Астанада Қарулы күштер Ұлттық әскери-патриоттық орталығының музыканттары мен әртістері және Қорғаныс министрлігінің Құрмет қарауыл ротасының әскери қызметшілері Катарда өткен І Халықаралық әскери музыка және марштар фестивалінде өнер көрсетті.19132 әскери бөлімінің әскери аэродромында оларды Қорғаныс министрлігінің өкілдері мен Ұлттық әскери-патриоттық орталығынан әріптестері қарсы алды. – Елге аман-есен оралуларыңызбен шын жүректен құттықтаймын! Жемісті еңбектеріңіз үшін алғысымды айтамын. Сіздер халықаралық аренада еліміздің жоғары кәсіби деңгейін, ұлттық рухын, Қазақстанның және оның Қарулы күштерінің бай мәдени мұрасын көрсетіп, абыройын асқақтаттыңыздар, – деп атап өтті Қорғаныс министрлігі Тәрбие және идеологиялық жұмыс департаменті бастығының орынбасары полковник Виталий Адамович. Естеріңізге сала кетсек, Қазақстаннан музыкалық фестивальде Орталық әскери оркестр, би тобы, Ұлттық әскери-патриоттық орталығы Орталық ансамблінің фольклорлық-этнографиялық оркестрі, сондай-ақ Қорғаныс министрлігінің Құрмет қарауыл ротасы өнер көрсетті. Фестивальді ұйымдастырушылар қазақстандық делегация мүшелерінің шеберліктерін мойындап, алғыс ретінде кәдесыйлар табыс етті.Делегация басшысы, Қарулы күштер Ұлттық әскери-патриоттық орталығының бастығы, Қазақстанның еңбек сіңірген қайраткері Арман Асеновтың айтуынша, фестиваль өзге елдердің мәдениетімен танысу және халықаралық байланыстарды нығайту үшін маңызды алаңға айналды.Қазақстандық ұжымның өнеріне фестиваль ұйымдастырушылары мен көрермен қауымы жылы лебізін білдірді. Швейцария делегациясының өкілі генерал Эрик Джуллиард әскери және ұлттық әуен нақыштарын, саптық сымбат пен хореографияны үйлестіре білген әртістердің кәсібилігін атап өтті.Әскери қызметшілер репертуар мен ұлттық нақышқа ерекше назар аудара отырып, өнер көрсетуге алдын ала дайындалды. Бағдарламада Нұрғиса Тілендиевтің, Темірхан Қожабековтің «Легенда о табуне», Бақытжан Желдербаевтың «Шабыт шыңында» шығармалары, сондай-ақ Allah Ya Omri Qatar патриоттық әні орындалды.– Осындай жоғары деңгейдегі фестивальге қатысу – үлкен абырой әрі зор жауапкершілік. Көрермендердің әсеріне қарап, ел атынан абыроймен өнер көрсеттік деп ойламйын, – деді Ұлттық әскери-патриоттық орталығы Орталық әскери оркестрінің бастығы подполковник Мақсат Шәкенов.Фестивальге Ұлыбритания, Йордания, Ирландия, АҚШ, Оман, Түркия шығармашылық ұжымдары және Катардың элиталық әскери-музыкалық оркестрлері қатысты.Ақпарат көзі : https://www.gov.kz/memleket/entities/mod/press/news/details/1130300?lang=kk

 Жаңа Салық кодексінің күшіне енуіне байланысты және қазіргі уақытта оңайлатылған декларация негізінде арнаулы салық режимін қолданатын салық төлеушілерге арнаулы салық режимдеріндегі өзгерістерді ескере отырып, бөлшек салық, сондай-ақ белгіленген шегерімді пайдаланатын режим, қолданылатын салық салу режимі туралы хабарламаны ұсыну қажет.      Оңайлатылған декларация негізінде арнаулы салық режимін қолдану үшін салық төлеушілер 2026 жылғы 1 қаңтардан бастап 1 наурызға дейінгі кезеңде (өтпелі кезең) жаңа Салық кодексінің 840-бабының ережелеріне сәйкес осы режимге көшу туралы хабарлама ұсынуы қажет. Мұндай хабарламаны ұсынған салық төлеушілер 2026 жылғы 1 қаңтардан бастап оңайлатылған декларация режимін қолданатын болып танылады.      Жаңа Салық кодексі шеңберінде мұндай хабарламаны беру 2026 жылғы 1 қаңтардан бастап қолжетімді болады. 
Хабарламаны автоматты түрде беру жүзеге асырылады:      1) салық төлеушінің кабинетінде «Салықтық әкімшілендірудің интеграцияланған жүйесі» ақпараттық жүйесінде «құжаттарды тапсыру» бөлімінде «қолданылатын салық салу режимі туралы хабарлама» қолжетімді болады, оны салық төлеушілер өздерінің ЭЦҚ-сына қол қою арқылы және «E-Salyq Business» мобильдік қосымшасы арқылы жібере алады;     2) ірі банктердің банктік қосымшаларында.      Сонымен қатар, хабарламаны салық төлеушінің орналасқан жері бойынша Мемлекеттік кірістер басқармасына қағаз түрінде ұсыну мүмкіндігі де қарастырылған.      Салық төлеушілерді ақпараттандыру мақсатында Мемлекеттік кірістер комитеті іс-қимылдардың қадамдық алгоритмі бар оңайлатылған декларация негізінде арнайы салық режиміне көшу үшін көрсетілген хабарламаны ұсыну қажеттілігі туралы салық төлеушілердің жаңа кабинетіне push-хабарлама жіберетін болады.      Ағымдағы жылы арнаулы салық режимдерін қолданатын баяндалған салық төлеушілерге байланысты қызметті одан әрі жүзеге асыру үшін тиісті салық салу режимін таңдау туралы шешім қабылдау қажет.      Мемлекеттік кірістер комитеті өтпелі жағдайды, оның ішінде МКК колл-орталықтары арқылы түсіндіру бойынша жан-жақты көмек көрсетеді.      Салық төлеушілерге салық салудың оңтайлы режимін таңдау туралы шешім қабылдауға және жеңілдетілген декларация негізінде арнайы салық режиміне көшу туралы хабарламаларды уақтылы ұсынуға кеңес береміз.      Бұл тегіс ауысуды қамтамасыз етуге және салық салудың жалпыға бірдей белгіленген тәртібін автоматты түрде қолданудан аулақ болуға мүмкіндік береді.Ақпарат көзі : https://www.gov.kz/memleket/entities/kgd-akmola/press/news/details/1130667?lang=kk

ЮНИСЕФ пен Ұлттық статистика бюросы бірлесіп ұйымдастырған жұмыс тобының көшпелі отырысы аясында балалардың жағдайына қатысты негізгі индикаторлар мен бала құқықтарын қорғау саласындағы деректер жүйесін дамыту мәселелері талқыланды.Талқылау барысында соңғы он жылда Қазақстанда балаларды тәрбиелеудің физикалық әдістерінің қолданылу деңгейі 52 пайыздан 37 пайызға дейін төмендегені атап өтілді. ҚР Ұлттық экономика министрлігінің Әлеуметтік саланы, құқық қорғау және арнайы органдарды дамыту департаментінің директоры Нұргүл Жанназарованың айтуынша, қол жеткізілген бұл ілгерілеу БҰҰ-ның балалардың құқықтары мен әл-ауқатын қорғауға бағытталған Орнықты даму мақсаттарын жүйелі түрде іске асырудың нәтижесі болып табылады.Білім беру, денсаулық сақтау және өскелең ұрпақты әлеуметтік қорғау салаларына салынатын инвестициялар елдің адами капиталын қалыптастырып, орнықты дамудың негізгі факторы екені ерекше атап өтілді.Өз сөзінде Қазақстандағы ЮНИСЕФ Өкілінің орынбасары Рамиз Бехбудов диалог алаңын ұйымдастыруға көрсеткен қолдауы үшін Ұлттық экономика министрлігіне және Ұлттық статистика бюросына алғысын білдіріп, Орнықты даму мақсаттарын іске асыру аясында алдағы уақытта да нәтижелі ынтымақтастық жалғасады деген үмітін жеткізді.Ақпарат көзі : https://www.gov.kz/memleket/entities/economy/press/news/details/1130291?lang=kk

Подгорица, 2025 жылғы 22 желтоқсан – Қазақстан Республикасының Черногориядағы Бас консулы Ғабиден Темірбек Черногорияның Әділет министрі Боян Бозовичпен кездесу өткізді.Тараптар құқықтық саладағы екіжақты ынтымақтастықтың қазіргі ахуалы мен даму перспективаларын талқылады. Атап айтқанда, шарттық-құқықтық базаны кеңейту, сондай-ақ экстрадиция және өзара құқықтық көмек салаларындағы өзара іс-қимыл мәселелеріне назар аударылды.Кездесу қорытындысы бойынша тараптар екі елдің уәкілетті органдары арасындағы практикалық ынтымақтастықты одан әрі дамытуға өзара мүдделілік танытып, тиісті екіжақты келісімдер жобаларын қарастыруға уағдаласты.Ақпарат көзі : https://www.gov.kz/memleket/entities/mfa-podgorica/press/news/details/1130254?lang=kk

