1 Мамыр Қазақстан халқының бірлігі күніне орай, Көксу ауылының әкімшілігінің ұйымдастыруымен, Көксу орта мектебінде іс-шара өткізілді. Ақпарат көзі : https://www.gov.kz/memleket/entities/zhetysu-kerbulak-koksu/press/news/details/988034?lang=kk

2025 жылғы 30 сәуірде Түркістан облыстық Қоғамдық кеңесінің төрағасы Б.Жылқышиевтың төрағалығымен кезекті отырыс өтті. Күн тәртібіне сәйкес облыстық құрылыс басқармасының басшысы Жалқұл Сұлтанғали Нұрғалиұлы Түркістан қаласына ерекше мәртебе берілуіне байланысты  облыстық құрылыс басқармасының мемлекеттік саясатты жетілдіру және іске асыру жөніндегі есебі тыңдалды. Қосымша баяндаманы Қадырбеков  Керімхан Жанысұлы   Түркістан облыстық  Қоғамдық кеңесінің ауыл шаруашылығы, құрылыс және коммуналдық салалары жөніндегі комиссиясы төрағасы жасады. Сонымен қатар, ҚР Сыбайлас жемқорлыққа қарсы іс-қимыл агенттігінің Түркістан облысы бойынша департаментінің Превенция басқармасының офицері  Нұрбеков Нұрболат Молдалыұлы «Сыбайлас жемқорлық тәуекелдер картасына енгізілген ұзаққа созылған құрылыс нысандары құрылысының жай-күйі туралы» мәлімет берді. Құрылыс саласындағы мәселелер жан-жақты талқыланып, Қоғамдық кеңес мүшелерінің сұрақтарына сала басшылары жауаптар берді. Осы мәселені талқылау барысында айтылған ой-пікірлерді ескере отырып, ұсыным қабылданды. Күн тәртібіндегі басқа да 12 мәселелер  қаралып, қажетті ұсынымдар берілді.Ақпарат көзі : https://www.gov.kz/memleket/entities/maslihat-turkestan/press/news/details/988104?lang=kk

GOV.KZАқпарат көзі : https://www.gov.kz/memleket/entities/zhambyl-osh/press/news/details/988134?lang=kk

Дәстүрлі түрде 34 аптаға созылатын оқу жылы аяқталуға жақын. Еліміз бойынша биылғы оқу жылын 3,9 миллионнан астам оқушы қорытындылайды. Екі жүз он жеті мыңнан астам он бірінші сынып оқушысы мектеп бітіреді.Өткен жылдағыдай, соңғы оқу күні — 23 мамырда еліміздің барлық мектептерінде «Білімім — Отаныма» тақырыбында бірыңғай сынып сағаты өтеді. Бұл — бүкіл білім беру жүйесі үшін маңызды шара, оқушылар мен ұстаздар оқу жылын қорытындылап, ең маңызды әрі қызықты сәттерді бірге еске алады.Бірыңғай сынып сағаты оқушылардың бойында білімге ұмтылыс, патриотизм және еңбекқорлық сияқты қасиеттерді қалыптастыруға бағытталған. Балалардың оқудағы әрбір жетістігі — болашағымыздың іргетасын берік етіп қалаудың негізі.Биылғы оқу жылының ресми аяқталуы жексенбі күнімен сәйкес келгендіктен, 11-сынып түлектері үшін салтанатты шара мектеп әкімшілігінің шешімімен 23-ші немесе 24-ші мамырда өткізіледі.Сондай-ақ, барлық оқушылар үшін тең жағдай мен қауіпсіздікті қамтамасыз ету үшін мектеп форматынан тыс, сән-салтанатты іс-шаралар ұйымдастыру, ақша жинау, автокөлікпен шеруге шығу және басқа да мерекелеу түрлеріне жол берілмейтінін тағы да еске саламыз.Ақпарат көзі : https://www.gov.kz/memleket/entities/bilim-semey/press/news/details/988173?lang=kk

