2025 жылғы 26 қыркүйекте экономика және бюджеттік жоспарлау басқармасында «Ашық есік күні» өтті.           Іс-шара аясында барлық тілек білдірушілер басқарманың функциялары, міндеттері туралы білуге бірегей мүмкіндік алды. Іс-шара диалог режимінде өтті.Ақпарат көзі : https://www.gov.kz/memleket/entities/kostanai-ekonomika-zhosparlau/press/news/details/1075633?lang=kk

Қазақстан Республикасында 2023 жылғы 4 шілдеден бастап, 2021 жылғы 5 сәуірдегі Еуразиялық экономикалық комиссия кеңесінің №7 қаулысымен іске қосылған сыртқы электрондық сауда саласындағы пилоттық жоба жүзеге асырылуда.Мақсаттар мен ерекшеліктер. Жоба электрондық сауда тауарларын кедендік шекара арқылы халықаралық пошта жөнелтілімдері мен экспресс-жеткізілімдер арқылы әкелу кезінде кедендік әкімшілікті және тауарларды декларациялауды жеңілдетуге бағытталған. Оның шеңберінде электрондық сауда операторы ретінде «Қазпошта» АҚ әрекет етеді, ол тауарларды кедендік қойма (бонд қоймасы моделі) арқылы да, «тікелей» жеткізу кезінде де алушылар–жеке тұлғалар атынан кедендік декларациялауды жүзеге асырады.Нормативтік база. Пилоттық жобаны іске асыру үшін Қазақстан Республикасының «Қазақстан Республикасында кедендік реттеу туралы» Кодексіне тиісті өзгерістер енгізілді:- 45-1-тарау қосылып, электрондық сауданың тауарларын кедендік декларациялау және шығару ерекшеліктері белгіленді;- 544-бапқа өзгерістер енгізіліп, пилоттық жобаның өткізу мерзімі 2024 жылғы 31 желтоқсанға дейін шектелді.Процестің дамуы және цифрландырылуы. 2024 жылғы маусымда шеңберінде «Қазпошта» АҚ-ның (Пошталық есеп жүйесі АЖ) және мемлекеттік кірістер органдарының («АСТАНА-1» АЖ) ақпараттық жүйелері интеграцияланды. Бұл кедендік операцияларды айтарлықтай жеделдетуге және автоматтандыруға мүмкіндік берді.Пилоттық ұзарту. Жобаның оң нәтижелерін ескере отырып, оны өткізу мерзімі 2025 жылғы 10 ақпандағы № 164-VIII Қазақстан Республикасы Заңымен ұзартылды. Осы заңға сәйкес,  ЕАЭО кедендік аумағында сыртқы электрондық сауда бойынша ЕАЭО Кеден кодексі туралы Шартқа өзгерістер енгізу жөніндегі Хаттама мен Еуразиялық экономикалық комиссияның тиісті актілері күшіне енгенге дейін жалғасады.Ұзарту Қазақстанға кедендік әкімшілікті одан әрі цифрландыруға және сыртқы электрондық сауда қатысушылары үшін ыңғайлы жағдайлар жасауға мүмкіндік береді.Ақпарат көзі : https://www.gov.kz/memleket/entities/kgd-mangistau/press/news/details/966263?lang=kk

