Чапаев ауылдық округінің турғындарымен және жергілікті қауымдастық мүшелерімен кездесулер өткізілді. Кездесулер кезінде Мемлекет басшысының қатысуымен өткен «Диалог — ауылдық әкімдердің платформасы» ауылдық әкімдер форумындағы ақпарат округтын турғындарына жеткізілді. Форумда бірқатар маңызды мәселелер қаралып, жергілікті атқарушы органдарға жаңа міндеттер жүктелгені айтылды.Ақпарат көзі : https://www.gov.kz/memleket/entities/vko-altay-chapaev/press/news/details/1119686?lang=kk

Петропавлда «Заң мен тәртіп» тұжырымдамасын іске асыру аясында жоғары сынып оқушылары мен колледж студенттеріне арналған профилактикалық кездесу өтті.Жастар алдында облыс прокуратурасының өкілдері, СҚО бойынша ҚАЖ департаменті мен полиция департаментінің қызметкерлері, сондай-ақ қоғам белсенділері сөз сөйледі. Спикерлер құқықтық жауапкершілік, құқықбұзушылықтың алдын алу және киберқауіпсіздік мәселелерін талқылады.Кездесудің ерекше сәттерінің бірі – №48 және №50 мекемелерінде жазасын өтеп жатқан сотталғандармен ұйымдастырылған телекөпір болды. Олар өздерінің өмірлік қателіктері, ойланбай жасаған әрекеттері, «жеңіл ақшаға» қызығушылық және ортаның ықпалы оларды қалай темір торға әкелгені туралы ашық айтты. Бұл шынайы әңгімелер жастар үшін үлкен сабақ болып, кез келген құқықбұзушылықтың салдары ауыр екенін айқын көрсетті.Қатысушыларға алаяқтық, алаяқтарға көмектесу, бұзақылық және есірткі тарату сияқты құқықбұзушылықтардың салдары түсіндірілді. Сонымен қатар «Закладчики. Расплата» деректі фильмінен үзінділер көрсетілді, онда есірткі тарату фактісі бойынша сотталғандардың тағдырлары баяндалады.Бұдан бөлек, жастармен белгілі спортшылар — WBA Super және IBO нұсқалары бойынша әлем чемпионы, WBA уақытша чемпионы, EBU тұжырымы бойынша Еуропа чемпионы Жанат Жақиянов және жеңіл атлетикадан Азия чемпионатының жүлдегері Маргарита Мукашева кездесті. Олар өз тәжірибелерімен бөлісіп, жастарды өз күшіне сенуге, күмәнді ұсыныстардан аулақ болуға және адал еңбектің жолын таңдауға шақырды.Іс-шара ашық диалог форматында өтті: оқушылар мен студенттер сұрақтар қойып, пікірлерімен және әсерлерімен бөлісті.Жалпы, кездесуге 300-ден астам жас қатысып, білім беру ұйымдары арасында үлкен қызығушылық тудырды.Ақпарат көзі : https://www.gov.kz/memleket/entities/duissko/press/news/details/1119656?lang=kk

Вице-премьер – ұлттық экономика министрі Серік Жұманғариннің төрағалық етуімен өткен экономикалық өсімді қамтамасыз ету жөніндегі штаб отырысында базалық салаларды дамытудың жыл қорытындысындағы алдын ала болжамы қаралды. Өсу драйверлері бұрынғыдай өңдеу өнеркәсібі, құрылыс және азық-түлік өндірісі болып қала бермек.Өңдеу өнеркәсібі10 ай бойы сала тұрақты серпінмен дамуда.Машина жасауда (өңдеудегі үлесі – 17,5%) 11 айдың қорытындысы бойынша 14%, жыл қорытындысы бойынша 16,3% өсім болжануда.Химия өнеркәсібінің өсуі (өңдеудегі үлесі – 5,4%) жыл қорытындысы бойынша 8% деңгейінде болмақ.Өңдеу саласында нақты көлемнің 40%-дық өсімін қамтамасыз етіп отырған металлургия өткен жылмен салыстырғанда 0,7%-ға артты. 11 айдағы болжам – 0,8%, жыл қорытындысы бойынша 1,1%.Жалпы, өңдеу өнеркәсібіндегі жылдық өсу болжамы – 6,2%. Бұл жоспардан 0,8 пайыздық тармаққа жоғары.ҚұрылысАлдын ала бағалаулар бойынша, жыл соңына дейін 19,2 млн шаршы метр тұрғын үй пайдалануға беріледі, бұл өткен жылмен салыстырғанда 0,4%-ға артық. Жыл қорытындысы бойынша құрылыс жұмыстарының көлемі 10,4 трлн теңге деңгейінде болады деп күтілуде, бұл өткен жылғы көрсеткіштен 15%-ға артық.АӨК-тегі қайта өңдеуАӨК-тегі қайта өңдеу секторы 10 айда 9,1% тұрақты өсім көрсетіп отыр. Оған ұн және май өнеркәсібі көп үлес қосуда.Ұн өндірісі 7%-ға – 2,6 млн тоннадан 2,8 млн тоннаға дейін артты. Өсімдік майын өндіру көлемі 21,7%-ға – 596 мың тоннадан 726 мың тоннаға дейін өсті.Жалпы АӨК секторында қайта өңдеудегі негізгі капиталға салынатын инвестиция 60%-ға, қайта өңделген өнім экспорты 32,4%-ға өсті.11 айдағы өсу болжамы – 9,2%, жыл қорытындысы бойынша – 9,3%, жоспар бойынша-4,5%.2026 жылға АӨК-тегі өңделген өнімі үлесін 70%-ға арттыру міндеті қойылды.Талқылау қорытындысында Серік Жұманғарин Өнеркәсіп және құрылыс министрлігіне металлургияның дамуына әсер ететін сыртқы және ішкі факторға талдау жүргізіп, өндіріс пен инвестицияның тиімділігін арттыру жөнінде ұсыныс беруді; Құрылыс істері жөніндегі комитетке құрылыс саласын одан әрі дамыту жөнінде ұсыныс дайындауды; Ауыл шаруашылығы министрлігіне АӨК-тегі өңделген өнім үлесін 2026 жылы 70%-ға дейін жеткізу мақсатын ескере отырып, қайта өңдеу көлемін қосымша ұлғайту жөнінде ұсыныс беруді тапсырды.https://www.gov.kz/memleket/entities/economy/press/news/details/1119393?lang=kkАқпарат көзі : https://www.gov.kz/memleket/entities/kostanai-ekonomika-zhosparlau/press/news/details/1119660?lang=kk