НАЗАР АУДАРЫҢЫЗ!🔊🔹Ұлытау облысындағы тегін түрде тіл үйрету курстары.🔹Ұлытау облысында Жезқазған және Сәтбаев қалаларында мемлекеттік тілді дамытуға бағытталған екі жетекші оқу-әдістемелік орталық – «Тілтану» және «Тіл-құрал» – өз қызметін белсенді түрде жүргізіп келеді.🔹«Тілтану» оқу-әдістемелік орталығы – Жезқазған қаласында орналасқан, директоры – Ошаганова Ақгүл Хамитовна. Орталық тіл үйрету бағытында әдістемелік материалдар әзірлеп, ересектер мен жастарға арналған курстарды ұйымдастырып отыр. Байланыс нөмірі: +7 705 443 58 98, электрондық пошта: tiltanu64@mail.kz.🔹«Тіл-құрал» оқу-әдістемелік орталығы – Сәтбаев қаласында орналасқан, директоры – Игенберлина Мадинат Балтина. Орталық мемлекеттік тілді меңгеруге арналған түрлі деңгейдегі курстарды ұсынып, әдістемелік қолдау көрсетуде. Байланыс нөмірлері: +7 71063 34140, +7 705 314 33 91, электрондық пошта: satpaev-til@mail.ru.🔹Аталған орталықтар – ана тілімізді дамыту жолында маңызды рөл атқарып отырған мекемелер.Ақпарат көзі : https://www.gov.kz/memleket/entities/ulytau-cultura-arhiv/press/news/details/988301?lang=kk

Экология және табиғи ресурстар министрі 2025 жылғы 25 сәуірдегі бұйрықпен экологиялық рұқсаттарды беру, қоршаған ортаға әсер ету туралы декларацияны ұсыну қағидаларына, сондай-ақ әсер етуге экологиялық рұқсат бланкілерінің нысандарына өзгерістер енгізді, деп жазады zakon.kz. Ережеде II санаттағы объектілер үшін әсер етуге экологиялық рұқсатты қайта ресімдеу атауы өзгерген, ұйымдық-құқықтық нысаны өзгерген, II санаттағы объектілер үшін әсер етуге экологиялық рұқсат берілген объектінің операторы қайта ұйымдастырылған немесе ауысқан жағдайларда жүзеге асырылатыны нақтыланады. II санаттағы объектілер үшін әсер етуге экологиялық рұқсатты қайта ресімдеу кезінде көрсетілетін қызметті алушылар портал арқылы көрсетілетін қызметті берушіге тізбе бойынша құжаттарды қоса бере отырып, II санаттағы әсер етуге экологиялық рұқсатты қайта ресімдеуге өтініш береді. Сондай-ақ түзетулермен әсер етуге экологиялық рұқсаттың қолданылу кезеңінде оператор жыл сайын есепті кезеңнен кейінгі екінші айдың бірінші күніне дейін осындай рұқсатты белгіленген нысан бойынша берген мемлекеттік органға қоршаған ортаны қорғау жөніндегі іс-шаралар жоспарының орындалуы туралы есеп беретіні көзделген. Бұдан басқа, қағидаларда кешенді экологиялық рұқсат беру бойынша Мемлекеттік қызмет көрсетуден бас тарту үшін негіздер жаңартылды: көрсетілетін қызметті алушы кешенді экологиялық рұқсат алу үшін ұсынған құжаттардың және (немесе) олардағы мәліметтердің анық еместігін анықтау; көрсетілетін қызметті алушы кешенді экологиялық рұқсат алу үшін ұсынған құжаттардың және (немесе) олардағы мәліметтердің ҚР экологиялық заңнамасының талаптарына және (немесе) қоршаған ортаға әсерді бағалау нәтижелері бойынша қорытындыға не қоршаған ортаға әсерді міндетті бағалауды жүргізу қажеттілігінің жоқтығы туралы қорытындыны қамтитын көзделіп отырған қызметтің әсерлерін скринингтеу нәтижелері туралы қорытындыға сәйкес келмеуі; көрсетілетін қызметті алушының Кодекстің 115-бабында көзделген тәртіппен қоршаған ортаны қорғау саласындағы уәкілетті орган айқындаған кешенді экологиялық рұқсат шарттарымен келіспеуі; "Дербес деректер және оларды қорғау туралы" Заңның 8-бабына сәйкес көрсетілетін қызметті алушының мемлекеттік қызмет көрсету үшін талап етілетін қолжетімділігі шектеулі дербес деректерге қол жеткізуге ұсынылатын келісімінің болмауы. I және II санаттағы объектілерге әсер етуге экологиялық рұқсат беруден бас тарту үшін негіздер болып табылады: өтініште және (немесе) оған қоса берілетін құжаттарда қамтылған мәліметтер анық емес болса; өтініш және (немесе) оған қоса берілетін құжаттар ҚР экологиялық заңнамасының талаптарына және (немесе) қоршаған ортаға әсерді бағалау нәтижелері бойынша қорытындыға не қоршаған ортаға әсерді міндетті бағалауды жүргізу қажеттігінің жоқтығы туралы қорытындыны қамтитын көзделіп отырған қызметтің әсерлерін скринингтеу нәтижелері туралы қорытындыға сәйкес келмесе; "Дербес деректер және оларды қорғау туралы" Заңның 8-бабына сәйкес көрсетілетін қызметті алушының мемлекеттік қызмет көрсету үшін талап етілетін қолжетімділігі шектеулі дербес деректерге қол жеткізуге ұсынылатын келісімінің болмауы. Бұйрық 2025 жылғы 30 маусымнан бастап қолданысқа енгізіледі.Ақпарат көзі : https://www.gov.kz/memleket/entities/aktobe-shalkar-bozoy/press/news/details/988366?lang=kk