Қазақстан Республикасы Ұлттық ұланының спорт командасын даярлау орталығының әскери қызметшілері 25-30 наурыз аралығында Амманда (Иордания) өткен Азия чемпионатын сәтті аяқтады. Спортшылар жеке есепте екі медаль жеңіп алып, дайындықтың жоғары деңгейін көрсетті.Ақтық сында 86 келіге дейінгі салмақ дәрежесінде ұландық Болат Сақаев Иран өкілі Абольфазл Рахманимен кездесті. Қызу күресте қазақстандық спортшы жеңіліс тапқанмен, жеңіске деген ерік-жігерін көрсетіп, күміс медаль иеленді.Ел қоржынына тағы бір марапатты Ұлттық ұлан спорт командасын даярлау орталығының аға нұсқаушысы Азамат Дәулетбеков салды. Ол 92 келіге дейінгі салмақ дәрежесінде үшінші орынға тұрақтап, чемпионаттың құрмет тұғырына көтерілді.Қазақстандық ұландықтардың қорытынды жетістіктері:2 орын  - Болат Сақаев (86 кг дейінгі салмақ дәрежесі);3 орын  - Азамат Дәулетбеков (92 келіге дейінгі салмақ дәрежесі).Осылайша, Қазақстан құрамасы Азия чемпионатын бес жүлдемен аяқтады: бір алтын, екі күміс және екі қола.  Спортшылардың додадағы өнері тәртіп пен табандылық — ұландықтардың жауынгерлік және спорттық дайындықтағы табысының кепілі екенін тағы да дәлелдеді. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/966255?lang=kk

   2025 жылдың 31 наурызында Әділет департаментінің коммерциялық емес ұйымдарды тіркеу және тіркеу қызметі саласындағы бақылау бөлімі Қостанай қаласының "Азаматтарға арналған үкімет" Мемлекеттік корпорациясы" № 1 филиалының бөлім инспекторы үшін апостиль қоюға құжаттарды қабылдау бойынша тағылымдама өткізді. Электрондық үкімет порталы арқылы құжаттарды қабылдауды түсіндіруге ерекше назар аударылды. Қостанай облысыӘділет ДепартаментініңБаспасөз қызметі Ақпарат көзі : https://www.gov.kz/memleket/entities/adilet-kst/press/news/details/966254?lang=kk

