Сауда және интеграция министрі Арман Шаққалиев Алматыдағы «Түрксіб» базарына барып, әлеуметтік маңызы бар азық-түлік тауарларын кеңейтілген көлемде жеткізу жұмыстары және бағаны тұрақтандыру шараларымен танысты. Сапар қала тұрғындарын сапалы әрі қолжетімді азық-түлікпен қамтамасыз етуге бағытталған жүйелі жұмыстың аясында өтті.Бүгінде «Түрксіб» базарында тауар жеткізу көлемінің тұрақты өсуі байқалады. Жергілікті атқарушы органдардың мәліметінше, биыл фермерлерден тікелей жеткізілетін ет көлемі екі есеге артқан. Бұған дейін ай сайын 230–250 бас ет әкелінсе, қазір бұл көрсеткіш 500 бастан асты. Өндірушілермен тікелей келісімшарттардың кеңеюі ұсынысты арттырып, ет өнімдерінің бағасын тұрақтандыруға нақты мүмкіндік берді.Базар толық жаңғыртылып, сауда және санитарлық талаптарға сәйкес келеді. Өнім сапасын күнделікті бақылау арқылы тексеретін заманауи ветеринарлық-санитарлық зертхана жұмыс істейді. Сондай-ақ тауарларды сақтау үшін арнайы тоңазытқыш және мұздатқыш камералар орнатылып, барлық қажетті температуралық режимдер сақталады.Әлеуметтік маңызы бар азық-түлік тауарларын жеткізу үшін арнайы сауда алаңы ұйымдастырылған. Мұнда өнімдер Алматы облысы, Жетісу, Шығыс Қазақстан, Павлодар, Түркістан облыстары және шетел фермерлерінен тікелей жеткізіледі. Жүк көліктеріне арналған жеке автотұрақ қарастырылған, бұл логистиканы жеңілдетіп, әсіресе маусымаралық кезеңде ассортиментті уақтылы толықтыруға мүмкіндік береді.«Инфляцияны экономикалық тұрғыдан негізделген деңгейге дейін төмендету үшін бағаның өсуін тежейтін және негізсіз қымбаттаудың алдын алатын кешенді шаралар қабылдануда. Барлық қолжетімді механизмдер халыққа азық-түлік бағасының тұрақтылығын және қолжетімділігін қамтамасыз ету үшін қолданылып жатыр», – деді Арман Шаққалиев.2026 жылдың басынан бері Алматы қаласында әлеуметтік маңызы бар азық-түлік тауарларының тұтыну бағалары индексі 0,2%-ды құрады. Бағаны одан әрі тұрақтандыру мақсатында қала әкімдігі кешенді шаралар іске асыруда. «Айналым» қарыздары мен «форвардтық» келісімшарттар аясында 26 мың тонна өнім жеткізілген, оның ішінде көкөністер, күріш, тауық еті, жұмыртқа және қант бар. Қосымша бөлінген 8 млрд теңге есебінен сүт, ет және бакалея өнімдерінің жеткізілімін арттыру, сондай-ақ маусымаралық кезеңде Түркістан облысы мен Орталық Азия елдерінен ерте пісетін көкөністерді жеткізу жоспарлануда.«Демалыс күндері» жәрмеңкелерінің форматы да белсенді дамып келеді. 2026 жылдың соңына дейін мыңнан астам жәрмеңке өткізу жоспарланған, бұл өткен жылмен салыстырғанда 2,5 есе көп. Әлеуметтік павильондарды жаңғырту, олардың аумағын кеңейту және жаңа сауда нүктелерін ашу көзделген.Мемлекеттік бақылау аясында жыл басынан бері өңірлік комиссия отырыстары өткізілді, әлеуметтік маңызы бар тауарларға 15%-дық шекті сауда үстемесін асырғаны үшін әкімшілік хаттамалар толтырылып, айыппұлдар салынды. Қазіргі уақытта азық-түлік базарларында, «үй жанындағы» дүкендерде және көкөніс павильондарында тексерістер жалғасуда, кәсіпкерлер арасында түсіндіру жұмыстары күшейтілген.Анықтама үшін: «Түрксіб» базарының жалпы аумағы 6,9 гектарды, сауда ғимаратының аумағы 14 700 шаршы метрді құрайды. Мұнда 741 сауда орны бар, 20 625 шаршы метр аумақта 1650 автокөлікке арналған тұрақ қарастырылған. Базар толық жаңғыртылған заманауи сауда алаңы ретінде Алматы тұрғындарын сапалы әрі қолжетімді азық-түлікпен қамтамасыз етуге бағытталған.Ақпарат көзі : https://www.gov.kz/memleket/entities/mti/press/news/details/1165702?lang=kk

Шымкент қаласында ауыл шаруашылығы саласының өкілдерімен Жаңа Конституция жобасын түсіндіруге арналған кездесу өтті. Іс-шара барысында ұсынылып отырған конституциялық өзгерістердің мазмұны мен маңызы жан-жақты талқыланды.Жиынға Мирас университеті құқық секторының аға оқытушысы, заң ғылымдарының кандидаты Нұржан Жақсылықов арнайы спикер ретінде қатысып, 1995 жылы қабылданған Конституция мен жаңа редакция жобасының негізгі айырмашылықтарына тоқталды.Спикер референдумға ұсынылып отырған реформалардың бірнеше маңызды бағытын атап өтті. Оның айтуынша, басты өзгерістердің бірі – Конституцияның кіріспе бөлігіндегі тарихи және құқықтық құндылықтардың нақтылануы. Жаңа редакцияда заң мен тәртіп, әділеттілік қағидаттарына басымдық беріліп, мемлекеттің тарихи негіздері мен стратегиялық ұстанымдары айқын көрініс тапқан.Сонымен қатар Нұржан Жақсылықов мемлекеттік басқару жүйесіндегі өзгерістерге тоқталды. Оның сөзінше, қазіргі технологиялық даму мен құқықтық қатынастардың күрделенуі заңнамалық шешімдерді жедел қабылдауды талап етеді. Осыған байланысты Парламент құрылымын жетілдіру және заң шығару үдерісін оңтайландыру бағытындағы ұсыныстар қарастырылып отыр.Жиын барысында сайлау жүйесіндегі жаңашылдықтар да талқыланды. Спикердің айтуынша, жаңа жобада саяси партиялардың рөлі күшейтіліп, бәсекелестік тетіктері жетілдіріледі. Бұл саяси үдерістердің ашықтығын арттырып, қоғамдық жауапкершілікті күшейтуге ықпал етеді.Сөз соңында заңгер Әділетті Қазақстанды қалыптастыру жолында әрбір мемлекеттік қызметкердің жауапкершілігі ерекше екенін атап өтті. Мемлекеттік шешімдер қабылдау кезінде нормативтік-құқықтық актілерді басшылыққа алу қажеттігін айтып, заңдылық қағидатын сақтау – қоғам сенімін арттырудың басты шарты екенін жеткізді.Іс-шараға 50-ге жуық ауыл шаруашылығы және ветеринария саласының өкілдері қатысып, өздерін толғандырған сауалдарын қойды. Кездесу қорытындысында қатысушылар конституциялық өзгерістердің практикалық маңызын талқылап, елдің тұрақты дамуы мен әділетті қоғам құруға бағытталған бастамаларды қолдайтындықтарын білдірді.

