2025 жылғы 8 қыркүйекте Қазақстан Республикасының Президенті Қасым-Жомарт Тоқаев "Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу" атты Қазақстан халқына жыл сайынғы Жолдауын жариялады.Маңызды сәттер:* Жасанды интеллект, платформалық экономика және үлкен деректерді пайдалануды қамтитын Цифрлық кодексті қабылдау.* Премьер-Министрдің орынбасары басқаратын Жасанды интеллект және цифрлық даму министрлігін құру.* Криптовалюта активтерінің арнайы қорын құру. Ол сондай-ақ қатар елдің криптовалюта резерві болады.Президент Қ.Тоқаев цифрландыру мен жасанды интеллект үлкен тиімділікті, ашықтықты және адамға бағдарлануды қамтамасыз ете отырып, экономика мен мемлекеттік басқаруды жаңғырту үшін негіз болатынын атап өтті.Жолдаудың толық мәтінімен Қазақстан Республикасы Президентінің ресми сайтында келесі сілтеме бойынша танысуға болады: https://www.akorda.kz/kz/memleket-basshysy-kasym-zhomart-tokaevtyn-kazakstan-halkyna-zholdauy-zhasandy-intellekt-dauirindegi-kazakstan-ozekti-maseleler-zhane-ony-tubegeyli-cifrlyk-ozgerister-arkyly-sheshu-881957 Ақпарат көзі : https://www.gov.kz/memleket/entities/mfa-mexico/press/news/details/1066373?lang=kk

Алматы облысында 2025–2026 жылдардағы жылыту маусымына дайындық жұмыстары аяқталуда. Өңірде қазандықтар мен жылу желілеріне жөндеу жүргізіліп, жаңа қазандықтар салынуда, көмір мен сұйық отын жеткізіліп жатыр.Орталықтандырылған жылумен қамту Іле, Талғар, Балқаш, Еңбекшіқазақ және Қарасай аудандарында, сондай-ақ Қонаев пен Алатау қалаларында жұмыс істейді. Жылу желілерінің жалпы ұзындығы – 176 шақырым. Облыста 18 қазандық пен жалпы жылу қуаттылығы 457,5 Гкал болатын 66 блок-модульді қазандық бар.2065 көпқабатты тұрғын үйдің 1371-і (66,4%) жылумен қамтылған. Әлеуметтік салада 51 нысан (4,7%) орталықтандырылған жылумен жабдықталған. Қалған нысандар автономды қазандықтар мен баламалы отын түрлерін пайдаланады: газ – 29,7%, сұйық отын – 36,8%, қатты отын – 23,8%.Дайындық жұмыстары мамыр айында басталған. Халық пен әлеуметтік нысандарға отын жеткізу көлемдері бекітілген. Халықтың көмірге қажеттілігі – 696 мың тонна, ал әлеуметтік нысандарға 13,4 миллион литр сұйық және 4,6 мың тонна қатты отын қарастырылған. Бүгінде жеткізу жұмыстары кестеге сәйкес жүргізілуде.Жылу және электр желілері жаңартылып жатыр. Суық түскенге дейін 2,7 шақырым жылу желісін ауыстыру жоспарланған, оның 83%-ы қазірдің өзінде жаңартылды. Барлығы 18 орталықтандырылған және 81 блок-модульді қазандық дайындалады, оның ішінде 15-і жаңа. Еңбекшіқазақ ауданында 3, Талғар ауданында 12 блок-модульді қазандық салынды.Сонымен қатар, 30 қазандық жөндеуден өтті, оның ішінде 5-і күрделі, 25-і ағымдағы жөндеуден өтті.Энергетикалық инфрақұрылымды жаңғырту басым бағыттардың бірі болып қала береді. 148 қосалқы станса мен 1 626 шақырым электр желісін қайта жаңарту жоспарланған. Оның ішінде 391 шақырымы бюджет есебінен (Алатау, Іле және Талғар аудандарында), ал 1 235 шақырымы энергия кәсіпорындарының қаражаты есебінен, соның ішінде «АЖК» АҚ тарапынан қаржыландырылады. Бұл жобаларды іске асыру желілердің тозу деңгейін 72%-дан 66%-ға дейін төмендетуге мүмкіндік береді.Дайындық пен іске қосу-реттеу жұмыстары биылғы жылдың қазан айына дейін толық аяқталмақ.Ақпарат көзі : https://www.gov.kz/memleket/entities/almobl/press/news/details/1066374?lang=kk