Әділет министрі Ерлан Сәрсембаев 2023 жылдан бастап адвокатура күні ресми мәртебеге ие болғанын және содан бері адвокатура институтын нығайтуға және құқық үстемдігі қағидаттарын ілгерілетуге ықпал ететін маңызды оқиға болғанын атап өтті. Ол марапатталған адвокаттардың білікті заң көмегін көрсету жүйесін дамытуға қосқан елеулі үлестерін және олардың кәсіби қызметінің маңыздылығын атап өтті.Шарада ҚР Президентінің 2025 жылғы 4 желтоқсандағы Жарлығына сәйкес ерекше Кәсіби жетістіктері мен адвокаттық жүйені жетілдіруге қосқан үлесі үшін:«Құрмет» орденімен - Умарова Айсулу Каировна;«Ерен еңбегі үшін» медалімен - Махышев Сакен Турганович, Жанкобаев Русланбек Жексембаевич, Адильбекова Данипа Медетовна марапатталды.Сонымен қатар, бірқатар адвокатура өкілдеріне ведомстволық наградалар табысталды.Ақпарат көзі : https://www.gov.kz/memleket/entities/adilet/press/news/details/1119667?lang=kk

«Заң және Тәртіп» идеологиясы аясында 2025 жылғы 3 желтоқсанда №1 Ауданаралық аумақтық мәжбүрлеп орындау бөлімінің филиал басшысы Ж.С.Нугуманов және Булаево қаласының құқық қорғау органдары бөлімінің қызметкері бірлесе отырып, қиын өмірлік жағдайға тап болған, «Мейірім» үйі мен «Дұға» үйінде тұратын азаматтарға консультация өткізді.Ақпарат көзі : https://www.gov.kz/memleket/entities/adilet-sko/press/news/details/1119615?lang=kk

Л.Н. Гумилев атындағы Еуразия ұлттық университетінің әскери кафедрасы «ҚР Қарулы күштерінің ардагерлері» РҚБ төрағасы Халық қаһарманы армия генералы Мұхтар Алтынбаевтың мерейтойына арналған «Дала қыранының даңқты жолы» акциясын ұйымдастырды.Оған Парламент Мәжілісінің депутаты Ермұрат Бапи, Қарулы күштердің ардагерлері, профессор-оқытушылар құрамы және ЖОО әскери кафедрасының студенттері қатысты.«Покоритель высот» деректі фильмінің кадрлары Қазақстан Қарулы күштерінің қалыптасуы мен дамуына баға жетпес үлес қосқан әскери қолбасшының өмір жолы мен кәсіби қызметі туралы баяндады.Іс-шараны ашқан запастағы подполковник Әбубәкір Смайылов Мұхтар Алтынбаевтың тұлғасы офицер абыройының, рухының және мемлекетке жанқиярлықпен берілгендігінің жарқын үлгісі екенін атап өтті.– Осындай шаралар жастардың бойында дұрыс бағдарларды қалыптастырады. Олар бейбітшілік пен тәуелсіздіктің бағасын түсінуге, ұрпақтар байланысын нығайтуға және Отан алдындағы борыштың қандай болатынын сезінуге ықпал етеді, – деп атап өтті депутат Е. Бапи.Мұхтар Қапашұлымен алғашқы кездесу және бірлескен қызмет туралы естеліктер туралы ЕҰУ әскери кафедрасының бастығы генерал-майор Еділ Оразов пен Астана қаласы «ҚР Қарулы күштерінің ардагерлері» филиалының төрағасы авиация генерал-майоры Алсай Жұманов айтып берді.Мерейтой иесінің болашақ Отан қорғаушыларға арнаған сөзін арнайы даярлық циклінің бастығы полковник Тұрдалы Тұрғымбаев оқып берді. Онда аты аңызға айналған әскери қолбасшы Отанға қызмет ету мамандық таңдау ғана емес, халық пен мемлекет алдындағы жауапкершілікті табандылықпен, тәртіппен және терең санамен алып жүретін абыройлы іс екенін айтты.Оның арнауына ЕҰУ әскери кафедрасының студенті Дильназ Серікова жауап берді. Ол генерал Мұхтар Алтынбаевтың өмір жолы жастарға адамгершілік және кәсіби бағдар екенін атап өтті. Студент Асхат Айдар Мұхтар Алтынбаевқа арналған өлеңін оқыды.Салтанатты шараның соңында Қазақстанның еңбек сіңірген қайраткері Қайрат Жүнісов «Егемен Қазақстан» әнін орындады.Өткізілген акция ұрпақтар сабақтастығын нығайтуға және жастарды Отан алдындағы жоғары жауапкершілік рухында тәрбиелеуге ықпал етері сөзсіз.Ақпарат көзі : https://www.gov.kz/memleket/entities/mod/press/news/details/1119635?lang=kk