Шымкент қалалық мәслихатының төрағасы Бахадыр НарымбетовӘл-Фараби ауданы тұрғындарымен кездесу өткізді.Бахадыр Мәделіұлы баяндамасын Жаңа Конституция жобасының негізгі бағыттарын түсіндіруден бастады. Оның айтуынша, жаңа редакцияда білім мен ғылымға айрықша мән беріліп, адами капитал мемлекет дамуының басты факторы ретінде айқындалған. Сонымен қатар жер мен жер қойнауы халыққа тиесілі екені нақты көрсетіліп, табиғи ресурстарды қоғам игілігіне тиімді пайдалану мемлекеттің негізгі міндеттерінің бірі ретінде бекітілген.Мәслихат төрағасының сөзінше, бұл өзгерістер демократиялық үдерістерді нығайтып, азаматтардың қоғамдық-саяси белсенділігін арттыруға ықпал етеді.Жиында аудан әкімі Маратбек Мықтыбеков өткен жылы атқарылған жұмыстарға тоқталды. Оның мәліметінше, «Халық қатысатын бюджет» жобасы аясында 38 балалар ойын алаңшасы мен 2 спорт алаңшасы абаттандырылған. Аудандағы 931 көпқабатты тұрғын үй 628 аулаға біріктірілген.Кездесу соңында мәслихат төрағасы мен аудан әкімі тұрғындардың сұрақтарына жауап беріп, ұсыныс-пікірлерін тыңдады. Жиын ашық диалог форматында өтіп, тұрғындар тарапынан көтерілген мәселелер назарға алынды.

Шымкент қаласы әкімінің орынбасары Сәрсен Құранбек қоғамдық кеңес мүшелерімен арнайы кездесу өткізді. Басқосу барысында ұлттық мүдде, мемлекеттік тілдің қоғамдағы рөлі, дін саласындағы өзекті мәселелер, сондай-ақ жаңа Конституциялық реформа аясындағы өзгерістер мен толықтырулар кеңінен талқыланды.Кездесуде қала әкімінің орынбасары қоғамдағы тұрақтылық пен орнықты даму ұлттық құндылықтарды сақтау және заң үстемдігін нығайтудан басталатынын атап өтті.— Жаңа Конституциялық реформа – ел болашағына бағытталған маңызды қадам. Ондағы өзгерістер азаматтардың құқықтары мен бостандықтарын кеңейтіп қана қоймай, ғылым мен білімнің дамуына нақты құқықтық негіз қалыптастырады. Бұл – стратегиялық маңызы бар шешім, – деді Сәрсен Құранбек.Жиын барысында қаладағы білім беру саласының қазіргі ахуалы, мектептердегі білім сапасы, педагог мәртебесі және ғылымды қолдау мәселелері жан-жақты қаралды. Қатысушылар ғылым мен білімге деген қоғамдық сұраныстың артып келе жатқанын, бұл бағытқа мемлекет тарапынан айрықша көңіл бөлініп отырғанын атап өтті.Конституциялық реформа аясында ғылым мен білімге конституциялық мәртебе берілуі – сала өкілдері үшін маңызды қадам екені айтылды. Қаржыландыру тетіктерін жетілдіру, ғылыми зерттеулерді қолдау және білім беру жүйесін дамытуға бағытталған жаңа мүмкіндіктер қарастырылғаны жеткізілді.Сонымен қатар негізгі заң жобасында білім беру және ғылыми ұйымдарға академиялық еркіндік беру мәселесі де қамтылған. Бұл бастама оқу бағдарламаларын икемді қалыптастыруға, ғылыми ізденістер аясын кеңейтуге және білім сапасын арттыруға мүмкіндік береді деген пікір білдірілді.Кездесу барысында қоғамдық кеңес мүшелерінің атқарған жұмыстары сараланып, алдағы кезеңге арналған жоспарлар таныстырылды. Қоғамдық кеңестің мемлекеттік органдар мен қоғам арасындағы ашық диалогты қамтамасыз етудегі рөлі ерекше екені атап өтілді.Жиын қорытындысында қатысушылар ұсыныстарын білдіріп, қоғамдық келісімді нығайту және реформаларды түсіндіру жұмыстарын жалғастыру қажеттігін атап өтті.

Шымкенттегі №1 мектеп-гимназияда Жаңа Конституцияны түсіндіруге арналған кездесу өтті. Жиын барысында педагогтер мен шақырылған сарапшылар білім беру саласындағы жаңашылдықтарды, жаңа мемлекеттік институттардың енгізілуін және жаңартылатын Қазақстан Конституциясының негізіне айналатын әлеуметтік кепілдіктерді талқылады.Жаңа Конституциясының жобасының Преамбуласында адам құқықтары мен бостандықтары алғаш рет басты басымдық ретінде жарияланды. Бірлік пен ынтымақ, ұлтаралық және конфессияаралық келісім Қазақстан мемлекеттілігінің негізі ретінде айқындалған.«Біз бұл өзгерістерді алдымен ұжымға түсіндіреміз, мұғалімдер ата-аналарға, кейін оқушыларға жеткізеді. Әр адам өз құқықтарын пайдалану мүмкіндігін білуімен қатар, міндеттерін де ұмытпауы тиіс. Менің ойымша, жаңа Конституцияның ең басты ерекшелігі – барлық норманың адам мүддесіне бағытталуы. Адам – мемлекетіміздің басты капиталы», – деді білім ордасының директоры Анар Аманқұлова.Кездесуге сарапшылар – заң ғылымдарының магистрі, «Мирас» университетінің аға ғылыми қызметкері Макпал Мамаева және «Байтак» партиясы филиалының төрағасы Алтай Ордабеков қатысты.Макпал Мамаева жаңа Конституция құрылымына тоқталды, кеңінен түсіндірі өтті. Оның айтуынша, 1995 жылы қабылданған бұрынғы Конституцияның 84 пайызына өзгерістер енгізілген. Негізгі жаңашылдықтардың қатарында Преамбулада «Әділетті Қазақстан», «Заң мен тәртіп» қағидаттарының көрініс табуы, сондай-ақ «Миранда қағидасының» енгізілуі бар. Сонымен қатар білім мен ғылымға, мәдениет пен инновацияға айрықша мән беріліп, олар Негізгі заңның өзегіне айналғаны айтылды.Алтай Ордабеков жаңа Конституцияның 7 және 8-баптарына тоқталып, қоршаған ортаны қорғау мәселесіне назар аударды. Оның сөзінше, бұл – мемлекеттің тікелей міндеті әрі болашақ ұрпақ алдындағы жауапкершілігі. Сондай-ақ отбасы институты нығайтылып, әлеуметтік блок күшейтілген. Мемлекет философиясы да өзгеріп, «Мемлекет пен адам» ұстанымынан «Адам – құқық – мемлекет» қағидатына көшу жүзеге асырылуда. Бұл – адамға бағытталған мемлекет моделін қалыптастырудың айқын көрінісі.Жиында әр адамның еңбек етуге және қызмет түрін еркін таңдауға құқығы сөз болды. Педагогтер өздерін толғандырған сауалдарын қойып, жан-жақты жауап алды. Сонымен қатар тіл мәселесі, бір палаталы Парламент құру, Вице-президент институтын енгізу, зейнетке шығу тәртібі мен медициналық қамтамасыз ету мәселелері талқыланды.Мұндай кездесулер – тек ақпарат беру емес, ашық пікір алмасу алаңы. Ол әр педагогтің ел болашағына деген жауапкершілігін арттырып, жас ұрпақтың құқықтық мәдениетін қалыптастыруға ықпал етеді.Кездесу қорытындысында ұжымның өзгерістерді қолдайтынықтарын жеткізді. Достық пен келісім құндылыққа айналған білім ордасы үшін жаңа Конституция – тұрақтылықтың кепілі әрі жаңа мүмкіндіктерге жол ашатын маңызды құжат.