Доха, 15-19 желтоқсан 2025 жыл - Қазақстан делегациясы БҰҰ-ның Сыбайлас жемқорлыққа қарсы конвенциясына қатысушы мемлекеттердің 11-ші конференциясына қатысты.Екі жылда бір рет өткізілетін конференция биыл Доха қаласында 170 мемлекеттен 2 500-ден астам қатысушыны жинады. Олардың қатарында мемлекеттік органдардың, халықаралық және өңірлік ұйымдардың, азаматтық қоғам институттарының және сарапшылар қауымдастығының өкілдері болды.Қазақстан делегациясының құрамына Қазақстан Республикасы Ұлттық қауіпсіздік комитетінің Сыбайлас жемқорлыққа қарсы қызметінің, сондай-ақ Бас прокуратура мен Сыртқы істер министрлігінің өкілдері кірді.Жалпы пікірталастарда делегация басшысы – ҚР ҰҚК Сыбайлас жемқорлыққа қарсы қызметі директорының орынбасары Данияр Ақжанов – Қазақстанның Сыбайлас жемқорлыққа қарсы БҰҰ конвенциясының мақсаттары мен қағидаттарына берік бейілділігін растап өтті. Мемлекетіміздің ұлттық заңнамасы мен құқық қолдану тәжірибесін халықаралық стандарттарға сәйкестендіру бағытында жүйелі түрде жұмыстар жүргізіліп жатқаны, бұл ретте БҰҰ-ның Есірткі және қылмыс жөніндегі басқармасы мен басқа да халықаралық серіктестердің белсенді қолдауы атап өтілді.Сондай-ақ елдегі сыбайлас жемқорлыққа қарсы іс-қимыл жүйесіндегі ағымдағы институционалдық өзгерістер туралы ақпарат ұсынылып, бұрын қабылданған барлық халықаралық және ведомствоаралық міндеттемелердің сақталатыны ерекше атап өтілді.Баяндамада құқық бұзушылықтардың алдын алуға, ашықтықты арттыруға және жауапкершіліктің бұлтартпастығын қамтамасыз етуге бағытталған заманауи сыбайлас жемқорлыққа қарсы құралдарды енгізуге ерекше назар аударылды.Қазақстандық делегация халықаралық ынтымақтастықты одан әрі кеңейтуге, озық тәжірибелермен алмасуға және ведомствоаралық әрі мемлекетаралық деңгейлерде бірлескен жобаларды іске асыруға дайын екенін білдіріп, сыбайлас жемқорлыққа қарсы тиімді күрес тек тұрақты диалог, серіктестік және инновациялық тәсілдерді енгізу арқылы мүмкін екенін атап өтті.Конференция аясында шет мемлекеттердің делегацияларымен бірқатар екіжақты кездесулер де өтті. Келіссөздер барысында сыбайлас жемқорлыққа қарсы өзара іс-қимылдың өзекті мәселелері талқыланып, сыбайлас жемқорлықпен байланысты құқық бұзушылықтарды анықтау, жолын кесу және тергеп-тексеру саласындағы тәжірибе, үздік практикалар мен сараптамалық әзірлемелер алмасу жөнінде уағдаластықтарға қол жеткізілді.Ақпарат көзі : https://www.gov.kz/memleket/entities/mfa-vienna/press/news/details/1130256?lang=kk

Масқат, 2025 жылғы 22 желтоқсанда - «Қазақстанның әлеуметтік-экономикалық дамуы және 2025 жылғы Қазақстан-Оман ынтымақтастығының нәтижелері» тақырыбында дөңгелек үстел өтті. Іс-шараға сараптамалық-талдау топтарының өкілдері мен мемлекеттік органдардың өкілдері қатысты.Өз сөзінің басында Қазақстан Республикасының Оман Сұлтандығындағы Елшісі А.Тұматов Оман сарапшыларын Мемлекет басшысының ағымдағы жылғы 8 қыркүйектегі «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты жолдауының негізгі ережелері туралы хабардар етті.Сөз барысында еліміздің «Әділ, күшті және цифрлық Қазақстанды» құруға бағытталған стратегиялық бағыты атап өтілді, ағымдағы жылдың он айындағы Қазақстан Республикасының әлеуметтік-экономикалық дамуының негізгі нәтижелері аталды, сондай-ақ елдің туристік әлеуеті және осы саладағы ынтымақтастықты кеңейту мүмкіндіктері туралы ақпарат ұсынылды.Елші Президент Қ.Тоқаевтың 2025 жылғы Жолдауының негізгі аспектілері жеделдетілген цифрлық трансформация, жасанды интеллект министрлігін құру, банктер туралы жаңа заң қабылдау, технологияларды енгізуге, тұрғынүй-коммуналдық шаруашылықты жаңғыртуға, инвесторлардың құқықтарын қорғауға, көлік-логистикалық инфрақұрылымды дамытуға, сондай-ақ әлеуметтік саланы дамытуға баса назар аудара отырып, өңдеуші өнеркәсіп пен агроөнеркәсіптік кешенді дамыту болып табылатынын атап өтті. Бұл шаралардың басты мақсаты-прагматикалық негізде жаһандық сын-қатерлер жағдайында Қазақстанның тұрақты дамуын қамтамасыз ету және бәсекеге қабілеттілігін арттыру.Сонымен қатар, Елші 2025 жылғы Қазақстан-Оман екіжақты қарым-қатынастарының нәтижелерін қысқаша таныстырып, екі ел арасындағы саяси сұхбатың, экономикалық, инвестициялық және мәдени-гуманитарлық байланыстардың жанданғанын баяндады.Елші сөзінің соңында жоғарыда аталған аспектілер мен Қазақстан-Оман ынтымақтастығын одан әрі дамыту келешегі кеңінен талқыланды.Ақпарат көзі : https://www.gov.kz/memleket/entities/mfa-muscat/press/news/details/1130269?lang=kk

Женева қаласындағы Біріккен Ұлттар Ұйымының бөлімшесі мен басқа да халықаралық ұйымдар жанындағы Қазақстан Республикасының Тұрақты өкілі Е.Қазыхан және Халықаралық еңбек ұйымының (ХЕҰ) Бас директоры Ж.Унгбо Дамушы елдерді ерекше ескере отырып, ең төмен жалақыны белгілеу туралы № 131 конвенцияны Қазақстан Республикасының депозиттеуі рәсіміне қатысты.Салтанатты рәсім барысында Елші Е.Қазыхан бұл конвенцияны ратификациялау Қазақстанның жұмысшылар мен олардың отбасыларының қажеттіліктерін ескере отырып, ашық критерийлер негізінде ең төменгі жалақыны айқындаудың тиімді тетіктерін қалыптастыру қағидаттарына берік ұстанымын көрсететінін атап өтті. Ол бұл қадам ел саясатының маңызды құрамдас бөлігі болып табылатынын және еңбекшілердің әлеуметтік қорғалуы деңгейін арттыруға бағытталғанын растады.  Өз кезегінде  ХЕҰ Бас директоры Ж.Унгбо Қазақстанның аталған конвенцияны ратификациялауы халықаралық еңбек стандарттарын ілгерілету ісіне елеулі үлес болып табылатынын айтты. Оның пікірінше, бұл қадам жұмысшыларды қорғаудың ұлттық тетіктерін одан әрі дамытуға, сондай-ақ үкімет, жұмыс берушілер мен жұмысшылар ұйымдары арасындағы әлеуметтік диалогты нығайтуға ықпал етеді.Анықтама: № 131 конвенцияны ратификациялау туралы Заңға Қазақстан Республикасының Президенті ағымдағы жылғы 20 қазанда қол қойған. Қазақстан Республикасының ратификациялық грамотасын Халықаралық еңбек ұйымына сақтауға тапсыру болып табылатын депозиттеу рәсімінен кейін бұл шарт еліміз үшін бір жылдан соң күшіне енеді. Осылайша Қазақстан Конвенцияны ратификациялаған 57-ші мемлекет болды.Ақпарат көзі : https://www.gov.kz/memleket/entities/mfa-geneva/press/news/details/1130274?lang=kk

