2026 жылғы 18 ақпанда KazAID Серіктестік және өңірлік жобалар департаменті директорының м.а. А.Түймебекованың БҰҰ еріктілер бағдарламасының (UNV) өкілдері - елдік үйлестірушісі Н. Шабаевпен және әріптестік жөніндегі маманы Н. Мамытова арасында Астана қаласындағы БҰҰ Үйінде жұмыс кездесуі өтті.Кездесу аясында тараптар дамуға ресми көмек жобаларына ұлттық және халықаралық еріктілерді тарта отырып, ынтымақтастықтың перспективті тетіктерін талқылады. Диалог барысында бірлескен бастамаларға бейінді сарапшыларды тарту мақсатында БҰҰ-ның цифрлық платформаларын пайдалану мәселелері де қаралды.Кездесу қорытындысы бойынша тараптар серіктестікті тереңдетуге өзара мүдделілігін және Халықаралық еріктілер жылы шеңберінде бірлесіп жұмыс істеуге дайын екенін растады.Ақпарат көзі : https://www.gov.kz/memleket/entities/kazaid/press/news/details/1165404?lang=kk

Алматы облысында Қорғаныс министрі авиация генерал-лейтенанты Дәурен Қосановтың тапсырмасымен Десанттық-шабуылдау әскерлерінің штабтары мен бөлімшелерінің үйлесімді іс-қимылын кешенді тексеру аяқталды. Десантшылардың күрделі жағдайда, бейтаныс жерде және шартты қарсыластың тылында тапсырмаларды орындаудағы қабілетіне барынша назар аударылды.Әскерлердің практикалық іс-қимылына бақылауды Қорғаныс министрінің бірінші орынбасары – Қарулы күштер Бас штабының бастығы генерал-лейтенант Қаныш Әбубәкіров жүргізді.Дабылмен көтерілген Десанттық-шабуылдау әскерлерінің бөлімшелері қысқа мерзімде межелі аудандар мен полигондарға әскери техникамен жорыққа шықты. Ол жерге басқару пункттерін шұғыл орнатып, жеке құрам оқу-жауынгерлік міндеттерді ұрысқа барынша жақын жағдайда орындауға кірісті.Тексерудің негізгі эпизодтарының бірі қала ішінде заңсыз қаруланған құраманы жою болды. Құраманың бір бөлігі шартты қарсыластың тыл жағына армия авиациясының тікұшақтарымен жіберілді. Бұл тосыннан әрекет етуге және маневр элементтерін жасауға мүмкіндік берді.Әуе қорғанысы күштерінің экипаждары десанттық-шабуылдау бөлімшелеріне сенімді авиациялық қорған болып, әуеде де, жерде де атыспен қолдады. Авиация өзара іс-қимыл жасай отырып, әскери қызметшілер елдімекенде қарсыласты орағытып өту, торуылдау және жою бойынша тактикалық іс-қимылдарды пысықтады. Артынша басып алған шептерге шоғырланып, маңызды объектілерді тазартты.Кешенді тексеру қарқынды түрде өтіп, жауынгерлік даярлықтың, атап айтқанда жедел әрекет ету мен әскерлерді басқарудан бастап түраралық өзара іс-қимыл мен қару-жарақты іс жүзінде қолдануға дейінгі барлық негізгі элементтерді қамтыды.Іс-шараларға 5 мыңнан аса әскери қызметші және 200-ден астам қару-жарақ пен әскери техника жұмылдырылды. Тексеріс қорытындысы бойынша жан-жақты талдау жасалып, Қорғаныс министрі басқару органдары жұмысының тиімділігіне және Десанттық-шабуылдау әскерлері жеке құрамының жауынгерлік машығына нақты баға береді.Ақпарат көзі : https://www.gov.kz/memleket/entities/mod/press/news/details/1165334?lang=kk

 Ақмола облысы бойынша Мемлекеттік кірістер департаментінің қызметкерлері Қазақстан Республикасының Салық кодексіне енгізілген өзгерістер бойынша түсіндіру жұмыстарын белсенді жүргізуде.Оңайлатылған декларация негізінде арнаулы салық режимін қолдану үшін салық төлеушілер 2026 жылғы 1 қаңтардан бастап 28 ақпанға дейінгі кезеңде (өтпелі кезең) жаңа Салық кодексінің 840-бабының ережелеріне сәйкес осы режимге көшу туралы хабарлама ұсынуы қажет. Мұндай хабарламаны ұсынған салық төлеушілер 2026 жылғы 1 қаңтардан бастап оңайлатылған декларация режимін қолданатын болып танылады.     
Хабарламаны автоматты түрде беру жүзеге асырылады:      1) салық төлеушінің кабинетінде «Салықтық әкімшілендірудің интеграцияланған жүйесі» ақпараттық жүйесінде «құжаттарды тапсыру» бөлімінде «қолданылатын салық салу режимі туралы хабарлама» қолжетімді болады, оны салық төлеушілер өздерінің ЭЦҚ-сына қол қою арқылы және «E-Salyq Business» мобильдік қосымшасы арқылы жібере алады;     2) ірі банктердің банктік қосымшаларында.      Сонымен қатар, хабарламаны салық төлеушінің орналасқан жері бойынша Мемлекеттік кірістер басқармасына қағаз түрінде ұсыну мүмкіндігі де қарастырылған. Сонымен қатар бизнес өкілдеріне  кәсіпкерлерді қолдау және бухгалтерлік пен салықтық есепті жүргізу сапасын арттыру мақсатында Қазақстан Республикасы Қаржы министрлігі «Халық бухгалтері» акциясы өткізіліп жатқаны туралы ақпарат жеткізілуде.    Акция 2026 жылғы 5 қаңтарда басталып, 2026 жылғы 30 маусымға дейін жалғасады.      «Халық бухгалтері» — жеке кәсіпкерлер мен шағын бизнес субъектілеріне арналған тегін консультациялық көмек.              2026 жылғы қаңтар–ақпан айларында консультациялар аптасына 3 рет (дүйсенбі, сәрсенбі, жұма) сағат 10:00-ден 13:00-ге дейін өткізіледі.      2026 жылғы наурыздан бастап консультациялар аптасына 2 рет жүргізіледі.   Ақмола облысы бойынша іс-шара Көкшетау қаласы, Назарбаев даңғылы, 21А мекенжайында орналасқан Көкшетау қаласы бойынша Мемлекеттік кірістер басқармасында өтеді.       Сондай-ақ қабылдау уақытында аудандық және қалалық басқармалар арасында бейнебайланыс пен телефон арқылы кеңес беру мүмкіндігі көзделген.Ақпарат көзі : https://www.gov.kz/memleket/entities/kgd-akmola/press/news/details/1165268?lang=kk