Нью-Дели, 2025 жылғы 11 қыркүйек - Қазақстан Республикасының Үндістандағы Елшісі Азамат Ескараев Үндістан Сыртқы істер министрлігінің Бас директоры Чаранжит Сингхпен кездесу өткізді. Кездесу барысында Елші қазақстандық тарапты Мемлекет басшысы Қасым-Жомарт Тоқаевтың биылғы жылғы 8 қыркүйекте халыққа арнаған Жолдауының негізгі қағидаларымен таныстырды. Әсіресе цифрлық трансформация, жасанды интеллектіні дамыту және шетелдік инвестициялар саласындағы бастамаларға ерекше назар аударылды.Ч. Сингх Қазақстан басшылығының саяси бастамаларын жоғары бағалап, Мемлекет басшысы белгілеген басымдықтар озық технологиялар, энергетика, көлік және логистика салаларындағы диалогты кеңейтуге ықпал ететінін атап өтті. Тараптар сондай-ақ өзара сауда мен инвестицияларды одан әрі арттырудың және ынтымақтастықты әртүрлі деңгейлерде кеңейтудің айтарлықтай әлеуетін атап көрсетті.Сонымен қатар әңгімелесушілер Қазақстан мен Үндістан арасындағы өзара тиімді серіктестіктің қазіргі жағдайы мен даму келешегін талқылап, саяси, мәдени-гуманитарлық және білім беру салаларындағы жан-жақты ынтымақтастықтың оң қарқынын атап өтті. Алдағы екіжақты іс-шараларға дайындық шеңберінде тараптар күн тәртібін практикалық мазмұнмен толықтырудың маңыздылығын ерекше атап өтті.Кездесу қорытындысы бойынша тұрақты байланыстарды қолдау және өзара қызығушылық тудыратын салалардағы бірлескен бастамаларды ілгерілету жөнінде уағдаластыққа қол жеткізілді.Ақпарат көзі : https://www.gov.kz/memleket/entities/mfa-delhi/press/news/details/1066380?lang=kk

2026 жылдың 1 қаңтарынан бастап күшіне енетін жаңа Салық кодексі Қазақстанның салық жүйесінің ашықтығын арттыру үшін стратегиялық маңызға ие. Осыған байланысты Жамбыл облысы бойынша Мемлекеттік кірістер Департаменті жаңа Салық кодексінің негізгі ережелерін еліміздің барлық өңірлерінде қарапайым әрі түсінікті тілмен түсіндіруге бағытталған 📢 ақпараттық науқанды жүргізілуде.🏛️🤝💼 Бұл ақпараттық науқан Жамбыл облысы бойынша МКД мен аудандық МКБ ұйымдастыруымен жүзеге асырылуда. Түсіндіру кездесулері кезекті аумақ – Т.Рысқұлов ауданы болды. 📈 📍 Құлан ауылындағы М.Өзбеков атындағы мәдениет үйінде жаңа Салық кодексін түсіндіруге арналған семинар өтіп, жиын барысында қатысушыларға жаңа Салық кодексінің негізгі ережелері кеңінен таныстырылды. 💼 Әсіресе, қосылған құн салығын, корпоративтік және жеке табыс салығын есептеу мен төлеуге қатысты өзгерістерге ерекше назар аударылды.📊 Сонымен қатар, қатысушылар шағын және орта бизнеске қатысты салық салудың ерекшеліктері, салықтық әкімшілендіру рәсімдерін жеңілдету және бюрократиялық кедергілерді азайту шаралары сияқты маңызды жаңалықтар бойынша жан-жақты ақпарат алды.🤝 Кездесу соңында өзекті сұрақтарға толыққанды жауаптар беріліп, бұл конструктивті диалог пен тиімді пікір алмасуға жол ашты.Жамбыл облысы бойынша МКДТүсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-zhambyl/press/news/details/1066384?lang=kk