Қазақстан тарихындағы маңызды саяси қадамдардың бірі – Жаңа Конституцияның әзірленуі. Бұл құжат ел дамуының жаңа кезеңін айқындап, мемлекеттік басқару жүйесін жаңғыртуға бағытталған кешенді реформаларды қамтиды.Осыған орай Шымкент қаласындағы Аймақтық инновациялық университет базасында Жаңа Конституцияны түсіндіруге арналған жиын өтті. Кездесуге профессор-оқытушылар құрамы мен студент жастар қатысты.Жиын спикері, университет оқытушысы Сабыр Иманбердиев өз сөзінде Жаңа Конституцияның басты ерекшелігі – адам құқықтары мен бостандықтарының басымдығы екенін атап өтті.– Адам құқығы мен бостандығы ең жоғары құндылық ретінде бекітілді. Әр азаматтың заң алдында теңдігі, жеке басының қауіпсіздігі, пікір білдіру еркіндігі және әділ сотқа қол жеткізу құқығы нақты әрі айқын көрсетілген. Бұл өзгерістер қоғамдағы әділдік қағидатын күшейтіп, мемлекет пен азамат арасындағы жауапкершілік тепе-теңдігін қамтамасыз етуге бағытталған, – деді спикер.Жиын барысында конституциялық реформалар аясында президенттік басқару үлгісі қайта қаралып, билік тармақтары арасындағы тепе-теңдік күшейтілгені айтылды. Жаңа редакцияда Парламенттің рөлі арттырылып, мәслихаттардың өкілеттігі кеңейтілген. Президенттің бірқатар өкілеттіктері қайта бөлініп, мемлекеттік басқару жүйесінің ашық әрі есеп беретін сипаты күшейгені атап өтілді.Сондай-ақ Жаңа Конституция негізінде Конституциялық соттың қайта құрылғаны сөз болды.– Азаматтар өз құқықтарының бұзылғаны жөнінде тікелей Конституциялық сотқа жүгіну мүмкіндігіне ие болды. Бұл – құқықтық мемлекет қағидатының нығаюының нақты көрінісі, – деді Сабыр Иманбердиев.Кездесу барысында қатысушылар өздерін толғандырған сауалдарын қойып, жаңа нормалардың мазмұны жөнінде жан-жақты ақпарат алды. Іс-шараның мақсаты – тұрғындардың құқықтық сауаттылығын арттыру және Конституциялық реформалардың мәні мен маңызын кеңінен түсіндіру.Жалпы, Жаңа Конституция – Әділетті Қазақстанды қалыптастыру жолындағы берік құқықтық негіз. Ол азаматтардың құқықтарын қорғауға, мемлекеттік институттардың тиімділігін арттыруға және елдегі қоғамдық келісімді нығайтуға бағытталған маңызды құжат.Жиын қорытындысы бойынша қатысушылар Жаңа Конституцияны қолдайтындықтарын білдірді.

«Узкоколеиная» ауданындағы қар полигонынан еріген суларды бұру мәселесіне байланысты көшпелі кеңес өткізілді. Жақын маңдағы бизнес нысаны иесінің су басу қаупіне алаңдаушылығы негізінде барлық мәселелер сол жерде талқыланды.Кеңес қорытындысы бойынша:— Қостанай қаласының Төтенше жағдайлар басқармасына еріген су деңгейін тұрақты бақылау үшін гидропост орнату;— «Қостанай-Су» МКК-ға гидротехникалық құрылыстарды тазалау;— ТКШ бөліміне аумақты нығайту және электр беру желілеріне қолжетімділікті қамтамасыз ету тапсырылды.Қалада бес қар полигоны жұмыс істейді. Жыл басынан бері 216 мың тоннаға жуық қар шығарылды. Биыл еріген сулардың кедергісіз өтуі үшін арналарды тазалау және ішінара тереңдету жұмыстары жүргізіледі.Ақпарат көзі : https://www.gov.kz/memleket/entities/kostanai-kalasy-akimat/press/news/details/1165677?lang=kk

Астана, 2026 жылғы 19 ақпан – Қазақстан Республикасының Сыртқы істер министрлігі ғимаратында 10-12 сынып оқушылары мен Астана қаласындағы Канадалық халықаралық мектеп жанындағы дипломатия клубының мүшелеріне арналған экскурсия өтті.Кездесу аясында оқушылар министрліктің музейін аралап, Қазақстан Республикасының дипломатиялық қызметінің қалыптасуы мен даму тарихымен, сондай-ақ еліміздің сыртқы саясатының негізгі бағыттарымен танысты.Экскурсиялық бағдарламадан бөлек, оқушылар алдында Министрліктің құрылымдық бөлімшелерінің қызметкерлері сөз сөйледі. Дәріс оқу барысында дипломаттар тиісті бағыттар бойынша жұмыстың ерекшеліктері, Қазақстанның негізгі халықаралық бастамалары және дипломатиялық тәжірибенің қыр-сыры туралы баяндады.Ерекше назар азаматтық жауапкершілікті, патриотизмді және ұлттық құндылықтарға адалдықты қалыптастыру мәселелеріне аударылды, бұл Мемлекет Басшысы Қасым-Жомарт Тоқаевтың тапсырмасымен жүзеге асырылып жатқан «Адал азамат» біртұтас тәрбие бағдарламасының мақсаттарына сәйкес келеді. Соңында Министрліктің өкілдері дипломаттардың кәсіби қызметіне зор қызығушылық танытқан оқушылардың сұрақтарына жауап берді.Кездесу қорытындысы бойынша мектеп әкімшілігінің өкілі мен оқушылар Қазақстан Республикасының Сыртқы істер министрлігіне және оның қызметкерлеріне жылы қабылдау, мазмұнды экскурсия және дипломатиялық қызмет саласындағы өздерін қызықтырған сұрақтарға жан-жақты жауап алуға мүмкіндік бергені үшін шынайы алғыстарын білдірді.Осындай іс-шараларды өткізу жастардың халықаралық қатынастар саласына қызығушылығын арттыруға, сондай-ақ Қазақстан азаматтарының жауапты, білімді және құндылыққа бағдарланған ұрпағын қалыптастыруға бағытталған «Адал азамат» бағдарламасының міндеттерін практикалық іске асыруға ықпал етеді.Ақпарат көзі : https://www.gov.kz/memleket/entities/mfa/press/news/details/1165620?lang=kk