Қостанай қаласында балалар мен жасөспірімдер спорт мектебінің базасында өңірдегі спорттың дамуына елеулі үлес қосқан Асылхан Бусурмановтың есімімен аталатын бокс мектебі жұмыс істей бастады.Атаулы мектептің ашылуы облыстың спорттық қоғамдастығы үшін маңызды оқиға болды. Жаңа зал жүйелі түрде бокспен айналысатын балалар мен жасөспірімдерді дайындауға арналған. Бүгінде БЖСМ бокс бөлімінде жүздеген жас спортшылар жаттығуда және мектептің ашылуы олардың дамуы мен кәсіби өсуіне қосымша мүмкіндіктер туғызуда.Асылхан Бусурманов атындағы мектепке беру оның еңбегіне құрмет белгісі және спорттық дәстүрлердің сабақтастығын сақтау тәсілі болып табылады. Спорт әлеміндегі тәлімгер мен беделді тұлғаның есімі жас боксшылардың тәртіпке, еңбекке және жоғары нәтижелерге деген ұмтылысын қалыптастыра отырып, өскелең ұрпаққа үлгі болуға арналған.Бокс мектебі Қостанай БЖСМ құрылымына кіреді және дене шынықтыру мен спортты дамытудың мемлекеттік бағдарламалары шеңберінде жұмыс істейді. Алдағы уақытта тәрбиеленушілердің қалалық, облыстық және республикалық жарыстарға қатысуы жоспарлануда.Асылхан Бусурманов атындағы бокс мектебінің ашылуы Қостанайдың спорттық инфрақұрылымын нығайту мен бұқаралық балалар мен жасөспірімдер спортын дамытудағы тағы бір қадам болды.Ақпарат көзі : https://www.gov.kz/memleket/entities/kostanai-kalasy-akimat/press/news/details/1130242?lang=kk

Грузияның «Туризм туралы» Заңына сәйкес, Грузияға келетін барлық туристердің жазатайым оқиғалардан медициналық сақтандыру полисі болуы міндетті. Осыған байланысты, Грузия Үкіметінің «Грузияға келетін туристерге арналған жазатайым оқиғалардан міндетті медициналық сақтандырудың ережелері мен шарттарын бекіту туралы» тиісті қаулысы қабылданады деп күтілуде.2026 жылғы 1 қаңтардан бастап Грузия аумағына келетін кез келген турист жазатайым оқиғалардан медициналық сақтандырудың қолданыстағы полисіне ие болуы тиіс. Сақтандыру полисi қағаз немесе электронды түрде берiлуге және грузин немесе ағылшын тiлiнде жасалуға тиiс.Сақтандыру полисiн грузиялық та, шетелдiк те сақтандыру компаниясы беруi мүмкiн, ал сақтандыру өтемiнiң сомасы кемiнде 30 000 GEL құрауы тиiс.Сақтандыру полисінде келесі міндетті ақпарат болуы тиіс:Сақтандыру шартының тараптары;Сақтандыру аумағы;Сақтандыру мәні;Сақтандыру өтемінің қолданылуы басталған және аяқталған күндер;Сақтандыру тәуекелдері;Сақтандыру өтемінің сомасы;Сақтандыру сыйлықақысының мөлшері;Төлем орны мен шарттары.Сақтандыру полисі туристің Грузияда болған барлық кезеңін, оның ішінде келген және кеткен күндерін жабуға тиіс екеніне назар аударыңыз.Ескертпе: «Туризм туралы» Грузия Заңына сәйкес турист, баратын елінде орналасқан мекемеде жұмыс істеуді қоспағанда, іспен, демалу үшін немесе өзге де жеке мақсаттарда, кем дегенде бір түнеумен және бір жылдан аспайтын мерзімге саяхаттайтын болып белгіленеді.Ақпарат көзі : https://www.gov.kz/memleket/entities/mfa-tbilisi/press/news/details/1130244?lang=kk

Президент Жоғары Еуразиялық экономикалық кеңестің келесі отырысы 28-29 мамырда Астанада өтетінін жеткіздіҚасым-Жомарт Тоқаев сөзін қорытындылай келе, мемлекеттер алдында салмақты шешім мен үйлесімді әрекетті талап ететін күрделі міндеттер тұрғанына назар аударды.Президент келесі жылы Еуразиялық экономикалық одақ органдарына төрағалық ету миссиясы Қазақстан Республикасына өтетінін еске салды. Мемлекет басшысы еліміз жаңа табысқа қол жеткізіп, бірлестік елдерінің игілігін еселеу үшін нәтижелі жұмыс жүргізуге ниетті екенін жеткізді.Президент Жоғары Еуразиялық экономикалық кеңестің келесі отырысы 28-29 мамырда Астанада өтетінін жеткізді.Қасым-Жомарт Тоқаев ұйым төрағасы міндетін табысты атқарғаны үшін Беларусь Республикасының Президенті Александр Лукашенкоға алғыс айтты.Жиын қорытындысы бойынша бірқатар құжат қабылданды.

 Мемлекет басшысы Қасым-Жомарт Тоқаев Жоғары Еуразиялық экономикалық кеңестің отырысында Еуразиялық экономикалық одақтың экономикалық әлеуетін одан әрі нығайту қажеттігіне назар аударып, интеграциялық бірлестікті дамытудың басым бағыттарын айқындады.Президенттің айтуынша, қазіргі таңда әлем жаппай цифрлық трансформация мен жасанды интеллект дәуіріне қадам басып отыр. Осыған байланысты заманауи технологияларды ЕАЭО-ға мүше мемлекеттердің экономикасының барлық саласына енгізу маңызды.Мемлекет басшысы жасанды интеллект технологиясын ЕАЭО қызметіне кезең-кезеңімен енгізуді ұсынды. Атап айтқанда, мұндай жүйелерді сауда ағындарын жоспарлау және кедендік баж салығының ықпалын бағалау мақсатында қазірдің өзінде қолдануға болатынын айтты. Сондай-ақ келесі жылы Қазақстанның ЕАЭО-ға төрағалығы аясында өтетін дәстүрлі Еуразия экономикалық форумы барысында Экономикалық одақ кеңістігінде жасанды интеллектіні жауапкершілікпен пайдалану туралы бірлескен мәлімдеме қабылдау мүмкіндігін қарастыруды ұсынды.Қасым-Жомарт Тоқаев Еуразиялық экономикалық одақтың әлемдегі маңызды көлік-логистика торабына айналу әлеуеті жоғары екенін атап өтті. Оның айтуынша, одаққа мүше мемлекеттердің аумағы арқылы Батыс Қытай – Батыс Еуропа, Солтүстік – Оңтүстік және Транскаспий халықаралық көлік бағыты секілді негізгі дәліздер өтеді.Президент Қазақстанның шетелдік серіктестермен бірлесіп Ресей Федерациясында, Қытайда, Әзербайжанда және басқа да елдерде халықаралық мультимодальды логистика орталықтары мен терминалдар желісін дамытуға белсенді түрде кіріскенін айтты. Сонымен қатар Румыния мен Мажарстанда да осындай инфрақұрылым нысандары дамытылып жатқанын жеткізді. Мемлекет басшысы сауда-саттықты жандандырып, жүк тасымалы шығындарын азайту мақсатында ұйымға мүше өзге мемлекеттерді де бұл іске атсалысуға шақырды.Мемлекет басшысы Қазақстанның Каспий теңізі жағалауындағы теңіз инфрақұрылымы арқылы ынтымақтастықтың жаңа мүмкіндіктері ашылатынын атап өтті. Президенттің айтуынша, Каспий теңізіндегі негізгі порттарда орналасқан заманауи контейнерлік хабтар өсіп келе жатқан жүк тасымалына толыққанды қызмет көрсете алады. Осы ретте ол ұйымға мүше мемлекеттердің транзиттік әлеуетін арттыруға серпін беретін Кеме қатынасы туралы келісімнің күшіне енуін жеделдетуге шақырды.Қасым-Жомарт Тоқаев әлемдік нарықта сұранысқа ие, қосылған құны жоғары өнім шығаруға бағытталған жаңа өндіріс орындарын дамытуға ерекше мән беру қажет екенін айтты. Еуразия даму банкінің сарапшыларының бағалауынша, ЕАЭО елдерінің өнеркәсіп тауарларын өндіру және экспорттау бойынша қосымша мүмкіндігі 67 миллиард долларды құрайды. Осы әлеует толық іске асырылған жағдайда, түпкі нәтиже 500 миллиард долларға дейін жетуі мүмкін. Президент бұл мақсатқа қол жеткізу үшін өнеркәсіптік кооперацияны күшейтіп, серпінді инновациялық жобаларға инвестиция салу қажеттігін атап өтті.Мемлекет басшысы өзара сауда-саттықтағы әкімшілік кедергілерді толық жоятын уақыт келгенін мәлімдеді. Оның айтуынша, азаматтардың еркін қозғалуына кедергі келтіретін жасанды шектеулерді алып тастап, шекарадағы жүк көліктерінің ұзын-сонар кезегін жою қажет.Президент кедендік реттеу және көлік, санитарлық, ветеринарлық, фитосанитарлық мемлекеттік қадағалау шаралары ұйым ішіндегі кейбір шешімдерді өткізу құралы ретінде қолданылмауға тиіс екенін баса айтты. ЕАЭО құрылған сәттен бастап кедергісіз сауда ортасын қалыптастыруға бағытталған бірқатар құжаттар қабылданғанын еске салып, енді осы міндеттерді мүлтіксіз орындап, өзара сауда мен еркін қозғалысқа тосқауыл болатын мәселелерді уақтылы шешу қажеттігін атап өтті. Осы орайда Комиссияға кедергілерді жедел анықтау мақсатында мүше мемлекеттердің заңнамалық бастамаларына мониторинг жүргізетін жасанды интеллект технологиясын енгізу мүмкіндігін қарастыру ұсынылды.Қасым-Жомарт Тоқаев сауда-экономикалық ынтымақтастық аясын кеңейтуге де тоқталды. Оның айтуынша, биыл Моңғолиямен Еркін сауда аймағы туралы келісімге, Біріккен Араб Әмірліктерімен Экономикалық серіктестік туралы келісімге қол қойылды. Сонымен қатар Индонезиямен де осындай келісім жасалуда. Президент бұл келісімдерді бірлескен жұмыстың елеулі нәтижесі деп бағалап, өзге елдердің Еуразиялық экономикалық одақпен сауда байланыстарын тереңдетуге қызығушылығы артып келе жатқанын атап өтті.Мемлекет басшысы алдағы кезеңде ЕАЭО-ның Жаһандық Оңтүстік, Араб елдері, Оңтүстік-Шығыс Азия және Африка мемлекеттерімен ықпалдастығын кеңейту маңызды екенін айтты. Сонымен қатар Шанхай ынтымақтастық ұйымы, АСЕАН сияқты басқа да халықаралық ұйымдармен өзара іс-қимылға айрықша көңіл бөлу қажеттігін жеткізді.