Мехико, 2025 жылғы 9 қыркүйек – Қазақстан Республикасының Елшісі Алмұрат Тұрғанбеков Мексика Сыртқы істер министрлігінің Африка, Орталық Азия және Таяу Шығыс жөніндегі жаңадан тағайындалған Бас директоры Анибал Гомес Толедомен кездесті.Кездесу барысында тараптар Қазақстан-Мексика қатынастарының өзекті мәселелері бойынша пікір алмасып, олардың одан әрі дамуының перспективаларын талқылады. Әртүрлі салалардағы ынтымақтастықты нығайтуға бағытталған нақты жоспарларға ерекше назар аударылды.Сұхбаттасушылар Астана мен Мехико өз өңірлерінде – Орталық Азия мен Латын Америкасында – маңызды рөл атқаратынын және өңіраралық ынтымақтастықты ілгерілету үшін зор әлеуетке ие екенін атап өтті.Сонымен қатар, парламентаралық диалогты жандандыру және Қазақстан мен Мексика сыртқы саяси ведомстволары арасындағы кезекті саяси консультацияларға дайындық мәселелері қарастырылды.Елші А.Тұрғанбеков мексикалық тарапты Президент Қ.Тоқаевтың басшылығымен Қазақстанда жүргізіліп жатқан саяси және әлеуметтік-экономикалық реформалар жөнінде хабардар етіп, Мемлекет басшысының ү.ж. 8 қыркүйекте жарияланған «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты халыққа жыл сайынғы Жолдауының негізгі қағидаларын таныстырды.Кездесу жылы әрі достық ахуалда өтті. Тараптар тұрақты байланыстарды қолдап, сындарлы диалогты жалғастыруға уағдаласты.Ақпарат көзі : https://www.gov.kz/memleket/entities/mfa-mexico/press/news/details/1066386?lang=kk

2025 жылғы 11 қыркүйекте Подгорица қаласында Қазақстан Республикасының Черногориядағы Бас консулы Ғабиден Темірбек Черногория Сыртқы істер министрлігінің Мемлекеттік хатшысы Периша Кастратовичпен кездесті.Кездесу барысында тараптар екіжақты қатынастардың қазіргі жағдайы мен даму перспективаларын, оның ішінде саяси диалогты, сауда-экономикалық және мәдени-гуманитарлық ынтымақтастықты кеңейту мүмкіндіктерін талқылады.Кездесудің қорытындысы бойынша тараптар қызығушылық тудыратын мәселелер бойынша өзара іс-қимылды жалғастыруға келісіп, ынтымақтастықты кеңейту бойынша бірлескен шараларды жүргізуге уағдаласты.Ақпарат көзі : https://www.gov.kz/memleket/entities/mfa-podgorica/press/news/details/1066366?lang=kk

Алматы облысы Райымбек ауданына қарасты Қызылшекара ауылындағы К. Байшығанұлы атындағы орта мектепке күрделі жөндеу жұмыстары жасалады. 1979 жылы салынған бұл білім ошағы осы уақытқа дейін бірде-бір рет толық жаңартудан өтпеген.Мектептің жобалық қуаттылығы – 640 орын. Жалпы аумағы – 3254 шаршы метр, жер телімі 5,2 гектарды құрайды. Білім ордасында 38 мұғалім қызмет етеді, қазіргі таңда 227 оқушы білім алуда. Сондай-ақ мектеп жанында шағын орталық жұмыс істейді.Аудан әкімінің орынбасары Жанарбек Жантөреұлының айтуынша, жобалық-сметалық құжаттама әзірленіп, мемлекеттік сараптамадан өткен. Жобаның жалпы құны 1 млрд 600 млн теңгені құрайды.— «Мектеп 1979 жылы салынған, содан бері күрделі жөндеу жүргізілмеген. Биыл оқушылар саны 25 балаға артты. Бұл – жергілікті тұрғындармен қатар қоныс аударған азаматтар мен шекара қызметінің әскери қызметкерлерінің балалары есебінен көбейіп отыр. Сондықтан күрделі жөндеу жұмыстарының жүргізілуі аса қажет», — деді аудан әкімінің орынбасары.Алматы облысының әкімі Марат Елеусізұлы Сұлтанғазиев жергілікті атқарушы органдарға мектеп ғимаратын тиімді пайдалану мәселесін қарастыруды тапсырды.— «Күрделі жөндеу жұмыстары білім беру сапасын арттыруға және оқу процесінің жағдайын жақсартуға мүмкіндік береді. Дегенмен ғимараттың көлемі өте үлкен. Жобалық қуаты 640 орынға есептелгенімен, қазіргі оқушылар саны әлдеқайда аз. Сондықтан бос тұрған бөлмелерді халық игілігіне жарайтындай етіп бейімдеп, тиімді пайдалану қажет», — деп атап өтті өңір басшысы. Жоспарланған жөндеу жұмыстары Қызылшекара ауылының әлеуметтік дамуына және білім беру саласының сапасын көтеруге елеулі үлес қоспақ.Ақпарат көзі : https://www.gov.kz/memleket/entities/almobl/press/news/details/1066361?lang=kk