Аддис-Абеба, 2025 жылғы 30 наурыз – Эфиопиядағы Қазақстан Елшілігінде Халықаралық Наурыз күніне арналған салтанатты шара өтті, оған Эфиопия мемлекеттік органдарының, дипломатиялық корпустың, бизнес-қоғамдастықтың, Достар клубының өкілдері және Эфиопияда тұратын Қазақстан азаматтары жиналды.Қонақтарға Наурыздың терең мағынасы мен дәстүрлерін ашатын фильм көрсетілді, сондай-ақ әуезді халық әндері, жалынды билер, домбырадағы күйлер орындалған концерт ұйымдастырылды. Ұлы қазақ композиторы Нұрғиса Тілендиевтің даланың мәңгілік сұлулығы мен қазақ халқы жанының ұлылығының гимні іспетті «Аққу» және «Бес жорға» өлмес күйлері қызығушылық тудырды.Қазақстан Елшісі Барлыбай Садықов өз сөзінде Наурыздың қоғамдағы келісім мен бірлікті нығайту, мәдениетаралық диалогты дамыту, бейбітшілік пен қауіпсіздікке, халықаралық экологиялық күн тәртібіне жәрдемдесу тұрғысынан маңыздылығын белгілеп, қонақтарды Наурызды қарсы алу тарихымен және тұжырымдамасымен таныстырды. Елші өткен жылдан бастап Наурыз Наурызнама тұжырымдамасына сәйкес он күн бойы тойланатынын, күндердің әрқайсысы ерекше мағынаға толы екенін атап өтті.Өз кезегінде Аддис-Абебадағы ЮНЕСКО байланыс бөлімшесінің директоры және Эфиопиядағы ЮНЕСКО өкілі Рита Биссунаут 2009 жылы Наурыздың ЮНЕСКО-ның адамзаттың материалдық емес мәдени мұрасының репрезентативті тізіміне енгізілгенін атап өтіп, Наурыз жай ғана мейрам емес, терең мәдени құндылықтарды бойына сіңірген жаңғыру мен жаңарудың символы екенін және Қазақстан бұл мұраны танымал ету мен сақтауға үлес қосып жатқанын атап өтті.Ұлттық ою-өрнектермен, музыкалық аспаптармен және тұрмыстық заттармен безендірілген киіз үй түрінде безендірілген «Қазақ бұрышы» қонақтарды ерекше таң қалдырды. Кештің шарықтау шегі қазақ асханасының талғампаз тағамдарының дәм татуы болды, бұл қонақтарға Қазақстанның аспаздық дәстүрлерінің байлығын сезінуге мүмкіндік берді. Қонақтар дәстүрлі қазақ тағамдарының дәмін тамашалай алды: қазы, наурыз көже, бауырсақ, қуырдақ және т.б.Наурыз барлық қатысушыларда Қазақстанның мәдениеті мен дәстүрлеріне деген шынайы қызығушылық тудырып, өшпес әсер қалдырды.  Ақпарат көзі : https://www.gov.kz/memleket/entities/mfa-addis-ababa/press/news/details/966243?lang=kk