Ақмола облысы бойынша Мемлекеттік кірістер департаментінің Түсіндіру жұмыстар басқармасының басшысы Шынар Мусина Абай Мырзахметов атындағы Көкшетау университетінің экономика факультетінің оқу-әдістемелік кеңесінің ашық отырысына қатысты. Шара барысында білім сапасы, оқу үдерісін жетілдіру, заманауи еңбек нарығының талаптарына сай мамандар даярлау мәселелері талқыланды. Кадрларды дайындаудың жоғары деңгейін қамтамасыз ететін факторлардың бірі университеттер мен жұмыс берушілер арасындағы өзара іс-қимыл екені атап өтілді. Ақпарат көзі : https://www.gov.kz/memleket/entities/kgd-akmola/press/news/details/1165624?lang=kk

     Жасыл желекті кесуге рұқсатты қалай алуға болады    Ағаш кесуге рұқсат алу үшін www.gov.kz, www.elicense.kz электрондық үкімет порталы арқылы өтініш беруіңіз керек       Ағаш кесуге рұқсат алу үшін қажетті құжаттар тізімі:1) бекітілген және келісілген қала құрылысы құжаттамасында көзделген құрылыс қызметін, құрылыс-монтаждау жұмыстарын жүзеге асыру үшін жағдайларды қамтамасыз ету кезінде: көрсетілетін қызметті алушының ЭЦҚ қойылған электрондық құжат нысанындағы өтініш. осы Қағидаларға 2-қосымшаға сәйкес нысан; жер учаскесіне құқық белгілейтін құжаттың электрондық көшірмесі («Жылжымайтын мүлік тізілімі» мемлекеттік деректер базасында тіркеу болмаған жағдайда); ведомстводан тыс кешенді сараптаманың қорытындысы (мемлекеттік экологиялық сараптаманың қорытындысы) (ақпарат нысаны); бар ағаштарды, түрлері мен сандық құрамын, олардың жай-күйін көрсете отырып, объектінің учаскесінде өсетін жасыл алқаптарды түгендеу және орман патологиялық сараптамасының материалдары; өтемдік ағаш отырғызу жоспары; көшеттерді отырғызудың аяқталу күні көрсетілген өтемдік ағаш отырғызуға кепілдік хат; өтемдік абаттандыру жөніндегі (мамандандырылған) ұйыммен шарт.2) инженерлік абаттандыру объектілеріне қызмет көрсету, инженерлік желілерді, жерасты және жерүсті коммуникацияларын қайта жаңарту және монтаждау кезінде: осы 2-қосымшаға сәйкес нысан бойынша көрсетілетін қызметті алушының ЭЦҚ қойылған электрондық құжат нысанындағы өтініш. Ережелер; ведомстводан тыс кешенді сараптаманың қорытындысы (мемлекеттік экологиялық сараптаманың қорытындысы); құрылыс алаңында (қайта жаңарту) өсетін жасыл алқаптарды түгендеу және орман патологиялық сараптау материалдары бар ағаштарды, түрлері мен сандық құрамын, олардың жай-күйін көрсете отырып; өтемдік отырғызу жоспары; көшеттерді отырғызудың аяқталу күні көрсетілген өтемдік отырғызуға кепілдік хат; өтемдік абаттандыру жөніндегі (мамандандырылған) ұйыммен шарт.3) қолданыстағы объектілердің аумағын абаттандыру және оларды эстетикалық келбетке келтіру кезінде жасыл желектердің сапасы мен түрлік құрамын жақсарту қажеттілігі: көрсетілетін қызметті алушының ЭЦҚ қойылған электрондық құжат нысанындағы өтініш; осы Қағидаларға 2-қосымшаға сәйкес нысан бойынша; жер учаскесіне құқық белгілейтін құжаттың электрондық көшірмесі («Жылжымайтын мүлік тізілімі» мемлекеттік деректер базасында тіркеу болмаған жағдайда); объектінің аумағында өсетін жасыл алқаптарды түгендеу және орман патологиялық сараптамасының материалдары, онда бар ағаштар, түрлері мен сандық құрамы, олардың жай-күйі көрсетіледі; өтемдік ағаш отырғызу жоспары; көшеттерді отырғызудың аяқталу күні көрсетілген өтемдік отырғызуға кепілдік хат; өтемдік абаттандыру жөніндегі (мамандандырылған) ұйыммен шарт.4) жалпыға ортақ пайдаланылатын жерлердегі ағаштар мен бұталарды өсіру үшін: осы Қағидаларға 2-қосымшаға сәйкес нысан бойынша көрсетілетін қызметті алушының ЭЦҚ қойылған электрондық құжат нысанындағы өтініш; өтемдік ағаш отырғызу жоспары; көшеттерді отырғызудың аяқталу күнін көрсете отырып, өтемдік отырғызуға кепілдік хат. Жеке басын куәландыратын құжаттар туралы мәліметтер; заңды тұлғаны мемлекеттік тіркеу (қайта тіркеу) туралы; дара кәсiпкердi мемлекеттiк тiркеу туралы; лицензия туралы, лицензиялық алым туралы мәліметтер; көрсетілетін қызметті берушіге ақпараттық жүйелерден «электрондық үкімет» шлюзі арқылы ұсынылады. Көрсетілетін қызметті алушы ақпараттық жүйелерде қамтылған заңмен қорғалатын құпияны құрайтын мәліметтерді пайдалануға келісімін береді. Көрсетілетін қызметті алушының «жеке кабинетіне» мемлекеттік көрсетілетін қызмет нәтижесін алу күні мен уақыты көрсетіле отырып, мемлекеттік қызметті көрсетуге өтініштің қабылданғаны туралы мәртебе жіберіледі.Ақпарат көзі : https://www.gov.kz/memleket/entities/abay-kurchatov/press/news/details/1165627?lang=kk