Астана, 2025 жылғы 10 қыркүйек – Қазақстан Республикасы Сыртқы істер министрлігінде «Орталық Азиядағы мүгедектігі бар әйелдердің мүдделерін ескере отырып Орнықты даму мақсаттарына қол жеткізу» атты халықаралық конференция өтті. Бұл іс-шара Финляндияның «Кюннюс» қауымдастығы қолдаған Орталық Азияның мүгедектігі бар әйелдер ұйымдары желісі жобасының қорытынды кезеңі болды.Іс-шараны «Шырақ» мүгедектігі бар әйелдер қауымдастығы, Орталық Азия мүгедектігі бар әйелдер желісі, ҚР Сыртқы істер министрлігі, ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссия, «Кюннюс» қауымдастығы және Астанадағы ЕҚЫҰ Бағдарламалар офисі бірлесіп ұйымдастырды.Конференция барысында Орталық Азиядағы мүгедектігі бар әйелдер ұйымдарының жұмыс тәжірибесі қарастырылып, тақырыптық бағыттар бойынша талдау жасалды және мүгедектігі бар әйелдер мен қыздардың құқықтарын қамтамасыз ету тұрғысынан Орнықты даму мақсаттарына қол жеткізу жөнінде ұсыныстар берілді.Қатысушылар алдында сөйлеген сөзінде ҚР Парламенті Сенаты Төрағасының орынбасары Ольга Перепечина Орнықты даму мақсаттарының болашаққа бағытталған әмбебап күн тәртібі екенін атап өтті. «Алайда оларды іске асыру халықтың осал топтарының мүдделерін ескермей мүмкін емес. Мүгедектігі бар әйелдер мен қыздар – бұл бүкіл әлем бойынша білімге, медицинаға, жұмыспен қамтуға және қоғамдық өмірге тең қолжетімділігі болуы тиіс миллиондаған азаматтар. Сондықтан біздің ортақ борышымыз – ешкімнің назардан тыс қалмауын және мүмкіндіктерден шет қалмауын қамтамасыз ету», – деді ол.Өз кезегінде ҚР Сыртқы істер министрлігінің Ерекше тапсырмалар жөніндегі елшісі Алуа Надиркулова инклюзия қағидаттарын ілгерілету және Орнықты даму мақсаттарына қол жеткізу Қазақстан үшін басты басымдықтар болып қала беретінін атап өтті. «Біз мемлекеттердің, халықаралық ұйымдардың және азаматтық қоғамның күш-жігерін біріктіру арқылы мүмкіндігі бар әйелдер мен қыздар өзін-өзі танытуға және өмірдің барлық салаларына белсенді қатысуға тең мүмкіндіктерге ие болатын инклюзивті қоғам құруға болатынына сенімдіміз. Қазақстан ынтымақтастыққа және озық тәжірибе алмасуға ашық болып, осы ортақ іске өз үлесін қосуды жалғастыруға дайын», – деді дипломат.Конференция Орталық Азия елдерінің Орнықты даму мақсаттарын іске асыруға, БҰҰ-ның Мүгедектер құқығы туралы конвенциясының және Әйелдерге қатысты кемсітушіліктің барлық нысандарын жою туралы БҰҰ конвенциясының ережелерін орындауға бағытталған халықаралық міндеттемелерін орындауға елеулі үлес қосады. Сондай-ақ бұл іс-шараға қолдау көрсету ЕҚЫҰ-ның адам құқықтары, гендерлік теңдік және инклюзия саласындағы басымдықтарды ілгерілетуге қосқан үлесін, ЕҚЫҰ Сыртқы істер министрлері кеңесінің шешімдері мен Ұйымның стратегиялық құжаттарында, соның ішінде Хельсинки қорытынды актісі мен 2004 жылғы Гендерлік теңдікті ілгерілету жөніндегі іс-қимыл жоспарына бекітілгенін көрсетеді.2005 жылдан 2025 жылға дейін Орталық Азия мүгедектігі бар әйелдер желісі серіктестерімен бірге мүгедектігі бар әйелдердің теңдігін, құқықтары мен мүмкіндіктерін ілгерілету бағытында жұмыс істеп келеді.Желі ұлттық және халықаралық деңгейде мүгедектігі бар әйелдердің құқықтарын қорғау жөніндегі адвокация жобаларын, мүгедектігі бар әйелдердің репродуктивтік құқықтарын іске асыру, мүгедектігі бар қыздарға арналған Тәуелсіз өмір мектептерін ұйымдастыру, мүгедектігі бар әйелдерге қатысты теріс стереотиптерді өзгерту, зорлық-зомбылықтан қорғау және көшбасшылық бойынша білім беру бағдарламаларын әзірледі.Ақпарат көзі : https://www.gov.kz/memleket/entities/mfa/press/news/details/1066359?lang=kk

