі Роман Василенко «QazSociety» қазақстандық қауымдастығының студенттерімен кездесу өткізді.Кездесу барысында Елші белсенділерге азаматтық ұстанымы мен Бельгиядағы қазақстандық қауымдастықты дамытуға қосқан үлесі үшін алғыс білдірді. Ол елдің қазіргі саяси және әлеуметтік-экономикалық дамуы, сыртқы саясаттағы басымдықтары, цифрландыру үрдісі және Еуропалық серіктестермен ынтымақтастық перспективалары туралы айтты.Негізгі назар 15 наурызға белгіленген Қазақстан Конституциясының жаңа жобасы бойынша республикалық референдумға аударылды.«Қазақстан Конституциясының жаңа жобасы бойынша республикалық референдум елдің болашақ дамуы туралы қоғамдық диалогтың маңызды кезеңі болады. Ол азаматтарға өз пікірін тікелей білдіруге және ел дамуының негізгі бағыттарын талқылауға қатысуға мүмкіндік береді», — деді Роман Василенко.Қатысушылар конституциялық реформаның егжей-тегжейіне, оның жүзеге асу механизмдеріне, сондай-ақ Қазақстанның саяси жүйесін дамыту және Еуропалық серіктестермен ынтымақтастықты нығайту перспективаларына қызығушылық көрсетті. Талқылау ашық форматта өтті, студенттер сұрақтар қойып, консулдық және құқықтық мәселелер бойынша түсініктемелер алды.Бельгия және Люксембургте тұратын Қазақстан азаматтары 15 наурызда республикалық референдумға 07:00-ден 20:00-ге дейін Брюссельдегі Қазақстан Республикасының Елшілігіндегі №405 дауыс беру учаскесінде қатыса алады. Ақпарат көзі : https://www.gov.kz/memleket/entities/mfa-brussels/press/news/details/1176907?lang=kk

Буэнос-Айрес, 2026 ж. 6 наурыз - Бразилиядағы Қазақстанның Елшісі Болат Нүсіпов, Аргентинаға сапары барысында ҚР Құрметті консулдығына барып, «Қазақстан - Аргентина» Сауда-өнеркәсіп палатасының ашылу салтанатына қатысты.Елші өз құттықтау сөзінде Қазақстанның әлеуметтік-экономикалық дамуының негізгі тұстарын, қолайлы инвестициялық ахуалы мен шетелдік инвесторлар үшін үкіметтік қолдау шараларын атап өтті.Сондай-ақ ол, жасанды интеллекттің маңызды рөл атқаруы арқылы экономиканы шикізатқа негізделген үлгіден технологиялық үлгіге көшуге мақсат қоятын конституциялық реформалар туралы айтып берді.Б.Нүсіпов өз сөзінде екі ел арасындағы ауыл шаруашылығы, ғарышты зерттеу мен ядролық энергетика саласындағы үлкен экономикалық әлеуетке тоқталып, Аргентинаның агроөнеркәсіп және мал шаруашылығы салаларындағы тәжірибесін атай отырып, бұл Қазақстан үшін өте пайдалы болатынын атап өтті.Іс-шара соңында ҚР-дың Аргентинадағы Құрметті консулы Сантияго Делука, «Қазақстан ет одағының» төрағасы М.Бақтыбаев пен «Атамекен клубы» ЖШС директоры Ж.Сұлтанов арасында ынтымақтастық туралы екі меморандумға қол қойылды. Бұл меморандумдар екі елдің бизнес қауымдастықтарының жеке бастамасы ретінде жаңа институт – «Қазақстан-Аргентина» сауда-өнеркәсіп палатасын құрады.Ү.ж. маусым айында екі ел арасында дипломатиялық қарым-қатынас орнағанының 33 жылдығына орай және екіжақты Қазақстан-Аргентина ынтымақтастығын нығайту мен кеңейтуге қосқан үлесі үшін ҚР-дың Аргентинадағы Құрметті консулы Сантьяго Делука мырзаға Елшіліктің алғыс грамотасы табысталды.Ақпарат көзі : https://www.gov.kz/memleket/entities/mfa-brazil/press/news/details/1176908?lang=kk

Буэнос-Айрес, 2026 жылғы 5 наурыз – Қазақстанның Бразилиядағы және Аргентинада қоса атқарушы Елшісі Болат Нүсіпов Аргентинаның Ұлттық футбол қауымдастығының (AFA) шақыруымен Аргентинаның жетекші футбол клубтарының бірі - CARP (Club Atlético River Plate) клубының кеңсесі мен стадионына барды.Клубтың физикалық дайындық және қоғаммен байланыс жөніндегі атқарушы директоры Сантьяго Давид клубтың қызметі, соның ішінде халықаралық байланыстар мен алмасу бағыттары бойынша таныстырылым жасады. Сонымен қатар, ол Аргентина астанасы тұрғындарының кең ауқымына арналған клуб ұсынатын түрлі спорт үйірмелері мен стадион аумағында орналасқан кампус туралы айтып берді.Тараптар, келіссөздер барысында Қазақстан мен Аргентинаның ұлттық футбол федерациялары, сондай-ақ екі елдің футбол клубтары арасындағы ынтымақтастықты қалыптастыру мүмкіндіктерін талқылады. Аргентина тарапы, жас қазақстандық спортшылар үшін клуб кампусында оқу курстарын ұйымдастыруды және CARP футбол клубының базасында қысқа мерзімді жаттығулар өткізуді ұсынды.«Ривер Плейт» футбол клубы (Club Atlético River Plate, CARP) -  Аргентинаның ең табысты әрі танымал футбол клубтарының бірі. Ол 1901 жылы Буэнос-Айрес қаласында құрылған. Клуб ел біріншілігін 37 реттен астам жеңіп алып, рекорд орнатқан және Оңтүстік Америкадағы ең ірі стадиондардың бірі - «Мас Монументаль» стадионында (сыйымдылығы – 85 000 адам) өнер көрсетеді.Әр кезеңде бұл клубта Аргентинаның атақты футболшылары өнер көрсеткен және олардың қатарында Габриэль Батистута (Gabriel Batistuta), Энцо Франческоли (Enzo Francescoli), Норберто Алонсо (Norberto Alonso), Даниэль Пассарелла (Daniel Passarella), Нери Пумпидо (Neri Pumpido), Оскар Руджери (Oscar Ruggeri), Хулиан Альварес (Julián Álvarez), Энцо Фернандес (Enzo Fernández), Маркос Акунья (Marcos Acuña) бар. Ақпарат көзі : https://www.gov.kz/memleket/entities/mfa-brazil/press/news/details/1176881?lang=kk