Синт-Трёйден – Хасселт – Генк, 2026 жылғы 27 наурыз – Лимбург провинциясына жұмыс сапары аясында Қазақстан Республикасының Бельгия Корольдігіндегі Елшісі Роман Василенко өңірдің іскерлік қауымдастығы өкілдерімен, Фландрия Сауда-өнеркәсіп палатасының (VOKA, Лимбург филиалы) басшылығымен кездесулер өткізіп, сондай-ақ «EnergyVille» зерттеу орталығына барды.Сапар барысында ұшқышсыз авиациялық жүйелер саласындағы жетекші бельгиялық компаниялар – DronePort, ZSE Technology NV және Citymesh Safety Drone басшыларымен кездесулер өтті. Тараптар дрон өндірісі, ұшқышсыз қауіптерге қарсы іс-қимыл және қоғамдық қауіпсіздікті қамтамасыз етуге арналған технологияларды енгізу салаларындағы ынтымақтастық перспективаларын талқылады.Елші Қазақстанда ауыл шаруашылығы, инфрақұрылымды мониторингтеу және төтенше жағдайларға әрекет ету салаларында дрондарды қолдануды қамтитын ұшқышсыз авиация экожүйесі қарқынды дамып келе жатқанын атап өтті. Осы тұрғыда антидрон жүйелері мен шұғыл қызметтерге арналған автоматтандырылған платформаларды қоса алғанда, бельгиялық компаниялардың кешенді шешімдер әзірлеудегі тәжірибесі ерекше қызығушылық тудырады.Өндірісті жергіліктендіру және технологиялар трансфері мәселелеріне ерекше назар аударылды. Қазақстанда бірлескен жобаларды іске асыру, жинақтау өндірістерін құру, сондай-ақ мамандар даярлау және құзыреттер алмасу мүмкіндіктері қарастырылды.Хасселт қаласында VOKA – Фландрия Сауда-өнеркәсіп палатасының (Лимбург филиалы) басқарушы директоры Йоханн Летенмен кездесу өтті. Кездесу барысында сауда-экономикалық ынтымақтастықты кеңейту перспективалары талқыланды.Тараптар екіжақты сауда мен инвестициялардың тұрақты өсімін, сондай-ақ Қазақстан мен Фландрия экономикаларының өзара толықтырушылығын атап өтті. Қазақстан мұнай-химия, агроөнеркәсіптік кешен, логистика және қайта өңдеу салаларындағы инвестициялық жобаларды іске асыруға фламанд компанияларын тартуға мүдделілік білдірді.Елші халықаралық консалтингтік компаниялардың қатысуымен құрылымдалған дайын инвестициялық жобалар пакетін ұсынуға және бельгиялық инвесторларға жан-жақты қолдау көрсетуге дайын екенін атап өтті.Сапар аясында Елші Генк қаласындағы «EnergyVille» зерттеу орталығына барып, ол тұрақты энергетика және энергетикалық ауысу саласындағы Еуропаның жетекші орталықтарының бірі болып табылады.Орталық басшылығымен кездесу барысында «жасыл» энергетиканы дамыту, зияткерлік энергия желілері, сутегі технологиялары және энергия тиімділігін арттыру салаларындағы ынтымақтастық перспективалары талқыланды. Қазақстан тарапы 2060 жылға қарай көміртекті бейтараптыққа қол жеткізу, жаңартылатын энергия көздерін дамыту және энергетикалық инфрақұрылымды дамыту жөніндегі басымдықтарын таныстырды.Қазақстан энергетикалық секторды жаңғырту бойынша ауқымды жобаларды іске асырып жатқаны, соның ішінде «таза көмір» генерациясын дамыту, заманауи экологиялық технологияларды енгізу және атом электр станциясын салу атап өтілді. Тараптар бірлескен ғылыми-зерттеу жобаларын дамытуға, тәжірибе алмасуға және технологиялар трансферіне, сондай-ақ энергетика және тұрақты даму салаларында пилоттық жобаларды іске асыруға қызығушылық білдірді.Сапар қорытындысы бойынша тараптар өңіраралық ынтымақтастықты тереңдетуге өзара қызығушылықтарын растады және нақты инвестициялық және технологиялық жобаларды іске асыруға бағытталған практикалық диалогты жалғастыруға келісті.Анықтама: Лимбург провинциясы Фландрияның өнеркәсіп, логистика және инновацияларға бағытталған әртараптандырылған экономикасы бар қарқынды дамып келе жатқан өңірлерінің бірі болып табылады. 2024 жылы провинцияның ЖІӨ шамамен 32 млрд еуроны (Бельгия ЖІӨ-нің шамамен 6%-ы) құрады. Өңірде EnergyVille орталығын қоса алғанда дамыған инновациялық экожүйе қалыптасқан және ол Еуропаның өндірістік және логистикалық тізбектерінде маңызды орын алады.Ақпарат көзі : https://www.gov.kz/memleket/entities/mfa-brussels/press/news/details/1188989?lang=kk