2025 жылғы 2 желтоқсанда «Ауданаралық мәжбүрлеп орындату жөніндегі аумақтық бөлім №2» филиалының басшысы КММ «Қызылжар орман шаруашылығы» қызметкерлері мен жергілікті атқарушы органдардың қызметкерлеріне «Атқарушылық құжаттарды орындау» тақырыбында дәріс өткізді.Сондай-ақ «Заң және тәртіп» нарративі аясында атқарушылық құжаттарды орындауды қамтамасыз ету шаралары және атқарушылық құжатты орындамау үшін көзделген жауапкершілік түсіндірілді.Ақпарат көзі : https://www.gov.kz/memleket/entities/adilet-sko/press/news/details/1119575?lang=kk

2025 жылдың 2 желтоқсанында «Заң және Тәртіп» нарративі аясында Солтүстік Қазақстан облысының Әділет департаменті қызметкерлері М. Қозыбаев атындағы Солтүстік Қазақстан мемлекеттік университетінің студенттері үшін заңды тұлғаларды тіркеу және зияткерлік меншік мәселелері бойынша семинар өткізді.Ақпарат көзі : https://www.gov.kz/memleket/entities/adilet-sko/press/news/details/1119580?lang=kk

Мемлекет жас мамандарға өз есігін айқара ашып отыр: мемлекеттік қаржыландырылатын жоғары және/немесе жоғары оқу орнынан кейінгі білім беру бағдарламаларының GPA жоғары (3,33-тен бастап) түлектері мемлекеттік органдарға конкурстық іріктеусіз жұмысқа орналаса алады. Бастысы оқу бітіргеннен кейін бір жылды жіберіп алмау.Мүмкіндіктер ауқымды: аудан әкімдіктеріндегі жұмыстан бастап орталық мемлекеттік органдардың аумақтық бөлімшелеріндегі лауазымдарға дейін (облыс орталығы болып табылатын қаланы қоспағанда).Қостанай облысы еліміздегі ең үздік нәтижелердің бірін көрсетуде: үш жылда 48 түлек мемлекеттік органдардағы еңбек жолын конкурстан тыс тағайындау арқылы бастады.Ауылдық жерлерді таңдағандар үшін мемлекет арнайы қолдау шараларын ұсынады: «Дипломмен ауылға» бағдарламасы бойынша қоныс аударуға айына 100 еселік жәрдемақы және 2500 айлық есептік көрсеткіш (АЕК) мөлшерінде тұрғын үй несиесі. 2025 жылы жеті жас маман бұл мүмкіндікті пайдаланып үлгерді.Қазіргі таңда Қостанай облысында мемлекеттік қызметте 383 бос орын бар. Олардың үштен екісінен астамы жергілікті атқарушы органдарда, ал 170-тен астам лауазым жоғары оқу орындарының түлектері үшін жарамды бастапқы деңгейдегі мамандарға арналған.Мүдделі түлектер үшін келесі бос орындар бар: ауылдық деңгейде жұмыс істеу үшін кент және ауылдық округ әкімі аппаратында 74 бас маман лауазымы; Аудандық басқару жүйесінде мансаптық өсу үшін қалалар мен аудандар әкімдерінің аппараттарында 27 бас маман лауазымы; Аудан әкімдігінің бөлімдерінде кешенді басқару міндеттері бойынша 70 бас маман; және 4 жетекші маман лауазымы – кент және ауылдық округ әкімі аппаратында – 3 және аудан әкімі аппаратындағы бөлімде – 1.Әрбір бос орынға қатаң білім талаптары қойылады. Әсіресе келесі салаларда түлектерге көптеген ұсыныстар бар: бизнес, менеджмент және құқық; инженерлік және құрылыс; педагогика; ауыл шаруашылығы; және АКТ. Денисов, Меңдіқара және Жітіқара аудандарында бос орындар көп. Жалпы облыс бойынша 19 аудан мен қалада бос жұмыс орындары бар, бұл жас мамандарға өз мамандығы бойынша жұмыс табуға тамаша мүмкіндік береді.2025 жылы Қостанай облысының жоғары оқу орындарын гранттық бағдарламалар бойынша, ең алдымен, білім беру, инженерлік және жаратылыстану ғылымдары бойынша GPA 3,33-тен кем емес 429 маман бітірді. Бұл түлектер сұранысқа ие бос жұмыс орындарының профиліне сәйкес келеді және өңірдің табысты дамуына үлес қосу үшін мемлекеттік қызметке шақырылады.Бөлім барлық мүдделі тұлғаларға жан-жақты қолдау көрсетуге дайын. Біз Қостанай қаласы, Қасымханов көшесі, 34, 507 кеңседе орналасқанбыз. Барлық сұрақтар бойынша 39-35-56 телефоны арқылы немесе әлеуметтік желілердегі elgeqyzmet_qostanai ресми парақшалары арқылы және электрондық үкіметтің ресми платформалары арқылы хабарласыңыз. Сондай-ақ, барлық аймақтық кадр бөлімдері жұмыс іздеушілерге көмек пен кеңес береді. Ерлан Салықбаев – департамент басшысы, Әдеп жөніндегі кеңес төрағасы.Ақпарат көзі : https://www.gov.kz/memleket/entities/kostanai-mendykarin-audany-akimat/press/news/details/1119500?lang=kk

