Қазақстандық SCAT Airlines авиакомпаниясы «Шымкент - Тбилиси» жаңа халықаралық бағыты бойынша алғашқы рейсін орындады. Грузия астанасының халықаралық әуежайына және кері қарай 166 жолаушы тасымалданды.Жаңа бағыт бойынша ұшулар дүйсенбі және жұма күндері қазіргі заманғы Boeing 737 Max 8 әуе кемелерінде жүзеге асырылады.Жаңа әуе қатынасын іске қосу Қазақстан мен Грузияның экономикалық және транзиттік-логистикалық серіктестігін дамытудың қисынды кезеңі болды.Тбилиси әуежайындағы бағыттың ашылу рәсіміне Грузия Сыртқы істер министрінің орынбасары Александр Хвтисиашвили, Тбилиси әуежайының директоры Теа Закарадзе, SCAT Airlines компаниясының меншікті сату директоры Екатерина Русова, сондай-ақ Қазақстанның Грузиядағы Елшілігінің өкілдері қатысты.Ақпарат көзі : https://www.gov.kz/memleket/entities/mfa-tbilisi/press/news/details/1127464?lang=kk

2026 жылғы 1 қаңтардан бастап электрондық шот-фактураларға автоматтандырылған және салыстырмалы бақылау жүйесі іске қосылады. ⚙️ Автоматтандырылған бақылау (е-Тамға) ЭШФ тек расталған шығындар болған жағдайда ғана рәсімделеді. ҚҚС балансы «е-Тамға» сервисінде нақты уақыт режимінде автоматты түрде есептеледі. Балансты толықтыру — МКК қазынашылық шоты арқылы, алдын ала салықсыз. Пайдаланылмаған қаржыны өтініш беріп қайтаруға болады. Бақылау тек тәуекелді салық төлеушілерге қолданылады. Мерзімі — 12 ай, ал шарттар орындалса, 6 айдан кейін мерзімінен бұрын алып тастауға болады. 🔎 Салыстырмалы бақылау Жалған жеткізілімдерді анықтау үшін жүргізіледі. Тек жалған ЭШФ белгілері бар шағын топтағы салық төлеушілерге қатысты. Хабарлама келеді 📩 — орындау мерзімі 10 жұмыс күні:✔️ Келіссе → ЭШФ қайтарылады❌ Келіспесе → түсініктеме беру қажет Уақытылы жауап берілмесе → ЭШФ рәсімдеу бұғатталады және банк операцияларына шектеулер қойылады  💡 Жаңа Салық кодексі ашықтықты арттыруға, көлеңкелі экономикамен күресуге және әкімшілендіруді оңайлатуға бағытталған.Ақпарат көзі : https://www.gov.kz/memleket/entities/kgd-karaganda/press/news/details/1127412?lang=kk

12 желтоқсанда З. Алдамжар атындағы ҚӘТУ-де «Үздік мемлекеттік қызметші» төсбелгісінің иегері, қала әкімдігінің сәулет бөлімінің қызметкері Г. Ш. Тулюбаевамен студенттердің кездесуі өтті.Кездесу барысында спикер кәсіби тәжірибесімен бөлісіп, мемлекеттік қызметшілерге қойылатын талаптар мен «Адал азамат» жобасының негізгі бағыттары туралы айтты. Жеке тұлғаны дамыту, этикалық құндылықтарды нығайту және қызметтік міндеттерді адал атқару мәдениетін қалыптастыру мәселелеріне ерекше назар аударылды.Іс-шара студенттер мен жастар арасында мемлекеттік қызметтің оң имиджін нығайтуға және мемлекеттік органдардың қызметі туралы ақпараттандыруға ықпал етті.Ақпарат көзі : https://www.gov.kz/memleket/entities/kostanai-kalasy-akimat/press/news/details/1127380?lang=kk