Павлодар қаласы бойынша Мемлекеттік кірістер басқармасының алаңында "Жаңа Салық кодексінің нормаларын түсіндіру" тақырыбында Мемлекеттік кірістер департаменті мамандарының қатысуымен бизнес өкілдеріне арналған семинар өтті.Кездесудің негізгі тақырыбы 2026 жылғы 1 қаңтардан бастап күшіне енген жаңа Салық кодексінің ережелерін талқылау болды. МКД қызметкерлері: Нұргүл Абзалқызы Казылова, берешекпен жұмыс басқармасының басшысы, Ғалия Темірбекқызы Сембаева, камералдық мониторинг басқармасының басшысы, Ерсін Сейфоллаұлы Харифоллин, жанама салықтарды әкімшілендіру басқармасының басшысы, Төлеген Білялұлы Шаймарданов, түсіндіру жұмысы және байланыс-орталығы басқармасының басшысы баяндамалар жасады.Күн тәртібі шеңберінде кәсіпкерлерге салық заңнамасындағы негізгі өзгерістер, соның ішінде салықтық әкімшілендіру мен есептіліктегі инновациялар, ҚҚС, корпоративтік табыс салығы, салық режимдері, камералдық бақылау, салықтық тексерулер бойынша өзгерістер, сондай-ақ мобильді аударымдар жұмысының тетіктері және т. б. түсіндірілді."Халық бухгалтері" республикалық акциясына ерекше назар аударылды. "Халық бухгалтері" кабинеті кәсіпкерлерге бухгалтерлік есеп, салықтық есептілік және ақпараттық жүйелердегі жұмыс мәселелері бойынша тегін кеңес береді. Кеңес беруді "Қазақстанның бухгалтерлер және бухгалтерлік ұйымдар одағы" бухгалтерлердің кәсіби ұйымының мүшелері және МКБ мамандары жүргізеді.Науқанның алғашқы айларында (қаңтар-ақпан) кабинеттің жұмыс кестесі аптасына 3 рет (дүйсенбі, сәрсенбі, жұма) сағат 10.00-ден 13.00-ге дейін өтеді. Наурыз айынан бастап кеңес берулер аптасына 2 рет өтеді.Осыған ұқсас кабинеттер Ақсу және Екібастұз қалалары бойынша Мемлекеттік кірістер басқармаларында жұмыс істейді.Семинар сындарлы форматта өтті. Павлодар облысы бойынша МКДтүсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-pavlodar/press/news/details/1165280?lang=kk