Павлодар облысының Кәсіподақ орталығының алаңында салық саласындағы өзгерістерге және оларды өңір кәсіпорындарының практикалық қолдануына ерекше назар аудара отырып, "2026 жылғы заңнаманың новеллалары" тақырыбында оқыту семинары өтті.Павлодар облысы аумақтық кәсіподақтар бірлестігінің төрағасы Динара Айтжанова іс-шараны аша отырып, салық және әлеуметтік заңнамадағы өзгерістерді түсіндіру қызметкерлердің құқықтары мен мүдделерін қорғау жөніндегі жұмыстың маңызды бөлігі болып табылатынын атап өтті, өйткені нормаларды дұрыс қолдану кәсіпорындардың әлеуметтік кепілдіктері мен қаржылық тұрақтылығына тікелей әсер етеді.Салық салу мәселелері бойынша негізгі спикер болып МКД түсіндіру жұмысы және байланыс-орталығы басқармасының басшысы Төлеген Шаймарданов сөз сөйледі. Өз сөзінде ол ҚҚС және корпоративтік табыс салығы бойынша өзгерістерді, салықтық әкімшілендіру мен есептілікті, салық режимдерінің ерекшеліктерін, камералдық бақылау мен тексерулер жүргізуді қоса алғанда Салық кодексіндегі жаңалықтарға егжей-тегжейлі тоқталды."Халық бухгалтері" республикалық акциясына ерекше назар аударылды, оның шеңберінде кәсіпкерлер бухгалтерлік есеп, салықтық есептілік және ақпараттық жүйелердегі жұмыс мәселелері бойынша тегін кеңес ала алады. Кеңес беруді "Қазақстанның бухгалтерлер және бухгалтерлік ұйымдар одағы" бухгалтерлердің кәсіби ұйымының мүшелері және МКБ мамандары жүргізеді.Іс-шараға мемлекеттік органдар мен әлеуметтік институттардың өкілдері – әлеуметтік қорғау, мемлекеттік әлеуметтік сақтандыру, зейнетақымен қамсыздандыру, еңбек инспекциясы және міндетті әлеуметтік медициналық сақтандыру саласындағы мамандар қатысты.Семинарға елуден астам заңгерлер, кадр қызметтерінің қызметкерлері, кәсіподақ комитеттерінің төрағалары және өңір кәсіпорындарының өкілдері қатысты. Екібастұз қаласы кәсіпорындарының өкілдері іс-шараға ZOOM платформасы арқылы онлайн-форматта қосылды.Семинар қорытындысы бойынша қатысушылар 2025-2026 жылдары қабылданған салық нормалары мен өзге де құқықтық актілерді қолдануға байланысты практикалық сұрақтарға толық жауап алды және ұйымдастырушылар мен спикерлерге материалды қолжетімді және тәжірибеге бағдарланған бергені үшін алғыстарын білдірді. Павлодар облысы бойынша МКДтүсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-pavlodar/press/news/details/1165602?lang=kk

Нью-Дели, 2026 жылғы 18-19 ақпан - Қазақстан Республикасының Премьер-Министрі Олжас Бектенов Үндістан Республикасына жұмыс сапары аясында Үндістан Премьер-Министрі Нарендра Модимен келіссөздер жүргізіп, «India AI Impact Summit 2026» халықаралық саммитіне қатысты.Қазақстан Үкіметінің басшысы Үндістан тарапына Қазақстан Президенті Қасым-Жомарт Тоқаевтың жылы лебізін жеткізді. Өз кезегінде Үндістан Премьер-Министрі Қазақстан Президентіне ізгі тілегін жолдап, стратегиялық әріптестікті одан әрі нығайтуға дайын екенін растады.Келіссөздер барысында сауда-экономикалық және инвестициялық ынтымақтастықты кеңейту, энергетика, агроөнеркәсіп кешені, цифрландыру және жасанды интеллект салаларындағы өзара іс-қимыл перспективалары талқыланды. Қазақстан Премьер-министрі шамамен 150 млн. АҚШ долларына бағаланатын бірқатар тауарлар бойынша экспорт көлемін ұлғайтуға дайын екенін білдірді. Сонымен қатар стратегиялық маңызды минералдар, сирек жер элементтері, ғарыш, қорғаныс өнеркәсібі, көлік-логистика және жоғары технологиялар бағыттарындағы ынтымақтастық әлеуеті атап өтілді.Премьер-Министр О. Бектенов «India AI Impact Summit 2026» халықаралық саммитінде сөйлеген сөзінде Қазақстанның цифрлық даму саласындағы стратегиялық маңызды басмыдықтарымен таныстырды. Мемлекет басшысының тапсырмасына сәйкес алдағы үш жыл ішінде толыққанды цифрлық экономиканың негіздерін қалыптастыру көзделгені және елді сапалы жаңа технологиялық даму деңгейіне көтеру атап өтілді.Қазақстан ұлттық жасанды интеллект экожүйесін үнемі құрып жатқаны, оның ішінде цифрлық инфрақұрылым мен деректер орталықтарын дамыту, мемлекеттік басқару және негізгі экономикалық салаларда интеллектуалды шешімдерді енгізу, деректерге қолжетімділікті кеңейту, келесі буын мамандарын оқыту, ғылыми зерттеулер мен инновациялық компанияларды қолдау сияқты жұмыстар жүргізіліп жатқаны, сондай-ақ нормативтік базаны жетілдіру және жасанды интеллект технологияларын қауіпсіз және жауапты енгізу үшін жағдайлар жасау жұмыстары жүргізіліп отырғаны туралы айтылды.Сапар аясында Қазақстан Премьер-Министрі саммит алаңында ұйымдастырылған халықаралық технологиялық көрмесіне қатысты.Сапар Қазақстан мен Үндістан арасындағы саяси диалогтың жоғары деңгейін және тараптардың экономикалық ынтымақтастықты, технологиялық серіктестікті кеңейтуге және инновациялық бастамаларды бірлесіп жүзеге асыруға өзара мүдделілігін растады.Ақпарат көзі : https://www.gov.kz/memleket/entities/mfa-delhi/press/news/details/1165576?lang=kk

