ҚР Сауда және интеграция вице-министрі Әсет Нүсіпов жұмыс сапарымен Батыс Қазақстан облысына барды. Сапар аясында ірі кәсіпорындарды аралады. Вице-министр «Кублей» ЖШС мен «Ұлттық сараптама және сертификаттау орталығы» АҚ қызметімен танысып, өңірдің бизнес-қоғамдастығы өкілдерімен кездесу өткізді. «Кублей» ЖШС құрамына екі зауыт кіреді, онда 700-ден астам қызметкер еңбек етеді. Консерві зауыты 1992 жылы іске қосылған, бүгінде кәсіпорынның өнім ассортименті шамамен 100 атауды құрайды. 2015 жылы тәулігіне 400 басқа дейін ірі қара малды және шамамен 700 басқа дейін ұсақ малды өңдеуге қауқарлы ет өңдеу кешені пайдалануға берілді. Кешен жаңа салқындатылған және мұздатылған ет, сондай-ақ жартылай фабрикаттар өндіреді. Екі зауыт та еуропалық өндірістің заманауи жабдықтарымен жабдықталған. Сонымен қатар кәсіпорында қалдықтарды (сүйек пен қанды) өңдеп, ет-сүйек және сүйек ұнын өндіретін цех жұмыс істейді. Бұл өнім жануар тектес ақуызды-минералды жем болып табылады және құс фабрикаларында жоғары сұранысқа ие. Ол бройлерлердің тірек-қимыл аппараты мен сүйек жүйесін нығайтуға, сондай-ақ жұмыртқалаушы тауықтардың жұмыртқалау деңгейі мен жұмыртқа қабығының сапасын арттыруға ықпал етеді. «Кублей» ЖШС өнімдері Қазақстанның ішкі нарығында сатылады және Қырғызстанға, Түрікменстанға және Өзбекстанға экспортталады. Бұған дейін экспорт Иранға, ҚХР-ға және Ресейге де жүзеге асырылған. Кублейдің өндірісін аралап шыққан соң, Әсет Нүсіпов «Ұлттық сараптама және сертификаттау орталығы» АҚ-ның Батыс Қазақстан филиалына барып, оның қызметімен танысты. Филиал өнімдер мен қызметтердің сәйкестігін растауға, менеджмент жүйелерін бағалауға, өнімдерді сынақтан өткізуге және өлшеу құралдарын тексеруге маманданған. Филиал директоры Римма Шунаева ұйымның қазіргі жағдайы және сынақ бөлімінің аккредиттеу саласын кеңейту жоспарлары туралы мәліметімен бөлісті. Атап айтқанда, стратегиялық даму бағыттарының бірі — жарылыс қауіпті ортада жұмыс істеу қауіпсіздігін қамтамасыз ететін өнімдердің сәйкестігін растау қызметін кеңейту. Бизнес өкілдерімен кездесу барысында вице-министр сауданың негізгі көрсеткіштері, отандық тауар өндірушілерді қолдау шаралары, ішкі нарықты қорғау мәселелері, жәрмеңкелерді ұйымдастыру үдерістері және қосылған құны жоғары өнімдердің экспортын ілгерілету шаралары туралы баяндады. Батыс Қазақстан облысы бойынша 2025 жылдың қаңтар–қараша айларында ішкі тауар айналымы 1,2 трлн теңгені құрады. Жалпы республика бойынша 2025 жылдың 11 айында ішкі тауар айналымы 14,5 %-ға өсіп, 69,4 трлн теңгеге жетті (2024 жылдың сәйкес кезеңінде — 60,6 трлн теңге), оның ішінде көтерме сауда — 46,6 трлн теңге, бөлшек сауда — 22,8 трлн теңге. Өз кезегінде Батыс Қазақстан облысы әкімінің орынбасары Қалияр Айтмұхамбетов биыл жергілікті тауар өндірушілермен көкөніс-жеміс өнімдерінің, соның ішінде қант пен күріштің 50 %-ына дейін келісімшарт жасалғанын хабарлады. Сондай-ақ көкөніс сақтайтын қойма салу жоспарланған. Облыста жергілікті тұрғындар арасында жоғары сұранысқа ие жәрмеңкелер тұрақты түрде өткізіліп тұрады. Бұдан бөлек, әкім орынбасары өңірге тұз жеткізілімін тұрақтандыруға көрсеткен көмегі үшін «Анвар» және «Пешеход» сауда желілеріне алғыс білдірді. Кездесу соңында Әсет Нүсіпов кәсіпкерлердің сұрақтарына жауап беріп, оның ішінде Ұлттық тауарлар каталогына (тауарлардың мемлекеттік базасына) қатысты толыққанды мәліметімен бөлісті.Ақпарат көзі : https://www.gov.kz/memleket/entities/mti/press/news/details/1130131?lang=kk