Қонаев қаласының Мәдениет үйінде жаңа Конституция жобасы мен 15 наурызға жоспарланған республикалық референдумға арналған «Әділетті және Прогрессивті Қазақстанның Халықтық Конституциясы үшін!» жалпыұлттық коалициясы мүшелерінің кездесуі өтті. Іс-шараға Премьер-министрдің орынбасары – Мәдениет және ақпарат министрі Аида Балаева төрағалық етті. Жиынға Мәжіліс депутаттары Мақсат Толықбай, Жанарбек Әшімжанов, Сергей Пономарев және қоғамдық институттар, әлеуметтік қолдау саласының өкілдері, білім беру саласының мамандары, жастар ұйымдары мен өңір белсенділері қатысты.Отырыс барысында Аида Балаева ұсынылған жаңа Конституция жобасының басты өзегі – азаматтардың мүддесін қорғау және елдің ұзақмерзімді тұрақты дамуы екенін атап өтті. Құжатта мемлекеттің бағыты, қоғамның қандай құндылықтарға сүйеніп дамитыны және билік пен халық арасындағы қатынастың жаңа деңгейі айқын көрініс тапқан.«Ең алдымен, Жаңа Конституцияның Преамбуласына тоқталғым келеді. Онда адам құқықтары мен бостандықтары алғаш рет мемлекеттің ең жоғары басымдығы ретінде айқын белгіленіп отыр. Бұл – мемлекеттік саясаттың философиясын түбегейлі өзгертетін қағидат. Яғни мемлекет енді азамат үшін, азаматтың қадір-қасиеті үшін қызмет етуі тиіс деген ұстаным заңның өзегіне айналып отыр. Сонымен қатар бірлік пен ынтымақтастық, ұлтаралық және дінаралық келісім Қазақстан мемлекеттілігінің берік іргетасы ретінде бекітілген. Алматы облысы секілді көпэтносты, көпконфессиялы өңір үшін бұл нормалардың маңызы айрықша», – деді ол.Жобаны дайындау барысы мен негізгі институционалдық өзгерістер туралы толық ақпаратты Мәжіліс депутаты Сергей Пономарев баяндады. Оның айтуынша, жұмыс кезең-кезеңімен және ашық форматта жүргізілді, ал ұсынылған түзетулер жүйенің тиімділігі мен саяси жауапкершілікті арттыруға бағытталады.«Уақыт өзгеріп жатыр, сондықтан жаңа Конституция да қажет болды. Жұмыс өткен жылдың қыркүйегінде басталып кетті. Бұл процесс «асығыс әрі жабық түрде өтті» деу шындыққа жанаспайды. Қарашадан бастап парламенттік комиссия жұмыс істеді, кейін конституциялық реформа жөніндегі комиссияның 12 отырысы өтті. Жалпы 130 адам – белгілі заңгер-ғалымдар, депутаттар, фракция жетекшілері мен сарапшылар қатысты. Барлығы ашық түрде өтті», – деді депутат.Ата заңды жаңартуда адами капитал мен жастар саясатының маңызын Мәжіліс депутаты Мақсат Толықбай айқындап берді. Ол Конституция азаматтардың өмір сапасына тікелей әсер ететінін және заман талабына сай болуы тиіс екенін айтты.«Конституция – әрқайсымыздың өмірімізге тікелей ықпал ететін басты құжат. Маңызды мәселелерді халық референдум арқылы шешуі қажет. 1995 жылғы Конституциядағы кейбір нормалар бүгінгі талаптарға сай емес. Білім, ғылым және инновациялар Преамбулада негізгі құндылық ретінде белгіленуі бекер емес. Бізге жастардың интеллектуалдық әлеуетін ашу маңызды», – деді Мақсат Толықбай.Кездесу барысында Мәжіліс депутаты Жанарбек Әшімжанов сөз сөйлеп, жобаны мұқият зерделеу қажеттігін атап өтті. «Қазақстандық қоғамдық даму институты» КЕАҚ басқарма төрағасы Жұлдызай Ысқақова жаңа құжаттағы отбасы құндылықтарына тоқталды. «Қазақстан халқына» ҚҚ төрағасы Ләззат Шыңғысбаева құжаттың әлеуметтік бағытын сөз етті. Абай атындағы ҚазҰПУ ректоры Болат Тілепов білім мен ғылымның рөліне ерекше назар аударды.Кездесу соңында қатысушылар республикалық референдумға белсенді қатысу – елді жаңғырту мен интеллектуалдық әлеуетті нығайтудың маңызды қадамы екенін атап өтті. Ақпарат көзі : https://www.gov.kz/memleket/entities/almobl/press/news/details/1165282?lang=kk

2026 жылғы 18 ақпанда Шығыс Қазақстан облысы бойынша Мемлекеттік кірістер департаментінде аумақтық бөлімшелердің қызметкерлері үшін техникалық оқыту өткізілді. Аталған іс-шаралар тұрақты түрде ұйымдастырылып, мемлекеттік қызмет көрсету саласындағы қызметкерлердің кәсіби дағдыларын арттыруға бағытталған.Оқу барысында келесі тақырыптарға ерекше назар аударылды:- төлемдер мен салықтарды есепке алу және қайтару тәртібі;- 2026 жылғы 1 қаңтардан бастап салықтық есептілік бойынша енгізілген өзгерістер;- арнайы салық режимдері (АСР), салық салу режимін өзгерту, көшу мерзімдері;- салық төлеушілердің жиі қойылатын сұрақтарына жауаптар.Іс-шараның спикерлері ретінде Мемлекеттік қызмет көрсетулер басқармасының (МҚКБ) басшысы Гүлжан Салимбаева, Түсіндіру жұмысы және Байланыс орталығы басқармасының басшысы Гүлмира Сабралимова, сондай-ақ МҚКБ бөлімінің басшысы Людмила Агарина сөз сөйледі. Өз баяндамаларында олар өзекті мәселелерді жан-жақты түсіндіріп, салық төлеушілермен жұмыс істеуге қатысты практикалық ұсынымдар берді.Мұндай техникалық оқытуларды тұрақты түрде өткізу азаматтар мен ұйымдарға көрсетілетін қызмет сапасын арттыруға, салық төлеушілермен ынтымақтастықты жақсартуға және Департаменттің аумақтық бөлімшелерінің тиімді жұмысын қамтамасыз етуге мүмкіндік береді.Ақпарат көзі : https://www.gov.kz/memleket/entities/kgd-vko/press/news/details/1165247?lang=kk