16-шы халықаралық тау-кен геологиялық форумы MINEX Kazakhstan 2026 жылдың 15-16 сәуірінде Астанада (Radisson Astana қонақ үйі) «Қазақстанның минералды ресурстары: көпвекторлы шындықтағы реформалар және құндылықтарды құру» тақырыбымен өтеді.2010 жылы құрылғанынан бері MINEX Kazakhstan реттеуші органдар, тау-кен және барлау компаниялары, технологиялық және қызмет көрсетушілер және қаржы институттары арасындағы диалог үшін жетекші платформаға айналды.Екі күндік 2026 бағдарламасына стратегиялық, инвестициялық және техникалық сессиялар, мамандандырылған презентация сессиялары, жобаларды басқару бойынша семинарлар және «Тау-кен инновациялары, технологиялар және инвестициялар» көрмесі кіреді. Форум гала-кешкі аспен және Қазақстан Тау-кен палатасының «Тау-кен саласындағы үздік» сыйлығымен аяқталады. Толығырақ және тіркеу: https://2026.minexkazakhstan.com/ruБағдарлама құрылымы Форум саланың стратегиялық мәселелерін қарастырады:Маңызды минералдардың (уран, мыс, сирек кездесетін жер металдары) геосаясаты және Қазақстанның жаһандық жеткізу тізбегіндегі орны.Жер қойнауының геосаясаты, маңызды минералдар, реттеуші реформалар және 2030 жылға дейінгі ұлттық саланы дамыту стратегиясы бойынша стратегиялық пленарлық сессиялар.2026 жылға арналған реформалар: Жер қойнауы және жер қойнауын пайдалану кодексіне өзгерістер, роялтиге көшу, стратегиялық инвестор мәртебесі және бақылау мен инвестицияның тепе-теңдігі.АХҚО, Қазақстан Тау-кен палатасы, SRK Consulting, SLR және басқалармен серіктестікте ұйымдастырылған инвестициялық сессияларда барлауды қаржыландыру модельдері, ашылуларды масштабтау және бірігу және сатып алу мәмілелерінің тиімділігін арттыру талқыланады.Жасанды интеллект және цифрландыру, су ресурстарын басқару, ESG тәжірибелері, кеніш энергиясымен жабдықтау және жобаларды дайындауды жақсарту (банкке жарамды техникалық-экономикалық негіздемелер) бойынша техникалық сессиялар мен тақырыптық конференциялар.B2B презентацияларына арналған презентация сессиялары, бұл компанияларға жобалар мен шешімдерді әлеуетті серіктестер мен инвесторларға ұсынуға мүмкіндік береді. Бағдарлама архитектурасы https://2026.minexkazakhstan.com/ru/programma/ Қатысушылар және форматАлдыңғы MINEX Kazakhstan 2025 форумында Орталық Азия, Еуропа, Солтүстік және Оңтүстік Америка, Таяу Шығыс, Оңтүстік-Шығыс Азия, Африка және Австралияны қоса алғанда, шамамен 30 елден 100-ден астам спикер, 500-ден астам делегат және 40 экспонент қатысты.Көрмеге Қазақстан мен көршілес елдердің тау-кен және барлау компанияларының 1000-нан астам өкілі қатысты. 2026 жылғы форумға келесілер қатысады деп күтілуде:Мемлекеттік органдар мен реттеуші органдардың өкілдері;Тау-кен және барлау компаниялары;Жабдықтарды, қызметтерді және цифрлық шешімдерді жеткізушілер;Қаржы және инвестициялық институттар;Консалтингтік компаниялар, заң фирмалары, үкіметтік емес ұйымдар және академиялық қауымдастық.Форум форматы барлық сессияларға, кофе-брейктерге және түскі астарға, сондай-ақ желілік байланыс орнатуға, кездесулерді жоспарлауға және іс-шарадан кейін презентациялар мен бейнежазбаларға қол жеткізуге арналған веб-қосымшамен жеке қатысуды қамтиды. Қатысу шарттары және қосымша мүмкіндіктерКомпаниялар әртүрлі жолдармен қатыса алады:Жабдықталмаған стендтері мен стенд құрылымдары бар көрме пакеттеріне делегаттарға арналған рұқсаттар, презентация сессияларында баяндама жасау мүмкіндігі және гала-кешкі ас билеттеріне жеңілдіктер кіреді. Бағасы стенд санатына және төлем мерзіміне байланысты (1 наурызға дейін, 1 наурыздан кейін).Коммерциялық және коммерциялық емес презентация пакеттеріне форум сессияларының бірінде 10-15 минуттық презентация, спикердің профилі, презентацияның бейнежазбасы және форум материалдарына кеңейтілген қол жеткізу кіреді.Барлық сессияларға, кофе-брейктерге және түскі астарға қол жеткізу, веб-қосымшаны пайдалану және іс-шаралардан кейін презентациялар мен бейнежазбаларға қол жеткізуді қамтитын форум делегаттарының пакеті.Қосымша жарнама мүмкіндіктері: залдардағы және веб-қосымшадағы экрандарда бейнежарнама, форум қатысушыларына электрондық пошта арқылы ақпараттық бюллетеньдер жіберу және делегат сөмкелеріне жарнамалық материалдарды қосу.Гала-кешкі ас бөлек бағамен ұсынылады. Толығырақ және тіркелу: https://2026.minexkazakhstan.com/ru/registracziya/ Ұйымдастыру комитетінің байланыстарыДелегат, экспонент немесе демеуші ретінде қатысуды растау үшін, сондай-ақ бағдарлама мен серіктестік туралы сұрақтар бойынша мүдделі компаниялар мен ұйымдар MINEX форумының хатшылығына хабарласа алады:Орталық Азиядағы өкілдік: kz@minexforum.com +7 747 5100785 (Қазақстан).MINEX форумының штаб-пәтері (Лондон, Ұлыбритания. +5 Астана уақыты) secretariat@minexforum.com +44 208 089 2886Ақпарат көзі : https://www.gov.kz/memleket/entities/mps/press/news/details/1165579?lang=kk

Баспасөз-релизі«Аят» автомобильдік өткізу пункті-інде түсті металл сынықтарын заңсыз әкету әрекетінің жолы кесілді16 ақпанда Қазақстаннан Ресейге шығу бағытындағы «Аят» автомобильдік өткізу пунктінде RENAULT маркалы жүк көлігі тоқтатылды.Тасымалдаушы ұсынған құжаттарға сәйкес, көлік құралы жүксіз бағыт алған. Алайда шекаралық «ДТСГ» жасағы мен Қостанай облысы бойынша Мемлекеттік кірістер департаментінің қызметкері бірлесіп жүргізген тексеру барысында автокөліктен жасырылған түсті металл қалдықтары мен латунь радиаторлары анықталды. Жалпы салмағы — 3 770 кг (шамамен 4 тонна).Алдын ала бағалау бойынша, жүктің құны шамамен 15 млн теңгені құрайды.Анықталғандай, металл автокөліктің конструктивтік ерекшеліктерін пайдалану арқылы жасырылған — цистернаның алдыңғы бөлігіне қосымша қақпақ дәнекерленіп, оның артына тауар орналастырылған.Қазіргі уақытта тәркіленген жүк сараптамаға жіберілді. Барлық процессуалдық рәсімдер аяқталғаннан кейін материалдар сотқа жолданады.Еске саламыз, Қазақстан Республикасы Өнеркәсіп және құрылыс министрлігінің 2025 жылғы 23 қазандағы №449 бұйрығына сәйкес елімізде қара және түсті металл сынықтары мен қалдықтарын барлық көлік түрлерімен әкетуге тыйым салынған.Ақпарат көзі : https://www.gov.kz/memleket/entities/kgd-kostanay/press/news/details/1165584?lang=kk

Бүгін аудан әкімінің орынбасары Диас Молдабаев азаматтарды жеке қабылдап, тұрғындардың күнделікті өміріне қатысты мәселелерін, өтініштері мен ұсыныстарын тыңдады.Қабылдау барысында азаматтар тұрғын үй алу, әлеуметтік көмек көрсету, жұмысқа орналасу және өзге де әлеуметтік мәселелерді көтерді.Жеке қабылдау барысында аудан әкімінің орынбасары көтерілген әрбір мәселелерді сала мамандарымен бірге мұқият зерделеп, айтылған өтініш пен ұсыныс бойынша жауапты басшыларға нақты тапсырмалар жүктеді.Ақпарат көзі : https://www.gov.kz/memleket/entities/kyzylorda-karmakshy/press/news/details/1165567?lang=kk

"Азаматтарға арналған үкімет" мемлекеттік корпорациясының Қызылорда облысы бойынша филиалы электрондық кезек талондарын алдын ала брондау бойынша пилоттық режим іске қосылғаны туралы хабарлайды. Жоба 2026 жылдың 20 ақпанынан бастап Сырдария және Қармақшы аудандарының халыққа қызмет көрсету бөлімдерінде жұмысын бастайды. Жаңа қызмет азаматтарға бөлімшеге келудін ынғайлы күні мен уақытын алдын ала белгілеуге мүмкіндік береді. Ол үшін "ЦОН" мобильді қосымшасы, электрондық үкімет порталын немесе 1414 бірыңғай байланыс орталығын пайдалануға болады. Онлайн кезегінің уақытын бекіткені туралы SMS-хабарлама жолданады.Ал, дайын құжаттарды беру және өзіне-өзі қызмет көрсету секторының қызметтері, бұрынғыдай, алдын ала жазылусыз көрсетілетін болады.Атап өту қажет, жекелеген жағдайларда және алдын ала брондау мүмкіндігі болмаған жағдайда егде жастағы азаматтарға, ҰОС ардагерлеріне, мүгедектігі бар адамдарға, сондай-ақ шетел азаматтарына арнайы қызмет көрсету аймағы жұмыс жасайды.Сондай-ақ «ЦОН» мобильді қосымшасын пайдалану үшін ЖСН және телефон нөмірі арқылы авторизациядан өту қажет екенін еске саламыз (қосымша App Store және Google Play платформаларында қолжетімді).Пилоттық режим шеңберінде алдын ала брондау жүйесінің қажеттілігі мен тиімділігіне бағалау жүргізілетін болады. Талдау нәтижелері бойынша сервистің функционалын одан әрі енгізудің және ықтимал кеңейтудің орындылығы туралы шешім қабылданады.Ақпарат көзі : https://www.gov.kz/memleket/entities/kyzylorda-karmakshy/press/news/details/1165558?lang=kk