 Төлеби ауданы әкімдігінің үлкен мәжіліс залында аудан активінің отырысы өтті. Жиналысқа төрағалық еткен аудан басшысы Еркеғали Әлімқұлов жаңа аппарат басшысын таныстырды.Аудан әкімі аппаратының басшысы қызметіне Өміртай Амалбек Дәркенұлы тағайындалды.Амалбек Дәркенұлы 1994 жылы дүниеге келген. Білімі жоғары. 2015 жылы Қазақ ұлттық университетін әлемдік экономика мамандығы бойынша бакалавр дәрежесінде, 2017 жылы магистратура дәрежесінде бітірген. Еңбек жолын «Петро Қазақстан» АҚ –ның кадр және құжат айналымы бойынша инспектор болып бастаған. ҚР Ұлттық экономика министрлігінде, Алматы мемлекеттік сервис және технологиялар колледжінде директордың орынбасары, Әл-Фараби атындағы ҚазҰУ-да, ұстаздық еткен. «Әлеуметтік-кәсіпкерлік корпорациясы «Түркістан» АҚ-ның «Turkistan Invest» филиалында, Түркістан облысы Жастар ресурстық орталығының басшысы, Кентау қаласы әкімі аппаратының басшысы қызметтерін атқарды. ҚР Мәдениет және ақпарат министрлігі Мәдениет комитетінің «Қазақстан Республикасы Ұлттық музейі» РМҚК директорының орынбасары қызметін атқарған. Түркістан облысы мәслихатының VII шақырылым депутаты.Аудан әкімі Еркеғали Амантайұлы аппарат басшысының қызметіне сәттілік тілеп, ауданның өркендеуі мен қоғамдық саяси тұрақтылығын қамтамасыз ету, түйінді мәселелерді анықтап, шешу жолдары жөнінде ұсыныс енгізуді тапсырды.Төлеби ауданы әкімінің баспасөз қызметіАқпарат көзі : https://www.gov.kz/memleket/entities/turkestan-tolebi-audany/press/news/details/988380?lang=kk

GOV.KZАқпарат көзі : https://www.gov.kz/memleket/entities/departament-kkbtu-akmolinsk/press/news/details/988414?lang=kk

02.05.2025 жылҚармақшы ауданының жергілікті мемлекеттік басқару органдарының мамандарының қатысуымен семинар өткізілді. Семинарда ауданның нормашығармашылық қызметінің жай-күйі талқыланып, нормативтік құқықтық актілердің жобаларын әзірлеу, құқықтық мониторинг жүргізу бойынша тиісті түсіндірме берілді.Ақпарат көзі : https://www.gov.kz/memleket/entities/adilet-kzl/press/news/details/988421?lang=kk

Жамбыл облысы кәсіпкерлер Палатасы алаңында таңғы уақытқа дейін жұмыс істейтін кәсіпкерлік нысандар бойынша «дөңгелек үстел» отырысы өтті.Келелі басқосуға Тараз қаласы әкімі аппаратының құқық қорғау органдарымен жұмыс және құқықтық қамтамасыз ету бөлімшесі, Тараз қаласы полиция басқармасының жергілікті полиция қызметі және қала әкімдігінің тиісті бөлімдері арнайы қатысты. Жиынды қала әкімінің орынбасары Ұлана Сламбекова жүргізіп отырды. Жалпы қалалық полиция басқармасы қоғамдық орындарда және көшелерде қылмыстың алдын алу мақсатында профилактикалық іс-шаралар жүргізуде.Алайда, осыған қарамастан, таңғы уақытқа дейін жұмыс істейтін кәсіпкерлік нысандарда орын алатын заңбұзушылықтар саны азаяр емес. Жиынға қатысушылар осы мәселе төңірегінде өз ойларын ортаға салып, еркін пікір алмасты. Отырысты қорытындылаған Ұлана Сламбекқызы аталған мәселе алдағы уақытта әкімдік тарапынан тұрақты бақылауда болатынын жеткізді.Ақпарат көзі : https://www.gov.kz/memleket/entities/zhambyl-taraz/press/news/details/988429?lang=kk