ШҚО этнографиялық музейінде ұлы ақынның мерейтойына арналған  әдеби-музыкалық кеш өтті. Іс-шараға облыстық Пушкин атындағы кітапхана қызметкерлері, Құмаш Нұрғалиев атындағы Жоғары колледж студенттері, Достық үйінің «Ақ босаға» халық ансамблі, «Белес» фольклорлық ансамблінің солистері шақырылды. Тақырыптық таныстырылым, Жамбылдың өлеңдері, халық әндері, домбыра тарту, ақынға арналған кітаптар туралы әңгіме – мұның бәрі кездесудің лирикалық атмосферасын қалыптастырды. Қатысушылар іс-шараның жай ғана тыңдаушылары ғана болмай, Жамбылдың шығармашылық жолы туралы әңгімеге белсене қатысты.Ақпарат көзі : https://www.gov.kz/memleket/entities/vko-cultura-arhiv/press/news/details/1165249?lang=kk

Қонаев қаласында бірнеше жылдан бері шешімін таппаған күрделі мәселеге нүкте қойылады. Жағымсыз иіс шығарып, 100% тозығы жеткен кәріз-тазарту жүйесінің орнына басқасы салынады.Ескірген нысан қаладан 3-4 шақырым жерде орналасқан. Ал жаңа кәріз-тазарту жүйесі Қонаевтан 15 шақырым жерде бой көтереді.Құрылысқа тапсырыс беруші – Алматы облысының энергетика және сумен жабдықтау басқармасы. Жоба мемлекеттік-жеке меншік серіктестік аясында жүзеге аспақ. Әріптес компания – «Daur Capital» ЖШС. Нысанның құрылысы 20 ай ішінде аяқталады деп жоспарлануда. Оған 33 млрд теңгеден астам қаржы жұмсалмақ.Жаңа нысанның қуаттылығы тәулігіне 25 текше метрден астам суды сүзгіден өткізуге мүмкіндік береді. Кәріз-тазарту жүйесі 215 гектар аумақта салынады. Қазіргі таңда жер жұмыстарын бастауға дайындық жүріп жатыр. Негізгі технологиялық жабдықтар, құбырлар және жинақтаушы тоғандарға арналған гидрооқшаулағыш материалдар сатып алынды.Тозығы жеткен кәріз-тазарту жүйесі жаңасы іске қосылғаннан кейін рекультивацияланады. Ақпарат көзі : https://www.gov.kz/memleket/entities/almobl/press/news/details/1165254?lang=kk

2026 жылғы 22-24 сəуір, Астана, Қазақстан Республикасы2026 жылғы Өңірлік экологиялық саммитті (ӨЭС 2026) БҰҰ-мен серіктестік негізінде өткізу бастамасы Қазақстан Республикасының Президенті Қасым-Жомарт Тоқаевтың 2023 жылғы БҰҰ Бас Ассамблеясының 78-ші сессиясында ұсынылған болатын. Президент Тоқаев 2025 жылғы БҰҰ Бас Ассамблеясының 80-ші сессиясында саммиттің 2026 жылы сəуір айында Астанада өткізілетінін растады.Саммит халықаралық серіктестерден кең қолдау алды, оның ішінде БҰҰ, ЭЫДҰ, ИРЕНА, ХЭА жəне басқа да ұйымдар. Біріккен Ұлттар Ұйымы 2023 жылғы 19 желтоқсанда қабылдаған Бас Ассамблеясының 78/147 қарарында «Орталық Азия экологиялық сын-тегеуріндеріне қарсы тұру: өңірлік ынтымақтастық арқылы тұрақты даму мен гүлденуді қамтамасыз ету» деп аталған мəселеге қолдау білдірді. Бастамаға қолдау да бірқатар маңызды саяси құжаттарда, мемлекет басшылары деңгейінде бекітілді: ● Түркі мемлекеттері ұйымының Карабах декларациясы (2024 жылғы 6 шілде, Əзербайжан); ● Орталық Азия мемлекеттері басшыларының Алтыншы Консультативтік кездесуі туралы Бірлескен декларация (2024 жылғы 9 тамыз, Қазақстан); ● Түркі мемлекеттері ұйымының Он бірінші саммитінің Бішкек декларациясы (2024 жылғы 6 қараша, Қырғызстан).2025 жылы бұл бастама Астана халықаралық форумының өтуі барысында, БҰҰ Бас хатшысы Антониу Гутерриштің қатысуымен Орталық Азия мен Ауғанстан үшін Тұрақты даму мақсаттары жөніндегі БҰҰ Өңірлік орталығының ашылу салтанатында, сондай-ақ Түрікменстанда өткен теңізге шығу мүмкіндігі жоқ дамушы елдер жөніндегі БҰҰ-ның Үшінші конференциясы аясында одан əрі халықаралық мойындауға ие болды. Ақпарат көзі : https://www.gov.kz/memleket/entities/mfa-bucharest/press/news/details/1165236?lang=kk