Астана, 2025 жылғы 30 желтоқсан – Қазақстан Республикасының Сыртқы істер министрі Ермек Көшербаев Өзбекстан Республикасының Сыртқы істер министрі Бахтиёр Саидовпен телефон арқылы сөйлесті.Сұхбат барысында сыртқы саяси ведомстволардың басшылары өтіп бара жатқан жылдың қорытындылап, қазақ-өзбек стратегиялық серіктестігі мен одақтастық қатынастарының жүйелі түрде нығайып келе жатқанын атап өтті, сондай-ақ екіжақты ынтымақтастықты одан әрі дамыту перспективаларын талқылады. Қазақстан Президенті Қасым-Жомарт Тоқаевтың биылғы қараша айында Ташкентке жасаған мемлекеттік сапарының қорытындысы бойынша қол жеткізілген уағдаластықтарды практикалық тұрғыда іске асыру мәселелеріне ерекше назар аударылды.Саяси, сауда-экономикалық, көлік-логистика, су-энергетика және мәдени-гуманитарлық салалардағы көпқырлы өзара іс-қимылды кеңейтуге одан әрі жәрдемдесуге өзара бейілділік расталды.Сонымен қатар тараптар өңірлік және халықаралық күн тәртібіндегі өзекті мәселелер бойынша пікір алмасып, алдағы кезеңге жоспарланған халықаралық іс-шаралардың кестесін қарастырды.Ақпарат көзі : https://www.gov.kz/memleket/entities/mfa/press/news/details/1135347?lang=kk

Құрметті павлодарлықтар! Кірістер туралы декларацияны (250.00 нысанындағы активтер мен міндеттемелер туралы декларация және 270.00 нысанындағы кірістер мен мүлік туралы декларация) ұсыну мерзімінің аяқталуына дейін 4 күн қалды! Декларацияны "Салық төлеушінің кабинеті", "Электрондық үкімет" порталы, сондай-ақ "e-Salyq Azamat", "eGov mobile" мобильді қосымшалары, moldir.qoldau.kz, "Halyk Bank", "Kaspi Bank", "ЦентрКредит" банктерінің қосымшалары арқылы ұсынуға болады. Декларация тұрғылықты жері бойынша ұсынылады.Декларацияны тапсыру мерзімі – 15 қыркүйек. Павлодар облысы бойынша Мемлекеттік кірістер департаменті салық міндеттемесін уақтылы орындамау үшін декларацияны тапсыруды кейінге қалдырмауды сұрайды! Павлодар облысы бойынша МКДтүсіндіру жұмысы және Байланыс-орталығы басқармасы Ақпарат көзі : https://www.gov.kz/memleket/entities/kgd-pavlodar/press/news/details/1066297?lang=kk

Бүгін Ұлы Отан соғысының ардагері, қаланың Құрметті азаматы Қасымхан Алдабергенұлы Алдабергеновтың 100 жылдық мерейтойына орай салтанатты шара өтті.Соғыстан кейінгі кезеңде Қасымхан Алдабергенұлы өзінің бүкіл өмірін білім беру саласына және журналистикаға арнады. Ол қаланың әлеуметтік-мәдени дамуына, жас ұрпақты тәрбиелеу ісіне және қоғамның рухани құндылықтарын қалыптастыруға зор үлес қосты.Мерейтой иесі ғасырлық белесін отбасының, бала-шағасы мен немерелерінің ортасында атап өтті. Ардагер тұрғындарға бейбіт өмір, амандық және игілік тіледі.Қаланың басшылығы мен депутаттық корпус өкілдері ардагерге ел алдындағы еңбегі үшін ризашылық білдіріп, шын жүректен құттықтап, зор денсаулық, ұзақ ғұмыр және отбасына амандық пен бақ-береке тіледі.Ақпарат көзі : https://www.gov.kz/memleket/entities/kostanai-kalasy-akimat/press/news/details/1066317?lang=kk