2025 жылғы 30 наурызда Астанада «Spectrum» халықаралық мектебінің базасында беделді «INFOMATRIX-ASIA» халықаралық байқауы өтті, оған 210 инновациялық жобасы бар 9 елден 600-ге жуық қатысушы мен 100 басшы жиналды.Қатысушылар өздерінің дағдылары мен дамуын тоғыз бағытта көрсетті:AI Programming - Жасанды интеллект бағдарламалау;AI Hackathon - жасанды интеллект хакатоны;3. Computer Art - Компьютерлік өнер;4. Hardware Control - аппараттық құралдарды басқару;5. Short Movie - қысқа метражды фильмдер;6. Applied Science - қолданбалы ғылымдар;7. Arduino Hackathon - Arduino Хакатоны;8. Lego Relay Race - Лего эстафетасы;9. Startup Projects - Cтартап жобалары.Байқау ҚР Білім Министрлігінің, «Дарын» РҒПО және «БІЛІМ-ИННОВАЦИЯ» ХҚҚ қолдауымен ұйымдастырылды, бұл оның Қазақстандағы IT-білім беруді дамыту үшін маңыздылығын көрсетеді.«Arduino hackathon» номинациясы бойынша 2-ші орын алған Үлкен Нарын ауылдық лицейінің 10 – сынып оқушылары-Сташков Денис пен Бочкарев Илья үздік нәтижелер көрсетті. Оларды дарынды педагог – информатика пәнінің мұғалімі Е. К. Мурзаканов дайындады.Марапат ретінде балалар құрметті орынға ие болып қана қоймай, Алматы энергетика және телекоммуникация университетінің грантын жеңіп алды.«INFOMATRIX-ASIA» байқауы қазақстандық оқушыларды даярлаудың жоғары деңгейін тағы да көрсетті және олардың алдында ғылым мен технологиялар әлемінде жаңа көкжиектер ашты.Ақпарат көзі : https://www.gov.kz/memleket/entities/vko-bilim/press/news/details/966240?lang=kk

Каримова Перизат 6 баланың анасы өзінің Күміс алқасын төс белгісін тағып, құрметке иеленді. Ақпарат көзі : https://www.gov.kz/memleket/entities/kegen-kegen/press/news/details/966235?lang=kk

Ауыл шаруашылығы мақсатындағы жерлерді ұтымды пайдалану мақсатында егістік, шабындық жерлері жоқ ауылымыздың 60 тұрғынына 300 г егістік жерлерді беру жұмыстары жүргізілуде. Бас аяғы 10 күн ішінде 60 тұрғынның ұсыныстары орындалады.Ақпарат көзі : https://www.gov.kz/memleket/entities/kegen-kegen/press/news/details/966217?lang=kk