Арқалық қаласында отбасылық құндылықтарды нығайтуға және тұрғындарға кешенді көмек көрсетуге бағытталған Отбасын қолдау орталығы өз жұмысын бастады. Жаңа мекеме отбасы институтын дамытуға, әлеуметтік тұрақтылықты қамтамасыз етуге және өмірлік қиын жағдайға тап болған азаматтарға жан-жақты қолдау көрсетуге арналған.Орталықтың қызметі отбасыларға әлеуметтік, психологиялық, құқықтық және ақпараттық көмек көрсетуге бағытталған. Қызметтік құрамы 6 бөлімшеден тұрады. Атап айтқанда, психологиялық көмек көрсету, құқықтық кеңес беру, жастар және ата-аналармен жұмыс, әлеуметтік қолдау, медиация және даулардың алдын алу, сондай-ақ қоғаммен және бұқаралық ақпарат құралдарымен байланыс бөлімшелері жұмыс істейді.Орталық түрлі мемлекеттік мекемелермен және үкіметтік емес ұйымдармен тығыз ынтымақтастық орнатқан. Бұл өз кезегінде отбасыларға кешенді әрі нәтижелі көмек көрсетуге мүмкіндік береді. Білім беру, денсаулық сақтау ұйымдары, ішкі істер органдары және өзге де құрылымдармен өзара іс-қимыл жасау дағдарыстық жағдайларға жедел әрекет етуге және қиын жағдайға тап болған отбасыларға сапалы қызмет көрсетуге жол ашады.Мекеме өз жұмысын қолжетімділік, құпиялылық және әрбір отбасыға құрметпен қарау қағидаттары негізінде жүзеге асырады. Бұл ұстанымдар мамандардың қызметінде сенімділік атмосферасын қалыптастырып, азаматтардың жеке мәліметтерінің қауіпсіздігін қамтамасыз етеді және отбасылардың өз мәселелерін ашық түрде шешуіне ықпал етеді.Ақпарат көзі : https://www.gov.kz/memleket/entities/kostanay/press/news/details/1165245?lang=kk

Самар ауданында ардагерлерге Жаңа Конституцияның негізгі ережелері түсіндірілді. Бұл талқылау Республикалық «Ардагерлер ұйымы» қоғамдық бірлестігінің Самар аудандық филиалының екінші есепті-сайлау конференциясы аясында ұйымдастырылды. Қатысушылар Конституция жобасында енгізілетін өзгерістердің тұрғындардың өміріне қалай әсер ететінін, сондай-ақ референдумға қатысу маңыздылығын талқылады.Алдағы референдум азаматтардың негізгі құқықтары мен бостандықтарын бекітуге, мемлекеттік органдардың жұмысын жетілдіруге және азаматтардың ел басқару ісіне қатысуын арттыруға бағытталған. Конституцияның жаңа жобасы әлеуметтік кепілдіктерді нығайтады, билік жұмысының ашықтығын қамтамасыз етеді және ардагерлердің мүдделерін қорғайды.Сонымен қатар, тұрғындардың қатысуының маңыздылығы және халық өкілді орган ретінде құрылтайдың рөлі ерекше атап өтілді.«Қазақстан Республикасының Президенті Қасым-Жомарт Кемелұлы Тоқаев Конституцияны дәл қазір қабылдауды дана шешім қабылдады. Себебі республика жаңа даму кезеңіне қадам басып отыр, ал жаңартылған Конституция елдің тұрақты дамуын қамтамасыз етіп, әлеуметтік кепілдіктер мен азаматтардың құқықтарын нығайтуға мүмкіндік береді. Әр азамат ұсынылып отырған өзгерістердің мәнін түсініп, саналы түрде дауыс беруге қатысуы маңызды», — деді Самар ауданы ардагерлер кеңесінің төрағасы Садыков Айдархан Фазылғаламұлы.Ақпарат көзі : https://www.gov.kz/memleket/entities/vko-samar/press/news/details/1165217?lang=kk

Бүгін аудан әкімі аппаратының басшысы және әдеп жөніндегі уәкілі Рауан Жампеисов Аққала ауылдық округінің әкімі мен мемлекеттік қызметшілерімен профилактикалық әңгіме жүргізді.Кездесу барысында этикалық нормаларды сақтау, еңбек тәртібін қатаң ұстану, сондай-ақ қызмет көрсету кезінде сыбайлас жемқорлыққа жол бермеу мәселелеріне ерекше көңіл бөлінді.«Барлық қызметтерді тек заң шеңберінде көрсету керек, заңға қарсы ешқандай әрекет жасалмауы тиіс. Мемлекеттік қызметшінің этикалық кодексін сақтау және еңбек тәртібін ұстану — басты ереже, оны әрқашан есте ұстау қажет», — деді әдеп жөніндегі уәкіл.Ақпарат көзі : https://www.gov.kz/memleket/entities/vko-samar/press/news/details/1165220?lang=kk

Алматы көпсалалы клиникалық ауруханасы дәрігерлері жүктіліктің 38-аптасында жатқан пациентке күрделі симультанды операция жасады — бір хирургиялық араласу барысында босандырып, сонымен қатар тамырлы ісікті алып тастады.Пациент «жүктілік 38 апта» және «мұрын кіреберісінің гемангиомасы» диагнозымен түсті. Аталған түзіліс босану кезінде қан кету қаупін тудыратындықтан, жағдай аса мұқият әрі қауіпсіз шешімді талап етті.Акушер-гинекологтар, анестезиологтар және ЛОР-дәрігерлердің қатысуымен өткен мультидисциплинарлық консилиум нәтижесінде кесар тілігін жасап, гемангиоманы бір мезгілде алып тастау туралы шешім қабылданды. Бұл тактика пациентті қайта операция жасау қажеттілігінен сақтап, ықтимал асқынулардың алдын алуға мүмкіндік берді.Алдымен акушер-гинекологтар кесар тілігін сәтті жүргізіп, дүниеге дені сау сәби келді. Одан кейін ЛОР дәрігерлері қан жоғалтпаудың алдын алу шараларын сақтай отырып, тамырлы түзілісті алып тастады.Дәрігерлердің үйлесімді жұмысының арқасында екі операция да сәтті өтті. Ана мен сәбидің жағдайы тұрақты, операциядан кейінгі кезең асқынусыз өтті.Мамандар мұндай клиникалық жағдайлар жоғары кәсіби дайындық пен нақты үйлестіруді талап ететінін атап өтті. Аталған операция заманауи медицинаның мүмкіндігін және командалық жұмыстың тиімділігін көрсетті.Ақпарат көзі : https://www.gov.kz/memleket/entities/almobl-densaulyk/press/news/details/1165229?lang=kk