GOV.KZАқпарат көзі : https://www.gov.kz/memleket/entities/karaganda-karkaraly-yntaly/press/news/details/988455?lang=kk

GOV.KZАқпарат көзі : https://www.gov.kz/memleket/entities/karaganda-karkaraly-yntaly/press/news/details/988461?lang=kk

GOV.KZАқпарат көзі : https://www.gov.kz/memleket/entities/karaganda-karkaraly-yntaly/press/news/details/988485?lang=kk

GOV.KZАқпарат көзі : https://www.gov.kz/memleket/entities/kostanai-kamysty-klochkov/press/news/details/988494?lang=kk

Құрметті тараздықтар! Қазақстан халқының бірлігі күні құтты болсын!Бұл – мемлекет үшін ерекше мәні бар мағыналы мейрам.Кең байтақ жерімізде түрлі этнос өкілдері өзара келісім мен татулық аясында өмір сүріп жатыр.Биыл Қазақстан халқы Ассамблеясының құрылғанына 30 жыл толды. Осы ұйым да әуел бастан еліміздегі бейбітшілік пен татулықтың жаршысына айналды.Еңселі мерекеде ел бірлігі арта берсін деп тілек етеміз. Ұлтымыздые арман-мұраты, өмір өрнегі өнегелі сәттерден құрала бергей!Баршаңызға бақ-берекетілейміз, отбасымыз – Отанымыз аман болсынАқпарат көзі : https://www.gov.kz/memleket/entities/zhambyl-taraz/press/news/details/988541?lang=kk

2025 жылы 2 мамыр күні Маңғыстау облысының Қоғамдық кеңесінің алғашқы отырысы өтті.Маңғыстау облысының Қоғамдық кеңесінің мүшелері бірауыздан Қоғамдық кеңесінің төрағалығына Жүсіпов Бекмұрат Қыдырбайұлын сайлады.Қоғамдық кеңесінің төрағасы Жүсіпов Бекмұрат Қыдырбайұлы отырыстың күн тәртібін бекітті.Күн тәртібінде:1. Маңғыстау облысының Қоғамдық кеңесінің төрағасы сайлау туралы;2. ⁠Маңғыстау облысының Қоғамдық кеңесінің комиссияларын құру туралы;3. ⁠Маңғыстау облысының Қоғамдық кеңесінің комиссияларының төрағаларын сайлау туралы;4. ⁠Маңғыстау облысының Қоғамдық кеңесінің төралқасын сайлау туралы;5. ⁠Қоғамдық кеңестің Ережесін бекіту туралы мәселелер қаралды.Облыстық Қоғамдық кеңесте екі комиссия бекітілді.Маңғыстау облысының Қоғамдық кеңесінің экономика және бюджет мәселелері жөніндегі комиссиясының төрағасы болып Борашов Раббим Байбозұлы, әлеуметтік мәселелері жөніндегі комиссиясының төрағасы болып Тлеубаева Қаламқас Калиевна сайланды.Сонымен қатар, Қоғамдық кеңестің Ережесі бекітілді.2015 жылдың 2 қарашасында Қазақстан Республикасының «Қоғамдық кеңестер туралы» Заңы қабылданды. Осы Заң қоғамдық кеңестердің құқықтық мәртебесін, халық алдында есеп беретін мемлекет қалыптастыру жөніндегі мемлекеттік саясатты іске асыруға, барлық деңгейлердегі мемлекеттік органдардың шешімдер қабылдауына коммерциялық емес ұйымдардың, азаматтардың кеңінен қатысуын қамтамасыз етуге бағытталған қызметін қалыптастыру және ұйымдастыру тәртібін айқындайды.Ақпарат көзі : https://www.gov.kz/memleket/entities/maslihat-mangystau-oblysy/press/news/details/988578?lang=kk