БЖЗҚ туралы өзекті сауалдар Тұрғын үй жағдайларын жақсарту және/немесе емделуге ақы төлеу мақсатында зейнетақы жинақтарынан қанша қаражатты қандай жағдайларда пайдалануға болады? Біржолғы зейнетақы төлемі (БЗТ) – Қазақстан Республикасының Әлеуметтік кодексінде белгіленген тәртіппен міндетті зейнетақы жарналарының салымшысы (зейнетақы төлемдерін алушы) тұрғын үй жағдайларын жақсарту және (немесе) емделуге ақы төлеу мақсатында бірыңғай жинақтаушы зейнетақы қорынан алатын міндетті зейнетақы жарналары есебінен қалыптастырылған зейнетақы жинақтарының сомасы. БЗТ-ны өзіне немесе жұбайы/зайыбы не жақын туыстарының пайдасына мынадай шарттардың бірі болған кезде алуға болады:Егер салымшының міндетті зейнетақы жарналары (МЗЖ) есебінен қалыптастырылған жеке зейнетақы шотындағы (ЖЗШ) зейнетақы жинақтарының сомасы ҚР Үкіметі бекіткен әдістемеге сәйкес айқындалған зейнетақы жинақтарының ең төменгі жеткіліктілігі шегінен (ТЖШ) асса (ТЖШ-дан асатын соманы пайдалануға болады);Егер зейнеткердің зейнетақысы оның еңбекке жарамды кезінде алып жүрген орташа айлық кірісінің кемінде 40%-на тең алмастыру коэффициентін қамтамасыз ететін болса; Кірісті алмастыру коэффициентінің мөлшері Қазақстан Республикасының Үкіметі бекіткен тәртіп бойынша айқындалады. Орташа айлық кірісті алмастыру коэффициентін есептеу кезінде алушының базалық және ынтымақты құрамдауыштар есебінен қалыптасқан зейнетақысының мөлшері және зейнеткерлікке шыққан күннің алдындағы, бірақ республика бойынша орташа айлық кірістен аспайтын табысы ескеріледі (жинақтардың 50% - на дейін пайдалануға болады); Егер МЗЖ-ның салымшысы сақтандыру ұйымымен зейнетақы аннуитеті шартын жасаса (жеке зейнетақы шотындағы жинақтардың 100%-на дейін пайдалануға болады);Егер азамат еңбек сіңірген жылдары үшін зейнетақы алушы болса (ЖЗШ-дағы жинақтардың 100%-на дейін пайдалануға болады).Бұл ретте БЖЗҚ-дан зейнетақы жинақтарын алу болашақ зейнетақы төлемдерінің мөлшерінің азайып, кезеңінің қысқаруына себеп болатынын ескеру қажет. Сондықтан, зейнетақы қаражатын алу туралы шешім қабылдамас бұрын, зейнет жасына жеткенде зейнетақының қай деңгейіне иек артатыныңызды шешіп, өзіңіз үшін басымдықтарды анықтауыңыз керек. Тұрғын үй жағдайларын жақсарту және/немесе емделу ақысын төлеуге арналған төлемдерді алу үшін қайда жүгінуге болады? Зейнетақы жинақтарын тек уәкілетті операторлар – екінші деңгейдегі банктер арқылы пайдалануға болады. БЖЗҚ тұрғын үй жағдайын жақсарту және/немесе емделуге ақы төлеу мақсатында біржолғы зейнетақы төлемін пайдалану бойынша өзара іс-қимыл туралы келісімдер жасаған уәкілетті операторлардың тізімі:"Отбасы банкі" тұрғын үй құрылыс жинақ банкі " АҚ (Тұрғын үй және емделу);"Қазақстан Халық Банкі" АҚ (Тұрғын үй);"Банк Центр Кредит" АҚ (Тұрғын үй);"Altyn Bank" АҚ (China Citic Bank Corporation Ltd ЕБ) (тұрғынүй);"Банк Фридом Финанс Казахстан" АҚ (Тұрғын үй).БЗТ-ны жүзеге асыру тәртібі төмендегідей:- алушылар БЖЗҚ сайтындағы немесе мобильді қосымшасындағы жеке кабинет арқылы алуға болатын жеке зейнетақы шотының (ЖЗШ) үзінді көшірмесінен тұрғын үй жағдайларын жақсарту мақсатында алуға қолжетімді міндетті зейнетақы жарналары (МЗЖ) есебінен қалыптастырылған зейнетақы жинақтарының сомасы туралы мәліметтерді алады;- содан кейін алушы уәкілетті операторға уәкілетті оператордың интернет-ресурсы арқылы БЗТ алу туралы өтінішпен жүгінеді және өтінішке электрондық цифрлық қолтаңбамен қол қояды;- уәкілетті оператор екі жұмыс күні ішінде БЖЗҚ-ға БЗТ алу туралы алушылар тарапынан түсіп, тіркелген өтініштер туралы электрондық хабарлама жібереді;- БЖЗҚ өз өкілеттігі шеңберінде жеке зейнетақы шотында сұрау салынған соманың болуын тексереді және бас тартуға негіздер болмаған жағдайда электрондық хабарлама келіп түскен күннен бастап бес жұмыс күні ішінде уәкілетті операторға өтініште көрсетілген БЗТ сомасын (көрсетілген сома ЖЗШ-да болған кезде) алушының тұрғын үй жағдайларын жақсарту мақсатында біржолғы зейнетақы төлемі үшін уәкілетті оператор арнайы ашқан шотқа есептеу үшін аударады;- зейнетақы жинақтарының мақсатты пайдаланылуын растайтын құжаттарды алушылар тек уәкілетті операторларға ұсынады.Құжаттарды тексеріп, қаражатты өтініш берушінің түпкі мақсатына аудару туралы шешімді уәкілетті оператор қабылдайды.Егер алушы тұрғын үйге немесе емделуге зейнетақы жинақтарының пайдаланылғанын растайтын құжаттарды белгіленген мерзімде ұсынбаса, онда қаражат БЖЗҚ-дағы жеке зейнетақы шотына қайтарылады.  3)   Айтыңызшы, ең төменгі жеткіліктілік шегінен асатын зейнетақы жинақтарын мерзімінен бұрын алу болашақ зейнетақы мөлшеріне әсер ете ме? Еліміздің жинақтаушы зейнетақы жүйесі ең алдымен азаматтарды зейнеткерлікке шыққаннан кейін қамтамасыз етуге бағытталған. Отандастарымыздың зейнетақы жинақтары зейнетақы жарналары, сондай-ақ зейнетақы активтері бойынша инвестициялық табыс есебінен қалыптастырылады. Болашақ зейнетақы деңгейіне жарналардың жүйелілігі мен мөлшері, сондай-ақ зейнетақы активтерінің инвестициялық кірістілігі әсер етеді.БЖЗҚ-дан зейнетақы жинақтарын алу болашақ зейнетақы төлемдерінің мөлшері мен кезеңінің азаюына себеп болады. Жоғарыда айтылғандарды ескере отырып, зейнетақы қаражатын мерзімінен бұрын алу туралы шешім қабылдамай тұрып, зейнеткерлік жасқа жеткенде қандай зейнетақы алатыныңызды шешіп, өзіңіз үшін басымдықтарды анықтауыңыз керек. Болашақ зейнетақының мөлшерін білу үшін Сіз зейнетақының неден құралатынын көрсететін болжамды зейнетақы калькуляторын пайдалана аласыз. Оны үш сценарий бойынша есептейді: пессимистік, шынайы және оптимистік, бұл салымшыға нақты инвестициялық кірістің болжамды деңгейін ескеретін барлық мүмкін нұсқалармен танысуға көмектеседі. Сонымен қатар, бұл құрал әрбір салымшыға болашақ зейнетақы мөлшерінің мерзімінен бұрын пайдаланылған және пайдаланылмаған жағдайда қандай болатынын есептеуге көмектеседі. "Зейнетақы калькуляторы" қызметімен БЖЗҚ сайтында немесе мобильді қосымшасында толығырақ танысуға болады.Естеріңізге сала кетейік, ең төменгі жеткіліктілік шегі (ТЖШ) – бұл ең төменгі зейнетақы мөлшерінен төмен емес (ең төменгі базалық зейнетақы төлемін ескере отырып) ай сайынғы төлемді қамтамасыз ету үшін қажетті зейнетақы жинақтарының ең төменгі мөлшері. Басқаша айтқанда, ең төменгі жеткіліктілік шегі – бұл салымшы зейнеткерлік жасқа толған кезде ең төменгі зейнетақы мөлшерінен кем емес зейнетақы төлемдерін (мемлекеттік бюджеттен ең төменгі базалық зейнетақы төлемін ескере отырып) алуы үшін шотта қалуы тиіс ең төменгі көрсеткіш.  4) Зейнетақы жинақтары мен инвестициялық кіріс неден тұрады?  Неліктен инвестициялық кіріс өзгереді? БЖЗҚ-ның әр салымшысының зейнетақы жинақтары оның зейнетақы шотына түсетін жарналар мен инвестициялық кірістерден құралады. БЖЗҚ барлық жинақтардың есебін жүргізеді, ал ҚР ҰБ мен салымшы таңдаған инвестициялық портфельді басқарушы (ИПБ) оларды басқарады. Табыс алу мақсатында зейнетақы активтері елдегі және шетелдегі әртүрлі валютадағы түрлі қаржы құралдарына инвестицияланады. Инвестициялық кіріс әртүрлі көздерден құралады: бағалы қағаздар (салымдар және басқа операциялар) бойынша сыйақы түріндегі кірістер; қаржы құралдарын нарықтық және валюталық қайта бағалау түріндегі кірістер; сыртқы басқарудағы активтер бойынша кірістер және т. б.Қаржы нарықтарындағы жағдай бағалы қағаздар (салымдар және басқа операциялар) бойынша сыйақы, қаржы құралдарын нарықтық және валюталық қайта бағалау, сыртқы басқарудағы активтер бойынша табыстарға және т. б. әсер ететін экономикалық, саяси және басқа факторлардың әсерінен өзгеруі мүмкін. Сондықтан кейде инвестициялық кіріс оң да, теріс те болуы мүмкін. Бұл зейнетақы жинақтарының жалпы сомасына уақытша әсер етеді. Инвестициялық қызметтің нәтижелерін орта және ұзақ мерзімді кезең аралығында бағалаған жөн.Зейнетақы активтерін инвестициялық басқару мен есепке алудың бүкіл жүйесі ашық – әрбір салымшы өзінің инвестициялық табысын enpf.kz сайтында немесе мобильді қосымшадағы жеке кабинетте 24/7 режимінде көре алады. 5) ҚР қолданыстағы Салық кодексіне жеке табыс салығын өндіріп алу мерзімдеріне қатысты қандай өзгерістер енгізілді? Қолданыстағы салық заңнамасына сәйкес тұрғын үйге немесе емделуге біржолғы зейнетақы төлемдерін (БЗТ) пайдаланған кезде салымшы жеке табыс салығын (ЖТС) өз қалауына қарай төлей алады: БЗТ алған кезде бірден немесе зейнетақыға дейін кейінге қалдырып төлеу. Сонымен қатар, 2024 жылғы 1 қаңтардан бастап мұндай тұлғалардың БЗТ түріндегі салық салынатын табысына стандартты салық шегерімдері (882 АЕК[1] шегінде) қолданылады. Бұл осы санатқа жататын алушылар БЗТ алған күннен бастап үш жыл ішінде ЖТС қайта есептеу мен өтеуді қолдану үшін БЖЗҚ-ға тиісті өтінішпен және растайтын құжаттармен жүгіне алатынын білдіреді. Алайда, БЗТ-ны2021-2022 жылдары алған азаматтар түрлі себептермен бұл мүмкіндікті пайдалана алмады. Енді ҚР Салық кодексіне өзгерістер мен толықтырулардың енгізілуіне байланысты 2025 жылғы 15 шілдеден бастап жеке тұлғалардың осындай өтініштері үшін белгіленген талап қою мерзімі 3 жылдан 5 жылға дейін ұлғайтылды. Бірақ бұл ереже тек 2025 жылдың 31 желтоқсанына дейін қолданылады, өйткені 2026 жылдың 1 қаңтарынан бастап жаңа Салық кодексі күшіне енеді. Онда ЖТС-ты қайтару үшін көзделген мерзім – 3 жыл. Сондықтан ЖТС қайтаруға құқығы бар адамдарға құжаттарын 2025 жылы тапсырып үлгеру туралы кеңес береміз.   6)ЖТС-ты қайта есептеп, қайтарып алуға кімнің құқығы бар? Салық салынатын табыс пен ЖТС-ты қайта есептеуге құқығы бар жеке тұлғалардың тізбесі қолданыстағы Салық кодексінде айқындалған. Бұл бірінші, екінші немесе үшінші топтағы мүгедектер, мүгедек балалардың ата-аналарының немесе қамқоршыларының бірі, бала асырап алушылардың бірі, жетім балалардың асырап алушы ата-аналары, соғыс ардагерлері және басқа санаттар. Мұндай азаматтардың толық тізбесі Салық кодексінің 346-бабында көрсетілген. ЖТС қайтаруға қажетті құжаттарды беру мерзімі үш жылдан бес жылға дейін ұзартылды. Алайда, ол 2025 жылдың 31 желтоқсанында аяқталады, өйткені 1 қаңтардан бастап жаңа Салық кодексі күшіне енеді. Сондықтан БЖЗҚ-ның жақын жердегі филиалына барып, өтінішіңіз пен қажетті құжаттарды тапсыру қажет. Қайта есептелгеннен кейін ақша сіздің зейнетақы шотыңызға қайтарылады. Егер біржолғы зейнетақы төлемдерін алған кезде кейінге қалдырылған ЖТС таңдалса, 2026 жылдан бастап ЖТС-тың жойылуына байланысты зейнетақы жинақтары осы сомаға ұлғая ма? 2026 жылғы 1 қаңтардан бастап ҚР жаңа Салық кодексінің енгізілуіне байланысты:алушы Қазақстан Республикасының резиденті болса, ЖТС зейнетақы төлемдерінің барлық түрлерінен ұсталмайды, оның ішінде БЗТ да бар.Өзгерістер сондай-ақ 2026 жылғы 1 қаңтардан бастап тұрғын үйге/емделуге алынған БЗТ-дан зейнеткерлікке шыққанға дейін кейінге қалдырылған салықтар бойынша міндеттемелердің күшін жоюды қамтиды. Бірақ бюджетке бұрын төленген салықтарды қайтару көзделмеген. Алайда кейінге қалдырылған ЖТС-тың күшін жою – алуға болатын қолжетімді соманы қоса алғанда, МЗЖ/МКЗЖ есебінен зейнетақы жинақтары сомасының ұлғаюы деген сөз емес. Бұл кейінге қалдырылған ЖТС сомасы есептен шығарылатынын және салымшының ЖТС бойынша мемлекет алдында берешегі болмайтынын білдіреді. Естеріңізге сала кетейік, 2026 жылғы 1 қаңтарға дейін БЗТ алу кезінде ЖТС ұстап қалудың екі тәсілі қолданылады: БЗТ алған кезде бірден төлеу және зейнетақы алғанға дейін кейінге қалдыру (барлық пайдаланылатын зейнетақы жинақтарының 10%-ы алушы зейнеткерлікке шыққаннан кейін ұсталады. Бұл ретте салық сомасы тең бөліктерге бөлінеді және 16 жылдан аспайтын мерзім ішінде алушының ай сайынғы зейнетақы төлемдерінен шегеріледі).  ЖТС-ты қалай ұстау керектігін уәкілетті операторға өтініш берген кезде БЗТ алушы ғана шешеді.  [1]Айлық есептік көрсеткішАқпарат көзі : https://www.gov.kz/memleket/entities/kostanai-rudnyi-kalasy-akimat/press/news/details/1130050?lang=kk