Бүгін аудан әкімі Берік Сәрменбаев аудандық мәслихаттың кезекті 43-сессиясында ауданның әлеуметтік-экономикалық дамуы туралы баяндады. Аудан басшысы биыл атқарылған жұмыстар мен алдағы міндеттерге тоқталды.– Мемлекет басшысы Қасым-Жомарт Кемелұлы Тоқаевтың тапсырмасымен, облыс әкімі Нұрлыбек Машбекұлы Нәлібаевтың қолдауымен биыл ауданда ауқымды жұмыстар атқарылуда. Ауданның әлеуметтік-экономикалық дамуында оң өсім қалыптасты. Жыл басында аудан бюджеті 10 млрд. теңгені құраса, бүгінгі таңда 13,2 млрд теңгеге жетті. 2025 жылдың 11 айының қорытындысы бойынша өнеркәсіп орындары 93,3 млрд теңгенің өнімін өндіріп, өткен жылдың сәйкес кезеңімен салыстырғанда 73,6 пайызға артты. Ауыл, орман және балық шаруашылығы саласында жалпы өнім көлемі 25,7 млрд теңгені құрады. Аудан экономикасына негізгі капиталға 83,3 млрд теңге инвестиция тартылып, тұрғын үй құрылысы қарқынды жүргізілді. Есепті кезеңде 25,8 мың шаршы метр тұрғын үй пайдалануға беріліп, құрылыс жұмыстарының көлемі 22,8 млрд теңгені құрады.Ауыл шаруашылығында 33 145 гектар жерге егін егілді. Негізгі дақыл – күріш 19 950 гектар алқапқа орналастырылып, әр гектардан орта есеппен 61 центнерден өнім алынды. Жалпы 121,7 мың тоннаға жуық күріш жиналып, өткен жылмен салыстырғанда өнім көлемі артты. Осы көрсеткіштердің нәтижесінде Сырдария ауданы «Егін шаруашылығы бойынша озат аудан» атанды. Мемлекет басшысының су үнемдеу жөніндегі тапсырмасына сәйкес лазерлік жер тегістеу жұмыстары жүргізіліп, биыл 3500 гектар жер тегістеліп, 70 пайызға жеткізілді. Президенттің бастамасымен жүзеге асып жатқан «Ауыл аманаты» бағдарламасы аясында 370 млн. теңгенің 56 жобасы қаржыландырылып, қолдау көрсетілді, – деді Берік Әбдіғаппарұлы.2025 жылы газдандыру жобаларын жүзеге асыруға 2,1 млрд. теңге қаржы бөлініп, Н.Ілиясов, Шаған ауылдары табиғи газға қосылды. Жоба құны 1,8 млрд. теңгені құрайтын Ақжарма елді мекенін газдандыруға биылға республикалық бюджеттен 840,8 млн. теңге қаржы бөлініп, бүгінде газ құбырларын тарту жұмыстары жүргізілуде. «Ауыл – ел бесігі» бағдарламасы аясында жоба құны 490,5 млн. теңгеге Қалжан ахун елді мекенін электрмен жабдықтау жұмыстары жүргізілуде. Биыл аудан бойынша жол саласына қатысты 7 жобаға 982,3 млн. теңге қаржы бөлініп, аудандық маңызы бар «Қызылорда-Аэрапорт-Қоғалыкөл-Шіркейлі» автожолының қалған 10,2 шақырымы және Шіркейлі, Шаған, С.Сейфуллин елді мекендерінде 13 көше жөндеуден өтті. Халықпен кездесулерде көтерілген мәселелерге байланысты аудандық бюджеттен 136,6 млн. теңге қаржы бөлініп, 17 көшеге қиыршық тас төсеу жұмыстары жүргізілуде.Биыл 186,5 млн. теңгеге Н.Ілиясов ауылында жаңа қоныстану аймағына инженерлік-инфрақұрылымдық жұмыстар жүргізілуде.Аймақ басшысының қолдауымен Тереңөзек кентінде облыстық бюджеттен бөлінген 475,5 млн. теңгеге сұрыптау кешені бар қатты тұрмыстық қалдықтар полигоны іске қосылды. 1,5 млрд. теңгеге «Руханият орталығы» пайдалануға беріліп, бүгінде аға буын мен жастардың рухани орталығына айналды.Білім саласында құны 293 млн. теңгеге Н.Ілиясов ауылындағы №132 орта мектебі және С.Сейфуллин ауылындағы №137 орта мектеп күрделі жөндеуден өтті. Сондай-ақ, денсаулық сақтау саласында құны 103 млн. теңгеге Аманкелді ауылындағы дәрігерлік амбулатория, 329 млн. теңгеге Шаған елді мекеніндегі дәрігерлік амбулатория күрделі жөндеуден өткізілсе, аудан орталығында құны 150 млн. теңгеге паллиативтік медициналық көмек көрсету бөлімшесі ашылды. Бесарық ауылында жаңа спорт кешені пайдалануға берілді.Қазірі таңда аймақ басшысының қолдауымен Тереңөзек кентіндегі заманауи талаптарға сай келетін темір жол вокзалының ғимараты жаңадан салынуда. Ауданды абаттандыру жұмыстары бюджет көздерінен және бюджеттен тыс демеушілік арқылы қарқынды жүргізілуде. Тереңөзек кентінде ұзындығы 20 шақырымды құрайтын 13 көшеге жаяу жүргіншілер жолы салынуда. Жалпы құны 350 млн. теңгеге 8 елді мекенде ойын алаңдары салынса, Бесарық пен Н.Ілиясов ауылының кіреберістері түнгі жарықпен қамтылды, Іңкәрдария мен Сәкен Сейфуллин ауылында орталық алаң абаттандырылды.Алдағы жылы осы бағыттағы жұмыстар жалғасын табады. Келер жылы 700 млн. теңгеге Қоғалыкөл мен Шіркейлі ауылын газдандыру жұмыстары басталатын болса, Ақжарма ауылы табиғи газға қосылатын болады. Сондай-ақ, Тереңөзек кентіндегі А.Иманов көшесіндегі көпқабатты тұрғын үй аулаларын абаттандыру, Қалжан ахун ауылындағы электр желілерін жаңғырту жұмыстары аяқталады. Жалпы құны 527 млн. теңгеге Тереңөзек кентінде 7 көше, Шаған ауылында 5 көше күрделі жөндеуден өткізіледі.Сессия қорытындысында аудан әкімі алдағы кезеңде бірлесе отырып, тұрғындардың өмір сүру сапасын арттыру, әлеуметтік-экономикалық даму көрсеткіштерін одан әрі жақсарту бағытында жүйелі жұмыстар жалғасатынын атап өтті.Ақпарат көзі : https://www.gov.kz/memleket/entities/kyzylorda-syrdarya/press/news/details/1130231?lang=kk