2025 жылғы 28 қарашада Мемлекет басшысы Қ.К. Тоқаевтың қатысуымен "Ауыл әкімдерінің диалог платформасы" форумы өтіп, оған Парыгино ауылдық округінің әкімі Төлеков Ғани Әлібекұлы қатысты. Осы маңызды іс-шараның қорытындысы бойынша Төлеков Ғани Әлібекұлы Парыгино ауылдық округінде халықпен кездесулер өткізіп, Мемлекет басшысының әкімдер форумында кездесуі туралы ақпаратпен бөлісті. Осы кездесуде Мемлекет басшысы ауылдық округтер әкімдері жұмысының маңыздылығын атап өтіп, халықтың өмірін жақсартуға бағытталған бірқатар тапсырмалар берді. Мемлекет басшысының негізгі тапсырмалары:- Ауыл шаруашылығын дамытуға және фермерлік шаруашылықтарды қолдауға ерекше назар аудару; - Ауылдық аудандарда инфрақұрылымды дамыту бойынша жобаларды қаржыландыруды ұлғайту; - Инвестициялар тарту және жаңа жұмыс орындарын құру жөніндегі жұмысты күшейту; - Халыққа мемлекеттік қызмет көрсету сапасын арттыру.Ақпарат көзі : https://www.gov.kz/memleket/entities/vko-altay-parygin/press/news/details/1119474?lang=kk

      Instagram парақшасында @press_kyzmet_kgd «Мобильді аударымдарды әкімшілендіру мәселелері бойынша түсіндірме жүргізу» тақырыбында тікелей эфир өтеді.      Күні: 2025 жылғы 5 желтоқсанда.      Сағат: 14:30-де.   Спикер – Көптілеуұлы Ерсаин, ҚР ҚМ Мемлекеттік кірістер комитетінің Жеке тұлғалардың кірістерін әкімшілендіру басқармасының басшысы.   Модераторі – Сүлеймен Ұлдана Нұрланқызы, ҚР ҚМ МКК- Жұртшылықпен байланыс-хатшылық басқармасының сарапшысы.   ҚР ҚМ МКК-нің әлеуметтік желідегі ресми парақшаларына жазылып, ресми ақпаратқа ғана сеніңіз.Ақпарат көзі : https://www.gov.kz/memleket/entities/kgd/press/news/details/1119475?lang=kk

БҰҰ миссиясы құрамында қызмет ететін бөлінуді бақылау жөніндегі Қазақстан контингентінің инженерлік-саперлік тобы аумақты қауіпті заттардан тазалау бойынша ауқымды жұмыс жүргізуде. Осы жылдың сегіз айында бітімгерлер 32 жедел тапсырманы орындап, мыңнан астам қауіпті затты, оның ішінде 23 қолдан жасалған құрылғыны тауып, жойды. Бұл көрсеткіш алдыңғы ротация жұмысына қарағанда екі есе артық.Бұған дейін 14 жедел тапсырманы орындау барысында саперлер 500-ден астам қауіпті затты және 6 қолдан жасалған құрылғыны жойған болатын. Бұл қазақстандық бітімгерлер жұмысы тиімділігінің артқанын айқын көрсетеді.Инженерлік-саперлік топ командирі майор Ернар Амантайұлының айтуынша, жарылмаған оқ-дәрілердің көпшілігі елді мекендерге жақын жерде табылған және олар бейбіт тұрғындардың өмірі мен денсаулығына үлкен қауіп төндірген.– Қауіпті заттардың орналасқан жері туралы ақпарат БҰҰ қызметкерлерінен, патруль құрамынан және кейде жергілікті тұрғындардан келіп түседі, – деді ол. – Хабар түскен соң оқиға орнына шығып, бақылау жасап, заттарды жою кезінде туындайтын ықтимал қауіптерді бағалаймыз. Барлық іс-қимыл инфрақұрылымға зиян келтірмеу мақсатында жүргізіледі.Саперлерге көбінесе артиллериялық және танк снарядтарымен, танкіге және жаяу әскерге қарсы миналармен, дрондардың оқтұмсықтарымен, сондай-ақ қолдан жасалған жарылғыш құрылғылармен жұмыс істеуге тура келеді. Бұл заттардың барлығы Сирия аумағындағы қарулы қақтығыстардың салдары, және миссияның жауапкершілік аймағында олардың саны әлі де жетіп артылады.Дегенмен, қазақстандық контингенттің кәсіби жұмысы бейбіт тұрғындарға төнетін қауіп деңгейін айтарлықтай төмендетіп, БҰҰ жауапкершілік аймағында қауіпсіздікті нығайтуға ықпал етіп келеді.Ақпарат көзі : https://www.gov.kz/memleket/entities/mod/press/news/details/1119468?lang=kk