БЖЗҚ Әлеуметтік кодекстің талаптарына сәйкес жыл сайын келесі қаржы жылына арналған республикалық бюджет туралы Заң ресми жарияланғаннан кейін бес жұмыс күнінен кешіктірмей бұқаралық ақпарат құралдарында, сондай-ақ өзінің интернет-ресурсында алдағы жылға есептелген зейнетақы жинақтарының ең төменгі жеткіліктілік шегін (ТЖШ)  орналастыру туралы міндетін орындай отырып, 2026 жылға арналған ТЖШ туралы хабарлайды. Естеріңізге сала кетейік, ТЖШ – бұл салымшыны ай сайынғы зейнетақының ең төменгі мөлшерінен төмен емес мөлшерде қамтамасыз ету үшін қажетті зейнетақы жинақтарының ең төменгі мөлшері (міндетті зейнетақы жарналары есебінен қалыптастырылған). Бұл ағымдағы және болжамды әлеуметтік-экономикалық көрсеткіштерге, ең төменгі зейнетақы мөлшеріне, ең төменгі жалақыға, ең төменгі күнкөріс деңгейіне, сондай-ақ инфляция мен инвестициялық кірістілікке сүйене отырып есептелетін зейнетақы жинақтарының бағалау сомасы. Басқаша айтқанда, ең төменгі жеткіліктілік шегі – салымшы зейнеткерлік жасқа жеткенде ең төменгі зейнетақы мөлшерінен кем емес зейнетақы төлемдерін (ең төменгі базалық зейнетақы төлемін ескере отырып) алуы үшін шотта қалуға тиіс ең төменгі көрсеткіш. ТЖШ есептеу зейнетақы жинақтарының ең төменгі жеткіліктілік шегін айқындау әдістемесіне (бұдан әрі – әдістеме) (ҚР Үкіметінің 30.06.2023 №521 қаулысымен (бұдан әрі – №521 қаулы) бекітілген) сәйкес жүргізіледі.Әдістемеге сәйкес, 2026 жылғы ТЖШ есептеу кезінде Қазақстан Республикасының «2026-2028 жылдарға арналған республикалық бюджет туралы» Заңында айқындалған 2026 жылға арналған келесі әлеуметтік-экономикалық көрсеткіштер пайдаланылды:1) ең төменгі жалақы мөлшері – 85 000 теңге;2) зейнетақының ең төменгі мөлшері – 69 049 теңге;3) ең төменгі күнкөріс деңгейі – 50 851 теңге. Нәтижесінде 2026 жылы ТЖШ мөлшері орта есеппен 10%-ға өсті, бұл жалпы инфляцияның ағымдағы және болжамды мәндеріне сәйкес келеді. ТЖШ қатысты бейне түсініктеме – БЖЗҚ/ЕНПФ YouTube арнасында.  Ақпарат көзі : https://www.gov.kz/memleket/entities/kostanai-rudnyi-kalasy-akimat/press/news/details/1130039?lang=kk