Қазақстан Республикасы Қаржы министрлігінің Мемлекеттік кірістер комитеті цифрлық экономика жағдайында салық салудың ашықтығы мен әділдігін қамтамасыз ету бағытында жүйелі және белсенді жұмыс жүргізуде.2022 жылдан бастап Қазақстан цифрлық қызметтерге салынатын салықты, яғни «Google салығы» деп аталатын салықты табысты түрде қолданып келеді.«Google салығы» енгізілген кезеңнен бастап 120 шетелдік компания тіркелді, оның ішінде 2025 жылы - 22 компания. Бюджетке түскен түсімдер көлемі 136 млрд теңгені құрады, оның ішінде 2025 жылы - 57,6 млрд теңге, 2026 жылғы қаңтар айында - 8,7 млрд теңге.Қазақстан Республикасының Салық кодексіне сәйкес екінші деңгейдегі банктер мен төлем ұйымдары шартты тіркеуден өткен шетелдік компаниялар бойынша мәліметтерді мемлекеттік кірістер органдарына ұсынады. Аталған мәліметтер Қазақстан Республикасының аумағында жеке тұлғаларға тауарларды электрондық сауда арқылы өткізу және электрондық нысанда қызметтер көрсету кезінде салық міндеттемелерінің толықтығы мен уақтылы орындалуын талдау мақсатында пайдаланылады.Екінші деңгейдегі банктердің, төлем ұйымдарының мәліметтерін және шетелдік компаниялар төлеген ҚҚС сомалары туралы деректерді өзара салыстыру нәтижелері бойынша мемлекеттік кірістер органдары камеральдық бақылау жүргізеді.Төлемеу немесе толық емес төлеу фактілері анықталған жағдайда, камеральдық бақылау нәтижелері бойынша анықталған алшақтықтар туралы хабарламалар қалыптастырылады.Сонымен қатар, Қазақстан Республикасы Салық кодексінің 89-бабына сәйкес 2026 жылғы 1 қаңтардан бастап камеральдық бақылау нәтижелері бойынша жіберілген хабарламаларды, сондай-ақ қосылған құн салығы бойынша тіркеу есебіне қою туралы хабарламаларды орындамаған шетелдік маркетплейстердің интернет-ресурстарын бұғаттау туралы шешім қабылдауға мүмкіндік беретін нормалар көзделген.Аталған шараларды іске асыру отандық және шетелдік нарық қатысушылары үшін тең бәсекелестік жағдайларды қамтамасыз етуге, цифрлық ортадағы салық тәртібін арттыруға, сондай-ақ құжаттық салықтық тексерулер жүргізбестен көлеңкелі экономиканың үлесін төмендетуге бағытталған. Ақпарат көзі : https://www.gov.kz/memleket/entities/kgd/press/news/details/1165186?lang=kk

2026 жылғы 18 ақпанда Қазақстан Республикасының Ұлттық экономика вице-министрі Ерлан Сағнаев "AMANAT" партиясының хатшысы Эльдар Жұмағазиевтің төрағалығымен өткен кәсіпкерлік мәселелері жөніндегі республикалық үйлестіру кеңесінің екінші отырысына қатысты.Отырыс жұмысына мүдделі мемлекеттік органдар мен квазимемлекеттік ұйымдардың өкілдері де қатысты.Күн тәртібінде кәсіпкерлік қызметті жүргізу жағдайларына және экономиканың негізгі салаларының дамуына әсер ететін жүйелі мәселелер қаралды.Отырыс барысында қатысушыларға кеденде тәуекелдерді басқару жүйесін қолдану практикасын және әлеуметтік маңызы бар азық-түлік тауарларына бағаны реттеу тәсілдерін қоса алғанда, "Ашық Аманат" талдамалық платформасы таныстырылды.Отандық тауар өндірушілердің тізілімін жүргізу мәселелеріне ерекше назар аударылды. Қатысушылар рәсімдердің ашықтығын арттыру, жекелеген талаптарды қайта қарау және адал кәсіпорындар үшін артық әкімшілік жүктеме мен бедел тәуекелдерін тудыратын факторларды жою қажеттігін талқылады.Отырыстың күн тәртібі шеңберінде мұнай-газ жабдықтарын өндірушілер қауымдастығы жеке индустриялық аймақтарды мемлекеттік қолдау тетіктерін жетілдіру жөнінде ұсыныстар айтылды.Бұдан әрі "Первомайские деликатесы" ЖШС отандық экспорттаушысы айтқан мал шаруашылығын несиелеу мәселесі, сондай-ақ қайта өңдеушілерге кредит беру және мал шаруашылығы өнімдерінің экспортын реттеу тәсілдерін жетілдіру қоса алғанда агроөнеркәсіптік кешенді қаржыландыру құралдарын салалық ерекшелікке бейімдеу  мәселелері талқыланды. Сондай-ақ, республикалық сүт палатасы деректердің салыстырмалылығын және нарықтың ашықтығын арттыруды қамтамасыз ететін сүт саласында неғұрлым сенімді статистикалық есепке алу жүйесін қалыптастыру қажеттігі туралы айтты.Отырыс қорытындысы бойынша айтылған мәселелер мен ұсыныстар одан әрі пысықтауға қабылданып және тиісті мемлекеттік органдармен бақылауға алынды.Ақпарат көзі : https://www.gov.kz/memleket/entities/economy/press/news/details/1165156?lang=kk