Нью-Йорк, 2025 жылғы 2-3 желтоқсан – Қазақстанның АҚШ-тағы Елшісі Магжан Ілиясов Нью-Йорк қаласына жұмыс сапарын жүзеге асырып, оның аясында Қазақстан мен Америка Құрама Штаттары арасындағы ынтымақтастықты нығайтуға бағытталған бірқатар іс-шараларға қатысты.Сапардың негізгі шарасы АҚШ-тың сараптамалық, іскер және қаржы топтарынан 40-тан астам өкілді біріктірген «Bridging Continents: Kazakhstan’s Strategic Role in West-East Trade» атты дөңгелек үстел болды. Қатысушылар сауда-экономикалық ынтымақтастықты дамыту, транзиттік дәліздерді кеңейту, аса маңызды минералдарды жеткізу және Шығыс-Батыс бағыты бойынша байланыстылықты күшейту мәселелерін талқылады.Елші Мемлекет басшысының Вашингтон қаласына жасаған сапары мен «C5+1» Саммитінің негізгі қорытындыларымен бөлісіп, екіжақты ынтымақтастықтың жаңа деңгейге көтерілгенін атап өтті. Бұл үдеріс 17 млрд. долл. асатын коммерциялық келісімдердің қол қойылуымен расталды.Америкалық сарапшылар Қазақстанды Орталық Азиядағы жетекші әрі серпінді дамып келе жатқан экономика ретінде сипаттап, елдің Орта дәлізді ілгерілетуге және тұрақты көлік-логистикалық тізбектерді қалыптастыруға қосқан үлесін жоғары бағалады. Сонымен қатар, Қазақстанның Авраам келісімдеріне қосылу туралы шешімі оң қабылданып, логистика, ауыл шаруашылығы, су технологиялары және цифрлық қызметтер салаларындағы ынтымақтастықтың жаңа мүмкіндіктерін ашып, елдің халықаралық аренадағы дипломатиялық рөлін күшейткені атап өтілді.Сапар шеңберінде Елші АҚШ-тың іскер топтарының өкілдерімен кездесіп, аса маңызды минералдарды өндіру және қайта өңдеу жобаларына америкалық бизнестің қатысу перспективаларын, сондай-ақ Қазақстанның инвестициялық ахуалының артықшылықтарын талқылады.Бағдарламаның тағы бір маңызды бөлігі «The Explorers Club» ұйымының Президенті Ричард Уизмен кездесу болды. Кездесу барысында халықаралық зерттеу бастамаларын дамыту және Қазақстанның туристік әлеуетін ілгерілету мәселелері қарастырылды.Бұдан бөлек, М.Ілиясов дипломаттар арасындағы бейбітшілік пен халықаралық тұрақтылықты нығайтуға елеулі үлес қосқан тұлғаларды марапаттауға арналған «Diwali Foundation USA» ұйымы тарапынан «Diwali Stamp – The Power of One» сыйлығымен марапатталды. Ақпарат көзі : https://www.gov.kz/memleket/entities/mfa-washington/press/news/details/1119463?lang=kk

      Бүгін прокуратура қызметкерлері Полиция департаменті және ШҚО әкімдігімен бірлесіп қаланың ойын-сауық орындарында және сауда нүктелерінде профилактикалық жұмыс жүргізді.      «Заң мен Тәртіп» тұжырымдамасына сәйкес сауда нүктелерінің қызметкерлері мен келушілерімен түнгі уақытта алкоголь өнімдерін сату тәртібін реттейтін заңнама талаптарын сақтау, сондай-ақ оны кәмелетке толмағандарға сатуға жол бермеу мәселелері бойынша профилактикалық жұмыстар өткізілді.      Жүргізілген жұмыстың мақсаты – негізгі құқықбұзушылықтардың алдын алу және қоғамдық қауіпсіздікті нығайту.      Бұдан бөлек, «Сокол» стадионында өткен граффити фестивалінің жалғасы ретінде жергілікті суретші Прокошин Максим Валерьевич алаяқтықтың, тұрмыстық зорлық-зомбылықтың және есірткі қылмыстарының профилактикасына арналған жаңа жұмыстарын ұсынды.        Визуалды бейнелер арқылы автор қырағылықтың, жауапкершіліктің және дер кезінде көмекке жүгінудің маңыздылығын ерекше атап өтті.Шығыс Қазақстан облысының прокуратурасыАқпарат көзі : https://www.gov.kz/memleket/entities/prokuratura-vko/press/news/details/1119428?lang=kk