Аддис-Абеба, 2026 ж. 19 ақпан – Қазақстанның Эфиопиядағы Елшісі, ҚР-ның Африка одағы жанындағы Тұрақты өкілі Жалғас Әділбаев Эфиопия СІМ Халықаралық ұйымдар департаментінің Бас директоры Лемлем Фиса Миналемен кездесу өткізді.Қазақстан Елшісі Бас директорды Африка одағының 39-шы Саммитінің сәтті өтуімен құттықтап, бұл кездесудің Африка елдері үшін маңыздылығын және жоғары деңгейдегі іс-шаралардың ұйымдастырылу сапасын жоғары бағалады.Кездесу барысында екі ел басшылары жүргізіп жатқан, мемлекеттік басқарудың тиімділігін арттыруға және азаматтардың әл-ауқатын жақсартуға бағытталған реформалар төңірегінде пікір алмасу болды.Өз кезегінде қазақстандық дипломат сұхбаттасушыны Қазақстанда іске асырылып жатқан конституциялық реформалар туралы хабардар етті. Мемлекеттік басқарудың неғұрлым теңгерімді жүйесіне көшуге бағытталған конституциялық өзгерістерге ерекше назар аударылды. Оның ішінде жаңа мемлекеттік басқару архитектурасындағы Президент рөлін арттыру, бірпалаталы Парламентке көшу, жергілікті өкілді органдардың өкілеттіктерін кеңейту, сот жүйесінің тәуелсіздігін нығайту, сондай-ақ адам құқықтары мен бостандықтарын қорғау тетіктерін институционализациялау мәселелері айтылды.Келіссөздер барысында тараптар халықаралық алаңдардағы, соның ішінде БҰҰ аясындағы екі елдің өзара іс-қимылына қатысты кең ауқымды мәселелерді талқылады. Қазақстан Елшісі Алматы қаласында Орталық Азия мен Ауғанстан үшін БҰҰ-ның Тұрақты даму жөніндегі орталығын құру туралы БҰҰ қарарын қабылдау кезінде көрсеткен қолдауы мен қосалқы автор болғаны үшін эфиопиялық тарапқа ризашылығын білдірді. Ол сондай-ақ Қазақстанның жаһандық дінаралық және конфессияаралық диалогты ілгерілету жөніндегі бастамасы, соның ішінде Әлемдік және дәстүрлі діндер лидерлерінің Съезі шеңберіндегі жұмыстар мен бұл процеске Эфиопия өкілінің қатысуы туралы айтып берді.Бұдан бөлек, тараптар БҰҰ мен халықаралық ұйымдардың сайланбалы органдарына кандидаттарды өзара қолдау және тәжірибе алмасу тәжірибесін жалғастыру ниетін растап, Нью-Йорк пен Женевадағы БҰҰ жанындағы екі елдің тұрақты өкілдіктері арасында консультациялар өткізуге дайын екендіктерін білдірді.Сұхбаттасушылар халықаралық қоғамдастық үшін ерекше қызығушылық тудыратын тұрақты даму, қоршаған ортаны қорғау және су дипломатиясы саласындағы екі ел басшылары ұсынған бастамалардың іске асырылу барысы туралы ақпаратпен бөлісті. Осы орайда Елші Ж. Әділбаев Қазақстан Президентінің БҰҰ жүйесінде су мәселелері жөніндегі мамандандырылған халықаралық ұйым құру туралы бастамасы туралы хабардар етті. Бұл ұйым осы саладағы бөлшектенген халықаралық күш-жігерді шоғырландыруға арналған.Сондай-ақ, тараптар екі елдің астаналарында өтетін қоршаған ортаны қорғау саласындағы жоспарланған халықаралық іс-шараларға қатысты пікір алмасты.Атап айтқанда, Елші 2026 жылғы 22-24 сәуір аралығында Астана қаласында өтетін Өңірлік экологиялық саммит туралы хабарлады. Ол сондай-ақ қазақстандық делегацияның 2027 жылы Аддис-Абебада өтеді деп күтілетін СОР32 саммитіне қатысу мүмкіндігін қарастыруға дайын екенін назарға салды.Қазақстан Елшісі Эфиопия Премьер-министрі А.Ахмедтің «Жасыл мұра» бастамасын жоғары бағалап, оның сәтті іске асырылып жатқанын атап өтті.Эфиопия СІМ өкілі, өз кезегінде, Астананың дінаралық диалог пен су дипломатиясы мәселелеріндегі белсенді рөліне жоғары баға беріп, өзара тиімді серіктестікті одан әрі тереңдетуге дайын екенін жеткізді.Кездесу өзара түсіністік жағдайында өтіп, екі елдің екіжақты қарым-қатынастарды сапалы жаңа деңгейге шығаруға деген ұмтылысын растады.Ақпарат көзі : https://www.gov.kz/memleket/entities/mfa-addis-ababa/press/news/details/1165559?lang=kk

Маңғыстау облысы бойынша Мемлекеттік кірістер департаменті басшылығының азаматтарды қабылдау Кестесі Ахметқалиев Арман НұрланұлыМемлекеттік кірістер департаментінің басшысықабылдау уақыты және мерзімі: әр сәрсенбі сайын 15.00 сағ.-тан 18.00 сағ.-қа дейінмекенжай: Ақтау қ,, 31Б ш/а., 35 ғимарат Өтегенов Ертуған КеңесұлыДепартамент басшысының орынбасарықабылдау уақыты және мерзімі: әр сейсенбі сайын 15.00 сағ.-тан 18.00 сағ.-қа дейінмекенжай: Ақтау қ,, 31Б ш/а., 35 ғимаратАбильдинов Артем АнатольевичДепартамент басшысының орынбасарықабылдау уақыты және мерзімі: әр бейсенбі сайын 15.00 сағ.-тан 18.00 сағ.-қа дейінмекенжай: Ақтау қ,, 31Б ш/а., 35 ғимаратӘлен Қайрат БалканұлыДепартамент басшысының орынбасарықабылдау уақыты және мерзімі: әр жұма сайын 15.00 сағ.-тан 18.00 сағ.-қа дейінмекенжай: Ақтау қ,, 31Б ш/а., 35 ғимарат Қабылдауға жазылу мына телефон бойынша: (7292) 30-13-10 қосымша 1183 немесе 1009.Департамент басшылығының қабылдауына жазуға уәкілетті:ұйымдастырушылық және қаржы басқармасыАқпарат көзі : https://www.gov.kz/memleket/entities/kgd-mangistau/press/news/details/1165426?lang=kk