Павлодар облысы бойынша Мемлекеттік кірістер департаменті оңайлатылған декларация негізінде арнаулы салық режиміне көшу мәселелері бойынша түсіндіру жұмыстарын жүргізді.Кәсіпкерлермен кездесулер Batyr Mall, Махi Mall, City Centr, Манакбай, Рахмет және т.б. өңірдің ірі ойын-сауық сауда орталықтары мен сауда үйлерінде өтті.Мамандар арнаулы салық режимін қолдану тәртібін, оның ерекшеліктері мен артықшылықтарын, салық режимін уақтылы таңдаудың маңыздылығын егжей-тегжейлі түсіндірді.Маңызды! Оңайлатылған декларация негізінде арнаулы салық режимін қолдану туралы хабарлама 2026 жылғы 1 наурызға дейін берілуі тиіс. Егер хабарлама ұсынылмаса, салық төлеуші автоматты түрде қолданудың басталу күні 2026 жылғы 1 қаңтар болып табылатын жалпыға бірдей белгіленген салық салу тәртібіне көшкен болып есептеледі.Сіз хабарламаны келесілер арқылы жібере аласыз:- «e-Salyk Business» мобильді қосымшасы;- екінші деңгейдегі банктердің мобильді қосымшалары;- тұрғылықты жері бойынша мемлекеттік кірістер органына жеке өзі жүгінген кезде.Кәсіпкерлердің салықтық сауаттылығын арттыру бойынша жұмыс жалғасатын болады.Павлодар облысы бойынша МКД-ныңтүсіндіру жұмысы және Байланыс-орталығы басқармасы Ақпарат көзі : https://www.gov.kz/memleket/entities/kgd-pavlodar/press/news/details/1165161?lang=kk

2026 жылғы 26 ақпанда сағат 14-00-де Өскемен қалалық мәслихатының инфрақұрылымды және тұрғын үй-коммуналдық шаруашылықты дамыту мәселелері жөніндегі мәслихаттың тұрақты комиссиясының төрағасы Нұрлан Қажмұратұлы Умарбековтың тікелей эфирі өтеді.Барлық сұрақтар бойынша 8 (7232) 26-29-00 телефон нөмірі бойынша хабарласуға болады Төменде тікелей эфирді онлайн көруге арналған сілтеме берілген: https://instagram.com/maslihat_oskemen?igshid=MzNlNGNkZWQ4Mg==Ақпарат көзі : https://www.gov.kz/memleket/entities/ukmaslihat/press/news/details/1165178?lang=kk

Құрметті отандастар! Сіздерді күллі мұсылман қауымы үшін қасиетті Рамазан айының басталуымен шын жүректен құттықтаймын!Бұл – дүние жүзіндегі миллиардтаған жанды рухани тазаруға, жақынына жанашыр әрі қамқор болуға үндейтін мезгіл.Ораза азаматтарды шыдамдылық пен төзімділікке шақырып, халқымыздың бойына қарапайымдылық, жауапкершілік және адалдық сынды асыл қасиеттерді сіңіреді.Оразаның рухани құндылықтарын қазір әлемде болып жатқан күрделі ахуалды ескере отырып, кемел санамен қабылдау, оның түпкі мағынасын дұрыс түсіну – үлкен имандылықтың белгісі.Бүгінде Қазақстан ауқымды өзгерістердің, түбегейлі жаңғырудың тарихи кезеңіне қадам басты. Жаңа халықтық Конституцияның жобасы республикалық референдумға шығарылды. Бұл өрлеу және әділеттілік даңғылына түскен мемлекетіміздің даму бағытын айқындайтын Негізгі Заң болмақ. Бас құжат мыңдаған жыл тарихы бар мемлекеттілігімізді одан әрі нығайтуға, еліміздегі саяси, азаматтық, экономикалық институттардың тиімділігін арттыруға және адам құқықтарын қорғау жүйесін жетілдіріп, күшейтуге жол ашады.Біз дәстүрлі рухани-мәдени құндылықтарымызды қастерлей отырып, Құқық пен Заң үстемдігі, Тәртіп пен Тазалық, Әділдік пен Отаншылдық сияқты мызғымас қағидаттарды терең түсінетін әрі мүлтіксіз сақтайтын ұлттың жаңа болмысын қалыптастырып жатырмыз. Мұның бәрі қасиетті Рамазан айының мәңгілік ұлағатымен толық үндеседі.Білімге, тазалыққа және жақсылыққа бастайтын өркениетті қоғамда Рамазан айы жаңа рухани мәнге ие болып, барша жұртқа шапағатын тигізетіні сөзсіз.Қасиетті Рамазан құтты болсын, мұсылман жамағаты!Ақпарат көзі : https://www.gov.kz/memleket/entities/mfa-minsk/press/news/details/1165064?lang=kk