Қазақстан Республикасы еңбек және халықты әлеуметтік қорғау Министрінің 2025 жылғы 30 шілдедегі бұйрығымен 13 желтоқсан қылмыстық-атқару жүйесі қызметкерлерінің кәсіби мерекесі ретінде ресми түрде бекітілді.Осы маңызды оқиғаға орай Солтүстік Қазақстан облысы бойынша ҚАЖ департаменті салтанатты іс-шара ұйымдастырды. Мерекеге қызмет атқарып жүрген қызметкерлер мен олардың отбасы мүшелері, ҚАЖ ардагерлері, қызметтік міндетін атқару кезінде қаза болған қызметкерлердің туыстары, сондай-ақ мемлекеттік органдардың өкілдері мен құрметті қонақтар қатысты.Іс-шара барысында Қазақстан Республикасы ішкі істер Министрінің, қылмыстық-атқару жүйесі Комитеті төрағасының, Солтүстік Қазақстан облысы әкімінің және ҚАЖ департаменті бастығының атынан 100-ден астам адам марапатталды. Қызметкерлерге ведомстволық наградалар, «ҚАЖ үздігі», «Қылмыстық-атқару жүйесін дамытуға қосқан үлесі үшін» медальдары табысталып, бірқатар қызметкерге мерзімінен бұрын арнайы атақтар беріліп, алғыс хаттар мен грамоталар тапсырылды.Салтанатты жиында Солтүстік Қазақстан облысы бойынша ҚАЖ департаментінің бастығы, әділет полковнигі Мұрат Нәкенов құттықтау сөз сөйлеп, кәсіби мерекенің бекітілуінің маңыздылығын атап өтті. Ол ардагерлерге алғысын білдіріп, жеке құрамға қызметтеріне табыс тіледі.Қызметтік борышын атқару кезінде қаза тапқан қызметкерлерді еске алу мақсатында бір минут үнсіздік жарияланды. Іс-шара мерекелік концертпен аяқталып, бірлік пен кәсіби мақтанышқа толы атмосфера қалыптастырды.Ақпарат көзі : https://www.gov.kz/memleket/entities/duissko/press/news/details/1129996?lang=kk

Шағын бизнесті қолдау мақсатында екінші деңгейлі банктер тарапынан БКМ-мен біріктірілген POS-терминалдарды тегін ұсыну мәселесі шешілді. Бұл стационарлық POS-терминалдар немесе телефонға орнатылатын мобильді POS-қосымшалар болуы мүмкін.Кәсіпкерлер үшін қазірдің өзінде не қолжетімді?Kaspi Bank пен Қазақстан Халық Банкінің POS-терминалдары толыққанды БКМ ретінде жұмыс істейді және штрих-кодтарды сканерлеу функциясымен жабдықталған.Жақын арада осындай функциялар Freedom Bank Kazakhstan және Банк ЦентрКредиттің POS-терминалдарында да іске қосылады.Осылайша, Мемлекеттік кірістер комитеті фискалдық деректер операторларымен (ФДО), банктермен және кассалық техника өндірушілерімен бірлесіп, сауда үшін ыңғайлы және автоматтандырылған шешімдерді қалыптастыруда.2026 жылғы 1 қаңтардан бастап Қазақстан Республикасының Салық кодексі мен Қазақстан Республикасы Қаржы министрінің №626 бұйрығының жаңартылған талаптары күшіне енеді.ФДО міндеттеріне мыналар жатады:Ел аумағы бойынша ФДО қызметтерін көрсету.Есеп айырысулар туралы деректерді МКК-ге жедел түрде беру.Ұлттық тауарлар каталогын (ҰТК) пайдалану бойынша сервистерді өз порталдарында орналастыру.БКМ геолокациялық деректерін МКК беру.БКМ-ден келіп түсетін деректерге күн сайын мониторинг жүргізу.БКМ өндірушілерінің міндеттеріне мыналар жатады:Чек форматын жаңарту: енді чекте ҰТК сәйкес тауарлар мен қызметтердің атаулары міндетті түрде көрсетілуі тиіс.Чекті жою функциясын алып тастау - барлық түзетулер тек қайтару чегін ресімдеу арқылы жүзеге асырылады.Аталған өзгерістер тұтынушылардың құқықтарын қорғауға, бизнестің ашықтығын арттыруға, адал бәсекелестікті дамытуға және көлеңкелі айналымды қысқартуға бағытталған.Кәсіпкерлерден талап етіледі:БКМ-ді жаңартуБарлық бағдарламалық кассалар 2.0.3 хаттамасына автоматты түрде жаңартылған.• Стационарлық БКМ-нің (Меркурий, Миника, Порт) иелеріне жаңарту үшін техникалық қызмет көрсету орталықтарына жүгіну қажет.Чекте тауар атауларын көрсету тәртібі?Ол үшін штрих-код сканерін пайдалану қажет:POS-терминалға кіріктірілген сканер;мобильді БКМ пайдаланылған жағдайда телефон камерасы;стационарлық кассаға арналған жеке сканер.Ақпарат көзі : https://www.gov.kz/memleket/entities/kgd-zhetysu/press/news/details/1131125?lang=kk

2025 жылғы 22 желтоқсанда ШҚО Мемлекеттік кірістер департаментінің «Ауежай Өскемен» кеден постында кеден постының қызметкерлері мен сыртқы экономикалық қызмет қатысушыларының қатысуымен дөңгелек үстел өтті.Іс-шара барысында «KEDEN» ақпараттық жүйесінде тауарлар декларациясын жүргізу тәртібі қаралды. Қатысушыларға Еуразиялық экономикалық комиссия Коллегиясының Қоғамының №75 шешіміне сәйкес декларацияларды автоматтандыру және цифрландыру жөніндегі жаңа формат таныстырылды, сондай-ақ 2025 жылғы 3 қарашадан бастап «Тауарлар декларациясы» модулін тестілеу барысы және жүйенің 2026 жылғы қаңтардың екінші онкүндігінде енгізілу жоспарлары туралы хабарланды.Сонымен қатар, пайдаланушылардың рөлдерін жетілдіру және «АСТАНА-1» ақпараттық жүйесін «KEDEN» деп қайта атау мәселелері түсіндірілді.Ақпарат көзі : https://www.gov.kz/memleket/entities/kgd-vko/press/news/details/1130025?lang=kk

Қазақстан Республикасының Сауд Арабиясы Корольдігіндегі Елшісі, Ислам Ынтымақтастығы Ұйымы жанындағы Тұрақты өкілі, Бахрейн Корольдігіндегі Елшісі қызметін қоса атқарушы Мадияр Меңілбеков Бахрейн Корольдігінің Сыртқы істер министрі Абдуллатиф бен Рашид Әл-Заяниге сенім грамоталарының көшірмесін табыс етті.Іс-шара барысында тараптар Қазақстан мен Бахрейн арасындағы екіжақты ынтымақтастықты жан-жақты нығайтуға және екі елдің өзара іс-қимылын тереңдетуге бағытталған нақты қадамдар жасаудың маңыздылығына тоқталды.Іс-шара қорытындысы бойынша Абдуллатиф Әл-Заяни Қазақстан Елшісін қызметке кірісуімен құттықтап, Қазақстан мен Бахрейн арасындағы қарым-қатынастарын одан әрі нығайтуда зор табыстар тіледі.Ақпарат көзі : https://www.gov.kz/memleket/entities/mfa-manama/press/news/details/1136242?lang=kk

       2025 жылғы 19 желтоқсанда Мемлекеттік кірістер комитеті Төрағасының орынбасары Бақытжан Слямовтің төрағалығымен Қазақстан Республикасының бизнес-қоғамдастығы өкілдерімен кедендік бақылауда мемлекеттік кірістер органдарының ұтқыр топтары мен цифрлық құралдарды енгізу мәселелері бойынша дөңгелек үстел өткізілді.      Іс-шараның негізгі мақсаты мемлекеттік кірістер органдарының мобильді топтарын құру және олардың жұмыс істеуі бойынша жүргізіліп жатқан жұмыстарды талқылау, сондай-ақ олардың қызметінің құқықтық және ұйымдастырушылық аспектілерін түсіндіру болды.      Кездесу барысында қатысушыларға тәуекелдерді басқару жүйесін қолдану тәсілдері, көлік құралдарын тоқтату және тексеру тәртібі, техникалық бақылау құралдарын пайдалану, сондай-ақ лауазымды тұлғалардың әрекеттерін міндетті түрде бейнетіркеу арқылы рәсімдердің ашықтығын қамтамасыз ету мәселелері таныстырылды.     Комитетпен кедендік әкімшілендірудің тиімділігі мен ашықтығын арттыруға, сондай-ақ бақылауды күшейту мен сыртқы экономикалық қызметтің адал қатысушыларының құқықтарын қорғау арасындағы теңгерімді қамтамасыз етуге бағытталған шаралар қабылдануда.      Дөңгелек үстел қорытындысы бойынша тараптар одан әрі сындарлы диалогты жалғастыруға және бизнес-қоғамдастықтың ұсыныстарын ескере отырып, кедендік бақылау тетіктерін жетілдіру жөніндегі бірлескен жұмысты жалғастыруға дайын екендіктерін білдірді. Ақпарат көзі : https://www.gov.kz/memleket/entities/kgd/press/news/details/1129935?lang=kk