Кишинев, 2025 жылғы 3 желтоқсан – ҚР Молдовадағы Елшісі Алмат Айдарбеков Молдова Мәдениет министрі Кристиан Жарданмен кездесу өткізді. Тараптар екіжақты мәдени-гуманитарлық ынтымақтастықтың қазіргі жағдайы мен перспективаларын талқылады.Елші Министрді лауазымға тағайындалуымен құттықтап, жауапты қызметінде табыс тіледі. Сондай-ақ Астана мен Кишинев арасындағы достық қатынастарды жан-жақты тереңдетуге деген ұстанымын атап өтті.А.Айдарбеков 2025 жылы Астанада Молдова Елшілігінің ашылуы екіжақты қатынастарды нығайтудың маңызды қадамы болғанын атап өтті.Қазақстандық дипломат Елшілік өткізетін мәдени іс-шаралар туралы айтып берді. 2023 жылы Елшілік Кишиневке Turan этно-фольклорлық тобын шақырды. Ол сондай-ақ Молдоваға үнемі гастрольдермен келетін қазақстандық шығармашылық ұжымдарға Молдова жұртшылығының қызығушылығын атап өтті: BN team Orchestra, Tynda Music, Ne Prosto Orchestra топтары және басқалар.2025 жылғы 18 қарашада Елшілік Кишиневте басты рөлді орындаушы Берік Айтжановтың қатысуымен «Ұлы Дала таңы» атты қазақстандық тарихи драманың көрсетілімін ұйымдастырды.Елші Қазақстанның мәдениет саласындағы мемлекеттік саясаттың негізгі бағыттарын таныстырып, ұлттық мәдени мұраны ілгерілетуге және мәдениетаралық өзара іс-қимылды нығайтуға бағытталған жобалар туралы ақпарат берді.Өз кезегінде Министр К.Жардан мәдениет саласындағы әріптестікті нығайтудың маңыздылығын атап өтті. Сонымен қатар, Министр шығармашылық алмасуларды қолдауға және іс-шараларды ұйымдастыруға бағытталған бірлескен бастамаларды кеңейтуге дайын екенін растады.К.Жардан сондай-ақ мәдениет инфрақұрылымын жаңғыртуға, шығармашылық ұжымдарды қолдауға, ұлттық мұраны сақтауға, халықаралық мәдени алмасуды дамытуға және мәдениетке кең қолжетімділікті қамтамасыз етуге бағытталған сала жұмысының басымдықтарын атап өтті. Ол елдің мәдени әлеуетін ілгерілетуге ықпал ететін серіктестіктерді кеңейтудің маңыздылығын атап өтті.Тараптар ынтымақтастықты одан әрі тереңдетуге және конструктивті диалогты жалғастыруға өзара мүдделілік білдірді.Ақпарат көзі : https://www.gov.kz/memleket/entities/mfa-kishinev/press/news/details/1119429?lang=kk

Вена, 2025 жылғы 5 желтоқсан – Қазақстан Республикасының Сыртқы істер министрі Ермек Көшербаев Еуропадағы қауіпсіздік және ынтымақтастық ұйымының (ЕҚЫҰ) Сыртқы істер министрлері кеңесінің 32-ші отырысына қатысты.Кездесуге қатысушылар Финляндия төрағалығының нәтижелерін қарастырды, ЕҚЫҰ өңіріндегі негізгі қауіпсіздік мәселелерін бағалап, пікір алмасты және Ұйымның институционалдық мәселелерін шешу жолдарын талқылады.Өз сөзінде Қазақстан сыртқы саяси ведомствосының басшысы Хельсинки қорытынды актісі мен Астана декларациясының мерейтойлары ЕҚЫҰ-ның негізін қалаушы қағидаттарының өзектілігін айқын көрсететінін атап өтті. Оның пікірінше, халықаралық қауымдастықтың міндеті – бұл қағидаттарды қайта қарау емес, оларды бірізді сақтауға саяси ерік-жігер таныту. Ол Ұйымның алдын алу, медиация және мониторинг салаларында бірегей құралдары бар екенін айтып, оларды тиімді пайдалануға шақырды.Е.Көшербаев қақтығыстардың орнына дипломатияны таңдау қажеттілігіне назар аударды. Ол Қазақстанның дағдарыстарды, оның ішінде Украинадағы, Таяу Шығыстағы және басқа да өңірлердегі жағдайды қоса алғанда халықаралық құқыққа негізделген дипломатиялық жолмен шешуді жақтайтынын жеткізді. Осы тұрғыда ол Әзербайжан мен Армения арасындағы Бейбітшілік декларациясына қол қойылуын, сондай-ақ Орталық Азия елдері арасындағы шекара мәселелерін шешудегі прогресті құптады.Министр Орталық Азияның жаһандық процестерге белсенді қатысатын біртұтас және конструктивті өңірге айналып келе жатқанын мәлімдеді. Сондай-ақ Ауғанстандағы тұрақтылық пен орнықты дамудың маңыздылығына ерекше назар аударды. Осыған байланысты ол Алматыда БҰҰ-ның Орталық Азия мен Ауғанстанға арналған Орнықты даму мақсаттары жөніндегі Өңірлік орталығын құрудың маңыздылығына тоқталып, бұл өңірлік ынтымақтастықты нығайтудың практикалық құралына айналатынын атап өтті.ЕҚЫҰ-ның экономика және қоршаған орта өлшеміне қатысты Министр өзара байланыстықты, жасыл экономиканы дамыту және өңірлік экологиялық тұрақтылығын арттыру бойынша күш-жігерді күшейту қажеттілігін атап өтті. Негізгі сын-тегеуріндердің қатарында Арал мен Каспий теңіздерінің тартылуы, климаттың өзгеруі, шөлейттену және су тапшылығы мәселелері аталды. Қазақстан 2026 жылғы сәуірде Астанада өтетін Өңірлік экологиялық саммитті қоса алғанда осы салалардағы шешімдерді белсенді түрде ілгерілетуді көздейді.Сонымен қоса СІМ басшысы ЕҚЫҰ-ның адами өлшемі аясында Қазақстанның адам құқықтарын, демократияны, заң үстемдігін және гендер теңдігін ілгерілетуге деген міндеттемесін растады әрі елде жүзеге асырылып жатқан ауқымды демократиялық реформалармен таныстырды.Сөз соңында ол Қазақстан қауіпсіздік саласындағы диалог пен ынтымақтастық үшін бірегей, инклюзивті платформа ретінде ЕҚЫҰ-ны нығайту үшін Швейцарияның алдағы төрағалығымен және барлық мүше мемлекеттермен белсенді түрде өзара іс-қимылды жалғастыратынына сендірді.Ақпарат көзі : https://www.gov.kz/memleket/entities/mfa-pretoria/press/news/details/1120336?lang=kk