Қостанай облысының Алтынсарин ауданында елді мекендердің санитарлық жағдайын жақсарту және аумақтарды абаттандыруға бағытталған «Қарлы десант» акциясы ұйымдастырылды.Іс-шара аясында аулалар мен жеке тұрғын үйлерге іргелес аумақтарды қардан тазарту жұмыстары жүргізілді. Акцияға ауданның барлық ауылдық округтерінің тұрғындары, жастар, қоғамдық ұйымдар мен еріктілер қозғалысының өкілдері қатысты.Акция ауданның барлық елді мекендерінде бір мезгілде өтіп, жергілікті қауымдастықтың кең ауқымды қамтылуы мен белсенді қатысуын қамтамасыз етті.Іс-шараның негізгі мақсаты – азаматтардың тазалық пен тәртіпті сақтауға деген жауапкершілігін қалыптастыру, сондай-ақ аумақтарды абаттандыру мәселелеріне назар аудару.«Қарлы десант» акциясын өткізу аудан тұрғындары үшін қолайлы әрі жайлы өмір сүру ортасын қалыптастыруға бағытталған жүйелі жұмыстың жалғасы болды.Ақпарат көзі : https://www.gov.kz/memleket/entities/kostanay/press/news/details/1188991?lang=kk

         2026 жылғы 27 наурызда Қазақстан Республикасының Самарқанд қаласындағы Бас консулы Талғат Шәріпов «Жібек жолы» Халықаралық туризм және мәдени мұра университеті ректорының міндетін атқарушы Мухсинжон Холмухамедовпен кездесті.         Кездесуде ғылыми-білім беру, академиялық және мәдени-гуманитарлық салалардағы қазақ-өзбек ынтымақтастығының қазіргі жағдайы мен даму перспективалары талқыланды. Жоғары оқу орындары арасындағы өзара іс-қимылды кеңейту, оның ішінде екі елдің жоғары оқу орындары арасында тікелей байланыс орнату мәселелеріне ерекше назар аударылды.         Сұхбаттасушылар бірлескен іс-шаралар ғылыми конференциялар, академиялық алмасулар, білім беру бағдарламалары мен мәдени бастамаларды ұйымдастыруға өзара қызығушылық танытты.         Кездесу соңында Талғат Шәріпов Қазақстан мен Өзбекстан арасындағы ғылым, білім беру және мәдени-гуманитарлық ынтымақтастықты нығайтуға бағытталған бастамаларға жан-жақты қолдау көрсетуге дайын екенін растады.Ақпарат көзі : https://www.gov.kz/memleket/entities/mfa-samarkand/press/news/details/1188993?lang=kk

Қонаев гарнизонында 35-ші жеке гвардиялық десанттық-шабуылдау бригадасының саптық алаңында 26363 және 32363 әскери бөлімдерінің мерзімді қызметін аяқтаған әскери қызметшілерін салтанатты шығарып салу рәсімі өтті. Көк береттер сап алдында Жауынгерлік туды ұстап қатарласа, зор мақтанышпен салтанатты маршпен жүріп өтті.Іс-шараға гарнизон басшылығы, Қарулы күштердің ардагерлері және әскери бөлімдердің жеке құрамы қатысты.Әскери оркестрдің сүйемелдеуімен шамамен 600 мерзімді қызмет әскери қызметшісі Жауынгерлік Тумен қоштасты. Бұл рәсім әскери бөлімнің абыройын, ерліктің және ұрпақтар сабақтастығының нышаны.– Әскерде жүріп сендер шынығып шыңдалып, қажетті дағдылар мен тәжірибе жинадыңдар. Отанға адал қызметтерің үшін шынайы алғысымды білдіремін. Сендер конституциялық борыштарыңды абыроймен орындап, десанттық-шабуылдау әскерлерінің даңқты дәстүрлерін лайықты жалғастырушы атандыңдар. Сендерге зор денсаулық, отбасыларыңа амандық және сәттілік тілеймін, – деді 32363 әскери бөлімінің командирі гвардия полковнигі Бейбіт Аманқалиев.Қызмет барысында үздік көзге түскен бірқатар әскери қызметшілер грамоталармен, естелік сыйлықтармен және ата-аналары алғыс хаттармен марапатталды.Саптық алаңда әндете жүріп өткен соңғы марш, командирлер мен қарулас достарының жылы лебіздері әр жауынгердің жадында жарқын із қалдырары сөзсіз.– Бүгін үйге ораламыз. Десанттық-шабуылдау бригадасында қызмет өткергенімді мақтан тұтамын. Көк ала жейде мен көк беретті абыроймен мақтана киіп жүремін. Біздің жауынгер болып қалыптасуымызға қосқан үлесі үшін командирлерге ерекше алғыс айтқым келеді, – деді гвардия кіші сержанты Инабат Мұқатай.Он екі ай бойы сарбаздар әскери істің қыр-сырын меңгеріп, сеніп тапсырылған қару-жарақ пен техниканы үйренді. Білімдерін тәжірибе жүзінде сынап көрді, дене шынықтыру және моральдық-психологиялық даярлықтарын жетілдірді. Әскерден алған дағдылар олардың алдағы өміріне де қажет болары анық. Жігіттер жоғары оқу орындарына түсіп, күштік құрылымдарда, мемлекеттік органдарда қызмет етеді немесе азаматтық саланың маманы бола алады.Ақпарат көзі : https://www.gov.kz/memleket/entities/mod/press/news/details/1189001?lang=kk