Жыл сайынғы дәстүрге сай "Жұмысшы жастар: Еңбек және инновация" атты 17 жастар форумы өткізіліп, аудан әкімінің «Өрлеу» жастар сыйлығын табыстау салтанаты ұйымдастырылды. Іс-шараға аудан әкімі Берік Сәрменбаев қатысып, жастарды қолдау бағытында атқарылып жатқан жұмыстарға кеңінен тоқталды.Форум барысында аудан әкімі Мемлекет басшысы Қасым-Жомарт Кемелұлы Тоқаевтың жыл сайынғы Жолдауларында жастар саясатына айрықша мән беріліп, жас ұрпақтың білім алуы, денсаулығын нығайтуы және жан-жақты дамуына бағытталған нақты тапсырмалар жүктеліп келе жатқанын атап өтті. Президент тапсырмаларына сәйкес, облыс әкімі Нұрлыбек Машбекұлы Нәлібаевтың қолдауымен Сыр өңірінде, оның ішінде ауданда жастарға арналған бірқатар жүйелі жұмыстар жүзеге асырылуда.Биыл Тереңөзек кентінде аймақ басшысының бастамасымен «Руханият» орталығы пайдалануға берілді. Аталған орталықта жастар орталығы мен неке сарайы орналасып, жас буынның тәрбиелік, рухани және әлеуметтік дамуына қолайлы жағдай жасалуда. Сонымен қатар, Тереңөзек кентінің көрікті аумақтарының бірінде «Жастар» аллеясы салынды.Ауданда жастардың еңбекке баулынуына ерекше назар аударылуда. Қазіргі таңда ауданға қарасты 6 ауылда жастар бригадалары ресми түрде егін егу жұмыстарымен айналысып, 60 гектар жерге бақша дақылдарын егіп, оң нәтижелерге қол жеткізді. Бұл – жастардың адал еңбекке деген жауапкершілігі мен белсенділігінің айқын көрінісі екенін атап өтті.Жастарды әлеуметтендіру және жұмыспен қамту мақсатында «Мүмкіндіктер алаңы» атты жылжымалы жәрмеңке ұйымдастырылып, жұмыссыз жастарды қолдауға бағытталған «Үздік бизнес идея» жобалар байқауы өткізілді.Аудан жастары мемлекеттік қызмет, білім, мәдениет, ғылым және спорт салаларында жоғары жетістіктерге жетіп келеді. Жерлесіміз, жас ғалым, Гонконг кванттық офтальмология зертханасының басшысы Мұхит Құлмағанбетов Гонконгтың Ақпараттық және коммуникациялық технологиялар саласындағы сыйлығында үлкен жетістікке жетіп, «Ғылыми Оскарды» жеңіп алып, халықаралық деңгейде зор жетістікке қол жеткізді. Сонымен қатар, 17 жастағы жерлесіміз Асылжан Абдуллаев өкпе қатерлі ісігін ерте анықтауға бағытталған жасанды интеллект негізіндегі «Cortex AI» стартап жобасын әзірлеп, медициналық диагностика саласына тың жаңашылдық енгізуде.Спорт саласында да аудан жастары биік белестерді бағындыруда. Алматы облысы, Талғар ауданында өткен қол күресінен жастар арасындағы Қазақстан Республикасының чемпионатында 60 келі салмақ дәрежесінде сырдариялық Самат Нұрсәт чемпион атанды.Форум қорытындысында мемлекеттік жастар саясатын іске асыруға елеулі үлес қосып, аудан көлемінде белсенді қызмет атқарып жүрген 10 жасқа аудан әкімінің «Өрлеу» жастар сыйлығы мен 100 000 теңге көлеміндегі қаржылай сертификат табысталды. Сонымен қатар, бірқатар жас “Жыл үздіктері” атанды және аудан әкімінің "Алғыс хатымен" марапатталды.Форум барысында көрмелер ұйымдастырылды және жастарға арналған концерттік бағдарлама ұсынылды.Ақпарат көзі : https://www.gov.kz/memleket/entities/kyzylorda-syrdarya/press/news/details/1130236?lang=kk

Мемлекет басшысы Қасым-Жомарт Тоқаев Санкт-Петербургте өткен Жоғары Еуразиялық экономикалық кеңестің кезекті отырысына қатысты.Президент жиынды жоғары деңгейде ұйымдастырып, қонақжайлық танытқаны үшін Ресей Федерациясының Президенті Владимир Путинге ризашылығын білдірді. Сондай-ақ Жаңа жыл қарсаңында өтетін дәстүрлі Петербургтегі кездесу жыл қорытындысын шығарып, алдағы жоспарларды айқындауға мүмкіндік беретінін атап өтті.Мемлекет басшысы биыл Еуразиялық экономикалық одақ үшін мерейлі жыл болғанын айтып, ұйым дамудың екінші онжылдығына сенімді қадам басқанын жеткізді. Осы кезеңде өзара сауда көлемі тұрақты өсіп, ірі инфрақұрылымдық жобалар табысты жүзеге асырылды, өнеркәсіптік кооперация ауқымы кеңейді.Қасым-Жомарт Тоқаев жаһандық сын-қатерлерге қарамастан, ЕАЭО-ға мүше мемлекеттердің экономикалық даму қарқыны сақталғанын атап өтті.Президенттің айтуынша, 2024 жылы одаққа мүше елдердің жиынтық ішкі жалпы өнімі 2 пайызға артады. Алдағы екі жылда да экономикалық өсімнің тұрақты болатыны болжануда. Еуразиялық экономикалық одақ құрылған сәттен бастап мүше мемлекеттердің бір-біріне салған тікелей инвестиция көлемі 20 миллиард доллардан асты. Қазақстанға тартылған инвестиция көлемі 2015 жылғы 600 миллион доллардан 2024 жылы 4 миллиард долларға дейін өсіп, шамамен жеті есе артты. Өнеркәсіп өндірісінің көлемі 29 пайызға өсіп, 1,5 триллион долларды құрады.

 В Шымкенте состоялось торжественное зажжение огней главной новогодней ёлки города. В праздничном событии, организованном впервые в таком формате и собравшем на площади «Астана» тысячи жителей и гостей, принял участие аким Шымкента Габит Сыздыкбеков.Ежегодно это символичное мероприятие объединяет горожан и гостей мегаполиса, создавая настроение радости, уюта и ожидания Нового года. Отметим, новогодние ёлки зажглись одновременно в пяти районах города: в Енбекшинском — в парке «Алатау», в Аль-Фарабийском — на Арбате, в Туранском — на территории «Дома дружбы», в Абайском — на площади «Наурыз» и в Каратауском — на площади «Астана».В этот вечер площадь «Астана» преобразилась в настоящее праздничное пространство, став центром притяжения жителей города. Великолепная иллюминация, продуманное тематическое оформление и насыщенная развлекательная программа наполнили площадь атмосферой волшебства. Для маленьких гостей были подготовлены аттракционы, а территорию украсили более 80 елей, усилив ощущение зимнего праздника.За час до начала главной церемонии прошли показательные выступления по фигурному катанию. На ледовой площадке демонстрировали своё мастерство победители и призёры международных и республиканских соревнований. Программа включала короткие и произвольные номера, а также групповые танцевальные постановки на льду, ставшие ярким прологом праздничного вечера.Кульминацией вечера стала концертная программа с участием местных и известных отечественных исполнителей, тепло встреченных публикой. Также отметим, что по поручению акима города в Шымкенте впервые были открыты ледовые катки под открытым небом.Эта инициатива по созданию комфортных зимних зон отдыха дала возможность ещё большему числу горожан заниматься активным зимним досугом и проводить время на свежем воздухе. В ближайшие дни в городе пройдут различные культурные и развлекательные мероприятия, направленные на создание праздничной атмосферы и организацию досуга жителей и гостей города.Пресс-служба акима города Шымкент