Тұрақты комиссияның отырысы барысында жастарды мәдени, адамгершілік және патриоттық тәрбиелеу мәселесі қаралды. Өскелең ұрпақтың бойында патриотизмді, азаматтық жауапкершілікті, сондай-ақ мәдениет пен адамгершілікті қалыптастыруға бағытталған бағдарламаларды дамытуға ерекше назар аударылды.Комиссия мемлекеттік мекемелердің, жастар ұйымдары мен ардагерлер бірлестіктерінің оқу жылы бойы ғана емес, демалыс уақытында да акциялар, кездесулер мен білім беру іс-шараларын ұйымдастырудағы бірлескен жұмысының қажеттілігін атап өтті.Сондай-ақ, кадрлық өзгерістерге байланысты ведомствоаралық комиссиялардың құрамына өзгерістер енгізу туралы мәселелер қаралды.Ақпарат көзі : https://www.gov.kz/memleket/entities/ukmaslihat/press/news/details/1185810?lang=kk

Өскемен қалалық мәслихатының тұрақты комиссияларының отырысы барысында жастарды әскери-патриоттық тәрбиелеу мәселесі қаралды. Қатысушылар өскелең ұрпақтың бойында патриотизм мен азаматтық жауапкершілік сезімін қалыптастырудың маңыздылығын атап өтті. Спорттық іс-шаралар арқылы жастардың денсаулығы мен дене бітімін нығайтуға бағытталған бағдарламаларды дамытуға ерекше назар аударылды.Жауапты мемлекеттік құрылымдарға жастар ұйымдарымен және ардагерлер бірлестіктерімен бірлескен іс-шаралар жоспарын әзірлеу және бекіту жөнінде ұсыныстар берілді. Жоспар ағымдағы оқу жылы ішінде бірлескен іс-шаралар, акциялар мен кездесулер өткізуді көздеуі тиіс.Бұдан басқа, 2026 жылы оқу-далалық жиындарды өткізу үшін қаржыландыруды қамтамасыз ету және штат кестесіне "Жас Сарбаз" сыныптарының әскери-қолданбалы пәндері бойынша білікті мамандарды қосу ұсынылды.Ақпарат көзі : https://www.gov.kz/memleket/entities/ukmaslihat/press/news/details/1066288?lang=kk

10 қыркүйекте Риддер қалалық аумақтық сайлау комиссиясының мүшелері Қазақстан Республикасы Конституциясының 30 жылдығын мерекелеуге арналған республикалық іс-шаралар жоспары аясында Риддер қаласының әлеуметтік сала қызметкерлерімен сайлау құқығы мәселелері бойынша семинар-тренинг өткізді. Іс-шараға қатысушыларға тақырыптық буклеттер таратылды.Ақпарат көзі : https://www.gov.kz/memleket/entities/vko-ridder/press/news/details/1066240?lang=kk

       Кеше қала әкімі Б.абдралиев  «ККЭК» КМК және «Курчатов Водоканал» басшылығымен жұмыс кеңесін өткізді. Күн тәртібіндегі негізгі мәселе – тұрғын үй-коммуналдық шаруашылық кәсіпорындарын цифрландыру болды. Біз қазіргі технологиялар тек үдерістерді жеделдетіп қана қоймай, оларды ашық әрі тиімді етуге мүмкіндік беретін заманда өмір сүріп жатырмыз. Цифрлық шешімдер көрсетілетін қызметтердің сапасын арттыруға, халыққа қызмет көрсету деңгейін көтеруге және ұйымдардың ішкі жұмысын оңтайландыруға жол ашады.Кеңес барысында есепке алудың автоматтандырылған жүйелерін енгізу және қала тұрғындары үшін онлайн-сервистерді белсендірек пайдалану мүмкіндіктері талқыланды. Бұл тәсіл бізге азаматтардың өтініштеріне тезірек жауап беруге, ресурстардың ысыраптарын азайтуға және коммуналдық қызметтердің сенімділігін қамтамасыз етуге мүмкіндік береді, өйткені цифрландыру – қаланың инфрақұрылымын ыңғайлы, заманауи және азаматтардың қажеттіліктеріне бағдарланған етуге көмектесетін болашаққа инвестиция.Ақпарат көзі : https://www.gov.kz/memleket/entities/abay-kurchatov/press/news/details/1066253?lang=kk