«Таза Қазақстан» жалпыұлттық экологиялық республикалық акциясы аясында 2026 жылы 28 наурызында  Алматы облысы Қонаев қаласында сенбілікке Алматы облысы Қаржы басқармасының қызметкерлері өз үлестерін қосты. Сенбілікте жалпы 300 тал ағаш көшеттері отырғызылды.Ақпарат көзі : https://www.gov.kz/memleket/entities/almobl-karzhy/press/news/details/1189002?lang=kk

Қазақстан Республикасы Қорғаныс министрлігі Радиоэлектроника және байланыс әскери-инженерлік институтының курсанттары республикалық бағдарлама жасақтау олимпиадасында бірінші және екінші орындарды еншілеп, барынша дайындалғандарын көрсетіп, елдің жетекші университеттерінің командаларынан сенімді түрде басып озды.Интеллектуалды жарыс Алматы қаласындағы Алматы технологиялық университетінің базасында өтті. Сайысқа 15 команда қатысты. Олардың құрамында азаматтық және күштік құрылымдардың оқу орындары да болды, соның ішінде Халықаралық ақпараттық технологиялар университеті, Абай атындағы Қазақ ұлттық педагогикалық университеті, сондай-ақ Ұлттық қауіпсіздік комитеті мен Ішкі істер министрлігінің академиялары да бар.Олимпиада екі кезеңнен тұрды. Кезеңдер қатысушылардың теориялық білімдері мен практикалық дағдыларын бағалауға бағытталды. Бірінші турда конкурсанттар тест тапсырмаларын орындап, логикалық есептерді жылдамдыққа шешті. Екінші кезеңде командалар бағдарлама жасақтау бойынша практикалық тапсырмаларды орындап, заманауи тілдер мен алгоритмдік ойлауды шектеулі уақытта көрсетті.Барлық сынақтар қорытындысы бойынша бірінші орынды подполковник Рахматулла Шәкіровтың жетекшілігімен курсант Мирас Әбсалықов пен кіші сержант Әмір Қарпықовтың командасы жеңіп алды. Екінші орын подполковник Асқар Аишевтің жетекшілігімен курсанттар Дінмұхамед Есіркепов пен Диас Ахмаджановтың командасына берілді.– Мұндай жарыстар тек білімді ғана емес, мінезді де шыңдайды. Әскери оқу орнындағы дайындық бізге жоғары жүктеме мен жауапкершілікте тиімді жұмыс істеуге мүмкіндік береді, – деді екінші курс курсанты Мирас Әбсалықов.Мұндай жақсы нәтижелер курсанттардың дайындық деңгейін жоғары екенін және ақпараттық технологиялар мен цифрлық қауіпсіздік саласында мамандар даярлауға бағытталған әскери білім беру жүйесінің тиімділігін көрсетеді.Ақпарат көзі : https://www.gov.kz/memleket/entities/mod/press/news/details/1189041?lang=kk

Бүгін Қазақстанда «Жер сағаты» жаһандық экологиялық акциясы өтеді. Бұл бастамаға Алматы облысы да қатысады. Жергілікті уақыт бойынша сағат 20:30 бен 21:30 аралығында өңірдегі 55 ғимараттың жарығы өшіріледі. Олардың қатарында Алматы облысының, бірқатар аудан мен қала әкімдігінің ғимараты мен кәсіпорындар да бар, – деп хабарлайды Алматы облысы әкімінің баспасөз қызметі.Жыл сайын өткізілетін акция дүниежүзілік жабайы табиғат қорына қамқорлық көрсетуді көздейді. Ал биылғы тақырыбы елдегі экотуризмді дамытуға бағытталған. Игі шара табиғат әлеміне бей-жай қарамай, жарық пен тұрмыстық электр құралдарын бір сағатқа өшіруге шақырады.Айта кетейік, «Жер сағаты» акциясына бүкіл әлем бойынша 2 млрд-тан астам адам, 180 елден 7 000 қаланың тұрғындары қатысады. Биыл әлем бойынша 19-шы рет, ал Қазақстанда 17-ші рет өтеді. Акцияның мақсаты – планетаның табиғаты мен ресурстарына жауапкершілікпен қарау қажеттілігіне назар аудару.Ақпарат көзі : https://www.gov.kz/memleket/entities/almobl/press/news/details/1189057?lang=kk