Павлодар облысы бойынша Мемлекеттік кірістер департаменті оңайлатылған декларация негізінде арнаулы салық режиміне көшу мәселелері бойынша түсіндіру жұмыстарын жүргізді.Құрметті кәсіпкерлер! 2026 жылғы 28 ақпан – қолданылатын салық салу режимі туралы хабарлама берудің соңғы күні. Жалпыға бірдей белгіленген салық салу режиміне автоматты түрде ауыспау үшін хабарлама жіберуді кешіктірмеңіздер.Оңайлатылған декларация негізінде АСР қолдануды жоспарлап отырған салық төлеушілерге 2026 жылғы 28 ақпаннан кешіктірмей қолданылатын салық салу режимі туралы хабарлама ұсыну қажет.Хабарлама беру тәсілдері:- салық төлеушінің кабинеті арқылы (СӘАЖ АЖ "Құжаттарды тапсыру" бөлімінде – "Қолданылатын салық салу режимі туралы хабарлама");- "e-Salyq Business" мобильді қосымшасы арқылы ("Сервис" – "ЖК салық режимін өзгерту");- орналасқан жері бойынша МКБ - да (қағаз жеткізгіште); - екінші деңгейдегі банктердің қосымшалары арқылы ("Мемлекеттік қызметтер" бөлімінде – "ЖК деректемелері мен салық режимін өзгерту").Маңызды! Егер көрсетілген мерзімде хабарлама ұсынылмаса, салық төлеушілер қолданылу мерзімі 2026 жылғы 1 қаңтардан басталатын жалпыға бірдей белгіленген салық салу тәртібіне ауыстырылады.Павлодар облысы бойынша МКД-ның Түсіндіру жұмысы және Байланыс-орталығы басқармасы Ақпарат көзі : https://www.gov.kz/memleket/entities/kgd-pavlodar/press/news/details/1165066?lang=kk

Өңірлік коммуникациялар қызметінде салық заңнамасындағы негізгі өзгерістерге арналған брифинг өтті. Іс-шараға жанама салықтарды әкімшілендіру басқармасының басшысы Ерсін Харифоллин, өндірістік емес төлемдер басқармасының арнаулы салық режимдерін әкімшілендіру бөлімінің басшысы Елена Довбняк, сондай-ақ бұқаралық ақпарат құралдарының өкілдері қатысты.Брифинг барысында Ерсін Харифоллин жаңа Салық кодексінде қосылған құн салығына (ҚҚС) ыңғай айтарлықтай жаңартылғанын хабарлады. ҚҚС-тың 16% жаңа базалық мөлшерлемесі белгіленді. Сондай-ақ жеңілдік көзделген және ҚҚС-тан босатылатын санаттар қарастырылған. Дәрі – дәрмектер мен медициналық қызметтерге 2026 жылдан бастап 5%  және 2027 жылдан бастап 10% төмендетілген мөлшерлеме енгізілді. Тегін медициналық көмектің кепілдік берілген көлемі (ТМККК) және міндетті әлеуметтік медициналық сақтандыру (МӘМС) шеңберінде көрсетілетін қызметтер, Үкімет айқындайтын тізбе бойынша орфандық (сирек) және әлеуметтік маңызы бар ауруларды емдеу, баспа кітаптарын басып шығару жөніндегі қызметтер және археологиялық жұмыстар ҚҚС төлеуден толық босатылады. Мерзімді баспа басылымдарын жүзеге асыру үшін ҚҚС – 10% төмендетілген мөлшерлемесі белгіленді. Бұдан басқа, ҚҚС бойынша міндетті тіркеу шегі 10 мың АЕК-ке дейін төмендетілді.Елена Довбняк салық төлеушілердің назарын салық режимін уақтылы таңдау қажеттілігіне аударды. Хабарлама беру мерзімі аяқталғанға дейін екі аптадан аз уақыт қалды. Оңайлатылған декларация негізінде АСР қолдану шарттарына сәйкес келетін салық төлеушілер хабарламаны 2026 жылғы 28 ақпаннан кешіктірмей ұсынуы қажет. Оңайлатылған декларацияға не жалпыға бірдей белгіленген тәртіпке көшу туралы хабарлама ұсынбаған салық төлеушілер 2026 жылғы 1 наурыздан бастап автоматты түрде жалпыға бірдей белгіленген салық салу тәртібіне (ЖБТ) ауыстырылатын болады. Бұл ретте ЖБТ-ның басталу күні 2026 жылғы 1 қаңтар болып есептеледі.Брифинг соңында спикерлер БАҚ өкілдерінің сұрақтарына толық түсініктеме берді. Павлодар облысы бойынша МКД-ның түсіндіру жұмысы және байланыс-орталығы басқармасы Ақпарат көзі : https://www.gov.kz/memleket/entities/kgd-pavlodar/press/news/details/1165094?lang=kk