14 наурыз – жәй ғана күн емес, бұл – ағайынның бір-бірімен жүздесіп, үлкендерге сәлем беріп, өткенге салауат айтып, болашаққа үмітпен қарайтын күн. Бұл күні реніштер ұмытылып, барша жан кешірімділік пен мейірімділікке бөленеді. Көрісу күні тек жақсылықтармен есте қалсын! Әр үйге шаттық пен береке, әр жүрекке жылулық пен қуаныш тілейміз!Ақпарат көзі : https://www.gov.kz/memleket/entities/kegen-kegen/press/news/details/966195?lang=kk

Кеген ауылдық округі бойынша шабындық жері жоқ тұрғындардың өтініштерін қарау мақсатында жиналыс өтті.Жиналыс қортындысы бойынша жері жоқ азаматтарға пайдаланылмаған жердерді қайтару жұмсытарының нәтижесіндегі қайтарып алынған 300га жерді 5га дан үлестіріп беру қаралды. Ақпарат көзі : https://www.gov.kz/memleket/entities/kegen-kegen/press/news/details/966164?lang=kk

Жол қауіпсіздігін қамтамасыз ету мақсатында, ауылішілік автомобиль жолдарын күтіп ұстаушы мердігер мекеме есебінен жасанды жол кедергілерін және жол белгілерін орнату жұмыстары жүргізілуде.Ақпарат көзі : https://www.gov.kz/memleket/entities/mangystau-munaily-bayandy/press/news/details/966157?lang=kk

Әр жұма сайын сағат 11.00-де әкімнің жеке қабылдауы өтеді. Жеке қабылдауға алдын-ала 313-31-12 нөмірлеріне хабарласып жазыла аласыздар.Сондай - ақ, ауданымыздың аулалары мен көшелерін тазалауға, көгалдандыруға, жарықтандыруға және басқа да көптеген мәселелерге қатысты барлық сұрақтарыңызды телеграмм чатына жазыңыздар https://t.me/almalyaudany.Ақпарат көзі : https://www.gov.kz/memleket/entities/almaty-almaly/press/news/details/999825?lang=kk

Астана, 2025 жылғы 31 наурыз – Словения Президенті Наташа Пирц-Мусардың Қазақстанға ресми сапары аясында Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Словения Премьер-министрінің орынбасары – Сыртқы және еуропалық істер министрі Таня Файонмен кездесу өткізді.Тараптар Қазақстан мен Словения арасындағы ынтымақтастықты дамыту мәселелері мен келешегін талқыланды. Сауда-экономикалық байланыстарды нығайтуға және екі елдің іскерлік орталары үшін қолайлы жағдай жасауға ерекше назар аударылды.Министрлер Словения президентінің сапары аясында өтетін бизнес-форумның байланыстарды кеңейтуде маңызды қадам болатынына сенім білдірді. Осы тұста көлік және логистика, фармацевтика, жасыл энергетика, су ресурстары мен телекоммуникация салалары басым бағыттар ретінде аталып өтті.«Астана Орталық Еуропа мен Еуропалық одақтағы маңызды серіктес ретінде Люблянамен байланысты жоғары бағалайды. Көптеген мәселелер бойынша ортақ мүдделеріміз бар, атап айтқанда транзит-көліктік әлеуетімізді өзара тиімді пайдалана аламыз», – деп атап өтті М.Нұртілеу.Сыртқы саяси ведомстволар басшылары сондай-ақ көпжақты форматтағы конструктивті өзара іс-қимылды атап өтіп, өңірлік және халықаралық күн тәртібіндегі өзекті мәселелер бойынша «сағат теңестірді». Бұл бағытта Астана мен Люблянаның БҰҰ Жарғысы мен халықаралық құқық қағидаттарын сақтаудың маңыздылығы бойынша ұстанымдарының жақындығы айтылды.М.Нұртілеу Алматыда Орталық Азия мен Ауғанстан үшін БҰҰ-ның Орнықты даму мақсаттары жөніндегі өңірлік орталық құруда, сондай-ақ Қазақстан азаматтары үшін Еуропалық одақтың визалық режимін жеңілдету бойынша келіссөздерді бастауға Еурокомиссияның мандатын алуда білдірген қолдауы үшін словен тарапына алғыс білдірді.Өз кезегінде Т.Файон Словенияның Қазақстанмен өзара қызығушылық тудыратын барлық салаларда көпқырлы ынтымақтастықты дамыту жөніндегі ниетін растады.Кездесу қорытындысы бойынша тараптар екіжақты және көпжақты ынтымақтастықты одан әрі нығайту жөніндегі күш-жігер туралы уағдаласты.Ақпарат көзі : https://www.gov.kz/memleket/entities/mfa/press/news/details/966146?lang=kk