Алматы қаласындағы Қорғаныс министрлігінің Орталық спорт клубында Қазақстанның күштік құрылымдары арасында қазақ күресі мен самбодан чемпионат басталды. Сайыстың ашылуына қорғаныс министрі авиация генерал-лейтенанты Дәурен Қосанов қатысты.Қорғаныс ведомствосының басшысы спортшыларды, жаттықтырушыларды, төрешілер мен көрермендерді құттықтап, мұндай жарыстардың әскери қызметшілердің кәсіби даярлығын арттырудағы және ведомствоаралық өзара іс-қимылды нығайтудағы маңызын атап өтті.– Боз кілем үстіндегі тартыс нағыз үздіктерді анықтап қана қоймай, бөлімшелердің кәсібилігін арттыруға ықпал етеді. Іріктеу кезеңдеріне үш мыңнан астам балуан қатысты. Турнир ұлттық спорт түрлерін насихаттауда, жауынгерлік рухты көтеруде және күштік құрылымдар арасындағы өзара іс-қимылды нығайтуда маңызды рөл атқарады, – деді Дәурен Қосанов.Чемпионатқа Қорғаныс министрлігі, Ішкі істер министрлігі, Төтенше жағдайлар министрлігі, Мемлекеттік күзет қызметі, Шекара қызметі, Ұлттық қауіпсіздік комитеті және Ұлттық ұлан атынан 30 команда құрамында 200-дің үстінде спортшы қатысып отыр.Самбо сайысында 58, 64, 71, 79, 88, 98 және 98 келіден жоғары салмақта, ал қазақ күресі 55, 60, 66, 74, 82, 90, 100 және 100 келіден жоғары салмақ бойынша өтуде.Қорғаныс министрлігі Спорт комитетінің төрағасы, полковник Арман Әбеуовтың айтуынша, татамидегі сайыстың қорытындысы бойынша Қазақстанның күштік құрылымдарының құрама командалары жасақталады. Олар Әскери спорттың халықаралық кеңесі (CISM) аясында өтетін самбо мен қазақ күресінен әлем чемпионаттарында, сондай-ақ Өзбекстанда өтетін кураш күресінен CISM-нің алғашқы әлемдік жарысында ел намысын қорғайды.Турнир әскери-қолданбалы спортты дамытуға, әскери қызметшілердің дене дайындығын нығайтуға және ұлттық күрес түрлерін халықаралық деңгейде ілгерілетуге бағытталған.Ақпарат көзі : https://www.gov.kz/memleket/entities/mod/press/news/details/1189059?lang=kk

Қазақстан Республикасы ІІМ Ұлттық ұланының әскери қызметшісі ефрейтор Руслан Құрбанов Астанада өткен семсерлесуден Әлем чемпионатында күміс медаль жеңіп алды.Қазақстандық семсерші турнирлік қашықтықты сенімді түрде өтіп, шеберліктің жоғары деңгейі мен жеңіске деген ерік-жігерін көрсетті.Ефрейтор Руслан Құрбанов ширек финал кезеңінде екі дүркін Олимпиада чемпионы жапондық Кано Кокиді 9:8 есебімен жеңді.Жартылай финалда Қазақстан құрамасының өкілі венгриялық спортшы Дэвид Нагиді 15:13 есебімен жеңіп, ойдағыдай өнер көрсетті. Бұл оған турнирдің шешуші кезеңіне шығуға мүмкіндік берді.Соңғы жекпе-жекте ұландық спортшы Украина семсершісі Роман Свичкармен кездесті. Жекпе-жек қарқынды және тартысты өтті, бірақ қарсылас аз ғана (15:12) басымдықпен жеңіске жетті.Жарыс қорытындысы бойынша ефрейтор Руслан Құрбанов Әлем чемпионатының күміс жүлдегері атанды.Бұл жетістік отандық спортты дамытуға елеулі үлес болып табылады және ҚР ІІМ Ұлттық ұланының әскери қызметшілерін даярлаудың жоғары деңгейін көрсетеді. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1189081?lang=kk

2026 жылғы 28 наурызда «Әулие Климент Охридски» София университетінде Ашық есік күндері өтті.Іс-шараға студенттер, оқытушылар және Әзербайжан, Мысыр Араб Республикасы, Қазақстан, ҚХР, Индонезия елдерінің шетелдік дипломатиялық корпусының өкілдері, БАҚ және т.б. қатысты.Қазақстандық дипломаттар София университеті студенттерінің қолдауымен Қазақстанның білім беру әлеуетін таныстырып, ұлттық киімдер көрмесін ұйымдастырды, сондай-ақ әдеби мұраны және өзге де жәдігерлерді ұсынды.Аталған шаралар болгар жастарының арасында, ең алдымен, Қазақстанның білім беру және туристік тартымдылығы тұрғысынан үлкен қызығушылық тудырды. Сонымен бірге мәдени-гуманитарлық саладағы қолданыстағы байланыстарды нығайтуға ықпал етті. Болгарияда 77 қазақстандық студент білім алуда. Оңтүстік-Шығыс Еуропадағы ең беделді оқу орындарының бірі саналатын «Әулие Климент Охридски» София университетінде Әл-Фараби атындағы ғылыми-білім беру және мәдени орталығы мен Қазақ тілі, тарихы мен мәдениетін оқыту орталығы жұмыс істейді.Ақпарат көзі : https://www.gov.kz/memleket/entities/mfa-sofia/press/news/details/1189086?lang=kk