Мадрид, 2025 жылғы 2 желтоқсан – Қазақстанның Испаниядағы Елшісі Данат Мұсаев болу елінде аккредиттелген Азия өңірі мемлекеттері дипломатиялық өкілдерінің басшылары қатысқан іс-шара аясында Корольдіктің Сыртқы істер, Еуропалық одақ және ынтымақтастық министрі Хосе Мануэль Альбареспен кездесу өткізді.Оның барысында испан сыртқы саяси ведомствосының басшысы жақын арада жарияланатын «Испанияның Азия стратегиясы» аясында Мадридтің Азия құрлығымен байланыстарды нығайтуға бейілділігін атап өтті. Аталған құжат алдағы кезеңге арналған өзара іс-қимылдың негізгі бағдарларын айқындайтын болады.Азия-Тынық мұхиты елдері елшілері тобының (ASPAC) атынан және оның төрағасы ретінде сөз сөйлеген Д. Мұсаев Корольдіктің өңір мемлекеттерімен әріптестікті тереңдетуге деген ұмтылысын құптады. Ол өңіраралық өзара байланыстылықты нығайтудың өзектілігін ерекше атап өтті. Сонымен қатар экономикалық және мәдени-гуманитарлық байланыстарды кеңейтуге жоғары қызығушылық бар екенін жеткізді. Түрлі деңгейлердегі тұрақты өзара сапарлар мен екіжақты және көпжақты алаңдарда мазмұнды диалогты қолдаудың маңызына айрықша назар аударылды.Осы тұрғыда стратегиялық сипаттағы қазақ-испан қатынастарының дәйекті дамуы атап өтіліп, екі ел арасындағы жан-жақты ынтымақтастықты одан әрі кеңейту перспективалары талқыланды.Келіссөздер қорытындысы бойынша мұндай форматтағы кездесулерді тұрақты негізде өткізу туралы уағдаластыққа қол жеткізілді.Ақпарат көзі : https://www.gov.kz/memleket/entities/mfa-madrid/press/news/details/1119444?lang=kk

EXPO халықаралық көрме орталығында ҚР Көлік министрлігінің қолдауымен «Kaztraffic-2025» XXI халықаралық көрмесі ашылды. Іс-шараның ашылуында Көлік вице-министрі Мақсат Қалиақпаров бұл алаңның ел мен өңірдің көлік саласының болашағын талқылайтын маңызды халықаралық форумға айналғанын атап өтті.Көрмеге PIARC ұйымының өкілдері, мердігерлік ұйымдар, ғылыми орталықтар, әкімдіктер, сондай-ақ Қазақстан, Ресей, Еуропа, Орталық Азия және басқа да елдердің компаниялары қатысуда. Конференция барысында жаңа технологияларды енгізу, сапа мен қауіпсіздікті арттыру, автомобиль жолдарын дамыту мәселелері қарастырылуда.Биыл «Kaztraffic-2025» Қазақстан, Қытай, Түркия, Италия, Франция, Канада, Өзбекстан және басқа мемлекеттерден 200-ден астам компанияны біріктірді. Әлемдік брендтер Орталық Азияда алғаш рет таныстырылған үлгілерді қоса алғанда, жол-құрылыс техникасының, материалдар мен жабдықтардың жаңа түрлерін ұсынды.Отандық ғылыми әзірлемелердің премьералары ерекше қызығушылық тудырды — өнеркәсіптік пайдалануға сынақтан өтіп жатқан немесе енгізуге дайын жоғары технологиялық шешімдер. Олар саланың болашақ стандарттарының бір бөлігіне айналмақ.Қазақстандық жол ғылыми-зерттеу институты жол-құрылыс материалдары мен технологияларының Бірыңғай базасын, көпір құрылыстарын басқарудың интеллектуалды жүйесін, көше-жол желісін басқару шешімдерін және сала мамандарының базасын таныстырды.Жол активтерінің ұлттық сапа орталығы жұмыстар мен материалдарды сараптауды цифрландыру жүйелерін, сынамаларға анонимді таңбалау жүргізу технологиясын, жобалық құжаттаманы сараптау платформасын, ақауларды автоматты тану жүйесін, виртуалды тренажерді және құжаттаманы бақылауды автоматтандыру шешімдерін ұсынды.«Астана Тазалық» коммуналдық компаниясы қаланың көше-жолдарын тәулік бойы автоматтандырылған тазалауға арналған жаңа экологиялық жабдықтарды көрсетті.Көрмеде ұсынылған телематикалық кешендер мен жасанды интеллект шешімдері өндірістік процестерді жеделдетуге, бақылау дәлдігін арттыруға және адами факторды төмендетуге мүмкіндік береді. Халықаралық қатысу деңгейі мен технологиялық қамтылуы бойынша «Kaztraffic-2025» соңғы жылдардағы ең инновациялық салалық алаңдардың бірі ретінде бағалануда.Ақпарат көзі : https://www.gov.kz/memleket/entities/kostanai-zhol-kolik/press/news/details/1119454?lang=kk