2016 жылдың 14 қаңтарында Қазақстан Республикасының Президенті Қазақстан Халық Ассамблеясының құрылған күні 1 наурызды, Қазақстанда “Алғыс айту” күні деп жариялау туралы Жарлығына қол қойған болатын.Бүгінгі салтанатты шара Қазақстан Халқы Ассамблеясының 30 жылдығы аясында ұйымдастырылды.Шараға Алматы облысының Ішкі саясат басқармасының Қоғамдық келісім және даму орталығы басшысының орынбасары Тәңірбергенова Айымжан Кәріпжанқызы қатысты.Қоғамдық келісім және даму орталығы коммуналдық мемлекетік мекемесінің Алғысымен аудан ақсақалдары мен ақ жаулықты аналарды марапаттады.Аудан әкімі Теңізбаев Нұрбақыт Молдахметұлы аудан халқын құттықтап, Алғыс хаттарын табыстады.Соңы аудандық мәдениет үйінің өнерпаздарының концертіне ұласты.#рекомендации #рек #кегенауданыАқпарат көзі : https://www.gov.kz/memleket/entities/kegen-kegen/press/news/details/966144?lang=kk

“Кеген ауылдық округі әкімінің аппараты” мемлекеттік мекемесінің қаржыландыруымен Кеген ауылындағы көше жарық шамдарының бағаналарына әр түрлі түсте жанатын диодты жарықтар орнатылуда. Өткен жылы 60 дана қойылса ағымдағы жылы тағы 60 дана қойылуда.Ақпарат көзі : https://www.gov.kz/memleket/entities/kegen-kegen/press/news/details/966133?lang=kk

2025 жылғы 28 наурызда Шығыс Қазақстан облысы Қоғамдық кеңесінің жанындағы сыбайлас жемқорлыққа қарсы іс-қимыл мәселелері жөніндегі комитеттің кезекті отырысы өтті.Іс-шараға Шығыс Қазақстан облысы Сыбайлас жемқорлыққа қарсы қызмет департаменті басшысының бірінші орынбасары А.Ашиков, аталған комитеттің жетекшісі А.Мұхтарханов, комитет мүшелері және салалық мемлекеттік органдардың басшылығы қатысты.Отырыста проблемалық нысандардың құрылысы, туризм саласындағы сыбайлас жемқорлық тәуекелдеріне сыртқы талдау нәтижелері, сондай-ақ өңірде әлеуметтік маңызы бар азық-түлік тауарларын өткізу мәселелері талқыланды.Облыстық Сыбайлас жемқорлыққа қарсы қызмет департаменті басшысының бірінші орынбасары А.Ашиков өз сөзінде Қоғамдық кеңес пен Сыбайлас жемқорлыққа қарсы қызметтің өзара әрекеттестігі сыбайлас жемқорлықпен күресте және азаматтардың өмір сүру сапасын арттыруда маңызды құралға айналғанын атап өтті. Сонымен қатар, 2024 жылы бірлескен жұмыс нәтижелері туралы егжей-тегжейлі баяндады.Жиын барысында Катан-Қарағай ауданы әкімінің орынбасары мен облыстық құрылыс басқармасы басшысының орынбасары ұзаққа созылған нысандар бойынша, оның ішінде Топқайын ауылында су құбыры желілері мен құрылыстарын қайта жаңарту, сондай-ақ Катон-Қарағай, Марқакөл және Үлкен-Нарын аудандарында дене шынықтыру-сауықтыру кешендерінің салыну барысын баяндады.Өз кезегінде, облыстық кәсіпкерлік және индустриялық-инновациялық даму басқармасы басшысының орынбасары туризм саласындағы сыбайлас жемқорлық тәуекелдерін жою бойынша жүргізіліп жатқан жұмыстар туралы хабардар етті.Өңірде әлеуметтік маңызы бар азық-түлік тауарларын өткізу мәселесі бойынша Шығыс Қазақстан облысы Сауда кәсіпкерлері ассоциациясының директоры В.Бердник пен «Ертіс» әлеуметтік-кәсіпкерлік корпорациясы» АҚ басқарма Төрағасы А.Донбаевтың ақпараты тыңдалды.Отырыс қорытындысымен мемлекеттік органдарға сыбайлас жемқорлық тәуекелдерін болдырмау және көрсетілген салаларда бақылауды күшейту бойынша нақты ұсыныстар берілді.Департамент пен Қоғамдық кеңестің бірлескен жұмысы жалғасатын болады.  #Заң_мен_тәртіп#ЗАҢменТӘРТІПАқпарат көзі : https://www.gov.kz/memleket/entities/anticorruption-vko/press/news/details/966124?lang=kk