Шымкентте өтіп жатқан Digital Qazaqstan 2026 халықаралық форумы аясында Байланыс саласындағы өңірлік достастықтың (БӨД) 35 жылдығына арналған жаңа пошта маркасының салтанатты таңба қою рәсімі өтті.Іс-шараға ҚР Премьер-Министрінің орынбасары – Жасанды интеллект және цифрлық даму министрі Жаслан Мәдиев, БӨД бас директоры Алексей Бородин, сондай-ақ «Қазпошта» АҚ Басқарма төрағасы Бекежан Жәкеев қатысты.Мерейтойға арналған марка Қазақстанның өңірлік ынтымақтастықты нығайтуға қосқан үлесін бейнелейді. Рәсімге қатысушылар маркаларды «Бірінші күн» арнайы штемпелімен таңбалап, естелік конверттерге қолтаңбаларын қалдырды. Сонымен қатар, халықаралық серіктестік белгісі ретінде олармен алмасты.Марка төрт түсті офсеттік тәсілмен дайындалып, 6 маркадан тұратын парақ форматында ұсынылған. Номиналы – 800 теңге, таралымы – 3 000 дана. Дизайнын Г. Ибатолла әзірлеген, басып шығару жұмыстары ҚР Ұлттық Банкінің Банкнот фабрикасында жүргізілді.Бұл марканың шығарылуы өңір елдерінің көпжылдық серіктестігінің маңыздылығын айқындайды және заманауи коммуникациялар мен цифрлық трансформация саласындағы жетістіктерді дәріптеуге бағытталған.

2026 жылғы 26–29 наурыз аралығында Шымкент қаласы, Абай ауданы аумағында «Қауіпсіз үй» жедел-профилактикалық іс-шарасы ұйымдастырылады.🔹 «Қауіпсіз үй» – әр отбасының тыныштығы мен амандығына бағытталған маңызды бастама.🔹 Басты ұстанымымыз: қауіпсіз ұя – бақытты өмірдің кепілі.🔹 Зорлық-зомбылықсыз қоғам қалыптастыру – баршамыздың ортақ міндетіміз.🔹 Бір-бірімізге жанашыр болып, қорғап жүрейік!Іс-шараға құқық қорғау органдары, жергілікті атқарушы құрылымдар, бұқаралық ақпарат құралдары, еріктілер мен қоғам белсенділері қатысады.🎯 Негізгі мақсаттары:• Тұрмыстық зорлық-зомбылықтың алдын алу• Қауіп тобына жататын отбасыларды анықтау және қолдау• Қоғамдық қауіпсіздік пен тәртіпті қамтамасыз етуБарша азаматтарды заң талаптарын құрметтеуге, құқық бұзушылықтың алдын алуға және қоғам тыныштығын сақтауға шақырамыз!#заңментәртіп #шымкент #абайауданы #қауіпсізүй #зорлықзомбылыққажолжоқ

2026 жылғы 21 наурызда Культурпарк аумағында түркі халықтарының жаңа жылы – Наурыз мерекесіне арналған «Bahar» халықаралық көктем фестивалі өтті.Іс-шара Измир қаласының әкімдігі мен Қазақстан Республикасының Бас консулдығының бірлескен ұйымдастыруымен өткізілді. Фестивальге Қазақстан, Әзербайжан, Қырғызстан және Өзбекстаннан келген студенттер мен Измир қаласының тұрғындары қатысты.Қазақстандық павильон домбыраның әуенімен және «Izmir Qazaq Jastary» студенттік бірлестігінің белсенділері дайындаған дәстүрлі ұлттық тағамдарымен қонақтардың ерекше назарын аударды.Ақпарат көзі : https://www.gov.kz/memleket/entities/mfa-izmir/press/news/details/1186897?lang=kk