Сыбайлас жемқорлық-қоғамның дамуына төнетін аса қауіпті қатерлердің бірі. Бұл азаматтардың мемлекетке деген сеніміне нұқсан келтіреді, құқықтық жүйе мен моральдық нормаларды бұзады, экономика мен әлеуметтік дамуға деструктивті әсер етеді. Сыбайлас жемқорлыққа қарсы күрес өз азаматтары үшін тұрақты және гүлденген болашақты қамтамасыз етуге ұмтылатын көптеген елдердің күш-жігерінің ажырамас бөлігіне айналуда.Сыбайлас жемқорлық пара беру және пара беру сияқты күнделікті көріністерден бастап, мемлекеттік органдар мен бизнестегі ірі сыбайлас жемқорлық схемаларына дейінгі қоғамның әртүрлі салаларын қамтиды. Бұл экономика мен әлеуметтік әділеттіліктің қалыпты жұмысына қауіп төндіреді. Сыбайлас жемқорлық жағдайында ресурстар тиімді пайдаланылмайды, бұл теңсіздік пен кедейлікке әкеледі.Сыбайлас жемқорлық азаматтардың Үкімет пен билік институттарына деген сенімін бұзады. Адамдар ақша мен биліктің жеке пайда табу үшін пайдаланылғанын көргенде, олар жүйенің әділдігі мен адалдығына деген сенімін жоғалтады. Бұл саяси тұрақсыздыққа, тіпті әлеуметтік қақтығыстарға әкелуі мүмкін.Сыбайлас жемқорлық экономикаға елеулі әсер етеді. Бұл кәсіпкерліктің дамуына кедергі келтіреді, инвесторларды қорқытады және елдің бәсекеге қабілеттілігін төмендетеді. Сыбайлас жемқорлық өркендеген кезде ресурстар экономиканың өсуіне ықпал ететін жобаларға емес, жемқор шенеуніктер мен кәсіпкерлердің мүдделерін қанағаттандыруға бағытталады.Сыбайлас жемқорлық құқықтық жүйені бұзады, өйткені ол жемқор шенеуніктер мен кәсіпкерлерге өз әрекеттері үшін жазадан аулақ болуға мүмкіндік береді. Бұл жазасыздыққа алып келеді және жауапсыздық мәдениетін нығайтады, бұл сыбайлас жемқорлықты одан әрі күшейтеді.Сыбайлас жемқорлыққа қарсы күрес – еліміздің тұрақты және гүлденген болашағын қамтамасыз етудің маңызды шарты. Сыбайлас жемқорлық құқық тәртібіне, экономикаға және жалпы қоғамға қауіп төндіреді. Сондықтан әр азамат барлығына адал және әділ болашақты қамтамасыз ету үшін осы күреске белсенді қатысуы керек. Ақпарат көзі : https://www.gov.kz/memleket/entities/kgd-zhetysu/press/news/details/1066189?lang=kk

Сіздерді кәсіби мерекелеріңізбен құттықтаймыз! Дендеріңізге саулық, отбасыларыңызға амандық пен береке тілейміз.Ақпарат көзі : https://www.gov.kz/memleket/entities/upr-ump-kostanay/press/news/details/1066208?lang=kk

Райымбек ауданында шекара қызметі қызметкерлеріне арналған жаңа тұрғын үйдің құрылысы аяқталды. Салтанатты түрде пәтер кілттері Нарынқол шекара отрядында табысталды.Тұрғын үйлердің құрылысы 2024 жылдың қараша айында басталып, биыл толық аяқталды. Әрбір пәтердің ауданы – 70 шаршы метр, заманауи талаптарға толық сәйкес келеді. Жобаның жалпы құны 124,3 млн теңгені құрады, қаржыландыру облыс әкімдігінің қаражаты есебінен қамтамасыз етілді.Шараға Алматы облысының әкімі Марат Сұлтанғазиев қатысты. Ол әскери қызметкерлерді жаңа баспанамен құттықтап, бұл мемлекет тарапынан ел тәуелсіздігі мен аумақтық тұтастығын қорғап жүрген азаматтарға көрсетілген қамқорлықтың айқын көрінісі екенін атап өтті.— "Бүгін біз тек пәтер кілттерін емес, сонымен қатар мемлекеттің және халықтың ризашылығы мен сенімін тапсырып отырмыз. Мемлекет басшысы Қасым-Жомарт Тоқаев атап өткендей, шекарашылар – мемлекеттіліктің берік тірегі. Бұл үйлер – сіздердің адал еңбектеріңіздің және мінсіз қызметтеріңіздің жемісі. Жаңа жағдайлар отбастарыңыздың берік негізіне айналып, табысты болашаққа жол ашады деп сенемін", — деді облыс әкімі.Нарынқол шекара отрядының бастығы, подполковник Айдос Айтахуновтың айтуынша, жаңа үйлердің салынуы шекара қызметінің инфрақұрылымын жақсартуға бағытталған кең ауқымды жұмыстың бір бөлігі болып табылады. Бұл жұмыстарды Алматы облысы мен Райымбек ауданы әкімдіктері бірлесіп жүзеге асыруда.— "Бұған дейін мұнда тұрғын үйлер болғанымен, жаңа үйлер заманауи стандарттарға толық сай салынды. Бүгін алты отбасы жаңа пәтермен қамтамасыз етілді, кілттерді оларға облыс әкімі мен шекара қызметінің басшылығы жеке табыстады. Жобаны іске асыруға атсалысқан барша азаматтарға алғыс білдіреміз", — деді Айдос Айтахунов.Жаңа тұрғын үйлер әскери қызметшілердің әлеуметтік жағдайын жақсартып қана қоймай, олардың қызметтік міндеттерін сапалы орындауына да қосымша мүмкіндік береді.Айта кетейік, Нарынқол шекара отрядының жауапкершілік аймағы Қырғыз Республикасымен шектесетін 61 шақырымды және Қытай Халық Республикасымен шектесетін 50 шақырымды қамтиды. Ақпарат көзі : https://www.gov.kz/memleket/entities/almobl/press/news/details/1066177?lang=kk