   ҚР Салық кодексіне сәйкес қызметі ҚР-да тұрақты мекеменің құрылуына әкеп соқпайтын, Қазақстандағы көздерден, бейрезидент заңды тұлғалардың кірістеріне төлем көзінен салық салынуға жатады.       Қандай кірістер салық салынуға жатады:ҚР көздерінен алынған бейрезиденттің кірістеріне төлем көзінен корпоративтік табыс салығы салынады. Салық шегерімдерді қолданбай ұсталады, ал есеп айырысу Салық кодексінің 682-бабында белгіленген мөлшерлемелер бойынша жүргізіледі.Салық төлеу нысаны мен орнына қарамастан, сондай-ақ бейрезидент кірісті дербес немесе Қазақстаннан тыс құрылымдық бөлімшелерді қоса алғанда, үшінші тұлғалардың пайдасына билік етуіне қарамастан ұсталады.Егер салық агенті салықты өз қаражаты есебінен төлесе (нақты ұстаусыз), салықты ұстап қалу және аудару міндеті орындалды деп саналады.       ҚР ішінде және одан тыс жерлердегі жұмыстармен және қызметтермен келісімшарттар.Егер бейрезидентпен жасалған келісімшартта Қазақстанда да, одан тыс жерлерде де жұмыстарды орындау немесе қызметтер көрсету көзделсе, кіріс сомасы осы бөліктер арасында негізді түрде бөлінуге тиіс.Мұндай бөлу болмаған кезде немесе егер ол негізсіз орындалса және салық салынатын соманы төмендетуге әкеп соқтырса, салық нақты жұмыстар немесе қызметтер қай жерде орындалғанына қарамастан, келісімшарт бойынша кірістің барлық сомасынан есептеледі.       Кім салық агенті ретінде танылады.Корпоративтік табыс салығын есептеу, ұстап қалу және аудару міндеті бейрезидентке кіріс төлейтін мынадай тұлғаларға жүктеледі:дара кәсіпкерлер;қызметті құрылымдық бөлімше арқылы жүргізетін бейрезидент заңды тұлғалар;бөлімше ашпай тұрақты мекеме арқылы жұмыс істейтін бейрезидент заңды тұлғалар;депозитарлық қолхаттар эмитенттерін қоса алғанда, резидент заңды тұлғалар;активтер құнының өсуінен кіріс төлейтін тұлғалар (биржадағы бағалы қағаздармен жасалатын мәмілелерді қоспағанда);банктер және микроқаржы қызметі туралы заңнамаға сәйкес берілген (қайта берілген) талап ету құқығының активтері бойынша сервистік компания болып табылатын резидент - заңды тұлға;жоғарыда көрсетілген 6-тармақта айқындалған бейрезидент пен сервистік компания арасында сенімгерлік басқару шарты болмаған кезде құқықтары (талаптары) банктер және микроқаржы қызметі туралы заңнамаға сәйкес берілген (қайта берілген) активтер бойынша резидент-заңды тұлға.       Салықты төлеу тәртібі мен мерзімдері:Корпоративтік табыс салығын салық агенті:бейрезиденттерге кіріс төленген күні - есептелген және төленген кірістер бойынша;салық декларациясын тапсыру мерзімінде - егер олар шегерімге жатқызылса есептелген, бірақ төленбеген кірістер бойынша есептейді және ұстайды.Салықты бюджетке аударуды салық агенті тіркеу орны бойынша Салық кодексінің 684-бабында белгіленген мерзімде жүргізеді.Сонымен қатар, жоғарыда жазылғандарға қарамастан, бейрезидент заңды тұлғаның құн өсімінен түскен кірістерінен бюджетке төленетін төлем көзінен корпоративтік табыс салығын есептеу, ұстап қалу және аудару Салық кодексінің 687-бабында айқындалған тәртіппен жүргізіледі.        Есептілік Салық агенттері корпоративтік табыс салығы бойынша есепті:1, 2 және 3-тоқсандар үшін – кіріс төленген тоқсаннан кейінгі екінші айдың 15-не дейін;4-тоқсан үшін – бейрезиденттерге кіріс төленген және (немесе) бейрезиденттің есептелген, бірақ төленбеген кірісі шегерімге жатқызылған есепті салық кезеңінен кейінгі жылдың 31 наурызынан кешіктірмей салық органына ұсынуға міндетті.Қызметті құрылымдық бөлімше арқылы жүзеге асыратын, бірақ ҚР-да тұрақты мекеме құрмайтын бейрезидент заңда белгіленген мерзімде корпоративтік табыс салығы бойынша декларацияны бөлек ұсынады.Ақпарат көзі : https://www.gov.kz/memleket/entities/kgd-akmola/press/news/details/1127385?lang=kk

Маңғыстау облысы бойынша Мемлекеттік кірістер департаменті Мемлекеттік кірістер органдарында көрсетілетін мемлекеттік қызметтердің сапасын арттыру және адамға бағдарланған тәсілді енгізу жұмысы жалғасып жатқанын хабарлайды.«Еститін мемлекет» қағидаттарын іске асыру, азаматтар мен бизнес өкілдерімен ашық диалог орнату, сондай-ақ мемлекеттік қызметтер көрсетудің сервистік моделін дамыту мақсатында салық төлеушілер мен сыртқы экономикалық қызметке (СЭҚ) қатысушылар арасында сауалнама басталғанын хабарлаймыз.Аталған сауалнама салық төлеушілер мен СЭҚ қатысушыларының қызметтің бүкіл өмірлік циклі бойынша тіркеуден бастап қызметін тоқтатуға дейінгі кезеңдердегі пікірін зерделеуге бағытталған. Ол мемлекеттік кірістер органдары үшін кері байланыстың маңызды құралы болып табылады және бизнес пен азаматтардың қажеттіліктерін уақтылы ескеруге, анықталған проблемаларды жедел жоюға, сондай-ақ қызмет көрсету процестерін одан әрі оңтайландыруға мүмкіндік береді.Құрметті салық төлеушілер мен СЭҚ қатысушылар, Сіздерді сауалнамаға белсенді қатысуға және мемлекеттік кірістер органдарының жұмысын одан әрі жетілдіруге өз үлестеріңізді қосуға шақырамыз!Сауалнаманы QR-кодты сканерлеу арқылы өтуге болады.Ақпарат көзі : https://www.gov.kz/memleket/entities/kgd-mangistau/press/news/details/1127390?lang=kk