Берн, 21 наурыз – Наурыз мерекесіне орай Қазақстан Республикасының Швейцария Конфедерациясындағы Елшілігі «Бірлік» Қазақстан-Швейцария қауымдастығымен бірлесіп, Швейцарияның түрлі кантондарында тұратын қазақ диаспорасы өкілдері мен отандастардың басын қосқан мерекелік іс-шара ұйымдастырды.Өзінің құттықтау сөзінде Елші Қайрат Саржанов Наурыздың жаңару, бірлік пен жасампаздықтың символы ретіндегі маңызын атап өтіп, оның қоғамдағы келісім, сабақтастық және тұрақты даму құндылықтарын бейнелейтінін жеткізді. Жалпыұлттық референдум қорытындысы бойынша Қазақстанның жаңа Конституциясының қабылдануына ерекше назар аударылып, бұл қадам мемлекеттің құқықтық жүйесін одан әрі нығайтуда, демократиялық институттарды дамытуда және азаматтардың құқықтары мен бостандықтарын кеңейтуде маңызды рөл атқарғаны айтылды.Елші шетелде мәдени бірегейлікті сақтау, ұлттық дәстүрлер мен ана тіліне құрмет отандастарды біріктіретін маңызды факторы ретінде атап өтті. Осы тұрғыда «Бірлік» қауымдастығының қазақ диаспорасы арасындағы байланыстарды нығайтудағы, ұлттық әдет-ғұрыптар мен дәстүрлерді сақтаудағы маңызды рөліне ерекше назар аударылды.Іс-шара барысында Халықаралық түркітілдес мұғалімдер қауымдастығы шетелдегі отандастар арасында қазақ тілін насихаттау жөніндегі бастамаларын таныстырды. Атап айтқанда, «Тәтті ертегі» мәдени-білім беру жобасы аясында «Шахматшы қонжық» атты балалар кітабының тұсаукесері өтті.Мерекелік бағдарлама қазақ мәдениетінің байлығын көрсететін ұлттық музыка, әндер мен билерден тұратын концерттік қойылымдарды қамтыды. Қонақтар интерактивті ойындарға қатысып, ұлттық тағамдар ұсынылған дастархан басында қазақтың қонақжайлылық дәстүрімен танысты.Іс-шара мәдени байланыстар мен ұлтаралық диалогты нығайтудың маңызды алаңына айналып, қатысушылар тарапынан оң бағасын алды. Бұл өз кезегінде мәдени бірегейлік пен бірлікті сақтаудың маңыздылығын тағы да дәлелдеді. Ақпарат көзі : https://www.gov.kz/memleket/entities/mfa-bern/press/news/details/1186899?lang=kk

Аудан тұрғындары мен қонақтары халықтық дәстүрлерге толы, театрландырылған қойылым мен мазмұнды концерттік бағдарламаның атмосферасына бөленді.Аудан әкімі Қайсар Мұражақыпов жиналған жұртшылықты мерекемен құттықтап, баршаға бейбітшілік, береке мен молшылық тіледі. Шара барысында ауданның бірқатар азаматтары марапатталып, бірнеше отбасыға жаңа баспананың кілттері табысталды. Бұл күн олар үшін ерекше қуанышқа толы болды.Мерекелік бағдарлама аластау рәсімімен басталған театрландырылған прологпен жалғасты. Көрермендер назарына қазақтың тарихы мен аңыз кейіпкерлерінен құралған көркем шеру ұсынылды: батырлар мен нөкерлер, аңшылар мен бүркітшілер, Қозы Көрпеш пен Баян сұлу, Алдар көсе, Тазша бала, Қаңбақ шал, палуандар, билер, Асан қайғы, сал-серілер, сондай-ақ Қыдыр Ата, Айсұлу және Күнсұлу.Қонақтарға дәстүрлі наурыз көже мен шашу ұсынылып, күй мен халық әндері шырқалды. Мерекелік бағдарлама ауданның шығармашылық ұжымдары мен өнерпаздарының қатысуымен өткен концертпен жалғасты.Ақпарат көзі : https://www.gov.kz/memleket/entities/kostanai-bmalin-audany-akimat/press/news/details/1186908?lang=kk

Науырзым ауданында Ұлы Отан соғысы ардагерлеріне тағзым ретінде тазарту жұмыстары жүргізілді.Аудан тұрғындары, жастар, еріктілер және түрлі мекеме қызметкерлері бірлесіп, соғыс ардагерлеріне арналған ескерткіштердің аумағын қардан тазартты. Нәтижесінде, ескерткіштердің айналасы ретке келтіріліп, келушілер үшін қолайлы жағдай жасалды.Ақпарат көзі : https://www.gov.kz/memleket/entities/kostanay/press/news/details/1186924?lang=kk

Қазақстан Қарулы күштерінің әскери қызметшілері Голан жоталарында халықаралық миссияға қатысушылар үшін мәдени-ағартушылық іс-шара ұйымдастырды.139 адамнан тұратын қазақстандық бітімгерлер БҰҰ-ның миссиясы құрамында өз жауапкершілік аймағында тұрақтылық пен қауіпсіздікті қамтамасыз ету міндеттерін атқарып келеді.Наурыз мейрамын тойлау достық және өзара құрмет атмосферасында өтті. Қазақстандық бітімгерлер жаңару, игілік және жаңа өмірлік кезеңнің басталуын бейнелейтін ұлттық дәстүрлер мен әдет-ғұрыптарды таныстырды. Салтанатты іс-шараға Непал, Үндістан, Уругвай елдерінің бітімгерлік контингенттері, БҰҰ-ның бөлінуді бақылау жөніндегі күштерінің (UNDOF) штаб офицерлері, БҰҰ Бақылау миссиясының (UNTSO) әскери бақылаушылары шақырылды. Қонақтар ұлттық тағамдардан дәм татып, мерекелік бағдарламаға қатысты.Іс-шара халықаралық өзара іс-қимылды нығайтуға, мәдениетаралық диалогты дамытуға және әскери қызметшілер арасында бейресми қарым-қатынасты арттыруға мүмкіндік берді. Көпұлтты бітімгерлік миссия жағдайында Наурызды атап өту қазақстандық әскери қызметшілердің бейбітшілік, өзара түсіністік және мәдени әртүрлілікті құрметтеу қағидаттарына адалдығын көрсетті.Ақпарат көзі : https://www.gov.kz/memleket/entities/mod/press/news/details/1186958?lang=kk