20 желтоқсанда «Аяз Ата, Ақшақар» халықаралық фестивалі аясында музей-қорықтың Солжағалық кешенінде Аяз Ата қысқы резиденциясының ашылуы өтті. Қала тұрғындары мен қонақтарына театрландырылған қойылыммен ойын-сауық отшашуы, Аяз Ата, Ақшақар шеруі, облыстық филармония әртістерінің көңілді әндері, ұлттық тағамдармен ыстық шай жаңа жылдық сиқырдың ұмытылмас атмосферасын жасады.Аяз Атаның резиденциясында тақ бөлмесі бар, онда отыратын орны, камин және шырша мен сыйлықтар орналасқан. Мұнда хат жазып, оны сиқырлы пошта арқылы жібере аласыз. Оң жағында Аяз Атаның бөлмесі орналасқан, онда мейірімді сиқыршы өзінің жаңа жылдық сапарының бағытын мұқият ойластырып, белгілейді. Бөлме тоқылған «баумен»және «шашақ баумен» безендірілген. Дастарқан басында Аяз Ата еліміздің түкпір-түкпірінен келген балалардың хаттары мен ашық хаттарын оқиды.Ақпарат көзі : https://www.gov.kz/memleket/entities/vko-cultura-arhiv/press/news/details/1129855?lang=kk

Ескелді ауданындағы Мемлекеттік кірістер басқармасы халық пен бизнес өкілдерін салық заңнамасында көзделіп отырған өзгерістер туралы дер кезінде хабардар ету мақсатында «Ашық есік күні» форматында кездесу өткізді.Шара аясында басқарма мамандары 2026 жылдан бастап қолданысқа енгізілетін жаңа Салық кодексінің негізгі бағыттарына тоқталып, қосылған құн салығы, корпоративтік табыс салығы және жеке табыс салығы бойынша жаңартылған талаптарды қолдану тетіктерін жан-жақты түсіндірді.Кездесуге қатысушылар шағын және орта кәсіпкерлік субъектілеріне қатысты салық салудың ерекшеліктері туралы кең көлемді мәлімет алып, салықтық әкімшілендіруді оңайлату, цифрлық шешімдерді енгізу және артық бюрократиялық рәсімдерді азайтуға бағытталған бастамалармен танысты. Ақпарат көзі : https://www.gov.kz/memleket/entities/kgd-zhetysu/press/news/details/1129862?lang=kk

20 желтоқсанда «Мойылды-Байқоңыр» ЖШС инвестициялық жобасы аясында салынған сыйымдылығы 1075 бас сүтті сиырға арналған сүт- тауарлы фермасының салтанатты ашылуы өтті.Ашылу рәсіміне Шығыс Қазақстан облысының әкімі Н. Сақтағанов, Қазақстан Республикасы Ауыл шаруашылығы вице-министрі В. Бердалин және Қазақстан Республикасы Парламенті Мәжілісінің депутаты Ж. Дайрабаев қатысты.Өңір басшысы мен құрметті қонақтарды нысанмен «ВостокАгроХолдинг» ЖШС директоры Е. Нұрбаев таныстырды.Заманауи сүт фермасын салу жобасын «Мойылды-Байқоңыр» ЖШС жүзеге асырды және аймақтағы ең ірі агроөнеркәсіптік нысандардың бірі болып табылады. Құрылыс 2024 жылдың сәуір айында басталып, 2025 жылғы қарашада аяқталды. Жобаның бас мердігері «ВостокАгроХолдинг» ЖШС.Жоба бюджеттік қаражаттар есебінен үш траншпен қаржыландырылды. Қаражат заманауи Rota Guido жемшөп жинау және өңдеу жабдықтарын сатып алуға, құрылыс-монтаж жұмыстарын жүргізуге және голштин асыл тұқымды ірі қара малын сатып алуға жұмсалды.Жаңа сүт фермасы жылына 6 мың тоннаға дейін сүт өндіруге арналған. Нысан іске қосылғаннан кейін жоғары сапалы сүт өнімдерін өндіруді арттырады, жаңа жұмыс орындарын ашады және Шығыс Қазақстан облысындағы ауыл шаруашылығы саласының дамуына айтарлықтай үлес қосады.Ашылу салтанатында сөз сөйлеген облыс әкімі Н. Сақтағанов ауылдық жерлерді дамытуға, азық-түлік қауіпсіздігін жақсартуға және заманауи мал шаруашылығы технологияларын енгізуге бағытталған осындай инвестициялық жобаларды жүзеге асырудың маңыздылығын атап өтті. Қазақстан Республикасы Ауыл шаруашылығы вице-министрі А. Бердалин мемлекет агроөнеркәсіптік кешендегі заманауи технологияларды енгізуге және отандық мал шаруашылығының өнімділігі мен бәсекеге қабілеттілігін арттыруға бағытталған инвестициялық бастамаларды қолдауды жалғастыратынын атап өтті.ҚР Парламенті Мәжілісінің депутаты Ж.Дайрабаев мұндай жобаларды іске асыру ауылдық жерлерді тұрақты дамытуға, елдің азық-түлік қауіпсіздігін нығайтуға және ауыл халқының әл-ауқатын жақсартуға ықпал ететініне тоқталды.Ақпарат көзі : https://www.gov.kz/memleket/entities/vko-altay-chapaev/press/news/details/1129846?lang=kk

20 желтоқсанда "Мойылды-Байқоңыр" ЖШС инвестициялық жобасы аясында салынған қуаты 1075 жемдік бас сүт-тауар фермасының салтанатты ашылуы өтті.Ашылу салтанатына Шығыс Қазақстан облысының әкімі Н.Сақтағанов, ҚР Ауыл шаруашылығы вице - министрі В.Бердалин, Қазақстан Республикасы Парламенті Мәжілісінің депутаты Ж. Дайрабаев қатысты.Аймақ басшысы мен құрметті қонақтарды "ВостокАгроХолдинг" ЖШС директоры Е. Нұрбаев объектімен таныстырды.Қазіргі заманғы сүт-тауар фермасын салу жобасын "Мойылды-Байқоңыр" ЖШС іске асырды және өңірдегі ірі агроөнеркәсіптік нысандардың бірі болып табылады. Нысанның құрылысы 2024 жылдың сәуірінде басталып, 2025 жылдың қарашасында аяқталды. Жобаның бас мердігері "ВостокАгроХолдинг" ЖШС болды.Жобаны бюджет қаражаты есебінен қаржыландыру үш траншпен жүзеге асырылды. Қаражат rota Guido заманауи жем-шөп дайындау техникасы мен технологиялық жабдықтарын сатып алуға, құрылыс-монтаждау жұмыстарын жүргізуге, сондай-ақ голштейн тұқымының асыл тұқымды ірі қара малын сатып алуға бағытталды.Жаңа сүт-тауар фермасы жылына 6 мың тоннаға дейін сүт өндіруге есептелген. Нысанды пайдалануға беру сапалы сүт өнімдерін өндіру көлемін ұлғайтуға, жаңа жұмыс орындарын құруға және Шығыс Қазақстан облысының агроөнеркәсіптік кешенін дамытуға елеулі үлес қосуға мүмкіндік береді.Ашылу салтанатында сөз сөйлеген облыс әкімі Н.Сақтағанов ауылдық аумақтарды дамытуға, азық-түлік қауіпсіздігін арттыруға және мал шаруашылығында заманауи технологияларды енгізуге бағытталған осындай инвестициялық жобаларды іске асырудың маңыздылығын атап өтті. ҚР Ауыл шаруашылығы вице-министрі А.Бердалин мемлекет заманауи технологияларды енгізуге, отандық мал шаруашылығының өнімділігі мен бәсекеге қабілеттілігін арттыруға бағытталған Агроөнеркәсіптік кешендегі инвестициялық бастамаларға қолдау көрсетуді жалғастыратынын атап өтті.ҚР Парламенті Мәжілісінің депутаты Ж. Дайрабаев мұндай жобаларды іске асыру ауылдық аумақтардың тұрақты дамуына, елдің азық-түлік қауіпсіздігін нығайтуға және ауыл халқының әл-ауқатын арттыруға ықпал ететінін атап өтті.Ақпарат көзі : https://www.gov.kz/memleket/entities/vko-altay-parygin/press/news/details/1129818?lang=kk