Масқат, 2025 жылғы 2-4 желтоқсанда - Қазақстан Республикасы мен Оман Сұлтандығы арасындағы Үкіметаралық комиссияның бірінші отырысы өтіп, онда тараптар сауда-экономикалық және мәдени-гуманитарлық салалардағы екіжақты ынтымақтастықты одан әрі нығайтуға өзара міндеттемелерін білдірді.Іс-шара Қазақстан Республикасы Сыртқы істер министрінің орынбасары Ә.Қуантыров пен Оман Сұлтандығы Сыртқы істер министрінің орынбасары Халифа Әл-Харисидің төрағалығымен өтті.Отырыс жұмысына комиссияның қазақ және оман бөліктерінің мүшелері, сондай-ақ Оман Сұлтандығының министрліктерінің, ведомстволарының және басқа да мемлекеттік басқару органдарының шақырылған басшылары мен жауапты қызметкерлері қатысты.Комиссия отырысының алдында тараптар делегациялары басшылары шағын құрамда мазмұнды келіссөздер жүргізді, онда екіжақты ынтымақтастықтың қазіргі жай-күйін және оның одан әрі қарай даму келешегін талқылады.Отырыс барысында тараптар елдер арасындағы қатынастардың келешегін атап өтіп, қол жеткізілген оң барыста дамытуға ортақ міндеттемені растады.Өткізілген талқылаулар инвестициялық және қаржылық ынтымақтастық, көлік және логистика, коммуникация және технологиялар, ауыл шаруашылығы, туризм, фармацевтика, энергетика және мәдени-гуманитарлық өзара әрекеттесу сияқты көптеген мәселелерді қамтыды.Отырыс қорытындысы бойынша үкіметаралық комиссия тараптары бірлескен Хаттамаға қол қойып, Астана қаласында келесі отырысты өткізу туралы уағдаласты.Сонымен қатар, Үкіметаралық комиссияның бірінші отырысы аясында ҚР Сыртқы істер министрінің орынбасары Ә.Қуантыровтың көлік, байланыс және ақпараттық технологиялар министрлігінің, Сауда, индустрия және инвестицияларды ілгерілету министрлігінің және Oman Investment Authority басшылығымен жұмыс кездесулері өтті.   Онда Қазақстан мен Оман арасындағы ынтымақтастықты одан әрі қарай дамыту келешегі және оны кеңейту жолдары талқыланды.Ақпарат көзі : https://www.gov.kz/memleket/entities/mfa-muscat/press/news/details/1119456?lang=kk

Қазақстан Республикасының Сыртқы істер министрі Ермек Көшербаев Еуропадағы қауіпсіздік және ынтымақтастық ұйымы Сыртқы істер министрлері кеңесінің 32-ші отырысы аясында өткен Орталық Азия және Солтүстік Еуропа елдері сыртқы саяси ведомстволар басшыларының кездесуіне қатысты.Өңірлік іс-шараға Қырғызстан, Өзбекстан, Тәжікстан, Дания, Исландия, Норвегия, Финляндия және Швеция өкілдері қатысты.Тараптар Орталық Азия мен Солтүстік Еуропа елдері арасындағы экономика, экология, көлік-логистика, білім, инновация салаларындағы ынтымақтастық мәселелерін және өңірлік серіктестікті нығайту мүмкіндіктерін талқылады.Е.Көшербаев өз сөзінде Орталық Азиядағы өңірлік интеграцияны тереңдету мәселесіне тоқталып, Солтүстік Еуропа елдерімен екіжақты және өңірлік деңгейдегі өзара тиімді ынтымақтастықты дамыту әлеуетіне назар аударды.Кездесу қорытындысы бойынша «Орталық Азия – Солтүстік Еуропа» диалогын одан әрі дамытуға дайындық расталып, тұрақты байланыстар мен ортақ мүдделерге сәйкес негізгі бағыттар бойынша тәжірибе алмасудың маңыздылығы аталып өтті. Қазақстан орнықты даму мен өңірлік тұрақтылықты қамтамасыз ету мақсатында бірлескен күш-жігердің маңызын атап, серіктестікті нығайтуға бейілді екенін білдірді.Ақпарат көзі : https://www.gov.kz/memleket/entities/mfa-geneva/press/news/details/1119822?lang=kk