Алматы облысында облыстық маңызы бар «Нарынқол – Сүмбе» автожолының жөндеу жұмыстары мерзімінен бұрын аяқталуда. Жұмысшылар қар түспей тұрып үлгеруге тырысуда.Жөндеу жұмыстары 2024 жылдың мамыр айында басталып, жоспар бойынша 2025 жылдың желтоқсан айында аяқталуы тиіс еді. Мердігер компанияның мәліметінше, жолшылар жұмысты белгіленген мерзімнен ерте бітіреді.L-VESA құрылыс компаниясы директорының орынбасары Алексей Фоминнің айтуынша, бүгінде жөндеу жұмыстарының басым бөлігі аяқталған:«Біз «Нарынқол – Сүмбе» жолына орташа жөндеу жүргізіп жатырмыз. Жөндеуден өтетін учаскенің жалпы ұзындығы – 38 шақырым. Қазіргі уақытта 11 шақырымы ғана қалды. Жаңа жабынның қалыңдығы – 6 сантиметр. Жұмысты осы айда аяқтауды жоспарлап отырмыз. Нысанда 18 жұмысшы және грейдер, самосвалдар мен ескі асфальтты қырып, жаңасын төсеуге арналған 8 арнайы техника жұмылдырылған».Жобаның жалпы құны 1,9 млрд теңгені құрайды. Жөндеу жұмыстарының сапасы мен барысына «КазАрт-Құрылысы» ЖШС техникалық қадағалау жүргізуде.Ақпарат көзі : https://www.gov.kz/memleket/entities/almobl/press/news/details/1066154?lang=kk

Әл-Кувейт, 2025 жылғы 11 қыркүйек – Қазақстан Республикасының Кувейт Мемлекетіндегі Елшісі Ержан Елекеев «Al Babtain Group» компаниясының директорлар кеңесінің төрағасы Сауд Абдалазиз Әл-Бабтайнмен кездесті.Кездесу барысында тараптар инвестициялар мен экономика саласындағы екіжақты ынтымақтастықтың перспективаларын талқылап, серіктестік жобаларын дамыту жоспарын белгіледі.Қазақстан Елшісі еліміздегі қазіргі экономикалық жағдай туралы кеңінен баяндап, ұлттық экономиканың тұрақты өсуін және инвестициялық климаттың жақсаруын атап өтті. Сондай-ақ, ол шетелдік инвесторларға қосымша кепілдіктер беретін реформалар мен заңнаманы жетілдіру шараларын атап көрсетті. Ерекше назар Астана халықаралық қаржы орталығының (AIFC) жұмысына аударылды, ол халықаралық озық стандарттарға сәйкес инвестиция салуға және бизнес жүргізуге кең мүмкіндіктер ұсынады.Өз тарапынан «Al Babtain Group» компаниясының басшысы Қазақстандағы инвестициялық мүмкіндіктерді зерттеуге қызығушылық танытты және тараптар өзара іс-қимылдың нақты бағыттары туралы пікір алмасты.1948 жылы құрылған «Al Babtain Group» Кувейттегі ең ірі жеке отбасылық конгломераттардың бірі болып табылады. Компанияның қызметі өнеркәсіп, жылжымайтын мүлік және ауыл шаруашылығы сияқты кең салаларды қамтиды. Компания ұлттық экономиканы дамытуға белсене қатысады және ішкі және халықаралық нарықтарда сенімді әріптес ретінде тұрақты беделге ие.Ақпарат көзі : https://www.gov.kz/memleket/entities/mfa-kuveyt/press/news/details/1066161?lang=kk