2026 жылғы 21 наурызда Ханой қаласында көктемгі жаңару мерекесі – Наурызға арналған мәдени фестиваль өтті. Іс-шара Қазақстан Республикасының Елшілігімен, Әзербайжан Республикасының Елшілігімен және Ханой сауда және туризм колледжімен бірлесіп ұйымдастырылды.Наурыз – Қазақстандағы және Әзербайжандағы ең маңызды дәстүрлі мерекелердің бірі болып табылады. Ол жаңа жылдың басталуын, табиғаттың жаңаруын және адам мен табиғат арасындағы үйлесімділікті білдіреді. Бұл мереке адамдарды біріктіріп, достықты, өзара түсіністікті және мәдени дәстүрлерге деген құрметті нығайтады.Ханойдағы фестиваль Қазақстан мен Әзербайжанның бай мәдени мұрасын таныстыру алаңына айналды. Бағдарлама аясында ұлттық музыка мен би өнері көрсетіліп, дәстүрлі тағамдар ұсынылды, сондай-ақ ұлттық ойындар мен интерактивті мәдени бағдарламалар ұйымдастырылды.Фестиваль қонақтарына бауырлас түркі халықтарының бірегей болмысын және ғасырлар бойғы дәстүрлерін бейнелейтін тұрмыс-тіршілік элементтері, қолөнер бұйымдары мен ұлттық киімдер таныстырылды. Сонымен қатар мәдени диалогты дамытуға және елдер арасындағы гуманитарлық ынтымақтастықты нығайтуға ерекше назар аударылды.Қазақстан Елшісі Қанат Тумыш, өз сөзінде, «Наурызнама» тұжырымдамасына сәйкес Наурыз мерекесін атап өтудің заманауи тәсілдері туралы тілге тиек етті. Бұл тұжырымдама дәстүрлерді жаңғыртуға, ұлттық құндылықтарды ілгерілетуге және қоғамдық бірлікті нығайтуға бағытталған онкүндік іс-шараларды өткізуді көздейтінін хабардар етті.Наурыз мерекесінің негізінде жатқан жаңару идеясының қоғам дамуы, бірлік пен үйлесімді қоғам қалыптастырудағы маңызы ерекше атап өтілді.Іс-шараның қорытындысында қонақтарға дәстүрлі наурыз көже мен қазақ ұлттық тағамдары ұсынылды.Ханой сауда және туризм колледжінің ректоры Др. Чинь Тхи Тху Ха мұндай іс-шаралар Қазақстан, Әзербайжан және Вьетнам халықтары арасындағы мәдени алмасуды, өзара түсіністік пен достықты нығайтуға ықпал ететінін атап өтті.Ханойдағы Наурыз фестивалі бірлік, көктемгі жаңару және халықаралық ынтымақтастықтың жарқын символына айналды.Ақпарат көзі : https://www.gov.kz/memleket/entities/mfa-hanoi/press/news/details/1186970?lang=kk