17 желтоқсан 2025 жыл, Нью-Дели. Қазақстанның Үндістандағы Елшісі Азамат Есқараев Қазақстан аумағында екі феррокремний зауытын салуға қызығушылық білдірген «MN.ALLOYS&Reductant Consulting W.L.L.» компаниясының басшылығымен кездесу өткізді.Кездесу барысында компания төрағасы Бхакта Хари Агасти аталған инвестициялық жобаларды іске асыру барысында бүгінгі таңда қолжетімді ең заманауи технологияларды пайдалану жоспарланып отырғанын атап өтті.Бірінші кезекте аталған зауыттарды Абай және Шығыс Қазақстан облыстарында салу мүмкіндігін қарастырғымыз келеді. Оның айтуынша, жоғарыда аталған зауыттардың құрылысына салынатын инвестициялардың жалпы сомасы шамамен 500 млн. АҚШ долларын құрайды.Өз кезегінде, А.Есқараев үнді тарапының бастамаларын құптады және Елшілік тарапынан Қазақстанда аталмыш жобаларды іске асыруды қамтамасыз ету үшін заңнамаға сәйкес барлық қажетті қолдау көрсетілетінін атап өтті.Кездесу қорытындысы бойынша тараптар ынтымақтастықтың келешегін егжей-тегжейлі талқылау үшін жақын арада үнді компаниясы басшылығының Қазақстанға (Астана, Семей, Өскемен) сапарын ұйымдастыру туралы уағдаластыққа қол жеткізді.Ү.ж. 9 желтоқсанында А.Есқараевтың «Big B Corporation» компаниясының негізін қалаушы Махендра Джошимен кезекті кездесуі өтті.Анықтама: «Kazind Medical Group» ЖШС Алматы облысында қонақ үй, университет (10 мың студентке арналған) және кампус салуды қамтитын ауқымды жобаларды жүзеге асыруға ниетті. Сондай-ақ 1000 төсектік аурухана салу жоспарда бар. Сонымен қатар, компания Ақмола облысында да осындай жобаны жүзеге асыру мүмкіндігін қарастырып жатыр. Компания Алматы облысының әкімдігімен өзара түсіністік және ынтымақтастық туралы меморандумға, сондай-ақ «KazakhInvest» ҰК» АҚ-мен өзара түсіністік туралы меморандумға қол қойды.Тараптар бар мәселелердің қазіргі жағдайын және жобаларды іске асырудың алдағы барысын талқылады. М.Джоши жобаны іске асыру белгіленген кестеге сәйкес жүзеге асырылады, бұл ретте оны орындау үшін қандай да бір кедергілер жоқ екенін атап өтті«Жақын арада құрылыс-монтаждау жұмыстарын бастау жоспарлануда, оған қазірдің өзінде шамамен 50 млн АҚШ доллары көлемінде қаржыландырудың бірінші траншы көзделген. Жобаларды құрылыс ауқымын ұлғайту жағына қарай қайта қарауға байланысты инвестициялардың жалпы көлемі шамамен 2 млрд АҚШ долларын құрайды», - деді ол.Айта кететін жағдай Елшіліктің қолдауымен ү.ж. 25 қарашада Үндістанның «RІ Instruments&Innovation» компаниясы мен Шортанды ауданының әкімдігі арасында Өзара түсіністік туралы меморандумға қол қойылды. Үндістандық компания Орталық Азиядағы ең ірі нанотехнологиялық парктің құрылысын бастауды көздеп отыр, оған қала әкімшілігі 10 акр жер бөлді. «RI Instruments&Innovation» компаниясының негізін қалаушы Раджендра Джоши компанияның серіктесі Кембридж университеті (Ұлыбритания) екенін атап өтті.Ақпарат көзі : https://www.gov.kz/memleket/entities/mfa-delhi/press/news/details/1127353?lang=kk

     Мемлекеттік қызметтердің цифрландырылуын дамыту және азаматтар үшін қолжетімділігін арттыру мақсатында «Азаматтарға арналған үкімет» мемлекеттік корпорациясы «ЦОН» мобильді қосымшасына «Сенімхат рәсімдеу» жаңа цифрлық сервисін енгізді.Аталған сервис мамандандырылған ХҚКО-ларда мемлекеттік қызмет алу үшін электронды сенімхаттарды азаматтарға онлайн форматта рәсімдеуге мүмкіндік береді. Атап айтқанда, дайын құжаттарды алу, көлік құралдарын тіркеу және есептен шығару, көлік құралының техникалық паспорты мен мемлекеттік тіркеу нөмірлік белгісін ауыстыру немесе олардың телнұсқасын алу қызметтері. Қызмет көрсету үдерісі толықтай онлайн жүзеге асырылады және бар болғаны бірнеше минутты алады. Сенімхат электрондық цифрлық қолтаңба арқылы куәландырылады, бұл құжаттың заңды күшін қамтамасыз етіп, дербес деректердің қауіпсіздігін сақтауды қамтамасыз етеді.«Бұл сервистің іске қосылуы мемлекеттік қызметтердің цифрлық экожүйесін дамытудағы маңызды қадам болды. Азаматтар үшін қажетті құжаттарды алу процесін жылдам, қауіпсіз әрі ыңғайлы етіп, алаяқтық әрекеттер мен үшінші тұлғалардың араласу қаупін төмендетеді», – деп атап өтті «Азаматтарға арналған үкімет» мемлекеттік корпорациясының Басқарма төрағасы Арман Кенжеғалиев.Электронды сенімхатты қолдану үшінші тұлғаларға құжаттарды беру қажеттілігін жояды және заңсыз әрекеттердің алдын алуға ықпал етеді. Мемлекеттік ақпараттық жүйелермен тікелей өзара байланыс деректердің дұрыстығын, өзектілігін және автоматты түрде тексерілуін қамтамасыз етеді.          Сервисті пайдалану үшін «ЦОН» мобильді қосымшасында ЖСН және телефон нөмірі арқылы авторизациядан өту қажет. Қосымша App Store және Google Play платформаларында қолжетімді.Қызмет құны – бір сенімхатты рәсімдеу үшін 500 теңге.Аталған цифрлық сервистің енгізілуі Қазақстан Республикасы азаматтары үшін мемлекеттік қызметтердің қолайлылығы мен қауіпсіздігін одан әрі арттырады.Ақпарат көзі : https://www.gov.kz/memleket/entities/abay-kurchatov/press/news/details/1129854?lang=kk