«Қазақстанға жаһандық, әсіресе өңірлік нарықта табысты бәсекеге қабілетті, қуатты әрі технологиялық тұрғыдан прогрессивті өнеркәсіп қажет» Қасым-Жомарт ТОҚАЕВ,Қазақстан Республикасының Президенті  Мемлекет басшысының өңір экономикасына инвестициялар тарту жұмысын тиімді жүргізу жөніндегі тапсырмасын іске асыру аясында инвестициялық жобаларды жүзеге асыру бойынша жүйелі жұмыстар атқарылуда.  Қостанайда 2014 жылдан бері жұмыс істеп келе жатқан индустриялық аймақ өңір дамуының негізгі драйверіне айналды. Бұл учаске барлық қажетті дайын инфрақұрылыммен, соның ішінде магистральдық газ құбыры, су құбыры, кәріз, байланыс және электр жабдықтау желілерімен қамтамасыз етілген.Қазіргі уақытта Қостанай қаласының Индустриялық аймағында жалпы құны 97,4 млрд теңгені құрайтын 7 жоба іске қосылды, 1 000-нан астам жаңа жұмыс орны құрылды. Жобалардың басым бөлігі ауыл шаруашылығы машинасын жасау саласында жүзеге асырылуда. Жалпы сомасы 348,5 млрд теңге сомасына 3,9 мың жұмыс орнын ашуды көздейтін тағы 9 жоба әртүрлі іске асыру кезеңдерінде тұр.  Сонымен қатар, Индустриялық аймақ аумағында жаңа ірі жобаларды іске қосу және жүзеге асыру жұмыстары жүргізілуде. Мәселен, 2024 жылы металлургия өндірісі саласында «KamLitKZ» ЖШС шойын құю зауыты іске қосылды. Кәсіпорын сұр шойыннан цилиндр блоктары мен бастиектерін құюға бағытталған. Өндіріс барлық заманауи талаптарға сәйкес келеді, жоғары деңгейде автоматтандырылған және энергия тиімділігі жоғары.Жобаның құны – 78,2 млрд теңге, жылдық өндірістік қуаты – 45 мың тонна құйма, 500 жаңа жұмыс орны ашылды. Бұдан бөлек, «KamLitKZ» ЖШС металлургия кластерін дамыту аясында биыл тағы 2 жобаны іске қосуды жоспарлап отыр. Олар – жетекші көпірлердің басты берілістерін өндіру және жүк көліктеріне арналған жетекші көпір балкасын тереңдетілген локализациямен шығару. Жобалардың өндірістік қуаты – жылына 74 мың редуктор және 90 мың көпір балкасы, жалпы инвестиция көлемі – 160,5 млрд теңге, 650 жұмыс орны құрылады. Бұдан басқа, 2024 жылы машина жасау саласында «Беларус» тракторларының кабиналарын («МТЗ Қазақстан» ЖШС) және көлік құралдарының кузовтарын (жедел жәрдем, автозактар, жедел әрекет ету қызметтеріне арналған көліктер – «TEHNOPARK KZ» ЖШС) өндіру басталды. Жыл қорытындысы бойынша 250 кабина және 600 бірлік кузов шығарылды. Сондай-ақ өткен жылдан бастап теміржол жылжымалы құрамына арналған серіппелердің сериялық өндірісі жолға қойылды. Осы жобаларды жүзеге асыру нәтижесінде өндіріс көлемін ұлғайтумен қатар, жаңа тауар ассортименті пайда болуына байланысты өндірілетін өнімнің номенклатурасы кеңейіп келеді. Жергілікті билік коммуникацияларды қосу тұрғысынан әрбір инвесторға жеке тәсіл қолданады. Осылайша, 2023 жылы Индустриялық аймақ аумағында автомобиль жасау секторындағы негізгі жобалардың бірі – толық циклді KIA автокөлік зауытының құрылысы басталды. Бұл жоба өңірдің экономикалық дамуына оң әсер етіп, экспорттық әлеуетін арттыруға ықпал етеді. Жобаның жалпы инвестиция көлемі – 90 млрд теңге, жылдық өндірістік қуаты – 70 мың автокөлік, 1 500 жаңа жұмыс орны ашылады. Зауытты іске қосу 2025 жылдың екінші жартыжылдығына жоспарланған. Дүниежүзілік ірі концерн – KIA Corporation компаниясының келуімен Қазақстандағы машина жасау саласындағы кадрларды даярлау жүйесінде түбегейлі өзгеріс күтілуде. Бұл елімізде жаңа буын инженерлерін даярлауға мүмкіндік береді. Баршаға мәлім, адами капитал – бәсекеге қабілетті экономиканы қалыптастырудағы басты факторлардың бірі. Осылайша, өңірде Индустриялық аймақтардың болуы инвесторларға қолайлы жағдайлар ұсынып, инфрақұрылыммен қамтамасыз ету, көлікке қолжетімділік және басқа да артықшылықтар береді. Ал бұл өз кезегінде өңірді нақты сектордың негізгі салаларына инвестиция тарту үшін тартымды етеді. Нәтижесінде, бюджетке түсетін түсімдер, жаңа жұмыс орындарының ашылуы және экономиканың тұрақты өсімі қамтамасыз етіледі.Ақпарат көзі : https://www.gov.kz/memleket/entities/kostanay/press/news/details/966122?lang=kk