Құрметті отандастар! «Отандастар қоры» КеАҚ қазақ тілін насихаттауды жалғастыра отырып, 2026 жылдың наурыз айынан бастап қазақ тілін үйрету бойынша тегін онлайн курстардың жаңа легін бастайды!Тіл – ұлттың айнасы ғана емес, сіздің өз тарихыңызды терең түсінуге мүмкіндік береді. Бұл курс сіздің мәдени және тілдік деңгейіңізді кеңейтуге көмектеседі. Курсқа қатысушыларға қойылатын талаптары:– Шетелдегі этникалық қазақтар, бұрынғы отандастар, шетелде тұратын Қазақстан Республикасының азаматы болуы шарт;– Жас ерекшелігі маңызды емес;– Қазақ тілін үйренуге және дамытуға қызығушылығы болуы;– Онлайн сабақтарға тұрақты түрде қатысуы;– Негізгі құрал-жабдықтар: интернетке қосылған компьютер немесе смартфон. Курстың артықшылықтарыТілді меңгеру мүмкіндігі:– Қазақ тілінде еркін сөйлеу, жазу және түсіну дағдыларын дамыту;– Тілді меңгеру арқылы жаңа мүмкіндіктерге жол ашады: мемлекеттік қызмет, бизнес, мәдени шараларға қатысу.Тілдік орта қалыптастыру:– Онлайн курстарда тыңдалым, оқылым, жазылым және сөйлеу дағдылары кешенді түрде дамиды.Мәдениетпен танысу:– Тек тілді ғана емес, қазақ халқының мәдениеті мен дәстүрін де үйренуге мүмкіндік береді. Өз-өзіне сенімділік:– Тілді меңгерген сайын, жаңа ортада өз ойын еркін жеткізе алатын деңгейге жетеді, бұл өзіне деген сенімділікті арттырады. Сертификат алу мүмкіндігі. Ол үшін төмендегі шарттарды орындау қажет.Курсты толық аяқтау:        – Барлық сабақтарды толық өту;    – Әр сабақтың тапсырмаларын орындап, тесттерден өту.Қорытынды тест немесе емтихан тапсыру:  – Курсты қорытындылау үшін жалпы білім деңгейін тексеретін емтихан немесе тест тапсыру қажет;   Белсенділік:– Сабақтарға тұрақты қатысып, белсенділік танытқан қатысушыларға беріледі. Неге дәл осы курс?– Сізге арналған интерактивті сабақтар;– Қызықты бейнематериалдар мен әдеби шығармалар. Курсқа қалай тіркелуге болады?Онлайн қазақ тілі курсы түрік және орыстілді аудиторияларда А1, А2, В1, В2 деңгейлерінде үйретіледі. Курсқа тіркелу және қатысу үшін деңгейіңізді анықтайтын тесттен өтіңіз 🔽 Орыс тіліндегі тестhttps://docs.google.com/forms/d/e/1FAIpQLSeHSwC1Bh7oodrUEqaCIVwPXmIlR4yGaMOZa2JjlKkVrwQG6Q/viewform?usp=dialog  Түрік тіліндегі тестhttps://docs.google.com/forms/d/e/1FAIpQLScoCUYTiYCmNHLKhoGF12NZ00La_c_xHs51ZX8LP31pJrjjSQ/viewform?usp=dialog   Түрік және орыстілді аудитория үшін:– 25 ұпайға дейін жинағандар - А1 тобы– 50 ұпай аралығында жинағандар - А2 тобы– 75 ұпай аралығында жинағандар - B1 тобы– 75 ұпайдан көп жинағандар - В2 тобына қосылуыңызды сұраймыз. Түрік тілді аудитория үшін Whatsapp группалар:A1:  https://chat.whatsapp.com/LjaLJXMkz8d4G9MuMF3uUy    A2: https://chat.whatsapp.com/Eo9wP7FYd7YLqnBEPDEw4nB1 https://chat.whatsapp.com/JlVlOJjHNZhLsZK2gaeX4HВ2  https://chat.whatsapp.com/JOkqN6WOmRxCnWg96G5X81 Орыс тілді аудитория үшін Telegram группалар:А1: https://t.me/+TmqhiKZHeVJiOWEy  А2: https://t.me/+erC61FUMki00YTAy  В1: https://t.me/+tbNy0C7bOoNlNDA6 В2: https://t.me/+A3V_axFsPp40ZmM6   WhatsApp және Telegram группаға қосылғаннан кейін оқытушының нұсқаулық беруін күтуіңізді сұраймыз. Оқытушы сабақ кестесін барлық қатысушылар тесттен өтіп болғаннан кейін жолдайды. Сабақ кестесі бойынша онлайн қазақ тілі курсы 2026 жылдың  наурыз айынан басталады.Ақпарат көзі : https://www.gov.kz/memleket/entities/mfa-kuveyt/press/news/details/1165451?lang=kk

Абай облысы бойынша «Азаматтарға арналған үкімет» Мемлекеттік корпорациясының филиалы электрондық кезекке талондарды алдын ала брондау бойынша пилоттық жобаның іске қосылғаны туралы хабарлайды. Жоба 2026 жылғы 20 ақпаннан бастап қолданысқа енгізіледі.Жоба Абай облысы Курчатов қаласының халыққа қызмет көрсету бөлімінде жүзеге асырылады. Пилоттық жоба 20 ақпаннан басталып, үш ай бойы жалғасады.Жаңа сервис азаматтарға келу күнін және уақытын алдын ала таңдауға мүмкіндік береді. Ол үшін «ЦОН» мобильді қосымшасын, электрондық үкімет порталын немесе 1414 бірыңғай байланыс орталығын пайдалануға болады. Брондау жүргізілгеннен кейін өтініш берушіге растау туралы SMS-хабарлама жіберіледі.Сонымен қатар, дайын құжаттарды беру және өзіне-өзі қызмет көрсету секторының қызметтері бұрынғыдай алдын ала жазылусыз көрсетіле береді.Айта кетейік, ерекше жағдайларда және алдын ала брондау мүмкін болмаған кезде қарт адамдарға, ҰОС ардагерлеріне, ерекше қажеттіліктері бар тұлғаларға, сондай-ақ шетел азаматтарына арналған бір жұмыс орны қарастырылған.Еске сала кетейік, «ЦОН» мобильді қосымшасында қолжетімділік ЖСН мен телефон нөмірі арқылы авторизациядан өткеннен кейін беріледі (App Store және Google Play арқылы жүктеуге болады).Пилоттық жобаны енгізу жаңа жүйенің ыңғайлылығы мен тиімділігін бағалауға, сондай-ақ қажет болған жағдайда функционалын жетілдіруге мүмкіндік береді.Пилоттық режим аясында алдын ала брондау жүйесінің сұранысқа ие болуы мен тиімділігі бағаланады. Талдау нәтижелері бойынша сервисті одан әрі енгізу және функционалын кеңейту мүмкіндігі туралы шешім қабылданады. Ақпарат көзі : https://www.gov.kz/memleket/entities/abay-kurchatov/press/news/details/1165454?lang=kk