Кеген аудандық мәслихатының кезектен тыс отыз тоғызыншы сессиясы.2025 жылдың 17 желтоқсан күні сагат 14:00- де Кеген аудандық мәслихаттының кезектен тыс XXXIX сессиясы өтті.Сессияда қаралған күн тәртібіндегі екі мәселе болды.Кеген аудандық  мәслихатының  2024 жылғы  30 желтоқсанындағы № 29-127 «Кеген ауданының 2025-2027 жылдарға арналған бюджеті туралы» шешіміне өзгерістер енгізу туралыКеген аудандық мәслихатының    2025    жылғы   08 қаңтардағы № 30-127 «Кеген ауданының ауылдық округтерінің 2025-2027 жылдарға арналған бюджеті туралы» шешіміне өзгерістер енгізу туралыАталған екі мәселе бойынша ұсыныстар  қаралып, шешім қабылданды.Ақпарат көзі : https://www.gov.kz/memleket/entities/maslihat-kegen/press/news/details/1127314?lang=kk

Президенттің экономиканы әртараптандыру және отандық өндірісті дамыту жөніндегі тапсырмасын жүзеге асыру айтарлықтай нәтиже беруде. Бұл туралы Үкімет отырысында Премьер-министрдің орынбасары – ұлттық экономика министрі Серік Жұманғарин мәлімдеді.11 айдың қорытындысы бойынша өңдеу өнеркәсібі 5,9% жалпы өсім көрсетті. Кіші салаларға бөлгенде машина жасау секторы сөзсіз көшбасшы болып отыр, онда өндіріс көлемі 11,6%-ға өсті. Басқа да негізгі секторларда оң динамика бар: азық – түлік өндірісі 8,7%-ға, химия өнеркәсібі 8,1%-ға, ал мұнай өңдеу 6,5%-ға өсті.«Бұл салалардағы инвестициялар мен өндірістің өсуі ауқымды мемлекеттік қолдаумен тікелей байланысты. Тек "Бәйтерек" холдингі тарапының өзінен осы кезеңде басым бағыттарды қаржыландыру көлемі 8 трлн теңгеден асты», — деп атап өтті Серік Жұманғарин. Ақпарат көзі : https://www.gov.kz/memleket/entities/economy/press/news/details/1127174?lang=kk

Мемлекет басшысының тапсырмасы бойынша Үкімет ішкі нарықты сапалы өнімдермен толтыру бойынша жүйелі жұмыстарды жалғастыруда. Жылдың басты жетістігі екінші жыл қатарынан рекордтық астық жиналғаны – ол шамамен 27 млн тонна. Бұл туралы Үкімет отырысында Премьер-министрдің орынбасары – ұлттық экономика министрі Серік Жұманғарин мәлімдеді.Жалпы 11 айда агроөнеркәсіп кешені 6,1% өсім көрсетті. Негізгі үлес егін шаруашылығында (+7,6%), ал мал шаруашылығы 3,5%-ға өсті. Сондай-ақ, әлеуметтік маңызы бар сүт (+5%), ет (+3%) және жұмыртқа (+1,5%) сынды өнімдердің де өндірісі артты.Өсу көшін Ақмола (15,7%), Қостанай (15,4%) және Солтүстік Қазақстан (10,5%) облыстары бастап тұр.«Ауыл шаруашылығы маусымдық қарқынды өсу кезеңіне аяқ басты. Қолайлы ауа-райы жағдайлары мен уақтылы мемлекеттік қолдау біздің фермерлерге екінші жыл қатарынан рекордтық егін жинауға мүмкіндік беріп отыр. Бұл еліміздің экспорттық әлеуетін арттыру және қайта өңдеуді дамыту үшін берік негіз қалайды», — деп атап өтті Серік Жұманғарин.Ақпарат көзі : https://www.gov.kz/memleket/entities/economy/press/news/details/1127191?lang=kk