Тұқымның жоғары сапасы ауыл шаруашылығы дақылдарының жоғары және тұрақты өнімін алудың оңтайлы жағдайларын қамтамасыз ететін негізгі агрономиялық талаптардың бірі болып табылады. Табиғатта тұқымның зақымдануының жасырын түрінің басым болуы олардың егістік қасиеттерін жан-жақты бағалауды қиындатады, бұл тұқым шаруашылығына теріс әсер етуі мүмкін. Осыған байланысты тұқым сапасын жақсартуда жұқтырған тұқымдарды алдын-ала диагностикалау өте маңызды. Көптеген аурулардың инфекциясы тұқым арқылы беріледі. Сонымен қатар, қалыптасу-жетілу кезеңінде олар тамыр шіріктерінің қоздырғыштарымен (гельминтоспориозды және фузариозды), септориозбен және басқа қоздырғыштармен жұқтырылады, сонымен қатар сапрофиттік микроорганизмдермен колонизацияланады. Осыған байланысты тұқым материалына фитопатологиялық талдау жүргізу қажет.            Зертханалық талдауға бидай тұқымдары ұсынылды. Фитоанализ нәтижелері бойынша бидай тұқымдары көбінесе Гельминтоспориум тұқымдасының қоздырғыштарымен, аз дәрежеде Альтернариум, Пенициллиум тұқымдасының сапрофитті саңырауқұлақтарымен жұқтырылады.        Келесі патогендер анықталды:              Helminthosporium-тамыр шірігінің қоздырғышы. Көшеттердің соққылар түріндегі қара қоңыр дақтармен және эпикотиле мен тамырлардың үздіксіз бояуымен зақымдануы байқалды.    Вегетациялық кезеңде астықтың ластануы ерте және кеш болды, талданған тұқымдардың партияларынан ерте жұқтырған кезде дәннің күңгірт екендігі, астықтың көп бөлігі немесе жартысы қараңғылықпен жабылғаны байқалды.  Кеш жұқтырған кезде партиялардағы астық қалыпты дамыған, бірақ эмбрион мен оның айналасы қараңғы болды.  Аурудың жасырын түрі байқалды, астық сыртқы жағынан сау болды, бірақ талдау кезінде гельминтоспориум қоздырғышы пайда болды.   Егіс кезінде мұндай астық тамыр шірік инфекциясының көзі бола алады, ал вегетациялық кезеңдегі қолайлы ауа-райында гельминтоспориум қоздырғышы жаңа дақылдың дәнін жұқтырып, қара қоңыр дақ түрінде жапырақтарда пайда болуы мүмкін.               Fusarium - тамыр шірігінің қоздырғышы.  Өну кезінде ол бозғылт қызғылт немесе ақ жабынмен жабылған, бұл вегетациялық кезеңде инфекция кейінірек болғанын көрсетеді.   Мұндай тұқымдармен себу кезінде көшеттер сирек немесе әлсіреуі мүмкін.                  Alternarium - қара эмбрион мен күйе зеңнің қоздырғышы.  Астық ауруының белгілері эмбрионның айналасында қызару аймағының пайда болуы болды, тұқымдар сыртқы жағынан сау болды, тек өну кезінде альтернариоз қоздырғышы пайда болды.                        Penicillium - тұқымның өнгіштігінің төмендеуіне әкелуі мүмкін зең саңырауқұлақтарының зақымдануы байқалады. Зеңді дамыту үшін дәннің жоғары ылғалдылығы (15-16% - дан астам) және оң температура қолайлы.            Мендіқара аудандық филиалының мамандары зертханалық талдауға үлгілердің түсуіне қарай тұқымның залалдануын анықтау бойынша жұмыс жүргізеді. Фитоанализ кезінде тұқым патогендермен жұқтырылған немесе жұқтырылмағандығынды анықтайды. Патогендердің қандай түрлері жұқтырылғандығынды. Жұқтырған тұқымдар қанша пайызды құрайтыныңды.          Тұқым материалын дайындау, сондай-ақ дұрыс уландырғышты таңдау далада аурудың дамуына жол бермеуге және жақсы сау қашу алуға мүмкіндік береді.  Тұқымның жоғары сапасы басқа оңтайлы жағдайларда ауыл шаруашылығы дақылдарының жоғары және тұрақты өнімін алуды қамтамасыз ететін негізгі агрономиялық талаптардың бірі болып табылады.  ҚР АШМ АӨК МИК "РФДжБӘО" РМММендіқара аудандық филиалт./ф.:8-714-43-2-20-79фитопатолог Ж.Мустафин  Ақпарат көзі : https://www.gov.kz/memleket/entities/kostanai-mendykarin-audany-akimat/press/news/details/1129743?lang=kk

Маңғыстау облысы бойынша техникалық реттеу және метрология департаментінің инспекторлары бақылау мақсатында сатып алу барысында белгіленген қауіпсіздік талаптарына сәйкес келмейтін дизель отынын сату фактісін анықтады.Зертхана сынақтары нәтижелері бойынша ДТ-Л-К4 маркалы дизель отыны Кеден одағының «Автомобиль және авиациялық бензинге, дизель және кеме отынына, реактивті қозғалтқыштарға арналған отынға және мазутқа қойылатын талаптар туралы» ТР ТС 013/2011 техникалық регламентінің талаптарына сәйкес келмейтіні анықталды. Атап айтқанда, тексерілген өнімдегі күкірттің массалық үлесі 115 мг/кг-ды құрады, ал рұқсат етілген норма 50 мг/кг-дан аспауы тиіс, бұл белгіленген көрсеткіштен 65 мг/кг-ға артық екенін көрсетеді.Анықталған заңбұзушылықтарға байланысты уәкілетті орган сотқа талап арыз жолдады. Маңғыстау облысының мамандандырылған ауданаралық экономикалық сотының 2025 жылғы 19 қарашадағы шешімімен талап арыз толық көлемде қанағаттандырылды. Сот кәсіпкерлік субъектісін техникалық регламент талаптарына сәйкес келмейтін ДТ-Л-К4 маркалы дизель отынының тәркіленген өнімін иелену, пайдалану және (немесе) оған билік ету құқығынан айыру туралы шешім қабылдады.Сот актісіне сәйкес, көрсетілген өнім уәкілетті органның талаптарын және қолданыстағы заңнаманы сақтай отырып, иесінің өз қаражаты есебінен жоюға, кәдеге жаратуға немесе қайта өңдеуге, не Қазақстан Республикасының аумағынан тыс жерге шығаруға жатады.Бақылау мақсатында сатып алуды жүргізу тұтынушылардың құқықтарын қорғауға, азаматтардың қауіпсіздігін қамтамасыз етуге және мұнай өнімдері нарығында техникалық реттеудің міндетті талаптарының сақталуын қамтамасыз етуге бағытталған.Ақпарат көзі : https://www.gov.kz/memleket/entities/mti-ktrm/press/news/details/1129713?lang=kk