Алматы облысында «Мөлдір бұлақ» экологиялық акциясы кең көлемде ұйымдастырылып, өңірдің табиғи су көздерін сақтау мен жаңғыртуға бағытталған ауқымды жұмыс жүргізілді. Игі бастамаға 1500-ге жуық адам қатысып, 300-ден астам ағаш көшеті отырғызылды, - деп хабарлайды Алматы облысы әкімінің баспасөз қызметі.Акция барысында өңірдегі бірнеше маңызды бұлақ көзі ашылды. Атап айтқанда, Еңбекшіқазақ ауданы Еңбек ауылында орналасқан, жергілікті халық ауыз су ретінде пайдаланатын бұлақ тазартылып, аумағын абаттандыру, ағаш отырғызу және қоршау орнату жұмыстары қолға алынды. Малыбай ауылдық округіне қарасты таудың етегінде орналасқан Шилі бастау бұлағының бастауы мен арнасы тазартылып, негізінен мал суаруға пайдаланылатын су көзінің табиғи қалпы жақсартылды. Қаражота ауылдық округіндегі тарихи маңызы бар Диірмен базы бұлағында да тазалау жұмыстары жүргізіліп, бұлақтың бастауы мен су жүретін арнасы ретке келтірілді. Тауқаратұрық ауылына жақын орналасқан Құртты бұлағының көзі ашылып, санитарлық жұмыстар атқарылды. Сонымен қатар Талғар ауданындағы киелі орындардың бірі саналатын Әлмерек баба бұлағы да назардан тыс қалған жоқ. Оның табиғи әрі рухани маңызына ерекше көңіл бөлінді.«Іле-Алатау» мемлекеттік ұлттық табиғи паркi Түрген шатқалындағы «Киелі» бұлағының ашылу рәсіміне Алматы облысының әкімі Марат Сұлтанғазиев те қатысып, бұлақ көзін ашу, ағаш отырғызу жұмысына атсалысты.Марат Елеусізұлы бұл Мемлекет басшысы Қасым-Жомарт Тоқаевтың бастамасымен қолға алынған «Таза Қазақстан» жалпыұлттық бағдарламасы аясындағы игі шара екенін атап өтті.«Біз бүгін ата-бабамыздан қалған «Бұлақ көрсең, көзін аш» деген асыл аманатты жүзеге асыру мақсатында жиналып отырмыз. Су - тіршілік көзі. Жеріміздің берекесі мен ырысы. Әсіресе көптеген елді мекені тау етегінде орналасқан Алматы облысы үшін әрбір бастау мен қайнар - стратегиялық маңызға ие.Бүгінгі таңда тіршілік нәрін үнемдеу және оларды таза ұстау – мемлекеттік деңгейдегі өзекті мәселе. Осы шарада бізбен бірге иық тіресе еңбектенетін өңір тұрғындарының белсенділігі қуантады.Бұл жұмыстар тек бір күндік науқанмен шектелмейді. Біз әрбір бұлақтың басын қоршап, ағаш отырғызып, санитарлық жағдайын бақылауда ұстайтын боламыз, – деген облыс әкімі қатысушыларға алғысын білдіріп, сауапты істің Ұлыстың ұлы күні – Наурыз мейрамымен тұспа-тұс келуін жақсы ырымға балады.«Қазсушар» республикалық мемлекеттік кәсіпорнының бас директоры Әнуар Үскенбаев дәстүрді түрде өткізілетін акция биыл кең ауқымда ұйымдастырылғанын айтып, суды үнемдеу, табиғатты қорғау ортақ жауапкершілік екенінен жеткізді.  Шараға егде жастағы тұрғындардан бастап, жастарға дейін белсенді атсалысып, табиғатқа жанашырлықтың үлгісін көрсетті. Атқарылған жұмыстың арқасында бұлақ суы жергілікті халықтың игілігіне айналып, шаруашылығына септігін тигізетін болады.Экологиялық шара табиғатқа қамқорлық көрсету ғана емес, сондай-ақ адам жанының да тазаруы, жүрек көзінің ашылуы. Сондықтан мұндай шаралар Алматы облысында жоспарға сай жүйелі түрде жалғасады.Ақпарат көзі : https://www.gov.kz/memleket/entities/almobl/press/news/details/1186988?lang=kk

Наурызнаманың соңғы күні – Тазару күні Қарулы күштердің әскери қызметшілері ағаш отырғызу, аумақты тазалау және абаттандыру акцияларын өткізді.Шымкент гарнизонындағы 10216 әскери бөлімінің жеке құрамы экологиялық акция өткізді. Әскери қызметшілер ағаш көшеттерін отырғызып, аумақты тазалау және абаттандыру жұмыстарын жүргізді.– Тазару күні – Наурызнаманың соңғы кезеңі ғана емес, таза оймен және әлемді жақсартуға деген ниетпен жаңа жылды бастау болып табылады, – деді бөлім командирі подполковник Дәулетбек Қоғабаев.Сабыр Рахымов атындағы әскери колледжде әскери қызметшілердің, оқытушылар және тәрбиеленушілердің қатысуымен экологиялық акция өтті. Оқу орнының жеке құрамы аумақты ретке келтіріп, оқуға және демалуға ыңғайлы әрі қолайлы орта жасады.Бұл күні Бауыржан Момышұлы атындағы механикаландырылған бригада шабуылдау батальонының келісімшарт бойынша әскери қызметшілері мен сарбаздары, әскери бөлім аумағында ағаш көшеттерін отырғызып, игі іске атсалысты. Бұл шара әскери ұжымдағы бірлік рухын нығайтуға септігін тигізді.Экологиялық бастаманы Жетісу гарнизоны да белсенді қолдады. 18386 әскери бөлімі әскери қызметшілері ұлттық киімде көшет отырғызып, дәстүр мен табиғатты қорғау арасындағы үйлесімділікті көрсетті.Тазару күні өткен осындай игі істер қоршаған ортаны сақтаудың маңыздылығын білдіреді, патриоттық құндылықтарды нығайтады және туған жерге деген жауапкершілік сезімін арттыруға ықпал етеді.Ақпарат көзі : https://www.gov.kz/memleket/entities/mod/press/news/details/1186994?lang=kk