Маңғыстау облысындағы «Оймаша» полигонында ҚР Қарулы күштері Әскери-теңіз күштері 29011 әскери бөлімінің жас матростары үшін жауынгерлік дайындықтың маңызды кезеңі өтті.Жауынгерлерді даярлау базалық әскери пәндердің толық кешенін қамтиды. Бір айдың ішінде матростар тактикалық және атыс даярлығын меңгереді, саптық және дене дайындығы бойынша сабақтардан өтеді, сондай-ақ жалпыәскери жарғылардың талаптарын оқып-үйренеді. Штаттық қару-жарақтың тактикалық-техникалық сипаттамаларын зерделеуге, сондай-ақ қару мен оқ-дәрілерді қолдану кезіндегі қауіпсіздік шараларын қатаң сақтауға ерекше көңіл бөлінеді.Алғашқы атыс жаттығулары жас матростар үшін әскери шеберлікті қалыптастыру мен қаруды меңгеру жолындағы маңызды қадам болды.– Практикалық атыстар – теорияның нақты іс-әрекетке айналар сәті. Әрбір оқ ату жинақылықты, тәртіпті және жауапкершілікті талап етеді. Атыс кезінде бұл істе ұсақ-түйек болмайтынын, ал жақсы нәтиже үйлесімділік пен дәлдікке байланысты екенін сезіндік. Алғашқы тәжірибеміз бізге сенім беріп, дағдыларымызды одан әрі жетілдіруге ынталандырады, – деді Ақтөбе қаласынан шақырылған матрос Есмұхан Қарағұлов.Жас матростардың бір айлық қарқынды даярлық курсы Әскери ант қабылдаумен аяқталады. Салтанатты рәсім 20 желтоқсанда өтеді. Бұл күні әскери қызметшілер ресми түрде Отан қорғаушылар қатарына қосылып, елдің қауіпсіздігі мен аумақтық тұтастығын қамтамасыз ету жөніндегі міндеттерді орындауға кіріседі.Ақпарат көзі : https://www.gov.kz/memleket/entities/mod/press/news/details/1127143?lang=kk

Үкімет отырысында 2025 жылдың 11 айындағы әлеуметтік-экономикалық даму қорытындылары қаралды.ҚР ҰЭМ деректері бойынша, басты көрсеткіш – ЖІӨ-нің өсімі, ол 6,4%-ға жеткен.Президенттің сапалы дамуды қамтамасыз ету және халықтың әл-ауқатын арттыру жөніндегі тапсырмаларын орындау шеңберінде ел экономикасы сенімді өсу қарқынын көрсетуде.Негізгі драйверлер өсімі 7,3%-дан 7,4%-ға дейін жеделдеген өнеркәсіп пен 6,1%-ға ілгерілеген ауыл шаруашылығы болды. Тұрақты дамуды нақты экономиканың басқа секторлары да көрсетіп отыр. Атап айтқанда, көлік саласы 20,3%-ға, құрылыс 14,7%-ға өсті, ал сауда 8,8%-ға артты.«Экономика сыртқы жағдайларға бейімделіп, тұрақты даму жолына түсті. Біз базалық салаларда жеделдеу барын көріп отырмыз, бұл әлеуметтік міндеттемелерді орындау және ауқымды инфрақұрылымдық жобаларды жүзеге асыру үшін берік негіз қалайды», —  деді Премьер-министрдің орынбасары – ұлттық экономика министрі Серік Жұманғарин.Ақпарат көзі : https://www.gov.kz/memleket/entities/economy/press/news/details/1127149?lang=kk

Қазақстан Республикасының Тәуелсіздік күніне орай шын жүректен құттықтаймын!Баршаңызға аспандарыңыз ашық, көңілдеріңіз шат, еңбектеріңіз жемісті болуын тілеймін. Әрқайсымыздың қажырлы еңбегіңізбен Қазақстан гүлдене көркейіп, нығая берсін!Еліміздің Көк байрағы бейбіт аспан астында желбіреп, әлемге таныла берсін!Ата-бабамыз ғасырлар бойы армандап өткен тәуелсіз ел болу мәртебесін көру – бүгінгі ұрпаққа бұйырған зор бақыт. Осы қуанышымыз құтты, бақытымыз баянды болсын. Жаңа ғасырда қайта түлеген, жасарып, түрленген еліміздің тәуелсіздігі тұғырлы болғай!Ізгі тілекпен, Баянды ауылының әкімі Қадырбек Құдайбайұлы!Ақпарат көзі : https://www.gov.kz/memleket/entities/mangystau-munaily-bayandy/press/news/details/1127158?lang=kk