Шымкентте қаланың бас жаңа жылдық шыршасының салтанатты жағылуы өтті. Шымкент қаласының әкімі Ғабит Сыздықбеков алғаш рет осындай форматта ұйымдастырылған және Астана алаңына мыңдаған тұрғындар мен қонақтарды тартқан мерекелік іс-шараға қатысты. Жыл сайын бұл символикалық оқиға мегаполис тұрғындары мен қонақтарын біріктіріп, қуаныш, жайлылық және Жаңа жылға деген ынта-жігер сезімін тудырады. Айта кету керек, Жаңа жыл шыршалары қаланың бес ауданында бір уақытта жағылды: Еңбекші ауданында (Алатау саябағында), Әл-Фараби ауданында (Арбат көшесінде), Тұран ауданында (Достық үйінің аумағында), Абай ауданында (Наурыз алаңында) және Қаратау ауданында (Астана алаңында). Сол кеште Астана алаңы шынымен мерекелік кеңістікке айналды, қала тұрғындарының басты назарында болды. Керемет жарықтандыру, ойластырылған тақырыптық безендірулер және жарқын ойын-сауық бағдарламасы алаңды сиқырлы атмосфераға толтырды. Кішкентай қонақтар үшін аттракциондар болды, ал аумақ 80-нен астам шыршамен безендіріліп, қысқы мерекелік көңіл-күйді көтерді. Негізгі рәсімнен бір сағат бұрын мәнерлеп сырғанаудан көрсетілімдер өтті. Халықаралық және республикалық жарыстардың жеңімпаздары мен жүлдегерлері мұзда өз шеберліктерін көрсетті. Бағдарламаға қысқа және еркін сырғанау жаттығулары, сондай-ақ топтық мұз билері кірді, бұл гала-кештің жарқын ашылуын қамтамасыз етті. Кеш жергілікті және танымал ұлттық өнерпаздардың қатысуымен өткен концертпен аяқталды, оны көрермендер жылы қабылдады. Сондай-ақ, қала әкімінің тапсырмасымен Шымкентте алғашқы ашық мұз айдындары ашылғанын атап өткен жөн. Қысқы демалыс аймақтарын жайлы етуге бағытталған бұл бастама қала тұрғындарының көбірек бөлігін белсенді қысқы демалыспен айналысуға және табиғат аясында уақыт өткізуге мүмкіндік берді. Алдағы күндері қалада мерекелік атмосфера қалыптастыруға және тұрғындар мен қонақтарға демалысты ұйымдастыруға бағытталған түрлі мәдени және ойын-сауық іс-шаралары өтеді. Шымкент қаласы әкімінің баспасөз қызметі

Бүгін аудан әкімі Берік Сәрменбаевтың қатысуымен аудандық мәслихаттың кезекті 43-сессиясы өтті. Сессия жұмысына аудандық мәслихат депутаттары, аудан әкімінің орынбасарлары, кент және ауылдық округ әкімдері, сондай-ақ бөлім басшылары қатысты.Күн тәртібіне сәйкес сессияда 5 мәселе қаралып, тиісті шешімдер қабылданды.Бірінші мәселе: Аудандық мәслихат төрағасы Е. Әжікенов 2025 жылы атқарылған жұмыстар туралы есеп берді. Баяндамада мәслихат қызметінің негізгі бағыттары, қабылданған шешімдер мен олардың орындалу барысы жан-жақты қамтылды.Екінші мәселе: Аудан әкімінің орынбасары Т. Нұртазаев 2026–2028 жылдарға арналған аудандық бюджет жобасы туралы хабарлама жасады. Бюджет жобасында ауданның әлеуметтік-экономикалық дамуына бағытталған негізгі көрсеткіштер мен қаржыландыру көздері ұсынылды.Үшінші мәселе: Аудандық қоғамдық даму бөлімінің басшысы Б. Смайлов аудандағы жастар саясатын қолдау және жетілдіру шаралары туралы баяндады. Жастардың әлеуетін арттыруға бағытталған бағдарламалар мен алдағы кезеңге арналған жоспарлар таныстырылды.Төртінші мәселе: Аудандық экономика және қаржы бөлімінің басшысы Е. Ахетов «2025–2027 жылдарға арналған аудандық бюджет туралы» Сырдария аудандық мәслихатының 2024 жылғы 23 желтоқсандағы №159 шешіміне өзгерістер енгізу туралы хабарлады.Бесінші мәселе: Сырдария аудандық мәслихатының 2026 жылдың І жартыжылдығына арналған жұмыс жоспарын бекіту мәселесі қаралды. Бұл тақырып бойынша аудандық мәслихат аппаратының басшысы Г. Божан баяндама жасады.Сессия барысында аудан әкімі өңірдің әлеуметтік-экономикалық даму қорытындылары туралы ақпарат берді.Күн тәртібіндегі барлық мәселелер бойынша тиісті шешімдер қабылданып, сессия жұмысы қорытындыланды.Ақпарат көзі : https://www.gov.kz/memleket/entities/kyzylorda-syrdarya/press/news/details/1130227?lang=kk

2026 жылғы 5-26 қаңтар аралығында «Қостанай жастары» Жастарға арналған жеңілдетілген тұрғын үй кредиттеу бағдарламасына өтінімдерді қабылдау басталады.👥 Қатысушылар - қызмет саласы бойынша шектеусіз 34 жасқа дейінгі жас мамандар.✅ Шарттар: • жұмыс өтілі 6 айдан кем емес (ЖК-1 жылдан кем емес);* Қостанай облысында тұрақты тіркелу;* соңғы 5 жылда тұрғын үйдің болмауы;* отбасының табысы-150 АЕК-тен аспайды;* ерлі-зайыптылардың біреуінің ғана қатысуы.🏠 Тұрғын үй негізгі жұмыс орны бойынша сатып алынады.🏦 Іріктеуден кейін – «Отбасы банк» АҚ верификациясы.📍 Өтінімдерді қабылдау: Бейімбет Майлин ауданының әкімдігі, ТКШ бөлімі📞 Телефон: 3-64-16 Сілтеме бойынша бағдарлама туралы толығырақ біле аласыз: https://hcsbk.kz/ru/affordable-housing/kostanay/#Ақпарат көзі : https://www.gov.kz/memleket/entities/kostanai-bmalin-audany-akimat/press/news/details/1130172?lang=kk

ҚР Сауда және интеграция вице-министрі Әсет Нүсіпов жұмыс сапарымен Батыс Қазақстан облысына барды. Сапар аясында ірі кәсіпорындарды аралады. Вице-министр «Кублей» ЖШС мен «Ұлттық сараптама және сертификаттау орталығы» АҚ қызметімен танысып, өңірдің бизнес-қоғамдастығы өкілдерімен кездесу өткізді. «Кублей» ЖШС құрамына екі зауыт кіреді, онда 700-ден астам қызметкер еңбек етеді. Консерві зауыты 1992 жылы іске қосылған, бүгінде кәсіпорынның өнім ассортименті шамамен 100 атауды құрайды. 2015 жылы тәулігіне 400 басқа дейін ірі қара малды және шамамен 700 басқа дейін ұсақ малды өңдеуге қауқарлы ет өңдеу кешені пайдалануға берілді. Кешен жаңа салқындатылған және мұздатылған ет, сондай-ақ жартылай фабрикаттар өндіреді. Екі зауыт та еуропалық өндірістің заманауи жабдықтарымен жабдықталған. Сонымен қатар кәсіпорында қалдықтарды (сүйек пен қанды) өңдеп, ет-сүйек және сүйек ұнын өндіретін цех жұмыс істейді. Бұл өнім жануар тектес ақуызды-минералды жем болып табылады және құс фабрикаларында жоғары сұранысқа ие. Ол бройлерлердің тірек-қимыл аппараты мен сүйек жүйесін нығайтуға, сондай-ақ жұмыртқалаушы тауықтардың жұмыртқалау деңгейі мен жұмыртқа қабығының сапасын арттыруға ықпал етеді. «Кублей» ЖШС өнімдері Қазақстанның ішкі нарығында сатылады және Қырғызстанға, Түрікменстанға және Өзбекстанға экспортталады. Бұған дейін экспорт Иранға, ҚХР-ға және Ресейге де жүзеге асырылған. Кублейдің өндірісін аралап шыққан соң, Әсет Нүсіпов «Ұлттық сараптама және сертификаттау орталығы» АҚ-ның Батыс Қазақстан филиалына барып, оның қызметімен танысты. Филиал өнімдер мен қызметтердің сәйкестігін растауға, менеджмент жүйелерін бағалауға, өнімдерді сынақтан өткізуге және өлшеу құралдарын тексеруге маманданған. Филиал директоры Римма Шунаева ұйымның қазіргі жағдайы және сынақ бөлімінің аккредиттеу саласын кеңейту жоспарлары туралы мәліметімен бөлісті. Атап айтқанда, стратегиялық даму бағыттарының бірі — жарылыс қауіпті ортада жұмыс істеу қауіпсіздігін қамтамасыз ететін өнімдердің сәйкестігін растау қызметін кеңейту. Бизнес өкілдерімен кездесу барысында вице-министр сауданың негізгі көрсеткіштері, отандық тауар өндірушілерді қолдау шаралары, ішкі нарықты қорғау мәселелері, жәрмеңкелерді ұйымдастыру үдерістері және қосылған құны жоғары өнімдердің экспортын ілгерілету шаралары туралы баяндады. Батыс Қазақстан облысы бойынша 2025 жылдың қаңтар–қараша айларында ішкі тауар айналымы 1,2 трлн теңгені құрады. Жалпы республика бойынша 2025 жылдың 11 айында ішкі тауар айналымы 14,5 %-ға өсіп, 69,4 трлн теңгеге жетті (2024 жылдың сәйкес кезеңінде — 60,6 трлн теңге), оның ішінде көтерме сауда — 46,6 трлн теңге, бөлшек сауда — 22,8 трлн теңге. Өз кезегінде Батыс Қазақстан облысы әкімінің орынбасары Қалияр Айтмұхамбетов биыл жергілікті тауар өндірушілермен көкөніс-жеміс өнімдерінің, соның ішінде қант пен күріштің 50 %-ына дейін келісімшарт жасалғанын хабарлады. Сондай-ақ көкөніс сақтайтын қойма салу жоспарланған. Облыста жергілікті тұрғындар арасында жоғары сұранысқа ие жәрмеңкелер тұрақты түрде өткізіліп тұрады. Бұдан бөлек, әкім орынбасары өңірге тұз жеткізілімін тұрақтандыруға көрсеткен көмегі үшін «Анвар» және «Пешеход» сауда желілеріне алғыс білдірді. Кездесу соңында Әсет Нүсіпов кәсіпкерлердің сұрақтарына жауап беріп, оның ішінде Ұлттық тауарлар каталогына (тауарлардың мемлекеттік базасына) қатысты толыққанды мәліметімен бөлісті.Ақпарат көзі : https://www.gov.kz/memleket/entities/mti/press/news/details/1130131?lang=kk