 Ұлы Отан соғысындағы Жеңістің 80 жылдығын мерекелеу аясында Түркістан облысының Қорғаныс істері жөніндегі департаменті мен Білім басқармасының «Қосымша білім беруді дамыту өңірлік орталығы» бірлесіп, Төлеби ауданындағы «Бәйшешек» жазғы сауықтыру лагерінде «АЙБЫН-2025» әскери-патриоттық жиынына арналған облыстық іріктеу байқауын өткізді.Сайыстың ашылуына Түркістан облысының Қорғаныс істері жөніндегі департаментінің басшылығы, сондай-ақ ҚР Қарулы Күштері мен локальді соғыстар ардагерлерінің республикалық қоғамдық бірлестігінің өкілдері қатысты. Олар барлық қатысушыларға сәттілік тіледі.Жалпы жарысқа Түркістан облысының аудан-қалаларынан келген 17 команда құрамындағы 255 жас қатысты. Жастар турникке тартылу, шалқасынан жатып денені көтеру, әскери кросс, арқан тарту, пневматикалық мылтықтан ату, АК-74 автоматын толық емес бөлшектеу және жинақтау, сондай-ақ жалпыәскери қорғаныс жиынтығын (накидка түрінде) кию секілді жаттығулар бойынша өзара бақ сынасты.– Болашақ жауынгерлерді жастайынан әскери іске баулу, олардың бойында отансүйгіштік және қаһармандық рух қалыптастыру – барша қазақстандықтардың ортақ борышы, тікелей міндеті. Бұл дәстүрлі шарада алдыңғы жылдармен салыстырғанда нәтиже әлдеқайда жақсы болды. Сайыс барысында іріктелген 10 ұл мен 5 қыздың алдағы республикалық байқауда жоғары нәтиже көрсететініне сенемін, – деді Республикалық «Жас сарбаз» әскери-патриоттық қозғалысы Түркістан облыстық филиалының төрағасы Аружан Шекербек.Облыстық әскери-патриоттық жиынның қорытындысы бойынша І орынды Кентау қаласының командасы, ІІ орынды Сайрам ауданы, ал ІІІ орынды Арыс қаласының құрама командасы иеленді.Жеңімпаздарға арнайы марапаттар, дипломдар және медальдар табысталды. Жақын арада жеңімпаз команда маусым айында Ақтөбе облысында өтетін халықаралық кезеңде облыс намысын қорғайтын болады.Ақпарат көзі : https://www.gov.kz/memleket/entities/turkestan-tolebi-audany/press/news/details/988631?lang=kk

Қонаев даңғылы - Володарский көшелерінің қиылысы көлік қозғалысы үшін ашылды.Қонаев даңғылының жалғасын салу жұмыстары аясында Володарский көшесі мен Қонаев даңғылының қиылысында автомобиль жолы өткелінің құрылысы жүргізілуде. Осыған байланысты Володарский және Рашидов көшелері көлік қозғалысы үшін ашық екенін хабарлаймыз.2025 жылғы 2 мамырдан бастап жолдың ашылуына байланысты №6, №27, №57, №60, №84, №147 бағыттарындағы қоғамдық көлік маршруттары бұрынғы бағытымен қайта жүре бастайды.Уақытша қолайсыздықтарға түсіністік танытқандарыңыз үшін алғыс білдіреміз.Шымкент қаласы әкімінің баспасөз қызметіАқпарат көзі : https://www.gov.kz/memleket/entities/shymkent/press/news/details/988646?lang=kk

GOV.KZАқпарат көзі : https://www.gov.kz/memleket/entities/departament-kkbtu-mangistau/press/news/details/988666?lang=kk

Бүгін Түркістан қаласының әкімі Әзімбек Пазылбекұлы тұрғындарды жеке мәселелері бойынша кезекті қабылдауын өткізді.Қабылдауға келген 12 азаматтың өтініштері мен ұсыныстары жеке-жеке тыңдалып, әрбір мәселеге қатысты нақты түсіндірмелер мен жауаптар берілді. Азаматтар тарапынан заңсыз салынған нысандарды бұзу, жер телімін заңдастыру, тұрғын үй кезегі мен баспанаға қол жеткізу, тифлопедагог мамандарының жетіспеушілігі, жұмысқа орналасу, шығармашылық кеш ұйымдастыру, мемлекеттік мұқтаждыққа алынған мүліктерді реттеу, сондай-ақ мектептегі жұмыстан заңсыз босатылу сияқты әлеуметтік сипаттағы өзекті мәселелер көтерілді.Әзімбек Пазылбекұлы әрбір өтінішке мұқият назар аударып, тиісті бөлім басшыларына нақты тапсырмалар берді. Көтерілген мәселелердің бірқатары сол жерде шешімін тапса, қалғандарына қатысты заң аясында жан-жақты зерделеу жүргізіліп, тиісті шаралар қабылданатыны атап өтілді.Қала басшысы тұрғындардың өтініш-тілектеріне бейжай қарамай, оларды жүйелі түрде шешу – әкімдік қызметінің негізгі басымдықтарының бірі екенін жеткізді.Сондай-ақ, қала әкімдігі жанынан құрылған арнайы талдау топтары тұрғындар көтерген мәселелердің себеп-салдарын анықтап, олардың қайталанбауына бағытталған кешенді жоспарлар әзірлеп жатқанын мәлімдеді.Ақпарат көзі : https://www.gov.kz/memleket/entities/turkestan-kalasy/press/news/details/988712?lang=kk