Маңғыстау облысы бойынша Мемлекеттік кірістер департаменті Қазақстан Республикасының  Салық кодексіне сәйкес қызметі ҚР-да тұрақты мекеменің құрылуына әкеп соқпайтын, Қазақстандағы көздерден, бейрезидент заңды тұлғалардың кірістеріне төлем көзінен салық салынуға жататындығын хабарлайды.  Қандай кірістер салық салынуға жатады: ҚР көздерінен алынған бейрезиденттің кірістеріне төлем көзінен корпоративтік табыс салығы салынады. Салық шегерімдерді қолданбай ұсталады, ал есеп айырысу Салық кодексінің 682-бабында белгіленген мөлшерлемелер бойынша жүргізіледі.Салық төлеу нысаны мен орнына қарамастан, сондай-ақ бейрезидент кірісті дербес немесе Қазақстаннан тыс құрылымдық бөлімшелерді қоса алғанда, үшінші тұлғалардың пайдасына билік етуіне қарамастан ұсталады.Егер салық агенті салықты өз қаражаты есебінен төлесе (нақты ұстаусыз), салықты ұстап қалу және аудару міндеті орындалды деп саналады. ҚР ішінде және одан тыс жерлердегі жұмыстармен және қызметтермен келісімшарттар Егер бейрезидентпен жасалған келісімшартта Қазақстанда да, одан тыс жерлерде де жұмыстарды орындау немесе қызметтер көрсету көзделсе, кіріс сомасы осы бөліктер арасында негізді түрде бөлінуге тиіс.Мұндай бөлу болмаған кезде немесе егер ол негізсіз орындалса және салық салынатын соманы төмендетуге әкеп соқтырса, салық нақты жұмыстар немесе қызметтер қай жерде орындалғанына қарамастан, келісімшарт бойынша кірістің барлық сомасынан есептеледі. Кім салық агенті ретінде танылады Корпоративтік табыс салығын есептеу, ұстап қалу және аудару міндеті бейрезидентке кіріс төлейтін мынадай тұлғаларға жүктеледі:дара кәсіпкерлер;қызметті құрылымдық бөлімше арқылы жүргізетін бейрезидент заңды тұлғалар;бөлімше ашпай тұрақты мекеме арқылы жұмыс істейтін бейрезидент заңды тұлғалар;депозитарлық қолхаттар эмитенттерін қоса алғанда, резидент заңды тұлғалар;активтер құнының өсуінен кіріс төлейтін тұлғалар (биржадағы бағалы қағаздармен жасалатын мәмілелерді қоспағанда);банктер және микроқаржы қызметі туралы заңнамаға сәйкес берілген (қайта берілген) талап ету құқығының активтері бойынша сервистік компания болып табылатын резидент - заңды тұлға;жоғарыда көрсетілген 6-тармақта айқындалған бейрезидент пен сервистік компания арасында сенімгерлік басқару шарты болмаған кезде құқықтары (талаптары) банктер және микроқаржы қызметі туралы заңнамаға сәйкес берілген (қайта берілген) активтер бойынша резидент-заңды тұлға. Салықты төлеу тәртібі мен мерзімдері: Корпоративтік табыс салығын салық агенті:бейрезиденттерге кіріс төленген күні - есептелген және төленген кірістер бойынша;салық декларациясын тапсыру мерзімінде - егер олар шегерімге жатқызылса есептелген, бірақ төленбеген кірістер бойынша есептейді және ұстайды.Салықты бюджетке аударуды салық агенті тіркеу орны бойынша Салық кодексінің 684-бабында белгіленген мерзімде жүргізеді.Сонымен қатар, жоғарыда жазылғандарға қарамастан, бейрезидент заңды тұлғаның құн өсімінен түскен кірістерінен бюджетке төленетін төлем көзінен корпоративтік табыс салығын есептеу, ұстап қалу және аудару Салық кодексінің 687-бабында айқындалған тәртіппен жүргізіледі. Есептілік  Салық агенттері корпоративтік табыс салығы бойынша есепті:1, 2 және 3-тоқсандар үшін – кіріс төленген тоқсаннан кейінгі екінші айдың 15-не дейін;4-тоқсан үшін – бейрезиденттерге кіріс төленген және (немесе) бейрезиденттің есептелген, бірақ төленбеген кірісі шегерімге жатқызылған есепті салық кезеңінен кейінгі жылдың 31 наурызынан кешіктірмей салық органына ұсынуға міндетті.Қызметті құрылымдық бөлімше арқылы жүзеге асыратын, бірақ ҚР-да тұрақты мекеме құрмайтын бейрезидент заңда белгіленген мерзімде корпоративтік табыс салығы бойынша декларацияны бөлек ұсынады.Ақпарат көзі : https://www.gov.kz/memleket/entities/kgd-mangistau/press/news/details/1127114?lang=kk

Текелі қаласының Мемлекеттік кірістер басқармасында азаматтар мен бизнес өкілдері үшін «Ашық есік күні» өткізілді. Іс-шара барысында жаңа Салық кодексінің негізгі бағыттары түсіндірілді. Қатысушыларға 2026 жылдан бастап күшіне енетін салық заңнамасындағы негізгі өзгерістер туралы ақпарат берілді. Әсіресе қосылған құн салығы, корпоративтік табыс салығы және жеке табыс салығы салаларындағы жаңашылдықтарға ерекше назар аударылды.Кәсіпкерлер салық рәсімдерін оңайлату шаралары, шағын және орта бизнеске арналған жаңа мүмкіндіктер, сондай-ақ бизнесті жүргізу үшін әкімшілік жүктемені азайтуға және қолайлы жағдайлар жасауға бағытталған қадамдар туралы жан-жақты түсіндірмелер алды. Ақпарат көзі : https://www.gov.kz/memleket/entities/kgd-zhetysu/press/news/details/1127116?lang=kk