БЖЗҚ туралы өзекті сауалдар Тұрғын үй жағдайларын жақсарту және/немесе емделуге ақы төлеу мақсатында зейнетақы жинақтарынан қанша қаражатты қандай жағдайларда пайдалануға болады? Біржолғы зейнетақы төлемі (БЗТ) – Қазақстан Республикасының Әлеуметтік кодексінде белгіленген тәртіппен міндетті зейнетақы жарналарының салымшысы (зейнетақы төлемдерін алушы) тұрғын үй жағдайларын жақсарту және (немесе) емделуге ақы төлеу мақсатында бірыңғай жинақтаушы зейнетақы қорынан алатын міндетті зейнетақы жарналары есебінен қалыптастырылған зейнетақы жинақтарының сомасы. БЗТ-ны өзіне немесе жұбайы/зайыбы не жақын туыстарының пайдасына мынадай шарттардың бірі болған кезде алуға болады:Егер салымшының міндетті зейнетақы жарналары (МЗЖ) есебінен қалыптастырылған жеке зейнетақы шотындағы (ЖЗШ) зейнетақы жинақтарының сомасы ҚР Үкіметі бекіткен әдістемеге сәйкес айқындалған зейнетақы жинақтарының ең төменгі жеткіліктілігі шегінен (ТЖШ) асса (ТЖШ-дан асатын соманы пайдалануға болады);Егер зейнеткердің зейнетақысы оның еңбекке жарамды кезінде алып жүрген орташа айлық кірісінің кемінде 40%-на тең алмастыру коэффициентін қамтамасыз ететін болса; Кірісті алмастыру коэффициентінің мөлшері Қазақстан Республикасының Үкіметі бекіткен тәртіп бойынша айқындалады. Орташа айлық кірісті алмастыру коэффициентін есептеу кезінде алушының базалық және ынтымақты құрамдауыштар есебінен қалыптасқан зейнетақысының мөлшері және зейнеткерлікке шыққан күннің алдындағы, бірақ республика бойынша орташа айлық кірістен аспайтын табысы ескеріледі (жинақтардың 50% - на дейін пайдалануға болады); Егер МЗЖ-ның салымшысы сақтандыру ұйымымен зейнетақы аннуитеті шартын жасаса (жеке зейнетақы шотындағы жинақтардың 100%-на дейін пайдалануға болады);Егер азамат еңбек сіңірген жылдары үшін зейнетақы алушы болса (ЖЗШ-дағы жинақтардың 100%-на дейін пайдалануға болады).Бұл ретте БЖЗҚ-дан зейнетақы жинақтарын алу болашақ зейнетақы төлемдерінің мөлшерінің азайып, кезеңінің қысқаруына себеп болатынын ескеру қажет. Сондықтан, зейнетақы қаражатын алу туралы шешім қабылдамас бұрын, зейнет жасына жеткенде зейнетақының қай деңгейіне иек артатыныңызды шешіп, өзіңіз үшін басымдықтарды анықтауыңыз керек. Тұрғын үй жағдайларын жақсарту және/немесе емделу ақысын төлеуге арналған төлемдерді алу үшін қайда жүгінуге болады? Зейнетақы жинақтарын тек уәкілетті операторлар – екінші деңгейдегі банктер арқылы пайдалануға болады. БЖЗҚ тұрғын үй жағдайын жақсарту және/немесе емделуге ақы төлеу мақсатында біржолғы зейнетақы төлемін пайдалану бойынша өзара іс-қимыл туралы келісімдер жасаған уәкілетті операторлардың тізімі:"Отбасы банкі" тұрғын үй құрылыс жинақ банкі " АҚ (Тұрғын үй және емделу);"Қазақстан Халық Банкі" АҚ (Тұрғын үй);"Банк Центр Кредит" АҚ (Тұрғын үй);"Altyn Bank" АҚ (China Citic Bank Corporation Ltd ЕБ) (тұрғынүй);"Банк Фридом Финанс Казахстан" АҚ (Тұрғын үй).БЗТ-ны жүзеге асыру тәртібі төмендегідей:- алушылар БЖЗҚ сайтындағы немесе мобильді қосымшасындағы жеке кабинет арқылы алуға болатын жеке зейнетақы шотының (ЖЗШ) үзінді көшірмесінен тұрғын үй жағдайларын жақсарту мақсатында алуға қолжетімді міндетті зейнетақы жарналары (МЗЖ) есебінен қалыптастырылған зейнетақы жинақтарының сомасы туралы мәліметтерді алады;- содан кейін алушы уәкілетті операторға уәкілетті оператордың интернет-ресурсы арқылы БЗТ алу туралы өтінішпен жүгінеді және өтінішке электрондық цифрлық қолтаңбамен қол қояды;- уәкілетті оператор екі жұмыс күні ішінде БЖЗҚ-ға БЗТ алу туралы алушылар тарапынан түсіп, тіркелген өтініштер туралы электрондық хабарлама жібереді;- БЖЗҚ өз өкілеттігі шеңберінде жеке зейнетақы шотында сұрау салынған соманың болуын тексереді және бас тартуға негіздер болмаған жағдайда электрондық хабарлама келіп түскен күннен бастап бес жұмыс күні ішінде уәкілетті операторға өтініште көрсетілген БЗТ сомасын (көрсетілген сома ЖЗШ-да болған кезде) алушының тұрғын үй жағдайларын жақсарту мақсатында біржолғы зейнетақы төлемі үшін уәкілетті оператор арнайы ашқан шотқа есептеу үшін аударады;- зейнетақы жинақтарының мақсатты пайдаланылуын растайтын құжаттарды алушылар тек уәкілетті операторларға ұсынады.Құжаттарды тексеріп, қаражатты өтініш берушінің түпкі мақсатына аудару туралы шешімді уәкілетті оператор қабылдайды.Егер алушы тұрғын үйге немесе емделуге зейнетақы жинақтарының пайдаланылғанын растайтын құжаттарды белгіленген мерзімде ұсынбаса, онда қаражат БЖЗҚ-дағы жеке зейнетақы шотына қайтарылады.  3)   Айтыңызшы, ең төменгі жеткіліктілік шегінен асатын зейнетақы жинақтарын мерзімінен бұрын алу болашақ зейнетақы мөлшеріне әсер ете ме? Еліміздің жинақтаушы зейнетақы жүйесі ең алдымен азаматтарды зейнеткерлікке шыққаннан кейін қамтамасыз етуге бағытталған. Отандастарымыздың зейнетақы жинақтары зейнетақы жарналары, сондай-ақ зейнетақы активтері бойынша инвестициялық табыс есебінен қалыптастырылады. Болашақ зейнетақы деңгейіне жарналардың жүйелілігі мен мөлшері, сондай-ақ зейнетақы активтерінің инвестициялық кірістілігі әсер етеді.БЖЗҚ-дан зейнетақы жинақтарын алу болашақ зейнетақы төлемдерінің мөлшері мен кезеңінің азаюына себеп болады. Жоғарыда айтылғандарды ескере отырып, зейнетақы қаражатын мерзімінен бұрын алу туралы шешім қабылдамай тұрып, зейнеткерлік жасқа жеткенде қандай зейнетақы алатыныңызды шешіп, өзіңіз үшін басымдықтарды анықтауыңыз керек. Болашақ зейнетақының мөлшерін білу үшін Сіз зейнетақының неден құралатынын көрсететін болжамды зейнетақы калькуляторын пайдалана аласыз. Оны үш сценарий бойынша есептейді: пессимистік, шынайы және оптимистік, бұл салымшыға нақты инвестициялық кірістің болжамды деңгейін ескеретін барлық мүмкін нұсқалармен танысуға көмектеседі. Сонымен қатар, бұл құрал әрбір салымшыға болашақ зейнетақы мөлшерінің мерзімінен бұрын пайдаланылған және пайдаланылмаған жағдайда қандай болатынын есептеуге көмектеседі. "Зейнетақы калькуляторы" қызметімен БЖЗҚ сайтында немесе мобильді қосымшасында толығырақ танысуға болады.