Маңғыстау облысы бойынша Мемлекеттік кірістер департаменті жаңа Салық кодексі шеңберінде 2026 жылғы 1 қаңтардан бастап күшіне енетін қосылған құн салығы (ҚҚС) саласындағы негізгі өзгерістер туралы хабарлайды. Жаңартулар салықтық әкімшілендіруді ашық етуге, адал кәсіпкерлікті қолдауға және ҚҚС қолдану қағидаларын оңайлатуға бағытталған.Жаңа кодекс ҚҚС салығын салуға жатпайтын айналым санаттарын нақтылайды. Оларға мыналар жатады:- ҚҚС-тан босатылған тауарлар, жұмыстар мен қызметтерді өткізу;- өткізу орны Қазақстан Республикасының шегінен тыс орналасқан айналымдар;- Кодекстің 474-бабында көзделген тізбедегі жекелеген тауар санаттарын өткізу;- ойын бизнесі саласындағы қызмет;- арнайы салық режимі қолданылатын операциялар;- лотерея қызметіне байланысты айналымдар. Құрылыс компаниясының тұрғын үй ғимаратын немесе пәтерді өткізуі 2026 жылғы 1 қаңтардан бұрын құрылысы басталған және (немесе) пайдалануға қабылданған тұрғын үй ғимаратын (пәтерді) өткізу. Тұрғын үй ғимаратын немесе пәтерді жалға беру 2026 жылғы 1 қаңтарға дейін жасалған сатып алу құқығымен тұрғын үйді ұзақ мерзімді жалға беру шарты бойынша тұрғын үй ғимаратын немесе пәтерді жалға беру.ҚҚС-сыз сатып алынған тұрғын үй ғимаратын (пәтерді) өткізу кезінде айналым мөлшері өткізілетін нысанның құны мен бухгалтерлік есепте көрсетілген (қайта бағалау мен құнсыздануды есепке алмағанда) баланстық құнының оң айырмасы ретінде айқындалады.Бұл өзгерістер құрылыс саласының жаңа талаптарға біртіндеп көшуін қамтамасыз етеді. Ауыл шаруашылығы тауарын өндірушілер, қайта өңдеушілер және ауыл шаруашылығы кооперативтері үшін ҚҚС-тың есепке жатқызылатын қосымша сомасының мөлшері 70%-дан 80%-ға дейін ұлғайтылады. 2026 жылғы 1 қаңтардан бастап ҚҚС жаңартылған қағидалар бойынша есепке жатқызылады:- тауарлар, жұмыстар мен қызметтер бойынша — оларды факті бойынша алған күні;- үшінші елдерден импорт бойынша — тауарларды шығарған күні;- ЕАЭО елдерінен импорт бойынша — ҚҚС төленген күні;- резидент емес тұлғалардың жұмыстар мен қызметтері бойынша — электрондық шот-фактура жазылған күні.Бұл нормалар есепке жатқызу сәтін айқындаудың бірыңғай әрі түсінікті тәртібін енгізеді. 2026 жылдан бастап келесі салық мөлшерлемелері белгіленеді:16% — ҚҚС-тың базалық мөлшерлемесі. Төмендетілген мөлшерлемелер:- 2026 жылдан бастап 5% және 2027 жылдан бастап 10% — дәрілік заттарға, медициналық бұйымдарға және лицензияланған денсаулық сақтау субъектілерінің көрсететін қызметтеріне;- 10% — отандық мерзімді баспа басылымдарын өткізуге. 0% мөлшерлеме қолданылады:- тауарлар экспортына;- халықаралық тасымалдарға;- шетелдік әуе компанияларына жанар-жағармай материалдарын жеткізуге;- арнайы экономикалық аймақтар аумағына өткізілетін тауарларға;- аффинирленген алтынды өткізуге. 300.00 нысаны есепті тоқсаннан кейінгі айдың 15-інен ерте емес және одан кейінгі екінші айдың 15-інен кеш емес мерзімде тапсырылады. Шот-фактуралар бойынша кейінге қалдырылған ҚҚС сомасын есепке жатқызу ҚҚС сомасын есепке жатқызу үшін тауарларды, жұмыстарды, қызметтерді сатып алу күніне қолданыста болған Салық кодексінің нормалары қолданылады.Егер тауарлар, жұмыстар, қызметтер 2025 жылғы желтоқсанда сатып алынған болса, онда есепке жатқызу кезеңі 2026 жылғы 1 қаңтарға дейін қолданыста болған Салық кодексінің 401-бабының 1-тармағына сәйкес айқындалады.Осылайша, есепке жатқызылатын ҚҚС мына күндердің ең кешіне сәйкес келетін салық кезеңінде ескеріледі:- тауарларды, жұмыстарды, қызметтерді алу күні;- Салық кодексінің 400-бабының 1-тармағына сәйкес қосылған құн салығын есепке жатқызу үшін негіз болып табылатын шот-фактураның немесе өзге де құжаттың жазып берілген күні.Осыған байланысты, 2025 жылдың 4-тоқсанында сатып алынған тауарлар, жұмыстар, қызметтер бойынша, егер оларды алу күні 2025 жылдың 4-тоқсанына келсе, ал жеткізуші шот-фактураны 2026 жылдың 1-тоқсанында жазып берсе, ҚҚС ең кеш күнге сәйкес 2026 жылдың 1-тоқсанында есепке жатқызылады.Ақпарат көзі : https://www.gov.kz/memleket/entities/kgd-mangistau/press/news/details/1129674?lang=kk

Бөрлі аудандық мәслихатының жұмыс тобы атқарушы орган өкілдерімен бірлесіп, Ақсай қаласының автомобиль жолдарының қысқа дайындығын және мердігерлердің базалары мен  техникаларын қарап  шықты.Қыс мезгілінде автомобиль жолдарын уақтылы тазалау, көктайғақтың алдын алу және жол қозғалысының қауіпсіздігін қамтамасыз ету үшін қажетті техника, материалдық қорлар және адам ресурстары жеткілікті деңгейде дайындалған. Ауа райының күрт өзгеруіне байланысты жедел әрекет ету үшін арнайы жауапты тұлғалар бекітіліп, техникалардың үздіксіз жұмыс істеуі тұрақты бақылауға алынған.Ақсай қаласы бойынша қызмет көрсететін мердігер ұйымдар: Ақсай қаласының оңтүстік және солтүстік бөлігіндегі автожолдарды ағымдағы жөндеу және күтіп ұстау бойынша “ПМК-615” ЖШС. Мұнда қыс мезгілінде күтіп ұстау жұмыстарына 40 адам жұмылдырылады. Жұмысшыларға  барлық қолайлы жағдай жасалған, яғни жатын орын, ыстық тағаммен қамтамасыз етіледі. Аралтал шағынауданы  бөлігіндегі автожолдарды ағымдағы жөндеу және күтіп ұстау бойынша “АПР Казахстан” ЖШС мердігерлік ұйымдары қызмет атқарса, қаланың 7,9,11,13 және Қызылтал шағынаудандарындағы  (44 км) көше жолдарын ағымдағы жөндеу және күтіп ұстау жұмыстары бойынша мердігер «Grand Asia cleaning service» ЖШС атқарады. Кездесу барысында депутаттар жол қауіпсіздігіне, жолдарды, тратуарларды уақытылы тазартуына аса назарда ұстауды ұсынды.Ақпарат көзі : https://www.gov.kz/memleket/entities/burlin-maslihat/press/news/details/1129607?lang=kk

Жамбыл облысында резервтегі әскери қызметті іс жүзінде енгізу басталды. Жергілікті әскери басқару органдары негізгі еңбек қызметінен қол үзбей жаңа форматта қызмет етуге дайын азаматтарды қабылдауды бастады.Шаралар «Оңтүстік» өңірлік қолбасшылығының қатысуымен өтіп жатыр. Тараз қаласының қорғаныс істері жөніндегі басқармасында резервтік бөлімшелерді аумақтық принцип бойынша толықтыру мәселелері қаралды. Сол арқылы азаматтар қызметті тұрғылықты жерінде атқарып, жұмыс орнын, жалақысын және әлеуметтік жеңілдіктерін сақтай алады.Болашақ резервистермен кездесулерде қызметке қабылдау шарттары мен қойылатын талаптар түсіндірілді. Бұл бастамаға бұрын командалық және басқарушылық лауазымдарда қызмет еткен және әскери тәжірибесі мол азаматтар белсенді қатысуға қызығушылық танытты.– Резервтегі әскери қызмет форматына офицерлік резерв қызметкерлерінің қызығушылық танытуы осы форматқа деген сұранысты көрсетеді. Біз кәсіби және ынталы құрамды қалыптастыруға ниеттіміз, ол қорғаныс мәселелерінде сенімді тірек болады, — деді «Оңтүстік» өңірлік қолбасшылығы  әскерлерінің қолбасшысы генерал-майор Ержан Ибраев.Әскери резервті қалыптастыру заңнамаға сәйкес жүзеге асырылады. Қызметке  денсаулығы жақсы, әскери есептік мамандыққа ие және қызмет тәжірибесі бар Қазақстан Республикасының азаматтары қабылданады. Медициналық тексеріс, күш-қуат және психологиялық дайындықты бағалау, сондай-ақ кәсіби сұхбат қарастырылған.Құжаттарды қабылдау жергілікті әскери басқару органдары арқылы жүзеге асырылып, кейін материалдар комиссиямен қаралады.Резервтегі әскери қызмет үш жыл мерзімге келісімшарт негізінде өткізіледі және ай сайынғы жалақы мен әлеуметтік кепілдіктерді қарастырады. Резервистер айына үш рет жаттығуларға, жылына бір рет 30 күндік оқу жиындарына қатысады. Қызметтегі шекті жас шегі: офицерлер үшін – 60 жасқа дейін, қатардағы және сержанттық құрам үшін – 50 жасқа дейін белгіленген.Ақпарат көзі : https://www.gov.kz/memleket/entities/mod/press/news/details/1129628?lang=kk