Гданьск, 2025 жылғы 12 желтоқсан - Қазақстан Республикасының Польша Республикасындағы Елшілігі Померания воеводствосының Маршалдық басқармасымен және Гданьскіде орналасқан Қазақстан Құрметті консулдығының қолдауымен «АЗИЯНЫ ТҮСІНУ. ҚАЗАҚСТАН» атты экономикалық семинар ұйымдастырды. Семинарға Польша бизнес өкілдері, сарапшылар қауымдастығы, мемлекеттік және қоғамдық ұйымдар қатысып, Қазақстанмен және Орталық Азия елдерімен ынтымақтастықты дамытуға қызығушылық танытты.Семинарда Қазақстан Республикасының Елшілігінің кеңесшісі Лариса Джумагалиева Қазақстанның Еуразиядағы негізгі экономикалық және логистикалық орталық ретіндегі стратегиялық рөлін таныстырып, елдің поляк кәсіпкерлерімен серіктестікті кеңейтуге ашық екенін атап өтті.Іс-шара барысында Польшадағы жетекші аналитикалық орталық OSW өкілі мен тарихшылар Қазақстанның Шығыс пен Батыс арасындағы геосаяси және экономикалық жағдайына, тарихи аспектілеріне және олардың екі елдің қазіргі саяси және экономикалық ынтымақтастығына әсеріне арналған баяндамалар жасады.Қазақстан нарығына шығудың практикалық мәселелері Польша инвестициялар және сауда агенттігінің, Польша-Қазақстан Сауда-өнеркәсіп палатасының, Шығыс нарықтарын сертификаттау орталығының өкілдері мен логистика, құқық және халықаралық сауда саласындағы сарапшылардың баяндамаларында қаралды. Сондай-ақ қатысушылар Polpharma компаниясының Қазақстанда бизнес жүргізу тәжірибесімен танысты.Семинар барысында ынтымақтастықтың құқықтық аспектілеріне, көлік-логистикалық маршруттарға, экспортты қолдау құралдарына және жоғары оқу орындарымен өзара әрекеттесу мүмкіндіктеріне ерекше көңіл бөлінді.Қатысушылардың жоғары белсенділігі мен қызу талқылауы Польша бизнесінің Қазақстанға сенімді серіктес және Орталық Азия нарығына «қолданыс қақпасы» ретінде тұрақты қызығушылығын растады.Ақпарат көзі : https://www.gov.kz/memleket/entities/mfa-warsaw/press/news/details/1127127?lang=kk

Ново-Хайрузовка ауылдық округінде жолдарды,көшелерді және кірме жолдарды қардан тазарту жұмыстары жалғасуда.Арнайы техника тұрғындардың қауіпсіз және жайлы қозғалысын қамтамасыз ету үшін жұмыс істейді.Ақпарат көзі : https://www.gov.kz/memleket/entities/vko-katon-karagay-novohairuzovka/press/news/details/1127065?lang=kk

Халықаралық жарыстар Дубайда өтті. Қазақстанның 25 алтын, 23 күміс және 20 қола жүлдесі бар. Жалпы командалық есепте құрама  қатысушы 45 ел арасында бесінші орынды иеленді.Бұл жетістікке қарағандылық спортшылардың сіңірген еңбегі зор. Біздің төрт жігіт 11 медаль жеңіп алды. Бұл дегеніміз рекорд!Алдымен бізді пара жүзушілеріміз Ділназ Бейсекеева мен  Нұрдәулет Дүйсенбаев қуантты. Олар тоғыз қашықтықта жүлдегер атанды. Ділназ 200 м кешенді жүзуден үздік болды және 100 м брасс, 50 м еркін жүзу, 100 м баттерфляй  түрлерінен «күміс» жеңіп алды. Нұрдәулет 100 м баттерфляй, 100 м шалқалап жүзу, 100 м брасс, 200 м кешенді жүзу және 50 м еркін жүзу түрлерінен «алтын» алды.Азия ойындарының чемпиондары жүзумен тоғыз жыл бойы айналысады және Қарағанды жоғары гуманитарлық колледжінің студенттері болып табылады.Пара жеңіл атлетикадан тағы бір «алтынды»  Қазақстанға Теміртау жоғары медициналық колледжінің оқушысы Карина Жұмабаева әкелді, ол 800 метрге жүгіруден бірінші болды. Ал, жасөспірімдер арасындағы  V Азия пара ойындарында бірінші орын алған Қазтұтынуодағы Қарағанды экономикалық университетінің студенті Ерзат Сайлау Қазақстан голбол құрамасының құрамында  тамаша ойнады. Спортшылар мен олардың жаттықтырушылары Сергей Борисович Безгачев пен Елена Витальевна Асланованы рекордтық нәтижемен құттықтаймыз!Ақпарат көзі : https://www.gov.kz/memleket/entities/karaganda-sport/press/news/details/1127079?lang=kk