Естеріңізге сала кетейік, ең төменгі жеткіліктілік шегі (ТЖШ) – бұл ең төменгі зейнетақы мөлшерінен төмен емес (ең төменгі базалық зейнетақы төлемін ескере отырып) ай сайынғы төлемді қамтамасыз ету үшін қажетті зейнетақы жинақтарының ең төменгі мөлшері. Басқаша айтқанда, ең төменгі жеткіліктілік шегі – бұл салымшы зейнеткерлік жасқа толған кезде ең төменгі зейнетақы мөлшерінен кем емес зейнетақы төлемдерін (мемлекеттік бюджеттен ең төменгі базалық зейнетақы төлемін ескере отырып) алуы үшін шотта қалуы тиіс ең төменгі көрсеткіш.  4) Зейнетақы жинақтары мен инвестициялық кіріс неден тұрады?  Неліктен инвестициялық кіріс өзгереді? БЖЗҚ-ның әр салымшысының зейнетақы жинақтары оның зейнетақы шотына түсетін жарналар мен инвестициялық кірістерден құралады. БЖЗҚ барлық жинақтардың есебін жүргізеді, ал ҚР ҰБ мен салымшы таңдаған инвестициялық портфельді басқарушы (ИПБ) оларды басқарады. Табыс алу мақсатында зейнетақы активтері елдегі және шетелдегі әртүрлі валютадағы түрлі қаржы құралдарына инвестицияланады. Инвестициялық кіріс әртүрлі көздерден құралады: бағалы қағаздар (салымдар және басқа операциялар) бойынша сыйақы түріндегі кірістер; қаржы құралдарын нарықтық және валюталық қайта бағалау түріндегі кірістер; сыртқы басқарудағы активтер бойынша кірістер және т. б.Қаржы нарықтарындағы жағдай бағалы қағаздар (салымдар және басқа операциялар) бойынша сыйақы, қаржы құралдарын нарықтық және валюталық қайта бағалау, сыртқы басқарудағы активтер бойынша табыстарға және т. б. әсер ететін экономикалық, саяси және басқа факторлардың әсерінен өзгеруі мүмкін. Сондықтан кейде инвестициялық кіріс оң да, теріс те болуы мүмкін. Бұл зейнетақы жинақтарының жалпы сомасына уақытша әсер етеді. Инвестициялық қызметтің нәтижелерін орта және ұзақ мерзімді кезең аралығында бағалаған жөн.Зейнетақы активтерін инвестициялық басқару мен есепке алудың бүкіл жүйесі ашық – әрбір салымшы өзінің инвестициялық табысын enpf.kz сайтында немесе мобильді қосымшадағы жеке кабинетте 24/7 режимінде көре алады. 5) ҚР қолданыстағы Салық кодексіне жеке табыс салығын өндіріп алу мерзімдеріне қатысты қандай өзгерістер енгізілді? Қолданыстағы салық заңнамасына сәйкес тұрғын үйге немесе емделуге біржолғы зейнетақы төлемдерін (БЗТ) пайдаланған кезде салымшы жеке табыс салығын (ЖТС) өз қалауына қарай төлей алады: БЗТ алған кезде бірден немесе зейнетақыға дейін кейінге қалдырып төлеу. Сонымен қатар, 2024 жылғы 1 қаңтардан бастап мұндай тұлғалардың БЗТ түріндегі салық салынатын табысына стандартты салық шегерімдері (882 АЕК[1] шегінде) қолданылады. Бұл осы санатқа жататын алушылар БЗТ алған күннен бастап үш жыл ішінде ЖТС қайта есептеу мен өтеуді қолдану үшін БЖЗҚ-ға тиісті өтінішпен және растайтын құжаттармен жүгіне алатынын білдіреді. Алайда, БЗТ-ны2021-2022 жылдары алған азаматтар түрлі себептермен бұл мүмкіндікті пайдалана алмады. Енді ҚР Салық кодексіне өзгерістер мен толықтырулардың енгізілуіне байланысты 2025 жылғы 15 шілдеден бастап жеке тұлғалардың осындай өтініштері үшін белгіленген талап қою мерзімі 3 жылдан 5 жылға дейін ұлғайтылды. Бірақ бұл ереже тек 2025 жылдың 31 желтоқсанына дейін қолданылады, өйткені 2026 жылдың 1 қаңтарынан бастап жаңа Салық кодексі күшіне енеді. Онда ЖТС-ты қайтару үшін көзделген мерзім – 3 жыл. Сондықтан ЖТС қайтаруға құқығы бар адамдарға құжаттарын 2025 жылы тапсырып үлгеру туралы кеңес береміз.   6)ЖТС-ты қайта есептеп, қайтарып алуға кімнің құқығы бар? Салық салынатын табыс пен ЖТС-ты қайта есептеуге құқығы бар жеке тұлғалардың тізбесі қолданыстағы Салық кодексінде айқындалған. Бұл бірінші, екінші немесе үшінші топтағы мүгедектер, мүгедек балалардың ата-аналарының немесе қамқоршыларының бірі, бала асырап алушылардың бірі, жетім балалардың асырап алушы ата-аналары, соғыс ардагерлері және басқа санаттар. Мұндай азаматтардың толық тізбесі Салық кодексінің 346-бабында көрсетілген. ЖТС қайтаруға қажетті құжаттарды беру мерзімі үш жылдан бес жылға дейін ұзартылды. Алайда, ол 2025 жылдың 31 желтоқсанында аяқталады, өйткені 1 қаңтардан бастап жаңа Салық кодексі күшіне енеді. Сондықтан БЖЗҚ-ның жақын жердегі филиалына барып, өтінішіңіз пен қажетті құжаттарды тапсыру қажет. Қайта есептелгеннен кейін ақша сіздің зейнетақы шотыңызға қайтарылады. Егер біржолғы зейнетақы төлемдерін алған кезде кейінге қалдырылған ЖТС таңдалса, 2026 жылдан бастап ЖТС-тың жойылуына байланысты зейнетақы жинақтары осы сомаға ұлғая ма? 2026 жылғы 1 қаңтардан бастап ҚР жаңа Салық кодексінің енгізілуіне байланысты:алушы Қазақстан Республикасының резиденті болса, ЖТС зейнетақы төлемдерінің барлық түрлерінен ұсталмайды, оның ішінде БЗТ да бар.Өзгерістер сондай-ақ 2026 жылғы 1 қаңтардан бастап тұрғын үйге/емделуге алынған БЗТ-дан зейнеткерлікке шыққанға дейін кейінге қалдырылған салықтар бойынша міндеттемелердің күшін жоюды қамтиды. Бірақ бюджетке бұрын төленген салықтарды қайтару көзделмеген. Алайда кейінге қалдырылған ЖТС-тың күшін жою – алуға болатын қолжетімді соманы қоса алғанда, МЗЖ/МКЗЖ есебінен зейнетақы жинақтары сомасының ұлғаюы деген сөз емес. Бұл кейінге қалдырылған ЖТС сомасы есептен шығарылатынын және салымшының ЖТС бойынша мемлекет алдында берешегі болмайтынын білдіреді. Естеріңізге сала кетейік, 2026 жылғы 1 қаңтарға дейін БЗТ алу кезінде ЖТС ұстап қалудың екі тәсілі қолданылады: БЗТ алған кезде бірден төлеу және зейнетақы алғанға дейін кейінге қалдыру (барлық пайдаланылатын зейнетақы жинақтарының 10%-ы алушы зейнеткерлікке шыққаннан кейін ұсталады. Бұл ретте салық сомасы тең бөліктерге бөлінеді және 16 жылдан аспайтын мерзім ішінде алушының ай сайынғы зейнетақы төлемдерінен шегеріледі).  ЖТС-ты қалай ұстау керектігін уәкілетті операторға өтініш берген кезде БЗТ алушы ғана шешеді.  [1]Айлық есептік көрсеткішАқпарат көзі : https://www.gov.kz/memleket/entities/kostanai-rudnyi-kalasy-akimat/press/news/details/1130050?lang=kk