«ҚР  АШМ  ВБжҚК  Меңдіқара  ААИ» ММ  кейіннен  өткізуге  арналған  ауыл  шаруашылығы  жануарларын  сою  ветеринариялық (ветеринариялық-санитариялық) нормаларға  сәйкес  келетін  сою  пункттерінде  немесе  ет  өңдеу  кәсіпорындарында  жүзеге  асырылатынын  хабарлайды, Қазақстан  Республикасы  Ауыл  шаруашылығы  министрінің  2015  жылғы  27  сәуірдегі №7-1/370 бұйрығымен.Сою  алаңдары  немесе  ет  өңдеу  кәсіпорындары  болмаған  кезеңде  ауыл  шаруашылығы  жануарларын  сою  және  малды  және  оның  сою  өнімдерін  ветеринариялық  сараптау  сою  учаскелерінде (ауыл  шаруашылығы  сою  алаңдарында) жүргізіледі.Малды  сою  орындарында  сою  кезінде  ветеринар:- тиісті  әкімшілік-аумақтық  бірліктің  аумағының   әл-ауқаты  бойыеша  союға  қабылданған  ауыл  шаруашылығы  жануарларына (немесе  жеке  жануарға) ілеспе  ветеринариялық  құжаттың  (ветеринариялық  сертификат) болуын  тексерудің  нәтижелерін  көрсете  отырып  тексеру  малды  союды  тексеру;- ауыл  шаруашылығы  малының  жеке  нөмірі,  ветеринариялық  паспорты  бар-жоғын  тексеру;- Ветеринариялық ережелерге  сәйкес  ауыл  шаруашылығы  жануарларын  да,  союдан  кейінгі  ұшалар  мен  ағзаларды  тексеруді,  ұшалар  мен  ағзаларды  сату  алдында  таңбалауды (ветеринариялық- санитариялық  сараптамадан  өткізу) жүргізе  отырып,  сою  алдындағы ветеринариялық  тексеру.Ауыл  шаруашылығы  малының  сою  талаптарына  сәйкес  союын  растайтын  ветеринариялық  құжаттар  болған  кезде  ішкі  сауда  объектілерінде (ет  және  ет  өнімдері)  және  жануарлардан  алынатын  шикізатты  өткізуге  рұқсат  етіледі.  «ҚР  АШМ  ВБжҚК  Меңдіқара  ААИ» ММ   Боровское  ауыл,  Алтынсарин  көшесі  83, тел.: 2-40-94           Ақпарат көзі : https://www.gov.kz/memleket/entities/kostanai-mendykarin-audany-akimat/press/news/details/1129538?lang=kk

Жаңаөзен қаласында мәдени өмірдің жарқын оқиғаларының бірі  «Кендірлі» мәдениет үйі ұйымдастырған Grand Ball–2025 «Шабыт шуағы» байқауы өтті. Салтанатты кеш классикалық музыка мен бал биін сүйетін көрерменді бір арнаға тоғыстырып, талғам мен әсемдікке толы ерекше мерекелік атмосфера сыйлады.Бағдарламаның негізгі өзегіне айналған жұптық вальс байқауына 24 жұп қатысты. Паркетке шыққан 48 орындаушы би шеберлігінің жоғары деңгейін, сахналық мәдениетті және ырғақ сезімін айқын көрсетті. Көрермен мен қазылар алқасының ерекше назарын ҚР ІІМ Ұлттық ұланының 5548 әскери бөлімінен қатысқан сегіз жұптың өнері аударды.Әскери тәртіп пен классикалық бидің эстетикасы үйлесім тауып, байқауға айрықша көркемдік пен мәнерлілік сыйлады.Байқау қорытындысы бойынша қазылар алқасы «Кештің үздік ханзадасы» атағын Ұлттық ұланның 5548 әскери бөлімінің 1-оперативтік мақсаттағы батальон командирінің тәрбие және әлеуметтік-құқықтық жұмыстар жөніндегі орынбасары аға лейтенант Дарын Баймағамбетке табыстады. Оның сахнадағы сенімді жүріс-тұрысы, қимыл нақтылығы мен жұбымен үйлесімді биі мамандар тарапынан жоғары бағаланды.ҚР ІІМ Ұлттық ұланы әскери қызметшілерінің осындай мәдени жобаларға белсенді қатысуы құқықтық тәртіп әскеріндегі қызметтің тек кәсіби және дене даярлығымен шектелмей, рухани-мәдени дамуды да қамтитынын айқын көрсетеді. Мұндай іс-шаралар әскер мен қоғам арасындағы байланысты нығайтып, жас ұрпақтың жан-жақты  тұлға болып қалыптасуына оң ықпал етеді. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1129496?lang=kk

Қорғаныс министрлігінің Орталық архиві 1997 жылғы 20 наурызда қорғаныс ведомствосы басшысының директивасымен құрылған.Мекеме мамандары Қорғаныс министрлігіне, оған бағынысты ұйымдар мен әскери бөлімдерге тиесілі архивтік құжаттарды жинақтаумен, олардың тарихи құндылығын сараптаумен және сақталуын қамтамасыз етумен айналысады. Сонымен бірге архив материалдарын қызметтік, ғылыми-зерттеу және әлеуметтік-құқықтық мақсаттарда пайдалануды ұйымдастырады.Орталық архив қызметінің маңызды бағыттарының бірі – мемлекеттік органдарға, әскери бөлімдерге, ұйымдар мен азаматтарға әскери қызметтен өту фактілерін растауға, еңбек өтілін анықтауға, өмірбаяндық және тарихи деректерді қалпына келтіруге жәрдем көрсету. Осы арқылы архив мамандары әскери тарихтың шынайы деректерін сақтауға және азаматтардың заңды құқықтарын қорғауға үлес қосады.Құжаттарды қалыптастыру, есепке алу және сақтау архив ісінің талаптарына сай, қорлар, тізімдемелер және сақтау бірліктері бойынша жүзеге асырылады. Мұндай жүйе құжаттардың сақталуын, реттелуін және қажетті ақпаратты жедел табуды қамтамасыз етеді. Процестерді кезең-кезеңмен цифрландыру мақсатында 2025 жылдың соңында Қорғаныс министрлігінің Орталық архиві арнайы жабдықтармен қамтамасыз етілді. Қазіргі уақытта мамандар архив құжаттарын цифрландыруға, электрондық тізімдемелер жасауға және цифрлық ресурстар қалыптастыруға кірісті.Архив қорларының бірегейлігі – елдің Қарулы күштерінің қалыптасуы, дамуы мен қызметін бейнелейтін түпнұсқа құжаттардың сақталуында. Олардың қатарында басқарушылық құжаттар, бұйрықтар, директивалар және өзге архив мекемелерінде баламасы жоқ материалдар бар.Орталық архив тәжірибе алмасу, архив қызметін жетілдіру, үздік тәжірибелерді енгізу және мамандардың кәсіби деңгейін арттыру мақсатында Ресей, Беларусь және Өзбекстанның архив мекемелерімен ынтымақтастық орнатқан.Жалпы алғанда, Қорғаныс министрлігі Орталық архивінің қызметі Қарулы күштердің құжаттық мұрасын сақтауға, объективті тарихи дерекқор қалыптастыруға және мемлекет пен қоғамның ақпараттық қажеттіліктерін қамтамасыз етуге бағытталған.Ақпарат көзі : https://www.gov.kz/memleket/entities/mod/press/news/details/1129500?lang=kk