аудан әкімі Берік Сәрменбаевтың қатысуымен құқық бұзушылықтың алдын алу бағытында атқарылған жұмыстар нәтижесіне байланысты іс-шара өтті. Оған аудандық мәслихат төрағасы Е.Әжікенов, аудан прокуроры А.Алимбаев, бөлім басшылары мен құқық қорғау қызметкерлері қатысты.– Мемлекет басшысының «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына арнаған Жолдауында «Заң мен тәртіп» қағидаты – қоғамда қауіпсіздік пен әділдікті қамтамасыз ететін негізгі құқықтық принципі. Заң үстемдігіне негізделген тәртіп бойынша қоғамдағы барлық әрекет пен шешім заңға сүйеніп жүзеге асырылады» деп атап өтті. Азаматтардың қауіпсіздігін қамтамасыз ету және құқық бұзушылықтың алдын алуда белгіленген нормаларды, заңдылықты орындау міндетті. Қоғамда заң талаптарын сақтау арқылы ғана тыныштық пен тәртіп орнайтыны белгілі. Бүгінде елімізде заң мен тәртіп идеологиясын ілгерілету жөніндегі 2025-2030 жылдарға арналған тұжырымдаманы іске асыру жөніндегі іс-қимыл жоспары бекітілген. Мұндағы мақсат – құқық бұзушылық профилактикасы мен халыққа қызмет етуге екпін бере отырып, мемлекеттік және құқық қорғау органдары қызметінің сервистік моделінің тиімділігін арттыру болып саналады. Аталған іс-қимыл жоспары негізінде «Қылмыссыз өңір – кемел келешек кепілі» жобасы жүзеге асырылуда. Бұл бастама құқық бұзушылықтың азаюына, жастар тәрбиесі мен қоғамдық тұрақтылықтың нығаюына оң әсерін тигізуде. Қоғамдық қауіпсіздікті қамтамасыз етуде аудандағы мемлекеттік қызметшілер, құқық қорғау органдарының қызметкерлері тынымсыз қызмет атқарып келеді, – деді Берік Әбдіғаппарұлы.«Қылмыссыз өңір – кемел келешек кепілі» жобасы бойынша аудан прокуроры Абай Алимбаев сөз сөйлеп, облыстық прокуратурамен қылмыстың алдын алу бағытында атқарылып жатқан жұмыстарға тоқталды. Оның ішінде, ауданда алкогольден бас тартқан елді мекендерде қылмыс саны азайғанын жеткізді. Осыған орай, бірқатар мемлекеттік қызметшілер мен полиция қызметкерлері "Алғыс хатпен" марапатталды.Іс-шара қорытындысында аудан әкімі мемлекетіміздің заңдарын сақтау, қоғамдық тәртіпті нығайту баршамызға ортақ міндет екеніне тоқталып, бұл бағытта жергілікті атқарушы билік, құқық қорғау органдары және қоғам бірлесе жұмыс атқаруы қажеттігін жеткізді.Ақпарат көзі : https://www.gov.kz/memleket/entities/kyzylorda-syrdarya/press/news/details/1126916?lang=kk

Құрметті жерлестер!Сіздерді еліміз үшін ең қастерлі әрі маңызы айрықша мереке – Қазақстан Республикасының Тәуелсіздік күнімен шын жүректен құттықтаймын!Тәуелсіздік – ата-бабамыздың ғасырлар бойғы асыл арманы, халқымыздың бірлігі мен қайсар рухының жемісі. Бұл күн – ел тарихындағы тағдырлы таңдау жасалған, мемлекетіміздің еркін әрі егемен даму жолы айқындалған қасиетті мереке.Тәуелсіздік жылдары ішінде Қазақстан бейбітшілік пен келісімді ту еткен, тұрақты әрі беделді мемлекетке айналды. Бұл жетістіктер – ел бірлігінің, халықтың тынымсыз еңбегінің және ортақ мақсатқа деген сенімінің нәтижесі.Мемлекет басшысы Қасым-Жомарт Кемелұлы Тоқаев «Тәуелсіздік – баға жетпес байлық. Бәріміз оны көздің қарашығындай сақтауымыз керек. Мемлекетіміздің егемендігін, еліміздің амандығы мен жеріміздің тұтастығын қорғау – әр азаматтың қастерлі борышы» деп атап көрсетті. Сондықтан егемендігіміздің түпкі негізі – мемлекеттің біртұтастығына тікелей байланысты.Алашқа ана болған қасиетті мекеніміз – Сыр елі, оның ішінде құт қонып, бақ дарыған Сырдария ауданы кемел келешекке, өрлеу мен өркендеуге бет бұрды. Арайлы Азаттық пен бекем бірліктің арқасында жарқын жұмыстар атқарылуда. Өңірді дамытудағы мұндай жұмыстарды Сіздермен бірге жалғастыра беретін боламыз. Ең бастысы, біздің асыл мұратымыз – Тәуелсіздік тұғырын баянды ету.Баршаңызды Тәуелсіздік күнімен құттықтай отырып, отбасыларыңызға амандық, бірлік, шаңырақтарыңызға шаттық, бақ-береке тілеймін! Қастерлі Тәуелсіздігіміз мәңгі болсын!Еліміз аман, жұртымыз тыныш болсын!Ақпарат көзі : https://www.gov.kz/memleket/entities/kyzylorda-syrdarya/press/news/details/1126923?lang=kk