2025 жылғы 31 наурызында НҚА ашық деректер интернет-порталында (https://legalacts.egov.kz/npa/view?id=15502494) Бас Прокурордың «Қылмыстық қудалау органдарының жұмысы туралы № 1-Е есептің нысанын және оны құрастыру жөніндегі нұсқаулықты бекіту туралы» Қазақстан Республикасы Бас Прокурорының 2014 жылғы 1 қазандағы № 102 бұйрық жобасына өзгерістер енгізу туралы» бұйрығының жобасы бойынша ақпарат орналастырылды.Осы жоба «Қазақстан Республикасының кейбір заңнамалық актілеріне сот жүйесін реформалау және процестік заңнаманы жетілдіру мәселелері бойынша өзгерістер мен толықтырулар енгізу туралы» 2024 жылғы 21 қарашадағы Қазақстан Республикасының Заңын іске асыру шеңберінде әзірленді.Бұйрық жобасының жария талқылауы 10 жұмыс күні ішінде жүзеге асырылады. Ақпарат көзі : https://www.gov.kz/memleket/entities/pravstat/press/news/details/966111?lang=kk

2025 жылғы 31 наурызында НҚА ашық деректер интернет-порталында (https://legalacts.egov.kz/npa/view?id=15502693) Бас Прокурордың «Әкімшілік істерді қарау бойынша соттардың жұмысы туралы есептердің, электронды ақпараттық есепке алу құжаттарының нысандарын және оларды енгізу мен қалыптастыру жөніндегі нұсқаулықты бекіту туралы» Қазақстан Республикасы Бас Прокурорының 2021 жылғы 22 маусымдағы № 92 бұйрық жобасына өзгерістер мен толықтырулар енгізу туралы» бұйрығының жобасы бойынша ақпарат орналастырылды.Бұл жоба Қазақстан Республикасының 2024 жылғы 21 қарашадағы «Қазақстан Республикасының кейбір заңнамалық актілеріне сот жүйесін реформалау және процестік заңнаманы жетілдіру мәселелері бойынша өзгерістер мен толықтырулар енгізу туралы» Заңын іске асыру шеңберінде әзірленді.Бұйрық жобасының жария талқылауы 10 жұмыс күні ішінде жүзеге асырылады. Ақпарат көзі : https://www.gov.kz/memleket/entities/pravstat/press/news/details/966102?lang=kk

Алматыда Кеңес Одағының Батыры Әлия Молдағұлованың 100 жылдығына арналған қазақ күресінен ашық чемпионат аяқталды.Ең мықты деген балуандар турнирі Қорғаныс министрлігі Спорт комитеті – Армия орталық спорт клубының филиалында өтті.300-ден астам спортшы қатысқан жарыста Қорғаныс, Төтенше жағдайлар, Ішкі істер министрліктерінің, Мемлекеттік күзет қызметінің, Шекара қызметінің, Ұлттық қауіпсіздік комитетінің және ведомстволық оқу орындарының спортшылары чемпион атағын сарапқа салды. Оның ішінде  халықаралық дәрежедегі 11спорт шебері, 52 спорт шебері және бірнеше спорт шеберіне үміткерлер бар.Чемпионат қорытындысы бойынша командалық есепте Қорғаныс министрлігі Армия орталық спорт клубының құрамасы жеңімпаз атанды. Ал екінші орынды «Оңтүстік» өңірлік қолбасшылығының балуандары иелсенсе, Ұлттық ұлан командасы үшінші орынға табан тіреді.Қазақ күресінен өткен сайыста жеке есепте 58 келіге дейінгі салмақ дәрежесінде Бекжан Төлепов (АОСК), 60 келіге дейінгі салмақ дәрежесінде Ернұр Сүлеймен (АОСК), 66 келіге дейінгі салмақ дәрежесінде Әшім Сағындық (Мемлекеттік күзет қызметі), 74 келіге дейінгі салмақ дәрежесінде Жұмажан Қожамбеков (АОСК), 82 келіге дейінгі салмақ дәрежесінде Ахметқали Әділет (Ұлттық ұлан), 90 келіге дейінгі салмақ дәрежесінде Айдар Бескемпір («Оңтүстік» ӨңҚ), 100 келіге дейінгі салмақ дәрежесінде Құдірет Досымов (Әскери полиция бас басқармасы) және100 келіден астам салмақ дәрежесінде Ғалымжан Қырықбай (АОСК) чемпион атанды.Қорғаныс министрлігі Спорт комитетінің төрағасы – Армия орталық спорт клубының бастығы полковник Арман Әбеуов атап өткендей, турнир жеңімпаздары биылғы 12-16 тамыз аралығында әскери қызметшілер арасында қазақ күресінен Астанада өтетін әлем чемпионатында сынға түседі.Ақпарат көзі : https://www.gov.kz/memleket/entities/mod/press/news/details/966095?lang=kk